Category: ताज्या बातम्या

Badminton selection competition 2024 महाराष्ट्राचे वर्णन ‘चांदा ते बांदा’असे केले जाते. त्यातच ही वाघांची भूमी आहे. वाघ हे पराक्रमाचे प्रतिक आहे. त्यामुळे येथील खेळाडू हा वाघासारखाच पराक्रम गाजविणारा असावा. यासाठी आपण जिल्ह्यात खेळाडूंसाठी अनेक दालने उभी करण्याचा निर्धार केला आहे. चंद्रपूर जिल्ह्यातील खेळाडू राज्य, राष्ट्रीय स्तरावर आणि पुढे ऑलम्पिकमध्ये उंच भरारी घ्यावी, यासाठी आपण कायम प्रयत्नशील आहोत. खेळाडूंच्या प्रगतीसाठी आपण सदैव तत्पर राहू, असा विश्वास राज्याचे वने, सांस्कृतिक कार्य, मत्स्यव्यवसाय मंत्री तथा जिल्ह्याचे पालकमंत्री सुधीर मुनगंटीवार यांनी व्यक्त केला.

महत्त्वाचे : चंद्रपुरात 5 दिवसीय महाकाली महोत्सवाचे उदघाटन

Badminton selection competition 2024 चंद्रपूर येथील बॅडमिंटन हॉलमध्ये जिल्हा बॅडमिंटन विकास असोसिएशनच्या वतीने स्व. डॉ. सच्चिदानंद मुनगंटीवार मेमोरीयल महाराष्ट्र मिनी स्टेट बॅडमिंटन निवड स्पर्धचे आयोजन करण्यात आले आहे. या स्पर्धेचे उद्घाटन करतांना पालकमंत्री श्री. मुनगंटीवार बोलत होते. यावेळी  जिल्हाधिकारी विनय गौडा जी.सी., मुख्य वनसंरक्षक डॉ. जितेंद्र रामगावकर, जिल्हा पोलिस अधीक्षक मुमक्का सुदर्शन, जिल्हा क्रीडा अधिकारी अविनाश पुंड, जिल्हा बॅडमिंटन विकास असोसिएशनचे अध्यक्ष गिरीश चांडक, महाराष्ट्र बॅडमिंटन असोसिएशनचे वरिष्ठ उपाध्यक्ष मंगेश काशीकर, उपाध्यक्ष राज पुरोहित, जगदीश जोशी, प्रदीप गवारा, मोहन शहा, रणजीत माथु, नागोजी चिंतलवार, अनिरुद्ध जोशी आदी उपस्थित होते.

अतिशय उत्तम वातावरणात या बॅडमिंटन स्पर्धा होईल, असा विश्वास व्यक्त करून पालकमंत्री सुधीर मुनगंटीवार म्हणाले, पंचाचा निकाल प्रतिकूल वाटला तरी प्रत्येक खेळाडूंनी डोकं शांत ठेवून निर्णय स्वीकारावा. चंद्रपूर जिल्हा बॅडमिंटन विकास असोसिएशनने अतिशय कमी वेळात राज्यस्तरीय स्पर्धेचे उत्कृष्ट नियोजन केले आहे. Chandrapur

स्पर्धेचे आयोजन करणाऱ्या संघटनांमागे शासन आणि प्रशासन नेहमीच पाठीशी राहील. राज्याचे क्रीडामंत्री संजय बनसोडे यांच्याकडे क्रीडा विभागाचा प्रस्ताव गेल्यास ते लगेच मान्य करतात. आपला शब्द खाली पडू देत नाही. त्यामुळे क्रीडा विभागाच्या सर्व सोयीसुविधा जिल्ह्यात उपलब्ध होतात, याचा फायदा येथील विविध क्रीडा संघटनांनी घ्यावा असे मंत्री श्री. मुनगंटीवार म्हणाले. (Badminton selection competition 2024)

चंद्रपूर जिल्हा हा गोंड राजा, राणी दुर्गावती, राणी हिराई यांच्या वीरतेचे आणि शुरतेचे प्रतीक आहे. त्यामुळे मैदानातही खेळाडूंनी पराक्रम दाखवावा, आंतरराष्ट्रीय स्तराच्या या वातानुकूलीत बॅडमिंटन सभागृहाला आणि स्टेडियमला सोलरवर करण्यात येईल. आपल्या जिल्ह्यात क्षमतेची आणि पराक्रमाची कुठेही कमतरता नाही. छत्रपती शिवरायांचा हा महाराष्ट्र असल्यामुळे एक नवी उर्जा आपल्याला प्राप्त होते. आपण नेहमी मतांपेक्षा सर्वांगीण विकासालाच चालना दिली आहे. जिल्ह्यातील बॅडमिंटन कोर्ट, स्टेडियम अत्याधुनिक करण्यात आले आहेत. चंद्रपूरच्या सैनिक शाळेत नुकतीच देशभरातील सैनिक शाळांची ‘स्पोर्ट मीट’ पार पडली. ही आपल्यासाठी अभिमानाची बाब आहे, असेही पालकमंत्री सुधीर मुनगंटीवार यांनी सांगितले. (Chandrapur)

यावेळी आंतरराष्ट्रीय बॅडमिंटन खेळाडू माधवी काशीकर हेडाऊ यांचा पालकमंत्री सुधीर मुनगंटीवार यांच्या हस्ते सत्कार करण्यात आला.

