My Blog

Blog

  • Tiger terror in chandrapur district | गोंडपिपरीत वाघाचे थैमान! ८ दिवसांत दुसरा बळी; ४५ वर्षीय महिला वाघाच्या हल्ल्यात ठार

    Tiger terror in chandrapur district

    Tiger terror in chandrapur district : गोंडपिपरी (चंद्रपूर 26 ऑक्टोबर News34): गोंडपिपरी (Gondpipri Taluka) तालुक्यात वन्यजीव हल्ल्यांची मालिका सुरूच असून, येथील गणेशपिपरी (Ganeshpipri) गावात वाघाने पुन्हा एकदा धुमाकूळ घालत एका महिलेचा बळी घेतला आहे. आज, सोमवार (दि. २७ ऑक्टोबर), सायंकाळच्या सुमारास ही हृदयद्रावक घटना घडली. यामुळे तालुक्यात प्रचंड दहशत (Terror) आणि संतापाचे वातावरण पसरले आहे. Woman killed by tiger Gondpipri cotton field

    Also Read : नागभीड मधील त्या हल्लेखोर वाघाचा शोध सुरू

    अल्का महादेव पेंदोर (वय ४५) असे मृत महिलेचे नाव आहे. मजूर मिळत नसल्याने त्या एकट्याच आपल्या शेतात कापूस वेचणीसाठी (Cotton Picking) गेल्या होत्या. त्यांचे पती बैल घेऊन घरी परतले, मात्र उशिरापर्यंत अल्का घरी न परतल्याने कुटुंबियांना भीती वाटली. गावकऱ्यांनी शोध घेतला असता, शेतशिवारात अल्का यांचा मृतदेह अतिशय छिन्नविछिन्न अवस्थेत आढळून आला.

    वनविभागाच्या उपाययोजनांना अपयश

    गेल्या काही दिवसांपासून गोंडपिपरी तालुक्यातील विहीरगाव, वटराणा, गणेशपिपरी आणि चेकपिपरी या भागात वाघाची दहशत वाढली होती. या वाघाने अनेक पाळीव जनावरांची शिकार केली होती.

    दुसरा बळी: आठ दिवसांपूर्वी याच वाघाने चेकपिपरी येथील ७० वर्षीय शेतकरी भाउजी पाल यांचा बळी घेतला होता. या घटनेनंतर आमदार देवराव भोंगळे यांनी वनमंत्री गणेश नाईक यांच्याकडून वाघाला जेरबंद (Cage/Capture) करण्याचे आदेश मिळवले होते, मात्र वनविभागाला या आदेशांचे पालन करण्यात अपयश आले.

    लोकक्षोभ: ८ दिवसांत दोन शेतकऱ्यांचे बळी गेल्यामुळे नागरिकांमध्ये तीव्र संतापाची लाट (Anger Wave) पसरली आहे.

    सन्मानजनक मदतीसाठी ग्रामस्थांचा पवित्रा

    घटनेची माहिती मिळताच वनविभागाची चमू तात्काळ गणेशपिपरी (Gondpipri News) येथे दाखल झाली. मात्र, संतापलेल्या ग्रामस्थांनी मृतदेह उचलण्यास स्पष्ट नकार दिला. जोपर्यंत या नरभक्षक वाघाला जेरबंद केले जात नाही आणि मृत कुटुंबाला सन्मानजनक आर्थिक मदत (Financial Aid) दिली जात नाही, तोपर्यंत मृतदेह हलवणार नाही, अशी भूमिका गावकऱ्यांनी घेतली आहे. उशिरापर्यंत गावकऱ्यांचा हा विरोध सुरू होता.

    सध्या कापूस वेचणीचा महत्त्वाचा हंगाम सुरू असताना, वाघाच्या भीतीमुळे शेतीत काम करणे शेतकऱ्यांसाठी जीवघेणे ठरले आहे. या वाघाचा तातडीने बंदोबस्त करण्याची मागणी आता जोर धरू लागली आहे.

    आतापर्यंत 36 बळी

    चंद्रपूर जिल्ह्यात वन्यप्राण्यांच्या हल्ल्याची मालिका सुरू झाली आहे, यावर्षी 36 नागरिकांनी वन्यप्राण्यांच्या हल्ल्यात आपला जीव गमावला असून यामध्ये 32 वाघाच्या हल्ल्यात, 2 बिबट, एक हत्ती व एकाचा अस्वलीच्या हल्ल्यात मृत्यू झाला आहे.

  • Diwali Pahat festival Ganesh Nagar Chandrapur | दिवाळी पहाटने रंगली चंद्रपुरातील सकाळ; दिवाळी पहाट’ने भरली आनंद, स्नेहाची मैफल

    Diwali Pahat festival Ganesh Nagar Chandrapur

    Diwali Pahat festival Ganesh Nagar Chandrapur : चंद्रपूर 26 ऑक्टोबर (News34 वृत्तसेवा) – दिवाळी म्हणजे केवळ प्रकाशाचा नव्हे, तर आनंद, एकात्मता आणि स्नेहाचा उत्सव आहे. या उत्सवात जेव्हा संगीताचा सहवास मिळतो, तेव्हा ती सकाळ अधिक मंगलमय बनते. स्वरांच्या माधुर्याने मन प्रफुल्लित होते, विचारांना नवीन दिशा मिळते आणि समाजात सकारात्मकतेचा संदेश पोहोचतो. आजच्या ‘दिवाळी पहाट’ कार्यक्रमाने हाच सुंदर अनुभव दिला आहे. कलाकारांच्या सुरेल सादरीकरणामुळे संपूर्ण परिसर आनंदाच्या लहरींनी भारला आहे, असे प्रतिपादन आमदार किशोर जोरगेवार यांनी केले.

