My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Justice for Dr Sampada Munde । डॉ संपदा मुंडे ना न्याय द्या; महिला कांग्रेसचे निषेध आंदोलन

    Justice for Dr Sampada Munde

    Justice for Dr Sampada Munde : चंद्रपूर २ नोव्हेम्बर (News३४) – महाराष्ट्र प्रदेश महिला काँग्रेस कमिटी च्या अध्यक्षा मा.संध्याताई सव्वालाखे यांचा निर्देश्यानुसार खासदार मा.प्रतिभाताई धानोरकर, विरोधी पक्ष नेते मा. विजयभाऊ वडेटीवार,चंद्रपूर ग्रामीण जिल्हाध्यक्ष मा,सुभाषभाऊ धोटे यांच्या मार्गदर्शनात,तसेंच शहर जिल्हाध्यक्ष मा. रामूभैय्या तिवारी यांचे प्रमुख उपस्थितीत चंद्रपूर ग्रामीण महिला जिल्हा अध्यक्षा सौ कुंदाताई जेणेकर,शहर जिल्हा महिला काँग्रेस अध्यक्ष सौ चंदाताई वैरागडे यांच्या नेतृत्वात बिड जिल्यातील फलटण येथील डॉ संपदा मुंडे यांना आत्महत्येकरिता प्रवृत्त करणाऱ्या दोन नराधमाना फाशीची शिक्षा झाली पाहिजे, या प्रमुख मागणीसाठी गांधी चौक चंद्रपूर येथे भव्य निषेध आंदोलन करण्यात आले. Dr Sampada Munde suicide case updates

    आरोपीना तात्काळ फाशी द्या

    आपल्या देशात वारंवार महिलांवर लैगिक अन्याय अत्याचार करून हत्या करण्याचे प्रमाण दिवसेंदिवस वाढत आहे,आणि सरकार मात्र हत्त्यारयाला कठोर शिक्षा न करता बघ्याची भूमिका घेत अश्या घटनेमुळे महिलांमध्ये अत्यंत भीतीचे वातावरण पसरतले आहे.त्यामुळेच डॉ संपदा मुंडे यांना आत्महत्या करण्यास प्रवृत्त करणाऱ्या त्या दोन्ही नराधमाना तत्काळ फाशीची शिक्षा दिली तर नक्कीच महिलांवरील अत्याचारयाच्या घटना घडणार नाही त्यामुळे त्या दोन्ही नराधमाना तत्काळ फासी झालीच पाहिजे यासाठीच चंद्रपूर जिल्हा व शहर महिला काँग्रेस रस्त्यावर उतरलो आहे. अशी प्रतिक्रिया महिला जिल्हाध्यक्ष कुंदाताई जेणेकर आणि महिला शहर अध्यक्ष चंदाताई वैरागडे यांनी दिल्या. Women’s Congress protest Chandrapur

    Also Read : मुद्रांक विक्रेत्याने घेतली १४० रुपयांची लाच

    निषेध आंदोलनात रामूभैया तिवारी कुंदाताई जेणेकर,चंदाताई वैरागडे , जेष्ठ नेते विनोदभाऊ दत्तात्रय,अनुसूचित जाती विभाग राष्ट्रीय समन्वयक अश्विनी खोब्रागडे माजी महापौर संगीता अमृतकर माजी सभापती हर्षाताई चांदेकर,माजी नगर सेविका संगीता भोयर, सुनीता अग्रवाल, सोबतच शालिनी भगत, मीनाक्षी गुजरकर, अफसाना सैय्यद, साधना रामटेके शोभा वाघमारे, निर्मला कुळमेथे, संध्या चांदेकर, पूनम गीरसावळे, सुमित्रा कुचनकर,सुशीला रामटेके, राजेशजी अडूर,अनिलजी नरुले,नरेंद्रजी बोबडे, मनीषजी तिवारी, पिंटूभाऊ शिरवार, दुर्गेशभाऊ कोडाम, प्रशांतजी भारती,युषूप चाचा, शिरीषजी गोगुलवार पप्पूभाऊ सिद्धीकी, नौशाद शेख,नासिरजी शेख मोनू रामटेके, यांचे सह जिल्हा व शहर काँग्रेस कमिटी चे पदाधिकारी व कार्यकर्ते मोठ्या संख्येने उपस्थित होते.

    निषेध आंदोलनानंतर महिला कांग्रेस च्या शिस्टमंडळानी मा.पोलीस अधीक्षक चंद्रपूर याना स्व.डॉ संपदा मुंडे याना आत्महत्या करण्यास प्रवृत्त करणाऱ्या नराधमांवर कठोर कार्यवाही करण्यासाठी निवेदन दिले.

  • Congress workers join BJP Chandrapur । नकोड्यात काँग्रेस कार्यकर्त्यांचा भाजपात प्रवेश; आगामी निवडणुकीत भाजपाची ताकद वाढणार!

    Congress workers join BJP Chandrapur

    Congress workers join BJP Chandrapur : चंद्रपूर २ नोव्हेम्बर (News३४) – आजचा दिवस नकोडा गावासाठी आणि भारतीय जनता पक्षासाठी ऐतिहासिक आहे. आज नकोडा येथील असंख्य काँग्रेस कार्यकर्त्यांनी भारतीय जनता पक्षात प्रवेश करून एक विचार, एक संस्कार आणि एका राष्ट्रनिर्मितीच्या प्रवासाशी स्वतःला जोडले आहे. पक्ष बदलणे म्हणजे केवळ ध्वज बदलणे नव्हे, तर तो विचारांचा स्वीकार असतो. आज आपण भारतीय जनता पक्षाच्या कार्यसंघात सामील झालात, तेव्हा तुम्ही फक्त एका पक्षात नाही तर सेवा, राष्ट्रभक्ती आणि विकासाच्या प्रवासात सहभागी झाले असल्याचे प्रतिपादन आमदार किशोर जोरगेवार यांनी केले.

