My Blog

Blog

  • burglary case solved by Brahmapuri police । ब्रह्मपुरीत चोरांची धडकी! पण पोलिसांची यशस्वी सर्जिकल स्ट्राईक

    burglary case solved by Brahmapuri police

    burglary case solved by Brahmapuri police : ब्रह्मपुरी: ब्रह्मपुरी पोलिसांनी घरफोडी करणाऱ्या दोन आरोपींना अटक करून त्यांच्याकडून ३३,००० रुपयांचा मुद्देमाल जप्त केला आहे. डी.बी. पथकाच्या (गुन्हे शोध पथक) सतर्कतेमुळे आणि मिळालेल्या गोपनीय माहितीच्या आधारे ही कारवाई करण्यात आली.

    शिक्षक घोटाळ्याची एसआयटी चौकशी करा – आमदार सुधाकर अडबाले

    मिळालेल्या माहितीनुसार, गोवर्धन नीलकंठ गायधने (वय ४१, रा. मराठा लेआउट, कुर्झा, ब्रह्मपुरी) यांनी ब्रह्मपुरी पोलीस ठाण्यात तक्रार दाखल केली होती. १७ जून २०२५ रोजी ते कामासाठी बाहेरगावी गेले असताना, अज्ञात चोरट्याने त्यांच्या घराचे कुलूप तोडून घरात प्रवेश केला. बेडरूममधील लॉकरमधून ५०,००० रुपये रोख रक्कम आणि सोन्याचे दागिने असा एकूण ५०,००० रुपयांचा मुद्देमाल चोरून नेला होता. या प्रकरणी ब्रह्मपुरी पोलीस ठाण्यात गुन्हा क्रमांक २६६/२०२५, भारतीय न्याय संहिता कलम ३३१(४) आणि ३०५(अ) नुसार गुन्हा दाखल करण्यात आला होता. successful operation by DB team Brahmapuri

    आरोपींची ओळख पटली

    गुन्हा दाखल झाल्यानंतर ब्रह्मपुरी पोलीस स्टेशनच्या डी.बी. पथकाने तातडीने अज्ञात आरोपींचा शोध सुरू केला. पोलीस स्टेशनच्या रेकॉर्डवरील आरोपींचा या गुन्ह्यात सहभाग असल्याची खात्रीशीर गोपनीय माहिती मिळाल्यानंतर, पोलिसांनी अनिल रामभाऊ दांडेकर (वय ३०, रा. हत्तीगोटा, ब्रह्मपुरी) आणि विकी ज्ञानेश्वर जांगडे (वय ३०, रा. नानोरी, ता. ब्रह्मपुरी) या दोघांना ताब्यात घेतले. त्यांची कसून चौकशी केली असता, त्यांनी सदर घरफोडी केल्याची कबुली दिली.

    मुद्देमाल जप्त

    आरोपींना अटक केल्यानंतर त्यांच्याकडून चोरीचा मुद्देमाल जप्त करण्यात आला. यामध्ये ७,५०० रुपये रोख रक्कम, चोरी केलेल्या पैशातून विकत घेतलेला ५,५०० रुपये किमतीचा सॅमसंग कंपनीचा मोबाईल, ५,००० रुपये किमतीची १ ग्रॅम वजनाची सोन्याची अंगठी आणि १५,००० रुपये किमतीची ३ ग्रॅम वजनाची नाकातील नथ असा एकूण ३३,००० रुपयांचा मुद्देमाल हस्तगत करण्यात आला आहे. अटक केलेल्या दोन्ही आरोपींना प्रथमवर्ग न्यायालय, ब्रह्मपुरी यांनी १४ दिवसांची न्यायालयीन कोठडी सुनावली आहे. Brahmapuri crime branch nabs house theft accused

    यशस्वी कामगिरी करणारे पथक

    ही यशस्वी कामगिरी मा. पोलीस अधीक्षक सुदर्शन मुमक्का साहेब, अप्पर पोलीस अधीक्षक रीना जनबंधू, उपविभागीय पोलीस अधिकारी दिनकर ठोसरे आणि पोलीस निरीक्षक प्रमोद बानबले यांच्या मार्गदर्शनाखाली करण्यात आली. यामध्ये सहा. पो. नि. मनोज खडसे, पो. हवालदार योगेश शिवणकर, पो. हवालदार अजय कटाईत, पो. ना. मुकेश गजबे, पो. शिपाई स्वप्नील पळसपगार, चंदू कुलसंगे, इरशाद खान आणि निलेश तुमसरे यांचा समावेश होता. सदर गुन्ह्याचा पुढील तपास पोलीस नाईक मुकेश गजबे करत आहेत.

