My Blog

Blog

  • how to report stray cattle in Chandrapur city । “7038882889 वर फोन करा… आणि जनावरं हटवा!” – चंद्रपूर मनपाची मोहीम!

    how to report stray cattle in Chandrapur city

    how to report stray cattle in Chandrapur city : चंद्रपूर –  चंद्रपूर शहर महानगरपालिकेतर्फे शहरातील मोकाट जनावरांचा बंदोबस्त करण्याची मोहीम पुन्हा सुरू करण्यात आली असुन जनावरांना मोकाट सोडुन वाहतुकीस अडथळा निर्माण करणाऱ्या जनावरांच्या मालकांवर फौजदारी कारवाई करण्यात येणार आहे. traffic hazard due to cattle

    बल्लारपूर ते सोलापूर विशेष रेल्वे सुरु करा – खासदार धानोरकर


         शहरातील मुख्य तसेच इतर मार्गांवर, रस्त्यांवर मोकाट जनावरे ठाण मांडून बसून राहात असल्याने वाहनधारकांचा अपघात होण्याची शक्यता अधिक असते. याबाबत मनपातर्फे यापुर्वीही कारवाई करून जनावरांच्या मालकांना समज देण्यात आली आहे.समज दिल्यानंतर काही काळ ते आपल्या जनावरांवर लक्ष देऊन ते रस्त्यावर येणार नाही याची काळजी घेतात,मात्र त्यानंतर पुन्हा जनावरांना मोकाट सोडुन देण्यात येते असे निदर्शनास आले होते,यापुर्वी अश्या 33 मोकाट जनावरांच्या मालकांवर पोलिसात तक्रार करून गुन्हा नोंद करण्यात आली होती.  

    आता थेट फौजदारी कारवाई

          जनावरांच्या मालकांनी आपल्या जनावरांचा योग्य बंदोबस्त करावा, अन्यथा यापुढेही सरळ फौजदारी कारवाई केली जाणार आहे. याकरीता मनपाच्या उपद्रव शोध पथकांची यावर नजर राहणार असुन सातत्याने वाहतुकीस अडथळा निर्माण करणाऱ्या जनावरांच्या मालकांची नोंद घेऊन त्यावर कारवाई केली जात आहे. तसेच मोकाट जनावरे दिसल्यास नागरिकांना तक्रार करता यावी म्हणुन मनपातर्फे 7038882889 हा संपर्क क्रमांकसुद्धा देण्यात आला असुन यावर तक्रार केल्यास कारवाई केली जाणार आहे.  

  • Ballarpur to Solapur direct train । खासदार धानोरकरांचा पुढाकार! सोलापूर दर्शनासाठी आता थेट ट्रेनचा मार्ग मोकळा?

    Ballarpur to Solapur direct train

    Ballarpur to Solapur direct train : चंद्रपूर : खासदार प्रतिभाताई धानोरकर यांनी केंद्रीय रेल्वे मंत्री अश्विनी वैष्णव यांच्याकडे बल्लारपूर ते सोलापूर अशी विशेष रेल्वे सेवा सुरू करण्याची मागणी केली आहे. या मागणीमागे चंद्रपूर जिल्ह्यातील नागरिकांना, विशेषतः भाविकांना, पंढरपूर येथील पवित्र तीर्थक्षेत्राचे दर्शन करणे सोपे व्हावे, हा मुख्य उद्देश आहे.

    चंद्रपूर जिल्ह्यातील धोकादायक पुलांचे ऑडिट करा – खासदार धानोरकर

    केंद्रीय रेल्वे मंत्र्यांना दिलेल्या पत्रात, खासदार प्रतिभाताई धानोरकर यांनी या भागासाठी सुधारित रेल्वे कनेक्टिव्हिटीची दीर्घकाळची गरज अधोरेखित केली. सध्या, चंद्रपूर आणि आसपासच्या परिसरातील रहिवाशांना भगवान विठ्ठलाचे प्रमुख धार्मिक केंद्र असलेल्या पंढरपूरला पोहोचताना मोठ्या अडचणींचा सामना करावा लागतो. बल्लारपूर-सोलापूर विशेष रेल्वे सुरु झाल्यास प्रवाशांना दिलासा मिळून पर्यटना चालना मिळेल. Ashadhi Ekadashi special train from Ballarpur

