My Blog

Category: ग्रामीण वार्ता

ग्रामीण वार्ता (Gramin Varta) विभागात वाचा news34.in वर चंद्रपूर जिल्ह्यातील ग्रामीण भागातील बातम्या आणि घडामोडी. शेतकरी योजना, ग्रामपंचायत राजकारण, स्थानिक विकास प्रकल्प, कृषी आणि ग्रामीण जीवनाशी संबंधित सर्व महत्त्वाचे अपडेट्स येथे उपलब्ध आहेत. चंद्रपूर ग्रामीण भागातील समस्या, यशोगाथा आणि सकारात्मक बदलांना आम्ही प्राधान्य देतो. ग्रामीण भागातील विश्वासार्ह माहितीसाठी नियमित भेट द्या.

  • Bhadravati land survey news । गावठाण मोजणी न झाल्यास तीव्र आंदोलन होणार!” – मिनलताई आत्रामांचा इशारा

    Bhadravati land survey news

    Bhadravati land survey news : भद्रावती – भद्रावती शहरातील गावठाण जमिनींची ड्रोनद्वारे मोजणी करून नागरिकांना जागेची आखीव पत्रिका तात्काळ देण्यात यावी, अन्यथा आंदोलन छेडले जाईल, असा ठाम इशारा शिवसेना महिला आघाडीच्या जिल्हा प्रमुख सौ. मिनलताई आत्राम यांनी दिला आहे.

    या संदर्भात सौ. आत्राम यांनी जिल्हा अधीक्षक, भूमी अभिलेख चंद्रपूर व जिल्हाधिकारी चंद्रपूर यांना निवेदन सादर केले आहे. गेल्या अनेक वर्षांपासून भद्रावती गावठाण क्षेत्रातील जमिनींच्या सिटी सर्व्हे संदर्भात पाठपुरावा सुरू असूनही संबंधित अधिकाऱ्यांच्या उदासीनतेमुळे हे महत्त्वाचे काम थंड बस्त्यात गेले आहे. परिणामी येथील नागरिकांना शासनाच्या अनेक कल्याणकारी योजनांचा लाभ मिळत नाहीये. Drone land survey

    आपल्या क्षेत्रात अनधिकृत हॉस्टेल आहे का? तक्रार करा

    गौराळा वार्डसह शहरातील इतर ९ गावठाण वसाहतींमध्ये अनेक नागरिक गेली १०० वर्षे राहत आहेत. मात्र त्यांच्या जमिनींची व मालमत्तांची कुठलीही अधिकृत नोंद नसल्यामुळे त्यांना आखीव पत्रिका मिळत नाही. त्यामुळे प्रधानमंत्री आवास योजनेसारख्या योजनांपासून ते जातीचा दाखला काढण्यापर्यंतच्या प्रक्रियेत नागरिकांना अडथळ्यांना सामोरे जावे लागत आहे. Drone land survey benefits

    केंद्र शासनाच्या ‘स्वामित्व योजने’ अंतर्गत जिल्ह्यातील १५ तालुक्यांमध्ये गावठाण मालमत्तांचे ड्रोनद्वारे मोजमाप करण्यात येत आहे. हे मोजमाप अचूक आणि जलद गतीने होऊन त्याचा थेट लाभ नागरिकांना मिळतो. याद्वारे घरे, रस्ते, नाले, खुल्या जागा आदींचे सीमांकन स्पष्टपणे होणार असून, शासनाच्या ताब्यातील जमिनींचे संरक्षणही शक्य होईल. सर्वेक्षणानंतर मिळकत नकाशा आणि कायदेशीर हक्काचा अभिलेख तयार करून नागरिकांना अधिकृत पत्रिका देण्यात येईल, ज्यामुळे बँक कर्ज मिळविणेही सुलभ होईल.

    मात्र, ऑर्डनन्स फॅक्टरी चांदा येथील जनरल मॅनेजर यांनी या ड्रोन मोजणीला आक्षेप घेतल्याने भद्रावती शहरातील गावठाण मोजणीची प्रक्रिया प्रलंबित आहे. त्यामुळे शासनाने तातडीने हस्तक्षेप करावा, अशी मागणी सौ. मिनलताई आत्राम यांनी केली आहे.

    “मा. पालकमंत्री साहेब व जिल्हाधिकारी साहेब यांनी या प्रकरणात लक्ष घालून गौराळा आणि इतर गावठाण परिसराचा सिटी सर्व्हे करून नागरिकांना जागेची अधिकृत आखीव पत्रिका तात्काळ द्यावी, अन्यथा शिवसेना महिला आघाडीच्या वतीने तीव्र आंदोलन छेडण्यात येईल,” असा स्पष्ट इशारा त्यांनी दिला आहे.

