My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Chandrapur tiger safari project approval । विदर्भातील वाघांचे पुनर्वसन आणि टायगर सफारी प्रकल्पाला हिरवा कंदील

    Chandrapur tiger safari project approval

    Chandrapur tiger safari project approval : चंद्रपूर ६ नोव्हेम्बर (News३४) – चंद्रपूरच्या मूल रोडवरील वन अकादमी जवळील १७१ हेक्टर क्षेत्रात प्रस्तावित असलेल्या टायगर सफारी प्रकल्पाला लवकरच केंद्रीय प्राणी संग्रहालय प्राधिकरणाची मंजुरी मिळणार असल्याची माहिती आमदार किशोर जोरगेवार यांनी दिली आहे. गुरुवारी दिल्ली येथे झालेल्या केंद्रीय प्राणी संग्रहालय प्राधिकरणाच्या सदस्य सचिवांसोबतच्या बैठकीत या प्रकल्पाबाबत सकारात्मक चर्चा झाली असून, लवकरच प्राधिकरणाची अधिकृत बैठक घेऊन मंजुरी देण्यात येईल, असे निश्चित झाले आहे. यामुळे चंद्रपूर टायगर सफारीच्या कामांना गती मिळणार आहे.

    Also Read : चंद्रपुरात देहविक्री करणाऱ्या महिलेला मागितली १ लाखांची खंडणी; ४ तोतया पत्रकारांना अटक

    दिल्ली येथील केंद्रीय प्राणी संग्रहालय प्राधिकरणाच्या कार्यालयात झालेल्या या बैठकीला भारत सरकारचे सदस्य सचिव डॉ. व्ही. क्लेमेंट बेन, महाराष्ट्र राज्य वन्यजीव प्रधान मुख्य वनसंरक्षक श्रीनिवास रेड्डी, तसेच एफडीसीएम गोरवाडा प्राणी संग्रहालय लिमिटेड नागपूरचे सीईओ चंद्रशेखर बाला उपस्थित होते. Chandrapur tiger safari project approval

    आमदार किशोर जोरगेवार यांनी या प्रकल्पासाठी सातत्याने पाठपुरावा केला आहे. याआधी त्यांनी राज्याचे वनमंत्री गणेश नाईक यांच्या अध्यक्षतेखाली झालेल्या बैठकीत हा विषय मांडला होता. वनमंत्री नाईक यांनीही प्रकल्पाला सकारात्मक प्रतिसाद देत निधी वितरण प्रक्रिया गतीमान करण्याचे निर्देश संबंधित अधिकाऱ्यांना दिले होते. त्यानंतर आमदार जोरगेवार यांनी नागपूर येथील गोरेवाडा प्राणी संग्रहालयाची पाहणी करून प्रकल्पाच्या आराखड्याची माहिती घेतली होती.

    चंद्रपूरच्या वन अकादमीच्या जवळ उभारण्यात येणाऱ्या या प्रकल्पासाठी सुमारे ६०० कोटी रुपयांचा खर्च अपेक्षित आहे. एफडीसीएम गोरवाडा झू लिमिटेड या संस्थेकडे प्रकल्पाचा सविस्तर आराखडा तयार करण्याची जबाबदारी सोपविण्यात आली आहे.
                या प्रकल्पात ऑस्ट्रेलियन, साउथ अमेरिकन, साउथ आफ्रिकन आणि इंडियन ट्रेल अशा विविध थीमवर आधारित प्राणीदर्शन झोन असतील. पर्यटकांना येथे कांगारू, जग्वार, माकडे, कॅपीबारा, विविध रंगीबेरंगी पक्षी तसेच देशी आणि विदेशी प्राणी पाहता येणार आहेत.
    याशिवाय ४४ हेक्टर क्षेत्रात वाहन सफारी, २० एकर क्षेत्रात चिल्ड्रन पार्क आणि पर्यटकांसाठी विविध सुविधा निर्माण करण्यात येणार आहेत. environmental tourism development Chandrapur

    दिल्ली येथे केंद्रीय प्राणी संग्रहालय प्राधिकरणासोबत झालेल्या बैठकीत आमदार किशोर जोरगेवार यांनी सांगितले की, या प्रकल्पामुळे चंद्रपूर जिल्ह्याच्या पर्यटन क्षेत्रात मोठी झेप मिळेल. स्थानिक तरुणांना रोजगाराच्या संधी निर्माण होतील. ताडोबा सफारीसाठी येणाऱ्या लाखो पर्यटकांना टायगर सफारीत वाघाचे हमखास दर्शन घडेल, तसेच विदेशी प्राणी पाहण्याचा नवा अनुभव मिळेल. यामुळे चंद्रपूरची पर्यटन ओळख आंतरराष्ट्रीय पातळीवर निर्माण होईल आणि जिल्ह्याच्या अर्थव्यवस्थेलाही चालना मिळेल.

    केंद्रीय प्राणी संग्रहालय प्राधिकरणाच्या अधिकाऱ्यांनी बैठकीदरम्यान लवकरच अधिकृत बैठक घेऊन प्रकल्पाला मंजुरी देण्यात येईल असे सांगितले आहे.
    या निर्णयामुळे चंद्रपूर जिल्ह्यातील टायगर सफारी प्रकल्पाला नवसंजीवनी मिळणार असून, जिल्हा धार्मिक, सांस्कृतिक आणि पर्यावरणीय पर्यटनाचे नवे केंद्र म्हणून विकसित होणार आहे.

