Category: ग्रामीण वार्ता

human and wildlife conflict

Human and wildlife conflict सावली – सावली वनपरिक्षेत्रा अंतर्गत येणाऱ्या व्याहाड खुर्द उपवन परिक्षेत्रातील सामदा बुज वन बीटातील निलंसनी पेठगाव येथिल रहिवासी रेखाबाई मारोती येरमलवार वय ५५ वर्षे या महिलेला वाघाने ठार केल्याची घटना आज दि. ३० नोव्हेंबर रोजी सकाळी ७ वाजताच्या दरम्यान उघडकीस आली.

वन्यप्राण्यांच्या हल्ल्यातील या वर्षातील हा 27 वा बळी आहे, यामध्ये 25 वाघ, 1 बिबट व एक रान डुक्कर च्या हल्ल्याचा समावेश आहे.

वनविभागाने दिलेल्या माहितीनुसार मृतक रेखाबाई मारोती येरमलवार या दि. २९ नोव्हेंबर रोजी झाडण्या कापण्यासाठी निलंसनी पेठगाव ला लागुन असलेल्या वैनगंगा नदीकाठावरील जंगलात गेली होती. नदीला लागुन असलेल्या नाल्याजवळ झाडण्या कापत असताना दबाधरून असलेल्या वाघाने तिच्यावर अचानक हल्ला केला. Human and wildlife conflict

86 हजारांची नोकरी हवी तर आजच अर्ज करा, 800 जागांची बंपर भरती

या हल्ल्यात रेखाबाई जागीच ठार झाली. सायंकाळ झाली तरी रेखाबाई घरी आली नाही म्हणून मुलगा महादेव येरमलवार, राकेश येरमलवार व गावकऱ्यांनी रात्री जंगल व गाव परीसरात शोध घेतला मात्र रेखाबाई कुठेही मिळाली नाही. Human and wildlife conflict

या बाबत वनविभागाला माहिती देण्यात आली, माहिती प्राप्त झाल्यावर सामदा वन बीटाचे वनरक्षक यांचे स्थानिक पी आर टी चे कार्यकर्ते आकाश चुदरी, छगन बोरकुटे, प्रफुल्ल गेडाम, इंदारशाह पेंदाम, मंगेश कांबळे यांनी वनविभागाच्या सूचनेनुसार गावांशेजारी गस्त घातली.

दरम्यान रात्रीच्या सुमारास एक वाघ गावातील जिल्हा परिषद शाळेला लागुन असलेल्या बालाजी कात्तलवार यांचे घराशेजारी आल्याचे दिसल्याने पी आर टी च्या कार्यकर्त्यांनी फटाके फोडून त्यास हाकलून लावले.

आज सकाळी वनविभागाचे सहाय्यक वनसंरक्षक परमेश्वर खेडकर , वनपरिक्षेत्राधिकारी विनोद धुर्वे , क्षेत्र सहाय्यक आर. एम. सूर्यवंशी, बिट वनरक्षक बी. के. सोनेकर, आर. एस. डांगे आणि गावकऱ्यांनी शोध घेतला असता रेखाबाई ही मृत अवस्थेत वैनगंगा नदीकाठावरील जंगलात आढळून आली.

मृत महिलेचे प्रेत वनविभागाने पंचनामा करून शवविच्छेदन करण्यासाठी पाठविले आणि कुटुंबास तात्काळ २५ हजार रुपयांची मदत दिली. या घटनेने गावात भीतीचे वातावरण निर्माण झाले आहे. निलंसनी पेठगाव हे नदीकाठावर असल्याने या परिसरात नेहमीच वाघाचा संचार असतो त्यामुळे वनविभागाने गावाबाहेर सौर ऊर्जेचे दिवे लावावे अशी मागणी केली जात आहे.

Accident reports

Accident reports सावली तालुक्यात बुधवारी 27 नोव्हेम्बर रोजी रात्री 9.30 वाजताच्या सुमारास बोथली-हिरापूर मार्गावरील मार्कण्डेय विद्यालयासमोर दुचाकी व ट्रॅक्टर च्या अपघातात तीन युवकांचा मृत्यू झाल्याची घटना घडली.