  • compost pit for village । 1 मे पासून चंद्रपुर जिल्ह्यात “कंपोस्ट खड्डा भरू, आपलं गाव स्वच्छ ठेवू !” मोहीमेची सुरुवात

    compost pit for village

    compost pit for village : चंद्रपुर : 24 एप्रिल 2025 ग्रामीण जनतेमध्ये स्वच्छते विषयक वर्तणुकीत बदल घडवून आणने, सेंद्रिय कचऱ्याचे व्यवस्थापन करून वैयक्तिक व सार्वजनिक स्वच्छतेचे महत्व पटवून देणे, घनकचरा व्यवस्थापनात सुधारणा व पर्यावरणपूरक उपाययोजना करण्यासाठी, कचरा कमी करणे, पुनर्वापर करण्याच्या उदेश्याने  दि. 01 मे ते 30 सप्टेंबर 2025 या कालावधीत “कंपोस्ट खड्डा भरू, आपलं गाव स्वच्छ ठेवू!” मोहीम चंद्रपुर जिल्ह्यात राबविण्यात येत आहे. जिल्ह्यातील प्रत्येक गावात या मोहीमेची प्रभावी अंमलबजावणी करावी असे आवाहन चंद्रपुर जिल्हा परिषदेचे मुख्य कार्यकारी अधिकारी पुलकित सिंग यांनी केले आहे. organic waste composting at home

    जननी शिशु सुरक्षा योजना संकटात?

              स्वच्छ भारत मिशन ग्रा. टप्पा 2 कार्यक्रमांतर्गत चंद्रपुर जिल्हा परिषदेचे मुख्य कार्यकारी अधिकारी पिलकित सिंग  यांचे मार्गदर्शनात व  उप मुख्य कार्यकारी अधिकारी (पाणी व स्वच्छता) नूतन सावंत यांचे नेतृत्वात घनकचरा व सांडपाणी व्यवस्थापनाची अंमलबजावणी सुरू आहे. गावात निर्माण करण्यात आलेल्या नाडेपच्या माध्यमातून सेंद्रिय कचऱ्याचे व्यवस्थापन करून खत निर्मिती करण्याकरीता राज्याच्या पाणी पुरवठा व स्वच्छता विभागाचे वतीने “कंपोस्ट खड्डा भरू, आपलं गाव स्वच्छ ठेवू !” मोहीम राबविण्याचे निर्देश दिले आहे. 

    दि. ०१ मे ते दि. ३० सप्टेंबर २०२५ असे एकूण १३८ दिवस पर्यंत ही मोहीम राबविण्यात येत आहे. घरगुती व सार्वजनिकस्तरावर वर्गीकरण केलेल्या ओल्या कचऱ्याचे  दि. २७ ते ३० एप्रिल २०२५ या कालावधीमध्ये संकलन करण्यात येईल.  दि. 29 ते 30 एप्रिल दरम्यान या मोहिमेची विविध माध्यमांचा वापर करीत प्रचार प्रसिध्दी होईल. eco friendly waste disposal methods

    महाराष्ट्र दिनाचे औचित्य साधून दि. ०१ मे २०२५ ला “कंपोस्ट खड्डा भरू, आपलं गाव स्वच्छ ठेवू!” या मोहिमेचा शुभारंभ होईल. यावेळी स्थानिकस्तरावर लोकप्रतिनिधी, अधिकारी , कर्मचारी यांची उपस्थिती राहिल. दि. ०१ मे ते दि. १० मे  या  कालावधीत गावातून संकलीत केलेला ओला कचरा नाडेप मध्ये कचरा भरण्यात येईल. त्यापासून खत निर्मितीनंतर 1 सप्टेंबर ते 15 सप्टेंबर 2025 पर्यंत नाडेप तयार झालेला खत उपसण्याची  प्रक्रिया होईल. सदर अभियाना राबविणेबाबत गट विकास अधिकारी, पंचायत समिती (सर्व) यांना निर्देश देण्यात आले आहे.

    अभियानाची पडताळणी :

    138 दिवसाच्या “कंपोस्ट खड्डा भरू, आपलं गाव स्वच्छ ठेवू !” या मोहिमेची पडताळणी जिल्हास्तरावरून उपमुख्य कार्यकारी अधिकारी (पा व स्व), गटविकास अधिकरी, दोन विस्तार अधिकारी, जिल्हा सल्लागार, तालुकास्तरावरील समन्वयक व गट समन्वयक ओल्या कऱ्यापासून भरलेल्या नाडेप खड्डयाची पडताळणी करतील. eco friendly waste disposal methods

    प्रचार व प्रसिध्दी, समुदाय सहभाग व श्रमदान :

    जास्तीत जास्त गावामंध्ये ही मोहीम राबविण्यासाठी 1 मे पासून सुरू होणाऱ्या याअभियानाची प्रचार प्रसिध्दी स्थानिक वर्तमानपत्र व  समाज माध्यमां मध्ये करण्यात येईल. तसेच यशोगाथा प्रकाशित करून इतर गावांना प्रेरित करण्यात येणार आहे. अभियानाकरीता स्थानिक लोकप्रतिनिधी, संस्था, बचतगट महिला व शेतकरी गटांचा सहभाग घेऊन गावपातळीवर श्रमदान उपक्रम राबवून जनसहभाग घेतला जाणार आहे.