    विदर्भातील 10 वाघांचे होणार कोल्हापूर येथे पुनर्वसन – आ. किशोर जोरगेवार

    चंद्रपूर जिल्ह्यासह संपूर्ण विदर्भात गेल्या काही वर्षांपासून मानव–वन्यजीव संघर्षाची समस्या वाढत चालली आहे. वनक्षेत्रातील वाघांची वाढती संख्या, घटणारे अधिवास क्षेत्र आणि मानव वस्त्यांच्या सीमारेषा ओलांडणारे वाघ यामुळे अनेक ठिकाणी दुर्दैवी घटना घडत आहेत. या पार्श्वभूमीवर विदर्भातील काही वाघांचे पुनर्वसन करण्याबाबत दिल्ली येथे केंद्रीय प्राणी संग्रहालय प्राधिकरणाच्या अधिकाऱ्यांसोबत झालेल्या बैठकीत आमदार किशोर जोरगेवार यांनी महत्त्वपूर्ण चर्चा केली. tiger relocation Vidarbha to Kolhapur

    आमदार जोरगेवार यांनी या बैठकीत विदर्भातील वाघांची संख्या आणि वाढता मानव–वन्यजीव संघर्ष याबाबत सविस्तर माहिती सादर केली. त्यानंतर सुमारे १० वाघांचे कोल्हापूर येथील सह्याद्री व्याघ्र प्रकल्पात पुनर्वसन करण्यासंदर्भात सकारात्मक चर्चा झाली आहे. केंद्रीय प्राणी संग्रहालय प्राधिकरणाचे सदस्य सचिव डॉ. व्ही. क्लेमेंट बेन यांनी या प्रस्तावाबाबत सकारात्मक भूमिका दर्शविली असून लवकरच त्यास मान्यता देण्यात येणार असल्याचे सांगितले.

    आमदार किशोर जोरगेवार म्हणाले, चंद्रपूरसह विदर्भात वाघांची संख्या झपाट्याने वाढली आहे. त्यातून मानव–वन्यजीव संघर्ष तीव्र झाला असून अनेक जीवितहानी घडत आहेत. या पार्श्वभूमीवर काही वाघांचे नियोजनपूर्वक पुनर्वसन आवश्यक आहे. कोल्हापूर सह्याद्री प्राणी संग्रहालयात १० वाघांचे स्थलांतर केल्यास केवळ संघर्ष कमी होणार नाही, तर या वाघांना योग्य पर्यावरणही मिळेल असे म्हटले आहे. 

  • Chandrapur MNS new members entry । चंद्रपुरात मनसेची वाढती लोकप्रियता; असंख्य नागरिकांचा मनसेत प्रवेश

    Chandrapur MNS new members entry

    Chandrapur MNS new members entry : चंद्रपूर ५ नोव्हेम्बर (News३४) | जिल्ह्यातील राजकीय घडामोडींना वेग येत असतानाच, आगामी स्थानिक स्वराज्य संस्था निवडणुकांच्या पार्श्वभूमीवर महाराष्ट्र नवनिर्माण सेनेने मंगळवारी दाखवलेल्या शक्तीप्रदर्शनाने जिल्ह्यातील राजकीय समीकरणे ढवळून काढण्याची चिन्हे दिसू लागली आहेत. मनसेचे अध्यक्ष राज ठाकरे यांच्या कार्यपद्धतीवर विश्वास ठेवून चंद्रपूर शहर व परिसरातील मोठ्या संख्येने नागरिकांनी मनसेत प्रवेश केला. जिल्हा मनसे कामगार सेनेचे अध्यक्ष अमन अंधेवार यांच्या पुढाकारातून झालेल्या या सामूहिक प्रवेश सोहळ्याने मनसेचा जनाधार झपाट्याने वाढत असल्याचे स्पष्ट संकेत मिळाले.

    Also Read : चंद्रपूर मनपातील भ्रष्ट अधिकाऱ्यांची फाईल तयार

    दिनांक ०४ नोव्हेंबर २०२५ रोजी चंद्रपूर येथील मनसे कामगार सेनेच्या जिल्हा कार्यालयात आयोजित या पक्षप्रवेश कार्यक्रमात चंद्रपूर शहरासह नजिकच्या ग्रामीण भागातील विविध समाजघटक, वाड्या-तोड्यांतील कार्यकर्ते, युवक, अंगमेहनतीतून जगणारे कामगार आणि स्थानिक प्रश्नांवर आवाज उठविण्याची तयारी असलेल्या नागरिकांनी मनसेची विचारधारा स्वीकारली. मनसेच्या जिल्हा पातळीवरील नेतृत्वाने या नव्या उर्जेला संघटनात्मक बळ देण्यासाठी रणनीती आखण्यास सुरुवात केली आहे. स्थानिक पातळीवरील रूढ पक्षसंघटनांना दशकानुदशके पर्यायी नेतृत्व न मिळाल्याने अनेक तरुणांमध्ये असंतोष निर्माण झाला असून, राजकीय कामकाजात पारदर्शकता, बोलण्यापेक्षा कृतीला महत्त्व आणि स्थानिक प्रश्नांवरील आक्रमक भुमिकेमुळे मनसेकडे आकर्षण वाढत आहे. Chandrapur political shifts MNS party growth

    मनसेला जिल्ह्यात वाढता प्रतिसाद

    आमदार-नगरसेवक या पारंपरिक राजकारणापेक्षा “घोषणांपेक्षा अंमलबजावणी” या तत्त्वावर उभ्या असलेल्या मनसेला जिल्ह्यात गेल्या काही महिन्यांत कामगार, छोटे दुकानदार, ऑटोचालक, युवक आणि सामाजिक कार्यकर्ते मोठ्या प्रमाणात जोडले जात असल्याचे दिसत आहे. चंद्रपूर शहरातील वाढत्या नागरी समस्या, रोजगार प्रश्न, वाहतूक कोंडी, स्थानिक उद्योगांच्या अडचणी आणि प्रशासनातील विलंब यांविषयी मनसेने सातत्याने आक्रमक भुमिका घेतल्याने नागरिकांत असलेली नाराजी आता पक्ष प्रबळ पर्याय म्हणून स्वीकारत असल्याचे या पक्षप्रवेशातून अधोरेखित झाले. Chandrapur MNS new members entry

