Category: ग्रामीण वार्ता

Gadchandur bomb case प्रतिनिधी | प्रकाश हांडे
गडचांदूर – गडचांदूर शहरात 30 जुलैला भगवती nx या कापड दुकानात अज्ञात इसमाने बॉम्ब सदृश्य वस्तू ठेवल्याने खळबळ उडाली होती.
बॉम्ब सदृश्य वस्तू ठेवल्याने आरोपी इसमाने भगवती nx वस्त्र भांडार चे मालक शिरीष बोगावार व त्यांच्या पत्नीला फोन केला, आणि तुमच्या दुकानात आम्ही बॉम्ब ठेवला असल्याचे सांगितले.

अवश्य वाचा : पायलट बनण्याचे स्वप्न होणार पूर्ण, असा करा अर्ज

Gadchandur bomb case गडचांदूर पोलिसांनी तात्काळ या प्रकरणी 2 जुळे भाऊ आयुष धाबेकर व पियुष धाबेकर यांना अटक केली. आरोपीनी धमकी देत खंडणी वसुली करण्यासाठी हा प्रकार केला असल्याची माहिती पोलिसांना दिली.
आरोपी जुळे भाऊ हे दोघे चिमूर तालुक्यातील निवासी असून दोघेही गडचांदूर येथे जलजीवन मिशन च्या कामाकरिता आले होते, अंगावर कर्ज झाल्याने ते फेडायचे कसे हा प्रश्न त्यांच्यासमोर उभा होता, त्यामुळे त्यांनी ही योजना आखली. दोघा भावांनी youtube बघून पाईप, सर्किट, led लाईट व घडी च्या साहायाने तो बॉम्ब बनविला होता. सदर बॉम्ब बनावट असल्याचे निष्पन्न होताच बॉम्ब शोध पथकाने तो बॉम्ब निकामी केला.
तब्बल 7 तास हे बनावट बॉम्ब नाट्याने पोलीस विभागाची तारांबळ उडाली होती, या प्रकरणात अजून 1 आरोपी असून सध्या तो पसार आहे. गडचांदूर पोलीस या प्रकरणाचा पुढील तपास करीत आहे.

विशेष बाब म्हणजे 2024 या वर्षात चंद्रपूर जिल्हा गुन्हेगारीने चर्चेत आला आहे, एक लहानश्या जिल्ह्यात अश्या प्रकारे गुन्हे घडणे ही एक गंभीर बाब आहे, जुलै महिन्यात 3 गोळीबाराच्या घटनेने जिल्हा हादरून गेला आहे, जिल्ह्यात बंदुकीचा पुरवठा कुठून होत आहे, याबाबत मात्र अजूनही काही सुगावा लागलेला नाही. नव्या पोलीस अधिक्षकांसमोर गुन्हेगारीने नवे आवाहन उभे केले आहे. पोलीस प्रशासनाला आता आपली गुप्त यंत्रणा मजबूत करायला हवी.

Ncp AP मनोज गोरे चंद्रपूर जिल्ह्यातील आदिवासी बहुल म्हणून ओळख असलेल्या कोरपना तालुक्याच्या ठिकाणी भागातील समस्यांना वाचा फोडण्यासाठी अजित पवार गट राष्ट्रवादी काँग्रेसच्या वतीने आबिद अली प्रदेश सहसचिव यांच्या नेतृत्वाखाली धरणे आंदोलन करण्यात आले परिसरातील शेतकरी कार्यकर्ते मोठ्या संख्येनी सहभागी होवून शासनाचे प्रशासनाचे लक्ष वेधले राजुरा उपविभागातील राजुरा, कोरपना,जिवती तालुक्यात वर्ग २ जमीन १ कामासाठी वाद २ दशकापासून सुरु आहे यामुळे शेतकऱ्याची पिळवणुक आर्थिक भुर्दंड तसेच चकरा मारण्यात वेळ जात आहे.

