My Blog

Tag: आमदार किशोर जोरगेवार

  • Chandrapur Water Tanker Initiative । चंद्रपूरमध्ये पाणीटंचाईवर तोडगा – आमदार निधीतून टँकरची भर!

    Chandrapur Water Tanker Initiative

    Chandrapur Water Tanker Initiative : चंद्रपूर – स्थानिक आमदार विकास निधी अंतर्गत खरेदी करण्यात आलेल्या 3 पाणी टँकरचे आमदार किशोर जोरगेवार यांच्या हस्ते फीत कापुन लोकार्पण आज करण्यात आले.

    चंद्रपूर मनपाकडे ११ पाणी टँकर


        या 3 टँकर पैकी 1 टँकर 1 हजार लिटर क्षमतेचा असुन उर्वरीत 2 हे 4 हजार लिटर क्षमतेचे आहेत. पाणीपुरवठा करण्यास मनपाचे स्वतःचे 8 टँकर असुन ता 3 टँकरची भर पडल्याने मनपाकडे एकुण 11 टँकर पाणी पुरवठा करण्यास सज्ज झाले आहेत. पाण्याची टंचाई बघता 6 खाजगी टँकरने सुद्धा पाणीपुरवठा करण्यात येत आहे. सदर खरेदी करण्यास स्थानिक आमदार विकास निधीतुन मा. आमदार किशोर जोरगेवार यांनी निधी उपलब्ध करून दिला होता. mla kishor jorgewar

    mla kishor jorgewar

    रिकामटेकड्या घर जावयाने केला सासऱ्याच्या खून


       दरवर्षी उन्हाळ्यात पाण्याच्या मागणीत मोठया प्रमाणात वाढ होत असते. सातत्याने वाढणारे उष्णतामानाने पिण्याच्या पाण्यासह उकाडा घालविण्यास कुलर सारख्या गोष्टींचा दैनंदिन वापर केला जातो. अशा परिस्थितीत शहरवासीयांकडून पाण्याच्‍या वापरात लक्षणीय वाढ होते. वाढीव मागणीचा विचार करता महापालिकेच्या पाणीपुरवठा विभागातर्फे वाढीव स्वरूपात पाणीपुरवठा केला जातो.

    Powered by myUpchar


       या प्रसंगी मा. आमदार किशोर जोरगेवार,अतिरिक्त आयुक्त चंदन पाटील, उपायुक्त मंगेश खवले,उपायुक्त संदीप चिद्रावार, शहर अभियंता रवींद्र हजारे,उपअभियंता रवींद्र कळंबे,चैतन्य चोरे,माजी नगरसेवक सुभाष कासनगोट्टूवार,देवानंद वाढई तसेच मनपाचे अधिकारी कर्मचारी उपस्थीत होते. 

  • Chandrapur free sand scheme news । घरकुल स्वप्न आता होणार साकार; चंद्रपूरमध्ये मोफत रेतीचे वितरण सुरू

    Chandrapur free sand scheme news

    Chandrapur free sand scheme news : चंद्रपूर – राज्याचे मुख्यमंत्री देवेंद्र फडणवीस यांच्या नेतृत्वात राज्य सरकारने अनेक जनहिताचे निर्णय घेतले आहेत. या निर्णयांचा थेट लाभ सर्वसामान्य नागरिकांना मिळत आहे. राज्याचे महसूलमंत्री चंद्रशेखर बावनकुळे यांनी घरकुलासाठी शासन मोफत रेती देणार असल्याची घोषणा केली होती. आज ती घोषणा प्रत्यक्षात आली असून चंद्रपूर शहरातून याची सुरुवात होत असल्याचा आनंद आहे. शासनाच्या या निर्णयामुळे अनेक गरजू आणि गरीब कुटुंबांना आपले हक्काचे घर उभारताना मोठा दिलासा मिळणार आहे. सर्वसामान्य नागरिक हा शासनाच्या प्रत्येक योजनेचा केंद्रबिंदू आहे, असे आमदार किशोर जोरगेवार यांनी सांगितले.

    भावी वधूसमोर घेतला गळफास, चिमूर तालुका हादरला

    महसूलमंत्री चंद्रशेखर बावनकुळे यांनी घरकुलाच्या कामासाठी शासनातर्फे मोफत रेती उपलब्ध करून देण्यात येईल असे जाहीर केले होते. त्या पार्श्वभूमीवर चंद्रपूर शहरातून या उपक्रमाची सुरुवात करण्यात आली आहे. आमदार किशोर जोरगेवार यांच्या उपस्थितीत वढा रेती घाटावरून लाभार्थ्यांना रेती वितरित करण्यात आली. एका लाभार्थ्याला पाच ब्रास प्रमाणे रेती दिली जात आहे. या कार्यक्रमात आमदार जोरगेवार यांच्या हस्ते हिरवी झेंडी दाखवून रेतीचे ट्रॅक्टर रवाना करण्यात आले. या प्रसंगी लाभार्थी नागरिकांना रेतीच्या टीपी चे ही वितरण करण्यात आले. यावेळी ते बोलत होते. sand supply for government housing project

