Category: ग्रामीण वार्ता

Chandrapur congress party मुल – चंद्रपूर आर्णी लोकसभेच्या निवणुकीत महाविकास आघाडीच्या काँग्रेसच्या उमेदवार प्रतिभाताई बाळूभाऊ धानोरकर यांनी २ लाख ६० हजार अशा बहुमताने विजयी झाल्या.

हा जनतेचा विजय – खासदार प्रतिभा धानोरकर

त्यांच्या विजयाबद्दल कांग्रेस कमिटी मूल तर्फे जल्लोर्षं साजरा करण्यात आला, आज मूल कांग्रेस कमिटी तर्फे खासदार प्रतिभा धानोरकर यांचा सत्कार व अभिनंदन करण्यात आला.

Chandrapur congress party यावेळी मुल तालुका कांग्रेस कमिटीच्या वतीने काँग्रेसचे नेते सी.डी.सी.सी. बँकेचे अध्यक्ष व माजी जी.प.अध्यक्ष संतोषसिंह रावत यांच्या मार्गदर्शनात वरोरा येथे त्यांच्या निवासस्थानी जाऊन कृषी उत्पन्न बाजार समितीचे सभापती व जिल्हा काँग्रेसचे महासचिव राकेश रत्नावार, माजी तालुका अध्यक्ष व माजी सभापती तथा संचालक घनश्याम येनुरकर, मुल तालुका काँग्रेसचे अध्यक्ष गुरु गुरनुले, महिला अध्यक्षा रुपाली संतोषवार, युवक काँग्रेस अध्यक्ष पवन नीलंमवार, पदाधिकारी प्रशांत उराडे, माजी नगर सेविका लीना फुलझेले, सचिव शामला बेलसरे, सुरेश फुलझेले, शहर उपाध्यक्ष संदीप मोहबे, विष्णू सादमवार, चिटलोजवार यांनी नवनिर्वाचित खासदार प्रतिभाताई धानोरकर यांना तालुका कांग्रेस तर्फे पुष्पगुच्छ देऊन अभिनंदन केले. व पुढील कार्यासाठी व वाटचालीसाठी बल्लारपूर विधानसभा क्षेत्राकडून भरभरून शुभेच्छा दिल्या.

Water tanker service पोंभूर्णा: चेकठाणा येथील पाण्याची पातळी आटल्याने विहीर,हातपंप व नळाद्वारे होणारा पाणी पुरवठा ठप्प झाला, त्यामुळे गावातील लहानग्यांपासून ते वयोवृद्धांना पिण्याच्या पाण्यासाठी दाहीदिशा भटकंती करावी लागत आहे. या गावाला भीषण टंचाईला समोर जावे लागत आहे. याबाबत गावातील शिवसेना कार्यकर्ते यांनी शिवसेना जिल्हाप्रमुख संदिप गिऱ्हे यांना माहिती देताच या तहानलेल्या चेकठाणा वासीयांसाठी पाणीपुरवठा करण्याचा शब्द देत तत्काळ स्वखर्चाने टँकरद्वारे पाणी पुरवले जात आहे. विशेष बाब म्हणजे पालकमंत्री सुधीर मुनगंटीवार यांच्या बल्लारपूर विधानसभा क्षेत्रातील पोम्भूर्णा तालुक्यातील चेकठाणा गावात पाणी टंचाई ची परिस्थिती उदभवली आहे.

Water tanker service चेकठाणा गावापासून चार – पाच किमी अंतरावर वैनगंगा नंदी आहे,त्या नदिवरून नळाद्वारे पाणी पुरवठा केला जातो परंतु नदी कोरडी पडली आहे. या नदी वर अवलंबून असलेल्या पाणी पुरवठा योजना बंद पडली व गावात असणारे विहिरी, हातपंप ला पाणी येत नाही त्यामुळे गावांमध्ये तीव्र पाणी टंचाई आहे. असे असताना सुद्धा ग्रामपंचायतने कुठली उपयोजना केले नाही.गावात ग्रामसेवकांच्या दर्शन दुर्लभ असून ग्रामसेवक मुल ला असतो त्यामुळे पाण्यासाठी भटकंती करावी लागत आहे.

अवश्य वाचा : शहरातील वरोरा नाका चौकात बदलाचे वारे

Water tanker service गावातील पाणी टंचाईची समस्या गावातील शिवसैनिक जिल्हाप्रमुख संदिप गिऱ्हे यांना सांगताच उध्दव बाळासाहेब ठाकरे गटाचे जिल्हाप्रमुख गिऱ्हे हे टंचाईग्रस्त गावाच्या मदतीला धावून आले आहेत. स्वखर्चाने टँकरद्वारे पाणी पुरवठा सुरू केला आहे.या उपक्रमाचा गावासह परिसरात कौतुक केल्या जात आहे.

