My Blog

Blog

  • Mul railway overbridge । रेल्वे क्रॉसिंगवरील अडथळ्यांना पूर्णविराम! मुनगंटीवार यांच्या पाठपुराव्याने प्रकल्पास मंजुरी

    Mul railway overbridge

    Mul railway overbridge : चंद्रपूर :  राज्याचे माजी वने व सांस्कृतिक कार्यमंत्री आमदार सुधीर मुनगंटीवार यांच्या सातत्यपूर्ण प्रयत्नांना मोठे यश मिळाले असून, मुल शहरालगतच्या रेल्वे क्रॉसिंगवर उड्डाणपुलाच्या बांधकामास पहिल्या टप्प्यात ३१ कोटी रुपयांची मंजुरी मिळाली आहे. या कामाबाबत दक्षिण पूर्व मध्य रेल्वे, नागपूरचे विभागीय रेल्वे व्यवस्थापक यांनी अधिकृत पत्राद्वारे मंजुरीची माहिती दिली आहे. ‘दिला शब्द केला पूर्ण’ या भावनेने लोकांना दिलेला शब्द पाळत आ. मुनगंटीवार यांनी मुल शहरासाठी आणखी एक महत्त्वाचा विकासाचा टप्पा गाठला आहे.

    Also Read : चंद्रपूर शहरातील रस्त्याचा होणार कायापालट

    आमदार श्री. सुधीर मुनगंटीवार यांच्या सातत्यपूर्ण पाठपुराव्याला यश मिळाले असून मुल शहरालगत रेल्वे क्रॉसिंगवर उड्डाणपुलाच्या बांधकामास अखेर मंजुरी मिळाली आहे. विभागीय रेल्वे व्यवस्थापक (डीआरएम) दीपक कुमार गुप्ता यांनी याबाबत अधिकृत पत्राद्वारे आमदार श्री.मुनगंटीवार यांना मंजुरीची माहिती दिली आहे.मुल–चंद्रपूर राष्ट्रीय महामार्ग एनएच ९३० वरील रेल्वे क्रॉसिंग गेट क्र. GCF १२३ येथे उड्डाणपुलाच्या मंजुरीबाबत डीआरएम दक्षिण पूर्व मध्य रेल्वे नागपूर यांनी पत्राद्वारे अधिकृत कळविले आहे. Chandrapur NH 930 flyover

    सातत्यपूर्ण पाठपुराव्याला यश

    या ठिकाणी अवजड वाहने आणि इतर वाहतुकीमुळे वारंवार अडथळे निर्माण होत होते. नागरिकांनी यासंदर्भात आ.मुनगंटीवार यांना अवगत केले. या मागणीवर सातत्यपूर्ण पाठपुरावा करत आमदार श्री. सुधीर मुनगंटीवार यांनी रेल्वे प्रशासनाकडे पाठपुरावा केला होता. त्यांच्या सातत्यपूर्ण प्रयत्नांना मोठे यश मिळाले आहे.

    आपल्या पाठपुराव्याला यश मिळाल्याबद्दल समाधान व्यक्त करत आमदार मुनगंटीवार म्हणाले,विधानसभा निवडणुकीदरम्यान जनतेला दिलेला शब्द पूर्ण करत असल्याचा मनस्वी आनंद आहे. हा उड्डाणपूल केवळ वाहतुकीचा प्रश्न सोडवणार नाही, तर मुल शहर आणि परिसराच्या सौंदर्यातही भर घालणार आहे. या पुलामुळे शेती, व्यापार आणि उद्योग क्षेत्राला नवसंजीवनी मिळेल.”

  • Chandrapur road widening project । २० कोटींच्या निधीतून चंद्रपूरच्या मुख्य मार्गांचा कायापालट! रस्ता रुंदीकरणाचे काम अंतिम टप्प्यात

    Chandrapur road widening project

    Chandrapur road widening project : चंद्रपूर – शहरातील वाढता वाहतूक भार, ट्रॅफिकची समस्या, पाणीपुरवठ्याची गळती आणि रस्त्याच्या कडेला उभे असलेले वीज खांब यामुळे नागरिकांना होत असलेल्या अडचणींचा विचार करून, रस्ता रुंदीकरणाच्या कामांना गती देण्यासाठी आमदार किशोर जोरगेवार यांनी शुक्रवारी शासकीय विश्रामगृह येथे विविध विभागांची एकत्रित बैठक घेतली. त्यानंतर आमदार किशोर जोरगेवार यांनी अधिकार्यांसह शहरातील मुख्य मार्गाची पाहणी केली.

