My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Legal action against Prashant Koratkar | प्रशांत कोरटकरच्या विवादास्पद विधानांनी शिवप्रेमींचा रोष, गुन्हा नोंदवून अटक करण्याची मागणी

    Legal action against Prashant Koratkar

    छत्रपतींच्या अपमानाला शिवप्रेमींचा जोरदार प्रतिकार, पोलिसांकडे कारवाईची मागणी

    Legal action against Prashant Koratkar : चंद्रपूर: छत्रपती शिवाजी महाराज आणि छत्रपती संभाजी महाराज यांच्याविषयी आक्षेपार्ह विधाने करणाऱ्या तसेच इतिहासतज्ञ श्री इंद्रजीत सावंत यांना जीवे मारण्याची धमकी देणाऱ्या प्रशांत कोरटकर (नागपूर) यांच्या विरोधात शिवप्रेमींचा रोष वाढत आहे. दिनांक २५ फेब्रुवारीला मध्यरात्री प्रशांत कोरटकर यांनी इंद्रजीत सावंत यांच्या मोबाईलवरून फोन करून धमकी दिली. या संभाषणात त्यांनी छत्रपती शिवाजी महाराज आणि संभाजी महाराज यांच्याविषयी अभद्र भाषा वापरली असून त्यांच्या व्यक्तिमत्त्वावर आक्षेपार्ह टीका केली. Threats to historian Indrajit Sawant

    चंद्रपुरात 3 सख्य्या बहिणीचा वैनगंगा नदीत बुडून मृत्यू

    या संभाषणात प्रशांत कोरटकर यांनी खालील विवादास्पद विधाने केली:
    १) “संभाजी महाराज अय्याश होते, हे लोकांना सांगा.”
    २) “बाजीप्रभू देशपांडे नसते तर तुमचा महाराज आज जिवंत नसता.”
    ३) “तुमचे महाराज पळून गेले.”
    ४) “जेम्स लेन यांनी आपल्या पुस्तकात म्हटल्याप्रमाणे शिवाजीचा बायोलॉजिकल फादर कोण होता, हे लोकांना सांगा.”
    ५) “जास्त मराठा-मराठा करू नका, तुम्हाला ब्राह्मणांची औकात काय आहे ते दाखवू.”
    ६) “शिवाजी महाराजांना देशभर भालजी पेंढारकर यांनी पोहचविले, नाहीतर तुमचा छत्रपती कुठे गेला असता माहीतही पडलं नसतं.”

    या घटनेमुळे देशभरातील शिवप्रेमींच्या भावना दुखावल्या गेल्या आहेत. शिवप्रेमींनी प्रशांत कोरटकर यांच्या विरोधात तीव्र प्रतिक्रिया व्यक्त केली आहे. त्यांच्या मागे कोणत्या विकृत शक्ती आहेत, याची सखोल चौकशी करून त्यांच्याविरुद्ध कठोर कार्यवाही करण्याची मागणी करण्यात आली आहे. शिवप्रेमींचा आग्रह आहे की, प्रशांत कोरटकर यांच्यावर देशद्रोहाचा गुन्हा नोंदवून तत्काळ अटक करण्यात यावी. Prashant Koratkar arrest demand

    या संदर्भात इतिहासतज्ञ इंद्रजीत सावंत यांनी म्हटले आहे की, “छत्रपती शिवाजी महाराज आणि संभाजी महाराज यांच्याविषयी अशी आक्षेपार्ह विधाने करणे हा केवळ व्यक्तिगत अपमान नाही, तर संपूर्ण महाराष्ट्र आणि देशाच्या इतिहासाविषयीचा अनादर आहे. या प्रकारच्या वक्तव्यांना नकार दिला पाहिजे.”

    शिवप्रेमींनी स्थानिक पोलीस अधिकाऱ्यांकडे या घटनेविषयी तक्रार नोंदवली आहे. त्यांची मागणी आहे की, या प्रकरणात त्वरित कार्यवाही करून प्रशांत कोरटकर यांच्याविरुद्ध कायदेशीर पावले उचलली जावीत.


    अशी मागणी संभाजी ब्रिगेडचे जिल्हाध्यक्ष डॉ. दिलीप चौधरी, शरद पवार विचार मंचाचे जिल्हाध्यक्ष ऍड. निमेश मानकर, शिवप्रेमी संतोष कुचनकर, निशिकांत देशमुख, दिलीप रिंगणे, गजानन नागपुरे आदींनी केली.

  • Chandrapur local crime branch । गुन्हेगारीच्या वाढत्या छायेत चंद्रपूर – नवा पोलीस निरीक्षक कसा ठरेल प्रभावी?

    Chandrapur local crime branch

    Chandrapur local crime branch : चंद्रपूर जिल्ह्यात दिवसेंदिवस अंमली पदार्थ विक्री, वाळू तस्करी, तंबाखू माफिया आणि इतर अवैध धंद्यांमध्ये मोठ्या प्रमाणावर वाढ होत असल्याचे चित्र आहे. अशा परिस्थितीत जिल्ह्यात कायदा आणि सुव्यवस्था अधिक मजबूत करण्यासाठी पोलीस निरीक्षक अमोल काचोरे यांची चंद्रपूर स्थानिक गुन्हे शाखेच्या (LCB) प्रमुखपदी नियुक्ती करण्यात आली आहे. त्यांची नियुक्ती पोलीस अधीक्षक मुमक्का सुदर्शन यांच्या निर्णयानुसार करण्यात आली आहे. काचोरे यांच्या नेतृत्वाखाली जिल्ह्यातील वाढत्या गुन्हेगारीला आळा घालण्याची अपेक्षा नागरिक व्यक्त करत आहेत.