 पालकमंत्र्यांच्या पाठपुराव्यामुळेच जिल्ह्यात उत्तम दर्जाच्या क्रीडा सुविधा : जिल्हाधिकारी विनय गौडा

यावेळी जिल्हाधिकारी विनय गौडा जी.सी. म्हणाले, चंद्रपूर शहरातील वातानुकूलित नवीन बॅडमिंटन हॉलमध्ये राज्यस्तरीय बॅडमिंटन स्पर्धेचे आयोजन करण्यात आले आहे. पालकमंत्री सुधीर मुनगंटीवार यांच्या भक्कम पाठपुराव्यामुळे चंद्रपूर जिल्ह्यात उत्तम दर्जाच्या क्रीडा सुविधा उपलब्ध झाल्या आहेत. चंद्रपुरातून सुद्धा उत्कृष्ट खेळाडू तयार झाले पाहिजे. राज्य, राष्ट्रीय आणि आंतरराष्ट्रीय स्तरावर चंद्रपुरचे खेळाडू नक्कीच पोहोचेल, असा विश्वास त्यांनी व्यक्त केला. (Badminton selection competition 2024)

प्रास्ताविकात जिल्हा बॅडमिंटन असोसिएशनचे अध्यक्ष गिरीश चांडक म्हणाले, गत १० वर्षात पालकमंत्री सुधीर मुनगंटीवार यांच्या पाठपुराव्यामुळे जिल्ह्यात अनेक विकासाची कामे झाली असून ताडोबा हे जगाच्या नकाशावर आले आहे. स्पर्धेकरीता येथे आलेल्या सर्व खेळाडूंना ताडोबा अंधारी व्याघ्र प्रकल्पात मोफत सफारी करण्याचा निर्णय पालकमंत्री सुधीर मुनगंटीवार यांनी घोषित केला. चंद्रपुरात अत्याधुनिक बॅडमिंटन हॉलची निर्मिती करण्यात आली आहे. म्हाडाच्या जागेवर चंद्रपुरात उभारण्यात येणाऱ्या नवीन इनडोअर स्टेडियममध्ये पालकमंत्री सुधीर मुनगंटीवार यांच्या पाठपुराव्यामुळे दहा वातानुकूलित बॅडमिंटन कोर्ट तयार होत आहे. स्वर्गीय डॉ. सच्चिदानंद मुनगंटीवार मेमोरियल महाराष्ट्र मिनी स्टेट बॅडमिंटन निवड स्पर्धेकरिता राज्यभरातील 520 खेळाडू आले असल्याचे गिरीश चांडक यांनी सांगितले.

कार्यक्रमाचे संचालन निशा मेहता यांनी तर आभार जोवेल चांदेकर यांनी मानले. यावेळी मोठ्या संख्येने स्पर्धेकरीता आलेले खेळाडू, त्यांचे प्रशिक्षक, पालक तसेच क्रीडा संघटनांचे पदाधिकारी उपस्थित होते. (Badminton selection competition 2024)

govt iti chandrapur राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार यांच्या पुढाकारामुळे चंद्रपूर येथील शासकीय औद्योगिक प्रशिक्षण संस्थेला (महिला) राणी दुर्गावती यांचे नाव देण्याचा ऐतिहासिक निर्णय झाला आहे. राणी दुर्गावतीच्या ५०० व्या जन्मशताब्दी वर्षात हा निर्णय घेण्यात आला आहे. राज्य सरकारच्या मंत्रीमंडळाच्या बैठकीत यावर शिक्कामोर्तब झाले. ना. श्री. मुनगंटीवार यांनी यासंदर्भात काही दिवसांपूर्वी कौशल्य, रोजगार व उद्योजकता मंत्रालयाला यासंदर्भातील प्रस्ताव पाठवला होता, हे विशेष.

govt iti chandrapur आदिवासींच्या समृद्ध इतिहासात आपल्या अफाट शौर्यासाठी ओळखली जाणारी राणी दुर्गावती हिचे नाव महिलांसाठी समर्पित एका संस्थेला देणे, ही अत्यंत आनंदाची बाब मानली जात आहे. त्यासाठी ना. श्री. मुनगंटीवार यांचे आदिवासी समाजाकडून आभार मानण्यात येत आहेत. ना. श्री. मुनगंटीवार यांनी १८ सप्टेंबर २०२४ ला संबंधित विभागाला पत्र दिले होते.

