My Blog

Blog

  • Chandrapur Zilla Parishad Earn and Learn Program । चंद्रपूरमध्ये विद्यार्थ्यांसाठी सुवर्णसंधी! ‘कमवा व शिका’ योजनेतून बीबीए व इंटर्नशिप एकत्र

    Chandrapur Zilla Parishad Earn and Learn Program

    Chandrapur Zilla Parishad Earn and Learn Program : चंद्रपूर, दि. 22 : इंदिरा गांधी राष्ट्रीय मुक्त विद्यापीठ (इग्नु) यांच्या बी.बी.ए. (सर्व्हिस मॅनेजमेंट) या दूरस्थ पदवी अभ्यासक्रमासाठी शिक्षण घेणाऱ्या ग्रामीण भागातील निवडक गुणवंत आणि होतकरु मागासवर्गीय (SC / ST /VJ/NT) विद्यार्थ्यांकरीता सन 2022-23 पासून ‘कमवा व शिका’ योजनेअंतर्गत चंद्रपूर जिल्हा परिषदेच्या विविध विभागामध्ये पदवी शिक्षण पूर्ण करण्याची संधी मिळत आहे. यंदाच्या वर्षापासून सुद्धा काही होतकरू मागासवर्गीय विद्यार्थ्यांना तीन वर्षासाठी ‘डिजिटल आणि एआय सुलभक’ म्हणून प्रशासकीय काम करण्याची संधी मिळणार आहे.

    महाकाली मंदिरात घटस्थापना, आजपासून नवरात्रोत्सवाला सुरुवात

    इग्नुच्या या कार्यानुभवावर आधारित तीन वर्षांची इंटर्नशिप गरजू पात्र विद्यार्थ्यांना देऊन, त्यांना केलेल्या कामाच्या बदल्यात विद्यावेतन देणारी ‘कमवा व शिका’ ही नाविन्यपूर्ण योजना यंदाच्या वित्तीय वर्षापासून पुन्हा एकदा चंद्रपूर जिल्हा परिषदेतर्फे राबविली जाणार आहे. सदर योजनेअंतर्गत विद्यार्थ्यांनी केलेल्या कामापोटी प्रत्येक महिन्यासाठी पहिल्या वर्षी 8 हजार रुपये, दुसऱ्या वर्षी 9 हजार रुपये आणि शेवटच्या वर्षासाठी 10 हजार रुपये इतके विद्यावेतन अदा केले जाईल. सदर योजनेमध्ये सलग तीन वर्षे समाधानकारकरित्या केलेले काम आणि तिसऱ्या वर्षाच्या शेवटी इंदिरा गांधी राष्ट्रीय मुक्त विद्यापीठाची बीबीए ही पदवी आणि तीन वर्षे काम केल्याचे चंद्रपूर जिल्हा परिषदेच्या वतीने कार्यानुभवाचे प्रमाणपत्र, असा विद्यार्थ्यांचा दुहेरी फायदा होणार आहे. SC ST students earn while learn scheme Chandrapur

    योजनेचा लाभ घ्या

    चंद्रपूर जिल्हा परिषदेच्या कार्यक्षेत्रातील ग्रामीण भागातील 18 ते 30 वयोगटातील नुकत्याच बारावी पास झालेल्या, संगणक आणि विशेषतः कृत्रिम बुद्धिमत्तेच्या (एआय) टूल्स चा प्रभावी वापर करता येणाऱ्या गुणवंत व होतकरू मागासवर्गीय (अनुसूचित जाती / अनुसूचित जमाती /विमुक्त जाती / भटक्या जमाती) विद्यार्थ्यांनी या योजनेचा लाभ घ्यावा, असे आवाहन मुख्य कार्यकारी अधिकारी पुलकित सिंग यांनी केले आहे.

    सदर योजनेसाठी अर्ज करण्याची अंतिम मुदत ही 26 सप्टेंबर 2025 अशी असून त्यासाठी https://tinyurl.com/ondzpibba2025 ही ऑनलाईन लिंक चंद्रपूर जिल्हा परिषद यांच्या वतीने उपलब्ध करून देण्यात आल्याचे जिल्हा समाजकल्याण अधिकारी कार्यालयाने कळविले आहे.

  • Ladki Bahin e-KYC Maharashtra । लाडकी बहीण योजनाः e-KYC अनिवार्य, २ महिन्यात केवायसी पूर्ण करा

    Ladki Bahin e-KYC Maharashtra

    Ladki Bahin e-KYC Maharashtra : चंद्रपूर २२ सप्टेंबर २०२५ – ‘मुख्यमंत्री-माझी लाडकी बहीण’ या योजनेमध्ये पारदर्शकता येण्यासाठी व लाभार्थ्यांना नियमितपणे आर्थिक लाभ मिळावा याकरीता https://ladakibahin.maharashtra.gov.in या संकेतस्थळावर ई-केवायसी ची सुविधा उपलब्ध करण्यात आली आहे. ही प्रक्रिया मोबाईलवरूनही सोप्या पद्धतीने करता येईल. तसेच पुढील दोन महिन्यात लाभार्थ्यांनी ई-केवायसी पूर्ण करून घ्यावी, असे आवाहन महिला व बालविकास मंत्री आदिती तटकरे यांनी केले आहे. या प्रक्रियेमुळे भविष्यातील इतर शासकीय योजनांचा लाभ मिळवण्यासाठीही मदत होणार असल्याचे त्यांनी स्पष्ट केले.

    बचत गटाच्या मासिक सभेत सिमेंट रेलिंग कोसळली, ३ महिला जखमी

    राज्यातील महिलांच्या आर्थिक स्वातंत्र्यासाठी, त्यांच्या आरोग्य-पोषणात सुधारणा करण्यासाठी आणि कुटुंबातील त्यांची निर्णायक भूमिका मजबूत करण्यासाठी शासनातर्फे ‘मुख्यमंत्री-माझी लाडकी बहीण’ योजना राबवली जात आहे. या योजनेच्या माध्यमातून थेट लाभ हस्तांतरण (डीबीटी) द्वारे आर्थिक सहाय्य दिले जाते. महिला व बाल विकास विभागाकडून ई-केवायसी माध्यमातून लाभार्थीचे आधार प्रमाणीकरण केले जाणार आहे. ही प्रक्रिया अतिशय सहज, सोपी व सुलभ असून, महिला स्वतःच्या मोबाईलवरूनही ही प्रक्रिया पूर्ण करू शकतील, अशी प्रणाली विकसित करण्यात आली आहे. लाभार्थीनी गोंधळून न जाता तसेच कोणीही आर्थिक मागणी करीत असेल त्यास बळी पडू नये असे आवाहनही मंत्री आदिती तटकरे यांनी केले आहे. Mukhyamantri Majhi Ladki Bahin Yojana

