Ganesh festival online permission portal : चंद्रपूर 3 ऑगस्ट – चंद्रपूर महानगरपालिकेतर्फे गणेशोत्सवाप्रसंगी सार्वजनीक गणेश मंडळांना लागणाऱ्या विविध परवानग्या या एकाच ठिकाणाहुन मिळाव्या यासाठी एक खिडकी प्रणाली सुरु करण्यात आली असुन मनपा मुख्य इमारत येथे गणेश मंडळांसाठी मदतकक्ष सुद्धा सुरु करण्यात आला आहे.
येत्या 27 ऑगस्टपासुन शहरात दहा दिवस गणेशोत्सव साजरा होणार आहे. गणेश मंडळांना महापालिका व इतर विभागाकडून रीतसर परवानग्या या घ्याव्या लागतात. पोलीस स्टेशन, ट्राफिक पोलीस स्टेशन,सार्वजनिक बांधकाम, अग्निशमन, महावितरण केंद्र, महानगरपालिका इत्यादी विभागाच्या परवानगी या एकच ठिकाणाहुन घेता याव्या यासाठी एक खिडकी प्रणाली चंद्रपूर महानगरपालिकेतर्फे सुरु करण्यात आली आहे. how to get permission for Ganesh pandal
ऑनलाईन करा अर्ज
गणेश मंडळांना अर्ज करणे सोपे जावे याकरीता महानगरपालिका कार्यालयात एकल खिडकी प्रणाली मदतकक्ष सुद्धा स्थापन करण्यात आला आहे. https://pandal.cmcchandrapur.com या लिंकद्वारे ऑनलाईन अर्ज सादर करता येऊ शकतो. गणेशोत्सव प्रदुषणमुक्त होण्याच्या दृष्टीने पीओपी मुर्तींना थारा न देता शाडूच्या मुर्तींचाच वापर करण्याचे आवाहन चंद्रपूर महानगरपालिकेतर्फे करण्यात येत आहे.
tenant beaten by landlord : ब्रह्मपुरी – रूम खाली करण्याचा तगादा लावत घर मालकाने भाडेकरूला मारहाण केल्याचा प्रकार गुजरी वार्ड ब्रह्मपुरी मध्ये घडला. या प्रकरणात घर मालकाच्या मुलीवर गुन्हा दाखल करण्यात आला आहे.
३८ वर्षीय सचिन बांबोळे असे भाडेकरूचे नाव आहे. बांबोळे हे १५ एप्रिल पासून वंदना भैसारे यांच्या घरी भाड्याने राहतात, मात्र रूम खाली करण्यासाठी घरमालक वंदना भैसारे यांनी वीज व पाण्याचे पैसे वाढवून मागत होते, मात्र ठरल्याप्रमाणे बांबोळे हे किराया देत होते, पैसे वाढवा अन्यथा रूम खाली करा असा तगादा घर मालकाने लावला. police case against house owner
बांबोळे हे घर मालकाच्या त्रासाला कंटाळून १४ जुलै रोजी त्यांच्या विरुद्ध पोलिसात तक्रार दिली. व लवकर मी दुसरी रूम शोधतो असे सांगितले. बांबोळे यांनी दुसऱ्या ठिकाणी रूम चा शोध घेतला मात्र त्यांना रूम मिळाली नाही.
भाडेकरूला लाथा बुक्क्यांनी मारहाण
३१ जुलै रोजी सचिन बांबोळे यांनी रूम खाली करतो असे सांगितले होते मात्र त्यांना दुसरीकडे रूम मिळाली नाही, १ ऑगस्ट रोजी बांबोळे हे रूमवर असताना घर मालकीण वंदना भैसारे, त्यांची मुलगी प्रीती भैसारे व त्यांचे नातेवाईक सह इतर ८ ते ९ तरुणांनी बांबोळे सोबत रूम का खाली केली नाही म्हणून भांडण सुरु केले. काही वेळातच उपस्थित तरुणांनी खिडकीच्या काचा तोडत बांबोळे यांना लाथा बुक्क्यांनी मारहाण सुरु केली.