शेतात काम करून ट्रॅक्टर क्रमांक mh 34 ap 1042 हि रस्त्याच्या कडेला उभी लावली होती, ट्रॅक्टर चे लाईट चालकाने सुरु ठेवत आपल्या सहकार्याची वाट बघत होता त्यावेळी दुचाकी क्रमांक mh 34 cl 3229 वर ट्रिपल सीट प्रवास करणारे युवकांनी भरधाव वेगात येत उभ्या ट्रॅक्टर ला जोरदार धडक दिली.

ताडोब्यात 3 गिधाडांचा मृत्यू, कारण अस्पष्ट

या धडकेत 18 वर्षीय हर्षद दंडावार रा. बोरचांदली मूल हा जागीच ठार झाला.
दुचाकीवरील 20 वर्षीय साहिल नंदू गणेशकर रा. भंगराम तळोधी व 21 वर्षीय साहिल अशोक कोसमशीले रा. बोथली हे गंभीर जखमी झाले होते.

त्यांना परिसरातील नागरिकांनी व सावली पोलिसांनी तात्काळ गडचिरोली जिल्हा सामान्य रुग्णालयात नेले मात्र दोघांचाही उपचाराअंती मृत्यू झाला.

बोथली ते हिरापूर या मार्गावर सध्या रस्त्याचे काम सुरु आहे, बुधवारी रात्री तीन युवक हिरापूर येथे नाटक बघण्यासाठी जात होते मात्र तिन्ही मित्रांचा वाटेत घात झाला.

युवकांच्या मृत्यूने हळहळ व्यक्त करण्यात येत आहे, अपघात प्रकरणाचा पुढील तपास सावली पोलीस करीत आहे.

samvidhan divas एस.एन.डी.टी महिला विद्यापीठाच्या महार्षी कर्वे महिला सक्षमीकरण ज्ञानसंकुल, बल्लारपूर कॅम्पसमध्ये संविधान दिन मोठ्या उत्साहात साजरा करण्यात आला.

samvidhan divas कार्यक्रमाची सुरुवात कॅम्पस संचालक डॉ. राजेश इंगोले यांच्या हस्ते भारतरत्न डॉ. बाबासाहेब आंबेडकर यांच्या प्रतिमेला पुष्पहार अर्पण करून करण्यात आली.

कॅम्पसचे संचालक डॉ. राजेश इंगोले यांनी उपस्थितांना मार्गदर्शन करताना सांगितले, की  “डॉ. बाबासाहेब आंबेडकर यांनी दिलेले संविधान आपल्याला समानता, स्वातंत्र्य आणि बंधुता यांसारख्या मूलभूत मूल्यांची शिकवण देते. ते फक्त पुस्तकात राहू नये, तर आपल्या कृतींमध्ये उतरले पाहिजे.” samvidhan divas

कार्यक्रमादरम्यान संविधान वाचन आणि प्रतिज्ञा घेण्यात आली. राष्ट्रीय सेवा योजनेच्या ( कार्यक्रम अधिकारी प्रा. खुशबू जोसेफ यांनी संविधान वाचन केले आणि संविधानाच्या महत्त्वावर भाष्य केले. त्या म्हणाल्या, “भारतीय संविधान केवळ कायद्याचा दस्तऐवज नसून ते आपल्या राष्ट्राची ओळख आहे. त्याचा सन्मान राखणे आपले कर्तव्य आहे.”

पालकत्व मिळण्याची सुवर्णसंधी

सहाय्यक कुलसचिव  डॉ. बाळू राठोड यांनी संविधान दिनाचे महत्त्व सांगत संविधान हे भारतीय समाजाच्या एकात्मतेचे प्रतीक असल्याचे अधोरेखित केले.
समन्वयक डॉ. वेदानंद अलमस्त यांनी त्यांच्या भाषणात संविधानाच्या आदर्शांवर चालण्याचे आवाहन करत विद्यार्थ्यांना जबाबदार नागरिक होण्याचे आवाहन केले.

