Category: ताज्या बातम्या

OBC community ४ ते ९ऑक्टोबर दरम्यान विदर्भातील जिल्हात राष्ट्रीय ओबीसी महासंघाच्या संवाद बैठका, विदर्भातील ११ जिल्ह्यांमध्ये ४आक्टो. ला गडचिरोलीपासून सुरू होऊन ९ ऑक्टोबर ला नागपुरात समारोप

OBC community नागपूर : केंद्र व राज्य शासनाने गेल्या वर्षभरापासून घेतलेल्या निर्णयांची माहिती देणे. २४ सप्टेंबर २०२४रोजी महाराष्ट्र सरकारने घेतलेल्या निर्णयाबद्दल महाराष्ट्र सरकारचे आभार व्यक्त करण्यासाठी राष्ट्रीय ओबीसी महासंघाच्या वतीने विदर्भातील ११ जिल्ह्यांमध्ये ४ऑक्टोबर ते ९ऑक्टोबर या कालावधीत संवाद सभेचे आयोजन करण्यात आले आहे.राष्ट्रीय अध्यक्ष डॉ बबनराव तायवाडे म्हणाले की, सरकारने घेतलेल्या निर्णयांची माहिती अजूनही समाजापर्यंत पोहोचलेली नाही. ही माहिती संवाद सभेच्या माध्यमातून त्यांच्यापर्यंत पोहोचवली जाईल.२४सप्टेंबर २०२४ रोजी च्या परिपत्रका मुळे लाखो सरकारी कर्मचाऱ्यांना फायदा होणार असल्याचे त्यांनी सांगितले आणि त्याबद्दल त्यांचे आभारही मानले जातील.

अवश्य वाचा : चंद्रपुरात राज्यपाल येणार पण हे मार्ग असणार बंद

संवाद सभा गडचिरोली जिल्ह्यातून ४ ऑक्टोबरपासून सुरू होणार असून या यात्रेचे नेतृत्व राष्ट्रीय ओबीसी महासंघाचे महासचिव सचिन राजूरकर करणार असून, गोदिया, भंडारा, वर्धा, खामगाव, वाशीम, यवतमाळ, वणी, चिमूर मार्गे ९ ऑक्टोबरला नागपुरात समारोप होणार आहे. राष्ट्रीय ओबीसी महासंघाचे महासचिव यांनी आपल्या प्रास्ताविक भाषणातून आता पर्यंत संघटनेने केलेल्या कामाचा आढावा मांडला ,ज्यांच्या निवडणूक जाहीरनाम्यात ओबीसी मुद्द्याचे समर्थन केले जाईल, त्या पक्षांचे ओबीसी महासंघ स्वागत करेल. OBC community

डॉ तायवाडे म्हणाले की, महासंघ संविधानाच्या मर्यादेत राहून आपल्या न्याय्य मागण्यांसाठी सरकारशी लढा देत आहे. यापुढील काळातही संघर्ष सुरूच राहणार आहे. जात जनगणना हा आपला मुख्य मुद्दा आहे. आता देशातील विरोधी पक्षनेत्यांनी संसदेत हा मुद्दा उपस्थित केला आहेत. Reservation

महत्त्वाचे : चंद्रपुरात आता अदानी देणार शिक्षणाचे धडे

हे ओबीसींसाठी हे चांगले लक्षण आहे. ओबीसी कोट्यातील मराठ्यांना आरक्षण देण्याबाबत ते म्हणाले की, सरकारने त्यांना लेखी आश्वासन दिले आहे.त्यामुळे मराठ्यांना ओबीसी कोट्यातून कधीच आरक्षण मिळू शकत नाही. ते म्हणाले की, महासंघात सर्व राजकीय पक्षांचे सदस्य समाविष्ट आहेत. सर्वांना या संवाद यात्रेत आमंत्रित केले आहे.ज्या राजकीय पक्षाच्या विधानसभा निवडणुकीतील प्रमुख जाहीरनाम्यात ओबीसींच्या हिताचे मुद्दे असतील त्या पक्षासोबत ओबीसी समाज राहील.

सभेला शाम लेडे, प्रकाश साबळे, शरद वानखेडे, सुभाष घाटे, गुनेश्वर आरिकर, ओबीसी योद्धा रवींद्र टोगे ,सुषमा भड, ज्योती ढोकणे, रत्नमाला पिसे, रेखाताई बाराहाते,, उपस्थित होते, या सभेला गडचिरोली, चंद्रपूर, नागपूर, वर्धा, यवतमाळ, वाशिम, बुलढाणा, लातुर, हिंगोली,जालना, गोंदिया, भंडारा, याठीकानाहुन प्रमुख, महिला ,युवक, कर्मचारी महासंघाचे पदाधिकारी उपस्थित होते. कार्यक्रमांचे संचलन रुषभ राऊत यांनी केले. तसेच कार्यक्रमाचे आभार निलेश कोडे यांनी केले, बैठकीच्या यशस्वते साठी, प्रा, शिंदे,विजय डवांगे ,राजू चौधरी, रामदास कामडी ,विजय पिनाटे, प्रा. उमेश शिंजनगुडे,राहुल, लक्षे, मांगे सर, भाऊ, आसुटकर, कवडू लोहकरे,विनोद हजारे, दिलीप हरणे, सूरज बेलोकर, राहुल भांडेकर,रुपेश राऊत, घनश्याम अकोले, आणि इतरांनी सहकार्य केले.