    विशेष रेल्वे सुरु करा

    “चंद्रपूर जिल्ह्यातील हजारो भाविक आषाढी वारीनिमित्त पंढरपूरला दर्शनासाठी जाण्याची आतुरतेने वाट पाहत असतात,” असे खासदार प्रतिभाताई धानोरकर म्हणाल्या. “मात्र, थेट आणि सोयीस्कर रेल्वे सेवांच्या अभावामुळे ही यात्रा करणे कठीण होते. ही विशेष रेल्वे सुरु झाल्यास प्रवाशांचा प्रवास सुकर करणार नाही, तर पर्यटनाला प्रोत्साहन देईल आणि स्थानिक अर्थव्यवस्थेला चालना देईल.”

    खासदार प्रतिभाताई धानोरकर यांनी यावर जोर दिला की, प्रस्तावित रेल्वे मार्ग बल्लारपूर आणि सोलापूर या महाराष्ट्रातील दोन महत्त्वाच्या शहरांदरम्यान प्रवास करणाऱ्या प्रवाशांना मोठा फायदा देईल, कारण तो एक अत्यंत आवश्यक थेट दुवा प्रदान करेल. त्यांनी रेल्वे मंत्रालयाला या विनंतीचा त्वरित विचार करण्याचे आवाहन केले आहे. 

    चंद्रपूर जिल्ह्यातील नागरिकांनी खासदार प्रतिभाताई धानोरकर यांच्या या पुढाकाराचे स्वागत केले असून, केंद्रीय रेल्वे मंत्र्यांकडून त्वरित आणि सकारात्मक प्रतिसादाची अपेक्षा व्यक्त केली आहे.

  • structural audit of old bridges in chandrapur । चंद्रपूरमधील पुलांची स्थिती धोकादायक?, चंद्रपूरच्या पुलांची सखोल तपासणी होणार?

    structural audit of old bridges in chandrapur

    structural audit of old bridges in chandrapur : चंद्रपूर  – चंद्रपूर जिल्ह्यामधील सर्व पुलांचे सखोल संरचनात्मक परीक्षण (structural audit) करण्याची मागणी खासदार प्रतिभाताई धानोरकर यांनी सार्वजनिक बांधकाम मंत्री शिवेंद्रराजे भोसले यांच्याकडे केली आहे. सध्याच्या पावसाळ्याच्या पार्श्वभूमीवर, अस्तित्वातील पुलांच्या सुरक्षिततेबाबत आणि संरचनात्मक अखंडतेबाबत वाढत्या चिंता लक्षात घेता, ही मागणी करण्यात आली आहे.

    खासदार धानोरकरांची जनसेवा

    आपल्या निवेदनात, खासदार प्रतिभाताई धानोरकर यांनी प्रवाशांची सुरक्षितता सुनिश्चित करणे आणि संभाव्य अपघात टाळणे यावर भर दिला. जिल्ह्यातील अनेक पूल जुने असून, जास्त वाहतूक, हवामानाची परिस्थिती आणि नियमित देखभालीच्या अभावामुळे त्यांची कालांतराने झीज झाली असण्याची शक्यता त्यांनी अधोरेखित केली. MP Pratibha Dhanorkar news today

    नागरिकांची सुरक्षा महत्वाची

    “आपल्या नागरिकांची सुरक्षा सर्वात महत्त्वाची आहे,” असे खासदार प्रतिभाताई धानोरकर म्हणाल्या. “पुलांमधील कोणतीही कमतरता किंवा नुकसान ओळखण्यासाठी आणि आवश्यक दुरुस्ती किंवा पुनर्रचना त्वरित करण्यासाठी सखोल संरचनात्मक परीक्षण आवश्यक आहे. यामुळे केवळ अपघातच टळणार नाहीत, तर जिल्ह्यातील सुरळीत कनेक्टिव्हिटी देखील सुनिश्चित होईल.”

    खासदार प्रतिभाताई धानोरकर यांनी मंत्र्यांना या प्रक्रियेला गती देण्याचे आणि या महत्त्वाच्या परीक्षणासाठी आवश्यक संसाधने उपलब्ध करून देण्याचे आवाहन केले आहे. चंद्रपूर जिल्ह्याच्या विकासासाठी आणि सुरक्षिततेसाठी कटिबद्ध असल्याचे त्यांनी सांगितले.