अवश्य वाचा : चंद्रपुरातून पंतप्रधान मोदी यांना पत्र

यावेळी संदीप गिर्हे यांनी ज्या गावात पाणी टंचाई आहे त्यांनी आमच्या कार्यकर्त्यांशी सम्पर्क साधावा त्याठिकाणी निशुल्क पाण्याचा टँकर पोहचविल्या जाणार आहे.

गुरू गुरनुले

Disaster Management planमु ल – यावर्षीचा पावसाळा काही दिवसावर येऊन ठेपला आहे. यंदा मान्सून लवकरच बरसणार व सरासरीपेक्षा १०६ टक्के पाणी पडण्याची शक्यता लक्षात घेत जिल्हा प्रशासनाने गत पाच दिवसाआधी सर्व उपविभागीय अधिकारी, तहसिलदार, मुख्याधिकारी, प्रशासक याची सभा घेऊन त्वरीत नियोजन करण्याच्या सुचना देऊन विषय गंभीरपणे हाताळण्याच्या सुचना दिल्यात.

अवश्य वाचा : चंद्रपुरातील दारू विक्रेत्यांना प्रशासनाने पाजले कायद्याचे डोज

Disaster Management plan बरेचदा मान्सूनपूर्व नियोजन करण्यासाठी जिल्हाधिकारी सभा घेतात.इकडे अधिकारी सभा घेऊन खालच्यांना कामाला लावण्याचा कागदोपत्री पुरावा ठेवतात. शेवटी पाणी वाहून गेल्यावर पार बांधण्याची परंपरा मूल न.प. प्रशासनाने यंदा मात्र तोडल्याचे चित्र बघावयास मिळत आहे. हा एक “आपत्ती व्यवस्थापणाचा” उत्तम दाखला असल्याचे बोलले जात आहे.

महत्त्वाचे : चंद्रपूर जिल्ह्यात उष्णतेची लाट

हवामान खात्याचा अंदाज लक्षात घेता मूल नगरपरिषद प्रशासन लगबगीने मान्सूनपूर्व तयारीला लागले आहे
हे स्पष्टपणे जाणवत आहे. मुल शहरातून धावणाऱ्या राष्ट्रीय महामार्गासोबत धावणाऱ्या गटरलाईन ची सफाई हा विषय तेवढाच महत्वाचा व पावसाळ्यातील अडगळ थाबविणारा विषय गंभीरपणे लक्षात घेऊन गत तिन दिवसापासून संपुर्ण अस्वच्छता यंत्रणा मलबा काढण्यात व्यस्त झाली आहे. या गटर लाईनची सफाई युद्धस्तरावर सुरू केली आहे.ही गटरलाईन साफ व्हायला आठवडा लागेल हे विशेष. या मोठया गटरलाईनला आजवर दुर्लक्षीत ठेवण्यात आले होते.व याचा मोठा फटका अनेकदा निवासी घरांना बसला आहे.

Disaster Management plan मूल शहरातून महामार्गासोबत धावणारी हीगटरलाईन अंदाजे एक चतुर्थांस माती व सडका केरकचऱ्याने भरलेली होती. या गटरलाईन मधून संपुर्ण शहरातील सांडपाण्याचा निचरा तलावांमध्ये होतो. पावसाळ्यातील शहराच्या चहूबाजूने येणाऱ्या पावसाच्या पाण्याला सामावून घेण्याचे महत्वाचे काम ही गटरलाईन करते. आधीच ही गटरलाईन पावसाचे पाणी वाहून नेण्यास तांत्रिकदृष्टया सक्षम नसल्याची ओरड होती. अशा स्थितीत गटरलाईन तुडूंब भरून जोडलेल्या नाल्यांचे पाणी थोपून शहरातील मोठया परिसरात पसरण्याची असलेली भिती न.प. आपत्ती व्यवस्थापणाने राहणार नाही. असे बोलले जाते.

अवश्य वाचा : वरोरा नाका चौकात होणार बदल

मागील सन २०२०, व २०२१ मध्ये शहरातील शेकडो घरांमध्ये घाण पाणी घुसून जिवघेणी स्थिती निर्माण झाली होती. ही तालुका व जिल्हा प्रशासनाने प्रत्यक्ष अनुभवली होती. अखेर शहराबाहेरून वनविकास महामंडळाचे क्षेत्रातून भरमसाठ अतिरीक्त पाणी अर्धा कि.मी. नाला काढून परस्पर बाहेर काढावे लागले होते. चंद्रपूर जिल्हाधिकारी यांनी घेतलेल्या आपत्ती व्यवस्थापण सभेनंतर लगेच शहरात येणारा पाण्याचा अधिकाधिक लोंढा जंगलात वळविण्याकरीता वनविभागाकडे अजून लगेच नवा प्रस्ताव टाकण्यात आल्याची माहिती प्राप्त झाली आहे.व न.प.वप्रशासान अधिकारी याकडे जातीने लक्ष देत आहेत.

