My Blog

Blog

  • Sai Deepotsav Chandrapur 2025 | ३१ हजार दीपांचा दीपोत्सव! चंद्रपुरात साई सेवा संकल्प प्रतिष्ठानचा अद्भुत प्रकाश उत्सव

    Sai Deepotsav Chandrapur 2025

    Sai Deepotsav Chandrapur 2025 : चंद्रपूर 23 ऑक्टोबर (News34 वृत्तसेवा) – वर्षभर सातत्याने सामाजिक उपक्रमात अग्रेसर असणारी श्री साई सेवा संकल्प प्रतिष्ठान चंद्रपूर वर्षभरात एकदाच अध्यात्मिक कार्यक्रम दीपोत्सव दिवाळी च्या पावन-पर्वावर सादर करीत असते यावर्षीचा दीपोत्सव हा रविवार दिनांक 19 ऑक्टोबरला सायंकाळी 7 वाजता सरदार पटेल महाविद्यालय,गंजवार्ड, चंद्रपूर येथे पार पडला.

    Also Read : मनपा निवडणुकीसाठी चंद्रपुरातील इच्छुक उमेदवारांकडून कांग्रेसने मागविले अर्ज

    31 हजार दिव्यांचा दीपोत्सव

    हा ख्याती प्राप्त दीपोत्सव महाराष्ट्रामध्ये दुसऱ्या क्रमांकावर असतो यावर्षी प्रतिष्ठान तर्फे 31000 दिव्यांची आरास श्री साईबाबा चरणी अर्पण करण्यात आली. कार्यक्रमाला यावर्षी प्रतिष्ठान तर्फे साईबाबांचा जिवंत पालखी देखावा, श्री साईबाबांच्या दुर्मिळ छायाचित्रांची प्रदर्शनी, चंद्रपूरच्या दिग्गज कलाक्षेत्रातील श्री सुहास दुधलकर यांनी साकारलेली जिवंत रांगोळी सर्वांना मोहून गेली तर संपूर्ण दिव्यांची आरास चंद्रपूरची दिग्गज कलाशिक्षक श्री संजय अंडरस्कर यांनी रेखाटली तर त्यांच्या सोबतीला प्रसिद्ध कला चित्रकार श्री सुदर्शन बारापात्रे व श्री किरण पराते यांनी सहकार्य दिले. Sai Seva Sankalp Pratishthan Diwali event

    संपूर्ण परिसर साईमय वातावरणात 31 हजार दिव्यांनी लखलखत होता,सोबतीला सुमधुर साई भक्ती संगीत संध्येने कार्यक्रमांला वेगळेच रूप प्राप्त झाले. पटाख्याची आतीषबाजी प्रमुख आकर्षण होते.संपूर्ण कार्यक्रमाला शहराच्या बाहेरून सुद्धा लोकांनी उपस्थिती दर्शवून दीपोत्सवाचा आनंद घेतला.

    कार्यक्रमाच्या अध्यक्षस्थानी गुरुकुंज आश्रम मोझरी चे सर्वाधिकारी श्री लक्ष्मणराव गमे, ज्येष्ठ नागरिक संघाचे अध्यक्ष श्री मारोतराव मत्ते उपाध्यक्ष डॉक्टर भानुदासजी दाबेरे,समाजसेवक श्री संजय बुरघाटे, श्री दिनेश जी चोखारे, श्री लोटी भाई पटेल, दाताळा साई मंदिराचे अध्यक्ष राजू नागरकर, श्री अनिल तहिल्यांनीं, श्री अरुण तिखे यांची यांची प्रामुख्याने उपस्थिती लाभली. कार्यक्रमाची सुरुवात श्री साईबाबांच्या चरणी मान्यवरांच्या हस्ते द्रिप प्रज्वलन व 31 दिव्यांनी आरती करून झाली. lamp lighting ceremony Sai Baba Chandrapur

    कार्यक्रमाचे प्रस्ताविक प्रतिष्ठानचे अध्यक्ष श्री सचिन गाटकीने यांनी केले त्यानंतर अध्यक्ष भाषण श्री लक्ष्मणराव गमे यांनी केले यानंतर उपस्थित सर्व साई भक्तांनी 31 हजार दीप प्रज्वलित करण्याचे आव्हान करण्यात आले, कार्यक्रमाचे संचालन सौ प्रज्ञा जीवनकर यांनी केले तर आभार प्रदर्शन प्रतिष्ठानचे उपाध्यक्ष श्री विनोद गोवारदिपे यांनी केले.