Governor’s visit 1 ऑक्टोबर रोजी राज्याचे राज्यपाल सिपी राधाकृष्णन चंद्रपूर जिल्ह्याच्या दौऱ्यावर येत असल्याने जिल्ह्यातील काही मार्ग त्यादिवशी बंद असणार आहे असा आदेश पोलीस अधीक्षक मुमक्का सुदर्शन यांनी जारी केला आहे.

Governor’s visit 1 ऑक्टोबर रोजी सकाळी 10.30 वाजता राज्यपाल राधाकृष्णन चंद्रपुरात दाखल होणार आहे, त्यानंतर नियोजित दौऱ्यात विविध मान्यवरांच्या भेटी घेणार असून दुपारी 3 वाजेदरम्यान पोम्भूर्णा येथे भव्य आदिवासी मेळाव्यात राज्यपाल राधाकृष्णन उपस्थित राहणार आहे.

अवश्य वाचा : चंद्रपूर जिल्ह्यात प्रसिद्ध उद्योगपती गौतम अदानी यांचीच चर्चा

आदिवासी मेळाव्यात मोठया प्रमाणात जनसमुदाय उपस्थित राहणार आहे, त्या पार्श्वभूमीवर उपस्थित राहणारे नागरिक व इतर नागरिकांची गैरसोय टाळण्यासाठी पोलीस प्रशासनाने मुंबई पोलीस अधिनियम 1951 च्या कलम 33(1) (ब) नुसार सार्वजनिक ठिकाणी रहदारी सुरळीत रहावी यासाठी अवजड वाहतूक सकाळी 8 वाजेपासून सायंकाळी 6 वाजेपर्यंत वाहतूक बंद असणार आहे.

गोपाल नगर टी पॉईंट ते पोम्भूर्णा व देवाळा गाव ते पोम्भूर्णा पर्यंत जड वाहतूक आवश्यकतेनुसार बंद राहणार , या कालावधीत वाहतूक दारांनी चंद्रपूर कडून पोम्भूर्णा किंवा गोंडपीपरी कडे जाण्याकरिता गोपाल नगर टी पॉईंट-बोडा गाव-उमरी टी पॉईंट-बोर्डा (बोरकर) टी पॉईंट-बोर्डा दीक्षित-बोर्डा फाटा-नवीन गंगापूर-कसरगटा-पोम्भूर्णा या मार्गाचा अवलंब करावा.

पोम्भूर्णा कडून चंद्रपूर कडे जाण्याकरिता कसरगटा-नवीन गंगापूर-बोर्डा फाटा – गोपाल नगर टी पॉईंट ते चंद्रपूर रोडचा अवलंब करावा, मूल कडून पोम्भूर्णा किंवा गोंडपीपरी जाण्याकरिता देवाळा-थेरगाव-सेलूर-नागरेडी-वेळवा गाव-पोम्भूर्णा या मार्गाचा वापर करावा.

पोम्भूर्णा कडून मूल कडे जाण्याकरिता वेळवा गाव-सेलूर नागरेडी-थेरगाव-देवाळा मूल या मार्गाचा वापर नागरिकांनी करावा असे आवाहन पोलीस अधीक्षक मुमक्का सुदर्शन यांनी दिले आहे.

Governor in Chandrapur राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार यांनी गेल्या महिन्यात महामहीम राज्यपाल सी.पी. राधाकृष्णन यांची प्रत्यक्ष भेट घेतली होती. या भेटीत त्यांनी राज्यपाल महोदयांना चंद्रपूरमध्ये येण्याचे निमंत्रण दिले होते. त्यावेळी ‘आदिवासी लोक संस्कृतीचा आविष्कार बघण्यासाठी चंद्रपूर जिल्ह्यात नक्की येईल’, अशी ग्वाही राज्यपालांनी ना. मुनगंटीवार यांना दिली होती. ना. मुनगंटीवार यांच्या निमंत्रणावरून राज्यपाल महोदय आता चंद्रपूर जिल्ह्यात येत आहेत. १ ऑक्टोबरला ते पोंभूर्णा येथे आदिवासी समाजाच्या मेळाव्याला उपस्थित राहणार आहेत.

अवश्य वाचा : चंद्रपुरातील शाळा अदानीला विकली

Governor in Chandrapur दिवाळीच्या पूर्वी राज्यातील आदिवासी भागाचा दौरा करताना पोंभुर्णा तालुक्यात आदिवासी पारंपारिक उत्सवात उपस्थित राहण्याची ग्वाही राज्यपाल महोदयांनी ना. श्री. मुनगंटीवार व पोंभुर्णा येथील गोंडवाना गणतंत्र पार्टीचे तालुकाध्यक्ष जगन येलके यांना दिली होती.