    या भव्य प्रवेशामध्ये अमोल बापूजी लोनगाडगे, अरविंद वसता माडवगड, शेट्टीन गंगाराम कुर्मी, राजू लटारी उरकुडे, दत्ता रामाजी उखते, संदीप महादेव तोडासे, दिनेश कमलाकर ठेंगने, अमोल रामचंद्र काळे, सुलतान रजा, नितेश मोहन कपाले, मनिष सुरेश वांढरे, संदीप योगेश्वर मोहारे, नवनाथ कैलाश आत्राम, सचिन विठ्ठल धोटे, विनोद अशोक कोहळे, शैलेश चोखाजी रामटेके, सदीप शिवराम नागापुरे, सागर विजय कवाडे, एकनाथ कुवई सातपुते, दूरकर शंकर रोडे, हरिभाऊ वापराव वैद्य, दर्शन चंदजी दौड, संतोष सिताराम मडावी, पवन रमेश कुडसंगे, शुभम ननांवरे, अमित बाबुराव बडनेरवार, गणेश निलकंठ सोनटक्के, रमेश सरदार रायपुरे, Chandrapur local leadership MNS upcoming elections

    संतोष मारोतराव कुमरे, संजय रमेश कानकाटे, बाळ विठ्ठल सातहारे, लोकेश नामदेव जनहार, शेख शेरुशेख कादर, रमेश महादेव मानकर, रामकृष्ण गोविंदा भोंगर, अनिल भदजी कापूट, विजय गोपाल उपरे, संजय बालाजी जोशी, वाहधेंद्र आबाजी ड्रोनाडकर, पात्लम कवपूजी कोसर, फिरोज खान गुल खान, राकेश रतिंद्रनाथ मंडल, राजू भोंगळे, दिवाकर अरुण वाकडे, प्रेमाानंद कुशल साहू, गुलाब नामदेव पिंपळशेंडे, उत्तम सुभाष क्षीरसागर, रोहील जीवन येलकुलवार, विशाल दिलीप चिसुदे, रविंद्र बापूजी सिडाम, पंढरी कानकाटे, राकेश नागो आत्राम, सतीश भैय्याजी सुरपम, आयुष सुभाष खाडीलकर, तेजराम श्यामराव चंदनखेडे, उनमोल जीवन बगडे, गणेश विदेहले बल्लावार, प्रमोद शंकर सेदोकार, प्रफुल नामदेव नागोसे आणि आकाश दुर्गे यांसह अनेक कार्यकर्त्यांचा समावेश होता. Chandrapur MNS new members entry

    या प्रवेशानंतर मनसे कामगार सेनेच्या जिल्हा नेतृत्वाने नव्या कार्यकर्त्यांना संघटनशिस्त, मनसेची कार्यसंहिता, निवडणूकपूर्व तयारी, बूथरचना आणि जनसंपर्क अभियान याविषयी मार्गदर्शन केले. स्थानिक निवडणुकांच्या दृष्टीने मनसेने चंद्रपूरात “बदलाचा पर्याय” म्हणून आक्रमक पद्धतीने मैदानात उतरण्याची तयारी केल्याचे स्पष्ट झाले आहे.

    मनसेचा हा विस्तार जिल्ह्यातील स्थापित पक्षांसाठी इशारा मानला जात असून, पुढील काही आठवड्यांत राजकीय समीकरणे अधिक तीव्रतेने हलतील, असा अंदाज व्यक्त केला जात आहे.

  • Maharashtra Local Body Elections Date । निवडणुकीची रंगत; चंद्रपूर जिल्ह्यातील १० नगरपरिषद व १ नगरपंचायत

    Maharashtra Local Body Elections Date

    Maharashtra Local Body Elections Date : चंद्रपूर ४ नोव्हेम्बर (News३४) – महाराष्ट्र राज्यातील २४६ नगरपालिका व ४२ नगरपंचायतीच्या निवडणुकीचा बिगुल वाजला असून निवडणूक आयोगाने आज पत्रकार परिषदेत मतदानाच्या तारखा जाहीर केल्या आहे. २ डिसेम्बर ला मतदान तर ३ डिसेम्बर रोजी मतमोजणी करण्यात येणार आहे. ४ नोव्हेम्बरपासून आचारसंहिता लागू करण्यात आली आहे.

    Also Read : महानगरपालिकेमधील भ्रष्ट अधिकाऱ्यांची तक्रार

    निवडणुकीच्या पहिल्या टप्प्यात नगरपंचायत व नगरपालिकेच्या निवडणूका घेण्यात येणार असून पुढच्या टप्प्यात जिल्हा परिषद व महानगरपालिकेच्या निवडणूक होणार आहे. राज्यातील 29 महापालिका, 32 जिल्हा परिषदा, 42 नगर पंचायती, 336 पंचायत समिती, 246 नगरपालिकांची मुदत संपली असून त्यासाठी निवडणुका घेण्यात येणार आहेत.

    चंद्रपूर जिल्ह्यातील १० नगरपरिषद तर १ नगरपंचायतीची होणार निवडणूक

    • बल्लारपूर नगरपरिषद
    • भद्रावती
    • वरोरा
    • ब्रह्मपुरी
    • घुग्गुस
    • राजुरा
    • गडचांदूर
    • चिमूर
    • मूल
    • नागभीड नगरपरिषद
    • भिसी नगरपंचायत

    चंद्रपूर जिल्ह्यात १० नगरपरिषद तर ७ नगरपंचायती आहे, ६ नगरपंचायतीमध्ये वर्ष २०२२ मध्ये निवडणूक झाली आहे. निवडणूक झालेल्यामध्ये सिंदेवाही, सावली, गोंडपिपरी, पोंभुर्णा, कोरपना, जिवती चा समावेश आहे.

