Blog

local crime branch successful operation | 🔍 वरोरा-भद्रावती घरफोड्यांचा उलगडा, चंद्रपूर गुन्हे शाखेची कामगिरी
local crime branch successful operation

local crime branch successful operation : चंद्रपूर: दिनांक १७ सप्टेंबर, २०२५ – स्थानिक गुन्हे शाखा, चंद्रपूर पथकाने रामनगर पोलीस स्टेशन हद्दीत गस्त घालत असताना, एका गुप्त माहितीच्या आधारे मोठी कारवाई केली. चोरीचा माल विकण्यासाठी एक व्यक्ती निमवाटिका, रयतवारी कॉलनी येथे येणार असल्याची माहिती मिळाल्यानंतर पोलिसांनी सापळा रचून आरोपीला ताब्यात घेतले.

दुर्गापूर पोलीस स्टेशनचे कर्मचारी न्यायाच्या प्रतीक्षेत

अटकेनंतर, आरोपीच्या अंगझडतीत सोन्या-चांदीचे दागिने आणि रोख रक्कम असा मुद्देमाल सापडला. अधिक चौकशीत त्याने वरोरा आणि भद्रावती येथे घरफोडी केल्याचे कबूल केले. या प्रकरणात एकूण ८६,२७० रुपयांचा मुद्देमाल जप्त करण्यात आला. Police arrest in Chandrapur theft racket raid

उघडकीस आलेले गुन्हे:
- वरोरा पोलीस स्टेशन: गुन्हे क्र. ५७४/२५ आणि ४१७/२५
- भद्रावती पोलीस स्टेशन: गुन्हा क्र. २२०/२५
या गुन्ह्यांमध्ये वापरण्यात आलेले कलम ३०५(अ), ३३१(३), ३३१(४) BNS २०२३ आहेत.

अटक करण्यात आलेले आरोपी:
1. रामण्णा दशरथ दांडेकर (वय २९, रा. राजीव गांधी वॉर्ड, वरोरा, जि. चंद्रपूर)
2. अरुण लिलाधर साहा (वय ३२, मूळ रा. सीतामढी, बिहार; सध्या रा. अष्टभुजा वॉर्ड, चंद्रपूर)
या प्रकरणात अरविंद सातपुते (रा. वरोरा) आणि अर्जुन दांडेकर (रा. ब्रम्हपुरी) हे दोन आरोपी फरार आहेत.

जप्त केलेला मुद्देमाल आणि आरोपींना पुढील कायदेशीर कार्यवाहीसाठी वरोरा पोलीस स्टेशनच्या तपास अधिकाऱ्यांच्या ताब्यात देण्यात आले आहे.

ही यशस्वी कामगिरी स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात पोउपनि संतोष निंभोरकर आणि सर्वेश बेलसरे यांच्या नेतृत्वाखालील पथकाने केली. या पथकात पोहवा नितीन साळवे, नितिन कुरेकार, प्रमोद कोटनाके, चापोहवा गजानन मडावी, पो. अ. अमोल सावे आणि प्रसाद धुळगंडे यांनी केली.
local crime branch successful operation
अटक करण्यात आलेले आरोपी:
September 17, 2025
Construction worker death by electric shock | मूल तालुक्यात भीषण अपघात – दोन बांधकाम मजुरांचा करंट लागून मृत्यू ⚡
Construction worker death by electric shock

Construction worker death by electric shock : चंद्रपूर १७ सप्टेंबर २०२५ – मूल तालुक्यातील जुनासुर्ला येथे बुधवारी (दि. १७) सकाळी घडलेल्या भीषण घटनेत दोन बांधकाम मजुरांचा करंट लागून मृत्यू झाला. या अपघातामुळे गावात हळहळ व्यक्त केली जात असून, महावितरणच्या दुर्लक्षामुळेच हा प्रकार घडल्याची चर्चा सर्वत्र आहे.

चंद्रपुरात क्लोरीन गॅस गळती, मोठी दुर्घटना टळली

दिलीप पांडुरंग गिरडकर यांच्या घराचे बांधकाम सुरू असून, या कामासाठी नवेगाव भु. येथील बांधकाम मिस्त्री व मजूर कार्यरत होते. सकाळी सुमारे ९ वाजता सर्व मजूर नेहमीप्रमाणे कामाला लागले. दरम्यान, स्लॅबवरील रेलिंगचे काम सुरू असताना लोखंडी सळई वर चढवली जात होती. अचानक सळईचा एक टोक जिवंत विद्युत तारेला स्पर्श झाल्याने भीषण अपघात घडला.

