My Blog

Tag: MH34

  • Rajoli Chak revenue village update । वाघांचा धोका आणि अंतराचा अडथळा – प्रशासनाचा ग्रामस्थांसाठी मोठा निर्णय!

    Rajoli Chak revenue village update

    Rajoli Chak revenue village update : सावली तालुक्यातील मौजा राजोली चक हे महसूली गाव, चकविरखल या तलाठी साझ्यातून कमी करून बोथली तलाठी साझ्यामध्ये समाविष्ट करण्याबाबतची अंतिम अधिसुचना जिल्हाधिकारी विनय गौडा जी.सी. यांनी प्रसिध्द केली आहे.

    चंद्रपूर आरटीओचा वसुली भाई

    महाराष्ट्र शासन राजपत्रान्वये, तलाठी साझा पुर्नरचना करून चंद्रपूर जिल्ह्यात या पूर्वी असलेल्या 299 तलाठी साझ्यांमध्ये नव्याने 133 तलाठी साझे निर्माण करण्यात आले आहेत. सावली तालुक्यातील चिचबोडी येथील सरपंचांनी 1 फेब्रुवारी 2023 रोजी जिल्हा प्रशासनाला निवेदन दिले होते. यात मौजा राजोली चक हे गाव नव्याने अंतर्भूत झालेल्या चकविरखल या साझ्याच्या मुख्यालयापासून 15 कि.मी. दूर आहे. त्यामुळे ग्रामस्थांना शासकीय कामाकरीता ये-जा करण्याकरीता दळणवळणाची साधने उपलब्ध नाहीत. तसेच रस्त्यात घनदाट जंगल असून वाघांची भीती असल्यामुळे मौजा राजोली चक हे महसूली गाव चकविरखल या साझाऐवजी बोथली या साझ्यामध्ये अंर्तभूत करण्याची मागणी केली होती. Revenue village transfer notification Maharashtra

    या निवेदनाच्या अनुषंगाने सावलीच्या तहसीलदारांनी मौका चौकशी करून अहवाल सादर केला. मौजा राजोली चक हे महसूली गाव चकविरखल या साझ्याच्या मुख्यालयापासून 15 कि.मी दूर असल्याने ग्रामस्थांना शासकीय कामाकरीता ये-जा करण्याकरीता दळणवळणाच्या दृष्टीने 2 कि. मी दूर असलेला बोथली हा साझा सोयीचे असल्याचे कळविले होते. त्या अनुषंगाने अनुप कुमार यांच्या अध्यक्षतेखाली गठीत झालेल्या तलाठी साझांची पुनर्रचना करण्याबाबत शिफारसी मधील मुद्दा क्र. 6.1.3 मध्ये “प्रत्येक तलाठी साझाचे मुख्यालयापासून त्या साझ्यास संलग्न करण्यात येणारे गाव 10 कि.मी पेक्षा जास्त अंतरावर शक्यतो नसावे. उपलब्ध दळण-वळण व्यवस्थेचा विचार करून त्याबाबतचा निर्णय संबंधित जिल्हाधिकारी यांनी घ्यावा” असे नमूद आहे. Chandrapur district government gazette

    महाराष्ट्र जमीन महसूल अधिनियम, 1966 चे कलम 4 पोटकलम (2) नुसार तलाठी साझा निर्मिती किंवा फेरबदल करण्याचा अधिकार जिल्हाधिकारी यांना आहे. तसेच, अधिनियमाच्या कलम 4 पोटकलम (4) च्या अन्वये अंतिम अधिसुचना प्रसिध्द करण्यापूर्वी प्रारूप अधिसुचना 2 जानेवारी 2025 रोजी प्रसिध्द करण्यात आली होती. प्रारूप अधिसुचनेच्या प्रसिध्दीनंतर कोणताही आक्षेप किंवा उजर या कार्यालयास विहीत वेळेत प्राप्त झाला नाही. त्यामुळे जिल्हाधिकारी विनय गौडा जी.सी. यांनी तलाठी साझा पुनर्रचनेबाबत 10 नोव्हेंबर 2017 रोजीच्या महाराष्ट्र शासन राजपत्रात बदल करून अनुसूचीप्रमाणे मौजा राजोली चक हे महसुली गाव चकविरखल या साझामधून कमी करून बोथली या साझाला पुर्ववत जोडण्यात आले आहे.

  • Chandrapur municipal tax news | चंद्रपूर मनपाची धडक कारवाई – थकबाकीदारांवर टाच, जप्तीचे सत्र सुरू!

    Chandrapur municipal tax news

    Chandrapur municipal tax news : मालमत्ता कराचा भरणा न करणाऱ्या थकबाकीदारांवर मनपा वसुली पथकांची कारवाई सुरु असुन 86 मालमत्ता जप्त करण्यात आल्या आहेत,त्याचप्रमाणे 44 नळ कनेक्शन धारकांवर कपातीची कारवाई करण्यात आली आहे.


       जप्त मालमत्तांचा लिलाव करण्याची प्रक्रिया करून थकीत रक्कम वसुलीची कारवाई करण्याकरीता झोननिहाय ३ पथके गठीत करण्यात आली असुन थकबाकीचा भरणा न केल्यास जप्ती केलेल्या मालमत्तांवर 15 दिवसांच्या आत कारवाई करण्याचा अधिकार मनपाला असल्यांने पुढील प्रक्रिया करण्यात येणार आहे. यापुढेही अशीच धडक कारवाई सतत सुरु राहणार असल्याचे मनपातर्फे स्पष्ट करण्यात येत असुन सवलत देऊनही मालमत्ता कर न भरण्याकडेच नागरिकांचा कल दिसत असल्याने सक्त पाऊले मनपाला उचलावी लागत आहे. Property tax recovery Chandrapur

    चंद्रपूर RTO चा वसुली भाई, 500 रुपयांची लाच घेताना अटक


       15 फेब्रुवारी पर्यंत केवळ 8734 मालमत्ता धारकांनी 50 टक्के शास्तीत सवलतीचा लाभ घेतला होता. 15 फेब्रुवारी नंतर ऑनलाईन 25 टक्के व ऑफलाईन 22 टक्के शास्तीत सूट मनपातर्फे देण्यात येत आहे. करवसुली करिता महानगरपालिकेतर्फे 15 पथके नेमण्यात आली असुन प्रत्येक पथकाला दर दिवशी किमान 10 मालमत्ता धारकांवर कारवाई करण्याचे तसेच जप्तीसोबतच मालमत्तांचे नळ कनेक्शन खंडित करण्याचे निर्देश देण्यात आले होते त्यानुसार कारवाई करण्यात येत आहे.  

