My Blog

Blog

  • MBBS student suicide note | टोकाचं पाऊल, मला व्यवसाय करायचा होता पण..

    MBBS student suicide note

    MBBS student suicide note : नवरगाव, चंद्रपूर (२३ सप्टेंबर २०२५): शिक्षणासाठी साडेपाच वर्षे आणि लाखो रुपये खर्च करण्याऐवजी मला व्यवसाय करायचा होता, अशी सुसाइड नोट लिहून अनुराग अनिल बोरकर (२०) या ‘एमबीबीएस’च्या विद्यार्थ्याने गळफास घेऊन आत्महत्या केली. ही धक्कादायक घटना मंगळवारी पहाटे नवरगाव येथे घडली. विशेष म्हणजे, अनुराग त्याच दिवशी सकाळी शिक्षणासाठी गोरखपूरला निघणार होता.

    चंद्रपुरात चक्काजाम आंदोलन, बच्चू कडू यांची उपस्थिती

    अभ्यासू विद्यार्थ्याची सुसाइड नोट

    अनुराग हा नवरगाव येथील व्यापारी संघटनेचे अध्यक्ष अनिल बोरकर यांचा मुलगा असून, तो अभ्यासात अत्यंत हुशार होता. त्याने नीट युजी २०२५ परीक्षेत ओबीसी कॅटेगरीमधून १४७५ वा रँक मिळवून ‘एमबीबीएस’मध्ये प्रवेश मिळवला होता. शिक्षणासाठी गोरखपूरला जाण्याची त्याची सर्व तयारी झाली होती.

    मंगळवारी सकाळी त्याची आई त्याला उठवण्यासाठी गेली असता, तो खोलीत नायलॉनच्या दोरीने गळफास घेतलेल्या अवस्थेत आढळला. पोलिसांनी घटनास्थळी पंचनामा केला असता, त्याच्या खिशात एक सुसाइड नोट सापडली.

    त्या सुसाइड नोटमध्ये त्याने लिहिले होते, “साडेपाच वर्षे वेळ आणि ‘एमबीबीएस’साठी लागणारा पैसा खर्च करण्यापेक्षा मला व्यवसाय करायचा होता, त्यामुळे मी आत्महत्या करत आहे.“

    परिसरात शोककळा

    पोलिसांनी शवविच्छेदनानंतर अनुरागवर नवरगाव येथील स्मशानभूमीत शोकाकुल वातावरणात अंत्यसंस्कार केले. या घटनेमुळे परिसरात हळहळ व्यक्त केली जात आहे. पोलीस या प्रकरणाचा पुढील तपास करत आहेत.

  • Breaking News Swift hits Scorpio । राजुरा-गोविंदपूर महामार्गावर भीषण अपघात; तरुणीचा जागीच मृत्यू, दोन जखमी

    Breaking News Swift hits Scorpio

    Breaking News Swift hits Scorpio : राजुरा (२३ सप्टेंबर २०२५) – गोविंदपूर राष्ट्रीय महामार्गावरील गडचांदूर लागत लालगुडा परिसरात झालेल्या भीषण अपघातात एका तरुणीचा जागीच मृत्यू झाला, तर दोन तरुण गंभीर जखमी झाले आहेत. स्विफ्ट कारने रस्त्याच्या कडेला उभ्या असलेल्या स्कॉर्पिओ चारचाकीला दिलेल्या जोरदार धडकेत ही दुर्घटना घडली. काही दिवसांपूर्वी याच महामार्गावर अपघातात सहा जणांचा बळी गेल्याची घटना ताजी असताना हा अपघात झाल्याने वारंवार होणाऱ्या दुर्घटनांमुळे महामार्ग सुरक्षेवर प्रश्नचिन्ह निर्माण झाले आहे.