    असं आहे निवडणुकीचे वेळापत्रक

    • नामनिर्देशन पत्र – 10 नोव्हेंबर
    • अंतिम मुदत – 17 नोव्हेंबर
    • छाननी – 18 नोव्हेंबर
    • अर्ज माघारी घेण्याची तारीख – 21 नोव्हेंबर
    • निवडणूक चिन्ह वाटप – 26 नोव्हेेबर
    • मतदान – 2 डिसेंबर
    • निकाल – 3 डिसेंबर

  • Congress stance on road divider corruption । विकासाच्या नावाखाली सुरु असलेल्या भ्रष्टाचाराला कांग्रेसचा विरोध – रामू तिवारी

    Congress stance on road divider corruption

    Congress stance on road divider corruption : चंद्रपूर : बागला चौक ते राजीव गांधी इंजिनिअरिंग कॉलेजपर्यंत सुरू असलेल्या रस्ता व दुभाजकाच्या वादग्रस्त कामावर काँग्रेस ने स्पष्ट भूमिका मांडली आहे. “विकास कामांना विरोध नाही, पण विकासाच्या नावाखाली होणाऱ्या भ्रष्टाचाराला विरोध आहे, अशी भूमिका काँग्रेसने प्रसिद्धी पत्रकाच्या माध्यमातून जाहीर केली आहे.

    Also Read : चंद्रपूर मनपातील भ्रष्ट अधिकाऱ्यांची फाईल तयार

    बागला चौक ते राजीव गांधी इंजिनिअरिंग कॉलेजपर्यंत रस्त्याचे बांधकाम व्हावे, यासाठी शहर काँग्रेसच्या वतीने यापूर्वी देखील आंदोलन करण्यात आले होते.  महाकाली प्रभागातील काँग्रेसच्या माजी नगरसेविका कल्पना लहामगे यांनी या दुभाजक कामातील गैरव्यवहारांविरोधात महानगरपालिका आयुक्तांना लेखी तक्रार सादर केली आहे.

    अव्वाच्या सव्वा दराने दुभाजक बांधण्याचे कंत्राट

    रस्त्याऐवजी अव्वाच्या सव्वा दराने दुभाजक बांधण्याचे ठेके देण्यात आले असून, हे सार्वजनिक निधीचा अपव्यय असल्याचे त्यांनी पत्रात नमूद केले आहे. माजी नगरसेविका लहामगे यांनी दिलेले पत्र हीच काँग्रेसची अधिकृत भूमिका असल्याचे शहर जिल्हा काँग्रेस कमिटी जिल्हाध्यक्ष रितेश (रामू) तिवारी यांनी प्रसिद्धी पत्रकाद्वारे स्पष्ट केले. 


    तिवारी यांनी म्हटले की, मर्जीतल्या कंत्राटदाराला लाभ देण्यासाठी मनपाचे सुमारे एक कोटी रुपयांचे नुकसान झाले, तर कंत्राटदाराला तितकाच फायदा झाला. कामाची गुणवत्ता शून्य असून जनतेच्या पैशांची दिवसाढवळ्या लूट सुरू आहे. काँग्रेसने या प्रकरणाची तात्काळ चौकशी करून संबंधित अभियंते, कंत्राटदार व अधिकारी यांच्यावर कठोर कारवाई करावी, अशी मागणी केली आहे.

  • UDID Cards Maharashtra । मिशन मोडवर दिव्यांगांचे ‘UDID’ Card काढा – जिल्हाधिकारी गौडा

    UDID Cards Maharashtra

    UDID Cards Maharashtra : चंद्रपूर,  दि. 04 : जिल्ह्यात नोंदणीकृत  दिव्यांगांची संख्या 8578 असून त्यांच्या सक्षमीकरणासाठी शासन प्रशासन अनेक उपक्रम राबवित आहे. यात दिव्यांगांना ‘युडीआयडी’ कार्ड (स्वावलंबन कार्ड) वितरीत करणे, याचा समावेश आहे. त्यामुळे मिशन मोडवर दिव्यांगांना ‘युडीआयडी’ कार्डचे वाटप करावे, अशा सुचना जिल्हाधिकारी विनय गौडा जी.सी. यांनी दिल्या.

    जिल्हाधिकारी कार्यालयात दिव्यांग सक्षमीकरणबाबत आढावा घेतांना ते बोलत होते. यावेळी मुख्य कार्यकारी अधिकारी पुलकित सिंह, जिल्हा पोलिस अधिक्षक मुम्मका सुदर्शन, जिल्हा सक्षमीकरण अधिकारी धनंजय साळवे, वैद्यकीय अधिकारी डॉ. बंडू रामटेके, दिव्यांग प्रतिनिधी निलेश पाझारे आदी उपस्थित होते.

    Also Read : चंद्रपूर जिल्ह्यातील सुगंधित तंबाखू माफियांवर होणार कारवाई

    ‘मुख्यमंत्री समृध्द पंचायतराज अभियान’ उपक्रमांतर्गत दिव्यांगांचे ‘युडीआयडी’ कार्ड मोठ्या प्रमाणात काढण्याच्या सुचना राज्य शासनाने दिल्या आहेत, असे सांगून जिल्हाधिकारी श्री. गौडा म्हणाले, यासाठी तालुकानिहाय विशेष शिबिरांचे आयोजन करावे. सार्वजनिक बांधकाम विभागाने दिव्यांग पुनर्वसन केंद्राचे काम अतिशय दर्जेदार आणि गतीने करावे. अत्याधुनिक उपकरणांची तेथे उपलब्धता असावी. या केंद्राकरीता मनुष्यबळ आणि इतर साधनसामुग्री बाबत आताच नियोजन करा, अशाही सूचना त्यांनी दिल्या. Disability empowerment UDID card

    नियोजनबध्द कार्यक्रम आखा

    सादरीकरण करतांना दिव्यांग सक्षमीकरण अधिकारी धनंजय साळवे यांनी, जिल्ह्यात आतापर्यंत 2727 दिव्यांग बांधवांचे ‘युडीआयडी’ कार्ड काढण्यात आल्याचे सांगितले. यावेळी इंडियन रेडक्रॉस सोसायटीद्वारा संचालित दिव्यांग पुनर्वसन केंद्राच्या पदभरतीस मान्यता देणे, या केंद्राचे तात्पुरत्या स्वरुपात कामकाज डीईआयसी येथे सुरू करणे, ‘युडीआयडी’ कार्ड मिळण्याच्या दृष्टीने नियोजनबध्द कार्यक्रम आखून त्याची प्रभावी अंमलबजावणी करणे, दिव्यांग व्यक्तिसाठी दृष्टी पोर्टल, चंद्रपूर जिल्ह्यातील सार्वजनिक ठिकाणे, संकेतस्थळे, वाहतूक व इतर अनुषंगिक सोयीसुविधा दिव्यांगांसाठी सुगम्य करणे आदींचा आढावा घेण्यात आला.

