महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.
Charity show : चित्रपट क्षेत्रात कार्य करणारे ज्युनियर कलाकार व अंध, अपंग आणि आर्थिकदृष्ट्या असक्षम कलाकारांच्या मदतीसाठी बॉलीवूड मधील तीन खान एकत्र आले आहे. अंध, अपंग कलाकार यांच्यासाठी बल्लारपूर शहरातील गोंडवाना नाट्यगृहात १६ ते २२ जानेवारी या कालावधीत शाहरुख, आमिर व सलमान या चित्रपटाचे प्रदर्शन होणार आहे. अशी माहिती १ ४ जानेवारीला बल्लारपुरातील निवासी गणेश राहिकवार (ज्युनियर शाहरुख खान) यांनी पत्रकार परिषदेच्या माध्यमातून माहिती दिली.
दिग्दर्शक इकबाल सुलेमान यांच्याद्वारे निर्मित आमिर सलमान शाहरुख हा चित्रपट बल्लारपुरातील गोंडवाना नाट्यगृहात प्रदर्शित होणार आहे, या चित्रपटाचे रोज ३ शो आयोजित केले असून फक्त ९ ९ रुपयात नागरिक हा चित्रपट बघू शकतात.
चित्रपट बल्लारपूर येथे प्रदर्शित करण्याचे कारण स्पष्ट करताना गणेश राहिकवार म्हणाले कि चित्रपट क्षेत्रातील अंध, अपंग व आर्थिक दृष्ट्या असक्षम असलेले कलाकार ज्यांना आर्थिक मदतीची गरज आहे त्यांना या चित्रपटाच्या प्रदर्शनातून जमा झालेली रक्कम त्यांच्या मदतीकरिता देण्यात येणार आहे.
१६ ते २२ जानेवारी दरम्यान दुपारी १२ ते रात्री ९ वाजता नियमित ३ शो प्रदर्शित होणार आहे नागरिकांनी या चित्रपटाचा लाभ घ्यावा असे आवाहन गणेश राहिकवार यांनी केले आहे. आयोजित पत्रकार परिषदेत ज्युनिअर सलमान खान उपस्थित होते.
Important appeal : केंद्रपुरस्कृत विशेष दत्तक संस्था राज्यातील महिला व बालविकास विभागाच्या वतीने राबविण्यात येत असून या योजनेचा उद्देश समाजातील अनाथ, निराश्रित किवा अनैतिक संबंधातून जन्मलेली बेवारस व टाकून दिलेल्या किवा शरण आलेल्या किवा आत्मसमर्पित कुटुंबातील बालकांच्या शैक्षणिक, शारीरिक व आरोग्य विषयक समस्यांच्या निराकरणा करीता तसेच मानसिक शारीरीक विकलांग बालकांच्या विशेष गरजाची पूर्तता करण्यासाठी गडचिरोली येथे विशेष दत्तक संस्था सुरू करण्यात आलेली आहे.
गडचिरोलीत विशेष दत्तक संस्था सुरू – समाजातील अनाथ व निराश्रित बालकांसाठी मदतीचे आवाहन
विशेष दत्तक संस्था (Special Adoption Agency) महिला व बालविकास विभागाच्या वतीने गडचिरोली येथे कार्यान्वित करण्यात आली आहे. या योजनेचा मुख्य उद्देश समाजातील अनाथ, निराश्रित, अनैतिक संबंधातून जन्मलेली बेवारस बालके, तसेच शरण आलेली किंवा आत्मसमर्पित कुटुंबातील बालकांच्या शैक्षणिक, शारीरिक, आणि आरोग्यविषयक गरजा पूर्ण करण्यासोबतच मानसिक व शारीरिकदृष्ट्या विकलांग बालकांच्या विशेष गरजांची पूर्तता करणे आहे.
संस्थेची उद्दिष्टे आणि कार्यप्रणाली या संस्थेच्या स्थापनेमागे बालकांच्या सर्वांगीण विकासासाठी आवश्यक पायाभूत सुविधा उपलब्ध करून देणे, त्यांना दर्जेदार शिक्षण आणि आरोग्यसेवा मिळवून देणे हा हेतू आहे. याशिवाय, समाजात मुलांना आत्मसन्मानाने जगता यावे यासाठी त्यांची शैक्षणिक व सामाजिक जडणघडण करणे हेही संस्थेचे महत्त्वाचे ध्येय आहे. (Important appeal)
दानशूरांचे योगदान आवश्यक सद्यस्थितीत या संस्थेला पुरेसा आर्थिक पाठिंबा उपलब्ध नाही. त्यामुळे समाजातील दानशूर व्यक्ती, सामाजिक संस्था, संघटना आणि विविध क्षेत्रातील प्रतिष्ठित व्यक्तींनी संस्थेसाठी आर्थिक योगदान देण्याचे आवाहन करण्यात आले आहे. नवजात बालकांना लागणाऱ्या वस्तू, शैक्षणिक साहित्य, आरोग्य उपकरणे इत्यादी स्वरूपातही मदत केली जाऊ शकते.
