Category: ग्रामीण वार्ता

News34

गुरू गुरनुले

मुल – स्वातंत्र्यासाठी ज्या विरांनी आपल्या प्राणांचे बलिदान दिले त्यांच्या प्रति कृतज्ञता व्यक्त करण्यासाठी नेफडो परिवार मुलच्या वतीने आपली सेवा पुर्ण करुन आलेल्या वरिष्ठ माजी सैनिक सहदेवजी रामटेके, मदनजी येडट्टीवार, मारोतीजी कोकाटे, लक्ष्मणजी निकुरे, बाबा सुर यांचा सपत्नीक, माजी सैनिक पत्नी श्रीमती सुगंधाबाई खोब्रागडे, श्रीमती नलिनी मेश्राम आणि २०१७ पासून प्रत्यक्ष कृतीतुन स्वच्छतेचे महत्व पटवून देणारे स्वच्छता मित्र गौरव शामकुळे यांचा नवभारत कन्या विद्यालय मुल येथे शाल, सन्मान चिन्ह आणि रोपटे देऊन सन्मान करण्यात आला.

स्वातंत्र्यासाठी बलिदान देणाऱ्या विरांच्या स्मरणार्थ स्वातंत्र्याच्या अमृत महोत्सवाच्या निमित्ताने ७५ दिवे लावुन कार्यक्रमाची सुरुवात केली.
त्यानंतर वृक्ष पुजा, वृक्ष प्रतिज्ञा, आणि देशभक्तीपर गीत घेण्यात आले.

कार्यक्रमाचे अध्यक्षा सन्मा.तेजस्विनी नागोसे महाराष्ट्र राज्य उपाध्यक्षा तसेच प्रमुख पाहुणे श्रीकांत समर्थ पाणीपुरवठा व स्वच्छता अभियंता नगर परिषद मुल, अशोक झाडे मुख्याध्यापक नवभारत मुल, रत्नमाला भोयर नागपूर विभाग सल्लागार तथा माजी नगराध्यक्षा, गुरुदास चौधरी सहसचिव नागपूर विभाग आणि अल्का राजमलवार मुख्याध्यापिका नवभारत कन्या विद्यालय मुल तथा चंद्रपूर जिल्हा उपाध्यक्षा यांनी उपस्थितांना मार्गदर्शन केले.

मनोगतात सत्कारमूर्ती आणि त्यांच्या पत्नींनी सेवेत असतानाचे आलेले अनुभव सांगितले. कार्यक्रमाचं सूत्रसंचालन मिरा शेंडे मुल तालुका अध्यक्षा आणि कल्पना मेश्राम मुल तालुका संघटिका यांनी तर आभार प्रदर्शन किसन खोब्रागडे मुल तालुका संघटक यांनी केले.हा कार्यक्रम यशस्वी करण्यासाठी नेफडो परिवाराने परिश्रम घेतले.

याप्रसंगी तेजस्विनी नागोसे महाराष्ट्र राज्य उपाध्यक्षा, नागपूर विभाग सल्लागार रत्नमाला भोयर, रत्ना चौधरी नागपूर विभाग अध्यक्षा, ललिता मुस्कावार नागपूर विभाग उपाध्यक्षा, श्रीरंग नागोसे नागपूर विभाग उपाध्यक्ष, कविता मोहुर्ले नागपूर विभाग सचिव, गुरुदास चौधरी नागपूर विभाग सहसचिव, अल्का राजमलवार चंद्रपूर जिल्हा उपाध्यक्षा, राकेश ठाकरे चंद्रपूर जिल्हा युवा उपाध्यक्ष, बबिता गेडेकर चंद्रपूर जिल्हा संघटिका, स्मिता बांडगे चंद्रपूर जिल्हा संघटिका, मिरा शेंडे मुल तालुका अध्यक्षा, कुमुदिनी भोयर मुल तालुका युवती अध्यक्षा,राखिता नागोसे मुल तालुका युवती सचिव, मुल तालुका संघटिका नंदा शेंडे , माधुरी गुरनुले, वंदना गुरनुले,इंदु मांदाडे, कल्पना मेश्राम, शशिकला गावतुरे, सुनिता खोब्रागडे, यशवंत देवगडे,किसन खोब्रागडे सुजाता बरडे,मुल शहर सचिव नितु कटकुरवार, मुल शहर संघटीका सपना निमगडे, पर्यावरण प्रेमी शेंडे सर,मांदाडे सर,गेडेकर सर,साधना चिताडे मॅडम उपस्थित होते.