  • Kishor Jorgewar demand for Ghugus hospital start । घुग्गुस ग्रामीण रुग्णालय तात्काळ सुरु करा – आमदार जोरगेवार यांची मागणी

    Kishor Jorgewar demand for Ghugus hospital start

    Kishor Jorgewar demand for Ghugus hospital start : चंद्रपूर ४ ऑक्टोबर (News३४) – चंद्रपूर जिल्ह्यातील घुग्घुस येथे उभारण्यात आलेल्या अत्याधुनिक ग्रामीण रुग्णालयाची इमारत पूर्णत्वास आली आहे. मात्र, आवश्यक मनुष्यबळ आणि वैद्यकीय उपकरणांच्या अभावी हे रुग्णालय अद्याप सुरू झालेले नाही. त्यामुळे घुग्गुस शहरासह आसपासच्या २० ते २५ गावांतील सुमारे ७० हजार नागरिकांना उपचारासाठी चंद्रपूरपर्यंत २५ ते ३० किलोमीटरचा प्रवास करावा लागत आहे. या पार्श्वभूमीवर आमदार किशोर जोरगेवार यांनी मुंबईतील मंत्रालयात महाराष्ट्र राज्याचे सार्वजनिक आरोग्य व कुटुंब कल्याण मंत्री ना. प्रकाश आबिटकर यांची भेट घेऊन  घुग्घुस ग्रामीण रुग्णालय तातडीने सुरू करण्याची मागणी केली.

    Also Read : कॅन्सर हॉस्पिटलला स्व. रतन टाटा यांचे नाव द्या – खासदार धानोरकर

    या भेटीत आमदार जोरगेवार यांनी दिलेल्या निवेदनात नमूद केले की, सार्वजनिक निधीतून उभारलेली ही आरोग्य सुविधा नागरिकांच्या सेवेत लवकरात लवकर रुजू होणे अत्यावश्यक आहे. रुग्णालयाची नवीन इमारत सर्व आधुनिक सोयींनी सुसज्ज असून, केवळ मनुष्यबळ आणि वैद्यकीय उपकरणांच्या अभावी ती वापरात येऊ शकलेली नाही. त्यामुळे परिसरातील नागरिकांना होणारा त्रास लक्षात घेऊन रुग्णालय तात्काळ कार्यान्वित करण्यासाठी आवश्यक प्रशासकीय व वित्तीय मंजुरी देण्याची मागणी आमदार जोरगेवार यांनी केली.

    उपकरणांची तात्काळ खरेदी करा

    रुग्णालयात स्त्रीरोग, बालरोग, भूलतज्ज्ञ अशा विशेषज्ञ वैद्यकीय अधिकाऱ्यांसह वैद्यकीय अधिकारी, परिचारिका, प्रयोगशाळा व क्ष-किरण तंत्रज्ञ, फार्मासिस्ट आणि इतर कर्मचाऱ्यांची नियुक्ती करणे अत्यावश्यक असल्याचे त्यांनी स्पष्ट केले. तसेच रुग्णालयासाठी पोर्टेबल सोनोग्राफी मशीन, डिजिटल क्ष-किरण मशीन, ऑपरेशन थिएटर, प्रसूतिगृह, ॲनेस्थेशिया मशीन, व्हेंटिलेटर, ईसीजी मॉनिटर यांसारख्या आधुनिक उपकरणांची तात्काळ खरेदी करावी, असेही त्यांनी सांगितले. Ghugus hospital modern medical equipment

    आ. जोरगेवार यांनी पुढे सांगितले की, या सर्व प्रस्तावांना मंजुरी मिळाल्यास  घुग्घुस  ग्रामीण रुग्णालय लगेच कार्यान्वित होऊन परिसरातील नागरिकांना स्थानिक पातळीवरच दर्जेदार आणि तात्काळ आरोग्य सेवा मिळेल. त्यामुळे नागरिकांना जिल्हा मुख्यालयावर अवलंबून राहावे लागणार नाही आणि ग्रामीण आरोग्यव्यवस्था अधिक सक्षम होईल. ना. प्रकाशजी आबिटकर यांनी या मागणीवर सकारात्मक प्रतिसाद देत आवश्यक ती कार्यवाही करण्यात येईल, असे सांगितले आहे.

  • Ratan Tata Cancer Hospital Chandrapur । चंद्रपूर कॅन्सर हॉस्पिटलला ‘पद्मविभूषण स्व. रतन टाटा’ यांचे नाव द्या!

    Ratan Tata Cancer Hospital Chandrapur

    Ratan Tata Cancer Hospital Chandrapur : चंद्रपूर ४ ऑक्टोबर (News३४) : महाराष्ट्र शासन आणि टाटा ट्रस्ट यांच्या संयुक्त विद्यमाने चंद्रपूर येथे मध्य भारतातील सर्वात मोठे कर्करोग निदान आणि उपचार रुग्णालय उभारले जात आहे. या मानवतावादी आणि महत्त्वपूर्ण प्रकल्पात उद्योगपती आणि थोर दानशूर व्यक्तिमत्त्व पद्मविभूषण स्व. रतन टाटा यांचे अमूल्य योगदान आहे.

    Also Read : चंद्रपूर जिल्ह्यातील सुगंधित तंबाखू माफियांवर होणार कारवाई

    खासदार प्रतिभा धानोरकर यांनी या अत्याधुनिक रुग्णालयाला ‘पद्मविभूषण स्व. रतन टाटा कॅन्सर रुग्णालय’ असे नाव देण्याची मागणी केली आहे. विशेष म्हणजे, त्यांनी या संदर्भात मुख्यमंत्री देवेंद्र फडणवीस यांना पत्र देऊन ही लोकहितकारी मागणी केली आहे आणि राज्य सरकार तसेच टाटा ट्रस्टकडे विशेष आग्रह धरला आहे.