संथापकांचे आवाहन संस्थेचे संस्थापक पुरुषोत्तम चौधरी यांनी समाजातील दानशूर व्यक्तींना या कार्यासाठी पुढे येण्याचे आवाहन केले आहे. त्यांनी सांगितले की, “या बालकांच्या उत्थानासाठी समाजाच्या आर्थिक योगदानाची नितांत गरज आहे. समाजातील प्रत्येक घटकाने या पवित्र कार्याला पाठिंबा द्यावा.”
मदत करण्याचा मार्ग दानशूर इच्छुकांनी संस्थेच्या कार्यालयाशी थेट संपर्क साधावा किंवा खालील बँक खात्यावर आपले आर्थिक योगदान पाठवावे. याशिवाय, बालकांच्या गरजांसाठी वस्तूंची मदत देखील संस्थेला दिली जाऊ शकते.
संस्थेचा पत्ता आणि बँक खाते तपशील: पत्ता:अधीक्षक – नशिब के. जांभुळकर – ८ ८ ७ ९ ६ ९ ९ १ ३ ८ विशेष दत्तक संस्था (SAA) गडचिरोली, बजरंग नगर, हनुमान मंदिराच्या मागे, गडचिरोली 442605
बँक खाते तपशील: खाते नाव: विशेष दत्तक संस्था (SAA) गडचिरोली बँक नाव: [बँक ऑफ महाराष्ट्र, गडचिरोली] खाते क्रमांक: [60508880015] IFSC कोड: [MAHB0000940]
समाजाला आवाहन या कार्याला चालना देण्यासाठी सामाजिक, शैक्षणिक, राजकीय आणि अन्य क्षेत्रातील प्रतिनिधींनी सक्रिय सहभाग नोंदवावा. एकत्रित प्रयत्नांनी या बालकांचे भविष्य उज्ज्वल होईल आणि त्यांना समाजात मानाचे स्थान मिळवून देता येईल.
गडचिरोलीतील या अनोख्या उपक्रमाला समाजाचा सकारात्मक प्रतिसाद मिळावा, अशी अपेक्षा संस्थेने व्यक्त केली आहे.
Nylon Manja Sellers : न तुटणारा जीवघेणा नायलॉन मांजा विक्रेत्यांवर चंद्रपूर पोलिसांनी मोठी कारवाई करीत तब्बल ३ ४ जणांना ३ दिवसांकरिता चंद्रपूर तालुक्यातून हद्दपार करण्यात आले आहे. महाराष्ट्र शासनाची बंदी असताना सुद्धा जिल्ह्यात छुप्या पद्धतीने या मांजाची विक्री सुरु होती.
मकरसंक्रांत आली कि नायलॉन मांजा विक्रेते सक्रिय होत प्रतिबंधित मांजाची छुप्या पद्धतीने विक्री करतात, या मांजामुळे मानवी जीवितास व पक्ष्यांना धोका निर्माण होतो, असे असताना सुद्धा विक्रेते आपल्या फायद्यासाठी मांजा विक्री करीत कायद्याचे उल्लंघन करतात.
पोलीस अधीक्षक यांनी नागरिकांना मकरसंक्रांत ला पर्यावरण पूरक धाग्याचा वापर करावा अशी अधिसूचना निर्गमित केली होती. याबाबत जनजागृती सुद्धा पोलीस विभागाने सुरु केली होती. या दरम्यान विविध ठिकाणी पोलिसांच्या पथकाने नायलॉन मांजा विक्रेत्यांवर धाडी टाकत कारवाई सुद्धा केली. deportes
१ ३ जानेवारीला अप्पर पोलीस अधीक्षक रीना जनबंधू यांनी चंद्रपूर पोलीस स्टेशन हद्दीतील १ ९ , रामनगर पोलीस स्टेशन ८ , घुग्गुस पोलीस स्टेशन २ , पोलीस स्टेशन दुर्गापूर ४ , पोलीस स्टेशन मूल १ अश्या एकूण ३ ४ नायलॉन मांजा विक्रेत्यांना १ ३ जानेवारी ते १ ५ जानेवारी या ३ दिवसांच्या कालावधीसाठी तालुक्यातून हद्दपार करण्यात आले असा आदेश निर्गमित केला.
नायलॉन मांजा विक्रेत्यांवर हद्दपारीची हि राज्यातील पहिलीच कारवाई आहे, सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू यांच्या मार्गदर्शनाखाली स्थानिक गुन्हे शाखा पोलीस निरीक्षक महेश कोंडावार, प्रभावती एकुरके, असिफरजा शेख, श्याम सोनटक्के, लता वाढीवे, सुमित परतेकी यांनी केली.
how to reduce road accidents : रस्ते अपघात किंवा त्यात होणारे मृत्यु हा अतिशय गंभीर विषय आहे. हे अपघात कमी करायचे असले तर रस्त्यावरील खड्डे बुजविणे, रस्त्यावर असणा-या अवैध पार्किंगला आळा घालणे, नियमांचे उल्लंघन करणा-यांवर दंडात्मक तथा कायदेशीर कारवाई करणे आदी बाबींसह आवश्यक उपाययोजना त्वरीत कराव्यात, अशा सुचना खासदार प्रतिभा धानोरकर यांनी दिल्या.
