My Blog

Tag: MH34

  • Chandrapur Fort cleanliness drive । हेरिटेज वॉक मार्ग स्वच्छतेसाठी एकत्र आले विद्यार्थी – इको-प्रोच्या उपक्रमाला प्रतिसाद!

    Chandrapur Fort cleanliness drive

    शिवजयंतीनिमित्त चंद्रपूर किल्ला स्वच्छता अभियान

    Chandrapur Fort cleanliness drive – इको-प्रो संस्थेच्या माध्यमाने शिवजयंती निमित्ताने चंद्रपूर जिल्हा परकोट स्वच्छता अभियानाची सुरुवात करण्यात आली. आज बगड खिडकी ते अंचलेश्वर गेट पर्यंतच्या हेरिटेज वॉकच्या मार्गाची स्वच्छता अभियान सुरू करण्यात आले. आज स्थानिक राजीव गांधी अभियांत्रिकी महाविद्यालय, डॉ सुशिलाबाई रामचंद्र मामीडवार समाजकार्य महाविद्यालय व सारथी इन्स्टिट्यूट च्या विद्यार्थ्यांनी श्रमदानात सहभाग घेतला.

    भटक्या श्वानांची संख्या नियंत्रित करणार, चंद्रपूर मनपाची मोहीम

    या अभियानात महाविद्यालयीन विद्यार्थी व अन्य युवकांना सहभागी करून घेण्यात येणार आहे. लवकरच बगड खिडकी ते अंचलेश्वर गेट पर्यंतच्या हेरिटेज वॉक म्हणजे चंद्रपूर किल्ला व ऐतिहासिक वास्तू पर्यटनाला सुरुवात करण्यात येईल. यापूर्वी इको-प्रो ने चंद्रपूर किल्ला स्वच्छता अभियान सलगएक हजार वीस दिवस नियमित राबविले तसेच चंद्रपूर पर्यटनास चालना मिळावी म्हणून किल्ला पर्यटन सुरू केले होते. आज हेरिटेज वॉक (Heritage walk Chandrapur) मार्गातील स्वच्छता करण्यात आली, बुरुज 4 व त्याचा परिसर स्वच्छ करण्यात आला.

    ऐतिहासिक वारसा जपण्याची गरज

    स्वच्छता अभियान नंतर शिवजयंती निमित्त छोटा कार्यक्रम घेण्यात आला. आपला स्थानिक ऐतिहासिक वारसा आणि युवकांची भूमिका, शिवाजी महाराजांचे खरे स्मारक असलेले गडकिल्ले त्यांचे महत्व आणि संरक्षण-संवर्धनाची गरज, गोंडकालीन इतिहासाविषयी आणि किल्ला संवर्धनासाठी सुरू असलेले प्रयत्न याविषयी इको-प्रो चे (Eco-Pro organization Chandrapur) अध्यक्ष बंडु धोतरे यांनी माहिती दिली.

    या अभियानात प्रा. प्रमोद सहारे, संस्थेचे अध्यक्ष बंडु धोतरे, सुमित कोहळे, अभय अमृतकर, कुणाल देवगिरकर, राजू काहिलकर, मनीष गावंडे, सचिन धोतरे, मोरेश्वर मडावी, रुद्राक्ष धोतरे तर भाविक गोरे, रोहित सत्यपाल, गणेश दाढे, पूजा देऊलकर, गौरी कोहपरे, वैभवी रंगनकर, आकाश नागोलकर, कोमल घोडे, संकेत झाडे व अन्य विद्यार्थी सहभागी होते.

  • Cement industry labor laws । कामगारांच्या न्यायहक्कांसाठी विजय वडेट्टीवार आक्रमक

    Cement industry labor laws

    सिमेंट कंपन्यांना दिला सडेतोड इशारा

    Cement industry labor laws : कामगार धाम गाळतो तेव्हाच कारखान्यातून उत्पादन तयार होते. कामगाराच्या समर्पित भावनेशी कुठलाही खेळ न करता त्यांना मिळणारे भत्ते, सुविधा व त्यांच्या न्यायिक हक्काबाबत  कुठलीही तडजोड नको. अशा सूचना राज्याचे माजी विरोधी पक्षनेते तथा ब्रह्मपुरी विधानसभा क्षेत्र आमदार आ. विजय वडेट्टीवार यांनी अंबुजा सिमेंट कंपनी येथे आयोजित व्यवस्थापकीय अधिकाऱ्यांना दिल्या. 

    तंबाखू नियंत्रणासाठी चंद्रपूर जिल्ह्यात भरारी पथकाची स्थापना

    औद्योगिक जिल्हा म्हणून ओळखल्या जाणाऱ्या चंद्रपूर जिल्ह्यात सिमेंट उत्पादक कारखान्यासह अन्यही मोठे उद्योग सुरू आहेत. या औद्योगिक क्षेत्रात कामगारांचा न्याय हक्क त्यांना मिळावा यासाठी युवक काँग्रेस सरचिटणीस तथा विजय क्रांती कामगार संघटनेचे अध्यक्ष शिवानी वडेट्टीवार सदैव प्रयत्नशील असतात.