अवश्य वाचा : पावसाळी अधिवेशनात खासदार प्रतिभा धानोरकर यांची जोरदार बॅटिंग

Ncp Ap नागरिक त्रस्त आहेत कार्यालयातील चकरा व शासनाने ऑनलाईन करतांना वर्ग २ नोंदविल्याने शासनाने वेळोवेळी शासन निर्णय होवून सुद्धा प्रश्न सुटले नाही मोहीम राबवीत हा प्रश्न सोडवावा व ग्रामपंचायत तलाठी साजा निहाय वर्ग १ मोहीम राबवावी वन्यप्राण्यामुळे होणारे शेतकऱ्याचे नुकसान ७५% अनुदानावर पिक संरक्षणासाठी कुंपण झटका मशीन उपलब्ध करण्यात यावे आदिवासी पेसा क्षेत्रातील ३ पिढीचा पुरावा अट शिथिल करावी व गैरआदिवासींना जमिनीचे पट्टे वाटप करावे राष्ट्रीय महामार्ग जडवाहतुकीमुळे ग्रामीण रस्ते नादुरुस्त झाले ते तातडीने दुरुस्त करण्यात यावीत व जि.आर.आय.एल कंपनीने मंजूर क्षमतेपेक्षा अधिक उत्खनन कामाची चौकशी करावी जिवती-कोरपना तालुक्यातील जलजीवन मिशन निकृष्ठ कामाची व गैरव्यवहाराची चौकशी करावी संजय गांधी निराधार योजनेच्या बोगस लाभार्थी रद्द करावे या सह अनेक मागण्याचे निवेदन मुख्यमंत्री,महसूल मंत्री,वनमंत्री,विभागीय आयुक्त यांना तहसीलदार कोरपना मार्फत देण्यात आले.

यावेळी शिष्ट मंडळात राष्ट्रवादी काँग्रेसचे स.आबिद अली, महादेव साखरकर,संजय पिंपळशेंडे,महादेव पेंदोर,धनराज जीवने,विवेक वडस्कर,मोहब्बत खान, मारोती खापने विकास टेकाम, नादिर कादरी, शहेबाज अली,हिरालाल चव्हाण, भाऊराव ठाकरे, चंद्रभान तोडासे, लक्ष्मन मोहितकर यांच्या सह अनेक शेतकरी उपस्थित होते.

अवश्य वाचा : भरोसा सेल ने पालकांना दिला भरोसा

यावेळी तहसीलदार मा.व्हटकर यांनी वर्ग २ जमिनीचा भूमिधारी बाबत गावनिहाय्य नियोजन करून प्रकरण निकाली व हि मोहीम आँगस्ट महिन्यापासून सुरु करण्यात येईल वन्यप्राणी व पंचनामे संबंधात वनविभागाला योग्य सुचना करण्यात येईल आपल्या निवेदनातील स्थानिक प्रश्न लवकरात लवकर निकाली काढण्याचे आश्वासन दिले व तहसिलविभागाचे प्रश्नावर तातडीने कार्यवाही करण्याचे शिष्ठमंडळाला आश्वासित केले यावेळी अनेक शेतकऱ्याचे प्रश्न तहसीलदारांनी समजून घेतले आंदोलन कर्त्यांनी घोषणाबाजी करित तहसीलकार्यालयासमोर धरणे दिले.

यावेळी पोलीस बंदोबस्त चोख होता. परिसरातील नागरिकांचे महत्वाचे प्रश्न आंदोलनात चर्चेला आल्यामुळे शेतकरी मागण्या शासनाने मान्य करण्याची मागणी केली

Heavy Rain चंद्रपूर : जिल्ह्यात गेल्या आठवड्यापासून संततधार पाऊस सुरु आहे.पावसामुळे शेतकऱ्यांचा खरीप हंगाम वाहून जाण्याच्या मार्गावर आहे.यामुळे शेतकऱ्यांचे मोठ्या प्रमाणात नुकसान झाले आहे. त्यामुळे चंद्रपूर जिल्हात ओला दुष्काळ जाहीर करावा अशी आग्रहाची मागणी शिवसेना ( उबाठा) गटाचे जिल्हाप्रमुख तथा वरोरा – भद्रावती विधानसभा प्रमुख मुकेश जिवतोडे यांच्या मार्गदर्शनात शिवसेना पदाधिकाऱ्यांनी निवेदनातून केली आहे.