    कार्यक्रमाच्या यशस्वीते करिता प्रतिष्ठानचे प्रमोद वरभे, रुपेश महाडोळे,नेमराज पोडे, पंकज निमजे सचिन बरबटकर, कृणाल खणके,रोशन निनावे,तुषार राहुड,पवन कामतकर,जयवंत खंडाळकर,आशा यादव, भास्कर खट्टी सुरेश सातपुते, अनिल कोरेकर,लक्ष्मण बोनगीरवार,प्रकाश नांढा,नंदकिशोर मैंदरळकर,देवेंद्र लांजे सुनील मांडवकर, नितीन गेडाम, राम नागपुरे,चंदू रणदिवे,सक्षम रणदिवे, दत्तात्रय झुलखंतीवार, प्रदीप रणदिवे,आशिष वासेकर, संजीवनी चहारे,पुनम नवले,इंद्रायणी गाटकीने, मंजुषा पोडे,प्रीतम रागीट, भारती शिंदे,पूजा लांजे, अनिरुद्ध यादव,आराध्या गटकीने मुरलीधर शिरभय्ये इत्यादींनी परिश्रम घेतले.

  • Padva Pahat event Chandrapur | चंद्रपूरमध्ये सांस्कृतिक तेजाची नवी पहाट; आमदार सुधीर मुनगंटीवार यांचे प्रेरणादायी शब्द

    Padva Pahat event Chandrapur

    Padva Pahat event Chandrapur : चंद्रपूर, दि. 22 (News34 वृत्तसेवा) :  चंद्रपूर जिल्ह्यात असंख्य प्रतिभावान कलावंत आहे. या सर्वांना एका व्यासपीठावर आणून आपल्या जिल्ह्याचा सांस्कृतिक वारसा अधिक तेजस्वी आणि समृद्ध करावा, असे प्रेरणादायी आवाहन राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी केले.

    Also Read : चंद्रपुरात मोठा घातपात टळला

    community unity events

    संस्कृती संवर्धन मंडळाचा वतीने आझाद गार्डन येथे आयोजित पाडवा पहाट कार्यक्रमाप्रसंगी ते बोलत होते.कार्यक्रमाला डॉ. मंगेश गुलवाडे, राहुल पावडे, रामपाल सिंग, शैलेश परबते, विजय चंदावार, गणपतराव येवले, नम्रता आचार्य-ठेमस्कर, सूर्य खजांची, रवी लोणकर, धनराज कोवे, डॉ. अशोक वासलवार,डॉ. प्रमोद बांगडे, डॉ. विलास मुळे,गोपाल मुंदडा, डॉ. सुशील मुंदडा, डॉ. भूपेश भलमे, डॉ. राहुल तपासे, डॉ. सलीम तुकडी, प्रलय सरकार, अमित निरंजने, निलेश काळे, उमेश आष्टणकर, सचिन कोतपल्लीवर,मुग्धा खांडे, पुरुषोत्तम सहारे, चांद पाशा, माया उईके, शिला चव्हाण, सुनील डोंगरे आदींची उपस्थिती होती. Sudhir Mungantiwar cultural initiatives

    आमदार श्री. सुधीर मुनगंटीवार म्हणाले, दीपावली सण हा उत्सवांचा राजा असून तो आनंद, ऐक्य आणि प्रकाशाचा सर्वोच्च प्रतीक आहे. संस्कृती संवर्धन मंडळ समाजात “हम साथ साथ हैं” या भावनेचा प्रसार करत आहे. गावांमध्ये भौतिक विकासाबरोबरच संस्कृती, मूल्य आणि मनोविकासालाही महत्त्व देणे आवश्यक आहे. भारतीय संस्कृतीची समृद्ध परंपरा जगासाठी प्रेरणादायी ठरली असून, परदेशांतही गणेशोत्सव साजरा केला जातो, हे संस्कृतीची ताकद आणि जागतिक ओळख दर्शवते.

    सांस्कृतिक तेजाची नवी पहाट, चंद्रपूरचा अभिमान:

    डॉ. मंगेश गुलवाडे, राहुल पावडे, रामपाल सिंग आणि त्यांच्या संपूर्ण टीमने या दिवाळीपासून एक सुंदर आणि महत्वपूर्ण उपक्रमाला सुरुवात केली.दीपावलीच्या पावन पर्वावर कार्यक्रमाला लोकांचा उत्स्फूर्त प्रतिसाद पाहून यशाची खात्री झाली. एकेकाळी लोकपूर म्हणून ओळखले जाणारे चंद्रपूर आज उत्साह, संस्कृती आणि सहनशीलतेसाठी ओळखले जाते. जगातील सर्वात उष्ण शहर म्हणून प्रसिद्ध असलेले हे ठिकाण ‘सूर्यपूर’ या नावाने नाही तर चंद्रपूर या नावानेच ओळखले जाते. चंद्रपूरकरांच्या सहनशीलतेला संस्कृतीची जोड देत सांस्कृतिक तेज आणि सामाजिक ऐक्याने शहर उजळवूया, हीच या नव्या उपक्रमाची खरी प्रेरणा असल्याचे आमदार श्री. मुनगंटीवार म्हणाले.