    कॅन्सर हॉस्पिटलमुळे रुग्णांना मिळेल आधार

    स्व. रतन टाटा यांनी चंद्रपूरसारख्या दुर्गम भागात एवढे मोठे आणि अद्ययावत रुग्णालय उभे करण्यासाठी पुढाकार घेतला, ज्यामुळे विदर्भासह मध्य भारतातील लाखो गरजू रुग्णांना मोठा दिलासा मिळणार आहे. खासदार प्रतिभा धानोरकर यांनी पत्रात नमूद केले की, रतन टाटा हे चंद्रपूरच्या माता महाकालीच्या पावन भूमीवर येऊन गेले आहेत, ज्यामुळे चंद्रपूरकरांसाठी हा प्रकल्प अधिक महत्त्वपूर्ण ठरतो. Pratibha Dhanorkar appeal Ratan Tata hospital name

    खासदार धानोरकर म्हणाल्या, “रतन टाटा हे केवळ मोठे उद्योगपती नाहीत, तर ते माणुसकी आणि निस्वार्थ समाजसेवेचे मूर्तिमंत उदाहरण आहेत. त्यांनी चंद्रपूरला दिलेले हे रुग्णालय विदर्भासाठी एक वरदान आहे. त्यांच्या या महान योगदानाचा यथोचित गौरव करण्यासाठी, या रुग्णालयाला त्यांचे नाव देणे ही कृतज्ञता व्यक्त करण्याची योग्य पद्धत ठरेल.”त्यांच्या नावाने हे रुग्णालय ओळखले गेल्यास, ते रतन टाटांच्या समाजसेवेच्या विचारांना कायम प्रेरणा देत राहील आणि इतरांनाही सामाजिक बांधिलकीची जाणीव करून देईल, असे भावनिक आवाहनही खासदार प्रतिभा धानोरकर यांनी केले आहे.

  • illegal tobacco supply chain chandrapur । चंद्रपूर जिल्ह्यात सुरु असलेल्या तंबाखूच्या अवैध व्यापाऱ्यांवर कठोर कारवाईची गरज

    illegal tobacco supply chain chandrapur

    illegal tobacco supply chain chandrapur : चंद्रपूर ३ नोव्हेम्बर (News३४) – चंद्रपूर जिल्ह्यात मागील अनेक वर्षांपासून प्रतिबंधित सुगंधित तंबाखूचा व्यवसाय जोमात सुरु आहे मात्र हे सर्व प्रशासनाच्या समोर होत असताना सुद्धा यावर कारवाई करण्याचं साधं धाडस प्रशासन तर्फे दाखविल्या जात नाही. चंद्रपूर जिल्ह्यात बल्लारपूर व चंद्रपूर शहर मधून मोठ्या प्रमाणात सुगंधित तंबाखूची वाहतूक केल्या जाते. या सर्व अवैध व्यवसायाची चौकशी व्हावी याकरिता उच्चस्तरीय समिती नेमावी यासाठी सामाजिक समता संघर्ष समितीतर्फे जिल्हाधिकारी गौडा यांना निवेदन देण्यात आले.

    Also Read : २२ डिसेम्बर रोजी चंद्रपुरात कॅन्सर हॉस्पिटलचे लोकार्पण

    चंद्रपूर जिल्ह्यात प्रतिबंधित सुगंधित तंबाकू (गुटखा/पान मसाला) चा अवैध व्यवसाय उघडपणे फोफावत असून, यामुळे ओरल कॅन्सरची साथ वेगाने वाढत आहे. हा धंदा FSSAI कायदा २००६, COTPA २००३ आणि महाराष्ट्र गुटखा बंदी २०१२ चा थेट भंग करतो. जिल्हा रुग्णालयाच्या आकडेवारीनुसार, गेल्या २ वर्षांत ओरल कॅन्सर रुग्णांत २५% वाढ झाली असून, यातील ६०% रुग्ण ४० वर्षांखालील आहेत. टीनएजर्स आणि युवक गुटख्याच्या व्यसनात सर्वाधिक अडकले असून, शाळा-कॉलेज परिसर, बसस्टँडवर २० रुपयांत गुटखा सहज उपलब्ध होतो. १५-१९ वयोगटातील मुले ओरल कॅन्सरच्या मार्गावर आहेत. illegal gutkha trade Chandrapur

    खुलेआम चालतो हा धंदा

    हा अवैध धंदा अपराधी तत्त्वांनी चालवला जातो, ज्यात तस्करी, करचोरी आणि माफिया नेटवर्क सामील आहे. पोलीस व औषध प्रशासनाच्या निष्क्रियतेमुळे हा कारोबार गल्ली-चौराह्यावर खुलेआम चालतो. नाममात्र कारवाई फक्त चिल्लर विक्रेत्यांवर होते, तर मुख्य सप्लायर आणि माफिया मोकाट राहतात, ज्यामुळे प्रशासनावर संशय निर्माण होतो. अधिवक्ता प्रीतीशा शाह यांनी जिल्हाधिकारी श्री विनय गौडा (आयएएस) यांना निवेदना द्वारे उच्चस्तरीय चौकशी समिती तात्काळ स्थापन करण्याची मागणी केली आहे.


    समितीचे उद्देश: अवैध व्यवसायाचे मूळ कारण, सप्लाय चेन आणि संरक्षण देणारे घटक शोधणे. मुख्य सप्लायर, डिस्ट्रीब्यूटर, गोदाम मालक आणि तस्करी नेटवर्कचे मास्टरमाइंड यांची ओळख पटवणे. कालबद्ध अहवाल सादर करणे.


    कारवाई केवळ पान ठेले किंवा छोटे विक्रेते यांच्यापुरती मर्यादित नसावी. हा धंदा थांबला नाही तर हजारो कुटुंबे उध्वस्त होतील आणि चंद्रपूरला “कॅन्सर फ्री जिल्हा” बनवण्याची संधी हातची जाईल
    निवेदन देतांना सामाजिक समता संघर्ष समितीचे अध्यक्ष मोहम्मद इरफ़ान शेख अधिवक्ता प्रीतिशा शाह सचिव धीरज तामगड़े व समिति चे सदस्य उपस्थित होते.

