My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Police teamwork examples | रवि चा जीव वाचवण्यासाठी पोलिसांनी कापले ट्रक चे केबिन

    Police teamwork examples

    Police teamwork examples : कायद्याच्या विरोधात काम करणाऱ्या पोलिसांचे अनेक उदाहरणे पुढे येतात मात्र कायद्यात राहून माणुसकी साठी काम करणारे पोलीस हे क्वचितचं आहे, असेच माणुसकीचे कार्य गडचांदूर पोलिसांच्या हातून घडले.

    अवघ्या 2 सेकंदात चोरट्याने मोबाईल लांबविला

    23 डिसेंबर रोजी मध्यरात्री 2 वाजताच्या सुमारास भोयेगाव-गडचांदूर मार्गावर कोळसा वाहतूक करणारा ट्रक क्रमांक MH34 BG 6749 हा उलटला, ट्रक उलटल्यावर क्लिनर मनीष पांडे हा बाहेर पडला मात्र ट्रक चे संपूर्ण केबिन चालक रवि प्रसाद यांच्या अंगावर पडले.


    एका बाजूला जमीन तर दुसऱ्या बाजूला ट्रक च्या केबिन चा भार रवी प्रसाद च्या अंगावर होता, रात्रीचे 2 वाजले मदतीला येईल तरी कोण? अशी चिंता क्लिनर पांडे यांना लागली, त्यांनी याबाबत तात्काळ गडचांदूर पोलिसांसोबत संपर्क साधत माहिती दिली.
    विशेष बाब म्हणजे माहिती मिळाल्यावर पोलीस काही क्षणात घटनास्थळी दाखल झाले.


    ट्रक चे केबिन चालकाच्या अंगावर होते तो त्यामध्ये अडकून पडला होता, पोलिसांनी वाहन चालकाचा जीव वाचविण्यासाठी घटनास्थळी हायड्रा व क्रेन बोलावली.
    पोलिसांनी ट्रक चे केबिन कापण्यास सुरुवात केली, तब्बल 2 तास शर्थीचे प्रयत्न करीत पोलीसांनी चालक रवी प्रसाद याला सुखरूप बाहेर काढले. (Good policing examples)


    चालक प्रसाद याला तात्काळ गडचांदूर ग्रामीण रुग्णालयात उपचारासाठी पाठविण्यात आले, सध्या रवी प्रसाद यांची प्रकृती उत्तम आहे, चालक प्रसाद यांचे प्राण वाचविल्याबद्दल त्यांनी गडचांदूर पोलिसांचे आभार मानले.


    सदर यशस्वी बचाव मोहीम पोलीस निरीक्षक शिवाजी कदम यांच्या मार्गदर्शनाखाली सहायक पोलिस निरीक्षक अनिल कुंभरे, वाहतूक पोलीस शिपाई सुभाष तिवारी, रामसिंग पवार, खंडू मुंडकर, गोविंद सुरणार, साईनाथ उपरे, बंडू महात्मे, प्रकाश बाजीगर व सिद्धार्थ रणवीर यांनी केली.

  • Gmc chandrapur | मेडिकल कॉलेजसाठी 100 कोटीचा निधी द्या – आमदार जोरगेवार

    Gmc chandrapur

    Gmc chandrapur : चंद्रपूर येथील मेडिकल कॉलेजचे काम जवळपास पूर्ण झाले आहे. मात्र येथे आवश्यक वैद्यकीय साहित्य खरेदीसाठी 100 कोटी रुपयांच्या निधीची गरज असून, सदर मेडिकल कॉलेज रुग्णसेवेसाठी तात्काळ सुरू करण्यासाठी 100 कोटी रुपयांचा निधी देण्यात यावा, अशी मागणी अधिवेशनात (winter session nagpur 2024) औचित्याच्या मुद्यावर बोलताना आमदार किशोर जोरगेवार यांनी केली आहे.

    youtube च्या नव्या नियमाने अनेक चॅनेल होणार बंद

    शनिवारी अधिवेशनाच्या शेवटच्या दिवशी औचित्याच्या मुद्द्यावर बोलताना आमदार किशोर जोरगेवार यांनी चंद्रपूर मतदार संघातील प्रश्नांकडे सभागृहाचे लक्ष वेधले. यावेळी बोलताना त्यांनी चंद्रपूर येथील मेडिकल कॉलेजचा विषय उचलत साहित्य खरेदीसाठी 100 कोटी रुपये देण्यात यावे, अशी मागणी केली आहे.