    चंद्रपूरची कला गंगासागराच्या रूपात पाहायला मिळेल:

    तणावात नव्हे, तर आनंदात जगायला शिका, हा संदेश या कार्यक्रमातून उमटला. संस्कृती संवर्धन मंडळाने चंद्रपूरमधील सर्व कलाकारांची नोंद करून पुढील दीपावलीपर्यंत “हम हे चंद्रपूरकर” या भावनेतून एकत्र येऊन हजारो कलाकारांचा भव्य सांस्कृतिक कार्यक्रम साकारण्याचा संकल्प करावा. आजची ही सुरुवात गंगोत्रीसारखी आहे; जशी गंगा प्रवाहित होऊन गंगासागरात मिळते, तशीच संस्कृती आणि कलाकारांच्या कलेची गंगा एक दिवस चांदा क्लब मैदानावर गंगासागराच्या रूपात अवतरलेली पाहायला मिळेल, हा विश्वास या कार्यक्रमाने दिला असल्याचे आमदार श्री. सुधीर मुनगंटीवार म्हणाले.

  • Congress candidate process Chandrapur elections | चंद्रपूर महापालिका निवडणुकीसाठी काँग्रेसची तयारी; इच्छुक उमेदवारांसाठी अर्ज प्रक्रिया सुरू

    Congress candidate process Chandrapur elections

    Congress candidate process Chandrapur elections : चंद्रपूर 22 ऑक्टोबर (News34 वृत्तसेवा) : आगामी होऊ घातलेल्या चंद्रपूर महानगरपालिकेच्या निवडणुकांच्या (स्थानिक स्वराज्य संस्था) पार्श्वभूमीवर, काँग्रेस पक्षाने तयारीला सुरुवात केली आहे. पक्षाच्या तिकिटावर निवडणूक लढवण्यास इच्छुक असलेल्या उमेदवारांसाठी मुलाखत प्रक्रिया लवकरच सुरू केली जाणार असून, 1 ते 10 नोव्हेंबरपर्यंत अर्ज सादर करण्याचे आवाहन चंद्रपूर शहर (जिल्हा) काँग्रेस कमिटीचे अध्यक्ष रितेश (रामू) तिवारी यांनी केले आहे.

    Also Read : कर्जमाफीचे आश्वासन फोल, चंद्रपुरात शेतकऱ्यांची काळी दिवाळी


    काँग्रेस पक्षाकडून इच्छुक उमेदवारांची लवकरच मुलाखत प्रक्रिया सुरू करण्यात येणार आहे. २४ ऑक्टोबरपासून शहर (जिल्हा) काँग्रेस कार्यालय, तिवारी भवन कस्तुरबा चौक चंद्रपूर येथे अर्ज उपलब्ध राहणार आहेत. त्यामुळे अर्ज करणाऱ्या इच्छुकांनी अर्जासोबत आपली संपूर्ण आणि अचूक माहिती देणे अनिवार्य आहे. या माहितीमध्ये खालील बाबींचा समावेश असावा.  local election preparations Chandrapur

    उमेदवारांची संपूर्ण माहिती

    उमेदवाराचे संपूर्ण नाव, प्रभागाचा पत्ता, मागील निवडणूक अनुभव,  यापूर्वी कोणती निवडणूक लढवली आहे? यापूर्वी महानगरपालिका किंवा पूर्वीच्या नगरपालिकेमध्ये नगरसेवक म्हणून काम केलेले आहे काय? आरक्षण प्रवर्ग अनुसूचित जाती, अनुसूचित जमाती, इतर मागास प्रवर्ग) याची माहिती द्यावी. सद्यस्थिती आणि सामाजिक कार्य कोणते,  आतापर्यंत केलेली सामाजिक कामे तसेच प्रभागातील प्रमुख स्थानिक मुद्द्यांची माहिती देणे आवश्यक आहे.

