Category: चंद्रपूर शहर

News34

चंद्रपूर – मे महिन्यापासून देशातील मणिपूर येथे सुरू झालेला हिंसाचार आजही सुरूच आहे.
या हिंसाचार दरम्यान मणिपूर येथे भयावह घटना घडली, 2 महिलांची नग्न धिंड काढत त्यांच्यावर सामूहिक अत्याचार करण्यात आला.

ही घटना देशाला लाजविणारी होती, या घटनेचे पडसाद देशात मोठ्या प्रमाणात पडले, अनेक ठिकाणी या घटनेचा नागरिकांनी निषेध दर्शविला.

7 ऑगस्ट ला चंद्रपूर शहरात डिस्ट्रिक्ट पास्टर्स असोसिएशनच्या वतीने मणिपूर हिंसेविरोधात भव्य मोर्चा काढण्यात आला. शहरातील गांधी चौकातून शहरातील मुख्य मार्गावरून जिल्हाधिकारी कार्यालय पोहचला.

आयोजित निषेध मोर्च्यात पास्टर्स प्रभाकर कंडे, मोहित सक्सेना यांच्या उपस्थितीत जिल्हाधिकारी विविध मागण्यांचे यांना निवेदन देण्यात आले.

डिस्ट्रिक्ट पास्टर्स असोसिएशनच्या मागण्यांबाबत माहिती देताना सांगितले की देशात सध्या विविध धर्मात तेढ लावण्याचे काम सुरू आहे, अल्पसंख्याक समाजाला यामध्ये टार्गेट करण्यात येत आहे, मणिपूर मध्ये जी घटना घडली ती अख्ख्या जगाला लाजवून सोडणारी आहे या घटनेचा आम्ही पास्टर्स असोसिएशन निषेध करतो.

News34

चंद्रपूर- ओबीसींच्या हिताचे कुणी कितीही दावे, प्रतिदावे केले तरी ओबीसींना खऱ्या अर्थाने सामाजिक, शैक्षणिक, राजकीय व विविध क्षेत्रातील उन्नतीला भाजपानेच न्याय दिला आहे. जेव्हा मंडल शिफारसी स्विकारल्या गेल्या तेव्हा व्हीपींच्या सरकारसोबत भाजप होती.

देशात ओबीसी आयोगाची स्थापना झाली तेव्हापासून या आयोगाला अधिकारच नव्हते प्रधानमंत्री नरेंद्र मोदींनी ओबीसींच्या हितासाठी या आयोगाला संविधानिक अधिकार बहाल केले तेव्हापासून या घटकांची प्रगती वेगाने होवू लागली आहे. त्यामुळे भाजप हाच ओबीसींचा रक्षणकर्ता व विश्वास व्यक्त करता येईल असा एकमेव राजकीय पक्ष असल्याने ओबीसी वर्गातील तमाम बांधवांनी बांधीलकीतून आपल्या न्याय हक्काकरीता भाजपासोबत यावे असे आवाहन राष्ट्रीय मागासवर्गीय आयोगाचे अध्यक्ष, पूर्व केंद्रीय गृह राज्यमंत्री हंसराज अहीर यांनी भाजपा ओबीसी मोर्चाच्या कार्यकर्ता मेळाव्यास संबोधित करतांना केले.

भाजपा ओबीसी मोर्चा चंद्रपूर महानगरच्या वतीने स्थानिक जैन भवन येथे दि. 5 ऑगस्ट रोजी आयोजित या कार्यक्रमास भाजपा ओबीसी मोर्चाचे प्रदेशाध्यक्ष तथा सत्कारमुर्ती संजय गाते, प्रदेश ओबीसी मोर्चाचे पदाधिकारी डी.डी. सोनटक्के, तामेश्वर गहाणे, प्रदेश सदस्य विजय राउत भाजपा नेते प्रमोद कडू, भाजपा जिल्हामहामंत्री ब्रिजभूषण पाझारे, भाजपा महानगर जिल्हाध्यक्ष राहूल पावडे, माजी महानगर जिल्हाध्यक्ष डॉ. मंगेश गुलवाडे, महानगर जिल्हाध्यक्ष अंजली घोटेकर, प्रकाश बगमारे, अनिल फुलझेले, रवि गुरनूले, रघूवीर अहीर, ओबीसी मोर्चा महानगराध्यक्ष विनोद शेरकी, राजू घरोटे, जुम्मन रिजवी, ओबीसी मोर्चाचे जिल्हाध्यक्ष अविनाश पाल, विशाल निंबाळकर, अरुण तिखे, वंदना संतोषवार, रत्नमाला भोयर, आदी पदाधिकारी, व्यासपीठावर उपस्थित होते.

