Category: ग्रामीण वार्ता

python गुरू गुरनुले मूल – मुल तालुक्यात सध्या धान रोवणीचे काम जोरात सुरु असून सकाळ पासूनच शेतकरी बांधव व महिला मजूर शेतात जातात. रोवनिच्या कामासाठी भंजाळी येथील शेतकरी मनीष भांडेकर यांचे शेतात रोवन्याचे काम सुरू असतांना काही महिलांना शेताच्या बांधावर एक भलामोठा अजगर साप दिसला. त्यामुळे महिला घाबरून गेल्या. अतीशय घाबरलेल्या अवस्थेत त्यांनी ही माहिती शेतमालकाला दिली.

अवश्य वाचा : लाडकी बहीण योजनेचे याचं महिलांना मिळणार 3 हजार रुपये

शेतमालकाने तात्काळ संजीवन पर्यावरण संस्थेचे अध्यक्ष उमेशसिंह झिरे यांचेशी संपर्क करुन घटनेची माहिती दिली. माहिती मीळताच संस्थेचे सदस्य अंकुश वाणी ला सोबत घेऊन शेतातील त्या भल्या मोठ्या अजगराला स्थानिक दोन युवकांच्या मदतीने पकडले.

राजकीय : भावी अधिकाऱ्यांच्या मदतीला धावले विरोधीपक्ष नेते वडेट्टीवार

Python भंजाळी हे गाव पोंभुर्णा वनपरिक्षेत्रात येत असल्याने ही माहिती वनरक्षक विनोद कस्तूरे यांना देण्यात आली. भल्या मोठ्या अजगराला पकडुन गावकरी आणि महिला मजुरांना भयमुक्त केल्यामुळे त्यांनी संजीवन पर्यावरण संस्थेच्या सदस्यांचे आभार मानले. अजगराची लांबी जवळपास साडेबारा फुट असुन वजन तीस कीलोच्या जवळपास आहे.

अजगरांच्या विभिन्न जाती

अजगरांच्या बऱ्याच जाती आहेत. पायथॉन रेटिक्युलेटस हा सर्वांत मोठा अजगर ब्रह्मदेश व इंडोचायनापासून फिलिपीन्स बेटांपर्यंत आढळतो त्याची लांबी १० मी. पर्यंत असते. पा.मोलुरस ही भारतातील सामान्य जाती सुमात्रा आणि जावामध्येही आढळते. पा. सेबी ही आफ्रिकेतील जाती सुमारे ६ मी. लांब असते. पा. रेजियस आणि पा. स्पायलोटिस या अनुक्रमे आफ्रिका आणि ऑस्ट्रेलियात आढळणाऱ्‍या जाती दिसायला सुंदर असतात.

भारतीय अजगर सामान्यतः २․५-५ मी, लांब असतो, पण ७-८ मी. लांबीचे नमुनेही आढळतात. त्याचे शरीर बरेच अवजड असते. रंग फिक्कट पिवळा असून त्यावर गर्द तपकिरी रंगाचे साधारण चौकोनी सुंदर ठिपके असतात. डोक्यावर बाणाच्या आकृतीचा एक मोठा डाग असतो.

लहान खडकाळ टेकड्यांच्या उतरणीवर आणि नद्या व मोठे तलाव यांच्या आसपास तो आढळतो जंगलातही तो असतो. अजगराला वरचेवर तहान लागत असल्यामुळे पाण्याच्या जवळपास रहाण्याची त्याला जरूरी भासते.

पक्षी आणि हरणाएवढे सस्तन प्राणी यांवर तो आपली उपजीविका करतो ऑस्ट्रेलियातील अजगर सुसरींवरदेखील उपजीविका करतात.

उंच झाडावरील फांदीला शेपटीने विळखे घालून शरीर लोंबकळत ठेवून तो भक्ष्याची अत्यंत जागरूकतेने टेहळणी करीत असतो. भक्ष्य आटोक्यात येताच त्याच्या अंगावर झेप घेऊन त्याच्या अंगाभोवती विळखे घालून तो घट्ट आवळतो भक्ष्याच्या फुप्फुसावर आणि हृदयावर दाब पडल्यामुळे ते गुदमरून मरते नंतर खूप मोठा आ वासून तो ते हळूहळू गिळतो. अजगर विषारी नसतो. अचाट शक्ती असलेला हा प्रचंड साप सुस्त असून त्याच्या हालचाली मंद असतात. तो सहज माणसाळतो.