    चंद्रपूर शहरातील बस स्थानक ते प्रियदर्शिनी चौक नवीन रेल्वे पुलासाठी खासदार प्रतिभाताई धानोरकर यांची बांधकाम मंत्र्यांकडे आग्रही मागणी

    चंद्रपूर  – खासदार प्रतिभाताई धानोरकर यांनी बस स्थानक ते प्रियदर्शिनी चौक या मार्गावर नवीन रेल्वे पूल बांधण्याच्या प्रस्ताव तयार करून तातडीने मंजुरी देण्याची मागणी सार्वजनिक बांधकाम मंत्र्यांकडे केली आहे. जुना रेल्वे पूल अनेक वर्षांचा असल्यामुळे त्याला लागूनच नवीन रेल्वे पूल उभारणे अत्यंत गरजेचे असल्याचे खासदार प्रतिभाताई धानोरकर यांनी निवेदनात म्हटले आहे.

    सध्या अस्तित्वात असलेला रेल्वे पूल जुना आणि अरुंद असल्यामुळे या मार्गावर नेहमीच वाहतूक कोंडी होते. यामुळे प्रवाशांना, विशेषतः विद्यार्थी आणि दैनंदिन प्रवाशांना मोठा त्रास सहन करावा लागतो. हा प्रश्न तातडीने सोडवणे आवश्यक आहे. नवीन आणि प्रशस्त रेल्वे पूल झाल्यास शहरातील वाहतूक व्यवस्था अधिक सुरळीत होईल, प्रवासाचा वेळ वाचेल आणि अपघात कमी होण्यास मदत होईल. खासदार धानोरकर यांनी मंत्र्यांना या प्रकल्पाला सर्वोच्च प्राधान्य देण्याचे आवाहन केले आहे.

  • Maharashtra labor registration centers । ⚠️ “खाजगी दलालांपासून सावध! कामगार नोंदणीसाठी फक्त या अधिकृत केंद्रांशीच संपर्क करा!”

    Maharashtra labor registration centers

    Maharashtra labor registration centers : चंद्रपूर – महाराष्ट्र इमारत व इतर बांधकाम कामगार कल्याणकारी मंडळामार्फत बांधकाम कामगारांची नोंदणी, नुतणीकरण व विविध कल्याणकारी योजनांचे लाभ, हे संगणकीकृत प्रणालीव्दारे अदा केले जातात. अर्ज केल्यावर सर्व कागदपत्रांची छाननी / तपासणीअंती सदरचे लाभ हे थेट बांधकाम कामगारांच्या खात्यात जमा करण्यात येते. construction workers welfare schemes

    चंद्रपुरात मौजमजा करण्यासाठी गंभीर गुन्हे

    मात्र सदरची कामे करून देण्याबाबत काही खाजगी व्यक्ती कामगारांकडून पैसे घेत असल्याचे निदर्शनास आले आहे. त्यामुळे बांधकाम कामगारांनी अशा आमिष अथवा दबावास बळी पडू नये. अशा बाबी निदर्शनास आल्यास तातडीने जवळच्या लाचलुचपत प्रतिबंधक विभाग अथवा जिल्हा कामगार कार्यालयाशी संपर्क साधावा.

    कामगारांना नोंदणी, नुतणीकरण तसेच विविध योजने अंतर्गत लाभाचे अर्जाबाबत काही शंका /अडचण असल्यास खालील तालुका सुविधा केंद्राशी संपर्क साधावा.

