My Blog

Blog

  • Pradhan Mantri Awas Yojana Urban 2.0 । महिलांच्या नावावर घर मिळवायचंय? आता ही योजना तुमच्यासाठी!

    Pradhan Mantri Awas Yojana Urban 2.0

    Pradhan Mantri Awas Yojana Urban 2.0 : चंद्रपूर 1 ऑगस्ट – चंद्रपूर शहर महानगरपालिकेमार्फत “प्रधानमंत्री आवास योजना (शहरी) 2.0” योजना राबविली जात असुन या अंतर्गत दोन प्रकारांत अर्ज मागविण्यात येत आहेत. यातील वैयक्तिक स्वरूपातील घरकुल बांधकाम हा पहिला व तर भागीदारी तत्वावर परवडणारी घरे हा दुसरा घटक आहे.  

    रमाई आवास घरकुल योजनेसाठी अर्ज करा

       यातील वैयक्तिक स्वरूपातील घरकुल बांधकाम घटकांतर्गत चंद्रपूर शहरातील ज्या नागरिकांकडे स्थायी पट्टे (स्वतः मालकीची जागा) आहे  (बांधकाम प्रतिबंधित क्षेत्र वगळता) त्यांना घरकुलाचा लाभ घेण्यास (रु. 2.50  लक्ष अनुदान) अर्ज करता येतो. तसेच भागीदारी तत्वावर परवडणारी घरे या घटकांतर्गत ज्या नागरीकांकडे स्वमालकीची जागा अथवा जमीन उपलब्ध नाही व चंद्रपूर शहरात भाडेकरू म्हणून वास्तव्यास आहेत अशा नागरिकांना अर्ज सादर करता येणार आहे.


        माननीय पंतप्रधान महोदयाच्या “सर्वांसाठी घरे” या संकल्पनेच्या अंतर्गत केंद्र पुरस्कृत “प्रधानमंत्री आवास योजना” आर्थिकदृष्ट्या दुर्बल घटक व गरजू नागरिकांसाठी सुरु करण्यात आली आहे. या योजनेचा दुसरा टप्पा 1 सप्टेंबर 2024 पासुन राबविण्यात येत आहे.ही योजना महिला सदस्याच्या नावावर किंवा संयुक्त नावावर घर/जमिनीची मालकी देऊन महिला सक्षमीकरणाला प्रोत्साहन देते. या योजनेअंतर्गत, शहरी भागातील झोपडपट्टीवासीय आणि आर्थिकदृष्ट्या दुर्बल घटक (EWS), कमी उत्पन्न गट (LIG) आणि मध्यम उत्पन्न गट (MIG) श्रेणीतील इतर लोकांना प्राधान्य दिले जाते.  how to apply PMAY Urban scheme in Chandrapur

    लाभार्थी पात्रता –

    • अर्जदार व त्याचे कुटुंबीय यांच्यापैकी कुणाचेही भारतात पक्के घर नसावे तसेच घरातील सदस्य शासनासोबत किंवा सरकारी गृहनिर्माण संस्थेसोबत घरधारक नसावेत.
    • अर्जदाराचे वार्षिक उत्पन्न 4 लक्ष 50 हजार रुपयांच्या आत असावे.
    • लाभार्थी म्हणून गेल्या 20 वर्षात शासनाच्या कोणत्याही घरकुल योजनेचा लाभ घेतलेला नसावा. PMAY Urban 2.0 eligibility and documents 

    आवश्यक कागदपत्रे

    • आधार कार्ड
    • ओळख पत्र (PAN/मतदार ओळखपत्र)
    • उत्पन्न प्रमाणपत्र (अस्सल प्रत)
    • बँक पासबुक (IFSC कोड असलेले)
    • मालमत्ता मालकीचे प्रमाणपत्र (7/12 उतारा, मालमत्ता दाखला)
    • घर बांधकाम परवानगी/मंजूरी पत्र
    • विवाह प्रमाणपत्र (विवाहित असल्यास)
    • जातीचा दाखला (SC/ST/OBC साठी)
    • विकलांग प्रमाणपत्र (अर्जदार अपंग असल्यास)
    • पासपोर्ट साईझ फोटो (२ नग)
    • आधार लिंक असलेले मोबाईल नंबर
    • शपथपत्र तसेच घटक क्र. 2 मध्ये अर्ज करतांना शहरात कुठेही स्थावर मालमत्ता नसल्याचे प्रमाणपत्र आवश्यक राहील  
    • येथे करावा अर्ज –
    • उमेदवारांनी https://pmay-urban.gov.in या संकेतस्थळावर किंवा जवळच्या सेतू केंद्रावर ऑनलाईन अर्ज सादर करावा. अर्जासोबत आवश्यक कागदपत्रे स्कॅन करून अपलोड करणे बंधनकारक आहे.
    • अधिक माहितीकरिता संपर्क:
    • घरकुल विभाग,सात मजली इमारत,प्रथम माळा,चंद्रपूर शहर महानगरपालिका.  

  • GST exemption on eye care devices in India । 🏛️ 78 लाख पेन्शनधारकांसोबत डोळ्यांच्या उपकरणांवरील जीएसटी हटवण्याची मागणी!