    sand supply for government housing project

    कार्यक्रमास महसूल विभागाचे उपविभागीय अधिकारी संजय पवार, तहसीलदार विजय पवार, नायब तहसीलदार खंडारे, संवर्ग विकास अधिकारी संगीता भांगडे, मंडळ अधिकारी प्रकाश दुर्वे, भाजप नेते प्रकाश देवतळे, वढा गावचे सरपंच किशोर वराडकर, माजी नगरसेवक सुभाष कासनगोट्टूवार, मनोज पाल, राकेश पिंपळकर, धनंजय नागरकर, खुटाळा येथील माजी उपसरपंच गुड्डू सिंग, धनराज हनुमंते, समीर भिवापूर यांची उपस्थिती होती. free sand for housing beneficiaries Maharashtra

    माझ्यासह अनेक आमदारांनी लक्ष वेधले

    या प्रसंगी बोलताना आमदार जोरगेवार म्हणाले की, घरकुलाचे अनुदान मिळाल्यानंतरही अनेक लाभार्थ्यांना बांधकाम साहित्याच्या वाढत्या किमतीमुळे अडचणी येतात. ही अडचण लक्षात घेऊन शासनाने मोफत रेती देण्याचा निर्णय घेतला आहे. सध्या रेती घाटांचे लिलाव थांबलेले असल्याने घरकुल मंजूर होऊनही घराचे बांधकाम रखडले होते. त्यामुळे माझ्यासह अनेक आमदारांनी शासनाचे लक्ष वेधले होते. शासनाच्या या निर्णयामुळे अनेक कुटुंबांना दिलासा मिळणार आहे.

    Powered by myUpchar

    आजच्या कार्यक्रमात प्रत्येक लाभार्थ्याला पाच ब्रास प्रमाणे रेती दिली जात आहे. ही रेती शासनाच्या नियमानुसार आणि पारदर्शक पद्धतीने घाटावरून मोफत दिली जात आहे. या उपक्रमामुळे लाभार्थ्यांचा खर्च कमी होणार असून गरजू नागरिकांना मोठा आधार मिळणार आहे. शासनाची ही कृती म्हणजे गरजूंना मदतीचा हात देण्याचा एक चांगला उपक्रम आहे. आजचा दिवस चंद्रपूर जिल्ह्यासाठी महत्त्वाचा असून शासनाच्या घरकुल योजनेतून आपले घर उभारण्याचे स्वप्न पाहणाऱ्या अनेक कुटुंबांसाठी ही मोठी संधी आहे. free sand for housing beneficiaries Maharashtra

    ‘घरकुल योजना’ फक्त एका घरापुरती मर्यादित नाही, तर ती कुटुंबाचे भविष्य घडवते. स्वतःचे घर म्हणजे स्वाभिमान, सुरक्षितता आणि स्थैर्याचे प्रतीक आहे. घरकुल म्हणजे चार भिंती नव्हे, तर संपूर्ण कुटुंबाची स्वप्नपूर्ती आहे. त्यामुळे हे घर उभे राहण्यासाठी शासनाने आपली साथ देणे ही जबाबदारी आहे. शासन गरजूंच्या पाठीशी ठामपणे उभे आहे. असे यावेळी आमदार किशोर जोरगेवार म्हणाले. या उपक्रमाअंतर्गत चंद्रपूर तालुक्यातील १,१८३ लाभार्थ्यांना आठ रेती घाटांवरून एकूण ५,९१५ ब्राज  रेती दिली जाणार आहे. Chandrapur free sand scheme news

  • Kishor Jorgewar visit to fire affected shop । आमदार जोरगेवार यांनी जेबी आर्ट्स ची केली पाहणी

    Kishor Jorgewar visit to fire affected shop

    Kishor Jorgewar visit to fire affected shop : चंद्रपूर – शहरातील जनता कॉलेज परिसरात पहाटेच्या सुमारास लागलेल्या भीषण आगीत प्रसिद्ध ‘जेबी आर्ट अँड स्टेशनरी’ हे दुकान पूर्णपणे जळून खाक झाले. या आगीत अंदाजे ५० लाख रुपयांचे प्रचंड आर्थिक नुकसान झाले. दरम्यान आमदार किशोर जोरगेवार यांनी घटनास्थळी भेट देत पाहणी केली आहे. यावेळी आमदार किशोर जोरगेवार यांनी दुकान मालकाला आर्थिक मदत केली आहे. Kishor Jorgewar inspection at fire site

    उच्च रक्तदाब म्हणजे सायलेंट किलर

    या धक्कादायक घटनेनंतर शहरातील व्यावसायिक व नागरिकांमध्ये हळहळ व्यक्त होत असून, घटनेची माहिती मिळताच आमदार किशोर जोरगेवार यांनी तत्काळ घटनास्थळी धाव घेऊन संपूर्ण परिस्थितीची पाहणी केली. त्यांनी दुकानमालक धकाते यांची भेट घेत घटनेची माहिती घेतली आहे.