    नागपूर क्राईम ब्रँचमध्ये केलेली उल्लेखनीय कामगिरी

    पोलीस निरीक्षक अमोल काचोरे यांनी यापूर्वी नागपूर शहरातील गुन्हेगारी नियंत्रणात मोठी भूमिका बजावली आहे. नागपूर क्राईम ब्रँचमध्ये कार्यरत असताना त्यांनी विविध मोठ्या गुन्ह्यांची उकल केली होती. अतिसंवेदनशील गुन्ह्याची त्यांनी उकल केल्याने त्यांना पोलीस आयुक्तांनी सन्मानित केले होते हे विशेष. त्यांच्या कौतुकास्पद कामगिरीमुळेच त्यांची चंद्रपूरमध्ये बदली करण्यात आली असून, आता त्यांनी इथल्या गुन्हेगारीवरही कठोर कारवाई करण्याची जबाबदारी घेतली आहे. Amol Kachore police inspector

    चंद्रपूर जिल्ह्यात पूर्वीही दाखवले कार्यकौशल्य

    पोलीस निरीक्षक काचोरे यांना चंद्रपूर जिल्ह्यातील गुन्हेगारीचे स्वरूप चांगलेच परिचित आहे. याआधी त्यांनी नागभीड, वरोरा आणि भद्रावती पोलीस ठाण्यात काम करताना आपल्या कार्याची छाप सोडली होती. या ठिकाणी त्यांनी अवैध धंद्यांविरोधात कठोर भूमिका घेतली होती. त्यामुळेच स्थानिक गुन्हे शाखेच्या जबाबदारीसाठी ते योग्य उमेदवार ठरले आहेत. Amol Kachore crime branch news

    हैद्राबाद येथील कंपनीने गुंतवणुकीच्या आमिषाने चंद्रपूर जिल्ह्यातील नागरिकांची केली कोट्यवधी रुपयाने फसवणूक

    पूर्वीच्या पोलीस निरीक्षकांनी गुन्हेगारीवर घेतला होता कठोर आळा

    यापूर्वी स्थानिक गुन्हे शाखेचे नेतृत्व पोलीस निरीक्षक महेश कोंडावार यांनी केले होते. त्यांच्या कार्यकाळात एमडी ड्रग्स, वाळू माफिया, तंबाखू माफिया आणि इतर अवैध धंद्यांविरोधात मोठ्या प्रमाणावर कारवाई करण्यात आली होती. त्यांनी जिल्ह्यातील अनेक मोठ्या गुन्ह्यांची उकल केली होती, त्यामुळे गुन्हेगारीला काही प्रमाणात आळा बसला होता. मात्र, गेल्या काही महिन्यांत पुन्हा गुन्हेगारीचे प्रमाण वाढले असल्याने नवीन अधिकाऱ्यांसमोर मोठे आव्हान उभे आहे.

    गुन्हेगारी नियंत्रणात ठेवण्याचे मोठे आव्हान

    सध्या चंद्रपूर जिल्ह्यात गुन्हेगारीचे प्रमाण वाढत आहे. विशेषतः अंमली पदार्थांचा सुळसुळाट, वाळू तस्करी, अवैध मद्यविक्री आणि इतर बेकायदेशीर व्यवसाय खुलेआम सुरू असल्याने नागरिकांमध्ये भीतीचे वातावरण आहे. अशा परिस्थितीत अमोल काचोरे यांच्यासमोर मोठे आव्हान असणार आहे. How Chandrapur police fights crime

    लोकांची अपेक्षा – गुन्हेगारीवर कठोर कारवाई होणार का?

    पोलीस निरीक्षक काचोरे यांनी यापूर्वी केलेल्या कामगिरीमुळे त्यांच्या कार्यक्षमतेबाबत कोणालाही शंका नाही. मात्र, चंद्रपूरसारख्या गुन्हेगारी वाढलेल्या जिल्ह्यात त्यांना आता छुप्या पद्धतीने सुरू असलेल्या गुन्हेगारीचे लचके तोडण्याचे मोठे आव्हान आहे. ते या जबाबदारीत कितपत यशस्वी ठरतात, हे पाहणे महत्वाचे ठरणार आहे.

    जिल्ह्यातील नागरिक आणि कायदा-सुव्यवस्था राखण्याच्या दृष्टीने अमोल काचोरे यांच्या नेतृत्वाखाली स्थानिक गुन्हे शाखा कठोर कारवाई करेल, अशी अपेक्षा सर्वसामान्य नागरिकांमध्ये आहे. त्यांच्यामुळे जिल्ह्यातील अवैध धंद्यांना आळा बसतो का, हे पाहण्यासाठी सर्वांचे लक्ष त्यांच्यावर केंद्रित झाले आहे.

  • Chandrapur district jobs for sound operators । लाईट आणि साऊंड हाताळण्याचा अनुभव आहे? मग ही नोकरी तुमच्यासाठीच!

    Chandrapur district jobs for sound operators

    Chandrapur district jobs for sound operators : जिल्हाधिकारी कार्यालय यांच्या अधिनस्त असलेल्या प्रियदर्शनी इंदिरा गांधी सांस्कृतिक सभागृहासाठी लाईटींग व साऊंड सिस्टीममधील साहित्य हाताळण्याचे किमान एक वर्षाचे ज्ञान/ अनुभव असलेल्या व्यक्तिची मानधन तत्वावर आवश्यकता आहे. विविध व्यक्ती/ संस्थाकडून आयोजित करण्यात येणाऱ्या कार्यक्रमांसाठी प्रियदर्शनी इंदिरा गांधी सभागृहातील साऊंड सिस्टीम तसेच लाईट ऑपरेटींग  हाताळणे, सदर साहित्याची देखरेख व जतन करणे, तसेच वरिष्ठांनी वेळेावेळी केलेल्या आदेशाचे पालन करणे आदी कामांकरीता कंत्राटी पध्दतीने मासिक मानधन तत्वावर 11 महिन्याकरीता अस्थायी स्वरुपात साऊंड ऑपरेटर व लाईट आपॅरेटर यांची नियुक्ती करावयाची आहे. Sound operator job in Chandrapur

    चंद्रपूर जिल्ह्यातील २.३६ कोटींची नागरिकांची फसवणूक

    तरी इच्छुक पात्र व अनुभवी व्यक्तिंनी आवश्यक कागदपत्रासह सहा. करमणुक कर अधिकारी, जिल्हाधिकारी कार्यालय, चंद्रपूर 25 फेब्रुवारी ते 3 मार्च या कालावधीत कार्यालयीन वेळेत अर्ज सादर करावे. 3 मार्च नंतर प्राप्त झालेल्या अर्जाचा विचार केला जाणार नाही. अस्थायी स्वरुपात कंत्राटी पध्दतीने भरावयाच्या पदास खालील अटी व शर्ती लागू राहतील. How to apply for a sound operator job in Chandrapur?