    अशी आहे प्रक्रिया

     : https://ladakibahin.maharashtra.gov.in या संकेतस्थळाला भेट द्यावी. मुखपृष्ठावर असलेल्या e-KYC बॅनरवर क्लिक केल्यावर KYC फॉर्म उघडेल. या फॉर्ममध्ये लाभार्थ्याने आपला आधार क्रमांक आणि पडताळणी संकेतांक (Captcha Code) नमूद करून आधार प्रमाणीकरणासाठी संमती देत Send OTP या बटणावर क्लिक करावे. त्यानंतर लाभार्थ्याच्या आधार-लिंक मोबाईल क्रमांकावर OTP येईल. हा OTP टाकून Submit बटणावर क्लिक करावे. यानंतर प्रणाली तपासेल की लाभार्थ्याची KYC आधीच पूर्ण झाली आहे की नाही. जर आधीच पूर्ण झाली असेल, तर ‘e-KYC आधीच पूर्ण झाली आहे’ असा संदेश दिसेल. Official Ladki Bahin e-KYC portal

    जर पूर्ण झाली नसेल, तर आधार क्रमांक मुख्यमंत्री माझी लाडकी बहीण योजनेच्या पात्र यादीत आहे की नाही हे तपासले जाईल. जर आधार क्रमांक पात्र यादीत असेल, तर पुढील टप्प्याला जाता येईल. यानंतर लाभार्थ्याने पती किंवा वडिलांचा आधार क्रमांक तसेच पडताळणी संकेतांक (Captcha Code) नमूद करावा. संमती दर्शवून Send OTP वर क्लिक करावे. OTP संबंधित मोबाईलवर प्राप्त झाल्यावर तो टाकून Submit बटनावर क्लिक करावा. त्यानंतर लाभार्थ्याला आपला प्रवर्ग निवडावा लागेल आणि खालील बाबी प्रमाणित कराव्या लागतील.

    1. माझ्या कुटुंबातील सदस्य नियमित/कायम कर्मचारी म्हणून शासकीय विभाग/उपक्रम/मंडळ/भारत सरकार किंवा राज्य शासनाच्या स्थानिक संस्थेत कार्यरत नाहीत किंवा सेवानिवृत्तीनंतर निवृत्तीवेतन घेत नाहीत.

    2. माझ्या कुटुंबातील केवळ 1 विवाहित आणि 1 अविवाहित महिला या योजनेचा लाभ घेत आहे. वरील बाबींची नोंद करून चेक बॉक्सवर क्लिक करावे व Submit बटण दाबावे. शेवटी, ‘Success – तुमची e-KYC पडताळणी यशस्वीरित्या पूर्ण झाली आहे’ असा संदेश दिसेल, असे जिल्हा महिला व बालविकास अधिकारी मिनाक्षी भस्मे यांनी कळविले आहे.

  • Chandrapur Babupeth Women Meeting News । महिला बचत गट बैठक दरम्यान रेलिंग कोसळले, ३ महिला जखमी

    Chandrapur Babupeth Women Meeting News

    Chandrapur Babupeth Women Meeting News : चंद्रपूर २२ सप्टेंबर २०२५ – चंद्रपुर शहरातील विविध भागात सध्या महिला बचत गटांची संख्या जोमाने वाढत आहे, महिला आत्मनिर्भर व्हाव्या असा बचत गटाचा उद्देश्य असतो मात्र काही वेळा गटाच्या माध्यमातून राजकारणाचा डाव साधण्याचे काम होत असते, चंद्रपूर शहरातील बाबुपेठ भागातील महिला कांग्रेस अध्यक्ष चंदा वैरागडे यांच्या निवासस्थानी २१ सप्टेंबर रोजी बचत गटाची मिटिंग आयोजित केल्या गेली होती, सदर मिटिंग ची वेळ हि रात्री ८.३० ते ९.३० च्या दरम्यान वैरागडे यांच्या घरावरील छतावर सदर मिटिंग आयोजित केली मात्र काही वेळातच सिमेंट रेलिंग कोसळल्याने ३ महिला खाली कोसळल्या. यामुळे एकच खळबळ उडाली होती. Chandrapur Women SHG Political Discussion

    घरबसल्या पैसे कमवायचे आहे? तर वाचा हि बातमी

    महिला कांग्रेस अध्यक्ष व बचत गटाच्या अध्यक्षा चंदा वैरागडे ह्या मागील काही वर्षांपासून बचत गट चालवितात, त्या निमित्ताने त्या महिलांच्या मिटिंग आयोजित करीत असतात. २१ सप्टेंबर रोजी रात्रीच्या वेळी त्यांनी महिलांची बैठक आयोजित केली होती, या बैठकीत १५० ते २०० महिला उपस्थित झाल्या होत्या. वैरागडे यांच्या छतावर जागा होत नसल्याने त्यांनी शेजारी असलेले वैरागडे यांच्या घरावरील छताचा वापर महिलांना बसण्यासाठी केला होता, त्या छतावर सिमेंटच्या रेलिंग होत्या, काही वेळातच ती रेलिंग कोसळली आणि त्यासोबत ३ महिलाही खाली पडल्या. Roof Collapse Incident

    अचानक घडलेल्या या घटनेमुळे बैठकीत उपस्थित महिला घाबरल्या, आणि तात्काळ त्या महिलांना रुग्णालयात पाठविण्याचे प्रयत्न करण्यात आले, महिलांना वेळेवर उपचार मिळाल्याने त्या बचावल्या मात्र इतक्या रात्री बैठक आयोजित केल्याने उपस्थित महिला संतापल्या होत्या, परिसरातील महिलानुसार जर बैठकीत उपस्थित झाले नाही तर गटातून काढून टाकणार त्यामुळे त्या महिला बैठकीत आल्या होत्या.

    विशेष बाब म्हणजे सध्या या बचत गटाच्या बैठकीत कांग्रेस पदाधिकारी यांची उपस्थिती लाभत असल्याने आता हा महिलांचा बचत गट कि राजकीय गट या चर्चाना उधाण आले आहे, आगामी मनपा निवडणुकीच्या पार्श्वभूमीवर हि बैठक आयोजित करण्यात आली होती का? असा प्रश्न यावेळी उपस्थित झाला आहे. पोलिसांनी या प्रकरणी आयोजकांवर गुन्हा दाखल करावा अशी मागणी परिसरातील नागरिकांनी केली आहे.

