My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Railway doubling project Vidarbha । विदर्भाला नवी झेप: बल्लारशा-गोंदिया रेल्वे दुहेरीकरणासाठी ४८१९ कोटींची भव्य गुंतवणूक!

    Railway doubling project Vidarbha

    विदर्भातील दळणवळणास नवी दिशा देणारा महत्त्वाकांक्षी प्रकल्प

    Railway doubling project Vidarbha : महाराष्ट्राच्या टोकावर असलेल्या बल्लारशाची सीमा तेलंगणासोबत तर गोंदिया जिल्हा हा मध्य प्रदेश आणि छत्तीसगडला लागून आहे. त्यामुळे बल्लारशा – गोंदिया रेल्वेच्या दुहेरीकरणामुळे सर्वात जास्त फायदा विदर्भाला होईल, असे मुख्यमंत्री देवेंद्र फडणवीस यांनी दूरदृष्यप्रणालीद्वारे आयोजित पत्रकार परिषदेत सांगितले. Ballarshah Gondia railway line update

    चंद्रपूर जिल्ह्यात १७ हजार ४३१ कोटी ची गुंतवणूक

    मुंबई येथून या पत्रकार परिषदेला मुख्यमंत्री फडणवीस यांच्यासह केंद्रीय रेल्वेमंत्री अश्विनी वैष्णव, मुख्य सचिव सुजाता सौनिक तर चंद्रपूर येथे आमदार किशोर जोरगेवार, आमदार सुधीर मुनगंटीवार, जिल्हाधिकारी विनय गौडा जी.सी व पत्रकार उपस्थित होते.  

    Press conference

    यावेळी मुख्यमंत्री श्री. फडणवीस म्हणाले, बल्लारशा – गोंदिया रेल्वे लाईन करिता 4819 कोटी रुपये पंतप्रधान नरेंद्र मोदी आणि रेल्वेमंत्री अश्विनी वैष्णव यांनी उपलब्ध करून दिले, त्याबद्दल मी त्यांचे आभार मानतो. विदर्भाच्या विकासासाठी ही एक महत्त्वाची रेल्वे लाईन आहे. राज्यात रेल्वेचे 1 लक्ष 73 हजार कोटींचे प्रकल्प सुरू असून महाराष्ट्रातील 132 रेल्वे स्टेशनचे अत्याधुनिकीकरण केंद्र सरकारने हाती घेतले आहे. राज्यात छत्रपती शिवाजी महाराज सर्किट सुरू होणार असून मॉडेल रेल्वेच्या माध्यमातून किल्ले व इतर ऐतिहासिक बाबींचे पर्यटन होण्यासाठी 10 दिवसांच्या रेल्वेचे नियोजन आहे, ही आपल्या राज्यासाठी अतिशय आनंदाची बाब आहे. रेल्वे विभागाचे महाराष्ट्राला नेहमीच प्राधान्य राहिले आहे. Gondia Ballarshah rail route development

    पुढे ते म्हणाले, पंतप्रधान नरेंद्र मोदी यांच्या संकल्पनेतून जगातील सर्वात मोठी क्रिएटिव्ह इकॉनोमिक समीट 1 ते 4 मे या कालावधीत मुंबईत होणार आहे. त्यासाठी 100 देशातील प्रतिनिधी उपस्थित राहतील. जगातील सर्वात मोठा इव्हेंट यशस्वी करण्यासाठी केंद्र आणि राज्य सरकार प्रयत्न करीत आहे. रेल्वे मंत्रालयाने मुंबईत इंडियन इन्स्टिट्यूट ऑफ क्रिएटिव्ह टेक्नॉलॉजीच्या निर्मितीला हिरवी झेंडी दिली आहे, असेही मुख्यमंत्री यांनी सांगितले.

    यावेळी रेल्वेमंत्री अश्विनी वैष्णव म्हणाले, पंतप्रधान नरेंद्र मोदी यांनी बल्लारशा – गोंदिया रेल्वे लाईनच्या दुहेरीकरणासाठी 4819 कोटी रुपये मंजूर केले आहे. त्यामुळे उत्तर आणि दक्षिण भाग या रेल्वेच्या माध्यमातून जोडला जाईल. त्याचा फायदा विदर्भ आणि मराठवाड्याला होणार असून या रेल्वे मार्गामुळे आकांक्षीत तालुकेसुद्धा जोडले जातील. पंतप्रधान नरेंद्र मोदी यांनी महाराष्ट्रात अनेक रेल्वे प्रकल्प सुरू केले आहेत. यात जालना -जळगाव रेल्वे प्रकल्प 7160 कोटी, मनमाड- इंदोर प्रकल्प 18000 कोटी, मनमाड -जळगाव प्रकल्प 2700 कोटी, भुसावळ -खंडवा रेल्वे प्रकल्प 3500 कोटी असे एकूण 1 लक्ष 73 हजार कोटींची गुंतवणूक रेल्वेच्या माध्यमातून महाराष्ट्रात करण्यात आली आहे, असे रेल्वेमंत्र्यांनी सांगितले. Gondia Ballarshah rail route development