    अभियानाची सूचना व पुर्व तयारी :

    राज्यस्तरावरून मिळालेल्या निर्देशानुसार, गटविकास अधिकारी, पं.स. स्तरावर ग्राम पंचायत अधिकारी यांची कार्यशाळा, बैठक आयोजित करतील. त्यानंतर ग्राम पंचायत अधिकारी हे ग्रामस्थांना माहिती देतील. तसेच गावात दवंडी दिली जाणार आहे. ग्रामपंचायत कार्यालय, शाळा, अंगणवाडी, प्राथमिक आरोग्य केंद्र, उपकेंद्रे, सोसायटी कार्यालय, तलाठी साज्जा कार्यालयाच्या सूचना फलकावर दि. २५ ते 26 एप्रिल या कालावधीत अभियानाची माहिती प्रसारित करण्यात येईल. compost pit for village

    या मोहिमेच्या माध्यमातून ग्रामस्तरावर नाडेपद्वारे खत निर्मिती होईल. घनकचरा व्यवस्थापनात सुधारणा व पर्यावरणपूरक उपाययोजना करण्यासाठी, कचरा कमी करणे, पुनर्वापर करणे, ज्यामुळे पर्यावरणावर होणारा नकारात्मक परिणाम कमी करता येईल. ग्रामपंचायत, बचत गट आणि युवकांचा सक्रिय सह‌भाग वाढविला जाणार आहे.  त्यामुळे चंद्रपुर जिल्ह्यामध्ये ही मोहीम प्रभावीपणे राबवावी असे आवाहन चंद्रपुर जिल्हा परिषदेचे मुख्य कार्यकारी अधिकारी पुलकित सिंग यांनी केले आहे.

  • local crime news today । घुग्गुसमध्ये तलवार घेऊन दहशत माजवणारा गुन्हेगार अटकेत – पोलिसांची तातडीने कारवाई

    local crime news today

    local crime news today : घुग्गुस शहरात हातात तलवार घेऊन नागरिकांमध्ये दहशत पसरविणाऱ्या गुन्हेगाराला घुग्गुस पोलिसांनी अटक केली. सदर आरोपीवर अनेक गुन्हे दाखल असून त्याला ६ महिन्याकरिता हद्दपार करण्यात आले होते अशी माहिती आहे. banned criminal entry

    १९ एप्रिल रोजी नाणी उर्फ कार्तिक स्वामी कोडापे राहणार एलसीएच क्वार्टर नकोडा हा सायंकाळी ६ वाजेदरम्यान लता मंगेशकर चौकात हातात तलवार घेऊन स्थानिक नागरिकांमध्ये दहशत निर्माण करीत होता, याबाबत घुग्गुस पोलिसांना माहिती मिळताच त्याला तात्काळ अटक करण्यात आली.

    खंडणीचा खोटा गुन्हा येणार अंगलट?, विक्रांत सहारे यांचे खळबळजनक आरोप

    आरोपी नाणी उर्फ कार्तिक कोडापे यांच्यावर अनेक गुन्हे दाखल असून जानेवारी २०२५ मध्ये चंद्रपूर पोलीस दलाने ६ महिन्याकरिता जिल्हा हद्दपारीची कारवाई करण्यात आली होती, मात्र आरोपी हा पोलिसांची नजर चुकवीत हद्दपार कारवाईला न जुमानता घुग्गुस शहरात दाखल झाला व नागरिकांमध्ये दहशत निर्माण करायला लागला.

    विशेष बाब म्हणजे हद्दपारीची कारवाई आरोपीवर झाली असताना सदर आरोपी घुग्गुस शहरात आला कसा? पोलिसांची गुप्तचर यंत्रणेला त्या आरोपीची चाहूल का बरं लागली नाही असे अनेक प्रश्न यावेळी निर्माण झाले आहे.

    सदरची यशस्वी कारवाई घुग्गुस पोलीस निरीक्षक यांच्या मार्गदर्शनाखाली सपोनि तायवाडे, पोलीस कर्मचारी संजय आतकूलवार, रवि वाभीटकर, नितीन मराठे, महेश भोयर व विजय ढपकस यांनी केली.

  • tiger captured in Maharashtra । मरणाची छाया बनलेला वाघ अखेर सापडला: ब्रह्मपुरीचा श्वास आता मोकळा

    tiger captured in Maharashtra

    tiger captured in Maharashtra : चंद्रपूर जिल्ह्यातील ब्रह्मपुरी वनपरिक्षेत्रात नागरिकांचा जीव घेणाऱ्या नरभक्षक वाघाला १७ एप्रिल रोजी डार्ट मारीत जेरबंद करण्यात आले. problematic tiger captured

    चंद्रपूर जिल्ह्यात मानव वन्यजीव संघर्ष टोकाला पोहचला असून आतापर्यंत या संघर्षात १२ नागरिकांचा बळी गेला आहे. उत्तर ब्रह्मपुरी वन परिक्षेत्रात T-३ वाघाने ४ नागरिकांवर हल्ला करीत दोघांना ठार तर दोघांना जखमी केले होते. या भागात मानव वन्य जीव संघर्ष वाढू नये यासाठी नरभक्षक वाघाला पकडणे गरजेचे असल्याने वनविभागाने वाघ पकडण्यासाठीची मोहीम राबविली. brahmapuri tiger attack