अवश्य वाचा : कोरपना अत्याचार प्रकरणाचा भाजपने केला निषेध

चंद्रपूर येथील महिलांसाठी असलेल्या शासकीय औद्योगिक प्रशिक्षण संस्थेला राणी दुर्गावती यांचे नाव देण्याचा प्रस्ताव त्यांनी पाठवला होता. त्यानुसार सोमवार, दि. ३० सप्टेंबरला झालेल्या मंत्रीमंडळाच्या बैठकीत यावर शिक्कामोर्तब करून निर्णय जाहीर करण्यात आला. तसे कौशल्य, रोजगार व उद्योजकता मंत्रालयाकडून ना. श्री. मुनगंटीवार यांना कळविण्यात आले आहे.

 विरांगणा राणी दुर्गावतीने आपल्या राजवटीत उत्तम प्रशासक आणि दूरदृष्टी असलेले नेतृत्व म्हणून लौकीक प्राप्त केला. सशक्तपणे आदिवासी साम्राज्य सांभाळत शत्रूंपासून सुरक्षित ठेवले. त्यामुळे महिलांसाठी समर्पित संस्थेला तिचे नाव देणे ही अत्यंत अभिमानाची बाब आहे, अशी भावना ना. श्री. मुनगंटीवार यांनी व्यक्त केली आहे. Chandrapur news

राणी दुर्गावती यांची ५०० वी जन्मशताब्दी

 विरांगणा राणी दुर्गावती यांचा ५०० वी जन्मशताब्दी वर्ष सुरू आहे. त्या पार्श्वभूमीवर शासकीय औद्योगिक प्रशिक्षण संस्थेला (महिला) राणी दुर्गावती हिचे नाव देणे अत्यंत महत्त्वाचे मानले जात आहे. ना. श्री. मुनगंटीवार यांच्यामुळे हे शक्य होऊ शकले, याबद्दल आदिवासी बांधवांनी त्यांचे विशेषत्वाने आभार मानले आहेत.

chandrapur sexual assault चंद्रपूर जिल्ह्यातील कोरपना येथील एका नामांकित शाळेत 12 वर्षीय अल्पवयीन मुलीला गुंगीची औषध देऊन बलात्कार केल्याची धक्कादायक घटना मंगळवार 1 ऑक्टोबर रोजी उघडकीस आली, अत्याचार प्रकरणातील आरोपी अमोल लोडे हा कोरपना युवक कांग्रेसचा अध्यक्ष व शिक्षक आहे. दुसऱ्या दिवशी स्थानिक गुन्हे शाखेने आरोपी अमोल लोडे ला अकोला बस स्थानक येथून अटक केली.

chandrapur sexual assault पालकमंत्री सुधीर मुनगंटीवार यांनी या घटनेबाबत शाळेतील संपूर्ण व्यवस्थापनावर गुन्हे दाखल करीत आरोपीची नार्को टेस्ट करण्याची मागणी केली.
3 ऑक्टोबर रोजी कोरपना शहरात सर्वपक्षीय आक्रोश मोर्चा काढण्यात आला, आयोजित मोर्च्यात भाजप, राष्ट्रवादी, शेतकरी संघटना व इतर सामाजिक संघटनां मोर्च्यात सहभागी झाले होते.

शहरातील मुख्य चौकात आंदोलकांनी कॉर्नर सभा घेत आरोपीला फाशी व्हावी अशी मागणी केली.

अवश्य वाचा : चंद्रपुरातील भावी आमदारांची कहाणी

पालकमंत्री मुनगंटीवार यांनी या गंभीर प्रकरणाबाबत पोलीस अधीक्षक व जिल्हाधिकारी यांच्यासमवेत विविध विभागातील अधिकाऱ्यांची तातडीने बैठक घेतली, ते यावेळी म्हणाले की सदर प्रकार हा गंभीर स्वरूपाचा असून आरोपी अमोल लोडे वर कठोर शासन व्हायला हवे, या अत्याचारात अजून कुणी सहभागी आहे का त्याबाबत पोलिसांनी चौकशी करावी व शाळेच्या व्यवस्थापनावर सुद्धा गुन्हा चौकशी करून दाखल करायला हवा अशी मागणी केली. (chandrapur sexual assault)

5 वर्षांपूर्वी आमदार सुभाष धोटे यांच्या शैक्षणिक संस्थेत सुद्धा असाच प्रकार घडला होता, त्यावेळी अनेक मुलींनी पुढे येत अत्याचाराची तक्रार केली, त्या प्रकरणाबाबत सुद्धा यावेळी चर्चा करण्यात आली.

