My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Nehru Market Shop | अडीच लाखांची थकबाकी, मनपाने ४ गाळ्यांना ठोकले टाळे

    Nehru Market Shop

    Nehru Market Shop :  2 लक्ष 47 हजार रुपयांची थकबाकी असणाऱ्या झोन क्रमांक १ मधील नेहरू मार्केट येथील ४ गाळ्यांना मनपा कर वसुली पथकाने टाळे ठोकले आहे. मनपा कर विभागाद्वारे वारंवार सूचना देऊन, यापुर्वी तीनदा थकबाकीची नोटीस दिल्यानंतरही सदर मालमत्ता धारकांनी कराचा भरणा न केल्याने सदर कारवाई करण्यात आली आहे.


        नेहरू मार्केट येथे 2 गाळे असणाऱ्या पी कुमार आबाजी यांच्याकडे 82,274,जय गोपाल सुरेशचंद्र शहा यांच्याकडे 70,019 तर शामराव बालाजी नागपुरे यांच्याकडे एकुण 94,757 रुपयांची थकबाकी आहे.यापुर्वी तीनदा थकबाकीची नोटीस या सर्वांना बजाविण्यात आली होती. मात्र करचुकवेगिरी करत असल्याने मनपा कर विभागाने गाळे सील केले आहेत.  

    शिवा वझरकर हत्याकांडाला १ वर्ष पूर्ण, आरोपींवर मोक्का लावा, वझरकर कुटुंबाची पत्रकार परिषदेत मागणी


        चंद्रपूर शहर महानगरपालिकेच्या माध्यमातून कर वसुलीसाठी झोननिहाय विशेष मोहीम राबविण्यात येत आहे. यासाठी मनपा अधिकारी कर्मचारी यांची पथके सुटीच्या दिवशीही कार्यरत आहेत. थकीत कराचा भरणा न करणाऱ्या मालमत्ता धारकांच्या मालमत्तेला सिल लावण्याची कारवाई मोठ्या प्रमाणात सुरु आहे. काही मालमत्ता धारक हे धनादेशाद्वारे कराचा भरणा करतात, अधिकतम धनादेश हे वटले जातात, मात्र जे धनादेश वटले जाणार नाही त्यांच्यावर फौजदारी कारवाई मनपातर्फे करण्यात येत आहे.

             
          सदर कारवाई 24 जानेवारी रोजी मनपा आयुक्त विपीन पालीवाल यांच्या मार्गदर्शनात व उपायुक्त मंगेश खवले यांच्या प्रत्यक्ष नियंत्रणात सहायक आयुक्त संतोष गर्गेलवार,कर विभाग प्रमुख अनिल घुले, प्रविण हजारे व इतर कर्मचारी यांनी केली.

  • Purple Festival। दिव्यांगांच्या रोजगार निर्मितीसाठी १ कोटी निधी देणार – आमदार किशोर जोरगेवार

    Purple Festival

    Purple Festival : दिव्यांग बांधवांना आपले कलागुण सादर करण्यास शहरातील सर्वात मोठे सभागृह महानगरपालिकेने उपलब्ध करून दिले, यापेक्षा मोठा आनंद कुठलाच नाही त्यामुळे मनपाने दरवर्षी पर्पल महोत्सवाचे आयोजन करून हा उपक्रम सुरु ठेवण्याचे आवाहन आमदार किशोर जोरगेवार यांनी केले.  

     
       चंद्रपूर महानगरपालिकेच्या दिव्यांग धोरण अंतर्गत, दिव्यांग कौशल विकास मल्टीपर्पज सोसायटी व पुनम प्रॉडक्शन यांच्या साहाय्याने दिव्यांग बांधवांच्या उत्कर्ष आणि विकासासाठी गणतंत्र दिनानिमित्त सदर कार्यक्रमाचे आयोजन २४ जानेवारी रोजी प्रियदर्शिनी सभागृह येथे करण्यात आले होते त्याप्रसंगी ते बोलत होते. शरीराने धडधाकट असणारे अनेक लोक मनाने समाधान नसतात,मात्र दिव्यांग बांधवांना शरीराच्या सीमा असतांनाही जीवनावर प्रेम करतात,हे बोध घेण्यासारखे आहे.