Disaster Management plan मूल शहरात घुसणाऱ्या पाण्याचा मोठा लोंढा थांबविण्यासाठी महत्वाचा ठरलेल्या नाल्याची साफसफाई व खोलीकरणाचे कामही जेसिबी लावून सुरू करण्यात आले आहे हे विशेष.

मूल न.प. अंतर्गत ५८ सफाई कामगार, जेसिबी,सारे ट्रॅक्टर्स स्वच्छता व आरोग्य निरीक्षक अभय चेपूरवार, सहायक वसंत मोहूलै यांच्या मार्गदर्शनात आपत्ती व्यवस्थापण कार्यात पूर्णवेंळ व्यस्त झाल्याचेचित्र दिसून येत आहे. न.प.मुख्याधिकारी यशवंत पवार, प्रशासक तथा उपविभागीय अधिकारी विशालकुमार मेश्राम यावर मार्गदर्शन व देखरेख करित आहेत.जनचरचे नुसार मूल न.प. ने त्वरीत कामे सुरू करून आपत्ती व्यवस्थापणाचा उत्तम दाखला यातून दिला हे निश्चित.

गुरू गुरनुले Removal of encroachment मुल – मुल शहरातील महत्वाचे मुख्य रस्ते अतिक्रमनाने बोकाळले आहे. ही चिंतेची बाब आहे. अतिक्रमणामुळे वाहतुकीस मोठ्या प्रमाणात अडथळा निर्माण होत असल्याने नागरिकांनी ही बाब नगर पालिकेला कळविली. नागरिकांच्या मागणीला साथ देत नगर पालिका प्रशासनाने पोलिस प्रशासनाला विश्वासात घेत लवकरच अतिक्रमण हटाव मोहिम सुरू करणार असल्याचे खात्रीलायक वृत्त आहे.

अवश्य वाचा : चंद्रपूर जिल्ह्यात पुढील 2 दिवस उष्णतेची लाट, प्रशासनाने दिला यलो अलर्ट चा इशारा

मुल शहरातील गांधीजींचा पुतळा असलेल्या मुख्य चौकापासून पूर्व पश्चिम,उत्तर दक्षिण चारही दिशेला अतिक्रम कित्येक दिवसांपासून बोकाळला आहे. शहरातील चार मुख्य मार्गावर मोठ्या प्रमाणात अतिक्रमण वाढले. असल्याने चारही रस्ते पॅक झाले आहे. मुल- पूर्वेस हायवे गडचिरोली मार्ग, पश्चिमेस चंद्रपूर हायवे मार्ग, उत्तरेस सोमनाथ पर्यटन स्थळ रोड, तर दक्षिणेस जुना रेल्वेस्टेशन मुल- विश्राम गृह रोड, या मार्गावर मोठ्या प्रमाणात वाहतूक असते.

अवश्य वाचा : 15 ऑगस्ट पूर्वी चंद्रपुरात सुरू होणार कॅन्सर हॉस्पिटल

Removal of encroachment पूर्वेस सर्वात जास्त गर्दी दारूच्या दुकानाजवळ व हार्डवेअर यांच्या दुकाना समोर नेहमीच ट्रक समान खाली करीत असते. लोखंडी सळाक,सिमेंट बॅग, व इतर साहित्य नेहमीच मुख्य मार्गावरच भर दिवसा ट्रक खाली करतांना दिसतात. पुढे बँक आफ इंडियाच्या समोरील भागात. तिथेच एक इलेक्ट्रिक दुकानाचे सामांन रस्त्यावरच असते. तिथेही नेहमीच गर्दी दिसून येते. त्याही पुढे मंगल कार्यालय, लग्नाची घाई गर्दी व पेट्रोल पंपाच्या समोर ते चामोर्सी नाक्यापर्यंत १० ते १५ खाली ट्रक नेहमीच रस्ता धरून उभे ठेवले जाते. येणाऱ्या मार्गावर गॅरेज,वेल्डिंग दुकान, यावेळी नेहमीच मुख्य वाहतुकीची कोंडी होत आहे.