    GST exemption on eye care devices in India

    खासदार प्रतिभा धानोरकरसह शिष्टमंडळाची केंद्रीय अर्थमंत्री निर्मला सीतारामन यांची भेट

    GST exemption on eye care devices in India : चंद्रपूर : सार्वजनिक आरोग्याची निकड आणि देशातील कोट्यवधी नागरिकांची गरज लक्षात घेऊन दृष्टी-बचत करणाऱ्या डोळ्यांच्या उपकरणांवरील जीएसटी आणि सीमाशुल्क माफ करण्याची शिफारस केली आहे. तसेच  सहकारी आणि खाजगी क्षेत्रातील  निवृत्त झालेल्या सुमारे ७८ लाख पेन्शनधारकांच्या मागण्यांची दखल घेण्याची विनंती खासदार प्रतिभा धानोरकर सह शिष्टमंडळाची केंद्रीय अर्थमंत्री निर्मला सीतारामन यांची भेट घेऊन केली आहे.  EPS 95 pensioners demand 2025 update

    महामार्गावरील जीवघेणे खड्ड्याबाबत खासदार धानोरकर यांचं नितीन गडकरी यांना निवेदन

    याच मागणीला पाठिंबा देत, खासदार प्रतिभा धानोरकर यासह खासदार डॉ. शिवाजी काळगे, खासदार डॉ. शोभा बचाव, खासदार प्रा. वर्षा गायकवाड, खासदार डॉ. कल्याण काळे, खासदार बळवंत वानखेडे यांच्यासह अर्थमंत्री निर्मला सीतारामन यांची भेट घेतली. 

    खासदार प्रतिभा धानोरकर यांनी त्यांच्या पत्रात नमूद केले आहे की, ‘ऑल-इंडिया ऑप्थल्मोलॉजिकल सोसायटी’ (AIOS) ने या उपकरणांवरील कर पुन्हा लागू केल्यामुळे त्यांच्या किमतीत मोठी वाढ झाली असून, त्यामुळे गरीब आणि गरजू रुग्णांना डोळ्यांची योग्य काळजी घेणे अवघड झाले आहे. देशात करोडो लोकांना दृष्यदोष किंवा अंधत्वाचा त्रास होत आहे, ज्यापैकी बहुतांश लोक आर्थिकदृष्ट्या दुर्बळ आहेत.

    मोफत नेत्रसेवा पुरवण्यात अडचणी

    या उपकरणांवरील ७.५-१०% सीमाशुल्क आणि १२% जीएसटीमुळे आवश्यक उपचारांचा खर्च वाढला आहे. याचा थेट परिणाम धर्मादाय आणि सार्वजनिक आरोग्य संस्थांच्या कार्यावर होत असून, त्यांना अनुदानित किंवा मोफत नेत्रसेवा पुरवण्यात अडचणी येत आहेत.

    खासदार प्रतिभा धानोरकर यांनी पत्रात पुढे म्हटले आहे की, भारत सरकारने यापूर्वी ‘नोटिफिकेशन ६९/९३-CE’ अंतर्गत या उपकरणांना सूट दिली होती. ही सूट पुन्हा लागू केल्यास ‘राष्ट्रीय अंधत्व नियंत्रण कार्यक्रम’ आणि ‘व्हिजन २०३०’  यांसारख्या राष्ट्रीय उपक्रमांना बळ मिळेल.

    तसेच यावेळी  ‘ईपीएस अंतर्गत १८६ सार्वजनिक, सहकारी आणि खाजगी क्षेत्रातील  निवृत्त झालेल्या सुमारे ७८ लाख पेन्शनधारकांच्या मागण्यांची दखल घेण्याची विनंती करण्यात आली आहे. या पेन्शनधारकांना सन्मानपूर्वक जीवन जगता यावे यासाठी त्यांच्या मागण्यांचा तातडीने विचार करण्याची विनंती शिष्टमंडळाने केली. 

  • Ramai Awas Gharkul Yojana Chandrapur 2025 । चंद्रपूरमध्ये गरजूंना मिळणार पक्कं घर!, रमाई आवास योजना’साठी अर्ज सुरू!

    Ramai Awas Gharkul Yojana Chandrapur 2025

    Ramai Awas Gharkul Yojana Chandrapur 2025 : चंद्रपूर 1 ऑगस्ट –  चंद्रपूर शहर महानगरपालिकेमार्फत अनुसूचित जाती व नवबौद्ध घटकांतील गरजू नागरी लाभार्थ्यांसाठी “रमाई आवास घरकुल योजना (शहरी)” राबविली आत असून या अंतर्गत अर्ज प्रक्रिया सुरू करण्यात आली आहे. या योजनेअंतर्गत पात्र लाभार्थ्यांना घरकुल बांधकामासाठी 2 लक्ष 50 हजार (बीपीएल)  तसेच 2 लक्ष 25 हजार (बीपीएल) इतके आर्थिक अनुदान दिले जाणार आहे.

    चंद्रपुरात गुंतवणुकीच्या नावावर फसवणूक

      सामाजिक न्याय व विशेष सहाय्य विभागामार्फत अनुसूचित जाती व नवबौद्ध घटकांसाठी सुरु करण्यात आलेल्या या  घरकुल योजनेअंतर्गत अनुसूचित जाती व नवबौद्ध घटकांतील लोकांचे राहणीमान उंचावणे, त्यांच्या निवाऱ्याचा प्रश्न सुटावा म्हणून ग्रामीण व शहरी भागामध्ये त्यांच्या स्वतःच्या जागेवर अथवा कच्च्या घराच्या  ठिकाणी पक्के घर बांधून देण्यात येते. Urban Gharkul Yojana eligibility and documents

    लाभार्थी पात्रता –

    • अर्जदार महाराष्ट्र राज्यातील रहिवासी असावा.
    • अर्जदाराचे स्वतःचे घर नसावे.
    • अर्जदार अनुसूचित जाती किंवा नवबौद्ध घटकातील असावा.
    • घरकुल बांधकाम महानगरपालिका क्षेत्रात 2 लक्ष 50 हजार रुपयेच्या मर्यादेत करणे आवश्यक आहे.
    • वार्षिक उत्पन्न मर्यादा 3 लाखांपेक्षा जास्त नसावी.
    • घराचे बांधकाम चटई क्षेत्र 269 चौ. फूट राहील.
    • घराच्या बांधकामाच्या खर्चामध्ये मनपा हिस्सा १० टक्के राहील. दारिद्रयरेषेखालिल कुटुंबासाठी लाभार्थी हिस्सा भरण्याची आवश्यकता नाही.
    • अर्जदाराने यापूर्वी घरकुलासंबंधी शासनाच्या कोणत्याही योजनेचा लाभ घेतलेला नसावा. 