मारहाणीनंतर सचिन बांबोळे यांनी याबाबत ब्रह्मपुरी पोलीस स्टेशनमध्ये तक्रार दिली असता पोलिसांनी प्रीती मोहन भैसारे यांचेवर कलम ११५ (२), १८९ (२), १९१ (२), ३३३ व ३५२ अंतर्गत गुन्हा दाखल केला. पुढील तपास ब्रह्मपुरी पोलीस करीत आहे.
amma chowk naming controversy : चंद्रपूर – फुटपाथवर टोपल्या विकत आपला संसार सावरणाऱ्या आणि अनेक लढ्यांतून फुटपाथ विक्रेत्यांना न्याय मिळवून देणाऱ्या गंगुबाई जोरगेवार अम्मा या संघर्षशील महिलेला सन्मान देण्यासाठी, त्यांच्या व्यवसायाच्या जागेला ‘अम्मा चौक’ नाव देण्याची मागणी फुटपाथ असोसिएशनने केली आहे. मात्र, दुर्दैवाने या प्रस्तावाला काही राजकीय व्यक्तींकडून विरोध करण्यात आला असून, ही भूमिका निंदनीय असल्याचे असोसिएशनने स्पष्ट केले आहे. street vendor memorial proposals
कायद्याला न जुमानणाऱ्या गुन्हेगाराला पोलिसांनी दाखविला हिसका गंगुबाई अम्मा यांनी केवळ स्वतःच्या कुटुंबासाठी नव्हे, तर फुटपाथ विक्रेत्यांसाठीही आपले आयुष्य झिजवले. प्रशासनाकडून फुटपाथ हटाव मोहीम राबवली जात असताना, अम्मा नेहमी या विक्रेत्यांच्या बाजूने उभी राहिल्या. त्यांच्या संघर्षामुळे अनेकांचा रोजगार टिकून राहिला. कष्ट आणि प्रामाणिकता हा मंत्र देत त्यांनी जीवनभर ज्या परिस्थितीत मुलांना घडवले, त्या परिस्थितीला वंदन करण्याची वेळ आज आली आहे.
आज जोरगेवार कुटुंब व्यवसाय आणि राजकारणात आपला ठसा उमटवत असतानाही, त्या संघर्षाचे मूळ अम्मा यांच्या त्यागात आणि सातत्यात आहे. फुटपाथवर व्यवसाय करणाऱ्या असंख्य छोट्या विक्रेत्यांसाठी त्या एक प्रेरणास्रोत ठरल्या आहेत. त्यामुळे त्या व्यवसाय करत असलेल्या ठिकाणी ‘अम्मा चौक’ म्हणून ओळख निर्माण व्हावी, अशी भूमिका असोसिएशनने घेतली आहे. Amma Chowk Proposal and Legacy of Gangubai Joragewar
गांधी चौकाचे नाव बदलण्याचा प्रश्नच येत नाही असेही त्यांनी स्पष्ट केले आहे. “गांधी चौकापासून 100 मीटर अंतरावर ‘अम्मा चौक’ म्हणून एक प्रेरणादायी स्थळ निर्माण व्हावे, जे भविष्यात कष्टकरींसाठी स्मरणीय ठरेल,” असेही त्यांनी म्हटले आहे.
अनेक छोटे विक्रेते हलाखीच्या परिस्थितीत व्यवसाय सोडून हमाली वा रोजंदारीच्या नोकऱ्या पत्करू लागले आहेत. ज्या व्यक्तींनी मालक म्हणून व्यवसाय केला, त्या आज नोकरशाही स्वीकारत आहेत. ही परिस्थिती हृदयद्रावक असून, संघर्ष करणार्यांसाठी एक प्रेरणास्थान निर्माण व्हावे, ही मागणी केवळ भावनिकच नव्हे तर सामाजिक गरज असल्याचे फुटपाथ असोसिएशनने म्हटले आहे.
राजकारण करू नका
कष्ट, प्रामाणिकता आणि आत्मसन्मानाचे प्रतीक असलेल्या अम्मा यांचे स्मरण म्हणून त्यांच्या स्मृतीला या चौकाच्या रूपाने अजरामर करावे,” असे आवाहन फुटपाथ असोसिएशनच्या वतीने करण्यात आले असुन अम्मा आणि राजकारणाचा संबध नाही. त्या कष्ट आणि सेवेच्या प्रतिक होत्या. त्या नसतांना त्यांच्या स्मारकावरुन राजकारण करणे योग्य नसल्याचेही फुटपाथ असोसिएशनच्या वतीने स्पष्ट करण्यात आले आहे.
crime prevention under MPDA act : चंद्रपूर – चंद्रपूर जिल्ह्यात गुन्हेगारी वृत्ती वाढत असताना पोलिसांनी MPDA कायद्याचे शस्त्र उगारत गुन्हेगारांना कारागृहात स्थानबद्ध करण्याची मोहीम राबवली आहे. आतापर्यंत ३ सराईत गुन्हेगारांना कारागृहात MPDA कायद्याअंतर्गत स्थानबद्ध करण्यात आले आहे.
