My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Chandrapur Flying Club । राजीव प्रताप रुडी आणि सुधीर मुनगंटीवार यांच्या प्रयत्नांनी चंद्रपूरमध्ये वैमानिक क्रांती

    Chandrapur Flying Club

    मोरवा येथे फ्लाईंग क्लबचे उद्घाटन

    Chandrapur Flying Club : वैमानिक आणि फ्लाईंग हा माझा आवडीचा विषय आहे. अटलबिहारी वाजपेयी यांच्या मंत्रीमंडळामध्ये केंद्रीय नागरी उड्डयण मंत्री असताना देशात अनेक ठिकाणी वैमानिक प्रशिक्षण केंद्र उघडले. आज (मोरवा) चंद्रपूर मध्ये वैमानिक प्रशिक्षण केंद्राचे (Morwa Aviation Training Center) उद्घाटन करण्याची संधी मिळाली, याचा मला अतिशय आनंद आहे. हे प्रशिक्षण केंद्र उत्कृष्टच होईल, अशी अपेक्षा खासदार तथा एरो क्लब ऑफ इंडियाचे अध्यक्ष राजीव प्रताप रुडी यांनी व्यक्त केली. (Rajiv Pratap Rudy Aviation Initiatives)

    चंद्रपुरात राष्ट्रीय ओबीसी महासंघाचे धरणे आंदोलन

    मोरवा येथे फ्लाईंग क्लबचे उद्घाटन करताना ते बोलत होते. यावेळी मंचावर आमदार सुधीर मुनगंटीवार, किशोर जोरगेवार, जिल्हाधिकारी विनय गौडा जी.सी., कॅप्टन ऐजिल, उपविभागीय अधिकारी संजय पवार आदी उपस्थित होते.

    यावेळी खासदार राजीव प्रताप रुढी म्हणाले, चंद्रपूर येथे फ्लाईंग क्लबच्या निर्मितीमध्ये मी योगदान देऊ शकलो, याचा मला आनंद आहे. भारतातील अनेक तरुण-तरुणी वैमानिक प्रशिक्षणासाठी बाहेर जातात. आपल्या जिल्ह्यातच कमीत कमी खर्चात हे प्रशिक्षण मिळावे, हेच आमचे उद्दिष्ट आहे. यासाठी येथील आमदार सुधीर मुनगंटीवार यांनी अतिशय दूरदृष्टी ठेवून हा उपक्रम मार्गी लावला. चंद्रपूरचा आदर्श महाराष्ट्रात इतर ठिकाणी सुद्धा जाईल. भविष्यात येथे पर्यटकांसाठी एअरस्पोर्ट, पॅराग्लायडिंग, हॉट एअर बलून आदी बाबी करण्यासाठी आपण प्रयत्नशील राहू. येथील कॅप्टनने सर्व परवानग्या त्वरित पूर्ण कराव्यात. दोन वर्षात हे उत्कृष्ट प्रशिक्षण केंद्र होईल, असा विश्वासही त्यांनी व्यक्त केला. Commercial Pilot License in India

    rajiv pratap rudy aviation initiatives

    चंद्रपूर हे वैमानिकांचे चॅम्पियन केंद्र व्हावे – आमदार सुधीर मुनगंटीवार

    जिल्ह्यात एस.एन.डी.टी. विद्यापीठ, वन अकादमी, सैनिक स्कूल, बॉटनिकल गार्डन अशी अनेक विकासकामे करण्यात आली आहे. येथील तरुण-तरुणी वैमानिक व्हावे, यासाठी आम्ही एक स्वप्न पाहिले. ही स्वप्नपूर्ती आज वैमानिक प्रशिक्षण केंद्राच्या उद्घाटनातून पुर्णत्वास येत आहे. या प्रशिक्षण केंद्रात कारपेट, संरक्षण भिंत, हँगर बनवण्यात आले आहे. मोरवा येथील वैमानिक प्रशिक्षण केंद्राला भविष्यात आणखी विमाने देण्याचे राजीव प्रताप रुडी यांनी कबूल केले आहे. त्यामुळे चंद्रपूर हे वैमानिकांचे चॅम्पियन केंद्र होईल, असे आमदार सुधीर मुनगंटीवार यांनी सांगितले. (Chandrapur as an Aviation Hub)

    विद्यार्थ्यांची संख्या 50 पर्यंत वाढवावी – आमदार किशोर जोरगेवार

     चंद्रपूर येथील फ्लाईंग क्लबसाठी खासदार राजीव प्रताप रुडी यांनी मान्यता दिली, याबद्दल त्यांचे मनापासून आभार मानतो. जगात वैमानिकांची मागणी वाढत आहे. चंद्रपूर हे देशाच्या मध्यस्थानी आहे. तसेच हा उद्योगांचा जिल्हा आहे. उद्योगांना चालना मिळण्यासाठी चंद्रपुरात कमर्शियल वैमानिक प्रशिक्षण केंद्रसुद्धा व्हावे. तसेच विद्यार्थी संख्या 10 वरून 50 करावी, अशी अपेक्षा त्यांनी व्यक्त केली.

    प्रास्ताविकात जिल्हाधिकारी विनय गौडा म्हणाले, नागपूर फ्लाईंग क्लबची स्थापना 1947 मध्ये झाली. सहा दशकात अनेक वैमानिक तयार झाले. (Nagpur Flying Club Expansion) नागपूर फ्लाईंग क्लबमध्ये विमानांची आवागमन जास्त असल्यामुळे प्रशिक्षणार्थी विद्यार्थ्यांना कमी वेळ मिळतो. त्यामुळे चंद्रपूरमध्ये नागपूर फ्लाईंग क्लबचा अतिरिक्त बेस तयार करण्यात येत आहे. जगात आज वैमानिकांची मागणी वाढली आहे. चंद्रपूर येथून वैमानिक तयार होतील व हे प्रशिक्षण केंद्र एक नवी उंची गाठेल, असे जिल्हाधिकारी यांनी सांगितले.

    तत्पूर्वी मान्यवरांच्या हस्ते 172 आर. या प्रशिक्षण विमानाला हिरवी झेंडी दाखवून उड्डाण करण्यात आले. कार्यक्रमाचे संचालन तहसीलदार विजय पवार यांनी केले.

