Category: ग्रामीण वार्ता

mp pratibha dhanorkar गुरू गुरनुले मूल :- बल्लारपूर विधानसभा ही क्षेत्राचे आमदार राज्याचे वनमंत्री असताना सुदधा तालुक्यातील समस्या सुटलेल्या नाही. ठेकेदाराचे काम देताना सुद्धा भेदभाव करतात. म्हणूनच लोकसभेमध्ये त्यांना मतदारांनी नाकारले. आणि ही गर्दी पाहून आताही विधानसभेमध्ये मतदार नाकारतील. असे मत नवनिर्वाचित खासदार प्रतिभा बाळुभाऊ धानोरकर यांनी व्यक्त केले.

गांधी चौक मुल येथे तालुका कॉंग्रेस पक्षातर्फे महिला कांग्रेस तर्फे त्यांचा शाल, श्रीफळ,सन्मानचिन्ह देवून सत्कार करण्यात आला यावेळी सत्काराला उत्तर देताना त्या बोलत हौत्या. वनांच्या संदर्भात अनेक समस्या उदभवल्या असताना वनमंत्री त्यावर कोणत्याच उपाय योजना आखताना दिसत नाही, अशी टिका त्यांनी यावेळी केली. वाघ व रान डुकरे यांच्या रोजच्या हल्ल्यामुळे शेतकरी , शेतमजूर आणि गुराख्यां मध्ये भितीचे निर्माण झाली आहे. शेतकरी शेती करणे सोडत आहेत ही भिती दूर करण्याची नैतिक जबाबदारी पालक मंत्र्यांची आहे. असा प्रश्न त्यांनी उपस्थित केला. त्याबाबत वरिष्ठ अधिका-यांची आढावा बैठक बोलावून यावर तोडगा काढला जाईल अशी ग्वाही त्यांनी दिली.जिल्हयात सुडबुदधीचे राजकारण केल्या जात असल्याने क्षेत्राच्या विकासासाठी आपल्या हक्काचा आमदार आवश्यक असल्याचे मत त्यांनी व्यक्त केले.

राजकारण : हजारो युवकांचा कांग्रेस पक्षात प्रवेश

लोकसभेचे क्षेत्र मोठे असल्याने या क्षेत्राच्या विकास कामांसाठी केंद्र शासनाने प्रत्येक खासदाराचा निधी तीस कोटी वाढवून दयावा ,अशी मागणी करणार असल्याचे सांगितले. सत्काराला उत्तर देताना त्यांनी मतदारांच्या विश्वासाला तडा जाणार नाही,असा शब्दही दिला.मतदारांनी आपल्या कडे हक्काने आपले प्रश्न मांडावेत असेही त्या म्हणाल्या.

कार्यक्रमाच्या अध्यक्षस्थानी जिल्हा कांग्रेस अध्यक्ष आमदार सुभाष धोटे .प्रमूख पाहूणे म्हणून चंद्रपूर जिल्हा मध्यवर्ती सहकारी बॅंकेचे अध्यक्ष संतोषसिंह रावत, वी.परिषदेचे आ.अभिजीत वंजारी, माजी आ.देवराव भांडेकर, मा.न.प.अध्यक्ष घनश्याम मुलचंदानी,माजी जि.प.अध्यक्ष प्रकाश मारकवार, डॉ.अभिलाषा गावतूरे,सभापती राकेश रत्नावार, उपसभापती राजेंद्र कन्नमवार, जिल्हा कांग्रेस महासचिव घनश्याम येनुरकर,तालुका अध्यक्ष गुरु गुरनूले, राजू पाटील मारकवार, संचालक किशोर घडसे, महिला अध्यक्ष रूपाली संतोषवार, माजी.जीप.सदस्य मंगला आत्राम, लीना फुलझेले, उपस्थित होते.