आदिवासी समाजाचे अधिकार आणि त्यांची लोक संस्कृती जोपासण्यासाठी सर्व प्रयत्न होतील, असेही राज्यपाल महोदयांनी यावेळी म्हटले होते. त्याचवेळी ना. मुनगंटीवार यांनी पोंभुर्णा येथील आदिवासी समाजाच्या मेळाव्याला येण्याचे निमंत्रणही राज्यपाल महोदयांना दिले होते. हे निमंत्रण त्यांनी स्वीकारले होते आणि आता १ ऑक्टोबरला या महोत्सवाला ते उपस्थित राहणार आहेत. Governor in Chandrapur

१ ऑक्टोबरला दुपारी ३ वाजता पोंभुर्णा येथील क्रीडा संकुलाच्या मैदानावर आदिवासी समाजाचा मेळावा होणार आहे. यावेळी महामहीम राज्यपाल महोदय व ना. श्री. मुनगंटीवार प्रमुख पाहुणे म्हणून उपस्थित राहणार आहेत. चंद्रपूरसह आसपासच्या जिल्ह्यांमधील आदिवासी बांधव या मेळाव्यात सहभागी होणार आहेत. याठिकाणी आदिवासींच्या प्रश्नांच्या संदर्भात चर्चा होणार असून समृद्ध अशा आदिवासी लोकसंस्कृतीचे सादरीकरण देखील बघायला मिळणार आहे. Sudhir mungantiwar

ना. मुनगंटीवार यांच्या पुढाकारामुळे…
ना. श्री. मुनगंटीवार यांच्या पुढाकारामुळे महाराष्ट्राचे राज्यपाल आपल्या मेळाव्याला येत आहेत, याबद्दल आनंद आणि उत्साह आदिवासी समाजात आहे. त्यासाठी त्यांनी ना. मुनगंटीवार यांचे आभार देखील मानले आहेत. आदिवासी समाजाचे प्रश्न सोडविण्यासाठी तसेच संस्कृतीचे जतन करण्यासाठी ना. श्री. मुनगंटीवार सातत्याने प्रयत्न करीत असतात, हे विशेष.

Adani group कार्मेल एज्युकेशन सोसायटी, घुग्घुस द्वारा संचालित माऊंट कार्मेल कॅान्व्हेंट उच्च माध्यमिक शाळा, घुग्घुस या इंग्रजी माध्यमाच्या स्वयं अर्थसहाय्यित उच्च माध्यमिक (वर्ग १ ते १२) शाळेचे अदानी फाॅऊडेशन, अहमदाबाद या संस्थेस हस्तांतरीत करण्याचा प्रस्ताव राज्य शासनाच्या विचाराधीन होता. यासंदर्भात ३० जून २०२४ रोजी शिक्षण उपसंचालक नागपूर यांच्याकडे प्रस्ताव पाठविण्यात आला.

Adani group या प्रस्तावावर अवघ्या तीन महिन्यात राज्य शासनाने निर्णय घेतला आणि शाळा अदानीच्या घशात टाकली. शाळा अदानीकडे हस्तांतरीत करताना शासनाने काही अटी-शर्थी सुद्धा लादल्या. त्या भविष्यात किती पाळल्या जातील, हे येणारा काळच ठरविले. मात्र आता अदानीला या शाळेच्या पटसंख्येत बदल करता येणार नाही. शिक्षक आणि शिक्षकेत्तर कर्मचाऱ्यांचे पूर्ण दायित्व अदानी समूहाकडे राहणार आहे. येत्या पंधरा दिवसात अदानी या शाळेचे व्यवस्थापन ताब्यात घ्यायचे आहे.

अवश्य वाचा : सण, उत्सव काळात अधिकृत वीज जोडणी घेण्याचे महावितरण चे आवाहन

अदानी फाऊंडेशनला माऊंट कार्मेल कॅान्व्हेंटचे व्यवस्थापन राज्य शासनाने दिले. मात्र व्यवस्थापन बदलण्यासंदर्भात शासनाकडे अथवा शिक्षण विभागाच्या अधिकाऱ्यांकडे तक्रारी प्राप्त झाल्यास तसेच व्यवस्थापन बदला संदर्भातली अर्टी आणि शर्थीचा भंग झाल्याचे निदर्शनास आल्यास. येथे कार्यरत कर्मचाऱ्यांच्या सेवाशर्थीचा नवीन संस्थेद्वारा भंग झाल्या हस्तांतरण रद्द करण्याच अधिकार शासनाने आपल्याकडे ठेवले आहे. Adani group

यावर विधानपरिषदेचे विरोधी पक्ष नेते अंबादास दानवे यांनी x च्या माध्यमातून सरकारवर निशाणा साधत जोरदार हल्ला केला आहे, ते म्हणाले की महाराष्ट्र विक्री आता सुरू झाली आहे, चंद्रपुरातील घुग्गुस माउंट कारमेल शाळेचा ताबा सरकारने अदानी समूहाला दिला आहे. महाराष्ट्र विक्रीला काढल्याचे हे उत्तम उदाहरण आहे.

महाराष्ट्र विक्री आहे!

देशाला शिक्षणाचा मार्ग देणाऱ्या महाराष्ट्रावर आज अदानी समुहाच्या हातून बाराखडी लिहिण्याची वेळ आली आहे. जमीन, उद्योग कमी होते ते आता शाळा देखील हे सरकार अदानीच्या ताब्यात देत आहे. आता थेट चंद्रपूरच्या माउंट कार्मेल शाळेचा कारभार या सरकारने अदानी समूहाकडे… pic.twitter.com/HTHugTobj7

— Ambadas Danve (@iambadasdanve) September 29, 2024

सत्य काय?

मागील 50 वर्षांपासून घुग्गुस येथे माउंट कारमेल ची स्थापना झाली होती, सदर शाळेचे संपूर्ण व्यवस्थापन acc सिमेंट च्या अंतर्गत होते, मात्र वर्षभरापूर्वी acc सिमेंट कंपनीला अदानी समूहाने विकत घेतल्याने सदर शाळेचा कारभार सुद्धा अदानी समूहाकडे आला आहे.