कार्यक्रमात विद्यापीठातील सर्व प्राध्यापक, शिक्षकेतर कर्मचारी आणि विद्यार्थीनीनी  मोठ्या संख्येने सहभागी झाले. संविधान दिनानिमित्त आयोजित या कार्यक्रमाने उपस्थितांमध्ये भारतीय संविधानाबद्दल आदर आणि त्याचे महत्त्व रुजवले.कार्यक्रमाचे आयोजन राष्ट्रीय सेवा योजनेच्या अंतर्गत करण्यात आले.

चंद्रपूर विधानसभा क्षेत्रात प्रवीण पडवेकर यांनी रचला इतिहास

संविधान दिनाच्या निमित्ताने महत्त्वपूर्ण मूल्ये आणि आदर्शांवर आधारित हा कार्यक्रम विद्यार्थ्यांना आणि उपस्थितांना संविधानाची जाणीव करून देणारा ठरला.

A Monkey Bite चंद्रपूर-मूल मार्गावरील चिचपल्ली येथे मागील काही दिवसांपासून माकडाने धुमाकूळ घातला असून आतापर्यंत त्या माकडाने तब्बल 10 ते 12 नागरिकांना चावा घेतला आहे, वन विभाग त्याला पकडण्याचे प्रयत्न करीत आहे.

A Monkey Bite चिचपल्ली येथील पेट्रोल पंप व बार परिसरात हा माकड काही दिवसांपासून परिसरातील नागरिकांना चावा घेत आहे, विशेष बाब म्हणजे चंद्रपूर-मूल मार्गावरील चालत्या वाहनावर हा माकड सतत हल्ला करीत आहे.

चंद्रपुरातील मायकल भाई जवळ बंदूक, पोलिसांनी केली अटक

चिचपल्ली परिसरातील हॉटेल असो की बार त्याठिकाणी हा माकड नागरिकांना त्रास देत चावा घेत आहे, त्यामुळे परिसरातील नागरिक चांगले दहशती मध्ये आले आहे.

चंद्रपूर जिल्ह्यातील सहा विधानसभा क्षेत्रात 95 उमेदवार निवडणुकीच्या रिंगणात

माकडाच्या हैदोसपासून सुटका मिळावी म्हणून नागरिकांनी वनविभागाला तक्रार केली, वनविभागाची चमू मागील आठवड्याभरापासून त्या माकडाला पकडण्याचे प्रयत्न करीत आहे, माकड वनविभागाच्या चमुला चांगलीच दमछाक आणत आहे.

sindewahi tiger attack वाघाच्या हल्ल्यात शेतमजूर जागीच ठार, सिंदेवाही तालुक्यातील डोंगरगाव बिटातील घटना

sindewahi tiger attack वर्षभरापासून चंद्रपूर जिल्ह्यात मानव वन्यजीव संघर्षांच्या घटनेत मोठ्या प्रमाणात वाढ होत आहे, मूल, सिंदेवाही या भागात गावकरी वाघाच्या दहशतीमध्ये आले आहे. सिंदेवाही येथे वाघाच्या हल्ल्यात एकाचा बळी गेल्याची घटना आज घडली.

राजकीय : विकासक्रांती आणि ब्रह्मपुरी विधानसभा क्षेत्रात विजय वडेट्टीवार यांचं पारडं जड

ब्रह्मपुरी वनविभागांतर्गत येणाऱ्या सिंदेवाही वनपरिक्षेत्रातील डोंगरगाव बीट, राखीव वन कक्ष क्रमांक २५२ मध्ये एका शेतमजुरावर वाघाने हल्ला करून ठार केले. ही घटना शनिवारी (दि. १९) दुपारी २ वाजेच्या सुमारास घडली. विलास तुळशीराम मडावी (४७, रा. डोंगरगाव) असे मृतकाचे नाव आहे.