या अपघातात मिस्त्री विनोद मुकुंदा बोरकुटे (४६) व हरिदास शशिकांत चुदरी (३४, दोन्ही रा. नवेगाव भु.) यांचा जागीच मृत्यू झाला. या घटनेची माहिती मिळताच मूल पोलिस घटनास्थळी दाखल झाले असून, पंचनामा करून मृतदेह शवविच्छेदनासाठी पाठविण्यात आले आहेत. अचानक झालेल्या या अपघाती मृत्यूमुळे दोन्ही कुटुंबीयांवर दुःखाचा डोंगर कोसळला आहे. Mahavitaran power line accident news

महावितरणचे दुर्लक्ष

घरमालकाने बांधकाम सुरू करण्यापूर्वी महावितरणकडे निवेदन देत घराजवळील विद्युततारा बाजूला करण्याची मागणी केली होती. मात्र या निवेदनाकडे महावितरणने दुर्लक्ष केल्यामुळेच हा अपघात झाल्याची गावकऱ्यांमध्ये चर्चा आहे. या प्रकरणाची सखोल चौकशी करून संबंधित अधिकाऱ्यांवर सदोष मनुष्यवधाचा गुन्हा दाखल करण्याची मागणी ग्रामस्थांनी केली आहे.
Construction worker death by electric shock
महावितरणचे दुर्लक्ष
September 17, 2025
Sewage treatment plant gas leak Chandrapur | चंद्रपुरात सांडपाणी प्रकल्पातून क्लोरीन गळती; नागरिकांचे स्थलांतर, मोठी दुर्घटना टळली
Sewage treatment plant gas leak Chandrapur

Sewage treatment plant gas leak Chandrapur : चंद्रपूर १७ सप्टेंबर २०२५ – चंद्रपूर महानगरपालिकेच्या सिव्हरेज सांडपाणी प्रक्रिया संयंत्र (सिव्हरेज ट्रीटमेंट प्लांट) मधून सायंकाळी ६ वाजेदरम्यान क्लोरीन गॅस ची गळती झाल्याने एकच खळबळ उडाली. चंद्रपूर शहरातील रहमतनगर परिसरात असलेल्या सांडपाणी प्रक्रिया प्रकल्पातून क्लोरीन गळती मुळे प्रशासनाने परिसर खाली करीत नागरिकांना महानगरपालिका शाळेत हलविले. वेळेच्या आत परिस्थितीवर नियंत्रण मिळाल्याने मोठी घटना टळली.

चंद्रपुरातील ह्या पोलीस निरीक्षकाच्या त्रासाने कंटाळले पोलीस कर्मचारी

सांडपाणी प्रक्रिया प्रकल्पातून चंद्रपूर औष्णिक वीज प्रकल्पाला पाणी पुरवठा केला जातो. सांडपाणी प्रकल्प हा चंद्रपूर मनपा चा आहे मात्र सध्या यावर संपूर्ण नियंत्रण औष्णिक वीज केंद्राचे आहे, क्लोरीन गळती मुळे परिसरातील नागरिकांना श्वास घेण्यासाठी त्रास जाणवू लागला होता, अचानक उदभवलेल्या या परिस्थितीमुळे अनेक महिला बेशुद्ध पडल्या. या घटनेमुळे परिसरात भीतीचे वातावरण पसरले आहे. Chandrapur chlorine gas leak news

चंद्रपूर मनपाच्या नवनियुक्त प्रभारी आयुक्त विद्या गायकवाड यांनी अग्निशमन, आपत्ती व्यवस्थापन विभागाला पाचारण केले व परिस्थितीवर नियंत्रण आणले. 60 ते 70 घरातील लोकांना किदवाई शाळेत तसेच इतर महानगरपालिकेच्या शाळेत स्थलांतरित करण्यात आलेले आहे परिस्थिती नियंत्रणात आहे अशी माहिती आयुक्त गायकवाड यांनी दिली. सोबतच अशी घटना पुन्हा होऊ नये याकरिता महाजेनको सोबत बैठक घेणार असल्याचे आयुक्त गायकवाड यांनी सांगितले. Emergency response chlorine leak Chandrapur

चंद्रपूर शहराबाहेरील असलेल्या या सांडपाणी प्रक्रिया प्रकल्पाची एकूण क्षमता हि दररोज २५ दशलक्ष लिटर इतकी आहे.

खासदार यांनी केली चौकशीची मागणी

चंद्रपुरातील जल शुद्धीकरण केंद्रातून आज क्लोरीन गॅस गळती झालेल्या घटनेची चंद्रपूर मनपा व जिल्हा प्रशासनाने या प्रकरणी गंभीर दखल घेत यामागील चौकशी करावी असे निर्देश खासदार प्रतिभा धानोरकर यांनी दिले आहे. या घटनेमुळे मोठी दुर्घटना टळली पण पुन्हा अशी चूक होता कामा नये याकरिता यामागील पूर्ण चौकशी करण्यात यावी अशी मागणी खासदार धानोरकर यांनी केली आहे.

आमदाराची तत्परता

रहमत नगर येथील सिव्हरेज ट्रीटमेंट प्लांट मधून क्लोरीन गॅस लिकेज झाल्याने नागरिकांना उलटीचा आणि श्वसनाचा त्रास झाला होता. याची माहिती मिळताच आमदार किशोर जोरगेवार यांनी अधिकाऱ्यांसह प्लांटची पाहणी केली. आमदार जोरगेवार यांच्या सूचनेनंतर सदर लिकेज बंद करण्यात आले असून सावधगिरी म्हणून येथील नागरिकांना इतरत्र हलविण्यात आले आहे. स्थिती नियंत्रणात असून नागरिकांनी घाबरण्याची गरज नसल्याचे आवाहन आमदार किशोर जोरगेवार यांनी केले. यावेळी उपविभागीय अधिकारी संजय पवार, मनपाच्या प्रभारी आयुक्त आयुक्त वर्षा गायकवाड, शहर पोलिस ठाण्याचे ठाणेदार रामटेके उपस्थित होते. Sewage treatment plant gas leak Chandrapur