    जिल्ह्यातील अनेक औद्योगिक कंपन्यांमध्ये विजय क्रांती संघटनेने अल्पावधीतच लोकप्रियता मिळवली असून कामगारांचे अनेक प्रश्न सोडविले आहे. अशातच नुकत्याच चंद्रपूर जिल्ह्यातील अंबुजा सिमेंट कंपनी (Ambuja Cement worker issues) व एसीसी सिमेंट कंपनी यातील कामगारांनी स्वच्छ निवृत्ती किमान वेतन भत्ते (Minimum wage for cement workers) व इतर काही सुविधांबाबतच्या समस्या विजय क्रांती कामगार संघटने पुढे मांडल्या.

    कामगारांचा छळ करून नका

    या संदर्भात राज्याची माजी विरोधी पक्षनेते तथा ब्रह्मपुरी विधानसभा क्षेत्र आमदार विजय वडेट्टीवार यांनी कंपनीच्या व्यवस्थापकीय अधिकाऱ्यांची तातडीने बैठक बोलावून समस्यांचे निराकरण करण्याच्या सूचना दिल्या. तसेच जबरदस्तीने कामगारांना स्वेच्छा निवृत्ती देण्यात येऊ नये व कुठल्याही प्रकारे कामगाराचा छळ करण्यात येऊ नये अशा स्पष्ट सूचना आयोजित बैठकीत अधिकाऱ्यांना दिल्या.

    यावर अंमलबजावणी न झाल्यास योग्य तो निर्णय घेतला जाईल अशी खडसावून सांगितले. आयोजित बैठकीस विजय क्रांती संघटना अध्यक्ष शिवानी वडेट्टीवार, राजुरा चे माजी नगराध्यक्ष अरुण धोटे, विजय ठाकरे ,प्रवीण लांडगे, अंबुजा सिमेंट कंपनी तथा एसीसी सिमेंट कंपनीचे कामगार व विजय क्रांती संघटनेचे अन्य पदाधिकारी प्रामुख्याने उपस्थित होते.

  • Tobacco Control Program । चंद्रपूर जिल्ह्यात तंबाखूमुक्तीची मोहीम

    Tobacco Control Program

    जिल्हा स्तरावर उपाययोजना आणि जनजागृती

    Tobacco Control Program : राष्ट्रीय तंबाखू नियंत्रण कार्यक्रम अंतर्गत जिल्हास्तरीय समन्वय समितीची बैठक  मुख्य कार्यकारी अधिकारी  विवेक जॉन्सन यांच्या अध्यक्षतेखाली जि. प. सभागृह येथे पार पडली. यावेळी जिल्हा शल्य चिकित्सक डॉ. महादेव चिंचोळे, अतिरिक्त जिल्हा आरोग्य अधिकारी डॉ. अविष्कार खंडाळे, शिक्षणाधिकारी (माध्यमिक) राजेश चिंचोळे, राष्ट्रीय तंबाखू नियंत्रण कार्यक्रमाच्या जिल्हा सल्लागार डॉ.श्वेता सावलीकर आदी उपस्थित होते.

    अनधिकृत अतिक्रमणावर मनपाची मोठी कारवाई

    यावेळी तंबाखू प्रतिबंधक उपाययोजना बाबत विविध विभागांचा आढावा घेण्यात आला. आरोग्य विभागातर्फे सन २०२४–२५ मध्ये एकूण 8678 नागरिकांचे आरोग्य संस्थेतील तंबाखू मुक्ती केंद्रात समुपदेशन करण्यात आले.  विभागतर्फे प्रत्येक ग्रामीण रुग्णालय , उपजिल्हा रुग्णालय, जिल्हा रुग्णालय स्तरावर तंबाखू मुक्ती केंद्र स्थापित करण्यात आली असून नागरिकांनी त्याचा पुरेपूर उपयोग घ्यावा, असे बैठकीत सांगण्यात आले. Anti-Tobacco Awareness Campaign

    तंबाखू प्रतिबंध उपाययोजनेबाबत जिल्हाभरात जनजागृती कार्यक्रम घेऊन नागरिकांना तंबाखूच्या दुष्परिणाम बाबत अवगत करावे, तसेच शाळा महाविद्यालयाच्या 100 मीटर परिसरात तंबाखू विक्री करण्यास मनाई आहे (Tobacco-Free Schools Campaign), याबाबत कडक कारवाई करण्याचे निर्देश मुख्य कार्यकारी अधिकारी विवेक जॉन्सन यांनी दिले. कोटपा कायदा ६ ब चे उल्लंघन ज्या शैक्षणिक संस्थेच्या परिसरात होत आहे, असे सर्व पानठेले त्वरित जप्त करण्याचे व आरोग्य विभाग, महानगरपालिका, पोलीस विभाग, अन्न व औषधी विभाग यांच्या संयुक्त विद्यमानाने मोहीम काढावी.

    tobacco free school campaign

    तसेच अनधिकृतरित्या सुरू असलेल्या पानठेल्यांवर त्वरित कारवाई करावी याच्या सूचना मनपाला दिल्या. मागील वर्षभरात चंद्रपूर शहराचा आकडा बघता एकूण 30 मौखिक कर्करोग रुग्ण चंद्रपूर शहरात आढळले. ज्यामध्ये तीस वर्षावरील व तीस वर्षाखालील अशा दोन्ही रुग्णांचा समावेश आहे. कॅन्सर सारख्या जीवघेण्या आजारा पासून नागरिकांना सतर्क करण्याकरिता शहरातील विविध ठिकाणी दर्शनीय भागात जनजागृतीपर बॅनर लावावे.  युवा पिढी कॅन्सर सारख्या आजाराला बळी पडत आहे, याबाबत जनजागृती करून नागरिकांनी जास्तीत जास्त सहकार्य करावे, अशा सूचनासुद्धा देण्यात आल्या.