  • Illegal Activities in Chandrapur । चंद्रपूर प्रशासनाची बदनामी खपवून घेतली जाणार नाही – अवैध उत्खनन व तस्करीविरोधात कारवाईचा इशारा

    Illegal Activities in Chandrapur

    Illegal Activities in Chandrapur : नैसर्गिक संपत्तीचे वरदान असलेला चंद्रपूर जिल्हा हा शांतताप्रिय जिल्हा म्हणून ओळखला जातो. या जिल्ह्यामध्ये मोठ्या प्रमाणात कोळसा, सिमेंट व इतर उद्योगांचे विस्तृत जाळे पसरले आहे. त्यातून लोकांना रोजगार निर्मिती होते. तसेच जल, जंगल, जमीन याचे रक्षण करून वनौपजावर आधारित उद्योगातून नागरिक आपला उदरनिर्वाह करीत असतात. त्यामुळे चंद्रपूर जिल्ह्यात सामान्य नागरिकांना त्रास होईल, किंवा शासन – प्रशासनाची बदनामी होईल, अशा बाबी खपवून घेतल्या जाणार नाही.  अवैध धंदे करणाऱ्यांवर प्रशासनाने कडक कारवाई करावी, असे स्पष्ट निर्देश राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके यांनी जिल्हा प्रशासनाला दिले आहे. (Ashok Uike Latest News)

    छावा चित्रपट करमुक्त करा – खासदार प्रतिभा धानोरकर

    नियोजन सभागृह येथे कोळसा खाण बाधित क्षेत्रातील नागरिकांचे पुनर्वसन व त्यांच्या अडीअडचणी सोडविण्यासंदर्भात आयोजित आढावा बैठकीत पालकमंत्री डॉ. उईके बोलत होते. पुढे ते म्हणाले, जिल्ह्यात मोठ्या प्रमाणात कोळशाच्या खाणी आहेत. या खाणींमधून कोळशाचे उत्पादन घेतले जाते. त्यासाठी गावकऱ्यांनी आपल्या जमिनी प्रकल्पाला दिल्या. मात्र 15-20 वर्षानंतरही प्रकल्पग्रस्तांचे प्रश्न अजूनही सुटले नाहीत. त्यांचे योग्यरित्या पुनर्वसन झाले नाही.  त्यातच कोळशाची अवैध वाहतूक, शासकीय आदेशाला न जुमानता अवैध उत्खनन, गावकऱ्यांसोबत दमदाटी करणे, कोणालाही विश्वासात न घेता शासकीय मालमत्तेचे नुकसान करणे, स्थानिकांचा नोकरीत समावेश न करणे, अशा तक्रारी प्राप्त झाल्या आहेत.  या तक्रारींची प्रशासनाने तात्काळ दखल घेऊन संबंधितांवर कारवाई करावी. Police Action Against Illegal Business

    पोलीस प्रशासनाने तात्काळ कारवाई करावी

    चंद्रपूर जिल्हा हा राज्याच्या टोकावर असून तेलंगणा राज्याची सीमा जिल्ह्याला लागून आहे. त्यामुळे मोठ्या प्रमाणात गोवंश तस्करी, गुटखा तस्करी (Smuggling in Chandrapur District) होण्याची शक्यता नाकारता येत नाही. या बाबीला पोलीस प्रशासनाने त्वरित आळा घालावा. सोबतच दारूबंदी असलेले वर्धा आणि  गडचिरोली हे जिल्हे चंद्रपूर जिल्ह्याला लागून असल्यामुळे अवैध दारू तस्करी होणार नाही, याची दक्षता घ्यावी. जिल्ह्यातील दारू तस्कर, वाळू माफिया यांच्यावर पोलीस प्रशासनाने तात्काळ कारवाई करून गुन्हे दाखल करावे.  अवैध धंदे करणाऱ्या कोणालाही प्रशासनाने पाठीशी घालू नये. अन्यथा संबंधित अधिकाऱ्यांवर सुद्धा नियमाप्रमाणे कारवाई केली जाईल, असा इशारा पालकमंत्री डॉ. अशोक उईके यांनी दिला.

    बैठकीला खासदार प्रतिभा धानोरकर, आमदार करण देवतळे, जिल्हाधिकारी विनय गौडा जी.सी. यांच्यासह इतर अधिकारी उपस्थित होते.

  • Chandrapur Flying Club Inauguration । चंद्रपूर-गडचिरोलीतील तरुणांसाठी आकाशाला गवसणी घालण्याची संधी

    Chandrapur Flying Club Inauguration

    “सुधीर मुनगंटीवार यांच्या पुढाकाराने चंद्रपूरमध्ये वैमानिक प्रशिक्षण केंद्र!”

    Chandrapur Flying Club Inauguration :  चंद्रपूर-गडचिरोली या जिल्ह्यांतील तरुणांना वैमानिक होता यावे, यासाठी राज्याचे माजी वने, सांस्कृतिक कार्य, मत्स्यव्यवसाय मंत्री आमदार श्री. सुधीर मुनगंटीवार यांनी पुढाकार घेतला होता. विद्यार्थ्यांचे आकाशात उंच झेप घेण्याचे स्वप्न प्रत्यक्षात साकारण्यासाठी चंद्रपूर येथे फ्लाईंग क्लब स्थापन करण्यासाठी त्यांनी विशेष प्रयत्न केले. याठिकाणी प्रशिक्षण घेणारे विद्यार्थी वैमानिक होतील, तेव्हा चंद्रपूर आणि गडचिरोलीचीच मान अभिमानाने उंचावणार आहे, याचा विचार आमदार श्री. मुनगंटीवार यांनी केला होता. उद्या, दि. २० फेब्रुवारी २०२५ ला दूपारी १.०० वाजता चंद्रपूर फ्लाईंग क्लबचे उद्घाटन होत आहे. त्यामुळे आता आ. श्री. मुनगंटीवार यांच्या प्रयत्नांना खऱ्या अर्थाने यश आले आहे.

    चंद्रपुरात छत्रपती शिवाजी महाराजांचा अश्वारूढ पुतळा लवकरचं

    हा प्रकल्प भविष्यातील वैमानिकांसाठी मोठ्या संधी निर्माण करेल, असा विश्वास आ. श्री. मुनगंटीवार यांनी व्यक्त केला आहे. या फ्लाईंग क्लबचे उदघाटन केंद्रिय माजी नागरी विमान वाहतूक मंत्री, खासदार राजीव प्रताप रुडी यांच्या हस्ते दि. २० फेब्रुवारी २०२५ रोजी दुपारी ०१ वाजता मोरवा येथे पार पडणार आहे. प्रशिक्षणार्थी विमानाचे उड्डाण करण्यासाठी मोरवा येथील धावपट्टीच्या (Chandrapur Airstrip Development) दुरुस्तीसाठी ५ कोटी ६३ लक्ष तर संरक्षण भिंतीसाठी ११ कोटी ९३ लक्ष रुपये तातडीने मंजूर करण्याच्या सूचना आ. मुनगंटीवार यांनी दिल्या होत्या. दिलेल्या सूचना पुर्णत्वास आल्या असून आता विमानतळ परिपूर्ण तयार आहे.