अवश्य वाचा : भर पावसात शिवसेनेचा रोजगार मेळाव्याला युवकांचा उत्स्फूर्त प्रतिसाद

Heavy rain चंद्रपूर जिल्ह्यातील कृषी क्षेत्र कोरडवाहू आहे.निसर्गाच्या जलचक्रावर जिल्ह्यातील शेत हंगाम अवलंबून आहे.मात्र अतिवृष्टीने शेतीचे मोठ्या प्रमाणात नुकसान झाल्याने शेतकऱ्याचे कंबरडे मोडले आहे.पिकांचे झालेले नुकसान बघून बळीराजाच्या डोळ्यात अश्रू अनावर होत आहे.नदी व नाल्याचे पाणी शेतात साचल्याने शेतपिक हातातून गेले आहे. शेतकऱ्यांवर कोसळलेल्या संकटामुळे बळीराजा पूर्णतः खचला आहे.

महत्त्वाचे : चंद्रपुरातील हा मार्ग पुरामुळे वाहतुकीकरिता बंद

त्यामुळे संपूर्ण जिल्ह्यात ओला दुष्काळ जाहीर करावा व तत्काळ शेतीचे पंचनामे करून शेतकऱ्यांना आर्थिक मोबदला देण्यात यावा तसेच सर्व पिकांना पीक विम्याचे संरक्षण देण्यात यावे अशी मागणी शिवसेना ( उबाठा) गटाचे जिल्हाप्रमुख तथा वरोरा – भद्रावती विधानसभा प्रमुख मुकेश जिवतोडे यांच्या मार्गदर्शनात पदाधिकाऱ्यांनी जिल्हाधिकारी यांना दिलेल्या निवेदनाद्वारे केली आहे.

आरक्षणाचा तिढा सोडवा,खासदार प्रतिभा धानोरकर यांची राष्ट्रपती मुर्मु सोबत भेट

यासोबतच २०२३ – २०२४ वर्षातील पीक नुकसानीचे रक्कम शेतकऱ्यांना त्वरित देण्यात यावी,तसेच सरकारच्या घोषणेनुसार कर्जाची नियमित परतफेड करणाऱ्या शेतकऱ्यांच्या खात्यात ५० हजार रुपयाची रक्कम जमा करून बळीराजाला न्याय मिळवून द्यावा अशी मागणी शिवसेना पदाधिकाऱ्यांनी केली आहे.यावेळी उपजिल्हा प्रमुख अमित निब्रड,ज्येष्ठ शिवसैनिक तथा शिवदूत बंडू डाखरे,विधानसभा संघटक सुधाकर मिलमिले, शहर संघटक तथा माजी नगरसेवक किशोर टिपले,युवासेना जिल्हा समन्वयक तथा माजी नगरसेवक दिनेश यादव,ज्येष्ठ शिवसैनिक अनिल गाडगे, गजू पंधरे,उपशहर प्रमुख मनीष दोहतरे,महेश जिवतोडे, पंकज खापणे,गजानन टोंगे , महादेव विधाते, रूपेश मोडक आदी उपस्थित होते.