    ट्र्क ची धडक, महिला गंभीर दुचाकी जळून खाक

    उभ्या वाहनाला धडक

    गडचांदूर-कोरपना राष्ट्रीय महामार्गावरील लालगुडा परिसरात मंगळवारी दुपारी हा अपघात झाला. स्विफ्ट कार कोरपना वरून गडचांदूरच्या दिशेने येत असताना रस्त्याच्या कडेला उभ्या स्कॉर्पिओ चारचाकीला जोरदार धडक बसली. या अपघातात तरुणीचा जागीच मृत्यू झाला. तर, दोन तरुण गंभीर जखमी झाले असून त्यांना उपचारासाठी तातडीने रुग्णालयात हलवण्यात आले आहे.

    धडकेचा आवाज प्रचंड असल्याने परिसरातील नागरिकांनी घटनास्थळी धाव घेतली. पोलिसांनी घटनास्थळ गाठून पंचनामा केला असून पुढील तपास सुरू आहे.

    या महामार्गावर याआधीही मोठे अपघात घडले आहेत. नुकतेच झालेल्या भीषण अपघातात सहा जणांचा मृत्यू झाला होता. त्यामुळे सतत घडणाऱ्या दुर्घटनांमुळे रस्त्याच्या सुरक्षेचा प्रश्न अधिक गंभीर होत चालला आहे


  • Chandrapur highway hit and run case । ट्रकच्या भीषण धडकेत महिला गंभीर जखमी, ॲक्टिव्हा एक किमी फरफटली

    Chandrapur highway hit and run case

    Chandrapur highway hit and run case : वरोरा, चंद्रपूर (२३ सप्टेंबर २०२५): वरोरा-नागपूर-चंद्रपूर महामार्गावर आनंदवन चौकाजवळ एका भरधाव ट्रकने दुचाकीला (स्कूटर) धडक दिल्याने ३० वर्षीय महिला गंभीर जखमी झाली. धडकेनंतर ट्रकने ॲक्टिवा स्कूटरला सुमारे एक किलोमीटरपर्यंत फरफटत नेले, ज्यामुळे ती पूर्णपणे जळून खाक झाली. हा अपघात २३ सप्टेंबर रोजी दुपारी तीन वाजताच्या सुमारास घडला.

    बच्चू कडू यांच्या नेतृत्वात चंद्रपुरात चक्काजाम आंदोलन

    अपघाताची माहिती

    पौर्णिमा प्रमोद कोल्हे (वय ३०, रा. देशपांडे पेट्रोल पंपाच्या मागे, वरोरा) या त्यांच्या MH-34 CK 7880 क्रमांकाच्या ॲक्टिव्हाने नागपूर-चंद्रपूर मार्गावरून आनंदवन चौकाकडे जात होत्या. त्याचवेळी, नागपूरकडे जाणाऱ्या एका ट्रकने त्यांच्या ॲक्टिवाला जोरदार धडक दिली. धडकेमुळे पौर्णिमा कोल्हे रस्त्यावर पडून गंभीर जखमी झाल्या.

    ट्रक चालक फरार

    ट्रकने महिलेला धडक दिल्यानंतर तो न थांबता ॲक्टिवाला फरफटत घेऊन गेला. सुमारे एक किलोमीटरपर्यंत फरफटल्यानंतर ॲक्टिव्हा जळून खाक झाली. यानंतर ट्रक चालक आपला ट्रक घेऊन घटनास्थळावरून फरार झाला.

    स्थानिकांनी तातडीने जखमी महिलेला वरोरा येथील उपजिल्हा रुग्णालयात दाखल केले. मात्र, तिची प्रकृती गंभीर असल्यामुळे तिला पुढील उपचारासाठी नागपूर येथील रुग्णालयात हलवण्यात आले आहे. वरोरा पोलीस फरार ट्रक चालकाचा शोध घेत आहेत. या अपघातामुळे परिसरात भीतीचे वातावरण निर्माण झाले आहे.