    Also Read : चंद्रपुरात ताडोबाच्या नावाने देह व्यवसाय, गुन्हे शाखेने केली कारवाई

    शनिवारी नकोडा येथील असंख्य काँग्रेस कार्यकर्त्यांनी आमदार किशोर जोरगेवार यांच्या उपस्थितीत भारतीय जनता पक्षात प्रवेश केला. नकोडा येथे आयोजित या पक्षप्रवेश कार्यक्रमात ते बोलत होते. यावेळी भारतीय जनता पक्षाचे महानगर अध्यक्ष सुभाष कासनगोट्टूवार, जिल्हा संघटन महामंत्री नामदेव डाहुले, भाजप तालुका अध्यक्ष विनोद खेवले, भाजप नेते प्रकाश देवतळे, घुग्घूस शहर महामंत्री इमरान खान, भाजप युवा मोर्चा जिल्हा उपाध्यक्ष अनुप भंडारी, महामंत्री मनोज पाल, सविता दंढारे, आशिष माशिरकर, राकेश पिंपळकर, दुर्गा वैरागडे, भाग्यश्री हांडे आदी मान्यवरांची मंचावर उपस्थिती होती. Chandrapur BJP new members induction

    यावेळी पुढे बोलताना आ. जोरगेवार म्हणाले की, भारतीय जनता पक्ष हा केवळ सत्तेसाठीचा पक्ष नाही, तो संस्कार, सेवा आणि संघटनेचा पक्ष आहे. पंतप्रधान नरेंद्र मोदी यांच्या नेतृत्वाखाली देशाची ओळख जागतिक पातळीवर मजबूत झाली आहे, तर राज्यात मुख्यमंत्री देवेंद्र फडणवीस यांच्या नेतृत्वात राज्य प्रगतीची नवी उंची गाठत आहे. जनतेच्या जीवनात परिवर्तन घडविणाऱ्या योजना  गरीब कल्याण, महिला सक्षमीकरण, शेतकरी सन्मान, उज्ज्वला, जनधन, प्रधानमंत्री आवास, आयुष्मान भारत अशा अनेक उपक्रमांद्वारे आज सबका साथ सबका विकास हे ब्रीद वास्तवात उतरले आहे. Congress workers join BJP Chandrapur

    नकोडा आणि परिसरात आम्ही विकासाला सर्वोच्च प्राधान्य दिले आहे. रस्ते, पिण्याचे पाणी, वीज, शिक्षण, आरोग्य सुविधा उपलब्ध करून दिल्या जात आहे. प्रत्येक नागरिकापर्यंत योजनांचा लाभ पोहोचावा, यासाठी आम्ही सातत्याने प्रयत्नशील आहोत. आज भारतीय जनता पक्षात सामील होणारे हे सर्व कार्यकर्ते म्हणजे नवीन ऊर्जा आणि नवसंजीवनी आहेत. तुमचा हा निर्णय केवळ राजकीय नाही, तर सामाजिक परिवर्तनाच्या दिशेने उचललेले पाऊल असल्याचे ते यावेळी म्हणाले. यावेळी आमदार किशोर जोरगेवार यांनी सर्व नवनियुक्त सदस्यांच्या गळ्यात भारतीय जनता पक्षाचा दुपट्टा ओढून त्यांचे पक्षात स्वागत केले. Kishor Jorgewar BJP leadership event

    काँग्रेसला खिंडार – विजय बावरे यांचा भारतीय जनता पक्षात प्रवेश

    मागील काही महिन्यांमध्ये काँग्रेसचे असंख्य कार्यकर्ते भारतीय जनता पक्षात प्रवेश करत आहेत. शनिवारी नकोडा येथे झालेल्या पक्षप्रवेश कार्यक्रमात पडोलीचे विजय बावरे यांनी भारतीय जनता पक्षात प्रवेश केला आहे. विजय बावरे यांच्या पत्नी शारदा बावरे यांनी २०१७ च्या जिल्हा परिषदेच्या निवडणुकीत काँग्रेस पक्षाकडून निवडणूक लढवत दुसऱ्या क्रमांकाची मते मिळविली होती. त्यामुळे आता विजय बावरे यांच्या प्रवेशामुळे ग्रामीण भागात पक्षाची ताकद वाढणार आहे.

  • Kishor Jorgewar Amma Ka Tiffin event । मानवतेचा प्रकाश फैलवणारा ‘अम्मा का टिफिन’ दिवाळी स्नेहमिलन सोहळा

    Kishor Jorgewar Amma Ka Tiffin event

    Kishor Jorgewar Amma Ka Tiffin event : चंद्रपूर १ नोव्हेम्बर (News34) – अम्मा हे नाव उच्चारताच ममत्व, प्रेम, काळजी आणि त्याग यांची भावना जागृत होते. आई ही केवळ एक व्यक्ती नसून ती जगाला जगविण्याची प्रेरणा देणारी एक भावना आहे. अम्मा का टिफीन या नावातही सेवा, समर्पण आणि माणुसकीची भावना दडलेली असून, राहू नये कोणीही भुकेला उपाशी, अम्मा का टिफीन येईन घराशी हे ब्रीदवाक्य म्हणजे मानवतेचा खरा दीप प्रज्वलित करणारी प्रेरणा असल्याचे प्रतिपादन आमदार किशोर जोरगेवार यांनी केले.

    आज शनिवारी आमदार किशोर जोरगेवार यांच्या वतीने राजमाता निवासस्थानी अम्मा का टिफिन परिवार याकरिता दीपावली स्नेहमिलन सोहळ्याचे आयोजन करण्यात आले होते. हा सोहळा अत्यंत आनंदोत्साहात पार पडला. यावेळी अम्मा का टिफिन परिवारातील सदस्यांची आरोग्य तपासणीही करण्यात आली. Diwali social welfare programs

    Also Read : ते ९ तालुके पुन्हा नक्षलग्रस्त घोषित होणार, मुनगंटीवार यांचा पुढाकार

    या कार्यक्रमाला कल्याणी किशोर जोरगेवार, भारतीय जनता पार्टीचे महानगर अध्यक्ष सुभाष कासनगोट्टूवार, महिला आघाडी अध्यक्ष छबु वैरागडे, अम्मा का टिफिन उपक्रमाच्या संयोजिका तथा भारतीय जनता पार्टीच्या महामंत्री सविता दंढारे, सूर्यकांत खनके, माजी नगरसेविका पुष्पा उराडे, मंडळ अध्यक्षा अॅड. सारिका संदुरकर, सायली येरणे, कौसर खान, दुर्गा वैरागडे आदींची प्रमुख उपस्थिती होती.

    अम्मा माझ्या जीवनाची पहिली गुरु

    यावेळी पुढे बोलताना आ. जोरगेवार म्हणाले की, अम्मा हा शब्द उच्चारला की डोळ्यांसमोर एक शांत, प्रेमळ, त्यागमय आणि कर्तृत्ववान व्यक्ती उभी राहते. अम्मा माझ्या जीवनाची पहिली गुरु होती. तिच्या शिकवणींनी आणि संस्कारांनीच मला आज समाजासाठी काहीतरी करण्याची प्रेरणा दिली आहे.
    मुला, जेवढं शक्य होईल तेवढं दुसऱ्याला दे. पोटभर खाऊ घाल, कोणाला भुकेलं ठेवू नको. ही तिची वाक्यं आजही माझ्या हृदयात कोरलेली आहेत. त्या शिकवणीमुळेच अम्मा का टिफीन ही संकल्पना जन्माला आली. आईच्या त्या मायेच्या हातचं अन्न, तिचा तो प्रेमळ स्वभाव आणि कोणाचंही पोट रिकामं राहू नये ही भावना हेच या उपक्रमाचं बळ असल्याचे ते म्हणाले. Amma Ka Tiffin social initiative

