My Blog

Blog

  • police action gambling den Jamni forest । काळोखात सुरु होता जुगार, पोलिसांनी केली कारवाई

    police action gambling den Jamni forest

    police action gambling den Jamni forest : चंद्रपूर (News ३४ वृत्तसेवा) : 7 ऑक्टोबर 2025
    चिमुर पोलिसांनी मौजा रेनगाबोडी-जामणी जंगल शिवारात उभारण्यात आलेल्या मोठ्या प्रमाणातील अवैध जुगार अड्ड्यावर छापा टाकून दहा जुगारींना अटक केली, तर तिघे आरोपी अंधाराचा फायदा घेत फरार झाले. या कारवाईतून पोलिसांनी एकूण २७ लाख ९० हजार रुपयांचा मुद्देमाल जप्त केला आहे. यात रोख १ लाख २५ हजार रुपये, ६ चारचाकी, ३ दुचाकी तसेच जुगाराचे साहित्य यांचा समावेश आहे. ही कारवाई सोमवारी करण्यात आली.

    Also Read : स्थानिक गुन्हे शाखेची मोठी कारवाई, ५२८ ग्राम एमडी पावडर जप्त

    सोमवारी (०६ ऑक्टोबर) चिमुर पोलिसांना गोपनीय माहिती मिळाली कि, चिमूर तालुक्यातील रेनगाबोडी-जामणी जंगल शिवारामध्ये मोठ्या प्रमाणावर अवैध जुगार अड्डा सुरु आहे. या माहितीवरून पोलीस निरीक्षक दिनेश लबडे यांच्या मार्गदर्शनात चिमुर पोलिसांच्या पथकाने रेनगाबोडी जामणी जंगल परिसरात सापळा रचून धाड टाकली. या ठिकाणी कापडाच्या तंबूमध्ये काही व्यक्ती ताश पत्त्यांवर हार-जितीच्या पैज लावून जुगार खेळत असल्याचे आढळून आले. पोलिसांनी तत्काळ कारवाई करून त्या सर्वांना ताब्यात घेतले.

    २७.९० लाखांचा मुद्देमाल जप्त

    पोलिसांनी १० आरोपींना अटक केली. त्यामध्ये सुधीर पोहीनकर (रा. जामणी),रजतकुमार नागवंशी (रा. छिंदवाडा),पांडुरंग रामाजी फलके (रा. समुद्रपूर),अमन भोसले (रा. सेलू),सुरज कोपरकर, फकीरा काकरवार (रा. सेलू),मंगेश गुडघे (रा. कोरा),सुखदेव अवचट (रा. समुद्रपूर),सचिन धोटे (रा. समुद्रपूर),नुमान कुरेशी (रा. भद्रावती आदींचा समावेश आहे. तर गोलु राऊत (रा. समुद्रपूर),जिवन सिडाम (रा. जामणी),अनिल जाधव (रा. शेगांव) हे तिघे अंधाराचा फायदा घेऊन फरार झाले असून पोलिसांनी त्यांच्याविरुद्धही गुन्हा नोंदवला आहे. पोलिसांनी घटनास्थळावरून २७.९० लाखांचा एकूण मुद्देमाल तसेच साहित्य व वाहने जप्त केली आहेत. Chimur police gambling raid 2025

    त्यामध्ये रोख रक्कम १,२५,०००, ०६ चारचाकी वाहने,०३ दुचाकी वाहने,चार्जिंग बॅटरी, सतरंजी, एलईडी, ताश पत्ते आणि इतर साहित्य असा एकूण सुमारे २७,९०,००० रूपयाचा मुद्देमाला जप्त करण्यात आला आहे. पोलीस अधीक्षक मुम्मका सुदर्शन, अपर पोलीस अधीक्षक ईश्वर कातकडे, उपविभागीय पोलीस अधिकारी दिनकर ठोसरे, यांचे मार्गदर्शनात पोलीस निरीक्षक (ठाणेदार) दिनेश लबडे यांच्या नेतृत्वात करण्यात आली. या कारवाईत सपोनि अमोल बारापात्रे, पो.अं. सचिन सायंकार,अतुल ढोबळे, निलेश बोरकर, कुणाल दांडेकर, गणेश वाघ, हर्षल शिरकुरे, उमेश चरफे, रोहित तुमसरे, फाल्गुन परचाके, सौरभ महाजन, अविनाश राठोड आदींचा सहभाग होता.

    या प्रकरणात चिमुर पोलीस ठाण्यात महाराष्ट्र जुगार कायद्यान्वये गुन्हा दाखल करण्यात आला असून
    फरार आरोपींचा शोध सुरू आहे.स्थानिक स्तरावर ही कारवाई मोठ्या चर्चेचा विषय ठरली असून पोलिसांनीकेलेल्या कारवाईमुळे जुगाऱ्यांचे धाबे दणाणले आहेत.



  • Dangerous road conditions Chandrapur city । प्रदूषण नियंत्रण निधीचा दुरुपयोग? रस्त्याऐवजी दुभाजकावर उडवले कोट्यवधी रुपये!

    Dangerous road conditions Chandrapur city

    Dangerous road conditions Chandrapur city : चंद्रपूर (७ ऑक्टोबर २०२५)- बागला चौक ते राजीव गांधी इंजिनिअरिंग कॉलेज ते पुढे बल्लारपूर मार्गापर्यंत जागोजागी जीव घेणे खड्डे आहेत. या मार्गाने बाबूपेठ, भिवापूर वार्ड, लालपेठ इत्यादी भागात राहणारे नागरिक तसेच दोन्ही इंजिनिअरिंग कॉलेजचे विद्यार्थी वेकोलीचे कर्मचारी, शालेय विद्यार्थी हजारोंच्या संख्येने जाणे-येणे करतात. या मार्गावरील खड्ड्यांमुळे नागरिकांना जीव मुठीत घेऊन प्रवास करावा लागतो. रस्त्याची अवस्था अतिशय वाईट झाली आहे.