    काँग्रेस विचारधारेच्या आणि परिवर्तन घडवू इच्छिणाऱ्या नवतरुण-तरुणींनी या निवडणुकीत सक्रिय सहभाग घ्यावा, असे विशेष आवाहन चंद्रपूर शहर (जिल्हा) काँग्रेस कमिटीचे अध्यक्ष यांनी केले आहे. पक्षनिष्ठ, सामाजिकदृष्ट्या सक्रिय आणि प्रतिष्ठित नागरिकांना काँग्रेसकडून उमेदवारी दिली जाईल, असेही त्यांनी स्पष्ट केले. इच्छुक उमेदवारांनी आपले अर्ज 1 ते 10 नोव्हेंबरपर्यंत चंद्रपूर शहर (जिल्हा) काँग्रेस कमिटी कार्यालय, कस्तुरबा (गिरनार) चौक येथे सादर करावेत, असे आवाहन करण्यात आले आहे.

  • BJP Govardhan Puja celebration Chandrapur | भव्य गोवर्धन पूजा उत्साहात साजरी; आ. किशोर जोरगेवार यांनी दिला समाज ऐक्याचा संदेश

    BJP Govardhan Puja celebration Chandrapur

    BJP Govardhan Puja celebration Chandrapur : चंद्रपूर 22 ऑक्टोबर (News34 वृत्तसेवा) – भारतीय जनता पार्टी नेहमीच समाजाशी जोडलेली आहे. समाजातील प्रत्येक घटक आनंदी, समृद्ध आणि आत्मनिर्भर व्हावा, हा आमचा प्रयत्न आहे. गोवर्धन पूजा ही शेती, गोसंवर्धन आणि निसर्गाशी असलेल्या आपल्या नात्याची जाणीव करून देते. या परंपरेत आपल्या संस्कृतीचे मूळ दडले आहे, असे प्रतिपादन आमदार किशोर जोरगेवार यांनी केले. Kishor Jorgewar Nehru Nagar Govardhan Puja

    Also Read : बल्लारपुरात शेतकऱ्यांनी साजरी केली काळी दिवाळी

    दीपावलीच्या शुभ पर्वानिमित्त भारतीय जनता पार्टी शास्त्रीनगर प्रभाग आणि कानिफनाथ बहुउद्देशीय संस्था, नेहरू नगर यांच्या संयुक्त विद्यमाने नेहरू नगर येथे भव्य गोवर्धन पूजा महोत्सव भक्तिमय वातावरणात उत्साहात साजरा करण्यात आला. यावेळी ते बोलत होते.

    या कार्यक्रमाला राष्ट्रीय ओबीसी आयोगाचे अध्यक्ष हंसराज अहिर, ओबीसी नेते अशोक जिवतोडे, महानगर अध्यक्ष सुभाष कासनगोट्टूवार, महिला मोर्चा शहराध्यक्षा छबु वैरागडे, माजी महापौर अनिल फुलझेले, भाजप नेते प्रकाश देवतळे, नामदेव डाहुले, युवा मोर्चा प्रदेश उपाध्यक्ष रघुवीर अहिर, युवा मोर्चा अध्यक्ष मयूर हेपट,  महामंत्री रवी गुरुनुळे, मंडळ अध्यक्ष स्वप्निल डुकरे, अॅड. सारिका संदुरकर, प्रदीप किरमे, रवी जोगी, सुभाष अदमाने, ओबीसी मोर्चा अध्यक्ष विनोद शेडकी, माजी नगरसेविका वनिता डुकरे, पुष्पा उराडे, शीतल गुरुनुले, माजी नगरसेवक विठ्ठलराव डुकरे, कानिफनाथ बहुउद्देशीय संस्थेचे उमेश साळुंखे, जनार्धन भुजाडे, राजू सांळुखे, राजकुमार भगाडे, सागर वाजेकर, श्रावण गदई आदी मान्यवर उपस्थित होते. unity and faith message by Kishor Jorgewar

    पारंपरिक सणांमुळे आपल्यात प्रेम, सद्भावना आणि भक्तीचा भाव निर्माण होतो

    यावेळी पुढे बोलताना आ. जोरगेवार म्हणाले की, गोवर्धन पूजा म्हणजे श्रद्धा, एकोपा आणि निसर्गाबद्दल कृतज्ञता व्यक्त करण्याचा दिवस आहे. आपला समाज एकत्र राहिला तर कोणतीही अडचण मोठी ठरत नाही. आज आपल्या देशात आणि राज्यात विकासाच्या अनेक योजना राबवल्या जात आहेत. पण त्याचबरोबर सामाजिक एकोपा, धार्मिक सौहार्द आणि सांस्कृतिक जपणूकही तितकीच आवश्यक आहे. अशा पारंपरिक सणांमुळे आपल्यात प्रेम, सद्भावना आणि भक्तीचा भाव निर्माण होतो.