    चंद्रपुरातील नदीत दडलं रहस्य, नदीतून उलगडलं २५ हजार वर्षांपूर्वीचा इतिहास

    १७ एप्रिल रोजी दुपारी १२ वाजून १५ मिनिटांनी उपक्षेत्र मेंडकी नियतक्षेत्र चिचखेडा मधील कक्ष क्रमांक १५२ मध्ये पशुवैद्यकीय अधिकारी डॉ. रविकांत खोब्रागडे यानो डार्ट तयार करून दिला, त्यानंतर शुटर पोलीस कर्मचारी अजय मराठे यांनी T-३ वाघाला डार्ट मारीत बेशुद्ध करीत जेरबंद केले.

    सदर मोहीम सहायक वनसंरक्षक ब्रह्मपुरी वनविभाग महेश चोपडे, वनपरिक्षेत्र अधिकारी सचिन नरड, पशुवैद्यकीय अधिकारी डॉ. रविकांत खोब्रागडे, शुटर पोलीस कर्मचारी अजय मराठे, विकास ताजने, योगेश लडके, प्रफुल वाटगुरे, गूणनक धोरे, दीपेश टेम्भूर्णे, वसीम शेख, अमोल कोरपे, जय सहारे, अक्षय दांडेकर, अभिषेक चांदेकर व राकेश आहुजा यांच्या उपस्थितीत पार पडली.

    जेरबंद करण्यात आलेल्या वाघाचे वय १३ वर्ष असून त्याला गोरेवाडा रेस्क्यू सेंटर नागपूरमध्ये स्थलांतरित करण्यात येणार आहे.

  • District collector field visit । 100 दिवसांच्या कृती आराखड्यांतर्गत जिल्हाधिकारी मैदानात – शेतकऱ्यांशी थेट संवाद!

    District collector field visit

    District collector field visit : चंद्रपूर, दि. 16 एप्रिल : राज्य शासनाच्या 100 दिवस कृती आराखड्यांतर्गत क्षेत्रीय भेटीदरम्यान जिल्हाधिकारी विनय गौडा जी. सी. यांनी मंगळवारी गोंडपिपरी तालुक्यातील विविध विकास कामांना भेटी देऊन आढावा घेतला. District Collector’s Development Visit

    पूर परिस्थिती टाळण्यासाठी चंद्रपूर मनपा अतिक्रमणावर करणार कारवाई

    सदर भेटीदरम्यान जिल्हाधिका-यांनी मौजा करंजी येथे महाराष्ट्र राज्य ग्रामीण जीवनोन्नती अभियान अंतर्गत उज्वल  महिला प्रभागसंघ यांची भेट घेतली व मार्गदर्शन केले. तसेच येथील दाल मिल व राईस मिल भेट देऊन कामकाज विषयक आढावा घेतला. गोंडपिपरी तालुका मुख्यालयी नव्याने बांधकाम होत असलेल्या  मुख्य़ प्रशासकीय इमारतीची त्यांनी पाहणी केली. यानंतर मौजा वढोली येथे पांदण रस्ता पाहणी, मनरेगा विहीर कामांची पाहणी, कोसा ( रेशीम ) उद्योगास भेट, तसेच स्थानिक शेतकऱ्यांसोबत संवाद साधून त्यांच्या अडचणी समजून घेतल्या. नागरिकांच्या या अडचणीबाबत त्यांनी संबंधित यंत्रणेला सुचना दिल्या. Administrative development inspection

    त्यानंतर जिल्हाधिकारी श्री. गौडा यांनी मौजा सकमुर येथील बचत गटाच्या मत्स्य़ बीज व्य़वसाय भेट देऊन मार्गदर्शन केले. मौजा पोडसा येथे वर्धा नदीवरील (महाराष्ट्र – तेलंगाणा) पुलाची पाहणी केली. तसेच मौजा तोहोगांव येथील प्राथमिक आरोग्य केंद्रास भेट देऊन तेथील वैद्यकीय अधिका-यांसोबत रुग्णालयालीत यंत्रसामुग्री, औषधांची उपलब्धता व इतर सुविधा इत्यादीसंबधी आढावा घेतला.  मौजा पाचगांव येथील बांबु व्यवस्थापन केंद्रास भेट देऊन तेथील कामकाज विषयक आढावा घेतला.

    District Collector's Development Visit

    जिल्हाधिका-यांसोबत यावेळी गोंडपिपरीचे उपविभागीय अधिकारी रविंद्र माने, तहसीलदार शुभम बहाकर, गटविकास अधिकारी श्री. चांगफणे, मुख्याधिकारी विवेक चौधरी, नायब तहसीलदार चंद्रशेखर वेटे, मंडळ अधिकारी प्रशांतसिंग बैस यांच्यासह स्थानिक नागरिक उपस्थित होते.