  • bogus teacher recruitment scam in Maharashtra । महाराष्ट्राच्या शिक्षण खात्यात मोठा घोटाळा! SIT चौकशीची मागणी

    bogus teacher recruitment scam in Maharashtra

    bogus teacher recruitment scam in Maharashtra : चंद्रपूर : राज्‍यातील बोगस शिक्षक पदभरती प्रकरणाची एसआयटीमार्फत चौकशी करावी व विदर्भातील शिक्षण विभागातील अधिकारी यांची रिक्‍त पदे पदोन्नतीने तात्‍काळ भरण्यात यावी, या दोन प्रमुख मागण्यांसाठी विदर्भ माध्यमिक शिक्षक संघाच्या वतीने आमदार सुधाकर अडबाले यांच्या नेतृत्‍वात एक दिवसीय धरणे / निदर्शने आंदोलन करण्यात येत आहे.

    १५ वर्षाचा वाघ जंगलात आढळला मृतावस्थेत

    नागपूर विभागासह राज्‍यात शिक्षण विभागातील बोगस शिक्षक पदभरती घोटाळा गाजत आहे. ज्ञानदानाचे कार्य करणाऱ्या पवित्र शिक्षण विभागातील या प्रकरणाची सखोल चौकशी होणे गरजेचे आहे. तेव्‍हा नागपूर विभागातील बाेगस शिक्षक पदभरती घोटाळ्यासह राज्‍यात शिक्षक पदभरती बंद असताना शिक्षण विभागात झालेल्‍या शिक्षक पदभरतीची राज्‍यस्‍तरावरून एसआयटी नियुक्‍त करून चौकशी करण्यात यावी व दोषींवर तात्‍काळ कारवाई करण्यात यावी. demand for SIT probe in teacher recruitment

    २७ जून रोजी धरणे

    तसेच विदर्भातील शिक्षण उपसंचालक (नागपूर / अमरावती), शिक्षणाधिकारी (प्राथमिक / माध्यमिक), वेतन पथक अधीक्षक (प्राथमिक / माध्यमिक), लेखाधिकारी, गटशिक्षणाधिकारी ही महत्वाची पदे मोठ्या प्रमाणावर रिक्‍त आहेत. त्‍यामुळे वरील सर्व रिक्‍त पदे पदोन्नती / बदलीने तात्‍काळ भरण्यात यावी, या प्रमुख दोन मागण्यांसाठी विदर्भ माध्यमिक शिक्षक संघाच्या वतीने एक दिवसीय विदर्भस्‍तरीय धरणे / निदर्शने आंदोलन शुक्रवार, दि. २७ जून २०२५ रोजी, दुपारी ४.०० ते ५.०० वाजेपर्यंत शिक्षण उपसंचालक (नागपूर / अमरावती) यांचे कार्यालयासमोर करण्यात येत आहे.

    नागपूर शिक्षण उपसंचालक कार्यालयासमोरील आंदोलन माजी आमदार तथा म.रा.मा.शि. महामंडळ मुंबईचे सरचिटणीस व्‍ही. यू. डायगव्‍हाणे यांच्या अध्यक्षतेखाली तर अमरावती शिक्षण उपसंचालक कार्यालयासमोरील आंदोलन हे विमाशि संघाचे सरकार्यवाह तथा आमदार सुधाकर अडबाले यांच्या नेतृत्‍वात करण्यात येणार आहे. प्रांतिय अध्यक्ष अरविंद देशमुख हे प्रामुख्याने उपस्थित राहणार आहे. vidarbha teachers protest for SIT inquiry

