Category: ग्रामीण वार्ता

Threat to journalist मूल :- येथील तालुका पत्रकार संघाचे माजी अध्यक्ष, व जेष्ठ सदस्य आणि दै.पुण्यनगरीचे तालुका प्रतिनिधी संजय पडोळे यांना कॉंग्रेसच्या एका नेत्याने जीवे मारण्याची आणि परिवाराला संपविण्याची धमकी देण्यात आली.त्या घटनेचा तालुका पत्रकार संघ,मूल तर्फ्रे तीव्र निषेध करण्यात आला. याबाबत तालुका पत्रकार संघाची तातडीची सभा घेण्यात आली.सभेच्या अध्यक्षस्थनी संघाचे अध्यक्ष राजू गेडाम हे होते.त्यात निषेधाचा ठराव घेण्यात आला. आणि धमकी देणारे कॉंग्रेसचे नेते प्रकाश पाटील मारकवार यांच्या विरूदध कडक कारवाई करण्यात यावी अशी मागणीही करण्यात आली.

https://ads.timesdiginews.com/2024/06/wcl-fragmentation-law-hansraj-ahir-meeting/

या मागणीचे निवेदन मूल येथील उपविभागीय अधिकारी, उपविभागीय पोलिस अधिकारी,तहसिलदार आणि पोलिस निरिक्षक पोलिस स्टेशन मुल यांना देण्यात आले. २२ जून २०२४ रोजी एका नामांकित वृत्तपत्रामध्ये प्रकाशित झालेल्या झालेल्या एका बातमीच्या संदर्भात कॉंग्रेसचे नेते प्रकाश पाटील मारकवार यांनी संजय पडोळे हे आपल्या कर्तव्यावर सावली येथे असताना भ्रमणध्वनी वरून जीवे मारण्याची धमकी आणि परिवाराला व संपविण्याची भाषा वापरली. एखादया बातमीच्या संदर्भात वृत्तपत्राच्या बातमीदाराला धमकी देणे म्हणजे वृत्तपत्राच्या स्वातंत्र्यांची पायमल्ली करण्यासारखे आहे.

Threat to journalist प्रत्येक बातमीदाराला आपआपल्या पद्धतीने लिखाणाचे स्वातंत्र्य आहे.हे स्वातंत्र्य कोणी हिरावून घेत असेल तर ते खपवून घेतले जाणार नाही. हे अशोभनीय कृत्य आहे. लोकशाहीचा चौथा स्तंभ असलेल्या वृत्तपत्राच्या प्रतिनिधींना संरक्षण मिळालेच पाहिजे, अशा आशयाचा ठराव पत्रकार संघातर्फे सभेमध्ये घेण्यात आला.व्यक्ती कोणीही आणि कोणत्याही पक्षाचा का असेना त्याचा निषेध झालाच पाहिजे असे मत उपस्थित पदाधिका-यांनी आणि सदस्यांनी व्यक्त केले.

अवश्य वाचा : खासदार धानोरकर यांच्यामुळे मिळाली 45 लाखांची आर्थिक मदत

या घटनेचा निषेध करून प्रकाश मारकवार यांच्या विरूदध पोलिस प्रशासनाने कडक कारवाई करावी अशी मागणी यावेळी करण्यात आली. मागणीचे एक निवेदन मूल येथील उपविभागीय अधिकारी विशाल मेश्राम ,तहसिलदार मृदूला मोरे आणि पोलिस निरिक्षक पो. स्टे. मुल यांना देण्यात आले.सभेला व निवेदन देताना पत्रकार संघाचे अध्यक्ष राजू गेडाम,उपाध्यक्ष युवराज चावरे ,सचिव विनायक रेकलवार, ज्येष्ठ सदस्य, माजी अध्यक्ष गुरू गुरूनूले, प्रा. चंद्रकांत मनियार,वासूदेव आगडे,दीपक देशपांडे,अशोक येरमे,भोजराज गोवर्धन,रविंद्र बोकारे,गंगाधर कुनघाडकर इत्यादी सदस्यगण उपस्थित होते.

चौकशी करण्याचे आदेश:-

Threat to journalist मिळालेल्या धमकी नंतर संजय पडोळे यांनी सावली पोलिस स्टेशन मध्ये तक्रार दाखल केली.याबाबत चौकशीचे आदेश दिले असल्याचे उपविभागीय पोलिस अधिकारी शिवाजी भगत यांनी भ्रमणध्वनी वरून बोलताना मूल तालुका पत्रकार संघाला सांगितले.

wcl fragmentation law राष्ट्रीय मागासवर्गीय आयोगाचे अध्यक्ष हंसराज अहीर यांनी चंद्रपूर जिल्ह्यातील सिध्दबल्ली परसोडा लाईमस्टोन माईन्स, केपीसीएल तसेच अरबिंदो कंपनीशी संबधित ओबीसी व अन्य प्रवर्गातील शेतकरी, नागरीकांचे प्रलंबित प्रश्न, समस्या व कंपनी प्रबंधनाद्वारे सुरू असलेल्या अन्यायी धोरणाबाबत जिल्हाधिकारी व प्रशासनातील वरीष्ठ अधिकाऱ्यांच्या उपस्थितीत आढावा बैठक घेवून प्रलंबित समस्या तातडीने मार्गी लावण्याचे निर्देश दिले.