    हजारो चंद्रपूरकरांना यामुळे मानेचा-मणक्याचा त्रास तसेच पाठदुखी व श्वसनाचा आजार अशा समस्यांचा सामना करावा लागत आहे. तातडीने या रस्त्याचे काम करणे अत्यंत गरजेचे आहे. एका बाजूला 50 ते 60 मीटर सिमेंट काँक्रीट रस्त्याचे काम झाले. परंतु निधी अभावी उर्वरित काम रखडले. Road divider construction scam Chandrapur

    काही दिवसांपूर्वी या रस्त्यावरील मजबूत व चांगल्या स्थितीत असलेले दुभाजक तोडण्याचे काम महानगरपालिकेने सुरू केले. अखेर रस्त्याचे काम सुरू झाले म्हणून नागरिकांनाही समाधान वाटले. या कामाला होत असलेला विलंब व त्यामुळे होणाऱ्या त्रासाची तक्रार करण्यासाठी एका स्थानिक नागरिकाने माजी नगरसेवक पप्पू देशमुख यांच्याशी संपर्क केला. देशमुख यांनी सदर कामाबाबत माहिती घेण्यासाठी मनपाच्या अधिकाऱ्यांशी संपर्क साधला. तेव्हा या ठिकाणी रस्त्याचे काम नव्हे तर केवळ रस्ता दुभाजकाचे काम होत असल्याची धक्कादायक माहिती देशमुख यांना मिळाली. Chandrapur pollution control fund misuse

    Also Read : मुख्य न्यायाधिशावर चप्पल फेकली, कांग्रेसचे निषेध आंदोलन

    3 कोटी 56 लक्ष रुपयांच्या निधीतून शहरात 300 ते 400 मीटर लांबीचे दोन रस्ता दुभाजक तयार होणार आहेत. त्यावर काही झाडे लावणे व पाच वर्षाची देखभाल-दुरुस्ती याचा समावेश आहे असा खुलासा देशमुख यांनी एका पत्रकार परिषदेत केला. यावेळी माजी नगरसेविका पुष्पाताई मुन, माजी नगरसेवक स्नेहल रामटेके,मनिषा बोबडे,अक्षय येरगुडे, घनश्याम येरगुडे, प्रफुल बैरम,इमदाद शेख, सुभाष पाचभाई, देवराव हटवार, किशोर महाजन, कुशाब कायरकर, अमोल घोडमारे, चंद्रकांत जिवतोडे, अमुल रामटेके, शाबीर शेख उपस्थित होते.
    ऑक्टोबर 2024 मध्ये या कामासाठी निविदा प्रक्रिया राबविण्यात आली होती. एप्रिल 2025 मध्ये मेसर्स सूर्यवंशी एंटरप्राइजेस या एजन्सीला कार्यारंभ आदेश देण्यात आल्याचे त्यांनी सांगितले. Chandrapur civic body corruption news

    प्रदूषण नियंत्रणासाठी आलेल्या निधीचा पुन्हा गैरवापर

    चंद्रपूर हे प्रदूषित शहर असल्यामुळे केंद्र सरकारकडून राष्ट्रीय शुद्ध व कार्यक्रमांतर्गत दरवर्षी प्रदूषण नियंत्रणासाठी येतो. हवेचा दर्जा सुधारण्यासाठी धूळ कमी करण्यासाठी विविध कामे याअंतर्गत केली जातात. नागरिकांचे आरोग्य प्रदूषणामुळे बाधित होऊ नये हा शासनाचा हेतू आहे. राष्ट्रीय शुद्ध हवा कार्यक्रमांतर्गत 2022-23 ला मिळालेल्या निधीतून सव्वादोन कोटी रुपयांचा फाउंटेन घोटाळा करण्यात आला होता. 2024-25 ला मिळालेल्या निधीतून दोन रस्ता दुभाजक तोडून नवीन दुभाजक तयार करण्यात येत आहे.

    नागरिकांच्या आरोग्यासाठी कामे करता आली असती

    मनपाकडे सध्या संपूर्ण शहरासाठी पाण्याचे फवारे सोडणारी 50 लक्ष रुपये किमतीची एक मोठी फाॅगर मशीन आहे. अशा दोन मशीन घेऊन प्रत्येक झोनला एक मशीन देणे शक्य झाले असते. या मशीनने शहरातील धुळीवर नियंत्रण मिळवता येते. 30 लक्ष रुपये किमतीच्या तीन छोट्या स्विपिंग व एक कोटी रुपये किमतीची मोठी स्विपिंग मशीन आहे. यामध्ये भर घालता आली असती. एवढेच नव्हे तर रस्ता देखभाल-दुरुस्तीच्या नावाखाली बागला चौक ते राजीव गांधी इंजीनियरिंग कॉलेज पर्यंत रस्त्याचे कामही करता आले असते.

  • congress protest against attack on Chief Justice । 🚨 सर्वोच्च न्यायालयात चप्पलफेक प्रकरणावर चंद्रपूर काँग्रेसचा संताप

    congress protest against attack on Chief Justice

    congress protest against attack on Chief Justice : चंद्रपूर : देशाचे सरन्यायाधीश मा. बी.आर. गवई यांच्यावर सर्वोच्च न्यायालयात वकिलाने चप्पल फेकल्याची धक्कादायक घटना घडल्यानंतर देशभरातून संतापाची लाट उसळली आहे. या भ्याड हल्ल्याचा तीव्र निषेध व्यक्त करण्यासाठी आज चंद्रपूर शहर (जिल्हा) काँग्रेस कमिटी तर्फे महात्मा गांधी पुतळा, जटपूरा गेट येथे निषेध आंदोलनाचे आयोजन करण्यात आले.

    Also Read : तुमचा नगराध्यक्ष कोण? जाणून घ्या

    आरोपीवर कठोर कारवाई करा

    या आंदोलनाचे नेतृत्व शहर काँग्रेस कमिटीचे अध्यक्ष रितेश (रामू) तिवारी यांनी केले. यावेळी उपस्थित कार्यकर्त्यांनी “न्यायसंस्थेवर हल्ला म्हणजे लोकशाहीवर हल्ला आहे” अशा घोषणा देत आरोपीवर कठोर कारवाई करण्याची मागणी केली.