आपल्या भाषणात अहीर म्हणाले की, ओबीसी आयोगाच्या माध्यमातून संविधानिक अधिकारामुळे ओबीसींना न्याय मिळत आहे. नोकरी, शिक्षण व अन्य क्षेत्रातील अन्यायाची दखल आयोगाद्वारे घेतली जात आहे. आदेशाद्वारे न्याय मिळवून देण्यात येत आहे. मोदीजींनी ओबीसींना सन्मान दिल्यानेच हे शक्य झाले आहे. आज जे ओबीसीबद्दल कळवळा दाखवित आहेत त्यांना काही करता आले नाही त्यासाठी मोदीजींचे सरकार यावे लागले. म. फुले, शाहू महाराज आरक्षणाचे पुरस्कर्ते होते. आज मुस्लिम समाजातील ओबीसी मध्ये असलेल्यांना आरक्षणाचा लाभ मिळत आहे. देशात समानतेचे वारे वाहू लागले आहेत.

त्यांनी पुढे सांगितले की नरेंद्र मोदीजींनी ओबीसींच्या सन्मानात भर घातली आहे. केंद्रात 35 टक्के ओबीसी मंत्री आहेत. जर 2007 पासून वैद्यकीय शिक्षणात ओबीसी आरक्षण लागू असते तर अखिल भारतीय कोट्यामध्ये ओबीसी प्रवर्गातील डॉक्टरांची संख्या वाढली असती केले, आज वैद्यकीय शिक्षणातच नव्हे तर अन्यत्र सुध्दा ओबीसींचा टक्का वाढला आहे. केंद्र सरकारने सबका साथ सबका विकास या न्यायाने राज्यकारभार चालविल्यामुळे समाजातील प्रत्येक लोकांना त्यांचे डावलले गेलेले हक्क मिळू लागले आहेत.

अनेक योजनांचा लाभ जात, धर्म, पंथाच्या पलिकडे जाऊन सर्वांना मिळत आहे हे मोदींजींच्या सर्व समावेशक धोरणांची उपलब्धी असल्याचे अहीर यांनी स्पष्ट केले यावेळी त्यांनी अनेक विषयांना स्पर्श करीत ओबीसींच्या उत्थानाकरिता सरकार करीत असलेल्या प्रयत्नांची माहिती उपस्थितांना दिली.

ओबीसींच्या सामाजिक हक्क व उन्नतीकरीता समर्पितपणे कार्य करु- संजय गाते

ओबीसी मोर्चाचे प्रदेशाध्यक्ष संजय गाते यांनी आपल्या मार्गदर्शनात सांगितले ओबीसींचा उत्कर्ष केवळ भाजपाच करु शकतो त्यामुळे अनेक जाती-पोटजातीमध्ये विखुरलेल्या ओबीसी बांधवांनी संघठीत होवून आपल्या न्यायाच्या लढ्यासाठी पुढे आले पाहिजे. मा. मोदीजींनी ओबीसींचा स्वाभीमान जागृत केला त्यांच्या न्याय हक्कासाठी अनेक महत्वाकांक्षी निर्णय घेतले. भाजपा महायुती सरकारने ओबीसींना अनेक बाबतीत न्याय देणारे धोरणात्मक निर्णय घेतले आहेत त्यामुळे भाजपा नेतृत्वात केंद्र व राज्यात सत्ता पुनर्स्थापित करण्यासाठी ओबीसी घटकांनी भाजपासोबत भक्कमपणे उभे राहावे असे आवाहन केले. हंसराज अहीर संवैधानिक दर्जा लाभलेल्या ओबीसी आयोगाचे अध्यक्ष असल्याने त्यांच्या कारकिर्दीत ओबीसी बांधवांना न्याय मिळेल असा आशावाद त्यांनी व्यक्त केला. भाजप श्रेष्ठींनी सोपविलेल्या जबाबदारीला न्याय देण्यासाठी आपण ओबीसीचे संघठन मजबूत करु समाजातील प्रत्येक घटकांना न्याय देण्याकरिता पदाचा वापर करण्याची ग्वाहीसुध्दा संजय गाते यांनी उपस्थित ओबीसी बांधवांना दिली.