महत्त्वाचे : घुग्गुस शहरात अतिक्रमण हटाव मोहीम सुरू

Removal of encroachment याबाबत नगर प्रशासन,पोलिस प्रशासनाला जाणीव करुन दिली असताना देखील दाखल घेतल्या गेली नाही. तसेच पश्चिम चंद्रपूर मुख्य हायवे रस्ता हा बसस्टँड समोरील येणाऱ्या जाणाऱ्या दोन्ही गेट सकाळ रात्रीपर्यंत गजबज राहते. कारण खाजगी बस, त्याच ठिकाणी उभ्या ट्रॅव्हल्स,काळी पिवळी गाड्या, नास्त्याचे किरकोळ टपऱ्या, लागूनच असतात तिथेही रोजच वाहतुकीचा नियामच मोडून जात आहे तरी दुर्लक्ष केले जाते. पुढे तहसील कार्यालयासमोर वाहतूकोंडीच असते. उत्तरेस सोमनाथ रोडवर स्टेशनरी, कपड्याची, मुख्य बाजारपेठ, भांडे, चप्पल, रेडिमेड, इतर किरकोळ दुकान लावले असते , नगर परिषद,बँक, पोलिस स्टेशन, रोजची गुजरी, त्यामुळे गांधी चौक ते पोस्ट आफिस पर्यंत गाड्या पारकींगला जागा नसल्याने पाई जाणाऱ्यांना देखील आपला जीव मुठीत धरुन जावे लागत आहे.

या ही रस्त्यावर वाहतूक धारकांना तारेवरची कसरत करावी लागते. मधेच शासकीय कार्यालय आणि इतर आस्थापने याच मार्गावर असल्याने नागरिकांना आपल्या दैनंदिन कामासाठी यावे लागते. तसेच दक्षिणेस मेडिकल, झेरॉक्स, इेक्ट्रॉनिक्स दुकान,स्टेशनरी, दवाखाने, शाळेचे विद्यार्थी यांची नेहमीच रेलचेल असते. रोडला लागून असलेल्या अनेक दुकानदार आपला दुकानाचा गाळा सोडून बाहेर रस्त्यावर साहित्य ठेऊन विक्री करीत असतात. अशा प्रसंगी होणाऱ्या वाहतुकीवर कोणाचेही नियंत्रण नाही.

अवश्य वाचा : चंद्रपुरातील वसुलीची यादी कुणाकडे?

Removal of encroachment या चारही मार्गावरील अतिक्रमण वाढल्याने नागरिकांना मोठ्या प्रमाणात त्रास सहन करावे लागत आहे. वाहतुकीची कोंडी निर्माण झाल्याने अनेकदा अपघात झाले असून जीवही गेले आहेत.दिवसेंदिवस वाहतुकीचा प्रश्न गंभीर होत आहे. करीता शहरातील वाढते अतिक्रमण बाबत अनेक प्रतिष्ठित नागरिकांनी, वृध्द नागरिकांनी, जागृत महिलांनी देखील प्रशासनाला वेळोवेळी अवगत केले आहे.

भविष्यात अतिक्रमणावर आळा घातल्या गेला नाही, काही उपाय योजना प्रशासनाने केल्या नाही तर मात्र मुलची जनता रस्त्यावर उतरल्या शिवाय राहणार नाही. अशीही चर्चा नगरात केली जात आहे.

Removal of encroachment यासाठी नगर पालिका व पोलिस प्रशासनाने याची दखल घेत स्मार्ट सिटी शहरातील अतिक्रमण लवकरच काढण्यात येणार असल्याचे नियोजन करण्यात येणार असून वाढलेले अतिक्रमण नक्कीच काढण्यात येईल असे समजले आहे.

Encroachment remove चंद्रपूर तालुक्यातील घुग्गुस शहरात नगर परिषद प्रशासन व पोलीस प्रशासनाच्या वतीने संयुक्तपणे 28 मे रोजी अतिक्रमण हटाव मोहीम सुरू करण्यात आली.

अवश्य वाचा : चंद्रपुरातील वरोरा नाका चौकात होणार हा मोठा बदल

Encroachment remove मागील काही दिवसांपूर्वी नगर परिषदेने वाहतुकीला अडथळा निर्माण करणाऱ्या प्रतिष्ठान धारकांना अतिक्रमण हटविण्यासंदर्भात नोटीस बजावले होते, त्यानुसार आज सकाळी पोलीस विभाग व नगर परिषदेने चांदणी चौक परिसरात रहदारीला अडथळा निर्माण करणाऱ्या दुकानाचे अतिक्रमण काढणे सुरू केले.

अवश्य वाचा : चंद्रपूर जिल्ह्यातील आमदार हिम्मत दाखविणार काय?

कायदा व सुव्यवस्थेचा प्रश्न निर्माण होऊ नये यासाठी पोलीस प्रशासनाचा तगडा बंदोबस्त लावण्यात आला आहे, आज चांदणी चौक, बस स्थानक परिसरातील अतिक्रमण हटाव मोहीम राबविल्यावर शहरातील अनेक भागात ही मोहीम राबविण्यात येणार असल्याची माहिती मुख्याधिकारी गादेवार यांनी दिली.