    न्यायाच्या प्रतीक्षेत वझरकर कुटुंब, युवासेना शहर प्रमुख शिवा वझरकर हत्याकांडाला एक वर्ष पूर्ण


        चंद्रपूर शहरात १० बस स्टॅन्ड मनपाने तयार करावे ज्यात सोलर व्यवस्था असावी,महिलांसाठी प्रसाधन गृह असावे व ते दिव्यांग बांधवांस चालविण्यास देण्यात यावे,ज्यायोगे त्यांना रोजगार मिळेल यासाठी १ कोटी रुपये देण्याचे त्यांनी जाहीर केले. तसेच दिव्यांग बांधवांच्या रोजगारासाठी इतरही प्रस्ताव मनपाने तयार करावे त्यासाठी लागेल तेवढा निधी देण्याची ग्वाही त्यांनी दिली. महाकाली महोत्सवातही दिव्यांग बांधवांना सादरीकरण करण्यास स्टेज उपलब्ध करून देणार असुन या माध्यमातुन त्यांचे कलागुण देशपातळीवर पोहोचण्याची अपेक्षा त्यांनी व्यक्त केली. मोठ्या पातळीवर जर दिव्यांग बांधवांना संधी मिळत असेल तर उपलब्ध करून द्यावी त्यासाठी लागणारी सर्व मदत करण्याचे आश्वासन त्यांनी याप्रसंगी दिले.    

    किशोर जोरगेवार


     पालक सचिव श्री.संतोष कुमार – ज्या उत्साहाने दिव्यांग बांधवांनी आहे येथे नृत्य सादर केले त्यावरून त्यांना आपले कलागुण सादर करण्यास स्टेज मिळाल्याचा आनंद दिसुन येतो.चंद्रपूर मनपाने दिव्यांग बांधवांसाठी आयोजित केलेला कार्यक्रम निश्चितच कौतुकास्पद आहे.पुढील वर्षी याहुन दुप्पट लोक कार्यक्रम सादर करण्यास व बघण्यास असतील अशी आशा व्यक्त करतो.    


        जिल्हाधिकारी श्री. विनय गौडा –  व्यक्त होण्यासाठी दिव्यांग बांधवांना स्टेज उपलब्ध करून त्यांना समाजाचा महत्वाचा घटक म्हणुन गौरवान्वित केल्याबद्दल चंद्रपूर मनपाचे अभिनंदन.पुढील वर्षी ज्यास्तीत ज्यास्त दिव्यांग बांधवांनी पर्पल उत्सवात सहभाग घेऊन आनंद घेण्याचे अपेक्षा व्यक्त करतो.  


    आयुक्त श्री. विपीन पालीवाल – चंद्रपूर जिल्ह्यात पहिल्यांदा पर्पल महोत्सवाचे यशस्वी आयोजन मनपाने केले आहे. विशेष क्षमता असणाऱ्या दिव्यांग बांधवांसाठी पर्पल उत्सव ओळखला जातो.दिव्यांग मुलांच्या पालकांना आज नक्कीच आनंद होत असेल.उत्सवात दिव्यांग बांधवांसाठी लागणारी सर्व व्यवस्था कार्यक्रमात करण्यात आली होती. दिव्यांगांना समाजाच्या मुख्य प्रवाहात आणण्याचे मनपाचे धोरण आहे. असेच कार्यक्रम पुढेही आयोजित करण्याचा मनपाचा प्रयत्न राहील.

       याप्रसंगी पालक सचिव संतोषकुमार,जिल्हाधिकारी विनय गौडा,आयुक्त विपीन पालीवाल, समाज कल्याण अधिकारी धनंजय साळवे,उपायुक्त मंगेश खवले,सहायक आयुक्त शुभांगी सुर्यवंशी,अक्षय गडलिंग संतोष गर्गेलवार,समाज विकास अधिकारी सचिन माकोडे, रफिक शेख,प्राचार्य डॉ. कापसे-गावंडे,निलेश पाझारे, रमेशकुमार बोरकुटे,अमोल शेंडे, दत्ताजी,रोशनी तपासे,चिंतेश्वर मेश्राम,शहर अभियान व्यवस्थापक तसेच समुदाय संघटक पांडुरंग खडसे,सुषमा करमनकर,रेखा लोणारे, रेखा पाटील, चिंगुताई मुन तसेच वॉर्ड सखी उपस्थीत होते.          