    Also Read : त्या हल्लेखोर वाघाचा शोध सुरू

    श्री गणेश नगर सार्वजनिक कल्याणकारी समिती तर्फे श्री गणेश नगर सार्वजनिक कल्याण मंदिराच्या प्रांगणात ‘दिवाळी पहाट’ या सुगम संगीत कार्यक्रमाचे आयोजन करण्यात आले होते. या प्रसंगी आमदार किशोर जोरगेवार प्रमुख पाहुणे म्हणून उपस्थित होते. कार्यक्रमाला भारतीय जनता पार्टीचे शहर अध्यक्ष सुभाष कासनगोट्टूवार, माजी नगरसेवक रमेश देशमुख, सुरेश धानोरकर, वझलवार, झाडे, अशा बेले, येगींलवार, सुमीत बेले यांच्यासह अनेक मान्यवर व नागरिक मोठ्या संख्येने उपस्थित होते. सकाळच्या मंद वाऱ्यासह सुरेल गीतांच्या लहरींनी वातावरण भारले होते. स्थानिक कलाकारांनी सादर केलेल्या गाण्यांनी श्रोत्यांच्या मनात दिवाळीचा आनंद द्विगुणित केला. BJP leader at Diwali Pahat Chandrapur news

    या कार्यक्रमात पुढे बोलताना आमदार जोरगेवार म्हणाले की, संगीत ही आत्म्याची भाषा आहे. ती माणसाला माणसाशी जोडते, विचारांना उंची देते आणि मनाला प्रसन्न करते. आपल्या समाजात अशा सांस्कृतिक उपक्रमांची परंपरा टिकवून ठेवणे ही काळाची गरज आहे.

    सर्वांगीण विकास करणार – आमदार जोरगेवार

                ते पुढे म्हणाले की, श्री गणेश नगर सार्वजनिक कल्याणकारी समितीने असा सुंदर उपक्रम राबवून समाजात आनंद, स्नेह आणि संस्कृतीचा संदेश दिला आहे. येथील हणुमान मंदिर परिसरासाठी सुरक्षाभिंत उभारण्याची मागणी करण्यात आली होती, ती आपण पूर्ण केली आहे. आज संपूर्ण मंदिर परिसर आकर्षक आणि सुशोभित झाला आहे. येत्या काळातही या भागाच्या सर्वांगीण विकासासाठी आपले प्रयत्न असणार आहे.

    आमदार जोरगेवार यांनी समितीतील कार्यकर्त्यांचे कौतुक करत सांगितले की, येथील नागरिक सामाजिक व सांस्कृतिक उपक्रमांत नेहमीच सक्रियपणे सहभागी होतात. दिवाळी पहाट सारखे कार्यक्रम समाजातील एकोपा वाढवतात, विचारांची देवाणघेवाण घडवतात आणि नव्या उर्जेचा संचार करतात. कार्यक्रमाच्या शेवटी कलाकारांना व आयोजकांना आमदार जोरगेवार यांच्या हस्ते सन्मानित करण्यात आले.

  • Forest department action mode Maharashtra | वनविभागाने सुरू केला त्या हल्लेखोर वाघाचा शोध

    Forest department action mode Maharashtra

    Forest department action mode Maharashtra : चंद्रपूर | (२६ ऑक्टोबर २०२५) : नागभीड (Nagbhid) तालुक्यात आकापूर (Akapur) शेतशिवारात शुक्रवारी (२५ ऑक्टोबर) दबा धरून बसलेल्या वाघाने ५५ वर्षीय शेतकरी वासुदेव लक्ष्मण वेठे यांचा बळी घेतल्यानंतर वन विभाग (Forest Department) खडबडून जागा झाला आहे. या नरभक्षक वाघाचा तातडीने बंदोबस्त करण्यासाठी वनविभागाने आता ‘ॲक्शन मोड’ (Action Mode) मध्ये काम सुरू केले आहे.

    Read Also : तिखट संपल्याने अडीच महिन्याच्या बाळासह महिलेचा आत्महत्येचा प्रयत्न, माणुसकीने वाचविले

    घडले काय?

    शुक्रवारी सायंकाळी वेठे हे आपल्या शेतातील धान पिकाची पाहणी करण्यासाठी गेले होते. ते रात्री उशिरापर्यंत घरी न परतल्याने शनिवारी सकाळी त्यांचा मृतदेह शेतशिवारात आढळला. प्राथमिक तपासात वाघाच्या हल्ल्यात त्यांचा मृत्यू झाल्याचे स्पष्ट झाले. या भागात वाघाचे वास्तव्य असल्याची माहिती गावकऱ्यांनी आठवडाभरापूर्वीच तळोधी वनपरिक्षेत्र कार्यालयाला दिली होती, मात्र ठोस उपाययोजना न झाल्याने संतप्त नागरिकांनी वनअधिकाऱ्यांना घेराव घातला. तळोधी (बाळापूर) वनपरिक्षेत्र अधिकारी शहा मॅडम यांनी तत्काळ कुटुंबाला मदत व संरक्षणाची लेखी हमी दिल्यानंतर परिस्थिती नियंत्रणात येऊन अंत्यसंस्कार पार पडले. Tiger attack Akapur Chandrapur

    वाघाच्या शोधासाठी वनविभागाची पाऊले

    घटनेची गांभीर्य लक्षात घेत वनविभागाने युद्धपातळीवर वाघाच्या हालचाली टिपण्यासाठी मोहीम सुरू केली आहे:

    कॅमेरे आणि कर्मचारी: आकापूर शेतशिवारात वाघाच्या हालचालींवर लक्ष ठेवण्यासाठी सात ट्रॅप कॅमेरे आणि एक लाईव्ह कॅमेरा बसवण्यात आला आहे.