    1. तालुका सुविधा केंद्र, प्रशासकिय इमारत, तळ मजला चंद्रपूर, 2. सोमानी कॉम्प्लेक्स, जी.एन. कॉलेज जवळ, बामणी, बल्लारपूर, 3. नालमवार बिल्डिंग, शिंदे पेट्रोल पंपाच्या मागे, पोस्ट ऑफिस समोर, भद्रावती, 4. व्यंकटेश नगरी, दत्त नगरी गेट समोर, धनश्री नाकाडे हॉस्पिटल रोड ता. ब्रम्हपुरी, 5. आर.टी.एम. कॉलेज समोर, मारूती सुझुकी शोरूमच्या मागे, कानपा रोड, वडाळा पयकू, चिमूर, 6. अभ्यार्लावार कॉम्प्लेक्स, वार्ड नं 7, राममंदिर गेट जवळ, अहेरी रोड, गोंडपिपरी, 7. एम.एस.ई.बी. कार्यालयासमोर, सेनगाव रोड, जिवती, 8. बाजारवाडी रोड, बस स्टँड जवळ, सतीश मेडीकल समोर, कोरपना,
    1. 9. गोगुलवार कॉम्प्लेक्स, सिद्धी विनायक मंदिर जवळ, ताडाला रोड, मुल, 10. वी.आर. मार्टच्या बाजुला, ब्रम्हपुरी रोड, नागभिड, 11. वनकर कॉम्प्लेक्स, आंबेडकर चौक, मूल रोड पोंभुर्णा, 12. आसिफाबाद रोड, स्टुडंट बुक डेपो समोर, तिवारी कॉम्प्लेक्स, राजुरा, 13. राकेश दंडमवार बिल्डींग, डॉ विजय शेंडे यांच्या दवाखान्याजवळ, सावली, 14. भिमविद्या कॉम्प्लेक्स, रेल्वेस्टेशन पाथरी रोड, सिंदेवाही, 15. टेंमुर्डे निवास, रेल्वे स्टेशन रोड, फॉरेस्ट ऑफिस समोर, वरोरा. येथे संपर्क करण्याचे आावाहन सहायक कामगार आयुक्त यांनी केले आहे.

  • Chandrapur crime news latest update । मौजमजा करण्यासाठी चंद्रपुरात ऑनलाईन जबरी चोरी, अल्पवयीन गुन्हेगारी वृत्तीचा चंद्रपुरात धुमाकूळ

    Chandrapur crime news latest update

    Chandrapur crime news latest update ; चंद्रपूर – जिल्ह्यातील गुन्हेगारी अनियंत्रित झाली असून दररोज गंभीर गुन्ह्याने चंद्रपूर हादरत आहे, विशेष म्हणजे गंभीर गुन्ह्यात अल्पवयीन मुले मोठ्या प्रमाणात सहभाग घेत असल्याने भविष्यात मोठे गुन्हे करण्यासाठी अल्पवयीन मुलांचा सहभाग वाढण्याची शक्यता नाकारता येत नाही.

    लोकप्रतिनिधी असावा तर असा

    चंद्रपुरातील पडली पोलीस स्टेशनच्या हद्दीत १६ जून रोजी मध्यरात्री १२ वाजून ४५ मिनिटांनी ५० वर्षीय उमेश महंत साह हे भद्रावती च्या दिशेने आपल्या दुचाकीने जात होते. इतक्यात काही युवकांनी त्यांना अडवीत त्यांच्या मोबाईलवरून तब्बल ९१ हजार रुपये ऑनलाईन ट्रान्सफर केले. juvenile involvement in cyber crime

    अचानक घडलेल्या या घटनेमुळे साह घाबरून गेले मात्र त्यांनी हिंमत करीत या घडलेल्या प्रकाराबाबत पडोली पोलीस स्टेशनमध्ये गुन्हा दाखल केला, पोलिसांनी अज्ञात आरोपीविरुद्ध कलम ३०९ (४), ३, (५) अंतर्गत जबरी चोरीचा गुन्हा दाखल केला. highway robbery incidents

    How Rs.91,000 Was Stolen Via Mobile Transfer

    साखरवाही फाट्याजवळ अनोळखी ४ युवकांनी फिर्यादी साह यांना रस्त्यात अडवून त्यांचा मोबाईल हिसकावीत अज्ञात इसमाच्या नावे ९१ हजार रुपये ट्रान्सफर केले. राज्य महामार्गावर घडलेल्या या गुन्ह्याची उकल करण्याचे आवाहन पडोली पोलिसांसमोर होते, मात्र २४ तासात त्यांनी गुन्ह्याची उलगडा केला.