    आज या पूजेत इतक्या मोठ्या संख्येने नागरिक, कार्यकर्ते, महिला व युवा सहभागी झाले, हे पाहून आनंद होत आहे. या आयोजनाने समाजात ऐक्य, भक्ती आणि सेवा भाव निर्माण केला आहे. आपण सर्वांनी दीपावलीच्या या शुभ पर्वावर मनातील अंधार दूर करून ज्ञान, प्रेम आणि एकतेचा प्रकाश पसरवून समाजातील प्रत्येक माणूस आनंदी राहावा, यासाठी आपण एकत्रित प्रयत्न केले पाहिजे असे ते यावेळी बोलताना म्हणाले.

    या कार्यक्रमाला स्थानिक नागरिकांची मोठ्या संख्येने उपस्थिती होती. यावेळी मान्यवरांच्या हस्ते गोवर्धन पूजन करण्यात आले.

  • Maharashtra farmers black Diwali protest | कर्जमाफीचे आश्वासन फोल! बल्लारपूरात शेतकऱ्यांनी साजरी केली ‘काळी दिवाळी’

    Maharashtra farmers black Diwali protest

    Maharashtra farmers black Diwali protest : बल्लारपूर 22 ऑक्टोबर (News34 वृत्तसेवा) :
    महाराष्ट्र प्रदेश काँग्रेस कमिटीचे अध्यक्ष मा. हर्षवर्धन सपकाळ यांच्या आदेशानुसार आज बल्लारपूर शहर व तालुक्यात शेतकऱ्यांनी “काळी दिवाळी” साजरी करत अनोखा निषेध नोंदवला.

    Farmers Black Diwali Protest

    Also Read : चंद्रपुरात मोठा घातपात टळला, नेमका गेम कुणाचा?

    अनोखा निषेध

    शेतकऱ्यांच्या बँक खात्यात अद्यापही मदत रक्कम न आल्याने संतप्त शेतकऱ्यांनी आपल्या बांधावर भाकर, पिठलं आणि ठेचा खाऊन सरकारविरोधात नाराजी व्यक्त केली.

    या आंदोलनात प्रदेश पदाधिकारी सचिव घनश्याम मुलचांदनी, शहर अध्यक्ष देवेन आर्य, तालुका अध्यक्ष गोविंदा उपरे, महिला तालुका अध्यक्ष अपसाना सय्यद, भास्कर माकोडे, प्रणेश अम्राज, रवी देरकर, सुरेश बाप्पांवर, तुळशीराम पिपरे, सुरेश वासाडे, नरेश बुरांडे, वासुदेव येरगुडे, शेखर आलम, जिवंकला आलम, भास्कर कावळे, सूर्यकांत दयालवर, नाजुका आलम, सुनील कोहरे, कैलाश धानोरकर यांच्यासह अनेक शेतकरी सहभागी झाले.

  • Chandrapur gang arrested with weapons : चंद्रपुरात मोठा घातपात टळला; नेमका गेम कुणाचा?

    Chandrapur gang arrested with weapons

    Chandrapur gang arrested with weapons : चंद्रपूर 21 ऑक्टोबर (News34 वृत्तसेवा) – ऐन दिवाळीमध्ये चंद्रपुरात मोठा घातपात होण्यापूर्वी पोलिसांनी कारवाई करीत 2 माऊझर सह 2 देशी कट्टे 35 जिवंत काडतुसे व चार खंजर असा शस्त्रसाठा जप्त केला. पोलिसांनी केलेल्या कारवाईत चन्द्रेश उर्फ छोटू देसराज सूर्यवंशी, बोरिस श्रीनिवास कुसुमा, मुकेश राजू वर्मा उर्फ टँक्यु, अमित बाडूकराम सोनकर सर्व राहणार बल्लारपूर यांना अटक केली अशी माहिती पोलिसांतर्फे मिळाली. Mauser guns seized Chandrapur

    Also Read : चंद्रपुरातील कुख्यात गुन्हेगाराला केले स्थानबद्ध


    ऐन दिवाळीच्या पूर्व संध्येला चंद्रपूर शहर पोलिसांना गस्तीदरम्यान माहिती मिळाली की शहरात देशी कट्टा घेऊन काही इसम येणार आहे.
    माहितीच्या आधारे पोलिसांनी गंजवार्ड मधील दादामिया ट्रान्सपोर्ट समोर सापळा रचला असता 2 चारचाकी व एक दुचाकी वाहनात तब्बल 8 जण त्याठिकाणी आले असता पोलिसांनी 4 जणांना पकडले. त्यापैकी 4 जण पसार झाले.