    गस्त: दहा कर्मचाऱ्यांची चमू दिवसरात्र शेतशिवार आणि आसपासच्या परिसरात गस्त घालत आहे.

    वाघाचे पुन्हा आगमन: विशेष म्हणजे, शनिवारच्या रात्री लावलेल्या कॅमेऱ्यांमध्ये त्याच घटनास्थळी वाघ पुन्हा परत (Tiger Revisit) आल्याचे स्पष्ट झाले आहे. लाईव्ह कॅमेरा निरीक्षणाद्वारे हाच नरभक्षक वाघ आहे का, याची खात्री केली जात आहे.

    शेतकऱ्यांना ‘झेड प्लस’ सुरक्षा

    सध्या धान कापणीचा (Paddy Harvesting Season) हंगाम सुरू असल्याने शेतकरी आणि शेतमजूर वाघाच्या दहशतीमुळे शेतात जाण्यास घाबरत आहेत. ही गरज लक्षात घेऊन वनविभागाच्या तैनात चमूने शेतकऱ्यांच्या संरक्षणाची जबाबदारी घेतली आहे.

    वन विभागाचा पहारा: रविवारी अनेक शेतकऱ्यांनी शेतात जाणे टाळले. परंतु ज्यांना जाणे अत्यावश्यक होते, अशा सहा ते सात शेतकऱ्यांना वन विभागाच्या कर्मचाऱ्यांनी संरक्षण देत त्यांच्या सोबत शेतात नेले आणि सुरक्षा (Security) प्रदान केली.

    परिसर स्वच्छता: वन्य प्राण्यांना लपायला जागा मिळू नये म्हणून परिसरातील वाढलेला कचरा आणि झुडपी झाडे कापण्याचा निर्णय घेण्यात आला आहे.

    वाघाच्या हालचालींवर सतत लक्ष ठेवून त्याला बेशुद्ध (Tranquilize) करून पकडण्याची प्रक्रिया सुरू असल्याचे अधिकाऱ्यांनी सांगितले आहे. चंद्रपूर (Chandrapur) जिल्ह्यात वन्यजीव हल्ल्यांचे प्रमाण वाढत असताना, वनविभागाच्या या तत्पर कारवाईमुळे नागरिकांना काहीसा दिलासा मिळाला आहे. नागरिकांनी जागरूक राहावे आणि शेतात एकटे न जाण्याचे आवाहन वनविभागाने केले आहे.

  • Social worker intervention saves lives | केवळ तिखट संपल्याने सुरु झाला जीवघेणा खेळ; माय-लेकीला मृत्यूच्या दारातून वाचविले

    Social worker intervention saves lives

    Social worker intervention saves lives : वरोरा (चंद्रपूर) 26 ऑक्टोबर (News34 वृत्तसेवा) : नात्यांमधील ताणतणाव कधी कधी किती गंभीर रूप घेऊ शकतात, याचे उदाहरण खडसंगी गावाच्या (Khadsangi Village) परिसरात नुकतेच पाहायला मिळाले. घरी तिखट संपल्याच्या शुल्लक कारणावरून नवऱ्यासोबत झालेल्या वादातून सुनीता (नाव बदलले आहे) नावाच्या एका महिलेने आपल्या अडीच महिन्याच्या नवजात बाळासह आत्महत्या करण्याचा निर्णय घेतला होता. मात्र, वरोरा येथील सामाजिक कार्यकर्त्यांनी वेळेवर केलेल्या हस्तक्षेपाने एक मोठा अनर्थ टळला आणि माय-लेकींचे प्राण वाचले.

    Also Read : वाघाच्या हल्ल्यात शेतकऱ्यांचा मृत्यू

    संशयास्पद हालचालींमुळे जीव वाचला

    शुल्लक कारणावरून नवऱ्यासोबत जोरदार भांडण (खडाजंगी) झाल्याने सुनिताचा राग अनावर झाला आणि संध्‍याकाळच्या सुमारास ती आपल्या बाळाला घेऊन थेट वरोरा (Warora) शहरात पोहोचली. रत्नमाला चौकातील राहुल शेंडे यांच्या उपहारगृहात बसून ती जीवन संपवण्याचा विचार करू लागली. तिच्या चेहऱ्यावरील चिंता आणि संशयास्पद हालचाली उपहारगृहात उपस्थित असलेले रमेश सनस आणि अमोल सेलकर यांच्या लक्षात आल्या.
    त्यांनी तिला समजावण्याचा प्रयत्न केला, पण तिने काहीही न सांगता तिथून चौकालगतच्या रेल्वे रुळाकडे (Railway Track) जाण्यास सुरुवात केली. माणुसकीचे दर्शन घडवत रमेश, अमोल आणि राहुल यांनी तात्काळ तिच्या मागोमाग धाव घेतली आणि तिला समजावून परत उपहारगृहात आणले. Family dispute suicide risk

    सामाजिक कार्यकर्त्यांचे मोलाचे सहकार्य

    उपहारगृहाचे मालक राहुल शेंडे यांच्या आईने सुनीताचे सांत्वन केले आणि तिचे कारण विचारून तिला रात्रभर आपल्या घरी मुक्काम करण्याची विनंती केली. दरम्यान, या घटनेची माहिती सामाजिक कार्यकर्ते छोटू शेख यांच्या कानावर गेली. घटनेचे गांभीर्य ओळखत त्यांनी तातडीने सहाय्यक पोलीस निरीक्षक शरद भस्मे यांना संपर्क साधला.
    पोलिसांच्या मदतीने सुनीताचे माहेरचे लोक आणि तिच्या नवऱ्याला बोलावण्यात आले. नवऱ्याने आपल्या चुकीबद्दल माफी (Apology) मागितली. शेवटी, तडजोड म्हणून सुनीताने काही दिवस आपल्या वडिलांच्या घरी जाऊन राहावे, असे निश्चित झाले.