तावाडे वर अनेक गंभीर गुन्हे
जिल्ह्यातील बल्लारपूर व रामनगर पोलीस स्टेशनच्या हद्दीत गंभीर गुन्हे चोरी, जबरी चोरी, खून, खुनाचा प्रयत्न, विना परवाना हत्यार बाळगणारे, दुखापत करणारे, बलात्कार करणारे, जाळपोळ व जीवे मारण्याची धमकी सह अवैध धंदे असे १५ गुन्हे दाखल असलेला सराईत गुन्हेगार २८ वर्षीय विनीत नानाजी तावाडे राहणार बापटनगर चंद्रपूर याला वर्षभराकरिता मध्यवर्ती कारागृह चंद्रपूर मध्ये २ ऑगस्ट रोजी स्थानबद्ध करण्यात आले. Vinit Tawade criminal history MPDA
१५ गुन्ह्यांची नोंद असलेल्या विनीत तावाडे यांच्या विरुद्ध sdpo सुधाकर यादव यांच्या नेतृत्वात रामनगर पोलीस निरीक्षक आसिफ रजा शेख यांनी प्रतिबंध व्हावा यासाठी कलम ३ (१), महाराष्ट्र झोपडपट्टी हातभट्टीवाले, औषधी विषयक गुन्हेगार, धोकादायक व्यक्ती, दृक्श्राव्य कलाकृतीचे विनापरवाना प्रदर्शन करणाऱ्या व्यक्ती, वाळू तस्कर आणि अत्यावश्यक वस्तूचा काळाबाजार करणाऱ्या व्यक्ती यांच्या विघातक कृत्यांना आळा घालण्याबाबत अधिनियम १९८१ सुधारणा २००९, २०१५ MPDA act अनव्ये कारवाईचा अहवाल तयार करून पोलीस अधीक्षक कार्यालय मध्ये पाठविण्यात आला.
स्थानिक गुन्हे शाखेचे पोलीस निरीक्षक अमोल काचोरे यांनी दस्तऐवजाची पडताळणी करून सपोनि योगेश खरसान यांनी स्थानबद्ध प्रस्ताव तयार करीत सदर प्रस्ताव जिल्हाधिकारी कार्यालयात पाठविला, या प्रस्तावावर जिल्हाधिकारी यांनी तात्काळ आदेश मंजूर करीत गुन्हेगार विनीत तावाडे ला जिल्हा कारागृहात वर्षभरासाठी स्थानबद्ध करण्याचा आदेश पारित केला. police action against repeat criminals
सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे व उपविभागीय पोलीस अधिकारी सुधाकर यादव यांच्या मार्गदर्शनात पोलीस निरीक्षक आसिफ रजा शेख, अमोल काचोरे यांच्या नेतृत्वात सपोनि योगेश खारसान, पोउपनि सुरेंद्र उपरे, पोलीस कर्मचारी संजय देशवाले, अरुण खारकर, परवेज शेख, अनिल जमकात व महिला पोलीस मनीषा मोरे, ब्युलटी साखरे यांनी केली.
Sudhir Mungantiwar road inspection : चंद्रपूर – सर्वसामान्य नागरिकांना उत्तम दर्जाच्या पायाभूत सुविधा पुरविण्यासाठी कायम आग्रही असलेले राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी खड्डेमुक्त रस्त्यांसाठी पुढाकार घेतला आहे. तातडीने रस्ते दुरुस्ती करण्याचे निर्देश त्यांनी प्रशासनाला दिले आहे. यातून जनहिताच्या कामांमधील त्यांची तत्परता पुन्हा एकदा बघायला मिळत आहे. pothole accidents in Chandrapur
चंद्रपूर जिल्ह्यातील बल्लारपूर-बामणी-कोठारी, चंद्रपूर-मुल आणि चंद्रपूर-जाम या प्रमुख मार्गांवरील खड्डे आणि उखडलेले रस्ते, ही गंभीर समस्या बनली आहे. रस्त्यावरील खड्डे म्हणजे थेट मृत्यूचे निमंत्रण ठरत आहे. नागरिकांच्या सुरक्षेच्या दृष्टीने ही स्थिती अत्यंत चिंताजनक असून संबंधित विभागांना तात्काळ रस्ते दुरुस्तीची कार्यवाही करण्याचे निर्देश आमदार श्री. सुधीर मुनगंटीवार यांनी बैठकीत दिले.
बल्लारपूर-बामणी-कोठारी आणि चंद्रपूर-मुल या दोन्ही रस्त्यांच्या डागडुजी संदर्भात बल्लारपूर येथील शासकीय विश्रामगृहात आ. श्री. मुनगंटीवार यांनी आढावा बैठक घेतली. त्यावेळी त्यांनी अधिकाऱ्यांना महत्त्वाच्या सूचना दिल्या.