      बहुप्रतिक्षित चंद्रपूर मेडिकल कॉलेजची सुमारे ५० एकरातील नवीन वास्तूचे बांधकाम (new campus) पूर्णत्वास आले असले तरी वैद्यकीय साहित्य आणि फर्निचरसाठी निधी उपलब्ध झाला नाही. साहित्य खरेदीसाठी सुमारे १०० कोटी रुपयांची आवश्यकता असून, तातडीने हा निधी मिळावा म्हणून कॉलेज प्रशासनाने राज्य सरकारकडे प्रस्ताव सादर केला आहे. नवीन इमारतीत लाकडी फर्निचरसाठी ५७ कोटी रुपये तर वैद्यकीय साहित्यासाठी ४१ कोटी ७६ लाख रुपयांची आवश्यकता आहे. तसा प्रस्ताव राज्य सरकारकडे पाठविण्यात आला आहे.  मात्र सदर  प्रस्तावाला अद्याप मंजुरी मिळालेली नाही.

       लगतच्या गडचिरोली, यवतमाळ, तेलंगणातील आसिफाबाद, करीमनगर या भागातील रुग्णसुद्धा चंद्रपुरात उपचारासाठी येत असतात. सध्याच्या परिस्थितीत जिल्हा सामान्य रुग्णालयाच्या इमारतीत मेडिकल कॉलेज सुरू आहे. दिवसेंदिवस रुग्णांची वाढती संख्या पाहता जिल्हा सामान्य रुग्णालयात खाटांची संख्या कमी पडत आहे. रुग्णांची प्रचंड गैरसोय होत आहे. निवासी डॉक्टरांच्या आरोग्याचाही प्रश्न निर्माण होत असल्याने नव्या जागेतील इमारतीत कॉलेज हलविण्यात यावे, अशी सातत्याने मागणी होत आहे. परंतु, आवश्यक साहित्य खरेदीसाठी निधी उपलब्ध झालेला नसल्याने सर्व काम रखडले आहे.

      हाच विषय आता आमदार किशोर जोरगेवार यांनी नागपूर अधिवेशनाच्या शेवटच्या दिवशी उचलून धरला. यावर बोलताना आमदार किशोर जोरगेवार म्हणाले की, मेडिकल कॉलेजचे काम पूर्ण झाले आहे. परंतु साहित्य खरेदी करण्यासाठी लागणारे 100 कोटी रुपये न मिळाल्याने रुग्णालय बंद आहे. अतिशय सुंदर परिसरात सुंदर वास्तू तयार झाली असली तरी फर्निचर आणि वैद्यकीय साहित्य नसल्याने रुग्णालय सुरू होत नसल्याचे त्यांनी यावेळी सांगितले. तात्काळ साहित्य खरेदीसाठी 100 कोटी रुपये देण्यात यावेत, अशी मागणी त्यांनी यावेळी सभागृहात केली आहे.

  • Coal Mine Tourism | भूमिगत कोळसा खाणीत पर्यटन सुरू होणार

    Coal Mine Tourism

    Coal Mine Tourism : चंद्रपूर पर्यटनदृष्ट्या विकसित करण्यासाठी भारतीय जनता पक्षाचे आमदार किशोर जोरगेवार यांचे सातत्याने प्रयत्न सुरू आहेत. येथे वन पर्यटनासह धार्मिक आणि औद्योगिक पर्यटन सुरू करण्यावर त्यांचा भर आहे. आज त्यांनी वेकोलीच्या सिएमडी कार्यालयात बैठक घेतली आणि वेकोलीच्या भूमिगत खाणी पर्यटनासाठी खुल्या करण्याची मागणी सीएमडी जयप्रकाश द्विवेदी यांच्याकडे केली आहे.

    चंद्रपूर पोलिसांचे ऑपरेशन मुस्कान

    आमदार किशोर जोरगेवार (kishor jorgewar news) यांनी नागपूर येथील वेकोलीच्या  सीएमडी कार्यालयात झालेल्या बैठकीत विविध विषयांवर सकारात्मक चर्चा केली. याप्रसंगी हिंद मजदूर सभेचे राष्ट्रीय उपाध्यक्ष शिवकुमार यादव यांची उपस्थिती होती.

    उत्तर अचूक पण संगणकाने चुकविलं, जिल्हा मध्यवर्ती बँकेच्या परीक्षेत गोंधळ

      चंद्रपूर जिल्हा हा औद्योगिक जिल्हा असून येथे अनेक उद्योग आहेत. त्यामुळे औद्योगिक पर्यटनाच्या माध्यमातून या जिल्ह्याला पर्यटनाचे हब तयार करता येईल. यासाठी प्रयत्न सुरू असल्याचे आमदार किशोर जोरगेवार यांनी सांगितले. ताडोबा अभयारण्य येथे येणारा पर्यटक केवळ ताडोबा पाहून परत न जाता, त्या पर्यटकांनी येथील इतर ऐतिहासिक वास्तू, उद्योग आणि प्राचीन धार्मिक स्थळांना भेट द्यावी, यामुळे स्थानिक अर्थव्यवस्था बळकट होऊन नागरिकांचे जीवनमान उंचावेल, असा विश्वास आमदार किशोर जोरगेवार यांनी व्यक्त केला.