  • Durgapur PHC Quality Certification । राष्ट्रीय मानांकन प्राप्त दुर्गापूर प्रा.आ.केंद्राला आमदार मुनगंटीवार यांची भेट

    Durgapur PHC Quality Certification

    Durgapur PHC Quality Certification : चंद्रपूर, दि. 03 : भरघोस गुणांसह राष्ट्रीय मानांकन प्राप्त करणा-या दुर्गापूर प्राथमिक आरोग्य केंद्राला बल्लारपूरचे आमदार सुधीर मुनगंटीवार यांनी भेट देऊन पाहणी केली. संस्थेचा नावलौकिक राष्ट्रीय स्तरावर वाढविल्याबद्दल अधिकारी व कर्मचा-यांचे त्यांनी कौतुक केले. तसेच जिल्यातील इतर आरोग्य संस्थांनी सुद्धा राष्ट्रीय गुणवत्ता आश्वासन समितीचे (एन.क्यू.ए.एस.) मानांकन पात्र होण्यासाठी प्रयत्न करावे, अशी अपेक्षा व्यक्त केली.

    Also Read : धक्कादायक घटना; वरोरा मध्ये ४ मुले वर्धा नदीत बुडाली, दोघे बचावले

    यावेळी जिल्हा आरोग्य अधिकारी डॉ. अशोक कटारे, तालुका वैद्यकीय अधिकारी डॉ. कोमल मुनेश्वर,    प्राथमिक आरोग्य केंद्राचे वैद्यकीय अधिकारी डॉ. अमित जैस्वाल यांच्यासह  केंद्रातील सर्व कर्मचारी उपस्थित होते.

    सर्वोत्कृष्ट मानांकन

    आरोग्य क्षेत्रात गुणवत्तेचे अनन्यसाधारण महत्व असते. या गुणवत्तेचे मूल्यमापन वस्तुनिष्ठ पद्धतीने करण्याकरिता अनेक पद्धती आहेत. त्यापैकी राष्ट्रीय गुणवत्ता आश्वासन समितीचे (एन.क्यू.ए.एस.) मानांकन हे सर्वोत्कृष्ठ मानले जाते. या मानांकन प्राप्त आरोग्यसंस्थेद्वारे रुग्णांना गुणवत्तापूर्ण आरोग्य सेवा देण्यात येतात. आयुष्मान आरोग्य मंदिर, प्राथमिक आरोग्य केंद्र दुर्गापूरला (NQAS) मार्फत केल्या गेलेल्या मुल्याकंनामध्ये मानांकन प्राप्त झालेल आहे. Sudhir Mungantiwar health initiatives Maharashtra

                राष्ट्रीय गुणवत्ता आश्वासन मानक मध्ये आरोग्य संस्थेत एकूण 6 विभाग असतात. यात बाह्यरुग्ण विभाग,  आंतररुग्ण विभाग, प्रसूती विभाग, राष्ट्रीय आरोग्य कार्यक्रम, प्रयोगशाळा विभाग, सामान्य प्रशासन विभाग याचा समावेश आहे. या प्रत्येक विभागामध्ये किमान 70 टक्के गुणांकन प्राप्त करणे अत्यावश्यक असते.  यामध्ये आधी राज्य पातळीवर यशस्वी झाल्यानंतर राष्ट्रीय पातळीवर मुल्यांकन करण्यात येते. मूल्यांकनामध्ये प्रा. आ. केंद्र, दुर्गापूर ला 94.64 टक्के गुणांकन मिळून जिल्ह्यामध्ये एन.क्य.ए.एस. पात्र संस्थेचा प्रथम मान मिळाला. national quality assurance standards healthcare

    सध्यस्थितीत चंद्रपूर जिल्यातील 11 आरोग्य संस्था राज्य पातळीवर  एन.क्यू.ए.एस. साठी पात्र झाल्या असून त्यापैकी 3 संस्थांचे राष्ट्रीय पातळीवर मुल्याकंन पूर्ण झाले आहे. प्रा. आ. केंद्र, गंगालवाडी आरोग्य संस्था अटी व शर्तीच्या अधीन राहून पात्र ठरलेली आहे. तसेच प्रा. आ. केंद्र, नांदा फाटा या संस्थेचे राष्ट्रीय पातळीवर मुल्याकंन पूर्ण झाले असून निकाल लागायचा आहे. उर्वरित ८ आरोग्य संस्था – प्रा. आ. केंद्र राजोली (मुल),  कळमना (बल्लारपूर),  नेरी (चिमूर), वाढोणा (नागभीड), नवेगाव पांडव (नागभीड),  बाळापुर (नागभीड),  मोहाडी नलेश्वर (सिंदेवाही),  माढेळी (वरोरा) यांचे NQAS मूल्यमापन माहे नोव्हेंबर मध्ये होण्याचे नियोजित आहे, असे जिल्हा आरोग्य अधिकारी डॉ. अशोक कटारे यांनी कळविले आहे.

  • Chandrapur cancer hospital inauguration । चंद्रपूरात नवं कॅन्सर हॉस्पिटल; मोहन भागवत यांच्या हस्ते २२ डिसेंबरला लोकार्पण

    Chandrapur cancer hospital inauguration

    Chandrapur cancer hospital inauguration : चंद्रपूर ३ नोव्हेम्बर (News३४) – राज्याच्या अर्थमंत्री पदावर असताना  चंद्रपूर जिल्ह्याच्या विकासाला वेगळा आयाम देणारे आ. सुधीर मुनगंटीवार यांच्या प्रयत्नातुन साकारलेल्या चंद्रपूर कॅन्सर हॉस्पिटलचे लोकार्पण 22 डिसेंबर  2025 रोजी राष्ट्रीय स्वयंसेवक संघांचे सरसंघचालक श्री मोहनजी भागवत यांच्या हस्ते होणार असून मुख्यमंत्री श्री देवेंद्र फडणवीस यांची विशेष उपस्थिती या लोकार्पण सोहळ्याला लाभणार आहे.