गोळीबार : गोळीबार प्रकरणी राजकीय पदाधिकाऱ्याला अटक

मतदार संघाचा इतिहास प्रास्तविकामधून तालुका अध्यक्ष गुरू गुरनूले यांनी मांडला. यावेळी संतोषसिंह रावत यांनी निधी अभावी ग्रामपंचायत क्षेत्रातील विकास ठप्प आहे. अशा ग्रामपंचायतींना न्याय देण्याची मागणी केली.रोज होणारे मानव वन्यजीव संघर्ष,धनगरांचा चराईचा निस्तारहक्क, वन जमीन पटटे, रानडुक्करांमुळे होणारे शेतपीकांचे नुकसान याबाबत आपण न्याय मिळऊन देण्यासाठी प्रयत्न करावे. असे मत संतोष सिंह रावत यांनी खासदारांपुढे व्यक्त केले.

Mp pratibha dhanorkar यावेळी आ.अभिजीत वंजारी यांनीही परखड शब्दात मनोगत व्यक्त केले. राज्यात मविआचे सरकार आल्यास लाडकी बहिण योजना आम्ही बंद करणार नाही.उलट तीन हजारांऐवजी पाच हजार रूपये प्रत्येकी देवू अशी ग्वाही आ.सुभाष धोटे यांनी अध्यक्षस्थानावरून बोलताना दिली. कार्यक्रमाचे संचालन शहराध्यक्ष सुनिल शेरकी यांनी ,तर आभार महिला शहर अध्यक्ष नलिनी आडेपवार यानी मानले. सभेला मविआ घटक पक्षाचे पदाधिकारी, यांचेसह हजारच्या वर नागरिक उपस्थित होते.

युवक काँग्रेसचे संदीप मोहबे,प्रशांत उराडे,अतुल गोवर्धन,विष्णू सादमवर कैलाश चलाख, शामला बेलसरे,समता बंसोड,सीमा भसारकर, यांनी सहकार्य केले. सात युवकांचा कांग्रेस मध्ये प्रवेश काँग्रेसची पुढची वाटचाल पाहून संतोषसिंह रावत यांचे नेतृत्व मानून अनंत लेनगुरे, शेंडे, काळंबंधे, बावनथडे, यांचे सोबत अनेक युवकांनी गळ्यात कांग्रेस दूपट्टा टाकून प्रवेश केला नवनिर्वाचित खासदार प्रतिभाताई बाळुभाऊ धानोरकर यांचे ग्रामीण सरपंच,सोसायटी अध्यक्ष,संचालक,ग्राम काँग्रेसचे पदाधिकारी यांनी पुष्पगुच्छ देऊन स्वागत केले.

toll naka सावली:- मूल ते गडचिरोली या महामार्गावर हिरापूर जवळ टोलनाका उभारण्यात आला असून या टोल नाक्यावर दुचाकी वाहनाकरीता रस्ता नाहि तसेच टोलनाक्याजवळ ठिकठिकाणी मोठमोठे खड्डे पडले आहेत यामूळे अपघाताची शक्यता नाकारता येत नाही.

Toll naka टोलनाका व्यवस्थापकाच्या हलगर्जी पनामुळे पंधरा दिवसाआधी एका व्यक्तीला अपघातात जीव गमवावा लागला होता, अशा विपरीत घटणा वारंवार घडु नयेत यासाठी टोलनाक्याजवळ पडलेले खड्डे तास्काळ दुरस्त करूण दुचाकी वाहनाकरीता बाजूने रस्ता उपलब्ध करून द्यावे आठ दिवसात सदर मागणी पूर्ण न झाल्यास मनसे स्टाईल तीव्र आंदोलन करण्यात येणार असून याला सर्वस्वी संबंधीत प्रशासन जबाबदार असेल या आशयाचे निवेदन मनसेचे जिल्हाध्यक्ष राहुल बालमवार यांच्या मार्गदर्शनात टोलनाका व्यवस्थापकाला देण्यात आले आहे.

