My Blog

Blog

  • Bachchu Kadu farmers agitation update । नागपूरला जायचयं? तर मग हि माहिती वाचा

    Bachchu Kadu farmers agitation update

    Bachchu Kadu farmers agitation update : चंद्रपूर २९ ऑक्टोबर (News३४ वृत्तसेवा) – शेतकऱ्यांचा सातबारा कोरा झाला पाहिजे, कर्जमाफी व दिव्यांग बांधवाना न्याय मिळावा अश्या विविध मागणीसाठीप्रहार जनशक्ती पक्षाचे अध्यक्ष माजी आमदार बच्चू कडू यांनी नागपूर जिल्ह्यात रस्ता रोको आंदोलन सुरु केले आहे, जर सरकारने मागण्या मान्य केल्या नाहीतर रेल्वे रोको आंदोलन करणार असा इशारा कडून यांनी दिला आहे.

    Also Read : गुन्हेगारीमुक्त चंद्रपूरसाठी पोलिसांचे मोठे पाऊल

    शेतकऱ्यांच्या आंदोलनाचा नागरिकांना फटका बसू नये याकरिता चंद्रपूर जिल्हा पोलीस दलाने नागरिकांना नागपूर जिल्ह्यात प्रवास करण्यासाठी दुसरा मार्ग सुचविला आहे. या दुसऱ्या मार्गाने नागरिक नागपुरात दाखल होऊ शकतात.

    या पर्यायी मार्गाचा करा वापर

    जामठा या ठिकाणी आंदोलनकर्ते मोठ्या प्रमाणावर आंदोलनासाठी बसले असल्यामुळे बुटीबोरी जिल्हा नागपूर येथे खूप मोठा ट्राफिक जाम झाला आहे. त्यामुळे नागपूरकडे जाणे शक्य नाही, फक्त वर्धा पर्यंत जाऊ शकतात.
    नागपूर जाणाऱ्या नागरिकांनी वरोरा आनंदवन चौक मार्गे चिमूर -भिसी उमरेड मार्गाने नागपूर जाता येईल. करिता नागरिकांनी त्या मार्गाचा वापर करावा. असे पोलीस अधीक्षक कार्यालय चंद्रपूर तर्फे नागरिकांना कळविण्यात आले आहे.

    मागील १८ तासापासून सुरु असलेल्या शेतकरी, भूमिपुत्रांच्या आंदोलनाला राज्यातुन समर्थन प्राप्त होत आहे, सध्या नागपुरातील महामार्ग शेतकऱ्यांनी रोखून ठेवले आहे, सरकारने शेतकऱ्यांच्या मागणीवर तात्काळ दखल घ्यावी अन्यथा आंदोलन अधिक मोठे होणार असा इशारा देण्यात आला आहे.

  • BJP entry local coal labor union leaders । भारतीय कोळसा मजदूर संघाचे क्षेत्रीय अध्यक्ष व कांग्रेसचे जेष्ठ नेते भाजपात

    BJP entry local coal labor union leaders

    BJP entry local coal labor union leaders : चंद्रपूर २८ नोव्हेम्बर (News३४ वृत्तसेवा) – भारतीय कोळसा मजदूर संघ वणी क्षेत्राचे क्षेत्रीय अध्यक्ष तसेच काँग्रेस पक्षाचे ज्येष्ठ नेते लखन मारोती हिकरे आणि सूरज हिकरे यांनी मंगळवारी भारतीय जनता पक्षात प्रवेश केला. आमदार किशोर जोरगेवार यांच्या राजमाता निवासस्थानी आमदार किशोर जोरगेवार यांच्या उपस्थितीत त्यांनी हा प्रवेश केला. आमदार किशोर जोरगेवार यांनी पक्षाचा दुपट्टा टाकून त्यांचे पक्षात स्वागत केले.