  • Bacchu Kadu farmers protest । चंद्रपूरमध्ये बच्चू कडूंचा इशारा; शेतकऱ्यांसाठी ओला दुष्काळ आणि सरसकट कर्जमाफीची मागणी

    Bacchu Kadu farmers protest

    Bacchu Kadu farmers protest : चंद्रपूर, महाराष्ट्र (२३ सप्टेंबर २०२५): राज्यात सततची नापिकी आणि यंदाच्या अतिवृष्टीमुळे पिकांचे झालेले मोठे नुकसान पाहता, सरकारने त्वरित ओला दुष्काळ जाहीर करावा आणि सोयाबीनला प्रति क्विंटल ६,००० रुपये भाव द्यावा, अशी मागणी प्रहार जनशक्ती पक्षाचे अध्यक्ष बच्चू कडू यांनी केली आहे. सरकारने मागण्या मान्य न केल्यास २८ ऑक्टोबर रोजी राज्यभर आंदोलन करण्याचा इशारा त्यांनी दिला. खांबाडा येथे आयोजित चक्काजाम आंदोलनादरम्यान ते बोलत होते.

    गुराख्याने दिली वाघाशी झुंज

    शेतकऱ्यांच्या प्रमुख मागण्या

    यावेळी बोलताना बच्चू कडू यांनी शेतकऱ्यांची दयनीय अवस्था मांडली. त्यांनी अनेक प्रमुख मागण्या सरकारसमोर ठेवल्या, ज्यात खालील बाबींचा समावेश आहे:

    • सरसकट कर्जमाफी: राज्यातील हवालदिल झालेल्या शेतकऱ्यांसाठी सरसकट कर्जमाफी जाहीर करावी.
    • ओला दुष्काळ: चंद्रपूर जिल्ह्यासह संपूर्ण राज्यात ओला दुष्काळ जाहीर करावा.
    • नुकसान भरपाई: ‘यलो मोजाक’ या रोगामुळे सोयाबीन पिकाचे झालेले अतोनात नुकसान लक्षात घेऊन, प्रति हेक्टरी ५० हजार रुपये नुकसान भरपाई द्यावी.
    • खरेदी केंद्र सुरू करा: कापूस आणि सोयाबीनसाठी त्वरित खरेदी केंद्रे सुरू करावीत.

    चक्काजामचा इशारा

    कडू यांनी सांगितले की, दरवर्षीची नापिकी आणि शेतमालाला योग्य भाव मिळत नसल्यामुळे राज्यात अनेक शेतकऱ्यांनी आत्महत्या केल्या आहेत. यावर्षी अतिवृष्टीमुळे खरीप हंगामातील कापूस आणि सोयाबीन दोन्ही पिकांचे मोठ्या प्रमाणात नुकसान झाले आहे. यलो मोजाक रोगामुळे हातात आलेले सोयाबीनचे पीक पिवळे पडून पूर्णतः नष्ट झाले आहे. Bacchu Kadu Chandrapur protest

    या सर्व गंभीर बाबी लक्षात घेऊन, जर सरकारने शेतकऱ्यांची लूट थांबवली नाही, नुकसान भरपाई दिली नाही आणि ‘सातबारा कोरा’ केला नाही, तर येत्या २८ ऑक्टोबरला प्रत्येक जिल्ह्यात मोठे चक्काजाम आंदोलन केले जाईल, असा सज्जड इशारा त्यांनी दिला.

    यावेळी नायब तहसीलदार उल्हास लोखंडे यांना मागण्यांचे निवेदन देण्यात आले. या आंदोलनात किशोर डुकरे, कृषी उत्पन्न बाजार समितीचे संचालक नितीन मते यांच्यासह चंद्रपूर आणि वर्धा जिल्ह्यातील मोठ्या संख्येने शेतकरी सहभागी झाले होते. आंदोलनामुळे चंद्रपूर-नागपूर महामार्गावरील वाहतूक काही काळ थांबली होती.