    आजच्या या दीपावली स्नेहमिलन सोहळ्यात उपस्थित राहून मला अत्यंत आनंद आणि समाधान वाटत आहे. या उपक्रमात केवळ अन्नदान नाही, तर माणसांमधील आपुलकीचे नाते जपले गेले आहे. कोणत्याही प्रसिद्धीची अपेक्षा न ठेवता, निःस्वार्थ भावनेने रोज कोणाचातरी पोट भरले जाते हीच खरी सेवा परंपरा आहे.Kishor Jorgewar Amma Ka Tiffin event

    आजच्या या स्नेहमिलन सोहळ्यात आपण सर्वजण केवळ दीप प्रज्वलित करत नाही, तर समाजात मानवतेचा प्रकाश पसरवत आहोत. या उपक्रमाची ज्योत अशीच अखंड पेटत राहील. माझी अम्मा, माझी आई आज आपल्या सोबत नसली तरी तिच्या नावाने सुरू केलेला हा उपक्रम आजही अत्यंत यशस्वीपणे आणि सेवाभावाने सुरू आहे, याचा आम्हाला अपार आनंद आणि अभिमान वाटतो. या उपक्रमामागे अम्माची शिकवण आहे. त्यामुळे हा सामाजिक उपक्रम आपण अधिक विस्तारित करून शेवटच्या गरजूंपर्यंत पोहोचविणार असल्याचे ते यावेळी म्हणाले.या स्नेहमिलन सोहळ्यात अम्मा का टिफीन परिवारातील सर्व सदस्यांची आरोग्य तपासणी देखील करण्यात आली.

  • Government land patta distribution Chandrapur । नागरिकांना शासकीय पट्टे वाटपाचा मार्ग मोकळा – महसूल मंत्री बावनकुळे

    Government land patta distribution Chandrapur

    Government land patta distribution Chandrapur : चंद्रपूर, दि. 01 : राज्यातील 14 कोटी जनतेच्या विविध प्रश्नांच्या सोडवणूक करण्याकरीता महसूल विभागाच्या वतीने छत्रपती शिवाजी महाराज महाराजस्व अभियान राबविण्यात आले. त्याला सेवा पंधरवड्याची जोड देत नागरिकांना दिलासा देण्यासाठी महत्वाचे उपक्रम राज्य सरकारने राबविले. शासकीय पट्टेवाटपासंदर्भात सुध्दा सर्व अडचणी दूर करून राज्य सरकारने नवीन शासन निर्णय काढले. त्यानुसार शासकीय जमिनीवर राहणा-यांना कायमस्वरूपी पट्टे देण्याचा मार्ग मोकळा झाला आहे. एवढेच नाही तर झुडपी जंगल जमिनीवर राहणा-यांना सुध्दा पट्टे देण्याचा निर्णय लवकरच राज्य शासन घेणार आहे, अशी ग्वाही राज्याचे महसूल मंत्री चंद्रशेखर बावनकुळे यांनी दिली. Government land patta distribution Chandrapur

    ब्रम्हपुरी येथे शासकीय पट्टे व विविध योजनांचे प्रमाणपत्र, कृषी साहित्य वाटप कार्यक्रमात ते बोलत होते. यावेळी आमदार कीर्तीकुमार भांगडिया, माजी आमदार अतुल देशकर, डॉ. उसेंडी, सुधाकर कोहळे, प्रभारी जिल्हाधिकारी डॉ. नितीन व्यवहारे, अतिरिक्त जिल्हाधिकारी संतोष थिटे, अतिरिक्त मुख्य कार्यकारी अधिकारी कल्पना क्षीरसागर, अपर पोलिस अधिक्षक ईश्वर कातकडे, ब्रह्मपुरीच्या उपविभागीय अधिकारी पर्वणी पाटील, तहसीलदार श्री. मासळ, प्रताप वाघमारे आदी उपस्थित होते.

    Also Read : ताडोबाच्या नावावर चंद्रपुरात वेश्याव्यवसाय

    आज जवळपास विविध योजनांच्या अडीच हजार लाभार्थ्यांना लाभ देण्यात येत आहे, असे सांगून महसूलमंत्री श्री. बावनकुळे म्हणाले, गाव खेड्यातील पाणंद रस्ते मोकळे करण्याचा महत्त्वाचा निर्णय शासनाने घेतला आहे. त्यासाठी राज्य सरकार ‘मुख्यमंत्री बळीराजा पाणंद रस्ते योजना’ लवकरच आणत आहे. शासकीय पट्टे वाटपासंदर्भात राज्य शासनाने सर्व अडचणी दूर केल्या. त्यानुसार सर्व पट्टेधारकांना पट्टे देण्यात येणार असून कोणीही यापासून वंचित राहणार नाही. याबाबत तहसीलदारांनी प्रत्येक महिन्याला बैठक घ्यावी. ब्रह्मपुरीतील सरकारी जागेवर राहणाऱ्या सर्व नागरिकांचा नगर परिषदेने प्लेन टेबल सर्वे करावा. Chandrapur revenue department land certificate

    भुमी अभिलेख विभागाच्या सनदकरिता आता नागरिकांना पैसे भरावे लागणार नाही. हा निधी जिल्हा नियोजन समितीच्या माध्यमातून देण्यात येणार आहे. आज सनद देण्यात आलेल्या लाभार्थ्यांचे 12 लक्ष रुपये शासन भरणार आहे. पूर्व विदर्भात 86 हजार हेक्टर जमीन झुडपी जंगलाने व्यापली आहे. सर्वोच्च न्यायालयाने याबाबत आता निर्णय दिला असून झुडपी जंगल जमिनीवर राहणाऱ्या 2 लक्ष नागरिकांनाही पट्टे वाटपाचा निर्णय घेण्यात येईल. पुढील सहा महिन्यात हे पट्टे वाटप होणार आहे. लाडकी बहीण योजनेअंतर्गत राज्यातील 2.5 कोटी बहिणींना पाच वर्ष लाभ देण्यात येईल. तसेच राज्यातील 45 लक्ष शेतकऱ्यांना पुढील पाच वर्षात विजेचे बिल येणार नाही.