Karale Master गुरू गुरनुले मूल :- स्पर्धेत यशस्वी व्हायचे असेल, तर पहिले माणूस बना आणि जिद्द चिकाटी परिश्रम घेऊन अभ्यास करा आणि आपल्या आवडीनुसार शिक्षण घ्या असा मौलिक सल्ला राज्यातील प्रसिदध वक्ते नितेश कराळे सर यांनी विदयार्थ्यांना दिला.                  
मुल संतोष सिंह रावत मित्र परिवाराच्या वतीने आयोजित गुणवंत विदयार्थी गौरव सोहळा व विदयार्थी मेळाव्या प्रसंगी मुख्य मार्गदर्शक म्हणून ते विद्यार्थ्यांसमोर हसत खेळत स्वतःचे जिवंत उदाहरण देत बोलत होते. 

         

Karale Master मूल येथील कर्मवीर कन्नमवार सभागृहात शुक्रवारी क्रांती दिना निमित्ताने या कार्यक्रमाचे आयोजन करण्यात आले होते.कार्यक्रमाचे उदघाटन गांडवाना विदयापीठाचे निवृत्त संचालक डॉ.एन.एस.कोकोडे यांच्या हस्ते करण्यात आले. अध्यक्षस्थानी चंद्रपूर जिल्हा मध्यवर्ती सहकारी बॅंकेचे अध्यक्ष व माजी जी.प.अध्यक्ष संतोषसिंह रावत  होते.प्रमुख अतिथी म्हणून शिक्षण प्रसारक मंडळाचे अध्यक्ष अॅड. अनिल वैरागडे,कृषी उत्पन्न बाजार समितीचे सभापती राकेश रत्नावार,उपसभापती राजेंद्र कन्नमवार,संचालक घनश्याम येनूरकर,कॉंग्रेसचे तालुका अध्यक्ष गुरू गुरनूले, सामाजिक कार्यकर्त्या ममता रावत यांची उपस्थिती होती.

महत्त्वाचे : वाहतुकीचे नियम पाळा – पोलीस अधीक्षक मुमक्का सुदर्शन

सरस्वती पुजन,दीपप्रज्वलन व शारदा स्तवन गायनानंतर कार्यक्रमाला सुरूवात झाली. यावेळी बोलताना नितेश कराळे म्हणाले,विदयार्थ्यांनी निष्ठा आणि माणूसकी निर्माण केली पाहिजे. आयुष्यात  यशस्वी व्हायचे असेल,तर शिक्षणाशिवाय आणि परिश्रमाशिवाय पर्याय नाही. शेती करा आणि शेतीला पुरक व्यवसायाची जोड दया. अपयश हे यशाची पहिली पायरी आहे. संकटातून यशाचा मार्ग सापडतो. असे मौलिक मार्गदर्शन त्यांनी विदयार्थ्यांना केले. त्यांच्या प्रत्येक वाक्याला विदयार्थ्यांनी टाळया वाजवून तेवढीच दाद दिली.  

कोणतीही गोष्ट बलिदानाशिवाय मिळत नाही.संगणकाचा शोध विदर्भातील एका गरीब शेतकऱ्यांच्या मुलानेच लावला. कष्टाने विद्वत्ता निर्माण करता येते ,असे प्रतिपादन उदघाटक डॉ.एन.एस.कोकोडे यांनी उद्घघाटन प्रसंगी व्यक्त केले. 