    लक्ष द्या

    1. अर्जदार हा चंद्रपूर मुख्यालयी राहणारा असावा. 2. अर्जदाराची वयोमर्यादा 21 ते 50 पर्यंत असावी. 

    3. अर्जदारास लाईट व साऊंड  सिस्टीममधील साहित्य हाताळण्याचे किमान 1 वर्षाचे ज्ञान/ अनुभव असणे आवश्यक  आहे. तसेच विविध निमशासकीय, खाजगी संस्था किंवा इतर ठिकाणी सदरबाबतचे अनुभव असल्याचे प्रमाणपत्र सादर करणे आवश्यक राहील. 4. साऊंड ऑपरेटर पदांकरीता 10500 रुपये व लाईट ऑपरेटर करीता 10 हजार रुपये पदाचे मासिक मानधन रुपये राहील. 5. निवड केलेल्या उमेदवारास सभागृहातील कार्यक्रम सुरु होणेपासून ते संपेपर्यंत सभागृहात उपस्थित राहणे  बंधनकारक राहील. Where to find cultural hall technician jobs?

    6. निवड केलेल्या उमेदवाराची नेमणूक मा. जिल्हाधिकारी, चंद्रपूर यांचे अधिकारात 11 महिन्याच्या कालावधीकरिता अगदी तात्पुरत्या स्वरुपात कंत्राटी पध्दतीने करण्यात येईल. 7. सदर कालावधीत त्यांची सेवा असमाधानकारक आढळुन आल्यास त्यांना कोणतीही पूर्व सुचना न देता सेवा केव्हाही समाप्त करण्यात येईल तसेच त्यांना कोणत्याही सेवाविषयक लाभाचा हक्क सांगता येणार नाही. 8. त्याचप्रमाणे नवीन नेमणुकीचा हक्क, रजा, भरपाई, वैद्यकीय परिपुर्ती, सेवाजेष्ठता, सेवानिवृत्ती वेतन इत्यादि सवलती अनुज्ञेय राहणार नाही. Light and sound system technician jobs near me

    9. कंत्राटी तत्तवावरील नियुक्तींचा  सदर कालावधी संपल्यानंतर त्यांची सेवा आपोआप संपुष्टात येईल. 10. उमेदवारांची सेवा समाधानकारक वाटल्यास त्यांना पुढील कालावधीकरीता जास्तीत जास्त 3 वर्षापर्यंत कंत्राटी तत्तवावर मुदतवाढ देण्याचे अधिकार मा. जिल्हाधिकारी यांनी राखुन ठेवले आहे.

    11.  नियुक्ती कालावधी संपण्यापूर्वी त्यांना सेवेचा त्याग करावयाचा असल्यास त्यांनी या कार्यालयास 1 महिन्याचे अगोदर लेखी नोटीस देणे आवश्यक राहील. तशी नोटीस त्यांनी सादर न केल्यास त्यांचे 1 महिन्याचे मानधन कपात करण्यात येईल. 12. नेमून दिलेली कामे तसेच जिल्हाधिकारी यांनी वेळोवेळी दिलेल्या निर्देशानूसार कामे करणे बंधनकारक राहील, असे जिल्हाधिकारी कार्यालयाने कळविले आहे.

  • Investment fraud case Chandrapur | हैद्राबादच्या कंपनीकडून चंद्रपुरातील नागरिकांची 2.36 कोटींची फसवणूक

    Investment fraud case Chandrapur

    Investment fraud case Chandrapur : आपल्या कंपनीत गुंतवणूक केल्यास जास्त परतावा मिळेल, असे आमिष दाखवून गोरगरिबांची तब्बल 2 कोटी 36 लाख 60 हजार रुपयांनी फसवणूक केल्याप्रकरणी हैद्राबाद येथील ग्रँड फॉच्युन इन्फ्रा डेव्हलपर्स या कपंनीविरुध्द तसेच आरोपी टेकुला मुक्तीराज रेड्डी विरुध्द गुन्हा नोंद करण्यात आला आाहे. याबाबत अधिक तपास आर्थिक गुन्हे शाखा करीत असून आरोपीचा शोध घेणे सुरू असल्याचे पोलिस उपनिरीक्षक प्रभाकर चिकनकर यांनी कळविले आहे.

    महाराष्ट्र ठेविदारांच्या (वित्तीय संस्थांमधील हितसंबंधाचे संरक्षण ) अधिनियम 1999 अन्वये नोंद गुन्ह्यातील आरोपी टेकुला मुक्तीराज रेड्डी, रा. घर नं 1-6-174 ए/बी,  गंगापुत्र कॉलनी, मुर्शीदाबाद, आंध्रप्रदेश याच्याविरुद्ध फिर्यादी रेवनाथ आनंदराव एकरे, रा.वार्ड क्र.3, गडचांदुर, यांच्या लेखी रिपोर्ट वरून पो.स्टे रामनगर येथे अपराध कलम 406, 420, 465, 568, 471, 34.भादंवि सहकलम 3, 4 महाराष्ट्र ठेवीदारांच्या वित्तीय संस्थामधील हितसंबंधाचे संरक्षण अधिनियम 1999 अन्वये ग्रॅन्ड फॉच्युन इंन्र्फॉ डेव्हलपर्स  कंपनी हैद्राबाद विरुध्द गैरव्यवहारप्रकरणी  गुन्हा नोंद करण्यात आला आहे. (Grand Fortune Infra Developers scam)