     दरम्यान, आमदार किशोर जोरगेवार यांनी भूमिगत खाणी पर्यटनासाठी खुल्या करण्याची मागणी  सीएमडी जयप्रकाश द्विवेदी यांच्याकडे केली. याबाबत  सीएमडी यांनी सकारात्मकता दर्शवली असून लवकरच निर्णय घेण्याचे आश्वासन दिले.

      याशिवाय, आमदार किशोर जोरगेवार यांनी वेकोलीने सीएसआर फंडातून दोन गार्डनची निर्मिती करावी, माना येथील जलाशयात बोटींग पर्यटन सुरू करावे, तुकूम आणि लालपेठ येथे स्मशानभूमीसाठी जागा उपलब्ध करून निधी द्यावा, लालपेठ आणि रयतवारी कॉलरी येथे दोन सामाजिक भवनांची निर्मिती करावी, ग्रामीण भागात वॉटर एटीएम मशीन्स बसवाव्यात अशी मागणीही केली. या सर्व मागण्यांवर बैठकीत सकारात्मक चर्चा झाली असून लवकरच निर्णय घेतले जातील, असे   सीएमडी  जयप्रकाश द्विवेदी यांनी म्हटले आहे.

  • operation muskaan | चंद्रपूर पोलिसांचे ‘ऑपरेशन मुस्कान” यशस्वी

    operation muskaan

    operation muskaan : ऑपरेशन मुस्कान, ज्याला सामान्यतः ऑपरेशन स्माईल असेही संबोधले जाते, हा गृह मंत्रालयाने (MHA) सुरू केलेला प्रकल्प आहे. हरवलेल्या मुलांचा शोध घेणे आणि त्यांचे योग्य पुनर्वसन करणे हा या उपक्रमाचा मुख्य उद्देश आहे. ही मोहीम महिनाभर चालवली जाते, त्यादरम्यान राज्य पोलिसांचे कर्मचारी हरवलेल्या मुलांची ओळख पटवण्यासाठी, त्यांची सुटका करण्यासाठी आणि त्यांना त्यांच्या कुटुंबियांशी पुन्हा जोडण्यासाठी विविध उपाययोजना करतात.

    चंद्रपूर जिल्हा मध्यवर्ती बँकेच्या परीक्षेत गोंधळ, उत्तरात झाला बदल

    1 डिसेंबर ते 20 डिसेंबर 2024 या कालावधीत चंद्रपूर पोलिसांनी ऑपरेशन मुस्कान मोहीम राबवित बेपत्ता मुले, महिला, पळविलेली मुले, मुली यांच्या शोध घेत जिल्ह्यातील 210 मुले, मुली आणि महिला पुरुषांचा यशस्वी पणे शोध लावला.

    या मोहिमेत स्थानिक गुन्हे शाखा व अनैतिक मानवी वाहतूक व्यापार प्रतिबंधक कक्षाने यशस्वी कामगिरी बजावली.

    अमित शाह विरोधात युवासेनेचे आंदोलन

    चंद्रपूर जिल्ह्यातील वेगवेगळ्या (chandrapur police) पोलीस स्टेशन अंतर्गत बेपत्ता व पळविलेल्या महिला, मुली व मुले व पुरुष यांच्याबाबत माहिती घेत पोलीस पथकाने 133 महिला आणि 71 पुरुष यासोबत जिल्ह्यातील पळविलेल्या पैकी 1 मुलगा व 5 मुलींचा शोध घेऊन त्यांच्या आई-वडिलांच्या स्वाधीन करण्यात आले.

    महत्वाची बाब म्हणजे वर्ष 2016 व 2017 मध्ये हरविलेल्या 2 तरुणींचा या मोहिमेत शोध घेण्यात पोलीस दल यशस्वी ठरले.

    सदरची यशस्वी मोहीम अप्पर पोलीस अधीक्षक व प्रभारी पोलीस अधीक्षक रिना जनबंधु यांच्या मार्गदर्शनाखाली जिल्ह्यातील सर्व पोलीस उपविभागीय अधिकारी सह स्थानिक गुन्हे शाखा व पोलीस स्टेशन अधिकारी यांनी मोलाची कामगिरी बजावली.

  • cdcc bank exam : चंद्रपूर जिल्हा मध्यवर्ती बँकेच्या परीक्षेत उत्तरात झाला बदल आणि..

    cdcc bank exam

    cdcc bank exam : सहकार क्षेत्रातील चंद्रपूर जिल्हा मध्यवर्ती बँकेच्या पदभरती परीक्षेत आज सकाळी चांगलाच गोंधळ उडाला, परीक्षा देण्यासाठी आलेल्या उमेदवारांनी परीक्षा केंद्रावर धरणे आंदोलन करीत मध्यवर्ती बँकेचा निषेध केला.
    अखेर मुंबई आयटीआय कंपनीने आजचा पेपर रद्द करीत उमेदवारांना पुढची तारीख मेल व मोबाईल द्वारे कळविण्यात येणार असे सांगितले.

