My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Indranil Naik Chandrapur visit । 🔹 चंद्रपूर जिल्हा कार्यकर्ता मेळाव्यात राष्ट्रवादीत मोठ्या प्रमाणात पक्षप्रवेश!

    Indranil Naik Chandrapur visit

    Indranil Naik Chandrapur visit : चंद्रपूर :- राष्ट्रवादी कॉंग्रेस पक्षाचा कार्यकर्ता मेळावा व पक्षप्रवेश सोहळा आयोजित करण्यात आला होता. सदर मेळाव्याचे आयोजन जिल्हाध्यक्ष नितीन भटारकर यांनी केले असून प्रदेश सचिव श्री आबिद अली साहेब, शहर जिल्हाध्यक्ष श्री राजीव भैय्या कक्कड, महिला जिल्हाध्यक्षा सौ रंजना ताई पारशिवे, माजी नगराध्यक्ष श्री दिपक भैय्या जैस्वाल, चंद्रपूर विधानसभा अध्यक्ष श्री सुनील भाऊ काळे, राष्ट्रवादी युवक कॉंग्रेस चे जिलाध्यक्ष श्री राकेश भैय्या सोमानी, विद्यार्थी जिल्हाध्यक्ष श्री सुजित उपरे, कार्याध्यक्ष श्री सागर भाऊ तामगाडगे, कामगार नेते श्री वामन बुटले साहेब, कामगार जिल्हाध्यक्ष श्री संजय भाऊ शेजुळ,

    Also Read : पत्रकाराने केली महिलांची फसवणूक, पोलिसांनी केली अटक

    वैद्यकीय जीलाध्यक्ष श्री पंकज ढेंगारे, सोशल मीडिया जिलाध्यक्ष श्री अमर गोमासे, राष्ट्रवादी काँग्रेस पक्षाचे जिल्हा उपाध्यक्ष श्री मुन्ना आवळे, ज्येष्ठ नेते श्री देविदास रामटेके साहेब, राष्ट्रवादी काँग्रेस पक्षाचे ज्येष्ठ नेते श्री डी के आरेकर साहेब, श्री जगदीश जुनघरी साहेब, ओबीसी सेलचे जिल्हाध्यक्ष श्री अविनाश जी राऊत, सामाजिक कार्यकर्ते मा. गिरीधर लांबट साहेब, कामगार नेते शंकर बागेसार साहेब, श्री गजानन जवादे साहेब श्री रवी भडके साहेब, सामाजिक कार्यकर्ते श्री खजांची मोरे साहेब, दुर्गापुरचे माजी सरपंच श्री अमोल ठाकरे, उपसरपंच श्री आसिफ भाई पठाण यांच्या सह राष्ट्रवादी कॉंग्रेस पक्षाचे सर्व सन्माननीय पदाधिकारी उपस्थित होते. NCP Chandrapur district workers meet

    सदर कार्यक्रमाप्रसंगी बोलताना संपर्कमंत्री मा. इंद्रनील नाईक साहेब यांनी यापुढे सतत चंद्रपूर जिल्हा दौऱ्यावर येणार असुन राष्ट्रवादी कॉंग्रेस पक्षाच्या माध्यमातून आलेल्या सर्वसामान्य जनतेच्या समस्या सोडविण्यासाठी प्राधान्य देणार असुन राष्ट्रवादी कॉंग्रेस पक्षाच्या प्रत्येक कार्यकर्त्याच्या पाठीशी देखील खंबीरपणे उभा राहणार असल्याची ग्वाही दिली. तसेच उद्योग राज्यमंत्री म्हणून जिल्ह्यात असलेल्या विविध उद्योग व प्रकल्पांमध्ये चंद्रपूर जिल्ह्यातील स्थानिकांना प्राधान्य देत रोजगार उपलब्ध करून देण्याबाबत लवकरच एक जिल्हाधिकारी कार्यालयात बैठक आयोजित करून राष्ट्रवादी काँग्रेस पक्षाच्या माध्यमातून युवकांना न्याय देण्याची भूमिका घेणार असल्याचे जाहीर केली. NCP rally highlights Chandrapur

    🔹पक्षप्रवेश ..!!

    राष्ट्रवादी कॉंग्रेस पक्षाच्या आयोजित मेळाव्यात राष्ट्रवादी काँग्रेस शरदचंद्र पवार पक्षाचे ओबीसी विभाग जिल्हाध्यक्ष श्री सुधाकर काकडे साहेब तसेच कामगार विभागाचे जिल्हाध्यक्ष श्री प्रदीप ढाले साहेब, सामाजिक कार्यकर्ते श्री. सुधाकर घोरपडे साहेब, पदमापूर येथील ग्रामपंचायत सरपंचा सौ आम्रपाली ताई अलोणे, मोहर्ली ग्रामपंचायत चे उपसरपंच श्री विकासभाऊ मेश्राम, अडेगाव चे माजी उपसरपंच श्री राजूभाऊ भुरकुंडे, पायली गावच्या पुनर्वसन समितीचे अध्यक्ष श्री मिथुन भाऊ रायपुरे, लखमापूर ग्रामपंचायत सदस्य श्री लवलेश भाई निषाद, सामाजिक कार्यकर्ते श्री. अनिल फाले साहेब, उर्जानगर ग्रामपंचायत चे माजी सदस्य श्री किशोर भाऊ आवळे तसेच सौ सुनंदा ताई अनिल फाले, भटाळी ग्रामपंचायत सदस्य श्री. किशोर भाऊ रत्नपारखी, Indranil Naik Chandrapur visit

    joining ncp

    पदमापूर ग्रामपंचायत च्या माजी सदस्या सौ विनाताई म्हरसकोल्हे, सामाजिक कार्यकर्ते श्री अशोक लेनगुरे साहेब, श्री कलीम भाई शेख, श्री हुसेन भाई पठाण, श्री महेबूब भाई शेख, श्री नजीर भाई सय्यद, श्री अय्युब भाई शेख, रावण ग्रुप चे संस्थापक अध्यक्ष श्री शैलेश भाऊ बोरकर यांच्यासह त्यांचे संपूर्ण सहकारी, सामाजिक कार्यकर्ते श्री विष्णू भाऊ मिटकरी, श्री आझाद भाई खान, श्री सागर भाऊ मुस्समवार, श्री. वसीम भाई कुरेशी, श्री चेतन भाऊ पुणेकर, श्री वानखेडे काका, सौ अनिता ताई जुमनाके, सौ. रेखाताई जवाडे यांच्यासह विविध पक्षातील पदाधिकारी तथा सामाजिक क्षेत्रात काम करणारे सन्माननीय कार्यकर्त्यांनी मोठ्या संख्येने राष्ट्रवादी काँग्रेस पक्षात प्रवेश केला.