नियोजन सभागृह येथे संसदीय जिल्हा रस्ता सुरक्षा समितीच्या बैठकीत त्या बोलत होत्या. यावेळी आमदार सुधाकर अडबाले, प्रभारी जिल्हाधिकारी विवेक जॉन्सन, मनपा आयुक्त विपीन पालीवाल, अतिरिक्त पोलिस अधिक्षक रिना जनबंधू, परिविक्षाधीन पोलिस अधिकारी अनिकेत हिरडे आदी उपस्थित होते.
यावेळी खासदार प्रतिभा धानोरकर म्हणाल्या, रस्त्यावर ठिकठिकाणी असलेले खड्डे तात्काळ बुजवावे, जेणेकरून अपघात होणार नाही. संबंधित यंत्रणेला याबाबत जिल्हा प्रशासनाने पत्र देऊन निर्देश द्यावेत. जड वाहनांतून मोठ्या प्रमाणात वाहतूक होत असते. या वाहनांवर ताडपत्री झाकणे आवश्यक आहे. मात्र अजूनही काही वाहने विना ताडपत्री वाहतूक करीत असल्याचे निदर्शनास आले आहे. अशा वाहनांवर तात्काळ कारवाई करावी. शहरात मोठ्या प्रमाणात खाजगी ट्रॅव्हल्स रस्त्यावर उभ्या राहतात. त्यामुळे नागरिकांना वाहतुकीसाठी अडथळा निर्माण होतो. अशा ट्रॅव्हल्सधारकांवर कारवाई करावी. road safety
शहरातील ज्या हॉटेलमालकांकडे पुरेशी पार्किंग व्यवस्था नसेल, त्यांना जिल्हा प्रशासनाने नोटीस द्यावी. हॉटेलमालकांनी आपल्या ग्राहकांसाठी पर्यायी पार्किंगची व्यवस्था करणे आवश्यक आहे. जेणेकरून रस्त्यावर वाहने उभी राहणार नाहीत. महामार्गावर वेग मर्यादेचे ठळक अक्षरात फलक लावावेत. सर्व शासकीय विभागाच्या अधिकारी व कर्मचा-यांना हेल्मेटसक्ती करावी. विद्यार्थ्यांना वाहतुकीचा नवीन परवाना देण्यासाठी महाविद्यालयीन स्तरावर मोहीम सुरू करून वाहतुकीच्या नियमांबाबत मोठ्या प्रमाणावर जनजागृती करावी, अशा सुचना खासदार प्रतिभा धानोरकर यांनी दिल्या. यावेळी आमदार सुधाकर अडबाले यांनीसुध्दा मार्गदर्शन केले. (how to reduce road accidents)
या विषयांवर झाली चर्चा : संसदीय जिल्हा रस्ता सुरक्षा समितीच्या गत बैठकीचे इतिवृत्त, सन 2023-24 मधील अपघाताची तुलनात्मक माहिती, रस्ता सुरक्षा अभियान – 2025 अंतर्गत राबविण्यात येणारे उपक्रम, विद्यार्थ्यांना रस्ता सुरक्षा विषयक प्रबोधन करणे, रस्ता सुरक्षा विषयक विशेष तपासणी मोहीम कार्यवाही तिव्रता वाढविणे, अपघातप्रसंगी मदत करणा-या जिल्ह्यातील जीवनदुतांचा सन्मान आदी विषयांवर चर्चा करण्यात आली.
यावेळी प्रादेशिक परिवहन अधिकारी किरण मोरे यांनी सादरीकरण केले. बैठकीला अधिक्षक अभियंता अरुण गाडेगोणे, जिल्हा शल्य चिकित्सक डॉ. महादेव चिंचोळे, वाहतूक निरीक्षक प्रवीणकुमार पाटील, सहायक प्रादेशिक परिवहन अधिकारी आनंद मेश्राम यांच्यासह विविध विभागाचे अधिकारी उपस्थित होते.
Property tax exemption : चंद्रपूर महानगरपालिकेतर्फे मालमत्ता कराचा एकरकमी भरणा करणाऱ्याना शास्तीत सवलत देण्यात येत असुन २ जानेवारी ते १५ फेब्रुवारी पर्यंत थकबाकीसह मालमत्ता कराचा एकमुस्त भरणा करणाऱ्या मालमत्ता धारकास ऑनलाईन पद्धतीने कराचा भरणा केल्यास ५० टक्के तसेच ऑफलाईन पद्धतीने कराचा भरणा केल्यास ४५ टक्के शास्तीत सवलत देण्यात येत आहे.