    दरम्यान सिगरेट व इतर तंबाखूजन्य उत्पादने अधिनियम कायदा (कोटपा) 2003 (COTPA Act 2003 Compliance) विविध कलमा अंतर्गत आरोग्य विभागाच्या वतीने सण 2024 –25 मध्ये 697नागरिकांकडून 69 हजार 977 रुपयाचा दंड वसूल करण्यात आला. पोलीस विभागाच्या वतीने 617 प्रकरणांमध्ये 1 लक्ष 24 हजार रुपयाचा दंड वसुल करण्यात आला. अन्न व औषधी प्रशासन विभागामार्फत 6 प्रकरणांमध्ये 330.275 किलो साठा 4 लक्ष, 81 हजार 110 रुपये किमतीचा जप्त करण्यात आला. आरोग्य विभागामार्फत सन 2024,- 25 मध्ये 232 शाळा तंबाखमुक्त करण्यात आल्याची माहिती बैठकीत देण्यात आली.

  • Festivals in Chandrapur । चंद्रपूर जिल्ह्यात सर्वधर्मीय सण शांततेत साजरे करण्याचे प्रशासनाचे आवाहन

    Festivals in Chandrapur

    उत्सवाची शांती राखण्यासाठी नागरिकांची सामाजिक जबाबदारी

    Festivals in Chandrapur : आगामी काळात शिवजयंती, महाशिवरात्री, होळी व रमजान ईद असे सर्वधर्मीय 11 सण येत आहे.  हे सण जिल्हयात मोठ्या प्रमाणात साजरे होणार असून चंद्रपूर हा जिल्हा शांततेसाठी प्रसिध्द आहे. जिल्ह्याचा हाच लौकिक कायम राखण्यासाठी तसेच सर्वधर्मीय सण शांततेत आणि उत्साहात साजरे करतांना प्रशासनाच्या नियमांचे पालन करावे, असे आवाहन अतिरिक्त जिल्हाधिकारी सुभाष चौधरी यांनी केले.

    नियोजन सभागृह येथे पोलिस दलातर्फे आयोजित जिल्हा शांतता समितीच्या बैठकीत ते बोलत होते. यावेळी मंचावर आमदार सुधाकर अडबाले, अतिरिक्त पोलिस अधिक्षक रिना जनबंधू, सहायक पोलिस अधिक्षक अनिकेत हेरडे, उपविभागीय पोलिस अधिकारी सुधाकर यादव, मनपा आयुक्त विपीन पालीवाल, जिल्हा क्रिडा अधिकारी अविनाश पुंड यांच्यासह सर्व उपविभागीय पोलिस अधिकारी, विविध विभागाचे अधिकारी, पोलिस पाटील तसेच शांतता समितीचे सदस्य उपस्थित होते. (Festival safety regulations)

    अतिक्रमण विरोधात चंद्रपूर मनपाची मोठी कारवाई

    सण आणि उत्सवासंदर्भात प्रशासनाकडून देण्यात येणा-या सूचनांचे सर्वांनी गांभिर्याने पालन करणे गरजेचे आहे. तसेच कोणत्याही अफवांवर विश्वास ठेवू नये (Avoid fake news during festivals), असे सांगून श्री. चौधरी म्हणाले, शहरात तसेच तालुका स्तरावर महसूल, नगर पालिका प्रशासन आाणि पोलिस विभागाच्या अधिका-यांनी मिरवणुक/रॅली, पदयात्रा मार्गाला त्वरीत भेट देऊन पाहणी करावी. मिरावणूका काढतांना वाहतुकीला अडथळा निर्माण होणार नाही, अग्निशमन, रुग्णवाहिका तसेच दुचाकी-चारचाकी वाहने सुरळीत वाहतूक करू शकतील, याची दक्षता घ्यावी. (Traffic issues Chandrapur)

    लेजर लाईटवर बंदी आहे, त्यामुळे कुणीही त्याचा वापर करू नये. डीजेचा (DJ noise restrictions) आवाज मर्यादेतच ठेवावा. राष्ट्रगीत आणि राज्यगीताचा एक ठराविक प्रोटोकॉल आहे, त्यामुळे डीजेवर राष्ट्रगीत व राज्यगीत वाजवू नये. तसेच मंडळांनी फायर ऑडीट करून घ्यावे, अशा सुचना त्यांनी दिल्या.

    नागरीकांनी सण साजरे करतांना आपली सामाजिक जबाबदारी ठरवावी

    : अतिरिक्त पोलिस अधीक्षक रिना जनबंधू

    सण, उत्सव साजरे करणे ही आपली संस्कृती आहे. सर्व सण मिळून साजरे केल्याने सामाजिक सलोखा राखला जातो. त्यामुळे प्रत्येक नागरीकांनी सण साजरे करतांना आपली सामाजीक जबाबदारी ठरवावी, असे प्रतिपादन पोलिस अधिक्षक रिना जनबंधू यांनी केले. पुढे त्या म्हणाल्या, कोणतीही मिरवणूक काढण्याआधी प्रशासनाकडून रितसर परवानगी घ्यावी, जिल्हयात रॅली, मिरवणूक तसेच बॅनर लावण्यासाठी देण्यात येणारी परवानगी प्रकीया ऑनलाईन करण्यात आलेली आहे, या सूविधेचा सर्वांनी लाभ घ्यावा.

    festival safety regulations

    मनपा आयुक्त विपीन पालीवाल म्हणाले, कोणतेही सण, उत्सव साजरे करतांना शहारात बॅनर लावण्यात येतात. सदर बॅनर लावण्याबाबतची रितसर परवानगी घेणे आवश्यक असून याबाबत 24 तास ऑनलाईन अर्ज सादर करण्याची सूविधा देण्यात आली आहे, त्यामुळे मा.उच्च न्यायालयाचे निर्देशानुसार मनपा प्रशासन अवैध बॅनर संदर्भात गंभीर असून अवैध बॅनर धारकांवर गेल्या काही दिवसात गुन्हे दाखल करण्यात आले असल्याचे त्यांनी सांगितले.