  • Brahmpuri cowherd attacked by tiger । ब्रह्मपुरीत वाघाचा हल्ला: ५७ वर्षीय गुराखीने दिली वाघाशी झुंज

    Brahmpuri cowherd attacked by tiger

    Brahmpuri cowherd attacked by tiger : ब्रह्मपुरी, महाराष्ट्र (२३ सप्टेंबर २०२५): चंद्रपूर जिल्ह्यातील ब्रह्मपुरी तालुक्यात असलेल्या रामपुरी गावाजवळ एका वाघाने केलेल्या हल्ल्यात ५७ वर्षीय गुराखी प्रेमदास लक्ष्मण खेडकर गंभीर जखमी झाले आहेत. ही घटना सोमवारी (२२ सप्टेंबर) दुपारी ४ वाजताच्या सुमारास घडली.

    तो नरभक्षक बिबट्या जेरबंद, ८ वर्षीय मुलाला केले होते ठार

    हल्ल्याचा तपशील

    मिळालेल्या माहितीनुसार, प्रेमदास खेडकर हे मेंडकीजवळच्या ९८७ क्रमांकाच्या संरक्षित आंबेबोळी परिसरात आपल्या गाई-म्हशी चारत होते. त्याचवेळी, झुडपात दबा धरून बसलेल्या एका वाघाने अचानक त्यांच्यावर हल्ला केला. या अनपेक्षित हल्ल्यातून स्वतःचा जीव वाचवण्यासाठी खेडकर यांनी मोठ्या हिमतीने वाघाशी झुंज दिली. त्यांच्या या धैर्यामुळे त्यांचा जीव वाचला, परंतु ते या हल्ल्यात गंभीर जखमी झाले.

    वैद्यकीय उपचार आणि पुढील कार्यवाही

    घटनेनंतर जखमी झालेल्या खेडकर यांना तातडीने ब्रह्मपुरी येथील सामान्य रुग्णालयात दाखल करण्यात आले. सध्या त्यांच्यावर डॉक्टरांच्या देखरेखीखाली उपचार सुरू आहेत. या घटनेमुळे रामपुरी आणि आसपासच्या गावांमध्ये भीतीचे वातावरण पसरले आहे.

    ग्रामस्थांनी तातडीने वनविभागाकडे वाघाचा बंदोबस्त करण्याची मागणी केली आहे. वनविभागाच्या अधिकाऱ्यांनी घटनास्थळी भेट देऊन पंचनामा केला असून, पुढील तपास सुरू आहे.

  • Swachhata Hi Seva 2025 campaign । स्वच्छ भारताच्या दिशेने मोठे पाऊल : चंद्रपूरमध्ये 25 सप्टेंबरला महाश्रमदान

    Swachhata Hi Seva 2025 campaign

    Swachhata Hi Seva 2025 campaign : चंद्रपूर (प्रतिनिधी) दिनांक 23/9/2025 – “17 सप्टेंबर ते 2 ऑक्टोंबर 2025” या कालावधीत “स्वच्छता ही सेवा2025” अंतर्गत गाव स्तरावर विविध उपक्रम राबविण्यात येत असून, गावात शाश्वत स्वच्छता नांदावी याकरिता गाव श्रमदानातून स्वच्छ करणे गरजेचे आहे .यासाठी चंद्रपूर जिल्ह्यात प्रत्येक गावात 25 सप्टेंबर रोजी “एक दिवस, एक घंटा, एक सोबत” या उपक्रमा अंतर्गत महाश्रमदान मोहीम राबविण्यात यावी असे आवाहन मुख्य कार्यकारी अधिकारी पुलकीत सिंह यांनी केले आहे.