सध्या धान कापणी सुरू असल्यामुळे धान कापल्यानंतर त्याचे गठ्ठे बांधण्यासाठी शेतमजूर हे जंगलामधून जाऊन सिंधी कापून गोळा करतात. त्याची दोरी बनवितात. यासाठी आज डोंगरगाव येथील चार-पाच इसम जंगलामध्ये सिंधी आणायला गेले होते. गावालगत सिंधीची झुडपे असतानासुद्धा कमी वेळात जास्तीत जास्त सिंधी मिळाव्या म्हणून घनदाट जंगलात हे सर्वजण गेले. Sindewahi tiger attack

गुन्हेगारी : चंद्रपूर स्थानिक गुन्हे शाखेची मोठी कारवाई

कक्ष क्रमांक २५२ मध्ये अचानक विलास मडावी यांच्यावर वाघाने हल्ला केला. यात विलास जागीच ठार झाला. घटनेची माहिती तत्काळ सिंदेवाही पोलिस कर्मचारी व सिंदेवाही वनपरिक्षेत्र अधिकारी विशाल सालकर यांना देण्यात आली. त्यांनी वन कर्मचाऱ्यासह घटनास्थळी दाखल होऊन पाहणी केली. मृतदेह सिंदेवाही ग्रामीण रुग्णालयामध्ये पाठविण्यात आला. वनविभागाकडून तात्काळ मदत म्हणून मृतकाच्या कुटुंबीयांना २५ हजार रुपयांची मदत करण्यात आली.

घटनास्थळी लावले कॅमेरे

विलास मडावी याला वाघाने ज्या ठिकाणी ठार केले, त्या ठिकाणी ट्रॅप कॅमेरे लावून परिसरात गस्त वाढविण्यात आली आहे. अशा घटना घडू नये म्हणून परिसरातील लोकांनी काळजी घ्यावी, असे आवाहन वनविभागाने केले आहे, तर परिसरातील लोकांनी तात्काळ त्या वाघाचा बंदोबस्त करावा, अशी मागणी केली आहे.

Brahmapuri Assembly Constituency ब्रम्हपुरी मतदारसंघात केलेल्या “विकासक्रांतीमुळे’ वडेट्टीवारांचे पारडे जड

Brahmapuri Assembly Constituency २०२४ च्या विधानसभा निवडणुकीचे नुकतेच बिगुल वाजले. सर्व राजकीय पक्ष होऊ घातलेल्या निवडणुकांच्या पार्श्वभूमीवर कामाला लागून उमेदवार चाचपणीत व्यस्त झाले आहे. अशातच संपूर्ण राज्याचे लक्ष लागलेल्या ब्रम्हपुरी विधानसभा क्षेत्रात राज्याचे विरोधी पक्षनेते,काँग्रेस पक्षनेते तथा महाविकास आघाडीचे उमेदवार विजय वडेट्टीवार यांनी केलेल्या विकास क्रांतीमुळे त्यांचे पारडे जड असुन भाजप व अन्य पक्षाला या विधानसभा क्षेत्र निवडणूकीत तगड्या आव्हानाला सामोरे जावे लागण्याची परिस्थिती पुन्हा एकदा उद्भवली आहे.

महत्त्वाचे : निवडणूक निर्णय अधिकाऱ्यांनी केले हे महत्वाचे आवाहन

राज्याच्या राजकारणात राज्याचे विकासाभिमुख नेतृत्व म्हणून विजय वडेट्टीवार हे नाव कानाकोपऱ्यात पोहचले आहे. वनविकास महामंडळ अध्यक्ष ते राज्याचे विरोधी पक्षनेते पदापर्यंत मजल मारतांना अनेक कठीण परिश्रम घेणाऱ्या वडेट्टीवारांनी जनतेच्या मूलभूत गरजा, क्षेत्राच्या अडचणी, क्षेत्रात सांस्कृतिक, शैक्षणिक, आर्थिक परिस्थिती, व सामजिक गरजा लक्षात घेत सर्व धर्म, सर्व समाज यांना न्याय देऊन मतदारांची मने जिंकली. (Brahmapuri Assembly Constituency)