Bison in city मुल – मुल शहराला लागूनच अगदी एक की.मी. अंतरावर जंगल लागून असल्याने २५ मे ला रात्री ११:४५ च्या दरम्यान जंगलातील एक रानगवा भटकुन मूल शहरातील चौखुंडे हेटी व बाजार समितीच्या आवारात फीरतांना तेथील रहिवासी यांना दीसला.

अवश्य वाचा : आज रेमल चक्रीवादळ धडकणार

याची माहीती स्थानीक नागरिक विक्की कोहळे यांनी संजीवन पर्यावरण संस्थेचे सदस्य तन्मयसिंह झिरे, मनोज रणदिवे व योगेश गावंडे यांना दीली. माहीती मिळतात संस्थेच्या सदस्यांनी घटणा स्थळी जाऊन तो रानगवा आहे याची खात्री करून वन कर्मचारी यांना मोबाईल द्वारे माहिती दिली.

Bison in city वनविभागाचे कर्मचारी, संजीवन पर्यावरण संस्थेचे सदस्य व स्थानिक नागरिकांनी त्या रानगव्याला सुरक्षित पणे जंगलाच्या दिशेने परतविले यावेळी मूल प्रादेशिक चे क्षेत्र सहाय्यक एम.जे. मस्के, एफ डी सी एमचे क्षेत्र सहाय्यक आर.जी.कुमरे वनरक्षक एस.आर. ठाकुर उपस्थित होते.

वर्ग 12 वी नंतर काय? हा कोर्स करा, नक्की यशस्वी व्हाल

यापूर्वीही याच लागून असलेल्या जंगलातील अस्वल व तिचे तीन पिले उन्हाळ्याच्या दिवसात कर्मवीर महाविद्यालय परिसरात फिरताना विद्यार्थ्यांना दिसले. त्याही वेळेला वनविभागाने गस्त लावले होते.

Chor bt seeds गोंडपिपरी – गोंडपिंपरी येथे गोंडपिपरी पोलिसांनी व कृषी विभागाच्या भरारी पथकाने दि 23 गुरुवारी रात्री बारा वाजता दरम्यान गडचिरोली जिल्ह्यातील एका आरोपीला २५ लाखाचे चोर बिटी बियाणे वाहतूक करताना बियाणे जप्त केले.

अवश्य वाचा : निराधार महिलेला पुन्हा दिला अम्माने आधार

अनाधिकृत चोर बेटी कापूस बियाण्यास शासनाची परवानगी नाही .कृषी विभागाने अनाधिकृत बियाणांवर नियंत्रण ठेवण्यासाठी जिल्ह्यात व प्रत्येक तालुक्यात भरारी पथकांची नेमणूक केली आहे. मात्र गोंडपिंपरी तालुका हा तेलंगणा सीमेवर असल्याने व गडचिरोली जिल्ह्याला जोडणारा तालुका असल्याने तालुक्यातून मोठ्या प्रमाणात छुप्या मार्गाने चोरबीटी बियाणे वाहतूक होत असते.

महत्वाची बातमी : मुलींना उच्चशिक्षण मिळणार मोफत

Chor bt seeds शेतकऱ्यांना चोर बिटि विक्री करून फसवणूक केली जात आहे.या सगळ्या प्रकरणावर आळा घालण्यासाठी कृषी विभाग,पोलीस विभाग हे अलर्ट आहेत.ठाणेदार रमेश हत्तिगोटे, मणोहर मत्ते व पोलिस कर्मचारी गस्तीवर असताना दि.२३ रात्री १२ वाजता दरम्यान गुप्त माहितीच्या आधारावर गोंडपिपरी पोलिसांनी आकाश गणेश राऊत वय (24) रा.अहेरी, जिल्हा गडचिरोली यांचे गाडी क्रमांक MH 34 एम 8635 वाहनाची तहसिल कार्यालय गोंडपीपरी समोर वाहन थांबवून झडती घेतली असता वाहनात अनधिकृत कापूस बियाणे 12.90 क्विंटल 25.80 लक्ष रुपये किमतीचे बियाणे सापडले.