    सार्वजनिक बांधकाम विभागाने येथील धावपट्टीचे कार्पेटिंग विमानाच्याच गतीने करावे, यात संबंधित यंत्रणेने विशेष लक्ष द्यावे. निवड करताना पहिल्या टप्प्यातील १० प्रशिक्षणार्थ्यांमध्ये मागास प्रवर्गातील विद्यार्थी आणि विद्यार्थीनींचा समावेश आवर्जून करावा, अशा सूचनाही आ. श्री. मुनगंटीवार यांनी दिल्या होत्या.

    चंद्रपूरसाठी ऐतिहासिक पाऊल !

    आ. सुधीर मुनगंटीवार यांनी सातत्याने केलेल्या पाठपुराव्यामुळे चंद्रपूरचे फ्लाईंग क्लबचे उद्धाटन होत आहे . यामुळे जिल्ह्यातील तरुणांचे वैमानिक होण्याचे स्वप्न साकार होणार आहे. आ.मुनगंटीवार यांनी फ्लाईंग क्लबसाठी केलेल्या अथक प्रयत्नांसाठी जनतेकडून आभार व्यक्त करण्यात येत आहे. Sudhir Mungantiwar Aviation Initiative

  • Chhava Movie Tax-Free Maharashtra । खासदार धानोरकर यांची मोठी मागणी

    Chhava Movie Tax-Free Maharashtra

    ‘छावा’ चित्रपट महाराष्ट्रात करमुक्त?

    Chhava Movie Tax-Free Maharashtra : संभाजी राजे यांच्या जिवनाची यशोगाथा सांगणारा छावा चित्रपट महाराष्ट्रासह संपूर्ण देशात प्रसिध्द झाला असून सदर चित्रपटातून संभाजी राजे यांच्या यशोगाथेतून युवकांना तसेच सर्व सामान्यांना ऐतिहासिक महाराष्ट्र व तत्कालीन शुर राजांचा वारस्याची माहिती सर्व सामान्यांना व्हावी या करीता छावा हा चित्रपट महाराष्ट्रात कर मुक्त करावा अशी मागणी खासदार धानोरकर यांनी राज्याचे सांस्कृतिक कार्य मंत्री आशिष शेलार यांच्या कडे पत्राद्वारे केली आहे. Ashish Shelar Cultural Minister

    चंद्रपुरात शिवकालीन युद्धकौशल्याचे पुनरुज्जीवन

    संपुर्ण देशात प्रसिध्द झालेला छावा ह्या चित्रपटातून संभाजी राजे यांच्या जिवनाची यशोगाथा तसेच ऐतिहासकालीन महाराष्ट्रातील परिस्थिती दाखवण्यात आलेली आहे. विपरीत परिस्थितीतील संभाजी राजे यांनी केलेले कार्य व आपल्या राज्यातील जनतेची घेतलेली काळजी, हि संपुर्ण यशोगाथा सर्व सामान्य नागरीकांना बघता यावी व युवा पिढीला यातून प्रेरणा मिळावी व विद्यार्थ्या मध्ये देशभक्ती निर्माण व्हावी.

    तसेच सर्व सामान्यांना ऐतिहासीक महाराष्ट्राची माहिती व्हावी याकरीता सदर चित्रपट महाराष्ट्रात कर मुक्त करण्याची विनंती खासदार धानोरकर यांनी ज्याचे सांस्कृतिक कार्य मंत्री आशिष शेलार यांच्या कडे पत्राद्वारे केली आहे. यासंदर्भात स्वतः ते मंत्री महोदयांशी वार्तालाप करुन विनंती करणार असल्याचे त्यानी पाठविलेल्या प्रसिध्दी पत्रकातून कळविले आहे.

  • Sudhakar Adbale news । आ. सुधाकर अडबाले यांच्या पुढाकाराने शिक्षकांच्या प्रलंबित समस्या मार्गी

    Sudhakar Adbale news

    ऑन-द-स्पॉट नियुक्त्या आणि पदोन्नतीला गती

    Sudhakar Adbale news : आमदार सुधाकर अडबाले यांच्या पुढाकाराने विदर्भ माध्यमिक शिक्षक संघाच्या ‘समस्या तुमच्या, पुढाकार आमचा’ या उपक्रमाअंतर्गत आज शिक्षणाधिकारी (माध्य.), जि.प. चंद्रपूर यांच्याकडे जिल्ह्यातील खासगी अनुदानित माध्यमिक, उच्च माध्यमिक शाळेत कार्यरत शिक्षक – शिक्षकेत्तर कर्मचाऱ्यांच्या समस्या निवारणार्थ समस्या निवारण सभा आज मा. सा. कन्नमवार सभागृह, चंद्रपूर येथे पार पडली. यावेळी ३ अनुकंपा व १ उपमुख्याध्यापक पदोन्नती प्रकरणांना ‘ऑन द स्पॉट’ मान्यतेचे पत्र देण्यात आले. (Teacher appointment news Chandrapur)

    चंद्रपुरात छत्रपती महोत्सवाचा शुभारंभ

    मागील दोन्‍ही सभेत प्रलंबित प्रकरणे रात्री ९ वाजेपर्यंत ‘ऑन द स्पॉट’ निकाली काढण्यात आली होती. यामुळे आमदार सुधाकर अडबाले यांचा समस्‍या निवारण सभेत ‘ऑन द स्पॉट’ प्रकरणे निकाली काढण्याचा धडाका कायम असल्‍याने शिक्षकांत आनंदाचे वातावरण आहे. (On-the-spot teacher approvals)

    मागील दोन वर्षांत चंद्रपूर जिल्ह्यात शिक्षक – शिक्षकेत्तर कर्मचाऱ्यांची अनेक प्रकरणे प्रलंबित होती. आमदार सुधाकर अडबाले निवडून आल्‍यापासून समस्‍या निवारण सभेच्या माध्यमातून त्‍या निकाली काढण्याचा धडाका लावला. आज पार पडलेल्‍या विषयसूचीतील १०० प्रकरणांपैकी जवळपास ८० टक्‍के प्रकरणे समस्‍या सभा होण्यापूर्वीच निकाली काढण्यात आली.