प्रारंभी ओबीसी मोर्चाचे नवनियुक्त प्रदेशाध्यक्ष संजय गाते यांचा हंसराज अहीर व उपस्थित मान्यवरांच्या शुभहस्ते सत्कार करण्यात आला. यावेळी नवनियुक्त भाजप पदाधिकारी मान्यवर अतिथी व ओबीसी प्रवर्गातील अनेक समाज बांधवांचा उपस्थितांनी सन्मान केला.

या प्रसंगी अन्य मान्यवरांनी समयोचित मार्गदर्शन केले. कार्यक्रमाचे संचालन शशिकांत मस्के यांनी तर पाहूण्यांचे आभार विनोद शेरकी यांनी मानले. कार्यक्रमाच्या यशस्वीतेसाठी प्रदीप किरमे, शैलेश इंगोल, सुभाष आदमने, पराग मलोडे, मुग्धा खांडे, सचिन संदूरकर, सुभाष ढवस, सुधाकर बोंडे, दिपक झोरे, मधुकर राऊत, राम हरणे, शाम बोबडे, शालू कनोजवार, संगिता सुर्यवंशी, मोनीका महातव, मयुर भोकरे, अरुणा चौधरी यांचे सह अनेकांनी परिश्रम घेतले कार्यक्रमास चंद्रपूरसह जिल्हातील बहूसंख्य ओबीसी बंधू भगिनी व भाजप पदाधिकारी कार्यकर्ते उपस्थित होते.

News34

चंद्रपूर – रविवार दिनांक 6 ऑगस्ट रोजी प्रशासकीय इमारतीच्या तिसऱ्या माळ्यावर लागलेल्या आगीच्या चौकशीचे आदेश जिल्ह्याचे पालकमंत्री सुधीर मुनगंटीवार यांनी जिल्हाधिकारी यांना दिले आहेत.

चंद्रपूरच्या जिल्हाधिकारी कार्यालयाच्या आवारात असलेल्या प्रशासकीय इमारतीच्या तिसऱ्या माळ्यावर रविवारी पहाटे सहायक आयुक्त, अन्न व औषध प्रशासन यांचे कार्यालयाला आग लागली. आगीत कार्यालयातील फाईल्स, फर्निचर व इतर साहित्य जळून खाक झाले. ही आग कशामुळे लागली त्याचे नेमके कारण शोधावे तसेच यामागे कोणत्या घातपातीचा तर हात नाही, याचाही शोध यंत्रणेने घ्यावा, असे निर्देश जिल्ह्याचे पालकमंत्री सुधीर मुनगंटीवार यांनी दिली आहे.

पहाटेच्या दरम्यान अन्न व औषध प्रशासन कार्यालयातून धूर निघत असल्याचे लक्षात येताच तातडीने फायर ब्रिगेडला प्रचारण करण्यात आले. यात फायर ब्रिगेडच्या अधिकारी व कर्मचाऱ्यांना तात्काळ आगीवर नियंत्रण मिळवण्यात यश आले. त्यामुळे आगीचे लोन इमारतीतील इतर कार्यालयांत पसरले नाही. त्यामुळे मोठी दुर्घटना टळली. यात कोणतीही जीवितहानी किंवा जखमी झाले नसल्याचे प्रशासनाने कळविले आहे.

News34

चंद्रपूर- देशाच्या स्वातंत्र्याला 75 वर्ष पूर्ण होत असतांना प्रधानमंत्री मान. नरेंद्र मोदी जी यांच्या कार्यकाळात अमृत भारत स्टेशन योजनेअंतर्गत देशभरातील 1309 रेल्वे स्थानकांचा पुर्नविकास करण्याचे ऐतिहासिक कार्य होत असून पहिल्या टप्प्यात 508 रेल्वे स्थानकांचा अत्याधुनिक सोयीसुविधांसह विकास होत असून गोंडकालीन वैभव प्राप्त चंद्रपूरातील चंद्रपूर रेल्वे स्टेशन, चांदा फोर्ट व बल्हारशाह या स्थानकांचा विकास 80 कोटी निधीतून होत आहे. त्याबद्दल मा. मोदीजींचे मनःपूर्वक आभार मानतोे.