    दरम्यान, आग नेमकी कशामुळे लागली याचा तपास सुरू असून, फायर ब्रिगेडने तातडीने घटनास्थळी दाखल होऊन आगीवर नियंत्रण मिळवले. मात्र तोपर्यंत संपूर्ण दुकान भस्मसात झाले होते. शहरातील व्यावसायिक वर्गात या घटनेमुळे चिंता पसरली आहे. सुरक्षितता आणि दुकानांच्या संरक्षक उपाययोजनांबाबत नव्याने चर्चा सुरू झाल्या आहेत.

    संयुक्त उपाययोजना करा

    आमदार किशोर जोरगेवार यांनीही अशा घटना टाळण्यासाठी प्रशासन आणि व्यापारी वर्गाने संयुक्तरित्या उपाययोजना करण्याच्या सूचना केल्या आहेत. यावेळी माजी नगरसेवक पप्पू देशमुख, प्रकाश देवतळे, तुषार सोम, मनोज पाल, श्याम हेडाऊ यांचीही उपस्थिती होती.

  • 5 km tiranga rally Chandrapur । देशभक्तीची ज्वाला पेटली! चंद्रपूरमध्ये ५ किमी तिरंगा रॅलीला हजारोंचा उत्स्फूर्त प्रतिसाद

    5 km tiranga rally Chandrapur

    5 km tiranga rally Chandrapur : चंद्रपूर – ऑपरेशन सिंदूरच्या यशानंतर भारतीय सैन्याच्या शौर्याला अभिवादन करण्यासाठी “नॅशनल सिक्युरिटीसाठी नागरिक” या उपक्रमांतर्गत पाच किलोमीटर लांब तिरंगा रॅली काढून चंद्रपूरकरांनी भारतीय सैन्याच्या शौर्याला आणि बलिदानाला भव्य सलामी दिली. आमदार किशोर जोरगेवार यांच्या संकल्पनेतून आणि संयोजनातून पार पडलेल्या या ऐतिहासिक उपक्रमाला हजारो नागरिकांचा उस्फूर्त प्रतिसाद लाभला. यात विविध धर्मीय धर्मगुरूंच्या उपस्थितीमुळे विविधतेत एकतेचे दर्शन घडले. tiranga rally in Chandrapur 2025

    चंद्रपूरमध्ये पुराचा इशारा, तातडीने नियोजन करा

    संध्याकाळी ६ वाजता छत्रपती शिवाजी महाराज चौक येथून या तिरंगा रॅलीला सुरुवात झाली. त्यानंतर सदर रॅली जय घोषणा देत शहराच्या मुख्य मार्गाने मार्गस्थ झाली. या रॅलीत शहरातील विविध भागांतून तरुण,  विद्यार्थी,  महिलावर्ग,  सामाजिक संस्था, व्यापारी, कर्मचारी आणि नागरिक मोठ्या संख्येने सहभागी झाले. विशाल तिरंगा खांद्यावर घेऊन चालताना प्रत्येकाच्या चेहऱ्यावर अभिमान, देशप्रेम आणि एकतेचा झळाळता प्रकाश दिसत होता. citizens salute to Indian Army

    Powered by myUpchar

    हिंदू मुस्लिम ऐक्याचा संदेश

    या रॅलीत विविध धर्मगुरूंच्या उपस्थितीमुळे विविधतेत एकता हा भारतीय संस्कृतीचा मूलमंत्र प्रत्यक्ष साकार झाला. हिंदू, मुस्लिम, शीख, बौद्ध, ख्रिश्चन, जैन बांधवांनी एकत्र येऊन देशाच्या एकतेचा संदेश दिला. या प्रसंगी बोलताना आमदार किशोर जोरगेवार म्हणाले, भारतीय जवानांच्या बलिदानामुळे आपण शांततेत जगतो. त्यांच्या सन्मानार्थ आपण कृतज्ञतेने झुकतो. ही रॅली केवळ एक कार्यक्रम नसून चंद्रपूर शहराची राष्ट्रभक्तीची आणि एकतेची ताकद जगाला दाखवणारा संदेश आहे.

    citizen salute to indian army

    कार्यक्रमात भारत माता की जय, वंदे मातरम, जय जवान जय किसान अशा घोषणा देत वातावरण देशभक्तीने भारावले होते. महिलांनी पारंपरिक वेशभूषेत सहभाग घेतला, विद्यार्थ्यांनी फलक आणि बॅनरद्वारे देशप्रेमाचे संदेश दिले, तर काही ठिकाणी बॅण्ड पथकाच्या गजरात रॅलीचे स्वागत करण्यात आले. रॅली जटपूरा गेटला वळसा घालून पुन्हा छत्रपती शिवाजी महाराज चौकात पोहोचली. येथे रॅलीचा समारोप करण्यात आला. रॅलीच्या मार्गावर विविध सामाजिक संघटना, व्यापारी वर्गाच्या वतीने पाणी, शीतपेय, फळांचे वाटप करत आपला सहभाग नोंदविला. या रॅलीत जवळपास २०० सामाजिक संघटना आणि पाच हजार देशभक्त नागरिक सहभागी झाले होते.