जेव्हा संपूर्ण acc सिमेंट कम्पनी अदानी समूहाने ताब्यात घेतली तर शाळेचं काय? हा प्रश्न होता त्यामुळे रीतसर पध्दतीने अदानी समूहाने शाळा आपल्या व्यवस्थापनाच्या ताब्यात घेतली. सदर शाळेत सिमेंट कम्पनी मधील कामगारांची मुले सवलतीच्या दरात शिकत आहे, मात्र काही काळापासून सिमेंट कंपनीच्या प्रदूषणाचा फटका शाळेला बसला त्यामुळे अदानी समूह सदर शाळा प्रदूषण पासून दूर रहावी यासाठी दुसरीकडे वळविण्याचा निर्णय घेतला असून नव्या इमारतीचे काम सुद्धा सुरू करण्यात आले आहे.

wcl chandrapur जिल्हयातील वेकोलि क्षेत्रीय कार्यालयांच्या अधिनस्त कार्यरत असलेल्या खासगी ओबी (माती) कंपन्यांनी राज्यशासनाच्या स्थानिक पातळीवर रोजगारसंदर्भातील ८०*२० अनुपात धोरणाशी अधिन राहून प्रकल्पग्रस्त क्षेत्रातील स्थानिक बेराजेगारांना सामावून घेण्यास प्राधान्यक्रम द्यावा व या संपूर्ण कार्यवाहीवर अंमल करवून घेण्याकरिता संबंधित शासकीय यंत्रणांनी नियंत्रण ठेवत या कंपन्याना स्थानिकांना रोजगार देण्यास बाध्य करावे असे सक्त निर्देश राष्ट्रीय मागासवर्ग आयोगाचे अध्यक्ष तथा पूर्व केंद्रीय गृह राज्यमंत्री हंसराज अहीर यांनी दिले आहेत.

wcl chandrapur स्थानिक शासकीय विश्रामगृहात दि २६ सप्टेंबर २०२४ रोजी वेकोलि वणी, माजरी व बल्लारपूर क्षेत्रीय कार्यालयाचे महाप्रबंधक व ओबी कंपन्याच्या व्यवस्थापनासोबत आढावा बैठक घेत आयोगाचे अध्यक्ष हंसराज अहीर यांनी वेकोलिशी संबंधित विविध प्रश्न, समस्या व अन्य बाबींचा सविस्तर आढावा घेतला. उपस्थित अधिकाऱ्यांना कार्यपूर्ततेबाबत तातडीने कार्यवाहीचे निर्देश दिले.

अवश्य वाचा : चंद्रपूर पोलिसांमुळे झाला पुरुषोत्तम चा मृत्यू, कुटुंबाचा खळबळजनक आरोप

या बैठकीस माजी आ. अॅड संजय धोटे, भाजपा नेते खुशाल बोंडे, भाजपा यवतमाळ जिल्हाध्यक्ष तारेंद्र बोर्डे, रघुवीर अहीर, राजु घरोटे, मधुकर नरड, धनंजय पिंपळशेंडे, उमेश बोढेकर, पवन एकरे, राजेश तालावार, किशोर बावने, संजय तिवारी, सुदेश उपाध्याय, येनकच्या सरपंच कल्पना टोंगे, पाटाळाचे सरपंच विजयेंद्र वानखेडे, वेकोलि माजरीचे क्षेत्रीय महाप्रबंधक प्रमोद कुमार, वणी क्षेत्राचे आभासचंद्र सिंह, बल्लारपूर क्षेत्राचे वरिष्ठ अधिकारी, जिल्हा उद्योग केंद्राचे ऋतुराज सुर्य आदीची उपस्थिती होती. (wcl chandrapur)

वेकोलि प्रकल्पप्रभावित गावातील ओबीसी व अन्य प्रवर्गातील बेरोजगारांच्या रोजगारविषयक ओबी कपन्यांविषयी रोजगाराबाबत गंभीर स्वरूपाच्या तकारी प्राप्त झाल्याने ही आढावा बैठक घेण्यात आली यावेळी आयोगाद्वारे नव्याने प्रस्तावित खाणीबाबत तिन्ही वेकोलि क्षेत्राचा कार्य आढावा घेण्यात आला. उपस्थित वेकोलि अधिकाऱ्यांकडून अहीर यांनी सविस्तर माहिती जाणून घेतली.

मुंगोली प्रकल्प सेक्शन-७ करीता प्रस्तावित झाल्याच, कोलगाव सेक्शन-९ करीता प्रस्तावित होत असल्याचे व गाडेगाव सेक्शन-९ करीता प्रस्तावित झाल्याची माहिती वेकोलि अधिकाऱ्यांनी बैठकीत दिली. वणी क्षेत्रातील ग्राम-मुंगोली  पूनर्वसन प्रक्रिया अंतिम टप्प्यात असल्याचे तसेच उकणीचे पुनर्वसन प्रस्तावित असल्याची माहिती अधिकाऱ्यांनी आयोगास दिली. माजरी क्षेत्रातील मार्डा गावाच्या पुनर्वसनाची मागणी असल्याचे तसेच बल्लारपूर क्षेत्रातील गोवरी सेंट्रल प्रकल्प सेक्शन-४ करीता प्रस्तावित झाल्याची माहिती वेकोलिने दिली. गोवरी-पोवनी एकत्रिकरण, बल्लारपूर नार्थ-वेस्ट  सेक्शन-९ करीता प्रस्तावित असल्याची माहितीसुध्दा यावेळी देण्यात आली. (wcl chandrapur)