    ३ नियुक्त्या व पदोन्नती

    सभेत अनुकंपा तत्वाअंतर्गत कार्तीक दुधपचारे यांना जनता कन्‍या विद्यालय नागभीड येथे शिपाई सेवक, नित्‍यानंद मोतेवाड यांना कै. अण्णाभाऊ साठे माध्य. व उच्च माध्य. विद्यालय कुंभेझरी येथे प्रयोगशाळा परिचर सेवक, वैष्णवी बंडू भगत हिला आदर्श किसान विद्यालय तथा क. महा. नारंडा येथे कनिष्ठ लिपीक सेवक तर नंदा मुप्‍पीडवार (भवानजीभाई चव्हाण हाय. व क. महा. चंद्रपूर) यांना उपमुख्याध्यापकपदी पदोन्नती पदास ‘ऑन द स्पॉट’ मान्यतेचे पत्र देण्यात आले. सदर सभा पाच तास चालली. (Zilla Parishad teacher issues)

    on-the-spot teacher approvals

    यावेळी मागील सभेतील इतिवृत्तावर चर्चा करण्यात आली. त्‍यानंतर सामूहिक व वैयक्‍तिक प्रकरणांवर चर्चा करण्यात आली. सभेच्या विषयसूचीतील बरीच प्रकरणे निकाली काढण्यात आली. व उर्वरित प्रकरणे १० दिवसांत निकाली काढण्यात यावी, अशा सूचना आमदार सुधाकर अडबाले यांनी अधिकाऱ्यांना दिल्‍यात.

    सभेला शिक्षणाधिकारी (माध्य.) राजेश पातळे, उपशिक्षणाधिकारी निकीता ठाकरे, वेतन पथक अधीक्षक श्री. वडेट्टीवार, जगदीश जुनघरी, विदर्भ माध्यमिक शिक्षक संघाचे जिल्‍हाध्यक्ष सुनील शेरकी, जिल्‍हा कार्यवाह दीपक धोपटे, महानगर कार्यवाह सुरेंद्र अडबाले, लक्ष्मणराव धोबे, केशवराव ठाकरे, श्रीहरी शेंडे, मारोतराव अतकरे, आनंद चलाख, हेमंतकुमार किंदरले, डॉ. विजय हेलवटे, नितीन जीवतोडे, रुपेश पुरी, प्रज्ञा बारेकर, आसमा खान, अजय विधाते, नंदकिशोर वर्धेलवार, नामदेव ठेंगणे, पाचभाई सर, नाकाडे सर, श्री. निखाडे, अनिल कंठीवार, सतीश मेश्राम व मोठ्या संख्येने जिल्ह्यातील विमाशि संघाचे सदस्‍य, समस्‍याग्रस्‍त शिक्षक उपस्‍थित होते. 

  • Women cooperative bank in Chandrapur । “सन्मित्र महिला नागरी सहकारी बँकेचा रौप्य महोत्सव: मुख्यमंत्री फडणवीस यांची सहकार क्षेत्राच्या उज्ज्वल भविष्यासाठी शुभेच्छा!”

    Women cooperative bank in Chandrapur

    Women cooperative bank in Chandrapur : देशाचे पंतप्रधान नरेंद्र मोदी यांनी भारतीय अर्थव्यवस्थेला बळकटी दिली आहे. जेथे आर्थिक संस्था उभ्या राहतात, तेथे विकास भरभरून होतो. पंतप्रधान नरेंद्र मोदी यांनी भारतातील प्रत्येक नागरिकाला बँकिंग क्षेत्रासोबत जोडले आहे. आज भारतातील प्रत्येक नागरिकाचे बँक खाते आहे. त्यामुळे एक डीजीटल ओळख निर्माण झाली आहे. त्याचा फायदा थेट नागरिकांना मिळत असून देशाच्या व सर्वसामान्य नागरिकांच्या विकासामध्ये आर्थिक संस्थांचा मोलाचा वाटा असतो, असे मत राज्याचे मुख्यमंत्री देवेंद्र फडणवीस यांनी व्यक्त केले.

    सन्मित्र महिला नागरी सहकारी बँकेच्या रौप्य महोत्सवी सोहळ्यानिमित्त प्रियदर्शनी इंदिरा सभागृह येथे आयोजित कार्यक्रमात मुख्यमंत्री श्री. फडणवीस बोलत होते. यावेळी मंचावर राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके, आमदार सर्वश्री सुधीर मुनगंटीवार, किशोर जोरगेवार, कीर्तिकुमार भांगडीया, करण देवतळे, देवराव भोंगळे, राष्ट्रीय मागासवर्गीय आयोगाचे अध्यक्ष हंसराज अहीर, माजी मंत्री व बँकेच्या संचालिका शोभाताई फडणवीस, अध्यक्षा डॉ. रजनी हजारे, जिल्हाधिकारी विनय गौडा, मुख्य कार्यकारी अधिकारी विवेक जॉन्सन, पोलिस अधिक्षक मुम्मका सुदर्शन, मनपा आयुक्त विपीन पालीवाल आदी उपस्थित होते. (Women cooperative bank in Chandrapur )

    सन्मित्र महिला नागरी सहकारी बँकेने 25 वर्ष यशस्वीपणे पूर्ण केले, असे सांगून मुख्यमंत्री श्री. फडणवीस म्हणाले, सहकार क्षेत्रात विदर्भातील एक अग्रगण्य बँक म्हणून सन्मित्र महिला नागरी सहकारी बँकेची ओळख आहे. (Sanmitra Women’s Cooperative Bank) महिलांना अर्थकारण उत्कृष्टपणे समजते. बचत करणे हा महिलांचा मूळ गुणधर्म आहे. त्यामुळे महिलांच्या हाती बँक असेल तर ती उत्कृष्टच चालेल, यात शंका नाही. रिझर्व बँकेच्या कायद्याचे पालन करीत तसेच एनपीए मानकाला छेद न देता बँक चालविणे अतिशय महत्त्वाचे आहे. (Women empowerment in banking)

    सहकारी बँकेवर नागरिकांचा विश्वास असतो. या बँकेबद्दल सामान्य माणसाला आपुलकी असते. बँकेने सुद्धा दिलेले कर्ज शिस्तीमध्ये परत घेतले पाहिजे. आज 300  कोटींची उलाढाल असलेल्या सन्मित्र बँकेचा एनपीए 0.5 टक्क्यांच्या खाली आहे, ही अतिशय उत्कृष्ट कामगिरी असून यासाठी सर्व संचालक मंडळ आणि कर्मचारी अभिनंदनास पात्र आहेत. (Cooperative banking success stories)