    “एक दिवस, एक घंटा ,एक सोबत”

    “एक दिवस, एक घंटा ,एक सोबत” या उपक्रमांतर्गत 25 सप्टेंबर 2025 रोजी प्रत्येक गावात महाश्रमदान मोहीम आयोजित करायची असून, या अंतर्गत सार्वजनिक ठिकाणी, कार्यालय, संस्थात्मक इमारती, व्यावसायिक व बाजारपेठे ,सार्वजनिक वाहतूक केंद्रे, प्रमुख रस्ते ,महामार्ग, पर्यटन स्थळे, रेल्वे स्थानके, धार्मिक अध्यात्मिक स्थळे ,प्राणी संग्रहालय, राष्ट्रीय उद्याने व अभयारण्य ,ऐतिहासिक वास्तू ,वारसा स्थळे, नदी किनारे ,घाट, नाले इत्यादी ग्रामस्थांनी एकत्र येऊन श्रमदान मोहिमेतून स्वच्छ करायचे आहे.

    चंद्रपूर जिल्हा परिषदेची भन्नाट योजना कमवा व शिका

    या मोहिमेत एनसीसी , एनएसएस तथा शासकीय कर्मचारी यांनी सुद्धा स्वतःहून सहभाग नोंदवायचा आहे. या उपक्रमामुळे जिल्ह्यातील प्रत्येक गाव एकाच दिवशी स्वच्छ केले जाणार आहे. या उपक्रमात ग्रामस्थांनी मोठ्या संख्येने एकत्र येऊन गाव स्तरावरील महाश्रमदान मोहीम यशस्वी करावी व आपल्या गावातील सार्वजनिक परिसर स्वच्छ करावा.असे आवाहन मुख्य कार्यकारी अधिकारी पुलकित सिंह व प्रकल्प संचालक जल जीवन मिशन मच्छिंद्रनाथ धस यांनी केले आहे.

  • Namo Shetkari Mahasamman Nidhi scheme । सुधीर मुनगंटीवार यांच्या पुढाकारामुळे कंत्राटी संगणक चालकांचे मानधन मार्गी

    Namo Shetkari Mahasamman Nidhi scheme

    Namo Shetkari Mahasamman Nidhi scheme : चंद्रपूर (२३ सप्टेंबर २०२५) : राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार (sudhir mungantiwar) यांच्या पुढाकारामुळे कृषी, पशुसंवर्धन, दुग्धव्यवसाय विकास व मत्स्यव्यवसाय विभागातील कंत्राटी संगणक चालकांच्या मानधनाचा प्रश्न मार्गी लागला आहे. नमो शेतकरी महासन्माननिधी योजनेंतर्गत प्रशासकीय खर्चासाठी 15.35 कोटी इतका निधी वितरीत करण्यास मान्यता मिळाली आहे. त्यामुळे सहा महिन्यांपासून रखडलेले मानधन मिळणार आहे. यासाठी कंत्राटी संगणक चालकांनी आ. श्री. मुनगंटीवार यांचे आभार मानले आहेत.

    चंद्रपुरात महिला बचत गटाच्या मासिक बैठकीत सिमेंट रेलिंग कोसळली, ३ महिला जखमी

    कृषी, पशुसंवर्धन, दुग्धव्यवसाय विकास व मत्स्यव्यवसाय विभागातील कंत्राटी कर्मचारी कंत्राटी तत्वावर काम करतात. यामध्ये पुरुषांसोबतच महिलांचाही समावेश आहे. हे सर्व कर्मचारी प्रामाणिकपणे कार्यरत आहेत. या कर्मचाऱ्यांना नोकरीत सुरक्षितता नाही. शिवाय मानधनही कमी आहे आणि ते वेळेवर मिळत नाही, त्यामुळे त्यांच्या उदरनिर्वाहाचा प्रश्न निर्माण झाला आहे. या कंत्राटी कर्मचाऱ्यांना नियमित वेळेत मानधन मिळावे, यासाठी आ. श्री. मुनगंटीवार यांनी पुढाकार घेतला.