  • Congress membership drive Chandrapur । 🗳️ महानगरपालिका निवडणुकीच्या पार्श्वभूमीवर हनुमान नगरातील नागरिकांचा काँग्रेसमध्ये प्रवेश

    Congress membership drive Chandrapur

    Congress membership drive Chandrapur : चंद्रपूर : शहर काँग्रेस कार्यालयात आज मोठ्या उत्साहात प्रभाग क्रमांक १ हनुमान नगरातील शेकडो कार्यकर्त्यांनी काँग्रेस पक्षात प्रवेश केला. या पक्षप्रवेश सोहळ्याला खासदार प्रतिभा धानोरकर, राज्याचे माजी मंत्री, आमदार विजय वडेट्टीवार आणि काँग्रेस शहर कमिटीचे जिल्हाध्यक्ष रामू तिवारी यांच्या नेतृत्वात काँग्रेसचे वरिष्ठ कार्यकर्ता एजाज रिझवी यांच्या प्रमुख उपस्थितीत मोठ्या संख्येने कार्यकर्ते उपस्थित होते.

    Also Read : शिवसेनेचे महायुती सरकारविरुद्ध आंदोलन

    नागरिकांचा कांग्रेस पक्षावर विश्वास

    या प्रसंगी नवीन कार्यकर्त्यांचे हार्दिक स्वागत करून नेत्यांनी पक्ष संघटन मजबूत करण्याचे आवाहन केले. आगामी महानगरपालिका निवडणुकीच्या पार्श्वभूमीवर हनुमान नगर परिसरातील युवक, महिला व ज्येष्ठ नागरिकांनी काँग्रेसच्या जनआंदोलन व लोकाभिमुख धोरणांवर विश्वास व्यक्त करत पक्षात प्रवेश केला.

    यात प्रकाश केशवराव खुटेमटे, अरुण सेवकजी तुर्डे, सलीम खान तड़वी, सैय्यद अहमद, कमलेश देवगडे, सुरेश रागीत, बबन गणपतराव जेमकावडे, अरुण सोनकर, चंपतराव नंदे, विजय मसाडे, वसंत पांडुरंग गुंडो, मनहव डुक्से, प्रकाश टोंगे, बाबा जिवतोड़े, रउफ इब्राहिम शेख, मोहन राजेश्वर गंधारे, विजय वानखेड़े, सुनील धवस, मोतीराम वडाई यांचा समावेश आहे.

  • Sonali Kulkarni at Mahakali Mahotsav । सोनाली कुलकर्णींची महाकाली महोत्सवाला भेट; भक्तिरसाने भारलेले वातावरण

    Sonali Kulkarni at Mahakali Mahotsav

    Sonali Kulkarni at Mahakali Mahotsav : चंद्रपूर ३ ऑक्टोबर २०२५ – श्री माता महाकाली महोत्सव केवळ भक्तीचा उत्सव नसून लोकउत्सव आहे. समाजातील प्रत्येक घटक, प्रत्येक धर्म, प्रत्येक जात या महोत्सवात सहभागी होते. ही एकता म्हणजेच आपल्या संस्कृतीचे सामर्थ्य आहे. महाकाली महोत्सवाच्या माध्यमातून आपले धार्मिक महत्त्व देशपातळीवर पोहोचविण्याचे कार्य आपण करत असून यात चंद्रपूरकरांची मिळत असलेली साथ उत्साहवर्धक आहे. हा महोत्सव म्हणजे भक्ती, संस्कृती आणि सामाजिक ऐक्याचा लोकउत्सव असल्याचे प्रतिपादन आमदार किशोर जोरगेवार यांनी केले. Chandrapur Cultural Tourism

    ओला दुष्काळ जाहीर करा, खासदार धानोरकरांचं चक्काजाम आंदोलन

    आमदार किशोर जोरगेवार यांच्या संकल्पनेतून आयोजित पाच दिवसीय श्री माता महाकाली महोत्सवाचा बुधवारी नवदाम्पत्य यांच्या हस्ते यज्ञ आणि महाप्रसादाने समारोप करण्यात आला. या समारोपीय कार्यक्रमात महोत्सव समितीचे अध्यक्ष आमदार किशोर जोरगेवार बोलत होते. यावेळी महोत्सवात सेवा देणाऱ्या सर्व समाज आणि सेवकांचा आमदार किशोर जोरगेवार यांच्या हस्ते सन्मान करण्यात आला.

    या कार्यक्रमात बोलताना आमदार किशोर जोरगेवार म्हणाले की, या पाच दिवसांत आपण कन्यापूजन, नवदाम्पत्यांच्या हस्ते होमहवन, सुहासिनींना सौभाग्याचा चुडा, ज्येष्ठ मायमाऊलींचा सन्मान, सांस्कृतिक व धार्मिक कार्यक्रम, समाजजागृती उपक्रम, महिला सक्षमीकरण, स्थानिक कलाकारांचे कार्यक्रम अशा असंख्य उपक्रम घेण्यात आले. हे सर्व उपक्रम फक्त धार्मिक कर्तव्य नसून, ते आपल्या समाजजीवनात संस्कार रुजवणारे दीपस्तंभ आहेत.