    महिलांचे रक्षण करणे माजी जबाबदारी – चंदा वैरागडे

    आमच्या बचत गटाची मासिक सभा आयोजित करण्यात आली होती, पावसाचे दिवस असल्याने पायऱ्या ह्या सैल झाल्या होत्या, त्यामुळे महिलांचा पाय घसरला, त्यांना किरकोळ जखमा झाल्या, मात्र या घटनेमुळे माझी बदनामी करण्याचे षडयंत्र काहींनी चालविले, आम्ही चांगलं काम करीत आहो हे कुणाला पाहवत नाही आहे. आम्ही इतक्या वर्षात महिलांचे मोठे संघटन उभे केले त्यामुळे हि विरोधकांना खुपणारी बाब आहे. सर्व महिला सुरक्षित असून त्यांची रुग्णालयातून सुट्टी करण्यात आली आहे. महिलांच्या सुरक्षिततेबाबत आम्ही जागरूक असून त्यांचे रक्षण करणे माझी जबाबदारी आहे.

  • Chandrapur Swachhata Sankalp Din Activities | चंद्रपूर मनपा स्वच्छता जनजागृती अभियानात नागरिकांचा उत्स्फूर्त सहभाग

    Chandrapur Swachhata Sankalp Din Activities

    Chandrapur Swachhata Sankalp Din Activities : चंद्रपूर, दि. 22 सप्टेंबर – शासन निर्देशानुसार “स्वच्छता ही सेवा 2025” अभियान 17 सप्टेंबर ते 2 ऑक्टोबर या कालावधीत देशभर राबविण्यात येत आहे. चंद्रपूर महानगरपालिकेतर्फे नागरिकांच्या सहभागातून तीनही झोनमध्ये विविध उपक्रम राबविण्यात येत आहेत. या अभियानाची यावर्षीची थीम “स्वच्छोत्सव” असून सार्वजनिक ठिकाणांची स्वच्छता, प्लास्टिक बंदी जनजागृती, सफाईमित्र सुरक्षा शिबिरे, आरोग्य तपासणी शिबिरे, वृक्षारोपण व कचरा व्यवस्थापन जनजागृती अशा उपक्रमांवर भर देण्यात आला आहे.
    झोन 1, 2 व 3 चे सहायक आयुक्त शुभांगी सूर्यवंशी,संतोष गर्गेलवार व अनिलकुमार घुले यांच्या प्रत्यक्ष नियंत्रणात हे उपक्रम हाती घेण्यात आले. Municipal Corporation Swachh Bharat Awareness

    अश्विन नवरात्रीला आजपासून प्रारंभ, महाकाली मंदिरात घटस्थापना

    झोन क्र. 1 अंतर्गत –

    तुकुम, विवेकनगर, जटपूरा, वडगांव व नगीनाबाग या प्रभागांत जनजागृती उपक्रम राबविण्यात आला. नागरिकांना ओला व सुका कचरा वेगळा देणे, कचरा कुंडीचा वापर व परिसर स्वच्छ ठेवण्याबाबत मार्गदर्शन करण्यात आले. तसेच हातठेले व फळ विक्रेत्यांना प्लास्टिक बंदी व कचरा व्यवस्थापनाबाबत जनजागृती करण्यात आली. रामनगर प्राथमिक आरोग्य केंद्र येथे मनपा कर्मचारी आरोग्य तपासणी शिबीर यशस्वीरीत्या राबविण्यात आले. मिनगाव व बाबूपेठ परिसरात वृक्षारोपणाचे कार्यक्रम घेण्यात आले. सार्वजनिक शौचालयांच्या स्वच्छतेसाठी विशेष मोहीम हाती घेण्यात आली.

    chandrapur mahanagarpalika

    झोन क्र. 2 अंतर्गत – 

    झोन कार्यालय इमारत व झोन क्र 2 अ व ब स्वच्छता विभाग कार्यालय,हनुमान खिडकी, दादमहल,गोलबाजार मार्केट व गंजवार्ड सब्जी मार्केट,पठाणपूरा गेट,अंचलेश्वर गेट,बिनबा गेट,मनपा प्राथमिक शाळा येथे स्वच्छता कार्यक्रम राबविण्यात आला असुन पुढे झोन क्र 2 परिसरात प्लास्टीक बंदी बाबत जनजागृती अभियान राबविणे एक दिन एक घंटा या अंतर्गत रामाळा तलाव परिसरात स्वच्छता कार्यक्रम,- वेलफेअर पोग्रामबाबत कर्मचा-यांना माहीती देणे व जनजागृती करणे,राजीव गांधी उद्यान पठाणपूरा रोड येथे स्वच्छता व वृक्षारोपण कार्यक्रम,परिसरातील झेंड्याची स्वच्छता करुन परिसरातील नागरीकांमध्ये जनजागृती करणे, लोकमान्य टिळक प्राथमिक शाळा येथे चित्रकला, निबंध व रांगोळी स्पर्धा,रस्ते/नाली सफाई अभियान, डिप क्लिनींग व शौचालय स्वच्छता कार्यक्रम राबविण्यात येणार आहे.  Urban Sanitation Awareness Programs Maharashtra

    झोन क्र. 3 अंतर्गत –

     देशबंधू चित्तरंजन दास व मराठी प्राथ. शाळा दुर्गा कॉलनी रय्यतवारी येथे स्वच्छता अभियान घेण्यात आले. नेताजी चौक प्राथमिक आरोग्य केंद्र येथे स्वच्छता कर्मचाऱ्यांची आरोग्य तपासणी करण्यात आली. बायपास रोड-डंपिंग यार्ड ते आंबेडकर चौक व तेलगु शाळा समोरील मैदान परिसर येथे सकाळी वृक्षारोपण करण्यात आले. या सर्व कर्मचाऱ्यांद्वारे स्वच्छता राखण्याची शपथ घेण्यात आली आहे.  पुढे डॉ. बाबासाहेब आंबेडकर शाळा येथे निबंध स्पर्धा व सांस्कृतिक कार्यक्रम घेण्यात येणार असुन विविध धार्मिक ठिकाणी स्वच्छता कार्यक्रम व आरोग्य तपासणी शिबीर घेण्यात येणार आहे.