    पुढे मुख्यमंत्री श्री. फडणवीस म्हणाले, सहकार क्षेत्रामध्ये महाराष्ट्र आणि गुजरात या राज्यांनी अतिशय चांगली प्रगती केली आहे. व्यावसायिक बँकांसमोर सहकारी बँकेने आव्हान उभे केले आहे. आजच्या जागतिकीकरणाच्या काळात सहकारी बँका टिकतील का, असा प्रश्न उपस्थित होत असताना सन्मित्र सारख्या बँकांनी हे आव्हान चांगल्या पद्धतीने स्वीकारून यशस्वीपणे वाटचाल केली आहे. आज या बँकेने कोर बँकिंग, डिजिटल बँकिंग (Digital banking) पद्धती स्वीकारली आहे. सन्मित्र बँकेने ग्राहकांच्या सुरक्षेचे विषय हाती घेतले आहेत. बँकांकडून नागरिकांना कर्ज दिली जातात. त्यामुळे नागरिक स्वतःच्या पायावर उभे राहून व्यवसाय करीत आहे. सन्मित्र बँकेने सुद्धा नागरिकांना कर्ज उपलब्ध करून दिले आहेत. त्यातून त्यांनी रोजगार उभा केला. त्यामुळे अर्थव्यवस्थेची चक्र चालण्यास मदत झाली. या बँकेने पुढील वाटचाल अधिक जोमाने करावी. (Cooperative banking success stories)

    sanmitra woman's cooperative bank

    संयुक्त राष्ट्र संघटनेने 2025 हे वर्ष सहकार वर्ष म्हणून जाहीर केले आहे. याच वर्षी सन्मित्र महिला नागरी सहकारी बँकेचा रौप्य महोत्सव होत आहे, ही आनंदाची बाब आहे. भविष्यात आणखी दमदार पाऊल टाकून 500 कोटी, 750 कोटी आणि 1000 कोटीचा टप्पा बँकेने पार करावा. तसेच इतर सहकारी बँकांसाठी सन्मित्र बँक एक रोल मॉडेल म्हणून उभी राहावी, अशी अपेक्षा  मुख्यमंत्री देवेंद्र फडणवीस यांनी व्यक्त केली.

    चंद्रपूर बनेल मेडिकल टुरिझम हब

    यावेळी बोलताना राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके म्हणाले, सन्मित्र महिला नागरी सहकारी बँकेचा विस्तार सहा-सात जिल्ह्यात झाला असून महिलांना आर्थिक सक्षम करणे, हेच या बँकेचे मुख्य उद्दिष्ट आहे. या जिल्ह्याचा पालकमंत्री म्हणून बँकेला नेहमीच सहकार्य राहील, अशी ग्वाही त्यांनी दिली.

    प्रास्ताविकात संचालिका शोभाताई फडणवीस म्हणाल्या, सन्मित्र महिला नागरी सहकारी बँकेच्या रौप्य महोत्सवाला राज्याचे मुख्यमंत्री देवेंद्र  फडणवीस उपस्थित राहिले, याचा मनापासून आनंद आहे. बँकेची वाटचाल यशस्वीपणे होत असून पुढे जाण्याचा ध्यास आम्ही घेतला आहे. आज सन्मित्र बँकेच्या सर्व शाखांमध्ये एटीएम, डीजीटल बँकींग आदी सोयीसुविधा आहेत. विशेष म्हणजे आमच्या बँकेचा एनपीए कमी आहे, असेही त्यांनी सांगितले. यावेळी बँकेच्या अध्यक्षा डॉ. रजनी हजारे यांनीसुध्दा मनोगत व्यक्त केले.

    cooperative banking success stories

    तत्पुर्वी मुख्यमंत्र्यांच्या हस्ते ‘लक्षलक्षिता’ या स्मरणिकेचे विमोचन करण्यात आले. तसेच चंद्रपूर येथील शासकीय वैद्यकीय महाविद्यालयाला कर्मवीर मा.सां. कन्नमवार यांचे नाव दिल्याबद्दल मुख्यमंत्र्यांचा सत्कार करण्यात आला. कार्यक्रमाचे संचालन कीर्ति चांदे यांनी तर आभार माधवी तांबेकर यांनी मानले.

  • Chandrapur Medical Tourism Hub । “चंद्रपूर लवकरच बनेल मेडिकल टूरिझम हब: भव्य मेडिकल कॉलेज आणि कॅन्सर हॉस्पिटलचा मार्ग मोकळा!”

    Chandrapur Medical Tourism Hub

    Chandrapur Medical Tourism Hub : चंद्रपूरमध्ये भव्य आणि सुसज्ज मेडिकल कॉलेज लवकरच सुरू होणार आहे. येथे कॅन्सर हॉस्पिटल निर्माणाधीन आहे तसेच महिलांसाठी 100 खाटांचे रुग्णालय उपलब्ध आहे. त्यामुळे महाराष्ट्राला मेडिकल टूरिझम हब म्हणून विकसित करण्याच्या संकल्पपूर्तीची सुरुवात चंद्रपूर जिल्ह्यापासून करावी आणि चंद्रपूरला मेडिकल टूरिझम हब म्हणून विकसित करावे, अशी मागणी आमदार किशोर जोरगेवार यांनी मुख्यमंत्री देवेंद्र फडणवीस यांना केली आहे.

    रविवारी सन्मित्र महिला सहकारी पतसंस्थेच्या रौप्यमहोत्सवी सोहळ्यानिमित्त मुख्यमंत्री देवेंद्र फडणवीस चंद्रपूर दौऱ्यावर होते. या वेळी आमदार जोरगेवार यांनी त्यांची भेट घेऊन ही मागणी मांडली. चंद्रपूरमध्ये उत्तम वैद्यकीय सुविधा आणि आधुनिक आरोग्य केंद्र स्थापन करण्याची मोठी संधी आहे. त्यामुळे संपूर्ण महाराष्ट्र तसेच देशभरातील रुग्णांना दर्जेदार आणि परवडणाऱ्या आरोग्यसेवा उपलब्ध होतील, असे आमदार किशोर जोरगेवार यांनी म्हटले आहे.