    Also Read : ११ नोव्हेम्बरला चंद्रपूर महानगरपालिकेची आरक्षण सोडत

    यावेळी भारतीय जनता पार्टीचे महानगर अध्यक्ष सुभाष कासनगोट्टूवार, घुग्घूस शहर अध्यक्ष संजय तिवारी, विधानसभा अध्यक्ष दशरथ सिंह ठाकूर, बलराम डोडाणी, महामंत्री रवी गुरनुले, घुग्घूस शहर उपाध्यक्ष अनिल बाम, घुग्घूस युवा मोर्चा अध्यक्ष संतोष नुने, घुग्घूस महामंत्री साजन गोने, युवा मोर्चा महामंत्री स्वप्निल वाढई, हेमंत उरकुडे, गणेश पिंपळकर आदींची उपस्थिती होती. BJP party expansion Chandrapur

    जनहिताचे कार्य होणार

    प्रवेशानंतर प्रतिक्रिया व्यक्त करताना आमदार किशोर जोरगेवार म्हणाले की,भारतीय कोळसा मजदूर संघाचे क्षेत्रीय अध्यक्ष आणि काँग्रेस पक्षाचे ज्येष्ठ नेते लखन हिकरे तसेच सूरज हिकरे यांनी पंतप्रधान नरेंद्रभाई मोदी आणि मुख्यमंत्री देवेंद्र फडणवीस यांच्या नेतृत्वावर विश्वास दाखवत भारतीय जनता पक्षात प्रवेश केला आहे. पक्षाच्या जनविकास आणि राष्ट्रहिताच्या विचारधारेवर चालत ते जनहितासाठी कार्य करतील,असे ते म्हणाले.

    भाजपमध्ये प्रवेशानंतर लखन हिकरे म्हणाले की,भारतीय जनता पक्ष ही विकास आणि राष्ट्रहिताला प्राधान्य देणारी पक्ष संस्था आहे. या विचारधारेत सहभागी होत मी परिसराच्या सर्वांगीण विकासासाठी काम करण्याचा संकल्प घेतला आहे. त्यांच्या सोबत सूरज हिकरे यांच्या प्रवेशामुळे स्थानिक युवकांमध्ये नवचैतन्य निर्माण झाले असून, घुग्घूस परिसरातील पक्षसंघटन अधिक मजबूत होण्यास हातभार लागणार आहे.

  • Maharashtra municipal corporation reservation । ११ नोव्हेम्बरला चंद्रपूर महानगरपालिकेच्या आरक्षणाची सोडत

    Maharashtra municipal corporation reservation

    Maharashtra municipal corporation reservation : चंद्रपूर २८ ऑक्टोबर  –राज्य निवडणूक आयोगाने महाराष्ट्रातील २८ महानगरपालिकांच्या सार्वत्रिक निवडणुकीसाठी आरक्षण ठरविण्याचा कार्यक्रम जाहीर केला आहे. आयोगाने प्रसिद्ध केलेल्या वेळापत्रकानुसार, आरक्षित जागांची संख्या निश्चित करून त्यास राज्य निवडणूक आयोगाची मान्यता घेण्याकरीता प्रस्ताव सादर करण्याची प्रक्रिया ३० ऑक्टोबर २०२५ पासून ४ नोव्हेंबर २०२५ पर्यंत पार पाडण्यात येणार आहे. Maharashtra Municipal Reservation

    Also Read : गुन्हेगारीमुक्त चंद्रपूर साठी पोलिसांची कारवाई

    यानंतर आरक्षण सोडतीची जाहिर सूचना वृत्तपत्रांमधून ८ नोव्हेंबर २०२५ रोजी प्रसिद्ध करण्यात येईल. आरक्षणाची सोडत ११ नोव्हेंबर २०२५ रोजी काढण्यात येणार असून, त्याचा निकाल राज्य निवडणूक आयोगाच्या मान्यतेसाठी सादर करण्यात येईल.

    हरकती व सूचना १७ नोव्हेम्बरपासून

    त्यानंतर प्रारुप आरक्षण प्रसिद्ध करून, नागरिकांकडून हरकती व सूचना मागविण्याची प्रक्रिया १७ नोव्हेंबर २०२५ रोजी सुरू होईल. हरकती व सूचना दाखल करण्याचा अंतिम दिनांक २४ नोव्हेंबर २०२५ असा निश्चित करण्यात आला आहे. प्राप्त झालेल्या हरकती व सूचनांवर विचार करून संबंधित महानगरपालिका आयुक्त निर्णय घेतील. आयोगाच्या मान्यतेनंतर अंतिम आरक्षण विहित नमुन्यात शासन राजपत्रात २ डिसेंबर २०२५ रोजी प्रसिद्ध करण्यात येईल.

       राज्य निवडणूक आयोगाने संबंधित सर्व महानगरपालिका आयुक्तांना या कार्यक्रमानुसार वेळेत आवश्यक ती सर्व प्रक्रिया पूर्ण करण्याच्या सूचना दिल्या आहेत. तसेच आरक्षण प्रक्रियेत पारदर्शकता व काटेकोरता राखण्याचे निर्देश देण्यात आले आहेत.