यावेळी वनविकास महामंडळाचे माजी अध्यक्ष चंदनसिंह चंदेल, भाजपा जिल्हाध्यक्ष हरीश शर्मा,उपविभागीय अधिकारी अजय चरडे, तहसीलदार रेणुका कोकाटे, सार्वजनिक बांधकाम विभागाचे अधीक्षक अभियंता अशोक गाडेगोणे, कार्यकारी अभियंता मुकेश टांगले, भाजपा नेते रामपाल सिंग, चंदू मारगोनवार, अक्षय पगारे, उपअभियंता संजोग मेंढे, राज्य महामार्ग विभागाचे उपअभियंता श्री. बोबडे, उपविभागीय अभियंता श्री. अंबुले, श्री. चव्हाण, श्री.राठोड, आदींची उपस्थिती होती.
‘रस्त्याच्या डागडुजीसंदर्भात संबंधित विभागाने तातडीने कार्यवाही करावी. रस्त्याचे अंदाजपत्रक तयार करून तीन दिवसांत निविदा प्रक्रिया सुरू करण्यात यावी. पावसाचा खंड पडताच रस्त्याच्या दुरुस्तीचे काम तातडीने हाती घेण्यात यावे. संबंधित विभागाच्या अधिकाऱ्यांनी खड्डे बुजवण्याचा कार्यक्रम प्रभावीपणे राबवावा. खड्ड्यांमुळे अपघातात अनेक निष्पाप नागरिकांचा बळी गेलेला असून, अशा घटनांवर नियंत्रण मिळवण्यासाठी रस्ते अपघाताच्या बाबतीत कायदा प्रस्थापित करणे आवश्यक आहे. रस्ता उखडलेला असेल किंवा मोठे खड्डे पडले असतील, तर अशा ठिकाणी 100 फुटांपर्यंतचा रस्ता खोदून त्याचे रेडियम पट्ट्यासह संपूर्ण नूतनीकरण करण्यात यावे,’ असे निर्देश आमदार श्री. सुधीर मुनगंटीवार यांनी या बैठकीत दिले. bad road conditions in Chandrapur
त्यासोबतच बीओटी मार्गांवर खड्ड्यांमुळे झालेल्या अपघातात एखाद्याचा मृत्यू झाला, तर अपघातग्रस्त कुटुंबाला 50 लाखांची आर्थिक मदत देण्यात यावी, अशी मागणी शासनाकडे करणार असल्याचेही आ. श्री. मुनगंटीवार म्हणाले. ‘बामणी येथे सर्व्हिस रोड देण्याच्या दृष्टीने तातडीने कार्यवाही करण्यात यावी. कोठारीकडे जाणारा रस्ता आणि कोठारी पुलाचे काम तात्काळ हाती घेण्यात यावे. सर्व रस्त्यांचा ‘रफनेस इंडेक्स’ तपासून तो निर्धारित मानकांनुसार आहे की नाही, हे निश्चित करणे आवश्यक आहे. तसेच, मुल रस्त्यावरील अपघातांने किती मृत्यू झाले आहेत, याबाबतची माहिती पोलीस अधीक्षकांकडून घेण्यात यावी, अशा सूचनाही त्यांनी अधिकाऱ्यांना दिल्या. Chandrapur road repair update
आ. सुधीर मुनगंटीवार यांच्याकडून बल्लारपूर-कोठारी आणि चंद्रपूर-मुल रस्त्याची पाहणी
आमदार श्री. सुधीर मुनगंटीवार यांनी यावेळी बल्लारपूर-कोठारी आणि चंद्रपूर-मुल रस्त्याची पाहणी केली तसेच संबंधित विभागाला तातडीने रस्त्यांची दुरुस्ती करण्याच्या सूचना दिल्या. ज्या दर्जेदार रस्ते तयार होणे अपेक्षित आहे, त्या दर्जाचे काम कंत्राटदारांकडून होताना दिसत नाही, अशी खंतही त्यांनी व्यक्त केली. प्रत्येक प्रकल्पासाठी दिला जाणारा ‘डिफेक्ट लायबिलिटी पिरियड’ (DLP) हा पाच वर्षांचा असून, त्या कालावधीत संबंधित रस्त्याचा ‘रफनेस इंडेक्स’ मोटरेबल ठेवणे बंधनकारक आहे. pothole accidents in Chandrapur
खड्डा लहान असतानाच त्याची तत्काळ दुरुस्ती करावी. पावसाळ्यापूर्वी रस्त्यांची दुरुस्ती होणे आवश्यक असून, गरज असल्यास त्यावर कार्पेटिंग करावे. मोठ्या प्रमाणात खड्डे असलेल्या व उखडलेल्या रस्त्यांच्या नूतनीकरणाचे काम कंत्राटदाराकडून तातडीने करून घेण्यात यावे, असे स्पष्ट निर्देश आमदार श्री. सुधीर मुनगंटीवार यांनी संबंधित विभागाला यावेळी दिले.