    How Police Cracked the Case in 24 Hours

    पोलिसांनी गोपनीय माहिती व तांत्रिकदृष्ट्या तपास करीत या प्रकरणातील आरोपी मध्ये २ विधिसंघर्ष बालक सह ऋषिकेश आंबोलकर व अनुज महाजन याना अटक केली.

    आरोपीकडून रोख ४४ हजार रुपये गुन्ह्यात वापरलेली दुचाकी व चोरी केलेल्या पैश्यातून खरेदी केलेले कपडे सह ४ मोबाईल २ असा एकूण २ लक्ष ८ हजार ३०० रुपयांचा मुद्देमाल पोलिसांनी जप्त केला. पुढील तपास पडोली पोलीस करीत आहे.

    चंद्रपुरात आजपर्यंत अनेक गंभीर गुन्हे घडले व घडत आहे यामध्ये अनेक अल्पवयीन मुले आपला छंद व नशेचे व्यसन पूर्ण करण्यासाठी अश्या गुन्ह्यात थेट सहभाग दर्शवित आहे. विशेष बाब म्हणजे चंद्रपुरात घडलेल्या दोन गंभीर गुन्ह्यात पोलिसांच्या मुलांचा सहभाग होता.

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रिना जनबंधू, उपविभागीय पोलीस अधिकारी सुधाकर यादव यांच्या मार्गदर्शनात सपोनि योगेश हिवसे यांच्या नेतृत्वात गुन्हे शोध पथकातील विनोद बानकर, कोमल मोहजे, प्रतीक हेमके, धीरज भोयर व सुचिता उमरे यांनी केली.

  • Pratibha Dhanorkars public service example । खऱ्या लोकसेवेचा अर्थ काय असतो?, असा असतो लोकप्रतिनिधी!

    Pratibha Dhanorkars public service example

    Pratibha Dhanorkars public service example : चंद्रपूर : बल्लारपूर रोडवरील एका अपघातग्रस्त पीयूष उमेश पेंदोर यांना, खासदार प्रतिभाताई धानोरकर यांच्या विशेष प्रयत्नातून एकात्मिक आदिवासी विकास विभागाकडून तात्काळ ५० हजार रुपयांची आर्थिक मदत मिळाली आहे.

    शेतकऱ्यांच्या डोळ्यात अश्रू, खासदाराने केली मदत

    खासदार प्रतिभाताई धानोरकर यांना पीयूष उमेश पेंदोर यांच्या अपघाताची माहिती मिळताच, त्यांनी जराही वेळ न घालवता प्रशासनाशी संपर्क साधला. पीयूष यांना लवकरात लवकर आर्थिक मदत मिळावी यासाठी त्यांनी पाठपुरावा केला. त्यांच्या या संवेदनशील आणि वेगवान कार्यवाहीमुळे एकात्मिक आदिवासी विकास विभागाने तातडीने दखल घेत पीयूष यांना ही मदत मंजूर केली. member of parliament helping accident victims

    त्या मदतीने आधार

    या मदतीमुळे पीयूष आणि त्यांच्या कुटुंबाला मोठा दिलासा मिळाला आहे. उपचारासाठी आवश्यक असलेल्या खर्चाची सोय झाल्याने त्यांना मोठा आधार मिळाला आहे. खासदार प्रतिभाताई धानोरकर यांनी नेहमीच सामान्य नागरिक आणि गरजूंच्या मदतीसाठी पुढाकार घेतला आहे, हे या घटनेतून पुन्हा एकदा स्पष्ट झाले आहे.

    याप्रसंगी बोलताना खासदार प्रतिभाताई धानोरकर म्हणाल्या, “आपल्या लोकसभा क्षेत्रातील कोणताही नागरिक अडचणीत असेल तर त्याला मदत करणे हे आपले कर्तव्य आहे. एकात्मिक आदिवासी विकास विभागाच्या सहकार्याने या युवकाला वेळेत मदत मिळाली याचा मला खूप आनंद आहे. भविष्यातही नागरिकांच्या अडचणी सोडवण्यासाठी मी नेहमीच कटिबद्ध असेन.”