अवश्य वाचा : चंद्रपुरात लवकर सुरू होणार हवाई सेवा               

समारंभाचे अध्यक्ष संतोष सिंह रावत यांनी विदयार्थ्यांनी सकारात्मक विचार मनात ठेवून अभ्यास केल्यास  याशाची पायरी चढता येते. असे शेरो शायरी मधून मत व्यक्त केले. याप्रसंगी संतोष सिंह रावत मित्र परिवाराच्या वतीने नितेश कराळे, डॉ.कोकोडे, अॅड.अनिल वैरागडे यांचा शाल श्रीफळ,स्मृतीचिन्ह देवून सत्कार करण्यात आला. तसेच महाराष्ट लोकसेवा आयोगाच्या परिक्षेत पोलिस उपनिरिक्षक पदाची परिक्षा उत्तीर्ण झालेल्या कविता कुमरे या विदयार्थीनींचा सत्कार मान्यवरांच्या हस्ते करण्यात आला.

तालुक्यामधून प्रथम,द्वितीय आणि तृतीय आलेल्या दहावी, बारावी आणि पदवीच्या परिक्षेतील २२ गुणवंत विदयार्थ्यांचा गौरव मान्यवरांच्या हस्ते करण्यात आला. कार्यक्रमाचे प्रास्ताविक सुनिल शेरकी यानी केले. संचालन संयोजक संजय पडोळे यांनी केले तर आभार सहसंयोजक गुरू गुरनूले यांनी मानले.कार्यक्रमाला  हजारोच्या संख्येने विदयार्थी, पालक,महिला नागरिक व संतोष सिंह रावत मित्र परिवार समन्वय समितीचे सदस्य उपस्थित होते.

वर्तमानपत्राचे महत्व :- वर्तमानपत्राच्या वाचनाअभावी मी स्पर्धा परिक्षेत कमी पडलो. त्यामुळे नितेश कराळे यानी आवर्जून उपस्थित विदयार्थ्यांना वर्तमानपत्र वाचनाचे महत्व सांगितले. वर्तमानपत्रातून आपल्याला राष्टीय ,आंतरराष्टीय,क्रीडा आणि महत्वाच्या घडामोडी माहित होतात. सामान्य ज्ञान हे वर्तमानपत्रातून नियमित मिळत असते.तसेच कराळे यांनी विविध महत्वाच्या घडामोडी आणि स्पर्धा परिक्षेची तयारी कशी करावी हे त्यांनी आपल्या मार्मिक देह बोलीतून विदयार्थ्यांना सांगितले.

Gharkul महान संत वाल्मीक ऋषी यांचा वारसा लाभलेल्या भोई समाजाला विकासाच्या मुख्य प्रवाहात आणण्यासाठी तथा समाजातील विमुक्त जाती व भटक्या जमाती प्रवर्गातील दुर्बल घटक यांची अतिशय हलाखीची परिस्थिती व जिवनमान बघून यांचेकरिता महाविकास आघाडी सरकार काळात या खात्याचा मंत्री असतांना यशवंतराव चव्हाण मुक्त वसाहत योजना कार्यान्वित केली. आज एकट्या ब्रम्हपुरी विधानसभा क्षेत्रात हजारोंच्या संख्येने लाभार्थ्यांना या योजनेचा लाभ मिळाला. ज्या थोर वाल्मीक ऋषींनी आपल्या रामायणातून संपूर्ण जगाला प्रभू रामचंद्र यांचे दर्शन घडवून दिले. अशा प्रामाणिक समाजाला न्याय मिळवून देण्यासाठी आपण सर्वतोपरी सदैव प्रयत्न करणार असे प्रतिपादन राज्याचे विरोधी पक्षनेते तथा ब्रम्हपुरी विधानसभा क्षेत्र आमदार विजय वडेट्टीवार यांनी केले. ते ब्रम्हपुरी येथे आयोजित यशवंतराव चव्हाण मुक्त वसाहत योजना अंतर्गत मंजूर घरकुल लाभार्थ्यांना प्रमाणपत्राचे वितरण कार्यक्रमात अध्यक्ष म्हणुन बोलत होते.