Chor bt seeds संबंधित बीटी वाहतूक करणाऱ्याला ताब्यात घेण्यात आले. दि. (24)शुक्रवारी पहाटे पाच वाजेपर्यंत चौकशी व कारवाई प्रक्रिया पार पडली. ही कारवाई जिल्हाधिकारी विनय गौडा,जिल्हा पोलीस अधीक्षक सुदर्शन मुमक्का,पोलीस उपपविभागीय अधिकारी शिवलाल भगत,विकास पाटील संचालक निविष्ठा व गुण नियंत्रण आयुक्तालय, जिल्हा कृषी अधीक्षक शंकर तोटावार,मुख्य गुणवंत्ता नियंत्रण अधिकारी प्रवीण देशमुख,कृषी विकास अधिकारी वीरेंद्र राजपूत,उपविभाग कृषी अधिकारी गिरीश कुलकर्णी, कृषी उपसंचालक चंद्रकांत ठाकरे यांच्या मार्गदर्शनात गोंडपिपरी तालुका कृषी अधिकारी सचिन पानसरे, ठाणेदार रमेश हत्तीगोटे,पंचायत समिती कृषिअधिकरी महेंद्र डाखरे, मोहीम अधिकारी लंकेश कटरे,श्रावण बोढे,विवेक उमरे,पोहवा देविदास सुरपाम,मनोहर मत्ते,शांताराम पाल, प्रशांत नैताम,पूनेश्वर कुळमेथे यांनी कार्यवाही केली. चोरबीटी बियाणे, युरिया खत व पिकप वाहन असा एकूण 30 लाख 86 हजार 290 रुपयाचा मुद्देमाल जप्त करण्यात आला.

12 वी नंतर हे अभ्यासक्रम निवडाल तर मिळेल भरघोस पगार

Chor bt seeds आपल्या परिसरात संशयास्पद अनधिकृत बियाणे साठवणूक व विक्री होत असेल तर याची माहिती कृषी विभागाला द्यावी शेतकऱ्यांनी अधिकृत विक्रेत्यांकडून बियाणे रासायनिक खते व कीटकनाशक खरेदी करावे .खरेदी केल्याचे पक्की बिल शेतकऱ्यांनी जपून ठेवावे.

-सचिन पानसरे ,तालुका कृषी अधिकारी गोंडपिंपरी

Chor bt seeds 15 मे रोजी कृषी विभागाने पोम्भूर्णा तालुक्यातील मौजा नवेगाव मोरे येथे धाड टाकून अनधिकृत कपाशी बियाणे 80.30 किलोग्राम किंमत 2 लाख 3 हजार 640 रुपये, तर दुसऱ्या दिवशी 16 मे रोजी पोम्भूर्णा भीमणी येथे 39.88 क्विंटल अनधिकृत कपाशी बियाणे किंमत 76 लाख 57 हजार असा 2 दिवसात 78 लाख 60 हजार 640 रुपयांचे कापूस बियाणे जप्त केले, 23 मे मध्यरात्री गोंडपीपरी पोलिसांनी एकूण 12.90 क्विंटल कापूस बियाणे किंमत 25.80 लाख रुपये जप्त केला

आतापर्यंत पोलीस व कृषी विभागाच्या कारवाईत एकूण 1 कोटी 4 लाख 640 रुपयांचे कापूस बियाणे पकडले आहे.

गुरू गुरनुले

Sewer Line cleaning मूल – यावर्षीचा पावसाळा तोंडावर आला आहे. यंदा मान्सून लवकरच बरसणार असल्याचा हवामान खात्याने अंदाज वर्तविला आहे. हे लक्षात घेता मूल नगरपरिषद प्रशासन मान्सूनपूर्व तयारीला लागायला पाहिजे होते. कारण मागील वर्षी नगरात आलेली परिस्थिती पाहता यंदा मात्र शहरातून धावणाऱ्या राष्ट्रीय महामार्गासोबत् धावणाऱ्या गटरलाईनची सफाई हा विषय तेवढाच महत्वाचा असून पावसाळ्यातील अडगळ थाबविणारा ठरणार असल्याचे बोलले जात आहे.

अवश्य वाचा : राज्यातील मुलींना मिळणार उच्चशिक्षण अगदी मोफत

Sewer Line cleaning गत अनेक वर्षांपासून सफाईसाठी तरसलेल्या मूल शहरातुन धावणाऱ्या चंद्रपूर- गडचिरोली राष्ट्रीय महामार्गाचे दोन्ही कडेला बांधण्यात आलेल्या या मोठया गटरलाईनला आजवर दुर्लक्षीत ठेवण्यात आले आहे. व याचा मोठा फटका अनेकदा निवासी घरांना बसला आहे. अनेक घरात पाणी घुसले काही कुटुंबीयांना तीन दिवस घराच्या बाहेर कुटुंब हलवावे लागले. मूल शहरातून महामार्गासोबत् धावणारी गटरलाईन अंदाजे एक चतुर्थांस माती व केरकचऱ्याने भरलेली आढळते.

या गटरलाईन मधून संपुर्ण शहरातील सांडपाण्याचा निचरा तलावांमध्ये होतो. पावसाळ्यातील शहराच्या चहूबाजूने येणाऱ्या पावसाच्या पाण्याला सामावून घेण्याचे महत्वाचे काम ही गटरलाईन करते. आधीच ही गटरलाईन पावसाचे पाणी वाहून नेण्यास तांत्रिकदृष्टया सक्षम नसल्याची ओरड आहे. अशा स्थितीत गटरलाईन तुडूंब भरून जोडलेल्या नाल्यांचे पाणी थोपून शहरातील मोठया परिसरात पसरण्याची भिती निर्माण होत असते.