    या धरणे / निदर्शने आंदोलनाला विदर्भातील शिक्षक – कर्मचारी, समविचारी संघटनेचे पदाधिकारी, सदस्‍य यांनी मोठ्या संख्येने उपस्‍थित राहावे, असे आवाहन विदर्भ माध्यमिक शिक्षक संघाचे प्रांतीय उपाध्यक्ष रमेश काकडे, जयप्रकाश थोटे, विजय ठोकळ, जयदीप सोनखासकर, विगागीय कार्यवाह चंद्रशेखर रहांगडाले, बाळासाहेब गोटे, कोषाध्यक्ष भूषण तल्‍हार, जिल्‍हा, महानगर, तालुका पदाधिकारी, सदस्‍यांनी केले आहे.

  • male tiger found dead in forest area । १५ वर्षांचा वाघ जंगलात मृत! चंद्रपूर हादरलं… नेमकं काय घडलं?

    male tiger found dead in forest area

    male tiger found dead in forest area : चंद्रपूर – 15 ते 16 वर्षाच्या एका नर जातीच्या वाघाचा मृतदेह आज मंगळवारी (24 जून) ला दुपारी साडेबाराचे सुमारास सिंदेवाही वनपरिक्षेत्रातील सरांडी गावालगतच्या जंगलात आढळून आला. वनविभागाने मृतदेह ताब्यात घेतला असून चंद्रपूर येथील टीटीसी सेंटरला हलविण्यात आले आहे. त्या ठिकाणी त्याचे शवविच्छेदन करण्यात येणार असून त्यानंतर मृत्यूचे कारण समोर येणार आहे. एका भल्या मोठ्या वाघाचा अचानक मृत्यू झाल्याने वनविभागामध्ये प्रचंड खळबळ उडाली आहे.

    चंद्रपूर शासकीय आयटीआय मध्ये रोजगार मेळावा


    सुत्रांनी दिलेल्या माहितीनुसार, सिंदेवाही वनपरिक्षेत्रातील नवरगाव उपवनक्षेत्रातील रत्नापूर बिटात सरांडी गावालगत जंगलात काही नागरिकांना आज मंगळवारी दुपारी साडेबाराच्या सुमारास वाघाचा मृतदेह कंपार्टमेंट नंबर 45/609 मध्ये दिसून आला. लगेच या बाबतची माहिती नवगाव येथील उपवनक्षेत्र कार्याल्याला देण्यात आली. त्यांचे अधिकारी घटनास्थळी पोहचले. त्यानंतर त्यांनी सिंदेवाही वनपरिक्षेत्राधिकारी कार्यालयाला माहिती दिली. tiger death investigation forest department

    सिंदेवाही वनपरिक्षेत्राधिकारी अंजली भोरीवार, क्षेत्रसहायक एस.बी उसेंडी, दीड वाजताचे सुमारास घटनास्थळी दाखल झाले. वनाधिकाऱ्यांनी केलेल्या निरीक्षणात घटनास्थळी वाघाचा मृत्यू झालेला होता. 15 ते 16 वयाचा नर जातीचा वाघ आहे. वाघाचे सर्व अवयव शाबुत आहेत. ब्रम्हपुरी वनविभागाचे उपवनसंरक्षक राकेश शेपट यांनी घटनास्थळी भेट दिली. त्यांनी सदर घटनास्थळाची व वाघाच्या मृतदेहाची पहाणी केली.

    वनविभागात खळबळ

    वाघ 15 ते 16 वर्ष वयोगटाचा असल्याने मृत्यूचे नेमके कारण समोर आले नाही. एका मोठ्या वाघाचा मृत्यू झाल्याने वनविभागामध्ये खळबळ उडाली आहे.
    सदर वाघाचा मृतदेह चंद्रपूर येथील टीटीसी सेंटरला पाठविण्यात आला असून त्या ठिकाणी मृतदेहाचे शवविच्छेदन करण्यात येणार आहे. त्यानंतरच वाघाच्या मृत्यूचे कारण समोर येणार आहे.

  • Chandrapur District Police Force । 👮‍♀️ महिला पोलीस अधिकाऱ्याची नियुक्ती; लाठी ठाण्यात नवा इतिहास!