मानव वन्यजीव संघर्ष – मूल तालुक्यात वाघाने केली गुराख्याची शिकार

यावेळी निवेदन देण्यार्या शिष्टमंडळात मनसेचे जिल्हासचिव किशोर मडगुलवार मनविसे जिल्हाउपाध्यक्ष कुलदिप चंदनखेडे मनसेचे मूल तालुका अध्यक्ष स्नेहल झाडे, शुभम वांढरे, मंगेश धोटे, निक्की यादव, प्रशांत रामटेके, शंकर भडके आणि मनसे तथा मनविसे कार्यकर्ते उपस्थित होते.

टोलनाक्याचे नियम काय?

राष्ट्रीय महामार्गावरून तुम्ही प्रवास करत असाल तर तुम्हाला टॅक्स भरावा लागतो. त्यासाठी टोलनाक्यांची निर्मिती करण्यात आली आहे. अशातच जर त्या टोल नाक्यावर तुम्हाला 10 सेकंदापेक्षा जास्त वेळ थांबायला लागू नये, असं नियम सांगतो. जर तुम्हाला 10 सेकंदापेक्षा जास्त वेळ थांबायला लागलं तर तुम्ही टोल ने देता तिथून जाऊ शकता. टोल नाक्यावर 100 मीटरहून अधिकची रांग असता कामा नये, असा नियम आहे.

गोळीबार : कुख्यात गुन्हेगार हाजी हत्याकांड प्रकरणात राजकीय कनेक्शन?

टोल नाक्यावर टोल घेण्यासाठी लेन केलेल्या असतात. या प्रत्येक लेनमध्ये सहापेक्षा अधिक वाहनं नसावीत. प्रत्येक टोल नाक्यापासून 100 मीटर अंतरावर पिवळ्या रंगाची पट्टी असावी. या शिवाय दोन टोलनाक्यांमध्ये 60 किलोमीटर अंतर असावं, असा नियम आहे. आता यात थोडा बदल करण्यात आला आहे. 60 किलोमीटर अंतराच्या परिघात एकच टोलनाका असावा.

टोल टॅक्स ही देशात कुठेही एक्सप्रेसवे किंवा हायवे वापरण्यासाठी तुम्ही भरलेली रक्कम आहे. सरकार वेगवेगळ्या राज्यांमध्ये चांगली कनेक्टिव्हिटी निर्माण करण्यात गुंतले आहे, ज्यामध्ये खूप पैसा खर्च होतो. हा खर्च महामार्गांवरून टोल टॅक्स आकारून वसूल केला जातो. विविध शहरे किंवा राज्यांमध्ये प्रवास करताना महामार्ग किंवा एक्सप्रेसवे हा वापरण्यासाठी सोयीस्कर पर्याय आहे. टोलकर दर संपूर्ण भारतातील विविध महामार्ग आणि द्रुतगती मार्गांवर बदलते. रक्कम रस्त्याच्या अंतरावर आधारित आहे आणि प्रवासी म्हणून, तुम्हाला त्यासाठी जबाबदार राहावे लागेल.

mahesh mendhe नुकत्याच झालेल्या पावसाने शेतकऱ्यांचे नुकसान झाले असून  शेती पिकांचे पंचनामे करण्‍याचे आदेश देण्यात आल्यानंतरही यंत्रणेला जाग आली नसून शेतकरी संकटात सापडला आहे.   या संकटाच्‍या काळात शेतक-यांच्‍या पाठीशी खंबीरपणे उभे राहण्‍याची भूमिका अवंती – अंबर सामाजिक प्रतिष्ठान चंद्रपूरचे संस्थापक अध्यक्ष काँग्रेस नेते महेश मेंढे यांनी घेतली असून त्यांनी शेतकऱ्यांच्या नुकसानीची पाहणीसाठी बांधावर पोहचले आहे.