योजना : माझी लाडकी बहीण योजनेचे 23 हजार अर्ज नामंजूर

Gharkul यावेळी प्रामुख्याने मंचावर तालुका काँग्रेस कमिटीचे अध्यक्ष खेमराज तिडके, बाजार समितीचे सभापती प्रभाकर सेलोकर, माजी जि.प.सदस्य डॉ.राजेश कांबळे, जिल्हा काॅंग्रेस सचिव विलास विखार, शहर काँग्रेस अध्यक्ष हितेंद्र राऊत, माजी जि.प. सदस्या स्मिता पारधी, माजी पं.स.सदस्य थानेश्वर कायरकर, पं.स.गटविकास अधिकारी रवींद्र घुबडे, भोई समाज नेते डॉ. दिलीप शिवरकर, सीडीसीसी बॅक उपाध्यक्ष यशवंत दिघोरे, जिल्हा काॅग्रेस उपाध्यक्ष मोंटु पिलारे, युवक काँग्रेसचे तालुकाध्यक्ष सोनू नाकतोडे, माजी नगरसेवक डॉ. नितीन उराडे, महीला काँग्रेसच्या तालुकाध्यक्ष मंगला लोनबले, महीला काँग्रेसच्या शहराध्यक्षा योगिता आमले, कृउबा संचालक ब्रम्हदेव दिघोरे, भोई समाज नेते दिनानाथ वाघमारे, तालुका काँग्रेस उपाध्यक्ष नामदेव लांजेवार, काॅंग्रेसचे ज्येष्ठ नेते नानाजी तुपट, मिलींद भन्नारे, सुधीर शिवरकर, प्रामुख्याने उपस्थित होते.

Gharkul पुढे बोलतांना विरोधी पक्षनेते विजय वडेट्टीवार म्हणाले की, सिंदेवाही शहरातील मेश्राम कुटुंबाची व्यथा बघितल्यानंतर विमुक्त भटक्या जाती व जमातींकरिता विकास योजना आणण्याचा मी संकल्प केला. तर महाविकास आघाडी सरकार काळात मंत्री झाल्यानंतर यशवंतराव चव्हाण मुक्त वसाहत योजना कार्यान्वित करून हजारोंच्या संख्येने राज्यातील लाभार्थ्यांना स्वप्नातील हक्काची घरे दिली. तर संपूर्ण राज्याच्या तुलनेत ब्रह्मपुरी विधानसभा क्षेत्रात ६३८१ कुटुंबांना या योजनेचा लाभ मिळालेला असून पुढील काळात एकही कुटुंब घरकुला पासून वंचित राहणार नाही. सोबतच ब्रह्मपुरी विधानसभा क्षेत्रात गोसेखुर्दचे आणि शेतीसाठी उपलब्ध करून देऊन या क्षेत्रात शेती समृद्ध क्रांती घडविली. मानवतेचे प्रेम हे सर्वश्रेष्ठ असून माणुसकी हीच जात सर्वात मोठी आहे. म्हणूनच मी मानव सेवेसाठी सदैव अग्रेसर राहून जनतेसाठी हिरीरीने काम करतो असेही ते यावेळी म्हणाले. तसेच इतर घरकुल योजनांमार्फत अनेक लाभार्थ्यांना देखील घरकुले मंजूर करून दिली. येत्या काळात आमची सत्ता येताच महागाईचा विचार करून घरकुलाच्या निधीत दुपटीने वाढ करत ३ लक्ष रुपये करू असे अभिवचन त्यांनी यावेळी उपस्थितांना दिले. यानंतर ब्रम्हपुरी तालुक्यातील एकूण  ४६२ घरकुल लाभार्थ्यांना मंजुरीचे प्रमाणपत्र वाटप करण्यात आले. कार्यक्रमाचे सूत्रसंचालन राहूल मैंद ,तर प्रस्ताविक सुधीर शिवरकर यांनी केले. आयोजित कार्यक्रमास तालुका काँग्रेस कमिटी सर्व सेल पदाधिकारी,  ग्राम काँग्रेस कमिटी अध्यक्ष, ग्राम पातळीवरील सर्व सरपंच, ग्रामपंचायत पदाधिकारी, काँग्रेस कार्यकर्ते व हजारोंच्या संख्येने घरकुल लाभार्थी व नागरिक उपस्थित होते.