    चंद्रपुरात अत्याधुनिक मच्छीबाजाराची होणार निर्मिती, आमदार जोरगेवार यांचा पुढाकार

    एका वृत्तपत्राच्या कार्यक्रमात बोलताना वैद्यकीय शिक्षणमंत्री हसन मुश्रीफ यांनी महाराष्ट्राला मेडिकल टूरिझम हब (Medical Tourism Hub in Maharashtra) बनविण्याचा संकल्प असल्याचे बोलून दाखविले होते. त्यानंतर आता आमदार किशोर जोरगेवार यांनी ही मागणी केली असून मुख्यमंत्री देवेंद्र फडणवीस यांनीही सकारात्मकता दर्शविली आहे.

    चंद्रपूरला मेडिकल टूरिझम हबचा दर्जा मिळाल्यास स्थानिक अर्थव्यवस्थेला चालना मिळेल आणि रोजगाराच्या संधी मोठ्या प्रमाणावर निर्माण होतील. चंद्रपूरची भौगोलिक परिस्थिती पाहता हे शहर देशाच्या मध्यभागी आहे. तसेच येथे  सिकल सेल यासह अनेक मल्टी स्पेशालिस्ट रुग्णालये आहेत. या सर्व उपलब्ध सुविधांचा लाभ घेत, हे ठिकाण राज्याच्या आरोग्य पर्यटन नकाशावर महत्त्वाचे केंद्र म्हणून उदयास येऊ शकते. वैद्यकीय पर्यटन वाढल्यास हॉस्पिटल्स, औषध उद्योग, हॉटेल्स, वाहतूक आणि इतर संबंधित सेवा क्षेत्रांना फायदा होईल असेही आमदार किशोर जोरगेवार यांनी म्हटले आहे. (Top Healthcare Destinations Maharashtra)

    भावी डॉक्टरांसाठी ही एक मोठी संधी ठरू शकते. त्यांना योग्य शिक्षण या मेडिकल कॉलेजच्या माध्यमातून दिले जाईल. चंद्रपूर हा राज्याच्या सीमावर्ती भागात असल्याने लगतच्या राज्यातील रुग्णांनाही उत्तम वैद्यकीय सेवा देता येईल, असेही यावेळी आमदार किशोर जोरगेवार यांनी म्हटले आहे.

    छावा चित्रपट टॅक्स फ्री करा – आमदार किशोर जोरगेवार यांची मुख्यमंत्री यांना मागणी.

     चंद्रपूर : मराठा योद्धा छत्रपती संभाजी महाराज यांच्या शौर्यगाथेवर आधारित ‘छावा’ चित्रपट महाराष्ट्रातील जनतेसाठी करमुक्त (टॅक्स फ्री) करावा, अशी मागणी आमदार किशोर जोरगेवार यांनी मुख्यमंत्री देवेंद्र फडणवीस यांच्याकडे केली आहे. (Chhava Movie Tax-Free Maharashtra)

     ‘छावा’ हा चित्रपट केवळ मनोरंजनासाठी नाही, तर ऐतिहासिक वारसा आणि मराठा साम्राज्याच्या गौरवशाली परंपरेची जाणीव करून देणारा आहे. त्यामुळे राज्यातील जनतेला सहजपणे हा चित्रपट पाहता यावा, यासाठी त्यावरचा कर माफ करण्यात यावा, असे आमदार जोरगेवार यांनी म्हटले केले.

  • Best sports festival 2025 । महाराष्ट्र राज्य आंतर विद्यापीठ क्रीडा महोत्सव २०२४ – गोंडवाना विद्यापीठाजवळ यजमानपद

    Best sports festival 2025

    Best sports festival 2025 : चंद्रपूर – २६ वा महाराष्ट्र राज्य आंतर विद्यापीठ क्रीडा महोत्सव २०२४ दि. १८ फेब्रुवारी ते दि. २२ फेब्रुवारी २०२५ या कालावधीत चंद्रपूर व बल्लारपूर परिक्षेत्रामध्ये भव्य स्वरूपात आयोजित करण्यात आला आहे. गोंडवाना विद्यापीठ, गडचिरोली यांना या महोत्सवाचे यजमानपद बहाल करण्यात आले असून, विद्यापीठाने या स्पर्धांचे उत्कृष्ट आयोजन केले आहे. हा राज्यस्तरीय महोत्सव गोंडवाना विद्यापीठासाठी तसेच गडचिरोली व चंद्रपूर जिल्ह्यातील नागरिकांसाठी एक अभिमानास्पद क्षण आहे. Top university sports events

    प्रेस परिषदेतील माहिती

    दि. १५ फेब्रुवारी रोजी चंद्रपूर येथील तिरुपती क्राऊन येथे झालेल्या पत्रकार परिषदेमध्ये महोत्सवाबाबत सविस्तर माहिती देण्यात आली.

    उद्घाटन समारंभ

    महोत्सवाचा उद्घाटन समारंभ दि. २० फेब्रुवारी २०२५ रोजी सायंकाळी ४.०० वाजता तालुका क्रीडा संकुल, विसापूर, ता. बल्लारपूर, जि. चंद्रपूर येथे आयोजित करण्यात आला आहे.

    मुख्यमंत्री साहेब कृषी मंत्र्यांना आवरा – खासदार प्रतिभा धानोरकर

    • उद्घाटन केंद्रीय युवा व्यवहार आणि क्रीडा राज्यमंत्री श्रीमती रक्षा खडसे यांच्या हस्ते होणार आहे.
    • अध्यक्षस्थानी महाराष्ट्र राज्याचे मा. राज्यपाल श्री. सी. पी. राधाकृष्णन असतील.
    • प्रमुख अतिथी म्हणून महाराष्ट्र राज्याचे मा. मुख्यमंत्री श्री. देवेंद्र फडणवीस, आदिवासी विकास व पालकमंत्री डॉ. अशोक रामाजी ऊईके, क्रीडा व युवक तसेच अल्पसंख्याक विकास मंत्री ना. दत्तात्रय भरणे यांची उपस्थिती असेल.
    • तसेच विद्यापीठ परिक्षेत्रातील खासदार, आमदार आणि प्रशासकीय अधिकारी यांची प्रमुख उपस्थिती राहणार आहे. (Biggest inter-university sports)

    क्रीडा स्पर्धांचे स्वरूप व वेळापत्रक

    महोत्सवात मुले व मुलींसाठी कबड्डी, खो-खो, व्हॉलीबॉल, बास्केटबॉल, बॅडमिंटन, टेबल टेनिस, ॲथलेटिक्स आणि चेस अशा एकूण ८ प्रकारच्या स्पर्धा होणार आहेत.