याबाबत मंत्रिमंडळाच्या बैठकीत शाळेची मान्यता रद्द करण्याबाबत चर्चा करणार असल्याची माहिती मुनगंटीवार यांनी दिली सोबतच आरोपीची नार्को टेस्ट, 6 महिन्यात अत्याचार प्रकरणाचा निकाल, आरोपी जवळ गुंगीचे औषध कुठून आलं? याची चौकशी झाली पाहिजे, अशी प्रतिक्रिया मुनगंटीवार यांनी दिली, व आमदार सुभाष धोटे यांच्या संस्थेत 5 वर्षांपूर्वी झालेल्या अत्याचार प्रकरणाचा निकाल महिन्याभरात लागला पाहिजे असे पत्र कोरपना येथील महिला मंडळ देशाच्या चीफ जस्टिक ला पाठविणार असल्याची माहिती दिली, कोरपना अत्याचार प्रकरण अधिवक्ता उज्वल निकम यांच्याकडे देण्यात यावे अशी मागणी महिला मंडळांनी केली आहे.
येत्या काही दिवसात कोरपना शहराला राजकीय छावणीचे स्वरूप येणार हे आता नक्कीचं.

Rail freight चंद्रपूर : गेली अनेक वर्षे बल्लारपूर व चंद्रपूर वरून मुंबई,पुणे ला नियमीत गाडीचा चंद्रपूर जिल्ह्यातील नागरिकांचा अधिकार नाकारणाऱ्या रेल्वे विभागाचा 30 सप्टेंबर रोजी धिक्कार केल्यानंतर 2 ऑक्टोंबर रोजी गांधी जयंती निमित्त रेल्वे अधिकार जन आंदोलनाची घोषणा करण्यात आली.

Rail freight गांधी चौकातील महात्मा गांधी यांच्या पुतळ्या समोर आंदोलनाचे संयोजक व जनविकास सेनेचे संस्थापक अध्यक्ष पप्पू देशमुख यांनी नारळ फोडून या जनआंदोलनाची घोषणा केली. तीन टप्प्यांमध्ये हे जनआंदोलन करण्यात येईल. गांधी जयंती निमित्त 2 ऑक्टोबर पासून ते 25 नोव्हेंबर पर्यंत जनजागृती करून जन समर्थन मिळवणे, पत्रव्यवहार करणे, निवेदन देणे अशा पद्धतीने डॉ. बाबासाहेब आंबेडकर यांनी दाखवलेल्या मार्गाने पहिल्या टप्प्याचे आंदोलन करण्यात येईल.

अवश्य वाचा : सुधीर मुनगंटीवार यांना राज्यपालांच्या हस्ते डि-लीट

26 नोव्हेंबरला संविधान दिनापासून 31 डिसेंबर पर्यंत राष्ट्रपिता महात्मा गांधी यांनी दाखवलेल्या अहिंसा व शांततेच्या मार्गाने सत्याग्रह, धरणे,उपोषण इत्यादी आंदोलने करण्यात येतील. 1 ते 31 जानेवारी 2025 पर्यंत शहीद भगतसिंग यांच्या क्रांतीच्या मार्गाने आक्रोश मोर्चे,आमदार-खासदार-मंत्र्यांना घेराव अशी आक्रमक आंदोलने करण्यात येतील. Indian railways

यानंतरही केंद्र सरकारने व रेल्वे विभागाने एक फेब्रुवारीपर्यंत बल्लारपूर -चंद्रपूर ते मुंबई व पुणे ला नियमित रेल्वे गाडीची घोषणा न केल्यास एक फेब्रुवारी 2025 पासून संपूर्ण जिल्ह्यातून जाणारी कोळसा, सिमेंट व लोहखनिजाची वाहतूक रोखण्यात येईल अशी माहिती देशमुख यांनी दिली.

यावेळी राजू काबरा, इमदाद शेख, अक्षय येरगुडे, मनीषा बोबडे, कविता अवथनकर, अरुणा महातळे, ललिता उपरे, नेहा लाबांडे,गोलू दखणे, सतीश घोडमारे,राजेश पेशेट्टीवार, अनिल दहागांवकर, धनंजय तावाडे,हरिभाऊ बिस्वास, कुशाबराव कायरकर,आशिष रामटेके, प्रफुल बैरम, अमोल घोडमारे, इमरान रजा, संदीप कष्टी, निखिल पोटदुखे,अजय महाडोळे,सतीश आकनुलवार, प्रफुल बजाईत, दामोदर मेश्राम, सोनल धोपटे, नंदू लभाने,धवल माकोडे, किशोर महाजन, आकाश माणूसमारे प्रामुख्याने उपस्थित होते.

Convocation ceremony गोंडवाना विद्यापीठातर्फे आज प्राप्त झालेली मानद डी. लिट. ही उपाधी माझ्यासाठी विशेष असून या सन्मानाने मी भारावून गेलो आहे; विधानसभेत मी केलेल्या संसदीय संघर्षातून  जे विद्यापीठ साकारले, त्याच्या विस्तारात मी योगदान देऊ शकलो, त्या विद्यापीठातर्फे झालेला हा सन्मान माझ्या दृष्टीने खास आहे. या सन्मानामुळे मिळालेली प्रेरणा, ऊर्जा चंद्रपूर गडचिरोली जिल्ह्याच्या शैक्षणिक, सामाजिक विकासासाठी मला सहाय्यभूत ठरेल, असे भावनिक प्रतिपादन वने, सांस्कृतिक कार्य आणि मत्स्यव्यवसाय मंत्री सुधीर मुनगंटीवार यांनी आज केले.