    गडचिरोली जिल्ह्यातील शासन मान्य कंपनीत नोकरीची सुवर्णसंधी

            आरोपी टेकुला मुक्तीराज रेड्डी (Tekula Muktiraj Reddy fraud) याने ग्रॅन्ड फॉच्युन इंन्र्फॉ डेव्हलपर्स  कंपनी हैद्राबाद स्थापन करून विविध स्किमद्वारे चंद्रपूर जिल्ह्यातील गोरगरीब लोकांची फसवणूक केली. त्याच्या कंपनीमध्ये गुंतवणुक केल्यास त्यांना जास्त परतावा मिळेल, असे आमिष दाखवले. याबाबत रेवनाथ आनंद एकरे (46 वर्षे) रा. वार्ड न. 3, पोलीस स्टेशनच्या मागे गडचांदूर  यांनी पो.स्टे.  रामनगर येथे दिली असून सदरचा गुन्हा 18 नोव्हेंबर 2022 रोजी नोंद करण्यात आला. सदर गुन्हयाचे तपासात आरोपीने 2 कोटी 36 लक्ष 60 हजार रुपयांची फसवणुक केल्याचे दिसून आलेले आहे. (Ponzi scheme Hyderabad company)

    या गुन्ह्यातील आरोपी टेकुला मुक्तीराज रेड्डी हा गुन्हा दाखल झाल्यापासून फरार असून सदर गुन्ह्यातील गुंतवणुकदारांना आवाहन करण्यात येते की, आजपावेतो ज्या गुंतवणुकदारांनी परिशिष्ट क्र. 1 चे फॉर्म भरून दिले नाही, त्यांनी आठ दिवसाचे आत आर्थिक गुन्हे शाखा, चंद्रपूर येथे जमा करावे. तसेच आरोपीचा सुगावा लागल्यास पोलिस नियंत्रण कक्ष, चंद्रपूर 07172-273258, 07172-264702 तसेच तपासी अधिकारी पोलिस उपनिरीक्षक प्रभाकर चिकनकर (मो. 9359258365) या क्रमांकावर आर्थिक गुन्हे शाखा, चंद्रपूर येथे कळवावे, असे पोलिस विभागाने कळविले आहे.

  • Rajoli Chak revenue village update । वाघांचा धोका आणि अंतराचा अडथळा – प्रशासनाचा ग्रामस्थांसाठी मोठा निर्णय!

    Rajoli Chak revenue village update

    Rajoli Chak revenue village update : सावली तालुक्यातील मौजा राजोली चक हे महसूली गाव, चकविरखल या तलाठी साझ्यातून कमी करून बोथली तलाठी साझ्यामध्ये समाविष्ट करण्याबाबतची अंतिम अधिसुचना जिल्हाधिकारी विनय गौडा जी.सी. यांनी प्रसिध्द केली आहे.

    चंद्रपूर आरटीओचा वसुली भाई

    महाराष्ट्र शासन राजपत्रान्वये, तलाठी साझा पुर्नरचना करून चंद्रपूर जिल्ह्यात या पूर्वी असलेल्या 299 तलाठी साझ्यांमध्ये नव्याने 133 तलाठी साझे निर्माण करण्यात आले आहेत. सावली तालुक्यातील चिचबोडी येथील सरपंचांनी 1 फेब्रुवारी 2023 रोजी जिल्हा प्रशासनाला निवेदन दिले होते. यात मौजा राजोली चक हे गाव नव्याने अंतर्भूत झालेल्या चकविरखल या साझ्याच्या मुख्यालयापासून 15 कि.मी. दूर आहे. त्यामुळे ग्रामस्थांना शासकीय कामाकरीता ये-जा करण्याकरीता दळणवळणाची साधने उपलब्ध नाहीत. तसेच रस्त्यात घनदाट जंगल असून वाघांची भीती असल्यामुळे मौजा राजोली चक हे महसूली गाव चकविरखल या साझाऐवजी बोथली या साझ्यामध्ये अंर्तभूत करण्याची मागणी केली होती. Revenue village transfer notification Maharashtra

    या निवेदनाच्या अनुषंगाने सावलीच्या तहसीलदारांनी मौका चौकशी करून अहवाल सादर केला. मौजा राजोली चक हे महसूली गाव चकविरखल या साझ्याच्या मुख्यालयापासून 15 कि.मी दूर असल्याने ग्रामस्थांना शासकीय कामाकरीता ये-जा करण्याकरीता दळणवळणाच्या दृष्टीने 2 कि. मी दूर असलेला बोथली हा साझा सोयीचे असल्याचे कळविले होते. त्या अनुषंगाने अनुप कुमार यांच्या अध्यक्षतेखाली गठीत झालेल्या तलाठी साझांची पुनर्रचना करण्याबाबत शिफारसी मधील मुद्दा क्र. 6.1.3 मध्ये “प्रत्येक तलाठी साझाचे मुख्यालयापासून त्या साझ्यास संलग्न करण्यात येणारे गाव 10 कि.मी पेक्षा जास्त अंतरावर शक्यतो नसावे. उपलब्ध दळण-वळण व्यवस्थेचा विचार करून त्याबाबतचा निर्णय संबंधित जिल्हाधिकारी यांनी घ्यावा” असे नमूद आहे. Chandrapur district government gazette

    महाराष्ट्र जमीन महसूल अधिनियम, 1966 चे कलम 4 पोटकलम (2) नुसार तलाठी साझा निर्मिती किंवा फेरबदल करण्याचा अधिकार जिल्हाधिकारी यांना आहे. तसेच, अधिनियमाच्या कलम 4 पोटकलम (4) च्या अन्वये अंतिम अधिसुचना प्रसिध्द करण्यापूर्वी प्रारूप अधिसुचना 2 जानेवारी 2025 रोजी प्रसिध्द करण्यात आली होती. प्रारूप अधिसुचनेच्या प्रसिध्दीनंतर कोणताही आक्षेप किंवा उजर या कार्यालयास विहीत वेळेत प्राप्त झाला नाही. त्यामुळे जिल्हाधिकारी विनय गौडा जी.सी. यांनी तलाठी साझा पुनर्रचनेबाबत 10 नोव्हेंबर 2017 रोजीच्या महाराष्ट्र शासन राजपत्रात बदल करून अनुसूचीप्रमाणे मौजा राजोली चक हे महसुली गाव चकविरखल या साझामधून कमी करून बोथली या साझाला पुर्ववत जोडण्यात आले आहे.