चंद्रपूर जिल्ह्यातील गोंडपिपरी तालुक्यांतील करंजी हि त्यांची जन्म भूमी असली तरी वडिलांचे छत्र हरपल्या नंतर गडचिरोली येथे त्यांच्या कुटुंबाचे स्थानांतर झाले. अगदी कमी वयात लोकसेवा करण्यासाठी दुर्गम गडचिरोली जिल्हा पिंजून काढून अनेक प्रश्नांना घेऊन त्यांनीं आंदोलने केली. व जनतेसाठी तुरुंगवास देखील भोगला. यानंतर त्यांनीं चिमूर विधानसभेवर विजय मिळवला. तर मागील दहा वर्षापासून ब्रम्हपुरी विधानसभा क्षेत्राचे ते प्रतिनिधित्व करीत आहे. (Brahmapuri Assembly Constituency)

झुडपात खेळ सुरू, 7 जणांना अटक

राजकारणा पुरते राजकरण मात्र उर्वरित वेळेत क्षेत्राचा सर्वांगिण विकास , जनतेच्या मूलभूत समस्या, आरोग्याच्या समस्या, शुद्ध पेयजल, उच्च प्रतीचे प्रवास मार्ग, सामाजिक बांधिलकी जोपासत अनेकांच्या हाती काम, आरोग्य शिबिरे,शैक्षणिक विद्यार्थ्यांच्या सोयीसाठी वाचनालये, क्रीडा पट्टू साठी क्रीडा मैदाने व ईतर गरजा पूर्ण करीत क्षेत्राचा विकास साधण्यात त्यांनीं कुठलीही कसर सोडली नाही.

२०१४ च्या निवडणुकांमध्ये संपूर्ण देशात मोदी लाट असताना व खुद्द मोदी हे ब्रम्हपुरी येथे प्रचार सभेसाठी आले असतांनाही जनतेनी पुर्ण ताकदीनिशी वडेट्टीवार यांच्या पाठीशी खंबीरपणे उभे राहून विजयश्रीची माळ त्यांच्याच गळ्यात घातली. आज घडीला काँग्रेस तथा महाविकास आघाडीचे उमेदवार विजय वडेट्टीवार यांच्या विरोधात कुठला उमेदवार द्यावा असा पेच विरोधकांपुढे उभा ठाकला आहे.

गेल्या १० वर्षात ब्रम्हपुरी विधानसभा क्षेत्रात गोसेखुर्द धरणाच्या पाणीसाठ्यातून मुबलक पाणी क्षेत्रासाठी उपलब्ध करून दिले. यामुळें ब्रम्हपुरी मतदार संघातील सावली, ब्रम्हपुरी, व सिंदेवाही या तीनही तालुक्यांतील ८० टक्के शेतकऱ्यांची शेती ओलिताखाली येऊन समृद्ध शेती कडे वाटचाल सुरू आहे. या सर्व विकासात्मक दूर दृष्टिकोना मुळे ब्रम्हपुरी विधानसभा क्षेत्रात विजय वडेट्टीवार यांचेच पारडे जड असुन विरोधी पक्षांच्या उमेदवारांना येथे आगामी निवडणुकांमध्ये प्रयत्नांची पराकाष्ठा करावी लागणार आहे. हे तेवढेच सत्य…!

Election campaign 2024 भारत निवडणूक आयोगाकडून महाराष्ट्र विधानसभा सार्वत्रिक निवडणुकीचा कार्यक्रम जाहीर करण्यात आला आहे. त्यानुसार 20 नोव्हेंबर 2024 रोजी मतदान तर 23 नोव्हेंबर 2024 रोजी मतमोजणी होणार आहे. त्याकरीता 75 – वरोरा विधानसभा मतदारसंघांतर्गत निवडणूक प्रक्रियेत प्रचार रॅली, मिरवणुका व सभेकरिता परवानगी मिळण्यासाठी निवडणूक निर्णय अधिकारी यांच्या कक्षेत स्थापन करण्यात आलेल्या एक खिडकी परवानगी कक्षामध्ये अर्ज सादर करण्यात येतो, परंतु निवडणूक निर्णय अधिकारी यांच्या मार्गदर्शन पुस्तिकेनुसार नमूद केलेल्या अटीच्या अधीन राहून परवानगी प्रदान करण्याबाबत निर्देशित करण्यात आले आहे.