    पोलिसांनी चारचाकी वाहनांची झडती घेतली असता दोन देशी कट्टे, दोन माऊझर गन, 35 जिवंत काडतुसे, 4 खंजर सह तब्बल 17 लाख 45 हजारांचा मुद्देमाल जप्त केला.
    शहर पोलिसांनी आरोपींवर भारतीय हत्यार कायद्यांतर्गत गुन्हा दाखल करीत फरार आरोपींचा शोध सुरू केला आहे.

    रेकॉर्डवरील छोटू कोण आहे?


    12 जुलै 2021 मध्ये चंद्रपुरातील रघुवंशी कॉम्प्लेक्स मध्ये आकाश उर्फ चिन्ना अंदेवार यांच्यावर गोळीबार करण्यात आला होता. गोळीबार करणारा आरोपी हा छोटू सूर्यवंशी होता. 3 वर्षांनी 4 जुलै 2024 रोजी रघुवंशी कॉम्प्लेक्स मध्ये मनसे कामगार सेना जिल्हाध्यक्ष यांच्यावर गोळीबार करण्यात आला होता. pre-Diwali crime crackdown Chandrapur


    सदर वाद हा सुरज बहुरीया हत्याकांडाशी जोडल्या गेला आहे, बहुरीया हत्याकांड प्रकरणी अंदेवार बंधू यांना अटक करण्यात आली होती, त्या खुनाचा बदला घेण्यासाठी सदर गोळीबार घडवून आणला होता.

    live cartridges seizure Chandrapur

    सध्या आकाश अंदेवार यांच्यावर MPDA कलमाखाली कारवाई करण्यात आली असून त्यांची प्रकृती बरी नसल्याने सध्या ते जिल्हा सामान्य रुग्णालयात उपचार सुरू आहे, 20 ऑक्टोबर रोजी दोघेही बंधू सामान्य रुग्णालयात होते, हे विशेष. सूत्रांनी दिलेल्या माहितीनुसार एकूण 15 इसम चंद्रपुरात दाखल झाले होते, त्यापैकी 8 गंजवार्ड मध्ये तर उर्वरित सामान्य रुग्णालयात रेकी करीत होते. पोलिसांनी वेळीच आरोपींना पकडल्याने मोठा घातपात टळला. मात्र अंदेवार बंधुवर पुन्हा हल्ला होण्याची शक्यता नाकारता येत नाही.


    चंद्रपुरात इतक्या मोठ्या प्रमाणात शस्त्र आले पण त्याची साधी चाहूल पोलिसांना लागली नाही हे विशेष. सदर आरोपी हे अंदेवार बंधुवर हल्ला करण्यासाठी आले होते का? त्यांची संख्या नेमकी किती होती? शस्त्रे कुठून आली? रुग्णालयात कुणी रेकी केली होती का? याबाबत खुलासा पोलीस तपासात होणारचं.

  • Chandrapur police action on habitual offender | गुन्हेगारीवर पोलिसांचा कठोर हात! २० गुन्ह्यांचा आरोपी आनंद उर्फ गुड्डू गेडाम चंद्रपूर कारागृहात स्थानबद्ध

    Chandrapur police action on habitual offender

    Chandrapur police action on habitual offender : चंद्रपूर 21 ऑक्टोबर (News34 वृत्तसेवा) – 15 ते 20 गुन्हे दाखल असलेल्या चंद्रपूर शहरातील अट्टल गुन्हेगारांवर चंद्रपूर पोलिसांनी वर्षभराकरिता कारागृहात स्थानबद्ध केले आहे. 23 वर्षीय आनंद उर्फ गुड्डू रवींद्र गेडाम राहणार मित्रनगर चंद्रपूर असे त्या गुन्हेगाराचे नाव आहे.

    आनंद गेडाम वर वर्ष 2020 ते 2025 या कालावधीत पोलीस ठाणे रामनगर व इतर पोलीस स्टेशनमध्ये विविध कलमांव्ये तब्बल 15 ते 20 गुन्हे दाखल आहे. विशेष म्हणजे गेडाम वर प्रतिबंधक कारवाई कारवाई करण्यात आली होती, मात्र त्या कालावधीत गुन्हे केल्याने बॉण्ड रद्द करण्यात आला. Maharashtra police law enforcement success

    Also Read : 6 तासात घरफोडीच्या गुन्ह्याचा उलगडा


    आनंद गेडाम वर दरोडा, जबरी चोरी, खून, खुनाचा प्रयत्न करणे, गैरकायद्याची मंडळी जमवून दंगा करणे, गंभीर दुखापत व मारहाण करणे, शिवीगाळ, जीवे मारण्याची धमकी, अवैध अग्निशस्त्र बाळगत दहशत निर्माण करणे, आग लावून जाळपोळ करणे असे अनेक चढत्या क्रमाचे गुन्हे दाखल आहे.