    यावेळी प्रवीण पडवेकर, जिल्हा महिला काँग्रेसचे अध्यक्ष सुनंदाताई धोबे, चंद्रपूर शहर महिला काँग्रेसच्या  अध्यक्ष चंदाताई वैरागडे, सुभाषसिंग गौर, सोहेल शेख, रोशन लाल, राजेश अडूर, शफक शेख, रामकृष्ण कोंडरा, ऊषाताई धांडे, अश्विनी खोबरागडे, अमजद अली, विणा खनके, सकीना अंसारी, संगीता पेटकुले, मनोरंजन राय,शिरीन कुरैशी,तवंगर खान, ऍड. प्रितिशा, ऍड. आयेशा शेख, शिरीन कुरेशी, साबिर सिद्दीकी, पप्पू सिद्दीकी, दुर्गेश कोंडाम, भालचंद्र दानव, गोपाल अमृतकर, पिंटू शिरवार, रतन शिलावार, कुणाल चहारे, नौशाद शेख, काशिफ अली, निलेश ठाकरे, दीपक कटकोजवार, मोहन डोंगरे, शिरीष गोगुलवार, मोनू रामटेके, याकुब पठान, राजू वसेकर, राजू खजांची, रोहित पिंपळकर, प्रवीण अडूर, स्वप्निल चिवंडे आदी कार्यकर्ते उपस्थित होते.

  • lightning strike in Chandrapur | शेतात काम करताना कोसळली वीज, घडलं भयावह

    lightning strike in Chandrapur

    lightning strike in Chandrapur : राजुरा, दि. ६ ऑक्टोबर : ६ ऑक्टोबर रोजी दुपारी १२ वाजण्याच्या सुमारास अचानक आलेल्या पावसासोबत विजेच्या जोरदार कडकडाटाने कोहपरा मणगाव शेतशिवारात एक मोठी व हृदयद्रावक दुर्घटना घडली. शेतात काम करत असताना वीज कोसळल्याने ज्योत्स्ना प्रमोद कणपलीवार (वय अंदाजे ३५) या महिलेचा दुर्दैवी जागीच मृत्यू झाला आहे.

    Also Read : चंद्रपूर जिल्ह्यातील नगरपालिका/नगरपंचायतीत महिलाराज

    मिळालेल्या माहितीनुसार, दुपारी मणगाव शिवारात मेघगर्जनेसह पाऊस सुरू झाला. त्याच वेळी ज्योत्स्ना कणपलीवार या त्यांचे पती प्रमोद कणपलीवार, सासू मंदाबाई कणपलीवार आणि मंजुषा केशव जीवतोडे यांच्यासोबत शेतातील कामात व्यस्त होत्या. अचानक वीज कोसळल्याने या चौघांनाही विजेचा जबरदस्त धक्का बसला.

    मृत्यूची वीज कोसळली

    या घटनेत ज्योत्स्ना कणपलीवार यांचा जागीच मृत्यू झाला, तर त्यांचे पती प्रमोद कणपलीवार, सासू मंदाबाई कणपलीवार आणि मंजुषा केशव जीवतोडे हे गंभीर जखमी झाले आहेत.

    स्थानिक ग्रामस्थांनी तातडीने मदतीसाठी धाव घेतली आणि सर्व जखमींना उपचारासाठी राजुरा येथील ग्रामीण रुग्णालयात दाखल केले. प्राथमिक उपचारानंतर, त्यांना अधिक उपचारांसाठी चंद्रपूर जिल्हा सामान्य रुग्णालयात पाठवण्यात आले आहे.

    या भीषण घटनेमुळे कोहपरा गावात शोककळा पसरली असून सर्वत्र हळहळ व्यक्त केली जात आहे. नैसर्गिक आपत्तीमुळे झालेल्या या मृत्यूने आणि कुटुंबातील अन्य सदस्यांच्या जखमी होण्याने गावकऱ्यांमध्ये दुःखाचे वातावरण आहे.

  • Nagpur voter registration for graduates । 🗳️ जिल्हाधिकारी विनय गौडा यांचे आवाहन – प्रत्येक पदवीधराने मतदार यादीत नाव नोंदवावे

    Nagpur voter registration for graduates

    Nagpur voter registration for graduates : चंद्रपूर, दि. 06 : भारत निवडणूक आयोगाने 1 नोव्हेंबर 2025 या अर्हता दिनांकावर आधारीत नागपूर विभागातील पदवीधर मतदार संघासाठी नव्याने मतदार याद्या तयार करण्याचा कार्यक्रम घोषित केला आहे. त्या अनुषंगाने जिल्ह्यातील सर्व पदवीधरांनी मतदार यादीत आपले नाव नोंदवावे, असे आवाहन जिल्हाधिकारी विनय गौडा जी.सी. यांनी केले आहे. Graduate voter list Nagpur division 2025

    Also Read : चंद्रपुरात ५२८ ग्राम एमडी पावडर जप्त

    जिल्हाधिकारी कार्यालयात आयोजित पत्रकार परिषदेत ते बोलत होते. यावेळी उपजिल्हाधिकारी (निवडणूक) शुभम दांडेकर उपस्थित होते. जिल्हाधिकारी श्री. गौडा म्हणाले, पदवीधर मतदारसंघाच्या यादीत नाव नोंदणीकरीता जिल्ह्यातील सर्व तहसील कार्यालयात अर्ज उपलब्ध करून देण्यात आले आहेत. नोंदणी करण्याचा अंतिम दिनांक 6 नोव्हेंबर 2025 असून सर्व पदवीधरांनी मतदार यादीत नाव नोंदविण्यासाठी सक्रीय सहभाग घ्यावा, असे आवाहनही त्यांनी केले.

    असा आहे पदवीधर मतदारसंघ पुनरिक्षण कार्यक्रम :

    1) मतदार नोंदणी अधिनियम, 1960 चे कलम 31 (3) अन्वये जाहीर सुचना प्रसिध्द करण्याचा दिनांक 30 सप्टेंबर 2025, 2) कलम 31 (4) अन्वये वर्तमानपत्रातील नोटीसीची प्रथम पुर्नप्रसिध्दी 15 ऑक्टोबर 2025 रोजी, 3) वर्तमानपत्रातील नोटीसीची द्वितीय पुर्नप्रसिध्दी 25 ऑक्टोबर 2025 रोजी, 4) प्रकरणपरत्वे नमुना 18 द्वारे दावे व हरकती स्वीकारण्याचा अंतिम दिनांक 6 नोव्हेंबर 2025, 5) हस्तलिखिते तयार करणे व प्रारुप मतदार याद्यांची छपाई 20 नोव्हेंबर,

    6) प्रारुप मतदार याद्यांची प्रसिध्दी 25 नोव्हेंबर रोजी, 7) दावे व हरकती स्वीकारण्याचा कालावधी (मतदार नोंदणी अधिनियम 1960 चे कलम 12 अंतर्गत) 25 नोव्हेंबर ते 10 डिसेंबर 2025 पर्यंत, 8) दावे व हरकती निकाली काढण्याचा दिनांक व पुरवणी यादी तयार करणे व छपाई करणे 25 डिसेंबर रोजी आणि 9) मतदार यादीची अंतिम प्रसिध्दी 30 डिसेंबर 2025 रोजी करण्यात येईल.