    पुढे मंत्री बावनकुळे म्हणाले, योग्य आणि गरजू शेतकऱ्यांना कर्जमाफीचा लाभ देण्याचा निर्णय राज्य शासनाने घेतला आहे. 30 जून 2026 पर्यंत ही कर्जमाफी करण्यात येईल. 15 ऑक्टोबर 2024 पूर्वीच्या सर्व अनधिकृत लेआउट मधील प्लॉट /घरे कायदेशीर करण्याचा निर्णय मंत्रिमंडळात घेण्यात येईल. त्याचा फायदा एक कोटी नागरिकांना होणार आहे. यासाठी सरकार कायदासुद्धा आणत आहे. अवैध वाळू वाहतूक, साठवणूक व विक्री संदर्भात कडक कारवाई करण्याचे आदेश देण्यात आले आहे. वाळू घाटांचे लिलाव झाल्यावर 10 टक्के वाळू स्थानिक नागरिकांसाठी राखीव राहणार आहे. Permanent land patta for forest dwellers

    कार्यक्रमाचे प्रास्ताविक उपविभागीय अधिकारी पर्वणी पाटील यांनी तर संचालन जगदीश मेहेर यांनी केले. कार्यक्रमाला विविध विभागाचे अधिकारी, योजनांचे लाभार्थी, सरपंच, पोलिस पाटील, नागरिक मोठ्या संख्येने उपस्थित होते.

    नागरिकांच्या मालमत्तेच्या संरक्षणाची जबाबदारी महसूल विभागाची

    महसूल विभाग गतिमान, लोकाभिमुख आणि पारदर्शक होत आहे. नागरिकांच्या मालमत्तेच्या संरक्षणाची जबाबदारी महसूल विभागाची आहे. यापुढे प्रत्येक महसुली मंडळात चार महिन्यात विशेष शिबीर घेऊन नागरिकांच्या सेवा त्यांच्यापर्यंत पोहोचवण्यात येईल.

    अतिवृष्टीग्रस्त शेतक-यांना मदत

    अतिवृष्टीमुळे नुकसान झालेल्या शेतमालाचे पंचनामे करण्याचे निर्देश राज्य सरकारने दिले असून त्यानुसार अनुदान मिळणार आहे. धनाचे चुकारे आणि बोनस त्वरित देण्यात येईल. संजय गांधी निराधार योजनेचे पैसे आता लाभार्थ्यांच्या खात्यात थेट जमा होईल. ज्या लाभार्थ्यांचे खाते ऑनलाईन नाही, तेथे तलाठी घरोघरी जाऊन त्यांचे खाते ऑनलाईन करणार. पुढील पाच वर्षात एकही नागरिक शासकीय योजनांपासून वंचित राहणार नाही, असेही महसूल मंत्री बावनकुळे यांनी सांगितले. Government land patta distribution Chandrapur

    शासकीय पट्टे वाटप हा क्रांतीकारक निर्णय : आमदार किर्तीकुमार भांगडिया

    अनेक वर्षांपासून प्रलंबित असलेला पट्टे वाटपाचा महत्त्वाचा आणि क्रांतीकारक निर्णय राज्याचे मुख्यमंत्री देवेंद्र फडणवीस आणि महसूल मंत्री चंद्रशेखर बावनकुळे यांनी घेतला आहे. त्यानुसार ब्रह्मपुरी -चिमूर क्षेत्रात हा पहिलाच कार्यक्रम होत आहे, असे आमदार किर्तीकुमार भांगडिया यांनी सांगितले. अतिवृष्टीमुळे धान आणि शेतमालाचे मोठे नुकसान झाले आहे. त्वरित पंचनामे करून शेतकऱ्यांना दिलासा देणारे हे सरकार आहे. मुख्यमंत्र्यांनी 20 हजार रुपये प्रति हेक्टर धान उत्पादक शेतकऱ्यांना बोनस दिला आहे. कृषी पंपाचे वीज बिल सरकारने माफ केले आहे. शेतकऱ्यांच्या पाठीशी सरकार भक्कमपणे उभे असून 32 हजार कोटींचे पॅकेज राज्य शासनाने जाहीर केल्याचेही आमदार भांगडिया म्हणाले. Government land patta distribution Chandrapur

    लाभार्थ्यांना पट्टेवाटप व विविध योजनांचा लाभ

    यावेळी मान्यवरांच्या हस्ते लाभार्थ्यांना पट्टेवाटप तसेच विविध योजनांचे प्रमाणपत्र वाटप करण्यात आले. यात श्रीकृष्ण दोनोडकर, छाया नाकोडे, नानाजी ठाकरे, बाबुराव ठोंबरे, हेमराज गगने, रवींद्र उराडे, विकास नागतोडे, रघुनाथ झाडे, वसंती झाडे, योगेश्वर थोरे, धनंजय सहारे यांच्यासह प्रधानमंत्री आवास योजना अंतर्गत 211 लाभार्थ्यांना, लक्ष्मी मुक्ती योजनेअंतर्गत 26 लाभार्थ्यांना, स्वामित्व योजनेअंतर्गत सनद वाटप, कृषी यांत्रिकीकरण योजनेअंतर्गत 6 लाभार्थ्यांना ट्रॅक्टरच्या चाव्यांचे वाटप, नगर परिषदेतील 46 लाभार्थ्यांना पट्टे वाटप तर भूमी अभिलेख विभागांतर्गत 41 लाभार्थ्यांना सनद वाटप करण्यात आली. Government land patta distribution Chandrapur

  • demand for Naxal-affected talukas । ते ९ तालुके पुन्हा नक्षलग्रस्त म्हणून घोषित होणार?; सुधीर मुनगंटीवार यांची मागणी

    demand for Naxal-affected talukas

    demand for Naxal-affected talukas : चंद्रपूर १ नोव्हेम्बर (News34) : राज्याचे माजी वने, सांस्कृतिक कार्य व मत्स्यव्यवसाय मंत्री तथा आमदार श्री. सुधीर मुनगंटीवार यांनी मुख्यमंत्री श्री. देवेंद्र फडणवीस यांची वर्षा निवासस्थानी भेट घेऊन, चंद्रपूर जिल्ह्यातून वगळलेले नऊ तालुके पुन्हा नक्षलग्रस्त तालुके म्हणून घोषित करण्याबाबत निवेदन सादर केले.मुख्यमंत्री महोदयांनी या मागणीवर संवेदनशीलतेने प्रतिसाद देत मुख्य सचिवांना तात्काळ कार्यवाहीचे निर्देश दिले आहेत.या निर्णयामुळे चंद्रपूर जिल्ह्यातील शासकीय कर्मचारीवर्गाला मोठा दिलासा मिळणार आहे.

    हे निवेदन राज्य सरकारी कर्मचारी मध्यवर्ती संघटना, जिल्हा शाखा चंद्रपूर चे अध्यक्ष श्री. दीपक जेऊरकर यांनी आ. सुधीर मुनगंटीवार यांना दिले होते. आ. मुनगंटीवार यांनी तात्काळ दखल घेत मुख्यमंत्री देवेंद्रजी फडणवीस यांना निवेदन दिले. Naxal impacted talukas welfare benefits

    Also Read : MI लाइफस्टाइल कम्पनीवर महिलेने केला फसवणुकीचा आरोप

    आ. मुनगंटीवार यांनी निवेदनात म्हटले आहे की, ७ डिसेंबर २००४ च्या शासन निर्णयानुसार चंद्रपूर, गोंदिया, यवतमाळ, गडचिरोली,नांदेड व भंडारा जिल्ह्यांचा नक्षलग्रस्त भागात समावेश होता. त्यानुसार नक्षलग्रस्त भागात काम करणाऱ्या सर्व कर्मचाऱ्यांना एकस्तर व विशेष प्रोत्साहन भत्ता मिळत होता.