    नागरिकांच्या सुचना : यावेळी शांतता समितीच्या सदस्यांनी विविध सुचना केल्या. यात सद्या परिक्षांचा काळ सुरु, त्यामुळे डिजेच्या आवाजावर बंधन असावे, सायबर सेलच्या माध्यमातून अफवांवर नियंत्रण ठेवावे. नागरिकांनीही अफवांवर विश्वास ठेवू नये, रस्त्यावरचे गड्डे त्वरीत बुजवावे, शांतता समितीची बैठक चार महिन्यातून एकदा घ्यावी, डीजे चा आवाज मर्यादेत असावा, सर्व सीसीटीव्ही कॅमेरे त्वरीत सुरू करावे, मोकाट जनावरांचा बंदोबस्त करावा आदींचा  समावेश होता.

  • Effective Encroachment Removal । चंद्रपूर महापालिकेची कठोर भूमिका

    Effective Encroachment Removal

    अनधिकृत अतिक्रमणावर कारवाई

    Effective Encroachment Removal : शहरात रस्त्यावर अतिक्रमण करून व्यवसाय थाटणाऱ्या अतिक्रमणधारकांवर चंद्रपूर महानगरपालिकेने कारवाई केली असुन डॉ. बाबासाहेब आंबेडकर चौक ते बिनबा गेट परिसरातील अतिक्रमण शहर पोलीस स्टेशन व वाहतूक पोलिस विभागाशी समन्वय साधुन काढण्यात आले आहे.

    शिक्षक आमदार सुधाकर अडबाले यांची ऑन द स्पॉट सुनावणी


        अतिक्रमण निर्मुलन मोहीम राबवितांना या भागातील अतिक्रमण मोठ्या प्रमाणात काढुन रस्ते मोकळे करण्यात आले आहे. पत्र्याचे शेड लाऊन फुटपाथवर व रस्त्यावर अतिक्रमण केले असल्याचे आढळुन आल्याने रस्त्यावर आलेले दुकानाचे शेड त्या दुकानदारांना स्वतःहुन काढण्यास लावण्यात आले तर काही शेड कटरने काढण्यात आले. (Illegal Street Encroachments)

    ठेले जप्त

    भंगाराची दुकाने हटविण्यात आली त्याचप्रमाणे त्यांच्याकडुन रस्त्यांवर जो मोठ्या प्रमाणात कचरा जमा झाला होता तो हटवुन कचरा करण्याबाबत दंड ठोठावण्यात आला व रस्त्यावर उभे करण्यात आलेले ठेले सुद्धा जप्त करण्यात आले आहे.  

    illegal Street encroachment


         मागील काही दिवसांपासुन रस्त्यावरील अतिक्रमण धारकांनी स्वतः हुन अतिक्रमण काढण्याच्या सुचना मनपातर्फे देण्यात आल्या होत्या .मात्र त्याकडे दुर्लक्ष करून,कारवाईची तमा न बाळगता अतिक्रमण उभेच होते त्यामुळे मनपा,पोलीस विभाग व वाहतुक पोलीसांद्वारे कारवाई करण्यात आली आहे. तसेच फुटपाथ व सार्वजनिक रस्त्यांवर पुन्हा फुटपाथवर अतिक्रमण न करण्याच्या सूचना अतिक्रमणधारकांना देण्यात आल्या आहेत. कारवाई दरम्यान अतिक्रमण निर्मुलन पथक,पोलीस पथक पूर्णवेळ उपस्थीत होते. 

  • Sudhakar Adbale news । आ. सुधाकर अडबाले यांच्या पुढाकाराने शिक्षकांच्या प्रलंबित समस्या मार्गी

    Sudhakar Adbale news

    ऑन-द-स्पॉट नियुक्त्या आणि पदोन्नतीला गती

    Sudhakar Adbale news : आमदार सुधाकर अडबाले यांच्या पुढाकाराने विदर्भ माध्यमिक शिक्षक संघाच्या ‘समस्या तुमच्या, पुढाकार आमचा’ या उपक्रमाअंतर्गत आज शिक्षणाधिकारी (माध्य.), जि.प. चंद्रपूर यांच्याकडे जिल्ह्यातील खासगी अनुदानित माध्यमिक, उच्च माध्यमिक शाळेत कार्यरत शिक्षक – शिक्षकेत्तर कर्मचाऱ्यांच्या समस्या निवारणार्थ समस्या निवारण सभा आज मा. सा. कन्नमवार सभागृह, चंद्रपूर येथे पार पडली. यावेळी ३ अनुकंपा व १ उपमुख्याध्यापक पदोन्नती प्रकरणांना ‘ऑन द स्पॉट’ मान्यतेचे पत्र देण्यात आले. (Teacher appointment news Chandrapur)