  • Maharashtra Nagarparishad Reservation । ⚡ चंद्रपूर जिल्ह्यातील नगरपरिषद आरक्षण जाहीर, कोण होणार तुमचा नगराध्यक्ष?

    Maharashtra Nagarparishad Reservation

    Maharashtra Nagarparishad Reservation : चंद्रपूर – राज्यातील आगामी स्थानिक स्वराज्य संस्थांच्या निवडणुकीच्या पार्श्वभूमीवर आज 247 नगरपालिका आणि 147 नगरपंचायतींमधील नगराध्यक्षपदाच्या आरक्षणाची सोडत जाहीर करण्यात आली. आरक्षण जाहीर झाल्यावर राजकीय पुढाऱ्यांचे स्वप्न भंग झाले आहे, विशेष म्हणजे चंद्रपूर तालुक्यातील घुग्गुस नगर परिषदेची हि पहिली निवडणूक असणार आहे. नगरपालिकेचा जिल्ह्यातील राजकीय इतिहास बघता भाजप पक्षाचे वर्चस्व राहिले आहे. Maharashtra Nagarparishad Nagarpanchayat Reservation

    Also Read – मुंबई ते चंद्रपूर मेफेड्रोन पावडरचा प्रवास, स्थानिक गुन्हे शाखेची कारवाई

    नगरपरिषद आरक्षण चंद्रपूर जिल्हा, जिल्ह्यात एकूण १० नगरपरिषद आहे. भद्रावती नगरपरिषद मध्ये मागील २० वर्षांपासून शिवसेना ठाकरे गटाची सत्ता होती मात्र राज्यात सत्ता परिवर्तन झाले आणि कार्यकर्त्यांनी आपले वेगवेगळे मार्ग निवडले त्यामुळे आता ठाकरे गटाला पुन्हा सत्ता स्थापन करण्यासाठी मोठे परिश्रम करावे लागणार आहे. जिल्ह्यातील १० नगरपरिषदेत यंदा महिलाराज स्थापन होणार, १० पैकी ६ नगरपरिषदेत नगराध्यक्ष पद महिलांसाठी राखीव आहे.

    नगरपालिका आरक्षण (Nagarparishad Reservation)

    • १ ) घुग्गुस नगरपरिषद अनुसूचित जाती महिला
    • गतवेळचे आरक्षण – पहिलीच निवडणूक
    • २ ) चिमूर नगरपरिषद अनुसूचित जाती महिला
    • गतवेळचे आरक्षण – खुला प्रवर्ग महिला
    • विजेता पक्ष – भाजप
    • ३ ) नागभीड नगरपरिषद अनुसूचित जाती महिला
    • गतवेळचे आरक्षण – अनुसूचित जाती पुरुष
    • विजेता पक्ष – भाजपा
    • ४ ) भद्रावती नागरिकांचा मागास प्रवर्ग
    • गतवेळचे आरक्षण – ओबीसी पुरुष
    • विजेता पक्ष – शिवसेना ठाकरे
    • ५ ) वरोरा महिला नागरिकांचा मागास प्रवर्ग
    • गतवेळचे आरक्षण – खुला प्रवर्ग
    • विजेता पक्ष – भाजप
    • ६ ) मूल नागरिकांचा मागास प्रवर्ग महिला
    • गतवेळचे आरक्षण – सर्वसाधारण महिला
    • विजेता पक्ष – भाजप
    • ७ ) बल्लारपूर महिला नागरिकांचा मागास प्रवर्ग
    • गतवेळचे आरक्षण – खुला प्रवर्ग
    • विजेता पक्ष – भाजप
    • ८ ) ब्रह्मपुरी नागरिकांचा मागास प्रवर्ग
    • गतवेळचे आरक्षण – खुला प्रवर्ग महिला
    • विजेता पक्ष – कांग्रेस
    • खुला प्रवर्ग
    • ९ ) राजुरा खुला प्रवर्ग
    • गतवेळचे आरक्षण – पुरुष ओबीसी
    • विजेता पक्ष – कांग्रेस
    • १० ) गडचांदूर खुला प्रवर्ग
    • गतवेळचे आरक्षण – अनुसूचित जमाती महिला
    • विजेता पक्ष – कांग्रेस

    नगरपंचायत आरक्षण (Nagarpanchayat Reservation)

    • १ ) गोंडपिपरी नगरपंचायत अनुसूचित जाती महिला
    • गतवेळचे आरक्षण –
    • विजेता पक्ष –
    • २ ) सिंदेवाही अनुसूचित जमाती प्रवर्ग
    • गतवेळचे आरक्षण –
    • विजेता पक्ष –
    • नागरिकांचा मागास प्रवर्ग
    • ३ ) पोंभुर्णा
    • गतवेळचे आरक्षण – खुला महिला
    • विजेता पक्ष – भाजप
    • ४ ) जिवती महिला नागरिकांचा मागास प्रवर्ग
    • गतवेळचे आरक्षण –
    • विजेता पक्ष
    • ५ ) सावली ओबीसी महिला
    • गतवेळचे आरक्षण – सर्वसाधारण महिला
    • विजेता पक्ष – कांग्रेस
    • ६ ) भिसी अनुसूचित जाती प्रवर्ग (पहिलीच निवडणूक)
    • गतवेळचे आरक्षण –
    • विजेता पक्ष –

    प्रभाग आरक्षण सोडत ७ व ऑक्टोबर रोजी

     बल्लारपूर नगर परिषदेची आरक्षण सोडत 7 ऑक्टो. रोजी दुपारी 3 वाजता (पिठासीन अधिकारी म्हणून उपविभागीय अधिकारी मूल, अजय चरडे), वरोरा न.प. आरक्षण सोडत 7 ऑक्टो. रोजी दुपारी 3 वाजता (पिठासीन अधिकारी म्हणून उपविभागीय अधिकारी वरोरा, संदीप भस्के), नागभीड 7 ऑक्टो. दुपारी 3 वाजता (पिठासीन अधिकारी म्हणून उपविभागीय अधिकारी ब्रम्हपूरी, पर्वणी पाटील), गडचांदूर 7 ऑक्टो. दुपारी 3 वाजता (पिठासीन अधिकारी म्हणून उपविभागीय अधिकारी राजुरा, रविंद्र माने), चिमूर न.प. आरक्षण सोडत 7 ऑक्टो. दुपारी 3 वाजता (पिठासीन अधिकारी म्हणून अतिरिक्त जिल्हाधिकारी चिमूर, डॉ. संतोष थिटे). Maharashtra Nagarparishad Reservation