रहमत नगर येथे चंद्रपूर महानगरपालिकेचा सिव्हरेज ट्रीटमेंट प्लांट आहे. सदर प्लांटमधून क्लोरीन गॅस लिकेज झाल्याची घटना आज (बुधवार) सायंकाळी साडेसहा वाजण्याच्या सुमारास घडली. गॅस गळतीमुळे परिसरातील अनेक नागरिकांना उलटी व श्वसनाचा त्रास सुरू झाला. याची माहिती मिळताच आमदार किशोर जोरगेवार यांनी अधिकार्यांसह घटनास्थळी भेट दिली. यावेळी तातडीने गळती बंद करण्यात आली असून जवळपासच्या नागरिकांना किदवई हायस्कूल येथे हलविण्यात आले आहे.सध्या परिस्थिती नियंत्रणात असून नागरिकांनी घाबरण्याची आवश्यकता नसल्याचे आमदार किशोर जोरगेवार यांनी स्पष्ट केले आहे.
Sewage treatment plant gas leak Chandrapur
खासदार यांनी केली चौकशीची मागणी
आमदाराची तत्परता
September 17, 2025
Vidya Gaikwad Chandrapur Municipal Commissioner । चंद्रपूर महानगरपालिकेत विद्या गायकवाड आयुक्त म्हणून रुजू

Vidya Gaikwad Chandrapur Municipal Commissioner

Vidya Gaikwad Chandrapur Municipal Commissioner : चंद्रपूर 17 सप्टेंबर (News३४) – चंद्रपूर महानगरपालिकेच्या आयुक्त म्हणुन श्रीमती विद्या गायकवाड रुजू झाल्या असुन बुधवार 17 सप्टेंबर रोजी त्यांनी आपला कार्यभार स्वीकारला.

दुर्गापुर पोलीस निरीक्षकांचा वादग्रस्त कारभार

मनपाचे अतिरिक्त आयुक्त चंदन पाटील, उपायुक्त मंगेश खवले,उपायुक्त संदीप चिद्रवार यांनी पुष्पगुच्छ देऊन त्यांचे स्वागत केले. चंद्रपूर महानगरपालिकेचे आयुक्त श्री. विपीन पालीवाल हे वैद्यकीय कारणाने रजेवर असल्याने नगर परिषद प्रशासन विभागाच्या जिल्हा सहआयुक्त म्हणुन कार्यरत असणाऱ्या श्रीमती विद्या गायकवाड यांना चंद्रपूर मनपा प्रशासनाचे आयुक्त म्हणुन अतिरिक्त प्रभार सोपविण्यात आला आहे.

गतिमान प्रशासन होणार

मनपाच्या स्थायी समिती सभागृहात झालेल्या कार्यक्रमात त्यांनी मनपाच्या सर्व विभागाच्या अधिकारी कर्मचारी यांचे सहकार्य अपेक्षित असल्याचे सांगितले. कामे ही निश्चित वेळेतच व्हायला हवी याबाबत आपण आग्रही असुन गतिमान प्रशासनाच्या दृष्टीने कार्य करणार असल्याचे त्यांनी सांगितले. याप्रसंगी मनपाचे सर्व विभागप्रमुख,अधिकारी कर्मचारी उपस्थीत होते.

September 17, 2025
Police Inspector abusive behavior against staff । दुर्गापूर पोलिस निरीक्षकाचा वादग्रस्त कारभार, पोलिस कर्मचाऱ्यांचा आवाज दाबला जातोय का?
Police Inspector abusive behavior against staff

Police Inspector abusive behavior against staff : चंद्रपूर – १७ सप्टेंबर २०२५ – चंद्रपूर जिल्हा पोलीस दलात आजवर अनेक चांगले अधिकारी आले मात्र गेल्या काही वर्षांपासून पोलीस दलात वादग्रस्त अधिकाऱ्यांचा बोलबाला सुरु आहे आणि अजूनही तसाच आहे. मात्र अधिकारी कितीही वादग्रस्त असला तरीही वरिष्ठ कारवाईच्या नावावर त्यांची पाठराखण करताना दिसतात. असाच एक पोलीस अधिकारी कोरपना ते नियंत्रण कक्ष, वेल्फेअर व आता दुर्गापूर पोलीस स्टेशनची कमान सांभाळत आहे. पोलीस निरीक्षक संदीप एकाडे यांचं नाव आपण ऐकलं असेलंच कारण कोरपना पोलीस स्टेशनमध्ये असताना त्यांनी आपल्या गायन शैलीतून एका युवकाला अमानुषपणे मारहाण केली होती. आज तेच अधिकारी आपल्या कर्मचाऱ्यांबाबत शिवीगाळ व आक्षेपार्ह वक्तव्य करीत आहे. Chandrapur Police Inspector Controversy