    तसेच सर्व झोन कार्यालयांद्वारे 2 ऑक्टोबर रोजी महात्मा गांधी जयंती निमित्त “स्वच्छता संकल्प दिन” व भव्य साफसफाई मोहीमेचे आयोजन केले जाणार आहे. झालेल्या या सर्व उपक्रमांत मनपा अधिकारी, कर्मचारी, शाळा, स्वयंसेवी संस्था व नागरिकांनी उत्साहाने सहभाग घेतला. “स्वच्छ शहर ही आपली जबाबदारी असून, स्वच्छतेतूनच सुंदर समाजाची निर्मिती होते,” असा संदेश या अभियानातून देण्यात आला.

  • how to start online earning from home । घरबसल्या Online Earning – ब्लॉगिंगपासून यूट्यूबपर्यंतची संपूर्ण माहिती

    how to start online earning from home

    how to start online earning from home : ऑनलाइन – आपल्या देशात पैसे कमविण्याचे अनेक मार्ग आहेत, यामध्ये काही कठीण तर काही सोपे मार्ग सुद्धा आहे, आपण या माध्यमातून ऑनलाइन पैसे सुद्धा कमवू शकता, आज आपणास याबाबत सविस्तर माहिती मिळणार आहे, आपण या सोप्या पद्धतीचा अवलंब करून चांगले पैसे कमविण्याची तयारी ठेवा.

    कसा आहे आयफोन १७? जाणून घ्या सोप्या भाषेत

    ब्लॉगिंगद्वारे ऑनलाइन पैसे कसे कमवायचे?

    ब्लॉगिंग हा एक शक्तिशाली माध्यम आहे, ज्याद्वारे तुम्ही तुमच्या विचारांना आणि ज्ञानाला जगासमोर मांडू शकता. ब्लॉगिंगमधून पैसे कमवण्यासाठी खालील काही प्रमुख मार्ग आहेत:

    १. Google AdSense: Google AdSense हा ब्लॉग आणि वेबसाइटद्वारे पैसे कमवण्याचा सर्वात सामान्य मार्ग आहे. यामध्ये, तुमच्या ब्लॉगवर Google कडून जाहिराती दाखवल्या जातात. जेव्हा कोणी तुमच्या ब्लॉगवरील जाहिरातींवर क्लिक करतो किंवा त्या पाहतो, तेव्हा तुम्हाला पैसे मिळतात.

    • ते कसे काम करते?
      • तुमच्या ब्लॉग किंवा वेबसाइटवर योग्य प्रमाणात व्हिजिटर्स (ट्रॅफिक) असणे आवश्यक आहे.
      • तुम्ही Google AdSense साठी अर्ज करू शकता.
      • एकदा मंजुरी मिळाल्यावर, तुमच्या ब्लॉगवर जाहिराती दिसायला लागतात.
    • टीप: तुमच्या ब्लॉगवरील मजकूर (कंटेंट) उच्च दर्जाचा आणि वाचकांसाठी उपयुक्त असावा. यामुळे तुमच्या ब्लॉगचे व्हिजिटर्स वाढतात. step by step online earning guide for beginners

    २. संलग्न मार्केटिंग (Affiliate Marketing): यामध्ये तुम्ही दुसऱ्या कंपन्यांच्या उत्पादनांची किंवा सेवांची जाहिरात तुमच्या ब्लॉगवर करता. जेव्हा कोणी तुमच्या दिलेल्या लिंकवर क्लिक करून ती वस्तू खरेदी करतो, तेव्हा तुम्हाला कमिशन मिळते.

    • उदाहरण: तुम्ही एखाद्या पुस्तकाचे पुनरावलोकन (review) लिहिले आहे आणि त्यासोबत Amazon ची संलग्न लिंक दिली आहे. जर वाचकाने त्या लिंकवरून पुस्तक विकत घेतले, तर तुम्हाला काही टक्के कमिशन मिळेल.

    ३. प्रायोजकत्व (Sponsorships): जर तुमचा ब्लॉग लोकप्रिय असेल आणि त्याला चांगले व्हिजिटर्स मिळत असतील, तर कंपन्या त्यांच्या उत्पादनांची जाहिरात तुमच्या ब्लॉगवर करण्यासाठी तुम्हाला पैसे देतात.

    ४. डिजिटल उत्पादने (Digital Products): तुम्ही स्वतःची ई-पुस्तके, ऑनलाइन कोर्स किंवा इतर डिजिटल उत्पादने तयार करून तुमच्या ब्लॉगवरून विकू शकता. online earning through affiliate marketing

    YouTube चॅनलद्वारे ऑनलाइन पैसे कसे कमवायचे?

    आज, YouTube हे एक मोठे व्यासपीठ बनले आहे. इथे व्हिडिओंच्या माध्यमातून माहिती, मनोरंजन आणि शिक्षण दिले जाते. YouTube मधून पैसे कमवण्यासाठी खालील मार्ग आहेत:

    १. YouTube Partner Program आणि Google AdSense: YouTube वरून पैसे कमवण्याचा हा मुख्य मार्ग आहे. तुमच्या चॅनलला काही अटी पूर्ण कराव्या लागतात, जसे की:

    • गेल्या १२ महिन्यांत ४००० तासांचा व्ह्यू टाइम.
    • १००० पेक्षा जास्त सबस्क्रायबर्स. एकदा या अटी पूर्ण झाल्यावर, तुम्ही YouTube Partner Program साठी अर्ज करू शकता. यानंतर तुमच्या व्हिडिओवर जाहिराती दिसायला लागतात आणि तुम्हाला कमाई सुरू होते. nline earning using YouTube channel

    २. प्रायोजकत्व आणि ब्रँड प्रमोशन्स: जर तुमचा चॅनल लोकप्रिय झाला आणि त्याचे चांगले व्ह्यूअरशिप असेल, तर अनेक कंपन्या त्यांच्या उत्पादनांचा प्रचार करण्यासाठी तुम्हाला पैसे देतात. तुम्ही त्यांच्या उत्पादनांचे व्हिडिओमध्ये पुनरावलोकन (review) करू शकता किंवा त्यांच्याबद्दल माहिती देऊ शकता. how to start online earning from home

    ३. संलग्न मार्केटिंग (Affiliate Marketing): तुम्ही तुमच्या व्हिडिओच्या वर्णनामध्ये (description) उत्पादनांच्या संलग्न लिंक्स देऊ शकता. जेव्हा कोणी त्या लिंकवरून खरेदी करतो, तेव्हा तुम्हाला कमिशन मिळते.

    ४. चॅनल सदस्यत्व (Channel Memberships): YouTube वर तुमच्या चाहत्यांसाठी ‘चॅनल मेंबरशिप’ सुरू करू शकता. यामध्ये, सदस्य मासिक शुल्क भरून विशेष सुविधा, जसे की विशेष इमोजी, बॅजेस, किंवा फक्त सदस्यांसाठी व्हिडिओ, यांचा लाभ घेऊ शकतात.