    पालखी सोहळ्यात भक्तांचा महासागर

    नगर प्रदक्षिणा पालखी सोहळ्यात भक्तांचा महासागर उफाळून आला. शहरातील प्रत्येक रस्ता, प्रत्येक गल्ली माता भक्तांच्या जयघोषाने दुमदुमून गेला. संपूर्ण चंद्रपूर या दिवसांत भक्तिरसाने ओतप्रोत भरून गेले. महोत्सवामुळे चंद्रपूरची कीर्ती दूरवर पोहोचली आहे. बाहेरगावाहून येणाऱ्या पर्यटकांची संख्या वर्षागणिक वाढत आहे. धार्मिक पर्यटनाच्या दृष्टीनेही चंद्रपूरचे महत्त्व वाढत असून, आपल्या शहराचा गौरवशाली इतिहास, सांस्कृतिक वारसा आणि भक्तिभावाची परंपरा जगासमोर पोहोचत आहे. हा महोत्सव यशस्वी करण्यासाठी असंख्य संस्था, स्वयंसेवक, कलाकार, महिला मंडळे, महोत्सव समितीचे पदाधिकारी यांनी अहोरात्र परिश्रम घेतले. त्यांच्या या सेवेला मी वंदन करतो. त्यांचा सन्मान म्हणजे आपल्या महोत्सवाचा सन्मान असल्याचे ते यावेळी म्हणाले. Kishor Jorgewar Mahakali Mahotsav

    चंद्रपूर हे इतिहासाचा, संस्कृतीचा आणि श्रद्धेचा ठेवा आहे. गोंडवाना साम्राज्याची ही राजधानी, ‘काळ्या सोन्या’चे भांडार असलेल्या या भूमीला ताडोबाच्या व्याघ्र प्रकल्पाने आंतरराष्ट्रीय पातळीवर मान मिळवून दिला आहे. माता महाकालीच्या मंदिराला वर्षानुवर्षे भाविक येथे येतात, त्यामुळेच हा महोत्सव केवळ उत्सव नसून भक्तीचा दीपोत्सव असल्याचे ते यावेळी म्हणाले.

    यावेळी महोत्सव समितीचे उपाध्यक्ष अॅड. विजय मोगरे, सुनील महाकाले, सचिव अजय जयस्वाल, सहसचिव बलराम डोडाणी, कोषाध्यक्ष पवन सराफ, सहकोषाध्यक्ष राजेश शास्त्रकार, विश्वस्त मिलिंद गंपावार, प्रभाकर मंत्री, जयश्री कापसे–गावंडे, वंदना हातगावकर, आशा महाकाले, सविता दंडारे आदींची उपस्थिती होती. Mahakali Palkhi Yatra

    mahakali mahotsav

    श्याम धोपटे, मुक्ता बोझावार, एकता पित्तूलवार, अलका ठाकरे, सुमेधा श्रीरामे, राजश्री मार्कंडेवार, रजनी पॉल, श्रद्धा एडलावार, भारती कोटकर, सरोज चांदेकर, प्रज्ञा जीवनकर, धनंजय तावडे, सुरक्षणा गायवकवाड यांनी पाच दिवस संचालनाची व्यवस्था सांभाळली. तर आरती संचामध्ये मनीषा पडगीलवार, राज ताटपल्लीवार, सार्थक उत्तरवार, मैथील कुंभरे, सुचिता पद्मावार, रिद्धी राऊत आदींची उपस्थिती राहिली. ज्येष्ठ नागरिक संघ, गायत्री परिवार, निर्मला माता सहज योग ध्यान साधना केंद्र यांच्या सहकार्याने अनेक कार्यक्रम झाले. मंच व्यवस्था डॉ. आम्रपाली देवगडे, अतिथी गडकरी, प्रीती बिंद यांनी सांभाळली.

    सुप्रसिद्ध अभिनेत्री सोनाली कुलकर्णी महोत्सव स्थळी

    महोत्सवाच्या चौथ्या दिवशी सुप्रसिद्ध सिने अभिनेत्री सोनाली कुलकर्णी यांनी महाकाली महोत्सवाला भेट दिली. यावेळी त्यांच्या हस्ते मातेची महाआरती करण्यात आली. त्यांना पाहण्यासाठी नागरिकांनी मोठी गर्दी केली होती. नियोजनबद्ध आयोजन आणि विविध सामाजिक उपक्रम याबद्दल सोनाली कुलकर्णी यांनी आयोजनाचे कौतुक केले.

  • Swachh Bharat mission Tadoba forest । ताडोबा व्याघ्र प्रकल्पात स्वच्छतेचा अनोखा संदेश; पर्यटक व ग्रामस्थांचा सहभाग

    Swachh Bharat mission Tadoba forest

    Swachh Bharat mission Tadoba forest : चंद्रपूर 2 ऑक्टोबर 2025: ताडोबा-अंधारी व्याघ्र प्रकल्पाच्या सर्व वनपरिक्षेत्र कार्यालयांमध्ये आज राष्ट्रपिता महात्मा गांधी व लाल बहादूर शास्त्री यांची जयंती अत्यंत उत्साहात साजरी करण्यात आली. यानिमित्त ताडोबा व भोवतालच्या परिसरात विशेष स्वच्छता मोहिम राबविण्यात आली. या मोहिमेत वनविभागाचे अधिकारी, वनरक्षक व इतर कर्मचारी, जिप्सी चालक, मार्गदर्शक, ईडीसी सदस्य व स्थानिक ग्रामस्थ मोठ्या संख्येने सहभागी झाले होते. Tadoba Gandhi Jayanti celebration 2025

