Blog

acute cardio respiratory failure in tigers

acute cardio respiratory failure in tigers : चंद्रपूर: ताडोबा बफर विभागांतर्गत मूल वनपरिक्षेत्रातील जानाला येथील डोणी बीटमधील कक्ष क्रमांक ३६० मध्ये आज (शुक्रवार, २१ जून २०२५) सकाळी टी-१७७ या सात वर्षीय वाघिणीचा मृतदेह आढळून आला. वनविभागाने तात्काळ घटनास्थळी धाव घेत पाहणी केली.

चंद्रपूर मनपा निवडणुकीची तयारी

वनविभागाला वाघिणीचा मृतदेह आढळल्याची माहिती मिळताच त्यांनी तात्काळ घटनास्थळ सुरक्षित केले आणि आवश्यक त्या प्रक्रिया सुरू केल्या. वाघिणीचा मृतदेह चंद्रपूर येथील (TTC) केंद्रात नेण्यात आला, जिथे तिचे सविस्तर शवविच्छेदन करण्यात आले. शवविच्छेदनानंतर वाघिणीचा मृत्यू तीव्र हृदय-श्वसन निकामी झाल्यामुळे (Acute cardio-respiratory failure) झाल्याचे निष्पन्न झाले.

शिकार नाही, नैसर्गिक मृत्यू

तपासणीदरम्यान, वाघिणीचे सुळे, नखं आणि मिशा यासह सर्व महत्त्वाचे अवयव शाबूत आढळले. त्यामुळे, शिकारीची किंवा इतर कोणत्याही घातपाताची शक्यता पूर्णपणे फेटाळून लावण्यात आली आहे.

राष्ट्रीय व्याघ्र संवर्धन प्राधिकरणाच्या (NTCA) मार्गदर्शक सूचनांनुसार सर्व कायदेशीर प्रक्रिया पार पाडण्यात आल्या. यावेळी एनटीसीए प्रतिनिधी श्री. बंधु धोत्रे, मानद वन्यजीव संरक्षक श्री. मुकेश भांडारकर, ताडोबा बफर विभागाचे सहायक वनसंरक्षक श्री. एस.एस. दुबे, आणि पशुवैद्यकीय तज्ञ उपस्थित होते.

यात डॉ. रविकांत एस. खोब्रागडे (पशुवैद्यकीय अधिकारी – वन्यजीव आणि प्रमुख, रॅपिड रेस्क्यू टीम, ताडोबा अंधारी व्याघ्र प्रकल्प), डॉ. कुंदन पोदचलवार (पशुवैद्यकीय अधिकारी, टीटीसी, चंद्रपूर), आणि डॉ. कडुलकर (निवृत्त सहायक पशुधन विकास अधिकारी) यांचा समावेश होता. मूल वनपरिक्षेत्रातील आणि ताडोबा बफर विभागातील क्षेत्र कर्मचाऱ्यांनीही या प्रक्रियेत सहकार्य केले.

हृदय-श्वसन निकामी होणे म्हणजे नक्की काय?

हृदय-श्वसन निकामी होणे (Cardio-respiratory failure) म्हणजे शरीरातील हृदय (Cardio) आणि श्वसन प्रणाली (Respiratory) दोन्ही योग्यरित्या काम करणे थांबवतात किंवा त्यांची कार्यक्षमता खूप कमी होते. सोप्या भाषेत सांगायचे तर, याचा अर्थ हृदय शरीराच्या अवयवांना पुरेसे रक्त पंप करू शकत नाही आणि फुफ्फुसे रक्ताला पुरेसा ऑक्सिजन पुरवू शकत नाहीत किंवा कार्बन डायऑक्साइड प्रभावीपणे बाहेर काढू शकत नाहीत.

यामुळे शरीरातील अवयवांना आवश्यक ऑक्सिजन मिळत नाही आणि कार्बन डायऑक्साइडचे प्रमाण वाढते, जे शरीरासाठी हानिकारक असते. हे एक गंभीर वैद्यकीय स्थिती आहे, ज्यात तातडीने वैद्यकीय मदतीची आवश्यकता असते.