    Chandrapur District Police Force

    Chandrapur District Police Force : चंद्रपूर – चंद्रपूर जिल्हा पोलीस दलात नुकत्याच पार पडलेल्या जिल्हा अंतर्गत बदल्यांमध्ये पारदर्शकता राखत जिल्हा पोलीस अधीक्षक मुमक्का सुदर्शन यांनी उल्लेखनीय निर्णय घेतले आहेत. बदल्यांची ही प्रक्रिया केवळ प्रशासकीय गरज म्हणून न करता, कार्यक्षमता आणि अधिकारी-कर्मचाऱ्यांच्या गुणवत्तेच्या आधारावर पार पाडली गेली आहे.

    सिमेंट कंपनीचे आश्वासन फसवं, आमदार भोंगळे यांचं ठिय्या आंदोलन


    याच पार्श्वभूमीवर सहाय्यक पोलीस निरीक्षक निशा भूते यांची लाठी पोलीस ठाण्याच्या ठाणेदारपदी नियुक्ती करण्यात आली आहे. लाठी हे संवेदनशील व आंतरराज्य सीमेला लागून असलेले क्षेत्र असल्याने या भागात अनुभवी व जबाबदार अधिकारी म्हणून भूते यांच्यावर विश्वास टाकण्यात आला आहे. SP initiatives for female police officers

    निशा भुते यांच्याकडे नवी जबाबदारी


    एपीआय निशा भूते या मागील वर्षभर राजुरा पोलीस ठाणे येथे कार्यरत होत्या. आपल्या कार्यशैलीमुळे आणि शिस्तप्रियतेमुळे त्यांनी स्थानिक नागरिकांमध्ये विश्वासार्हतेचं वातावरण निर्माण केलं होतं. त्यामुळेच त्यांच्या नव्या नियुक्तीचे सर्वत्र स्वागत होत आहे.


    जिल्हा पोलीस अधीक्षक मुमक्का सुदर्शन यांनी बदल्यांदरम्यान महिला अधिकाऱ्यांना सक्षम संधी देण्यावर विशेष भर दिला.या बदल्यांमुळे महिला पोलीस अधिकाऱ्यांमध्ये नवा आत्मविश्वास निर्माण झाला असून, पोलीस दलात न्याय आणि समानतेची भावना अधिक बळकट होत असल्याचे मत पोलीस अधिकारी व कर्मचाऱ्यांनी व्यक्त केले आहे.लाठी सारख्या संवेदनशील भागात महिला अधिकाऱ्यांची नियुक्ती होणं हे पोलीस प्रशासनाच्या बदलत्या आणि सकारात्मक दृष्टिकोनाचे प्रतीक मानले जात आहे.

  • government ITI job mela Chandrapur 2025 । 🔧 चंद्रपुरात आयटीआय जॉब मेळावा; संधी दारात!

    government ITI job mela Chandrapur 2025

    government ITI job mela Chandrapur 2025 : चंद्रपूर २४ जून (News३४) – शासकीय औद्योगिक प्रशिक्षण संस्था (आयटीआय) चंद्रपूर येथे गुरुवार दि. 26 जून रोजी सकाळी 11 वाजता जिल्हास्तरीय ” शिकाऊ उमेदवार मेळावा तसेच रोजगार मेळावा”आयोजित करण्यात आलेला आहे. सदर मेळावा सर्व व्यवसायाच्या आजी व माजी आयटीआय पास व शिकत असलेल्या विद्यार्थ्यांकरिता असून महाराष्ट्रातील नामांकित कंपन्यांचे प्रतिनिधी येणार आहे.

    रेल्वे भूखंड संपादनात गोंधळ, हंसराज अहिर यांनी सांभाळली बाजू

    उपस्थित राहा

    शिकाऊ उमेदवारी करिता निवड करण्यात आलेल्या उमेदवारांना शासकीय नियमानुसार कंपनीतर्फे सोयी सुविधा उपलब्ध राहतील. सदर मेळाव्याचे आयोजन बीटीआरआय चंद्रपूर यांच्या सहकार्याने होत असून याकरिता इच्छुक उमेदवारांनी स्वखर्चाने उपस्थित राहावे.