    ४ तासात आरोपीला अटक, मास्टरमाइंड वाहनचालक

    शाळेतील विद्यार्थ्यांची प्रभातफेरी

    महात्मा गांधी यांच्या साधेपणा व सेवाभाव या मूल्यांची जोपासना करत मोहर्ली, कोळसा, खडसंगी, शिवणी, कारवा, चोडमपल्ली यांसह विविध कार्यालयांचा परिसर स्वच्छ करण्यात आला. तसेच आगरझरी फुलपाखरु उद्यान, जुनोना, नवेगाव, अलिझंजा, सिरकाडा, पांगडी, झरी या निसर्ग पर्यटन प्रवेशद्वारांच्या परिसरातील कचराही गोळा करण्यात आला. मोहर्ली, शिवणी, नलेश्वर, चकबामणी येथे जिल्हा परिषद प्राथमिक शाळेतील विद्यार्थ्यांची प्रभातफेरी काढून स्वच्छतेचे महत्व विषद करण्यात आले.

    tadoba gandhi jayanti


    याशिवाय मुधोली, शिवणी व अन्यत्र मानव-वन्यजीव संघर्षाबाबत स्थानिक ग्रामस्थांमध्ये जनजागृती करण्यात आली. आगरझरी येथे श्रमदानातून वनराई बंधारा बांधण्यात आला. निमढेला येथे जिप्सी चालक, मालक व मार्गदर्शक यांच्या श्रमदानातून पर्यटन रस्ता दुरुस्त करण्यात आला. कळमगाव, तुकूम, मोहाळी येथे ग्रामस्थांना धूरविरहित चुलींचे वाटप करण्यात आले. या उपक्रमांमधून वन्यजीव संवर्धन, स्वच्छता आणि शाश्वततेसाठी सामूहिक जबाबदारीचे महत्त्व अधोरेखित करण्यात आले.

  • Chandrapur Dhammachakra Pravartan Din 2025 । भोजनदान तसेच इतर कोणत्याही प्रकारचे स्टॉल रस्त्यावर नको; धम्मचक्र अनुप्रवर्तन दिनाच्या पूर्वतयारीचा आढावा

    Chandrapur Dhammachakra Pravartan Din 2025

    Chandrapur Dhammachakra Pravartan Din 2025 : चंद्रपूर २ ऑक्टोबर २०२५ –  दिनांक 15 आणि 16 ऑक्टोबर रोजी चंद्रपूर येथील दीक्षाभुमी वर साज-या होणा-या धम्मचक्र अनुप्रवर्तन दिनाच्या पूर्वतयारीचा जिल्हाधिकारी विनय गौडा जी.सी. यांनी आज (दि. 1) आढावा घेतला.

    जिल्हाधिकारी कार्यालयात आयोजित या बैठकीला अतिरिक्त जिल्हा पोलिस अधिक्षक ईश्वर कातकाडे, निवासी उपजिल्हाधिकारी दगडू कुंभार, तहसीलदार विजय पवार, महानगर पालिकेच्या प्र. आयुक्त डॉ. विद्या गायकवाड, उपविभागीय पोलिस अधिकारी सुधाकर यादव, वाहतूक पोलिस निरीक्षक प्रवीणकुमार पाटील, महावितरणचे कार्यकारी अभियंता सुहास पडोळे, यांच्यासह डॉ. बाबासाहेब आंबेडकर मेमोरीअल सोसायटीचे अध्यक्ष अरुण घोटेकर, उपाध्यक्ष अशोक घोटेकर आदी उपस्थित होते. Dikshabhumi festival Chandrapur preparations

    नागपूर-चंद्रपूर चार पदरी सिमेंट महामार्गाला हिरवा कंदील

    यावेळी बोलतांना जिल्हाधिकारी श्री. गौडा म्हणाले, चंद्रपूर शहरात होणा-या धम्मचक्र अनुप्रवर्तन दिनाच्या दोन दिवसीय कार्यक्रमासाठी तीन बाबी अतिशय महत्वाच्या आहेत. यात गर्दीचे योग्य नियंत्रण, स्टॉल व्यवस्था आणि वाहतूक व्यवस्था. गर्दी नियंत्रणासाठी योग्य नियोजन करावे. तसेच भोजनदान व इतर कोणतेही स्टॉल हे चांदा क्लब ग्राऊंडच्या आतमध्ये लावण्यात यावे. गाड्या तसेच बसेसची पार्किंग व्यवस्था, शहरातील पुतळ्याची स्वच्छता, दीक्षाभुमी परिसराची स्वच्छता, पाणी पुरवठा, मोबाईल टॉयलेट, वीज पुरवठा आदी कामे संबंधित विभागांनी गांभिर्याने पूर्ण करावीत. Vinay Gauda collector festival review

    कार्यक्रमादरम्यान या परिसरातील वीज पुरवठा खंडीत होऊ नये,  तसेच रस्त्यावर किंवा झाडांवर लटकणा-या विद्युत तारांची त्वरीत तपासणी करावी. बाहेर गावावरून येणा-या बसेसच्या पार्किंगची ठिकाणे आत्ताच निश्चित करावी. रोडनिहाय पार्किंग प्लान तयार करून त्यानुसार कार्यवाही करावी. पार्किंगस्थळ दर्शविणारे फलक लावावे. डॉ. बाबासाहेब आंबेडकर यांच्या अस्थिकलशासह निघणा-या रॅलीदरम्यान चोख बंदोबस्त ठेवावा. महानगर पालिकेने दीक्षाभुमी परिसरातील आजुबाजुच्या रस्त्यांची दुरुस्ती तसेच साफसफाईची कामे करावी. मोबाईल टॉयलेट, हायमास्ट लाईट, कार्यक्रमाच्या ठिकाणी अग्निशमन गाड्या उपलब्ध करून द्याव्यात.

    रस्त्यावर स्टॉल नको

    : धम्मचक्र अनुप्रवर्तन दिनानिमित्त विविध सामाजिक संघटनांकडून भोजनदानाचे तसेच इतर स्टॉल लावण्यात येतात. सदर स्टॉल रस्त्यावर न लावता चांदा क्लब ग्राऊंडच्या आतमध्ये लावावेत, याची सर्व सामाजिक संघटनांनी नोंद घ्यावी, असे आवाहन जिल्हा प्रशासनाने केले आहे.