अवश्य वाचा : बामणी प्रोटिन्स कामगारांचा प्रश्न मुख्यमंत्री शिंदे यांच्या दरबारी

जिल्हाधिकारी कार्यालयात दि. २४ जून रोजी आयोगाचे अध्यक्ष हंसराज अहीर यांच्या अध्यक्षतेखाली पार पडलेल्या या बैठकीस जिल्हाधिकारी विनय गौडा जी.सी, उपविभागीय अधिकारी चंद्रपूर श्री. पवार, उपविभागीय अधिकारी वरोरा श्रीमती लंगडापुरे, सहा. कामगार आयुक्त, भूअर्जन अधिकारी व अन्य विभागाच्या वरिष्ठ अधिकाऱ्यांची उपस्थिती होती.

wcl fragmentation law वेकोलि क्षेत्रातील तुकडेबंदी कायदा अवहेलना प्रकरणातील फेरफार राज्य सरकारच्या २०१७ च्या सुधारीत शासन निर्णयानुसार ग्राह्य धरण्यात यावे तसेच भटाळी, पाटाळा व अन्य प्रकल्पातील एक ७/१२, दोन आराजी, प्रकरणामध्ये विक्रीच्या आधारावर मालकी मान्य करून, दोन नोकऱ्या मंजूर करण्याचे निर्देश वेकोलि प्रबंधनास द्यावेत अशी सुचना हंसराज अहीर यांनी केली. तसेच सास्ती विस्तारीकरण परियोजना, बल्लारपूर क्षेत्राची आर/आर लाभ यादी तातडीने मंजूर करण्यात यावी जेणेकरून प्रकल्पग्रस्तांचे नोकरी प्रस्ताव वेकोलिद्वारे मार्गी लागतील असे सांगीतले.

अवश्य वाचा : खासदार प्रतिभा धानोरकर यांच्या मुळे कामगाराच्या कुटुंबाला मिळाली 45 लाखांची मदत

सिध्दबल्ली कंपनीतील जुन्या कामगारांची देय राशी व त्यांच्या नोकरीविषयी अनेकदा बैठका होवूनही प्रबंधन याप्रश्नी गंभीरपणे कार्यवाही करीत नसल्याने जिल्हाधिकाऱ्यांनी याविषयी गंभीर दखल घेवून अन्यायग्रस्त कामगारांना न्याय मिळवून देण्याचे निर्देश दिले. याप्रकरणी लवकरच सिध्दबल्ली अधिकाऱ्यांसोबत बैठक बोलावण्याची सुचना जिल्हाधिकाऱ्यांना एनसीबीसी अध्यक्षांनी केली.

wcl fragmentation law अरबिंदो माईन्स व कोरपना तालुक्यातील आरसीसीपीएल परसोडा लाईमस्टोन कंपनीत खनन कार्य सुरू करण्यास परवानगी देणे ही प्रशासनाची मोठी चुक होती. प्रकल्पातील जमिनीचे अधिग्रहण व पुनर्वसन होईस्तोवर माईन्स सुरू करण्याची परवानगीच द्यायला नको होती असे स्पष्ट करून कंपनीद्वारा एकमुश्त भूसंपादन होणे गरजेचे असतांना ग्रामसभेचा ठराव पारीत न करता खनन कार्य सुरू आहे. आधी पुनर्वसन त्यानंतरच उत्पादन असे सरकारचे धोरण असतांना प्रशासनाने कशाच्या आधारावर कंपनीला माईन्स सुरू करण्याची परवानगी दिली? अशी विचारणा अहीर यांनी या बैठकीत केली व दोंन्ही कंपनीमध्ये भूमिअधिग्रहण कायद्यानुसार सरसकट जमिनीचे संपादन करण्यास कंपनीला बाध्य करावे असे निर्देश जिल्हप्रशासनास एनसीबीसी अध्यक्षांनी दिले.

यावेळी केपीसीएल प्रश्नांवर चर्चा झाली. पुनर्वसन तसेच वनजमिनीवर उत्खनन याबाबत जिल्हा प्रशासनाने माहिती घेवून कायदेशीर प्रक्रीया राबविण्याची सुचना केली. रॉयल्टी विषयी मॉनिटरींग, केपीसीएलमधून निघणाऱ्या वाहनांचे रेकॉर्ड तपासण्यात यावे, खासगी माईन्स मधुन कोळसा वाहतूकीच्या गाड्यांची वेब्रीजवर क्रॉस वेरिफीकेशन तसेच ड्रोनचा वापर करण्याची सुचनाही अहीर यांनी या बैठकीत केली.

सदर बैठकीला अशोक हजारे, धनंजय पिंपळशेंडे, अॅड. प्रशांत घरोटे, अंकुश आगलावे, राजू घरोटे, प्रदिप महाकुलकर, पवन एकरे, मधूकर नरड, विनोद खेवले, विजय आगरे, उत्तम आमडे, हंसराज रायपूरे, सुभाष गौरकार, गंगाधर कुंटावार, अरूण मैदमवार व अन्य पदाधिकारी उपस्थित होते.

