Category: ग्रामीण वार्ता

benefits of summer sports training camps

benefits of summer sports training camps : चंद्रपूर – जिल्ह्यातील युवक-युवतींना शारीरिक, मानसिक आणि बौद्धिकदृष्ट्या सक्षम बनवण्यासाठी विविध उपक्रमांची प्रभावी अंमलबजावणी सुरू झाली आहे. बल्लारपूर येथे १ मेपासून सुरू झालेल्या उन्हाळी शिबिरात एकूण १५ खेळांचे प्रशिक्षण देण्यात आले असून, समाजभान आणि मूल्यसंस्कारांची जोड देणाऱ्या या उपक्रमांमुळे विद्यार्थ्यांमध्ये सकारात्मक बदल घडत आहेत.हा ‘समर कॅम्प’ तरुणांना सुपरफिट ठेवणारा प्रभावी उपक्रम असल्याचे प्रतिपादन राज्याचे माजी वने, सांस्कृतिक कार्य व मत्स्य व्यवसाय मंत्री तथा आमदार श्री. सुधीर मुनगंटीवार यांनी शिबिराच्या समारोप समारंभात केले. youth development through sports India

चंद्रपूर जिल्हा मध्यवर्ती बँकेच्या सायबर घोटाळ्याची होणार चौकशी

हे शिबिर स्वर्गीय डॉ. सच्चिदानंदजी मुनगंटीवार यांच्या स्मृतीप्रित्यर्थ आयोजित करण्यात आले होते. या कार्यक्रमाचे आयोजक श्रीकांत आंबेकर अध्यक्ष, सुधीरभाऊ फॅन्स क्लब बल्लारपूर, समीर केने, काशी सिंग, मुन्ना ठाकूर, राजू दारी, संदीप पुणे, सुनील यादव, प्रशांत झांबरे, रोहित तुक्कर आदिंची उपस्थिती होती.

‘मिशन ऑलिंपिक २०३६’च्या दिशेने भक्कम पाऊल

आ. मुनगंटीवार पुढे म्हणाले की, जिल्ह्यातील बल्लारपूर, मुल, पोंभुर्णा आणि चंद्रपूर येथे युवकांसाठी दर्जेदार क्रीडा सुविधा उभारण्यात आल्या आहेत. चंद्रपूरमधील वातानुकूलित बॅडमिंटन कोर्ट, बल्लारपूरमधील कॉलरी गेट मैदान, वन अकादमी आणि सैनिकी शाळेतील सुविधा हे प्रेरणादायी ठरत आहेत.स्वातंत्र्यसैनिक वीर बाबुराव शेडमाके यांच्या नावाने म्हाडामध्ये उभारले जात असलेले २५ खेळप्रकारांचे अत्याधुनिक स्टेडियम ‘मिशन ऑलिंपिक २०३६’च्या दिशेने भक्कम पाऊल ठरेल, असा विश्वासही आ.मुनगंटीवार यांनी व्यक्त केला.

विसापूर क्रीडा संकुलात झालेल्या राष्ट्रीय अ‍ॅथलेटिक्स स्पर्धेला देशभरातील २८ राज्यांमधून स्पर्धकांनी सहभाग नोंदवला होता. या स्पर्धेच्या यशस्वी आयोजनाचे सर्वत्र कौतुक झाले आहे.समर कॅम्पच्या उत्कृष्ट आयोजनासाठी आ. मुनगंटीवार यावेळी अभिनंदन केले.

महिला सक्षमीकरणासाठी कौशल्य विकास उपक्रम

गरजू मुलींसाठी एस.एन.डी.टी. विद्यापीठ व स्व. सुषमा स्वराज स्किल सेंटरच्या माध्यमातून कौशल्य प्रशिक्षण उपक्रम राबवले जात आहेत. या उपक्रमांमधून अनेक मुलींना स्वबळावर उभं राहण्याची संधी मिळत आहे.विसापूर येथे ‘आर्चरी सेंटर’ सुरू करण्याचे नियोजन असून, युवक-युवतींनी या क्रीडा व प्रशिक्षण सुविधांचा लाभ घ्यावा, असे आवाहन आमदार मुनगंटीवार यांनी यावेळी केले.

livestock killed by power lines

livestock killed by power lines : सावली – मानसूनपूर्व पावसासोबत आलेल्या वादळी वाऱ्यामुळे विजेचे प्रवाहीत तारे तुटून शेतात पडल्याने 8 जनावरांचा विजेचा जोरदार धक्का बसून मृत्यू झाला. ही दुर्दैवी घटना आज 24 मे रोजी संध्याकाळी 4 वाजता सावली तालुक्यातील उसेगाव येथे घडली आहे.