  • Justice For Shiva Vazarkar | शिवा वझरकर हत्याकांडाला 1 वर्ष, आरोपीवर मोक्का लावा

    justice for shiva vazarkar

    justice for shiva vazarkar : 24 जानेवारी 2024 रोजी चंद्रपूर शहरात युवासेना शहर प्रमुख शिवा वझरकर यांची निर्घृण हत्या करण्यात आली होती. या घटनेला आता एक वर्ष झाले आहे. या खून प्रकरणातील आरोपींना जामीन मिळाला असला तरीही त्यांना शहरात राहण्यास सक्त मनाई करण्यात आली आहे. असे असूनही आरोपी शहर मुक्तपणे संचार करीत असल्याचा आरोप वझरकर परिवाराने केला आहे त्यामुळे कुटुंबात भीतीचे वातावरण आहे.

    25 लाख द्या, नोकरी घ्या

    या संदर्भात वझरकर परीवाराने पत्रकार परिषदेद्वारे पोलिस प्रशासनाकडे सुरक्षा आणि न्यायाची मागणी केली आहे.
    शिवा वझरकर यांच्या परिवाराचे न्यायासाठी प्रयत्न सुरू आहे. परंतु आरोपीं द्वारे वारंवार येत असलेल्या धमक्या आणि दबावामुळे कुटुंब नेहमी चिंतेत असल्याची माहीती दिली.

    जामिनावर शहरात मुक्तपणे फिरणाया आरोपींना कायद्याची भीती राहिलेली नाही. यावेळी आरोपीं व त्यांचे सहकारी साक्षीदारांवर दबाव आणण्याचा प्रयत्न करत असल्याचा आरोप परीवाराने केला आहे. बऱ्याच प्रयत्नांनंतर कुटुंबाने महाराष्ट्र संघटित गुन्हेगारी नियंत्रण कायदा अर्थात मोक्का लागू करण्याबाबत पोलिस अधीक्षक आणि विशेष पोलिस महानिरीक्षकांना पत्रे पाठवली.

    स्मार्ट प्रीपेड मीटर वरून आमदार वडेट्टीवार आक्रमक

    या पत्राद्वारे पोलिस प्रशासनाकडे मोक्का कारवाई करण्याची मागणी करण्यात आली. परंतु आजपर्यंत मोक्का अंतर्गत कोणतीही ठोस कारवाई झालेली नाही. अशा परिस्थितीत त्यांनी कुटुंबाच्या सुरक्षिततेवर प्रश्न उपस्थित केले.

    शिवा वझरकर हा वडिलांना वाईट बोलल्याने हिमांशू कुमरे ला जाब विचारण्यासाठी गेला होता, मात्र आरोपीने शिवा च्या पोटावर धारदार शस्त्राने वार केले, यावेळी शिवा खाली कोसळला व त्याला आरोपीनी लाथा बुक्क्यानी मारहाण केली, यामध्ये शिवा चा जागीच मृत्यू झाला होता.

    आरोपीवर मोक्का अंतर्गत कारवाई व्हावी यासाठी शहरात आंदोलने झाली मात्र त्याचा प्रशासनावर फरक पडला नाही, आरोपी वर यापूर्वी अनेक गुन्हे दाखल झाले होते, विशेष बाब म्हणजे आरोपीपैकी एक हा पोलीस कर्मचाऱ्याचा मुलगा आहे.

    शिवा वझरकर हत्याकांडात 25 वर्षीय हिमांशू कुमरे, 38 वर्षीय स्वप्नील काशीकर, 20 वर्षीय चैतन्य रासकर, 25 वर्षीय रिजवान पठाण, 21 वर्षीय नाझीर खान, 24 वर्षीय रोहित पितरकर, 27 वर्षीय सुमित दाते, 25 वर्षीय अन्सार खान यांना अटक झाली होती.

    जामिनावर सुटलेले आरोपी त्यांना खटला मागे घेण्यासाठी वारंवार धमकावत असल्याचा आरोप कुटुंबीयांनी केला आहे. त्यामुळे शिवा वझरकर यांच्या कुटुंबात भीतीचे वातावरण आहे. कुटुंब मानसिक तणावाचा सामना करत आहे. या संदर्भात त्यांनी प्रशासनाकडे मदतीची विनंती केली आहे. आरोपींकडून साक्षीदारांवर दबाव वाढवला जात आहे. कायदेशीर न्याय मिळण्यासाठी प्रशासनाने आरोपींवर त्वरित आणि प्रभावी कारवाई करावी अशी अपेक्षा कुटुंबाने व्यक्त केली आहे.