हे कार्य चंद्रपूर जिल्ह्यातील रेल्वे प्रवाशांकरीता अनमोल भेट असून केंद्र शासनाचा हा महत्वाकांक्षी उपक्रम एकप्रकारे महोत्सव असल्याचे प्रतिपादन राष्ट्रीय मागासवर्गीय आयोगाचे अध्यक्ष तथा पूर्व केंद्रीय गृहराज्यमंत्री हंसराज अहीर यांनी प्रधानमंत्री मोदीजींच्या शुभहस्ते होऊ घातलेल्या व्हीडीओ काॅन्फ्रेन्सिंग द्वारे भूमीपूजन सोहळ्यापूर्वी आयोजित कार्यक्रमास संबोधित करतांना केले.

अमृत भारत स्टेशन योजनेअंतर्गत चंद्रपूर रेल्वेस्थानकाचा पूनर्विकास या दिमाखदार भूमिपूजन सोहळ्याप्रसंगी चंद्रपूर रेल्वे स्टेशनच्या वतीने दि 06 ऑगस्ट 2023 रोजी आयोजित विविध कार्यक्रमास उपस्थित नागरीकांना हंसराज अहीर संबोधित होते. याप्रसंगी चंद्रपूर चे आ. किशोर जोरगेवार, एमईएल कार्यकारी संचालक के. रामकृष्ण, चंद्रपूर महापालिकेचे आयुक्त विपीन पालिवाल,चंद्रपूर महाऔष्णीक केंद्राचे मुख्य अभियंता गिरीष कुमारवार, रेल्वेचे सिपीएम विनोद बंगाले, स्टेशन मास्टर एस.आर.देवगडे, विजय राऊत, रमणिकभाई चव्हाण, राखीताई कंचर्लावार, डाॅ मंगेश गुलवाडे, रघुवीर अहीर, पूनम तिवारी आदि मान्यवर प्रामुख्याने उपस्थित होते.

याप्रसंगी बोलतांना हंसराज अहीर म्हणाले की, प्रधानमंत्र्यांनी गेल्या अनेक वर्षांपासून लोकांच्या मनात असलेल्या मागणीची या योजनेच्या माध्यमातून परिपूर्ती होणार आहे. या पूनर्विकास योजनेअंतर्गत चंद्रपूर स्टेशनकरीता 27.66 कोटी, चांदा फोर्ट करीता 16.00 कोटी व बल्हारशाह करीता 34 कोटी निधी मंजूर झाला असून या योजनेअंतर्गत प्रवाशांच्या सोयीकरीता अत्याधुनिक सुविधा उपलब्ध होणार आहे. सरकारच्या गतिमान धोरणांस अभिप्रेत असलेले हे काम गुणवत्तापूर्ण व निर्धारीत वेळेतच पूर्ण होईल असा विश्वास त्यांनी व्यक्त केला.

चंद्रपूर जिल्ह्यातील प्रवाशांकरीता रेल्वेच्या अनेक सोयी-सुविधा देता आल्या मात्र कोरोना काळात दुर्भाग्याने अनेक महत्वाच्या गाड्या बंद पडल्या त्या पूर्ववत करण्याचा कसोशिने प्रयत्न करु,. तिसऱ्या लाईनचे काम पूर्ण होत आहे, पिटलाईन पूर्णत्वास आली असल्याने जिल्ह्यातील प्रवाशांना सोयीच्या ठरणाऱ्या अनेक गाड्या बल्हारशाह येथून सुटणार आहेत. आपल्या ऋणांची परतफेड करणे हे कर्तव्य असून त्याकरीता सदैव कटिबध्द राहील. चंद्रपूर, बल्लारपूर येथील रेल्वे स्थानकांचा पूनर्विकास पहिल्या टप्प्यात होत आहे हा सौभाग्याचा क्षण आहे.