    Also Read : ग्रामीण भागात पत्रकाराने केली महिलांची फसवणूक

    या बैठकीस महानगरपालिका, सार्वजनिक बांधकाम विभाग , वेकोली आणि महाराष्ट्र राज्य वीज वितरण कंपनी या विभागांचा समावेश होता. यावेळी मनपा आयुक्त विद्या गायकवाड, महावितरणचे अधीक्षक अभियंता चिवंडे, सार्वजनिक बांधकाम विभागाचे कार्यकारी अभियंता अक्षय पगारे, मनपा शहर अभियंता रविंद्र हजारे, तसेच भाजप महानगर अध्यक्ष  सुभाष कासनगोट्टूवार, महिला आघाडी अध्यक्ष  छबू वैरागडे, संघटन महामंत्री नामदेव डाहुले,  माजी महापौर राखी कंचार्लावार, विधानसभा अध्यक्ष दशरथसिंह ठाकूर, माजी नगर सेवक संजय कंचार्लावार, करणसिंह बैस आदी उपस्थित होते.

    road expansion

    बैठकीनंतर आमदार किशोर जोरगेवार यांनी अधिकाऱ्यांसह शहरातील कस्तुरबा आणि महात्मा गांधी या दोन मुख्य मार्गांची पाहणी केली. त्यांनी सांगितले की, २० कोटी रुपयांतून या दोन्ही मार्गांचे काम सुरू असून आता अंतिम टप्प्यात शेवटच्या आवरणाचे काम सुरू होणार आहे. मात्र, हे काम होत असताना रस्त्यावर असलेले अतिरिक्त विद्युत खांब काढून रस्ते रुंद करण्याचे निर्देश संबंधित विभागांना दिले आहेत. road widening project in Chandrapur city challenges

    रस्ते प्रशस्त करा

    यावेळी आमदार जोरगेवार म्हणाले की, रस्त्याकडेला उभे असलेले वीज खांब व गटारे यामुळे रस्ते अरुंद झाले आहेत. यामुळे नागरिकांना आणि वाहनचालकांना सतत धोका निर्माण होतो. म्हणूनच हे खांब तातडीने हलवून रस्ते प्रशस्त करावेत. अनेक ठिकाणी पाणी गळतीमुळे रस्त्यांचे नुकसान होत आहे आणि नागरिकांच्या घरासमोर चिखल व घाण साचते. संबंधित विभागांनी त्वरित तपासणी करून यांची दुरुस्ती करावी. municipal authority road expansion plans

    केवळ रस्ते बनवणे हे आपले उद्दिष्ट नाही, तर नागरिकांना सुरक्षित, स्वच्छ आणि सुखदायी प्रवासाचा अनुभव देणे हे आपले ध्येय आहे. त्यामुळे सर्व विभागांनी समन्वयाने काम करून गुणवत्तापूर्ण आणि वेळेत काम पूर्ण करावे, असेही आमदार जोरगेवार यांनी सांगितले.वेकोली अंतर्गत येणाऱ्या मार्गांचे काम तात्काळ पूर्ण करण्याचे आणि महावितरणने रस्त्यावर केलेले खोदकाम दुरुस्त करून उर्वरित काम तत्काळ पूर्ण करण्याचे निर्देशही त्यांनी दिले. 

  • Indranil Naik Chandrapur visit । 🔹 चंद्रपूर जिल्हा कार्यकर्ता मेळाव्यात राष्ट्रवादीत मोठ्या प्रमाणात पक्षप्रवेश!

    Indranil Naik Chandrapur visit

    Indranil Naik Chandrapur visit : चंद्रपूर :- राष्ट्रवादी कॉंग्रेस पक्षाचा कार्यकर्ता मेळावा व पक्षप्रवेश सोहळा आयोजित करण्यात आला होता. सदर मेळाव्याचे आयोजन जिल्हाध्यक्ष नितीन भटारकर यांनी केले असून प्रदेश सचिव श्री आबिद अली साहेब, शहर जिल्हाध्यक्ष श्री राजीव भैय्या कक्कड, महिला जिल्हाध्यक्षा सौ रंजना ताई पारशिवे, माजी नगराध्यक्ष श्री दिपक भैय्या जैस्वाल, चंद्रपूर विधानसभा अध्यक्ष श्री सुनील भाऊ काळे, राष्ट्रवादी युवक कॉंग्रेस चे जिलाध्यक्ष श्री राकेश भैय्या सोमानी, विद्यार्थी जिल्हाध्यक्ष श्री सुजित उपरे, कार्याध्यक्ष श्री सागर भाऊ तामगाडगे, कामगार नेते श्री वामन बुटले साहेब, कामगार जिल्हाध्यक्ष श्री संजय भाऊ शेजुळ,

    Also Read : पत्रकाराने केली महिलांची फसवणूक, पोलिसांनी केली अटक

    वैद्यकीय जीलाध्यक्ष श्री पंकज ढेंगारे, सोशल मीडिया जिलाध्यक्ष श्री अमर गोमासे, राष्ट्रवादी काँग्रेस पक्षाचे जिल्हा उपाध्यक्ष श्री मुन्ना आवळे, ज्येष्ठ नेते श्री देविदास रामटेके साहेब, राष्ट्रवादी काँग्रेस पक्षाचे ज्येष्ठ नेते श्री डी के आरेकर साहेब, श्री जगदीश जुनघरी साहेब, ओबीसी सेलचे जिल्हाध्यक्ष श्री अविनाश जी राऊत, सामाजिक कार्यकर्ते मा. गिरीधर लांबट साहेब, कामगार नेते शंकर बागेसार साहेब, श्री गजानन जवादे साहेब श्री रवी भडके साहेब, सामाजिक कार्यकर्ते श्री खजांची मोरे साहेब, दुर्गापुरचे माजी सरपंच श्री अमोल ठाकरे, उपसरपंच श्री आसिफ भाई पठाण यांच्या सह राष्ट्रवादी कॉंग्रेस पक्षाचे सर्व सन्माननीय पदाधिकारी उपस्थित होते. NCP Chandrapur district workers meet