    मूल न.प. आरक्षण सोडत 8 ऑक्टो. दुपारी 12 वाजता (पिठासीन अधिकारी म्हणून उपविभागीय अधिकारी मूल, अजय चरडे), भद्रावती 8 ऑक्टो. रोजी दुपारी 12 वाजता (पिठासीन अधिकारी म्हणून उपविभागीय अधिकारी वरोरा, संदीप भस्के), ब्रम्हपुरी 8 ऑक्टो. दुपारी 12 वाजता (पिठासीन अधिकारी म्हणून उपविभागीय अधिकारी ब्रम्हपुरी, पर्वणी पाटील), राजुरा 8 ऑक्टो दुपारी 12 वाजता (पिठासीन अधिकारी म्हणून उपविभागीय अधिकारी राजुरा, रविंद्र माने), भिसी नगर पंचायतीची आरक्षण सोडत 8 ऑक्टो दुपारी 12 वाजता (पिठासीन अधिकारी म्हणून अतिरिक्त्‍ जिल्हाधिकारी चिमूर, डॉ. संतोष थिटे) आणि घुग्घुस न.प. आरक्षण सोडत 8 ऑक्टो. दुपारी 12 वाजता (पिठासीन अधिकारी म्हणून उपविभागीय अधिकारी गोंडपिपरी, लघिमा तिवारी) Maharashtra Nagarparishad Reservation

    आरक्षण निश्चित करण्याच्या सोडतीच्या वेळी वरील नगर परिषद / पंचायतीच्या क्षेत्रातील इच्छुक नागरिकांनी उपस्थित राहावे, असे आवाहन जिल्हाधिकारी चंद्रपूर यांनी केले आहे.

    मतदार यादी अंतिम करण्याकरीता प्राधिकृत अधिका-यांची नेमणूक : 

    चंद्रपूर जिल्ह्यातील बल्लारपूर, भद्रावती, वरोरा, ब्रम्हपुरी, मुल, घुग्घुस, गडचांदूर, चिमूर, राजुरा, नागभीड या नगरपरिषदांमधील व भिसी नगर पंचायतीमधील सदस्य पदांच्या सार्वत्रिक निवडणुकांसाठी मतदार यादीचा कार्यक्रम 2025 जाहीर केला आहे. त्यानुसार जिल्हाधिका-यांनी प्राधिकृत केलेल्या अधिकाऱ्याने 8 ते 13 ऑक्टो. 2025 पर्यंत प्राप्त होणाऱ्या हरकती व सूचनांवर नियमाप्रमाणे विचार करून प्रभागनिहाय मतदार यादी अंतिम करावयाची आहे.

    बल्लारपूर न.प. (प्राधिकृत अधिकारी तहसीलदार बल्लारपूर), वरोरा न.प. (प्रा. अधि. तहसीलदार वरोरा), भद्रावती न.प. (तहसीलदार भद्रावती), ब्रम्हपुरी न.प. (तहसीलदार ब्रम्हपुरी), मूल न.प. (तहसीलदार मूल), घुग्घुस न.प. (तहसीलदार चंद्रपूर), चिमूर न.प. (तहसीलदार चिमूर), नागभीड न.प. (तहसीलदार नागभीड), राजुरा न.प. (तहसीलदार राजूरा), गडचांदूर न.प. (तहसीलदार कोरपना), भिसी न.पं. (अपर तहसीलदार भिसी).

    उपरोक्तप्रमाणे प्राधिकृत केलेल्या अधिका-यांनी प्रारूप मतदार यादीवर 8 ते 13 ऑक्टो 2025 पर्यंत प्राप्त होणाऱ्या  हरकती व सूचनांवर नियमाप्रमाणे विचार करून निर्णय घ्यावा व आवश्यक असल्यास योग्य त्या सुधारणा मतदार यादीत कराव्यात, असे जिल्हाधिकारी चंद्रपूर यांनी कळविले आहे.

  • mephedrone trafficking Mumbai to Chandrapur । मुंबईवरून चंद्रपूरला आली ‘MD पावडर’ची खेप; स्थानिक गुन्हे शाखेची मोठी कारवाई

    mephedrone trafficking Mumbai to Chandrapur

    mephedrone trafficking Mumbai to Chandrapur : चंद्रपूर – चंद्रपूर स्थानिक गुन्हे शाखेने अंमली पदार्थविरोधात वर्षातील सर्वात मोठी कारवाई करीत तब्बल ५२८ ग्रॅम मेफेड्रोन MD पावडर किंमत २६ लाख ४० हजार रुपयांचा माल जप्त केला, विशेष म्हणजे सदर MD मुंबई वरून चंद्रपुरात पोहोचली होती. या प्रकरणी एका आरोपीला अटक करण्यात आली आहे.

    Also Read : सर्पमित्राचा सर्पदंशाने मृत्यू

    ५ ऑक्टोबर रोजी चंद्रपुरात मोठ्या प्रमाणात मेफेड्रोन पावडर येत असल्याची माहिती स्थानिक गुन्हे शाखेला मिळाली होती, माहितीच्या आधारे पोलिसांनी चंद्रपूर राष्ट्रीय महामार्ग वरील साखरवाही फाट्याजवळ सापळा रचला, यावेळी कार क्रमांक MH १० EQ ०४२१ ला थांबवित पोलिसांनी वाहनांची झडती घेतली असता त्यामध्ये प्लॅस्टिक च्या प्रेसलॉक पन्नी मध्ये ५२८ ग्राम MD पावडर मिळून आले. यावेळी पोलिसांनी वाहन व MD सह एकूण ३५ लाख ७ हजार ४८० रुपयांचा मुद्देमाल जप्त केला. NDPS Act Chandrapur police

    ३७ वर्षीय वसीम इमदाद खान राहणार बैगणवाडी रिक्षा स्टॅन्डजवळ, साईबाबा मंदिर, गोवंडी मुंबई याला अटक करण्यात आली. आरोपीवर मादक पदार्थ विरोधी कायद्यांवये गुन्हा दाखल करण्यात आला असून पुढील तपास स्थानिक गुन्हे शाखा करीत आहे.