त्याचप्रमाणे १५ फेब्रुवारी ते ३१ मार्च पर्यंत थकबाकीसह पूर्णत कराचा भरणा करण्याऱ्या मालमत्ता धारकांना ऑनलाईन पद्धतीने कराचा भरणा केल्यास २५ टक्के तसेच ऑफलाईन पद्धतीने कराचा भरणा केल्यास २२ टक्के शास्तीत सूट देण्यात येणार आहे. तसेच सन २०२४-२०२५ या वर्षामध्ये माहे डिसेंबर २०२४ पर्यंत ज्या मालमत्ता धारकांनी शास्तीचा भरणा केलेला आहे त्यांचे ५० टक्के शास्तीची रक्कम पुढील आर्थिक वर्षात समायोजित करण्यात येणार आहे. (Cmc chandrapur)
महापालिका क्षेत्रात ८० हजाराहुन अधिक मालमत्ता असून, संपूर्ण मालमत्तांच्या माध्यमातून दरवर्षी मागणी नोंदवली जाते. करदात्यांना कराची नोटीस पाठवून कर भरणा करण्यासाठी विनंती करण्यात येते. कर न भरल्यास दंड वसुली तसेच प्रसंगी मालमत्ता सील करण्याची कारवाई करण्यात येते. जास्तीत जास्त वसुली होऊन ती शहराच्या विकास कामांसाठी उपयोगी यावी या अनुषंगाने यंत्रणा जोमात कामाला लागली आहे.
चंद्रपूर महानगरपालिकेचे स्वतःचे उत्पन्न वाढुन कर्मचाऱ्यांचे वेतन व इतर किरकोळ खर्च पालिकेला स्वतःच्या उत्पन्नातून भागविण्याचे दृष्टीने मालमत्ता कराची वसुली नियमित व प्रभावी होण्याकरीता शासनाने महाराष्ट्र महानगरपालिका अधिनियमामध्ये सुधारणा करून विहित कालावधीनंतर शास्ती लागु करण्याची तरतूद केलेली आहे. अश्या प्रकारे लागु होणाऱ्या शास्तीमध्ये पुर्णतः किंवा अंशतः सूट देण्याचे अधिकारी महानगरपालीकेस आहेत.
मालमत्ता कराच्या प्रभावी वसुलीकरीता व संभाव्य उद्दिष्ट पूर्ती करीता मनपातर्फे शास्तीत सवलत जाहीर करण्यात आली आहे. या शास्ती माफीचा लाभ घेण्याचे आवाहन चंद्रपूर महानगरपालिकेतर्फे करण्यात येत आहे.
kishor jorgewar on Drugs : नशेत असलेल्या चार युवकांनी तन्मय खान यांची हत्या केली. हे सर्व युवक अल्पवयीन आहेत. त्यांच्या हातात अमली पदार्थ कसे पोहोचले, असा प्रश्न उपस्थित करत, अमली पदार्थ विक्रीची पायमुळे शोधून काढत विक्रेत्यांचा कायमचा बंदोबस्त करा, अशा सूचना आमदार किशोर जोरगेवार यांनी जिल्हा पोलिस अधीक्षक सुदर्शन मुमक्का यांना दिल्या आहेत.
चार युवकांनी मिळून बाबूपेठ येथील रहिवासी तन्मय खान यांची हत्या केल्याची घटना गौतम नगर परिसरात घडली होती. सर्व आरोपींना अटक करण्यात आली आहे. मात्र, आरोपी नशेत असल्याचे उघड झाल्याने गांजा, ड्रग्जसारख्या अमली पदार्थांच्या विक्रीचा मुद्दा पुन्हा ऐरणीवर आला आहे.
दरम्यान, आमदार किशोर जोरगेवार यांनी तन्मय खान (tanmay khan) यांच्या कुटुंबीयांची भेट घेतली. घडलेली घटना अतिशय दुर्दैवी असून, शांतप्रिय चंद्रपूर जिल्ह्यासाठी अशा घटना अत्यंत घातक असल्याचे त्यांनी सांगितले. यावेळी आमदारांनी शहर पोलिस ठाण्याच्या ठाणेदार प्रभावती एकुरके यांच्याशी दूरध्वनीवरून संपर्क साधून बाबूपेठ परिसरात पोलिस गस्त वाढवण्याचे निर्देश दिले.तसेच, अमली पदार्थ विक्री करणार्‍यांवर कठोर कारवाई करण्याचे निर्देश दिले आहेत.
जिल्हा पोलिस अधीक्षक सुदर्शन मुमक्का यांच्याशीही त्यांनी दूरध्वनीवरून संपर्क साधून अमली पदार्थ विक्रीबाबत चिंता व्यक्त केली. शाळा पातळीवर जनजागृती मोहिम राबवावी, तसेच अमली पदार्थ विक्री करणार्‍यांवर कारवाईसाठी विशेष पथक तयार करावे, असे निर्देश त्यांनी दिले.
स्थानिक नागरिकांना अशा पदार्थांच्या विक्रीबाबत माहिती असते, तर पोलिसांना ती कशी मिळत नाही, असा सवाल उपस्थित करत, पोलिस प्रशासनाच्या कार्यपद्धतीवर त्यांनी नाराजी व्यक्त केली. अशा गुन्हेगारी व्यवसायात गुंतलेल्यांवर कठोर कारवाई करून कायदा-सुव्यवस्था राखावी, असेही यावेळी त्यांनी पोलीस अधीक्षक याना सांगितले आहे.
जनजागृती मोहिम राबवा.. शाळकरी अल्पवयीन युवक अमली पदार्थांच्या नशेच्या आहारी जात आहेत, ही चिंताजनक बाब आहे. असे युवक आढळल्यास त्यांच्या पालकांना माहिती द्या. शाळा-महाविद्यालय पातळीवर जनजागृती मोहिम राबवून नशामुक्त समाज निर्मितीकडे विशेष लक्ष द्या, अशा सूचनाही आमदार किशोर जोरगेवार यांनी दिल्या आहेत.