चंद्रपूर मनपाने 2 हजार 60 किलो प्लॅस्टिक केले जप्त

Election campaign 2024 परवानगी मागणारा राजकीय पक्ष / उमेदवार निर्धारित नमुन्यात जोडपत्र ड -एक खर्च योजनांच्या तपशीलासह 48 तास आधी संबंधित निवडणूक अधिकाऱ्याच्या कार्यालयात परवानगीसाठी कक्ष प्रभारीकडे अर्ज करेल. कोणत्याही राजकीय पक्षास / /उमेदवारास अर्ज केल्याच्या सात दिवसाच्या आत आयोजित करावयाचे कार्यक्रम / प्रचार यात्रा / मिरवणुका यासंदर्भात परवानगीसाठी अर्ज करता येईल. एका विशिष्ट दिवसासाठी एकापेक्षा जास्त कार्यक्रमासाठी स्वतंत्र अर्ज सादर करणे आवश्यक आहे.

जंगलातील झुडपात जुगार, स्थानिक गुन्हे शाखेने मारली धाड

त्यानुसार 75 – वरोरा विधानसभा मतदारसंघात निवडणूक निर्णय अधिकारी यांच्या मार्गदर्शन पुस्तिकेतील नमूद अटींच्या अधीन राहून निवडणूक प्रक्रियेत प्रचार रॅली, मिरवणुका व सभेबाबत परवानगी अर्ज सादर करण्यात यावा, असे आवाहन वरोराच्या उपविभागीय अधिकारी तथा वरोरा विधानसभा मतदारसंघाच्या निवडणूक निर्णय अधिकारी दोन्तुला जेनित चंदा यांनी केले आहे.

cricket kit बल्लारपूर, मुल, पोंभुर्णा या भागातील खेळाडूंमध्ये आंतरराष्ट्रीय क्रिकेटपटू होण्याची क्षमता आहे. फक्त या खेळाडूंना व्यासपीठ उपलब्ध करून देण्याची गरज आहे. या भागाचा लोकप्रतिनिधी म्हणून माझा सदैव तोच प्रयत्न राहिला आहे. या भागातील क्रिकेटपटूंना सर्व सुविधा, उत्तम प्रशिक्षण आणि मोठ्या संधी उपलब्ध करून देण्याचा मी सदैव कटिबद्ध आहे, असा विश्वास राज्याचे वने, सांस्कृतिक कार्य व मत्स्यव्यवसाय तसेच जिल्ह्याचे पालकमंत्री ना. श्री. सुधीर मुनगंटीवार यांनी दिला. Sudhir mungantiwar

cricket kit सुधीरभाऊ युथ क्‍लब बल्लारपूरद्वारे आयोजित क्रिकेट स्‍पर्धेत सहभागी झालेल्या संघांना ना. श्री. मुनगंटीवार यांच्या हस्ते किटचे वितरण करण्यात आले. क्रिकेट स्पर्धेत सहभागी झालेल्या १८५ संघांना किट वितरण करण्यात आल्या. यावेळी भाजपा नेते चंदन सिंग चंदेल, भाजपा जिल्हाध्यक्ष हरीश भैय्या, मनिष पांडे, रणन्जय सिंग, येलया दासरफ, राजेश दासरवार, सतिश कनकम, प्रमोद रामीलावार, अब्दुल आबिद, पिंटु देउळकर, मनोज खेंगर, बबलु गुप्ता, प्रभदिप सचदेवा, आशिष चावडा आदींची प्रमुख उपस्थिती होती.