Sudhir mungantiwar कर्मचाऱ्यांना सोबत घेऊन कंपनी पुन्हा सुरू करण्यासाठी आपण प्रयत्नशील आहोत आणि यासाठी मुख्यमंत्र्यांच्या उपस्थितीत मुंबई येथे बैठक घेऊन तोडगा काढण्यात येईल, असा विश्वास राज्याचे वने, सांस्कृतिक कार्य, मत्स्यव्यवसाय मंत्री तथा जिल्ह्याचे पालकमंत्री सुधीर मुनगंटीवार यांनी बल्लारपूर बामणी प्रोटीन्स येथील भारतीय केमिकल वर्कर युनियनच्या कामगारांना दिला.एक महिन्यापासून बंद असलेल्या बामणी प्रोटीन्स कंपनीच्या कर्मचाऱ्यांच्या ठिय्या आंदोलन मंडपाला ना. श्री. मुनगंटीवार यांनी भेट देऊन कामगारांची विचारपूस केली.

अवश्य वाचा : खासदार प्रतिभा धानोरकर यांच्या मुळे कामगाराच्या कुटुंबाला मिळाली 45 लाखाची मदत

यावेळी भाजपा जिल्हाध्यक्ष हरीश शर्मा, वन विकास महामंडळाचे माजी अध्यक्ष चंदन सिंग चंदेल, वर्कर युनियनचे अध्यक्ष देवराव निंदेकर,महामंत्री जहीरूद्दीन शेख, कार्याध्यक्ष दिनेश गोंदे,उपाध्यक्ष चंद्रशेखर निकोडे,उपाध्यक्ष अशपाक शेख,भाजपा जेष्ठ नेते राजेंद्र गांधी,बाळकृष्ण गोंदे, प्रभाकर वैद्य,मोठ्या संख्येने कामगार उपस्थिती होते.

महत्त्वाचे : पेपरफुटी कायद्यात महत्वाची तरतूद काय?

भारतीय केमिकल वर्कर युनियनचे बामणी प्रोटीन्स अध्यक्ष देवराव नींदेकर यांच्याशी ना. श्री. सुधीर मुनगंटीवार यांनी सविस्तर चर्चा केली. मुंबई येथे मुख्यमंत्री श्री. एकनाथजी शिंदे यांच्यासोबत बैठक घेऊन समस्येवर तोडगा काढणार असल्याचे सांगून ना. श्री. मुनगंटीवार यांनी कर्मचाऱ्यांना दिलासा दिला. याबाबत पालकमंत्री श्री. मुनगंटीवार यांनी मुख्यमंत्र्यांचे प्रधान सचिव विकास खारगे यांना दूरध्वनी करून पुढील आठवड्यात मुख्यमंत्र्यांसोबत बैठक घेण्याबाबत चर्चा देखील केली.

Sudhir mungantiwar बामणी प्रोटीन्स कंपनीच्या कर्मचाऱ्यांच्या हिताचा निर्णय घेण्यासाठी आपण कटिबद्ध आहोत, असेही पालकमंत्री सुधीर मुनगंटीवार यांनी सांगितले. तत्पूर्वी, पुढील १-२ दिवसांत जिल्हाधिकाऱ्यांनी कंपनीच्या वरिष्ठ अधिका-यांसोबत तसेच कामगार प्रतिनिधी व कर्मचाऱ्यांसोबात झुम बैठक घ्यावी, असेही निर्देश ना. मुनगंटीवार यांनी दिले.

Workers’ movement CMPL या माती उत्खनन कंपणीने कार्यरत स्थानिक कामगारांना पत्र पाठवीत तुमचं काम संपलं आहे, अश्या आशयाचे पत्र पाठवीत त्यांना कामावरून कमी करण्याचा प्रयत्न झाला, सदर कंपनीचे काम राजुरा येथील सास्ती भागात सुरू आहे, त्या कंपनीत कामगारांना स्थलांतरित करावे अशी विनंती कामगारांनी केली मात्र त्यांचं काही ऐकल्या गेलं नाही.

अवश्य वाचा : हंसराज अहिर यांच्या प्रयत्नांना यश

त्यामुळे कामगारांनी राजुरा तहसील कार्यालय समोर 10 जून पासून बेमुदत धरणे आंदोलन सुरू केले, कामगार व त्यांच्या कुटुंबावर उपासमारीची पाळी आली आहे, मात्र त्यांना न्याय देण्याचं काम कुणी करीत नाही आहे, अश्यात सामाजिक कार्यकर्ते भूषण फुसे यांनी कामगारांच्या लढ्यात उडी मारली व त्यांना समर्थन देत त्या आंदोलनात सामील झाले.

हे ही वाचा : चंद्रपुरात neet परीक्षा घोटाळा विरोधात हजारो विद्यार्थी उतरले रस्त्यावर

आतापर्यंत कामगारांनी देशाचे पंतप्रधान नरेंद्र मोदी यांना आपल्या रक्ताने न्याय द्या असे पत्र लिहले, त्यानंतर सुद्धा कामगारांची सुनावणी झाली नाही. कामगारांनी मुंडन आंदोलन सुद्धा केले पण काही फायदा झाला नाही.

अनैशा वाहन चालक कामगार संघटना चे संस्थापक सूरज उपरे व भूषण फुसे या आंदोलनाचे नेतृत्व करीत आहे.

Workers’ movement 4 जून रोजी लोकसभा निवडणुकीचा निकाल लागला, आणि चंद्रपुरात प्रतिभा धानोरकर ह्या निवडून आल्या, 6 जून ला अनैशा वाहन चालक कामगार संघटनेचे अध्यक्ष सूरज उपरे सहकाऱ्यांना सोबत घेत खासदार प्रतिभा धानोरकर यांची भेट घेत त्यांना कामगारांच्या आंदोलनाबाबत माहिती दिली.