  • Flame DK 25 innovation and leadership event । तंत्रज्ञानाचा वापर समाजोपयोगी व्हावा – आ. किशोर जोरगेवार

    Flame DK 25 innovation and leadership event

    Flame DK 25 innovation and leadership event : चंद्रपूर – आजचा काळ हा प्रगतीचा, विज्ञान-तंत्रज्ञानाच्या झपाट्याने होणाऱ्या विकासाचा काळ आहे. आज अनेक तरुण उच्च शिक्षण घेत आहेत, नव्या गोष्टी शिकत आहेत; परंतु त्या ज्ञानाचा उपयोग समाजासाठी किती होतोय, यावर विचार करणे गरजेचे आहे. तुम्ही शिकलेल्या तंत्रज्ञानाचा उपयोग समाजोपयोगी व्हावा असे प्रतिपादन आमदार किशोर जोरगेवार यांनी केले. MLA Kishor Jorgewar speech on youth and technology

    चंद्रपुरात पेव्हर्स ची चोरी, आपने केली तक्रार

    सरदार पटेल मेमोरियल सोसायटी (ईस्ट) व राजीव गांधी अभियांत्रिकी संशोधन व तंत्रज्ञान महाविद्यालय, चंद्रपूर यांच्या संयुक्त विद्यमाने बी.टेक. प्रथम वर्ष २०२४-२५ सत्रासाठी ‘फ्लेम डीके २५’ या विशेष उपक्रमाचे आयोजन करण्यात आले होते. या कार्यक्रमात आमदार जोरगेवार बोलत होते. यावेळी सरदार पटेल मेमोरियल सोसायटी ट्रस्टचे अध्यक्ष विनोद दत्तप्रेय, कोषाध्यक्ष निनाद गडमवार, राजीव गांधी अभियांत्रिकी महाविद्यालयाचे प्राचार्य डॉ. अनिल चिताडे यांच्यासह इतर मान्यवरांची मंचावर उपस्थिती होती.

    तुमचं ज्ञान समाजासाठी वापरा

    पुढे बोलताना आ. जोरगेवार म्हणाले की,  तुम्ही यंत्र तयार करा, युक्त्या शोधा, उपाय सुचवा  पण त्या केवळ आत्मकेंद्रित न राहता, समाजाच्या गरजांशी जोडल्या गेल्या पाहिजेत. आपल्या भागातील पाण्याची समस्या, शेतीतील अडचणी, आरोग्यसेवा, शिक्षणातील तांत्रिक अडथळे या सगळ्यांवर उपाय शोधायला तुम्ही पुढे आलात,तरच खऱ्या अर्थाने शिक्षणाचे चीज होईल. तुमचं शिक्षण, तुमचं ज्ञान, तुमचं कौशल्य हे केवळ नोकरीसाठी न वापरता, समाजासाठी, देशासाठी वापरा. MLA motivates students to innovate for society

    Powered by myUpchar

    कार्यक्रम केवळ एक कार्यक्रम नाही, तर विद्यार्थ्यांच्या भविष्याची नवी दिशा ठरवणारा, नेतृत्व, नवोन्मेष आणि तंत्रज्ञान यांची सांगड घालणारा एक अत्यंत उपक्रम आहे. आजच्या युगात केवळ पदवी मिळवणे एवढेच पुरेसे नाही, तर आपण सृजनशील, दूरदृष्टी ठेवणारे आणि समाजासाठी उत्तरदायी नागरिक होणे तितकेच आवश्यक आहे. या सारखे उपक्रम हे विद्यार्थ्यांमध्ये आत्मविश्वास निर्माण करणारे, त्यांच्या प्रतिभेला चालना देणारे आणि भविष्यातील आघाडीचे नेतृत्व घडवणारे आहेत. 

    mla motivates students to innovate for society

    नवे रोजगार निर्माण करा

    केवळ नोकरी मिळवायची नाही, तर नवे रोजगार निर्माण करायचे. केवळ तंत्रज्ञान शिकायचे नाही, तर त्याचा समाजोपयोग कसा होईल याची चाचपणी करा. तुम्ही उद्याचे संशोधक, उद्योजक आणि परिवर्तन घडवणारे बना असे आवाहन यावेळी बोलतांना आ. जोरगेवार यांनी केले. यावेळी विविध सांस्कृतिक कार्यक्रमाचे आयोजन करण्यात आले होते. या  कार्यक्रमाला विद्यार्थ्यांची मोठ्या संख्येने उपस्थिती होती.

  • Tiranga Rally । ‘ऑपरेशन सिंदूर’च्या यशानंतर देशप्रेमाचा महासागर — चंद्रपूरमध्ये भव्य तिरंगा रॅलीचे आयोजन!