    प्रशासनाला सहकार्य करण्याचे आवाहन

     : धम्मचक्र अनुप्रवर्तन दिनानिमित्त, सर्व यंत्रणांनी योग्य समन्वय ठेवून आपापली जबाबदरी पार पाडावी. येणा-या नागरिकांना कोणताही त्रास होणार नाही, याची दक्षता घ्यावी. सामाजिक संघटना, नागरिकांनी जिल्हा प्रशासनाला योग्य सहकार्य करावे, असे आवाहन जिल्हाधिकारी विनय गौडा जी.सी. यांनी केले. 

  • NSUI Chandrapur student fee waiver । अतिवृष्टी व पुरामुळे आर्थिक संकट; विद्यार्थी शुल्क माफ करा – NSUI

    NSUI Chandrapur student fee waiver

    NSUI Chandrapur student fee waiver : चंद्रपूर २३ सप्टेंबर २०२५ : एनएसयूआय प्रदेशाध्यक्ष मा. सागर सालुंखे जी यांच्या निर्देशानुसार तसेच आमचे नेते व मार्गदर्शक मा. रोशन दादा बिट्टू जी यांच्या मार्गदर्शनाखाली, एनएसयूआय चंद्रपूर जिलाध्यक्ष शफक शेख यांच्या नेतृत्वाखाली जिल्हा शिक्षणाधिकारी यांना निवेदन देण्यात आले.

    MBBS प्रवेशित विद्यार्थ्यांची आत्महत्या, थक्क करणार कारण

    संपूर्ण महाराष्ट्रात झालेल्या अतिवृष्टी व पुरामुळे जनजीवन विस्कळीत झाले असून शेतकऱ्यांचे प्रचंड नुकसान झाले आहे. अशा परिस्थितीत विद्यार्थ्यांकडून प्रवेश शुल्क, शिक्षण शुल्क, परीक्षा शुल्क, नोंदणी शुल्क व वसतिगृह शुल्क आकारले जात आहे. ही विद्यार्थ्यांच्या कुटुंबांवर मोठी आर्थिक जबाबदारी ठरत असून अनेक विद्यार्थ्यांचे शिक्षण धोक्यात आले आहे.

    कठीण परिस्थितीमध्ये विद्यार्थ्यांना दिलासा द्यावा

    विद्यार्थ्यांचे भविष्य सुरक्षित ठेवण्यासाठी वरील सर्व शुल्क माफ करण्याची मागणी निवेदनाद्वारे करण्यात आली. शिक्षण हा प्रत्येक विद्यार्थ्याचा मूलभूत हक्क आहे आणि कठीण परिस्थितीत सरकार व शिक्षण विभागाने दिलासा देणे ही जबाबदारी असल्याचे या प्रसंगी अधोरेखित करण्यात आले.

    या निवेदन प्रसंगी एनएसयूआयचे युवा पदाधिकारी व कार्यकर्ते मोठ्या संख्येने उपस्थित होते. त्यामध्ये फैजल खान, नावेद शेख, आतिश दुपारे, सौम्या विश्वकर्मा, सुमित चौहान, गणेश यादव, आशीष गावडे, राहुल तापसे, प्रतमेश दाओरे यांचा सक्रिय सहभाग होता.

  • Chanda plastic shop penalty । चांदा प्लास्टिकमध्ये १५० किलो प्लास्टिक पिशव्या जप्त, मनपा प्रशासनाची कारवाई

    Chanda plastic shop penalty

    Chanda plastic shop penalty : चंद्रपूर 22 सप्टेंबर – गोल बाजारातील चांदा प्लास्टिक या दुकानामध्ये 150 किलो प्लास्टिक पिशव्या आढळून आल्याने चंद्रपूर महानगरपालिका उपद्रव शोध पथकाद्वारे सदर प्रतिष्ठानावर 5 हजार रुपये दंड ठोठावण्याची कारवाई करण्यात आली आहे.  

    तो नरभक्षक बिबट्या जेरबंद, सिंदेवाहीत ८ वर्षीय मुलाचा घेतला बळी

       सोमवार 22 सप्टेंबर रोजी नेहमीप्रमाणे बाजारातील दुकानांची पाहणी सुरु असता गोल बाजारातील चांदा प्लास्टिक या दुकानामध्ये 5 पोते प्लास्टिक पिशव्या असल्याची माहिती उपद्रव शोध पथकास माहिती मिळाली. पाहणी केली असता एकुण 150 किलो प्लास्टिक पिशव्या आढळून आल्याने सदर साहित्य जप्त करण्यात आले असुन 5 हजार रुपये दंड ठोठावण्यात आला आहे.

    गुप्त माहीती द्या ५ हजार बक्षीस मिळवा

     चंद्रपूर महानगरपालिका मनपा उपद्रव शोध पथकास मिळालेल्या गुप्त माहीतीच्या आधारे सदर कारवाई करण्यात आली असुन सदर व्यावसायिकास सक्त ताकीद देण्यात आली आहे. पुन्हा सदर गुन्हा केल्यास 10 हजार रुपये दंड ठोठावण्यात येणार असल्याचे मनपा प्रशासनातर्फे स्पष्ट करण्यात आले आहे.मनपा हद्दीत प्लास्टीक पिशव्यांच्या वापरावर प्रतिबंध घालण्यास सातत्याने कारवाई केली जात असुन प्लास्टीक पिशव्यांच्या साठयाबाबत गुप्त माहीती देणाऱ्यास 5 हजारांचे बक्षिस सुद्धा जाहीर करण्यात आले आहे.यास मोठा प्रतिसाद मिळुन मनपापर्यंत प्लास्टीक साठ्याची गुप्त माहीती पोचविण्यात येत आहे. Chandrapur Municipal Corporation action