Deported criminal returns with gun : चंद्रपूर – ३० जुलै रोजी चंद्रपूर शहरातील जुनोना मार्गावरील विक्तूबाबा मंदिराजवळ लहान भावाने मोठ्या भावाची गोळ्या झाडून हत्या केली होती. पैश्याच्या वादातून हि हत्या झाल्याची माहिती पुढे आली होती. पोलिसांनी या प्रकरणातील ३ आरोपीना अटक केली.
बुधासिंग टाक यांचेवर त्याच्या लहान भाऊ सोनुसिंग जितसिंग टाक याने आपल्या साथीदारासहित गोळीबार केला होता, या गोळीबारात बुधासिंग चा जागीच मृत्यू झाला, आरोपी सोनुसिग या गोळीबारानंतर पसार झाला होता. घटनेनंतर स्थानिक गुन्हे शाखा व रामनगर पोलिसांनी आरोपीला पकडण्यासाठी अथक परिश्रम घेत ३ आरोपीना अटक केली. ज्यामध्ये मुख्य आरोपी सोनुसिंग, लाला उर्फ नैनेश सहा व आरोपीना पळून जाण्यास मदत करणारा पवन पाटील राहणार फुले चौक बाबुपेठ यांचा समावेश आहे. Deported criminal
सर्वात महत्वाची बाब म्हणजे आरोपी सोनुसिंग याला पोलिसांनी काही दिवसापूर्वी चंद्रपूर जिल्ह्यातून हद्दपार केले होते. सोनुसिंग वर अनेक गंभीर गुन्हे दाखल आहे. पोलिसांनी त्याला गडचिरोली जिल्ह्याच्या सीमेवर सोडले होते. त्यानंतर सोनुसिंग हा चंद्रपुरात देशी कट्ट्यासह परतला.
काही वर्षांपूर्वी विक्तूबाबा मंदिर जवळ गुन्हगारी वृत्ती अत्यंत फोफावली होती, त्यावेळी रामनगर चे तत्कालीन सहायक पोलीस निरीक्षक हर्षल एकरे यांनी पोलिसी खाक्या दाखवीत गुंडांची दहशत संपवण्याचा प्रयत्न केला, एकरे यांची बदली झाल्यावर परिस्थिती जैसे थे झाली.
गुप्तचर यंत्रणा गाफील
हद्दपार गुन्हेगार पुन्हा जिल्ह्यात देशी कट्ट्यासह परतला, याबाबत पोलीस यंत्रणा पूर्णतः गाफील राहिली. विशेष म्हणजे पोलीस प्रशासनाची गुप्तचर यंत्रणा फेल झाली. आरोपीना पकडण्यासाठी रामनगर पोलीस स्टेशनचे ठाणेदार आसिफ रजा व स्थानिक गुन्हे शाखेचे पोलीस निरीक्षक अमोल काचोरे यांनी कौशल्यपूर्ण तपास करून अटक केली. मात्र गुन्हेगार हत्यारांसहित जिल्हात परत आला हे मात्र रामनगर व स्थानिक गुन्हे शाखेला का कळले नाही? हे पोलीस विभागाचे अपयशचं म्हणावे लागेल. कारण चंद्रपुरातील रामनगर पोलीस स्टेशनच्या हद्दीत हाजी ची हत्या झाली त्यावेळी आरोपी हे काही दिवसापासून बंदुकीसह शहरात वावरत होते त्यावेळी सुद्धा पोलीस यंत्रणा अशीच गाफील राहिली होती.
Truck collapses under Belora bridge : घुग्घुस: आज सकाळी ९:३० वाजण्याच्या सुमारास वर्धा नदीवरील बेलोरा पुलावरून चड्डा ट्रान्सपोर्ट कंपनीचा १८ चाकी ट्रक (क्रमांक MH34 BZ 1402) अनियंत्रित होऊन ७० फूट खोल दरीत कोसळला. या अपघातात ट्रक चालक राजा यादव गेल्या पाच तासांपासून केबिनमध्ये अडकून जीवन-मरणाशी झुंज देत होता. त्याला वाचवण्यासाठी शासन-प्रशासन, वेकोली प्रशासन, चड्डा कंपनी आणि स्थानिक नागरिकांनी युद्धपातळीवर प्रयत्न सुरू केले होते.