    अधिक माहितीसाठी योगेश धवणे (9405912096) लोखंडे मॅडम (9423690138) यांच्याशी संपर्क साधावा, असे आवाहन संस्थेचे प्राचार्य श्री. वानखेडे व सहाय्यक प्रशिक्षणार्थी सल्लागार प्रणाली दहाटे यांनी केले.

  • railway land acquisition problems । 🛤️ रेल्वेच्या भूखंड संपादनात गोंधळ; शेतकऱ्यांनो ८ दिवसात आक्षेप नोंदवा – हंसराज अहिर

    railway land acquisition problems

    railway land acquisition problems : चंद्रपूर – चंद्रपूर जिल्ह्याच्या वरोरा तालुक्यातील चार गावांमधील शेतकऱ्यांच्या भूसंपादनाचा विषय तातडीने मार्गी लावावा आणि संबंधित शेतकऱ्यांनी आठ दिवसाच्या आत लवादाकडे आक्षेप नोंदवावे तसेच पावसाळ्याच्या पार्श्वभूमीवर शेतीचे नुकसान होणार नाही याची काळजी रेल्वे प्रशासनाने घ्यावी, अशा सूचना राष्ट्रीय मागासवर्ग आयोगाचे अध्यक्ष हंसराज अहीर यांनी आज येथे दिल्या.

    विभागीय आयुक्त कार्यालयात आज श्री. अहीर यांच्या अध्यक्षतेखाली चंद्रपूर जिल्ह्याच्या वरोरा तालुक्यातील माजरी एरिया अमलगमेटेड एकोणा 1 व 2 येथे रेल्वे सायडीयसह लोडींग सिस्टीम ट्रॅक बांधकामाच्या भूसंपादनाबाबत बैठक घेण्यात आली. विभागीय आयुक्त विजयलक्ष्मी बिदरी, चंद्रपूरचे जिल्हाधिकारी विनय गौडा, विभागीय आयुक्तालयातील अपर आयुक्त प्रदीप कुलकर्णी, चंद्रपूरचे अपर जिल्हाधिकारी नितीन व्यवहारे यांच्यासह शेतकरी उपस्थित होते. Hansraj Ahir land acquisition intervention

    hansraj ahir land acquisition intervention

    शेतजमिनीच्या वादातून मुलाने केला वडिलांचा खून

    माजरी एरिया अमलगमेटेड एकोणा 1 व 2 येथे रेल्वे सायडीयसह लोडींग सिस्टीम ट्रॅक बांधकामासाठी दहेगाव, नायगाव, चरूरखटी आणि निमसडा येथील शेतकऱ्यांची 27.24065 हेक्टर आर जमीन भूसंपादित करण्यात आली. मात्र, शेतकऱ्यांना भूसंपादनापोटी योग्य मुल्यांकन मिळाले नसल्याची तक्रार आहे. याप्रकारणाबाबत श्री.अहीर यांनी शासन आणि शेतकऱ्यांचे मत समजून घेतले व आवश्यक माहिती यावेळी जाणून घेतली.


    याप्रकरणात शासनाने नेमलेल्या लवादाने सखोल बाबींचा विचार करून निर्णय द्यावा, तसेच शेतकऱ्यांनी संबंधित यंत्रणेकडे हरकती व नोंदी सादर कराव्या, अशा सूचना श्री. अहीर यांनी दिल्या. तसेच याभागात भूसंपादन होवून सुरू असलेले रेल्वे सायडीयसह लोडींग सिस्टीम ट्रॅकचे बांधकाम सद्या शेतीची पेरणी लक्षात घेता शेतकऱ्यांना अडचणी निर्माण होणार नाहीत याची काळजी घेवून पार पाडावी,असे निर्देशही त्यांनी यावेळी दिले.