    चंद्रपूर जिल्हा मध्यवर्ती बँकेत 358 पदांची पदभरती निघाली होती, यामध्ये लिपिक 261 व शिपाई पदासाठी 97 जागा निघाल्या, या पदभरती प्रक्रियेत ऑनलाइन अर्ज मागविण्यात आले. (Cdcc bank recruitment 2024)

    केंद्रीय गृहमंत्री अमित शाह विरोधात युवासेनेचे आंदोलन


    358 पदासाठी राज्यभरातून तब्बल 31 हजार उमेदवारांनी ऑनलाइन अर्ज केला, 21 ते 23 डिसेंबर या कालावधीत सदर परीक्षा राज्यातील विविध केंद्रावर घेण्यात येणार होत्या मात्र परीक्षेच्या पहिल्याच दिवशी चंद्रपुरातील आंबेडकर कॉलेज केंद्रावर चांगलाच गोंधळ झाला.
    पेपर सुरू झाल्यानंतर काही वेळाने उत्तर सेव्ह करीत असताना निवडलेल्या पर्यायात बदल व्हायला लागला.
    याबाबत उमेदवारांनी केंद्रावर असलेल्या कर्मचाऱ्यांना सदर प्रकार सांगितला काही वेळाने सर्व्हर मध्ये तांत्रिक बिघाड झाला असल्याचे कारण समोर करीत परीक्षा रद्द केली.

    बँकेच्या परीक्षेत घोळ, आमदार जोरगेवार संतापले

    विशेष बाब म्हणजे चंद्रपुरात या पदभरती परीक्षेचा पेपर देण्यासाठी नांदेड, पुणे, छत्रपती संभाजी नगर, अकोला या जिल्ह्यातील उमेदवार आले होते परीक्षा रद्द झाल्याने उमेदवारांनी संताप व्यक्त करीत (cdcc bank chandrapur) चंद्रपूर जिल्हा मध्यवर्ती बँक प्रशासनावर भ्रष्टाचाराचे आरोप केले.


    ही परीक्षा आधीच सेट केली आहे असा आरोप उपस्थित उमेदवारांनी केला. आम्ही 700 किलोमीटर चे अंतर कापून परीक्षेत सहभागी झालो मात्र पेपर सुरू झाल्यानंतर अचानक हा गोंधळ झाल्याने आम्हाला मानसिक व आर्थिक त्रास झाला, करीता आता आम्हाला स्थानिक जिल्ह्यात परीक्षा केंद्र देण्यात यावे अशी मागणी उमेदवारांनी केली.

    बँक प्रशासन म्हणते, ती जबाबदारी आमची नाही


    चंद्रपूर जिल्हा मध्यवर्ती बँकेचे मुख्य कार्यकारी अधिकारी राजेश्वर कल्याणकर यांनी आपले हात झटकत आमचा करार मुंबई आयटीआय कंपनी सोबत झाला असून ही सर्व जबाबदारी आहे, यामध्ये बँक प्रशासन जबाबदार नाही अशी प्रतिक्रिया कल्याणकर यांनी दिली.

    आमदार जोरगेवार यांचे गंभीर आरोप

    नागपुरात सुरू असलेल्या हिवाळी अधिवेशनात चंद्रपूर विधान सभा क्षेत्राचे आमदार किशोर जोरगेवार यांनी जिल्हा मध्यवर्ती बँकेच्या परीक्षा केंद्रावर झालेल्या गोंधळाबाबत मुद्दा उपस्थित केला, ते म्हणाले की या भरती प्रक्रियेत एका जागेचा दर हा 40 लाख रुपये असून यामध्ये मोठ्या प्रमाणात आर्थिक व्यवहार झाले आहे, राज्यात 9 जिल्ह्यामध्ये ही ऑनलाइन परीक्षा घेण्यात येत आहे.

    आज झालेल्या गोंधळामुळे ही परीक्षा रद्द केली मात्र बाहेर आलेल्या उमेदवारांना याचा आर्थिक भुर्दंड बसला असून सदर परीक्षा आता पारदर्शक पध्दतीने घेण्यात याव्या व उमेदवारांना स्थानिक जिल्ह्यातील परीक्षा केंद्र देण्यात यावे अशी मागणी अधिवेशनात आमदार जोरगेवार यांनी केली.

  • Kishor Jorgewar on cdcc bank : चंद्रपूर जिल्हा मध्यवर्ती बँक पदभरतीवरून हिवाळी अधिवेशनात आमदाराचा संताप

    Kishor jorgewar on cdcc bank

    Kishor jorgewar on cdcc bank : चंद्रपूर जिल्हा मध्यवर्ती सहकारी बॅंकेतील नोकरी भरती प्रक्रिया सुरू आहे. मात्र, सदर परीक्षा विदर्भातील लगतच्या जिल्ह्यांमध्ये न घेता पुणे, नाशिक या दूरच्या जिल्ह्यांमध्ये घेतली जात आहे. यामुळे उमेदवारांना मोठा त्रास सहन करावा लागत आहे.