    चंद्रपुरात छत्रपती महोत्सवाचा शुभारंभ

    मागील दोन्‍ही सभेत प्रलंबित प्रकरणे रात्री ९ वाजेपर्यंत ‘ऑन द स्पॉट’ निकाली काढण्यात आली होती. यामुळे आमदार सुधाकर अडबाले यांचा समस्‍या निवारण सभेत ‘ऑन द स्पॉट’ प्रकरणे निकाली काढण्याचा धडाका कायम असल्‍याने शिक्षकांत आनंदाचे वातावरण आहे. (On-the-spot teacher approvals)

    मागील दोन वर्षांत चंद्रपूर जिल्ह्यात शिक्षक – शिक्षकेत्तर कर्मचाऱ्यांची अनेक प्रकरणे प्रलंबित होती. आमदार सुधाकर अडबाले निवडून आल्‍यापासून समस्‍या निवारण सभेच्या माध्यमातून त्‍या निकाली काढण्याचा धडाका लावला. आज पार पडलेल्‍या विषयसूचीतील १०० प्रकरणांपैकी जवळपास ८० टक्‍के प्रकरणे समस्‍या सभा होण्यापूर्वीच निकाली काढण्यात आली.

    ३ नियुक्त्या व पदोन्नती

    सभेत अनुकंपा तत्वाअंतर्गत कार्तीक दुधपचारे यांना जनता कन्‍या विद्यालय नागभीड येथे शिपाई सेवक, नित्‍यानंद मोतेवाड यांना कै. अण्णाभाऊ साठे माध्य. व उच्च माध्य. विद्यालय कुंभेझरी येथे प्रयोगशाळा परिचर सेवक, वैष्णवी बंडू भगत हिला आदर्श किसान विद्यालय तथा क. महा. नारंडा येथे कनिष्ठ लिपीक सेवक तर नंदा मुप्‍पीडवार (भवानजीभाई चव्हाण हाय. व क. महा. चंद्रपूर) यांना उपमुख्याध्यापकपदी पदोन्नती पदास ‘ऑन द स्पॉट’ मान्यतेचे पत्र देण्यात आले. सदर सभा पाच तास चालली. (Zilla Parishad teacher issues)

    on-the-spot teacher approvals

    यावेळी मागील सभेतील इतिवृत्तावर चर्चा करण्यात आली. त्‍यानंतर सामूहिक व वैयक्‍तिक प्रकरणांवर चर्चा करण्यात आली. सभेच्या विषयसूचीतील बरीच प्रकरणे निकाली काढण्यात आली. व उर्वरित प्रकरणे १० दिवसांत निकाली काढण्यात यावी, अशा सूचना आमदार सुधाकर अडबाले यांनी अधिकाऱ्यांना दिल्‍यात.

    सभेला शिक्षणाधिकारी (माध्य.) राजेश पातळे, उपशिक्षणाधिकारी निकीता ठाकरे, वेतन पथक अधीक्षक श्री. वडेट्टीवार, जगदीश जुनघरी, विदर्भ माध्यमिक शिक्षक संघाचे जिल्‍हाध्यक्ष सुनील शेरकी, जिल्‍हा कार्यवाह दीपक धोपटे, महानगर कार्यवाह सुरेंद्र अडबाले, लक्ष्मणराव धोबे, केशवराव ठाकरे, श्रीहरी शेंडे, मारोतराव अतकरे, आनंद चलाख, हेमंतकुमार किंदरले, डॉ. विजय हेलवटे, नितीन जीवतोडे, रुपेश पुरी, प्रज्ञा बारेकर, आसमा खान, अजय विधाते, नंदकिशोर वर्धेलवार, नामदेव ठेंगणे, पाचभाई सर, नाकाडे सर, श्री. निखाडे, अनिल कंठीवार, सतीश मेश्राम व मोठ्या संख्येने जिल्ह्यातील विमाशि संघाचे सदस्‍य, समस्‍याग्रस्‍त शिक्षक उपस्‍थित होते. 

  • Stray Dog Control Program | चंद्रपूरकरांसाठी दिलासादायक बातमी – भटके श्वान आता नियंत्रीत

    Stray Dog Control Program

    Stray Dog Control Program : शहरातील मोकाट,बेवारस,भटके श्वान यांची संख्या नियंत्रित ठेवणे,रेबीज निर्मुलन व मनुष्य – प्राणी संघर्ष टाळणे या दृष्टीने चंद्रपूर महानगरपालिकेद्वारे श्वान लसीकरण व निर्बीजीकरणाची मोहीम सुरु असुन याअंतर्गत 4020 मोकाट श्वानांचे निर्बिजीकरण तज्ञ डॉक्टरांद्वारे करण्यात आले आहे.  (Municipal Dog Control Plan)

    चंद्रपुरात आजपासून छत्रपती महोत्सवाला सुरुवात


       मोकाट, भटके श्वान ही अनेक ठिकाणची गंभीर समस्या आहे. गाडीच्या मागे धावणे,चावा घेणे,रात्रीच्या वेळेस अंगावर धाऊन जाणे त्यामुळे अपघात होणे इत्यादी प्रकारचे त्रास या बेवारस कुत्र्यांमुळे होतात. पिसाळलेल्या श्वानांच्या चाव्यामुळं,अनेकांना प्राण गमवावे लागतात किंवा रेबिजपासून वाचण्यासाठी अनेक इंजेक्शन टोचून घ्यावे लागतात. (Stop Rabies Outbreak)

    प्राणी क्लेश प्रतिबंधक कायदा 1960 व ॲनिमल बर्थ कंट्रोल 2001 नुसार श्वानांना मारण्यास बंदी आहे. मात्र मोकाट, भटके श्वान यांची संख्या दिवसेंदिवस वाढतच जाते. यावर नियंत्रण आणण्यासाठी चंद्रपूर मनपाद्वारे सदर मोहीम राबविली जात आहे.