  • Chandrapur municipal tax news | चंद्रपूर मनपाची धडक कारवाई – थकबाकीदारांवर टाच, जप्तीचे सत्र सुरू!

    Chandrapur municipal tax news

    Chandrapur municipal tax news : मालमत्ता कराचा भरणा न करणाऱ्या थकबाकीदारांवर मनपा वसुली पथकांची कारवाई सुरु असुन 86 मालमत्ता जप्त करण्यात आल्या आहेत,त्याचप्रमाणे 44 नळ कनेक्शन धारकांवर कपातीची कारवाई करण्यात आली आहे.


       जप्त मालमत्तांचा लिलाव करण्याची प्रक्रिया करून थकीत रक्कम वसुलीची कारवाई करण्याकरीता झोननिहाय ३ पथके गठीत करण्यात आली असुन थकबाकीचा भरणा न केल्यास जप्ती केलेल्या मालमत्तांवर 15 दिवसांच्या आत कारवाई करण्याचा अधिकार मनपाला असल्यांने पुढील प्रक्रिया करण्यात येणार आहे. यापुढेही अशीच धडक कारवाई सतत सुरु राहणार असल्याचे मनपातर्फे स्पष्ट करण्यात येत असुन सवलत देऊनही मालमत्ता कर न भरण्याकडेच नागरिकांचा कल दिसत असल्याने सक्त पाऊले मनपाला उचलावी लागत आहे. Property tax recovery Chandrapur

    चंद्रपूर RTO चा वसुली भाई, 500 रुपयांची लाच घेताना अटक


       15 फेब्रुवारी पर्यंत केवळ 8734 मालमत्ता धारकांनी 50 टक्के शास्तीत सवलतीचा लाभ घेतला होता. 15 फेब्रुवारी नंतर ऑनलाईन 25 टक्के व ऑफलाईन 22 टक्के शास्तीत सूट मनपातर्फे देण्यात येत आहे. करवसुली करिता महानगरपालिकेतर्फे 15 पथके नेमण्यात आली असुन प्रत्येक पथकाला दर दिवशी किमान 10 मालमत्ता धारकांवर कारवाई करण्याचे तसेच जप्तीसोबतच मालमत्तांचे नळ कनेक्शन खंडित करण्याचे निर्देश देण्यात आले होते त्यानुसार कारवाई करण्यात येत आहे.  

    Property tax recovery Chandrapur


        ऑनलाईन 25 टक्के व ऑफलाईन 22 टक्के शास्तीत सूट ही 31 मार्चपर्यंत लागू राहणार असुन कर भरणा करणे सुविधेचे व्हावे या दृष्टीने 31 मार्च पर्यंत येणाऱ्या प्रत्येक सुटीच्या दिवशी मालमत्ता कर भरणा कार्यालय सुरु राहणार आहे. ज्या मालकांना त्यांच्या मालमत्तेच्या अनुषंगाने आर्थिक उत्पन्न प्राप्त होत असतानाही मालमत्ता कर थकविणार्‍या थकबाकीदारांनी लवकरात लवकर आपल्या थकीत कराचा भरणा करून महानगरपालिकेकडून करण्यात येणारी जप्तीची कारवाई टाळण्याचे आवाहन चंद्रपूर महानगरपालिकेतर्फे करण्यात येत आहे.

  • Chandrapur police transfers | चंद्रपूर पोलीस बदल्या, वादग्रस्त बढती

    Chandrapur police transfers

    Chandrapur police transfers : चंद्रपूर जिल्ह्यात पोलीस निरीक्षकांच्या बदल्यांचे आदेश जारी करण्यात आले असून त्यामध्ये वादग्रस्त अधिकाऱ्यांना बढती देण्यात आल्याचे चित्र आहे. जिल्हा पोलिस अधीक्षक मुमक्का सुदर्शन यांनी शुक्रवारी सायंकाळी चार पोलिस निरीक्षकांच्या बदल्याचे आदेश दिले.

    चंद्रपूर जिल्ह्यातील 1 हजार 491 विद्यार्थी आरटीई साठी पात्र

    एलसीबीचे पोलिस निरीक्षक महेश कोंडावार यांची आर्थिक गुन्हे शाखेत बदली करण्यात आली असून त्यांच्या जागी भद्रावतीचे पोलिस निरीक्षक अमोल काचोरे यांची वर्णी लागली आहे. विशेष म्हणजे, मागील वर्षभरात काचोरे यांची चौथ्यांदा बदली झाली आहे. दुर्गापूर येथील पोलिस निरीक्षक लता वाडिवे यांची बदली भद्रावती येथे तर प्रभारी पोलिस उपाधीक्षक म्हणून जबाबदारी सांभाळणारे पोलिस निरीक्षक निशिकांत रामटेके यांची दुर्गापुर पोलिस स्टेशनला बदली करण्यात आली आहे. (Chandrapur police inspector)

    एलसीबीसाठी मोठी स्पर्धा

    एलसीबीचे ठाणेदार महेश कोंडावार यांचा कार्यकाळ संपताच एलसीबीसाठी अनेक ठाणेदारांनी जोरदार प्रयत्न केले होते. जिल्ह्यातील चार ते पाच ठाणेदारांची नावे एलसीबीसाठी चर्चेत असताना अखेरीस भद्रावतीचे ठाणेदार अमोल काचोरे यांच्या नावावर शिक्कामोर्तब करण्यात आले. Local crime branch

    वादग्रस्त अधिकाऱ्यांना बढती

    अमोल काचोरे हे वरोरा पोलिस स्टेशनमध्ये असताना त्यांच्या कार्यकाळात एका आरोपीने पोलिस कोठडीत आत्महत्या केली होती. या घटनेनंतर त्यांची तातडीने बदली करण्यात आली होती. मात्र आता पुन्हा त्यांना स्थानिक गुन्हे शाखेची जबाबदारी देण्यात आली असून त्यामुळे अनेक तर्कवितर्क सुरू झाले आहेत.