mega job fair चंद्रपूर : बल्लारपूर विधानसभा मतदारसंघातील शिक्षित आणि कुशल तरुण तरुणींना यशस्वी करिअर सुरु करण्याची संधी मिळावी या उद्देशाने शिवसेना पक्षप्रमुख उद्धव बाळासाहेब ठाकरे यांच्या वाढदिवसानिमित्त शिवसेना जिल्हाप्रमुख संदिप गिऱ्हे यांच्या संकल्पनेतून २८ जुलैला मुल येथील नवभारत विद्यालयाच्या पटांगणावर भव्य रोजगार मेळाव्याचे आयोजन करण्यात आले.भरपावसात युवक-युवतींची तोबा गर्दी होती.या मेळाव्यात आलेल्या हजारच्या संख्येने युवक युवतींना मुलाखती घेऊन नियुक्ती पत्र देण्यात आले असून त्यांना आता रोजगार उपलब्ध झाले आहे.

अवश्य वाचा : पुन्हा पूर, चंद्रपुरातील हा मार्ग तिसऱ्यांदा वाहतुकीसाठी बंद

Mega job fair मुल येथे आयोजीत रोजगार मेळाव्यात देशातील ५० पेक्षा अधिक उद्योग,सेवा आणि कॉर्पोरेट क्षेत्रातील नामवंत कंपन्या या रोजगार मेळाव्यात सहभागी होते.दोन हजार पेक्षा अधिक पदांसाठी थेट मुलाखती घेतल्या गेले या मुलाखतीत पात्र उमेदवारांची निवड करून तत्काळ नियुक्ती पत्र दिले गेले.साधारण एक हजार युवक युवतींना रोजगाराची संधी उपलब्ध झाली असून अनेक दिवसांपासून बेरोजगारीच्या गर्तेत सापडलेल्या शिक्षीत व कुशल युवक युवतींनी शिवसेने कडून आयोजित मेळाव्याचे व जिल्हाप्रमुख संदिप गिऱ्हे यांचे मनस्वी आभार मानले.

मेळाव्याला उपस्थित शिवसेना संपर्क प्रमुख तथा मुंबई महानगरपालिकेचे माजी नगरसेवक प्रशांत कदम,कुणबी समाजाचे जिल्हाध्यक्ष अँड. पुरुषोत्तम सातपुते,शिक्षण प्रसारक मंडळ मूलचे अध्यक्ष अँड.अनिल वैरागडे,गोंडवाना युनिव्हर्सिटी गडचिरोली सिनेट सदस्य प्रा.दिलीप चौधरी, ओबीसी सेवा संघाचे जिल्हाध्यक्ष प्रा.अनिल डाहाके, सामाजिक कार्यकर्ते नथुजी पाटील आरेकर, मेळाव्याचे आयोजक शिवसेना जिल्हाप्रमुख संदिप गिऱ्हे, उपजिल्हाप्रमुख सीक्की यादव, प्रा.शलिक फाले,महिला आघाडी जिल्हा संघटीका कल्पना गोरगाटे,कृषी उत्पन्न बाजार समितीचे उपसभापती आशिष कावटवार,युवासेना जिल्हाप्रमुख विक्रांत सहारे, तालुका प्रमुख प्रशांत गट्टवार,सुरज माडुरवार,राजू ठाकरे,राहुल भोयर, विनय धोबे,नगरसेवक सरफराज शेख,अमित पाझरे,प्रशांत मेश्राम, सागर राऊत, बबु पाठक,नगरसेवक बालाजी मेश्राम,आदी उपस्थित होते.

अवश्य वाचा : चंद्रपुरात युवकांचा जीवघेणा स्टंट, कार गेली पुरात वाहून

बल्लारपूर विधानसभेतील शिक्षीत व कुशल युवक युवतींनी शहर व खेड्या पाड्यातून येत मुल येथीलआयोजित रोजगार मेळाव्यात हजेरी लावली होती.भरपावसात सुद्धा मेळाव्यात आलेल्या युवक युवतींचा उत्साह कायम होता.यावेळी इंजिनिअरींग,आयटीआय,कृषी पदवीधर,एमबीए, पदवीधर,दहावी,बारावीचे विद्यार्थी उपस्थित होते. पुणे,नागपूर,मुंबई,गडचांदुर, चंद्रपू र,औरंगाबाद,येथील नामवंत कंपनीकडून मुलाकात घेऊन त्यांना नियुक्ती पत्र देण्यात आले.यावेळी नियुक्ती पत्र मिळालेल्या युवकांनी आयोजकांचे आभार मानले व बेरोजगारांच्या पाठीशी शिवसेना उभी असल्याचा विश्वास यावेळी बोलून दाखवला.