        शहरातील मोकाट श्वानांची नसबंदी करण्याची जबाबदारी पेटानिटी अँड ॲनिमल रिहॅबिलिटेटर्स (प्यार ) फाऊंडेशनकडे सोपविण्यात आली आहे. शहरात अंदाजे 8 ते 9 हजार बेवारस श्वान असुन त्यांच्या संख्येत वाढ होत असल्याने निर्बीजीकरणाचे काम हाती घेण्यात आले आहे. मनपातर्फे आतापर्यंत 4020 श्वानांचे निर्बिजीकरण करण्यात आले आहे.


        शहरातील मोकाट श्वानांचे निर्बिजीकरण हे तज्ञ डॉक्टरांद्वारे निःशुल्क करण्यात येत आहे. निर्बिजीकरणाबाबत काही तक्रार असल्यास स्वच्छता विभाग प्रमुख डॉ.अमोल शेळके यांना 7588591331 या मोबाईल क्रमांकावर अथवा मनपा कार्यालयात संपर्क साधण्याचे आवाहन चंद्रपूर महानगरपालिकेतर्फे करण्यात येत आहे.

  • Grand Chhatrapati Festival 2025 | छत्रपती महोत्सवाचा शानदार प्रारंभ – चंद्रपुरात मॅरेथॉन स्पर्धेत उत्साहाचा जल्लोष

    Chhatrapati Festival 2025

    Chhatrapati Festival 2025 : चंद्रपूर -:छत्रपती महोत्सव 2025 चे उदघाट्न आज गांधी चौक चंद्रपूर छत्रपती मॅरेथॉन ने संपन्न झाले. जिल्हा पोलीस अधीक्षक मुम्मका सुदर्शन यांनी मॅरेथॉन ला हिरवी झेंडी दाखवून उदघाट्न केले. यावेळी आयोजन समितीचे अध्यक्ष आमदार सुधाकर अडबाले यांची प्रामुख्याने उपस्थिती होती. स्पर्धेमध्ये जिल्हाभरातील स्पर्धकानी मोठया संख्येने सहभाग घेतला सर्वं स्पर्धकामध्ये चैतन्यपूर्ण उत्साह होता. (Chandrapur Shiv Jayanti Celebration)

    चंद्रपुरात नळ धारकांसाठी अलर्ट

    शिवरायाच्या घोषणाने वातावरण दुमदुमले होते पारितोषिक विजेते गट 1 पुरुष वय 8 ते 14वर्ष प्रथम रोशन ठाकरे, द्वितीय कृष्णा पारखी, तृतीय ,कुशल कामडे गट 2 पुरुष खुला प्रथम भूषण आस्वले द्वितीय रितिक धोडरे तृतीय, पियुष गायधनी गट 1 महिला वय 8 ते 14 वर्ष प्रथम सखी दोरखंडे द्वितीय श्रेया येवले, तृतीय तेजस्वी ठाकरे गट 2 महिला खुला प्रथम रुचिका नागरकर, द्वितीय साक्षी पेलेजवार, तृतीय लावण्या नागरकर यांनी क्रमांक प्राप्त केले तर लक्ष्मी पुंगाटी हिने प्रोत्साहन पर पारितोषिक प्राप्त केले सर्व विजेते व सहभागी यांनी 20 फेब्रुवारी ला भव्य कार्यक्रमात बक्षीस दिले जाणार आहे. (Chhatrapati Marathon 2025)

    यावेळी छत्रपती महोत्सव आयोजन समितीचे निमंत्रक संतोष कुचनकर कार्याध्यक्ष प्रा दिलीप चौधरी,सचिव हरीश ससनकर, उपाध्यक्ष राजीव कक्कड, सहसचिव बंडू धोत्रे, सोहेल शेख, कोषाध्यक्ष प्रा निलेश बेलखेडे सहकोषाध्यक्ष प्रा वैशाली तुमराम प्रसिद्धी प्रमुख विजय मुसळे मार्गदर्शक प्राचार्य सूर्यकांत खणके, नंदुभाऊ नागरकर, विजयराव टोंगे कार्यकारी सदस्य चंद्रकांत वैद्य, राजेंद्र खांडेकर, दिलीप रिंगणे, निमेश मानकर, दीपकभाऊ जेऊरकर, निशिकांत देशमुख, दिलीप होरे, विनोद थेरे, प्रा कमलकार धानोरकर, पायल अन्नदेलवार हे उपस्थित होते. संचालन हरीश ससनकर यांनी प्रास्ताविक दीपक जेऊरकर यांनी तर आभार प्रदर्शन प्रा.निलेश बेलखेडे यांनी केले. मॅरेथॉन स्पर्धेच्या आयोजनासाठी विजय बोरकर, जितेंद्र पिंपलशेंडे, मुकेश तेलतुंबडे, गोविंद पवार, आदर्श सर, नावेद व कृष्णा, रोशन बुजाडे यांनी सहकार्य केले.