    आवश्यक कागदपत्रे:

    • जातीचा दाखला (कास्ट सर्टिफिकेट)
    • उत्पन्नाचा दाखला (तहसीलदार यांचा चालू वर्षाचा) –सत्य प्रत
    • रेशनकार्ड
    • घरटॅक्स पावती (चालू वर्षाची)
    • मतदान ओळखपत्र (व्होटर कार्ड)
    • दारिद्र्य रेषेखालील दाखला (असल्यास)
    • रहिवासी दाखला १५ वर्षांचा (तहसीलदार यांचा )
    • अर्जदारासोबतचा कच्चे घर/झोपडी/खुल्या भूखंडाचा फोटो (सद्यस्थितीतील)
    • अर्जदार पती/पत्नी यांचे पासपोर्ट फोटो
    • इलेक्ट्रिक बिल
    • दारिद्र्य रेषेखालील प्रमाणपत्रातील नमुद कुटुंबातील अन्य कोणत्याही व्यक्तीने घरकुलाचा लाभ घेतला नसल्याबाबतचे शपथपत्र (रु. 100/- चा स्टॅम्प पेपरवरील नोटरी करणे)


    अर्ज प्रक्रिया:
    सर्व पात्र लाभार्थ्यांनी आवश्यक कागदपत्रांसह चंद्रपूर शहर महानगरपालिकेच्या घरकुल विभागाशी संपर्क साधून अर्ज सादर करावा.
    अधिक माहितीसाठी संपर्क:
    घरकुल विभाग,सात मजली इमारत,प्रथम माळा,चंद्रपूर शहर महानगरपालिका.

  • Amma Chowk controversy । चंद्रपुरात “अम्मा’ वरून नवा वाद, कांग्रेसचे मनपाला निवेदन

    Amma Chowk controversy

    Amma Chowk controversy : चंद्रपूर | शहर पोलीस स्टेशन आणि सात मजली इमारत यांच्या मधोमध असलेल्या जागेवर चंद्रपूर महानगरपालिकेच्या माध्यमातून अचानक एका पुतळ्याचे बांधकाम सुरू करण्यात आले आहे. ही जागा सध्या पुरातत्व विभागाच्या देखरेखीखाली असतानाही कोणतीही पूर्वसूचना अथवा परवानगी न घेता सुरू करण्यात आलेल्या या कामाबाबत तीव्र नाराजी व्यक्त होत आहे.

    चंद्रपुरात गुंतवणुकीच्या नावावर कोट्यवधींची फसवणूक

    या अनधिकृत कामाचा तीव्र निषेध करत चंद्रपूर शहर जिल्हा काँग्रेस कमिटीचे जिल्हाध्यक्ष रितेश (रामू) तिवारी यांनी हे बांधकाम तातडीने थांबविण्याची मागणी केली. त्यांनी या संदर्भात महानगरपालिका आयुक्त विपिन पालीवाल यांना निवेदन सादर करून सदर बांधकामास त्वरित स्थगिती देण्याची मागणी केली आहे. Congress complaint to municipal commissioner

    congress complaint to municipal commissioner

    ओळख पुसण्याचा डाव

    चंद्रपूर शहरातील सात मजलीसमोरील फुटपाथ वर स्व. गंगुबाई जोरगेवार (अम्मा) टोपल्या विकायला बसायच्या. त्या सदर जागेला परिसराला “अम्मा चौक” असे नांव देण्याबाबत मनपा प्रशासकाने मान्यता प्रदान केली. चंद्रपूर शहरातील स्वातंत्र्य संग्राम सैनिक, समाजसेवक, माजी लोकप्रतिनिधी यांच्या कार्याची आठवण ठेवून मनपाने कधीच स्मारक बनण्याचा विचार केला नाही. मात्र एखादी महिला त्या ठिकाणी टोपल्या विकत होती म्हणून त्या परिसराला त्यांचे नाव देणे कितपत योग्य आहे. हा संपूर्ण परिसर गांधी चौक म्हणून ओळखला जातो मात्र ही ओळख पुसण्याचा डाव आखण्यात देत आहे, असा आरोप तिवारी यांनी केला. 


    तिवारी यांनी सांगितले की, हा परिसर पुरातत्व विभागाच्या संरक्षणाखाली येतो. त्या जागेवर कोणत्याही प्रकारचे बांधकाम करणे कायद्याच्या विरोधात आहे. अशा प्रकारची कारवाई केल्यास शहरातील ऐतिहासिक व सांस्कृतिक वारशाला धोका पोहोचू शकतो. महानगरपालिकेने या प्रकरणी तातडीने खुलासा करावा आणि संबंधित काम थांबविण्याची कारवाई करावी, अशी मागणी देखील या निवेदनात करण्यात आली आहे.

  • India Today ranking SP College Chandrapur । 📊 देशात नामवंत ठरले SP कॉलेजचे कोर्सेस – जाणून घ्या कोणते अभ्यासक्रम मिळाले टॉप रँक!