चंद्रपूर जिल्हा परिषदेच्या अभियंत्यांची ओली पार्टी, जिल्हा परिषदेचे चौकशीचे आदेश

पोलीस निरीक्षक संदीप एकाडे हे कोरपना पोलीस स्टेशनमध्ये असताना एका प्रकरणी युवकाला त्यांनी बेदम मारहाण केली होती, याबाबत पीडित युवकाने ऑडिओ रेकॉर्डिंग केल्याने एकाडे यांचं बिंग फुटलं, आणि तत्कालीन पोलीस अधीक्षक रवींद्र परदेशी यांनी त्यांना पोलीस कंट्रोल रूम ला स्थलांतर केले. पोलीस अधीक्षक परदेशी यांची बदली झाल्यावर त्यांच्या जागी मुमक्का सुदर्शन चंद्रपुरात दाखल झाले. काही महिने एकाडे यांनी आपला कार्यकाळ जसातसा काढला, दुर्गापूर पोलीस स्टेशनमध्ये तत्कालीन पोलीस निरीक्षक लता वाढीवे यांच्यानंतर पोलीस निरीक्षक राऊत यांचा कार्यकाळ शांततेत गेला. मात्र काही दिवसांनी दुर्गापूर पोलीस स्टेशनची शांतता भंग होणार होती हे कर्मचाऱ्यांनाही कधी वाटलं नाही. Police Inspector abusive behavior against staff

वरिष्ठांना तक्रार

दुर्गापूर पोलीस निरीक्षक पदी संदीप एकाडे यांची वर्णी लागली, काही महिने ते शांत राहत कारभार समजून घेत त्यांनी आपला दशावतार दाखविणे सुरु केले, पोलीस कर्मचाऱ्यांना शिवीगाळ स्वरूपात बोलणे, महिला कर्मचाऱ्यांना हीन पद्धतीने वागणूक देणे असे प्रकार एकाडे यांनी सुरु केले, मात्र कर्मचारी त्यांच्या त्रासाला कंटाळले, आणि थेट याबाबत वरिष्ठांना तक्रार केली.

तक्रार प्राप्त झाल्यावर वरिष्ठ अधिकाऱ्यांनी कान उघाडणी करीत पोलीस कर्मचाऱ्यांचे बयाण नोंदविले, मात्र त्रास इथे संपला नाही, ज्यांनी पोलीस निरीक्षक एकाडे यांच्याविरुद्ध तक्रार करीत बयाण नोंदविले त्यांची ज्याठिकाणी गरज नाही तिथे ड्युटी लावणे सुरु केले. माझ्याविरोधात तक्रार देता काय थांबा तुम्हाला दाखवितो असा मनात निर्धार करीत एकाडे यांचे हेकडे सुरु झाले. पोलीस कर्मचारी यांचे बयान झाल्यावर सुद्धा वरिष्ठ अधिकारी यांनी कसलीही कारवाई न करता एकाडे यांची पाठराखण करणे सुरु केले आहे. दररोज पोलीस स्टेशनमध्ये विविध तक्रारी दाखल होतात, त्या तक्रारीची शहानिशा करीत गुन्हा दाखल करणे अश्या विविध प्रक्रिया पोलीस कर्मचारी पार पाडतात मात्र आपलं कर्तव्य निभावल्यावर त्यांना वरिष्ठांकडून असा त्रास दिला जात आहे. Police misconduct complaints

पोलीस कर्मचाऱ्यांना त्रास देणाऱ्या पोलीस निरीक्षकांवर कारवाई करावी अशी चर्चा आता कर्मचाऱ्यांमध्ये चांगलीच रंगली आहे. पोलीस अधीक्षक मुमक्का सुदर्शन यांनी पोलीस कर्मचाऱ्यांना त्रास देणाऱ्या पोलीस अधिकाऱ्यांवर तात्काळ कारवाई करावी अशी मागणी आता जोर धरू लागली आहे. तक्रार झाली, बयाण नोंदविले तरीही वरिष्ठ, पोलीस निरीक्षकांची पाठराखण करतात हा प्रकार अत्यंत चुकीचा आहे, सामान्य नागरिकांना न्याय मिळवून देणाऱ्या पोलीस कर्मचाऱ्यांवर अन्यायाची मालिका सुरु झाल्याने त्यांना न्याय कोण देणार असा प्रश्न चंद्रपूर पोलीस विभागापुढे उपस्थित झाला आहे.
Police Inspector abusive behavior against staff
वरिष्ठांना तक्रार
September 17, 2025
MP Dhanorkar demands IAS posting cmc chandrapur | खासदार प्रतिभा धानोरकरांची मागणी – चंद्रपूर महापालिकेसाठी IAS अधिकारी आवश्यक
Mp Dhanorkar demands IAS posting cmc chandrapur

Mp Dhanorkar demands IAS posting cmc chandrapur : चंद्रपूर 17 सप्टेंबर 2025 – भ्रष्टाचाराने बरबटलेल्या आणि ड दर्जाची महानगरपालिका म्हणून ओळखल्या जाणाऱ्या चंद्रपूर शहर महानगरपालिकेची अवस्था सुधारण्यासाठी तातडीने उपाययोजना करण्याची मागणी खासदार प्रतिभा धानोरकर यांनी राज्याचे मुख्यमंत्री देवेंद्र फडणवीस यांच्याकडे केली आहे. लोकहिताच्या दृष्टीने या महानगरपालिकेच्या आयुक्त पदावर एका कर्तव्यदक्ष भारतीय प्रशासकीय सेवा (IAS) अधिकाऱ्याची नियुक्ती करावी, अशी आग्रही विनंती त्यांनी मुख्यमंत्र्यांना केली आहे. Pratibha Dhanorkar IAS officer request

अभियंता ओली पार्टी प्रकरण, जिल्हा परिषदेने दिले चौकशीचे आदेश

चंद्रपूर महानगरपालिका ही सध्या शिस्त आणि कार्यक्षमतेच्या बाबतीत खूपच मागे पडली आहे. नागरिकांच्या मूलभूत सुविधांबाबत मोठ्या प्रमाणावर तक्रारी येत आहेत, आणि अनेक विकासकामे कागदोपत्रीच दिसत आहेत. कामांच्या निविदा प्रक्रियेत अनियमितता, प्रशासकीय दिरंगाई आणि गैरव्यवहाराच्या तक्रारींमुळे नागरिकांमध्ये तीव्र नाराजी आहे.