    Chhatrapati Marathon 2025


    19 फेब्रुवारीला शिवजन्मोत्सव पालखी मिरवणूक,
    सायंकाळी 4 वाजता मार्ग गांधी चौक, जटपुरा गेट गांधी चौक या मार्गाने निघणार आहे. पालखी मिरवणूकमध्ये ढोल पथक लेझीम पथक व तसेच मिरवणुकीचे आकर्षण म्हणजे शिवाजी महाराजांच्या काळातील प्रसंगावर आधारित 10 देखावे राहील,मिरवनूक मध्ये सहभागी होणाऱ्या सर्व शिवप्रेमी साठी ड्रेस, भगवा कुर्ता व पांढरा पायजामा, महिलांसाठी भगवी साडी अथवा ड्रेस यासह इच्छुकांना फेटे घालून देण्याची व्यवस्था राहणार आहे. (Shivaji Maharaj Palakhi Procession)

    सायंकाळी 8 वाजता जाहीर व्याख्यान छत्रपती शिवाजी महाराज व आजची लोकशाही या विषयावर राजदादा घुमनर यांचे राहणार आहे.

  • Online property tax payment Chandrapur । २५% सूट घेऊन कर भरा, नाहीतर जप्त होईल मालमत्ता

    Online property tax payment Chandrapur

    15 फेब्रुवारी पर्यंत थकबाकीसह मालमत्ता कराचा एकरकमी भरणा करणाऱ्याना ऑनलाईन पद्धतीने कराचा भरणा केल्यास 50 टक्के तसेच ऑफलाईन पद्धतीने कराचा भरणा केल्यास 45 टक्के शास्तीत सवलत मनपातर्फे देण्यात आली होती .मात्र सवलत देऊनही कर भरणा करणाऱ्यांचे प्रमाण फार  कमी असल्याने थकबाकीदारांच्या मालमत्ता जप्त करण्याचे निर्देश आयुक्त विपीन पालीवाल यांनी दिले आहेत.  

    आमदार सुधाकर अडबाले यांचा आक्रमकपणा, निप्पोन चे काम पाडले बंद

     
        15 फेब्रुवारी पर्यंत केवळ 8734 मालमत्ता धारकांनी शास्तीत सवलतीचा लाभ घेतला आहे. 15 फेब्रुवारी नंतर सुद्धा ऑनलाईन 25 टक्के व ऑफलाईन 22 टक्के शास्तीत सूट मनपातर्फे देण्यात येत आहे. सवलत देऊनही मालमत्ता कर न भरण्याकडेच नागरिकांचा कल दिसत असल्याने सक्त पाऊले मनपाला उचलावी लागत आहे. (Chandrapur Municipal Corporation tax discount)

    करवसुली करिता महानगरपालिकेतर्फे १५ पथके नेमण्यात आली असुन प्रत्येक पथकाला दर दिवशी किमान १० मालमत्ता धारकांवर कारवाई करण्याचे तसेच जप्तीसोबतच मालमत्तांचे नळ कनेक्शन खंडित करण्याचे सुद्धा निर्देश देण्यात आले आहेत.  

    chandrapur property tax 25% discount


        ऑनलाईन 25 टक्के व ऑफलाईन 22 टक्के शास्तीत सूट ही 31 मार्चपर्यंत लागू राहणार असुन कर भरणा करणे सुविधेचे व्हावे या दृष्टीने 31 मार्च पर्यंत येणाऱ्या प्रत्येक सुटीच्या दिवशी मालमत्ता कर भरणा कार्यालय सुरु राहणार आहे. ज्या मालकांना त्यांच्या मालमत्तेच्या अनुषंगाने आर्थिक उत्पन्न प्राप्त होत असतानाही मालमत्ता कर थकविणार्‍या थकबाकीदारांनी लवकरात लवकर आपल्या थकीत कराचा भरणा करून महानगरपालिकेकडून करण्यात येणारी जप्तीची कारवाई टाळण्याचे आवाहन चंद्रपूर महानगरपालिकेतर्फे करण्यात येत आहे.  Chandrapur property tax 25% discount

  • Nippon Dendro Project Protest । निप्पॉन डेंड्रो प्रकल्पस्थळी तणाव – आमदारांच्या हस्तक्षेपानंतर कंपनीचे काम थांबले!

    Nippon Dendro Project Protest

    Nippon Dendro Project Protest : चंद्रपूर : निप्पॉन डेंड्रो प्रकल्पाकरीता संपादित करण्यात आलेल्या भद्रावती तालुक्यातील मौजा विजासन, रुयाड (रिठ), पिपरी (देश.), टोला, चारगांव, लोणार (रिठ), तेलवासा, कुनाडा, चिरादेवी व ढोरवासा या गावातील प्रकल्पग्रस्तांच्या प्रशासनासोबत चर्चा सुरु असतानाच दुसरीकडे आज, दि. १७ फेब्रुवारी २०२५ ला पोलिस बंदोबस्ताचा वापर करुन खाजगी कंपनीने काम सुरु केले होते. प्रकल्पग्रस्तांमार्फत विरोध होऊ नये, यासाठी स्थानिक पोलिस प्रशासनाने प्रमुख चार प्रकल्पग्रस्तांना स्थानबद्ध करून ठेवले होते. या घटनेची माहिती शिक्षक आमदार सुधाकर अडबाले यांना मिळाली असता त्यांनी लगेच पोलिस स्टेशन गाठून स्थानबद्ध केलेल्या प्रकल्पग्रस्तांना बाहेर काढले व घटनास्थळी जावून कंपनीचे काम बंद पाडले.