बेरोजगारांना रोजगार उपलब्ध करून देण्यासाठी मुल येथील रोजगार मेळावा हि सुरूवात आहे.बेरोजगारांच्या हितासाठी व रोजगार उपलब्ध करून देण्यासाठी मी सदैव तत्पर रहाणार आहे.यापुढेही यासारखे रोजगार मेळावे आयोजित केल्या जातील असा विश्वास शिवसेना जिल्हाप्रमुख संदिप गिऱ्हे यांनी यावेळी बोलून दाखवला.

उमेदवारांना मेळाव्यामध्ये सहभागी होण्याकरिता ऑफलाइन व ऑनलाईन दोन्ही पद्धतीने नोंदणी केल्या गेले होते. क्यूआर कोडद्वारा उमेदवारानी नोंदणी फॉर्म भरला होता.रजिस्ट्रेशन लिंक वरून रोजगार मेळाव्या संदर्भात सविस्तर माहिती देण्यात आली होती.

chandrapur rain चंद्रपूर जिल्ह्यात गेल्या दहा दिवसांपासून पावसाची संततधार सुरू आहे. त्यामुळे जिल्ह्यात परत पूरपरिस्थिती निर्माण झाली आहे. 29 जुलैला पुराचे पाणी पुलावरून गेल्यामुळे भोयेगाव – चंद्रपूरमार्ग तिसऱ्यांदा बंद झाला आहे. वर्धा नदीच्या पाणी पातळीत वाढ होत असून याचा फटका शेतकऱ्यांना बसणार आहे.

अवश्य वाचा : चंद्रपूर शहरात युवकांचा जीवघेणा स्टंट

कोरपना, राजुरा, गोंडपिपरी या तालुक्यातील शेतकऱ्यांचे हजारो हेक्टर शेती पाण्याखाली गेली आहे. सतत कोसळणाऱ्या पावसामुळे शेती पिकांचं नुकसान होत असून पिकांची वाढ खुंटली आहे व पिके पिवळी पडून खराब होत असल्याचे चित्र आहे. अनुचित घटना घडू नये यासाठी भोयेगाव-चंद्रपूर मार्गावर गडचांदूर पोलिसांचा बंदोबस्त लावण्यात आला आहे.

chandrapur news today : चंद्रपूर :- मागील आठ दिवसांपासून जिल्ह्यात संततधार पाऊस सुरू आहे. अतिवृष्टीमुळे शेत पिकांचे फार मोठे नुकसान झाले आहेत. अश्यातच अतिवृष्टीमुळे चिचपल्ली गावानजीक असलेले तलाव फुटल्याने चिचपल्ली व पिंपळखुट गावातील घराघरात पाणी शिरल्याने घरातील सामानाचे फार मोठे नुकसान झाले.तीन दिवस घरात पाणी घुसून असल्याने जनजीवन विस्कळित झाले होते.

अवश्य वाचा : चंद्रपूर जिल्ह्यात घडली थरारक घटना

Chandrapur news today अनाज,पाणी, कपडे इतकेच नव्हे अनेकांचे शैक्षणिक दस्तऐवज सुद्धा पुरात वाहून गेले.संकटाच्या घडीत पुरग्रस्तांच्या दुखात साथ देण्यासाठी शिवसेना उद्धव बाळासाहेब ठाकरे चे जिल्हाप्रमुख संदिप गिऱ्हे यांनी माजी मुख्यमंत्री उध्दव बाळासाहेब ठाकरे यांच्या वाढदिवसानिमित्त दि.२७ जुलै शनिवारला पुरग्रस्त गाव चिचपल्ली व पिंपळखुट येथील नागरिकांना जीवन उपयोगी वस्तूंची किट व कुटुंबातील महिलेसाठी एक साडी भेट म्हणून देत त्यांच्या दुखात सहभागी झाले.