    आ. मुनगंटीवार यांनी यासंदर्भात राज्याच्या मुख्य सचिवांना पत्र लिहिले होते. कंत्राटी कर्मचारी वर्षानुवर्षांपासून शासकीय कामकाज करत आहेत. कंत्राटी कर्मचाऱ्यांना नोकरीत असुरक्षितता तर असतेच पण मानधनही कमी असते. इतर शासकीय सोयी सुविधादेखील मिळत नाहीत. कंत्राटी कर्मचाऱ्यांना अनेकवेळा पाच ते सहा महिन्यांचा कालावधी लोटुनही अनुदान न आल्याचे कारण पुढे करत मानधनापासून वंचित ठेवले जाते. दर महिन्याच्या एक तारखेला मानधन मिळावे, अशी कंत्राटी कर्मचाऱ्यांची दीर्घकालीन मागणी आहे. हे सर्व कर्मचारी निम्न मध्यमवर्गीय कुटुंबांतील आहेत. नियमित मानधन न मिळाल्याने त्यांना सामाजिक संघर्षाला नेहमीच तोंड द्यावे लागते,’ याकडे आ. श्री. मुनगंटीवार यांनी लक्ष वेधले होते. Government contract workers payment issue

    आमदार मुनगंटीवार यांच्या पुढाकारानंतर अखेर कृषी पशुसंवर्धन दुग्ध व्यवसाय विकास व मत्स्य व्यवसाय विभागाने एक शासन निर्णय जारी केला असून, नमो शेतकरी महासन्मान निधी योजना अंतर्गत प्रशासकीय खर्चासाठी 15.35 कोटी इतका निधी वितरीत करण्यास मान्यता देण्यात येत असल्याचे स्पष्ट केले आहे. या निर्णयामुळे कृषी, पशुसंवर्धन, दुग्धव्यवसाय विकास व मत्स्यव्यवसाय विभागातील कंत्राटी कर्मचाऱ्यांच्या मानधनाचा प्रश्न मार्गी लागला आहे. Maharashtra contract employees salary issue

    कर्मचाऱ्यांनी मानले आ. मुनगंटीवार यांचे आभार

    पीएम किसान सन्मान निधी व नमो शेतकरी योजनेअंतर्गत जिवती येथे कार्यरत असलेले कंत्राटी संगणक चालक के. एम.कोटनाके यांनी या निर्णयावर आनंद व्यक्त करत आ. सुधीर मनगंटीवार यांचे आभार मानले आहेत. ‘गेल्या पाच ते सहा महिन्यांपासून आमचे मानधन मिळण्याबाबत अडचणी होत्या. ही अडचण सोडवण्या संदर्भात आम्ही आ. मुनगंटीवार यांच्याकडे जाऊन समस्या सांगितली. त्यांनी तातडीने या विषयाचा पाठपुरावा केला आणि आमची मोठी अडचण दूर केली,’ अशी भावना त्यांनी व्यक्त केली आहे.

  • Chandrapur crime news 2025 । पाथरी शाळेतील शौचालयात मतिमंद मुलीवर अत्याचार, दोन आरोपी अटकेत

    Chandrapur crime news 2025

    Chandrapur crime news 2025 : चंद्रपूर : मतिमंद मुलीवर गावाबाहेरील शाळेतील शौचालयात नेऊन सामूहिक अत्याचार केल्याची संतापजनक घटना २१ सप्टेंबर रोजी उघडकीस आली. सावली तालुक्यातील पाथरी पोलिस ठाण्याच्या हद्दीत घडलेल्या या घटनेत पाथरी पोलिसांनी दोन विधिसंघर्षग्रस्त बालकांसह दोघांना अटक केली आहे.

    तो नरभक्षक बिबट जेरबंद

    तुलाराम तानाजी मडावी (२२), विक्की विनोद कोवे (२१) या दोघांना न्यायालयात हजर केले असता, न्यायधीशानी त्याची पोलिस कोठडीत रवानगी गेली आहे. तर दोन्ही विधीसंघर्षग्रस्त बालकांची बाल सुधारगृहात रवानगी केली आहे.