    Property tax recovery Chandrapur


        ऑनलाईन 25 टक्के व ऑफलाईन 22 टक्के शास्तीत सूट ही 31 मार्चपर्यंत लागू राहणार असुन कर भरणा करणे सुविधेचे व्हावे या दृष्टीने 31 मार्च पर्यंत येणाऱ्या प्रत्येक सुटीच्या दिवशी मालमत्ता कर भरणा कार्यालय सुरु राहणार आहे. ज्या मालकांना त्यांच्या मालमत्तेच्या अनुषंगाने आर्थिक उत्पन्न प्राप्त होत असतानाही मालमत्ता कर थकविणार्‍या थकबाकीदारांनी लवकरात लवकर आपल्या थकीत कराचा भरणा करून महानगरपालिकेकडून करण्यात येणारी जप्तीची कारवाई टाळण्याचे आवाहन चंद्रपूर महानगरपालिकेतर्फे करण्यात येत आहे.

  • chandrapur rto checkpost | चंद्रपूर RTO चा “वसुली नाका’

    chandrapur rto checkpost

    chandrapur rto checkpost : चंद्रपूर येथील प्रादेशिक परिवहन विभाग (RTO) मधील सहायक मोटार निरीक्षक लाच प्रकरण आणि एका खासगी कर्मचाऱ्याला लाच घेताना पकडले गेल्याची घटना समोर आली आहे. ही कारवाई महाराष्ट्र-तेलंगणा सीमावर्ती लक्कडकोट RTO चेकपोस्टवर करण्यात आली.

    लक्कडकोट RTO चेकपोस्टवरील बेकायदेशीर वसुली

    महाराष्ट्र-तेलंगणा राज्याला जोडणाऱ्या चंद्रपूर जिल्ह्यातील RTO चेकपोस्टवर बेकायदेशीर वसुली सुरू असल्याचे उघड झाले आहे. RTO अधिकारी लाच प्रकरण हे वरिष्ठ अधिकाऱ्यांच्या संगनमताने चालू असल्याचा संशय व्यक्त केला जात आहे. Amravati Acb

    200 रुपयासाठी चंद्रपुरात नशेचा बाजार

    या सततच्या वसुलीला कंटाळून एका ट्रक मालकाने लाचलुचपत प्रतिबंधक विभाग (ACB) तक्रार केली. तक्रारदाराचे ट्रक महाराष्ट्र, तेलंगणा, छत्तीसगड आणि मध्यप्रदेशमध्ये वाहतूक करतात. कागदपत्रे व्यवस्थित असतानाही RTO अधिकाऱ्यांकडून लाच मागितली जात होती, त्यामुळे त्यांनी ही तक्रार नोंदवली.

    लाचलुचपत प्रतिबंधक विभागाची कारवाई

    या तक्रारीनंतर अमरावती ACB विभागाने सापळा रचला. 21 फेब्रुवारी रोजी पंचासमोर सहायक मोटार वाहन निरीक्षक शिवाजी विभूते यांनी खाजगी एजंट जगदीश डफडे यांना तक्रारदाराकडून 500 रुपयांची लाच मागितली. तक्रारदाराने दिलेल्या नोटा स्वीकारताच लाचलुचपत प्रतिबंधक विभागाच्या पथकाने रंगेहात पकडले. Chandrapur corruption

    RTO चेकपोस्टवरील झडती आणि मोठा घोटाळा उघड

    या कारवाईनंतर RTO चेकपोस्ट कार्यालयाची झडती घेण्यात आली. तेथे 56,100 रुपये रोख रक्कम आढळली. चौकशीत RTO लाच प्रकरणाचा पर्दाफाश झाला. विशेष म्हणजे, या रकमेची कोणतीही नोंद अधिकृत कॅशबुकमध्ये नव्हती.

    अटक आणि पुढील कारवाई

    सहायक मोटार वाहन निरीक्षक शिवाजी विभूते आणि एजंट जगदीश डफडे यांच्यावर गुन्हा दाखल करून त्यांना अटक करण्यात आली. ही कारवाई अमरावती लाचलुचपत प्रतिबंधक विभागाने पोलीस अधीक्षक मारुती जगताप, अप्पर पोलीस अधीक्षक सचिंद्र शिंदे यांच्या मार्गदर्शनाखाली केली. या मोहिमेत पोलीस उपअधीक्षक मंगेश मोहोड, पोलीस निरीक्षक केतन मांजरे, योगेशकुमार दंदे, तसेच पोलीस कर्मचारी युवराज राठोड, राजेश मेंटकर, वैभव जायले आणि आशिष जांभळे यांनी सहभाग घेतला.

    या कारवाईमुळे चंद्रपूर RTO घोटाळा उघडकीस आला आहे. भविष्यात अशा घटनांची पुनरावृत्ती होऊ नये, यासाठी कठोर कारवाई करण्याची मागणी वाहनचालकांकडून आणि ट्रक मालकांकडून केली जात आहे.