  • Tree Plantation Drive in Maharashtra 2025 । मुख्यमंत्री फडणवीसांचा हरित मिशन! महाराष्ट्रात होणार इतिहास घडवणारी वृक्षलागवड

    Tree Plantation Drive in Maharashtra 2025

    Tree Plantation Drive in Maharashtra 2025 : चंद्रपूर – राज्यात वृक्षाच्छादन वाढविण्यासाठी ‘हरित महाराष्ट्र, समृध्द महाराष्ट्र’ हे अभियान राज्य शासनाने हाती घेतले आहे. या अंतर्गत वर्ष 2025 मध्ये राज्यात 10 कोटी वृक्ष लागवड मोहीम लोक चळवळ म्हणून राबविण्याच्या सुचना मुख्यमंत्री देवेंद्र फडणवीस यांनी सर्व विभागांना दिल्या आहेत. या अभियानाच्या पूर्व तयारीचा जिल्हाधिकारी विनय गौडा जी.सी. यांनी मंगळवारी आढावा घेतला. तसेच सदर अभियान यशस्वी करण्याच्या सुचना दिल्या. Harit Maharashtra tree plantation drive 2025

    ब्रह्मपुरी च्या जंगलात अस्वलाचे पिल्लू मृतावस्थेत आढळले

    जिल्हाधिकारी कार्यालयात पार पडलेल्या या बैठकीला मुख्य कार्यकारी अधिकारी पुलकित सिंह, निवासी उपजिल्हाधिकारी दगडू कुंभार, वन विकास महामंडळाचे विभागीय व्यवस्थापक गणेश मोटकर, उपजिल्हाधिकारी (रोहयो) शुभम दांडेकर, सामाजिक वनीकरणचे विभागीय वन अधिकारी बापु येलके, जिल्हा अधिक्षक कृषी अधिकारी शंकर तोटावार, निवासी वैद्यकीय अधिकारी डॉ. हेमचंद कन्नाके, मिलिंद रामटेके आदी उपस्थित होते.

    चंद्रपूर जिल्ह्यात 42 टक्के क्षेत्र जंगलाने व्यापलेले आहे, असे सांगून जिल्हाधिकारी श्री. गौडा म्हणाले, 10 कोटी वृक्ष लागवड मोहिमेंतर्गत आणखी वृक्ष लागवड करायची आहे. वन, कृषी, ग्रामविकास, शालेय शिक्षण या विभागांनी जास्तीत जास्त उद्दिष्ट घ्यावे. तसेच इतरही विभागांनी यात चांगले योगदान देऊन ही मोहीम यशस्वी करावी. वृक्ष लागवडीकरीता रोपे कुठून उपलब्ध होऊ शकतात, त्याचे सुक्ष्म नियोजन संबंधित विभागाने करावे, अशा सूचना जिल्हाधिकाऱ्यांनी दिल्या.

    वृक्ष लागवडीची आवश्यकता

    राष्ट्रीय वन नितीप्रमाणे एकूण भौगोलिक क्षेत्राच्या 33 टक्के क्षेत्रावर वन आणि वनाच्छादन असणे आवश्यक आहे. सद्यस्थितीत राज्यात वन आणि वनाच्छादनाचे प्रमाण 21.25 टक्के आहे. जागतिक तापमानातील वाढ, हवामान आणि ऋतुबदलाची दाहकता आणि तीव्रता कमी करण्यासाठी मोठ्या प्रमाणात वृक्ष लागवड करणे गरजेचे आहे.

  • dead bear cub found । 🐻 मांगली जंगलात मृत अवस्थेत आढळले अस्वलीचे पिल्लू; वनखात्यात खळबळ!

    dead bear cub found

    dead bear cub found : ब्रह्मपुरी वनविभागातील उपक्षेत्र मिंडाळा नियतक्षेत्र मंगळी कक्ष ४८ मध्ये जंगल गस्त दरम्यान १७ जून रोजी अस्वलीचे अंदाजे १ वर्षे वयाचे पिल्लू मृत अवस्थेत आढळले. याबाबत वरिष्ठ अधिकाऱ्यांना माहिती देण्यात आली असता घटनास्थळी अधिकाऱ्यांनी पोहचत माहिती घेतली.