तर पारदर्शकता येणार

या गंभीर परिस्थितीची दखल घेत खासदार प्रतिभा धानोरकर यांनी मुख्यमंत्र्यांकडे थेट हस्तक्षेप करण्याची मागणी केली आहे. “चंद्रपूर महानगरपालिकेच्या कारभारात पारदर्शकता आणण्यासाठी आणि नागरिकांना चांगल्या सुविधा देण्यासाठी एका सक्षम IAS अधिकाऱ्याची नेमणूक करणे अत्यावश्यक आहे. सध्याच्या प्रशासनात दिसून येणारी शिस्तीची कमतरता आणि भ्रष्टाचाराचा विळखा यामुळे शहराचा विकास खुंटला आहे,” असे खासदार प्रतिभा धानोरकर यांनी आपल्या पत्रात नमूद केले आहे.

आता या मागणीवर मुख्यमंत्री देवेंद्र फडणवीस काय निर्णय घेतात, याकडे चंद्रपूर शहरातील नागरिकांचे लक्ष लागून आहे. एका IAS अधिकाऱ्याच्या नेमणुकीमुळे महानगरपालिकेच्या कामकाजात शिस्त आणि पारदर्शकता येईल, असा विश्वास व्यक्त केला जात आहे.
Mp Dhanorkar demands IAS posting cmc chandrapur
तर पारदर्शकता येणार
September 17, 2025
Chandrapur engineer liquor party inquiry | चंद्रपूर ZP अभियंत्यांची ओली पार्टी प्रकरण, जिल्हा परिषदेने दिले चौकशीचे आदेश
Chandrapur engineer liquor party inquiry

Chandrapur engineer liquor party inquiry : चंद्रपूर – १६ सप्टेंबर २०२५ – राष्ट्रीय अभियंता दिनाच्या पार्श्वभूमीवर चंद्रपूर जिल्हा परिषद बांधकाम विभागातील अभियंत्यांनी वसंत भवन मध्ये ओली पार्टी केली होती, आप जिल्हाध्यक्ष मयूर राईकवार यांनी या पार्टीचा भांडाफोड करीत मुख्य कार्यकारी अधिकारी पुलकित सिंह यांच्याकडे तक्रार केली. आप च्या तक्रारीनंतर जिल्हा परिषदेने ओली पार्टी प्रकरणी चौकशीचे आदेश दिले आहे.

अभियंत्यांची ओली पार्टी चंद्रपुरातील चर्चेचा विषय

जिल्हा परिषदेच्या शासकीय विश्रामगृह वसंत भवनातील रूम नंबर १०७ मध्ये अभियंत्यांची पार्टी रंगली होती, याबाबत आप जिल्हाध्यक्ष मयूर राईकवार, राजू कुडे, योगेश गोखरे व संतोष बोपचे यांनी कामकाजाच्या वेळेत ओली पार्टी करीत असलेल्या अभियंत्यांचे कृत्य समोर आणले होते. आप च्या ऍक्शन वर जिल्हा परिषदेचे मुख्य कार्यकारी अधिकारी पुलकित सिंह यांची रिऍक्शन पुढे आली आहे. Vasant Bhavan room 107 liquor party news

ओली पार्टी प्रकरणाची चौकशी करण्याकरिता जिल्हा परिषदेने स्वतंत्र उच्चस्तरीय चौकशी समिती गठीत केली आहे, विशेष बाब म्हणजे समितीला लवकरात लवकर या प्रकरणाचा अहवाल सादर करण्याचे निर्देश देण्यात आले आहे, चौकशीची पारदर्शकता कायम रहावी यासाठी प्रत्येक पायरी दस्तऐवजीकरणासह नोंदवली जाईल. यासोबतच वसन्त भवनातील व्यवस्थापन व कर्मचारी कायदेशीर शिस्तभंग आणि आर्थिक उत्तरदायित्वाच्या कठोर कारवाई करण्यात येईल.

शासकीय संपत्ती वसंत भवन बाबत या सुधारणा होणार

वसंत भवनाच्या सध्याचे वापराचे नियम याबाबत पुनरावलोकन करीत आवश्यक सुधारणा करण्यात येईल, जिल्हा परिषद अंतर्गत येणारे निवासस्थान व वसंत भवन मध्ये सीसीटीव्ही सह प्रवेश नोंदणी अनिवार्य, जबाबदार अधिकारी नियुक्त करण्यात येईल,शासकीय मालमत्तेचा गैरवापर, नशा संबंधी वर्तन किंवा संस्थेची प्रतिमा मलीन करणारी कोणतीही वृत्ती आढळल्यास तात्काळ कठोर कारवाई करण्यात येईल. जर असे प्रकार होत असल्यास कर्मचारी व नागरिकांना याबाबत माहिती द्यायची असल्यास स्वतंत्र हेल्पलाईन आणि ऑनलाईन पोर्टल सुरु करण्यात येईल जेणेकरून कारवाई लवकर होईल. सर्व अधिकारी व कर्मचारी यांची नियमित सदाचार व आचारसंहिता कार्यशाळा आयोजित करण्यात येईल. AAP exposes engineer party Chandrapur