    सामाजिक कार्यकर्ते गोपाळ गुडधे आणि प्रवीण गंधारे यांच्यासह अन्य नागरिकांच्या माणुसकीमुळे सुनीता आणि तिचे नवजात बाळ सुखरूप त्यांच्या वडिलांच्या घरी पोहोचले. या माणुसकीच्या कृत्याबद्दल वरोरा (Warora News) परिसरातील या सामाजिक कार्यकर्त्यांचे सर्वत्र कौतुक होत आहे.

  • Police appreciation Bahujan Hitkarini Sabha | पोलिसांची उत्कृष्ट व्यवस्था, चंद्रपूर पोलिसांचे आभार

    Police appreciation Bahujan Hitkarini Sabha

    Police appreciation Bahujan Hitkarini Sabha : चंद्रपूर 25 ऑक्टोबर (News34 वृत्तसेवा) – दिनांक 15, 16 ऑक्टोबर च्या दीक्षाभूमी, चंद्रपूर येथील महोत्सवात उत्कृष्ट व्यवस्था ठेवल्या बदल बहुजन हितकारिणी सभेने चंद्रपूर जिल्हा पोलीस अधीक्षक मान. मुम्मका सुदर्शन यांचे अभिनंदन केले आहे.

    Also Read : चंद्रपूर जिल्ह्यात पुन्हा वाघाचा हल्ला, शेतकऱ्याला केले ठार

    यासंबंधाने नागवंश नगराळे, एड. पूनमचंद वाकडे, एड. रवींद्र मोटघरे, जितेंद्र डोहणे, बंडू ठमके, विद्याधर लाडे, रवींद्र भैसारे इ. च्या शिष्टमंडळाने दिनांक 24 ऑक्टो. ला मम्मका सुदर्शन यांची भेट घेऊन धन्यवाद प्रकट केले . मागील दोन वर्षांपासून दीक्षाभूमी परिसर व संबंधित रोडवर आवश्यक तिथे बॅरिकेट्स लावून, पादचाऱ्यांना टू- वे मार्गाची व्यवस्था केल्याने गर्दीचे योग्य नियोजन झाले.

    बॅड एलिमेंट्सना वचक

    अनेक ठिकाणी वाहन तळे उपलब्ध केल्याने वाहणांची योग्य व्यवस्था झाली. त्याचप्रमाणे ठिकठिकाणी पोलीस जवान उपस्थित ठेवल्याने ‘ बॅड एलीमेन्टसना ‘ वचक बसला. यास्तव जरी हे पोलीस विभागाचे कर्तव्य असले तरी मागील वर्षी या बाबी बहुजन हितकारिणी सभेने प्रशासनाच्या निदर्शनास आणून देऊन चोख बंदोबस्ताची मागणी केली होती, त्यावर मागील वर्षीपासून योग्य प्रतिसाद मिळाल्याने पोलीस प्रशासन अभिनंदनास पात्र असल्याचे शिष्टमंडळाने सांगितले.

  • Man-animal conflict Chandrapur news | चंद्रपूरमध्ये पुन्हा वाघाचा कहर! शेतकऱ्याला केले ठार

    Man-animal conflict Chandrapur news

    Man-animal conflict Chandrapur news : चंद्रपूर/नागभीड – 25 ऑक्टोबर (News34 वृत्तसेवा) : तालुक्यातील तळोधी (बाळापूर) जवळील आकापूर (Akapur) शेतशिवारात आज, शनिवार (२५ ऑक्टोबर), सकाळी एका धक्कादायक घटनेत वाघाने ५५ वर्षीय शेतकऱ्याचा बळी घेतला. वाघाच्या हल्ल्यातील ही घटना उघडकीस आल्यानंतर परिसरात मोठी खळबळ माजली आहे. Tiger attack Chandrapur

    Also Read : झोपडपट्टी मधील मुलांसोबत आमदार मुनगंटीवार यांनी साजरी केली दिवाळी


    वासुदेव लक्ष्मण वेठे (वय ५५) असे मृत शेतकऱ्याचे नाव आहे. ते शुक्रवार (दि. २४) सायंकाळी आपल्या धान पिकाची पाहणी करण्यासाठी शेतात गेले होते, मात्र रात्री उशिरापर्यंत घरी परतले नाहीत. कुटुंबीयांनी व गावकऱ्यांनी रात्रभर शोध घेतला, परंतु ते सापडले नाहीत. अखेर, आज शनिवारी सकाळी शेताच्या एका बाजूला त्यांचा मृतदेह आढळून आला. घटनास्थळावरील वाघाच्या स्पष्ट खुणांवरून हा हल्ला वाघानेच केल्याचे वनविभागाने प्राथमिकदृष्ट्या निश्चित केले आहे.