    सदर कार्यक्रमाप्रसंगी बोलताना संपर्कमंत्री मा. इंद्रनील नाईक साहेब यांनी यापुढे सतत चंद्रपूर जिल्हा दौऱ्यावर येणार असुन राष्ट्रवादी कॉंग्रेस पक्षाच्या माध्यमातून आलेल्या सर्वसामान्य जनतेच्या समस्या सोडविण्यासाठी प्राधान्य देणार असुन राष्ट्रवादी कॉंग्रेस पक्षाच्या प्रत्येक कार्यकर्त्याच्या पाठीशी देखील खंबीरपणे उभा राहणार असल्याची ग्वाही दिली. तसेच उद्योग राज्यमंत्री म्हणून जिल्ह्यात असलेल्या विविध उद्योग व प्रकल्पांमध्ये चंद्रपूर जिल्ह्यातील स्थानिकांना प्राधान्य देत रोजगार उपलब्ध करून देण्याबाबत लवकरच एक जिल्हाधिकारी कार्यालयात बैठक आयोजित करून राष्ट्रवादी काँग्रेस पक्षाच्या माध्यमातून युवकांना न्याय देण्याची भूमिका घेणार असल्याचे जाहीर केली. NCP rally highlights Chandrapur

    🔹पक्षप्रवेश ..!!

    राष्ट्रवादी कॉंग्रेस पक्षाच्या आयोजित मेळाव्यात राष्ट्रवादी काँग्रेस शरदचंद्र पवार पक्षाचे ओबीसी विभाग जिल्हाध्यक्ष श्री सुधाकर काकडे साहेब तसेच कामगार विभागाचे जिल्हाध्यक्ष श्री प्रदीप ढाले साहेब, सामाजिक कार्यकर्ते श्री. सुधाकर घोरपडे साहेब, पदमापूर येथील ग्रामपंचायत सरपंचा सौ आम्रपाली ताई अलोणे, मोहर्ली ग्रामपंचायत चे उपसरपंच श्री विकासभाऊ मेश्राम, अडेगाव चे माजी उपसरपंच श्री राजूभाऊ भुरकुंडे, पायली गावच्या पुनर्वसन समितीचे अध्यक्ष श्री मिथुन भाऊ रायपुरे, लखमापूर ग्रामपंचायत सदस्य श्री लवलेश भाई निषाद, सामाजिक कार्यकर्ते श्री. अनिल फाले साहेब, उर्जानगर ग्रामपंचायत चे माजी सदस्य श्री किशोर भाऊ आवळे तसेच सौ सुनंदा ताई अनिल फाले, भटाळी ग्रामपंचायत सदस्य श्री. किशोर भाऊ रत्नपारखी, Indranil Naik Chandrapur visit

    joining ncp

    पदमापूर ग्रामपंचायत च्या माजी सदस्या सौ विनाताई म्हरसकोल्हे, सामाजिक कार्यकर्ते श्री अशोक लेनगुरे साहेब, श्री कलीम भाई शेख, श्री हुसेन भाई पठाण, श्री महेबूब भाई शेख, श्री नजीर भाई सय्यद, श्री अय्युब भाई शेख, रावण ग्रुप चे संस्थापक अध्यक्ष श्री शैलेश भाऊ बोरकर यांच्यासह त्यांचे संपूर्ण सहकारी, सामाजिक कार्यकर्ते श्री विष्णू भाऊ मिटकरी, श्री आझाद भाई खान, श्री सागर भाऊ मुस्समवार, श्री. वसीम भाई कुरेशी, श्री चेतन भाऊ पुणेकर, श्री वानखेडे काका, सौ अनिता ताई जुमनाके, सौ. रेखाताई जवाडे यांच्यासह विविध पक्षातील पदाधिकारी तथा सामाजिक क्षेत्रात काम करणारे सन्माननीय कार्यकर्त्यांनी मोठ्या संख्येने राष्ट्रवादी काँग्रेस पक्षात प्रवेश केला.

  • Chandrapur rural women job scam news । 🚨 चंद्रपूर ग्रामीण भागात महिलांसाठी खोट्या नोकरीच्या फसवणुकीची घटना

    Chandrapur rural women job scam news

    Chandrapur rural women job scam news : चंद्रपूर (९ ऑक्टोबर २०२५) News३४ वृत्त – स्वयंभू सनराईज ग्रामीण विकास बहुउद्देशीय संस्थांद्वारे गावागावात माय इंडिया निधी बँकेची शाखा स्थापन करीत त्या बँकेत विविध पदावर भरती प्रक्रिया राबवित अनेक महिलांना लाखोंचा चुना लावणाऱ्या आरोपीला नागभीड पोलिसांनी अटक केली, सदर आरोपी हा दैनिक वृत्तपत्राचा जिल्हा प्रतिनिधी म्हणून काम करीत होता.