अचानक वादळ आले आणि…

नेहमीप्रमाणे आजही उसेगाव येथील जनावरे शेतात चरत होते. त्यामध्ये 6 बैल आणि 2 गाईंचा समावेश होता. शेतात चरत असताना अचानक आलेल्या वादळामुळे विजेचा खांब कोसळला आणि त्यावरून तारे तुटून खाली पडल्या. या तारांना स्पर्श झाल्याने जनावरारे विजेच्या धक्क्याने जागीच ठार झाले. ही घटना उद्धव रोहणकर यांच्या शेतात घडली.

राजुरा विधानसभा क्षेत्रात राजकीय भूकंप

घटनेची माहिती मिळताच गावकरी शेतात दाखल झाले. महावितरण कंपनीला याची माहिती देण्यात आली. कंपनीने त्वरित सूचना दिली की कोणत्याही जनावरांना हात लावू नका, कारण तारा अजूनही प्रवाहित होत्या. काही वेळातच महावितरणचे कर्मचारी घटनास्थळी पोहोचले आणि त्यांनी तात्काळ विजेचा प्रवाह खंडित केला.

या अपघातात कालीदास पाल, देवाजी भोयर, मानिक गोहणे, बालूजी ठुसे, भोजराज गोहणे आणि अरुण भोयर यांचे प्रत्येकी एक बैल तसेच संतोष भोयर आणि हिराजी गोहणे यांची प्रत्येकी एक गाय असा एकूण 8 जनावरांचा मृत्यू झाला आहे.

या गंभीर घटनेनंतर पशुपालकांनी महावितरण कंपनीने जबाबदारी स्वीकारून नुकसान भरपाई द्यावी तसेच सरकारने आर्थिक मदत करावी, अशी मागणी केली आहे. Mahavitaran responsibility in livestock deaths

tiger attack in Chandrapur district

tiger attack in Chandrapur district : मूल:- दबा धरून बसलेल्या वाघाने एका गुराख्यावर हल्ला करून त्यास ठार केले. तर,दुस-या एका गुराख्यास जखमी केले. ही घटना मूल तालुक्यातील कोसंबी चक येथील शेतशिवारात सकाळी आठ वाजताच्या दरम्यान गुरूवारी घडली.

भावी वधूसमोर तरुणाने घेतला गळफास

या घटनेने मूल तालुका हादरला आहे.मे महिण्यातील ही चौथी घटना आहे.मृतक गुराख्याचे नाव बंडू परशुराम उराडे,वय 55 रा.करवन असे आहे.तर किशोर मधुकर उराडे वय 35,रा.करवन हा वाघाच्या हल्ल्यात जखमी झाला आहे. तालुक्यातील करवन येथिल चार ते पाच गुराखी गावातील जनावरे घेवून जंगलाच्या दिशेने गेली होती.गावापासून जवळपास तीन किमी अंतरावर असलेल्या कोसंबी चक येथील शेतशिवारात सकाळी सात वाजताच्या दरम्यान गुरे ढोरे चारत असताना त्याठिकाणी दबा धरून बसलेल्या वाघाने बंडू उराडे यांच्यावर हल्ला चढविला. त्यात बंडू घटनास्थळीच ठार झाला. tiger attack news today India

पुतण्या वाघासोबत भिडला

काकाला वाघाच्या तावडीतून वाचविण्यासाठी गेेेलेल्या पुतण्या किशोर वर सुदधा वाघाने हल्ला करून गंभीर जखमी केले.इतर तीन गुराखी त्याच परिसरात आपली गुरे चारत होती. बंडू आणि किशोर हे दोघे काका पुतणे आहेत. जवळपास ही घटना सकाळी आठ वाजताच्या दरम्यान घडली.