  • Chandrapur Crime Control । गुन्हेगारीमुक्त चंद्रपूरसाठी पोलिसांची कारवाई; गुन्हेगाराला केले स्थानबद्ध

    Chandrapur Crime Control

    Chandrapur Crime Control : चंद्रपूर २८ ऑक्टोबर (News३४ वृत्तसेवा) – चंद्रपूर जिल्ह्यातील नागरिकांनी गुन्हेगारी प्रवृत्तीपासून मोकळा श्वास घ्यावा यासाठी चंद्रपूर पोलीस सराईत गुन्हेगाराला स्थानबद्ध करण्याची कारवाई करीत आहे. २८ ऑक्टोबर रोजी ४३ वर्षीय महेंद्र आनंदराव ढुमणे विरोधात एमपीडीए अधिनियम अंतर्गत १ वर्षासाठी कारागृहात स्थानबद्ध करण्यात आले.

    Also Read : चंद्रपुरात पुन्हा एमडी पावडर जप्त

    महेंद्र ढुमणे यांच्याविरोधात एकूण ६ गुन्ह्यांची नोंद होती, यामध्ये अवैध दारूविक्री, खुनाचा प्रयत्न करणे, गैरकायद्याची मंडळी जमा करून दंगा करणे, गंभीर दुखापत व मारहाण करणे, शिवीगाळ करणे, जीवे मारण्याची धमकी देणे, स्वतःकडे अवैध अग्निशस्त्र बाळगून धाक दाखविणे इत्यादी चढत्या क्रमाने गुन्हे नोंद आहे. Chandrapur Police Action

    कारवाई नंतरही सुधारणा नाही

    रामनगर पोलीस स्टेशन हद्दीत कुणीही ढुमणे विरुद्ध तक्रार करण्याची हिम्मत दाखवीत नाही, आपल्या साथीदारांसह परिसरात दहशत पसरविण्याचे काम ढुमणे करीत होता, त्याचेवर तडीपारीची व प्रतिबंधक कारवाई करण्यात आली होती मात्र त्यानंतर सुद्धा ढुमणे यांच्या वृत्तीत कसलीही सुधारणा झाली नसल्याने चंद्रपूर पोलिसांनी वर्षभरासाठी स्थानबद्धतेची कारवाई केली.

    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे, पोलीस उपविभागीय अधिकारी प्रमोद चौगुले, रामनगर पोलीस निरीक्षक आसिफरजा शेख, स्थानिक गुन्हे शाखा पोलीस निरीक्षक अमोल काचोरे यांच्या मार्गदर्शनात सपोनि योगेश खरसाण, पोउपनि सुरेंद्र उपरे, पोलीस कर्मचारी संजू देशवाले, अरुण खारकर, परवेज शेख, अनिल जमकातण, राजू चिताडे, मनीषा मोरे, ब्लूटी साखरे यांनी केली.

  • Mephedrone trafficking cases Chandrapur । चंद्रपूरमध्ये पोलिसांची मोठी कामगिरी! १६० ग्रॅम एमडी पावडर सह दोन ताब्यात

    Mephedrone trafficking cases Chandrapur

    Mephedrone trafficking cases Chandrapur : चंद्रपूर – २८ ऑक्टोबर (News 34 वृत्तसेवा) – चंद्रपूर स्थानिक गुन्हे शाखेने वर्ष २०२५ मध्ये एमडी तस्करांच्या मुसक्या आवळण्यास सुरुवात केली, या मालिकेत ५०० ग्राम च्या वर एमडी पावडर जप्त केले होते. तरुणाई अंमली पदार्थाच्या जाळ्यात अडकत चालली असून या जाळ्यातून पोलीस प्रशासन तरुणाईला वाचविण्याचा प्रयत्न करताना दिसत आहे.

    चंद्रपुरात २७ ऑक्टोबरला स्थानिक गुन्हे शाखेने माहितीच्या आधारावर कारवाई करीत तब्बल १६० ग्राम एमडी पावडर जप्त केले, या प्रकरणी दोन आरोपीना अटक करीत तब्बल १६ लक्ष १२ हजार ५०० रुपयांचा मुद्देमाल जप्त करण्यात आला.