    Also Read : गोंडवाना विद्यापीठाचा मोठा निर्णय, मार्कशीट मध्ये होणार हा बदल

    ७ ऑक्टोबर रोजी नागभीड पोलीस स्टेशनमध्ये ३४ वर्षीय भारती फुलचंद फाले यांनी तक्रार दिली कि वरोरा तालुक्यातील जामगाव मध्ये राहणार ३९ वर्षीय राजेंद्र विनोद मेश्राम याने आपल्या संस्थेद्वारे गावागावात माय इंडिया निधी बँकेची स्थापना केली होती. त्या शाखेमध्ये फिर्यादी भारती फुले यांना एरिया मॅनेजर पदावर नोकरी देतो तसेच इतरही महिलांना नोकरी देण्याचे आमिष दाखविले. विशेष म्हणजे फिर्यादी महिलेला मेश्राम यांनी नोकरीची खोटी ऑर्डर तयार करीत ती खरी आहे असे भासवीत फिर्यादी व इतर महिलांची ५ लाख ३० हजार रुपयांची फसवणूक केली. Chandrapur My India Fund Bank fraud news

    आरोपी निघाला पत्रकार

    फसवणुकीचा प्रकार लक्षात आल्यावर याबाबत महिलांनी नागभीड पोलीस स्टेशनमध्ये राजेंद्र मेश्राम यांच्याविरुद्ध तक्रार दिली, ८ ऑक्टोबर रोजी राजेंद्र मेश्राम ला पोलिसांनी अटक केली, सदर आरोपी राजेंद्र मेश्राम हा दैनिक कळमनगरी वृत्तपत्राचा चंद्रपूर जिल्हा प्रतिनिधी म्हणून काम करीत होता. आरोपीची अधिक माहिती पोलिसांनी घेतली असता फसवणुकीबाबत मेश्राम यांच्यावर जिल्ह्यात विविध गुन्हे दाखल असल्याची माहिती पोलिसांना मिळाली.

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे, उपविभागीय पोलीस अधिकारी राकेश जाधव यांच्या मार्गदर्शनात पोलीस निरीक्षक रमाकांत कोकाटे यांच्या नेतृत्वात सपोनि दिलीप पोटभरे, पोलीस कर्मचारी दीपक कोडापे व दिलीप चौधरी यांनी केली.

  • Chandrapur Road Project Corruption । साडेतीन कोटीच्या कामात ५० लाखांचे कमिशन?

    Chandrapur Road Project Corruption

    Chandrapur Road Project Corruption : चंद्रपूर: बागला चौक ते राजीव गांधी इंजीनियरिंग कॉलेज पर्यंत जीवघेणे खड्डे असलेला रस्ता सोडून साडेतीन कोटी रुपयांच्या रस्ता दुभाजकाचे काम करण्याचा प्रस्ताव चंद्रपूर महानगरपालिकेने केला. हा सर्व अट्टाहास मेसर्स सूर्यवंशी एंटरप्राइजेस साठी करण्यात आल्याचा तसेच ह्या कारणामुळे मनपाला एक कोटी रुपयांचे नुकसान झाल्याचा आरोप माजी नगरसेवक पप्पू देशमुख यांनी केला.
    खात्रीलायक सूत्रांकडून मिळालेल्या माहितीनुसार या कामांमध्ये तत्कालीन आयुक्त पालीवाल यांना कमिशन म्हणून 50 लक्ष रुपयाचे टोकन मिळाले असाही आरोप देशमुख यांनी केला. Chandrapur Paliwal road project commission allegations

    Also Read : चंद्रपूर जिल्ह्यात २ शेतकऱ्यांच्या आत्महत्या

    टोकाच्या स्पर्धेमुळे मनपात काम करणारे कंत्राटदार अंदाजपत्रकीय किमतीपेक्षा 25 ते 30 टक्के कमी दराने काम घेतात. इरई नदीच्या बाजूला तयार करण्यात आलेले विसर्जन कुंड,या ठिकाणी नूकताच नुकताच तयार करण्यात आलेला सिमेंट काँक्रीट प्लॅटफॉर्म, शहरातील अंतर्गत रस्ते दुरुस्तीचे काम या कामांच्या अंदाजपत्रकीय किंमती अनुक्रमे 5 कोटी,1.5 कोटी व 1 कोटी रूपये आहे.ही कामे कंत्राटदारांनी अंदाजपत्रकीय किंमतीपेक्षा अनुक्रमे 22% कमी म्हणजे 3 कोटी 90 लक्ष रुपये,34% कमी म्हणजे जवळपास 1 कोटी रूपये व 25 % कमी म्हणजे 75 लक्ष रुपयांमध्ये घेतले. Chandrapur Municipal Corporation Surya Enterprises contract

    इतकी गळेकापू स्पर्धा असताना 3.5 कोटी रुपयांचे रस्ता दुभाजकाचे काम मेसर्स सूर्यवंशी इंटरप्राईजेसला अंदाजपत्रकीय किमतीपेक्षा फक्त 0.01 टक्के कमी दराने म्हणजेच अंदाजपत्रकीय किमतीमध्ये कसे मिळाले ? हा प्रश्न आहे. कोणतेही ठोस कारण न देता या निविदा प्रक्रियेत पाच पैकी तीन एजन्सीला अपात्र करण्यात आले. मर्जीतल्या कंत्राटदारासाठी स्पर्धा संकुचित केल्याने मनपाचे जवळपास एक कोटी रुपयांचे नुकसान झाले व कंत्राटदाराला तेवढाच आर्थिक लाभ झाला. रस्ता दुभाजकाचे काम रद्द करण्यात यावे व विपिन पालीवाल यांची एसआयटी मार्फत चौकशी करून गुन्हे दाखल करण्यात यावे या मागणीसाठी लवकरच जनविकास सेनेतर्फे मोठे जन आंदोलन छेडण्यात येणार आहे अशी माहिती देशमुख यांनी प्रसिद्धपत्रकाद्वारे दिली.