    वनविभागाच्या हलगर्जीपणावर नागरिकांचा संताप

    या घटनेनंतर नागरिकांमध्ये प्रचंड भीती आणि संतापाचे वातावरण पसरले आहे. मिळालेल्या माहितीनुसार, मागील आठवड्याभरापासून या आकापूर शेतशिवारात वाघाचे प्रस्थ होते. नागरिकांनी वारंवार तळोधी वनपरिक्षेत्र कार्यालयाला लेखी निवेदन देऊन या पट्टेदार वाघाचा बंदोबस्त करण्याची मागणी केली होती.
    मात्र, वन विभागाने या गंभीर बाबीकडे दुर्लक्ष केले. फक्त पाहणी करण्याशिवाय कॅमेरे बसविणे किंवा पिंजरे लावणे यासारख्या प्रभावी उपाययोजना वन विभागाने केल्या नाहीत, असा संतप्त आरोप नागरिकांनी केला आहे.

    वनअधिकाऱ्यांना घेराव, मृतदेह उचलण्यास नकार

    घटनेची माहिती मिळताच तळोधी वनपरिक्षेत्र अधिकारी शहा मॅडम आणि पोलीस पथक घटनास्थळी दाखल झाले. पंचनामा सुरू असतानाच संतप्त गावकऱ्यांनी वनअधिकाऱ्यांच्या निष्क्रियतेवर तीव्र संताप व्यक्त करत शहा मॅडम यांना घेराव घातला.


    जोपर्यंत नागरिकांना सुरक्षिततेची ठोस हमी दिली जात नाही, तोपर्यंत मृतदेह घटनास्थळावरून उचलण्यास नागरिकांनी स्पष्ट नकार दिला आहे. त्यामुळे वृत्त लिहीपर्यंत (सकाळी/दुपारी) मृतदेह घटनास्थळीच पडून होता, अशी माहिती आहे. वाघाच्या सततच्या हल्ल्यांमुळे नागभीड आणि चंद्रपूर (Chandrapur) परिसरातील शेतकरी आणि ग्रामस्थांच्या सुरक्षिततेचा प्रश्न पुन्हा एकदा ऐरणीवर आला आहे.

    यावर्षीचा 35 वा मृत्यू

    चंद्रपूर जिल्ह्यात आतापर्यंत वन्यप्राण्यांच्या हल्ल्यात 35 नागरिकांचा मृत्यू झाला असून यामध्ये 31 वाघाच्या हल्ल्यात, 2 बिबट तर अस्वल व हत्तीच्या हल्ल्यात प्रत्येकी एका नागरिकांचा मृत्यू झाला.

  • Diwali Celebration for Slum Kids | झोपडपट्टीमधल्या मुलांनी अनुभवला प्रकाशाचा दिवाळी सण; सुधीर मुनगंटीवार यांचा पुढाकार

    Diwali Celebration for Slum Kids

    Diwali Celebration for Slum Kids : चंद्रपूर 25 ऑक्टोबर (News34 वृत्तसेवा) – सर्वसामान्य जनतेला आपले कुटुंब मानणारे राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी आणखी एका कृतीतून समाजापुढे उत्तम आदर्श निर्माण केला आहे. आपल्या कुटुंबासोबत चौकटीच्या आत साजरी होणारी दिवाळी आ. श्री. मुनगंटीवार यांनी झोपडपट्टीतील मुलांमध्ये जाऊन साजरी केली. या मुलांसोबत दीपोत्सव साजरा करताना आ. श्री. मुनगंटीवार यांनी झोपडपट्टीतील नागरिकांना अंधारातून उजेडाच्या प्रवासासाठी शुभेच्छाही दिल्या. Diwali celebration Chandrapur

    Also Read : चंद्रपुरात गुन्हेगारी वाढतेय, पोलीस गस्तीचे काय?

    दुर्गापूर येथील वॉर्ड क्रमांक ३ मधील झोपडपट्टीमध्ये आ. श्री. मुनगंटीवार यांच्या येण्याने आनंदाचे वातावरण होते. लहान मुला-मुलींसह येथील नागरिकांनी त्यांचे उत्साहाने स्वागत केले. यावेळी रुद्र नारायण तिवारी,श्रीनिवास जंगमवार, नरेंद्र सिंग दारी, केमा रायपुरे, हनुमान काकडे, अनिता भोयर, राकेश गौरकार,विलास टेंभुर्णे, देवानंद थोरात,अर्चनाताई रायपुरे, सुनील भरेकर, रंजना किन्नाके,भोजराज शिंदे,अरविंद बोरकर,सुरेखा थोरात, रवि रामटेके आदींची उपस्थिती होती.

    sudhir mungantiwar diwali charity event

    साध्या पण मनाला स्पर्शून जाणाऱ्या या उपक्रमात मुलांच्या निरागस चेहऱ्यावरील हास्य, त्यांच्या डोळ्यांतील आनंद आणि ओसंडून वाहणाऱ्या उत्साहाने वातावरण भारावले होते. मिठाई, शालेय साहित्य तसेच गृहोपयोगी वस्तू देखील यावेळी आ. श्री. मुनगंटीवार यांनी वितरित केल्या. ‘निरागस हास्यामध्ये दिवाळीचा खरा आनंद दडला आहे,’ अशी भावना आ. श्री. मुनगंटीवार यांनी यावेळी व्यक्त केली.

    भारताच्या प्रगतीला हातभार लावण्याचे काम तुमच्या हातून घडेल

    ते म्हणाले, “२०४७ मध्ये भारतीय स्वातंत्र्याला शंभर वर्षे पूर्ण होतील. त्यावेळी याच चिमुकल्यांच्या हातात देशाचे भविष्य असणार आहे. आज आपण त्यांच्या शिक्षणाची काळजी घेतली, त्यांना उत्तम संस्कार दिले आणि त्यांच्यात आत्मविश्वास निर्माण केला, तर उद्या भारताला प्रगतीच्या नवनव्या शिखरांवर नेण्याचे काम ही मुले करतील.”