    इंस्टाग्राम आणि फेसबुकद्वारे पैसे कमविणे

    ब्लॉगिंग आणि YouTube सोबतच, तुम्ही इंस्टाग्राम आणि फेसबुकचा वापर करूनही कमाई करू शकता.

    १. इन्फ्लुएन्सर मार्केटिंग (Influencer Marketing): जर तुमचे इंस्टाग्राम किंवा फेसबुकवर चांगले फॉलोअर्स असतील, तर तुम्ही ‘इन्फ्लुएन्सर’ म्हणून काम करू शकता. कंपन्या त्यांच्या उत्पादनांच्या जाहिरातीसाठी तुम्हाला पैसे देतात. तुम्ही तुमच्या पोस्टमध्ये किंवा स्टोरीमध्ये त्या उत्पादनांची जाहिरात करू शकता.

    २. थेट विक्री (Direct Selling): तुम्ही तुमच्या स्वतःच्या उत्पादनांची किंवा सेवांची विक्री करण्यासाठी फेसबुक किंवा इंस्टाग्रामचा वापर करू शकता. फेसबुक शॉप आणि इंस्टाग्राम शॉपिंग यासारखी वैशिष्ट्ये यासाठी खूप उपयुक्त आहेत.

    ३. संलग्न मार्केटिंग (Affiliate Marketing): तुम्ही तुमच्या बायोमध्ये किंवा पोस्टमध्ये संलग्न लिंक्स (affiliate links) जोडून पैसे कमवू शकता. how to start online earning from home

    वेबसाईट व youtube वर काम करताना आपल्याला ज्या विषयाची सखोल माहिती आहे, तो विषय निवड करावा आणि त्याबाबत आर्टिकल्स व व्हिडिओं तयार करावे, हे काम आपण सतत ३ महिने करत राहिल्याने आपल्याला गुगल ऍडसेन्स ची मंजुरी लगेच मिळणार.

    इंस्टाग्राम मध्ये आपण काही कन्टेन्ट तयार केले असेल तर ते पोस्ट करा पण त्याआधी इंस्टाग्राम चे अल्गोरिदम समजणे अत्यंत गरजेचे आहे. अन्यथा पोस्ट करण्याचा काही उपयोग होणार नाही.

  • Chandrapur Mahakali Temple Navratri 2025 । अश्विन नवरात्रीची सुरुवात, महाकाली मंदिरात हजारो भाविकांची गर्दी

    Chandrapur Mahakali Temple Navratri 2025

    Chandrapur Mahakali Temple Navratri 2025 : चंद्रपूर – आजपासून अश्विन नवरात्रीची सुरुवात झाली, चंद्रपुरातील ऐतिहासिक महाकाली मंदिरात घटस्थापना करण्यात आली, नवरात्रीच्या पहिल्याच दिवशी देवीचे दर्शन घेण्यासाठी हजारो भाविकांनी पहाटेपासूनच मंदिर परिसरात उपस्थिती दर्शविली होती. २२ सप्टेंबर रोजी पहाटे ५ वाजताच मंदिर परिसरातील दालन उघडण्यात आले, गाभाऱ्यात जाऊन थेट दर्शन मिळणार यासाठी हजारो भाविक सकाळपासून रांगेत लागले होते.

    मनसे तालुकाध्यक्षावर शिस्तभंगाची कारवाई करीत पदमुक्त

     ऐतिहासिक काळातील गोंडराजा विरशाहची पत्नी राणी हिराईने सुमारे इ.स.१७०४ पुर्वी असलेल्या लहान मंदिराच्या मुळ बांधणीच्या चार खांबावर, पुर्वेस व पश्चिमेस जोडले. खांब तयार केल्यावर सध्याचे कमानयुक्त असणारे मंदिराचे बांधकाम करण्यात आले. राजा विरशाहाच्या पराक्रमाचे प्रतीक म्हणून राणी हिराईने चैत्रपोर्णिमेला महाकाली देवी उत्सवाची सुरवात केली. नांदेड येथील देवी उपासक राजाबाई देवकरिनस याने १८८० साली चैत्रपोर्णिमेला भक्तासोबत १५ दिवस उत्सवरूपी उपासना केली.  Ashwin Navratri 2025 Chandrapur Updates

    नवरात्रीमधील नियोजन काय?

    महाकाली मातेच्या मूर्तीचा दुग्धाभिषेक, जलाभिषेक केला जातो. मातेवर पारंपरिक दागदागिने चढवले जातात. यानंतर घटस्थापना केली जाते. नंतर दररोज देवीचा दुग्धाभिषेक, जलाभिषेक केला जातो. दुपारी नैवेद्य दाखवला जातो. तर, रात्री आरती केली जाते. अष्टमीला हवन केला जातो. हे अनुष्ठान नवमीपर्यंत सुरू असते. 

    यावेळी मंदिर व्यवस्थापनेतील मुख्य पुजारी यांनी माहिती दिली कि आजपासून सुरु झालेल्या अश्विन नवरात्रीमध्ये मंदिरात देवीच्या दर्शनासाठी येणाऱ्या भाविकांसाठी अनेक सोयीसुविधा केल्या आहे. दर्शन घेण्यासाठी आलेल्या भाविकांना कसलीही समस्या उदभवणार नाही याची आम्ही काळजी घेत असल्याचे सांगितले. सोबतच नवरात्री दरम्यान आंध्रप्रदेश, मराठवाडा व इतर राज्यातून भाविक मोठ्या संख्येतून दर्शनासाठी उपस्थित राहणार असल्याची माहिती यावेळी देण्यात आली.

  • Rahul Balamwar MNS Chandrapur । मनसे जिल्हाध्यक्ष राहुल बालमवारांचा मोठा निर्णय! ब्रह्मपुरी तालुकाध्यक्ष सूरज शेंडे पदमुक्त

    Rahul Balamwar MNS Chandrapur

    Rahul Balamwar MNS Chandrapur : चंद्रपूर/ब्रह्मपुरी – चंद्रपूर जिल्ह्यात महाराष्ट्र नवनिर्माण सेना जिल्हाध्यक्ष राहुल बालमवार यांच्या नेतृत्वात संघटना वाढीचे काम जोमात सुरु आहे, मात्र संघटन वाढीमध्ये अडथळा व पक्षाच्या हितास बाधा आणणारे विरुद्ध बालमवार यांनी शिस्तभंगाची कारवाई करीत पदावरून हकालपट्टी केली आहे.