    चंद्रपूरसह काही जिल्ह्यांचे तालुके वगळले

    परंतु, २७ जून २०२५ च्या गृह विभागाच्या नव्या निर्णयानुसार चंद्रपूरसह काही जिल्ह्यांचे तालुके वगळण्यात आले आहेत. या निर्णयामुळे कर्मचाऱ्यांना मिळणारा एकस्तरीय व विशेष प्रोत्साहन भत्ता बंद झाला, ज्यामुळे त्यांच्या आर्थिक नियोजनावर गंभीर परिणाम झाला आहे.

    आमदार श्री. मुनगंटीवार यांनी या विषयावर मुख्यमंत्र्यांचे लक्ष वेधत स्पष्टपणे नमूद केले की, चंद्रपूर जिल्ह्यातील वगळलेले तालुके अजूनही नक्षलप्रभावित क्षेत्राच्या सीमेला लागून आहेत व तेथे नक्षली हालचालीची शक्यता कायम आहे. त्यामुळे ते पुन्हा नक्षलग्रस्त यादीत समाविष्ट होणे आवश्यक आहे.

    मुख्यमंत्री देवेंद्र फडणवीस यांनी आ. सुधीर मुनगंटीवार यांच्या निवेदनाची दखल घेतली असून, मुख्य सचिवांना कार्यवाही करण्याचे निर्देश दिले आहेत. या निर्णयामुळे चंद्रपूर जिल्ह्यातील कर्मचारी वर्गाला मोठा दिलासा मिळणार आहे.

  • MI Lifestyle Global company financial fraud । MI Lifestyle ग्लोबल कंपनीवर महिलेने लावले फसवणुकीचे आरोप!

    MI Lifestyle Global company financial fraud

    MI Lifestyle Global company financial fraud : चंद्रपूर १ नोव्हेम्बर (News34) – मागील ८ वर्षापासून एम.आय. लाईफ स्टाईल ग्लोबल कंपनी या खाजगी कंपनीत कंपनीची अभिकर्ता म्हणून काम केल्यानंतर कंपनीच्या व्यवस्थापकांनी शॉपी टाकून देतो म्हणून १४ लाख ५०, हजारांची मागणी केली. पण माझ्याकडे तेवढी रक्कम नसल्याने कंपनीच्या व्यवस्थापकांनी परस्पर नातेवाईकांशी संपर्क करुन साडेचौदा लाखांची रक्कम कर्ज स्वरुपात उभी केली.

    Also Read : मुद्रांक विक्रेत्याने मागितली १४० रुपयांची लाच

    कंपनीवर विश्वास टाकून सदर रक्कम कंपनीत जमा केल्यानंतर कंपनीच्या व्यवस्थापकांनी शॉपी न टाकता कंपनीचे काही प्रॉडक्ट विकण्यास सांगितले. परंतू एकतर मला शॉपी टाकून द्या अन्यथा माझी रक्कम परत करा अशी मागणी केली असता कंपनीच्या व्यवस्थापकांनी धमकी देत शॉपी टाकून देण्यास नकार दिला. व पैसे परत करणार नाही असेही सांगितले. काही दिवसांनी त्यांनी सदर रकमतील ५ लाख रुपये परत केले असून उर्वरित ९ लाख ५० हजार रुपये देण्यास टाळाटाळ करीत आहे. त्यामुळे कंपनीने माझे ९ लाख ५० हजाराची रक्कम परत करावे अशी मागणी भद्रावती येथील शुभांगी राहूल धकाते यांनी पत्रपरिषदेत केली. Shubhangi Dhakate financial fraud complaint

    प्रॉडक्टच्या विक्रीसाठी शॉपी लावण्याची ऑफर


    एम.आय. लाईफ स्टाईल ग्लोबल कंपनी मागील अनेक वर्षापासून आरोग्य व खते निर्माण करणारी खाजगी कंपनी असून या कंपनीमध्ये २०१७ मध्ये भद्रावती येथील शुभांगी धकाते जुळल्या आहेत. सुरवातीच्या काळात त्यांनी कंपनीच्या प्रॉडक्टचे मार्वेâटिंग करुन आपल्या मेहनतीने चांगला व्यवसाय केला. त्यामुळे नागपूर येथील कंपनीच्या व्यवस्थापकाने शुभांगी धकाते यांनी प्रॉडक्टच्या विक्रीसाठी शॉपी लावून देण्याची ऑफर दिली. त्यासाठी १४ लाख ५० हजार रुपये कंपनीकडे जमा करावे लागेल असेही सांगितले. परंतू शुभांगी धकाते यांच्याकडे तेवढी रक्कम नसल्याने त्यांनी असमर्थता दर्शविली. परंतू या दोघांनीही शुभांगीच्या भाऊ व बहिणीला समजावून त्यांच्याकडून कर्जाऊ रुपाने सदर रकमेची व्यवस्था करुन दिली. Financial fraud allegations against MI Lifestyle

    शुभांगीने सदर रक्कम कंपनीत जमा केली. तसेच यासाठी शुभांगी तीचे पती व घरच्यांचा बँकेचा तपशिल याचे कागदपत्र जमा करण्यास सांगितले. शुभांगीने ते सर्व जमा केल्यानंतर कंपनीच्या व्यवस्थापकांनी शुभांगीच्या कुटूंबासोबतच काही अनोळख्या व्यक्तींचीही नावे समाविष्ट केली. तसेच पुर्ण रक्कम जमा केल्यानंतरही १४ लाख ५० हजारांचा माल देण्याऐवजी केवळ ८ लाखांचे प्रॉडक्ट देऊन शुभांगीची बोळवण केली. याबाबात विचारणा केली असता कंपनीत मालाचा तुटवडा असल्याचे कारण समोर केले. परंतू त्यानंतरही ६ लाख ५० हजारांचा माल देण्यास टाळाटाळ केली. तसेच विकलेल्या मालाचे कमिशन शुभांगीच्या आयडीवर जमा होण्याऐवजी व्यवस्थापकांच्या यांच्या आयडीवर जमा होत होते. याबाबत शुभांगी व त्यांच्या पतीने याबाबत विचारणा केली असता तुमचे नाव नविन असल्याने कमिशन जमा होण्यास वेळ लागेल असे थातूरमातूर उत्तर व्यवस्थापकांकडून देण्यात आले. Maharashtra business fraud cases