    तसेच या भरती प्रक्रियेत मोठा आर्थिक व्यवहार झाल्याचे आरोप असून, सदर भरती प्रक्रिया पारदर्शक पद्धतीने राबवावी, अशी मागणी अधिवेशनात औचित्याच्या मुद्यावर बोलताना आमदार किशोर जोरगेवार (mla kishor jorgewar) यांनी केली आहे.

    माजी मुख्यमंत्री कन्नमवार यांचा रौप्य महोत्सवी सोहळा, मुख्यमंत्री फडणवीस राहणार उपस्थित


    जिल्हा मध्यवर्ती बॅंकेच्या लिपिक 261 आणि शिपाई 97 अशा 358 पदांसाठी 31,156 उमेदवारांनी ऑनलाइन अर्ज केले आहेत. राज्यातील 9 जिल्ह्यांमध्ये ही परीक्षा ऑनलाइन पद्धतीने घेतली जात आहे. मात्र, या परीक्षेत मोठा आर्थिक व्यवहार झाल्याच्या तक्रारी आहेत.

    एका उमेदवाराकडून 40 लाख रुपयांपर्यंत पैसे मागितले जात असल्याच्या तक्रारी येत असल्याचा आरोप आमदार किशोर जोरगेवार यांनी अधिवेशनात बोलताना केला आहे.
    यावेळी बोलताना आमदार जोरगेवार म्हणाले की, चंद्रपूर जिल्हा मध्यवर्ती सहकारी बॅंकेतील नोकरी भरतीची जाहिरात निघाली. त्यानुसार 21, 22 आणि 23 डिसेंबरला परीक्षा घेण्यात येत आहे. मात्र ही परीक्षा चंद्रपूर, नागपूर किंवा विदर्भातील लगतच्या जिल्ह्यांमध्ये न घेता पुणे, नाशिक अशा दूरच्या जिल्ह्यांमध्ये घेतली जात आहे.

    राज्यातील 31,156 उमेदवारांनी अर्ज केला आहे. मात्र, या परीक्षा प्रक्रियेबाबत अनेक उमेदवारांच्या मनात शंका आहेत. एका जागेचा 40 लाख रुपये असा दर असल्याच्या तक्रारी असून, सदर परीक्षा पारदर्शक पद्धतीने व्हावी, अशी मागणी अधिवेशनात बोलताना त्यांनी केली आहे.

    रद्द झालेल्या परीक्षेतील उमेदवारांना स्थानिक परीक्षा केंद्र द्या – आ. किशोर जोरगेवार

    आज चंद्रपूर जिल्हा मध्यवर्ती बॅंकेच्या (cdcc bank chandrapur) उमेदवारांची परीक्षा होती. मात्र, पेपर देत असताना विद्यार्थ्यांना तांत्रिक अडचणी आल्या. प्रश्नाचे उत्तर लिहिल्यानंतर ते सेव्ह करताच लिहिलेले उत्तर बदलत असल्याचा आरोप विद्यार्थ्यांनी केला. त्यानंतर याची दखल घेत अर्धा तास पेपर झाल्यावर सदर पेपर रद्द करून परीक्षा दोन दिवसांनी पुढे ढकलण्यात आली.


    मात्र, या प्रकारानंतर विद्यार्थ्यांमध्ये रोष असून, याबाबत आमदार किशोर जोरगेवार यांनी वरिष्ठ अधिकारी आणि परीक्षा घेणाऱ्या दिल्ली येथील आयटीआय लिमिटेड कंपनीचे ओडीएस प्रविण सिंग यांच्याशी दूरध्वनीवरून संपर्क साधत घडलेल्या प्रकाराची माहिती घेतली. मात्र समाधानकारक उत्तर मिळाले नसल्याचे आमदार किशोर जोरगेवार यांनी म्हटले असून, आता पुढे ढकलण्यात आलेली परीक्षा उमेदवारांच्या स्थानिक केंद्रावरच घेण्यात यावी.

    त्यांना पुन्हा बाहेर जिल्ह्यात केंद्र देऊन आर्थिक भुर्दंड लादू नये, अशा सूचना आमदार किशोर जोरगेवार यांनी केली आहे. सदर कंपनी व्यवस्थापनाने ही आता पुढील परीक्षा स्थानिक केंद्रावर घेण्याचे मान्य केले आहे. त्यामुळे पुढील वेळापत्रक लवकर जाहीर करण्यात येणार असून विद्यार्थ्यांच्या सोयीच्या केंद्रांवर ही परीक्षा घेतल्या जाणार आहे.