    India Today ranking SP College Chandrapur

    India Today ranking SP College Chandrapur : चंद्रपूर- ‘इंडिया टुडे’ या नामांकित मासिकातर्फे दरवर्षी महाविद्यालयाचे शाखानिहाय मूल्यांकन स्वयंप्रेरणेने करण्यात येते. अलीकडेच २०२४-२५ सत्रासाठी देखील ‘इंडिया टुडे’ ने मूल्यांकन करून राष्ट्रीय स्तरावर महाविद्यालयातील शाखांच्या मानांकनामध्ये येथील सरदार पटेल महाविद्यालयातील सर्वच शाखांना मानांकनात स्थान मिळाले आहे. सर्वोत्कृष्ट मानांकनात मागील वर्षीच्या तुलनेत महाविद्यालयातील कला, विज्ञान व वाणिज्य विभागाने यंदा भरारी घेत वरचे स्थान पटकाविले आहे.

    चंद्रपुरात गुंतवणुकीच्या नावावर नागरिकांची फसवणूक

    पालकांना आपल्या पाल्याला प्रवेश देताना उत्कृष्ट महाविद्यालय निवडण्यासाठी या मानांकनाचा उपयोग होतो. हे मानांकन ठरवताना ‘इंडिया टुडे’ मासिकातर्फे महाविद्यालयात उपलब्ध सोयी सुविधा, इमारत, विद्यार्थ्यांचा परीक्षेतील गुणानुक्रम, उपलब्ध प्राध्यापकांची संख्या, शैक्षणिक व इतर उपक्रम, विद्यार्थ्यांना दिलेल्या नोकरी विषयक संधी, प्रशिक्षण विद्यार्थ्यांच्या सर्वांगीण विकासासाठी केलेले प्रयत्न, अभ्यासक्रमाची पातळी इत्यादी बाबींचा अहवाल मागविण्यात येतो.

    मानांकनात मोठी झेप

    त्या आधारावर या मानांकनाची क्रमवारी प्रसिद्ध करण्यात येते. नुकतीच ती ‘इंडिया टुडे’ च्या ३० जून २०२५ च्या विशेष अंकात प्रकाशित करण्यात आली आहे. २०२४ च्या तुलनेत कला शाखेचे मानांकन १७० वरून १६४ वर, विज्ञान शाखेचे मानांकन ११७ वरून ११० वर, तर वाणिज्य शाखेचे मानांकन १४० वरून १३९ वर जाहीर झाले आहे.
    फॅशन विभागाला ५४, तर जनसंवाद विभागाला राष्ट्रीय स्तरावर ५८ वा क्रमांक मिळाला असल्याची माहिती समोर आली आहे. Sardar Patel Mahavidyalaya Chandrapur top ranked in India Today survey

    किमान प्रवेश शुल्क आकारणाऱ्या देशातील पहिल्या १० मध्ये महाविद्यालयाच्या संगणकशास्त्र विभागाचा बीसीए हा अभ्यासक्रम पहिल्या दहात चौथ्या क्रमांकावर, जनसंवाद विभागाचा एम.एम.(मास कम्युनिकेशन) हा अभ्यासक्रम पहिल्या दहा मध्ये चौथ्या स्थानावर आहे. यातच वाणिज्य विभागही पहिल्या दहात सातव्या क्रमांकावर आहे. India Today ranked Mass Communication course Chandrapur college

    महाविद्यालयातील शिक्षक, शिक्षकेत्तर कर्मचारी व सतत सहयोग देणारे सर्वोदय शिक्षण मंडळ यांच्या सामूहिक प्रयत्नांची ही फलश्रुती असल्याचे मत महाविद्यालयाचे प्राचार्य डॉ.पी.एम.काटकर यांनी व्यक्त केले. हे सर्व अहवाल तयार करण्यासाठी उपप्राचार्य डॉ. स्वप्निल माधमशेट्टीवार यांच्या मार्गदर्शनाखाली डॉ. प्रकाश शेंडे, डॉ. विजय वाढई, डॉ. एस.बी. किशोर, डॉ. राहुल सावलीकर, डॉ. पंकज मोहरीर, डॉ.अनिता मत्ते यांनी ही पूर्ण प्रक्रिया पार पाडली.

    दरम्यान दरम्यान सर्वोदय शिक्षण मंडळाचे अध्यक्ष अरविंद पोरेड्डीवार, कार्याध्यक्ष आ. किशोर जोरगेवार, उपाध्यक्ष सुदर्शन निमकर, सगुणाताई तलांडी, सचिव प्रशांत पोटदुखे, सहसचिव डॉ. किर्तीवर्धन दीक्षित, कोषाध्यक्ष संदीप गड्डमवार, सर्वोदय शिक्षण मंडळाचे कार्यकारी सदस्य, राकेश पटेल, सुरेश पोटदुखे, चंद्रशेखर वाडेगावकर, जिनेश पटेल यांनी उपरोक्त उपक्रमाबद्दल शुभेच्छा यांनी महाविद्यालयाचे प्राचार्य डॉ.पी.एम.काटकर व त्यांच्या चमूचे अभिनंदन केले असून पुढील वाटचालीसाठी शुभेच्छा दिल्या आहेत. Sardar Patel College arts science commerce national India Today ranking

  • SNDT Women Empowerment । तंत्रज्ञानाच्या युगात शिक्षकांनी सक्षम होणे गरजेचे – डॉ. मंजुषा कानडे

    SNDT Women Empowerment

    SNDT Women Empowerment : बल्लारपूर –  एसएनडीटी महिला विद्यापीठ, मुंबई चे महर्षी कर्वे महिला सक्षमीकरण ज्ञानसंकुल बल्लारपूर येथे दिनांक ३० जुलै २०२५ रोजी “पी.एम.-उषा (मेरु)” प्रकल्पांतर्गत (PM‑Usha (Meru) project) डिजिटल लिटरसी सेंटर – ॲप्लिकेशन सॉफ्टवेअर ट्रेनिंग या एक दिवसीय लघु अभ्यासक्रमाचे आयोजन करण्यात आले. कार्यक्रमाच्या प्रारंभी दीपप्रज्वलन करून उद्घाटन करण्यात आले. यावेळी प्रमुख पाहुणे डॉ. मंजुषा कानडे, डॉ. प्रांजल बोगावार, बल्लारपूर आवाराचे संचालक डॉ. राजेश इंगोले, सहायक कुलसचिव डॉ. बाळू राठोड, तसेच समन्वयक डॉ. वेदानंद अलमस्त उपस्थित होते.