    चंद्रपूर भाजपात गटबाजीचे ग्रहण

    मनसे जिल्हाध्यक्ष राहुल बालमवार यांच्याकडे वरोरा, चिमूर व ब्रह्मपुरी विधानसभा क्षेत्राची जबाबदारी आहे, या भागात मनसेचे काम व संघटन वाढी चांगली सुरु आहे, ब्रह्मपुरी तालुकाध्यक्ष सूरज शेंडे यांनी पक्षविरोधी काम केल्याने बालमवार यांनी शेंडे याना पदमुक्त केले आहे. तसे पत्र आज २१ नोव्हेम्बर रोजी बालमवार यांच्याकडून जारी करण्यात आले आहे.

    तात्काळ पदमुक्त

    पक्षविरोधी काम करण्याच्या कृतीवर महाराष्ट्र नवनिर्माण सेना अध्यक्ष राज ठाकरे हे नेहमी आक्रमक असतात, जर कुणी पक्षाच्या हिताला बाधा पोहचेल असे काम केल्यास त्याला सरळ घरचा रस्ता दाखवा असे आदेश आहे. त्या आदेशाला अनुसरून मनसे जिल्हाध्यक्ष राहुल बालमवार यांनी ब्रह्मपुरी तालुकाध्यक्ष सूरज शेंडे यांना तात्काळ पदमुक्त केले आहे. पक्षासोबत प्रामाणिक काम करणाऱ्या कार्यकर्त्यांना मनसे नेहमी न्याय देण्याचा प्रयत्न करीत असतो. मात्र विरोधात काम केल्याने तात्काळ कारवाईचा बडगा शेंडे यांच्यावर पक्षाच्या वतीने बालमवार यांनी उगारला आहे.

  • Chandrapur BJP news । महाराष्ट्रात विकासाचे सरकार; भाजप कार्यकर्त्यांच्या अथक परिश्रमाचे फळ – चंद्रशेखर बावनकुळे

    घरपट्ट्यांपासून वीजदर कपात पर्यंत सर्व वचने पूर्ण करू – ना. चंद्रशेखर बावणकुळे

    Chandrapur BJP news

    Chandrapur BJP news : चंद्रपूर २१ सप्टेंबर २०२५ – कार्यकर्त्यांच्या अथक परिश्रम आणि जनतेच्या विश्वासामुळेच महाराष्ट्रात विकासाचे सरकार स्थापन झाले. आपल्या एका मताने विकसित भारताचा संकल्प पूर्ण होत आहे. त्यामुळे कार्यकर्त्यांनी आत्मविश्वासाने आगामी सर्व निवडणुकांत विजय मिळवून कमळ फुलवावे, मुख्यमंत्री देवेंद्र फडणवीस यांच्या नेतृत्वातील सरकार घरपट्ट्यांपासून वीजदर कपातीपर्यंत सर्व वचने पूर्ण करणार असे प्रतिपादन महसूल मंत्री तथा भाजपचे ज्येष्ठ नेते चंद्रशेखर बावणकुळे यांनी केले.

    गटबाजीमुळे चंद्रपूर भाजपची डोकेदुखी वाढणार

    भारतीय जनता पार्टी चंद्रपूर महानगरतर्फे जैन भवन येथे कार्यकर्ता सन्मान सोहळ्याचे आयोजन करण्यात आले होते. यावेळी ते बोलत होते. या कार्यक्रमाला राष्ट्रीय ओबीसी आयोगाचे अध्यक्ष हंसराज अहिर, आमदार किशोर जोरगेवार, माजी आमदार सुधाकर कोहळे, महानगर अध्यक्ष सुभाष कासनगोट्टूवार, जिल्हा मध्य वर्ती बँकेचे अध्यक्ष रविंद्र शिंदे, ज्येष्ठ नेते विजय राऊत, माजी महापौर राखी कंचर्लावार, महिला आघाडी अध्यक्ष छबु वैरागडे, युवा मोर्चा प्रदेश उपाध्यक्ष रघुवीर अहिर, नामदेव डाहुले, युवा मोर्चा अध्यक्ष मयूर हेपट, महामंत्री रवी गुरुनुळे, श्याम कनकम, मनोज पाल, सविता दंढारे, विधानसभा अध्यक्ष दशरथसिंह ठाकूर, महिला अध्यक्ष वंदना हजारे, मंडळ अध्यक्ष प्रदीप किरमे, विनोद खेवले, सुभाष अदमाने, स्वप्निल डुकरे, अरुण तिखे यांच्यासह माजी नगरसेवक व इतर पदाधिकाऱ्यांची मंचावर उपस्थिती होती. Chandrapur BJP news

    बावणकुळे म्हणाले की, तीन कोटी सतर लाख मतांची ताकद घेऊन आणि ५१ टक्क्यांहून अधिक मते मिळवत मुख्यमंत्री देवेंद्र फडणवीस यांचे सरकार सत्तेत आले. हे यश इंदिरा गांधी आणि राजीव गांधी यांनाही शक्य झाले नाही, मात्र कार्यकर्त्यांच्या जोरावर आपण ते घडवून आणले.”

    ५० हजार नागरिकांना कायमस्वरूपी पट्टे देण्यात येणार

    ते पुढे म्हणाले की,  या कार्यकर्त्यांच्या ताकदीमुळे शेतकऱ्यांकडून वीजबिल न घेण्याचा ऐतिहासिक निर्णय घेता आला. घरपट्ट्यांसह ३६ महत्त्वाच्या विषयांवर निर्णय झाले असून ५० हजार नागरिकांना कायमस्वरूपी पट्टे देण्यात येणार आहेत. विजेचे दर कमी करून साडे पाच रुपये प्रति युनिट एवढीच वसुली करण्याचा निर्णय मुख्यमंत्री देवेंद्र फडणवीस यांनी घेतला आहे. महाराष्ट्राला देशातील सर्वात विकसित राज्य करण्याचा त्यांचा संकल्प आहे. Maharashtra electricity tariff reduction 2025

    chandrapur bjp

    आगामी स्थानिक स्वराज्य संस्थांच्या निवडणुका बाबत बावणकुळे म्हणाले की, “नगरपरिषद, जिल्हा परिषद आणि महानगरपालिका या सर्व निवडणुका आपण जिंकल्या पाहिजेत. आपले सरकार हे वचनपूर्ती करणारे, विकासाच्या माध्यमातून काम करणारे सरकार आहे. ओबीसींवर अन्याय होणार नाही, त्यांच्या हक्काच्या एका टक्यालाही कुणाचा हात लागणार नाही. प्रत्येक समाजाला समान न्याय देणे हीच आमची भूमिका आहे. चंद्रपूरातील प्रत्येक घराला आखीव प्रपत्रिका देण्यात येणार असून गरिबांना घरासाठी अडीच लाख रुपयांची मदत मिळणार आहे. या सर्व योजना कार्यकर्त्यांनी प्रत्येक घराघरात पोहोचवल्या पाहिजेत. chandrapur house patta scheme 2025