    परंतू शेवटपर्यन्त अर्जदाराचे आय.डी वर कमीशनची योग्य रक्कम जमा झाली नाही. त्यांनतर शुभांगी व त्याच्या पतीच्या वारंवारच्या मागणीनंतर काही माल व्यवस्थापकाने पाठविला परतू सदर मालाची होलसेल विक्री केल्यानंतर सुध्दा योग्य कमीशन तर नाहीच परंतू महिण्याशेवटी ठरलेले २ टक्के कमीशन सुध्दा शुभांगी यांना देण्यात आले नाही. MI Lifestyle Global company financial fraud


    यासंदर्भात शुभांगी व तिच्या पतीने कंपनीला माल पूरविण्याची विंनती केली असता संपलेला माल पूरविण्यास सुध्दा व्यवस्थापक मंडळाने नकार दिला ज्यामूळे अर्जदाराचे व्यापरी प्रतिष्ठानात असलेला उर्वरीत माल हा विकल्यागेला नाही. ज्यामूळे कंपनीने शुभांगीची आर्थीक फसवणुक केल्याचे स्पष्ट झाले. त्यानंतर कंपनीच्या व्यवस्थापकांनी शुभांगीच्या पतीला नागपूरला बोलविले असता त्याला ५ लाखांचा धनादेश देऊन यानंतर पैसे मागायचे नाही अशी धमकी देऊन परत पाठविले. ते ५ लाख रुपये परत मिळाले असून कंपनीने उर्वरित ९ लाख ५० हजार रुपये परत करावे अशी मागणी शुभांगी धकाते यांनी पत्रपरिषदेच्या माध्यमातून कंपनीकडे केली आहे.

  • Wadha Yatra Chandrapur । वढा यात्रेतील व्यवस्था, सुरक्षेसाठी आमदार जोरगेवार यांची बैठक!

    Wadha Yatra Chandrapur

    Wadha Yatra Chandrapur : चंद्रपूर ३१ ऑक्टोबर (News३४ वृत्तसेवा) – दरवर्षीप्रमाणे यंदाही कार्तिक पौर्णिमेच्या निमित्ताने ५ नोव्हेंबर रोजी विदर्भातील पंढरपूर समजल्या जाणाऱ्या वढा येथे भव्य यात्रेचे आयोजन करण्यात आले आहे. यात्रेच्या पार्श्वभूमीवर आज शुक्रवारी आमदार किशोर जोरगेवार यांनी जिल्हाधिकारी कार्यालयात नियोजन आढावा बैठक घेऊन यात्रेच्या नियोजनासंदर्भात महत्त्वपूर्ण सूचना केल्या आहेत.

    Also Read : राष्ट्रीय एकतेसाठी चंद्रपुरात वॉक फॉर युनिटी

    यावेळी प्रभारी जिल्हाधिकारी नितीन व्यवहारे, तहसीलदार विजय पवार, ग्रामपंचायतीच्या उपमुख्य कार्यकारी अधिकारी मिना सांळुखे, महावितरणचे उपकार्यकारी अभियंता अनिल पेंदोर, अतिरिक्त कार्यकारी अभियंता मनिष कुमार, घुग्घूस नगरपरिषदेचे मुख्याधिकारी निलेश रांजनकर, लॉंयल मेंटल कंपनीचे क्षेत्रीय महाप्रबंधक तरुण केशवानी, राज्य परिवहन मंडळाचे एटीएस गोमासे, एटीआय नागापूरे, विस्तार अधिकारी मीनाश्री बन्सोडे, ग्रामपंचायत अधिकारी रंजना मुडे, बांधकाम विभागाचे सहाय्यक अभियंता सुनील राठोड, धारीवालचे दिनेश गेलेवार, सतीश काकडे, यांच्यासह भारतीय जनता पक्षाचे नेते नामदेव डाहुले, प्रकाश देवतळे, वढा सरपंच किशोर वराडकर, माजी सरपंच सुनील निखाडे, महेंद्र वडसकर, छोटा नागपूर उपसरपंच ऋषभ दुपारे, राकेश पिंपळकर आदींची उपस्थिती होती. Kartik Purnima festival arrangements Vidarbha

    बैठकीत बोलताना आमदार किशोर जोरगेवार म्हणाले की, वढा ही भाविकांची आस्था असलेली पवित्र भूमी आहे. कार्तिक पौर्णिमेला येथे लाखो भाविक येतात. त्यामुळे प्रशासनातील प्रत्येक विभागाने एकत्रितपणे काम करून यात्रा सुयोग्य व शांततेत पार पडेल, असा प्रयत्न करावा.

    ते पुढे म्हणाले,  यात्रेकरूंच्या सोयीसाठी दहा छोट्या बसेसची व्यवस्था करण्यात यावी. मुख्य मार्गासह वढा येथे जाणाऱ्या सर्व पर्यायी मार्गांची डागडुजी करून त्यांना योग्य बनविण्यात यावे. वाहतूक व्यवस्थेसाठी अतिरिक्त पोलिस बंदोबस्त लावावा आणि सूचना देण्यासाठी ध्वनिक्षेपक यंत्रणा उभारण्यात यावी. परिसरात सीसीटीव्ही कॅमेरे लावावेत, मदत केंद्र सुरू करावे, भक्तांसाठी मुबलक पिण्याच्या पाण्याची व्यवस्था असावी, तसेच पावसाची शक्यता लक्षात घेता पर्यायी व्यवस्था तयार ठेवावी. Wadha pilgrimage traffic management plan

    आपत्कालीन नियंत्रण कक्ष सुरू करण्याच्या सूचनाही

    त्यांनी पुढे सांगितले की, नदी घाट परिसरात बॅरिकेटिंग करण्यात यावे, स्वच्छतेसाठी विशेष पथके ठेवावीत, आरोग्य शिबिर लावावे, पार्किंगसाठी स्वतंत्र जागा राखीव ठेवावी, महिलांसाठी तात्पुरत्या स्वरूपाचे स्वतंत्र स्नानगृह तयार करण्यात यावे. प्रत्येक एस.टी. आगारातून यात्रेसाठी विशेष बसेस सोडण्यात याव्यात. विद्युत पुरवठा अखंड ठेवण्यासंबंधी, मोबाईल टॉयलेट्स उभारण्याबाबत, तसेच सुरक्षेच्या दृष्टीने आपत्कालीन नियंत्रण कक्ष सुरू करण्याच्या सूचनाही दिल्या.

    शेवटी आमदार जोरगेवार म्हणाले, यात्रा ही श्रद्धेचा उत्सव आहे. श्रद्धेसोबत सुव्यवस्था राखणे हे आपले सामूहिक कर्तव्य आहे. प्रत्येक अधिकारी आणि स्वयंसेवकाने जबाबदारीने आपले कार्य पार पाडल्यास वढा यात्रा यंदाही आदर्श ठरेल असे ते म्हणाले. बैठकीला मंदिर कमेटीचे विश्वस्त, यांच्या सह संबधित सर्व विभागाच्या अधिकाऱ्यांची उपस्थिती होती. 