    Also Read : दुभाजक नको रस्ता हवा, जनविकास सेना आक्रमक

    दोन इसम चंद्रपुरात एमडी पावडर घेऊन येत असल्याची माहिती स्थानिक गुन्हे शाखेला मिळाली होती, माहितीच्या आधारे गुन्हे शाखेने वन अकादमी मूल रोडवर नाकाबंदी केली, यावेळी चारचाकी वाहन क्रमांक एमएच ४९ एएस २७०४ हे संशयित वाहन पोलिसांना दिसताच त्यांनी वाहन थांबवित झडती घेतली असता त्यामध्ये १६० ग्राम मेफेड्रोन पावडर आढळून आले. Police crackdown on drug peddlers Chandrapur

    पोलिसांनी या प्रकरणात चालक २८ वर्षीय दीपक कृष्णा वर्मा राहणार संजयनगर चंद्रपूर व ३० वर्षीय आशिष प्रकाश वाळके राहणार मित्रनगर चंद्रपूर यांना ताब्यात घेत त्यांचेवर रामनगर पोलीस स्टेशनमध्ये एनडीपीएस अधिनियम अंतर्गत गुन्हा दाखल करण्यात आला. पुढील तपस स्थानिक गुन्हे शाखा करीत आहे.

    तस्करी व तस्करांची संख्या वाढणार

    चंद्रपुरात झटपट पैसे कमविण्याच्या नादात युवक हे एमडी पावडर ची तस्करी करण्यात गुंतले आहे, १० हजार रुपयांचे काही दिवसात १ लाख रुपये नफा होत असल्याने युवक अंमली पदार्थाचा अवैध व्यवसाय करू लागले आहे. या प्रकरणातील आरोपी वर्मा यांच्यावर एक गुन्हा दाखल आहे तर वाळके नामक आरोपीवर कसलाही गुन्हा दाखल नसल्याची माहिती आहे. रेकॉर्डवरील आरोपी सोडून ज्यांच्यावर गुन्हे नाही ते युवक एमडी पावडरची तस्करी करू लागले आहे. येणाऱ्या काळात तस्करी व तस्करांची संख्या वाढणार हे निश्चित. Mephedrone trafficking cases Chandrapur

    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे यांच्या मार्गदर्शनाखाली पोलीस निरीक्षक अमोल काचोरे यांच्या नेतृत्वात सपोनि दीपक कांक्रेडवार, पोउपनि सर्व्हेश बेलसरे, पोउपनि सुनील गौरकार, पोलीस कर्मचारी सुभाष गोहोकार, सतीश अवथरे, रजनीकांत पुठ्ठावार, दीपक डोंगरे, इम्रान खान, किशोर वाकाटे, शशांक बदामवार, हिरालाल गुप्ता व अजित शेंडे यांनी केली.

  • Chandrapur road divider controversy । दुभाजक नव्हे, सुरक्षित रस्ता मिळावा – जनविकास सेनेची आक्रमक भूमिका

    Chandrapur road divider controversy

    Chandrapur road divider controversy : चंद्रपूर २८ ऑक्टोबर (News३४ वृत्तसेवा) – बागला चौक ते राजीव गांधी अभियांत्रिकी महाविद्यालय दरम्यान बांधण्यात येणाऱ्या वादग्रस्त रस्ता दुभाजकाविरोधात जनविकास सेनेने आता आक्रमक भूमिका घेतली आहे. जीवघेणे खड्डे असलेल्या या रस्त्यावर दुभाजक नव्हे तर तात्काळ रस्त्याचे बांधकाम करण्याची नागरिकांची मागणी आहे.

    Also Read : चिमूर तालुक्यात वाघाने केली शेतकऱ्याची शिकार

    केवळ कंत्राटदाराच्या हितासाठी 3.56 कोटी रूपयांचे दुभाजक करण्याचा घाट मनपा प्रशासनाने घातला. त्यामुळे नागरिकांची मागणी व गरजेनुसार या ठिकाणी सुरू असलेले रस्ता दुभाजकाचे काम तातडीने रद्द करावे, या कामाची चौकशी करून निविदा प्रक्रियेत गैरव्यवहार करणारे तत्कालीन आयुक्त विपिन पालीवाल,मनपाचे इतर अधिकारी तसेच कंत्राटदार मे. सुर्यवंशी इंटरप्राईजेस व मे. काहाळे इन्फ्राॅकाॅन प्रा.लि. यांची चौकशी करून दोषी आढळल्यास कठोर कारवाई करावी अशा मागणीचे पत्र जनविकास सेनेचे अध्यक्ष पप्पू देशमुख यांनी मनपाचे आयुक्त यांना दिले. Dangerous potholes road accident Chandrapur

    यावेळी जनविकास सेनेचे इमदाद शेख,महिला आघाडीच्या मनिषा बोबडे तसेच अक्षय येरगुडे,प्रफुल बैरम व नकुल मुसळे उपस्थित होते.