    संतापजनक

    १८ सप्टेंबर रोजी रात्री नऊ वाजताच्या सुमारास पाथरी गावातील चार जणांनी पीडित अल्पवयीन मुलीला फुस लावून गावाबाहेर असलेल्या शाळेच्या परिसरात घेऊन गेले. तेथील शौचालयात तिच्यावर आळीपाळीने अत्याचार केला. त्यानंतर तिला गावात नेऊन सोडून दिले. ही बाब घटनेच्या चार दिवसानंतर म्हणजेच २१ सप्टेंबर रोजी पीडित मुलीच्या आईच्या लक्षात आली.

    पीडितेच्या आईने लगेच पाथरी पोलिस स्टेशन गाठून आरोपीविरुद्ध तक्रार दिली. पोलिसांनी कलम (६४ (१), ६४ (२), (आय), ६४ (२) के, ६४ (२) एम, ७० (१), ३५१ (२) अन्वये गुन्हा दाखल करुन आरोपींना अटक केली. पुढील तपास पाथरी ठाणेदार नितेश डोर्लीकर करत आहेत.

  • Chanda plastic shop penalty । चांदा प्लास्टिकमध्ये १५० किलो प्लास्टिक पिशव्या जप्त, मनपा प्रशासनाची कारवाई

    Chanda plastic shop penalty

    Chanda plastic shop penalty : चंद्रपूर 22 सप्टेंबर – गोल बाजारातील चांदा प्लास्टिक या दुकानामध्ये 150 किलो प्लास्टिक पिशव्या आढळून आल्याने चंद्रपूर महानगरपालिका उपद्रव शोध पथकाद्वारे सदर प्रतिष्ठानावर 5 हजार रुपये दंड ठोठावण्याची कारवाई करण्यात आली आहे.  

    तो नरभक्षक बिबट्या जेरबंद, सिंदेवाहीत ८ वर्षीय मुलाचा घेतला बळी

       सोमवार 22 सप्टेंबर रोजी नेहमीप्रमाणे बाजारातील दुकानांची पाहणी सुरु असता गोल बाजारातील चांदा प्लास्टिक या दुकानामध्ये 5 पोते प्लास्टिक पिशव्या असल्याची माहिती उपद्रव शोध पथकास माहिती मिळाली. पाहणी केली असता एकुण 150 किलो प्लास्टिक पिशव्या आढळून आल्याने सदर साहित्य जप्त करण्यात आले असुन 5 हजार रुपये दंड ठोठावण्यात आला आहे.

    गुप्त माहीती द्या ५ हजार बक्षीस मिळवा

     चंद्रपूर महानगरपालिका मनपा उपद्रव शोध पथकास मिळालेल्या गुप्त माहीतीच्या आधारे सदर कारवाई करण्यात आली असुन सदर व्यावसायिकास सक्त ताकीद देण्यात आली आहे. पुन्हा सदर गुन्हा केल्यास 10 हजार रुपये दंड ठोठावण्यात येणार असल्याचे मनपा प्रशासनातर्फे स्पष्ट करण्यात आले आहे.मनपा हद्दीत प्लास्टीक पिशव्यांच्या वापरावर प्रतिबंध घालण्यास सातत्याने कारवाई केली जात असुन प्लास्टीक पिशव्यांच्या साठयाबाबत गुप्त माहीती देणाऱ्यास 5 हजारांचे बक्षिस सुद्धा जाहीर करण्यात आले आहे.यास मोठा प्रतिसाद मिळुन मनपापर्यंत प्लास्टीक साठ्याची गुप्त माहीती पोचविण्यात येत आहे. Chandrapur Municipal Corporation action

       एकदाच वापरल्या जाणाऱ्या प्लास्टिकच्या वस्तूंचे उत्पादन, आयात, साठवणूक, वाहतूक, वितरण, विक्री व वापरावर राज्यात 1 जुलै 2022 पासून पूर्णपणे बंदी घालण्यात आली असुन महाराष्ट्र प्लास्टिक आणि थर्माकोल अधिसूचना 2018 नुसार दंड आणि 3 महिन्यांच्या कारावासाची शिक्षा आहे. सदर कारवाई प्रभारी आयुक्त विद्या गायकवाड यांच्या मार्गदर्शनात सहायक आयुक्त शुभांगी सूर्यवंशी यांच्या प्रत्यक्ष नियंत्रणात डॉ. अमोल शेळके,भुपेश गोठे,शुभम खोटे, शुभम चिंचेकर,राहुल गगपल्लीवार, पूनम समुद्रे यांच्याद्वारे करण्यात आली.   