    मर्जीतल्या कंत्राटदाराला काम देण्याचा ‘पालीवाल पॅटर्न’

    कामाची गरज असो की नसो करायला सोपे व जास्त नफा मिळवून देणारे काम कंत्राटदारासाठी काढायचे. कामाच्या ई-निविदेमध्ये हेतूपुरस्पर अपुरी माहिती टाकायची जेनेकरून कंत्राटदाराला माहितीसाठी मनपाच्या दारात यावे लागेल. कार्यालयात आलेल्या कंत्राटदारांना दलाली करणाऱ्या अधिकाऱ्यांमार्फत धमकावयचे.काम टाकू नका, ई-निविदा प्रक्रियेत सहभागी होऊ नका असे थेट सांगायचे. यानंतरही एखाद्या कंत्राटदाराने काम घेण्याचा प्रयत्न केल्यास त्याला नियम धाब्यावर बसवून निविदा प्रक्रियेत अपात्र करायचे. त्यासाठी आधीच निविदेत मर्जीतल्या कंत्राटदाराच्या हिताच्या अटी-शर्ट टाकून ठेवायच्या. या बेकायदेशीर अटी-शर्तींच्या आधारावर स्पर्धा संकुचित करायची. अशा प्रकार मर्जीतल्या कंत्राटदाराला काम द्यायचे व सुरुवातीलाच लाभ मिळवून द्यायचा. त्याच्या मोबदल्यात रोख स्वरूपात कमिशन घ्यायचे. हा चंद्रपूर मनपाचे आयुक्त असताना विपिन पालीवाल यांचा काम वाटण्याचा पॅटर्न होता.

  • Chandrapur district farmer suicide report । 😢 चंद्रपूर जिल्ह्यात दोन शेतकऱ्यांच्या आत्महत्यांमुळे हळहळ

    Chandrapur district farmer suicide report

    Chandrapur district farmer suicide report : चंद्रपूर: चंद्रपूर जिल्ह्यात गुरुवारी (दि. ९) एकाच दिवशी वेगवेगळ्या घटनांमध्ये दोन शेतकऱ्यांनी गळफास घेऊन आत्महत्या केल्याची दुर्दैवी घटना उघडकीस आली. रेमाजी बाबाजी देशमुख (५५, रा. मोखाळा, ता. सावली) आणि अनिल शंकर देवतळे (४३, रा. माढेळी, ता. वरोरा) अशी आत्महत्या केलेल्या शेतकऱ्यांची नावे आहेत.

    Also Read : तहसीलदार विरुद्ध शेतकऱ्यांचा संताप

    शेतकरी रेमाजी देशमुख यांची आत्महत्या (मोखाळा)

    सावली तालुक्यातील मोखाळा येथील रहिवासी असलेले रेमाजी देशमुख यांच्याकडे दोन एकर शेती आहे. बुधवारी (दि. ८) त्यांचा मुलगा व सून हे दोघे सोयाबीन काढणीसाठी वाशिम जिल्ह्यात रवाना झाले होते, तर त्यांची पत्नी कांता देशमुख या गुरुवारी सकाळी दही विकण्यासाठी गडचिरोली येथे गेल्या होत्या. घरात केवळ नातवंडे असताना, त्यांची नजर चुकवून रेमाजी देशमुख यांनी घरातील एका खोलीत गळफास घेऊन आत्महत्या केली. पत्नी दही विकून घरी परतल्यावर ही धक्कादायक घटना उघडकीस आली. Two farmers suicide in Chandrapur

    या घटनेची माहिती पोलिस पाटील यांनी सावली पोलिसांना दिल्यावर ठाणेदार पुलूरवार हे आपल्या पथकासह घटनास्थळी दाखल झाले. पोलिसांनी पंचनामा करून मृतदेह शवविच्छेदनासाठी सावली ग्रामीण रुग्णालयात पाठविला आहे.

    शेतकरी अनिल देवतळे यांनी केली आत्महत्या (माढेळी)

    दुसऱ्या घटनेत, वरोरा तालुक्यातील माढेळी येथील शेतकरी अनिल शंकर देवतळे यांच्याकडे आठ एकर शेती आहे. त्यांच्यावर विविध कार्यकारी संस्थेचे २ लाख ३० हजार रुपयांचे कर्ज असल्याचे समजते. नेहमीप्रमाणे अनिल देवतळे हे गुरुवारी सकाळी ८ वाजता स्वतःच्या शेतात गेले. तिथे त्यांनी शेतातील घराच्या छताला गळफास घेऊन आत्महत्या केली.