  • iPhone models discontinued । iPhone 16e लाँचनंतर Apple ने तीन जुन्या iPhone मॉडेल्सची विक्री केली बंद

    iPhone models discontinued after iPhone 16e launch

    iPhone models discontinued : iPhone 16e काही दिवसांपूर्वी भारतासह जागतिक बाजारात लाँच करण्यात आला आहे. त्यामुळे कंपनीने या नवीन मॉडेलसाठी जागा तयार करण्यासाठी काही जुन्या फोनना आपल्या अधिकृत वेबसाइटवरून हटवले आहे. iPhone 16e च्या 128GB स्टोरेज असलेल्या बेस मॉडेलची किंमत 59,900 रुपये आहे. 256GB आणि 512GB स्टोरेज कॉन्फिगरेशनच्या किंमती अनुक्रमे 69,900 रुपये आणि 89,900 रुपये ठेवण्यात आल्या आहेत.

    Apple ने नवीन iPhone 16e साठी जागा उपलब्ध करून देण्यासाठी भारतात काही जुने हँडसेट बंद केले आहेत. नवीन मॉडेलसाठी जागा तयार करण्याच्या प्रक्रियेत तिसऱ्या पिढीचा iPhone SE टप्प्याटप्प्याने हटवला जात आहे, कारण iPhone 16e तीन वर्षे जुन्या फोनच्या तुलनेत अनेक अपग्रेड्स देते. या फोनमध्ये Apple इंटेलिजेंससाठी सपोर्ट असलेली A18 चिप आणि चार्जिंगसाठी USB टाइप-C पोर्ट समाविष्ट आहे. असे दिसते की क्यूपर्टिनो-बेस्ड कंपनीने नवीन एंट्री-लेव्हल स्मार्टफोनच्या लाँचनंतर 2022 मध्ये लाँच झालेला स्टँडर्ड iPhone 14 देखील आपल्या वेबसाइटवरून हटवला आहे.

    सकाळी उठल्यावर शुगर किती असावे?

    iPhone 16e च्या लाँचनंतर, जुने iPhone SE, iPhone 14 आणि iPhone 14 Plus मॉडेल्स Apple च्या अधिकृत वेबसाइटवरून गायब झाले आहेत. हे मॉडेल्स अद्याप फ्लिपकार्ट आणि अॅमेझॉनसारख्या तृतीय-पक्षीय रिटेलर्सकडून किंवा भारतातील रिफर्बिश्ड स्टोअर्समधून खरेदीसाठी उपलब्ध आहेत, परंतु लवकरच त्यांचा स्टॉक संपण्याची शक्यता आहे. हे सर्व फोन 2022 मध्ये लाँच करण्यात आले होते.

    iPhone SE (2022) मार्च 2022 मध्ये 43,900 रुपयांच्या प्रारंभिक किंमतीसह लाँच करण्यात आला होता. दुसरीकडे, iPhone 14 आणि iPhone 14 Plus हे सप्टेंबर 2022 मध्ये अनुक्रमे 79,900 रुपये आणि 89,900 रुपयांच्या प्रारंभिक किंमतीसह आले होते. Apple ने iPhone 16 मालिकेच्या लाँचनंतर गेल्या वर्षी iPhone 15 Pro सीरिज आणि iPhone 13 मॉडेलची विक्री बंद केली होती. युरोपियन युनियनने बहुतेक उपकरणांवर USB टाइप-C चार्जिंग पोर्ट अनिवार्य करण्याचा नवीन कायदा लागू केल्यामुळे कंपनीने अनेक युरोपीय देशांमध्ये आपल्या ऑनलाइन स्टोअरमधून iPhone 14, iPhone 14 Plus आणि iPhone SE हटवण्यास सुरुवात केली आहे.

    Apple च्या सध्याच्या स्मार्टफोन पोर्टफोलिओमध्ये iPhone 15 सीरिज, iPhone 16 सीरिज आणि नवीन iPhone 16e समाविष्ट आहे. कंपनीने iPhone 17 लाइनअपची घोषणा केल्यावर स्टँडर्ड iPhone 15 आणि iPhone 15 Plus बंद करण्याची शक्यता आहे. iPhone 16e च्या 128GB स्टोरेज असलेल्या बेस मॉडेलची किंमत 59,900 रुपये आहे. 256GB आणि 512GB स्टोरेज व्हेरियंटसाठी किंमती अनुक्रमे 69,900 रुपये आणि 89,900 रुपये आहेत. हा फोन 21 फेब्रुवारीपासून प्री-ऑर्डरसाठी उपलब्ध होईल आणि 28 फेब्रुवारीला विक्रीसाठी जाईल.

    नवीन iPhone 16e iOS 18 वर चालतो आणि त्यामध्ये 60Hz रिफ्रेश रेट असलेली 6.1-इंचाची OLED स्क्रीन आहे. यामध्ये 3nm A18 चिप आहे आणि हा Apple इंटेलिजेंस फीचर्सला सपोर्ट करतो. यामध्ये ऑप्टिकल इमेज स्टेबलायझेशन (OIS) असलेला 48-मेगापिक्सलचा सिंगल रियर कॅमेरा आणि सेल्फी व व्हिडिओ कॉलसाठी 12-मेगापिक्सलचा ट्रूडेप्थ फ्रंट कॅमेरा आहे. या फोनला डस्ट आणि वॉटर रेसिस्टंससाठी IP68 रेटिंग मिळाली आहे. चार्जिंगसाठी यामध्ये USB टाइप-C पोर्ट असून हा 18W वायर्ड चार्जिंग आणि 7.5W वायरलेस चार्जिंगला सपोर्ट करतो.