  • Smart prepaid meter | स्मार्ट प्रीपेड मीटर वरून आमदार वडेट्टीवार आक्रमक

    Smart prepaid meter

    Smart prepaid meter : निवडणुकीच्या तोंडावर खोटी आश्वासने ,फसव्या योजना व भूलथापांची वचने देऊन महायुती सरकार सत्तेवर आली. सत्ता प्राप्त होताच सरकारने व्यवसायदारांचे हित जोपासण्यासाठी राज्यातील वीज वापर करणाऱ्या जनतेच्या मानगुटीवर आर्थिक भुर्दंड लादणारे व दीड पट अधिक गतीने चालणारे स्मार्ट मीटर (प्रीपेड रिचार्ज मीटर) ग्राहकांच्या घरी जबरदस्तीने लावणे सुरू केले असून जनतेने सरकारच्या या अन्यायकारक धोरणाचा आम्ही तीव्र निषेध करीत असून प्रीपेड स्मार्ट मीटर लावणे तात्काळ बंद करा.

    चंद्रपूर मनपाचा पूजा कॅटरर्स ला दणका

    अन्यथा मोठे जनआंदोलन उभारण्यात येईल. असा सज्जड इशारा राज्याचे माजी विरोधी पक्षनेते, तथा ब्रह्मपुरी विधानसभा क्षेत्र आमदार विजय वडेट्टीवार यांनी दिला आहे.

    ते पुढे बोलताना म्हणाले की, महायुती सरकारने केवळ सत्ता प्राप्तीसाठी प्रलोभने देऊन जनतेला मूर्ख बनविण्याचे काम आजवर केले आहे. देशासह राज्यात महागाई, बेरोजगारी यामुळें सर्व सामान्य जनतेचे कंबरडे मोडले आहे. अश्यातच विवीध जीवनावश्यक वस्तूंच्या किंमती वाढल्या असून सर्व सामान्यांना जिवन जगणे अवघड झाले आहे. अशातच गेल्या वर्षभरापूर्वी विज वितरण कंपनी कडून विज ग्राहकांचे विद्युत मीटर बदलाविण्यात आले होते. मात्र वर्ष लोटताच आता सरकारने स्मार्ट मीटर च्या नावाखाली वेठीस धरण्याचा सपाटा सुरू केला आहे.

    सिडीसीसी बँकेत नोकरी हवी, तर मोजावे लागेल 25 ते 40 लाख

    या संदर्भात विरोधी बाकावरून स्मार्ट मीटर ला कडाडून विरोध करीत आम्ही जनहिता करिता आवाज उचलला असताना मुख्यमंत्र्यांनी भर सभागृहात स्मार्ट मीटर लावण्यात येणार नाही अशी ग्वाही दिली होती. मात्र त्यावरून आता तुमच्या केले असून जनतेला दिलेले स्मार्ट फिटर न लावण्याचे आश्वासन फोल ठरल्याचे दिसून येते असेही ते म्हणाले. तर स्मार्ट मीटर हे दीड पट अधिक गतीने चालणारे मीटर असुन हे प्रीपेड असल्याने यात अगोदर रिचार्ज कारणे अनिवार्य आहे.

    मोबाईल प्रमाणेच रिचार्ज संपला की विज पुरवठा आपोआप बंद होईल. म्हणजेच जनतेला रात्रौ बेरात्री लहान मूल,अभ्यासक मुले तसेच इतर सर्व कार्यासाठी चक्क अंधारात रात्र काढावी लागणार आहे.

     देशांतील व राज्यातील महायुती सरकार हे गोरगरिबांसाठी नसून केवळ व्यापारी हीत जोपासणारे सरकार असुन स्मार्ट मीटर (प्रीपेड रिचार्ज मीटर) योजने अंतर्गत जनतेची अर्थिक लूट करु पहाणाऱ्या या लुटारू सरकारच्या अन्यायकारक धोरणाला आपण सर्वांनी मिळून एकजुटीने प्रखरपणे विरोध करणे गरजेचे असुन जनतेच्या हितासाठी काँग्रेस पक्ष नेहमीच तत्पर आहे.

    आपण सर्व विज ग्राहकांनी स्मार्ट मीटर लावण्यास विरोध दर्शवावा. तसेच विज वितरण कंपनी कडून कुठल्याही ग्राहकाकडे  बळजबरीने स्मार्ट मीटर लावण्याचा प्रयत्न होत असल्यास आमच्या जनसंपर्क कार्यालयाशी संपर्क साधावा असे आवाहन देखिल काँग्रेस नेते, राज्याचे माजी विरोधी विरोधी पक्षनेते,तथा ब्रम्हपुरी विधानसभा क्षेत्र आमदार विजय वडेट्टीवार यांनी केले आहे.