  • chandrapur local news | चंद्रपुरात महिला व मुलींवर हल्ला

    chandrapur local news

    chandrapur local news : आम आदमी पक्षाचे युवा जिल्हाध्यक्ष राजू कुडे यांच्या सतर्कतेमुळे आणि पुढाकारातून बाबूपेठ परिसरात दहशत निर्माण करणारा एक अज्ञात मनोरुग्ण (अंदाजे 30-32 वर्ष) स्थानिक युवकांनी पकडून सिटी पोलिस स्टेशनच्या ताब्यात देण्यात आले.

    बाबूपेठ परिसरात काही दिवसांपासून एका 30-32 वयोगटातील मनोरुग्णाने नागरिकांमध्ये दहशत पसरवली होती. हा मनोरुग्ण महिलांवर, विशेषतः शाळकरी मुलींवर पाळत ठेऊन अचानक हल्ला करत होता. हातात दांडके घेऊन अश्लील शिवीगाळ करणाऱ्या या व्यक्तीविरुद्ध स्थानिक नागरिकांमध्ये भीतीचे वातावरण निर्माण झाले होते.

    चंद्रपुरात अमित शाह यांच्या प्रतिमेला आंबेडकरी जनतेने हाणल्या चपला


    या घटनेची माहिती आप पार्टीचे युवा जिल्हाध्यक्ष राजू कुडे यांना मिळताच त्यांनी तात्काळ रामनगर पोलिस स्टेशनला माहिती दिली. मात्र, सदर व्यक्ती रोड क्रॉस करून सिटी पोलिस स्टेशन हद्दीत गेल्यामुळे रामनगर पोलिसांनी कारवाई करण्यास नकार दिला. Chandrapur local news

    परिस्थितीचे गांभीर्य लक्षात घेऊन राजू कुडे यांनी वॉर्डातील तरुणांच्या मदतीने त्या मनोरुग्णाला पकडले आणि सिटी पोलिस स्टेशनच्या ताब्यात दिले. त्यांनी नागरिकांना आवाहन केले आहे की, जर कोणाला सदर व्यक्तीची ओळख पटत असेल तर त्यांनी सिटी पोलिस स्टेशनशी संपर्क साधावा.

    या प्रसंगी राजू कुडे यांनी भविष्यातील संभाव्य दुर्घटना टळल्याबद्दल समाधान व्यक्त केले आणि सिटी पोलिस स्टेशनच्या पी. आय. प्रभावती एकुरके मॅडम यांचे आभार मानले.

    हा प्रकार पोलिस आणि नागरिकांच्या एकत्रित प्रयत्नांमुळे निकाली निघाला असून, या घटनेमुळे नागरिकांमध्ये दिलासा मिळाला आहे.

  • chandrapur on amit shah | चंद्रपुरात अमित शाह यांच्याविरोधात जोडे मारो आंदोलन

    chandrapur on amit shah

    chandrapur on amit shah : केंद्रीय गृहमंत्री अमित शाह यांनी डॉ.बाबासाहेब आंबेडकर यांच्याबाबत केलेल्या वक्तव्याचे पडसाद चंद्रपूर शहरात बघायला मिळाले.

    डॉ बाबासाहेब आंबेडकरांबाबत क्रेंद्रीय गृहमंत्री अमित शहा यांच्या वक्तव्यानंतर राज्यभरात वातावरण तापलं आहे. दिल्लीतील हिवाळी अधिवेशनात अमित शहांविरोधात विरोधकांनी रान उठवल्याचं दिसल्यानंतर राज्यभर या वक्तव्यावरून वातावरण तापलं असून ठिकठिकाणी आक्रमकपणे या वक्तव्याचा विरोध करण्यात येतोय.

    चंद्रपुरात दुचाकी चोरी, पोलिसांनी लावला छडा

    आज शुक्रवारी चंद्रपूर शहरातील डॉ बाबासाहेब आंबेडकर यांच्या पूर्णाकृती पुतळ्याजवळ अमित शहा यांच्या विरोधात आंबेडकरी समाज संघटना संयुक्त समितीतर्फे जोडे मारो आंदोलन करण्यात आले. अमित शहा यांच्या प्रतिमेला आंबेडकरी जनतेने चपला मारत आंदोलन केले. यावेळी जोरदार घोषणाबाजी करण्यात करीत अमित शाह यांनी तात्काळ आपल्या पदाचा राजीनामा द्यावा अशी मागणी करण्यात आली. Amit shah ambedkar controversy


    डॉ. बाबासाहेब आंबेडकर यांच्याबद्दल केंद्रीय गृहमंत्री अमित शाह यांनी केलेल्या वक्तव्यावर चंद्रपुरात तीव्र प्रतिक्रिया उमटली आहे.