    वर्षातील या मोठ्या कारवाईची पोलीस अधीक्षक मुमक्का सुदर्शन यांनी माहिती दिली कि चंद्रपूर जिल्हा हा नशामुक्त करण्याची मोहीम पोलीस विभागाने हाती घेतली आहे, आपल्या जवळपास कुणी अंमली पदार्थाची विक्री करीत असेल तर नागरिकांनी पोलीस विभागाला माहिती द्यावी. MD कारवाईत इमदाद खान हा आरोपी मुंबईवरून चारचाकी वाहन भाड्याने घेऊन आला होता. इतक्या मोठ्या प्रमाणात हे पावडर कुणी बोलाविले? हा माल कुणाला विकल्या जाणार होता? याबाबत पोलीस पुढील तपास करणार असून भविष्यात अंमली पदार्थविरोधी कारवाया सतत होणार असून नागरिकांनी पोलिसांना सहकार्य करावे, असे आवाहन पोलीस अधीक्षकांनी केले. Maharashtra drug seizure latest news

    या क्रमांकावर करा तक्रार

    अंमली पदार्थ बाबत कुणालाही माहिती मिळाल्यास तात्काळ ११२ किंवा ७८८७८९०१०० वर तात्काळ संपर्क साधावा, माहिती देणाऱ्याची ओळख गुप्त ठेवल्या जाणार.

    वर्ष २०२५ मध्ये चंद्रपूर जिल्हा पोलीस दलाची कारवाई

    यावर्षी चंद्रपूर जिल्हा पोलीस दलाने आतापर्यंत NDPS अधिनियम अंतर्गत १५७ गुन्हे दाखल करीत १९२ आरोपीवर कारवाई करण्यात आली असून आरोपीकडून ८० लाख ५९ हजार ७७४ रुपयांचा मुद्देमाल जप्त केला. गांजा विक्रीसाठी आणणाऱ्या २६ गुन्हे दाखल करीत ५५.२४ किलो गांजा जप्त करीत ४० आरोपींवर कारवाई करीत ६ लाख ६२ हजार १६४ रुपयांचा मुद्देमाल जप्त केला. mephedrone trafficking Mumbai to Chandrapur

    MD पावडर बाळगणाऱ्या ३१ आरोपींवर कारवाई करीत १४ गुन्हे दाखल करण्यात आले असून आरोपीजवळून ७२२.६१४ ग्रॅम MD पावडर सह ४३ लाख ७८ हजार ६० रुपयांचा मुद्देमाल जप्त करण्यात आला. ब्राऊन शुगर बाळगणाऱ्या आरोपींवर १ गुन्हा दाखल करीत २९८ ग्रॅम ब्राऊन शुगर जप्त करीत २ आरोपींवर कारवाई करीत तब्बल ३० लाख १९ हजार ५५० रुपयांचा मुद्देमाल जप्त करण्यात आला. याशिवाय अंमली पदार्थाचे सेवन करणाऱ्या १८६ आरोपींवर कारवाई करीत १५६ गुन्हे दाखल करण्यात आले आहे.

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे यांच्या मार्गदर्शनात स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात सपोनि दीपक कांक्रेडवार, सपोनि बलराम झाडोकर, पोउपनि विनोद भुरले, पोउपनि संतोष निंभोरकर, पोउपनि सर्वेश बेलसरे, पोउपनि सुनील गौरकार, पोलीस कर्मचारी सुनील गोहोकार, इम्रान खान, सतीश अवथरे, रजनीकांत पुठ्ठावार, दीपक डोंगरे, हिरालाल गुप्ता, शशांक बदामवार, किशोर वाकाटे, विजयमाला वाघमारे व प्रमोद डंभारे सह सायबर पोलीस स्टेशन यांनी केली.

  • snake friend passes away from snakebite । सर्पमित्र महेंद्र भडके यांचा सर्पदंशाने मृत्यू; बल्लारपूर शहरात शोककळा

    snake friend passes away from snakebite

    snake friend passes away from snakebite : बल्लारपूर (५ ऑक्टोबर २०२५): शहरातील एक निष्ठावान आणि अनुभवी सर्पमित्र म्हणून ओळख असलेले महेंद्र भडके (३२, रा. विद्यानगर वॉर्ड, सावित्रीबाई फुले चौक) यांचे रविवारी सकाळी साडेदहा वाजण्याच्या सुमारास सर्पदंशामुळे निधन झाले. सर्पांना जीवदान देण्याचे काम करणाऱ्या एका तरुणाचा असा अचानक आणि दुर्दैवी अंत झाल्याने बल्लारपूर शहरावर शोककळा पसरली असून सर्वत्र हळहळ व्यक्त होत आहे.

    नाग पकडताना घडली दुर्दैवी घटना

    मिळालेल्या माहितीनुसार, न्यू कॉलनी परिसरात असलेल्या एका नर्सरीमध्ये विषारी नाग दिसल्याची माहिती महेंद्र भडके यांना मिळाली. माहिती मिळताच ते तत्काळ तिथे पोहोचले. नागरिकांच्या सुरक्षिततेसाठी आणि त्या नागाला जीवदान देण्यासाठी ते नेहमीप्रमाणेच मोठ्या धैर्याने नाग पकडण्याच्या प्रयत्नात होते. मात्र, याच दरम्यान त्या नागाने महेंद्र भडके यांना दोन वेळा दंश केला. snake rescuer dies in Maharashtra

    Also Read : शासकीय निवासस्थानी चोरीचा माल, २ आरोपीना अटक

    उपचारादरम्यान झाला मृत्यू

    सर्पदंश होताच त्यांना तातडीने ग्रामीण रुग्णालय, बल्लारपूर येथे दाखल करण्यात आले. प्राथमिक उपचारानंतर त्यांची प्रकृती गंभीर असल्याचे पाहून त्यांना पुढील उपचारासाठी चंद्रपूर येथे हलवण्याचा निर्णय घेण्यात आला. मात्र, दुर्दैवाने चंद्रपूर येथे नेत असताना वाटेतच त्यांची प्राणज्योत मालवली.