Convocation ceremony या सन्मानमुळे माझ्या पित्याचे स्वप्न पितृमोक्ष अमावस्या दिनी आणि गांधी जयंती सारख्या विशेष दिनी साकार झाले याचा विशेष आनंद झाल्याचे सांगताना मंत्री मुनगंटीवार अत्यंत भावनिक झाले होते.

अवश्य वाचा : शिक्षण क्षेत्रात हवं Ai तंत्रज्ञान

गोंडवाना विद्यापीठाच्या ११आणि १२ व्या दीक्षांत समारंभात राज्यपाल सी. पी. राधाकृष्णन यांच्या हस्ते श्री. सुधीर मुनगंटीवार यांना मानद डी लिट. पदवीने सन्मानित करण्यात आले; यावेळी ते बोलत होते. मंचावर गोंडवाना विद्यापीठाचे कुलगुरू डॉ. प्रशांत बोकारे, प्रकुलगुरु डॉ. श्रीराम कावळे, रजिस्ट्रार डॉ. अनिल हिरेखण यांच्यासह विद्यापीठ व्यवस्थापन समिती सदस्य मंचावर उपस्थित होते.

मंत्री सुधीर मुनगंटीवार यावेळी बोलताना म्हणाले की, जुन्या आठवणींमुळे माझे भाव दाटून आले असून माझ्यासाठी हा क्षण बहुमूल्य आहे. माझ्या कुटुंबात बहुतेक डॉक्टर आहेत; वडील सुप्रसिद्ध डॉक्टर होते; मी देखील डॉक्टर व्हावं ही बाबांची इच्छा होती; बाबांना आणीबाणीच्या काळात 19 महिन्याचा कारावास झाला आणि माझ्या आयुष्याची दिशा बदलली. पण आज पितृमोक्ष अमावस्या या दिवशी माझ्या बाबांना ही पदवी समर्पित करताना आयुष्यातील एक अपूर्णता पूर्णतेमध्ये परावार्तीत झाल्याने भारावून गेलो आहे. Convocation ceremony

गडचिरोली, चंद्रपूर या दुर्गम क्षेत्रातील विद्यार्थ्यांना शैक्षणिकदृष्ट्या सक्षम करण्याच्या दृष्टीने, आदिवासी संस्कृती आणि वैभवला प्रतिष्ठा प्राप्त व्हावी यासाठी गोंडवाना विद्यापीठाच्या निर्मितीसाठी मी संघर्ष केला, प्रयत्न केले त्याचे मला मनापासून समाधान आहे. सुंदर पर्यावरण, शुद्ध हवा, असणाऱ्या गडचिरोली जिल्ह्यात हे विद्यापीठ स्थापन करता आले याचा आनंद आहे ; कारण जेथे शुद्ध विचार तेथे शुद्ध आचार आणि शुद्ध आचार असतील तेथे शुद्ध कृती होते. Gondwana university

राष्ट्रसंत तुकडोजी महाराज नागपूर विद्यापीठाचा नामविस्तार,  वैराग्यमूर्ती संत गाडगेबाबा विद्यापीठ अमरावतीचा नामविस्तार असेल किंवा क्रांतीज्योती सावित्रीबाई फुले पुणे विद्यापीठाचा नामविस्तार असेल या प्रत्येक अभियानात मी होतो हे मी माझे सौभाग्य समजतो. या सर्वं महामानवांच्या नावाने विद्यापीठात विद्यार्थ्यांनी पदवी घेताना स्वैराचारी शिक्षणाचा मार्ग न अवलंबता संस्कारित शिक्षणाचा मार्ग अंगीकारला पाहिजे.  शिक्षण घेतल्यावर समाजाला “हम आपके है कोन” बनण्याच्या ऐवजी “हम साथ साथ है” चा भाव त्याच्या हृदयामध्ये जन्माला आला पाहिजे अशी माझी अपेक्षा आहे असेही मंत्री मुनगंटीवार म्हणाले. Convocation ceremony

गोंडवाना विद्यापीठाने दिलेली मानद डी. लिट. मला ऊर्जा देणारी आहे; लोकोपयोगी कार्यात मी स्वतःला झोकून दिले आहेच; परंतु अधिक वेगाने विकास कामे करण्याची शक्ती विद्यापीठाने मला प्रदान केली आहे. हे विद्यापीठ डॉ प्रशांत बोकारे यांच्या नेतृत्वात व व्यवस्थापन समिती सदस्यांच्या मार्गदर्शनात उत्तम कामगिरी करत राहील, अशी भावना व्यक्त करत शुभेच्छा व्यक्त केल्या.