    Contents

  • road accident today news । ओव्हरटेकचा प्रयत्न जीवावर बेतला! ट्रकखाली येऊन तरुण-तरुणीचा जागीच मृत्यू

    road accident today news

    road accident today news : गडचांदूर, १५ एप्रिल: गडचांदूर-राजुरा राज्य महामार्गावर भीषण अपघातात दोघांचा मृत्यू झाला. होली फॅमिली पब्लिक स्कूल जवळ सकाळी ११ वाजता ही दुर्दैवी घटना घडली. पाटण (जिल्हा आदिलाबाद ) येथील आकाश भोयर (वय २६) व प्रणाली फुसाम (वय २२) हे दोघे मोटरसायकलवरून गडचांदूर मार्गे बल्लारपूर येथे नातेवाईकांना भेटण्याकरिता दुचाकी क्रमांक mh ३४ y १८३५ ने जात होते.

    २ अल्पवयीन मुलींवर अत्याचार, चिमूर पेटलं

    त्यावेळी ट्र्क क्रमांक mh ३४ ab ४२८६ ला आकाश ने ओव्हरटेक करण्याचा प्रयत्न केला असता त्याचे दुचाकीवरील नियंत्रण सुटले आणि दुचाकी थेट दुभाजकाला आदळली, या धडकेनंतर दोघे रस्त्यावर पडले आणि मात्र ज्या ट्र्क ला ओव्हरटेक करण्याचा पर्यंत केला असता त्याच ट्रक खाली आल्याने प्रणालीचा जागीच मृत्यू झाला तर आकाश ला रुग्णालयात नेट असताना मृत्यू झाला. bike accident latest update

    घटनास्थळ अतिशय हृदयद्रावक होता. अपघाताची माहिती मिळताच गडचांदूर पोलीस ठाण्याचे कर्मचारी त्वरित घटनास्थळी दाखल झाले. त्यांनी दोन्ही मृतदेहांचा पंचनामा करून ग्रामीण रुग्णालय, गडचांदूर येथे शवविच्छेदनासाठी पाठवले.

    घटनेचा पुढील तपास पोलीस निरीक्षक शिवाजी कदम यांच्या मार्गदर्शनाखाली सुरू आहे. या अपघातामुळे संपूर्ण परिसरात शोककळा पसरली असून, महामार्गावरील अपूर्ण कामांमुळे व नागरिकांच्या सुरक्षिततेच्या अभावामुळे नाराजी व्यक्त केली जात आहे.

  • tiger human conflict । वाघाचं तांडव थांबेना, चंद्रपूरमध्ये वाघाचा बारावा बळी

    tiger human conflict

    “Gangsagar Heti Incident: Another Victim of Tiger-Human Conflict”

    tiger human conflict : चंद्रपूर: वाघांच्या हल्यात नागरिकांचा जीव जाण्याच्या घटना काही थांबता थांबेनात. आज सकाळी गावालगतच्या जंगलात मोहफुले वेचायला गेलेला वृध्द वाघाच्या हल्यात ठार झाल्याची घटना आज मंगळवारी (15 एप्रिल) ला पुन्हा सकाळी उघडकीस आली आहे. मारोती सखाराम बोरकर (वय 60) असे मृतकाचे नाव असून तो गंगासागर हेटी येथील रहिवासी होता. ब्रम्हपुरी, नागभीड व सिंदेवाही तालुक्यात आठवडाभरात चौघंचा मृत्यू झाल्याने प्रचंड दहशत निर्माण झाली आहे. विशेष म्हणजे चंद्रपूर जिल्ह्यात वाघाच्या हल्ल्यात हा 12 वा बळी आहे. tiger attack Maharashtra

    २ अल्पवयीन मुलींच्या अत्याचाराने चिमूर हादरलं, आरोपीना अटक

    मोहफूल वेचायला गेला आणि परतलाच नाही
    सुत्रांनी दिलेल्या माहितीनुसार, ब्रम्हपुरी वनविभाग अंतर्गत तळोधी (बा.) वन परिक्षेत्रातील गंगासागर हेटी येथील मारोती सखाराम बोरकर हा वृध्द अन्य काही व्यक्तींसोबत नेहमीप्रमाणे गावालगतच्या जंगलात सकाळी सहाच्या सुमारास मोहफुले वेचायला गेला. दररोज तो साडेआठ वाजेपर्यंत मोहफुले वेचून घरी परत यायचा. परंतु आज तो घरी परत आला नाही. त्यामुळे घरचे व शेजाऱ्यांनी गावालगतच्या जंगलात शोधाशोध केली असता, लगतच्या पांदनरस्त्यावर त्याची चप्पल व टोपली पडलेली आढळून आली. मोहफुले वेचून त्याचे सोबती जंगलाबाहेर निघाले परंतु सदर इसम निघाला नाही. tiger attack recent