वाघिणीच्या बाबतीत, “अक्यूट कार्डिओ-रेस्पिरेटरी फेल्युअर” म्हणजे तिला अचानक हृदय आणि श्वसनसंस्थेशी संबंधित गंभीर समस्या आली, ज्यामुळे तिचा मृत्यू झाला. हे सहसा नैसर्गिक कारणांमुळे होते, जसे की वृद्धत्व, एखादा गंभीर आजार किंवा शरीरातील अचानक झालेला कोणताही बदल जो हृदय आणि फुफ्फुसांच्या कार्यावर परिणाम करतो.

sarpanch election obc reservation demand

sarpanch election obc reservation demand : चंद्रपूर – ग्रामपंचायत निवडणुकीत सरपंच पदासाठी नव्याने सोडत काढून 27 टक्के आरक्षण द्यावे अशी मागणी राष्ट्रीय ओबीसी महासंघाचे महासचिव सचिन राजुरकर यांनी आज दिनांक 20 जून 2025 ला मुख्यमंत्री , ग्रामविकास मंत्री आणि मुख्य निवडणुक अधिकारी यांचे कडे आज चंद्रपूर जिल्हाधिकारी कार्यालयामार्फत निवडणूक अधिकारी चौधरी साहेब यांचे कडे निवेदन देऊन केली आहे. OBC reservation in gram panchayat elections

जेसीआय चे राष्ट्रीय अध्यक्ष चंद्रपूरच्या दौऱ्यावर

4 एप्रिल 2025 अन्वे मुंबई ग्रामपंचायत अधिनियम 1958 मधील कलम 30 व मुंबई ग्रामपंचायत सरपंच निवडणूक नियम 1964 मधील नियम पोट नियम (3), (4 ),(5 ),व (6 )मधील तरतूद नुसार अनुसूचित जाती /जमाती, नागरिकाचा मागास प्रवर्ग व स्त्री प्रवर्गातील सरपंच पदे तसेच सर्वसाधारण जागा व स्त्री यासाठी आरक्षित करायची पदाची कारवाई ग्रामविकास विभागाने मार्च 2025 ला सरपंच पदाची आरक्षणाची सोडत काढण्यात आली होती.

एकही सरपंच पद ओबीसी करीता राखीव नाही

चंद्रपुर जिल्ह्यात दिनांक 23 एप्रिल 2025 ला चंद्रपूर जिल्ह्यात एकूण 92 ग्रामपंचायतीच्या सरपंच पदाच्या सोडत काढल्या होत्या, त्यात चिमूर तालुक्यात नागरिकांचा मागास प्रवर्गासाठी एकही सरपंच पद राखीव ठेवण्यात आले नाही. दिनांक 6 मे 2025 ला माननीय सर्वोच्च न्यायालयाने स्थानिक स्वराज्य संस्थेतील आरक्षण 27 टक्के मान्य केले असल्याने ,महाराष्ट्रातील आणि चंद्रपूर जिल्ह्यातील दिनांक 23 एप्रिल 2025 ला काढलेली सरपंच पदाची आरक्षण सोडत रद्द करून नव्याने आरक्षण करण्यात यावे.

या साठी निवेदन देण्यात आले या वेळी महाराष्ट्र सरपंच संघटनेचे जिल्हाध्यक्ष नंदूकिशोर वाढई, ॲड देवा पाचभाई, सरपंच्या इंदुबाई पोले ,स्नेहा साव संध्याताई पाटील ,नर्मदा बोरेकर निर्मला दडमड , सोनाबाई हनवते मंगला कलेवाड इत्यादी सरपंच आणि दीपक पिंपळशेंडे, वैभव क्षीरसागर सुरज देवाडकर ,संतोष झाडे,उपस्थित होते.

Ankur Jhunjhunwala JCI India visit

Ankur Jhunjhunwala JCI India visit : चंद्रपूर, महाराष्ट्र: जेसीआय इंडियाचे राष्ट्रीय अध्यक्ष जेसी अंकुर झुनझुनवाला येत्या २३ जून २०२५ रोजी चंद्रपूर रीजनला भेट देणार आहेत. नेतृत्व विकास, संघटनात्मक वाढ आणि युवा प्रेरणा यावर लक्ष केंद्रित करणारा हा दौरा अत्यंत महत्त्वाचा मानला जात आहे.

चंद्रपूर महानगरपालिकेच्या निवडणुकीची तयारी

जेसीआय (ज्युनियर चेंबर इंटरनॅशनल) ही एक आंतरराष्ट्रीय पातळीवरील नेतृत्व विकास संघटना आहे, जी युवकांना सकारात्मक बदल घडवण्यासाठी प्रोत्साहित करते. १०० हून अधिक देशांमध्ये कार्यरत असलेली ही संघटना भारतात जेसीआय इंडिया म्हणून ओळखली जाते. १८ ते ४० वयोगटातील तरुणांना नेतृत्व, व्यवसाय, सामाजिक जबाबदारी आणि वैयक्तिक विकासाच्या संधी उपलब्ध करून देणे, हे जेसीआय इंडियाचे मुख्य उद्दिष्ट आहे. JCI India national president visit 2025