News34

भद्रावती : दि. १५ ऑगस्ट रोज मंगळवार ला स्वातंत्र्यदिनी माजी सैनिक व विरपत्नी यांनी शिवबंधन बांधीत शिवसेनेच्या ‘ शिवालय ’ ह्या मध्यवर्ती कार्यालयात शिवसेना ( उ. बा. ठा. ) पक्षात  प्रवेश केला. स्वातंत्र्यदिनाच्या शुभ पर्वावर  संपूर्ण महाराष्ट्रात  या ऐतिहासिक क्षणाची नोंद वरोरा -भद्रावती विधानसभा क्षेत्रात झाली.

याप्रसंगी देशासाठी प्राणाची आहुती देणाऱ्या शुर विरांच्या विर पत्नी आणि माजी सैनिक यांना अत्यंत सन्मानपूर्वक शिवबंधन बांधीत त्यांचा पक्ष प्रवेश सभारंभ पार पडला.

याप्रसंगी पार पडलेल्या कार्यक्रमाच्या अध्यक्षस्थानी शिवसेना ( उ. बा. ठा. ) वरोरा -भद्रावती विधानसभा क्षेत्र प्रमुख रविंद्र शिंदे यांच्यासह  शिवसेना जिल्हा महिला संघटिका तथा राणी लक्ष्मीबाई महिला रक्षणदल जिल्हाप्रमुख नर्मदा बोरेकर, जेष्ठ सामाजिक कार्यकर्त्या सुषमा शिंदे, युवा सेनापुर्व विदर्भ सचिव प्रा. निलेश  बेलखेडे, उपजिल्हाप्रमुख भास्कर ताजने, भद्रावती तालुका प्रमुख नरेंद्र पढाल, वरोरा तालुका प्रमुख दत्ता बोरेकर व वरोरा शहर प्रमुख वर्षा कुरेकर प्रामुख्याने हजर होत्या.

या ऐतिहासिक क्षणी कारगील योद्धा तथा जयहिंद फाऊंडेशनचे सल्लागार कॅप्टन विलास देठे, जेष्ठ माजी सैनिक तथा तीन युध्दात सक्रीय सहभाग घेतलेले रामचंद्र नवराते, जयहिंद फाऊंडेशनचे जिल्हाध्यक्ष तथा माजी उपसरपंच विजल तेलरांधे, माजी सैनिक  कारगील योध्दा रुपेश कुत्तरमारे,माजी सैनिक अरुण खापने, माजी सैनिक नामदेव मांडवकर, माजी सैनिक कारगील योध्दा अजीत राम, माजी सैनिक प्रमोद गावंडे, माजी सैनिक संजय बेलेकर, माजी सैनिक अरुण मत्ते, माजी सैनिक कारगील योध्दा सुरेश नाकाडे, माजी सैनिक रमेश सातेकर, माजी सैनिक मारोती जांभुळे, माजी सैनिक दिलीप गंग्रस, माजी सैनिक बीएसएफ अनिल जिवतोडे, माजी सैनिक कारगील योध्दा राकेश फूले, माजी सैनिक नमोद रामटेके, माजी सैनिक कारगील योध्दा भाऊराव मत्ते आणि  माजी सैनिक  श्रीराम कुलकर्णी यांच्यासह माजी सैनिक पत्नी द्वारका नवराते, विरपत्नी सुर्या विश्वास सावसाकडे, विरपत्नी रंजना प्रकाश घटे, विरपत्नी कमल सुरेश मत्ते ,विरपत्नी विजया अब्रहम सम्युअल, माजी सैनिक पत्नी मनिषा राकेश फूले, माजी सैनिक कन्या पुजा तिरमलवार आणि जयहिंद फाऊंडेशनच्या सहसचिव दर्शना तेलरांधे यांनी शिवसेना (उ.बा.ठा.) पक्षात प्रवेश केला.