    दुभाजकाचे काम रद्द करा

    रस्ता दुभाजकाचे काम रद्द करून 3.56 कोटी रुपये निधीतून या ठिकाणी नागरिकांची मागणी व गरजेनुसार नवीन रस्त्याचे बांधकाम करण्यात यावे अशी मागणी जनविकास सेनेने केली आहे.या मागणीसाठी जनविकास सेनेतर्फे बुधवार दि.29 ऑक्टोबर रोजी दुभाजकाचे काम बंद पाडण्यात येणार आहे. तसेच पुढील काळात या ठिकाणी जीवघेणा अपघात झाल्यास मनपाच्या अधिकाऱ्यांविरुद्ध सदोष मनुष्यवधाचे गुन्हे दाखल करण्याची मागणी करण्यात येईल असा इशारा जनविकास सेनेने दिला आहे.

  • Harshvardhan Sapkal Rajura visit Congress | काँग्रेसला मिळणार नवचैतन्य? हर्षवर्धन सपकाळ यांच्या भेटीमुळे काँग्रेस कार्यकर्त्यांना मिळाली ऊर्जा

    Harshvardhan Sapkal Rajura visit Congress

    Harshvardhan Sapkal Rajura visit Congress : राजुरा 28 ऑक्टोबर (News वृत्तसेवा.) :– महाराष्ट्र प्रदेश काँग्रेस समितीचे प्रदेशाध्यक्ष मा. हर्षवर्धनजी सपकाळ यांच्या राजुरा आगमनावेळी चंद्रपूर जिल्हा काँग्रेसचे जिल्हाध्यक्ष माजी आमदार सुभाषभाऊ धोटे यांच्या मार्गदर्शनाखाली काँग्रेस पदाधिकारी व कार्यकर्त्यांनी उत्स्फूर्त स्वागत करून परिसर दुमदुमवून टाकला.

    Also Read : वाघाचा हल्ला आणि 9 तास रस्ता रोको आंदोलन

    गडचिरोली जिल्ह्यातील काँग्रेस कार्यकर्त्यांच्या बैठकीसाठी दौर्‍यावर असताना श्री. सपकाळ हे परतीच्या प्रवासात सायंकाळी राजुराला थोडा वेळ थांबले. संविधान चौकात स्थित भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या पुतळ्याला पुष्पहार अर्पण करून त्यांनी अभिवादन केले आणि काँग्रेस कार्यकर्त्यांना भेट दिली. यावेळी राजुरा काँग्रेसच्या नेत्यांनी, पदाधिकारी व कार्यकर्त्यांनी त्यांचे उत्स्फूर्तपणे स्वागत केले.

    आगामी निवडणुकांमध्ये जोमाने काम करा

    या भेटीदरम्यान प्रदेशाध्यक्ष श्री. सपकाळ यांनी कार्यकर्त्यांना संबोधित करताना स्थानिक स्वराज्य संस्थांच्या निवडणुकांकडे गांभीर्याने पाहण्याचे, पक्ष संघटन अधिक मजबूत करण्याचे आणि आगामी निवडणुकांमध्ये जोमाने काम करण्याचे आवाहन केले. जनतेचा विश्वास आणि पक्षाची विचारधारा घराघरात पोहोचवा, असे मार्गदर्शन त्यांनी उपस्थितांना केले.


    यावेळी राजुरा काँग्रेसचे प्रमुख नेते, राजुरा तालुका काँग्रेस, शहर काँग्रेस तसेच युवक काँग्रेस, महिला काँग्रेस, एनएसयूआय, सेवादल, ओबीसी काँग्रेस, अनुसूचित जाती विभाग काँग्रेस, अनुसूचित जमाती विभाग काँग्रेस, अल्पसंख्यांक काँग्रेस, किसान काँग्रेस यासह काँग्रेसच्या सर्व फ्रंटल संघटनांचे पदाधिकारी, कार्यकर्ते आणि नागरिक मोठ्या संख्येने उपस्थित होते.