    Tiranga Rally

    Tiranga Rally : चंद्रपूर – ‘ऑपरेशन सिंदूर’च्या यशानंतर (indian army) भारतीय सैन्याच्या शौर्य, धैर्य आणि बलिदानाला मानवंदना देण्यासाठी नॅशनल सेक्युटीसाठी नागरिक या उपक्रमा अंतर्गत आमदार किशोर जोरगेवार यांच्या संयोजनातून चंद्रपूर शहरात भव्य तिरंगा रॅलीचे आयोजन करण्यात आले आहे. ही रॅली शनिवार दिनांक 17 मे रोजी सायंकाळी 5 वाजता छत्रपती शिवाजी महाराज चौक येथून प्रारंभ होणार असून, देशप्रेमी नागरिकांनी मोठ्या संख्येने यात सहभागी होण्याचे आवाहन आमदार जोरगेवार यांनी आयोजित पत्रकार परिषदेतून केले. Indian army bravery celebration rally

    त्या नरभक्षक वाघिणीचा बछडा अखेर जेरबंद

       सदर पत्रकार परिषदेला ओबीसी नेते अशोक जिवतोडे, दशरथसिंह ठाकूर, तुषार सोम, माजी महापौर अंजली घोटेकर, प्रकाश देवतळे, माजी नगर सेवक बलराम डोडाणी, सुभाष कासनगोट्टूवार, वंदना हातगावकर, सविता दंढारे आदींची उपस्थिती होती.

    लष्कराच्या शौर्याला सलाम करण्यासाठी सामील व्हा

    पत्रकार परिषदेत बोलताना आमदार किशोर जोरगेवार म्हणाले की, जम्मू-काश्मीरमधील पहलगाम येथे पर्यटकांवर झालेल्या भ्याड दहशतवादी हल्ल्यानंतर भारतीय लष्कराने ‘ऑपरेशन सिंदूर’च्या माध्यमातून पाकिस्तानला ठोस आणि चोख प्रत्युत्तर दिले. या कारवाईमध्ये पाकिस्तानातील अनेक दहशतवादी तळ उद्ध्वस्त करण्यात आले असून, संपूर्ण देशवासीयांच्या मनात गर्व आणि अभिमानाची लहर उसळली आहे. या पराक्रमाची साक्ष देणाऱ्या आणि लष्कराच्या शौर्याला मानाचा मुजरा करणाऱ्या तिरंगा रॅलीचे आयोजन चंद्रपूरमध्ये (chandrapur) करण्यात आले आहे.

    ही रॅली केवळ एक मिरवणूक न राहता, ती देशप्रेम, राष्ट्रीय एकता आणि भारतीय लष्कराविषयी कृतज्ञता व्यक्त करणारे प्रभावी माध्यम ठरणार आहे. प्रत्येकाच्या हातात तिरंगा आणि मनात मातृभूमीबद्दलचा अभिमान असावा, हीच या रॅलीमागची भावना असल्याचे आमदार जोरगेवार यांनी स्पष्ट केले.

    Powered by myUpchar

    रॅलीची सुरुवात छत्रपती शिवाजी महाराज चौक येथून होईल. यानंतर ही रॅली गांधी चौक, जटपूरा गेट मार्गे पुन्हा छत्रपती शिवाजी महाराज चौकात परत येईल आणि तेथे रॅलीचा समारोप करण्यात येईल. रॅली दरम्यान देशभक्तीपर घोषणांनी शहरात देशप्रेमाचे वातावरण निर्माण होणार आहे. तरुणाईचा, महिला मंडळांचा, विविध शैक्षणिक संस्था, स्वयंसेवी संस्था आणि चंद्रपूरकर नागरिकांचा उत्स्फूर्त सहभाग या रॅलीला ऐतिहासिक स्वरूप प्राप्त करून देईल, असा विश्वास आमदार जोरगेवार यांनी व्यक्त केला. या देशभक्तीपूर्ण रॅलीत सहभागी होऊन आपल्या लष्कराच्या शौर्याला अभिवादन करण्यासाठी सर्व नागरिकांनी या प्रेरणादायी उपक्रमात भाग घ्यावा, असे आवाहनही त्यांनी यावेळी केले.

  • mla kishor jorgewar development work । शब्द नव्हे, कृती! किशोर जोरगेवारांच्या विकास कामांचं प्रत्यक्ष उदाहरण

    mla kishor jorgewar development work

    mla kishor jorgewar development work : चंद्रपूर – शिक्षण ही आपल्या समाजाची खरी ताकद आहे. ही ताकद भक्कम करायची असेल, तर त्यासाठी पायाभूत सुविधा पुरवणं ही आमची जबाबदारी आहे. आजचं हे भूमिपूजन म्हणजे केवळ एका इमारतीची सुरुवात नाही, तर ज्ञानदालन उभारण्याची प्रक्रिया आहे. विद्यार्थ्यांना शांत, प्रेरणादायी आणि आधुनिक वातावरणात अभ्यास करण्याची संधी देणारी ही वास्तू असून, पडोली येथे उभारण्यात येणारी ही अभ्यासिका शैक्षणिक प्रगतीसाठी भक्कम पाया ठरेल, असे प्रतिपादन आमदार किशोर जोरगेवार यांनी केले.