    नोंदणी व मुद्रांक विभागात मोठी पदभरती

    वनरक्षक एलएस गावंडे ह्या जंगल गस्त करीत असताना त्यांना मांगली बनवाही रस्त्यालगत वन्यप्राणी अस्वल नर वय अंदाजे १ वर्षे हे मृत अवस्थेत आढळून आले, त्यांनी याबाबत वरिष्ठ अधिकाऱ्यांना माहिती दिली असता घटनास्थळी एआर कन्नमवार हे दाखल झाले.

    अधिकारी व वन कर्मचाऱ्यांनी मौका स्थळाची पाहणी केली, मृत अस्वलाच्या शवाचे निरीक्षण केले असता पिल्लाच्या शरीरावर जखमांच्या खुणा आढळूंन आल्या. यावेळी वन वसाहत परिसरात त्या पिल्लाचे शव विच्छेदन करीत दहन करण्यात आले.

    हिंस्त्र प्राण्याचा हल्ला

    सदर अस्वलीचे पिल्लू हे हिंस्त्र वन्यप्राण्यांच्या हल्ल्यात जखमी होत मृत पावल्याचा अंदाज यावेळी लगावण्यात आला. याबाबत वनगुन्हा नोंदविण्यात आला असून याबाबत उपवनसंरक्षक राकेश सेपट, एमबी गायकवाड सहायक वनसंरक्षक यांच्या मार्गदर्शनाखाली तपास सुरु आहे.

  • registration and stamp department bharti 2025 । 284 सरकारी पदांसाठी सुवर्णसंधी!, हॉलतिकीट मिळणार ई-मेलवर! पण सावध

    registration and stamp department bharti 2025

    registration and stamp department bharti 2025 : चंद्रपूर – नोंदणी व मुद्रांक विभागातील शिपाई ‘गट-ड’ संवर्गातील 284 पदभरती करीता 22 एप्रिल 2025 रोजी वृत्तपत्रांमध्ये जाहिरात प्रसिध्द करण्यात आली होती.

    सदर भरती प्रक्रिया पूण करणे, ऑनलाईन पध्दतीने अर्ज स्वीकारणे तसेच ऑनलाईन पध्दतीने परिक्षेचे आयोजन करण्याकरिता आय.बी.पी.एस. (इंस्टीट्यूट ऑफ बँकीग पर्सोनेल सिलेक्शन) कंपनीस नियुक्त केले आहे. त्यानुसार आय.बी.पी.एस. कडून 22 एप्रिल ते 16 मे 2025 दरम्यान ऑनलाईन पध्दतीने अर्ज भरून घेण्यात आले आहेत.

    शेतकऱ्याचे अश्रू बघून खासदार धानोरकर हेलावल्या

    आय.बी.पी.एस.च्या संकेतस्थळावर यशस्वीरीत्या भरलेले अर्ज व पात्र असलेल्या उमेदवारांची ऑनलाईन परिक्षा 1 ते 8 जुलै 2025 या कालावधीत घेण्यात येणार आहे. सदर परीक्षेचे प्रवेशपत्र/हॉलतिकीट उमेदवारास त्यांनी नोंदणी केलेल्या ई-मेलवर आय.बी.पी.एस. कडून पाठविण्यात येणार आहे.

    तर सावध रहा

    सदर परीक्षेकरीता विभागाकडून कोणत्याही इतर एजन्सीची वा मध्यस्थाची नेमणूक करण्यात आलेली नाही. जर याबाबत कोणती व्यक्त्ती, संस्थेकडून, मध्यस्थ अथवा तशी बतावणी करण्यात येत असल्यास अशा व्यक्ती वा संस्थेपासून उमेदवारांनी कृपया सावध राहावे, असे आवाहन नोंदणी महानिरीक्षक व मुद्रांक नियंत्रक रविंद्र विनवडे यांनी केले आहे.