दौऱ्याचे मुख्य आकर्षण आणि उद्दिष्टे

जोन-१३ च्या चंद्रपूर रीजनमधील हा बहुप्रतीक्षित दौरा नेतृत्व, संघटनात्मक विकास आणि युवा प्रेरणा यांचे प्रतीक आहे. चंद्रपूर क्षेत्रातील सर्व स्थानिक संस्था या ऐतिहासिक प्रसंगासाठी अत्यंत उत्सुक असून, त्यांनी कार्यक्रमाच्या भव्य तयारीला सुरुवात केली आहे. JCI India regional leadership program

कार्यक्रमाचे मुख्य टप्पे:

• जेसी अंकुर झुनझुनवाला यांचे भव्य स्वागत: स्थानिक संस्थांकडून राष्ट्रीय अध्यक्षांचे उत्साहात स्वागत केले जाईल.
• स्थानिक संस्थांकडून सामाजिक प्रकल्पांचे सादरीकरण: चंद्रपूर रीजनमधील जेसीआयच्या स्थानिक शाखांनी हाती घेतलेल्या विविध सामाजिक उपक्रमांचे या वेळी सादरीकरण केले जाईल.
• JCI व्हिजन २०२५ वर अध्यक्षीय मार्गदर्शन: जेसी अंकुर झुनझुनवाला हे JCI व्हिजन २०२५ संदर्भात महत्त्वाचे मार्गदर्शन करतील, ज्यामुळे संघटनेची भविष्यातील दिशा स्पष्ट होईल.
• नेतृत्व विकासावर संवाद सत्र: युवा नेतृत्वाला बळकटी देण्यासाठी विशेष संवाद सत्राचे आयोजन करण्यात आले आहे.
• जेसी सदस्यांचा सन्मान समारंभ: जेसीआयच्या सक्रिय सदस्यांच्या योगदानाला आदराने गौरवण्यासाठी सन्मान समारंभाचे आयोजन करण्यात आले आहे. JCI India 2025 Vision explained

या दौऱ्याचा मुख्य उद्देश चंद्रपूर क्षेत्रातील स्थानिक संस्था आणि युवकांना प्रेरित करणे तसेच या प्रदेशात सकारात्मक परिवर्तन आणि विकासाला चालना देणे हा आहे.

उपस्थित प्रमुख पदाधिकारी

या दौऱ्याला झोन आणि स्थानिक स्तरावरील अनेक महत्त्वपूर्ण व्यक्ती उपस्थित राहणार आहेत.

झोन नेतृत्व आणि पदाधिकारी:

• झोन अध्यक्ष: जेसी कुशल झंवर
• दौरा समन्वयक: जेसी शालिनी राजपूत आणि जेसी सौरभ गट्टानी

झोन गव्हर्निंग बोर्ड (ZGB) सदस्य:

• जेसी रुपेश राठी
• जेसी यश श्रीवास्तव
• जेसी विनोद एडलावर
• जेसी ऋतिक गोयल
• जेसी स्मृती व्यवहारे
• जेसी महेंद्र जोशी
• जेसी गौरी लोढा
• जेसी आशीष गोयल
• जेसी भावेश चव्हाण

स्थानिक संस्था अध्यक्ष (LO Presidents):

• जेसी ज्ञानेश कंचर्लावार – जेसीआय चंद्रपूर एलिट
• जेसी सुशांत भांडारकर – जेसीआय चंद्रपूर पॉवर सिटी
• जेसी चेतन रामटेके – जेसीआय चंद्रपूर
• जेसी विक्रम अरोरा – जेसीआय चंद्रपूर ऑर्बिट
• जेसी स्वाती पुगलिया – जेसीआय चंद्रपूर गरिमा
• जेसी आशीष उधवानी – जेसीआय मूल
• जेसी अभिषेक चौधरी – जेसीआय वणी
• जेसी प्रणय विमलकर – जेसीआय राजुरा ब्लॅक डायमंड सिटी
• जेसी प्रणीता कंपल्ली – जेसीआय बल्लारपूर वुड सिटी
• जेसी डॉ. आशीष ढांबरे – जेसीआय वर्धा
• जेसी अक्षय मल्पाणी – जेसीआय गडचांदूर

माजी झोन अध्यक्ष आणि वरिष्ठ पदाधिकारी:

• जेसी डॉ. सुशील जी मुंदडा
• जेसी नितीन पुगलिया
• जेसी मेघनाथ जानी
• जेसी भरत बजाज
• जेसी अनुप गांधी
• जेसी सौरभ बर्डिया
• जेसी प्रतीक सरडा

या दौऱ्यामुळे चंद्रपूर आणि आसपासच्या क्षेत्रातील युवा नेतृत्वाला नवी दिशा मिळेल, अशी अपेक्षा आहे.