राष्ट्रीय मागासवर्ग आयोग अध्यक्षांनी या सर्व प्रकल्पातील पुनर्वसन प्रस्तावित गावातील १०% पेक्षा कमी उर्वरित जमिनींचे अधिग्रहण करून पुनर्वसन प्रकीयेला गती देण्याची सुचना उपस्थित क्षेत्रीय महाप्रबंधकांना दिल्या बैठकीमध्ये सर्वच प्रकल्पातील ५ वर्ष कालमर्यादा कारणास्तव प्रलंबित नोकरी प्रस्तावांचा सुध्दा अहीर यांनी आढावा घेतला. वेकोलि क्षेत्रात कार्यरत ओबी कंपन्यांमधील एकुण मनुष्यबळ त्यापैकी स्थानिकांची नोकरीतील टक्केवारी, एचपीसी नुसार वेतन, कामगाराकरिता वैद्यकीय सुविधा, विटीसी, पोलीस वेरीफिकेशन आदी बाबतही अहीर यांनी माहिती जाणून घेतली स्थानिकांना ८०% रोजगार देण्याकरिता शासन निर्णयाची काटेकोर अंमलबजावणी होईल याची गांर्भीयाने दक्षता घेण्याचे निर्देशही उपस्थित अधिकाऱ्याऱ्यांना दिले.

वेकोलि भुमीअधिग्रहीत गावातील तसेच परिसरातील शिक्षित व व्यावसायिक शिक्षण पात्र बेरोजगार युवकांनी ओबी कंपन्यांमध्ये रोजगार मिळवण्याकरिता वेकोलिच्या सर्व क्षेत्रीय महाप्रबंधक कार्यालयाकडे आवेदन करण्याच्या सुचना सुध्दा हंसराज अहीर यांनी केल्या आहेत.

chandrapur police माझ्या मुलांकडून पोलीस नेहमी पैसे घ्यायचे, त्याला मारहाण करायचे पोलिसांच्या त्रासामुळे माझ्या मुलाने आत्महत्या केली असा खळबळजनक आरोप 32 वर्षीय पुरुषोत्तम सहारे यांच्या कुटुंबीयांनी 26 सप्टेंबर ला केला आहे.

Chandrapur police 1 जुलै 2024 रोजी रोशन पाटील यांचा मृतदेह लोढीया हॉस्पिटल जवळ आढळला होता, पोलिसांनी मृतदेह ताब्यात घेतला, आणि तपास सुरू केला, मृतक हा बागला चौक येथे राहणारे 32 वर्षीय पुरुषोत्तम सहारे यांचे मित्र असल्याची माहिती पोलिसांना मिळाली, पोलिसांनी पुरुषोत्तम सहारे यांना याबाबत विचारपूस केली. पुरुषोत्तम सोबत या प्रकरणी पुन्हा 3 जणांचे नाव आहे, 3 पैकी एकाने आधीच आत्महत्या केली अशी माहिती आहे. तर 25 सप्टेंबर ला पुरुषोत्तम यांनी राहत्या घरी पाळण्याच्या दोरीने गळफास घेत आत्महत्या केली.

अवश्य वाचा : आचारसंहितेचा भंग होणार नाही याबाबत दक्षता घ्या – जिल्हाधिकारी विनय गौडा

मागील 2 महिन्यापासून पुरुषोत्तम ला शहर पोलीस तपासाच्या नावावर त्रास द्यायचे, तुझे प्रकरण मॅनेज करतो म्हणून आर्थिक देवाणघेवाण सुद्धा करायचे, अनेकदा पोलिसांनी पोलीस स्टेशनमधील कॅमेऱ्याच्या आड पैसे घेतले असा आरोप सहारे कुटुंबीयांनी लावला आहे. Chandrapur police

25 सप्टेंबर ला पुरुषोत्तम सहारे यांना पोलिसांनी तपास कामी ठाण्यात बोलावले, त्यावेळी पुरुषोत्तम यांनी आई व पत्नीला 5-5 हजार मागितले, पुरुषोत्तम पोलीस स्टेशनमध्ये गेला, त्यानंतर तो जेवायला घरी आला, ज्यावेळी तो घरी आला तेव्हा तो मानसिकरित्या अस्वस्थ होता, मला पोलीस खूप त्रास देत आहे, मला आजही मारहाण केली व तुला जैलात टाकतो अशी धमकी दिली, असे त्याने आपल्या पत्नीजवळ सांगितले, दुपारी 1 वाजताच्या सुमारास लहान मुलींसाठी घरात लावलेल्या पाळण्याच्या दोरीने पुरुषोत्तम ने गळफास घेत आत्महत्या केली.

गळफास लावलेल्या स्थितीत पुरुषोत्तम आढळल्याने पत्नी ने हंबरडा फोडला, त्याला तात्काळ सामान्य रुग्णालयात दाखल केले असता डॉक्टरांनी पुरुषोत्तम ला मृत घोषित केले, माझ्या मुलाचा मृत्यू हा पोलिसांच्या छळामुळे झाला असा आरोप पत्नी, आई-वडील यांनी केला. Chandrapur police

मागील 2 महिन्यापासून तपासाच्या नावाखाली पुरुषोत्तम ला पोलिसांद्वारे मारहाण करीत पैसे उकळण्याचा प्रताप पोलिसांनी सुरू केला असा आरोपही यावेळी सहारे कुटुंबाने केला.