  • father killed by son over land dispute । ⚖️ वडिलोपार्जित शेतजमीन बनली मृत्यूचे कारण; पित्यावर धारदार हल्ला!

    father killed by son over land dispute

    father killed by son over land dispute : चंद्रपूर – एखादा गुन्हा घडण्यासाठी कारण हे एकमात्र निमित्त असतं, चंद्रपुरात शेत जमिनीवरून मुलाने वडिलांचा धारदार शस्त्राने वार करीत खून केल्याची घटना २३ जून रोजी चंद्रपूर शहरातील बिनबा वार्ड मध्ये घडली. पोलिसांनी या प्रकरणी आरोपी मुलाला अटक केली आहे.

    बिनबा वॉर्डातील ६२ वर्षीय ताराचंद उर्फ दारासिंह बाबूसिंग बैस यांची वरोरा येथील मोवाडा येथे वडिलोपार्जित शेत जमीन होती, सदर जमिनीवरून बैस यांच्या घरात भांडण होत होते. मात्र या जमिनीचा वाद ताराचंद बैस यांच्या जीवावर बेतला, २३ जून ला रात्री ११ वाजता तारासिंग यांचा मुलगा ३० वर्षीय मुन्ना उर्फ संग्रामसिंग ताराचंद उर्फ दारासिंग बैस याने त्या शेत जमिनीवरून घरी वाद घातला. Chandrapur land dispute crime report

    त्या रस्त्यासाठी आमदार भोंगळे यांच्या नेतृत्वात आंदोलन

    दारूच्या नशेत वार

    मुन्ना हा दारूच्या नशेत होता, वाद वाढत गेला, वडील शेत जमीन आपल्याला देणार नाही असे समजल्यावर मुन्ना ला राग अनावर झाला, रंगाच्या भरात त्याने घरातील अवजड धारदार शस्त्र घेत वडील तारासिंग यांच्या तोंडावर, डोक्यावर व शरीरातील इतर भागावर वार करीत त्यांना जीवानिशी ठार केले. चंद्रपूर शहर पोलिसांना याबाबत माहिती मिळताच त्यांनी घटनास्थळ गाठत पंचनामा करीत आरोपी मुन्ना ला अटक केली.

    आरोपी मुन्ना बैस वर पोलिसांनी कलम १०३ (१) अंतर्गत गुन्हा दाखल केला. घटनेचा पुढील तपास शहर पोलीस करीत आहे. सदरची यशस्वी कारवाई अप्पर पोलीस अधीक्षक रीना जनबंधू, प्रभारी पोलीस उपविभागीय अधिकारी नयोमी साटम यांच्या मार्गदर्शनात पोलीस निरीक्षक निशिकांत रामटेके यांच्या नेतृत्वात सपोनि राजेंद्र सोनवणे व पोलीस कर्मचारी करीत आहे.

  • village protest for road | आश्वासन फसवं ठरलं? MLA भोंगळे उतरले थेट आंदोलनात

    village protest for road

    village protest for road : राजुरा तालुका (ता. २३ जून) : पालगाव ग्रामस्थ मागील अडीच ते तीन वर्षांपासून अल्ट्राटेक सिमेंट कंपनीकडे रस्त्याच्या मागणीसाठी पाठपुरावा करीत आहेत. चिखल आणि खड्ड्यांतून जीव मुठीत धरून प्रवास करणाऱ्या ग्रामस्थांनी अनेक वेळा निवेदने देऊन तसेच कंपनी प्रशासनाशी चर्चा करूनही रस्ता प्रश्न सुटला नाही. याच पार्श्वभूमीवर ५ मे रोजी ग्रामस्थ आक्रमक होत कंपनीच्या मुख्य कार्यालयात आंदोलन केले होते.