वेकोली प्रशासनाने गॅस कटर, हायड्रा मशीन, ऑक्सिजन मशीन, व्हेंटिलेटर आणि डॉक्टर्ससह सर्व आपत्कालीन सुविधा घटनास्थळी बोलावून चालकाला वाचवण्याचा प्रयत्न केला. त्याचबरोबर शिरपूर पोलीस आणि घुग्घुस पोलिसांनीही केबिनमध्ये अडकलेल्या चालकाला वाचवण्यासाठी पूर्णपणे सुरक्षा व्यवस्था, वाहतूक नियंत्रण आणि इतर तत्पर सेवा पुरवत सहकार्य केले. Big accident
अखेर घटनेला पाच तास उलटल्यानंतर, केबिनमध्ये अडकलेल्या घुग्घुस शास्त्रीनगर येथील रहिवासी ट्रक चालक राजा यादव यांनी घुग्घुस वेकोलीच्या राजीव रतन दवाखान्यात अखेरचा श्वास घेतला.
शिरपूर पोलीस निरीक्षक माधव शिंदे यांच्या प्रयत्नाने वणी नगर परिषदेतून केबिन कापण्यासाठी स्पायडर कटर मशीन मागवण्यात आले होते. तसेच घुग्घुस पोलीस ठाण्याचे एपीआय पाटील यांनीही चालकाला वाचवण्यासाठी आटोकाट प्रयत्न केले होते.
५ तासाच्या मरण यातना
वेकोलीचे अधिकारी, सुरक्षा कर्मचारी आणि पोलीस दल गेल्या पाच तासांपेक्षा अधिक काळ घटनास्थळी उपस्थित राहून भूक-तहान विसरून उन्हात उभे राहून जीव वाचवण्यासाठी प्रयत्न करत होते.
पण नशिबात लिहिलेल्या मृत्यूला कोण टाळू शकतं! अखेर राजाला वाचवण्याच्या प्रयत्नांतील अपयशामुळे उपस्थित सर्वांच्या डोळ्यात अश्रू तरळले.
कुटुंबीयांनी दवाखान्यात पोहोचून चड्डा ट्रान्सपोर्ट कंपनीकडून नुकसानभरपाईची मागणी केली.
घुग्घुस पोलिसांनी घटनास्थळी पंचनामा केला असून, मृतदेह शवविच्छेदनासाठी चंद्रपूरच्या शासकीय रुग्णालयात पाठवला आहे. पुढील तपास घुग्घुस पोलीस करत आहेत.
Aga Khan India climate adaptation initiatives : चंद्रपूर 1 ऑगस्ट – हवामान बदलामुळे वाढता धोका लक्षात घेता, चंद्रपूर महापालिका आणि आगा खान एजन्सी फॉर हॅबिटॅट इंडिया यामध्ये 3 वर्षांसाठी करार करण्यात आला असुन उष्णता आणि पूर यांसारख्या अडचणींवर उपाय शोधले जातील. टाटा ट्रस्ट्स या उपक्रमासाठी पाठबळ देत असुन यामध्ये स्थानिक लोकांचा सहभाग आणि शाश्वत (टिकाऊ) शहर विकास यावर भर दिला जाईल. Tata Trusts supported community training program
या सहकार्यांतर्गत सार्वजनिक ठिकाणी हवामानाशी जुळणारे बदल करणे जसे की अतिउष्णता किंवा अतिवृष्टी यामुळे पुराचा धोका ओळखणे, नागरिकांच्या गरजा लक्षात घेऊन उपाययोजना करणे इत्यादी अनेक कामे केली जातील.त्याचप्रमाणे 200 हून अधिक गरजू कुटुंबांची घरांमध्ये उष्णता कमी करणाऱ्या उपायांचा अवलंब केला जाईल, जे उन्हाळ्यात घराचे तापमान कमी करण्यात मदत करतील. त्यांच्या परिणामाचा अभ्यास करू इतरांना या उपाययोजना बाबत मार्गदर्शन केले जाईल. heatwave solutions for low-income households
जमिनीचे तापमान, अधिक वेळ टिकून राहणारी उष्णता,जोखीम मूल्यांकन व इतर नैसर्गिक संकटांचा अभ्यास करून आवश्यक भागांमध्ये उपाय योजले जातील. काही शाळा व महापालिकेच्या इमारतींमध्ये ऊर्जा आणि पाण्याचा कमी वापर करणारी उपकरणे बसवण्यात येऊन हरीत भाग वाढवण्यासाठीही प्रयत्न केले जातील. पूर धोका कमी करण्यासाठी निर्णय घेता यावा म्हणून पाण्याचा प्रवाह, भूजल यावर अभ्यास केला जाईल. पावसाचे पाणी मुरवण्यासाठी पेव्हर ब्लॉक्स, पुनर्भरण विहिरी असे काही प्रयोग देखील राबवले जातील.