    दहशत इतकी की नागरिक तक्रार करायला घाबरत होते


    विशेष बाब म्हणजे आनंद गेडाम विरुद्ध त्याच्या दहशतीमुळे कुणीही तक्रार करण्यासाठी पुढे येत नव्हते, सदर गुन्हेगारी वृत्तीवर आळा बसावा यासाठी चंद्रपूर पोलिसांनी महाराष्ट्र झोपडपट्टी हातभट्टीवाले, औषधी विषयक गुन्हेगार, धोकादायक कलाकृतीचे विनापरवाना प्रदर्शन करणाऱ्या व्यक्ती, वाळू तस्कर आणि अत्यावश्यक वस्तूचा काळा बाजार करणाऱ्या व्यक्ती यांच्या विघातक कृत्यांना आळा घालण्याबाबत अधिनियम 1981, सुधारणा 2009, 2015 अनव्ये 1 वर्षाकरिता स्थानबद्ध करण्याचे आदेश होण्याबाबतचा प्रस्ताव तयार करून जिल्हाधिकारी कार्यालय यांचे आदेशनव्ये नमूद प्रस्तावित इसमास 1 वर्षकरिता स्थानबद्ध आदेश केल्याने आनंद गेडाम ला 18 ऑक्टोबर रोजी जिल्हा मध्यवर्ती कारागृहात दाखल करीत स्थानबद्ध करण्यात आले असून पुढे त्यास सोलापूर कारागृहात दाखल करण्यात येणार आहे. Chandrapur criminal activity control


    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे, उपविभागीय पोलीस अधिकारी प्रदीप चौगुले, पोलीस निरीक्षक आसिफरजा शेख यांच्या मार्गदर्शनाखाली सपोनि योगेश खरसान प्रभारी पोलीस स्टेशन कोठारी, पोउपनी सुरेंद्र उपरे, पोलीस कर्मचारी संजू देशवाले, अरुण खारकर, परवेज शेख, अनिल जमकातन, राजू चिताडे, मनीषा मोरे, ब्ल्यूटी साखरे व स्थानिक पोलिसांनी केली.

  • MIDC Tadali coal depot pollution | चंद्रपुरातील अवैध कोल डेपो बंद करा – दिनेश चोखारे

    MIDC Tadali coal depot pollution

    MIDC Tadali coal depot pollution : चंद्रपूर | २० ऑक्टोबर (News34 वृत्तसेवा) : एमआयडीसी ताडाळी परिसरातील अवैध कोल डेपोमुळे वाढत चाललेल्या प्रदूषणाविरोधात नागरिकांत तीव्र असंतोष निर्माण झाला आहे. या पार्श्वभूमीवर चंद्रपूर जिल्हा मध्यवर्ती सहकारी बँकेचे संचालक आणि काँग्रेसचे जिल्हा उपाध्यक्ष दिनेश दादापाटील चोखारे यांनी जिल्हाधिकारी, चंद्रपूर यांना निवेदन सादर करून अवैध कोल डेपोवर तातडीने कारवाई करण्याची मागणी केली आहे.

    Also Read : अवघ्या 6 तासात घरफोडीचा गुन्हा उघडकीस, स्थानिक गुन्हे शाखेची कारवाई

    निवेदनात नमूद करण्यात आले आहे की, या अवैध डेपोमधून मोठ्या प्रमाणावर भेसळयुक्त कोळसा साठवला जात असून त्यामुळे परिसरात धूळ व वायूप्रदूषणाचे गंभीर स्वरूप निर्माण झाले आहे. या प्रदूषणाचा थेट परिणाम शेतीवर व आरोग्यावर होत असून, शेतकऱ्यांचे नुकसान वाढत आहे.

    कोलडेपो बंद करा

    नागरिकांच्या वारंवार तक्रारी असूनही स्थानिक प्रशासन आणि संबंधित यंत्रणांकडून दुर्लक्ष होत असल्याचा आरोप करण्यात आला आहे. त्यामुळे पर्यावरणाच्या रक्षणासाठी तातडीने उपाययोजना करून अवैध कोल डेपो बंद करण्याची आणि दोषींवर कठोर कारवाई करण्याची मागणी करण्यात आली आहे.

    या निवेदनाची प्रत उप प्रादेशिक अधिकारी तसेच महाराष्ट्र प्रदूषण नियंत्रण मंडळ, चंद्रपूर यांनाही देण्यात आली आहे.