26 सप्टेंबर रोजी पुरुषोत्तम च्या कुटुंबाने जिल्हा पोलीस अधीक्षक यांची भेट घेत न्यायाची मागणी केली, पोलीस अधीक्षकांनी चौकशीचे आश्वासन दिले अशी माहिती हौसलाल सहारे यांनी दिली.

पोलीस काय म्हणतात?

रोशन पाटील यांचा मृत्यू नेमका कश्याने झाला? त्याबाबत पुरुषोत्तम दोषी होता का? नेमका घटनाक्रम काय आहे? पुरुषोत्तम सोबत असलेले ते तिघेजण कोण? त्यामध्ये सुद्धा एकाने आत्महत्या केली त्याचे नाव काय? याबाबत माहिती घेण्यासाठी पोलिसांना सम्पर्क साधला मात्र पोलीस निरीक्षक एकुरके यांनी मोबाईल वर कॉल उचलण्याची तसदी सुद्धा घेतली नाही, तपास अधिकारी नंदूरकर यांना सुद्धा विचारणा केली असता सविस्तर माहिती पोलीस निरीक्षक मॅडम यांना विचारा असे सांगितले.

पोलीस अधीक्षक मुमक्का सुदर्शन यांना सुद्धा सम्पर्क साधला असता त्यांचा मोबाईल आऊट ऑफ कव्हरेज होता.

पोलिसांच्या या माहिती न सांगण्याच्या प्रकाराची वर्तणूक खूप काही सांगत आहे असे यावरून स्पष्ट होत आहे.

सहारे कुटुंबाने पोलीस अधीक्षक मुमक्का सुदर्शन यांना न्याय व पोलीस उपनिरीक्षक नंदूरकर व सहायक पोलिस निरीक्षक (नाव गुलदस्त्यात) यांना निलंबित करावे अशी मागणी केली आहे. Chandrapur police

येणाऱ्या काळात पुरुषोत्तम ला न्याय मिळणार काय? यावर सध्यातरी प्रश्नचिन्ह आहे. पोलिसांनी प्रामाणिक प्रयत्न व चौकशी करावी अशी मागणी नागरिकांनी केली आहे, नाहीतर श्रीमंतांना एक आणि गरिबांना एक न्याय अशी व्याख्या खरी ठरू नये म्हणजे झालं.

Traffic signal project काही दिवसांतच बाबूपेठ उड्डाणपूल वाहतुकीसाठी सुरू होणार आहे. येथील उर्वरित शिल्लक कामे जलद पूर्ण करण्यासाठी प्रशासन युद्धस्तरावर काम करत आहे. आपण सतत अधिका-यांच्या संपर्कात आहोत असे आमदार किशोर जोरगेवार यांनी म्हटले असून पूल सुरू झाल्यावर बागला चौकात वाहतुकीचा प्रश्न निर्माण होणार नाही, यासाठी येथे ट्रॅफिक सिग्नल लावा, अशा सूचना आमदार किशोर जोरगेवार यांनी मनपा आयुक्त विपिन पालिवाल यांना दिल्या आहेत.

अवश्य वाचा : आचारसंहितेचा भंग होणार नाही याबाबत दक्षता घ्या – जिल्हाधिकारी गौडा

Traffic signal project आज आमदार किशोर जोरगेवार यांनी सार्वजनिक बांधकाम विभाग, चंद्रपूर महानगरपालिका, महावितरण विभाग आणि रेल्वे विभागाच्या अधिका-यांसह पुलाची पाहणी करत उड्डाणपूल सुरू झाल्यावर वाहतुकीवर होणाऱ्या परिणामाचा आढावा घेतला. यावेळी मनपा आयुक्त विपिन पालिवाल,  सार्वजनिक बांधकाम विभागाचे कार्यकारी अभियंता मुकेश तांगडे, मनपाचे अतिरिक्त आयुक्त चंदन पाटील, सार्वजनिक बांधकाम विभागाचे उपविभागीय अभियंता विवेक अंबुले, महावितरणचे हेडाऊ  यांच्यासह रेल्वे विभागाच्या अधिकाऱ्यांची उपस्थिती होती. (Mla kishor jorgewar)

बाबूपेठ रेल्वे उड्डाणपुलाचे काम जलद गतीने पुढे जात आहे. यात रेल्वे विभाग, महानगरपालिका, महावितरण कंपनी, एमएमआरडीए, आणि सार्वजनिक बांधकाम विभाग समन्वय साधून उत्तम काम करत आहेत. रेल्वे पूल उतरणार असलेल्या बागला चौकातील लाइट पोल आणि इतर अडथळे दूर करण्यात आले आहेत. लवकरच हा भाग पूलाशी जोडला जाणार आहे. दोन दिवस पाऊस असल्याने काम थोडे मंदावले आहे, मात्र पुन्हा या कामाला गती देण्याची गरज असल्याचे आमदार किशोर जोरगेवार यांनी म्हटले आहे.

उड्डाणपूल सुरू होण्याआधी येथील वाहतुकीचा आमदार किशोर जोरगेवार यांनी आढावा घेतला. बल्लारशाह, लालपेठ या भागात जाणारा नागरिक बागला चौकातून जातो, आणि हा पूलही बागला चौकात उतरणार आहे. अशा परिस्थितीत येथे वाहतुकीस अडथळा निर्माण होण्याची शक्यता आहे. यावर तोडगा काढण्यासाठी नियोजन करा आणि पूल सुरू होण्याआधीच येथे ट्रॅफिक सिग्नल सुरू करा, असे निर्देश यावेळी आमदार किशोर जोरगेवार यांनी मनपा आयुक्त विपिन पालिवाल यांना दिले आहेत.