    • स्पर्धांचे वेळापत्रक:
      • सकाळी: ७.०० ते दुपारी १२.००
      • संध्याकाळी: ४.०० ते रात्री ९.००

    स्पर्धा स्थळे:

    • कबड्डी, खो-खो: आरएसएसएस, विसापूर (४ मैदाने)
    • व्हॉलीबॉल: आरसीईआरटी, चंद्रपूर (४ मैदाने)
    • बास्केटबॉल: सैनिक स्कूल, विसापूर (४ मैदाने)
    • बॅडमिंटन: जिल्हा क्रीडा स्टेडियम, चंद्रपूर (बॅडमिंटन हॉल)
    • टेबल टेनिस: तालुका क्रीडा संकुल, विसापूर (बॅडमिंटन हॉल)
    • ॲथलेटिक्स: तालुका क्रीडा संकुल, विसापूर
    • चेस (बुद्धिबळ): आरसीईआरटी, चंद्रपूर (इन हॉल)

    स्पर्धक व सहभागी विद्यापीठे

    या महोत्सवासाठी २३ विद्यापीठांमधून ३,७२३ खेळाडू आणि संघव्यवस्थापकांनी नोंदणी केली आहे. तसेच विद्यापीठ पदाधिकारी, प्रशासकीय अधिकारी, प्राध्यापक, कर्मचारी आणि स्वयंसेवकांसह एकूण ४,५०० जण महोत्सवात सहभागी होणार आहेत. (State-level sports championship)

    निवास आणि भोजन व्यवस्था

    महिला खेळाडूंसाठी निवास व्यवस्था:

    • शासकीय वैद्यकीय महाविद्यालय, चंद्रपूर (महिला स्टाफ क्वार्टर)
    • राजीव गांधी अभियांत्रिकी महाविद्यालय (मुलींचे वसतिगृह)
    • क्रीडा संकुल, बल्लारपूर

    पुरुष खेळाडूंसाठी निवास व्यवस्था:

    • विकास केंद्र, चंद्रपूर
    • क्रीडा संकुल, विसापूर
    • आरएसएसएम कॉलेज, बल्लारपूर
    • शासकीय वैद्यकीय महाविद्यालय, चंद्रपूर (स्टाफ क्वार्टर)
    • संत तुकाराम सभागृह, बल्लारपूर

    भोजन व्यवस्था:
    सर्व खेळाडू व सहभागींसाठी मैदानांवरच भोजनाची व्यवस्था करण्यात आली आहे.

    • आरएसएसएस, विसापूर – १,१८८ जणांसाठी
    • तालुका क्रीडा संकुल, विसापूर – ९४२ जणांसाठी
    • आरसीईआरटी, चंद्रपूर – ८९१ जणांसाठी
    • सैनिक स्कूल, बल्लारपूर – ६०९ जणांसाठी
    • जिल्हा क्रीडा स्टेडियम, चंद्रपूर – ३७० जणांसाठी

    परिवहन व वैद्यकीय सेवा

    • परिवहन सेवा:
      • खेळाडूंना निवासस्थानांहून मैदानांपर्यंत पोहोचवण्यासाठी महाराष्ट्र राज्य परिवहन महामंडळाच्या २५ बसेस उपलब्ध.
      • आगमन व निर्गमनासाठी विशेष ७ बसेस.
    • वैद्यकीय सेवा:
      • खेळाडूंसाठी २४ तास उपलब्ध असलेल्या ८ रुग्णवाहिका.
      • जिल्हा सामान्य रुग्णालय आणि शासकीय वैद्यकीय महाविद्यालय, चंद्रपूर यांच्याद्वारे प्राथमिक उपचार आणि औषधांचा पुरवठा.

    समारोप सोहळा

    महोत्सवाचा समारोप दि. २२ फेब्रुवारी २०२५ रोजी दुपारी १२.३० वाजता, तालुका क्रीडा संकुल, विसापूर, बल्लारपूर येथे होणार आहे. (Competitive college tournaments)

    • प्रमुख अतिथी: मा. हंसराज अहिर, अध्यक्ष, इतर मागासवर्गीय आयोग, भारत सरकार
    • अध्यक्षस्थानी: मा. डॉ. प्रशांत बोकारे, कुलगुरु, गोंडवाना विद्यापीठ
    • प्रमुख उपस्थिती: मा. डॉ. श्रीराम कावळे, प्र-कुलगुरु, गोंडवाना विद्यापीठ

    गोंडवाना विद्यापीठाचा पूर्वानुभव

    गोंडवाना विद्यापीठाने यापूर्वीही यशस्वीपणे राज्यस्तरीय महोत्सव आयोजित केले आहेत:

    • १३ वा आंतर विद्यापीठ संशोधन उत्सव “आविष्कार” (२०१८-१९)
    • १७ वा आंतर विद्यापीठ सांस्कृतिक युवा महोत्सव “इंद्रधनुष्य” (२०१९)
    • राज्यस्तरीय आपत्ती व्यवस्थापन प्रशिक्षण शिबीर “आव्हान” (२०२३)
    आयोजित पत्रकार परिषदेत प्र कुलगुरु डॉ. श्रीराम कावळे, कुलसचिव डॉ. अनिल हिरेखण, अधिसभा सदस्य डॉ. जयेश चक्रवर्ती, निलेश बेलखेडे, डॉ. प्रवीण जोगी, संजय रामगिरवार, प्राचार्य डॉ. राजेश दहेगावकर, अधिष्ठाता डॉ. संजय निंबाळकर आदींची उपस्थिती होती.

  • Remarkable Nagpur Divisional Level Competition । स्वामी विवेकानंद बालगृह, नागभीडच्या खेळाडूंची घवघवीत कामगिरी

    Nagpur Divisional Level Competition

    नागपूर विभागात अव्वल स्थान

    Nagpur Divisional Level Competition: महाराष्ट्र राज्य महिला व बालविकास विभागाच्या वतीने जिल्हास्तरीय चाचा नेहरू बालमहोत्सव आयोजित केला जातो. या स्पर्धेत यशस्वी ठरलेल्या बालगृहातील लाभार्थ्यांची विभागस्तरीय स्पर्धेसाठी निवड केली जाते. शासकीय निरीक्षण गृह, बालगृह, स्वयंसेवी संस्था आणि इतर शाळांमधील विद्यार्थी या स्पर्धेत सहभागी होतात.