महत्त्वाचे : मुलीच्या लग्नासाठी महाराष्ट्र सरकार देणार 25 हजार रुपये

मी कंपनीशी एकदा चर्चा करते त्यांनतर आपल्याला सांगते असे उत्तर खासदार धानोरकर यांनी कामगारांना दिले, त्यानंतर खासदार धानोरकर यांनी त्यांना कळविले की CMPL कंपनीचा कंत्राटदार तुम्हाला न्याय देऊ शकत नाही, आम्ही त्यांना कामावर घेणार नाही असे उत्तर दिले.

Workers’ movement खासदार धानोरकर यांच्या या उत्तराने कामगार काहीशे हताश झाले मात्र त्यांनी न खचता आंदोलन सुरूच ठेवले. आज सूरज उपरे यांनी धानोरकर यांच्याशी झालेली भेट याबाबत माहिती दिली.

सामाजिक कार्यकर्ते भूषण फुसे यांनी यावेळी माहिती दिली की जर कामगारांना जनप्रतिनिधी न्याय देत नसेल तर त्यांचा वाली कोण?

विशेष म्हणजे खासदार धानोरकर यांनी अधिकारी व कंपनी व्यवस्थापनाची बैठक बोलवायला हवी होती त्या बैठकीतून काही मार्ग निघाला असता मात्र तसे काही झाले नाही, चंद्रपूर हा औद्योगिक जिल्हा आहे, याठिकाणी हजारो कामगार कार्यरत आहे.

मात्र आज कामगारांना अश्या हिटलर शाही विरोधात लढा द्यावा लागत आहे, त्यावर लोकप्रतिनिधी हे हतबल अवस्थेत बसले आहे, ही या जिल्ह्याची मोठी शोकांतिका आहे.

Workers’ movement एकीकडे बामणी प्रोटिन्स चे कामगार आपल्या कुटुंबासहित लढाई लढत आहे तर दुसरीकडे CMPL चे कामगार सुद्धा असाच लढा लढत आहे, त्यांना लोकप्रतिनिधी व शासनाकडून न्याय हवा मात्र ही व्यवस्था त्यांना न्याय देऊ शकत नसल्याने आता पुढे काय करायचं? हा प्रश्न त्यांच्या पुढे उभा आहे.

गुरू गुरनुले

Gharkul construction मुल – मुल तालुक्यातील एमआयडीसी मरेगाव परिसरात पाण्याच्या टाकी समोर मोठ्या प्रमाणावर अवैद्य रेतीसाठा जमा करून ठेवला आहे. सदर रेतीसाठा विषयी माहिती जाणून घेतली असता एम.आय.डी.सी. परिसरात सिमेंट रस्त्याचे काम सुरू असून त्यासाठी मोठ्या प्रमाणात जवळपास अंदाजे ५० हायवा रेतीसाठा करून ठेवला आहे. सदर कंत्राटदाराने या रेतीसाठी कोणत्याही प्रकारची रॉयल्टी अथवा शासनाकडून परवानगी घेतलेली नाही. याविषयी दिनांक ८ जून २०२४ रोजी तहसीलदार साहेब यांना मोबाईल द्वारे शिवसेना जिल्हा प्रमुख संदीप गिऱ्हे यांचे मार्गदर्शनात शिवसेना तालुका प्रमुख प्रशांत गट्टूवार तक्रार स्वरूपात माहिती तथा रेतीसाठ्याचे व्हिडिओ क्लिप पाठवली असता तहसीलदार यांचे कडून अद्यापही कोणतीही कारवाई केलेली नाही.

अवश्य वाचा : नीट परिक्षेविरोधात चंद्रपुरात हजारो विद्यार्थी रस्त्यावर

ही बाब अत्यंत गंभीर असून महसूल विभाग विषयी शंका व्यक्त केली जात आहे. संबंधित कंत्राटदार आणि महसूल विभाग यांचेमध्ये काहीतरी साठे-लोटे असल्याचे बोलले जात आहे. एकीकडे शासनाने ग्रामीण जनतेसाठी अनेक घरकुल योजना राबविण्याचे ठरविले असताना घरगुती घरकुल बांधकाम करणाऱ्यांना किंवा इतरही शासकीय काम करणाऱ्यांना रेती उपलब्ध होत नाही.

महत्त्वाचे : पोलीस भरतीसाठी उमेदवारांना आमिष द्याल तर याद राखा – पोलीस अधीक्षक मुमक्का सुदर्शन

Gharkul construction गरीब गरजू लोकांना घरकुल मंजूर झाले असताना रेती अभावी त्यांचे घरकुल बांधकाम अडून पडले आहे तर काहींचे अर्धवट झाले आहेत. ही बाब शासनाच्या उद्देशांना हरताळ फासणारी आहे. तर दुसरीकडे अशा कंत्राटदारांकडे मोठ्या प्रमाणात अवैध रेती साठा कसा काय उपलब्ध झाला. याबाबत तर्क वितर्क लावल्या जात आहे. या संबंधाने शिवसेनेच्या वतीने दिनांक १८/६/२०२४ ला तक्रार दिलेली असता.ही बाब अतिशय निषेधार्थ असल्याचे निवेदनात म्हटले आहे.