    बराच वेळ झाला तरी अनिल देवतळे घरी परत न आल्याने त्यांचे वडील शंकर देवतळे हे शेतात गेले असता त्यांना ही घटना दिसली. त्यांनी तातडीने माढेळी पोलिसांना याबद्दल माहिती दिली. पोलिसांनी घटनास्थळी येऊन पंचनामा केला आहे. त्यांच्या पश्चात आई, वडील, पत्नी, एक मुलगा व एक मुलगी असा परिवार आहे.

    या दोनही घटनांमुळे सावली तालुक्यातील मोखाळा आणि वरोरा तालुक्यातील माढेळी या गावांमध्ये हळहळ व्यक्त होत आहे.

  • Gondwana University mark sheet with percentage । 🏫 विद्यार्थ्यांना मोठा दिलासा – गोंडवाना विद्यापीठात CGPA सोबत टक्केवारीची थेट नोंद मार्कशीटवर

    Gondwana University mark sheet with percentage

    Gondwana University mark sheet with percentage : चंद्रपूर ९ ऑक्टोबर २०२५ (News ३४ वृत्तसेवा) – गोंडवाना विदयापीठ गडचिरोली येथे नुकतीच शिक्षक आमदार सुधाकर अडबाले सर यांच्या मार्गदर्शनाखाली झालेल्या बैठकीत युवासेना च्या वतीने युवासेना पूर्व विदर्भ सचिव तथा गोंडवाना विदयापीठ सिनेट सदस्य यांनी विद्यार्थी, शिक्षक यांचे विविध प्रश्न मांडले यामध्ये विद्यार्थ्याच्या मार्कशीट वर CGPA सोबतच टक्केवारी (Percentage) चा रकाना सुद्धा टाकण्यात यावा जेणेकरून ज्या विद्यार्थ्यांना बाहेर विदयापीठ मध्ये प्रवेश घेण्यासाठी टक्केवारी ची गरज असते त्यामुळे त्याकरिता आकारण्यात येणारा 200/- वेगळा आर्थिक भुदंड लागणार होता सोबतच वेळेवर conversion सर्टिफिकेट न मिळाल्यामुळे विलंब होऊन प्रवेशापासून वंचित राहावे लागतं होते. Gondwana University CGPA to percentage conversion

    Also Read : शेतकऱ्यांचा तहसीलदार यांच्यावर रोष

    युवासेना च्या वतीने हा मुद्दा बैठकीत ठेऊन यावर तोडगा म्हणून विद्यार्थ्यांना मिळणाऱ्या मार्कशीट वरच CGPA सोबतच टक्केवारी सुद्धा नोंद करावी अशी मागणी प्रा निलेश बेलखेडे यांनी केली व यावर निर्णय घेऊन येत्या हिवाळी किंवा उन्हाळी पारीक्षे पासून विदयार्थ्यांना अश्या पद्धतीची मार्कशीट उपलब्ध करून देण्यावर कुलगुरू यांनी सकारात्मकता दाखवून निर्णय घेतला.

    विविध विषयांवर चर्चा

    यावेळी गोंडवाना अंतर्गत मॉडेल कॉलेज येथील अभ्याँगत प्राध्यापक (Visiting Faculty) यांचे 2023 -24 चे थकीत वेतन देण्यात यावे, Ph.विद्यार्थ्याचे नोटिफिकेशन लवकरात लवकर काढावे तसेच
    त्त्यांचे सर्व प्रक्रिया पार पडलेल्या विद्यार्थ्यांच्या pending असलेल्या provsional degree लवकरात लवकर देण्यात यावी., विद्यापीठ अंतर्गत परीक्षा केंद्रात सुविधा आणि घेण्यात येणाऱ्या परीक्षा पद्धतीमध्ये केंद्रात सुधारणा करण्यात याव्यात, विद्यापीठ परीक्षा विभागात होणाऱ्या दिरंगाई मुळे विद्यार्थी -शिक्षकांना होणाऱ्या विविध अडचणी.अश्या विविध विषयाबद्दल सविस्तर चर्चा करण्यात आली.

    आमदार अडबाले यांनी विदयापीठ प्रशासनाला निर्देश देत समस्या निकाली काढण्यासंदर्भात सूचना केल्या यावर कुलगुरू तसेच इतर अधिकारी यांनी सकारात्मकता दाखविली व येत्या काही दिवसात सर्व विषय निकाली काढण्याचे आश्वासन दिले. सहकार्याबद्दल सिनेट सदस्य, विभागीय सचिव प्रा निलेश बेलखेडे यांनी आमदार आडबले सर यांचे तसेच कुलगुरू बोकारे, प्र.कुलगुरू कावळे आणि इतर अधिकारी यांचे आभार मानले.

  • Jivti taluka satbara cancellation controversy । ⚡ ॲड. दीपक चटप यांच्या नेतृत्वाखाली जिवतीत शेतकरी आक्रमक — “सातबारा बंद” कारवाई थांबवा!

    Jivti taluka satbara cancellation controversy

    Jivti taluka satbara cancellation controversy : जिवती: चंद्रपुर जिल्ह्यातील शेवटच्या टोकावर असलेल्या जिवती तालुक्यात पावसाने पिकांचे अतोनात नुकसान झाले आहे. या पार्श्वभूमीवर शेतकरी संघटना युवा आघाडी प्रदेशाध्यक्ष ॲड. दीपक चटप यांच्यासोबत तालुक्यातील शेकडो शेतकऱ्यांनी तालुका कार्यालयात धडक दिली. जिवती तालुक्यातील सातबारा अभिलेख शासनाने ऑनलाईन केले नाही.