leopard cubs वाघ असो किंवा बिबट नेहमी जंगलातच बछड्यांना जन्म दिल्याचे ऐकले आणि पाहिले आहे. पण चक्क घरात एखाद्या मादी बिबटने बछड्यांना जन्मास घातल्याचे सांगितले तर विश्वास बसणार नाही, परंतु हे सत्य आहे. चंद्रपूर जिल्ह्यात अशीच एक घटनासमोर आली आहे. जिल्ह्यातील नागभिड तालुक्यातील बाळापूर गावात जंगलाशेजारी असलेल्या एका पडक्या घरात मादी बिबटने तिन बछड्यांना जन्म दिला आहे.सध्या तिन्ही बछडे तंदूरूस्त असून त्याच ठिकाणी वनविभागाच्या निगरीत आहेत.

अमृतसर येथे राष्ट्रीय ओबीसी महासंघाचे 9वे राष्ट्रीय अधिवेशन

Leopard cubs चंद्रपूर जिल्ह्यात ताडोबा व्याघ्र प्रकल्पात वाघ आणि बिबट्यांचे मोठ्या प्रमाणात वास्तव्य आहे. परंतु आता ताडोबाच नव्हे तर ताडोबाच्या बाहेरील जंगलातही वाघ आणि बिबट्यांचे नगारिक, शेतकरी, शेतमजूरांना दर्शन होणे नित्याची बाब झाली आहे. नागभिड तालुक्यात तळोधी (बा.) वनपरिक्षेत्रांतर्गत तळोधी मेंडकी मार्गावर बाळापूर दीड हजार लोकसंख्येचे गाव आहे. गावाशेजारी जंगल लागून आहे. त्यातील काही घरे जंगलालाच लागून आहे. जंगलाला लागून असलेल्या एका पडक्या घरातून आज सोमवारी सकाळच्या सुमारास एक बिबट घरातून बाहेर पडत असल्याचे काही नागरिकांच्या निदर्शनास आले. त्यामुळे नागरिक भयभित झाले.

बऱ्याच दिवसांपासून या गावात शेजारी बिबट्याने रात्री बेरात्री येऊन पाळीव प्राण्यांची शिकार करणे सुरूच आहे. आज सोमवारी बिबट्याचे दर्शन झाल्याने वनरक्षक मैंद यांना माहिती देण्यात आली. त्यांनी सर्वप्रथम घटनास्थळी येऊन काही नागरिकांना सोबत घेऊन त्या पडक्या घरात बघितले असता त्या ठिकाणी मादी बिबटचे तिन बछडे आढळून आले. ज्या घरात बछडे आढळून आले तो घर पडका आहे. त्या ठिकाणी कुणीही वास्यात्यास नाही. शिवाय तो घर जंगलाला लागून आहे. वनरक्षक मैंद यांनी, नागभिडचे वनपरिक्षेत्राधिकारी सुनील हजारे यांना माहिती दिली. त्यांच्या मार्गदर्श्नात तळोधी (बा.) राऊंड ऑफिसर नेरलवार व त्यांच्या चमुने घटनास्थळी भेट दिली. त्यांना घरात बिबटचे बछडे आढळून आले. घर आणि सभोवती परिस्थीची पाहणी केली. वनविभागाने दिलेल्या माहितीनुसार, बछडे सात आठ दिवसांपूर्वी जन्मास आले आहेत. दिवसा मादी बिबट या ठिकाणी राहत नाही. रात्रीच्या वेळी मादी बिबटचे वास्तव्य आहे.
मादी बिबटचे बछडे असल्यामुळे नागरिकांना धोका होऊ नये याकरीता त्या घराच्या सभोवती तिन्ही बाजूंनी जाळी लावण्यात आली आहे. जंगलाच्या दिशेचा रस्ता जाणेयेणेसाठी मोकळा ठेवण्यात आला आहे. बिबट मादीच्या हालचालीवर निगराणी ठेवण्यासाठी ट्रॅप कॅमेरे लावण्यात आले आहे. तळोधी (बा.) वनपरिक्षेत्राचे अधिकारीकर्मचारी त्या बिबट मादी व बछड्यांवर नजर ठेवनू आहेत. आता पर्यंत जंगलात सुरक्षित ठिकाणी बिबट जन्मास येण्याचे पाहिले होते, परंतु बाळापूर गावातील घटनेवरून घरात मादी बिबटने बछड्यास जन्मास घातल्याचे नागरिकांना बघायला मिळाले आहे.