अवश्य वाचा : चंद्रपूरचे जिल्हाधिकारी व सीईओ उतरले चिखलात

अतिवृष्टीमुळे चिचपल्ली गावानजीकचा तलाव फुटला यात चिचपल्ली येथील ३०० तर पिंपळखुट येथील ११० घरात पाणी शिरले.यात घरातील संसार उपयोगी सामानाचे तसेच धान्य,शैक्षणिक दस्तऐवज पुरात वाहून गेले.काहींचे बकऱ्या व शेती उपयोगी वस्तूही वाहून गेले.यात फार मोठे नुकसान झाले.या संकटाच्या वेळी शिवसेना उद्धव बाळासाहेब ठाकरे चे जिल्हाप्रमुख संदिप गिऱ्हे यांनी चिचपल्ली आणि पिंपळखुट येथील पूरपीडित कुटुंबीयांसोबत मोठ्या आस्थेने विचारपूस केली व दुःखात मी सोबत आहे असा विश्वास दिला.

चिचपल्ली व पिंपळखुट येथील पूरपीडित कुटुंबीयांना जीवन उपयोगी वस्तूंची किट व महिलांसाठी साडी भेट म्हणून दिले.पुरग्रस्तांच्या मदतीला धावून येत आपल्यातला माणूस असल्याचा त्यांनी परिचय करून दिला.

अवश्य वाचा : चंद्रपूर जिल्ह्यात पोलिसांचा धाक उरला नाही

यावेळी उपजिल्हाप्रमुख सिकी यादव,शालिक फाले, विधानसभा प्रमुख प्रमोद पाटील,मधू मेश्राम,युवसेना जिल्हाप्रमुख विक्रांत सहारे,महिला आघाडीचे जिल्हा संघटीका कल्पना गारगोटे,विनय धोबे,कृषी उत्पन्न बाजार समितीचे उपसभापती आशिष कावटवार,राहुल विरुटकर, मा.नगरसेवक सरफराज शेख, नागाळाचे उपसरपंच विनोद पिलरवार, पिंपळखुटचे सरपंच विनोद मेश्राम, बल्लरपूरचे माजी नगरसेवक अमित पाझारे,सागर राऊत,बब्बू पाठक,बाबा साहू,राहुल भोयर,राजू ठाकरे,सूरज घोगे, हेमराज बावने,प्रणित अहीरकर, सिकंदर शेख,गिरीश कटारे,वसीम भाई,सिकंदर शेख.शाबाज शेख, इलाजभाई, व आदी पदाधिकारी उपस्थित होते.

leopard attack सावली – जंगलालगतच्या गावांमध्ये वाघ आणि बिबट्यांनी चांगलाच धुडगूस सुरू केला आहे. थेट गावात पाळीव जनावरांची शिकार करण्याकरीता येणाऱ्या बिबट्यांच्या हल्ल्यात नागरिकांचे कुठे जीव जात आहेत. तर कुठे त्यांना जखमी व्हावे लागत आहे. शनिवारी २७ जुलैला दुपारच्या सुमारास सावली तालुक्यातील पालेबारसा गावात शिरलेल्या बिबट्याने बाप -लेकाला जखमी केल्याची घटना घडली. दोघांवरही रुग्णालयात उपचार करण्यात येत आहे.