    घोषणांनी परिसर दुमदुमला आणि वातावरणात उत्साह संचारला. स्थानिक कार्यकर्त्यांनीही प्रदेशाध्यक्षांच्या या भेटीला ऐतिहासिक ठरवत, प्रदेशाध्यक्षांचा ऊर्जावान संदेश म्हणजे काँग्रेसला नवचैतन्य देणारा क्षण अशी भावना व्यक्त केली.

  • Villagers road blockade wildlife conflict | वाघाचा हल्ला; 9 तास चक्काजाम आंदोलन

    Villagers road blockade wildlife conflict

    Villagers road blockade wildlife conflict : गोंडपिपरी (चंद्रपूर): चंद्रपूर जिल्ह्यात वाघाच्या हल्ल्यामुळे (Tiger Attack Chandrapur) निर्माण झालेली दहशत आता लोकआंदोलनात बदलली आहे. गोंडपिपरी तालुक्यातील गणेशपिपरी येथील अलका पेंदोर यांचा वाघाच्या हल्ल्यात बळी गेल्यानंतर आज (सोमवार) गोंडपिपरीमध्ये त्याचे तीव्र पडसाद उमटले. परिसरातील हजारो नागरिक रस्त्यावर उतरले आणि तब्बल नऊ तास अहेरी-चंद्रपूर हा मुख्य रस्ता पूर्णपणे अडवून धरला.

    Also Read : चिमूर तालुक्यात वाघाच्या हल्ल्यात शेतकरी ठार

    सकाळपासूनच गोंडपिपरीमध्ये तणाव

    काल (रविवार) वाघाच्या हल्ल्यात अल्का पेंदोर यांचा मृत्यू झाल्यानंतर रात्री उशिरापर्यंत मृतदेह न उचलण्याच्या भूमिकेवरून गावात तणावाची स्थिती होती. आज सकाळी ८ वाजता हा तणाव अधिकच वाढला. परिसरातील अनेक गावांमधून महिला, पुरुष आणि तरुण हजारोंच्या संख्येने गोंडपिपरीच्या मुख्य चौकात जमा झाले. Tiger attack protest Gondpipri Chandrapur

    आंदोलनकर्त्यांनी रस्त्यावर टायर जाळून तीव्र निषेध केला आणि चक्काजाम आंदोलन सुरू केले. गोंडपिपरीची संपूर्ण बाजारपेठही आंदोलकांनी पूर्णपणे बंद ठेवली. संतप्त जमावामुळे परिस्थिती हाताबाहेर जाण्याची चिन्हे होती. त्यामुळे घटनास्थळी दंगा नियंत्रक पथक आणि अतिरिक्त पोलीस दल (Special Force) बोलवण्यात आले.

    नऊ तासांनंतर प्रशासनाचे यश

    दिवसभर अनेकदा प्रशासनाकडून समन्वय साधण्याचा प्रयत्न झाला, परंतु आंदोलनकर्ते आपल्या मागण्यांवर (वाघाचा तात्काळ बंदोबस्त आणि कुटुंबाला नुकसान भरपाई) ठाम होते. काही वेळा पोलिसांनी सौम्य लाठीमारही केला, पण त्याचा आंदोलकांवर कोणताही परिणाम झाला नाही.

    सायंकाळी ५ वाजता परिस्थितीचे गांभीर्य लक्षात घेऊन जिल्हा पोलीस अधीक्षक सुदर्शन मुमक्का आणि उपविभागीय अधिकारी लघीमा तिवारी यांच्यासह वरिष्ठ प्रशासकीय अधिकारी घटनास्थळी दाखल झाले. त्यांनी आंदोलकांशी चर्चा करून, त्यांच्या सर्व मागण्या मान्य करण्याची ग्वाही दिली.

    सर्वात महत्त्वाचे म्हणजे, त्यांनी दोन दिवसांच्या आत वाघाला जेरबंद (Capture) करण्याची हमी दिली. प्रशासनाच्या या ठोस आश्वासनानंतर तब्बल नऊ तास चाललेले हे तीव्र आंदोलन मागे घेण्यात आले.

    शार्प शूटर दाखल, वाहतूक विस्कळीत

    या आंदोलनामुळे अहेरी-चंद्रपूर मार्गावरील वाहतूक पूर्णपणे ठप्प झाली होती. रस्त्यावर वाहनांच्या अनेक किलोमीटरपर्यंत रांगा लागल्या होत्या, ज्यामुळे सर्वसामान्य जनजीवन विस्कळीत झाले.