    आगीत घर झाले भस्मसात, त्या महिलेला आहे मदतीची गरज

    या घटनेतून प्रशासनाचे दुटप्पी धोरण प्रकल्पग्रस्तांच्या नजरेस आले. परिणामी प्रकल्पग्रस्तांमध्ये रोष निर्माण झाला असून भविष्यात कायदा व सुव्यवस्थेची परिस्थिती निर्माण झाल्यास त्यास सर्वस्वी जिल्हा व तालुका महसूल तथा पोलिस प्रशासन जबाबदार राहील, असा इशारा प्रकल्पग्रस्तांनी दिला आहे. सोबतच पुन्हा कंपनीचे काम सुरु झाल्यास सामूहिक आत्मदहनाचा इशारा प्रकल्पग्रस्तांनी दिला आहे.

    midc land acquisition issue

    उपअभियंता म.औ.वि.म. उपविभाग, चंद्रपुर यांचे कार्यालय, चंद्रपुर महाराष्ट्र औद्योगिक विकास महामंडळ चंद्रपुर येथील भद्रावती औद्योगिक क्षेत्र विकसीत करण्यात आले आहे. सदर औद्योगिक क्षेत्राकरिता तालुक्यातील निप्पॉन डेंड्रो प्रकल्पाकरिता २८ वर्षे अगोदर संपादित करण्यात आलेली मौजा विजासन, रूयाळ, पिपरी, चारगाव, लोणार, तेलवासा, ढोरवासा, चिरादेवी, गवराळा येथिल जमिनी महाराष्ट्र औद्योगिक विकास महामंडळ द्वारा संपादीत केले आहे.

    सदर भुखंड क. बी-०१ क्षेत्र ४३,०००० चौरस मिटर मेसर्स ग्रेटा एनर्जी लिमिटेड भुखंड क. बी-३ क्षेत्र ६३७४८०० चौ.मी मेसर्स न्यु इरा क्लीनटेक सोल्युशन प्रा. लि यांना वाटप करण्यात आली असुन सदर जमीनीचा रक्कमेचा भरणा कंपनीने केलेला आहे. (MIDC Land Acquisition Issue)

    चारगाव येथील सर्वे न.४६ क्षेत्र ७२.५६ हे.आर, लोनार रिठ येथील सर्वे न. ११० क्षेत्र १७६.५४ हे.आर, ढोरवासा येथील सर्वे न. ९१ क्षेत्र १६३. १६, रूयाड रिठ येथील सर्वे न. ५५ क्षेत्र ११९.७६ हे. आर, विजासन येथील सर्वे न. ५० क्षेत्र ११२.८० हे.आर एकुण सर्वे न. ३५२ क्षेत्र ६४४.८२ हे.आर. तसेच मे. ग्रेटा एनर्जी लि. यांना क्षेत्र ५५.०२ हे.आर ही जमिनीवरील अतीक्रमण काढुन कंपनीच्या ताब्यात देण्याकरिता आज दिनांक १७ फेब्रुवारी २०२५ ला पोलीस बंदोबस्तात काम सुरु करण्यात आले. यासाठी पोलिस प्रशासन लाठी व हेल्मेटसह बंदोबस्ताचे तयारीने पोहोचले.

    प्रकल्पग्रस्तांचा विरोध होऊ नये म्हणून चार प्रकल्पग्रस्त प्रमुख वासुदेव ठाकरे, प्रवीण सातपुते, संदीप खुटेमाटे, आकाश जुनघरे यांना आज सकाळपासूनच स्थानिक पोलिस ठाण्यात स्थानबद्ध करुन ठेवले. आमदार सुधाकर अडबाले वेळेवर आले नसते तर प्रशासन व कंपनी डाव साधण्यात यशस्वी झाले असते. परंतु, आमदार अडबाले यांच्या दणक्याने कंपनीला काम बंद करावे लागले. (Police Action on Land Protests)

    police action on land protests

    प्रकल्पग्रस्त एकरी दहा लाख रुपये सानुग्रह अनुदान व प्रकल्पग्रस्त तथा प्रकल्पबाधित गावातील बेरोजगार यांना कौशल्यानुसार नोकरी देण्यात यावी, या मागणीसाठी चर्चा व बैठका करीत आहे. मात्र, प्रकल्पग्रस्तांना विश्वासात न घेता, मागण्यांची पूर्तता न करता, पोलिस बंदोबस्तात कंपनीचे काम सुरु करण्याची प्रक्रिया जिल्हा व तालुका प्रशासनाची दुटप्पी भूमिका दर्शवित असल्याचे यावेळी प्रकल्पग्रस्तांनी म्हटले आहे. यावेळी मोठ्या प्रमाणात प्रकल्पग्रस्त व गावकरी उपस्थित होते. (Nippon Dendro Maharashtra)

    दरम्यान आमदार सुधाकर अडबाले यांची कंपनीचे व्यवस्थापक व उपविभागीय अधिकारी यांचेशी चर्चा झाली असता शेतकऱ्यांसह पुढील बैठक व मागण्यांची पूर्तता होईपर्यंत काम सुरु करणार नाही, असे सांगण्यात आले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by