  • Maharashtra Export Convention | चंद्रपुरात महाराष्ट्र एक्सपोर्ट कॉन्व्हेंशन

    Maharashtra Export Convention

    Maharashtra Export Convention : चंद्रपूर हा खनीज आणि वनसंपत्तीने समृध्द जिल्हा असून त्यावर आधारीत उद्योग येथे मोठ्या प्रमाणात आहे. शिवाय धान, कापूस आणि सोयाबीन ही पिके सुध्दा जिल्ह्यात घेतली जातात. निर्यात क्षमतेसाठी अतिशय चांगले वातावरण जिल्ह्यात असून या जिल्ह्यातून किमान पाच निर्यातदार तयार व्हावेत, अशी अपेक्षा जिल्हाधिकारी विनय गौडा जी.सी. यांनी केली.

    चंद्रपुरात एका शासकीय नोकरीची किंमत 25 ते 40 लाख

    जिल्हा उद्योग केंद्र, चंद्रपूर च्या वतीने नियोजन सभागृह येथे आयोजित महाराष्ट्र एक्सपोर्ट कॉन्व्हेंशनचे उद्घाटन करतांना ते बोलत होते. यावेळी मंचावर नागपूर विभागाचे उद्योग सहसंचालक गजेंद्र भारती, डायरेक्टर जनरल ऑफ फॉरेन ट्रेडच्या सहायक संचालक स्नेहल ढोके, जिल्हा उद्योग केंद्राचे महाव्यवस्थापक ऋतुराज सुर्या,  इंडिया पोस्टचे रामकृष्ण, एसएमई फोरमच्या संचालक उर्वशी वुथू, मिनाक्षी बागडे, सुनील कुलकर्णी, अक्षय गोंदाणे आदी उपस्थित होते.

    यावेळी जिल्हाधिकारी श्री. गौडा म्हणाले, जिल्ह्यातील उत्पादन निर्यात करून त्याचा लाभ स्थानिक उद्योजकांना, शेतक-यांना व्हावा, या उद्देशाने केंद्र आणि राज्य सरकारने निर्यातीला चालना दिली आहे. शासनाच्या निर्यात धोरणाला वृध्दींगत करणे, स्थानिक उद्योजकांच्या शंका – कुशंकांचे निरसन करणे, या उद्देशाने या कार्यक्रमाचे आयोजन करण्यात आले आहे.

    निर्यातीकरीता चंद्रपूरमध्ये अतिशय चांगले वातावरण आहे. बांबू आधारीत वनउपज व कृषी उत्पादनसुध्दा जिल्ह्यातून निर्यात होऊ शकते. त्यामुळे येथील शेतकरी आणि कामगारांना चांगला लाभ मिळेल, असेही जिल्हाधिकारी विनय गौडा यांनी सांगितले.

    तत्पुर्वी जिल्हाधिका-यांच्या हस्ते दीप प्रज्वलनाने कार्यक्रमाची सुरुवात झाली. यावेळी उद्योग संबंधित विविध चर्चासत्रे आयोजित करण्यात आली होती. कार्यक्रमाला एमआयडीसी इंडस्ट्रीयल असोसिएशनचे मधुसूदन रुंगठा, डिस्ट्रीक्ट इंडस्ट्रीयल असोसिएशनचे प्रवीण जानी, राईस मील असोसिएशनचे श्री. कोंतमावर यांच्यासह नामांकित निर्यातदार, निर्यात इच्छुक उद्योजक, तरुण, तरुणी आदी उपस्थित होते.

  • Pooja Caterers | चंद्रपूर मनपाचा दणका

    Pooja Caterers

    Pooja Caterers : चंद्रपूर महानगरपालिकेच्या उपद्रव शोध पथकाने जेलच्या मागील भागात उघड्यावर कचरा टाकणाऱ्या पुजा कॅटरर्स या व्यावसायिकास 3 हजार रुपयांचा दंड ठोठावला असुन पुन्हा सदर कृती न करण्याची सक्त ताकीद देण्यात आली आहे.  


       महानगरपालिकेतर्फे घरोघरी ओला आणि सुक्या कचऱ्याचे संकलन केले जाते. मात्र, तरीही शहरात काही ठिकाणी नागरिकांकडून कचरा बाहेर फेकला जातो. त्यामुळे परिसरात दुर्गंधी पसरून शहर अस्वच्छ होते. या प्रकारांना आळा घालण्यासाठी मनपा स्वच्छता निरीक्षकांद्वारे स्वच्छतेविषयक नियमित पाहणी करण्यात येते.