    कुख्यात गुंडाला चंद्रपूर पोलिसांनी केले स्थानबद्ध

    कार्यक्रमाचे प्रास्ताविक डॉ. वेदानंद अलमस्त यांनी केले व अध्यक्षीय भाषण डॉ. राजेश इंगोले यांनी केले त्यांनी शिक्षण क्षेत्रातील सतत होणारे बदल आणि शिक्षकांनी नवतंत्रज्ञान आत्मसात करण्याची गरज या मुद्द्यावर सविस्तर प्रकाश टाकला यावेळी डॉ. मंजुषा कानडे यांनी शिक्षणपद्धती, शिक्षकाची भूमिका व बदलत्या तंत्रज्ञानाच्या युगातील नवविचार यावर भाष्य केले.

    कार्यक्रमात तीन शैक्षणिक सत्रे घेण्यात आली. पहिल्या सत्रात प्रियांदर्शिनी अभियांत्रिकी महाविद्यालय, नागपूर येथील  इलेक्ट्रॉनिक्स व टेलिकम्युनिकेशनचे विभागप्रमुख डॉ. विशाल पांचभाई , यांनी मायक्रोसॉफ्ट ऑफिस, वर्ड, एक्सेल, पॉवरपॉईंट यावर सविस्तर माहिती व प्रात्यक्षिके सादर केली. दुसऱ्या सत्रात शैक्षणिक, व्यवस्थापन परिषद सदस्य, एसएनडीटी महिला विद्यापीठ मुंबई , तथा प्राचार्य डॉ. प्रांजल बोगावार यांनी शिक्षण व संशोधनासाठी उपयुक्त विविध डिजिटल साधनांवर मार्गदर्शन केले. PM Usha Meru digital application training program

    chatgpt चा असा करा वापर

    यात गूगल वर्कस्पेस, ऑनलाइन मीटिंग टूल्स, स्क्रीन रेकॉर्डिंग सॉफ्टवेअर, लर्निंग मॅनेजमेंट सिस्टिम्स, रेफरन्स मॅनेजमेंट टूल्स, शोधनिबंध साधने व साहित्य चोरी तपासणी उपकरणांचा समावेश होता. तिसऱ्या सत्रात प्रियांदर्शिनी अभियांत्रिकी महाविद्यालय, नागपूर येथील उपप्राचार्य डॉ. गजेन्द्र आसुटकर यांनी कृत्रिम बुद्धिमत्ता आणि त्याचे शिक्षणासाठीचे उपयोग यावर सखोल माहिती दिली. त्यांनी चॅटजीपीटी, गूगल जेमिनी, बिंग कोपायलट, क्लॉड, डिफिट, क्युरिपॉड, मॅजिक स्कूल या साधनांचा अभ्यास करून वेगवेगळ्या पद्धतीचे अध्यापन साहित्य, प्रश्नपत्रिका व मूल्यमापनासाठी त्याचा वापर कसा करावा हे स्पष्ट केले.

    कार्यक्रमाची सांगता सहभागी प्राध्यापकांच्या अभिप्रायाने झाली. उपस्थित सर्व  प्राध्यापकांनी कार्यशाळेबाबत सकारात्मक अनुभव मांडले. यानंतर  सहभागी प्राध्यापकांना प्रमाणपत्रांचे वितरण करण्यात आले.कार्यक्रमाच्या यशस्वी आयोजनासाठी सहा. प्रा. शीतल बिल्लोरे, सहा. प्रा. अपेक्षा पिंपळे, सहा. प्रा.पायल तापासे, सहा. प्रा. कोमल भाटिया व सहा. प्रा. प्रनाली गौरकर यांनी संयोजन समितीच्या सदस्य म्हणून महत्वाची भूमिका बजावली, आभारप्रदर्शन सहा. प्रा. ऋग्वेद खंगमपट्टीवार यांनी केले.

  • rail roko protest at Ghugus । पूल नसेल, तर ट्रेन थांबेल! – घुग्घुसमधील महिलांचा तीव्र इशारा

    rail roko protest at Ghugus

    rail roko protest at Ghugus : चंद्रपूर – घुग्गुसमध्ये जी 39 रेल्वे गेट आणि अपूर्ण रेल्वे पुलाच्या बांधकामामुळे रेलवे गेट वर मोठ्या प्रमाणात वाहतुकीची समस्या निर्माण होत आहे. त्यामुळे काही प्रकारचे छोटे-मोठे अपघात होत आहेत. या अपघातांमध्ये अनेक नागरिकांना आपले प्राण गमवावे लागत आहेत. शहरवासीयांसाठी कोणत्याही सर्व्हिस रोडशिवाय रेल्वे पुलाचे बांधकाम सुरू करण्यात आले. त्यामुळे शहरवासीयांना अनेक समस्यांना तोंड द्यावे लागत आहे.