याबाबत तालुका शिवसैनिकांनी एका निवेदनाद्वारे  तहसीलदार मुल यांना निवेदनातून विनंती केली असून सदर रेतीची लिज नसतांना रेती आली कुठून, करीता रेती साठ्याबाबत संबंधित कंत्राटदाराविरोधात तात्काळ शासकीय नियमानुसार तात्काळ कठोर कारवाई करून सदर रेती साठा जप्त करावा, आणि ही रेती घरकुल लाभार्थ्यांना उपलब्ध करून द्यावी. अशी मागणी निवेदनाद्वारे केली आहे.

अवश्य वाचा : चंद्रपूर विधानसभेतील सिंचनाचा प्रश्न सुटणार

Gharkul construction आपणाकडून सदर विषयावर तातडीने कारवाई न झाल्यास शिवसेना तालुका मूलच्या वतीने आपल्या शिवसेना स्टाईलने सदर प्रकरण हाताळल्या जाईल आणि यात कायदा सुव्यवस्थेचं प्रश्न निर्माण झाल्यास त्याची सर्वस्वी जबाबदारी शासनाची राहणार.असा इशारा यावेळी शिवसेना तालुका प्रमुख प्रशांत गट्टूवार यांनी दिला.यावेळी शिवसेना शहर प्रमुख आकाश राम,युवासेना शहर प्रमुख आमित आयलानी,दादाजी लोडेलिवांर व इतर पदाधिकारी उपस्थित होते.

गुरू गुरनुले

Irregular power supply मूल – सध्या उन्हाळ्याचे दिवस असल्याने उन्हाची तीव्रता देखील अधिक जाणवत आहे. चीड चीड व घाम गळणारी उष्ण दाहकता निर्माण झाली आहे. अशाही परिस्थितीत विद्युत वितरण प्रणाली मात्र या ना त्या कारणाने नियमित दिवस असो वा रात्र रोजच एकसारखी विद्युत लाऊन बंद होत असल्याच्या तक्रारी सर्व सामान्य नागरिकांकडून ऐकायला येत आहेत.

अवश्य वाचा : पोलीस भरतीसाठी आलेल्या उमेदवारांना आमिष दिले तर कारवाई अटळ – पोलीस अधीक्षक मुमक्का सुदर्शन

एकंदरीत हा रोजचा धंदाच झाला आहे. मुल नगरातील व पूर्ण मुल तालुक्यातील खेडे गावात सुद्धा पहिल्याच पावसात रोजच नियमित विद्युत पुरवठा बंद होत आहे. यामुळे ग्रामीण व शहरी नागरिकांना मनस्ताप सहन करावा लागला. तसेच शहरी व ग्रामीण भागातील खेडे गावातील पाणीपुरवठ्या यंत्रणेवर सुद्धा याचा परिणाम झाला. परंतु तांत्रिक कारणामुळे वीजपुरवठा खंडीत झाल्याचे महावितरणाच्या अधिकाऱ्यांनी सांगितले. वारंवार वीज सेवा खंडीत होत असल्याने शहराच्या पाणी पुरवठ्यावर परिणाम पडल्याचे सांगून नगर पालिकेच्या प्रशासन अधिकारी देखील पांघरून घालत आहेत.

मूल शहरासह तालुक्यात काही ठिकाणी शुक्रवारी तुरळक स्वरूपाचा पाऊस असल्याने विद्युत पुरवठा खंडित झाला. त्यामुळे जनजीवन विस्कळीत झाले आणि पाणीपुरवठा यंत्रणेवरही परिणाम होऊन पावसाळ्यात तांत्रिक कारणामुळे वीजपुरवठा खंडित होत असल्याचे दिसून येत आहे.
मुल नगरातील वादळी हवेमुळे झाडाच्या फांद्या पडणे, वीज कडकडणे यासह वेळेवर येणारी अनेक कारणे यासाठी कारणीभूत आहेत. त्यामुळे नैसर्गिक आपत्तीचा सामना करावा लागतो.

पंकज उजवणे, सहायक अभियंता, महावितरण, मूल

Irregular power supply पावसाळा सुरु झाला असला तरी मात्र पाहिजे त्या प्रमाणात मृग नक्षत्र पूर्ण होण्याची वेळ आली मात्र मृगनक्षत्रानंतरचा मेघ गर्जनेसह पाऊस थोड्या प्रमाणात कोसळला. पावसाच्या आगमनाने नागरिकांमध्ये आनंदाचे वातावरण होते. शेतकऱ्यांनी शेतीच्या हंगामाला सुरुवात केली. पण दुसरीकडे प्रचंड चिक्कट उकाड्यालासुद्धा त्यांना सामोरे जावे लागत आहे. खऱ्या मान्सुनचा पाऊस कधी बरसेल याची नागरिकांना उत्सुकता अजूनही कायम आहे.

महत्त्वाचे : खासदार प्रतिभा धानोरकर यांच्या हस्ते अनेकांनी केला कांग्रेस पक्षात प्रवेश

काही प्रमाणात पावसाला सुरवात झाली. रात्रीही पावसाचे थेंब पडले. परंतु उष्णता काही कमी झालेली नाही. पहिल्याच पावसाने नागरिकांना मनस्ताप सहन करावा लागला. पावसामुळे वीजपुरवठा वारंवार खंडित होत होता. दिवसा ऊन आणि दुपारी पाऊस यामुळे गर्मी आणि उकाड्यात भर घातल्या गेली होती. अशातच वीज सेवा खंडीत झाल्याने नागरिकांना त्रास होत आहे. तसेचपाणीपुरवठ्यावरसुद्धा परिणाम झाला.