    चंद्रपुरात वाळू माफियांची मुजोरी, वाळूने भरलेला ट्रक तहसीलदार समोर पळविला

    कंपनी प्रशासनाने पाठ फिरविल्याने ग्रामस्थांनी कार्यालयाचा प्रवेशद्वार बंद करून ठिय्या आंदोलन केले होते. या आंदोलनास राजुरा विधानसभा मतदारसंघाचे आमदार देवरावदादा भोंगळे यांनी सक्रिय पाठिंबा दिला होता. स्वतः दोन दिवस आंदोलनस्थळी उपस्थित राहून त्यांनी पुढाकार घेतला होता. त्या आंदोलनानंतर कंपनी प्रशासनाने लेखी आश्वासन दिले होते की ३० मेपर्यंत अल्ट्राटेक ते पालगाव रस्त्याचे काम सुरू केले जाईल. villagers protest for road construction

    सिमेंट कंपनी विरोधात गावकऱ्यांमध्ये संताप

    मात्र ३० मे तारीख उलटून गेली तरी प्रत्यक्षात कोणतेही काम सुरू झाले नाही. कंपनीकडून केवळ टोलवाटोलवीची उत्तरे मिळू लागली. त्यामुळे ग्रामस्थांमध्ये तीव्र संताप निर्माण झाला असून आजपासून आमदार देवरावदादा भोंगळे यांच्या नेतृत्वात नांदा फाटा येथील कंपनीच्या प्रवेशद्वारासमोर रस्ता कामासाठी पुन्हा ठिय्या आंदोलनास सुरुवात झाली आहे. rural road development issues

    पालगाव हे गाव अल्ट्राटेक कंपनीने दत्तक घेतलेले असून कंपनीची खाणसुद्धा गावालगतच आहे. अशा परिस्थितीतही रस्त्यासारख्या मूलभूत सुविधेसाठी गावकऱ्यांना आंदोलन करावे लागणे हे दुर्दैव म्हणावे लागेल.

  • aap chandrapur political updates today । 🚨नामवंत सामाजिक कार्यकर्ते ‘आप’मध्ये!

    aap chandrapur political updates today

    aap chandrapur political updates today : चंद्रपूर – बाबुपेठ परिसरातील प्रसिद्ध व्यावसायिक आणि सामाजिक क्षेत्रात सक्रिय असलेले श्री. राजूभाऊ तोडासे यांनी आज आम आदमी पार्टीमध्ये अधिकृत जाहीर प्रवेश केला.
    हा पक्ष प्रवेश आम आदमी पार्टीचे युवा जिल्हाध्यक्ष राजूभाऊ कुडे यांच्या नेतृत्वात तर वरिष्ठ नेते सुनील मुसळे, जिल्हाध्यक्ष मयूर राईकवार यांचा अध्यक्षतेखाली महानगर कार्यकारिणीच्या प्रमुख पदाधिकाऱ्यांच्या उपस्थितीत पार पडला.

    अमृत योजनेचे काम थांबवा

    श्री. तोडासे हे गेल्या अनेक वर्षांपासून सामाजिक कार्यात सक्रीय असून, त्यांनी नेहमीच जनतेच्या प्रश्नांसाठी आवाज उठवला आहे. त्यांच्या प्रवेशामुळे बाबुपेठ परिसरातील आम आदमी पार्टीच्या संघटनात्मक बळात मोठी भर पडेल, असा विश्वास पक्षाकडून व्यक्त करण्यात आला आहे. local leader joins aam aadmi party

    या प्रसंगी बोलताना श्री. तोडासे म्हणाले की,

    “आम आदमी पार्टी हा एकमेव पक्ष आहे जो सामान्य जनतेच्या हक्कांसाठी रस्त्यावर उतरतो. पारदर्शकता, जबाबदारी आणि जनसेवेच्या तत्वांवर चालणाऱ्या या पक्षात आता मी माझं योगदान देणारआहे.”

    या कार्यक्रमाला महानगर कार्यकारिणीतील शहर अध्यक्ष योगेश गोखरे, महिला अध्यक्ष तब्बसूम शेख, संघटन मंत्री संतोष बोपचे, अल्पसंख्यांक अध्यक्ष जावेद सय्यद, वाहतूक अध्यक्ष जयदेव देवगडे, जिल्हा विधी सल्लागार ऍड किशोर पुसलवार, माजी सैनिक सुनील सदभय्या, मनीष राऊत, संतोष दोरखंडे, सिकंदर सागोरे, बलराम केसकर, इत्यादी उपस्थित होते.