    यावेळी प्रविण खोब्रागडे,रोहिदास राऊत,बंडू नगराळे, प्रतीक डोर्लीकर,सुरेश नारनवरे, राजस खोब्रागडे,अशोक फुलझेले,निर्मला नगराळे,गीता रामटेके, पंचफुला वेल्हेकर,प्रेरणा करमरकर,ज्योती रंगारी, वर्षा घडसे,अंजली नीमगडे,निर्मला पाटील,संघमित्रा खोब्रागडे,अंकुश वाघमारे,केशव रामटेके,हरिदास देवगडे,हर्षल खोब्रागडे, भय्या मानकर,नामदेव पिंपळे,अंकुश वाघमारे सुरेंद्र रायपूरे,राजकुमार जवादे,अवरसिंह गोथरा,पप्पू देशमुख, अनिल डहाके,रवींद्र मोटघरे,किशोर सवाने,अझहर शेख,इरफान शेख,बुद्धप्रकाश वाघमारे,किशोर तेलतुमडे दिलीप वावरे,राजेश वणकर,राजू किर्तक,आनंद शेंडे, सचिन पाटील व अशोक सागोरे यांची प्रमुख उपस्थिती होती.

  • Wear a helmet | धक्कादायक माहिती चंद्रपूर जिल्ह्यात 11 महिन्यात 194 नागरिकांचा मृत्यू

    Wear a helmet

    Wear a helmet : जिल्ह्यात दुचाकी वाहन चालकांच्या अपघाताचे प्रमाण वाढत असून मृत्यूमुखी पडणाऱ्या अनेक दुचाकी स्वारांनी हेल्मेट परिधान न केल्याचे निदर्शनास आले आहे. दुचाकीस्वारांनी हेल्मेट परिधान करणे हे मोटार वाहन कायदा 1988 कलम 129 अन्वये सक्तीचे आहे. जिल्ह्यात जानेवारी ते नोव्हेंबर 2024 पर्यत दुचाकीचे एकुण 384 अपघात झाले असुन त्यात 194 नागरिकांचा मृत्यु झाला आहे. त्यापैकी 166 दुचाकी स्वार गंभीर जखमी झाले आहेत.

    हेल्मेटबाबत सर्वोच्च न्यायालयाने कडक धोरण अवलंबले असून चंद्रपूर पोलीस दलाच्यावतीने हेल्मेट न परीधान करणाऱ्या दुचाकी स्वारांवर कारवाई करण्याचा उद्देश अपघातामध्ये मृत्युदराचे प्रमाण कमी करणे हे आहे.

    चंद्रपुरात राज्यस्तरीय भिंतीचित्र महोत्सवाचे आयोजन

    दि. 10 ते 17 डिसेंबर 2024 या कालावधीत वाहतुक नियंत्रण शाखा, चंद्रपूर व सर्व पोलीस स्टेशनतर्फे हेल्मेटबाबत विशेष मोहिम राबवून 4 हजार 300 विना हेल्मेट दुचाकी स्वारांवर कारवाई करण्यात आली.

    यामध्ये वाहतुक नियंत्रण शाखेतर्फे 3 हजार 493 तर पोलीस स्टेशनतर्फे 807 विना हेल्मेट दुचाकी स्वारांवर कारवाई करण्यात आली आहे.  दि. 17 डिसेंबर 2024 रोजी विसापुर येथील टोलनाक्याजवळ वाहतुक शाखेतर्फे एकुण 1 हजार 97 विना हेल्मेट दुचाकी चालविणाऱ्यांवर कारवाई करण्यात आली आहे. Wear a helmet

    बरेचसे नागरीक हे हेल्मेट परीधान न करता दुचाकी चालवितात. त्यामुळे मोठया प्रमाणात अपघात होतात. नागरीकांच्या सुरक्षेकरीता सदर मोहिम संपुर्ण जिल्हयात राबविण्यात येत आहे. तरी, नागरीकांनी यापुढे दुचाकी चालवितांना हेल्मेट परीधान (traffic rules) करावे. जिल्हयातील वाढते अपघाताचे प्रमाण पाहता सर्व वाहन चालकांनी वाहतुक नियमांचे पालन करावे, असे आवाहन वाहतुक शाखेचे पोलीस निरीक्षक प्रविणकुमार पाटील यांनी केले आहे.

  • chandrapur wall painting : चंद्रपूर मनपातर्फे ” भव्य राज्यस्तरीय भिंतीचित्र महोत्सव “

    chandrapur wall painting

    chandrapur wall painting : चंद्रपूर महानगरपालिकेतर्फे (chandrapur mahanagar palika) भव्य राज्यस्तरीय भिंतीचित्रकला स्पर्धेचे आयोजन करण्यात आले असुन संपुर्ण राज्यातील हरहुन्नरी कलावंतांचा यात समावेश असावे यादृष्टीने प्रयत्न केले जात आहे.