    दरम्यान, आंदोलनानंतर तातडीने वाघाला बेशुद्ध करून पकडण्यासाठी अविनाश फुलझेले यांच्या नेतृत्वाखाली दोन शार्प शूटर (Sharp Shooters) गोंडपिपरी येथे दाखल झाले आहेत.

  • Farmer killed by tiger Chimur Forest Range | चिमूर वनपरिक्षेत्रातील वाघाचा कहर; शेतकरी ठार, गावात प्रचंड संताप!

    Farmer killed by tiger Chimur Forest Range

    Farmer killed by tiger Chimur Forest Range : चिमूर (चंद्रपूर): चिमूर वनपरिक्षेत्रांतर्गत येत असलेल्या डोमा बीटातील शिवरा (Shivra) गावात वाघाच्या हल्ल्याने पुन्हा एकदा दहशत निर्माण केली आहे. रविवार (दि. २६ ऑक्टोबर) सायंकाळच्या सुमारास ही घटना घडली असून, ६० वर्षीय नीलकंठ भुरे हे शेतकरी आणि शिवरा गावचे माजी सरपंच वाघाच्या हल्ल्यात ठार झाले आहेत. विशेष म्हणजे, याच परिसरात अवघ्या एका महिन्यात वाघाच्या हल्ल्यातील ही दुसरी घटना आहे, ज्यामुळे नागरिकांमध्ये संतापाची लाट पसरली आहे. Tiger attack Shivra village Chandrapur

    Also Read : चंद्रपूर जिल्ह्यात वाघाचे थैमान, गोंडपीपरी तालुक्यात महिलेचा वाघाच्या हल्ल्यात मृत्यू

    रात्री उशिरा मृतदेह आढळला

    नीलकंठ भुरे हे शंकरपूर-चिमूर रस्त्यावरील त्यांच्या शेतामध्ये पिकाची पाहणी करण्यासाठी सायंकाळी चार ते पाच वाजता गेले होते. रात्री आठ वाजेपर्यंत ते घरी न परतल्याने कुटुंबीयांनी शेतात शोध घेतला. शेतात त्यांची सायकल दिसल्यामुळे कुटुंबीयांना शंका आली.

    गावातील ३० ते ४० लोकांना सोबत घेऊन पुन्हा शोधमोहीम (Search Operation) राबवल्यानंतर, रात्री ११ वाजता त्यांचा मृतदेह खाल्लेल्या अवस्थेत नाला किनारी आढळून आला. वाघाने हल्ला करून त्यांचे शरीर ओढत नेले होते आणि त्यांचे दोन्ही पाय खाल्ले होते.

    लोकप्रतिनिधींची धाव, रात्री दीड वाजता आश्वासन

    घटनेची माहिती मिळताच चिमूर वन विभाग आणि भिसी पोलीस तात्काळ घटनास्थळी दाखल झाले. मात्र, जिल्हा परिषदेचे माजी अध्यक्ष डॉ. सतीश वारजुकर, पंचायत समितीचे माजी उपसभापती रोशन ढोक आणि सरपंच अतुल नन्नावरे यांच्यासह ग्रामस्थांनी आक्रमक भूमिका घेतली.

    जोपर्यंत वरिष्ठ वन अधिकारी घटनास्थळी येऊन वाघाचा तात्काळ बंदोबस्त करण्याचे आणि कुटुंबाला योग्य आर्थिक मदत (Financial Aid) देण्याचे आश्वासन देत नाहीत, तोपर्यंत मृतदेह शवविच्छेदनासाठी नेऊ दिला जाणार नाही, असा पवित्रा त्यांनी घेतला.

    अखेर, सोमवारी पहाटे दीड वाजता चिमूर वनपरिक्षेत्र अधिकारी किशोर देऊळकर घटनास्थळी दाखल झाले. त्यांनी वाघाचा बंदोबस्त करण्याचे आणि ₹ १० लाख मदत देण्याचे आश्वासन दिले. यानंतर ₹ ३० हजार रोख आणि ₹ ९ लाख ७० हजार चा धनादेश (Cheque) कुटुंबीयांना तत्काळ सुपूर्द करण्यात आला. त्यानंतर मृतदेह उपजिल्हा रुग्णालयात पाठवण्यात आला.

    या घटनेमुळे चिमूर (Chimur News) परिसरात वाघाची दहशत (Tiger Terror) शिगेला पोहोचली असून, वनविभागाने तात्काळ उपाययोजना करण्याची मागणी जोर धरू लागली आहे.