    त्यांनी मुलांना मोठी स्वप्ने पाहण्याचा आणि ती पूर्ण करण्यासाठी परिश्रम करण्याचा सल्ला दिला. “प्रत्येक मुलामध्ये एक तेजस्वी किरण दडलेला आहे; तो उजळवण्याची जबाबदारी समाजाची आहे,” असेही ते म्हणाले. या भावनिक आणि आनंददायी सोहळ्यात स्थानिक नागरिक, पालक आणि स्वयंसेवक मोठ्या संख्येने उपस्थित होते. सर्वांनी मिळून चिमुकल्यांसोबत आनंद, मिठाई आणि आत्मीयतेचा दिवाळी सण साजरा केला.

  • Chandrapur crime hotspot police patrol | चंद्रपुरात गुन्हेगारी वाढतेयं; पोलीस गस्तीचे काय?

    Chandrapur crime hotspot police patrol

    Chandrapur crime hotspot police patrol : चंद्रपूर 24 ऑक्टोबर (News34 वृत्तसेवा) – 22 ऑक्टोबर च्या रात्री चंद्रपुरातील लॉ कॉलेज परिसरात 27 वर्षीय नितेश ठाकरे या युवकाची निर्घृणपणे हत्या करण्यात आली. आरोपीच्या मनात मृतकबद्दल इतका राग होता की त्यांनी नितेश च्या पोटाचा अक्षरशः कोथडा बाहेर काढला होता.

    Also Read : दिवाळी आहे, मला कपडे हवे, कपडे नाही पण त्याचा कोथडा काढला, युवकाची हत्या


    सदर प्रकरणी स्थानिक गुन्हे शाखेच्या कौशल्यपूर्ण तपासामुळे अवघ्या 1 तासात हत्याकांडाचा उलगडा करीत 6 आरोपींना अटक केली.
    चंद्रपुरातील असे अनेक निर्जन ठिकाण आहे जिथे अनेक गुन्हेगारी कार्य सुरू असते, तत्कालीन पोलीस अधीक्षक रवींद्र परदेशी यांनी गुन्हेगारी वृत्तीवर आळा बसावा याकरिता शहरातील निर्जन ठिकाणी नियमित पेट्रोलिंग सुरू केली होती. Chandrapur crime capital


    परदेशी यांची बदली झाली आणि पुन्हा जैसे थे ची स्थिती निर्माण झाली, विशेष बाब म्हणजे तुकुम परिसरातील अतिक्रमण परदेशी यांच्या काळात काढण्यात आले होते, मात्र आज तुकुम हे पूर्वीसारखे झाले, कुणाचेही लक्ष त्याठिकाणी नाही.

    चंद्रपुरातील निर्जन परिसर

    शहरातील लॉ कॉलेज परिसर, बाबूपेठ भागातील डीएड कॉलेजच्या मागील भाग, रामाला तलाव, डॉ.आंबेडकर कॉलेजच्या मागे, दाताला पूल, रामनगर परिसरातील मेडिकल कॉलेजच्या समोरील भाग असे अनेक निर्जन ठिकाण शहरात आहे ज्याठिकाणी पोलिसांची नियमित गस्त आवश्यक आहे.


    लॉ कॉलेज परिसरात सायंकाळ पासून दारू, नशा असे अनेक प्रकार सुरू असतात मात्र त्याठिकाणी पोलिसांची पेट्रोलिंग आता नाममात्र झाली आहे. जर पोलीस नियमितपणे शहरातील निर्जन स्थळी गस्तीचे प्रमाण वाढवतील तर गुन्हेगारीवर काही प्रमाणात आळा नक्की बसणार, मात्र सध्यातरी अशी परिस्थिती चंद्रपुरात नाही.
    सध्या जिल्हा क्राईम कॅपिटल बनत आहे, एमडी पावडर, असंख्य शस्त्र सहज उपलब्ध होऊ लागले आहे, गुन्हेगारी वाढत आहे, मात्र यावर पोलीस विभागाचे नियंत्रण नसल्यासारखे आहे.


    पोलीस विभाग नियमित पणे लॉ कॉलेज परिसरात गस्त करीत असते तर कदाचित नितेश चा जीव वाचला असता.
    काही दिवसांपूर्वी चंद्रपूर शहरात 4 युवकांना बंदूक, माऊझर व खंजर सहित अटक करण्यात आले होते, या प्रकरणातील आरोपी हे मोठा घातपात करण्यासाठी शहरात आले, पोलिसांनी त्यांना आधीच अटक करीत त्यांचा डाव उधळून लावला. शहरात शस्त्रांचा मोठ्या प्रमाणात पुरवठा होत असताना सुद्धा पोलिसांना याबाबत तिळमात्र माहिती का बरं मिळत नाही हा एक न सुटलेला प्रश्नच आहे.

  • Your Money Your Right Campaign |चंद्रपूरमध्ये “आपला पैसा – आपला अधिकार” मोहिमेचा शुभारंभ; ८८ कोटींच्या बँक ठेवी परत मिळवा

    Your Money Your Right Campaign

    Your Money Your Right Campaign : चंद्रपूर, दि. 24 (News34 वृत्तसेवा) – भारत सरकारच्या वित्तीय सेवा विभागांतर्गत सुरू असलेल्या “आपला पैसा – आपला अधिकार” या विशेष मोहिमेचा शुभारंभ चंद्रपूर जिल्ह्यात प्रभारी जिल्हाधिकारी डॉ. नितीन व्यवहारे यांच्या हस्ते जिल्हाधिकारी कार्यालयातील नियोजन भवन सभागृहात करण्यात आला. या मोहिमेचा उद्देश आर्थिक क्षेत्रातील दावा न केलेल्या ठेवी व मालमत्तेचे कार्यक्षम व जलद वितरण सुनिश्चित करणे हा असून, 1 ऑक्टोबर 2025 ते 31 डिसेंबर 2025 या कालावधीत ही मोहिम राबविण्यात येणार आहे.