    mla funded development projects

    २४ वर्षीय तरुणांकडून चंद्रपुरात एमडी पावडरची विक्री

    जिल्हा परिषदेच्या अंतर्गत एक कोटी रुपयांच्या निधीतून पडोली येथे उभारण्यात येणाऱ्या अत्याधुनिक अभ्यासिकेच्या कामाचे भूमिपूजन आमदार किशोर जोरगेवार यांच्या हस्ते संपन्न झाले. याप्रसंगी ते बोलत होते. या कार्यक्रमाला भारतीय जनता पक्षाचे माजी शहराध्यक्ष दशरथसिंह ठाकूर, पडोली ग्रामपंचायतीचे सरपंच विक्की लाडसे, उपसरपंच संगीता नागरकर, नामदेव डाहुळे, प्रकाश देवतळे, बलराम डोडाणी, मनोज पाल, नकुल वासमवार, ग्रामपंचायत सदस्या छाया पायधन, शामलता ईटनकर, सुनीता पिंपळकर, शबाना शेख, राकेश पिंपळकर, संजय बुरघाटे, जय मिश्रा आदी मान्यवर उपस्थित होते. mla funded development projects

    माझ्या विधानसभेतील प्रत्येक विद्यार्थी अधिकारी बनेल

    पुढे बोलताना आ. जोरगेवार म्हणाले, ही केवळ एका इमारतीची सुरुवात नसून आपल्या विद्यार्थ्यांच्या उज्ज्वल भविष्यासाठी टाकलेले एक विश्वासार्ह आणि महत्त्वाचे पाऊल आहे. माझ्या मतदारसंघातील प्रत्येक विद्यार्थी पुढे जावा, स्पर्धा परीक्षा देऊन यश मिळवावे, अधिकारी बनावा, यासाठी ही अभ्यासिका उपयुक्त ठरेल. अभ्यासिकेमध्ये वाचनालय, बैठकीच्या आधुनिक सुविधा, वीज व पाणी व्यवस्था, मुला-मुलींसाठी स्वतंत्र व्यवस्था अशा सर्व सुविधा उपलब्ध करून दिल्या जाणार आहेत. आपल्या मुला-मुलींनी शिकून मोठं व्हावं, ही फक्त पालकांचीच नाही, तर आमचीही जबाबदारी आहे. त्यामुळे अशा विकासकामांना आम्ही  सर्वोच्च प्राधान्य देत आहोत. government study hall project

    Powered by myUpchar

    मागील पाच वर्षांत आपण मतदारसंघात ११ अभ्यासिका उभारण्याचा संकल्प केला होता. त्यापेक्षाही अधिक अभ्यासिका आपण उभारू शकलो याचा मला आनंद आहे. महामानव डॉ. बाबासाहेब आंबेडकर यांनी दीक्षा दिलेल्या दीक्षाभूमी येथे आपण एक कोटी रुपयांतून भव्य अभ्यासिका उभारली आहे, जिथे शेकडो विद्यार्थी अभ्यास करतात. अनेक अभ्यासिकांची कामे प्रगतीपथावर आहेत. आज पडोली येथील अभ्यासिकेचे भूमिपूजन झाले असून, वर्षभरात ही अभ्यासिका पूर्ण होईल, अशी अपेक्षा आहे, असेही त्यांनी सांगितले.यावेळी बोलताना आमदार जोरगेवार यांनी, अभ्यासिका पूर्ण झाल्यानंतर साहित्य खरेदीसाठी आणखी २५ लाख रुपयांचा निधी देण्यात येईल, अशी घोषणा केली. या कार्यक्रमाला स्थानिक नागरिकांची मोठ्या संख्येने उपस्थिती होती.

  • forest department meeting Chandrapur । ⚠️ वनविभागाची ‘हाय अ‍ॅलर्ट’ बैठक! वाघांच्या हल्ल्यांवर नियंत्रणासाठी ५ ठोस निर्णय

    forest department meeting Chandrapur

    forest department meeting Chandrapur : जिल्ह्यात वाघांच्या वाढत्या हल्ल्यांमुळे नागरिकांमध्ये भीतीचे वातावरण निर्माण झाले आहे. या पार्श्वभूमीवर चंद्रपूर विधानसभा मतदारसंघाचे आमदार  किशोर जोरगेवार यांच्या अध्यक्षतेखाली रामबाग विश्रामगृहात वनविभागाच्या वरिष्ठ अधिकाऱ्यांसोबत आढावा बैठक घेण्यात आली. या बैठकीत मानव-वन्यजीव संघर्ष टाळण्यासाठी उपाययोजना करण्याचे निर्देश आमदार किशोर जोरगेवार यांनी अधिकाऱ्यांना दिले. tiger attacks in Chandrapur district

    अल्पवयीन मुलीकडून देहव्यापार, चंद्रपूर शहर पोलिसांनी केली महिलेला अटक

    या बैठकीत मुख्य वनसंरक्षक डॉ. जितेंद्र रामगावकर, उपसंचालक (भा.प्र.से.) कुशाग्र पाठक, उपवनसंरक्षक (भा.प्र.से.) श्वेता बोडू, मध्य चांदा वन विभागाचे सहायक वनसंरक्षक अदिश शेंडगे, तसेच चंद्रपूर वनविभागाचे सहायक वनसंरक्षक विश्रांत तडसे, प्रकाश देवतळे, माजी नगर सेवक सुभाष कासनगोट्टूवार यांच्यासह वन विभागाचे अधिकारी आणि कर्मचारी मोठ्या संख्येने उपस्थित होते.