       एकदाच वापरल्या जाणाऱ्या प्लास्टिकच्या वस्तूंचे उत्पादन, आयात, साठवणूक, वाहतूक, वितरण, विक्री व वापरावर राज्यात 1 जुलै 2022 पासून पूर्णपणे बंदी घालण्यात आली असुन महाराष्ट्र प्लास्टिक आणि थर्माकोल अधिसूचना 2018 नुसार दंड आणि 3 महिन्यांच्या कारावासाची शिक्षा आहे. सदर कारवाई प्रभारी आयुक्त विद्या गायकवाड यांच्या मार्गदर्शनात सहायक आयुक्त शुभांगी सूर्यवंशी यांच्या प्रत्यक्ष नियंत्रणात डॉ. अमोल शेळके,भुपेश गोठे,शुभम खोटे, शुभम चिंचेकर,राहुल गगपल्लीवार, पूनम समुद्रे यांच्याद्वारे करण्यात आली.   


  • Chandrapur Swachhata Sankalp Din Activities | चंद्रपूर मनपा स्वच्छता जनजागृती अभियानात नागरिकांचा उत्स्फूर्त सहभाग

    Chandrapur Swachhata Sankalp Din Activities

    Chandrapur Swachhata Sankalp Din Activities : चंद्रपूर, दि. 22 सप्टेंबर – शासन निर्देशानुसार “स्वच्छता ही सेवा 2025” अभियान 17 सप्टेंबर ते 2 ऑक्टोबर या कालावधीत देशभर राबविण्यात येत आहे. चंद्रपूर महानगरपालिकेतर्फे नागरिकांच्या सहभागातून तीनही झोनमध्ये विविध उपक्रम राबविण्यात येत आहेत. या अभियानाची यावर्षीची थीम “स्वच्छोत्सव” असून सार्वजनिक ठिकाणांची स्वच्छता, प्लास्टिक बंदी जनजागृती, सफाईमित्र सुरक्षा शिबिरे, आरोग्य तपासणी शिबिरे, वृक्षारोपण व कचरा व्यवस्थापन जनजागृती अशा उपक्रमांवर भर देण्यात आला आहे.
    झोन 1, 2 व 3 चे सहायक आयुक्त शुभांगी सूर्यवंशी,संतोष गर्गेलवार व अनिलकुमार घुले यांच्या प्रत्यक्ष नियंत्रणात हे उपक्रम हाती घेण्यात आले. Municipal Corporation Swachh Bharat Awareness

    अश्विन नवरात्रीला आजपासून प्रारंभ, महाकाली मंदिरात घटस्थापना

    झोन क्र. 1 अंतर्गत –

    तुकुम, विवेकनगर, जटपूरा, वडगांव व नगीनाबाग या प्रभागांत जनजागृती उपक्रम राबविण्यात आला. नागरिकांना ओला व सुका कचरा वेगळा देणे, कचरा कुंडीचा वापर व परिसर स्वच्छ ठेवण्याबाबत मार्गदर्शन करण्यात आले. तसेच हातठेले व फळ विक्रेत्यांना प्लास्टिक बंदी व कचरा व्यवस्थापनाबाबत जनजागृती करण्यात आली. रामनगर प्राथमिक आरोग्य केंद्र येथे मनपा कर्मचारी आरोग्य तपासणी शिबीर यशस्वीरीत्या राबविण्यात आले. मिनगाव व बाबूपेठ परिसरात वृक्षारोपणाचे कार्यक्रम घेण्यात आले. सार्वजनिक शौचालयांच्या स्वच्छतेसाठी विशेष मोहीम हाती घेण्यात आली.

    chandrapur mahanagarpalika

    झोन क्र. 2 अंतर्गत – 

    झोन कार्यालय इमारत व झोन क्र 2 अ व ब स्वच्छता विभाग कार्यालय,हनुमान खिडकी, दादमहल,गोलबाजार मार्केट व गंजवार्ड सब्जी मार्केट,पठाणपूरा गेट,अंचलेश्वर गेट,बिनबा गेट,मनपा प्राथमिक शाळा येथे स्वच्छता कार्यक्रम राबविण्यात आला असुन पुढे झोन क्र 2 परिसरात प्लास्टीक बंदी बाबत जनजागृती अभियान राबविणे एक दिन एक घंटा या अंतर्गत रामाळा तलाव परिसरात स्वच्छता कार्यक्रम,- वेलफेअर पोग्रामबाबत कर्मचा-यांना माहीती देणे व जनजागृती करणे,राजीव गांधी उद्यान पठाणपूरा रोड येथे स्वच्छता व वृक्षारोपण कार्यक्रम,परिसरातील झेंड्याची स्वच्छता करुन परिसरातील नागरीकांमध्ये जनजागृती करणे, लोकमान्य टिळक प्राथमिक शाळा येथे चित्रकला, निबंध व रांगोळी स्पर्धा,रस्ते/नाली सफाई अभियान, डिप क्लिनींग व शौचालय स्वच्छता कार्यक्रम राबविण्यात येणार आहे.  Urban Sanitation Awareness Programs Maharashtra

    झोन क्र. 3 अंतर्गत –

     देशबंधू चित्तरंजन दास व मराठी प्राथ. शाळा दुर्गा कॉलनी रय्यतवारी येथे स्वच्छता अभियान घेण्यात आले. नेताजी चौक प्राथमिक आरोग्य केंद्र येथे स्वच्छता कर्मचाऱ्यांची आरोग्य तपासणी करण्यात आली. बायपास रोड-डंपिंग यार्ड ते आंबेडकर चौक व तेलगु शाळा समोरील मैदान परिसर येथे सकाळी वृक्षारोपण करण्यात आले. या सर्व कर्मचाऱ्यांद्वारे स्वच्छता राखण्याची शपथ घेण्यात आली आहे.  पुढे डॉ. बाबासाहेब आंबेडकर शाळा येथे निबंध स्पर्धा व सांस्कृतिक कार्यक्रम घेण्यात येणार असुन विविध धार्मिक ठिकाणी स्वच्छता कार्यक्रम व आरोग्य तपासणी शिबीर घेण्यात येणार आहे.