  • Chandrapur police transfers | चंद्रपूर पोलीस बदल्या, वादग्रस्त बढती

    Chandrapur police transfers

    Chandrapur police transfers : चंद्रपूर जिल्ह्यात पोलीस निरीक्षकांच्या बदल्यांचे आदेश जारी करण्यात आले असून त्यामध्ये वादग्रस्त अधिकाऱ्यांना बढती देण्यात आल्याचे चित्र आहे. जिल्हा पोलिस अधीक्षक मुमक्का सुदर्शन यांनी शुक्रवारी सायंकाळी चार पोलिस निरीक्षकांच्या बदल्याचे आदेश दिले.

    चंद्रपूर जिल्ह्यातील 1 हजार 491 विद्यार्थी आरटीई साठी पात्र

    एलसीबीचे पोलिस निरीक्षक महेश कोंडावार यांची आर्थिक गुन्हे शाखेत बदली करण्यात आली असून त्यांच्या जागी भद्रावतीचे पोलिस निरीक्षक अमोल काचोरे यांची वर्णी लागली आहे. विशेष म्हणजे, मागील वर्षभरात काचोरे यांची चौथ्यांदा बदली झाली आहे. दुर्गापूर येथील पोलिस निरीक्षक लता वाडिवे यांची बदली भद्रावती येथे तर प्रभारी पोलिस उपाधीक्षक म्हणून जबाबदारी सांभाळणारे पोलिस निरीक्षक निशिकांत रामटेके यांची दुर्गापुर पोलिस स्टेशनला बदली करण्यात आली आहे. (Chandrapur police inspector)

    एलसीबीसाठी मोठी स्पर्धा

    एलसीबीचे ठाणेदार महेश कोंडावार यांचा कार्यकाळ संपताच एलसीबीसाठी अनेक ठाणेदारांनी जोरदार प्रयत्न केले होते. जिल्ह्यातील चार ते पाच ठाणेदारांची नावे एलसीबीसाठी चर्चेत असताना अखेरीस भद्रावतीचे ठाणेदार अमोल काचोरे यांच्या नावावर शिक्कामोर्तब करण्यात आले. Local crime branch

    वादग्रस्त अधिकाऱ्यांना बढती

    अमोल काचोरे हे वरोरा पोलिस स्टेशनमध्ये असताना त्यांच्या कार्यकाळात एका आरोपीने पोलिस कोठडीत आत्महत्या केली होती. या घटनेनंतर त्यांची तातडीने बदली करण्यात आली होती. मात्र आता पुन्हा त्यांना स्थानिक गुन्हे शाखेची जबाबदारी देण्यात आली असून त्यामुळे अनेक तर्कवितर्क सुरू झाले आहेत.

    या बदल्यांमुळे पोलिस दलात मोठ्या चर्चेला उधाण आले असून, वादग्रस्त अधिकाऱ्यांना महत्त्वाच्या पदांवर नेमण्याबाबत प्रश्नचिन्ह उपस्थित केले जात आहे.

    बदल्यांचा राजकीय आणि प्रशासकीय प्रभाव

    या बदल्यांमुळे प्रशासनातील पारदर्शकतेवर प्रश्नचिन्ह उपस्थित झाले आहे. काही अधिकाऱ्यांच्या कार्यक्षमतेबाबत शंका उपस्थित केली जात असताना, काहींना मात्र नेहमीच महत्त्वाच्या जबाबदाऱ्या दिल्या जात आहेत. स्थानिक गुन्हे शाखेचा एकूणच कार्यभार आणि गुन्हेगारी नियंत्रणासाठी या बदल्यांचा परिणाम कसा होईल, हे पाहणे महत्त्वाचे ठरेल.

    गुन्हेगारी संपुष्टात येणार काय?

    एलसीबी म्हणजे स्थानिक गुन्हे शाखा निरीक्षक साठी अनेक पोलीस अधिकाऱ्यांनी फिल्डिंग लावली होती, सर्व पोलीस अधिकाऱ्यांना जिल्ह्यातील गुन्हेगारी संपविण्यासाठी पुढे आले, या पदावर बसलं की गुन्हेगारी संपुष्टात येते ही भावना फक्त नागरिकांच्या मनात असते अधिकाऱ्यांच्या नाही. जिल्ह्यातील मोठ्या पोलीस स्टेशनमध्ये वादग्रस्त अधिकाऱ्यांना जबाबदारी देण्यात आल्याने जिल्ह्यातील गुन्हेगारी संपुष्टात येणार हा फक्त जनतेच्या डोक्यात असलेला भ्रम आहे. चित्र याउलट दिसेल हे नक्कीचं. Chandrapur crime

    कार्यकाळ

    स्थानिक गुन्हे शाखेचे पोलीस निरीक्षक महेश कोंडावार यांचा कार्यकाळ तसा ठीक गेला, जाता जाता त्यांनी वाळू तस्करांवर लगाम घालण्याचा प्रयत्न केला, दुर्गापूर पोलीस निरीक्षक लता वाडीवे यांचा कार्यकाळ चांगला राहिला, विशेष बाब म्हणजे सिनियर असताना सुद्धा त्यांना लहान पोलीस स्टेशन देण्यात आले होते. क्षमता असलेल्या अधिकाऱ्यांना लहान जबाबदारी तर वादग्रस्त हा शब्द पाठीशी घालणाऱ्या अधिकाऱ्यांना बढती असं चित्र जिल्ह्यात निर्माण झालं आहे.