Dhammachakra Pravartan Din 15 आणि 16 ऑक्टोबर रोजी चंद्रपूर येथील दीक्षाभूमी वर साज-या होणा-या धम्मचक्र अनुप्रवर्तन दिनाच्या पूर्वतयारीचा जिल्हाधिकारी विनय गौडा जी.सी. यांनी आज (दि. 26) आढावा घेतला.

Dhammachakra Pravartan Din जिल्हाधिकारी कार्यालयात आयोजित या बैठकीला जिल्हा पोलिस अधिक्षक मुम्मका सुदर्शन, अतिरिक्त पोलिस अधिक्षक रिना जनबंधू, सा. बां. विभागाचे अधिक्षक अभियंता अरुण गाडेगोणे, मनपा आयुक्त विपीन पालीवाल, निवासी उपजिल्हाधिकारी संजय पवार, उपविभागीय अधिकारी संजय पवार, तहसीलदार विजय पवार, वाहतूक पोलिस निरीक्षक प्रवीणकुमार पाटील यांच्यासह डॉ. बाबासाहेब आंबेडकर मेमोरीअल सोसायटीचे अध्यक्ष अरुण घोटेकर, उपाध्यक्ष अशोक घोटेकर, सहसचिव कुणाल घोटेकर, डॉ. बाबासाहेब आंबेडकर महाविद्यालयाचे उपप्राचार्य संजय बेले, प्रा. मनोज सोनटक्के, प्रा. दिलीप रामटेके उपस्थित होते.

अवश्य वाचा : चंद्रपूर जिल्ह्यातील अभिजितला मिळाली 52 लक्ष रुपयांची शिष्यवृत्ती

यावेळी बोलतांना जिल्हाधिकारी श्री. गौडा म्हणाले, गाड्या तसेच बसेसची पार्किंग व्यवस्था, शहरातील पुतळ्याची स्वच्छता, दीक्षाभुमी परिसराची स्वच्छता, पाणी पुरवठा, मोबाईल टॉयलेट, वीज पुरवठा आदी कामे संबंधित विभागांनी गांभिर्याने पूर्ण करावीत. कार्यक्रमादरम्यान या परिसरातील वीज पुरवठा खंडीत होऊ नये,  तसेच रस्त्यावर किंवा झाडांवर लटकणा-या विद्युत तारांची त्वरीत तपासणी करावी. दोन दिवसात मोठ्या प्रमाणात नागरिकांची गर्दी होत असल्यामुळे गर्दीचे योग्य नियोन करावे. Chandrapur

बाहेर गावावरून येणा-या बसेसच्या पार्किंगची ठिकाणे आत्ताच निश्चित करावी. महानगर पालिकेने दीक्षाभुमी परिसरातील आजुबाजुच्या रस्त्यांची दुरुस्ती तसेच साफसफाईची कामे करावी. मोबाईल टॉयलेट, हायमास्ट लाईट, कार्यक्रमाच्या ठिकाणी अग्निशमन गाड्या उपलब्ध करून द्याव्यात.

तर वंदे भारत एक्सप्रेस होणार बंद

रस्त्यावर स्टॉल नको : धम्मचक्र अनुप्रवर्तन दिनानिमित्त विविध सामाजिक संघटनांकडून भोजनदानाचे तसेच इतर स्टॉल लावण्यात येतात. सदर स्टॉल रस्त्यावर न लावता चांदा क्लब ग्राऊंडच्या आतमध्ये लावावेत, याची सर्व सामाजिक संघटनांनी नोंद घ्यावी, असे आवाहन जिल्हा प्रशासनाने केले आहे. Chandrapur

आचारसंहितेचे पालन करा : या कार्यक्रमादरम्यान निवडणुकीच्या आचारसंहितेची शक्यता नाकारता येत नाही. त्यामुळे आचारसंहितेचा भंग होणार नाही, याची दक्षता घ्यावी. रॅलीमध्ये कोणतेही राजकीय भाषण होऊ नये, तसेच या परिसरात राजकीय जाहिरातींचे होर्डींग्ज टाळावे. याबाबत कार्यक्रमाच्या आयोजकांनी राजकीय नेत्यांना अवगत करावे, अशीही सुचना जिल्हाधिकारी विनय गौडा जी.सी. यांनी दिल्या.

maharashtra Apprenticeship Training शासकीय, निमशासकीय आणि खाजगी आस्थापनांमध्ये शिकाऊ उमेदवारी प्रशिक्षण कायद्याअंतर्गत शिकाऊ उमेदवारांची भरती वाढवून प्रोत्साहित करण्यासाठी ‘महाराष्ट्र शिकाऊ उमेदवारी प्रोत्साहन योजना’ राज्यात राबविण्याचा निर्णय घेण्यात आला आहे. सदर योजनेअंतर्गत प्रशिक्षण  घेणाऱ्या  शिकाऊ उमेदवारांना देय विद्यावेतनाच्या 75 टक्के किंवा जास्तीत जास्त पाच हजार रुपये, यापैकी कमी असलेले विद्यावेतन  शासनातर्फे अनुज्ञेय आहे.