    कृषी मंत्री कोकाटे यांना आवरा, खासदार धानोरकर यांचं मुख्यमंत्री फडणवीस यांना पत्र

    अपुऱ्या सुविधा आणि मर्यादित संसाधनांच्या परिस्थितीतही स्वयंसेवी संस्थांमधील मुलांनी उल्लेखनीय यश संपादन केले आहे, हे विशेष कौतुकास्पद आहे. आगामी राज्यस्तरीय स्पर्धेतही ही मुले उत्कृष्ट कामगिरी करतील, अशी अपेक्षा व्यक्त केली जात आहे. (Chacha Nehru Children’s Festival Maharashtra)

    विभागस्तरीय चाचा नेहरू बालमहोत्सव नागपूर येथे १२ ते १४ फेब्रुवारी दरम्यान पार पडला.
    या स्पर्धेत लोककल्याण बहुउद्देशीय शिक्षण संस्था, ब्रह्मपुरी द्वारा संचालित स्वामी विवेकानंद बालगृह, नागभीड (जिल्हा चंद्रपूर) येथील लाभार्थ्यांनी चमकदार कामगिरी केली. (Swami Vivekananda Children’s Home Nagbhid)

    स्पर्धेतील यश:

    • ६ ते १२ वयोगट:
      • कबड्डी – प्रथम क्रमांक
      • खो-खो – प्रथम क्रमांक
      • १०० मीटर धावणे – द्वितीय क्रमांक
    • १३ ते १८ वयोगट:
      • खो-खो – प्रथम क्रमांक
      • कबड्डी – द्वितीय क्रमांक

    पुरस्कार वितरण समारंभात, महिला व बालविकास विभागाच्या विभागीय उपायुक्त श्रीमती अपर्णा कोल्हे यांच्या शुभहस्ते विजेत्यांना सन्मानित करण्यात आले. विविध मान्यवर पदाधिकाऱ्यांच्या उपस्थितीत झालेल्या या समारंभात, स्वामी विवेकानंद बालगृह, नागभीडने नागपूर विभागात अव्वल स्थान पटकावल्याने चंद्रपूर जिल्ह्याच्या शिरपेचात मानाचा तुरा रोवला गेला.

    या उल्लेखनीय यशाबद्दल संस्थेचे संस्थापक पुरुषोत्तम चौधरी, अधीक्षक नरेंद्र बोरकर, गृहपिता रवींद्र राणे यांचे विशेष योगदान लाभले. त्यांच्या मार्गदर्शनाखाली बालकांनी मिळवलेले हे यश सर्वांसाठी प्रेरणादायी आहे. संपूर्ण चंद्रपूर जिल्ह्यातून संस्थेच्या कामगिरीचे अभिनंदन करण्यात येत आहे.

  • Ashram School Teachers Issues । अनुदानित आश्रमशाळा शिक्षक-कर्मचाऱ्यांच्या समस्यांवर चर्चा

    Ashram School Teachers Issues

    आमदार सुधाकर अडबाले यांच्या उपस्थितीत सहविचार सभा

    Ashram School Teachers Issues : चंद्रपूर : इतर मागास बहुजन कल्याण विभागाअंतर्गत संचालित अनुदानित आश्रमशाळेतील शिक्षक-शिक्षकेत्तर कर्मचाऱ्यांच्या समस्या निवारणार्थ विदर्भ माध्यमिक शिक्षक संघाचा उपक्रम “समस्‍या तुमच्या, पुढाकार आमचा” अंतर्गत सहविचार सभा आमदार सुधाकर अडबाले यांच्या उपस्थितीत नागपूर प्रादेशिक उपसंचालक विजय वाकूलकर व विभागातील सर्व जिल्ह्यांचे सहाय्यक संचालक यांच्यासोबत नुकतीच पार पडली. कर्मचाऱ्यांचे प्रलंबित प्रकरणे तात्‍काळ निकाली काढण्याच्या सूचना आमदार सुधाकर अडबाले यांनी अधिकाऱ्यांना दिल्‍या. (Government Aided Ashram Schools)

    मुख्यमंत्री साहेब कृषिमंत्र्यांना आवरा – खासदार प्रतिभा धानोरकर

    सभेत नियमित वेतनाबाबत गंभीरपणे चर्चा करण्यात आली असून यानंतर वेतन विनाविलंब करण्यात यावे,जेष्ठता सूची पाहूनच शिक्षक अतिरिक्त  ठरवण्यात यावेत, शिक्षकांचे समायोजन समुपदेशन पद्धतीने घेण्यात यावेत, भनिनि परतावा व ना-परतावा बी.डी.एस. तात्काळ सुरू करण्यात यावे, अनुकंपा धारकांचे प्रस्ताव मान्यतेसाठी शासनाकडे पाठपुरावा करावा, कर्मचाऱ्यांचे वरिष्ठ/निवड श्रेणी मंजुरीकरिता विभागात दर आठवड्याला समितीची सभा घेऊन नियमानुसार ४५ दिवसाच्या आत मार्गी लावण्यात यावे, वैद्यकीय प्रतिपूर्ती प्रस्ताव एका आठवड्यात निकाली काढावे या व इतर सर्व समस्‍यांवर चर्चा तथा सूचना करण्यात आल्या. (Sudhakar Adbale Teachers Meeting)

    बैठकीत यांची होती उपस्थिती

    यावेळी सहाय्यक संचालक श्रीमती आशा कवाडे, सहाय्यक संचालक धनराज सहारे, सहा. संचालक विनोद मोहतुरे, सहा. संचालक श्री. मडावी, नागपूर समाज कल्‍याण अधिकारी श्री. भोयर, विमाशि संघ आश्रमशाळा विभागाचे जिल्‍हा कार्यवाह किशोर नगराळे, जिल्‍हाध्यक्ष दिनेश चौधरी, वनकर सर, बोरकर सर, दुधबावरे सर तथा विदर्भ माध्यमिक शिक्षक संघाचे प्रांतीय उपाध्यक्ष रमेश काकडे, प्रांतीय कोषाध्यक्ष भूषण तल्‍हार, नागपूर महानगर अध्यक्ष विठ्ठल जूनघरी, जिल्‍हा कार्यवाह संजय वारकर, महानगर कार्यवाह अविनाश बढे, कर्णबोधी मांडवे, विदर्भ माध्यमिक शिक्षक संघाचे चंद्रपूर महानगर अध्यक्ष दिगांबर कुरेकार, महानगर कार्यवाह सुरेंद्र अडबाले, जिल्हा कार्यवाह दीपक धोपटे, सुर्यकांत केंद्रे, रणजीत राठोड व समस्‍याग्रस्‍त आश्रमशाळा शिक्षक-शिक्षकेत्तर कर्मचारी उपस्थित होते.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by