    एका नोकरीची किंमत 25 ते 40 लाख, सिडीसीसी बँकेची पदभरती रद्द करा

    स्वच्छता राखण्यास व दंडात्मक कारवाई टाळण्यासाठी नागरिक, दुकानदार, बाजार परिसरात स्वच्छता राखण्याचे आवाहन चंद्रपूर महानगरपालिकेतर्फे करण्यात येत आहे.        
        चंद्रपूर महानगरपालिका क्षेत्रातील सर्व दुकानदार, हॉकर्स, हातठेलेधारक, फेरीवाले तसेच इतर सर्व व्यावसायिकांना त्यांच्या आस्थापनेवर कचरापेटी ठेवणे बंधनकारक आहे. तसे न केल्यास आणि आस्थापनेच्या 10 चौरसफूट परिसरात अस्वच्छता आढळल्यास दंडात्मक कारवाई करण्यात येते.वास्तविकतः दंड ठोठावणे नाही तर स्वच्छतेचे पालन व्हावे हा यामागचा हेतू आहे.  


       कारवाईसाठी उपद्रव शोध पथक (NDS) तयार करण्यात आले असुन सदर पथकाद्वारे शहरातील सार्वजनीक स्वच्छता अबाधित ठेवणे, घनकचरा व्यवस्थापन नियमाची अंमलबजावणी करणे, उपद्रव थांबविणे, प्लास्टीक कचरा नियम अंमलबजावणी व नागरीकांमध्ये स्वच्छता ठेवण्याच्या कृतीमध्ये व्यावहारीक बदल घडविणे व दंडात्मक कारवाई करणे इत्यादी कारवाई केली जात आहे.    

  • Cdcc Bank | नोकरीची किंमत 25 ते 40 लाख

    cdcc bank

    Cdcc bank : चंद्रपूर जिल्हा मध्यवर्ती बँकेच्या पदभरती प्रक्रियेत मोठा घोळ झाल्याची बाब परीक्षार्थी यांनी उघडकीस आणली सोबतच 358 पदांसाठी घेण्यात आलेल्या पदभरती मध्ये बँकेने आरक्षण संपविले.
    संपूर्ण भरती प्रक्रिया खुल्या प्रवर्गात घेण्यात आली, आपल्या आर्थिक हितासाठी जिल्हा मध्यवर्ती बँकेने नोकरी मधील आरक्षण संपविले याविरोधात आरक्षण बचाव कृती समितीने 16 जानेवारी पासून आमरण उपोषणाला सुरुवात केली आहे.

    चंद्रपूर शासकीय वैद्यकीय महाविद्यालयाचे नामकरण

    आज 23 जानेवारीला आरक्षण बचाव संघर्ष कृती समितीने जिल्हाधिकारी कार्यालयावर मोर्चा काढत आपल्या मागण्यांचे निवेदन दिले.


    तत्पूर्वी उपोषण मंडपाला माजी मंत्री व आमदार सुधीर मुनगंटीवार यांनी भेट देत उपोषणकर्ते मनोज पोतराजे यांच्या प्रकृतीची विचारपूस केली. मुनगंटीवार म्हणाले की नोकरीचा अधिकार हा सर्वांचा आहे, आरक्षणानुसार हा अधिकार सर्व प्रवर्गाना भेटायला हवा मात्र देशात पहिल्यांदाचं चंद्रपूर जिल्हा मध्यवर्ती बँकेने आरक्षण संपविण्याचे कृत्य केले आहे. जर उपोषणकर्ते यांच्या जिवाचं काही बरं वाईट झालं तर त्याला प्रशासन व सहकार विभाग पूर्णतः जबाबदार राहणार.

    सिडीसीसी बँक ते जिल्हाधिकारी कार्यालय पर्यंत आरक्षण बचाव संघर्ष कृती समिती सदस्य व विद्यार्थी यांनी भव्य मोर्चा काढला. यावेळी राजू कुकडे यांनी बँक व्यवस्थापनावर थेट आरोप लावत प्रत्येक जागेसाठी 25 ते 40 लाख रुपये घेतल्याचा आरोप लावला. परीक्षेत आलेल्या प्रश्नांचे योग्य पर्याय निवडत त्याचे पर्याय शेवटी बदलले, परीक्षा केंद्रावर गडबडी करण्यात आली.


    महत्वाचे म्हणजे प्रत्येक जात-प्रवर्गाला नोकरीपासून वंचित ठेवण्याचा घाट बँक व्यवस्थापनाने रचला याविरोधात आम्ही आमरण उपोषण व आज धडक मोर्चा काढला आहे. आयोजित मोर्च्यात असंख्य विद्यार्थी व नागरिकांची उपस्थिती होती.