विद्युत पुरवठा सारखा बंद असल्यामुळे हरणघाट येथून पाणीपुरवठा सुरू होवू शकला नाही. त्यामुळे शहरातील चारही पाण्याच्या टाकीत ठणठणाट निर्माण झाला. नगरपालिकेच्या अधिकाऱ्यांना शनिवारी खंडीत होत असल्याने शहराच्या पाणीपुरवठ्यावर परिणाम होत आहे. बेंबाळ येथील वीज केंद्रातून हरणघाट पाणीपुरवठा येथे सरळ विदयुत सेवा देण्यात आली आहे. पावसामुळे झाड पडल्याने विदयुत सेवा खंडीत झाली. त्यामुळे पाणी पुरवठ्यावर परिणाम झाला.- विनोद येनुरकर, पाणीपुरवठा अधिकारी यांनी सांगितले.

Irregular power supply एकंदरीत पाणीपुरवठा संबंधी व्हॉटसअॅप ग्रुपवरून नागरिकांना सूचना द्यावी लागली. पहिल्याच पावसात अनेक वेळा विद्युत पुरवठा बंद होत असल्याने व त्याच कारणाने पाणीपुरवठा खंडीत झाल्याने नागरिकांनी व्हॉटसअॅप ग्रुपवर प्रशासनाविषयी रोषही व्यक्त केला जात आहे. याला जबाबदार कोण? असा प्रश्न उपस्थित होत आहे.

Congress join वरोरा: आज चंद्रपूर लोकसभा क्षेत्राच्या खासदार प्रतिभाताई धानोरकर यांच्या हस्ते मोठ्या प्रमाणावर कार्यकर्त्यांचा काँग्रेस पक्षात प्रवेश झाला. युवक काँग्रेसचे प्रदेश सचिव चेतन शर्मा आणि महाराष्ट्र प्रदेश काँग्रेसचे (अनु. जा.) सचिव अमर गोंडाने यांच्या नेतृत्वाखाली भाजपा वरोरा शहरातील पदाधिकारी आणि अनेक प्रमुख सामाजिक कार्यकर्त्यांनी काँग्रेसमध्ये प्रवेश केला.

अवश्य वाचा : रेशन कार्ड धारकांसाठी आनंदाची बातमी

या कार्यक्रमात राहुलभाऊ आत्राम, माजी शहर अध्यक्ष, भाजपा कामगार मोर्चा वरोरा; योगेशभाऊ खोब्रागडे, अध्यक्ष जय भीम सेना वरोरा; अभिजीत चौधरी, मयूर उमाटे, जितेश चौधरी, हाशिमभाई अली, राजीब पठाण, तुषारभाऊ मर्दाने, प्रवीण राहुलकर, महेंद्र धुर्वे, विशाल भोयर, सचिन दारुंडे, आणि लोकेश खोब्रागडे यांनी काँग्रेस पक्षात प्रवेश केला.

Congress join खासदार प्रतिभाताई धानोरकर यांनी सर्व नवीन सदस्यांचे हार्दिक स्वागत केले आणि त्यांना काँग्रेस पक्षाच्या उद्दिष्टांशी ओळख करून दिली. त्यांनी आश्वासन दिले की, “हे नवीन सदस्य आपल्या अनुभव आणि कर्तृत्वाने काँग्रेस पक्षाला अधिक मजबूत करतील आणि समाजाच्या हितासाठी कार्य करतील.”

अवश्य वाचा : मुलीच्या लग्नासाठी सरकार देणार 25 हजार रुपये

युवक काँग्रेसचे प्रदेश सचिव चेतन शर्मा यांनीही नवीन सदस्यांना शुभेच्छा दिल्या आणि जनतेच्या प्रश्नांवर काम करण्यासाठी त्यांना प्रेरित केले. अमर गोंडाने यांनी सर्व कार्यकर्त्यांचे आभार मानले आणि भविष्याच्या वाटचालीसाठी शुभेच्छा दिल्या. या प्रवेशामुळे काँग्रेस पक्षाला नवी ऊर्जा मिळेल आणि आगामी निवडणुकांमध्ये यश मिळण्याची अपेक्षा व्यक्त केली.

Ballarpur railway station बल्लारपूर : आज बल्लारशा रेल्वेस्थानकावर भूमिपुत्र ब्रिगेडच्या वतीने डॉ. अभिलाषा गावतुरे यांच्या नेतृत्वात मोठ्या संख्येने लोक एकत्र आले होते व रेल्वे प्रबंधकांना भेटले आणि रेल्वे स्थानकावर असलेल्या सर्व असुविधेबद्दल सांगितले. यात सर्वात महत्त्वाचा मुद्दा म्हणजे अस्वच्छता. रेल्वे स्थानकावर कचरा असतो, स्टेशनवरील बाथरूम मध्ये मोठया प्रमाणात अस्वच्छता आहेत.