मारोडा येथील भूपेश खानोरकर यांच्या शेतशिवारात ही जनावरे चरत होती.या घटनेने तालुक्यात मोठी खळबळ उडाली आहे.घटनास्थळी वनविभागाच्या वरिष्ठ अधिका-यांनी भेट दिली. करवन गावात या घटनेने गावक-यांचा चांगलाच जमाव तयार झालेला होता.वाघाचा बंदोबस्त करण्याची मागणी यावेळी करण्यात आली. वाघाच्या हल्यातील ही मूल तालुक्यातील चौथी घटना आहे. मानव वन्यजीव संघर्ष तालुक्यात अधिकच तीव्र होताना दिसत आहे. आतापर्यंत चंद्रपूर जिल्ह्यात मानव वन्यजीव संघर्षात आतापर्यंत २२ नागरिकांचा बळी गेला आहे.

tiger kills cub in buffer zone 2025

tiger kills cub in buffer zone 2025 : चंद्रपूर – ताडोबाच्या बफर झोनला लागून असलेल्या प्रादेशीक वनविकास महामंडळाच्या चिमुर तालुक्यातील महालगाव बिटातील जंगलात (कंपाटमेंट नंबर 21) मध्ये वाघाने एका बच्छड्याला ठार केल्याची घटना समोर आली आहे. काल सायंकाळच्या सुमारास ही घटना घडली असून प्रादेशीक जंगलातून पर्यटन सफारी आटोपून येत असताना काही पर्यटकांच्या ही घटना लक्षात आली. 

चिमूर हादरलं, तिघांनी तरुणीवर केला सामूहिक बलात्कार

ताडोबा व्यतिरिक्त चिमुर तालुक्यात असलेल्या  प्रादेशीक वनविकास महामंडळाच्या जंगलात पर्यटन सफारी सुरू आहे. ताडोबा अभयारण्याच्या बफर झोनला लागून असलेल्या चिमुर तालुक्यातील खडसंगी वनपरिक्षेत्रातील महालगाव बिटात काही दिवसांपासून तिन बच्छड्यासह एक वाघिण भ्रमंती करताना वनविभागाला आढळून येत आहे. वनविभागाच्या ट्रॅप कॅमेरामध्ये ही ती दिसून आली आहे. wildlife conflict tiger cub death Maharashtra

ती कुठून आली हे वनविभागालाच माहित नाही, परंतु पर्यटकांना मात्र तिचे दर्शन होत असताना काल सोमवारी (19 मे) सायंकाळी महालगाव बिटातील कंपाटमेंट क्रं. 21 मध्ये उरकुडपार तलावाजवळ दु:खद घटना समोर आली. वाघासोबत एका सात महिण्याच्या मादी बच्छड्याची झुंज झाली. यामध्ये वाघाने बच्छड्याला ठिकठिकाणी केलेल्या गंभिर दुखापतीत सात महिण्याचा मादी बच्छडा ठार झाला. वाघ आणि बच्छड्यामध्ये झालेल्या झुंजीनंतर वाघ त्या बच्छड्याला तोंडात नेत असताना काही पर्यटकांना दिसून आले. त्यामुळे या घटनेची माहिती सर्वत्र पसरली.

बफर झोन मध्ये २ वाघांची एंट्री

वनविभागाला सदर घटनेची माहिती झाल्यानंतर विभागीय व्यवस्थापनक मोटकर, वनपरिक्षेत्राधिकारी सोनुरकर, वनपरिक्षेत्राधिकारी देऊरकर व त्यांचे सहकारी घटनास्थळी दाखल झाले. त्यांनी मृतदेह ताब्यात घेऊन पंचनामा केला. परिसर आणि मृतदेहाची पहाणी केल्यानंतर वाघाच्या झुंजीत बच्छड्याचा मृत्यू झाल्याचा अंदाज वनाधिकाऱ्यांनी वर्तविला आहे. विशेष म्हणजे या प्रादेशीक वनात ताडोबात दोन वाघ आल्याची माहिती समोर आली आहे. त्यापैकीच एकाने त्या बच्छड्याला ठार केल्याचा संशय वनविभागाला आहे. 5 महिन्यात आतापर्यंत एकूण 6 वाघाचा मृत्यू झाला आहे, त्यामध्ये झुंज व नैसर्गिक मृत्यूचा समावेश आहे.