    Also Read : भीषण अपघातात बाप लेकासह तिघांचा मृत्यू

    शासनाकडे तालुक्यातील दस्त अद्यावत नसताना कागदपत्रांच्या त्रुटी असणाऱ्या अनेक शेतकऱ्यांचे सातबारा रद्द करण्याचे आदेश देण्यास तहसीलदार रुपाली मोगरकर यांनी सुरू केली आहे. ऐन संकटात हे आदेश निघत असल्याने तालुक्यातील हजारो शेतकरी मदतीपासून वंचित होतील. त्यामुळे शेतकऱ्यांत तहसीलदार यांच्याविरोधात रोष निर्माण झाला आहे. एकंदरीत जिल्ह्यात ६ पैकी ५ सत्ताधारी आमदार असताना शेतकऱ्यांच्या जखमेवर मिठ चोळण्याचे काम होताना दिसणे दुर्दैवी असून प्रशासन देखील शेतकऱ्यांसोबत असंवेदनशीलपणे वागत असल्याचा आरोप शेतकरी संघटना युवा आघाडी प्रदेशाध्यक्ष ॲड. दीपक चटप यांनी केला. Jivti taluka tehsildar order satbara closure

    नुकसान झालेच नाही

    शेतकऱ्यांचे नुकसान झाले असून बांधावर सरसकट पंचनामे झाले नाही ही आपबीती तहसीलदार यांच्यासमोर मांडली. यावर तहसीलदार यांनी तालुक्यात शेतकऱ्यांचे ओला दुष्काळाने सरसकट नुकसान झालेच नाही असे असंवेदनशील वक्तव्य केले. संपुर्ण शेतांचे पंचनामे करण्याआधीच नुकसान न झाल्याचा निष्कर्ष प्रशासनाने काढल्याने उपस्थित शेतकऱ्यांनी निषेध नोंदविला.

    अधिकारी पंचनामा करायला आलेच नाही

    दरम्यान पल्लेझरी येथील शेतकरी बालाजी कांबळे यांनी माझ्या शेतत अजून एकही अधिकारी पंचनामे करायला आला नसून माझे खरिपाचे पिक पूर्ण वाया गेले असल्याचे मांडले. धोंडाअर्जुनी येथील गोविंद पवार यांनी माझ्याकडे शेतीचा जुना पट्टा असताना सातबारा बंद करण्याची कार्यवाही तहसीलदार यांनी सुरू केली आहे. माझ्या शेतात नुकसान झाले असताना अद्याप तलाठी, मंडळ अधिकारी अथवा तहसीलदार मोक्यावर आलेले नाही असे सांगितले. Jivti farmers land records update demand

    शेणगाव येथील शब्बीर जहागीरदार यांनी संपूर्ण पंचनामे न झाल्याने जिवती तालुका मदतीपासून वंचित राहिल आणि या अडचणीच्या काळात सातबारा बंद करण्याची कार्यवाही न थांबविणे यातून प्रशासनाची असंवेदनशीलता दिसते असे मत मांडले. मागील तीन पिढ्यांपासून ज्या शेतीवर उपजीविका त्याच शेतीचा सातबारा बंद करून टाकला. आता पिककर्ज कसे काढावे, शासकीय अनुदान कसे मिळवावे असे प्रश्न तयार झाल्याचे नंदप्पा येथील शेतकरी गणेश कदम यांनी मांडले.

    जिवती तालुक्यातील हजारो शेतकऱ्यांची शेतजमीन धोक्यात आली आहे. पिकांचे अतोनात नुकसान झाले असताना अद्याप पंचनामे न होणे, नुकसान मदतीपासून वंचित ठेवणे आणि सातबारा बंद करणे हे असंवेदनशील प्रकार थांबले पाहिजे; अन्यथा तीव्र आंदोलन करण्यात येईल असा इशारा शेतकऱ्यांनी दिला आहे. यावेळी शेतकरी संघटना तालुकाध्यक्ष सुदाम राठोड, देविदास वारे, उद्धव गोतावळे, सूरज गव्हाणे, सौरभ मादासवार यांसह शेकडो शेतकरी उपस्थित होते.

  • Chandrapur road repair update । 🚧 खासदार प्रतिभा धानोरकर यांच्या इशाऱ्याने मनपाला आली जाग! ‘जीवघेण्या’ रस्त्यांवर दुरुस्तीला वेग

    Chandrapur road repair update

    Chandrapur road repair update : चंद्रपूर ९ ऑक्टोबर २०२५ (News ३४ वृत्तसेवा):  शहरातील ‘जीवघेण्या’ रस्त्यांच्या दुरुस्तीसाठी दिलेल्या ५ दिवसांच्या अल्टिमेटम’मुळे चंद्रपूर शहर महानगर पालिका प्रशासनाला अखेर जाग आली आहे. खासदार प्रतिभा धानोरकर यांच्या तीव्र इशाऱ्यानंतर काही तासांतच मनपा प्रशासन खडबडून जागे झाले असून, शहराच्या मुख्य आणि अंतर्गत रस्त्यांवरील खड्डे भरण्याच्या तसेच दुरुस्तीच्या कामांना युद्धपातळीवर सुरुवात झाली आहे.