या कार्यक्रमाचे प्रास्ताविक शिवसेना जिल्हा महिला संघटिका तथा राणी लक्ष्मीबाई महिला रक्षणदल जिल्हाप्रमुख नर्मदा बोरेकर यांनी केले. याप्रसंगी युवा सेनापुर्व विदर्भ सचिव प्रा. निलेश बेलखेडे आणि वरोरा शहर प्रमुख वर्षा कुरेकर यांनी समयोचित मार्गदर्शन केले. कार्यक्रमाचे सुत्रसंचलन भद्रावती तालुका प्रमुख नरेंद्र पढाल व आभार प्रदर्शन भद्रावती शहर घनश्याम आस्वले यांनी केले. या कार्यक्रमात खेमराज कुरेकर, ज्ञानेश्वर डूकरे, प्रशांत कारेकर, अरुण घुगल, प्रिती पोहाणे, सरला मालेकर, भावना खोब्रागडे यांच्यासह फार मोठया संख्येत शिवसैनिक व सामाजिक कार्यकर्ते बंधू -भगिनी सहभागी झाले. कोरोना योध्दा पंकज कातोरे यांचा वाढदिवस या निमित्याने साजरा करण्यात आला.

रविंद्र शिंदे यांच्या सामाजिक कार्यातून प्रेरीत होऊन पक्षप्रवेशाचा निर्णय : कॅप्टन देठे

या प्रसंगी कारगील योद्धा तथा जयहिंद फाऊंडेशनचे सल्लागार कॅप्टन विलास देठे म्हणाले की, शिवसेना (उ.बा.ठा.) वरोरा-भद्रावती विधानसभा क्षेत्र प्रमुख तथा स्व. श्रीनिवास शिंदे मेमोरियल रविंद्र शिंदे चॅरिटेबल ट्रस्टचे संस्थापक अध्यक्ष रविंद्र शिंदे यांनी कोरोना संक्रमण कालावधीत केलेले सामाजिक कार्य तसेच त्यांच्या ट्रस्टच्या माध्यमातून सुरु असलेले विविध समाजपयोगी उपक्रम यापासून प्रेरणा घेऊन आम्ही त्यांच्या सोबत  समाजाकरीता काम करण्यासाठी शिवसेना ( उ. बा. ठा. ) पक्षात प्रवेश केला.

सैन्यदलातील अनूभवाचा लाभ समाजाला करून देणार : विजय तेलरांधे

जयहिंद फाऊंडेशनचे जिल्हाध्यक्ष  विजय तेलरांधे याप्रसंगी म्हणाले की, आम्हाला सैन्यदलातील मिळालेला अनुभव समाजातील तरुण पिढीला व्हावा.

त्यांच्यात देश सेवा, स्वयंशिस्त, उत्तम आरोग्य आणि निर्व्यसनीपणा रुजविण्यासाठी शिवसेना (उ.बा.ठा.) पक्षाच्या माध्यमातून विविध उपक्रम राबविण्यासाठी आम्ही पक्ष प्रवेशाचा निर्णय घेतला आहे. सोबतच माजी सैनिक आणि विर पत्नी यांच्या परिवारीक अडीअडचणी, समस्या व मागण्या शासन व प्रशासन दरबारी रेटून त्यांना मार्गी लावण्यासाठी आम्ही हा सामुहिक निर्णय घेतल्याचे विजय तेलरांधे यांनी या प्रसंगी सांगितले.]

माजी सैनिक व विरपत्नी यांना पक्षात योग्य सन्मान मिळेल : रविंद्र शिंदे

पक्ष प्रमुख उध्दव ठाकरे यांच्या मार्गदर्शनात देशासाठी अविरत कार्य केलेल्या माजी सैनिक व त्यांच्या कुटुंबातील विरपत्नी यांना पक्षात योग्य सन्मान मिळेल . आता ही सर्व मंडळी शिवसेना (उ.बा.ठा.) पक्षाचे घटक झाले आहे.त्यांच्या अनुभावाचा पक्षाला निश्चीतच लाभ होईल. त्यांच्या समस्या, मागण्या व अडचणी मार्गी लावून त्यांना योग्य न्याय मिळविण्यासाठी आम्ही सदैव प्रामाणिक प्रयत्न करू.