umed ‘उमेद’ च्या कर्मचाऱ्यांनाच नाउमेद होण्याची वेळ येत असेल तर हा शासनाचा सपशेल पराभव – डॉ. अभिलाषाताई गावतुरे

Umed राज्यातील ग्रामीण भागातील गरिबीचे निर्मूलन करण्यासाठी उमेद या योजनेची निर्मिती करण्यात आली व त्यांची अंमलबजावली करण्याची जबाबदारी उमेदच्या कर्मचाऱ्यांवर सोपवण्यात आली. शासनाची ही योजना शेवटच्या माणसापर्यंत पोहोचवण्याचे काम गेल्या बारा वर्षापासून उमेदचे महिला कॅडर, कंत्राटी अधिकारी व कर्मचारी अविरतपणे करीत आहेत.

अवश्य वाचा : चंद्रपूर महिला कांग्रेस जिल्हाध्यक्ष नम्रता ठेमस्कर यांचा राजीनामा, कांग्रेस नेत्यांवर केले गंभीर आरोप

शासनाच्या योजनांची यशस्वीपने अंमलबजावणी करण्याची धुरा याच कर्मचाऱ्यांच्या खांद्यावर आहे.परंतु नियमित आस्थापना नसल्यामुळे उमेदच्या कर्मचाऱ्यांनाच नाउमेद होऊन उपोषणाला बसण्याची वेळ येत असेल तर हा शासनाचा पराभव आहे.

एकीकडे जंगलासाठी ,जंगली जनावरांसाठी स्वतंत्र वनविभाग असून त्याच्यामध्ये कायमस्वरूपी आस्थापना आहे पण परंतु गरिबीचे निर्मूलन करण्याच्या उद्देश्याने असलेली एवढी मोठी योजना माणसांच्या विकासासाठी असून त्यात राबणाऱ्या कर्मचाऱ्यांची मात्र विस्थापना होने ही फार मोठी शोकांतिका आहे.

उमेद महिला व कर्मचारी यांच्या प्रलंबित मागण्यासाठी
उमेद महाराष्ट्र राज्य महिला व यांनी शासन विरोधात आपल्या मागण्यांसाठी आंदोलन उभारले आहे. या धरणे व असहकार आंदोलनाची सुरुवात 26 सप्टेंबर पासून करण्याचे आली आहे.

उमेद कर्मचाऱ्यांच्या धरणे आंदोलनाला भूमिपुत्र ब्रिगेड व कांग्रेस नेत्या डॉ. अभिलाषा गावतुरे यांनी भेट देत त्यांच्या आंदोलनाला आपले समर्थन दिले.

bhajipala utpadan चंद्रपूर जिल्ह्यातील एकार्जुना येथे डॉ.पंजाबराव देशमुख कृषि  विद्यापीठ अकोला अंतर्गत भाजीपाला संशोधन केंद्र स्थापन करण्यास आज दिनांक 30 सप्टेंबर 2024 च्या मंत्रिमंडळ बैठकीत मुख्यमंत्री एकनाथजी शिंदे यांनी मान्यता दिली. ऐकार्जुना येथे 31 कोटी 90 लक्ष रुपये खर्च करून भाजीपाला संशोधन केंद्र बांधण्यात येणार आहे. यासाठी राज्याचे वने व सांस्कृतिक कार्य तथा चंद्रपूर जिल्ह्याचे पालकमंत्री मत्स्यव्यवसाय मंत्री सुधीर मुनगंटीवार यांनी सातत्याने पाठपुरावा केला होता. त्यांच्या प्रयत्नांना यश आले आहे.

bhajipala utpadan याअंतर्गत भाजीपाला पिकात अनुवंश शास्त्राचा अभ्यास करून सुधारित संकरीत वाण विकसित करणे व गुणवत्तापूर्वक उत्पादनास चालना देणे, भाजीपाला पिकांच्या देशी वणांचे संवर्धन करणे, दुर्मिळ अशा रान भाज्यांची संवर्धन व लागवड करणे, भाजीपाला पिकांचे दर्जेदार उत्पादनासाठी शेडनेट हाऊस, आधुनिक रोपवाटिका तंत्रज्ञान, हायड्रोपोनिक्स एरोपोनिक्स तंत्रज्ञान, ठिबक सिंचन, फर्टिगेशन इत्यादी उच्च तंत्रज्ञानाचा वापर करणे, भाजीपाला पिकांचे बिजोत्पादन तंत्रज्ञान विकसित करणे, संरक्षित भाजीपाला उत्पादन तंत्रज्ञान विकसित करुन उत्पादन वाढविणे, भाजीपाला पिकांवर येणाऱ्या किडी व रोगांचा अभ्यास करून त्यावर नियंत्रणाचे प्रभावी उपाय शोधणे, भाजीपाला पिकांची प्रक्रिया, मूल्यवर्धन आणि साठवणूक, प्रक्रिया उदयोगास चालना देणे, भाजीपाला पिकांच्या सुधारित लागवड तंत्रज्ञाचे शेतकऱ्यांना प्रशिक्षण देणे ही या उच्च तंत्रज्ञानयुक्त भाजीपाला संशोधन केंद्राची उद्दिष्ट्ये असल्याचे मंत्री श्री.मुनगंटीवार यांनी सांगितले. bhajipala utpadan