डॉ. अभिलाषा गावतुरे यांनी बल्लारपूर रेल्वे स्टेशनवरील सुविधांची तातडीने सुधारणा करण्याची मागणी केली आहे. बल्लारपूर रेल्वे स्टेशन एक महत्त्वाचे जंक्शन असल्यामुळे, शहराला लागून असलेल्या अनेक शहरातील लोक प्रवासासाठी येथे येतात. येणाऱ्या प्रवाशांना चांगल्या सुविधा मिळाव्यात म्हणून हे निवेदन देण्यात आले.

अवश्य वाचा : स्मार्ट वीज मीटर योजना तात्पुरती रद्द, चंद्रपुरात सुरू झाली श्रेयवादाची लढाई

Ballarpur railway station बल्लारपूर रेल्वे स्टेशनवर पावसाळ्यात स्वच्छतेची नीट व्यवस्था नसल्यामुळे प्लॅटफॉर्म आणि प्लॅटफॉर्म लाईनमध्ये कचरा राहतो आणि नाल्यांवरून दूषित पाणी वाहते, ज्यामुळे प्रवाशांना असुविधा होते. रोज स्वच्छता नीट करण्यात यावी अशी मागणी करण्यात आली.

मुख्य मागण्या
प्रवासासाठी अधिक ट्रेनची उपलब्धता
बल्लारपूर शहर आणि आसपासचे अनेक लोक तेलंगणात आंध्र प्रदेशमध्ये जाण्यासाठी या स्टेशनचा वापर करतात. परंतु, अधिक ट्रेन न मिळाल्यामुळे प्रवास करताना त्रास होतो. तेलंगणातून येणाऱ्या पॅसेंजर ट्रेनचे वेळापत्रक सुधारून शिरपूर, कागजनगर येथे 12:30 येते ,मात्र बल्लारपूर स्टेशनवर 15:30 वाजता येते. जेंव्हा की एक तासात पोहचायला हवी.

भाग्यनगर-नागपूर-काजीपेट ट्रेन सेवा पुन्हा सुरू करावी या ट्रेन सेवेची मागणी केली .

जनरल बोगी वाढवावी
सर्व सुपरफास्ट आणि एक्सप्रेस ट्रेनमध्ये फक्त पुढे एक आणि मागे एक जनरल बोगी असते. त्यामुळे प्रवाशांना गर्दीमुळे अपघात होण्याची शक्यता असते. सर्व ट्रेनच्या पुढे दोन आणि मागे दोन किंवा त्यापेक्षा अधिक जनरल बोगी वाढवण्यात याव्यात.

प्लॅटफॉर्म शेड आणि पुलाचे काम पूर्ण करावे
प्लॅटफॉर्मवर चालू असलेले शेडचे काम आणि प्लॅटफॉर्म 1 वरील पुलाचे काम लवकर पूर्ण करावे. प्रतीक्षा जागा लहान असल्यामुळे प्रतीक्षा आणि पार्किंगच्या जागेची व्यवस्था करण्यात यावी.

दुर्घटना टाळण्यासाठी दुरुस्तीचे काम
27 नोव्हेंबर 2022 रोजी झालेल्या पुलाच्या दुर्घटनेप्रमाणे घटना पुन्हा होऊ नये, म्हणून दुरुस्तीचे काम लवकर पूर्ण करावे.

तिकीट काउंटरवरील सुटे पैसे

तिकीट काउंटरवर सुटे पैसे नसल्यामुळे तिकीटासाठी अधिक पैसे जातात. यावर तातडीने कारवाई करावी.
डॉ. अभिलाषा गावतुरे यांनी मागण्या लवकरात लवकर पूर्ण करण्यात याव्यात, अन्यथा तीव्र आंदोलन करण्याचा इशारा दिला आहे.

अवश्य वाचा : रेशन कार्ड धारकांसाठी आनंदाची बातमी

Ballarpur railway station यावेळी रोजीना शेख, लता नागोसे ,वैशाली भुरसे, आयशा मालाधारी ,सोनी झीगारे ,प्रीती मोहूर्ले, गायत्री गावतुरे, लता नागोसे ,करुणा शेगावकर ,रामा चित्तलवार, ताहेर हुसैन ,अतीक शेख, बशीर खान ,आफताब पठान, साजिद शेख, मोइनुद्दीन, गौस शेख, अजय शाह, सिराज भाई, श्रीकांत, मुशर्रफ भाई, शिव शंकर राजभर यांसह असंख्य कार्यकर्ते उपस्थित होते.

Rajura Assembly Constituency राजुरा — राजुरा तालुक्यातील विविध विभागांमध्ये प्रलंबित असलेल्या जनतेच्या समस्या आणि प्रगतीपथावर असलेल्या निर्माण कामांबाबत आमदार सुभाष धोटे यांनी उपविभागीय अधिकारी राजुरा यांच्या कार्यालयात आढावा सभा घेऊन जनतेशी संबंधित समस्या तातडीने सोडविण्याचे निर्देश विविध विभागाच्या अधिकाऱ्यांना दिल्या.