उमरेड कऱ्हांडला मधून बच्छड्यांसह जान्हवी नावाची वाघिण आल्याची चर्चा

चिमूर तालुक्यातील प्रोदशीक वनविकास मंडळाच्या जंगलात काल ज्या बच्छड्याचा वाघासोबत झालेल्या झुंजीत मृत्यू झाला. ती वाघिण काही दिवसापासून या जंगलात नव्यानेच आली आहे. तिचे वनविभाग व पर्यटकांनाही दर्शन झाले आहे. परंतु ती कुठून आली हे सांगणे कठिण असल्याचे वनपरिक्षेत्राधिकाऱ्यांनी सांगितले. परंतु सध्या जी चर्चा सुरू आहे, त्यानुसार उमरेड कऱ्हांडला अभयरण्यातून तिन बच्छ्ड्यांसह ती वाघिण आल्याची चर्चा सुरू आहे. new tiger arrival in Chimur forest Maharashtra

जान्हवी नावाची ती वाघिण असल्याचे सांगितले जात आहे. याच प्रादेशीक वनाला ताडोबा अभयारण्याचा बफर झोन लागून आहे. त्यामुळे त्या ठिकाणावरून दोन वाघाची प्रादेशीक वनात एन्ट्री झाल्याची माहिती समोर आली आहे. विशेष म्हणजे कलुवा नावाच्या वाघाने त्या बच्छड्याला ठार केल्याची चर्चा आहे. परंतु नावाबाबत मात्र अधिकाऱ्यांनी सांगण्यास नकार दिला. प्रादेशीक वनातील एन्ट्री झालेल्या त्या वाघांनी काल एका बच्छड्याला ठार केल्यानंतर त्या अन्य दोन बच्छड्यांच्या जिवाला तर धोका नाही ना अशी चर्चा पर्यटकांमध्ये सुरू आहे.  जिव धोक्यात असल्याचेही बोलल्या जात आहे. 

manrega news chandrapur today

manrega news chandrapur today : चंद्रपूर: ग्रामीण भागातील गरीब आणि गरजू लोकांसाठी आधार ठरलेल्या मनरेगा (महात्मा गांधी राष्ट्रीय ग्रामीण रोजगार हमी योजना) कामांवरील स्थगिती उठवण्यात खासदार प्रतिभाताई धानोरकर यांना यश आले आहे.

चंद्रपूर मनपाने जप्त केले ३० टिल्लू पंप

आयुक्त व मंत्र्यांकडे पत्राद्वारे पाठपुरावा

गेल्या काही दिवसांपासून मनरेगाची कामे थांबल्याने ग्रामीण भागातील मजुरांवर उपासमारीची वेळ आली होती. या समस्येकडे खासदार प्रतिभाताई धानोरकर यांनी तातडीने लक्ष वेधून त्यांनी महाराष्ट्र शासनाचे ग्रामीण विकास व पंचायत राज मंत्री जयकुमार गोरे तसेच मनरेगा आयुक्तांना पत्र लिहून तत्काळ कार्यवाही करण्याची मागणी केली. manrega work news today

आपल्या पत्रात (पत्र क्रमांक १७८७/२०२५, दिनांक ५.५.२०२५) खासदार प्रतिभाताई धानोरकर यांनी नमूद केले की, मनरेगा ग्रामीण भागातील गरीब कुटुंबांसाठी एक महत्त्वाचा आधार आहे आणि कामे थांबल्याने लोकांचे जीवन अडचणीत आले आहे. त्यांनी या प्रकरणी तातडीने लक्ष घालून कामे पूर्ववत सुरू करण्याची विनंती केली होती.

खासदार प्रतिभाताई धानोरकर यांच्या या पाठपुराव्यामुळे शासनाने तातडीने दखल घेतली आणि मनरेगाची कामे पुन्हा सुरू करण्याचे आदेश (दिनांक १३.५.२०२५) जारी केले. यामुळे ग्रामीण भागातील मजुरांना मोठा दिलासा मिळाला असून, त्यांच्या चेहऱ्यावर आनंद परतला आहे. या महत्त्वपूर्ण कामगिरीबद्दल खासदार प्रतिभाताई धानोरकर यांचे सर्व ग्रामस्थांनी आभार मानले आहे.