    चंद्रपुरात गुंतवणुकीच्या आमिषाला बळी पडले नागरिक, मोठी फसवणूक

    पुलाचे बांधकामात अनेक प्रकारचे भ्रष्टाचार झाल्याचा आरोप करत, माला मेश्राम आणि घुग्घुस च्या सर्व महिलांनी पुलाचे बांधकाम लवकर सुरू केले नाही तर 16 ऑगस्ट ला रेल रोको आंदोलन करण्याचा इशारा पत्रपरीषदेत दिला आहे.
    गेल्या 3 वर्षांपासून जी-39 रेल्वे गेट वारंवार आणि दीर्घकाळ बंद राहिल्याने आणि रेल्वे उड्डाणपुलाच्या बांधकामात होत असलेल्या विलंबामुळे नागरिकांचा संयम सुटला आहे. या समस्येमुळे मुलांचे शिक्षण, रुग्णांवर उपचार, महिलांची सुरक्षितता आणि सामान्य जीवनावर वाईट परिणाम होत आहे. सतत वाहतूक कोंडी, वायू प्रदूषण आणि वेळेचा अपव्यय या भागात होत आहे. Ghugus city traffic woes unfair railway gate closure


    जी-39 रेल्वे गेट दिवसातून अनेक वेळा बंद राहते, त्यामुळे रुग्णवाहिका, स्कूल बस, जड ट्रक आणि अत्यावश्यक सेवा ठप्प होतात. जड ट्रकांमुळे गेटवरील वाहतूक पूर्णपणे ठप्प होते. जड वाहतुकीमुळे लहान वाहनेही त्यात अडकतात. यातुनच 12 जुलै ला एक अपघातात गर्भवती महिला आणि बाळाला जीव गमवावा लागला. गेल्या 3-4 वर्षांपासून नवीन रेल्वे पूल अपूर्ण आहे, त्यामुळे वाहतुकीचा संपूर्ण ताण जुन्या रेल्वे फाटकावर आहे.

    या समस्येवर 3 ऑगस्ट रोजी महिलांनी आयोजित केलेल्या रास्ता रोको आंदोलनाबाबत घुग्घुस पोलिस ठाण्यात बैठक घेण्यात आली. ज्यामध्ये जनरल रेल्वे अधिकारी डीजीएम सिव्हिल पी. श्रीकांत, वेकोली अधिकारी टिपले, रेल्वे संरक्षण दलाचे अधिकारी बलवीर सिंग, पोलिस निरीक्षक प्रकाश राऊत, रेल्वे विभागाचे अधिकारी विकास प्रसाद, आंदोलक माला मेश्राम, संजय तिवारी, साजन गोहणे आणि इतर कामगार उपस्थित होते. rail roko protest at Ghugus G‑39 gate incomplete bridge

    १६ ऑगस्ट रोजी रेल रोको आंदोलन

    बैठकीत पुलाचे बांधकाम त्वरित पूर्ण करावे, रेल्वे फाटक वारंवार बंद होत असल्याने उपाययोजना कराव्यात, राजीव रतन चौकात 24 तास पोलिस नियुक्त करावे, राजीव रतन चौकातील खड्डे तातडीने भरावे, जड वाहतुकीच्या वेळेचे नियोजन करावे अशा मागण्या करण्यात आल्या. अधिकायांनी बैठकीत काम 15 दिवसांत पूर्ण होईल असे लेखी आश्वासन दिल्याची माहिती मेश्राम यांनी दिली. अधिकायांच्या आश्वासनामुळे 3 ऑगस्टचे रास्ता रोको आंदोलन पुढे ढकलण्यात आले आहे. जर 15 दिवसांत काम पूर्ण झाले नाही तर 16 ऑगस्ट रोजी घुग्घुसच्या सर्व महिलां द्वारे रेल्वे रोको आंदोलन करण्याचा इशारा दिला आहे. G‑39 railway gate congestion incomplete flyover

    पत्रपरिषदेत माला मेश्राम, सुरेखा भोयर, उज्वला उईके, अनिता कोल्हे, अलका चुनारकर, भारती निमसटकर आदी उपस्थित होते.

  • How to contact Economic Offences Wing । चंद्रपुरात पुन्हा गुंतवणुकीच्या नावावर नागरिकांची मोठी फसवणूक

    How to contact Economic Offences Wing

    How to contact Economic Offences Wing चंद्रपूर, दि. 31 : विविध योजना तसेच अधिक पैशाचा परतावा मिळण्याचे आमिष दाखवून, शिवलक्ष्मी महिला नागरी सहकारी पत निधी लिमीटेड शेगाव (बु.) या पतसंस्थेमध्ये  फसवणूक झालेल्या नागरिकांनी आर्थिक गुन्हे शाखा, पोलिस अधिक्षक कार्यालय, चंद्रपूर येथे संपर्क करावा, असे आावाहन पोलिस विभागाने केले आहे.

    राज्यातील आयटीआय मध्ये क्रांतिकारी बदल, नव्या अभ्यासक्रमांचा समावेश

    वरोरा तालुक्यातील शेगाव (बु.) येथील रहिवासी अब्दुल रहेमान शेख इस्माईल यांनी दिलेल्या तक्रारीनुसार, शिवलक्ष्मी महिला नागरी सहकारी पत निधी लिमिटेडचे संचालक मनोज खोंडे, सुभाष चाफले, श्रीकांत घाटे यांनी 8 फेब्रुवारी 2022 मध्ये शेगाव बु. यथे पत निधीची स्थापना केली. स्थानिक लोकांना एजंट, व्यवस्थापक व इतर कर्मचाऱ्यांची नेमणूक करून स्थानिक लोकांना गुंतवणुकीचे प्रलोभन दिले. विविध योजनांमध्ये गुंतवणूक केल्यास खूप फायदा होईल, याकरीता वाढीव व्याजदर, दाम दुप्पट परतावा, तात्काळ लोन सुविधा, लखपती बनण्याच्या योजना, पिकनीक कर्ज, तारण कर्ज, बचत गटांना कर्ज अशा विविध योजनांबाबत आमिष दाखविले. legal process for cooperative society investment scam claim