    या बदल्यांमुळे पोलिस दलात मोठ्या चर्चेला उधाण आले असून, वादग्रस्त अधिकाऱ्यांना महत्त्वाच्या पदांवर नेमण्याबाबत प्रश्नचिन्ह उपस्थित केले जात आहे.

    बदल्यांचा राजकीय आणि प्रशासकीय प्रभाव

    या बदल्यांमुळे प्रशासनातील पारदर्शकतेवर प्रश्नचिन्ह उपस्थित झाले आहे. काही अधिकाऱ्यांच्या कार्यक्षमतेबाबत शंका उपस्थित केली जात असताना, काहींना मात्र नेहमीच महत्त्वाच्या जबाबदाऱ्या दिल्या जात आहेत. स्थानिक गुन्हे शाखेचा एकूणच कार्यभार आणि गुन्हेगारी नियंत्रणासाठी या बदल्यांचा परिणाम कसा होईल, हे पाहणे महत्त्वाचे ठरेल.

    गुन्हेगारी संपुष्टात येणार काय?

    एलसीबी म्हणजे स्थानिक गुन्हे शाखा निरीक्षक साठी अनेक पोलीस अधिकाऱ्यांनी फिल्डिंग लावली होती, सर्व पोलीस अधिकाऱ्यांना जिल्ह्यातील गुन्हेगारी संपविण्यासाठी पुढे आले, या पदावर बसलं की गुन्हेगारी संपुष्टात येते ही भावना फक्त नागरिकांच्या मनात असते अधिकाऱ्यांच्या नाही. जिल्ह्यातील मोठ्या पोलीस स्टेशनमध्ये वादग्रस्त अधिकाऱ्यांना जबाबदारी देण्यात आल्याने जिल्ह्यातील गुन्हेगारी संपुष्टात येणार हा फक्त जनतेच्या डोक्यात असलेला भ्रम आहे. चित्र याउलट दिसेल हे नक्कीचं. Chandrapur crime

    कार्यकाळ

    स्थानिक गुन्हे शाखेचे पोलीस निरीक्षक महेश कोंडावार यांचा कार्यकाळ तसा ठीक गेला, जाता जाता त्यांनी वाळू तस्करांवर लगाम घालण्याचा प्रयत्न केला, दुर्गापूर पोलीस निरीक्षक लता वाडीवे यांचा कार्यकाळ चांगला राहिला, विशेष बाब म्हणजे सिनियर असताना सुद्धा त्यांना लहान पोलीस स्टेशन देण्यात आले होते. क्षमता असलेल्या अधिकाऱ्यांना लहान जबाबदारी तर वादग्रस्त हा शब्द पाठीशी घालणाऱ्या अधिकाऱ्यांना बढती असं चित्र जिल्ह्यात निर्माण झालं आहे.

  • RTE Admission 2025 Maharashtra । RTE Maharashtra प्रवेश 2025: पहिल्या फेरीतील निकाल जाहीर, पुढील टप्पे काय?

    RTE Admission 2025 Maharashtra

    RTE Admission 2025 Maharashtra : बालकांचा मोफत  व सक्तीचा अधिकार अधिनियम 2009 अंतर्गत  वंचित व दुर्बल घटकातील विद्यार्थ्याकरिता 25 टक्के प्रवेश आरक्षणांतर्गत ऑनलाईन प्रवेश  प्रक्रिया चालू आहे. चंद्रपूर जिल्ह्यातील प्रवेश पात्र 185 शाळांमध्ये सदर प्रवेशासाठी राखीव असलेल्या 1527 जागांकरिता 4015 ऑनलाईन अर्ज प्राप्त झाले असून पहिल्या फेरीमध्ये प्रवेशाकरिता 1491 विद्यार्थ्यांची निवड झाली आहे.

    पालकांना student.maharashtra.gov.in या  वेबसाईटवर अर्जाची स्थिती, मुळ निवड यादी आणि प्रतिक्षा यादी पाहता येईल. ज्या विद्यार्थ्यांची निवड  झाली आहे, त्या पालकांनी संबंधित पंचायत समितीचे गटशिक्षणाधिकारी कार्यालयाशी कागदपत्रे पडताळणी करिता संपर्क साधावा, असे शिक्षण विभागाने कळविले आहे.

    जिल्हाधिकारी यांच्यासोबत बैठकीबाबत राज्य शासनाचा मोठा निर्णय

    आरटीई  25 टक्के ऑनलाईन प्रवेश अर्जाची स्थिती पाहत असताना सर्व्हरच्या क्षमतेपलीकडे  जाऊन पोर्टल संथ होऊ शकते. त्यामुळे पालकांनी संभ्रमात न पडता काही वेळाने पुन्हा प्रयत्न कारावा. प्रवेशपात्र विद्यार्थ्यांनी प्रवेश घेण्याची मुदत 14 ते 28 फेब्रुवारी 2025 पर्यंत राहील. निवड यादीतील प्रवेश  पात्र बालकाच्या पालकांनी अर्ज भरताना जी कागदपत्रे नोंदविली आहेत, त्या सर्व कागदपत्रांच्या मूळ प्रति व साक्षांकित प्रति घेऊन जाव्यात. (RTE Admission Document Verification)

     तसेच आपल्याला  मिळालेल्या अलॉटमेंट लेटरची प्रिंट त्यांच्या लॉगिन मधून किंवा पडताळणी समितीकडे जाऊन काढून घ्यावी. पालकांनी आपल्या बरोबर आरटीई पोर्टलवर असलेली हमी पत्राची प्रिंट देखील घेऊन जावी.