Mp Pratibha Dhanorkar Janata Darbar highlights

Mp Pratibha Dhanorkar Janata Darbar highlights : चंद्रपूर: जिवती तालुक्यातील नागरिकांच्या समस्यांचे निराकरण करण्यासाठी खासदार प्रतिभाताई धानोरकर यांनी आज, बुधवार दिनांक १४ मे २०२५ रोजी, पंचायत समिती जिवती येथे जनता दरबाराचे आयोजन केले होते. या दरबारात नागरिकांनी मोठ्या संख्येने उपस्थिती दर्शवत आपल्या समस्या मांडल्या आणि खासदार प्रतिभाताई धानोरकर यांनी अनेक समस्यांवर तातडीने तोडगा काढल्याने नागरिकांमध्ये आनंदाचे वातावरण निर्माण झाले. Jiwati taluka public meeting updates

चंद्रपूर जिल्हा पुन्हा हादरला, ४ दिवसात ६ महिलांची वाघाने केली शिकार

नागरिकांच्या समस्यांवर योग्य कारवाई करा

सकाळी ११:०० वाजता सुरू झालेल्या या जनता दरबारात रस्ते, वनहक्क, अनियमित वीजपुरवठा, आरोग्य सेवा यांसारख्या विविध विषयांवर नागरिकांनी आपल्या समस्या मांडल्या. खासदार प्रतिभाताई धानोरकर यांनी प्रत्येक तक्रारदाराचे म्हणणे लक्षपूर्वक ऐकून घेतले आणि संबंधित अधिकाऱ्यांशी त्वरित संपर्क साधून योग्य कार्यवाही करण्याचे निर्देश दिले.

विशेष बाब म्हणजे, अनेक वर्षांपासून प्रलंबित असलेल्या काही समस्यांवर जागेवरच तोडगा काढण्यात खासदार धानोरकर यांना यश आले. यामध्ये रस्ते दुरुस्तीच्या मागणीसाठी आलेल्या नागरिकांना सार्वजनिक बांधकाम विभागाच्या अधिकाऱ्यांशी बोलून त्वरित कार्यवाही करण्याचे आश्वासन मिळाले. तसेच, वीजपुरवठ्यातील अडचणींबाबत महावितरणच्या अधिकाऱ्यांशी चर्चा करून तात्काळ दुरुस्ती करण्याचे आदेश देण्यात आले. आरोग्य सेवेतील समस्यांवरही तातडीने उपाययोजना करण्याचे निर्देश आरोग्य विभागाला देण्यात आले. public grievance redressal camp in rural areas

याव्यतिरिक्त, पाणीटंचाई आणि आरोग्य तसेच महावितरण (MSEDCL) संबंधित समस्यांवर जिल्हाधिकाऱ्यांसोबत स्वतंत्र बैठक घेणार असल्याचे खासदार प्रतिभाताई धानोरकर यांनी सांगितले. तेलंगणा आणि महाराष्ट्राच्या सीमेवरील जिवती तालुक्यातील १२ गावांच्या सीमा प्रश्नावर केंद्र सरकारकडे पाठपुरावा करण्याचे आश्वासनही त्यांनी दिले.

या महत्त्वपूर्ण जनता दरबारात काँग्रेस जिल्हाध्यक्ष तथा माजी आमदार सुभाष धोटे, उपविभागीय अधिकारी माने, तहसीलदार रुपाली मोगरकर, माजी नगराध्यक्ष अरुण धोटे, माजी उपसभापती सुग्रीव गोतावडे, तालुका अध्यक्ष गणपत काळे, माजी नगराध्यक्ष डॉ. अंकुश गोतावळे, नंदाताई मुसने, आरिफ शेख, लक्ष्मीनारायण ढोलके, डॉ. चिंचोळे या मान्यवरांची प्रमुख उपस्थिती होती. Pratibha Dhanorkar public meeting 2025

या यशस्वी जनता दरबाराबद्दल बोलताना खासदार प्रतिभाताई धानोरकर म्हणाल्या, “आज नागरिकांच्या समस्या ऐकून त्यावर तातडीने कार्यवाही करता आल्याचा मला खूप आनंद आहे. जनतेच्या समस्या सोडवण्यासाठी मी नेहमी तत्पर राहीन.”

या जनता दरबारात स्थानिक प्रशासनातील उच्च अधिकारी, पंचायत समिती सदस्य, विविध गावांतील सरपंच आणि मोठ्या संख्येने नागरिक उपस्थित होते. नागरिकांनी खासदार प्रतिभाताई धानोरकर यांच्या या थेट संवाद उपक्रमाचे कौतुक केले आणि आपल्या समस्या मांडण्यासाठी मिळालेल्या संधीबद्दल समाधान व्यक्त केले.