  • Soybean crop market price Maharashtra | फक्त १६०० रुपये क्विंटल? सोयाबीन दरामुळे शेतकऱ्यांची दिवाळखोरी!

    Soybean crop market price Maharashtra

    Soybean crop market price Maharashtra : भद्रावती (चंद्रपूर) (News34 वृत्तसेवा) : एका बाजूला राज्यात पूर (Flood) आणि ओला दुष्काळ (Wet Drought) यामुळे शेतकऱ्यांचे मोठे नुकसान झाले आहे, तर दुसऱ्या बाजूला पिकलेल्या मालाला योग्य भाव मिळत नसल्याने शेतकरी आर्थिक दिवाळखोरीत (Financial Crisis) ढकलला गेला आहे. भद्रावती तालुक्यातील कोंढा (Kondha) येथील शेतकरी प्रदीप श्रीराम डोंगे यांच्या उदाहरणावरून ग्रामीण अर्थव्यवस्थेची भयानक स्थिती समोर आली आहे.

    Also Read : गोंडपीपरी मध्ये वाघाने केली महिलेची शिकार

    मिळालेल्या माहितीनुसार, प्रदीप डोंगे यांनी आपल्या ४ एकर शेतात सोयाबीनचे पीक घेतले. यासाठी त्यांना बी-बियाणे, खत, कीटकनाशके, मशागत, पेरणी, हार्वेस्टर आणि वाहतूक (Transportation) मिळून एकूण ६४,८५० रुपये इतका मोठा खर्च आला.

    सोयाबीन विकून पदरी निराशा

    बाजारात सोयाबीन विकायला नेल्यावर व्यापाऱ्यांनी सुरुवातीला केवळ १,३०० रुपये प्रति क्विंटल भाव दिला. भाव कमी असल्याने डोंगे यांनी माल परत आणला. दुसऱ्या वेळी तो माल १,६०० रुपये प्रति क्विंटल दराने विकण्याची मागणी करण्यात आली. आर्थिक संकटात असल्याने, इच्छा नसतानाही डोंगे यांना आपला ९.५० क्विंटल माल याच दराने विकावा लागला.

    एकूण खर्च: ₹ ६४,८५०

    एकूण उत्पन्न: ९.५० क्विंटल @ ₹ १,६०० = ₹ १५,०४०

    झालेला तोटा: ₹ ४९,८१०/-

    शेतकरी प्रदीप डोंगे यांनी आपली व्यथा व्यक्त करताना सांगितले, “मला नफा तर सोडा, जवळपास ५० हजार तोटाच झाला. ना निसर्ग साथ देत आहे ना सरकार. निसर्ग कोपला तर उत्पन्न होत नाही आणि उत्पन्न झालं तर व्यापारी लुटतात. आम्ही जगायचं कसं?”

    नोकरशाहीला वेतनवाढ, शेतकऱ्यांकडे दुर्लक्ष
    शेतकऱ्यांच्या मालाला हमीभाव (MSP) देण्याऐवजी सरकार आणि व्यापारी मिळून शेतकऱ्यांचे आर्थिक शोषण करत असल्याचा गंभीर आरोप अन्नदाता एकता मंचचे संस्थापक अनुप सुधाकर कुटेमाटे यांनी केला आहे.

    कुटेमाटे यांनी म्हटले की, “एकीकडे नोकरशाही वर्गाला महागाई भत्त्यात मोठी वाढ मिळते, पण कृषिप्रधान देशात शेतकऱ्यांच्या मालाला भाववाढ देण्यासाठी सरकार उदासीन आहे. इंग्रजांपेक्षा जास्त लूट सरकार आणि व्यापाऱ्यांनी केली आहे. शेतकऱ्यांचा उद्रेक झाल्यास नेत्यांना देश सोडून पळावे लागेल.”

    हमीभाव जाहीर करूनही व्यापाऱ्यांनी सर्व कायदे धुडकावून शेतकऱ्यांची लूट करणे आणि यावर कोणतीही कारवाई न होणे, यावरून सरकारचे धोरण स्पष्ट होत आहे. देशाची अर्थव्यवस्था शेतीवर अवलंबून असताना ‘इंडिया’ (शहरी) आणि ‘भारत’ (ग्रामीण) यांच्यातील ही वाढती दरी ग्रामीण भागात मोठ्या असंतोषाला जन्म देत आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by