  • leopard captured in Gadbori village Chandrapur । सिंदेवाहीत बिबट्याची दहशत संपली – गडबोरीतील हल्लेखोर बिबट वनविभागाच्या ताब्यात

    leopard captured in Gadbori village Chandrapur

    leopard captured in Gadbori village Chandrapur : सिंदेवाही, चंद्रपूर: सिंदेवाही तालुक्यातील गडबोरी गावात एका आठ वर्षांच्या मुलाला ठार करणाऱ्या बिबट्याला अखेर वनविभागाने जेरबंद केले आहे. २१ सप्टेंबर रोजी रात्री १०:५६ वाजता वनविभागाने लावलेल्या पिंजऱ्यात हा बिबट्या अडकला, ज्यामुळे गेल्या काही दिवसांपासून गडबोरी गावात निर्माण झालेला तणाव काही प्रमाणात निवळला आहे. Sindewahi leopard trapped by forest department

    बचत गटाच्या मासिक सभेत घडली दुर्घटना

    काय घडले होते?

    गडबोरी येथील आठ वर्षांचा चिमुकला, प्रशिल बबन मानकर, हा आपल्या काकांच्या जवळ होता. त्याचवेळी, बिबट्याने अचानक हल्ला करून त्याला तोंडात पकडून झुडपात नेले. या हल्ल्यात प्रशिलचा दुर्दैवी मृत्यू झाला. या घटनेमुळे संपूर्ण गावावर शोककळा पसरली आणि ग्रामस्थांनी बिबट्याला तात्काळ पकडण्यासाठी वनविभागावर दबाव आणला होता.

    वनविभागाची कारवाई आणि आमदार वडेट्टीवार यांचा पुढाकार

    या गंभीर घटनेची दखल घेऊन, वनविभागाने तात्काळ बचाव पथक (Rescue Team) आणि कॅमेरे व पिंजरे लावून बिबट्याचा शोध सुरू केला. परिसरातील झुडपांची साफसफाई देखील करण्यात आली होती, जेणेकरून बिबट्याची हालचाल सहज लक्षात येईल.

    याच दरम्यान, ब्रह्मपुरीचे आमदार विजय वडेट्टीवार यांनी गडबोरी गावाला भेट दिली. त्यांनी घटनास्थळाची पाहणी केली, ग्रामस्थांशी संवाद साधला आणि मानकर कुटुंबीयांचे सांत्वन केले. तसेच, त्यांनी वनविभागाला तात्काळ बिबट्याला जेरबंद करण्याचे आदेश दिले होते, ज्यामुळे वनविभागाच्या कामाला अधिक गती मिळाली.

    आमदार वडेट्टीवार यांच्या आदेशानंतर आणि स्थानिक वनविभागाच्या अथक प्रयत्नांमुळे, अखेर २१ सप्टेंबरच्या रात्री बिबट्या पिंजऱ्यात अडकला. सिंदेवाही वनपरिक्षेत्र अधिकारी अंजली सायंकार आणि इतर कर्मचाऱ्यांच्या उपस्थितीत या बिबट्याला सिंदेवाही येथील नर्सरीत सुरक्षितपणे हलवण्यात आले आहे.

    या यशस्वी कामगिरीमुळे गडबोरी आणि आसपासच्या गावातील नागरिकांना मोठा दिलासा मिळाला असून, भविष्यात अशा घटना टाळण्यासाठी वनविभागाकडून अधिक उपाययोजना केल्या जातील अशी अपेक्षा व्यक्त केली जात आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by