  • Baburao Shedmake sports complex funding । दाताळा येथील क्रीडा संकुल उभारणीसाठी आ. सुधीर मुनगंटीवार यांचा पुढाकार

    Baburao Shedmake sports complex funding

    Baburao Shedmake sports complex funding : चंद्रपूर ३१ ऑक्टोबर (News३४ वृत्तसेवा) – राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांच्या पुढाकारामुळे चंद्रपूर जिल्ह्यातील मौजा दाताळा येथे उभारण्यात येणाऱ्या “स्वातंत्र्यवीर स्वर्गीय वीर बाबुराव शेडमाके क्रीडा संकुल” या अत्याधुनिक क्रीडा प्रकल्पास गती मिळाली आहे. आ. सुधीर मुनगंटीवार यांनी मुख्यमंत्री श्री. देवेंद्रजी फडणवीस यांची मुंबई येथे वर्षा निवासस्थानी भेट घेऊन या प्रकल्पासंदर्भात निवेदन सादर केले. मुख्यमंत्र्यांनी या निवेदनावर सकारात्मक भूमिका घेत प्रधान सचिव क्रीडा यांना तात्काळ कार्यवाहीचे आदेश दिले आहेत.

    Also Read : खासदार धानोरकरांचा अवजड वाहतुकीवरून प्रशासनाला इशारा

    नवीन चंद्रपूर विकास योजनेतील आरक्षण क्रमांक 152 अंतर्गत स्टेडियम कॉम्प्लेक्स म्हणून राखीव असलेली 16 एकर जागा या प्रकल्पासाठी निश्चित करण्यात आली आहे. या जागेवर सार्वजनिक बांधकाम विभाग (क्रमांक 2, चंद्रपूर) यांच्या मार्फत ₹137 कोटींचे सविस्तर अंदाजपत्रक तयार करण्यात आले आहे. या क्रीडा संकुलात आंतरराष्ट्रीय दर्जाच्या क्रीडा सुविधा, प्रशिक्षण केंद्रे, इनडोअर आणि आउटडोअर स्टेडियम तसेच आधुनिक क्रीडांगणे उभारली जाणार आहेत. Mission Olympic 2036 Chandrapur athletes development

    ८५ कोटींचा निधी द्यावा

    वीर बाबुराव शेडमाके सभागृह प्रकल्पासाठी यापूर्वी राज्य शासनाकडून ₹25 कोटींचा निधी मंजूर झाला आहे. महाकाली मंदिर विकासासाठी ₹60 कोटी निधी सार्वजनिक बांधकाम विभागाकडे उपलब्ध आहे. या दोन्ही प्रकल्पांबाबत पुरातत्व विभागाने काही तांत्रिक बाबी उपस्थित केल्यामुळे, एकूण ₹85 कोटींचा निधी दाताळा येथील क्रीडा संकुलासाठी वापरण्याची परवानगी देण्याची मागणी आ. सुधीर मुनगंटीवार यांनी केली आहे.

    उर्वरित ₹52 कोटींचा निधी राज्य सरकारने उपलब्ध करून द्यावा. या प्रकल्पाच्या उभारणीमुळे चंद्रपूर व पूर्व विदर्भातील क्रीडा क्षेत्रातील पायाभूत सुविधांना नवे बळ मिळणार आहे. “मिशन शौर्य एव्हरेस्ट” अंतर्गत चंद्रपूर जिल्ह्यातील अनेक आदिवासी युवकांना आंतरराष्ट्रीय दर्जाचे प्रशिक्षण मिळाले आहे. या मोहिमेतील पाच आदिवासी युवकांनी एव्हरेस्ट शिखर सर केले होते, ज्यांचा पंतप्रधान देशगौरव नरेंद्रजी मोदी यांनी स्वातंत्र्यदिनाच्या भाषणात विशेष उल्लेख करून गौरव केला होता. या प्रकल्पामुळे “मिशन ओलंपिक 2036” साठी चंद्रपूर जिल्ह्यातील नव्या पिढीतील खेळाडू घडतील आणि ते आपली क्रीडा कामगिरीद्वारे चंद्रपूर जिल्ह्याचे नाव जागतिक पातळीवर पोहोचवतील, असा ठाम विश्वास व्यक्त करण्यात आला आहे. Chandrapur sports infrastructure government project

    आ.सुधीर मुनगंटीवार यांच्या पुढाकारामुळे मुख्यमंत्री श्री. देवेंद्रजी फडणवीस यांनी या प्रस्तावावर सकारात्मक भूमिका घेत प्रशासकीय मान्यतेसाठी तत्काळ प्रधान सचिव क्रीडा यांना कार्यवाही करण्याचे आदेश दिले असून, चंद्रपूर जिल्ह्याच्या विकासाच्या दिशेने हा टप्पा ऐतिहासिक ठरणार आहे.

  • Chandrapur heavy vehicle traffic control plan । चंद्रपूर शहरात जडवाहतूक बंदीची शक्यता; प्रतिभा धानोरकर यांचा प्रशासनाला अल्टिमेटम

    Chandrapur heavy vehicle traffic control plan

    Chandrapur heavy vehicle traffic control plan : चंद्रपूर 31 ऑक्टोबर (news34 वृत्तसेवा) : चंद्रपूर शहरातील अनियंत्रित जडवाहतूक आणि त्यामुळे निर्माण झालेल्या गंभीर समस्यांबाबत प्रशासनाला आठ दिवसांचे अल्टिमेटम दिले आहे. खासदार प्रतिभा धानोरकर यांनी जिल्हाधिकारी कार्यालयातील विसकलमी सभागृहात झालेल्या बैठकीत चंद्रपूर शहरातून होणारी अवजड (जड) वाहतूक दिवसा (सकाळी १०.०० ते रात्री १०.०० वाजेपर्यंत) त्वरित बंद करण्याची आणि रस्ते दुरवस्था, नवीन बायपास तयार करण्यासाठी तात्काळ प्रस्ताव शासनाकडे पाठवा तसेच वाहतूक सुरक्षेशी संबंधित सर्व समस्यांवर आठ दिवसांच्या आत उपाययोजना करून त्याचा अहवाल सादर करण्याची मागणी केली आहे.