महत्त्वाचे : रेशन कार्ड धारकांसाठी आनंदाची बातमी

यामध्ये राजुरा तालुक्यातील अतिवृष्टी व खरवडून झालेल्या शेतकऱ्यांचे नुकसान, पिकविम्याच्या थकलेल्या रक्कमा, वन्य प्राण्यांमुळे झालेले नुकसान, चिंचोली येथील चक्रीवादळाने झालेले नुकसान, ३३३ बटे २ ची मोजनी, कृषी पंपांची विज जोडणी, पांदन रस्त्यांची अर्धवट कामे पूर्ण करणे, शहरी व ग्रामीण भागातील घरकुल पुर्ण करणे, रोजगार हमी, मनरेगा ची कामे सुव्यवस्थेतपणे करणे, वेकोली प्रभावीत गावांमध्ये थाईराईडयुक्त पाणी पुरवठाबाबत प्रभावी उपाययोजना करणे, नागरिक आरोग्याच्या दृष्टीने नाली, गटारे सफाई, धूर फवारणी करणे, जल जीवन ची कामे पूर्ण करून गावागावांत फोडलेले रस्ते अध्ययावत करणे, भ्रष्टाचाराची चौकशी करणे, शुध्द पाणी पुरवठा करणे, रॅशन कार्ड तातडीने वाटप करून अन्नपूरवठा यंत्रणा सुव्यवस्थित करणे, चढ्या भावाने व बोगस बियाण्यांची होणाऱ्या विक्रीवर आळा घालणे, वारंवार खंडित होणारा विज पुरवठा सुरळीत व अखंडितपणे सुरू ठेवणे इत्यादी विविध विषयांवर चर्चा करण्यात येऊन त्या तातडीने सोडविण्याचे निर्देश आ. सुभाष धोटे यांनी अधिकाऱ्यांना दिले.

अवश्य वाचा : जिल्ह्यातील कामगाराने चंद्रपूर जिल्हाधिकारी कार्यालयासमोर आत्मदहन करण्याचा दिला इशारा

Rajura Assembly Constituency या प्रसंगी माजी नगराध्यक्ष अरुण धोटे, उपविभागीय अधिकारी रवींद्र माने, प्रभारी तहसीलदार डोणगावकर, गटविकास अधिकारी हेमंत भिंगारदिवे, वनपरिक्षेत्र अधिकारी सुरेश येलकेवाड, पोलीस निरीक्षक योगेश पारधी, बांधकाम अभियंता खापणे, काँग्रेसचे तालुकाध्यक्ष रंजन लांडे, माजी उपनगराध्यक्ष सुनील देशपांडे, कृ. उ. बा. स. सभापती विकास देवाळकर, साईनाथ बतकमवार, माजी नगरसेवक आनंद दासरी, संचालक संतोष इंदूरवार, अँड. रामभाऊ देवईकर, धनराज चिंचोलकर, इरशाद शेख, प्रा. प्रफुल्ल शेंडे, चेतन जयपूरकर, मारोती मोरे, संजय कुडमेथे यासह कृषी, पंचायत, विद्युत, आरोग्य, पोलीस, वन, अन्न पुरवठा, महसूल, नगरपरिषद यासह विविध विभागातील अधिकारी उपस्थित होते.

CMPL Soil Excavation Company CMPL माती उत्खनन या कंपनीतील कार्यरत स्थानिक कामगारांना कंपनीचे काम संपल्याचे सर्व कामगारांना पत्र पाठवून कामावरून डावलण्याचा प्रयत्न जाणीवपूर्वक केला आहे. कारण सदर कंपनीचे दुसरे काम हे राजुरा विधानसभा क्षेत्र सास्ती इथे सुरु आहे.
कंपनीने स्थानिक कामगारांना कामावरून कमी केल्यास त्यांच्यावर तसेच त्याच्या परिवारावर उपासमारीची वेळ येणार. स्थानिक कामगारांना कामावरून न काढता सास्ती येथे स्थलांतर करण्यात यावे.

अवश्य वाचा : चंद्रपूर जिल्ह्यातील 24 जिल्हा परिषद शाळेत आता सेमी इंग्लिश अभ्यासक्रम

याकरिता अनैशा वाहन चालक कामगार संघटना चे संस्थापक अध्यक्ष सुरज उपरे तसेच सामजिक कार्यकर्ते भूषण फुसे यांच्या नेतृत्वात राजुरा तहसील कार्यालयासमोर दिनांक 10 जून 2024 रोज सोमवार ला बहुजनांच्या महापुरुषांना अभिवादन करून बेमुदत धरणे आंदोलनाला सुरुवात करण्यात आली.

CMPL Soil Excavation Company बेमुदत धरणे आंदोलनात आंदोलनकर्ते आकाश ताकसांडे, ऋषी चौधरी, अजय इग्रपवार, साई कुमार मोगलीवार, राकेश चेनमेंवार, श्रीकांत जलावार, पांडुरंग मंगाम, आशिष पझारे,या वेळेस माणिक संजीव, दशरथ कोंडावार,मिथुन कांबळे,राहुल राठोड,विशाल सल्लम, संकेत भादिकर, शंकर काळे,प्रवीण जेल्लेल, प्रवीण चेनवेंनवार,उपस्थित होते.

महत्त्वाचे : हे कोर्स कराल तर मिळणार लाखोंचे पॅकेज

आंदोलनाचा पाचवा दिवस
दिनांक 14/06/2024 आंदोलन सतत चालू असताना सुधा आतापर्यंत शासन प्रशासनाने तसेच सदर कंपनीने कसल्याही प्रकारची दखल न घेतल्या कारणाने आंदोलनकर्ता आकाश ताकसांडे यांनी जिल्हाधिकारी कार्यालयासमोर आत्मदहन करण्याचा इशारा दिला आहे.