  • city roads damaged by amrut scheme work । 🛑 अमृत योजनेत खड्ड्यांचे साम्राज्य! रस्त्यांच्या दुरावस्थेवर भाजप आक्रमक

    city roads damaged by amrut scheme work

    city roads damaged by amrut scheme work : चंद्रपूर – अमृत 2.0 योजनेअंतर्गत शहरात पाणीपुरवठा आणि मलनिस्सारण पाईपलाईन टाकण्यासाठी विविध भागांत मोठ्या प्रमाणावर रस्ते खोदण्यात आले आहेत. परंतु हे काम नियोजनशून्य पद्धतीने सुरू असल्याने संपूर्ण शहरात खड्ड्यांचे साम्राज्य निर्माण झाले आहे. परिणामी, नागरिकांचे जीव धोक्यात आले असून दररोज अपघाताच्या घटना घडत आहेत. त्यामुळे अमृत 2.0 योजनेमुळे रस्त्यांची दुरवस्था दुरुस्ती होईपर्यंत काम थांबवावे अशी मागणी आमदार किशोर जोरगेवार यांच्या सुचने नंतर भारतीय जनता पक्षाच्या वतीने करण्यात आली आहे. road damage due to pipeline work

    चंद्रपुरात वाळू माफियांची मुजोरी, थेट तहसीलदार समोरच…

                  आज भारतीय जनता पक्षाचे महानगर अध्यक्ष सुभाष कासनगोट्टुवार यांच्या नेतृत्वात भारतीय जनता पक्षाच्या शिष्टमंडळाने मनपा आयुक्त यांची भेट घेत त्यांना सदर मागणीचे निवेदन दिले आहे. यावेळी. या प्रसंगी भारतीय जनता पक्षाचे महानगर अध्यक्ष सुभाष कासनगोट्टूवार, भाजप युवा मोर्चाचे प्रदेश उपाध्यक्ष रघुवीर अहिर, भाजपचे माजी शहराध्यक्ष दशरथसिंह ठाकूर, मनोज पाल, माजी नगर सेवक देवानंद वाढई, प्रदीप किरमे, राजेंद्र खांडेकर, दिनकर सोमलकर, राकेश बोमनवार, शेखर शेट्टी, रंजन ठाकूर, अ‍ॅड. हरीश मंचलवार, गणेश रासपायले, विजय चव्हाण, मुकेश गाडगे, मंगेश अहिरकर, चंदा ईटनकर, दुर्गा वैरागडे, विमल कातकर,  छाया सातपुते, अनीज दीक्षित, शीतल रंगदळ, छाया चवरे, रेशमा पांडे, मंजू टोरे, अंजू मोडपल्लीवार, विनोद पेंडलीवार आदींची उपस्थिती होती.

    शहरातील रस्ते धोकादायक

                शहरातील रस्ते सध्या अत्यंत धोकादायक झाले असून नागरिकांमध्ये तीव्र नाराजी आहे. पावसाळा सुरु झाला असताना काम पूर्ण न झाल्याने परिस्थिती अधिकच बिकट झाली आहे. कंत्राटदारांकडून कामे अत्यंत संथगतीने व निष्काळजीपणे सुरू आहेत. पावसाचा जोर वाढल्यास खोदलेले रस्ते अधिकच खराब होतील, जलसंचयन होईल आणि अपघातांचा धोका वाढेल. त्यामुळे नागरिकांना प्रचंड त्रास सहन करावा लागेल. demand to stop amrut 2.0 work temporarily

    ही बाब लक्षात घेता, जेवढी रस्ते खोदली आहेत त्या सर्व रस्त्यांची तातडीने दुरुस्ती होईपर्यंत पुढील काम थांबवावे, अशी स्पष्ट मागणी निवेदनाच्या माध्यमातून भारतीय जनता पक्षाच्या वतीने करण्यात आली आहे. या कामांसाठी आवश्यक निधी आधीच मंजूर झाला आहे. त्यामुळे त्याच निधीतून रस्त्यांची डागडुजी आणि पुनर्बांधणी करून नागरिकांना दिलासा द्यावा, अशी मागणीही यावेळी करण्यात आली आहे. यावेळी भारतीय जनता पक्षाच्या कार्यकर्त्यांची मोठ्या संख्येने उपस्थिती होती.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by