    Also Read : ४ नोव्हेम्बरला महिला आयोग अध्यक्ष रुपाली चाकणकर चंद्रपुरात

    निवासी जिल्हाधिकारी कुंभार, महानगर पालिका आयुक्त गायकवाड, तहसीलदार पवार, सहाय्यक उपप्रादेशिक परिवहन अधिकारी पायघन, कार्यकारी अभियंता अक्षय पगारे, राष्ट्रीय महामार्ग कार्यकारी अभियंता बोबडे, शहर अभियंता रवींद्र हजारे, वाहतूक पोलीस निरीक्षक पाटील, शहर काँग्रेस जिल्हाध्यक्ष रामू तिवारी, काँग्रेस जेष्ठ नेते विनोद दत्तात्रय, महिला काँग्रेस जिल्हाध्यक्ष ऍड. कुंदाताई जेणेकर, काँग्रेस जिल्हा उपाध्यक्ष एहतेशाम अली, काँग्रेस अल्पसंख्याक जिल्हाध्यक्ष सोहेल रजा, इंटक नेते प्रशांत भारती, माजी नगरसेवक गोपाल अमृतकर, राहुल तायडे यांची उपस्थिती होती.  Chandrapur bypass road proposal for heavy vehicles

    अनियंत्रित जड वाहतूक मोठी समस्या

    खासदार प्रतिभा धानोरकर यांनी पत्रात स्पष्ट केले आहे की, चंद्रपूर शहरातून होणारी अनियंत्रित जड वाहतूक ही आजघडीला सर्वात मोठी समस्या बनली आहे. या जड वाहतुकीमुळे रस्त्यांची दुरवस्था (विशेषतः चंद्रपूर-घुग्घुस, चंद्रपूर-बल्लारपूर व चंद्रपूर-वरोरा या मार्गावर), पर्यावरणाचे प्रदूषण आणि अपघातांची वाढलेली शक्यता यामुळे नागरिकांचे जीवन धोक्यात आले आहे. चंद्रपूर शहरात सकाळी १० ते रात्री १० या वेळेतही जड वाहने धावत असतात, जे अपेक्षित नियमांचे उल्लंघन आहे. आरटीओ आणि वाहतूक शाखेच्या दुर्लक्षामुळे ओव्हरलोड वाहनांवर प्रभावी कारवाई होत नाहीये, तसेच ट्रॅव्हल्स धारक आणि ताडाळी परिसरातील रस्त्यावर उभी असलेली जड वाहने मोठ्या प्रमाणावर अतिक्रमण करत आहेत. Traffic law enforcement in Chandrapur city

    या सर्व गंभीर बाबी लक्षात घेऊन, खासदार प्रतिभा धानोरकर यांनी जिल्हाधिकाऱ्यांकडे तात्काळ खालील मागण्या पूर्ण करण्याची सूचना केल्या आहे. यामध्ये शहरातील मुख्य मार्गावर मोठ्या प्रमाणात ट्रॅव्हल्स उभे राहतात. त्यावर गुन्हे दाखल करून कारवाई करावी, शहरातील महानगर पालिका क्षेत्रातील ट्रक टर्मिनस जागेवर बोर्ड लावण्याच्या सूचना दिल्या आहे, चंद्रपूर-मुल मार्गावर शाळा-महाविद्यालयांजवळ तातडीने स्पीड ब्रेकर बसवावेत. खासगी बस थांबा शहराबाहेर हलवण्याबाबत तात्काळ उपाययोजना करावी. ओव्हरलोडिंग आणि रस्ता अतिक्रमणावर त्वरित कठोर कारवाई करावी. तसेच, जिल्ह्यातील मुख्य मार्गावर प्रवाशांसाठी प्रसाधनगृहे  उभारण्याची योजना कार्यान्वित करावी.

  • Padvidhar Voter Registration । मतदार नोंदणी लोकशाही बळकट करण्याचे साधन – आ. किशोर जोरगेवार

    Padvidhar Voter Registration

    Padvidhar Voter Registration : चंद्रपूर ३० ऑक्टोबर (News३४ वृत्तसेवा) – पदविधर मतदारसंघाच्या आगामी निवडणुकीच्या पार्श्वभूमीवर मतदार नोंदणीचे महत्त्व लक्षात घेता आज गुरुवार आमदार किशोर जोरगेवार यांच्या राजमाता निवासस्थानी विशेष आढावा बैठकीचे आयोजन करण्यात आले.
    या बैठकीत मतदार नोंदणी अभियानाची सविस्तर माहिती, प्रगती आणि उर्वरित कामांवर चर्चा करण्यात आली. पदविधर नोंदणी अभियान अधिक प्रभावीपणे राबविण्यासाठी शहर ते बुथ पातळीवर नियोजन करण्याच्या सूचना यावेळी आमदार किशोर जोरगेवार यांनी दिल्या.

    Also Read : ८५ कोटी रुपयांच्या रस्त्याचे पालकमंत्री वुईके यांच्या हस्ते भूमिपूजन

    या बैठकीला भारतीय जनता पक्षाचे महानगर अध्यक्ष सुभाष कासनगोट्टूवार, विधानसभा अध्यक्ष दशरथसिंह ठाकुर, शहर महिला आघाडी अध्यक्षा छबु वैरागडे, भाजप नेते प्रकाश देवतळे, युवा मोर्चा अध्यक्ष मयुर हेपट, महामंत्री मनोज पाल, श्याम कनकम, रवि गुरुनुले यांच्यासह भारतीय जनता पक्षाचे सर्व मंडळ अध्यक्ष आणि विविध आघाडी अध्यक्ष उपस्थित होते.

    पदविधर मतदारसंघ हा सुशिक्षित समाजाचा आवाज

    बैठकीत बोलताना आमदार किशोर जोरगेवार म्हणाले की, पदविधर मतदारसंघ हा सुशिक्षित समाजाचा आवाज आहे. त्यामुळे प्रत्येक पदवीधर नागरिकाने आपली नोंदणी करणे अत्यंत आवश्यक आहे.
    मतदार नोंदणी हा केवळ अधिकार नसून लोकशाही बळकट करण्याचे प्रभावी साधन आहे, असेही त्यांनी नमूद केले.

    त्यांनी कार्यकर्त्यांना आवाहन केले की,  प्रत्येक पात्र नागरिकापर्यंत जाऊन त्यांची नोंदणी सुनिश्चित करा. हा केवळ राजकीय कार्यक्रम नसून लोकशाहीच्या जडणघडणीचा भाग आहे. आमदार जोरगेवार पुढे म्हणाले की, मतदारसंघातील तरुण पदवीधर, शिक्षक, कर्मचारी आणि विविध क्षेत्रातील व्यावसायिक यांच्यापर्यंत पोहोचून जागरूकता वाढविणे हे आपले प्राथमिक उद्दिष्ट असले पाहिजेनोंदणी प्रक्रिया ऑनलाइन आणि ऑफलाइन दोन्ही माध्यमांतून सुलभ करण्यात आली आहे. नागरिकांना योग्य माहिती देऊन त्यांचा सहभाग वाढविण्यासाठी प्रत्येक कार्यकर्त्याने जबाबदारीने काम करावे, असे आवाहन आमदार जोरगेवार यांनी केले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by