  • Chandrapur Chhatrapati festival । चंद्रपूरात शिवरायांचा गौरव! तीन दिवस चाललेल्या छत्रपती महोत्सवाची उत्साहात सांगता

    Chandrapur Chhatrapati festival

    Chandrapur Chhatrapati festival : चंद्रपूर :- छत्रपती महोत्सव समितीच्या वतीने तीन दिवसीय छत्रपती महोत्सव 2025 मोठया जल्लोषात पार पडला. तीन दिवसीय महोत्सवमध्ये विविध सांस्कृतीक क्रीडा व प्रबोधनपर कार्यक्रमाचे आयोजन करण्यात आले होते. छत्रपती महोत्सवाचे उदघाट्न मॅरेथॉन स्पर्धेने पोलीस अधीक्षक मुम्मका सुदर्शन यांच्या हस्ते करण्यात आले, सायंकाळी सांस्कृतिक कार्यक्रमात शिवकाळावर आधारित रंगतदार नृत्यांचे सादरीकरण करण्यात आले. Chhatrapati festival 2025

    19 फेब्रुवारी ला शिवजन्मोत्सव पालखी सोहळ्या मध्ये छत्रपती शिवाजी महाराजांच्या जिवन काळातील महत्त्वाच्या 14 प्रसंगावर तयार करण्यात आलेले देखावे आकर्षित करणारे होते. यामध्ये शिवाजी राजांच्या जन्मापासून ते राज्याभिषेक आणि शेवट महात्मा जोतिबा फुले शिवाजी महाराज यांची समाधी शोधून काढतात व पहिली शिवजयंती साजरी करतात हा देखावा होता. हे आकर्षक देखावे सिव्हिल लाईन गणेश मंडळ, हिवरपुरी बाल गणेश मंडळ, क्षत्रिय माळी समाज मंडळ, ज्युबिली हायस्कुल, पोंभुर्णा शिक्षिका ग्रुप यांनी सादर केले. Chhatrapati festival winners list

    chhatrapati festival winners list

    पालखी मिरवणुकीचे उदघाटन जिल्हाधिकारी विनय गौडा यांनी केले तर याप्रसंगी खासदार प्रतिभाताई धानोरकर, आमदार सुधाकर अडबाले, आमदार किशोर जोरगेवार आणि चंद्रपूर शहरातील अनेक गणमान्य व्यक्ती यांची प्रामुख्याने उपस्थिती होती. मिरवणूक संपल्यावर गांधी चौक मैदानात शिवव्याख्याते राजदादा घुमणार यांच्या व्याख्यानाचे आयोजन करण्यात आले होते. 20 फेब्रुवारी ला शेवटच्या दिवशी सर्व कार्यक्रमाचे बक्षीस वितरण मान्यवरांच्या हस्ते करण्यात आले.

    आरटीई मधील पहिल्या फेरीमधील यादी जाहीर

    तसेच महाराष्ट्रील सुप्रसिध्द शिवशाहीर राजेंद्र कांबळे, अकलूज, सोलापूर यांच्या पोवाडा आणि शाहिरी या कार्यक्रमाने महोत्सवाची सांगता झाली. यावेळी शिवशाहीर राजेंद्र कांबळे यांनी आपल्या पहाडी व भारदस्त आवाजात अंगावर शहारे आणणारे शिवकालीन प्रसंग व शिवरायांचे कार्य आपल्या वाणीतून प्रस्तुत केले. या महोत्सवात प्राचार्य सूर्यकांत खणके यांना या वर्षीचा चंद्रपूर गौरव पुरस्कार देऊन सन्मान करण्यात आला. (Shivshahir Rajendra Kamble performance)


    या महोत्सवाच्या यशस्वी आयोजनात छत्रपती महोत्सव आयोजन समितीचे निमंत्रक संतोष कुचनकर, अध्यक्ष आमदार सुधाकर अडबाले , कार्याध्यक्ष प्रा. डॉ. दिलीप चौधरी, सचिव हरीश ससनकर, उपाध्यक्ष राजीव कक्कड, सहसचिव बंडू धोत्रे, सहसचिव सोहेल शेख, कोषाध्यक्ष प्रा. निलेश बेलखेडे, सहकोषाध्यक्ष प्रा. वैशाली तुमराम, प्रसिद्धी प्रमुख विजय मुसळे मार्गदर्शक प्राचार्य सूर्यकांत खणके, नंदुभाऊ नागरकर, विजयराव टोंगे, समितीचे कार्यकारी सदस्य चंद्रकांत वैद्य, दिलीप रिंगणे, अँड. निमेश मानकर,

    निशिकांत देशमुख, विनोद थेरे, दीपकभाऊ जेऊरकर, ॲड. देवा पाचभाई, राजेंद्र खांडेकर, दिलीप होरे, प्रा कमलाकर धानोरकर, पायल अन्नलदेवार, दुर्गा आत्राम, विजय बोरकर, विजय हेडाऊ, बाबा सातपुते, संजय तुरीले, आशिष येडांगे, अनिकेत बोबडे, विनोद गोवरदीपे, सुधाकर आंभोरे, प्रवीण पडवेकर, गोपाल अमृतकर, नकुल, अर्चना चौधरी, लताताई होरे, सारिका कुचनकर, रुपाली धांडे, दीक्षा, रजनी जेउरकर, उषा धांडे, चंदाताई वैरागडे, मीनाक्षी धुमणे यांनी महोत्सव यशस्वी करण्यासाठी प्रयत्न केले.

  • RTE Admission 2025 Maharashtra । RTE Maharashtra प्रवेश 2025: पहिल्या फेरीतील निकाल जाहीर, पुढील टप्पे काय?

    RTE Admission 2025 Maharashtra

    RTE Admission 2025 Maharashtra : बालकांचा मोफत  व सक्तीचा अधिकार अधिनियम 2009 अंतर्गत  वंचित व दुर्बल घटकातील विद्यार्थ्याकरिता 25 टक्के प्रवेश आरक्षणांतर्गत ऑनलाईन प्रवेश  प्रक्रिया चालू आहे. चंद्रपूर जिल्ह्यातील प्रवेश पात्र 185 शाळांमध्ये सदर प्रवेशासाठी राखीव असलेल्या 1527 जागांकरिता 4015 ऑनलाईन अर्ज प्राप्त झाले असून पहिल्या फेरीमध्ये प्रवेशाकरिता 1491 विद्यार्थ्यांची निवड झाली आहे.