महत्वाची माहिती : 12 वी चा निकाल लागला, आता कोणता अभ्यासक्रम निवडणार? 

Sewer Line cleaning गेल्या २०२०, व २०२१ मध्ये शहरातील शेकडो घरांमध्ये जमा झालेले पुराचे घाण पाणी घुसून सतत तीन दिवस पाणी जमा होऊन जिवघेणी परीस्थिती निर्माण झाली होती. अखेर शहराबाहेरून वन विकास महामंडळाचे क्षेत्रातून भरमसाठ अतिरीक्त पाणी अर्धा कि.मी. नाला काढून परस्पर बाहेर काढावे लागले होते. हे विसरता येणार नाही.

मूल शहरातून अंदाजे एक ते दिड कि.मी. लांबींची ही गटरलाईन असून यावर संपुर्ण अतिक़मण झाले आहे. यावर हाटेल्स,खानावळ,हार्डवेअर,फर्नीचर वर्क्स, पानठेले,बियरबार बसलेले असून दररोज मोठया प्रमाणात जमा झालेला केरकचरा या गटरलाईन मध्ये टाकला जातो. तसेच महामागांवरील बांधकामासाठी वापरण्यात येणारे रेती,माती,विटांचे तुकडे या गटरलाईन मध्येच साठवले जात आहे. अशा स्थितीत पावसाळ्यापूर्वी या गटरलाईनची सफाई मोहीम नगर परिषद प्रशासनाने तात्काळ राबविली नाही तर पावसाळ्यात पाणी चौफेर पसरून जिवघेणी स्थिती निर्माण होईल हे निश्चित असल्याची भिती व्यक्त होताना दिसते.

Sewer Line cleaning न.प. मूल चा आरोग्य व स्वच्छता विभाग मान्सूनपूर्व कामे नेटाने करीत असला तरी यंदा मात्रं या गटरलाईनची पूर्ण सफाई अगत्याने करावी लागणार आहे.
मूल न.प.प्रशासक व न.प. मुख्याधिकारी यांनी हा विषय गंभिरतेने घेतल्यास येणारा पावसाळा शहर वासियांना अडचणीत टाकणारा ठरणार नाही असे जाणकारांनी बोलून दाखविले आहे.

overcoming alcohol addiction
आजची तरुणपिढी विविध व्यसनाच्या आहारी जात असल्याने त्यांचं आयुष्य उध्वस्त होत आहे, मात्र चंद्रपूर जिल्ह्यातील भद्रावती तालुक्यात व्यसन सोडण्यासाठी गेलेल्या युवकांचा मृत्यू झाल्याची घटना उघडकीस आली आहे.

अवश्य वाचा : तर चंद्रपूर जिल्ह्यातील 200 बिअर बार बंद होणार

overcoming alcohol addiction भद्रावती तालुक्यातील वडेगाव(गुळगाव) येथील तरुणांनी दारू सोडण्याची औषध घेतली असता काही वेळाने त्यांना अस्वस्थ वाटू लागले व त्याचदिवशी त्यांचा मृत्यू झाला असून दोघे गंभीर अवस्थेत रुग्णालयात दाखल आहे.

महत्वाची : घरबसल्या काढा विवाह नोंदणी प्रमाणपत्र

गावातील 19 वर्षीय सहयोग सदाशिव जीवतोडे, 26 वर्षीय प्रतीक घनश्याम दडमल ही मृतकाची नावे आहे तर 45 वर्षीय सदाशिव पुंजाराम जीवतोडे व 35 वर्षीय सोमेश्वर उद्धव वाकडे हे सध्या खाजगी रुग्णालयात उपचार घेत आहे.

लवकरचं होणार मान्सूनचे आगमन

सदाशिव जीवतोडे व त्यांच्या 19 वर्षीय सहयोग या मुलाला दारूचे अतिव्यसन जडले होते, घरातील दोघे दारूच्या आहारी गेल्याने कुटुंबातील वातावरण बिघडले होते.

overcoming alcohol addiction त्यासाठी सदाशिव जीवतोडे, सहयोग जीवतोडे यांच्यासह प्रतीक दडमल व सोमेश्वर वाकडे यांनी दारू सोडण्याचा निर्णय घेतला, 21 मे रोजी चौघे वर्धा जिल्ह्यातील शेडेगाव येथे शेळके नामक वैद्याकडे गेले असता त्यांनी चौघांना दारू सोडण्याचे औषध दिले, चौघांनी ते औषध तिथे घेत आपल्या गावाची वाट धरली, मात्र काही वेळात औषध घेतल्यावर त्यांना अस्वस्थ वाटू लागले.
चौघेही त्याच अवस्थेत आपल्या स्वगावी सायंकाळी दाखल झाले, मात्र त्यांची अस्वस्थता वाढल्याने त्यांना भद्रावती येथील खाजगी रुग्णालयात नेत असताना सहयोग व प्रतीक चा वाटेतच मृत्यू झाला.