    Also Read : मनपा आयुक्त पालीवाल यांची मुंबई मध्ये बदली

    खासदार प्रतिभा धानोरकर यांनी आयुक्तांना पत्र पाठवून रस्त्यांच्या दयनीय अवस्थेकडे लक्ष वेधले होते आणि ५ दिवसांत काम सुरू न झाल्यास, मनपाच्या निष्क्रियतेविरोधात प्रांगणातच “गिट्टी फेक” आंदोलन करण्याचा थेट इशारा दिला होता. नागरिकांची सुरक्षितता आणि वाढते अपघात लक्षात घेता रस्त्यांची दुरुस्ती तातडीने करण्याची मागणी त्यांनी केली होती. Chandrapur MP Pratibha Dhanorkar road action

    या इशाऱ्याची गंभीर दखल घेत मनपा प्रशासनाने तातडीने पाऊले उचलली आहेत. शहरातील प्रमुख मार्गांवर आणि सर्वाधिक खड्डे असलेल्या भागांमध्ये काम सुरू केले आहे.

    शहरवासीयांना दिलासा

    “जीवघेण्या” रस्त्यांच्या समस्येवर त्वरित उपाययोजना सुरू झाल्याने शहरवासीयांना मोठा दिलासा मिळाला आहे. खासदार प्रतिभा धानोरकर यांच्या आक्रमक भूमिकेमुळे आणि जनआंदोलनाच्या इशाऱ्यामुळेच प्रशासन त्वरित कामाला लागले, अशी चर्चा आता चंद्रपूर शहरात रंगली आहे.

    मनपाने काही भागांत काम सुरू केले असले तरी, शहरातील अन्य भागात अद्याप खड्डे कायम आहेत. त्यामुळे खासदार प्रतिभा धानोरकर यांनी आपला इशारा कायम ठेवला आहे. उर्वरित खड्डे ५ दिवसांच्या आत बुजवले नाहीत, तर “गिट्टी फेक” आंदोलन अधिक तीव्र करण्यात येईल, असे त्यांनी स्पष्टपणे सांगितले आहे. नागरिकांना पूर्ण दिलासा मिळेपर्यंत प्रशासन पूर्ण क्षमतेने काम करेल, अशी अपेक्षा त्यांनी व्यक्त केली आहे.

  • Chandrapur Municipal Commissioner Transfer | चंद्रपूर मनपा आयुक्तांवर आरोप, वाद आणि आता बदली – लोकप्रतिनिधींचे मौन कायम!

    Chandrapur Municipal Commissioner Transfer

    Chandrapur Municipal Commissioner Transfer : चंद्रपूर (9 ऑक्टोबर 2025) (News34 वृत्तसेवा – अनेक वादात आरोपांच्या फैरीत अडकलेले मनपा आयुक्त विपीन पालिवाल यांची अखेर बदली करण्यात आली आहे.

    Also Read : दुचाकींचा भीषण अपघात, बापलेकासह तिघांचा मृत्यू


    मागील अनेक दिवसांपासून मेडिकल लिव्ह वर असलेले चंद्रपूर मनपा आयुक्त विपीन पालिवाल यांची मुंबई धारावी पुनर्विकास प्रकल्प मध्ये सचिव या पदावर बदली करण्यात आली असा शासनाचा आदेश 7 ऑक्टोबर रोजी धडकला.
    विपीन पालिवाल यांनी चंद्रपूर जिल्ह्यातील पोम्भूर्णा, बल्लारपूर व चंद्रपूर मध्ये वादाच्या भोवऱ्यात आपला कार्यकाळ गाजवला.

    जनविकास सेना आणि आप चे गंभीर आरोप


    पालिवाल यांच्यावर जनविकास सेना सह आम आदमी पार्टी चंद्रपूरने अनेक भ्रष्टाचाराचे आरोप केले.
    विशेष बाब म्हणजे त्यांच्या विरुद्ध आमदार, खासदार व पालकमंत्री यांनी आगपाखड केली नाही, त्यांच्या कार्यकाळात अनेक वादग्रस्त व भ्रष्टाचाराचे अनेक प्रकल्पाचे कामे झाली, चंद्रपूर शहराची सध्या पूर्णतः वाट लागली आहे, मनपा हद्दीतील रस्ते पूर्णतः खराब, 2 महिन्यांपूर्वी नव्याने तयार झालेल्या रस्त्याची पहिल्या पावसात दयनीय अवस्था झाली आहे.

    इतकं असूनही चंद्रपुरातील लोकप्रतिनिधी यांनी त्यांच्या विरुद्ध एक शब्दही काढलेला नाही. जनविकास सेना व आप ने पालिवाल विरुद्ध भ्रष्टाचाराच्या आरोपाची फैरी सतत सुरू ठेवली. मात्र राजकीय वरदहस्त असल्याने आयुक्त व प्रशासकाचा कार्यकाळ त्यांनी निवांतपणे काढला.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by