    Also Read : दिवाळीचे कपडे मागितले, आणि घडलं भयावह हत्याकांड

    या प्रसंगी भारतीय रिझर्व्ह बँकेचे सहायक व्यवस्थापक महेश थुल, जिल्हा अग्रणी बँक व्यवस्थापक आशिष पोरकुटे, बँक ऑफ इंडियाचे मुख्य व्यवस्थापक गौरव विश्वकर्मा, स्टेट बँक ऑफ इंडियाचे व्यवस्थापक शेखर बारापात्रे, बँक ऑफ महाराष्ट्राचे मुख्य व्यवस्थापक  प्रशांत सांगवी, तसेच जिल्ह्यातील सर्व बँका, वित्तीय संस्थांचे जिल्हास्तरीय समन्वयक, अधिकारी व दावेदार मोठ्या संख्येने उपस्थित होते. Chandrapur unclaimed bank deposits campaign 2025

    प्रभारी जिल्हाधिकारी डॉ. व्यवहारे म्हणाले की, ही मोहिम केंद्र सरकारची अतिशय लोकहिताची व जनसहभागातून राबविण्यात येणारी संकल्पना आहे. नागरिकांचे कोट्यवधी रुपये निष्क्रीय खात्यांत पडून आहेत. अनेक शासकीय संस्थांची खाती देखील या स्वरूपात आहेत. सर्व नागरिकांनी, संस्थांनी व वारसांनी आपल्या बँकांशी संपर्क साधून आपली दावा न केलेली रक्कम परत मिळवावी, हा या मोहिमेचा प्रमुख उद्देश आहे. claim your unclaimed money

    ते पुढे म्हणाले की, गेल्या 10 वर्षांपासून व्यवहार नसलेली बँक खाती निष्क्रीय होतात व अशा खात्यांतील रक्कम भारतीय रिझर्व्ह बँकेच्या निर्देशानुसार गोठविली जाते. या रक्कमा दावा न केल्यास बँकांकडे जमा राहतात. अशा परिस्थितीत “आपला पैसा – आपला अधिकार” मोहिमेअंतर्गत नागरिकांना त्यांचे हक्काचे पैसे मिळविण्यासाठी ही एक सुवर्णसंधी आहे.

    डॉ. व्यवहारे यांनी यावेळी सर्व बँकांना ग्राहकांशी थेट संपर्क साधण्याचे व माहिती देण्याचे निर्देश दिले. तसेच, ग्राहकांनी आपले मोबाईल क्रमांक व ई-मेल आयडी अद्ययावत ठेवावेत, जेणेकरून भविष्यात बँकांकडून संपर्क सुलभ होईल व निष्क्रीय खात्यांची संख्या कमी होईल, असेही त्यांनी नमूद केले.

    जिल्हा अग्रणी बँकेचे प्रबंधक आशिष पोरकुटे यांनी मार्गदर्शन करताना सांगितले की, “ग्राहकाने दोन वर्षांपर्यंत कोणतेही व्यवहार न केल्यास खाते निष्क्रीय होते, आणि दहा वर्षांपर्यंत व्यवहार न झाल्यास ते खाते ‘दावा न केलेले’ म्हणून वर्गीकृत केले जाते. त्यामुळे प्रत्येक खातेदाराने आपल्या सर्व खात्यांमध्ये वेळोवेळी व्यवहार करून ते सक्रिय ठेवणे आवश्यक आहे.”

    चंद्रपूर जिल्ह्यात 88 कोटी रकमेवर दावा नाही

    चंद्रपूर जिल्ह्यातील आकडेवारीनुसार, एकूण 3 लाख  76 हजार 242 निष्क्रीय खात्यांमध्ये सुमारे 88 कोटी रुपयांची रक्कम दावा न केलेल्या स्वरूपात पडून आहे. यात वैयक्तिक, संस्थात्मक तसेच शासकीय संस्थांची खाती समाविष्ट आहेत.

    सदर मोहिमेअंतर्गत प्रत्येक बँक शाखेत विशेष बूथची स्थापना करण्यात आली असून, संबंधित दावेदारांनी अथवा त्यांच्या वारसांनी आवश्यक कागदपत्रांसह संबंधित बँकेशी संपर्क साधून आपली रक्कम परत मिळवावी, असे आवाहन सर्व बँक व्यवस्थापकांनी केले आहे.

    कार्यक्रमाच्या शेवटी प्रभारी जिल्हाधिकारी डॉ. नितीन व्यवहारे यांच्या हस्ते काही पात्र दावेदारांना दावा मंजुरी पत्रांचे वाटप करून मोहिमेचा शुभारंभ करण्यात आला. तर कार्यक्रमांचे संचालन जिल्हा अग्रणी बॅंकेचे अधिकारी प्रतीक गोंडणे केले असून कार्यक्रमांचे आभार प्रदर्शन बँक ऑफ इंडियाचे मुख्य व्यवस्थापक गौरव विश्वकर्मा यांनी केले.