अभियंत्यांची ओली पार्टी ची चौकशी अत्यन्त निष्पक्षपणे करण्यात येईल, दोषींना कसलीही सवलत न देता कठोर कारवाई करण्यात येईल, कारण भविष्यात अश्या घटना घडून नये म्हणून हि कारवाई त्यांना धडा शिकविणारी असेल.
Chandrapur engineer liquor party inquiry
शासकीय संपत्ती वसंत भवन बाबत या सुधारणा होणार
September 16, 2025
Anand Nagri Bank loan fraud । आनंद नागरी बँक फसवणूक? ४० लाख कर्जप्रकरणाने चंद्रपूर-नागपूर हादरले!
Anand Nagri Bank loan fraud

Anand Nagri Bank loan fraud : चंद्रपूर – चंद्रपूर मुख्यालय असणाया आनंद नागरी सहकारी बैंकेची नागपूर येथे जी शाखा आहे. तिथून दीड कोटीच्या मालमत्तेवर खोट्या दास्तावेजाच्या आधारे 40 लाखांच कर्ज प्रकरणी मालमत्ता धारक ज्योती मुदलियार यांनी स्थानिक प्रेस क्लब तेथे पत्रकार परिषद घेऊन बैंकेच्या अध्यक्ष, सिइओ व त्यांना साथ देणायां रुपाली मोरे यांच्यावर मनी लॉंड्रीन्ग ऍक्ट द्वारे गुन्हे दाखल करून मला न्याय देण्यात यावा अशी मागणी केली आहे.

बेलोरा गावाच्या पुनर्वसन प्रश्नाबाबत खासदार धानोरकर आक्रमक

यावेळी राजु कुकडे यांनी सांगीतले की, दिपक मुदलियार यांची नागपूर अभ्यंकर नगर येथील प्लाट क्रमांक 252, घरं क्रमांक 311/A/249 दोन मजली इमारत होती, या इमारतीचा किराया केवळ 15 हजार येत होता आणि दीपक मुदलियार हा काहीही धंदा करतं नव्हता, त्यांना पैशाची गरज होती, मात्र त्यांना कर्ज मिळू शकतं नव्हते, दरम्यान त्या इमारतीला गहाण ठेऊन कर्ज उचल करण्यासाठी दिपक ने योगेश खंडवानी या दलालाला आर्थिक अडचण सांगितली, या दरम्यान रुपाली विनोद मोरे हिला योगेश खंडवानी नावाच्या दलालानी दीपक मुदलियार यांना लोन मिळतं नसल्याने तिचे दास्तावेज जोडले व 20 लाख रुपये बोली लावून श्री आनंद नागरी सहकारी बैंक शाखा नागपूर सोनेगाव इथून 40 लाख रुपयाचे कर्ज प्रकरण तयार केले. fake documents loan approval

या कर्ज प्रकरणात दीपक मुदलियार यांच्या प्लाट क्रमांक 252, घरं क्रमांक 311/A/249 दोन मजली इमारत चे दस्तावेज गहाण ठेवण्यात आले आणि रुपाली मोरे यांचे श्री आनंद नागरी बैंक शाखा सोनेगाव इथे दीपक मुदलियार यांचे सोबत जाईन्ट अकॉउंट तयार करण्यात आले, या जाईन्ट अकॉउंट मध्ये श्री आंनद नागरी सहकारी बैंक तर्फे लोन अमाऊंट 40 लाख रुपये जमा करण्यात आले, मात्र ते सर्व पैसे 40 लाख रुपये रुपाली विनोद मोरे यांनी स्वतःच्या धनलक्ष्मी महिला नागरी सहकारी बैंक अकॉउंट मध्ये जमा केले आणि दीपक मुदलियार यांचे धनलक्ष्मी बैंकेत अकाउंट काढून तिथे 15 लाख खात्यात जमा केले. property seizure bank dispute Nagpur

दिपक मुदलियार यांची मालमत्ता प्लाट क्रमांक 252, घरं क्रमांक 311/A/249 दोन मजली इमारत हिचे मूल्यांकन हे जवळपास 1.5 कोटी रुपयाची असतांना श्री आनंद नागरी सहकारी बैंकेचे अध्यक्ष दीपक पारेख व सिइओ बनकर यांनी ऑक्टोबर 2017 ला दिलेले लोन हे 40 लाखांचे होते ते सन 2023 मध्ये 75 लाख झाले असल्याचे बैंकेने म्हटले व सदर मालमत्ता हिची किंमत 1.15 कोटी लावली आणि त्यातून 35 लाख रुपये कर्जदाराला येऊन दीड कोटीची मालमत्ता हडपली असल्याचा आरोप ज्योती मुदलियार यांनी लावून मला न्याय न मिळाल्यास बैंकेच्या चंद्रपूर मुख्यालयासमोर आमरण उपोषण करण्याचा इशारा दिला आहे.

आनंद नागरी अध्यक्ष व इतरांवर नागपूर येथे गुन्हे दाखल?