अपघातग्रस्त युवक-युवतीच्या मदतीला धावले आमदार

 Mahesh mendhe अवंती – अंबर सामाजिक प्रतिष्ठान चंद्रपूरचे संस्थापक अध्यक्ष काँग्रेस नेते महेश मेंढे यांनी मदतीचा हाथ हा थांबला नसून त्यांनी आत्ता आपला मोर्चा शेतकऱ्याकडे वाढविला आहे. त्यांच्या बांधावर जाऊन मदत करणे सुरु आहे.  मागील जुलै महिण्यात काही दिवसांपासून संततधार पाऊस होत असुन धरणाचे अतिरिक्त पाणी सोडण्यात आल्याने नदी नाले फुगले आहेत.अतिवृष्टी तसेच पुराचे पाणी शेतात घुसुन साचुन राहिल्याने उभे धान पिक सडले.तसेच काही पिकाचे सुद्धा नुकसान झाले आहे.
त्यामुळे शेतकरी पुरते अडचणीत आले असून अतिवृष्टीमुळे जगण्या मरण्याचा गंभीर प्रश्न समोर उभा ठाकला आहे.ही वस्तुस्थिती लक्षात घेता व जिल्ह्यातील शेतकऱ्यांची एकंदरीत स्थिती पाहुन महेश मेंढे यांनी पुढाकार घेतला व शेतकरी वर्गाच्या भेटीगाठी घेऊन त्यांचा बांधावर जाऊन त्यांची विचारणा केली. त्यांना मदत करू असे मानत त्यांना सहानभूती दिली.  

पावसाचे दिवस असल्याने त्यांना शेतात काम करताना अडचण होत असल्याने त्यांना त्यापासून संरक्षण करण्याचे उद्देश्याने छत्रीचे वाटप केले.

 यावेळी उपसरपंच रोशन रामटेके, अविनाश मेश्राम ,सचिन रणवीर, समीर सोनवणे, अथर्व फुलझेले, सर्वेश पिसे, मीनल गुरव , राजेश पिंपळकर , विनय देठे,  पियुष धुपे यांची उपस्थिती होती.

Mama talav मुल तालुक्यातील काटवन येथील मामा तलाव फुटण्याच्या मार्गावर असून त्याठिकाणी भूमिपुत्र ब्रिगेडच्या टीमने आज भेट दिली आणि प्रशासनाला इशारा देत मोठा अनर्थ टाळायचा असेल तर त्वरित कारवाई करावी.

मामा तलावांच्या देखरेखीचे काम योग्य प्रकारे न केल्यामुळे जिल्ह्यातील कित्येक गावचे तलाव जसे चिचपल्ली दाबगाव मक्ता येथील तलाव फुटून शेतीचे आणि लोकांच्या वस्तीचे प्रचंड नुकसान झालेले असतानाच आठवण येथील तलावाच्या पाळीला सुद्धा मोठे भगदाड पडलेले आहे आणि तो तलाव जर फुटला तर शेतीच्या आणि वस्तीचे मोठ्या प्रमाणात नुकसान होऊ शकते म्हणून प्रशासनाने त्वरित कारवाई करावी असा इशारा भूमिपुत्र ब्रिगेडच्या टीमने प्रशासनाला दिलेला आहे.

अफवा : जिल्ह्यात उडाली अफवा, लाडकी बहीण योजना 31 ऑगस्ट नंतर बंद होणार, पालकमंत्री मुनगंटीवार यांनी दिलं स्पष्टीकरण

Mama talav या घटनेमुळे मामा तलावांच्या देखरेखितेतील भ्रष्टाचाराचा प्रश्न पुन्हा एरणीवर आला आहे, मुसळधार पाऊस आला, पूर आला की मामा तलावांतील पाणी फुटतात आणि त्याचा परिणाम ग्रामीण भागातील शेतकऱ्यांना आणि गावकऱ्यांना भोगावा लागतो हे कुठेतरी थांबले पाहिजे आणि शेतकऱ्यांना न्याय मिळाला पाहिजे अशी मागणी ही भूमिपुत्र टीम ने यावेळी केली आहे.