    ➡️ मोहफुलं वेचणं आता फुलांपेक्षा जीवावर उठलंय

    त्यामुळे शंका निर्माण झाली. काही वेळातच त्याच परिसरात सहकाऱ्यांना वाघ आढळून आला. त्यामुळे सदर व्यक्तीचा वाघाच्या हल्यात मृत्यू झाल्याचा संशय निर्माण झाला. काही अंतरावर जावून पाहिले असता त्याचा मृतदेह आढळून आला. सदर घटनेची माहिती तळोधी (बा.) वन परिक्षेत्राधिकारी व पोलिसांना देण्यात आली. काही वेळातच वनविभागाचे अधिकारी व पोलिस घटनास्थळी दाखल झाले. त्यांनी मृतदेहाचा पंचनामा करून मृतदेह ताब्यात घेतला. व शवविच्छेदनाकरीता नागभीड येथील ग्रामीण रूग्णालयात पाठविण्यात आला. त्याचे पश्चात पत्नी, मुलगा,सुन व 2 नातवंडे असा परिवार आहे. या घटनेने गंगासागर हेटी परिसरात प्रचंड दहशत पसरली आहे. Chandrapur tiger news

    वाघ-मानव संघर्ष : महाराष्ट्रातील वाढती भीती

    वनविभागाने नागरिकांना जंगलात मोहफुले वेचण्याकरीता एकदम सकाळीच व एकट्याने जावू नये आवाहन केले आहे. गंगासागर हेटी परिसरात ट्रॅप कॅमेरा लावण्यात आला असून गस्त वाढविण्यात आली आहे. विशेष म्हणजे मागील आठवडाभरात नागभीड तालुक्याला लागून असलेल्या ब्रम्हपुरी तालुक्यातील आवळगाव व चिचखेडा येथील मोहफुले वेचायला गेल्या दोघांना वाघाने ठार केले. सिंदेवाही येथे एक तर आज नागभीड तालुक्यातील तळोधी बा.परिसरात पुन्हा एकाचा बळी घेतला आहे. त्यामुळे नागरिकांमध्ये भिती पसरली आहे. मुल, सिंदेवाही, ब्रम्हपुरी व नागभीड तालुक्यातील व्यक्तींचे वाघ जीव घेत असल्याने वनविभागाविषयी नागरिकांमध्ये प्रचंड असंतोष निर्माण झाला आहे.

  • Summer camp for tribal students । शासनाची मोठी योजना: आदिवासी विद्यार्थ्यांना उद्योजक बनवणारे उन्हाळी शिबिर सुरू!

    Summer camp for tribal students

    Summer camp for tribal students : एकात्मिक आदिवासी विकास प्रकल्प कार्यालयच्या वतीने शासकीय माध्यमिक आश्रम शाळा, पाटण येथे उन्हाळी शिबिराचे उद्घाटन प्रकल्प आधिकारी विकास राचेलवार यांच्या हस्ते नुकतेच करण्यात आले. कार्यक्रमाला विशेष अतिथी  पोलिस उपनिरीक्षक श्री. कोकोडे, उद्योजक प्रफुल खोब्रागडे, सहायक प्रकल्प अधिकारी डी. जी. एम. पोळ, आर. एस. बोंगिरवार, कनिष्ठ शिक्षण विस्तार अधिकारी एम. डी. गिरडकर, मुख्याध्यापक, प्रशिक्षक/मार्गदर्शक, शिक्षक / शिक्षकेत्तर कर्मचारी वृंद व प्रशिक्षणार्थी विद्यार्थी उपस्थित होते. Government residential school summer camp

    आंबेडकर जयंती, चंद्रपूर व बल्लारपूर शहरातील वाहतूक व्यवस्थेत बदल

    कार्यक्रमाच्या सुरूवातीला मान्यवरांच्या हस्ते भगवान बिरसा मुंडा, वीर बाबुराव शेडमाके, छत्रपती शिवाजी महाराज यांच्या प्रतिमेचे पूजन करून कार्यक्रमाचे विधीवत उद्घाटन करण्यात आले. यावेळी खोब्रागडे यांनी उन्हाळी शिबिरातून उद्योजक तयार करण्याच्या या उपक्रमाचे तसेच विद्यार्थ्यांना उद्योजक म्हणून काम करण्याची संधी उपलब्ध केल्याबद्दल प्रकल्प कार्यालयाचे कौतुक केले. तर अशा उपक्रमातून आदिवासी विद्यार्थी हा समाजात मानाचे स्थान प्राप्त करू शकेल, असे मत श्री. कोकोडे यांनी व्यक्त केले.

    Government residential school summer camp

    अध्यक्षीय भाषण करतांना प्रकल्प अधिकारी विकास राचेलवार म्हणाले, आदिवासी समाज हा प्रगतशील समाज म्हणून उदयास येणे गरजेचे आहे. त्याकरीता अशा प्रकारचे उपक्रम विद्यार्थी दशेत विद्यार्थ्यांकरीता राबविणे आवश्यक असल्याचे मत व्यक्त केले. त्याचप्रमाणे या शिबिरात १. योगा प्रशिक्षण २. आर्चरी प्रशिक्षण ३. गोंडी व वारली पेटींग प्रशिक्षण ४. तायक्वांडो प्रशिक्षण ५. व्यक्तिमत्व विकास प्रशिक्षण ६. इंग्लीश स्पिर्कीग कोर्स ७. बांबु आर्ट ८. शिलाई मशीन प्रशिक्षण ९. अगरबत्ती तयार करणे, असे विविध उपक्रमांचे प्रशिक्षण विद्यार्थ्यांना देण्यात येणार असल्याची माहिती दिली. आदिवासी विद्यार्थी हा स्वतःच्या पायावर उभा राहून आपली प्रगती करण्यासाठी त्याला खरोखर मार्गदर्शनाची गरज आहे आणि त्यासाठी अशा प्रकारचे उन्हाळी शिबीर हे एक उत्तम मार्गदर्शक ठरेल असे श्री. राचेलवार यांनी सांगितले. Best vocational training for tribal communities