Devendra Fadnavis on Mahakali mandir : मुख्यमंत्री झाल्या नंतर प्रथमच चंद्रपूर शहरात आलोय आणि या दौ-याची सुरवात माता महाकालीच्या दर्शनाने होणे हा शुभसंकेत आहे. काम करत असतांना शक्तीचा आर्शिवाद महत्वाचा आहे. मातेची ईच्छा असेल तर ठरविल्या पेक्षा मोठे काम इथे होणार, आपण पाठपूरावा करुन मंदिर परिसर विकासाचा कार्यक्रम पुर्ण करु असे प्रतिपादन मुख्यमंत्री देवेंद्र फडणवीस यांनी केले.
मा. सां. कन्नमवार रौप्य महोत्सव कार्यक्रमा निमित्त राज्याचे मुख्यमंत्री देवेंद्र फडणवीस आज शुक्रवारी चंद्रपूर दौ-यावर होते. यावेळी भारतीय जनता पक्ष आणि श्री महाकाली माता महोत्सव समीतीच्या वतीने महाकाली मंदिर येथे मुख्यमंत्री यांच्या स्वागत कार्यक्रमाचे आयोजन करण्यात आले होते. यावेळी मुख्यमंत्री यांनी माता महाकालीची आरती केली.
या कार्यक्रमाला आमदार किशोर जोरगेवार, राष्ट्रीय इतर मागासवर्गीय आयोगाचे अध्यक्ष हंसराज अहिर, राजूरा विधानसभा क्षेत्राचे आमदार देवराव भोंगळे, भारतीय जनता पार्टीचे ग्रामीण जिल्हाध्यक्ष हरीश शर्मा, महानगर अध्यक्ष राहुल पावडे, नेते खुशाल बोंडे, विजय राऊत, कल्याणी किशोर जोरगेवार, संध्याताई गुरनुले, महिला अध्यक्ष सविता कांबळे, संजय कंचर्लावार, रघुवीर अहिर, मनोज पाल, सुभाष कासनगोट्टूवार, युवा मोर्चा अध्यक्ष विशाल निंबाळकर, डॉ. मंगेश गुलवाडे, महामंत्री किरण बुटले, संदीप आवारी, विवेक बोडे, दशरथ ठाकूर, नामदेव डाहुले, अमोल शेंडे, राशीद हुसेन, नकुल वासमवार, विश्वजीत शहा, जितेश कुळमेथे,
सलीम शेख, प्रकाश देवतळे, सुमित बेल, रामपाल सिंग, दत्तप्रसाद महादानी, महाकाली महोत्सव सामीचे सचिव अजय जयस्वाल, कोष्याध्यक्ष पवनजी सराफ, विश्वस्त मिलिंद गंपावर, प्रा. श्याम धोपटे, प्रा. शाम हेडाऊ, अशोक मते , संजय बुरघाटे, मनीषा पडगिलवार, डॉक्टर जयश्री कापसे गावंडे, वंदना हातगावकर, सायली तोंडरे, सविता दंडारे, आशा महाकाले आदिंची उपस्थिती होती. यावेळी महाकाली मंदिर परिसरात भव्य स्वागत मंच उभारण्यात आला होता.
येथे मुख्यमंत्री देवेंद्र फडणवीस यांचे आगमण होताच श्री महाकाली माता महोत्सव समिती आणि भारतीय जनता पक्षाच्या वतीने त्यांचे स्वागत करण्यात आले. यावेळी बोलतांना मुख्यमंत्री देवेंद्र फडणवीस म्हणाले कि, सामान्य मानसांचे जीवन सुखर होईल असे काम करण्याचा आशीर्वाद माता महाकालीला मागीतला आहे. महाराष्ट्र आणि सर्व समाज एकसंघ राहिला पाहिजे. समाजात काम करता असतांना शवेटचा माणूस डोळ्यासमोर राहिला पाहिजे. लाडक्या बहिणींचा आर्शिवाद आम्हाला मिळाला त्यातुन ऊर्जा मिळत असल्याचेही ते यावेळी म्हणाले.
यावेळी बोलतांना आमदार किशोर जोरगेवार (kishor jorgewar) म्हणाले कि, 500 वर्ष जुने अस इथ महाकालीचे मंदिर (mahakali mandir chandrapur) आहे. छत्रपती शिवाजी महाराज कर्नाटकला जात असतांना त्यांनी माता महाकालीचे दर्शन घेतले असल्याचे ईतिहासात नमुद आहे. येथील परिसराराचा विकास करण्यासाठी 250 कोटी रुपयांचा निधी मंजूर करण्यात आला आहे. हे काम आपण लवकर सुरु करण्याची मागणी त्यांनी यावेळी बोलतांना मुख्यमंत्री देवेंद्र फडणवीस यांना केली. आमंत्रण स्वीकारून आपण आल्या बदलही यावेळी आमदार किशोर जोरगेवार यांनी मुख्यमंत्री देवेंद्र फडणवीस यांचे आभार मानले.