maharashtra Apprenticeship Training तथापि, राष्ट्रीय शिकाऊ उमेदवारी प्रोत्साहन योजना आणि महाराष्ट्र शिकाऊ उमेदवारी प्रोत्साहन योजनेअंतर्गत शिकाऊ उमेदवारांना अनुज्ञेय ठरणारा विद्यावेतनाचा आर्थिक लाभ एकत्रितपणे देय एकूण विद्यावेतनाच्या 75 टक्के पेक्षा अधिक अनुज्ञेय ठरणार नाही. ज्यांनी 3 जून 2021 पासून शिकाऊ उमेदवारी प्रशिक्षण पूर्ण केले आहे किंवा सध्या करीत आहेत, अशा सर्व शिकाऊ उमेदवारांनी https://maps.dvet.gov.in या पोर्टलवर नोंदणी करून त्यांचा महाराष्ट्र शिकाऊ उमेदवारी प्रोत्साहन योजनेंतर्गत दरमहा विद्यावेतन प्राप्त करण्यासाठी अर्ज करावेत.

अवश्य वाचा : चंद्रपूर जिल्ह्यातील अभिजित चालला इंग्लंड ला

नोंदणी व अर्ज करतांना काही तांत्रिक अडचण उद्भभवल्यास उमेदवारांनी संबंधित आस्थापनांशी किंवा संबंधित मुलभूत प्रशिक्षण तथा अनुषंगिक  सूचना केंद्रांशी संपर्क साधवा. योजनेची तसेच अर्ज करण्याची सर्वंकष माहिती  https:// maps.dvet.gov.in या पोर्टलवर देण्यात आली आहे, असे व्यवसाय शिक्षण व प्रशिक्षण संचालनालयाने कळविले आहे.

University of Sheffield राजुरा येथील रहिवासी असलेल्या आदिवासी समाजातील अभिजीत मधुकर टेकाम, यांना 2024-25 या शैक्षणिक  वर्षात परदेशात उच्च शिक्षण घेण्यासाठी 52 लक्ष 74 हजार 67 रुपयांची (47450 पाऊंड) शिष्यवृत्ती प्रदान करण्यात आली आहे. एकात्मिक आदिवासी विकास प्रकल्प विभागाच्या अर्थसहाय्याने अभिजित यांना युनिर्व्हरसिटी ऑफ शिफिल्ड (यू.के.) मधून मास्टर ऑफ साइन्स इन बायोडायव्हर्सिटी अॅण्ड कन्झर्व्हेशन या अभ्यासक्रमासाठी प्रवेश मिळाल्याने या शिष्यवृत्तीची मान्यता देण्यात आली आहे.

अवश्य वाचा : चंद्रपूर ते मुंबई, पुणे थेट रेल्वे सुरू करा, पप्पू देशमुख

University of Sheffield शिष्यवृत्ती मिळविण्यासाठी अभिजित टेकाम यांनी 12 जून 2024  रोजी प्रकल्प अधिकारी, एकात्मिक आदिवासी विकास प्रकल्प, चंद्रपूर यांच्याकडे प्रस्ताव सादर केला होता. हा प्रस्ताव पुढे अपर आयुक्त, आदिवासी विकास, नागपूर व त्यानंतर आयुक्त, आदिवासी  विकास आयुक्तालय, नाशिक यांच्याकडे पाठवण्यात आला. 30 ऑगस्ट 2024 रोजी आदिवासी विकास विभागाचे सचिव यांच्या अध्यक्षतेखाली झालेल्या छाननी समितीच्या बैठकीत सात विद्यार्थ्यांना शिष्यवृत्तीची मंजुरी  मिळाली. यामध्ये अभिजीत मधुकर टेकाम यांचाही समावेश आहे.

शिष्यवृत्तीची रक्कम 52 लक्ष 74 हजार 67 रुपये अभिजीत टेकाम यांना सरकारकडून अदा केली जाणार आहे. अभिजीत यांना मिळालेली शिष्यवृत्ती ही आदिवासी समाजातील विद्यार्थ्यांसाठी प्रेरणादायी असून आदिवासी  समाजातील विद्यार्थ्यांना परदेशी शिक्षणाचे स्वप्न पूर्ण करण्यासाठी तसेच त्यांच्या शैक्षणिक प्रगतीसाठी महत्वपूर्ण पाऊल आहे. (University of Sheffield)

महत्त्वाचे : वंदे भारत एक्सप्रेस बंद होणार?

अभिजीत यांना मिळालेल्या शिष्यवृत्तीबाबत प्रकल्प अधिकारी विकास राचेलवार म्हणाले, आदिवासी समाजातील विद्यार्थ्यांना परदेशात उच्च शिक्षणाची संधी मिळावी, यासाठी शासनाच्या विविध योजनांचा मोठा हातभार आहे. अभिजीत टेकाम यांना मिळालेली ही शिष्यवृत्ती केवळ त्यांच्या वैयक्तिक यशाचे प्रतीक नसून आदिवासी समाजातील इतर विद्यार्थ्यांसाठी प्रेरणादायी  आहे. Study Abroad

अभिजीत यांना परदेशात शिक्षणाची संधी मिळाली, ही अत्यंत अभिमानाची बाब आहे. शासनाच्या सहकार्यांने आदिवासी विद्यार्थ्यांना अशीच मदत मिळत राहील आणि ते आपल्या ज्ञानाच्या बळावर देशाचे नाव उंचावतील, असा विश्वास त्यांनी व्यक्त केला.