  • Naming of Medical College | चंद्रपूरातील शासकीय वैद्यकीय महाविद्यालयाला देण्यात आले कर्मवीर मा.सां. कन्नमवार यांचे नाव

    Naming of Medical College

    Naming of Medical College : चंद्रपूर येथे निर्माणाधीन असलेल्या शासकीय वैद्यकीय महाविद्याल, रुग्णालयाला राज्याचे माजी मुख्यमंत्री कर्मवीर मा.सां. कन्नमवार यांचे नाव देण्यात आले आहे. या संदर्भात शासनाच्या वतीने परिपत्रक काढण्यात आले असून, लोकभावना लक्षात घेता महाविद्यालयाला कर्मवीर मा. सां. कन्नमवार यांचे नाव दिल्याबद्दल आमदार किशोर जोरगेवार यांनी मुख्यमंत्री देवेंद्र फडणवीस यांचे आभार मानले आहेत.

    चंद्रपूर जिल्हा मध्यवर्ती बँकेच्या पदभरती मध्ये असा झाला घोळ, परिक्षार्थीने केली पोलखोल


    चंद्रपूरातील सर्व सोयी-सुविधांनी सुसज्ज असे शासकीय वैद्यकीय महाविद्यालय व रुग्णालयाचे काम अंतिम टप्प्यात आले आहे. या महाविद्यालयाच्या शेवटच्या टप्प्यातील काम पूर्ण करण्यासाठी लागणारा निधी उपलब्ध करून देण्यासाठी आमदार किशोर जोरगेवार सातत्याने पाठपुरावा करत आहेत.

    नुकतीच त्यांनी महाविद्यालयाच्या कामाची पाहणी करून आवश्यक त्या सूचना दिल्या आहेत.
    दरम्यान, या महाविद्यालयाला माजी मुख्यमंत्री कर्मवीर मा.सां. कन्नमवार यांचे नाव देण्यात यावे, अशी मागणी समाजबांधवांच्या वतीने करण्यात आली होती.

    नुकत्याच पार पडलेल्या कर्मवीर मा. सां. कन्नमवार शतकोत्तर रौप्य महोत्सव सोहळ्याला आमदार किशोर जोरगेवार, माजी मंत्री शोभा फडणवीस, आणि आमदार कीर्तीकुमार भांगडिया यांच्या आग्रहामुळे मुख्यमंत्री देवेंद्र फडणवीस यांनी उपस्थिती दर्शवली होती. या महोत्सवात सदर मागणी पुन्हा एकदा करण्यात आली.


    मुख्यमंत्री देवेंद्र फडणवीस यांनी या मागणीची दखल घेत शासकीय वैद्यकीय महाविद्यालयाला कर्मवीर मा. सां. कन्नमवार यांचे नाव देण्याचा निर्णय घेतला आहे. शासनाने प्रसिद्ध केलेल्या परिपत्रकानुसार, “शासकीय महाविद्यालय व रुग्णालय, चंद्रपूर” याचे नामकरण “कर्मवीर मा.सा. कन्नमवार शासकीय महाविद्यालय व रुग्णालय, चंद्रपूर” असे करण्यात आले आहे.

    त्या अनुषंगाने आयुक्त, वैद्यकीय शिक्षण व संशोधन संचालनालय, मुंबई यांना आवश्यक ती कार्यवाही करण्याचे निर्देश देण्यात आले आहेत. या निर्णयाबद्दल आमदार किशोर जोरगेवार यांनी मुख्यमंत्री देवेंद्र फडणवीस यांचे आभार मानले आहेत.

  • Tadoba Tiger Reserve | 20 दिवसात चंद्रपूर जिल्ह्यात 4 वाघांचा मृत्यू

    tadoba tiger reserve

    tadoba tiger reserve : चंद्रपूर जिल्ह्यात वाघाच्या मृत्यूची मालिका सतत सुरू आहे, एकाच महिन्यात 4 वाघाचा मृत्यू झाल्याने वनविभागात चांगलीचं खळबळ उडाली आहे.


    राज्यात सर्वात जास्त वाघ चंद्रपूर जिल्ह्यात आहे मात्र प्रत्येक वाघाच्या संरक्षणाची जबाबदारी असलेल्या वनविभागावर कामाचा ताण तर आला नाही न असे चित्र वाघाच्या मृत्यूसत्रावर दिसून येत आहे.