या उपक्रमात नागरिकांना त्यांनी आपत्तीच्या काळात तत्काळ मदत कशी करावी याचे प्रशिक्षण देण्यात येईल, जेणेकरून ते स्वतःचे व इतरांचे संरक्षण करू शकतील.सदर वेळी उपायुक्त संदीप चिद्रावर,डॉ.नयना उत्तरवार,डॉ.अमोल शेळके, आगा खान एजन्सी फॉर हॅबिटॅट इंडिया चे सीईओ प्रेरणा लांगा, प्रकल्पप्रमुख जुबेर शेख, प्रकल्प व्यवस्थापक विक्रांत हरंखेडे, प्रकल्प समन्वयक हर्षल बारंगे तसेच समुदाय प्रेरक अमित नागदिवे, ऋतिक वाळके, शीतल मगार आणि योगिता खामणकर उपस्थित होते. Aga Khan Habitat India Maharashtra partnership
“चंद्रपूरच्या भौगोलिक रचनेनुसार आणि नागरिकांच्या विविध गरजांनुसार आम्हाला अशा उपायांची गरज आहे जे स्थानिक पातळीवर उपयोगी पडतील व शास्त्रीय माहितीवर आधारित असतील. आगा खान एजन्सी व टाटा ट्रस्ट्स यांच्या सहकार्यामुळे आम्ही उष्णतेच्या लाटांपासून आणि पूर संकटांपासून संरक्षण करण्यासाठी एक पाऊल पुढे टाकले आहे. हा उपक्रम चंद्रपूरला एक सुरक्षित, सर्वसमावेशक आणि हवामानदृष्ट्या मजबूत शहर बनवण्याच्या दिशेने पुढे नेईल.” – आयुक्त विपिन पालीवाल
“हा करार म्हणजे प्रत्यक्ष काम करणाऱ्या उपायांनी हवामान बदलास सामोरे जाण्याची सुरुवात आहे. आम्ही वैज्ञानिक अभ्यास आणि जमिनीवर राबवता येतील अश्या प्रयोगांद्वारे चंद्रपूरची उष्णता व पूर परिस्थितीच्या अडचणींवर काम करून चंद्रपूरला हवामान अनुकूल शहरात रूपांतरित करणे आमचे उद्दिष्ट आहे.” – प्रेरणा लांगा, मुख्य कार्यकारी अधिकारी, आगा खान एजन्सी फॉर हॅबिटॅट इंडिया
आगा खान एजन्सी फॉर हॅबिटॅट इंडियाबद्दल –
ही संस्था २०१६ साली स्थापन झाली असून ती लोकांना नैसर्गिक आपत्तींपासून सुरक्षित ठेवणे, हवामान बदलाशी जुळवून घेण्यास मदत करणे, आणि चांगल्या जीवनासाठी लागणाऱ्या सुविधा उपलब्ध करून देण्याचे काम करते. ही संस्था ना नफा तत्वावर कार्य करणारी असुन सध्या ही संस्था महाराष्ट्र, गुजरात आणि तेलंगणामध्ये काम करते.
Rocket country liquor fake smuggling case : चंद्रपूर – चंद्रपूर जिल्ह्यातून बनावट दारूची होणारी वाहतूक स्थानिक गुन्हे शाखेच्या पथकाने हाणून पाडली, पोलीस पथकाने बनावट दारूसहीत तब्बल २१ लाख १५ हजारांचा मुद्देमाल जप्त करीत एका आरोपीला अटक केली. विशेष बाब म्हणजे पुष्पा सिनेमा प्रमाणे बनावट दारू शेपूची भाजी च्या कॅरेटमध्ये लपवून ठेवली होती.
मागील काही महिन्यापासून चंद्रपूर जिल्ह्यात मोठ्या प्रमाणात बनावट दारू ची तस्करी होत आहे, पोलीस तस्करांचा प्रयत्न हाणून पाडत असली तरी छुप्या मार्गाने हि दारू जिल्ह्यात येतच आहे. health risk from counterfeit alcohol
३१ जुलै रोजी स्थानिक गुन्हे शाखेला बनावट दारूची तस्करी होणार आहे अशी माहिती मिळाली सदर दारू हि वरोरा तालुक्यात येणार होती, यवतमाळ जिल्ह्यातून वरोरा मार्गे दारूबंदी जिल्हा वर्धा येथून दारूची वाहतूक सुरु होती. पोलिसांनी वेगवेगळ्या ठिकाणी नाकाबंदी केली.
शेपूच्या कॅरेट मध्ये दारू
मौजा वरोरा माढेळी मार्गावरून एक पिकअप वाहन क्रमांक mh२७ x ८२१० येताना दिसले असता पोलिसांनी वाहन थांबवीत वाहनांची झडती घेतली, वाहनात शेपूच्या भाजीचे कॅरेट आढळले, त्या कॅरेट मध्ये रॉकेट देशी दारूचे ९० ml च्या तब्बल १५० पेट्या किंमत ६ लाख रुपये मिळून आले.