आधीच पिंपळगाव व चीचपल्ली येथील मामा तलाव फुटल्याने स्थानिक नागरिकांची भर पावसात वाताहत झाली होती, नागरिकांचे अन्न धान्य सुद्धा वाहून गेले होते, प्रशासनाने त्या घटनेनंतर याबाबत जिल्ह्यातील मामा तलावाची दुरुस्ती होत आहे का? याकडे लक्ष देणे गरजेचे होते मात्र काटवन येथील मामा तलाव बघितल्यावर प्रशासन सध्या मुकदर्शक झाला की काय असे चित्र पुढे आले आहे.

crop insurance गुरू गुरनुले मूल – मुल तालुक्यात पाऊस पडला नसल्याचे कारण पुढे करून पाच हजाराच्या वर शेतकऱ्यांचे पीक विम्याचे अर्ज दि. ओरिएंटल इन्शुरन्स या पिक विमा कंपनीने रिजेक्ट केले. त्यामुळे मुल सावली तालुक्यातील सर्व शेतकरी पिक विमा मदत निधी मिळण्यासाठी अपात्र ठरले. काही ठराविक निवडक शेतकऱ्यांना पिक विमा निधी देऊन कंपनीने आपली जबाबदारी झटकली.

Crop insurance अवश्य वाचा : उभ्या ट्रक ला चारचाकी वाहनाची धडक, 4 युवकांचा मृत्यू

याबाबतच्या अनेक तक्रारी शेतकऱ्यानी केल्या. उदा. मुल तालुक्यातील मौजा येरगाव येथील विमा धारक शेतकरी मोहन विश्वनाथ नागपुरे यांचे कुटुंबातील १९०,२४७, यांना विम्याचे पैसे देण्यात आले. परंतु याच शेतीला लागून एकच धुरा असलेल्या सर्व्हे नंबर १३१,२७३, १८५,९०, हा नंबर असलेल्या मोहन नागपुरे यांना विक विम्यापासून वगळण्यात आल्याचे प्रत्यक्ष कागद पत्राची तपासणीत लक्षात आले.असे हजारो शेतकरी संतप्त असून पिक विमा कंपनीचे अधिकारी शुभम बनसोड यांचेशी संपर्क साधला असता.ते “नॉट रिचेबल”झाले.

Crop insurance सहकार सोसायटी तर्फे व प्रधानमंत्री पीक विमा योजना एक रुपयात काढण्याचे आदेश शासनाने दिले. चंद्रपूर जिल्हा पीकविमा नोंदणीत आघाडी घेतली.
पूर्व विदर्भात धानाचे पीक मोठ्या प्रमाणावर घेतल्या जाते. मात्र, धानपट्ट्यात अजूनही पाहिजे त्या प्रमाणावर धान उत्पादक शेतकऱ्यांना नैसर्गिक आपत्ती आल्याने पिक विमा मिळाला पाहिजे म्हणून मुल सावली कांग्रेस नेते संतोषसिंह रावत यांचे नेतृत्वात तालुका काँग्रेसच्या वतीने तालुका कृषी अधिकारी यांना लेखी निवेदन दिले. व न्यायालयीन लढा, देण्यासाठी मुल, सावली, पोंभूर्णा तालुक्यातील पीक विमा न मिळालेल्या शेतकऱ्यांकडून हजारो आनलाईन विमा पावत्या जमा केल्या.

नागपूर हायकोर्ट तर्फे एड.अजय एम.घारे यांचे मार्फतीने दिनांक ७/८/२०२४ ला ओरिएंटल इन्शुरन्स कंपनी, मुख्य कार्यालय,नागपूर यांना शेतकऱ्यांच्या वतीने चंद्रपूर जिल्हा मध्यवर्ती बँकेचे अध्यक्ष व माजी जी.प.अध्यक्ष संतोषसिंह रावत व कृषी उत्पन्न बाजार समितीचे उपसभापती राजेंद्र कन्नमवार यांनी नोटीस बजावले.त्यामुळे ओरिएंटल इन्शुरन्स कंपनीचे धाबे दणाणले असून विमा देण्यासाठी धावपळ करीत आहे.