    तसेच सर्व झोन कार्यालयांद्वारे 2 ऑक्टोबर रोजी महात्मा गांधी जयंती निमित्त “स्वच्छता संकल्प दिन” व भव्य साफसफाई मोहीमेचे आयोजन केले जाणार आहे. झालेल्या या सर्व उपक्रमांत मनपा अधिकारी, कर्मचारी, शाळा, स्वयंसेवी संस्था व नागरिकांनी उत्साहाने सहभाग घेतला. “स्वच्छ शहर ही आपली जबाबदारी असून, स्वच्छतेतूनच सुंदर समाजाची निर्मिती होते,” असा संदेश या अभियानातून देण्यात आला.

  • Chandrapur BJP news । महाराष्ट्रात विकासाचे सरकार; भाजप कार्यकर्त्यांच्या अथक परिश्रमाचे फळ – चंद्रशेखर बावनकुळे

    घरपट्ट्यांपासून वीजदर कपात पर्यंत सर्व वचने पूर्ण करू – ना. चंद्रशेखर बावणकुळे

    Chandrapur BJP news

    Chandrapur BJP news : चंद्रपूर २१ सप्टेंबर २०२५ – कार्यकर्त्यांच्या अथक परिश्रम आणि जनतेच्या विश्वासामुळेच महाराष्ट्रात विकासाचे सरकार स्थापन झाले. आपल्या एका मताने विकसित भारताचा संकल्प पूर्ण होत आहे. त्यामुळे कार्यकर्त्यांनी आत्मविश्वासाने आगामी सर्व निवडणुकांत विजय मिळवून कमळ फुलवावे, मुख्यमंत्री देवेंद्र फडणवीस यांच्या नेतृत्वातील सरकार घरपट्ट्यांपासून वीजदर कपातीपर्यंत सर्व वचने पूर्ण करणार असे प्रतिपादन महसूल मंत्री तथा भाजपचे ज्येष्ठ नेते चंद्रशेखर बावणकुळे यांनी केले.

    गटबाजीमुळे चंद्रपूर भाजपची डोकेदुखी वाढणार

    भारतीय जनता पार्टी चंद्रपूर महानगरतर्फे जैन भवन येथे कार्यकर्ता सन्मान सोहळ्याचे आयोजन करण्यात आले होते. यावेळी ते बोलत होते. या कार्यक्रमाला राष्ट्रीय ओबीसी आयोगाचे अध्यक्ष हंसराज अहिर, आमदार किशोर जोरगेवार, माजी आमदार सुधाकर कोहळे, महानगर अध्यक्ष सुभाष कासनगोट्टूवार, जिल्हा मध्य वर्ती बँकेचे अध्यक्ष रविंद्र शिंदे, ज्येष्ठ नेते विजय राऊत, माजी महापौर राखी कंचर्लावार, महिला आघाडी अध्यक्ष छबु वैरागडे, युवा मोर्चा प्रदेश उपाध्यक्ष रघुवीर अहिर, नामदेव डाहुले, युवा मोर्चा अध्यक्ष मयूर हेपट, महामंत्री रवी गुरुनुळे, श्याम कनकम, मनोज पाल, सविता दंढारे, विधानसभा अध्यक्ष दशरथसिंह ठाकूर, महिला अध्यक्ष वंदना हजारे, मंडळ अध्यक्ष प्रदीप किरमे, विनोद खेवले, सुभाष अदमाने, स्वप्निल डुकरे, अरुण तिखे यांच्यासह माजी नगरसेवक व इतर पदाधिकाऱ्यांची मंचावर उपस्थिती होती. Chandrapur BJP news

    बावणकुळे म्हणाले की, तीन कोटी सतर लाख मतांची ताकद घेऊन आणि ५१ टक्क्यांहून अधिक मते मिळवत मुख्यमंत्री देवेंद्र फडणवीस यांचे सरकार सत्तेत आले. हे यश इंदिरा गांधी आणि राजीव गांधी यांनाही शक्य झाले नाही, मात्र कार्यकर्त्यांच्या जोरावर आपण ते घडवून आणले.”

    ५० हजार नागरिकांना कायमस्वरूपी पट्टे देण्यात येणार

    ते पुढे म्हणाले की,  या कार्यकर्त्यांच्या ताकदीमुळे शेतकऱ्यांकडून वीजबिल न घेण्याचा ऐतिहासिक निर्णय घेता आला. घरपट्ट्यांसह ३६ महत्त्वाच्या विषयांवर निर्णय झाले असून ५० हजार नागरिकांना कायमस्वरूपी पट्टे देण्यात येणार आहेत. विजेचे दर कमी करून साडे पाच रुपये प्रति युनिट एवढीच वसुली करण्याचा निर्णय मुख्यमंत्री देवेंद्र फडणवीस यांनी घेतला आहे. महाराष्ट्राला देशातील सर्वात विकसित राज्य करण्याचा त्यांचा संकल्प आहे. Maharashtra electricity tariff reduction 2025

    chandrapur bjp

    आगामी स्थानिक स्वराज्य संस्थांच्या निवडणुका बाबत बावणकुळे म्हणाले की, “नगरपरिषद, जिल्हा परिषद आणि महानगरपालिका या सर्व निवडणुका आपण जिंकल्या पाहिजेत. आपले सरकार हे वचनपूर्ती करणारे, विकासाच्या माध्यमातून काम करणारे सरकार आहे. ओबीसींवर अन्याय होणार नाही, त्यांच्या हक्काच्या एका टक्यालाही कुणाचा हात लागणार नाही. प्रत्येक समाजाला समान न्याय देणे हीच आमची भूमिका आहे. चंद्रपूरातील प्रत्येक घराला आखीव प्रपत्रिका देण्यात येणार असून गरिबांना घरासाठी अडीच लाख रुपयांची मदत मिळणार आहे. या सर्व योजना कार्यकर्त्यांनी प्रत्येक घराघरात पोहोचवल्या पाहिजेत. chandrapur house patta scheme 2025