पोलिसांनी या प्रकरणी चालक २७ वर्षीय सागर अशोक परदेशी राहणार चाळीसगाव जिल्हा जळगाव याला ताब्यात घेतले, सदर गुन्ह्यात चालकाचा साथीदार यांचेवर वरोरा पोलीस स्टेशनमध्ये महाराष्ट्र दारूबंदी कायद्यांतर्गत गुन्हा दाखल करण्यात आला असून पुढील तपास वरोरा पोलीस करीत आहे.
सदरची यशस्वी कारवाई स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात सपोनि दीपक कांक्रेडवार, बलराम झाडोकार, पोउपनि विनोद भुरले, संतोष निंभोरकर, सर्वेश बेलसरे, सुनील गौरकार, इम्रान खान, किशोर वाकाटे यांनी केली.
How to start an M-Sand project : चंद्रपूर, दि. 1 : कृत्रिम वाळू (एम-सॅण्ड) उत्पादनास प्रोत्साहन देण्यासाठी शासनाने धोरण जाहीर केले आहे. या धोरणाची प्रभावी अंमलबजावणी व नागरिकांसाठी प्रक्रिया सुलभ व्हावी म्हणून महसूल व वनविभागाने परवानगी मिळविण्याची स्पष्ट कार्यपद्धती जाहीर केली आहे.
एम-सॅण्ड प्रकल्प सुरू कसा करावा (परवानगी घेण्याची प्रक्रिया) :
कोण अर्ज करू शकतो : शासन, महामंडळ किंवा खाजगी क्षेत्राकडे उपलब्ध असलेल्या / मंजूर झालेल्या जमिनीवर तसेच पूर्वी मंजूर असलेल्या खाणपट्ट्या मधून इच्छुक व्यक्ती, संस्था, कंपनी किंवा युनिट मालक अर्ज करू शकतात. अर्जदार अवैध गौण खनिज उत्खनन किंवा वाहतूक प्रकरणात दोषी असल्यास त्यास अर्ज करता येणार नाही.
अर्ज कसा व कोठे करावा : ‘महाखनिज’ (Mahakhanij) ऑनलाइन संगणक प्रणालीवर जिल्हानिहाय ऑनलाइन अर्ज करावा लागेल.
आवश्यक कागदपत्रे : 7/12 उतारा किंवा जमीन मिळकतीचे कागद (जमीन खाजगी असेल तर), आधारकार्ड व पॅनकार्ड, आवश्यक अर्ज फी ची पावती, महाराष्ट्र प्रदूषण नियंत्रण मंडळाचे “Consent to Establish CTE” प्रमाणपत्र, उद्योग आधार नोंदणी अथवा जिल्हा उद्योग केंद्राचे नोंदणी प्रमाणपत्र, व्यापारी परवाना (महाराष्ट्र गौण खनिज उत्खनन कायदा 2013, नियम 71 अन्वये), प्रकल्प स्थळी व परिसरातील वापरासाठी संबंधित प्राधिकरणाची मंजूरी किंवा ना-हरकत प्रमाणपत्र.
अशी आहे प्रक्रिया
अर्ज केल्यानंतर जिल्हाधिकारी व संबंधित विभागांकडून प्रस्तावाची छाननी होईल. प्रस्ताव मंजूर झाल्यानंतर राज्य शासनाची अंतिम योग्य किंवा अयोग्यतेची मान्यता मिळेल. शासनमान्यता मिळाल्यानंतर सर्व परवानग्या (CTE, व्यापारपरवाना, इ.) पूर्ण झाल्या असेल, तर 6 महिन्यांच्या आत प्रत्यक्ष एम-सॅण्ड युनिट सुरू करणे बंधनकारक आहे. Mahakhanij online system step by step
आवश्यक बाबी : जिल्हाधिकारी हे जिल्ह्यातील नोडल अधिकारी असून, त्यांच्याच मार्गदर्शनाखाली सर्व प्रक्रिया पार पडेल. जिल्ह्यातील पहिल्या 50 प्रकल्पांना ‘महाखनिज ‘प्रणालीवर अर्ज सादर करून महसूल व उद्योग विभागाच्या सवलती लागू करू शकतात. सर्व प्रकारची मंजुरी व परवानग्या प्राप्त झाल्यानंतरच एम-सॅण्ड युनिट कार्यान्वित करता येईल. सुरुवातीला Consent to Operate’ परवानगी घ्यावी लागेल, असे जिल्हा खनीकर्म अधिकारी रोहन ठवरे यांनी कळविले आहे.