    कार्यक्रमाचे प्रास्ताविक सहा. प्रकल्प अधिकारी आर. एस. बोंगिरवार यांनी केले. संचालन श्री. पूणेकर यांनी तर आभार शिक्षिका दुर्गे यांनी मानले. यावेळी एकात्मिक आदिवासी विकास प्रकल्प यांच्या मार्गदर्शनाखाली कार्यालयातील सर्व अधिकारी तसेच प्रकल्पातील मुख्याध्यापक/ अधिक्षक तथा शासकीय आश्रम शाळा येथील कर्मचारी आदी उपस्थित होते.

    आदिवासी उन्हाळी शिबिर कार्यक्रम, पाटण

  • tiger attack in Brahmapuri forest । मोहफुलात मृत्यूची छाया! वाघाच्या हल्ल्यात ६० वर्षीय व्यक्तीचा मृत्यू

    tiger attack in Brahmapuri forest

    What started as a peaceful morning in the forest turned into a deadly encounter. ब्रह्मपुरी तालुक्यातील चिचखेडा गावातील ६० वर्षीय विनायक जांभुळे यांच्यावर आज रविवारी मोहफुले वेचत असताना वाघाने sudden and fatal attack केला. कालच नांदगाव-जानी भागात बिबट्याने तीन शेतकऱ्यांवर हल्ला केला होता.

    tiger attack in Brahmapuri forest : मोहफूले वेचायला गेलेल्या एका साठ वर्षीय व्यक्तीचा वाघाच्या हल्ल्यात मृत्यू झाल्याची घटना आज रविवारी (13 एप्रिल) ला ब्रह्मपुरी तालुक्यातील चिचखेडा येथे उघडली झाली आहे. विनायक विठोबा जांभुळे मृतकाचे नाव आहे. काल शनिवारी याच तालुक्यातील नांदगाव जानी शेतशिवारात एका बिबट्याने तीन शेतकऱ्यावर हल्ला करून जखमी केल्याची घटना ताजी असताना आज साठ वर्षीय व्यक्ती वाघाच्या हल्ल्यात मृत्यू झाला. चालू वर्षातील वाघाच्या हल्ल्यातील हा ११ वा बळी आहे. man killed by tiger

    चंद्रपुरात बंदोबस्तात असलेल्या पोलीस उपनिरीक्षकाला मारहाण


    दरवर्षी मोहा फुले वेचणीचा हंगामी सीजन येतो या योजनांमध्ये गोर गरीब व्यक्ती गावालगत च्या जंगलामध्ये जाऊन मोहबोल मोह फुले गोळा करतात त्यापासून मिळणाऱ्या आर्थिक उत्पन्नावर संसाराचा उदरनिर्वाह करतात. याच उद्देशाने आज रविवारी चिचखेडा येथील 60 वर्षीय विनायक जांभळे हा व्यक्ती परिसरातील जंगलात मोहफुले वेचण्यासाठी गेला होता. मोहफुले वेचत असताना जंगलात दबा धरून असलेल्या वाघाने त्याच्यावर हल्ला चढविला.

    या हल्ल्यात त्याचा जागीच मृत्यू झाला. तो घरी परत न आल्यामुळे कुटुंबियांना शंका आली. त्यांनी शोधाशोध केली असता सदर वृद्धाचा मृतदेह कक्ष क्रमांक 1006 मधील जंगलात आढळून आला. या घटनेची माहिती वन व पोलीस विभागाला देण्यात आली. त्यांनी घटनास्थळी येऊन मृतदेह ताब्यात घेतला आणि उत्तरीय तपासणी करिता ब्रह्मपुरी येथील उपजिल्हा रुग्णालयामध्ये पाठविण्यात आला. चिचखेडा गाव मेंडकी पासून अवघ्या चार किलोमीटर अंतरावर आहे मृतक हा चिचखेडा येथील होता. chandrapur tiger attack

    या घटनेने चिचखेडा परिसरात पुन्हा दहशत निर्माण झाली आहे. काल शनिवारी याच तालुक्यात नांदगाव जानी शेत शिवारात तीन शेतकऱ्यांना बिबट्याने जखमी केले आहे. या परिसरात कर यांनी उन्हाळी धान पिकाची लागवड केली. धानपिकाला पाणी देण्यासाठी तीन शेतकरी शिवारात गेले होते. तरस वन्य प्राण्यापासून स्वतःचा जीव वाचवीत पळतसुटलेल्या बिबट्याने या तीन शेतकऱ्यांना शेत शिवारात जखमी केले. ही घटना ताजी असताना आज पुन्हा 60 वर्षीय वृद्धाला वाघाने ठार केले. दिवसागणिक वाघ बिबट्यांच्या हल्ल्यात नागरिकांचा मृत्यू होत आहे. वाघाचा बंदोबस्त करण्याची मागणी जोरात सुरू असतानाही वनविभाग बंदोबस्त करण्यात अपयशी ठरत आहे.