    आरटीई ऑनलाईन प्रवेश प्रक्रिया सन 2025-26 या वर्षाकरिता निवड यादीतील प्रवेशपात्र बालकांच्या पालकांना  त्यांच्या मोबाईलवर एसएमएस प्राप्त होतील. परंतु  पालकांनी फक्त एसएमएस वर अवलंबून न राहता आरटीई पोर्टल वरील अर्जाची स्थिती या टॅब वर आपला अर्ज क्रमांक लिहून लॉटरी (RTE Lottery Result Maharashtra) लागली अथवा नाही, याची खात्री करावी. अर्ज भरताना जी कागदपत्रे नोंदविली आहेत, त्या सर्व कागदपत्रांच्या मूळ प्रति व साक्षांकित प्रति पडताळणी समितीकडे जाऊन विहित मुदतीत आपला प्रवेश ऑनलाइन निश्चित करावा.

    आपला प्रवेश ऑनलाईन निश्चित झाला आहे, याची रिसीप्ट पडताळणी समितीकडून घेणे आवश्यक आहे.  प्रतीक्षा यादीतील ‍विद्यार्थ्यानी अर्जाची स्थिती या टॅब वर आपला अर्ज क्रमांक लिहून  प्रतीक्षा यादीतील आपला नंबर पहावा. निवड यादीतील विद्यार्थ्यांनी प्रवेश घेण्याची मुदत संपल्यानंतर मगच प्रतीक्षा यादीतील विद्यार्थ्यांना अनुक्रमे एसएमएस पाठवले जातील. (RTE Admission Status Check)

    तरी पहिल्या फेरीत सदर प्रवेशाकरिता निवड झालेल्या बालकांच्या पालकांनी सदरचे  प्रवेश विहित मुदतीत निश्चित करून घ्यावे, असे शिक्षण विभागाने कळविले आहे.

  • Maharashtra government circular । राज्य शासनाचा मोठा निर्णय

    Maharashtra government circular

    जिल्हाधिका-यांसोबत अन्य विभागांच्या बैठका आता फक्त बुधवार व गुरुवारीच

    Maharashtra government circular : राज्याचे मुख्यमंत्री, उपमुख्यमंत्री व मुख्य सचिव वगळता, राज्य शासनाच्या अन्य विभागांना जिल्हाधिकारी यांच्यासमवेत, आता फक्त बुधवार व गुरुवार या दोन दिवशीच बैठक आयोजित करता येणार आहे. मुख्यालयातून सदर बैठक शक्यतो व्हीसीद्वारेच आयोजित करण्यात यावी. तसेच महसुलेत्तर अत्यावश्यक विषयासंदर्भात बैठक आयोजित करण्यापूर्वी संबंधित विभागाने त्यासाठी महसूल विभागाची लेखी पूर्वपरवानगी घ्यावी, असे परिपत्रक राज्य शासनाच्या महसूल विभागाने निर्गमित केले आहे.

    चंद्रपुरात शंकर पट चे यशस्वी आयोजन

    सामान्य प्रशासन विभागाच्या 19 मार्च 2016 च्या शासन निर्णयान्वये जिल्हाधिकारी यांना विभागप्रमुख म्हणून घोषित केले आहे. जिल्हाधिकारी हे महसूल विभागाच्या आकृतीबंधातील पद आहे. महसूल विभागाच्या कामकाजासोबतच इतर विभागांशी समन्वय व सनियंत्रणाची जबाबदारी पार पाडण्याची भूमिका जिल्हाधिका-यांना पार पाडावी लागते. गाव, तालुका, उपविभाग व जिल्हास्तरावरील महसूल व इतर विभागांच्या विविध योजनांची अंमलबजावणी, समन्वय व सनियंत्रणाची जबाबदारी जिल्हाधिका-यांवर असते. त्यामुळे ओघानेच जिल्हाधिकारी यांना राज्य शासनाच्या विविध विभागांच्या बैठकांसाठीही व्यक्तीशः किंवा व्हीसीद्वारे उपस्थित राहावे लागते. District Collector meetings

    100 दिवसांच्या कार्यक्रम अंमलबजावणीस विलंब

    वेगवेगळ्या विभागांकडून आठवड्यातील बहुतांश दिवस जिल्हाधिकारी यांना बैठकांसाठी निमंत्रित केले जाते. बैठकांतील व्यस्ततेमुळे त्यांच्यावरील कामाचा ताण दिवसेंदिवस वाढत आहे. त्यामुळे महसूल विभागाच्या कामांना तसेच मुख्यमंत्री यांच्या 100 दिवसांच्या कार्यक्रम अंमलबजावणीस विलंब होत असल्याचे निदर्शनास येत आहे. त्यामुळे जिल्हाधिकारी यांच्या कामात सुसुत्रता / नियोजनबध्दता आणण्यासाठी व त्यांच्यावर असलेल्या जबाबदारीला यथोचित न्याय देणे शक्य व्हावे, यासाठी सदर सुचना निर्गमित करण्यात आल्या आहेत.