    पक्षाचा प्रत्येक कार्यकर्ता हा कार्यक्षम

    आमदार किशोर जोरगेवार यांच्या नेतृत्वात चंद्रपूर शहरात उत्तम कार्यकारिणी तयार झाली आहे. पक्षाचा प्रत्येक कार्यकर्ता हा कार्यक्षम आहे. जोरगेवार यांचे नेतृत्व आणि हंसराज अहिर यांचे मार्गदर्शन आपल्याला लाभले आहे. मतदारसंघातील कामे करण्यासाठी जोरगेवार यांची धडपड आम्ही पाहिली आहे. उत्तम काम करणाऱ्या दहा आमदारांमध्ये त्यांचे नाव आहे. त्यांच्या कामामुळे ते मुख्यमंत्री देवेंद्र फडणवीस यांचे निकटवर्तीय असून मुख्यमंत्री त्यांना कधीच खाली हाताने पाठवत नाहीत. त्यामुळे आपल्या प्रभागातील परिसरातील कामे आपण करून घ्यावीत, नागरिकांच्या अपेक्षा पूर्ण कराव्यात, असे ते कार्यकर्त्यांना संबोधित करताना म्हणाले.

    या कार्यक्रमात बोलताना राष्ट्रीय ओबीसी आयोगाचे अध्यक्ष हंसराज अहिर म्हणाले की, मुख्यमंत्री देवेंद्र फडणवीस यांच्या नेतृत्वाखाली स्वच्छ मंत्रीमंडळ कार्यरत आहे. नागरिकांना घरे देण्याचा घेतलेला निर्णय हा मोठा असून यामुळे नागरिकांची जुनी मागणी पूर्ण होणार आहे. या सरकारमुळे राज्याच्या विकासाला गती मिळत आहे. bjp karykarta sanman

    यावेळी आमदार जोरगेवार म्हणाले की, घरपट्ट्याच्या मागणीसंदर्भात मंत्री बावणकुळे यांनी तात्काळ मुंबईत बैठक घेऊन प्रश्न मार्गी लावला. सत्तेचा लाभ शेवटच्या घरापर्यंत पोहोचविण्याचे कार्य त्यांच्या माध्यमातून सुरू आहे.चंद्रपूरमध्ये आयोजित माता महाकाली महोत्सवादरम्यान निघणारी पालखी ही विदर्भातील सर्वात मोठी पालखी असून या मंदिर परिसराच्या विकासासाठी राज्य सरकार सकारात्मक असल्याचेही ते म्हणाले.

    मुख्यमंत्री देवेंद्र फडणवीस यांच्या नेतृत्वाखाली महाराष्ट्र प्रगती करत असून चंद्रपूर मतदारसंघाचाही विकास होत आहे. येणाऱ्या सर्व निवडणुका भारतीय जनता पक्ष जिंकणार असल्याचा विश्वास यावेळी आमदार किशोर जोरगेवार यांनी व्यक्त केला. Chandrapur BJP news

    या वेळी नवनियुक्त पदाधिकाऱ्यांना ना. चंद्रशेखर बावणकुळे यांच्या उपस्थितीत सन्मानपत्र प्रदान करण्यात आले. कार्यक्रमाला भाजप पदाधिकारी व कार्यकर्ते मोठ्या संख्येने उपस्थित होते.या कार्यकर्ता मेळाव्यामुळे भाजप कार्यकर्त्यांमध्ये नवचैतन्य निर्माण झाले असून, येणाऱ्या निवडणुकांत विजयाची पताका फडकवण्याचा निर्धार व्यक्त करण्यात आला.

  • financial literacy programs for women । महिलांची आर्थिक स्वातंत्र्याकडे मोठी वाटचाल : ‘आत्मनिर्भर’ गुंतवणूकदार जागरूकता उपक्रम चंद्रपूरमध्ये

    financial literacy programs for women

    financial literacy programs for women : चंद्रपूर २० सप्टेंबर २०२५ – महिलांना आर्थिक दृष्ट्या स्वावलंबी बनविण्याच्या उद्देशाने ‘आत्मनिर्भर’ या गुंतवणूकदार जागरूकता उपक्रमाचे आयोजन चंद्रपूर येथील महामाया महिला समूहात करण्यात आले.

    चंद्रपूर नागपूर महामार्गावर द बर्निंग कार

    ‘आर्थिक स्वातंत्र्याकडे महिलांची वाटचाल’ या विषयावर आधारित या उपक्रमामध्ये सहभागींना सिक्युरिटीज मार्केटमधील संधी (Market opportunities), डिपॉझिटरी सेवांचे महत्त्व तसेच सुरक्षित व माहितीपूर्ण गुंतवणूक निर्णयांद्वारे आर्थिक स्वातंत्र्य कसे मिळवता येते याविषयी मार्गदर्शन करण्यात आले.

    दैनंदिन जीवनाशी संबंधित व्यावहारिक उदाहरणे

    संकल्पना अधिक सोप्या रीतीने समजावून सांगण्यासाठी तज्ज्ञांनी मराठीत संवाद साधला आणि दैनंदिन जीवनाशी संबंधित व्यावहारिक उदाहरणे दिली. या संवादात्मक पद्धतीमुळे शिकणे केवळ सोपेच नव्हे तर अधिक रंजक आणि उपयुक्त ठरले.

    हा उपक्रम सीडीएसएल गुंतवणूकदार संरक्षण निधी (CDSL IPF)च्या पुढाकारातून राबविण्यात आला असून, देशभरातील विविध भागांत आर्थिक साक्षरता वाढविणे हा त्यांचा प्रमुख उद्देश आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by