  • Pratibha Dhanorkar help for tiger attack victim । शेतकऱ्यांचे अश्रू पाहून हेलावल्या खासदार प्रतिभा धानोरकर

    Pratibha Dhanorkar help for tiger attack victim

    Pratibha Dhanorkar help for tiger attack victim : चंद्रपूर : काळजावर घाव घालून गेलेल्या वाघाच्या हल्ल्याने ज्या शेतकऱ्यांच्या डोळ्यात अश्रू आणले होते, त्या टेकाडी (ता. भद्रावती) येथील प्रत्येक बाधित कुटुंबाला आता खासदार प्रतिभाताई धानोरकर यांच्या संवेदनशील पुढाकारामुळे मोठा दिलासा मिळाला आहे. वाघाच्या हल्ल्यात आपले आधारस्तंभ बैल गमावलेल्या या शेतकरी बांधवांना तात्काळ आर्थिक मदत मिळवून देण्यात खासदार प्रतिभाताई धानोरकर यांना यश आले आहे. विशेष म्हणजे, त्या पुढेही पाठपुरावा करून अधिक भरीव आर्थिक मदत मिळवणार आहेत. relief for farmers after animal attacks

    चंद्रपुरातील रिसॉर्ट मध्ये चाकू कांड

    गेल्या काही दिवसांपासून चंद्रपूर जिल्ह्यात वाघांच्या हल्ल्यांनी थैमान घातले आहे, ज्यामुळे बळीराजाचे अतोनात नुकसान होत आहे. आपल्या जीवाभावाच्या जनावरांना गमावल्याने शेतकरी पार कोलमडून गेले आहेत. टेकाडी (ता. भद्रावती) येथील चार कुटुंबांवर तर दुःखाचा डोंगरच कोसळला होता, जेव्हा त्यांचे कष्टाचे साथीदार असे एकूण पाच बैल वाघाच्या हल्ल्यात ठार झाले. हातावर पोट असलेल्या या कुटुंबांसाठी ही केवळ जनावरांची हानी नव्हती, तर जगण्याचा आधारच हिरावला गेला होता.

    यामध्ये गणेश विठ्ठल गायकवाड यांना ५२००० रुपये मंजूर करण्यात आले, भाऊराव कवडू नन्नावरे यांना ४८७५० रुपये मंजूर करण्यात आले, रमेश आनंदराव श्रीरामे  यांना ५२५०० रुपये मंजूर करण्यात आले आणि रवींद्र श्रीहरी अलाम यांना तात्काळ ५० हजार रुपयांचा धनादेश देण्यात आला. यावेळी भद्रावती पोलीस ठाण्याचे ठाणेदार लता वाढीवे, वनपरिक्षेत्र अधिकारी संतोष थिपे तसेच ग्रामस्थांची उपस्थिती होती. 

    तात्काळ मदत

    या हृदयद्रावक घटनेची माहिती मिळताच, खासदार प्रतिभाताई धानोरकर यांनी क्षणाचाही विलंब न लावता, या पीडित शेतकऱ्यांच्या मदतीसाठी धाव घेतली. प्रशासनाकडे त्यांनी तळमळीने पाठपुरावा केला, शेतकऱ्यांचे दुःख आणि त्यांच्या डोळ्यातील आसवे शासनासमोर मांडली. त्यांच्या अथक प्रयत्नांना यश आले आणि प्रशासनाने संवेदनशीलता दाखवत, प्रत्येक बाधित शेतकऱ्यांना तात्काळ आर्थिक मदत जाहीर केली. याबाबत वनपरिक्षेत्र अधिकारी संतोष थिपे यांनी देखील सहकार्य केले असून, पुढील मदतीकरिता त्वरित पाठपुरावा करून भरीव मदत करण्यात येणार आहे.

    आभार

    या मदतीमुळे या कठीण प्रसंगातून सावरण्यासाठी शेतकऱ्यांना नक्कीच हातभार लागेल. खासदार प्रतिभाताई  धानोरकर यावेळी भावूक होऊन म्हणाल्या, “शेतकऱ्यांच्या डोळ्यातील अश्रू पुसणे, त्यांच्या पाठीशी खंबीरपणे उभे राहणे हे आपले कर्तव्य आहे. वाघांच्या हल्ल्यांमुळे त्यांची होणारी परवड पाहून मन हेलावते. या संकटाच्या काळात त्यांना तात्काळ आधार मिळणे महत्त्वाचे आहे आणि त्यासाठी मी सदैव कटिबद्ध राहीन.”

    खासदार प्रतिभाताई धानोरकर यांच्या या तत्परतेमुळे आणि त्यांच्या माणुसकीच्या भूमिकेमुळे, टेकाडी येथील शेतकऱ्यांनी कृतज्ञता व्यक्त केली आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by