राजकीय – चंद्रपूर जिल्ह्यातील कांग्रेस इच्छुक उमेदवारांच्या आजपासून मुलाखती

चंद्रपूर मनपाच्या सांडपाणी प्रक्रिया प्रकल्पाचे पंतप्रधान मोदी यांच्या हस्ते होणार उदघाटन

मंत्री श्री. मुनगंटीवार म्हणाले की, मागील दोन दशकांमध्ये भाजीपाला  उत्पादनात मोठी वाढ  झाली आहे. तथापि, वातावरणात होणारे बदल व त्यामुळे उद्भवणारे खोड किडीच्या समस्या, कमी टिकवण क्षमता, बदलत्या वातावरणात अनुकूल तंत्रज्ञानाचा अभाव आदी बाबींचा सामना करावा लागत आहे.  विदर्भातील चंद्रपूर जिल्ह्यात प्रामुख्याने मिरची, हळद, वांगी, टोमॅटो, कांदा, फुलकोबी, पत्ताकोबी, मुळा इत्यादी भाजीपाल्याचे पिके घेतली जातात. भाजीपाला  पिकांच्या लागवडीसाठी उपयुक्त जमीन,  मुबलक पाणी व मजुंराची उपलब्धता इत्यादी असल्याने या जिल्ह्यात भाजीपाला लागवडीस मोठा वाव आहे.  Sudhir mungantiwar

सद्यस्थितीत चंद्रपूर जिल्ह्याच्या एकार्जुना येथे कृषी संशोधन केंद्र कार्यरत आहे. मात्र, दिवसेंदिवस भाजीपाला पिकांची वाढती मागणी, चांगला बाजारभाव व प्रक्रियायुक्त पदार्थ बनविण्यासाठी असलेल्या संधी आदी बाबी पाहता भाजीपाला पिकांच्या उत्पादकतेमध्ये वाढ होण्यासाठी उच्च तंत्रज्ञान युक्त भाजीपाला संशोधन केंद्र उभारणे आवश्यक होते असे त्यांनी सांगितले.

शेतकऱ्यांना आधुनिक तंत्रज्ञानाविषयी माहिती देणे, गुणवत्तापूर्ण बिजोत्पादन, काढणी पश्चात तंत्रज्ञान, प्रशिक्षण तसेच मार्गदर्शन करण्यासाठी या संशोधन केंद्र स्थापनेस मान्यता देण्यात आली आहे. या संशोधन केंद्रासाठी 10 पदे  निर्माण करण्यास मान्यता देण्यात आली असल्याचेही पालकमंत्री ना.श्री.मुनगंटीवार यांनी सांगितले. Sudhir mungantiwar

Congress party news विधानसभा निवडणुकीचा बिगुल आता येत्या काही दिवसात वाजणार आहे, ऑक्टोबर महिन्यात आचारसंहिता लागणार असून विविध राजकीय पक्षांनी आपआपली तयारी सुरु केली आहे.
चंद्रपूर विधानसभा क्षेत्रात कांग्रेस पक्षात अनेक उमेदवारांनी आपली दावेदारी करीत अर्ज केले आहे.

अवश्य वाचा : चंद्रपूर मनपाच्या या प्रकल्पाचे पंतप्रधान मोदी करणार उदघाटन

Congress party news आता इच्छुकांना पक्ष निरीक्षकांसमोर मुलाखतीला सामोरे जावे लागणार आहे. कांग्रेस पक्षाचे महाराष्ट्र प्रभारी रमेश चेन्नीथला व कांग्रेस प्रदेश अध्यक्ष नाना पटोले यांनी याबाबत कांग्रेस चंद्रपूर जिल्हा निरीक्षक म्हणून आमदार अभिजित वंजारी यांची नियुक्ती केली आहे.