अवश्य वाचा : जिल्हाधिकारी व सीईओ जेव्हा चिखलात उतरले, आणि केलं हे काम

Leopard attack चंद्रपुरात आज ऑरेंज अलर्ट आहे. संततधार पाऊस सुरू आहे. याच पावसात सावली तालुक्यातील पालेबारसा गावात दुपारी बाराच्या सुमारास बिबट पाळीव जनावरांची शिकार करण्याच्या उद्देशाने माधव मेश्राम यांच्या घरी शिरला. घरी त्यांचे दोन छोटे नातवंडे हे जेवण करीत असताना त्यांना दिसल्याने त्यांनी आरडाओरड केली. त्यामुळे मेश्राम व शेजारी नेताजी कावळे हे हातात दंडे घेऊन हाकण्यासाठी गेले. घरा शेजारी बिबट्याला हुसकावून लावण्याचा प्रयत्न करीत असतानाच बिबट्याने नेताजी कावळे यांच्यावर हल्ला केला. वडिलांवर बिबट हल्ला करीत असल्याचे पाहून मुलगा लेंस नेताजी कावळे हा धावून आला. बिबट्याने पहिले वडिलांवर त्यानंतर मुलगा लेंसवर हल्ला केला. त्यानंतर बिबट्याने जंगालच्या दिशेने धूम ठोकली. या घटनेची माहिती वनविभागाला देण्यात आली. घटनास्थळी वनपरिक्षेत्राधिकारी धुर्वे, वनाधिकारी पवनरकर, गोडसेलवार, धनविजय, आदे, चुदरी यांचा ताफा आला. बिबट्याला गावात व गावाशेजारी पाहण्यात आले परंतु तो पर्यंत तो पळून गेला होता.

अवश्य वाचा : चंद्रपूर जिल्ह्यात पोलिसांचा धाक संपला काय? आमदार किशोर जोरगेवार

पालेबारसा गाव जंगलालगत आहे.त्यामुळे गावात रात्री- बेरात्री वन्यप्राणी येतात. आता तर दिवसाही येऊ लागले आहेत. जखमींना सर्वप्रथम उपचाराकरीता रूग्णालयात हलवण्यात आले. त्यानंतर बिबट्याचा बंदोबस्त करण्याकरीता वनाधिकारी, कर्मचाऱ्यांनी प्रयत्न सुरू केले आहे. कॅमेरे लावण्यात आले असून, पिंजरा बोलावण्यात आला आहे. कर्मचाऱ्यांनी गस्त देणे सुरू केले आहे. भर दिवसाच बिबट्याने बापलेकावर हल्ला करून जखमी केल्याने नागरिकांमध्ये प्रचंड दशहत पसरली आहे.

दरम्यान १९ जुलैला सिंदेवाही तालुक्यातील मोहाडी नलेश्वर गावात पहाटे बिबट्याने गावात शिरकाव करीत ६ नागरिकांवर हल्ला करीत जखमी केले होते. तर १६ जुलै रोजी सावली तालुक्यात रान डुक्कराने शाळकरी मुलींवर हल्ला करीत एका शेतकऱ्याला ठार केले होते, रान डुक्करच्या हल्ल्यात ६ नागरिक जखमी झाले होते.

नागरिकांनी पेरणी करतेवेळी आवश्यक ती खबरदारी घेणे गरजेचे आहे, सध्या या घटनेमुळे पाले बारसा गावात दहशतीचे वातावरण आहे.

Kharif pik e panchnama गुरू गुरनुले मूल – मुल तालुक्यात झालेल्या संतत अतिवृष्टीमुळे नगरातील व मुल तालुक्यातील घराची पडझड झालेल्या ९४० क्षतिग्रस्तांना शासनाच्या तात्काळ अर्थसहाय्य योजनेंतर्गत त्यांच्या वयक्तिक बँक खात्यात ४७ लाखाचे अर्थसहाय्य २६ जुलै २०२४ रोजी जमा करण्यासाठी पाठविण्यात असल्याचे मुलच्या तहसीलदार मृदुला मोरे मॅडम यांनी सांगितले. तसेच मुल तालुक्यातील हजारो हेक्टर क्षेत्रातील खरीप पिकांचे मोठ्या प्रमाणात नूकसान झाले होते. पीडित शेतकऱ्यांना नूकसान भरपाई मिळण्यासाठी ई पंचनामा करण्याचे निर्देश मूलचे तहसीलदार मृदुला मोरे मॅडम यांनी दिले आहेत.