muddy water पोंभूर्णा : तालुक्यातील गंगापूर गावात मागील आठ दिवसांपासून ताप,सर्दी, अतिसाराची साथ पसरली आहे. आतापर्यंत गावातील २० लोकांना साथ रोगाची लागण झाली आहे. या साथीत चार दिवसापुर्वी एका महिलेचा मृत्यू झाल्याची खळबळ माहिती मिळताच शिवसेना उद्धव बाळासाहेब ठाकरे चे जिल्हाप्रमुख संदिपभाऊ गिऱ्हे यांनी गंगापूर वासीयांची भेट घेतली व चार दिवसापुर्वी दि.८ ऑगस्टला गंगापूर गावातील ४२ वर्षीय शोभा भिकाजी वाघाडे या महिलेचा तापाने मृत्यू झाला त्यांच्या कुटुंबीयांची सांत्वनपर भेट घेतली.

Muddy water गंगापूर गावातील नागरिकांना गावात जलशुद्धीकरण संयंत्र नसल्याने नाईलाजाने वैनगंगा नदितील गढुळ पाणी पिण्याची वेळ आली आहे. गावातील नागरिकांनी शुध्द पाण्यासाठी प्रशासनाकडे मागणी केली होती.मात्र प्रशासनाने याकडे आजपर्यंत कानाडोळाच केला आहे. गावात शुद्ध पिण्याच्या पाण्याची सोय नसल्याने अख्खा गाव वैनगंगा नदितील गढुळ पाणी पितात.त्यामुळेच गंगापूर गावात मागील आठ दिवसांपासून ताप, सर्दी, अतिसार, हगवनची साथ पसरली आहे.या गावातील २० लोकांना साथीच्या रोगाची लागण झाली आहे.

अवश्य वाचा : लाडकी बहीण योजनेचा फायदा फक्त याच महिलांना मिळणार

ताप,सर्दी,हगवण,उल्टी यामुळे गावात भयंकर वातावरण पसरले आहेत.गावातील अर्धे लोकं साथीच्या आजारांनी परेशान आहेत.चार दिवसापूर्वी साथीच्या आजारांने गावातील एका महिलेचा मृत्यू झाल्याची माहिती मिळताच सामाजिक जबाबदारी म्हणून शिवसेना उद्धव बाळासाहेब ठाकरे चे जिल्हाप्रमुख संदिप गिऱ्हे यांनी गंगापूर येथे येऊन गंगापूर वासियांची भेट घेतली.व मृतक महिलेच्या मुलीची भेट घेऊन सांत्वन केले.यावेळी शिवसेना तालुका प्रमुख आशिष कावटवार, ग्रा.पं.सदस्य वैभव पिंपळशेंडे राहुल भोयर उपस्थिती होते

गंगापूर गावातील लोकं पर्याय नसल्याने वैनगंगा नदितील गढुळ पाणी पित असल्याने त्यांना अतिसाराची लागण झाली आहे.या समस्येबद्दल चेक ठाणेवासना येथील सामाजिक कार्यकर्ते वैभव पिंपळशेंडे यांनी गावकऱ्यांच्या मदतीला धावून गेले.त्यांना यथोचित मदत केले.व गंगापूर गावातील भिषण वास्तविकता शिवसेना जिल्हाप्रमुख संदिप गिऱ्हे यांना याबाबत माहिती दिली.

राजकारण : विधानसभेची उमेदवारी द्या, 75 हजार मतांच्या आघाडीने निवडून येणार

माहिती मिळताच संदिप गिऱ्हे दि.१२ ऑगस्ट सोमवारला रात्री ९ वाजताच्या सुमारास गंगापूर वासियांची भेट घेतली. गढुळ पाणी न पिण्याची विनंती केली.व गंगापूर वासियांना शुद्ध पिण्याच्या पाण्याची सोय करून दिल्या शिवाय आम्ही स्वस्थ बसणार नसल्याची ग्वाही सुद्धा दिली.आरोग्य विभागाच्या अधिकाऱ्यांशी चर्चा करून गावात मेडिकल कॅम्प लावण्याच्या संबंधित विनंती करणार असल्याचेही त्यांनी गावकऱ्यांना विश्वास दिला.यावेळी येथील प्रत्येक घरी जीवन ड्रापचे वाटपही करण्यात आले.