    पालकांना student.maharashtra.gov.in या  वेबसाईटवर अर्जाची स्थिती, मुळ निवड यादी आणि प्रतिक्षा यादी पाहता येईल. ज्या विद्यार्थ्यांची निवड  झाली आहे, त्या पालकांनी संबंधित पंचायत समितीचे गटशिक्षणाधिकारी कार्यालयाशी कागदपत्रे पडताळणी करिता संपर्क साधावा, असे शिक्षण विभागाने कळविले आहे.

    जिल्हाधिकारी यांच्यासोबत बैठकीबाबत राज्य शासनाचा मोठा निर्णय

    आरटीई  25 टक्के ऑनलाईन प्रवेश अर्जाची स्थिती पाहत असताना सर्व्हरच्या क्षमतेपलीकडे  जाऊन पोर्टल संथ होऊ शकते. त्यामुळे पालकांनी संभ्रमात न पडता काही वेळाने पुन्हा प्रयत्न कारावा. प्रवेशपात्र विद्यार्थ्यांनी प्रवेश घेण्याची मुदत 14 ते 28 फेब्रुवारी 2025 पर्यंत राहील. निवड यादीतील प्रवेश  पात्र बालकाच्या पालकांनी अर्ज भरताना जी कागदपत्रे नोंदविली आहेत, त्या सर्व कागदपत्रांच्या मूळ प्रति व साक्षांकित प्रति घेऊन जाव्यात. (RTE Admission Document Verification)

     तसेच आपल्याला  मिळालेल्या अलॉटमेंट लेटरची प्रिंट त्यांच्या लॉगिन मधून किंवा पडताळणी समितीकडे जाऊन काढून घ्यावी. पालकांनी आपल्या बरोबर आरटीई पोर्टलवर असलेली हमी पत्राची प्रिंट देखील घेऊन जावी.

    आरटीई ऑनलाईन प्रवेश प्रक्रिया सन 2025-26 या वर्षाकरिता निवड यादीतील प्रवेशपात्र बालकांच्या पालकांना  त्यांच्या मोबाईलवर एसएमएस प्राप्त होतील. परंतु  पालकांनी फक्त एसएमएस वर अवलंबून न राहता आरटीई पोर्टल वरील अर्जाची स्थिती या टॅब वर आपला अर्ज क्रमांक लिहून लॉटरी (RTE Lottery Result Maharashtra) लागली अथवा नाही, याची खात्री करावी. अर्ज भरताना जी कागदपत्रे नोंदविली आहेत, त्या सर्व कागदपत्रांच्या मूळ प्रति व साक्षांकित प्रति पडताळणी समितीकडे जाऊन विहित मुदतीत आपला प्रवेश ऑनलाइन निश्चित करावा.

    आपला प्रवेश ऑनलाईन निश्चित झाला आहे, याची रिसीप्ट पडताळणी समितीकडून घेणे आवश्यक आहे.  प्रतीक्षा यादीतील ‍विद्यार्थ्यानी अर्जाची स्थिती या टॅब वर आपला अर्ज क्रमांक लिहून  प्रतीक्षा यादीतील आपला नंबर पहावा. निवड यादीतील विद्यार्थ्यांनी प्रवेश घेण्याची मुदत संपल्यानंतर मगच प्रतीक्षा यादीतील विद्यार्थ्यांना अनुक्रमे एसएमएस पाठवले जातील. (RTE Admission Status Check)

    तरी पहिल्या फेरीत सदर प्रवेशाकरिता निवड झालेल्या बालकांच्या पालकांनी सदरचे  प्रवेश विहित मुदतीत निश्चित करून घ्यावे, असे शिक्षण विभागाने कळविले आहे.

  • Maharashtra government circular । राज्य शासनाचा मोठा निर्णय

    Maharashtra government circular

    जिल्हाधिका-यांसोबत अन्य विभागांच्या बैठका आता फक्त बुधवार व गुरुवारीच

    Maharashtra government circular : राज्याचे मुख्यमंत्री, उपमुख्यमंत्री व मुख्य सचिव वगळता, राज्य शासनाच्या अन्य विभागांना जिल्हाधिकारी यांच्यासमवेत, आता फक्त बुधवार व गुरुवार या दोन दिवशीच बैठक आयोजित करता येणार आहे. मुख्यालयातून सदर बैठक शक्यतो व्हीसीद्वारेच आयोजित करण्यात यावी. तसेच महसुलेत्तर अत्यावश्यक विषयासंदर्भात बैठक आयोजित करण्यापूर्वी संबंधित विभागाने त्यासाठी महसूल विभागाची लेखी पूर्वपरवानगी घ्यावी, असे परिपत्रक राज्य शासनाच्या महसूल विभागाने निर्गमित केले आहे.

    चंद्रपुरात शंकर पट चे यशस्वी आयोजन

    सामान्य प्रशासन विभागाच्या 19 मार्च 2016 च्या शासन निर्णयान्वये जिल्हाधिकारी यांना विभागप्रमुख म्हणून घोषित केले आहे. जिल्हाधिकारी हे महसूल विभागाच्या आकृतीबंधातील पद आहे. महसूल विभागाच्या कामकाजासोबतच इतर विभागांशी समन्वय व सनियंत्रणाची जबाबदारी पार पाडण्याची भूमिका जिल्हाधिका-यांना पार पाडावी लागते. गाव, तालुका, उपविभाग व जिल्हास्तरावरील महसूल व इतर विभागांच्या विविध योजनांची अंमलबजावणी, समन्वय व सनियंत्रणाची जबाबदारी जिल्हाधिका-यांवर असते. त्यामुळे ओघानेच जिल्हाधिकारी यांना राज्य शासनाच्या विविध विभागांच्या बैठकांसाठीही व्यक्तीशः किंवा व्हीसीद्वारे उपस्थित राहावे लागते. District Collector meetings