दिपक मुदलियार प्रकरणात ज्या पद्धतीने 1.50 कोटीची असताना तीचे मूल्यांकन 1.15 कोटी कसे लावण्यात आले, या मालमत्तेत रुपाली विनोद मोरे हिचा काहीही संबंध नसताना व अधिकार नसताना तिचे दास्तावेज जोडून दीपक मुदलियार यांच्या मालमत्तेवर 40 लाखांचे बेकायदेशीर कर्ज मंजूर झाले कसे हा प्रश्न आहे, बैंकेने बोगस दस्तावेज तयार करून जें कर्ज प्रकरण तयार केले त्यात साक्षीदार विनोद मोरे आहेत जें कर्ज प्रकरणात असलेल्या रुपाली विनोद मोरे हिचे पती आहे, या सर्व स्थितीवरून श्री आंनद नागरी सहकारी बैंक चे संचालक हे बोगस कर्ज प्रकरण करून जनतेची मालमत्ता लुटत आहे हे सिद्ध होते. Anand Nagri Bank loan fraud

सोबतच जमीन तारण प्रकरणी श्री आंनद नागरी सहकारी बैंकेच्या अध्यक्ष सिइओ व एजंट वर नागपूर च्या पोलीस स्टेशनं मध्ये 76.65 लाखांची अफरातफर केल्या प्रकरणी गुन्हे दाखल आहे, त्यामुळे श्री आंनद नागरी सहकारी बैंक ही भारतीय रिजर्व बैंकेने आखून दिलेल्या अटी शर्ती आणि निर्देशाचे पालन करतं नसल्याने व जनतेच्या हिताचे रक्षण करतं नसल्याने मनी लॉंड्रीन्ग एक्ट अंतर्गत गुन्ह्यास पात्र आहे, त्यामुळे त्यांच्यावर कारवाई करण्यात यावी अशी मागणी करण्यात येत आहे. मागणी पूर्ण न झाल्यास आगामी 15 दिवसात चंद्रपुर येथील श्री आनंद नागरी सहकारी बैंके समोर आंदोलन करण्याचा इशारा कुकडे यांनी दिला आहे. Anand Nagri Bank property dispute

यावेळी मनसे उपजिल्हा अध्यक्ष राजू कुकडे, वाहतूक सेना जिल्हाध्यक्ष महेश वासलवार, जनहीत जिल्हाध्यक्ष रमेश काळबांधे, सुनील गुढे, पियुष धुपे व मनसे पदाधिका_यांची उपास्थिती होती. Anand Nagri Bank loan fraud
Anand Nagri Bank loan fraud
आनंद नागरी अध्यक्ष व इतरांवर नागपूर येथे गुन्हे दाखल?
September 16, 2025
one window scheme CMC Chandrapur । CMC Chandrapur कडून एक खिडकी योजना सुरू – नवरात्र 2025 साठी सोपी परवानगी प्रक्रिया
one window scheme CMC Chandrapur

one window scheme CMC Chandrapur : चंद्रपूर 16 सप्टेंबर – चंद्रपूर महानगरपालिका हद्दीत नवरात्र उत्सवासाठी एक खिडकी योजनेची सुरुवात करण्यात आली आहे. सार्वजनिक ठिकाणी मंडप, स्टेज उभारण्यासाठी मंडळांना ऑनलाईन अर्ज सादर करता येणार आहेत. सादर केलेल्या अर्जांची छाननी करून संबंधित विभागाकडुन परवानगी मिळाल्यावर महानगरपालिकेतर्फे अंतिम परवानगी प्रदान करण्यात येणार आहे.

चंद्रपूर मनपाची अंतिम प्रभाग प्रारूप रचना १३ ऑक्टोबर ला

येत्या 22 सप्टेंबर रोजी घटस्थापना असुन 1 ऑक्टोबर पर्यंत नवरात्र उत्सव साजरा होणार आहे. सार्वजनिक मंडळांना महापालिका व इतर विभागाकडून रीतसर परवानग्या घ्याव्या लागणार आहेत. शहर वाहतूक शाखा, अग्निशमन विभागाचे ना हरकत प्रमाणपत्र, तसेच सहाय्यक धर्मदाय आयुक्त कार्यालयाकडील नोंदणी प्रमाणपत्र व मंडळाच्या पदाधिकाऱ्यांचे नियमावली बाबत हमीपत्र घेऊन परवानगी दिली जाणार आहे. ऐनवेळी परवानगीसाठी अर्ज न देता लवकरात लवकर परिपूर्ण अर्ज सादर करण्याचे आवाहन मनपातर्फे करण्यात येत आहे. Navratri pandal permission Chandrapur

महापालिकेने दिलेली परवानगी मंडपाच्‍या दर्शनी भागावर मंडळांनी लावणे बंधनकारक राहील. सार्वजनिक मंडळाकडून निर्माल्य गोळा करण्यासाठी वेगळी व्यवस्था करण्याचे निर्देश देण्यात आले आहे.