    20 जानेवारीला ताडोबा अंधारी व्याघ्रप्रकल्पातील बफर झोन मधील शिवनी वनपरिक्षेत्रात दीड वर्षीय वाघाचा मृतदेह आढळून आला.

    शौचास गेलेल्या वाहन चालकावर अस्वलीचा हल्ला


    वनविभागाला याबाबत माहिती मिळताच त्यांनी तात्काळ घटनास्थळी गाठत वाघाच्या मृतदेहाचा पंचनामा केला, वाघाचा मृत्यू हा नैसर्गिकरित्या झाला असल्याचा अंदाज वनविभागाद्वारे लावण्यात आला आहे.


    काही दिवसांपूर्वी मृत वाघाला दुसऱ्या वाघाने जखमी केले होते, मृत वाघ हा आईसोबत जखमी अवस्थेत फिरत होता, त्यावेळी वनविभागाने त्या वाघावर उपचार केला होता, सदर मृत वाघ हा वनविभागाच्या निगराणीत होता मात्र 20 जानेवारीला त्याचा मृतदेह आढळून आला.

    चंद्रपुरात पोलीस चौकीजवळ घरफोडी, लाखोंचे सोने लंपास


    2 जानेवारी पासून वाघाच्या मृत्यूची मालिका सुरू झाली असून सिंदेवाही, मूल, रेल्वेच्या धडकेत वाघाच्या मृत्यूनंतर 48 तासांनी पुन्हा वाघाचा मृत्यू झाला ही बाब वन्यप्रेमींसाठी चिंताजनक आहे.

  • Bear attack incidents । CSTPS मध्ये २ अस्वलांचा वाहनचालकांवर हल्ला

    Bear attack incidents

    Bear attack incidents : चंद्रपूर जिल्हा चारही बाजूने वन क्षेत्राने व्याप्त असल्याने सतत जिल्ह्यात मानव वन्यजीव संघर्षाच्या घटना घडत आहे. वन्य प्राणी जंगलातील अधिवास सोडून शहरी भागात येत असल्याने मानवी जीवनाला आता धोका निर्माण होत आहे.

    चंद्रपुरातील थर्मल पॉवर स्टेशन मधील अल्ट्राटेक ऐश लोडींग प्लांट जवळ २० जानेवारीला वाहन चालकावर २ अस्वलीनी हल्ला केला हि घटना सकाळी १० वाजताच्या सुमारास घडली, या हल्ल्यात वाहनचालक ५ २ वर्षीय रघुनाथ यादव जखमी झाला आहे.

    चंद्रपुरात पोलीस चौकीजवळ घरफोडी

    सकाळी रघुनाथ यादव हे झुडपी भागात शौचासाठी गेले होते त्यावेळी अचानक २ अस्वलीनी त्यांच्यावर हल्ला केला, अचानक झालेल्या या हल्ल्याने यादव घाबरून गेले, त्यांनी काही वेळ अस्वलाचा प्रतिकार करीत आरडाओरड सुरु केल्याने कामगार वर्गाने तात्काळ यादव यांच्याकडे धाव घेतली. कामगार वर्ग आल्याने अस्वलीनी पळ काढला.

    सीएसटीपीएस मध्ये दररोज असंख्य वाहने येतात मात्र ऐश प्लांट येथे वाहन चालकांसाठी शौचालयाची व्यवस्था नाही, त्यामुळे हे चालक झुडपी भागात शौच करण्याकरिता जात असल्याने त्याठिकाणी प्राण्यांचा मोठ्या प्रमाणात वावर असून यामुळे हा हल्ला झाला असल्याचे बोलले जात आहे.

    वनपरिक्षेत्र अधिकारी नायगमकर यांनी दिलेल्या माहितीनुसार सीएसटीपीएस मध्ये अस्वलांचा वावर मोठ्या प्रमाणात आहे, या भागात सीसीटीव्ही लावण्यात आला आहे मात्र अस्वल सीसीटीव्ही दिसून येतात, मागील २ महिन्यात तिघांवर अस्वलीने हल्ला केल्याची घटना घडली आहे.

    अस्वलाच्या हल्ल्यात जखमी झालेले वाहनचालक रघुनाथ यादव यांना पुढील उपचारासाठी जिल्हा सामान्य रुग्णालयात दाखल करण्यात आले आहे. सध्या सीएसटीपीएस मध्ये वनविभागाने सुरक्षा रक्षकांची नियुक्ती केली आहे.

    अस्वलाचा हल्ला

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by