    तातडीने उपाययोजना करा

    या बैठकीत वन्य प्राण्यांच्या हल्ल्यांवर नियंत्रण मिळवणे, नागरिकांचे संरक्षण सुनिश्चित करणे, तसेच स्थानिकांचा सहभाग वाढवणे यावर सखोल चर्चा झाली. बैठकीदरम्यान आ. किशोर जोरगेवार यांनी जिल्ह्यातील नागरिक सतत धास्तीच्या वातावरणात राहू शकत नाहीत. वनविभागाने तातडीने उपाययोजना आखून अंमलात आणाव्यात, तसेच नागरिकांशी थेट संवाद साधून त्यांना योग्य त्या सूचना द्याव्यात असे निर्देश दिले. Chandrapur MLA Kishor Jorgewar news

    २४ तास पथक सज्ज ठेवा

    यावेळी आ. जोरगेवार म्हणाले, वाघांच्या हलचालींबाबत माहिती देण्यासाठी गावात बातमीदार यंत्रणा सक्रिय करावी, तसेच वनविभागाचे पथक २४ तास सज्ज ठेवले जावे. लोकांच्या सुरक्षेसाठी शासनाच्या विविध योजना तत्काळ लागू करून नुकसानग्रस्तांना तातडीची मदत द्यावी.असेही ते यावेळी म्हणाले. या बैठकीत नागरिकांच्या सुरक्षिततेसाठी विविध निर्णय घेण्यात आले असून, वनविभाग आणि स्थानिक प्रशासन परस्पर समन्वयाने काम करणार असल्याचे यावेळी ठरविण्यात आले.

  • rambagh ground chandrapur । रामबाग मैदानाची आमदार किशोर जोरगेवार यांच्याकडून पाहणी

    rambagh ground chandrapur

    rambagh ground chandrapur : रामबाग मैदानावर जिल्हा परिषदेची इमारत उभारण्याच्या प्रस्तावावर काल जिल्हाधिकारी कार्यालयात झालेल्या महत्त्वपूर्ण बैठकीनंतर आज आमदार किशोर जोरगेवार यांनी प्रत्यक्ष रामबाग मैदानावर जाऊन पाहणी केली. त्यांनी मैदानात खोदलेल्या भागाची तपासणी केली व संबंधित अधिकाऱ्यांना मैदान तातडीने पूर्ववत करण्याचे निर्देश दिले. त्यानंतर मैदान पूर्ववत करण्याच्या हालचालींना गती मिळाली आहे. mla kishor jorgewar rambagh site visit

    चंद्रपूर जिल्ह्यात ५ महिन्यात १७ नागरिकांचा वाघाच्या हल्ल्यात मृत्यू

    पाहणीदरम्यान आमदार जोरगेवार म्हणाले, कालच्या बैठकीत प्रशासनाने जनतेच्या भावना लक्षात घेऊन सकारात्मक भूमिका घेतली. रामबाग मैदान अबाधित ठेवण्याचा निर्णय हा जनतेच्या एकजुटीचा आणि लोकशाहीच्या मूल्यांचा विजय आहे. आता इथे झालेली हानी तातडीने दुरुस्त करणे आवश्यक आहे.

    तात्काळ खड्डा बुजवा

    रामबाग मैदानात खोदलेला खड्डा युद्धपातळीवर बुजवण्याचे काम त्वरित पूर्ण करा. मैदानाची जुनी रचना कायम राखण्यासाठी आवश्यक ती सर्व काळजी घेण्यात यावी, असेही आमदार जोरगेवार यांनी स्पष्ट केले.

    आमदार जोरगेवार यांच्या पाहणीमुळे आणि कामाला मिळालेल्या गतीमुळे नागरिकांमध्ये समाधान व्यक्त केले जात आहे. स्थानिक रहिवासी, खेळाडू आणि ज्येष्ठ नागरिकांनी आमदारांचे आभार मानले. आमचा आवाज ऐकला गेला, हे खूप महत्त्वाचे आहे. आता मैदान पुन्हा आपल्या मुलांसाठी आणि खेळाडूंना उपलब्ध होईल, ही आनंदाची गोष्ट आहे,” असे नागरिकांनी सांगितले. mla kishor jorgewar latest news chandrapur

    mla kishor jorgewar rambagh site visit

    रामबाग मैदान हे चंद्रपूर शहराचे फुफ्फुस आहे. ते अबाधित राहावे, यासाठी सुरू असलेला संघर्ष आता यशाच्या दिशेने जात आहे. आमदार किशोर जोरगेवार यांच्या तात्काळ हस्तक्षेपामुळे व नागरिकांच्या एकजुटीमुळे हे शक्य झाले आहे. मैदानाच्या दुरुस्तीची कामे लवकर पूर्ण होऊन ते पूर्ववत होईल, अशी अपेक्षा व्यक्त केली जात आहे. या पाहणीवेळी दशरथसिंह ठाकूर, मनोज पॉल, सुभाष कासनगोट्टूवार, तुषार सोम, माजी नगरसेवक प्रदीप किरमे यांच्यासह खेळाडू आणि नागरिक मोठ्या संख्येने उपस्थित होते.