आपल्या नेतृत्वात राज्यासह चंद्रपूर जिल्हाचा सर्वसमावेशक विकास होईल असा विश्वास यावेळी बोलतांना आमदार किशोर जोरगेवार (kishor jorgewar) यांनी व्यक्त केला. आपण चंद्रपूरचे भुमिपूत्र आहात त्यामुळे अधिक अपेक्षा या जिल्हाच्या आपल्याकडून असल्याचेही ते यावेळी म्हणाले. या कार्यक्रमाला भारतीय जनता पार्टी आणि श्री महाकाली माता सेवा समीतीच्या सदस्या आणि कार्यकर्त्यांची मोठ्या संख्येने उपस्थिती होती. यावेळी शाल श्रिफळ, अम्मा टिफिन आणि सन्मानचिन्ह देत आमदार किशोर जोरगेवार यांनी मुख्यमंत्री देवेंद्र फडणवीस यांचे स्वागत केले.
Devendra Fadnavis on chandrapur : तुलनेने अतिशय मागास असलेल्या कष्टकरी समाजात दादासाहेब कन्नमवार यांनी जन्म घेतला, मात्र स्वत:च्या मेहनतीवर त्यांनी आपले कर्तृत्व सिध्द केले. दादासाहेब हे ध्येयवादी नेते होते. राज्याचा आणि जिल्ह्याच्या विकासाचा ध्यास घेऊन ते संपूर्ण जीवन जगले. अशा नेत्यांचे विचार आणि कार्य पुढच्या पिढीपर्यंत पोहचविणे गरजेचे आहे, असे मनोगत राज्याचे मुख्यमंत्री देवेंद्र फडणवीस (devendra fadnavis) यांनी व्यक्त केले.
प्रियदर्शनी इंदिरा गांधी सभागृह येथे बेलार समाज संघटना व रौप्य महोत्सव समितीच्या वतीने आयेाजित कर्मवीर मा.सा. कन्नमवार शतकोत्तर रौप्य महोत्सवी सोहळ्यात मुख्यमंत्री श्री. फडणवीस बोलत होते. कार्यक्रमाच्या अध्यक्षस्थानी आमदार विजय वडेट्टीवार तर प्रमुख पाहुणे म्हणून राष्ट्रीय मागासवर्गीय आयोगाचे अध्यक्ष हंसराज अहीर, खासदार प्रतिभा धानोरकर, आमदार सर्वश्री किशोर जोरगेवार, देवराव भोंगळे, सुधाकर अडबाले, माजी मंत्री शोभाताई फडणवीस, प्रभारी जिल्हाधिकारी विवेक जॉन्सन, मनपा आयुक्त विपीन पालीवाल, आयोजन समितीचे राहुल कन्नमवार, सुर्यकांत खनके आदी उपस्थित होते. (chandrapur news)
लोकनेते दादासाहेब कन्नमवारांच्या 125 व्या जयंतीनिमित्त आज येथे उपस्थित राहता आले, याचा अतिशय आनंद आहे, असे सांगून मुख्यमंत्री श्री. फडणवीस म्हणाले, दादासाहेब यांनी देशाच्या स्वातंत्र्यलढ्यात सहभाग घेतला होता. महात्मा गांधी आणि लोकमान्य टिळकांच्या विचारांचा त्यांच्यावर मोठा प्रभाव होता. भारत – चीन युध्दाच्या वेळी महाराष्ट्राचे पहिले मुख्यमंत्री स्व. यशवंतराव चव्हाण यांना देशाच्या संरक्षणमंत्री पदाची जबाबदारी देण्यात आल्यानंतर महाराष्ट्राचे मुख्यमंत्री म्हणून मा.सा. कन्नमवार यांनी राज्याची सुत्रे सांभाळली. या पदावर ते 1 वर्ष 4 महिने होते. युध्दाचा तो काळ होता. अशा परिस्थितीत आर्थिक सहाय्य करण्यासाठी दादासाहेबांनी जनतेला आवाहन केले. त्याकाळात चंद्रपूर जिल्ह्याने तसेच महाराष्ट्राने त्यांच्या आवाहनाला प्रतिसाद देत देशासाठी सोने-नाणे, आर्थिक मदत दान केली.
शिक्षण आणि आरोग्य हे अतिशय महत्वाचे विषय आहेत. प्रत्येक गावात आरोग्य केंद्र असावे, असा सर्वप्रथम विचार कर्मवीर दादासाहेबांनी मांडला. तसेच शिक्षणाच्या क्षेत्रातही त्यांनी अनेकांना प्रेरीत केले. या राज्याच्या प्रगतीसाठी अतिशय मोठे योगदान दादासाहेबांनी दिले आहे. विधानसभेच्या राष्ट्रकुल संसदीय मंडळाच्या वतीने कर्मवीर दादासाहेब कन्नमवार यांचा गौरवग्रंथ प्रकाशित करण्यात येईल.