    पक्षाचा प्रत्येक कार्यकर्ता हा कार्यक्षम

    आमदार किशोर जोरगेवार यांच्या नेतृत्वात चंद्रपूर शहरात उत्तम कार्यकारिणी तयार झाली आहे. पक्षाचा प्रत्येक कार्यकर्ता हा कार्यक्षम आहे. जोरगेवार यांचे नेतृत्व आणि हंसराज अहिर यांचे मार्गदर्शन आपल्याला लाभले आहे. मतदारसंघातील कामे करण्यासाठी जोरगेवार यांची धडपड आम्ही पाहिली आहे. उत्तम काम करणाऱ्या दहा आमदारांमध्ये त्यांचे नाव आहे. त्यांच्या कामामुळे ते मुख्यमंत्री देवेंद्र फडणवीस यांचे निकटवर्तीय असून मुख्यमंत्री त्यांना कधीच खाली हाताने पाठवत नाहीत. त्यामुळे आपल्या प्रभागातील परिसरातील कामे आपण करून घ्यावीत, नागरिकांच्या अपेक्षा पूर्ण कराव्यात, असे ते कार्यकर्त्यांना संबोधित करताना म्हणाले.

    या कार्यक्रमात बोलताना राष्ट्रीय ओबीसी आयोगाचे अध्यक्ष हंसराज अहिर म्हणाले की, मुख्यमंत्री देवेंद्र फडणवीस यांच्या नेतृत्वाखाली स्वच्छ मंत्रीमंडळ कार्यरत आहे. नागरिकांना घरे देण्याचा घेतलेला निर्णय हा मोठा असून यामुळे नागरिकांची जुनी मागणी पूर्ण होणार आहे. या सरकारमुळे राज्याच्या विकासाला गती मिळत आहे. bjp karykarta sanman

    यावेळी आमदार जोरगेवार म्हणाले की, घरपट्ट्याच्या मागणीसंदर्भात मंत्री बावणकुळे यांनी तात्काळ मुंबईत बैठक घेऊन प्रश्न मार्गी लावला. सत्तेचा लाभ शेवटच्या घरापर्यंत पोहोचविण्याचे कार्य त्यांच्या माध्यमातून सुरू आहे.चंद्रपूरमध्ये आयोजित माता महाकाली महोत्सवादरम्यान निघणारी पालखी ही विदर्भातील सर्वात मोठी पालखी असून या मंदिर परिसराच्या विकासासाठी राज्य सरकार सकारात्मक असल्याचेही ते म्हणाले.

    मुख्यमंत्री देवेंद्र फडणवीस यांच्या नेतृत्वाखाली महाराष्ट्र प्रगती करत असून चंद्रपूर मतदारसंघाचाही विकास होत आहे. येणाऱ्या सर्व निवडणुका भारतीय जनता पक्ष जिंकणार असल्याचा विश्वास यावेळी आमदार किशोर जोरगेवार यांनी व्यक्त केला. Chandrapur BJP news

    या वेळी नवनियुक्त पदाधिकाऱ्यांना ना. चंद्रशेखर बावणकुळे यांच्या उपस्थितीत सन्मानपत्र प्रदान करण्यात आले. कार्यक्रमाला भाजप पदाधिकारी व कार्यकर्ते मोठ्या संख्येने उपस्थित होते.या कार्यकर्ता मेळाव्यामुळे भाजप कार्यकर्त्यांमध्ये नवचैतन्य निर्माण झाले असून, येणाऱ्या निवडणुकांत विजयाची पताका फडकवण्याचा निर्धार व्यक्त करण्यात आला.

  • Chandrapur OBC leaders statements । ओबीसी आरक्षणावरील भीती दूर करा; सचिन राजुरकरांच्या निवेदनातून मागण्या

    Chandrapur OBC leaders statements

    Chandrapur OBC leaders statements : चंद्रपुर २१ सप्टेंबर २०२५ – महाराष्ट्र शासनाने 2 सप्टेंबर 2025 रोजी काढलेल्या शासन निर्णयामुळे व हैद्राबाद गॅझेटियर लागू केल्यामुळे ओबीसी आरक्षणाला कुठेही धक्का लागला नाही असे महाराष्ट्राचे मुख्यमंत्री देवेंद्रजी फडणवीस वारंवार सांगत असले तरी ओबीसी नेते व शासनातील मंत्री आरक्षणाला मोठा धक्का लागल्याचे सांगत आहे तर तिकडे मनोज जरांगे पाटील गुलाल उधळून मराठा जिंकल्याचे सांगत आहे यामुळे ओबीसी समाज द्विधा मनस्थिती मध्ये असून पुरता घाबरलेला आहे. Maharashtra OBC reservation 2025

    आदिवासी शेतमजुरांची फसवणूक करणाऱ्यांवर कडक कारवाई करा – पालकमंत्री उईके

    खरे तर हैद्राबाद गॅझेटियर मध्ये सामूहिक नोंदी आहे, वैयक्तिक नोंदी नाही आणि कुणबी प्रमाणपत्र वैयक्तिक नोंदी शिवाय देता येत नाही असे असताना सुद्धा 17 सप्टेंबर पासून मराठवाड्‌यातील हिंगोली, धाराशिव व बीड येथे हैद्राबाद गॅझेटियर वरून कुणबी प्रमाणपत्र वाटल्याचे वेगवेगळे चॅनलवरून सांगितल्या जात आहे त्यामुळे ओबीसी समाजामध्ये भीतीचे वातावरण निर्माण झाले आहे.

    ओबीसी समाजात पसरले भीतीचे वातावरण

    या संदर्भातील खालील मागण्याकडे आपण जातीने लक्ष देऊन त्या अमलात आणाव्यात या करिता राष्ट्रीय ओबीसी महासंघाचे तर्फे महसुल मंत्री बावनकुळे यांना निवेदना द्वारे खालील मागण्या करण्यात आल्या आहे.