यावेळी आयोजित सांस्कृतिक कार्यक्रमात सहभागी होऊन त्यांच्या व मान्यवर अतिथिंच्या शुभहस्ते विद्याथ्र्यांना भेटवस्तू देण्यात आली.
या प्रसंगी आ. किशोर जोरगेवार यांनी केंद्र सरकारच्या या योजनेचे स्वागत करुन हंसराज अहीर यांच्या विशेष प्रयत्नातून अमृत भारत योजनेत तेही पहिल्या टप्प्यात चंद्रपूर, चंादा फोर्ट व बल्लारपूर रेल्वे स्टेशन अत्याधुनिक सोयींनी स्वयंपूर्ण होणार असल्याचे सांगीतले.

या कार्यक्रमास राजू घरोटे, राजेंद्र अडपेवार, संजय कंचर्लावार, विनोद शेरकी, सुभाष कासनगोट्टुवार, संदीप आवारी, रवि आसवानी, विठ्ठल डुकरे, दिनकर सोमलकर, रवि लोणकर, वंदना संतोषवार, गौतम यादव, सुदामा यादव यांचेसह रेल सुविधा संघर्ष समितीचे रमेश बोथरा, नरेंद्र सोनी, डाॅ गोपाल मुंधडा, डाॅ भूपेश भलमें व शहरातील विविध क्षेत्रातील गनमान्य नागरीक उपस्थित होते.

News34

चंद्रपूर – चंद्रपूर हा ऐतिहासीक जिल्हा आहे. सोबतच औद्योगिक जिल्हा म्हणूनही या जिल्ह्याची ओळख आहे. राज्य भरातून येथे कामगार वर्ग स्थायी झाला आहे. रेल्वे हे त्यांच्या प्रवासाचे मुख्य साधन आहे. औद्योगिक करणालाही गतीशील करण्यात रेल्वेचे विशेष योगदान राहिले आहे. त्यामुळे अमृत भारत योजने अंतर्गत 508 रेल्वे स्थानकांचा होणार असलेला विकास चंद्रपूर जिल्ह्यासह सर्व औद्योगीक जिल्ह्यांसाठी वरदान ठरणार असल्याचे प्रतिपादन आमदार किशोर जोरगेवार यांनी केले.

अमृत भारत योजने अंतर्गत 508 रेल्वे स्थानकांच्या पुनर्विकासाची पायाभरणी कार्यक्रमाचे आयोजन चंद्रपूर मुख्य रेल्वे स्टेशन येथे करण्यात आले होते. यावेळी ते बोलत होते. या कार्यक्रमाला मागासवर्गीय ओबीसी आयोगाचे अध्यक्ष हंसराज अहिर, मनपा आयुक्त विपिन पालीवाल, रेल्वे स्टेशन प्रबंधक एस. आर देवगडे, रेल्वे अधिकारी सुभाष यादव, जिल्ह सिएसटीपीएसचे मुख्य अभियंता कुमरवार, रमनिक चैव्हाण, रेल्वे विभागाचे चिफ कमर्शिअर इन्स्पेक्टर क्रिष्णा कुमार सेन, माजी महापौर राखी कंचर्लावार, विजय राऊत, यंग चांदा ब्रिगेडचे जिल्हा महानगर अध्यक्ष पंकज गुप्ता, महिला शहर संघटीका वंदना हातगावकर आदी मान्यवरांची मंचावर उपस्थिती होती.

या कार्यक्रमात पुढे बोलताना आ. जोरगेवार म्हणाले की, चंद्रपूर जिल्ह्याचे ऐतिहासिक धार्मिक, सामाजिक, औद्योगीक असे महत्व आहे. देशात असलेल्या दोन दिक्षाभुमी पैकी एक दिक्षाभूमी चंद्रपूरात आहे. येथे सिमेंट, कोळसा, लोहखनीज असे मोठे उद्योग आहे. येथे 500 हजार मेगावॅट विद्युत निर्मीतीचे केंद्र आहे. जगप्रसिद्ध ताडोबा अभयारण्य येथे आहे. त्यामुळे देश विदेशातील पर्यटक चंद्रपूरात येत असतात रेल्वे हेच त्यांच्या प्रवासाचे मुख्य साधन आहे. त्यामुळे या स्थानकांवर उतरताच त्यांना चंद्रपूरच्या संस्कृतीचे सुंदर चित्र दिसायला हवे असे ते यावेळी म्हणाले.