अवघ्या महाराष्ट्रात वरोरा -भद्रावती विधानसभा  क्षेत्रात मोठ्या संख्येत माजी सैनिक व विरपत्नी यांचा शिवसेना (उ.बा.ठा.) मधील पक्ष प्रवेश निश्चीतच शिवसेना परीवारासाठी भूषणावह आहे. असे प्रतिपादन शिवसेना (उ.बा.ठा.) वरोरा-भद्रावती विधानसभा क्षेत्र प्रमुख रविंद्र शिंदे यांनी या प्रसंगी केले.

News34

(प्रशांत गेडाम)
नागभीड – तळोधी पोलीस स्टेशन च्या वतीने ‘माझी माती, माझा देश’ या उपक्रमाचे औचित्य साधून देशाची स्वतंत्रता व तिच्या गौरव याच्या रक्षणाकरिता बलिदान दिलेल्या वीरांच्या स्मरणार्थ शालेय विद्यार्थ्यांची 14 वर्षे आतील वयोगट व 19 वर्ष आतील वयोगट अशा दोन गटांमध्ये दोन किलोमीटर व चार किलोमीटर दौड स्पर्धेचे आयोजन करण्यात आले होते.

सदर स्पर्धेमध्ये तळोधी येथील महात्मा फुले विद्यालय, लोक विद्यालय,विश्वज्योती कॉन्व्हेंट,जवाहर नवोदय विद्यालय,गोविंदप्रभू महाविद्यालय असे पाच शाळा व महाविद्यालयातील अंदाजे 300 हुन अधिक विद्यार्थी व विद्यार्थिनींनी उस्फूर्तपणे सहभाग नोंदविला.

सदर स्पर्धेच्या प्रसंगी पोलीस स्टेशन तळोधी येथील ठाणेदार मंगेश भोयर, पोलीस उपनिरीक्षक सहदेव गोवर्धन,पोलीस उपनिरीक्षक भास्कर पिसे,अंमलदार विजय उराडे,संजय मांढरे,सरोते,सतीश नेवारे, रत्नाकर देहारे,मंगाम, सुधाकर भानारकर,बांबोडे, आत्राम,विजय वाकडे, हंसराज सिडाम, तसेच संबंधित शाळा, महाविद्यालयातील मुख्याध्यापक,शिक्षक,शिक्षत्तर कर्मचारी यांची उपस्थिती होती.

News34

चंद्रपूर – देशात शेवटची जातनिहाय जनगणना वर्ष 1931 ला झाली होती, मात्र देशाला स्वातंत्र्य मिळाल्यावर सुद्धा जातनिहाय जनगणना झाली नाही, वर्ष 1931 ला ओबीसींची आकडेवारी 54 टक्के होती.

देशातील विविध भागात ओबीसी बांधव जातनिहाय जनगणना साठी जनजागृती करीत शासनाला निवेदन देत आहे.

आज देशात स्वातंत्र्य दिवस उत्साहात साजरा होत असताना राष्ट्रीय ओबीसी महासंघाने जातनिहाय जनगणनेबाबत आगळावेगळा उपक्रम राबविला.

राष्ट्रीय ओबीसी महासंघाच्या मार्गदर्शनाखाली विद्यार्थी महासंघाचे जिल्हाध्यक्ष रवींद्र टोंगे यांच्या नेतृत्वात चंद्रपूर तालुक्यातील वेंडली व पिपरी भागात स्वातंत्र्य दिनाचा सोहळा पार पाडल्यावर ओबीसींची जातनिहाय जनगणना करावी यासाठी जनजागृती उपक्रम राबविण्यात आला.

या आगळ्यावेगळ्या उपक्रमाची चर्चा आज संपूर्ण गावात सुरू होती, या उपक्रमात दीपक पिंपलशेंडे, सुमित देवाळकर, विशाल धाबेकर, राहुल चालूरकर, सूरज देवाळकर, वैभव क्षीरसागर, श्रीकृष्ण देवाळकर, संजय देवाळकर व शुभम दुरूटकर यांची उपस्थिती होती.