overcoming alcohol addiction विशेष म्हणजे दोघांचा मृत्यू झाल्यावर गावातील नागरिकांनी दोघांचे मृतदेह गावात नेत अंत्यसंस्काराची तयारी केली, दोघांचा आकस्मिक मृत्यू झाल्याची बाब भद्रावती पोलिसांना कळल्यावर ते सरळ वडेगाव येथे दाखल झाली, व दोघांचे मृतदेह शवविच्छेदन साठी रुग्णालयात पाठविण्यात आले, शवविच्छेदन चा अहवाल आल्यावर पोलीस पुढची कारवाई करणार आहे.

पोलीस भरती मध्ये हा नियम ठरणार अडसर

याबाबत अधिक माहिती पोलिसांनी दिली असता त्यांनी सांगितले की आम्हाला ज्यावेळी दोघांचा मृत्यू झाला असल्याची बाब कळली त्यावेळी आम्ही चौकशी केली असता गावातील चार जण दारू सोडण्याचे औषध घेण्यासाठी वर्धा जिल्ह्यातील शेडेगाव येथे गेले त्यांनी त्याठिकाणी औषध घेत गावाची वाट धरली मात्र त्यांना अचानक अस्वस्थ वाटू लागल्याने, रुग्णालयात नेत असताना त्यांचा मृत्यू झाला, सध्या संपूर्ण चौकशी करीत याबाबत वर्धा पोलिसांसोबत चर्चा करून त्या औषधामुळे पुन्हा अश्या काही घटना घडल्या का याबाबत सुद्धा तपास करणार अशी माहिती दिली.

गुरू गुरनुले interrupted Power supply मुल:- तालुक्यातील बेंबाळ परिसरातील विद्युत पुरवठा ऐन उन्हाळ्याच्या दिवसात वारंवार खंडित होत असल्याने या परिसरातील जनतेला नाहक त्रासाला सामोरे जावे लागत आहे. तसेच या परिसरातील उद्योगधंद्यावरही याचा मोठा परिणाम पडत आहे.

अवश्य वाचा : चंद्रपूर मनपाच्या 58 सेवा ऑनलाइन

interrupted Power supply मागील कित्येक वर्षापासून विद्युत पुरवठा खंडित होण्याचा त्रास या परिसरातील जनतेला सहण करावा लागत आहे. याबाबत युवक काँग्रेसने तक्रार ,निवदने दिलेले असूनसुद्धा याकडे संबंधित विद्युत विभागाचे जाणीवपूर्वक दुर्लक्ष होताना दिसत आहे.

कामाची माहिती : घरबसल्या काढा विवाह नोंदणी प्रमाणपत्र

interrupted Power supply या क्षेत्रातील अधिकारी व कर्मचारीही आपल्या कर्तव्यात कसूर करताना आढळून येत असून ही बाब अतिशय गंभीर असून सामान्य जनतेसाठी विद्युत पुरवठा सुरळीत करण्याची जबाबदारी वीज वितरण कंपनीची आहे. वारंवार खंडित होणारा पुरवठा सुरळीत करून ग्राहकांना सर्वसामान्य जनतेला सततच्या होणाऱ्या त्रासापासून दिलासा द्यावा करिता युवक काँग्रेस कडून निवेदन देण्यात आले.

पाऊस कधी येणार? मान्सूनचे आगमन कधी?

जर एका आठवड्याच्या आत सदर विद्युत पुरवठा सुरळीत झाला नाही तर या विरोधात युवक काँग्रेस विद्युत कार्यालयासमोर विद्युत बिले जाळुन तीव्र आंदोलन करणार असा इशारा युवक काँग्रेसकडून देण्यात आला.

interrupted Power supply निवेदन देताना युवक काँग्रेसचे प्रशांत उराडे,पवन निलमवार, कांग्रेस किसान सेलचे जिल्हाध्यक्ष दिपक पाटील वाढई,बेंबाळचे सरपंच चांगदेवजी केमेकार, उपसरपंच देवाजी ध्यानबोईवार, किशोर नंदिग्रामवार, माजी सरपंच विजय बोम्मावार, संदिप मस्के, निलेश बांगरे, गणेश निलमवार, विनोद वाढई,दिपक कोटगले तथा काँग्रेसचे कार्यकर्ता व पदाधिकारी उपस्थित होते.