पुढे मुख्यमंत्री श्री. फडणवीस म्हणाले, (devendra fadnavis) सामान्य माणसांचा विकास करणे, हेच आपल्या सरकारचे सुध्दा ध्येय आहे. जिल्ह्याचा विकास करण्यासाठी सर्वपक्षीय लोकप्रतिनिधींनी एकत्र येऊन काम करावे. त्यामुळे जिल्ह्याच्या संदर्भात सर्व अडचणी सोडविण्यात येईल. तसेच ज्या मागण्या करण्यात आल्या आहेत, त्यासुध्दा पूर्ण केल्या जातील, अशी ग्वाही मुख्यमंत्र्यांनी दिली.
मा.सा. कन्नमवार यांच्याकडे विकासाची दृष्टी : सर्वसाधारण कुटुंबात जन्म घेतलेल्या मा.सा. कन्नमवार यांनी आपल्या कर्तृत्वाने शिखर गाठले. कर्मवीर दादासाहेबांना विकासाची दृष्टी होती. कर्मवीर दादासाहेब कन्नमवार आणि देवेंद्र फडणवीस हे दोन मुख्यमंत्री चंद्रपूर जिल्ह्याने दिले आहे. अनेक बाबतीत दादासाहेब आणि मुख्यमंत्री फडणवीस (devendra fadnavis) यांच्यात साम्य असून राज्याचे मुख्यमंत्री देवेंद्र फडणवीस हे सुध्दा दूरदृष्टीचे नेते आहेत. त्यांच्या पुढाकारातूनच समृध्दी महामार्गाचा विस्तार चंद्रपूर जिल्ह्यात होत आहे, असे आमदार किशोर जोरगेवार म्हणाले.
तसेच चंद्रपूर येथे होत असलेल्या नवीन शासकीय वैद्यकीय महाविद्यालय आणि कॅन्सर रुग्णालयाकरीता 100 कोटींची आवश्यकता असून राज्य शासनाने सदर निधी द्यावा. जिल्ह्यातील धानोरा बॅरेज पूर्ण करावा. कर्मवीर मा.सा. कन्नमवार यांची जयंती शासकीय स्तरावर जाहीर करावी. तसेच चंद्रपूरात 400 एकरवर 287 कोटी रुपये खर्च करून होत असलेला टायगर सफारी प्रकल्प मार्गी लावावा, अशा मागण्यासुध्दा आमदार श्री. जोरगेवार यांनी केल्या.
अध्यक्षीय भाषणात आमदार विजय वडेट्टीवार म्हणाले, विहिरी आणि घरे बांधणा-या कष्टकरी समाजातून आलेले दादासाहेब हे राज्याच्या सर्वोच्च पदी पोहचले. चंद्रपूर आणि गडचिरोली या दुर्गम जिल्ह्यात त्यांनी अनेक विकासकामांची पायाभरणी केली. चंद्रपूर येथे होत असलेल्या नवीन शासकीय वैद्यकीय महाविद्यालयाला कर्मवीर दादासाहेब कन्नमवार यांचे नाव द्यावे तसेच अल्प असलेल्या या समाजासाठी आर्थिक विकास महामंडळ निर्माण करावे, अशी मागणी त्यांनी केले.
यावेळी मान्यवरांच्या हस्ते मा.सा. कन्नमवार गौरव स्मरणिकेचे विमोचन करण्यात आले. तसेच मुख्यमंत्री देवेंद्र फडणवीस यांच्या हस्ते विविध क्षेत्रात उत्कृष्ट कार्य करणारे समाजातील डॉ. गजानन कोटेवार, प्रभा चिलखे, रुपेश कोकावार, देवराव कासटवार, गजानन चंदावार यांचा सन्मान करण्यात आला. कार्यक्रमाचे संचालन ऐश्वर्या भालेराव यांनी केले.
मुख्यमंत्र्यांनी घेतले माता महाकालीचे दर्शन : चंद्रपूर दौऱ्यादरम्यान राज्याचे मुख्यमंत्री देवेंद्र फडणवीस यांनी चंद्रपूरचे आराध्य दैवत माता महाकालीचे दर्शन घेतले व मंदिरात महाआरती केली. मंदिर विकासासंदर्भात बोलतांना मुख्यमंत्री म्हणाले, ठरविल्याप्रमाणे निश्चितपणे मंदिर परिसराच्या विकासाचे चांगले काम याठिकाणी होईल. तसेच पाठपुरावा करून मंदिर परिसर विकासाचा कार्यक्रम करण्यात येईल.
khashaba jadhav : शासन निर्देशान्वये 15 जानेवारी हा दिवस ऑलिम्पिकवीर दिवंगत खाशाबा जाधव यांचा जन्मदिन राज्य क्रीडा दिन म्हणून साजरा करण्यात येत आहे. दिवगंत खाशाबा जाधव यांनी ऑलिम्पिक क्रीडा स्पर्धा हेलसिंकी 1952 मध्ये वैयक्तीक क्रीडा प्रकारातील कुस्ती क्रीडा प्रकारात पहिले पदक (कास्य) पटकावून देशाच्या क्रीडा क्षेत्रात ऐतिहासिक कामगिरी केलेली आहे.
त्यांची आतंरराष्ट्रीय स्तरावरील कामगिरी राज्याला बहुमान तसेच नवोदित खेळाडूंना दर्जेदार कामगिरी करण्यासाठी प्रोत्साहन मिळावे, यासाठी दिवंगत खाशाबा जाधव यांचा जन्मदिन 15 जानेवारी हा राज्य क्रीडा दिन (State Sports Day) म्हणून साजरा करण्यात येत आहे. याकरीता विविध उपक्रमाचे आयोजन करण्यात यावे.
