Self Defense राजुरा – 6 फेब्रुवारी पासून भारत राष्ट्र समितीतर्फे राजुरा विधानसभा क्षेत्रात मिशन एक हात मदतीचा हा उपक्रम सुरू करण्यात आला आहे.
आजच्या परिस्थिती मध्ये मुलींनी स्वरक्षणाचे धडे घेण्याची गरज आहे, त्या निमित्ताने भारत राष्ट्र समितीचे नेते भूषण फुसे यांनी या उपक्रमात पुढाकार घेतला असून महाविद्यालयातील व शाळेतील मुलींना स्वरक्षणाचे म्हणजेच निःशुल्क कराटे प्रशिक्षण देण्यात येणार आहे.
14 ऑगस्टला अनुकंपा धारकांचे मनपा समोर आमरण उपोषण
Self defense या उपक्रमाचे प्रशिक्षक सेऩसाई ब्लॅक बेल्ट फर्स्ट डॉन कुंदन पेंदोर सर आहेत. सध्या हा उपक्रम गोंडपीपरी मध्ये सुरू करण्यात आला असून लवकरच राजुरा विधानसभा क्षेत्रात सुरू करण्यात येणार आहे.
देशात व राज्यात महिला असुरक्षित असल्याचे प्रमाण खूप जास्त आहे, त्याकरिता महिला व मुलींना आत्म रक्षणाचे धडे गिरविणे महत्वाचे आहे, ग्रामीण ते शहर हे प्रमाण सध्या सतत वाढत आहे, हे कुठेतरी थांबायला हवे, जोपर्यंत महिला स्वतःची रक्षा करण्याबाबत जागरूक होणार नाही तोपर्यंत विकृत मानसिकता वाली विक्रुती वाढत जाणार त्याकरिता महिलांनी सदर शिबिराचा लाभ घ्यावा असे आवाहन आयोजकांनी केले आहे.
भारत राष्ट्र समितीने महिला व मुलींच्या हितासाठी घेतलेला निर्णय कौतुकास्पद आहे, त्यांनी आपले कार्य असेच निरंतर सुरू ठेवावे म्हणजेच गरजू मुलींना याचा लाभ नक्कीच मिळणार. न घाबरता महिला व मुलींनी समाजातील विकृतीचा धाडसपणे सामना करावा अशी इच्छा आयोजकांनी यावेळी व्यक्त केली आहे., करीता महिला व मुलींनी या निःशुल्क शिबिराचा लाभ घ्यायला हवा. असे आवाहन आयोजकांनी केले आहे.
Leave a Reply