    स्थानिक गुंतवणुकदारांना विश्वासात घेऊन पतसंस्थेचे संचालक आरोपी मनोज खोडे, सुभाष चाफले, श्रीकांत घाटे व इतर आरोपींनी एकूण 1 कोटी 2 लक्ष 73 हजार 578  रुपयांची अफरातफर केल्याप्रकरणी पोलिस स्टेशन शेगाव बु. येथे भारतीय न्यास संहिता 318(4), 316 (2), 316(5), 3(5) सहकलम 3 एमपीआयडी अॅक्ट 1999 अन्वये गुन्हा नोंद असून तपास आर्थिक गुन्हे शाखा चंद्रपुर करीत आहे. economic offences wing filing procedure cooperative bank fraud

    गुंतवणूकदारांनो आर्थिक गुन्हे शाखेशी संपर्क साधा

    या प्रकरणी ज्या गुंतवणूकदाराची फसवणूक झाली आहे, अशा गुंतवणूकदाराच्या रक्कमेच्या याद्या तयार करणे सुरू आहे. तसेच ज्या गुंतवणूकदारांची रक्कम परत मिळाली नाही, अशा गुंतवणूकदारानी गुंतवणुकीचे कागदपत्र (गुंतवणूकिचे प्रमाणपत्र, रक्कम जमा पावत्या, आधार कार्ड, पॅन कार्ड ज्या खात्यावर पैसे पाहिजे त्या राष्ट्रीयकृत बँक खात्याच्याा पासबुकची झेरॉक्स प्रत) इ. माहितीसह महाराष्ट्र शासन परीपत्रक क्रमांक एम पी आय /प्र.क्र. 09/पोल-11 दिनांक 25/02/2019 अन्वये गुंतवणूकदाराचे परीशिष्ठ- 1 प्रमाणे फार्म भरून देण्याकरीताा आर्थिक गुन्हे शाखा, (पोलिस ठाणे दुर्गापुर परिसर) पोलिस अधिक्षक कार्यालय चंद्रपुर येथे तसेच आर्थिक गुन्हे शाखेचे सहा. पोलिस निरीक्षक पंकज बेसाणे (मो. नं.7588518549) यांच्याशी संपर्क करावा, असे पोलिस विभागाने कळविले आहे.

  • roadside cobbler stall subsidy scheme । 100% अनुदानात गटई स्टॉल! रस्त्याच्या कडेला बसणाऱ्यांसाठी सुवर्णसंधी!

    roadside cobbler stall subsidy scheme

    roadside cobbler stall subsidy scheme : चंद्रपूर –  चामड्याच्या वस्तू वा पादत्राणे दुरुस्ती व्यावसायिक हे रस्त्याच्या कडेला उन्हा-पावसात बसून आपली सेवा देत असतात. या व्यावसायिकांना ऊन-वारा-पाऊस यापासून सरंक्षण मिळावे तसेच त्यांची आर्थिक उन्नती व्हावी, यासाठी ग्रामपंचायत, नगरपालिका क्षेत्रात 100 टक्के शासकीय अनुदानातून पत्र्याचे स्टॉल देण्याची योजना राबविण्यात येत आहे. या योजनेची व्याप्ती अ वर्ग व  ब वर्ग नगरपालिका आणि छावणीक्षेत्र (कॅन्टोंमेंटबोर्ड) व महानगरपालिका क्षेत्रात सुध्दा वाढविण्यात आली आहे. free tin stall grant for Scheduled Caste cobblers Maharashtra

    त्यानुषंगाने अनुसूचित जातीच्या गटई कामगारांचे आर्थिक उन्नती होण्यासाठी गटई स्टॉल योजनेचे अर्ज सहाय्यक आयुक्त कार्यालय, समाज कल्याण चंद्रपुर या कार्यालयाकडे उपलब्ध आहे. तरी या योजनेचा अनुसूचित जातीच्या गटई कामगारांनी जास्तीत जास्त लाभ घ्यावा, असे आवाहन सहायक आयुक्त यांनी केले आहे.

    महाराष्ट्रातील आयटीआय मध्ये क्रांतिकारी बदल

    पात्रतेचे निकष : 

    • अर्जदार हा महाराष्ट्राचा रहिवासी व अनु. जाती संवर्गातील असावा
    • अर्जदाराच्या कुटुंबाचे वार्षिक उत्पन्न हे ग्रामीण भागासाठी 40 हजार व शहरी भागासाठी 50 हजार रुपयांपेक्षा अधिक नसावे.
    • अर्जदाराचे वय 18 वर्षापेक्षा कमी नसावे.
    • अर्जदार ज्या जागेत स्टॉल मागत असेल ती जागा ग्रामपंचायत, नगरपालिका, छावणी बोर्ड यांनी त्यास भाड्याने, कराराने खरेदी अगर मोफत परंतु अधिकृतरीत्या ताब्यात दिलेली असावी. Gatai stall scheme Maharashtra cobbler artisans

    आवश्यक कागदपत्रे :

    • अर्जदाराचा स्वतःचा प्राधिकृत अधिकाऱ्याने दिलेला जातीचा दाखला 
    • मागील संपलेल्या आर्थिक वर्षातील प्राधिकृत अधिकाऱ्याने दिलेला उत्पन्नाचा दाखला 
    • शाळा सोडल्याचा दाखला 
    • रेशन कार्डाची झेरॉक्स (साक्षांकित प्रत)
    • आधार कार्डाची झेरॉक्स प्रत 
    • अर्जदार ज्या जागेत स्टॉल मागत आहे. ती जागा ग्रामपंचायत/नगरपालिका/महानगरपालिका यांनी भाड्याने/कराराने/खरेदीने/स्व:मालकीची असल्याबाबतची भाडेचिठ्ठी, कराराची प्रत किंवा खरदी खताची साक्षांकित प्रत
    • ग्रामसेवक/ सचिव यांचे गटई काम करीत असल्याचे प्रमाणपत्र 
    • अर्जदार रस्त्याच्या कडेला बसून व्यवसाय करीत असल्याबाबतचे ग्रामपंचायत/नगरपालिकेचे व्यवसाय प्रमाणपत्र व या जागेवर बसून काम करण्याबाबत ना हरकत प्रमाणपत्र,  व्यवसाय करतानाचा पोस्टकार्ड साईज फोटो जोडणे आवश्यक आहे
    • अधिवास प्रमाणपत्र.