ऑलिम्पिकवीर दिवंगत खाशाबा जाधव (khashaba jadhav) यांची जीवनगाथा व त्यांचे क्रीडा क्षेत्रातील योगदान या विषयावर व्याख्यानाचे आयोजन करण्यात यावे. क्रीडा संस्कृतीचे जतन व संवर्धन करण्यासाठी रॅली/ मॅराथॉन स्पर्धांचे आयोजन करावे. शालेय विद्यार्थ्यांसाठी विविध खेळा संदर्भात नियमावली, ऑलिम्पिक तसेच अन्य महत्वाच्या स्पर्धा व त्यामधील यशस्वी खेळाडू याबाबत प्राथमिक माहिती देण्यासाठी मार्गदर्शन शिबिराचे आयोजन करावे.
तसेच शालेय विद्यार्थ्यांचा नामवंत खेळाडूंसोबत संवादाचे आयोजन करावे. विविध खेळांचे सामने आयोजित करुन विजेत्यांना पुरस्कार वितरण करावे. आंतरराष्ट्रीय व राष्ट्रीय खेळाडूंचा गौरव, क्रीडा क्षेत्रातील यशवंत खेळाडू, प्रशिक्षक, क्रीडा क्षेत्रातील व्यक्ती, नवोदित खेळाडू, शालेय व महाविद्यालयीन विद्यार्थी-विद्यार्थींनी, पालक, क्रीडाप्रेमी नागरीक यांच्यासमवेत क्रीडा तसेच करीअर संधीबाबत परीसंवाद व चर्चासत्राचे आयोजन करावे. यशस्वी क्रीडा विषय, उपक्रम, क्रीडा अकादमींना भेटी देणे आदी उपक्रम राबविण्यात यावे.
जिल्ह्यातील स्थानिक स्वराज्य संस्था, शासनमान्य, खाजगी अनुदानित, विनाअनुदानित व स्वयंअर्थसहाय्यित प्राथमिक व माध्यमिक शाळा, कनिष्ठ व वरिष्ठ महाविद्यालये, क्रीडा संस्था, असोसिएशन, क्रीडामंडळे, क्रीडा अकादमी तसेच अनुदान मिळालेल्या सर्व संस्थांनी राज्य क्रीडा दिनाचे आयोजन करून राज्य क्रीडा दिनाचा अहवाल, फोटो, वृत्तपत्राच्या कात्रणासह जिल्हा क्रीडा अधिकारी कार्यालयात सादर करावा, असे आवाहन जिल्हा क्रीडा अधिकारी अविनाश पुंड यांनी केले आहे.
Chandrapur Road : माजी मुख्यमंत्री मा. सा. कन्नमवार यांच्या शतकोत्तर रौप्य महोत्सव कार्यक्रम 10 जानेवारीला चंद्रपुरातील प्रियदर्शिनी इंदिरा गांधी सभागृहात आयोजित केला गेला असून कार्यक्रमात मुख्य अतिथी म्हणून राज्याचे मुख्यमंत्री देवेंद्र फडणवीस (cm devendra fadnavis) यांची उपस्थिती राहणार आहे.
याकरिता कायदा व सुरक्षेच्या दृष्टीने पोलीस अधीक्षक मुमक्का सुदर्शन यांच्या आदेशावर प्रियदर्शिनी चौक ते वरोरा नाका चौकमार्गावरील सकाळी 9 ते दुपारी 3 वाजेपर्यंत सर्व प्रकारची वाहतूक बंद राहणार आहे सोबतच सदर मार्गावर नो पार्किंग झोन व नो हॉकर्स झोन म्हणून सदर कालावधीसाठी घोषित करण्यात येत आहे.
या मार्गावरून वाहतूक करणाऱ्या नागरिकांना रहदारीसाठी कुठल्याही प्रकारचा अडथळा निर्माण होऊ नये म्हणून पोलीस प्रशासनाच्या वतीने पर्यायी मार्ग सुचवला आहे.
कार्यक्रम कालावधीत नागरिकांनी नागपूर कडून चंद्रपूर शहराकडे जाणारी वाहने वरोरा नाका-उड्डाणपूल, सिद्धार्थ हॉटेल, बस स्टॅण्ड, प्रियदर्शिनी चौक मार्गे किंवा मित्र नगर चौक, संत कंवलराम चौक मार्गे शहरामध्ये प्रवेश दिला जाणार.
चंद्रपूर शहरातून बाहेर जाण्यासाठी नागरिकांनी जटपुरा गेट, प्रियदर्शिनी चौक, बस स्टॅण्ड चौक, सिद्धार्थ हॉटेल, उड्डाणपूल वरोरा नाका मार्गे किंवा संत कंवलराम चौक, मित्र नगर चौक मार्गे शहराबाहेर जातील. नागरिकांनी या कालावधीत प्रशासनाला सहकार्य करावे असे आवाहन पोलीस अधीक्षक व वाहतूक विभागातर्फे करण्यात आले आहे.