Anurag thakur गुरू गुरनुले मुल – लोकसभेचे विरोधी पक्षनेते, काँग्रेसचे राष्ट्रीय नेते, खा. राहुलजी गांधी यांनी लोकसभेत जातीनिहाय जनगणनेचा मुद्दा मांडल्याने चातुर्वर्ण्य व्यवस्थेच्या मनुवादी विचारधारेतुन आलेल्या भाजपचे खासदार अनुराग ठाकुर यांनी मा. खा. राहुलजी गांधीं यांना जात विचारून त्यांचा अपमान केला आहे. त्यामुळे चातुर्वर्ण्य व्यवस्थेच्या मनुवादी भाजप विरोधात व भाजप खा. अनुराग ठाकुरच्या निषेधार्थ मुल तालुका कांग्रेस कमेटीच्या वतीने कांग्रेस नेते चंद्रपूर जिल्हा मध्यवर्ती सहकारी बँकेचे अध्यक्ष व माजी जी.प.अध्यक्ष संतोष सिंह रावत यांच्या नेतृत्वात गांधी चौक मुल येथे व कांग्रेस कमिटी कार्यालयात आज दिनांक २ आगष्ट २०२४ रोजी नारेबाजी करुन तीव्र निषेध आंदोलन करण्यात आले.

अवश्य वाचा : गुन्हेगारीवर पोलिसांचा प्रहार, चंद्रपूर पोलिसांनी 6 जणांना केले तडीपार

Anurag thakur याप्रसंगी सी.डी.सी.सी.बँकेचे अध्यक्ष संतोष सिंह रावत, कृषी उत्पन्न बाजार सनिती सभापती राकेश रत्नावार,उपसभापती राजेंद्र कन्नमवार, तालुकाध्यक्ष गुरु गुरनुले , जिल्हा कांग्रेस महासचिव घनश्याम येनुरकर, संचालक किशोर घडसे, अखिल गांगरेडीवार, हसन वाढई, बंडूभाऊ गुरनुले, युवक अध्यक्ष पवन नीलमवार, युवक शहर अध्यक्ष व्यंकटेश पुल्लकवार, शहर उपाध्यक्ष कैलाश चलाख, सचिव संदीप मोहबे, संदीप म्हस्के, आशिष गेडाम, महिला तालुका अध्यक्ष रुपाली संतोषवार, शहर अध्यक्षा नलिनी आडपवार, माजी नगर सेविका लीना फुलझेले, सचिव शामला बेलसरे,उपाध्यक्ष समता बनसोड, सहसचिव सीमा भसारकर, नाजुका लाटकर, युवक काँग्रेसचे आकाश दहिवले, विश्र्नु सादमवार, आकाश रोहन,संघर्ष उमरे, ईश्वर टिकले,निखिल चीचघरे, उमेश चलाख, राजू गावतुरे, निखिल पांडव, संदीप, मनोज दवणपल्लीवार, यांचेसह तालुका शहर काँग्रेसचे अनेक कार्यकर्ते उपस्थित होते.

काय म्हणाले राहुल गांधी?

कुणाची किती हिस्सेदारी आहे हे सर्वांना कळायला हवं यासाठी जातिगत जनगणना होणे आवश्यक आहे, त्यासाठी सरकारने पुढाकार घ्यावा अशी विनंती राहुल गांधी यांनी संसदेत केली, मात्र त्यांच्या प्रश्नावर भाजप खासदार अनुराग ठाकूर यांनी जीसकी जात का पता नही असे जनगणना करणी है असे वादग्रस्त विधान केले.