एक खिडकी योजना –

सार्वजनिक ठिकाणी मंडप, स्टेज उभारण्यासाठी मंडळांना ऑनलाईन अर्ज सुविधा उपलब्ध करून देण्यात आली आहे. चंद्रपूर महानगरपालिकेच्या cmcchandrapur.com या संकेतस्थळावर quick link सदरात pandal permission 2025 येथे ही लिंक उपलब्ध आहे. अथवा https://pandal.cmcchandrapur.com/ येथे भेट देऊन ऑनलाईन अर्ज करता येईल. यामध्ये पोलीस स्टेशन, ट्राफिक पोलीस स्टेशन,सार्वजनिक बांधकाम, अग्निशमन, महावितरण केंद्र, महानगरपालिका इत्यादी विविध विभागांचे प्रतिनिधी संबंधित सादर केलेल्या अर्जांची छाननी करतील व महानगरपालिकेतर्फे अंतिम परवानगी प्रदान करण्यात येणार आहे.
one window scheme CMC Chandrapur
एक खिडकी योजना –
September 16, 2025
Belora village rehabilitation | बेलोरा गाव पुनर्वसन प्रश्न चिघळला; खासदार प्रतिभा धानोरकर आक्रमक
Belora village rehabilitation

Belora village rehabilitation : चंद्रपूर १६ सप्टेंबर २०२५ : टाकळी -जेणा- बेलोरा कोळसा खाण क्षेत्रातील बेलोरा गावाच्या पुनर्वसनाचा प्रश्न आता चांगलाच चिघळला आहे. किमान ८० ते १०० एकर जमिनीची विक्री कंपनीने करून दिल्याशिवाय ग्रामदैवत भंगाराम मंदिराला हटवू देणार नाही, अशी आक्रमक भूमिका खासदार प्रतिभा धानोरकर यांनी घेतली आहे. त्यांच्या या भूमिकेनंतर जिल्हाधिकारी विनय गौडा यांनी प्रशासनाला तातडीने निर्देश दिले आहेत. खासदार प्रतिभा धानोरकर यांच्या मध्यस्थीने N.A. जमिनीसाठी दुप्पट मोबदला आणि घर व पुनर्वसनासाठी २४ ऐवजी २६ लाख रुपये मोबदला देण्याचे निश्चित झाले आहे. यात आता २ लाख रुपयाची वाढ करण्यात आली आहे. मागील बैठकीत खासदार प्रतिभा धानोरकर यांनी जमिनीच्या मोबदला २३ वरून २५ लक्ष रुपये मिळवून दिला होता.

८३ लाखांचा टेंडर घोटाळा

आधी करारनामा मग जमीन

खासदार प्रतिभा धानोरकर यांनी ०६/०९/२०२५ रोजी जिल्हाधिकाऱ्यांना पत्र लिहून बेलोरा गावातील प्रकल्पग्रस्तांच्या मागण्यांकडे लक्ष वेधले होते. या पत्राची दखल घेत जिल्हाधिकारी कार्यालयात तातडीची बैठक घेण्यात आली. या बैठकीत खासदार धानोरकर स्वतः उपस्थित होत्या आणि त्यांनी ग्रामस्थांच्या मागण्यांचा जोरदार पाठपुरावा केला. गावात घर असलेल्या परंतु लीजबाहेर जमीन असलेल्या व्यक्तींचीही जमीन संपादित करण्याची मागणी त्यांनी मांडली. याचवेळी, कंपनीने बंद केलेला गावातील ग्रामदैवत भंगाराम मंदिराचा रस्ता पूर्ववत सुरू करण्याची मागणीही करण्यात आली. जोपर्यंत योग्य करारनामा होत नाही, तोपर्यंत गावकरी घरे व जमिनी देण्यास इच्छुक नाहीत, असेही त्यांनी ठामपणे सांगितले. MP Pratibha Dhanorkar intervention Belora

या बैठकीत जिल्हाधिकारी विनय गौडा यांनी गावातील नागरिकांच्या पुनर्वसनासोबतच पाणीपुरवठा, आरोग्य सुविधा, शैक्षणिक गरजा आणि रस्त्यांसारख्या मूलभूत सुविधा उपलब्ध करून देण्यावर चर्चा केली. खासदार प्रतिभा धानोरकर यांनी उपस्थित केलेल्या मुद्द्यांची दखल घेत, जिल्हाधिकाऱ्यांनी या सर्व समस्यांवर तातडीने उपाययोजना करून प्रलंबित प्रश्न मार्गी लावण्याचे निर्देश दिले. या बैठकीला आमदार करण देवतळे, पोलीस अधीक्षक मुमुक्फा सुदर्शन, उपजिल्हाधिकारी जताळे यांच्यासह आरो इन्फ्रा रियालिटी प्रा. कंपनीचे अधिकारी तसेच संबंधित विभागांचे अधिकारी, कर्मचारी आणि ग्रामस्थ उपस्थित होते. या बैठकीमुळे बेलोरा गावाच्या पुनर्वसनाचा प्रश्न लवकरच मार्गी लागेल, अशी आशा व्यक्त केली जात आहे.
Belora village rehabilitation
आधी करारनामा मग जमीन
September 16, 2025

► Necessary Cookies Standard

Necessary cookies enable essential site features like secure log-ins and consent preference adjustments. They do not store personal data.

None

► Functional Cookies Remark

Functional cookies support features like content sharing on social media, collecting feedback, and enabling third-party tools.

None

► Analytical Cookies Remark

Analytical cookies track visitor interactions, providing insights on metrics like visitor count, bounce rate, and traffic sources.

None

► Advertisement Cookies Remark

Advertisement cookies deliver personalized ads based on your previous visits and analyze the effectiveness of ad campaigns.

None