  • ram bagh ground protest news । रामबाग वाचलं!, आमदार जोरगेवार यांच्या आक्रमक भूमिकेपुढे प्रशासन नरमले

    ram bagh ground protest news

    ram bagh ground protest news : रामबाग मैदानावर जिल्हा परिषदेची इमारत उभारण्याच्या प्रस्तावाला नागरिकांनी दिलेला तीव्र विरोध अखेर यशस्वी ठरला आहे. आज जिल्हाधिकारी कार्यालयात पार पडलेल्या महत्त्वपूर्ण बैठकीत आमदार किशोर जोरगेवार यांनी आक्रमक भूमिका घेत रामबाग मैदानाला जराही धक्का लावू नका असे जिल्हाधिकाऱ्यांसमोर स्पष्ट शब्दांत सांगितले. त्यानंतर जिल्हाधिकारी विनय गौडा यांनी सदर इमारतीसाठी पर्यायी जागेचा विचार केला जाईल असे मान्य केले आहे. save public ground movement

    चंद्रपूर जिल्ह्यात एकाच दिवशी ६ जणांचा मृत्यू

    या बैठकीला जिल्हाधिकारी विनय गौडा, महसूल विभागाचे उपविभागीय अधिकारी संजय पवार, पोलिस विभागाचे उपविभागीय अधिकारी सुधाकर यादव, आंदोलनकर्ते तथा जनविकास सेनेचे संस्थापक अध्यक्ष पप्पू देशमुख, दशरथसिंह ठाकूर, तुषार सोम, माजी नगरसेवक सुभाष कासनगोट्टूवार, मनोज पाल, माजी नगरसेवक राजेश अड्डूर, प्रदीप किरमे, वंदना हातगावकर, सविता दंढारे, रजनी पॉल, राशिद हुसेन, अमोल शेंडे, करणसिंह बैस, मंजुश्री कासनगोट्टूवार यांच्यासह नागरिक व खेळाडू मोठ्या संख्येने उपस्थित होते.

    जनतेच्या भावना केंद्रस्थानी असायला हव्या

    या बैठकीत आमदार किशोर जोरगेवार म्हणाले की, आमचा विकासकामांना कधीच विरोध नाही. मात्र विकासाच्या नावाखाली नागरिकांच्या भावनांवर आघात होत असेल, तर आम्ही कधीही गप्प बसणार नाही. रामबाग मैदान ही केवळ मोकळी जागा नाही, ती नागरिकांच्या आरोग्याशी, जीवनशैलीशी आणि भविष्यातील पिढ्यांशी जोडलेली आहे. हे मैदान खेळाडू, मुले आणि वृद्ध नागरिक यांचा श्वास आहे. हा केवळ मैदानाचा नव्हे, तर नागरिकांच्या हक्कांचा आणि लोकशाहीच्या मूल्यांचा प्रश्न आहे. लोकशाहीत जनतेच्या भावना केंद्रस्थानी असल्या पाहिजेत. त्या पायदळी तुडवून कोणताही विकास होऊ शकत नाही असे ते यावेळी म्हणाले. MLA Kishor Jorgewar protest news

    पर्यायी जागा शोधणार

    या बैठकीत आमदार जोरगेवार यांनी जिल्हाधिकारी विनय गौडा यांना जिल्हा परिषदेच्या नवीन इमारतीसाठी शहरात इतर पर्यायी जागा आहेत. त्या तपासून नागरिकांच्या भावना न दुखावता विकास साधावा अश्या सूचना केल्यात. त्यांच्या या स्पष्ट आणि आक्रमक भूमिकेमुळे प्रशासनाने सकारात्मक निर्णय घेत मैदानाला धक्का न लावता पर्यायी जागा शोधण्याचा निर्णय घेतला आहे. दुसरी जागा निश्चित करतानाही नागरिकांची सहमती घ्यावी, अशी सूचना आमदार किशोर जोरगेवार यांनी यावेळी केली. तसेच, इमारतीसाठी खोदण्यात आलेले रामबाग मैदान तातडीने पूर्ववत दुरुस्त करण्याचे निर्देशही त्यांनी दिलेत. public voice saves playground

    आजचा दिवस हा जागरूक नागरिकांचा विजय आहे. तुम्ही आवाज उठवला, आपण त्या आवाजाला बळ दिले. शेवटी लोकशाहीत जनतेचा आवाज महत्त्वाचा असतो आणि तो ऐकला गेला, याचे समाधान आहे, असे आमदार किशोर जोरगेवार यांनी स्पष्टपणे सांगितले. बैठकीस संबंधित सर्व अधिकारी, आंदोलक, नागरी प्रतिनिधी आणि स्थानिक नागरिक मोठ्या संख्येने उपस्थित होते.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by