तो नरभक्षक वाघ अडकला वनविभागाच्या जाळ्यात

Kharif pik e panchnama तालुक्यातील विविध भागांत मागील २१ ते २६ जुलै दरम्यान मोठ्या प्रमाणात अतिवृष्टी झाली होती. अतीवृष्टीने तालुक्यातील विविध गांवातील नदी,नाले व ओढ्यांसह शेतशीवारात मोठ्या प्रमाणात पावसाचे पाणी जमा झाले होते. तर काही भागात नाल्याला आलेले पुराचे पाणी शेतशिवरातील लागवड केलेल्या धान, कापूस, तूर खरीप पिकात मोठ्या प्रमाणात पाणी शिरल्याने हजारो हेक्टर खरीप धान पिके पाण्याखाली बुडाली होती. त्याचे ४-५ दिवसांपासून शेतात पिके पाण्यात बुडाल्याने पंचनामे करून शासनाकडून नूकसानभरपाईची मागणी सर्वस्तरातून जोर धरली होती.

गेल्या सहा दिवसांहून अधिक अवधीपर्यंत चौरस भागातील हजारो हेक्टर क्षेत्रातील खरीप पिके पाण्याखाली बुडालेली आहेत. शेतकऱ्यांकडून नुकसान भरपाईच्या सर्वेक्षणाची मागणी होत आहे. अनेक शेतकऱ्यांचे अपरिमीत नुकसान झाले असून यंदा धानाची फसल हातची जाणारच अशी मागणी शेतकऱ्यांकडून व्यक्त होत आहे.
मूल तालुक्यात सर्वाधिक ७६८ मिमी पावसाची नोंद झाली, तर पडलेला पाऊस (मिमी,२६ जुलैपर्यंत)
मूल तालुक्यातील चौरास भागात मोठ्या प्रमाणात कृषी वीज पंप सिंचन सुविधेअंतर्गत विविध पिकांची लागवड केली जाते, परंतु पूर्ण पिके पुराच्या पाण्याने बुडाले. शेतकऱ्यांचे अवजारे, पाईप,खते,साहित्य पूर्ण वाहून गेले.

मूल तालुक्यातील दाबगाव येथील मामा तलाव फुटल्याने ८० एकर शेतात रेती पसरली. शेतात २० फुटांचे खड्डे पडले. ५० शेतकऱ्यांना नुकसानीची झळ बसली. इंग्रज काळातील या तलाव परिसरात ८० एकर शेती येते. काहींनी रोवणी केली, तर काही तयारीत आहेत. तलावाची पाळ फुटल्याने मोठे नुकसान झाले.तलावात काहीच पणीच शिल्लक नाही. शेतात खड्डे व रेतीचा ढीग जमा झाला. शासनाने पंचनामे करून भरण्याची देण्याची मागणी दाबगावचे शेतकरी महादेव थेरकर यांनी केली. मूल तालुक्यात एक हजार ७५८ हेक्टर बाधित क्षेत्रातील पंचनामे पूर्ण झाले. अतृिष्टीने ३३२ घरे व ३५ गोठ्यांची पडझड झाली. १ हजार ४१५ घरांत पाणी घुसल्याने नुकसान झाले. १ हजार ७५८ हेक्टर क्षेत्राचे पंचनामे पूर्ण झाले. यामध्ये २ हजार ८९३ शेतकरी पात्र असून पूर्ण पंचनामे करण्याचे काम सुरूच असल्याचीही माहिती तहसीलदार मृदुला मोरे यांनी दिली.