Congress लोकसभेचे विरोधी पक्षनेते, काॅंग्रेस नेते, खा. राहुलजी गांधी यांनी लोकसभेत जातीनिहाय जनगणनेचा मुद्दा मांडल्याने चातुर्वर्ण्य व्यवस्थेच्या विचारधारेतुन आलेल्या भाजपचे खासदार अनुराग ठाकुरनी मा.खा. राहुलजी गांधींची जात विचारून त्यांचा अपमान केला आहे. त्यामुळे चातुर्वर्ण्य व्यवस्थेच्या मनुवादी भाजप विरोधात व भाजप खा. अनुराग ठाकुरच्या निषेधार्थ ब्रम्हपूरी येथील शिवाजी महाराज चौकात महाराष्ट्र विधानसभेचे विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांच्या सुचनेनुसार युवक काँग्रेसच्या प्रदेश सरचिटणीस मा.शिवानी वडेट्टीवार यांच्या नेतृत्वात आज आंदोलन करण्यात आले. 

महत्त्वाचे : पत्रकाराचा मुलगा साता समुद्रापार चमकला

Congress यावेळी भाजप खासदार अनुराग ठाकुर यांच्या प्रतिकात्मक फोटोवर शाईफेक करून जोडेमारो आंदोलन करण्यात आले. व भाजप सरकार तसेच मनुवादी विचारांच्या विरोधात घोषणाबाजी करण्यात आली. 

याप्रसंगी ब्रम्हपूरी तालुका काँग्रेस कमिटीचे अध्यक्ष खेमराज तिडके, माजी जि.प.सदस्य डॉ राजेश कांबळे, जिल्हा काॅंग्रेस सचिव विलास विखार, माजी पं.स.सदस्य थानेश्वर कायरकर, माजी नगरसेवक नितीन उराडे, शहर काँग्रेस अध्यक्ष हितेंद्र राऊत, जिल्हा काॅग्रेस सचिव मोंटु पिलारे, युवक काँग्रेसचे तालुकाध्यक्ष सोनू नाकतोडे, महीला काँग्रेसच्या तालुकाध्यक्ष मंगलाताई लोनबले, महीला काँग्रेसच्या शहराध्यक्षा योगिताताई आमले, माजी जि.प.सदस्या स्मिता पारधी, बाजार समिती उपसभापती सुनीता तिडके यांसह तालुका/शहर काॅंग्रेसचे सर्व पदाधिकारी, महीला काँग्रेस, युवक काँग्रेस, सर्व फ्रंटल , सर्व सेलचे पदाधिकारी व कार्यकर्ते मोठ्या संख्येने उपस्थित होते. चंद्रपूर जिल्ह्यासहित राज्यात सुद्धा अनुराग ठाकूर विरोधात कांग्रेस रस्त्यावर उतरले आहे.

rice mill गुरू गुरनुले मुल – मुल नागपुरे राष्ट्रीय महामार्गावर लक्ष्मी नारायण राईस मिलच्या बाजूलाच अमोल एंटर प्रायजेस कंपनीची राईस मिल अनेक वर्षापासून उत्कृष्ठ तांदळाचे उत्पादन करीत आहे. सध्या स्थितीत गेल्या बारा दिवसापासून दिवस रात्री पाऊस येणे सुरूच आहे.

अवश्य वाचा : पत्रकारांच्या मुलाची लंडन भरारी

Rice mill दिनांक ३१ जुलै २०२४ रोजी रात्री ३ वाजताच्या सुमारास अमोल एंटर प्रायजेस कंपनीची उच्च प्रतीच्या तांदळाचे लाखो टन उत्पादन करणारी राईस मिल आहे. याच राईस मिलला लागूनच कोंड्याचे शेड आहे. याच शेडला रात्रीला ३ वाजता सुमारास अचानक आग लागल्याने शेड मधील पूर्ण कोंडा व राईस मील मद्ये असलेले उच्च प्रतीच्या धानाचे ५००० हजार पोते स्टॉक होते.त्यातील १०० पोते जळून खाक झाले. यात लाखोचे नुकसान झाले असल्याचे अमोल एंटर प्रायजेसचे संचालक अमोल बच्चुवार यांनी आमच्या प्रतीनिधि जवळ प्रत्यक्ष पाहणी करतांना सांगितले.