पंतप्रधान नरेंद्र मोदी यांच्या संकल्पनेतून जिल्ह्यातील चंद्रपूर आणि बल्लारपूर येथील रेल्वे स्थानकांचा विकास होत आहे. या विकासामुळे चंद्रपूरच्या वैभवात नक्कीच भर पडणार आहे. प्रवाशांना आता येथे अधिक सुविधा मिळतील. येणा-या पर्यटकाला पून्हा चंद्रपूरात याव अस वारंवार वाटेल असे संदर रेल्वे स्थानक येथे उभे राहिल असा विश्वासही त्यांनी यावेळी बोलून दाखविला. येथील रेल्वे स्थानकांवर विविध रेल्वे गड्यांचा थांबा असला पाहिजे असे ही यावेळी बोलताना ते म्हणाले. या कार्यक्रमाला विविध क्षेत्रातील मान्यवरांसह नागरिकांचीही मोठ्या संख्येने उपस्थिती होती.

News 34

चंद्रपूर शहर सध्या समस्यांचे माहेरघर झाल्याचे दिसून येत आहे,शहरात ठीक ठिकाणी मोठं मोठे खड्डे पडले असून नागरिकांना पायदळ किंवा वाहन चालविताना तारेवरची कसरत करावी लागते.

रस्त्यावरील खड्ड्या मुळे दररोज अपघात सुद्धा होत आहेत, त्याचप्रमाणे आता पावसाळा सुरू आहे आणि थोडा जरी पाऊस आला तर शहरात नदीचे रूप बघायला मिळते त्यामुळे शहरात सर्वत्र दुर्गंधीचे वातावरण पसरते.

Pub-G च्या नादात मुलाने केली आई-वडिलांची हत्या

नागरिकांच्या आरोग्यावर विपरीत परिणाम होत आहेत, बाबूपेठ प्रभाग तर समस्यांचे माहेरघर आहेत,बाबूपेठ गेट ते फुले चौकापर्यंत खडेच खड्डे आहेत, नालीवर झाकण नसल्यामुळे सर्वत्र घाण रस्त्यावर येतात,अमृत योजनेतून रस्ता फोडल्यामुळे नागरिकांना ये जा करण्यास अडथळे निर्माण झाले आहेत.

या सर्व समस्याला वाचा फोडण्यासाठी चंद्रपूर शहर जिल्हा काँग्रेस कमिटी चे अध्यक्ष रितेश उर्फ रामू तिवारी,चंद्रपूर शहर जिल्हा महिला काँग्रेस अध्यक्ष सौ चंदाताई वैरागडे यांचे नेतृत्वात तसेच उपस्थितीत उपायुक्त महानगर पालिका चंद्रपूर यांना निवेदन देऊन सविस्तर चर्चा केली.

यावेळी उपायुक्त यांनी आयुक्त साहेब नसल्यामुळे मी आपण निवेदनात दिलेल्या सर्व समस्या आयुक्तांच्या निदर्शनास आणून देतो आणि नक्कीच मार्गी लावतो असे शिस्टमंडळाला सांगितले. यावेळी शिष्ट मंडळाणी उपायुक्त याना जर या समस्या वेळेत सुटल्या नाही तर काँग्रेस पक्षातर्फे महानगर पालिका प्रशासनाविरोधात तीव्र आंदोलन केल्या जाईल असा इशारा दिला.

यावेळी महिला काँग्रेस च्या प्रदेश पदाधिकारी अश्विनीताई खोब्रागडे,ओबीसी विभाग प्रदेश सरचिटणीस प्राचार्य नरेंद्र बोबडे, काँग्रेस कमिटी ओबीसी विभाग जिल्हाध्यक्ष राहुल चौधरी माजी नगरसेविका विनाताई खनके,सकिनाताई अन्सारी,वंदनाताई भागवत ,अनुसूचित जाती विभागाच्या जिल्हा अध्यक्ष निशाताई ढोंगळे अल्पसंख्याक विभागाच्या महिला पदाधिकारी मुन्नीताई शेख ,महिला काँग्रेस च्या जयश्री जाधव ,सुवर्णा भारस्कर,अंजु वैरागडे ,लीला बुटले,तेजस्विनी पोडे, शीतल लेडांगे,यांचे सह महिला काँग्रेस कार्यकर्त्या मोठ्या संख्येने उपस्थित होते.