    सर्पमित्र म्हणून भरीव योगदान

    महेंद्र भडके हे गेल्या अनेक वर्षांपासून बल्लारपूर शहरात सर्पमित्र म्हणून सक्रिय कार्यरत होते. शहरातील विविध वस्त्यांमध्ये आणि भागांमध्ये साप निघाल्यास ते तात्काळ घटनास्थळी जाऊन सापांना पकडत असत. सापांना मारण्याऐवजी त्यांना सुरक्षितरित्या पकडून, जंगलात किंवा त्यांच्या नैसर्गिक अधिवासात सोडण्याचे महत्त्वपूर्ण कार्य त्यांनी अविरतपणे केले. त्यांचा हा प्रयत्न केवळ सर्प संरक्षणासाठीच नव्हे, तर नागरिकांच्या सुरक्षिततेसाठीही खूप मोलाचा होता.

    बल्लारपूर शहरात हळहळ

    सर्पांना जीवदान देणाऱ्या या तरुणाचा सर्पदंशाने मृत्यू झाल्याची बातमी शहरात पसरताच सर्वत्र दुःख व्यक्त करण्यात आले. महेंद्र भडके यांच्या निधनाने बल्लारपूर शहराने एक समर्पित वन्यजीव संरक्षक गमावला आहे. त्यांच्या अकाली निधनामुळे विद्यानगर वॉर्ड आणि संपूर्ण बल्लारपूर शहरात शोकाचे वातावरण आहे.

  • Karnataka high court orders NCBC powers । राष्ट्रीय मागासवर्ग आयोगाला संवैधानिक दर्जा; कर्नाटक सरकारला उच्च न्यायालयाचा दणका

    Karnataka high court orders NCBC powers

    Karnataka high court orders NCBC powers : चंद्रपूर / नागपूर / यवतमाळ : विभागीय आयुक्त, नागपूर कार्यालयात दि. 24 जूलै 2023 रोजी राष्ट्रीय मागासवर्ग आयोगाचे अध्यक्ष हंसराज अहीर यांचे अध्यक्षतेखाली आढावा बैठक व जनसुनावणी घेण्यात आली होती. आयोगाने कर्नाटक पाॅवर कार्पोरेशनशी संबंधित प्रकल्पपिडीत, पुनर्वसित शेतकरी, ग्रामस्थ आणि मजूरांशी निगडीत ज्वलंत समस्या, भुमी अधिग्रहण आदीबाबत महाराष्ट्र सरकार आणि कर्नाटक सरकार यांच्यात सन 2016 मध्ये झालेल्या करारावर अंमलबजावणी करण्याचे निर्देश या बैठकीत दिले होते.

    कर्नाटक सरकार व केपीसीएल ने विभागीय आयुक्त, नागपूर तसेच जिल्हाधिकारी, चंद्रपूर यांच्या शेतकऱ्यांना भरपाई, पुनर्वसन, अधिग्रहण, वेतन व अन्य लाभांविषयीच्या भुमिकेचा तसेच आयोगाने या संदर्भात दिलेल्या निर्देशास आव्हान देत मा. कर्नाटक उच्च न्यायालयात याचिका दाखल केली. आयोगाचे अध्यक्ष हंसराज अहीर यांनी सन 2018 मध्ये कलम 338 ब अंतर्गत आयोगाला प्राप्त संवैधानिक अधिकारान्वये आपली भुमिका स्पष्ट केली. NCBC authority recognition

    Also Read : वरोरा नगरपरिषदेचे माजी नगराध्यक्ष यांचा कांग्रेस पक्षात प्रवेश

    दि. 24 जुलै 2023 रोजी मा. बंगलौर उच्च न्यायालय, कर्नाटक समोर आयोगाने शेतकऱ्यांचे हित आणि केपीसीएल द्वारा त्यांच्यावर होत असलेल्या अन्याय, अत्याचारा विरूध्द प्रभावीपणे बाजू मांडली. मा. उच्च न्यायालयाने कर्नाटक सरकार व केपीसीएल च्या स्थगिती आदेश आणि याचिकेला खारीज करीत निवाडा दिला की, आयोगाचा संवैधानिक अधिकार केवळ औपचारिकता नसून, त्याचा आदर केलाच पाहिजे आणि संविधानानुसार, त्यावर अंमलबजावणी केली पाहिजे याच भावनांसह मा. कर्नाटक उच्च न्यायालयाने कर्नाटक सरकारची याचिका रद्द केली.

    राष्ट्रीय मागासवर्ग आयोगाने मा. कर्नाटक उच्च न्यायालयात आपला पक्ष भक्कमपणे मांडला त्यामुळे रिट याचिकेवरील सुनावणी 14 ऑगस्ट 2025 रोजी पार पाडत मा. न्यायालयाने 19 सप्टेंबर 2025 रोजी आयोगाच्या बाजूने निकाल दिला. या निकालात न्यायालयाने नमुद केले की, कलम 338 ब संविधानात समाविष्ट करण्यात आले असल्याने राष्ट्रीय मागासवर्गीय आयोगाला वैधानिक संस्थेतून संवैधानिक संस्थेत स्थान मिळाले आहे. त्यामुळे एक संवैधानिक संस्था म्हणून आयोगाचे कार्य सामाजिक, शैक्षणिकदृष्टया मागासवर्गीयांच्या हिताचे रक्षण करणे, केंद्र आणि राज्य सरकारांशी सल्लागार भुमिका बजावणे, तक्रार निवारण यंत्रणा म्हणून काम करणे आणि जातींच्या समावेश आणि बहिष्काराबाबत शिफारसी करणे हे आहे. या संवैधानिक दर्जामुळेच आयोगाला तक्रारींचे प्रभावीपणे निराकरण करण्याचे अधिकार बहाल आहेत. National Commission for Backward Classes verdict

    न्यायालयाने आपल्या निकालात पुढे असेही म्हटले की, कलम 338 ब च्या उपकलमान्वये आयोगाला संविधानानुसार सामाजिक आणि शैक्षणिकदृष्टया मागासलेल्या वर्गांसाठी प्रदान केलेल्या संरक्षणाशी संबंधित सर्व बाबींची चौकशी आणि देखरेख करण्याचे तसेच मागासवर्गीयांना हक्कापासून वंचित राहण्याच्या तक्रारींचे संरक्षण आणि निवारण करण्याचे व या अनुषंगाने इतरही कर्तव्य पार पाडण्याचे असिमित अधिकार आहेत. न्यायालयाने असेही नमुद केले आहे की, आयोग अशा प्रकरणात एका कर्मचाऱ्यांची तक्रार ऐकत नाही तर, खाणकामांमुळे ज्यांचे जीवनावर विपरीत परिणाम होत आहे अशा विस्थापित शेतकरी, ग्रामस्थांच्या सामुहीक आक्रोशाची सुनावणी करत आहे. Karnataka high court orders NCBC powers