    • १) कोणत्याही परिस्थितीत मराठा जातीचा ओबीसी संवर्गात समावेश करण्यात येऊ नये तसेच मराठ्‌यांना सरसकट कुणबी प्रमाणपत्र देण्यात येऊ नये.
      २) हाताने खाडाखोड करून चुकीच्या व खोट्या पुराव्याच्या आधारे कुणबी, कुणबी मराठा व मराठा कुणबी प्रमाणपत्र देण्यात येऊ नये.
      ३) केवळ प्रतिज्ञापत्राच्या आधारे कुणबी दाखले देण्यात येऊ नये.
      ४) खोट्या नोंदी तपासण्यासाठी मंत्र्यांची समिती नेमण्यात यावी. ५) स्थानिक स्वराज्य संस्थांच्या निवडणुकांमध्ये ओबीसी मधून निवडणूक लढवितांना केवळ जात पडताळणी प्रस्ताव, जात पडताळणी विभागाकडे सादर केल्याच्या पावतीवर निवडणूक लढण्यासाठी परवानगी न देता सोबत कुणबी जातीचा उल्लेख असलेले महसूल कागदपत्र जोडणे बंधनकारक करण्यात यावे.
      ६) 2 सप्टेंबर 2025 च्या शासन निर्णयामधील शेवटच्या पेरेग्राफ मध्ये गावातील, कुळातील व नातेसंबंधातील व्यक्ती म्हणजे कोण ? याचा अर्थ स्पष्ट करावा. असे ओबीसी महासंघाचे राष्ट्रीय महासचिव सचिन राजुरकर यांनी ही मागणी केली आहे. Maratha quota Maharashtra GR

    निवेदन देतांना ओबिसी योद्धे रवींद्र टोंगे, मनिषा बोबडे, महासचिव महिला महासंघ, किसान महासंघाचे रणजीत डवरे, धनोजे कुणबी समाजाचे अध्यक्ष श्रीधर मालेकर , सचिव अतुल देऊळकर त्यांचे सर्व संचालक मंडळ सोबत, ओबीसी विध्यार्थी महासंघाचे दिपक पिंपळशेंडे, सुमित देवाळकर, प्रशांत पिंपळशेंडे, उदय टोंगे,सूरज देवाळकर, उमेश श्रीरसागर, चंद्रशेखर देवाळकर, हर्षल टोंगे उपस्थित होते.

  • Chandrapur tribal loan fraud । चंद्रपुरात 50 लाखांचा घोटाळा : कोलाम आदिवासी शेतकऱ्यांच्या नावाने बनावट कर्ज उचल

    Chandrapur tribal loan fraud

    Chandrapur tribal loan fraud : चंद्रपूर, दिनांक 21 : जिवती तालुक्यातील कोलाम आदिवासी शेतमजुरांच्या नावे बनावट सातबारा तयार करून पीक कर्जाची उचल व फसवणूक करणा-यांना कदापी सोडणार नाही. याप्रकरणी संबंधितांवर कडक कारवाई करण्याचे निर्देश जिल्हा प्रशासनाला दिले आहे, असे राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके यांनी सांगितले. 

    चंद्रपूर भाजपमध्ये गटबाजी, मनपा निवडणुकीत डोकेदुखी वाढणार

    चंद्रपूर जिल्ह्यातील कोरपना, जिवती, गडचांदूर या तालुक्यातील 32 किंवा त्यापेक्षा जास्त आदिवासी कोलाम शेतमजुरांच्या अज्ञानाचा फायदा घेत तसेच त्यांना सरकारी अनुदानाचे आमिष दाखवून आरोपी विनायक राठोड याने या शेतमजुरांकडून त्यांचे पासपोर्ट फोटो व आधारकार्ड गोळा केले. सरकारकडून अनुदान मिळण्याची नवीन योजना आली आहे. मी तुम्हाला योजनेचे पैसे मिळवुन देतो, असे सांगुन कोलाम आदिवासी शेतमजुरांच्या अज्ञानाचा व भोळेपणाचा फायदा घेतला.

    लाखोंच्या वर कर्जाची उचल

    गोळा केलेल्या पासपोर्ट व आधारकार्डच्या आधारे बनावट सातबारा तयार केला. तसेच  पीक कर्जासाठी आवश्यक असणारे इतर कागदपत्रेसुध्दा तयार केली. गडचांदूर येथील विदर्भ कोकण ग्रामीण बँकेत आदिवासी शेतमजुरांना बोलावून राठोड याने त्यांची स्वाक्षरी आणि अंगठे फाईलवर घेतले. या आधारावर राठोड याने प्रत्येक शेतमजुरांच्या नावे किमान 1 लक्ष 60 हजार ते 1 लक्ष 70 हजार रुपयांपर्यंत पीक कर्ज मंजूर करून घेतले. crop loan fraud

    मारोतीगुडा (ता. जिवती) येथील बालाजी सुरेश सिडाम यांना बँकेत बोलावून पीक कर्जाचे 1 लक्ष 60 हजार रुपये काढण्यास सांगून त्यापैकी केवळ 10 हजार रुपये सिडाम यांना दिले व उर्वरीत रक्कम स्वत:जवळ ठेवून घेतली. विदर्भ कोकण ग्रामीण बँकेचे कर्मचारी थकीत कर्जवसुलीकरीता सिडाम यांच्याकडे आले असता, आपण अशा प्रकारचे कोणतेही कर्ज घेतले नाही, असे त्यांनी सांगितले. बँकेत चौकशी केल्यावर त्यांना समजले की जुलै 2021 मध्ये विनायक राठोड याने आधारकार्ड आणि इतर कागदपत्रांच्या आधारावर बनावट सातबारा तयार केला आणि पीक कर्जाची रक्कम लंपास केली. विशेष म्हणजे आरोपी विनायक राठोड याने आजुबाजुच्या गावातील 32 किंवा त्यापेक्षा जास्त आदिवासी कोलाम शेतमजुरांच्या नावे बनावट सातबारा करून अंदाचे 50 ते 55 लक्ष रुपयांची फसवणूक केली आहे. fake satbara forgery Chandrapur   

    याप्रकरणी बालाजी सिडाम यांच्या तक्रारीवरून, विनायक राठोड विरुध्द 15 सप्टेंबर 2025 रोजी गडचांदूर पोलिस ठाण्यात कलम 420, 465, 468 आणि 471 अन्वये गुन्हा दाखल करण्यात आला आहे. जिल्ह्यात आदिवासींच्या नावे बोगस कागदपत्रे तयार करणा-यांविरुध्द कठोर कारवाई करावी, असे निर्देश  पालकमंत्री डॉ. अशोक उईके यांनी जिल्हा प्रशासनाला दिले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by