News34 गुरू गुरनुले

मूल – 15 ऑगस्टला स्वातंत्र्यदीनाचे औचित्य साधुन चंद्रपूर जिल्हा मध्यवर्ती सहकारी बँकेचे अध्यक्ष व माजी जी.प.अध्यक्ष यांचे नेतृत्वात बांधण्यात आलेल्या विविध कार्यकारी सहकारी संस्था मुलचे कार्यालय नवीन इमारतीमध्ये स्थानांतर करुन लोकार्पण समारंभ घेण्यात आला.

याप्रसंगी उद्घघाटक म्हणून कृषी उत्पन्न बाजार समिती मुलचे सभापती मा. राकेशभाऊ रत्नावार यांचे हस्ते
करण्यात आले.

याप्रसंगी उपसभापती राजेंदभाऊ कन्नमवार माजी सभापती व माजी काँग्रेस तालुका अध्यक्ष घनशामभाऊ येनुरकर, मुल तालुका काँग्रेस अध्यक्ष गुरुभाऊ गुरनुले, वी.वी.कार्यकारी सह.संस्थेचे अध्यक्ष संदिप कारमवार, उपाध्यक्ष अरविंद बोरुले, बाजार समितीचे संचालक किशोरभाऊ घडसे, सुमित आरेकर, क्रेडिट सोसायटीचे अध्यक्ष धनंजय चिंतावार, संचालिका सौ चंदाताई कामडी व शेतकरी, काँग्रेस महिला कार्यकर्त्या यांचे उपस्थित पार पडला.

नवीन कार्यालयात प्रथम आगमनानिमित्य व संस्थेचे संचालक म्हणून मुल बाजार समितीचे सभापती श्री राकेशभाऊ रत्नावार व उपसभापती राजेंदभाऊ कन्नमवार यांचा संस्थेच्या वतीने पुष्प गुच्छ शाल श्रीफळ देऊन सत्कार करण्यात आला.

यानिमित्त सभापती राकेश रत्नावार,उपसभापती राजेंद्र कन्नमवार यांनी मनोगत व्यक्त करुन संस्थेच्या प्रगतीसाठी शुभेच्छा दिल्यात. कार्यक्रमाचे संचालन अध्यक्ष संदीप कारमवार यांनी केले तर उपस्थितांचे आभार व्यवस्थापक संजय बद्देलवार यांनी मानले.

News34

बल्लारपूर : चंद्रपूर वरून आईल वाहतूक करणारा टँकर बल्लारपूर कडे जात होता. वाहन भरधाव वेगाने जात असताना विसापूर गावाच्या हद्दीत भिवकुंड जवळ अनियंत्रित होऊन वाहन पलटी झाले.यामुळे या मार्गावरील वाहतूक काही काळ खोळंबली होती.

ही घटना सोमवारी सकाळी ७ वाजता दरम्यान चंद्रपूर – बल्लारपूर घडली.पावसाळी वातावरण असल्यामुळे सुदैवाने मोठी दुर्घटना घडली नाही.

चंद्रपूर येथून डांबर आईल भरून टँकर क्रमांक एम.एच.34- ए 1398 बल्लारपूर कडे जात होता. दरम्यान भिवकुंड जवळील नाल्याच्या वळणावर वाहन चालकाच्या निष्काळजीपणाने अनियंत्रित होऊन वाहन दुभाजकावर आदडले. टँकर पलटी होऊन रस्त्यावर आईल सर्वत्र पसरले.

यामुळे बल्लारपूर – चंद्रपूर मार्गांवरील वाहतूक काही काळ खोळंबली होती. या अपघातात वाहन चालक व वाहकाला किरकोळ दुःखापत झाली.

अपघाताची माहिती बल्लारपूर पोलिसांना देण्यात आली. पोलिसांनी घटनास्थळ गाठून अग्निशमन दलाला पाचरण करून मार्ग स्वछ करून वाहतूक सुरळीत केली.आज सकाळपासून पावसाळी वातावरण असल्यामुळे टँकर मधील आईलने पेट घेतला नाही.परिणामी मोठी दुर्घटना टळली. टँकर चालकाला झोपेची डुलकी आल्यामुळे वाहनावरील नियंत्रण गेल्याची चर्चा आहे.