    आयोग ही संवैधानिक संस्था

    आयोग ही संवैधानिक संस्था आहे आणि संविधान हा कायदा नसून तो, सर्व कायद्यांचा स्त्रोत आहे. मा. कर्नाटक उच्च न्यायालयाने निर्णयात असेही अधोरेखीत केले की, न्यायालय वरील वादाकडे केवळ कराराच्या बारकाव्यामधून बघू शकत नाही, संविधान हे कागदोपत्री निर्जीव शब्द नसून ते न्याय, समानता आणि उपेक्षितांच्या कल्याणाची जीवंत साक्ष आहे. कलम 338 ब मागासवर्गीयांच्या न्याय हक्काचे कर्तव्य आयोगाला सोपवते हे अधिकार अस्पष्ट नसून उलट ते ज्या उद्देशासाठी तयार केले गेले होते तितकेच व्यापक सुध्दा आहेत. ज्या प्रकल्पपिडीत गावकऱ्यांनी स्वतःच्या जमीनी सोडल्या आहेत ते संवैधानिक सहानुभूतीला पात्र आहेत. त्यामुळे त्यांची दुर्दशा ही तडजोडीची गैरसोय नाही तर, संवैधानिक चिंतेचा विषय आहे असेही मा. कर्नाटक उच्च न्यायालयाने आपल्या आदेशात स्पष्ट केले आहे. Karnataka high court orders NCBC powers

    राष्ट्रीय मागासवर्ग आयोगाचे अध्यक्ष हंसराज अहीर यांनी मा. कर्नाटक उच्च न्यायालयाच्या या निर्णयाचे स्वागत करीत या निर्णयामुळे विस्थापित ओबीसी शेतकऱ्यांच्या कुटूंबियांना न्याय मिळाल्याबद्दल समाधान व्यक्त केले आहे. हे यश मा. मोदी सरकारने आयोगाला दिलेल्या संवैधानिक दर्जा आणि संविधानाच्या कलम 338 ब अंतर्गत बहाल केलेल्या अधिकाराची फलश्रृती असून श्री. अहीर यांनी मा. न्यायालयाच्या निर्णयाचे स्वागत करून पंतप्रधान नरेंद्र मोदी यांच्या सरकारप्रती विशेष आभार मानले आहे. या निर्णयामुळे केपीसीएल प्रकल्पग्रस्तांमध्ये आनंदोत्सवाचे वातावरण निर्माण झाले आहे.



  • Maharashtra teachers salary before Diwali | दिवाळीचा आनंद द्विगुणित करा! आमदार अडबाले यांनी शिक्षक व कर्मचाऱ्यांसाठी केली महत्त्वाची मागणी

    Maharashtra teachers salary before Diwali

    Maharashtra teachers salary before Diwali : चंद्रपूर (५ ऑक्टोबर २०२५) : दि. १८ ऑक्टोंबर २०२५ पासून दिवाळीचा सण सुरु होत आहे. देशासह राज्‍यात दिवाळीचा सण मोठ्या थाटामाटात साजरा करण्यात येतो. त्‍यामुळे राज्‍यातील सर्व अधिकारी, कर्मचारी तसेच शालेय शिक्षण, उच्च व तंत्र शिक्षण, आदिवासी विकास, इतर मागास बहु. कल्‍याण व  कौशल्य व उद्योजकता विभागाअंतर्गत कार्यरत / सेवानिवृत्त सर्व शिक्षक, प्राध्यापक, सर्व निदेशक व कर्मचारी यांचे ऑक्‍टोबरचे वेतन दिवाळीपूर्वी अदा करण्यात यावे, अशी मागणी नागपूर विभाग शिक्षक मतदार संघाचे आमदार सुधाकर अडबाले यांनी मुख्यमंत्री, दोन्‍ही उपमुख्यमंत्री तसेच पाचही विभागाच्या प्रधान सचिव यांच्याकडे निवेदनाद्वारे केली आहे. MLA Sudhakar Adbale latest news

    Also Read ; वरोरा नगरपरिषदेचे माजी नगराध्यक्ष अहतेशाम अली यांचा कांग्रेस पक्षात प्रवेश

    मुख्यमंत्री, दोन्‍ही उपमुख्यमंत्री यांच्याकडे मागणी

    राज्‍यातील सर्व अधिकारी, कर्मचारी तसेच स्‍थानिक स्‍वराज्‍य संस्‍था, खासगी अनुदानित प्राथमिक, माध्यमिक, उच्च माध्यमिक, वरिष्ठ महाविद्यालय, आश्रमशाळा, आयटीआय येथे कार्यरत / सेवानिवृत्त शिक्षक – शिक्षकेत्तर कर्मचाऱ्यांना दिवाळी हा सण आनंदाने साजरा करता यावा, याकरिता दिनांक १८ ऑक्‍टाेंबर २०२५ पूर्वी वेतन होणे आवश्‍यक आहे. त्‍यामुळे नेहमी शिक्षक, प्राध्यापक, कर्मचाऱ्यांच्या हितासाठी झटणारे आमदार सुधाकर अडबाले यांनी सदर कर्मचाऱ्यांचे वेतन दिवाळीपूर्वी व्‍हावे, याकरिता मुख्यमंत्री, दोन्‍ही उपमुख्यमंत्री यांच्याकडे मागणी केली आहे.

    राज्‍यातील सर्व अधिकारी / कर्मचाऱ्यांचे माहे ऑक्टोंबरचे वेतन दिनांक १८ ऑक्‍टाेंबर २०२५ पूर्वी त्यांच्या खात्यात जमा करण्याबाबत वेतन तरतूद तात्‍काळ उपलब्‍ध करून द्यावी व दिवाळीपूर्वी वेतन अदा करण्याबाबत संबंधितांना आदेश निर्गमित करण्यात यावे, अशी मागणी आमदार सुधाकर अडबाले यांनी मा. मुख्यमंत्री, दोन्‍ही उपमुख्यमंत्री तसेच शालेय शिक्षण, उच्च व तंत्र शिक्षण, आदिवासी विकास, इतर मागास बहु. कल्‍याण व  कौशल्य व उद्योजकता विभागाच्या प्रधान सचिवांकडे केली आहे. 

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by