      नववर्षातील 03 जानेवारी ते 06 जानेवारी दरम्यान होणाऱ्या या स्पर्धेत भिंतीचित्र पेंटींग,वृक्ष पेंटींग, क्रीएटीव्ह पेंटींग या ३ स्पर्धा घेण्यात येणार आहे. शहरातील मुख्य दर्शनी भागातील भिंतींवर,वृक्षांवर विविध विषयांवर चित्र रेखाटण्यात येणार असुन महाराष्ट्र राज्याच्या कुठल्याही शहरातील रहिवासी नागरीक यात सहभागी होऊ शकतो. वयाचे बंधन नसल्याने व्यावसायिक तसेच हौशी चित्रकारांना सुद्धा भाग घेता येणार असुन उत्कृष्ट चित्रनिर्मिती करणाऱ्या कलाकारांना पारितोषिक देण्यात येणार आहे.

    गडचांदुरात लालपरीचा अपघात, एकाचा मृत्यू


        त्याचप्रमाणे वृक्ष पेंटींग स्पर्धेत नेमून दिलेल्या झाडांचे सौंदर्यीकरण करणे अपेक्षित आहे. क्रीएटीव्ह पेंटींग स्पर्धेत सार्वजनिक ठिकाणी सभोवताली उपलब्ध असलेल्या वस्तु / झाडी इत्यादींचा वापर करून कलात्मक पेंटींग करणे अपेक्षित आहे. क्रिएटिव्ह पेंटिंग (Creative painting ) करतांना शहरातील सार्वजनिक स्थळांच्या आजूबाजूचा परिसराचा वापर करता येणार आहे उत्कृष्ट संकल्पनेला गौरवान्वित केले जाणार आहे.  

    भाग कसा घ्यावा – https://docs.google.com/forms/d/e/1FAIpQLScJ5a7bq6mLd7MTc-yT4o4UWgI7oD3j6BXJdVhNvNmjTEj_tg/viewform या गुगल लिंकद्वारे स्पर्धेत भाग घेता येईल.सदर लिंक ही मनपाच्या फेसबुकवर सुद्धा उपलब्ध आहे. अधिक माहितीसाठी 8329169743, 9881585846, 7089839525 या मोबाईल क्रमांकांवर संपर्क साधता येईल.    

    बक्षिसे –   भिंतीचित्र पेंटींग स्पर्धेत व्यावसायिक चित्रकारांसाठी वैयक्तीक गट व समुह गट ठेवण्यात आला आहे.
    व्यावसायिक चित्रकार ग्रुप –
    1.  प्रथम – 1 लक्ष 51 हजार रुपये
    2. द्वितीय – 1 लक्ष रुपये
    3. तृतीय – 51 हजार रुपये
    4. प्रोत्साहनपर – 10  बक्षिसे
    व्यावसायिक चित्रकार व्यक्तिगत –
    १. प्रथम – 71 हजार रुपये
    २. द्वितीय – 51 हजार
    ३. तृतीय – 31 हजार रुपये
    ४. प्रोत्साहनपर – 10 बक्षिसे
    वृक्ष पेंटिंग –
    १. प्रथम – 21 हजार रुपये
    २. द्वितीय – 15 हजार
    ३. तृतीय – 11 हजार रुपये  
    क्रिएटिव्ह पेंटिंग –
    १. प्रथम – 21 हजार
    २. द्वितीय – 15 हजार
    ३. तृतीय – 11 हजार

    भाग घेण्यास पात्रता :  स्पर्धेत भाग घेणारे स्पर्धक हे चित्रकलेत पारंगत असावे या दृष्टीने स्पर्धकांसाठी पात्रता निकष ठेवण्यात आले आहेत.
    १. चित्रकला शिक्षक
    २. ललित चित्रकला
    ३. आर्ट डिप्लोमा /एटीडी धारक किंवा प्रवेश घेतलेला  / शिक्षण घेत असणारे ( शिकाऊ विद्यार्थी )
    ४. भिंती चित्रकला / स्पर्धांमधे विजेते असल्याचे प्रमाणपत्र असणारे
    ५. कला किंवा चित्रकला दुकान किंवा तसा पुरावा हवा
    ६. रेखाचित्र मास्टर ( ATD )          

    स्पर्धेचे विषय :
    1. स्वच्छ चंद्रपूर
    2. स्वच्छ भारत
    3.पर्यावरण संरक्षण  
    4. प्लास्टीक बंदी
    5. स्वच्छ हवा
    6. स्वच्छ पाणी
    7. रेन वॉटर हार्वेस्टींग  
    8. माझी वसुंधरा
    9. सौर ऊर्जेचा वापर
    10. बॅटरीचलित वाहनाचा वापर
    11. चंद्रपूरचे ऐतिहासिक वैभव
    12. मलेरिया व डेंग्यू प्रतिबंध
    13. अमृत महोत्सव
    14. 3R reducing, reusing and recycling Waste
    15. रस्ता स रक्षा
    16. वाहतूक नियमांचे पालन 

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by