  • Tiger rescue operation​ । चंद्रपूरमध्ये मोठं रेस्क्यू ऑपरेशन यशस्वी; नरभक्षक वाघीण जेरबंद!

    Tiger rescue operation

    ​Tiger rescue operation​ : मूल: गेल्या काही दिवसांपासून मूल तालुक्यात धुमाकूळ घालणारी आणि तीन ते चार जणांचा बळी घेणारी नरभक्षक वाघीण अखेर वनविभागाच्या जाळ्यात सापडली आहे. वनविभागाच्या पथकाला बुधवारी रात्री ही महत्त्वपूर्ण यश मिळाले. मरेगाव गावाजवळील उमा नदीच्या परिसरात बेशुद्धीचे इंजेक्शन देऊन तिला जेरबंद करण्यात आले. Man-eater tigress captured

    चंद्रपुरातील ४ मनसे पदाधिकाऱ्यांवर खंडणी चे गुन्हे दाखल

    या वाघीणीने मरेगाव, आकापूर, चितेगाव आणि एमआयडीसी परिसरात दहशत निर्माण केली होती, ज्यामुळे परिसरातील शेतकरी वर्ग भयभीत होता. वनविभागाच्या अथक प्रयत्नानंतर वाघीण जेरबंद झाली असली, तरी तिची अंदाजे एक वर्षाची तीन पिल्ले अजूनही बेपत्ता आहेत. या पिल्लांना पकडण्यासाठी वनविभागाचे रेस्क्यू ऑपरेशन युद्धपातळीवर सुरू आहे. वृत्त लिहीपर्यंत पिल्लांना पकडण्यात यश आले नव्हते. Forest department success​

    या वाघीणीच्या हल्ल्यात मूल तालुक्यातील एमआयडीसी परिसरातील मेंढपाळ निलेश दुर्गा कोरेवार, चितेगाव येथील युवा शेतकरी शेषराज पांडूरंग नागोशे आणि मेंढपाळ मल्लाजी येग्गावार यांचा दुर्दैवी मृत्यू झाला होता. पाच एप्रिलपासून वनविभाग वाघीणीला जेरबंद करण्यासाठी मोठी मोहीम चालवत होता. अखेर उमा नदीच्या परिसरात शिकार करण्यासाठी आलेल्या वाघीणीला वनपरिक्षेत्राधिकारी घनश्याम नायगमकार यांनी अचूक वेध घेत बेशुद्ध केले. Wildlife rescue mission​

    रेस्क्यू ऑपरेशनसाठी वनविभागातील ७० कर्मचाऱ्यांची मोठी टीम कार्यरत होती. वाघीण आता पिंजऱ्यात सुरक्षित असून तिच्या पिल्लांचा शोध घेण्यासाठी वनविभाग सर्वतोपरी प्रयत्न करत आहे. पिल्लांना शोधण्यासाठी परिसरात ५० कॅमेरे लावण्यात आले आहेत, ज्यात तीन लाईव्ह कॅमेऱ्यांचा आणि एका ड्रोन कॅमेऱ्याचा समावेश आहे. Chandrapur wildlife news

    या वाघीणीने केवळ माणसांवरच नव्हे, तर परिसरातील जनावरांवरही हल्ले करून त्यांना जखमी केले होते. वाघीणीला जेरबंद केल्यानंतर तिला कोणत्या ठिकाणी हलवायचे, याबाबत अद्याप कोणताही निर्णय घेण्यात आलेला नाही. सध्या ज्या ठिकाणी वाघीणीला पकडले आहे, त्या परिसरात कडक पहारा ठेवण्यात आला आहे.

    ही यशस्वी कारवाई चंद्रपूर येथील मुख्य वनसंरक्षक डॉ. जितेंद्र रामगावकर आणि विभागीय वन अधिकारी प्रशांत खाडे यांच्या मार्गदर्शनाखाली सहाय्यक वनसंरक्षक विकास तरसे यांच्या नेतृत्वात सावली येथील वनपरिक्षेत्राधिकारी विनोद धुर्वे, वनरक्षक, क्षेत्रसहायक, कर्मचारी, पशुवैद्यकीय अधिकारी आणि शूटर यांच्या टीमने केली. Chandrapur wildlife news

    तीन निष्पाप बळी घेतल्यानंतर अखेर नरभक्षक वाघीण जेरबंद झाल्याने परिसरातील नागरिक आणि शेतकऱ्यांनी सुटकेचा निःश्वास सोडला आहे. आता वनविभागाचे लक्ष तिच्या बेपत्ता पिल्लांना शोधण्यावर केंद्रित झाले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by