    Also Read : अवकाळी पावसाने शेतकरी त्रस्त, ६ एकरवरील सोयाबीन पेटवले

    अर्थमंत्री, वनमंत्री, सांस्कृतिक कार्य मंत्री तसेच चंद्रपूर जिल्ह्याचे पालकमंत्री म्हणून आ. मुनगंटीवार यांनी कार्यशील दृष्टिकोन आणि विकासनिष्ठ सेवाव्रत यांच्या बळावर चंद्रपूर जिल्ह्यात मोठया प्रमाणावर विकासकामे पूर्णत्वास आणली.  “विकास हा धर्म” आणि “समाजहित हे ध्येय” या धोरणातुन त्यांनी जिल्ह्याच्या विकासाचा मार्ग प्रशस्त केला. या वाटचालीत चंद्रपूरच्या जनतेसाठी एक महत्त्वपूर्ण लोककल्याणकारी प्रकल्प प्रत्यक्षात उतरत आहे, तो म्हणजे 280 कोटी रु. किंमतीचे टाटा ट्रस्ट च्या सहकार्याने साकारलेले चंद्रपूर कॅन्सर रुग्णालय. Tata Trust cancer hospital

    वर्ष २०१४ पासून पाठपुरावा

    2014 मध्ये अर्थमंत्री झाल्या पासून आ. मुनगंटीवार यांनी या विषयाचा जोरदार पाठपुरावा केला. दिनांक 17 एप्रिल 2018 रोजी  झालेल्या मंत्रिमंडळ बैठकीत चंद्रपूर येथे अत्याधुनिक कॅन्सर रुग्णालय उभारण्याचा ऐतिहासिक निर्णय झाला. दि. 26 जून 2018 रोजी याबाबत शासन निर्णय निर्गमित झाला.  जिल्हा खनिज विकास प्रतिष्ठान, राज्य शासन आणि टाटा ट्रस्ट यांच्या सहकार्याने 280 कोटी रुपये खर्चातून उभारण्यात आलेले अत्याधुनिक कॅन्सर हॉस्पिटल आज पूर्णत्वास आले आहे. पूर्वविदर्भातील आदिवासी, ग्रामीण आणि सर्वसामान्य घटकांसाठी हे केंद्र खऱ्या अर्थाने नवजीवनाचा आधार आणि आशेचा किरण ठरणार आहे. Sudhir Mungantiwar cancer care initiative

    या कॅन्सर हॉस्पिटलची महत्त्वपूर्ण वैशिष्ट्ये पुढीलप्रमाणे आहेत.तळमजला + ४ मजले, अंदाजे १,००,०००+ चौ.फुट क्षेत्रफळ, १४० बेड क्षमतेचे अत्याधुनिक उपचार केंद्र, कॅन्सर निदान व उपचारासाठी सुसज्ज तंत्रसामग्री :यात सीटी सिम्युलेटर (CT-S), मॅमोग्राफी, 3D/4D अल्ट्रासाऊंड, 3D/4D आणि इलास्टोग्राफीसह उसग, सीटी – १६ स्लाइस आणि स्पेक्ट, २ रेषीय प्रवेगक (Linear Accelerators),ब्रेकीथेरपी, डिजिटल एक्स-रे, विशेष उपचार विभाग :यात केमोथेरपी, सर्जिकल ऑन्कोलॉजी, आधुनिक प्रयोगशाळा : सूक्ष्मजीवशास्त्र (Microbiology), रक्तविज्ञान (Haematology), हिस्टोपॅथोलॉजी आदींचा समावेश आहे. या सर्व बाबींमुळे हे रुग्णालय पूर्वविदर्भातील सर्वात सक्षम, सुसज्ज आणि पूर्णत्वाने Cancer Care देणारे केंद्र ठरणार आहे.

    स्व. रतन टाटा यांची इच्छा

    या प्रकल्पाबाबत आ. सुधीर मुनगंटीवार यांची  टाटा समूहाचे प्रमुख स्व. रतनजी टाटा यांच्याशी चर्चा होत असताना त्यांनी या रुग्णालयाचे लोकार्पण सर संघचालक मोहनजी भागवत यांच्या हस्ते व्हावे अशी इच्छा व्यक्त केली होती. आ. मुनगंटीवार यांनी मोहनजी भागवत यांना प्रत्यक्ष भेटून विनंती केली असता त्यांनी 22 डिसेंबर रोजी या लोकार्पण सोहळ्यास उपस्थित राहण्यास मान्यता दिली आहे.मुख्यमंत्री देवेंद्र फडणवीस यांची विशेष उपस्थिती या सोहळ्याला लाभणार आहे. Chandrapur cancer hospital inauguration

    चंद्रपूर जिल्ह्यात आरोग्य सेवेवर प्रामुख्याने लक्ष केंद्रित करणाऱ्या आ. मुनगंटीवार यांच्या प्रयत्नातून चंद्रपूरात शासकीय वैद्यकीय महाविद्यालय रुग्णालया पाठोपाठ कॅन्सर रुग्णालया सारखा महत्वाचा आरोग्य प्रकल्प साकारत आहे. त्यांच्या पालकमंत्री पदाच्या कार्यकाळात जिल्ह्यात 14 प्राथमिक आरोग्य केंद्राच्या इमारत बांधकामांना मंजूरी देण्यात आली असून बल्लारपूर, पोंभुर्णा येथे ग्रामीण रुग्णालय, मुल येथील उपजिल्हा रुग्णालयाचे श्रेणीवर्धन, उमरी पोतदार, कळमना येथे स्मार्ट प्रा. आ. केंद्र तसेच आरोग्य संकुले पूर्णत्वास आली आहेत. आरोग्य सेवेचे नवे मानदंड जिल्ह्यात निर्माण करणाऱ्या मुनगंटीवार यांच्या प्रयत्नातुन साकारलेले हे कॅन्सर रुग्णालय रुग्णसेवेचे प्रशस्त दालन ठरणार आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by