     

    अर्जदारांनी योजनेच्या विहित नमुन्यातील परिपूर्ण अर्ज शासन निर्णयात नमूद अटीनुसार सहाय्यकआयुक्त, समाज कल्याण कार्यालय चंद्रपुर येथे सादर करावा. अधिक माहितीकरीता सहाय्यक आयुक्त, समाज कल्याण, चंद्रपूर येथे तसेच 07172 – 253198 वर संपर्क करावा.

  • Chandrapur MP demands road repair potholes । खड्ड्यांनी घेतले प्राण, खासदारांचा संताप अनावर – गडकरींना केली ही तातडीची मागणी!

    Chandrapur MP demands road repair potholes

    Chandrapur MP demands road repair potholes : चंद्रपूर: खासदार प्रतिभा सुरेश धानोरकर यांनी आज केंद्रीय रस्ते वाहतूक आणि महामार्ग मंत्री नितीन गडकरी यांची नवी दिल्ली येथे भेट घेतली. चंद्रपूर महामार्गावर खड्ड्यांमुळे होणारे अपघात आणि त्यामुळे होणारी जीवितहानी थांबवण्यासाठी तातडीने उपाययोजना करण्याची मागणी त्यांनी यावेळी केली.

    रक्तरंजित चंद्रपूर, लहान भावाने मोठ्या भावावर झाडली गोळी

    खासदार प्रतिभा धानोरकर यांनी आपल्या निवेदनात चंद्रपूर महामार्गावरील गंभीर परिस्थितीकडे केंद्रीय मंत्र्यांचे लक्ष वेधले. जानाळा फाट्याजवळ खड्ड्यांमुळे झालेल्या दुर्दैवी अपघातात एका दुचाकीस्वाराचा मृत्यू झाला आणि त्याला मागून येणाऱ्या ट्रकने चिरडले, तर चंद्रपूर-नागपूर महामार्गावरील साखरवाही फाट्याजवळ रस्त्याच्या खराब स्थितीमुळे भरधाव वेगाने येणाऱ्या कारच्या धडकेत पती-पत्नीचा मृत्यू झाल्याची घटना त्यांनी नमूद केली. याव्यतिरिक्त, बामणी-राजुरा महामार्गावरील वर्धा नदीच्या पुलाजवळ एका महिला पोलीस कर्मचाऱ्याचाही मृत्यू झाला आहे. या घटना आपल्या विभागाच्या घोर निष्काळजीपणाची आणि बेफिकीर कार्यपद्धतीची भयावह परिणाम दर्शवितात असे खासदार प्रतिभा धानोरकर यांनी म्हटले आहे. Chandrapur pothole road safety demand action

    वारंवार तक्रारी पण परिस्थिती जैसे थे

    चंद्रपूर महामार्गावरील खड्ड्यांची समस्या नवी नाही, या संदर्भात वारंवार तक्रारी करूनही परिस्थिती “जैसे थे” असल्याचे खासदार प्रतिभा धानोरकर यांनी निदर्शनास आणून दिले. प्रशासनाच्या या दुर्लक्षामुळे निष्पाप नागरिकांना आपला जीव गमवावा लागला असून , ही केवळ प्रशासकीय चूक नसून, नागरिकांच्या जीविताच्या सुरक्षेशी केलेला गंभीर खेळ आहे, असेही त्या म्हणाल्या.

    याप्रकरणी तातडीने कारवाई करण्याची मागणी खासदार प्रतिभा धानोरकर यांनी केली. या अपघातांना प्रत्यक्ष किंवा अप्रत्यक्षपणे जबाबदार असलेल्या संबंधित अधिकाऱ्यांवर तातडीने कठोर प्रशासकीय आणि कायदेशीर कारवाई करावी. तसेच, चंद्रपूर महामार्गावरील सर्व खड्डे आणि खराब रस्त्यांची युद्धपातळीवर दुरुस्ती करावी आणि भविष्यात असे अपघात टाळण्यासाठी कायमस्वरूपी उपाययोजना त्वरित लागू कराव्यात अशी मागणी त्यांनी केली. Chandrapur potholes accidents government negligence

    याव्यतिरिक्त, अपघातात मृत पावलेल्या व्यक्तींच्या कुटुंबियांना तातडीने आणि पुरेशी आर्थिक मदत देऊन त्यांना न्याय मिळवून द्यावा. भविष्यात अशा घटनांची पुनरावृत्ती टाळण्यासाठी, रस्त्यांच्या दुरुस्ती आणि देखभालीच्या प्रक्रियेवर कठोर आणि नियमित देखरेख ठेवण्यासाठी एक पारदर्शक व्यवस्था तातडीने स्थापित करावी असेही त्यांनी सुचवले.

    चंद्रपूर महामार्गावर खड्ड्यांमुळे होणाऱ्या अपघातांवर अंकुश लावण्यासाठी तातडीने उपाययोजना करून दोषींवर नियमानुसार कारवाई करण्याची विनंती खासदार प्रतिभा धानोरकर यांनी केंद्रीय मंत्री नितीन गडकरी यांना केली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by