    यात मुख्यमंत्री, उपमुख्यमंत्री व मुख्य सचिव वगळता राज्य शासनाच्या अन्य विभागांना जिल्हाधिकारी यांच्यासमवेत बैठक आयोजित करावयाची असल्यास फक्त बुधवार व गुरुवार या दोन दिवशी, तसेच शक्यतो व्हीसीद्वारेच आयोजित करण्यात यावी. तसेच, महसूलेतर अत्यावश्यक विषयासंदर्भात बैठक आयोजित करण्यापूर्वी संबंधित विभागाने त्यासाठी महसूल विभागाची लेखी पूर्वपरवानगी घ्यावी. State government meeting guidelines

    तसेच अन्य विभागांनी बैठकीसाठी जिल्हाधिकारी यांना जिल्हा मुख्यालय सोडून अन्य ठिकाणी उदा. मंत्रालय, विभागीय आयुक्त कार्यालये, येथे बैठकीसाठी महसूल विभागाच्या परवानगीशिवाय व्यक्तीशः बोलावणे टाळावे, असेही परिपत्रकात नमुद आहे.

  • Mahavitaran Abhay Yojana 2025 । महावितरण अभय योजना: वीज थकबाकी माफीची सुवर्णसंधी, 31 मार्च 2025 पर्यंत अंतिम संधी

    Mahavitaran Abhay Yojana 2025

    Mahavitaran Abhay Yojana 2025 : चंद्रपूर:- मा. सर्वोच्च न्यायालयाच्या निकालानुसार, वीज बिलांची थकबाकी असलेल्या एखाद्या जागेची मालकी बदलल्यानंतर देखील नवीन जागामालक किंवा ताबेदारांना थकबाकीची रक्कम भरावी लागेल. त्यामुळे जागा वापरासह विजेची गरज असो किंवा नसो. मात्र वीज बिलांच्या थकबाकीतून मुक्त होण्याची संधी महावितरणच्या अभय योजनेअंतर्गत घरगुती, वाणिज्यिक, औद्योगिक व इतर अकृषक ग्राहकांना येत्या मार्चपर्यंत उपलब्ध झाली आहे.

    चंद्रपुरात फ्लाईंग क्लबचे उदघाटन


    दरम्यान, चंद्रपूर परिमंडळ मध्ये या योजनेत सहभागी वीज ग्राहकांनी सध्या विजेची गरज नसतानाही योजनेचा लाभ घेऊन थकबाकीमुक्ती मिळवली आहे. वीजपुरवठा खंडित झालेल्या तसेच कृषी व सार्वजनिक पाणीपुरवठा योजना वगळून उर्वरित सर्व अकृषक वीजग्राहकांसाठी महावितरण अभय योजना दिनांक 31 मार्च 2025 पर्यंत सुरू राहणार आहे. (Electricity Bill Waiver Scheme Maharashtra)


    चंद्रपूर परिमंडळ कार्यालयांतर्गत अभय योजनेचा तपशील
    चंद्रपूर मंडळातील 1925 ग्राहकांनी अभय योजनेत सहभाग नोंदविला असून त्यापैकी 1730 ग्राहकांनी अभय योजनेचा लाभ घेतलेला आहे. लाभ घेतलेल्या पैकी 124.41 (लाखात) ग्राहकांनी थकबाकी रकमेचा भरणा केलेला आहे.
    गडचिरोली मंडळातील 3723 ग्राहकांनी अभय योजनेत सहभाग नोंदविला असून त्यापैकी 3540 ग्राहकांनी अभय योजनेचा लाभ घेतलेला आहे. लाभ घेतलेल्या पैकी 144.90 (लाखात) ग्राहकांनी थकबाकी रकमेचा भरणा केलेला आहे.
    महावितरण अभय योजनेनुसार थकबाकीदारांनी केवळ मूळ थकबाकीचा भरणा केल्यास संपूर्ण 100 टक्के व्याज व विलंब आकाराची (दंड) रक्कम माफ होत आहे.

    तसेच मूळ थकबाकीचा एकरकमी भरणा केल्यास लघुदाब ग्राहकांना आणखी 10 टक्के तर उच्चदाब ग्राहकांना आणखी 5 टक्के सूट मिळत आहे. यासोबतच मूळ थकबाकीची सुरुवातीला 30 टक्के रक्कम भरून उर्वरित 70 टक्के रक्कम व्याजमुक्त सहा हप्त्यात भरण्याची देखील सोय आहे. थकबाकीमुक्तीसाठी वीज ग्राहकांनी या योजनेचा लाभ घ्यावा असे आवाहन चंद्रपूर परिमंडळाचे मुख्य अभियंता हरीश गजबे यांनी केले आहे. How to Avail Abhay Yojana for Electricity Bills


    फ्रेंचायझीमधील ग्राहकांना सुद्धा लागू असलेल्या या अभय योजनेत सहभागी होण्यासाठी महावितरणच्या अधिकृत वेबसाईट व मोबाईल ॲपद्वारे ऑनलाईन अर्ज व थकबाकी भरण्याची सोय उपलब्ध आहे. तसेच योजनेचा लाभ घेण्यासाठी व अधिक माहितीसाठी नजीकच्या कार्यालयात संपर्क साधावा. Mahavitaran Abhay Yojana Benefits

    महावितरण अभय योजनेचे ठळक मुद्दे:-
    *घरगुती, वाणिज्यिक, औद्योगिक व इतर अकृषक जागेसाठी वीजबिलांच्या थकबाकीमुक्तीची संधी.
    *मागणीप्रमाणे त्वरित नवीन वीज जोडणी उपलब्ध.
    *मूळ थकबाकी एकरकमी भरल्यास लघुदाब ग्राहकांना आणखी 10 टक्के तर उच्चदाब ग्राहकांना 5 टक्के सूट.
    *मूळ थकबाकीची 30टक्के रक्कम भरून उर्वरित 70 टक्के रक्कम सहा व्याज मुक्त हप्त्यात भरण्याची सोय.
    *दिनांक 31 मार्च 2024 पर्यंत कायमस्वरूपी वीज पुरवठा खंडित झालेल्या थकबाकीदार वीज ग्राहकांना संधी.
    *महावितरण अभय योजना येत्या दिनांक 31 मार्च 2025 पर्यंत सुरू राहणार.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by