MLA action on pending salary of teachers

MLA action on pending salary of teachers : चंद्रपूर : एकात्‍मिक आदिवासी विकास प्रकल्‍प कार्यालय चंद्रपूर येथील अधिकारी – कर्मचारी आदिवासी आश्रमशाळेतील शिक्षक – शिक्षकेत्तर कर्मचाऱ्यांच्या समस्‍या प्रलंबित ठेवत असल्‍याने समस्‍या निवारण सभेत आमदार सुधाकर अडबाले यांनी अधिकाऱ्यांना चांगलेच धारेवर धरले. प्रलंबित समस्‍या दिलेल्‍या वेळेत सोडविण्याचे निर्देश देखील सभेत आमदार अडबाले यांनी दिले. tribal school teacher salary revision

बल्लारपूर ते थेट सोलापूर नव्या रेल्वेची होणार सुरुवात? खासदार धानोरकरांचा पुढाकार

विदर्भ माध्यमिक शिक्षक संघाचा “समस्या तुमच्या, पुढाकार आमचा” या उपक्रमा अंतर्गत विदर्भ माध्यमिक शिक्षक संघाचे प्रांतीय सरकार्यवाह तथा आमदार सुधाकर अडबाले यांच्या पुढाकाराने चंद्रपूर प्रकल्पांतर्गत अनुदानित आश्रमशाळेतील शिक्षक – शिक्षकेत्तर कर्मचाऱ्यांच्या प्रलंबित समस्‍यांबाबत समस्‍या निवारण सभा नुकतीच पार पडली.

लेखाधिकारी यांना धरले धारेवर

आदिवासी आश्रमशाळा माध्यमिक शिक्षकांना ४८०० ग्रेड पे नुसार वेतन निश्‍चिती केल्‍यानंतरही सुधारित वेतन निश्‍चिती लागू केली नसल्‍याने सभेत लेखाधिकारी यांना आमदार सुधाकर अडबाले यांनी धारेवर धरले. वर्ष होऊनही देखील सदर प्रकरण निकाली न काढल्‍याने सदर मुद्दा सभेत चांगलाच गाजला. तसेच प्राथमिक शिक्षकांना ४३०० सुधारित वेतन निश्‍चिती लागू करावी. सदर प्रकरण ११ जुलै २०२५ पर्यंत निकाली काढण्याचे निर्देश आमदार सुधाकर अडबाले यांनी अधिकाऱ्यांना दिले. pending salary issues in government schools

शिक्षक – शिक्षकेत्तर कर्मचाऱ्यांच्या जीपीएएफ – एनपीएस २०२३-२४, २०२४-२५ पर्यंतच्या पावत्‍या ३० सप्‍टेंबर २०२५ पर्यंत द्याव्‍या. दरमहा १ तारखेला वेतन अदा करण्याबाबत सभेत ठरलेल्‍या वेळापत्रकानुसार कार्यवाही करावी व प्रलंबित सामुहीक, वैयक्तिक समस्‍यांवर चर्चा करून समस्‍या तात्‍काळ निकाली काढण्याच्या सूचना आमदार सुधाकर अडबाले यांनी प्रकल्‍प कार्यालयातील प्रकल्‍प अधिकारी, लेखाधिकारी व कर्मचाऱ्यांना दिल्‍या.

सभेला प्रकल्‍प अधिकारी विकास राचेलवार, सहाय्यक प्रकल्‍प अधिकारी श्री. टिंगूसले, विदर्भ माध्यमिक शिक्षक संघाचे महानगर अध्यक्ष दिगांबर कुरेकार, माजी जिल्हाध्यक्ष केशवराव ठाकरे, माजी जिल्हा कार्यवाह श्रीहरी शेंडे, सिटू संघटनेचे विभागीय अध्यक्ष रामदास खवशी, अनुदानित / शासकीय आदिवासी आश्रमशाळा संघटना चंद्रपूरचे अध्यक्ष प्रमोद साळवे, सचिव मनोज आत्राम, कार्याध्यक्ष चंद्रभान वरारकर, सदस्‍य बजरंग जेणेकर, महेश ताजणे, सुरेश वरारकर, गोपाल बोबाटे, युवराज मेश्राम, विलास चुदरी, छाया मोहीतकर, कु. जे.डी. राऊत, सुधाकर वाढोरे, श्री. काकडे, श्री. पिंपळशेंडे, श्री. खोब्रागडे, श्री. धानोरकर, श्री. बोधलकर, श्री. कसारे, श्री. कडू व इतर आश्रमशाळा पदाधिकारी, समस्याग्रस्‍त शिक्षक मोठ्या संख्येने उपस्थित होते.