  • quick police investigation Chandrapur | 6 तासात घरफोडीच्या गुन्ह्याचा उलगडा, स्थानिक गुन्हे शाखेची कारवाई

    quick police investigation Chandrapur

    quick police investigation Chandrapur : चंद्रपूर 20 ऑक्टोबर (News34 वृत्तसेवा) – चंद्रपूर शहरातील घुटकाला प्रभागात घरफोडी प्रकरणाचा उलगडा स्थानिक गुन्हे शाखेच्या पथकाने अवघ्या 6 तासात करीत 2 आरोपींसह 2 लाख 90 हजारांचा मुद्देमाल जप्त केला.
    19 ऑक्टोबर रोजी घुटकाला वार्डातील नेहरू शाळेच्या मागील भागात राहणारे फिर्यादी 27 वर्षीय मंगेश प्रमोद रामटेके हे आपल्या कुटुंबासह बाहेर गेले होते, 20 ऑक्टोबर रोजी रामटेके कुटुंब घरी परतले असता अज्ञातांनी घराचे कुलूप तोडत रोख व सोन्याच्या दागिन्यांचा ऐवज लांबविला होता. सदर घरफोडी प्रकरणी मंगेश रामटेके यांनी शहर पोलिसात तक्रार केली. crime crackdown in Chandrapur

    Also Read : 70 वर्षीय शेतकऱ्यांचा वाघाच्या हल्ल्यात मृत्यू


    तक्रार प्राप्त होताच सदर गुन्ह्याचा तपास स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात स्थानिक गुन्हे शाखेच्या पथकाने सुरू करीत खबरी कडून गोपनीय माहिती घेतली असता चंद्रपुरात 2 इसम सोन्याचे दागिने विक्री करण्याच्या उद्देशाने फिरत आहे अशी पक्की माहिती प्राप्त झाली.

    गडचांदुरातील आरोपी


    माहितीच्या आधारे पथकाने 28 वर्षीय आरिफ कलंदर शेख व 20 वर्षीय गौरव उर्फ प्रफुल बोझोकर दोन्ही राहणार गडचांदूर यांना ताब्यात घेत चौकशी केली असता त्यांनी घुटकाला भागात घरफोडी केल्याची कबुली दिली.
    दोन्ही इसम हे रेकॉर्डवरील आरोपी आहे. दोन्ही आरोपिकडून पोलिसांनी 2 लाख 90 हजार 350 रुपयांचा मुद्देमाल जप्त करीत पुढील तपासासाठी आरोपींना शहर पोलिसांच्या ताब्यात देण्यात आले.


    सदर प्रकरणाची यशस्वी कामगिरी पोलीस अधीक्षक मुमक्का सुदर्शन व अप्पर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात पोउपनी विनोद भुरले, पोउपनी सुनील गौरकार, पोलीस कर्मचारी रजनीकांत पुठ्ठावार, सतीश अवथरे, दीपक डोंगरे, इमरान खान, किशोर वाकाटे, हिरालाल गुप्ता व शशांक बदामवार यांनी केली.

  • Baba Shri Shyamji Temple Khutala Chandrapur | खुटाळा गाव होणार भक्तांचं नवं तीर्थक्षेत्र — बाबा श्री श्यामजी मंदिराचं 1 नोव्हेंबरला भूमिपूजन

    Baba Shri Shyamji Temple Khutala Chandrapur :

    Baba Shri Shyamji Temple Khutala Chandrapur : चंद्रपूर 20 ऑक्टोबर (News 34 वृत्तसेवा) – चंद्रपूर शहराजवळील खुटाळा गावात बाबा श्री श्यामजी यांच्या भव्य मंदिर निर्माण कार्याच्या भूमीपूजनाचा कार्यक्रम 1 नोव्हेंबर रोजी सकाळी 8 वाजता होणार आहे.
    विशेष म्हणजे या पवित्र धार्मिक मंदिराच्या निर्माण कार्यासाठी यशश्री सोशल फाउंडेशनच्या अध्यक्षा दीपा ललित कासट यांनी आपली स्वतःची जमीन दान दिली आहे.

    Also Read : भयावह, 70 वर्षीय शेतकऱ्याचा वाघाच्या हल्ल्यात मृत्यू

    बाबा श्री श्यामजी यांचं मंदिर पडोली एमआयडीसी मार्ग, खुटाळा मध्ये निसर्गाच्या सानिध्यात तयार होणार आहे, यामुळे त्याठिकाणी नागरिकांना धार्मिक वातावरण अनुभवायला मिळणार.

    नागरिकांनी उपस्थित रहावे

    आयोजित मंदिर निर्माण भूमिपूजन कार्यक्रमासाठी नागरिकांनी उपस्थित रहावे असे आमंत्रण जय श्री श्याम सेवा समिती चंद्रपूरचे अध्यक्ष ललित कासट व सचिव कुंजबिहारी परमार यांनी केले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by