    100 दिवसांच्या कार्यक्रम अंमलबजावणीस विलंब

    वेगवेगळ्या विभागांकडून आठवड्यातील बहुतांश दिवस जिल्हाधिकारी यांना बैठकांसाठी निमंत्रित केले जाते. बैठकांतील व्यस्ततेमुळे त्यांच्यावरील कामाचा ताण दिवसेंदिवस वाढत आहे. त्यामुळे महसूल विभागाच्या कामांना तसेच मुख्यमंत्री यांच्या 100 दिवसांच्या कार्यक्रम अंमलबजावणीस विलंब होत असल्याचे निदर्शनास येत आहे. त्यामुळे जिल्हाधिकारी यांच्या कामात सुसुत्रता / नियोजनबध्दता आणण्यासाठी व त्यांच्यावर असलेल्या जबाबदारीला यथोचित न्याय देणे शक्य व्हावे, यासाठी सदर सुचना निर्गमित करण्यात आल्या आहेत.

    यात मुख्यमंत्री, उपमुख्यमंत्री व मुख्य सचिव वगळता राज्य शासनाच्या अन्य विभागांना जिल्हाधिकारी यांच्यासमवेत बैठक आयोजित करावयाची असल्यास फक्त बुधवार व गुरुवार या दोन दिवशी, तसेच शक्यतो व्हीसीद्वारेच आयोजित करण्यात यावी. तसेच, महसूलेतर अत्यावश्यक विषयासंदर्भात बैठक आयोजित करण्यापूर्वी संबंधित विभागाने त्यासाठी महसूल विभागाची लेखी पूर्वपरवानगी घ्यावी. State government meeting guidelines

    तसेच अन्य विभागांनी बैठकीसाठी जिल्हाधिकारी यांना जिल्हा मुख्यालय सोडून अन्य ठिकाणी उदा. मंत्रालय, विभागीय आयुक्त कार्यालये, येथे बैठकीसाठी महसूल विभागाच्या परवानगीशिवाय व्यक्तीशः बोलावणे टाळावे, असेही परिपत्रकात नमुद आहे.

  • Shankar Pat | शंकरपट – परंपरा आणि संस्कृती जिवंत ठेवणारी स्पर्धा – आ. किशोर जोरगेवार

    Shankar Pat

    शेणगाव येथे शंकरपटचे आयोजन; विविध जिल्ह्यांतील बैलजोडींनी घेतला सहभाग

    shankar pat : छत्रपती शिवाजी महाराज हे केवळ एक राजे नव्हते, तर ते एक विचार होते. त्यांनी ज्या तत्वांवर हिंदवी स्वराज्याची स्थापना केली, ती मूल्ये आजही आपल्याला प्रेरणा देतात. त्यांच्या दूरदृष्टीत कृषी आणि पशुधन यांचे महत्त्व मोठे होते. आज येथे होणारी बैलजोडी शर्यत ही आपली परंपरा आणि संस्कृती जिवंत ठेवण्याचे कार्य करत असल्याचे प्रतिपादन आमदार किशोर जोरगेवार यांनी केले.

    चंद्रपूर जिल्हा होणार क्रीडा हब – केंद्रीय राज्यमंत्री रक्षा खडसे

    छत्रपती शिवाजी महाराज यांच्या जयंती निमित्त (Chhatrapati Shivaji Maharaj Jayanti) शेणगाव येथे तीन दिवसीय भव्य बैलजोडी शर्यतीचे आयोजन करण्यात आले होते. या कार्यक्रमात आमदार किशोर जोरगेवार बोलत होते. यावेळी प्रभाकर धांडे, ढोके गुरुजी, मंगेश चटकी, विजय बावणे, विजू मत्ते, दीपक खारकर, महेश जेणेकर आदी मान्यवरांची मंचावर उपस्थिती होती.

    ५ वर्षात चंद्रपूर विधानसभा क्षेत्रात विविध विकासकामे

    यावेळी बोलताना आ. जोरगेवार म्हणाले की, मागील पाच वर्षांत विविध विकासकामे करता आली. शहरी भागाचा विकास करत असताना ग्रामीण भागाच्या सर्वसमावेशक विकासावरही विशेष भर दिला. शेणगाव येथेही मोठा निधी दिला आहे. पुढेही या भागाचा विकास करण्यासाठी कटिबद्ध आहे. विकासकामे करत असताना धार्मिक आणि क्रीडा क्षेत्रातही मोठे काम सुरू आहे. चंद्रपूरच्या माता महाकालीचा प्राचीन इतिहास देशभर पोहोचविण्यासाठी महाकाली महोत्सवाला सुरुवात केली आहे. तसेच श्री माता महाकाली क्रीडा महोत्सवाच्या माध्यमातून राज्य पातळीवरील विविध क्रीडा स्पर्धांचे आयोजन करण्यात येत असल्याचे त्यांनी सांगितले. (Kishor Jorgewar development projects)

    अशा स्पर्धांमुळे बैल पालनाची परंपरा कायम

    बैल हा आपल्या शेतीचा खरा साथीदार आहे. शेतीच्या कामात बैलांची भूमिका महत्त्वाची आहे आणि अशा स्पर्धांमुळे बैलपालनाची परंपरा अधिक जोमाने टिकून राहते. या स्पर्धेच्या माध्यमातून शेतकऱ्यांना प्रोत्साहन मिळते, त्यांच्या कष्टांना सन्मान मिळतो आणि आपली पारंपरिक कृषी संस्कृती पुढच्या पिढीपर्यंत पोहोचते. आयोजकांनी या स्पर्धेसाठी विविध गटांसाठी आकर्षक बक्षिसे जाहीर करून शेतकऱ्यांच्या मेहनतीला योग्य तो सन्मान दिला आहे. विशेष पारितोषिक विजेत्यांचा सन्मान करून त्यांनी ही परंपरा अधिक भक्कम केली असल्याचे त्यांनी सांगितले. यावेळी स्पर्धा पाहण्यासाठी गावकऱ्यांची मोठ्या संख्येने उपस्थिती होती.