  • Murder Case Police Crackdown | तो फोनवर द्यायचा शिवीगाळ; 6 जणांनी मिळून केला खेळ खल्लास

    Murder Case Police Crackdown

    Murder Case Police Crackdown : चंद्रपूर 23 ऑक्टोबर (News34 वृत्तसेवा) आई-बहिणीच्या शिव्या दिल्याने 27 वर्षीय युवकाची 6 जणांनी चाकू भोसकून हत्या केली, गुन्ह्याची माहिती मिळताच चंद्रपूर स्थानिक गुन्हे शाखेच्या कौशल्यपूर्ण तपासाने अवघ्या 1 तासात सर्व आरोपींना अटक करण्यास यश मिळविले.

    Also Read : चंद्रपुरात 31 हजार दिव्यांचा दीपोत्सव


    23 ऑक्टोबर रोजी चंद्रपुरातील लॉ कॉलेज परिसरात एका युवकाचा मृतदेह पडून असल्याची माहिती स्थानिक गुन्हे शाखेला मिळाली होती, माहितीच्या आधारे स्थानिक गुन्हे शाखेने घटनास्थळी पोहचत पाहणी केली. सदर मृतदेह हा दुर्गापुरातील बेताल चौकात राहणाऱ्या 27 वर्षीय नितेश वासुदेव ठाकरे यांचा असल्याची ओळख पटली.
    स्थानिक गुन्हे शाखेचे पोलीस निरीक्षक अमोल काचोरे यांनी आरोपीच्या शोध घेण्यासाठी पथक तयार केले, अवघ्या 1 तासात गोपनीय माहितीच्या आधारे गुन्हे शाखेने 6 आरोपींना अटक केली. Law College murder Chandrapur update

    घटना नेमकी काय घडली?


    ताडोबा मार्गावर 25 वर्षीय सुजित जयकुमार गणवीर यांचा पानठेला आहे, त्याठिकाणी मृतक नितेश खर्रा घोटण्याचे काम करीत होता, मात्र 3 दिवसांपूर्वी मृतक नितेश ने सुजित ला दिवाळीचे कपडे घ्यावे अशी इच्छा सुजितकडे व्यक्त केली, मात्र सुजितने त्याच्या मागणीकडे दुर्लक्ष केले.

    यामुळे सुजित गणवीर व नितेश यांच्यात वाद झाला, या वादात नितेश ने सुजित ला आई-बहिणीवरून शिवीगाळ केली. विशेष बाब म्हणजे मागील 3 दिवसापासून नितेश सुजितला कॉल करून शिवीगाळ करीत होता.
    नितेश ने शिवीगाळी केली याचा राग सुजित ने मनात पकडून ठेवला होता, नितेश चा काटा काढायचा याबाबत सुजित ने योजना आखली, आपल्यासह 6 जणांना सुजित ने या कटात सहभागी केले. Chandrapur local crime branch news


    22 ऑक्टोबर ला सुजित ने नितेश ला कॉल करीत आपण चित्रपट बघायला जाऊ म्हणून सोबत घेतले, चित्रपट संपल्यावर सुजित आपल्या सहकाऱ्यांसह लॉ कॉलेज परिसरात गेला, त्याठिकाणी त्यांनी दारू प्यायली, नितेश दारू च्या नशेत बघत सुजित व त्याच्या सहकाऱ्यांनी हल्ला चढविला. सुजित सह 6 जणांनी त्याच्यावर चाकूने वार केले, या हल्ल्यात नितेश चा जागीच मृत्यू झाला. आरोपीनी लॉ कॉलेजच्या झुडपात नितेश चा मृतदेह ठेवत तिथून पळ काढला. आरोपीनी नितेश ची दुचाकी सोबत घेत सिनाला जवळ आगीच्या हवाली केले. Maharashtra crime branch breakthrough


    दुसऱ्या दिवशी सकाळी नितेश चा मृतदेह मिळताच स्थानिक गुन्हे शाखेने तपासाला गती दिली.
    स्थानिक गुन्हे शाखेने मुख्य आरोपी सुजित जयकुमार गणवीर, 23 वर्षीय तौसिफ अजीज शेख, 22 वर्षीय प्रतीक माणिक मेश्राम, 22 वर्षीय अनिल रामेश्वर बोंडे, 19 वर्षीय यश छोटेलाल राऊत व 22 वर्षीय करण गोपाल मेश्राम सर्व राहणार दुर्गापूर यांना अवघ्या 1 तासात अटक केली.

    तर नितेश चा जीव वाचला असता

    चंद्रपुरात निर्जन ठिकाणी अवैध व बेकायदेशीर हालचाली बघता तत्कालीन पोलीस अधीक्षक रविंद्र परदेशी यांनी शहरातील निर्जन ठिकाणी नियमित पेट्रोलिंग करण्याच्या सूचना पोलिसांना दिल्या होत्या, लॉ कॉलेज परिसरात दारू पिणे, अंमली पदार्थाचे सेवन करणे ही नित्याची बाब आहे, मात्र रामनगर पोलिसांनी त्याठिकाणी पेट्रोलिंग केली नाही, आधीच पोलिसांनी या ठिकाणी होत असलेल्या बेकायदेशीर हालचालीवर प्रतिबंध केला असता तर नितेश ला आपला जीव गमवावा लागला नसता. Murder Case Police Crackdown

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात सपोनि दीपक कांक्रेडवार, सपोनि बलराम झाडोकार, पोउपनी विनोद भुरले, पोउपनी सुनील गौरकार, संतोष निंभोरकर, सर्व्हेश बेलसरे, पोलीस कर्मचारी सुभाष गोहोकार, रजनीकांत पुठ्ठावार, दीपक डोंगरे, इमरान खान, अजय बागेसार, स्वामीदास चालेकार, नितीन साळवे, प्रमोद डंबारे, हिरालाल गुप्ता, शशांक बदामवार व शेखर माथनकर यांनी केली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by