1 ते 8 ऑक्टोम्बर पर्यंत इच्छुक उमेदवार यांची मुलाखत आमदार वंजारी घेणार असून त्यांनतर मुलाखतीचा गोपनीय अहवाल 10 ऑक्टोम्बर ला प्रदेश कार्यालयाकडे सादर करणार आहे.
त्यांनतर कांग्रेस उमेदवारीबाबत पक्ष श्रेष्ठी निर्णय घेत उमेदवारी जाहीर करणार आहे. Chandrapur

कांग्रेस चंद्रपूर जिल्ह्यातील 6 जागांवर लढणार असे आधी खासदार धानोरकर यांनी जाहीर केले होते मात्र जिल्हातील 2 जागा मित्र पक्षाच्या वाट्याला जाणार असल्याची माहिती आहे.
चंद्रपूर, बल्लारपूर, ब्रह्मपुरी, वरोरा, राजुरा व चिमूर विधानसभा क्षेत्रातून अनेक इच्छुकांनी उमेदवारी अर्ज दाखल केले होते. Chandrapur

वर्ष 2019 मध्ये झालेल्या विधानसभा निवडणुकीत चंद्रपूर वगळून इतर क्षेत्रात कांग्रेसचे स्थिती चांगली होती, चंद्रपूर विधानसभा क्षेत्रात कांग्रेस चौथ्या क्रमांकावर होती हे विशेष.

chandrapur to mumbai train मुसळधार पावसात जनविकास सेनेने केले ‘धिक्कार आंदोलन’, ‘मुंबई व पुणेला नियमीत ट्रेन,मागणी नाही अधिकार आहे’ चा नारा

chandrapur to mumbai train चंद्रपूर – सिमेंट, कोळसा व लोहखनिजाच्या वाहतुकीतून दरवर्षी 3 ते 4 हजार कोटी रूपयांचा महसुल देणाऱ्या चंद्रपूर-बल्लारपूर पासुन मुंबई व पुणेला जाण्यासाठी नियमित ट्रेन असणे ही स्थानिक नागरिकांची मागणी नसून अधिकार आहे.

अवश्य वाचा : चंद्रपूर मनपाला दीड कोटीचे बक्षिस

पुणे किंवा मुंबईला शिक्षण व नोकरीसाठी जाणारे या भागातील हजारो युवक,त्यांचे आई-वडील तसेच व्यवसाया निमित्त जाणारे व्यापारी व इतर सर्वसामान्य नागरिकांना या अधिकारापासून गेली अनेक वर्षे वंचित ठेवणाऱ्या रेल्वे प्रशासनाचा धिक्कार करण्यासाठी जनविकास सेनेने धो-धो पावसात आंदोलन केले.जनविकास सेनेचे संस्थापक अध्यक्ष पप्पू देशमुख यांचे नेतृत्वात बल्लारशाह रेल्वे स्टेशन समोर आज(सोमवार दि.30 सप्टेंबर रोजी) करण्यात आलेल्या या आंदोलनात बल्लारपूर शहरातील अनेक सामाजिक-राजकीय तसेच व्यापारी संघटनांच्या पदाधिकाऱ्यांनी सहभाग घेऊन समर्थन दिले. chandrapur to mumbai train

मुंबई-पुणे नियमित रेल्वे गाडी सुरू करणे तसेच रेल्वेने बंद केलल्या सेवाग्राम लिंक एक्सप्रेस, बल्लारपूर भुसावळ पॅसेंजर ट्रेन, तेलंगणातून येणाऱ्या भाग्य नगरी, रामगिरी, काजीपेठ-नागपूर पॅसेंजर ट्रेन या जनहिताच्या गाड्या पूर्ववत सुरू होईपर्यंत जनविकास सेनेचे जनआंदोलन सुरू राहील असा इशारा यावेळी देशमुख यांनी दिला. Chandrapur to pune train

आज झालेल्या धिक्कार आंदोलनात प्रामुख्याने बल्लारपूरचे माजी नगराध्यक्ष डॉ.मधुकर बावणे,व्यापारी असोसिएशनचे बल्लू गिडवाणी, नरेश मुंधडा, जगदीश मुंधडा,नवनित सारडा,रविंद्रसिंग सलुजा,रवि फुलझेले, राजु मुंधडा सराफा असोसिएशन चे दिपक कढेल,बालकिसन कढेल,मेडिकल असोसिएशनचे प्रमोद बोरकुटे,बावेजा तसेच बल्लारपूरच्या सामाजिक व राजकीय क्षेत्रातील राजु काबरा, बादल उराडे,प्रदिप मुरकुटे,प्रशांत मेश्राम,अंकित निवलकर,रवि बेजल्ला,रितेश तेलंग,इब्राहीम खान,राहुल रामटेके रोशन चौथरी,हरिदास विश्वास तसेच जनविकास सेना महिला आघाडीच्या मनिषा बोबडे भाग्यश्री मुधोळकर , बबिता लोडेल्लीवार,स्नेहल चौथाडे,छाया उपरे,दर्शना झाडे इत्यादी महिलांनी सहभाग घेतला.

यावेळी मुसळधार पावसात सुद्धा रेल्वे प्रशासना विरोधात संताप व्यक्त करत प्रचंड नारेबाजी करुन धिक्कार करण्यात आला. यानंतर आंदोलनकर्त्यांनी बल्लारशा रेल्वे स्टेशनचे प्रबंधक रविंद्र नंदनवार यांना निवेदन दिले. या धिक्कार आंदोलनाने समस्त बल्लारपूरकरांचे लक्ष वेधले होते. Chandrapur to pune train