  • Maharashtra Inter University Sports Festival | “चंद्रपूर होणार क्रीडा हब! केंद्रीय क्रीडा मंत्र्यांची मोठी घोषणा”

    Maharashtra Inter University Sports Festival

    Maharashtra Inter University Sports Festival : राज्याच्या टोकावर असलेले चंद्रपूर आणि गडचिरोली या जिल्ह्यांबद्दल काहीतरी वेगळेच ऐकायला येते. मात्र येथे आल्यावर जाणवते की, विकासाच्या क्षेत्रात हा भाग राज्याच्या इतर भागापेक्षा कितीतरी पुढे आहे. क्रीडा क्षेत्राच्या सोयीसुविधा सुद्धा येथे अतिशय चांगल्या आहेत. त्यामुळे राज्यात चंद्रपूर हे खेळाचे उत्कृष्ट केंद्र करण्यासाठी नक्कीच प्रयत्न करणार, अशी ग्वाही केंद्रीय क्रीडा राज्यमंत्री रक्षा खडसे यांनी दिली.

    चंद्रपुरात फ्लाईंग क्लबचे उदघाटन

    गोंडवाना विद्यापीठ, गडचिरोलीच्या वतीने विसापूर येथील क्रीडा संकुल येथे आयोजित 26 व्या महाराष्ट्र राज्य आंतर विद्यापीठ क्रीडा महोत्सवाचे उद्घाटन करतांना त्या बोलत होत्या. यावेळी मंचावर आमदार सुधीर मुनगंटीवार, जिल्हाधिकारी विनय गौडा जी.सी., विद्यापीठाचे कुलगुरू डॉ. प्रशांत बोकारे, प्र-कुलगुरू श्रीराम कावळै, कुलसचिव डॉ. अनिल विरेखण, डॉ. श्याम खंडारे, अनिता लोखंडे, जिल्हा क्रीडा अधिकारी अविनाश पुंड आदी उपस्थित होते. (Maharashtra University Games)

    Maharashtra University Games

    या क्षेत्राचे आमदार सुधीर मुनगंटीवार यांच्या निमंत्रणावरून चंद्रपूर येथे पहिल्यांदाच येण्याचा योग आला, असे सांगून क्रीडा राज्यमंत्री रक्षा खडसे म्हणाल्या, आजच्या धकाधकीच्या युगात मैदानी खेळ, खेळणे आवश्यक आहे. मोबाईलच्या जगातून बाहेर निघून विद्यार्थी, तरुण-तरुणी आणि नागरिकांनी रोज किमान दोन तास रोज खेळावे. खेळामुळे आपले शारीरिक आणि मानसिक उत्कृष्ट राहण्यास मदत होते.

    2036 मध्ये होणा-या ऑलंपिक स्पर्धेत चंद्रपूर आणि गडचिरोली या भागातील खेळाडू ऑलिंपिक मध्ये खेळावे, असा प्रयत्न आमदार सुधीर मुनगंटीवार यांचा आहे. त्यासाठी क्रीडा राज्यमंत्री म्हणून नक्कीच प्रयत्न केला जाईल. तरुणांनी क्रीडा हे क्षेत्र करियर साठी निवडावे. या महोत्सवात कबड्डी, खो खो,  व्हॉलीबॉल,  बास्केटबॉल,  बॅडमिंटन, टेबल टेनिस, अ‍ॅथलेटिक्स व बुद्धिबळ असे 8 क्रीडा प्रकार समाविष्ट आहेत. (Chandrapur Olympic Players)

    क्रीडा महोत्सवाचे कौतुक करताना त्या म्हणाल्या, हा उपक्रम सरकारच्या क्रीडा धोरणाला ग्रामीण आणि शहरी पातळीवर प्रोत्साहन देण्याच्या दृष्टीकोनाचा एक भाग आहे. तसेच भविष्यातील आंतरराष्ट्रीय खेळाडू घडवण्यासाठी केंद्र सरकार अशा क्रीडा उपक्रमांना भक्कम पाठिंबा देण्यास कटिबद्ध आहे. हा महोत्सव केवळ खेळांसाठीच नव्हे, तर विद्यार्थ्यांना एकत्रित आणून महाराष्ट्राच्या क्रीडा संस्कृतीला चालना देण्याचा एक अनोखा उपक्रम ठरणार आहे, असेही केंद्रीय क्रीडा राज्यमंत्री रक्षा खडसे यांनी सांगितले. (University Level Sports in Maharashtra)

    प्रास्ताविकात विद्यापीठाचे प्र-कुलगुरू श्रीराम कावळे म्हणाले, राज्यातील विविध विद्यापीठामधून जवळपास 3500 खेळाडू, त्यांचे प्रशिक्षक, व्यवस्थापक असे एकूण 4 हजार नागरिक येथे आले आहेत. चंद्रपूर – गडचिरोली ही व्याघ्र भुमी आहे. या भुमीत सर्व खेळाडूंचे मी विद्यापीठाच्या वतीने मनपूर्वक स्वागत करतो.

    तत्पुर्वी खेळाडूंनी पथसंचलनातून उपस्थितांचे लक्ष वेधून घेतले. क्रीडा ज्योत प्रज्वलन आणि खेल भावना शपथ घेऊन कार्यक्रमाची सुरूवात झाली. कार्यक्रमाचे संचालन शिल्पा आठवले यांनी तर आभार कुलसचिव डॉ. अनिल विरेखण यांनी मानले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by