महत्त्वाचे : चंद्रपूर शहरातील हाय-फाय ऑटो स्टॅण्ड

या कार्यक्रमात ना. श्री. मुनगंटीवार यांनी खेळाडूंसोबत संवाद साधला. ते म्हणाले, ‘आपल्या येथील खेळाडूंमध्ये प्रचंड क्षमता आले. त्यांना व्यासपीठ उपलब्ध करून दिले तर ते आकाशाला गवसणी घालतील असा मला ठाम विश्वास आहे. मिशन शौर्यच्या निमित्ताने मी एक प्रयत्न करून बघितला. आदिवासी समाजातील १७-१८ वर्षाचे तरुण, ज्यांनी कधी प्रत्यक्ष विमान बघितले नाही, जे कधी विमानात बसले नाही, त्यांनी आठ महिन्यांच्या प्रशिक्षणात एव्हरेस्टवर २९ हजार २९ फुटांवर चंद्रपूर जिल्ह्याचा झेंडा रोवला. या कामगिरीचे विश्वगौरव,पंतप्रधान श्री. नरेंद्रजी मोदी यांनी देखील कौतुक केले. त्यामुळे आपल्या येथील क्रिकेटपटूंना थोडी संधी दिली, व्यासपीठ दिले आणि उत्तम प्रशिक्षण मिळाले, तर ते देखील आंतरराष्ट्रीय स्तरावरील कामगिरी करू शकतील.’ cricket kit

मतदारसंघाला पुढे नेताना रस्ते, कॉलेज, पाणीपुरवठा, विद्यापीठ, बस स्टॅण्ड, पोलिस स्टेशन अशा सर्व सुविधा होत आहेत. त्या आवश्यकही आहेत. पण त्याचवेळी खेळाच्या मैदानावर देखील माझ्या मतदारसंघातील तरुण पुढे गेले पाहिजेत, असाही माझा आग्रह आहे. त्यासाठी मी संकल्पच सोडला आहे, असेही त्यांनी नमूद केले. १ ते १२ जानेवारी या कालावधीत क्रिकेट स्पर्धा आयोजित करण्यात आली आहे. चंद्रपूर, मुल, पोंभुर्णा व बल्लारपूर येथे ही स्पर्धा होईल. ग्रामीण भागातील खेळाडू यात सहभागी होतील.१ लक्ष रुपये प्रथम पुरस्कार असणार आहे. आता फक्त पुढील ९० दिवस मैदानांमध्ये चांगली तालीम करा.जे खेळाडू उत्तम कामगिरी करतील त्यांना चांगली संधी मी उपलब्ध करून देईल, असा विश्वासही ना. श्री. मुनगंटीवार यांनी दिला.

अवश्य वाचा : महाकाली महोत्सवाचा समारोप

एम फॉर मुल, बी फॉर बल्लारपूर, पी फॉर पोंभुर्णा!
मुंबई क्रिकेट असोसिएशनमध्ये माझे मित्र आमदार आशीष शेलार पदाधिकारी आहेत. त्यांच्याशी माझे बोलणे झाले आहे. आपल्या येथील चांगल्या खेळाडूंना कशी संधी देता येईल, यावर विचार होणार आहे. त्यांना मी सांगितले आहे की, ‘एम फॉर मुंबईच नाही तर एम फॉर मुल, पी फॉर पुणेच नाही तर पी फॉर पोंभुर्णा आणि बी फॉर बारामतीच नाही तर बी फॉर बल्लारपूरचाही विचार नक्कीच व्हायला पाहिजे.’ cricket kit

गावसकर, तेंडुलकर, रोहित शर्मा घडतील
बल्लारपूरमधील स्टेडियम छान झाले आहे. आता तर क्रिकेट अकादमी तयार करण्याचा विचार करतो. भविष्यात या मतदारसंघातील क्रिकेटपटू सुनील गावसकर, सचिन तेंडुलकर, रोहित शर्मा होईल, तो दिवस फार लांब नाही, असा विश्वासही त्यांनी व्यक्त केला.