    असा राहील रेल्वेमार्ग : बल्लारशा – गोंदिया रेल्वे दुहेरीकरणामुळे चंद्रपूर, गडचिरोली, भंडारा आणि गोंदिया जिल्ह्यातील एकूण 29 स्टेशन जोडले जातील. हा रेल्वेमार्ग एकूण 240 किमी लांबीचा असून यावर 36 मोठे पुल, 338 छोटे पूल तर 67 पुल रेल्वे लाईनच्या खाली असणार आहे.

    बल्लारशा–गोंदिया रेल्वे दुहेरीकरण प्रकल्प

    परिचय: प्रकल्पाची पार्श्वभूमी आणि महत्त्व

    प्रकल्पाची तपशीलवार माहिती

    • लांबी: 240 किमी
    • खर्च: ₹4,819 कोटी
    • समाविष्ट जिल्हे: गोंदिया, भंडारा, गडचिरोली, चंद्रपूर

    पायाभूत सुविधा विकास

    • 29 रेल्वे स्थानके
    • 36 मोठे पूल, 338 छोटे पूल
    • 67 रोड अंडर ब्रिजेस (RUBs)
    • आर्थिक आणि सामाजिक लाभ
    • 3.79 कोटी मॅन-आवर्स रोजगार निर्मिती​
    • लॉजिस्टिक खर्चात दरवर्षी ₹2,520 कोटींची बचत​
    • विदर्भ आणि मराठवाड्याचा विकास
    • औद्योगिक आणि पर्यटन क्षेत्रातील संधी
    • आकांक्षित तालुक्यांचा समावेश
    • राष्ट्रीय आणि आंतरराज्यीय कनेक्टिव्हिटी
    • उत्तर आणि दक्षिण भारतातील प्रवासी व मालवाहतूक सुलभता
    • पर्यावरणीय आणि इंधन बचत
    • दरवर्षी 22 कोटी लिटर डिझेलची बचत​
    • भविष्यकालीन योजना आणि अपेक्षित परिणाम
    • प्रकल्पाची अंमलबजावणी वेळापत्रक
    • स्थानिक अर्थव्यवस्थेवरील प्रभाव

  • Industrial investment in Chandrapur । चंद्रपूरमध्ये औद्योगिक क्रांती! तब्बल ₹17,431 कोटींची गुंतवणूक आणि 14,100 रोजगारांची हमी

    Industrial investment in Chandrapur

    Industrial investment in Chandrapur : राज्य शासनाच्या 100 दिवसांच्या कृती कार्यक्रमाचा एक भाग असलेल्या ‘औद्योगिक गुंतवणुकीस पोषक वातावरण निर्मिती’ अंतर्गत चंद्रपूर जिल्ह्यात उद्योगांना भरारी देण्यासाठी 12 कंपन्यांसोबत सामंजस्य करार करण्यात आले. या उद्योगातून जिल्ह्यात 17431 कोटींची गुंतवणूक होणार असून त्यातून थेट 14100 रोजगार उपलब्ध होणार आहे. Chandrapur steel industry growth

    चंद्रपूर जिल्हा परिषदेत लाचलुचपत विभागाची मोठी कारवाई, ४ लाख २० हजारांची लाच स्वीकारताना तिघांना अटक

    नियोजन भवन येथे आज (दि.) जिल्हा प्रशासन व जिल्हा उद्योग केंद्राच्या वतीने डिस्ट्रीक्ट इन्व्हेस्टमेंट समीट – 2025 चे आयोजन करण्यात आले. यावेळी मंचावर आमदार सुधीर मुनगंटीवार, आमदार किशोर जोरगेवार, जिल्हाधिकारी विनय गौडा जी.सी., मुख्य कार्यकारी अधिकारी विवेक जॉन्सन, उद्योग विभागाचे सहसंचालक गजेंद्र भारती, मैत्री संस्थेचे नोडल अधिकारी पद्माकर हजारे, बांबू संशोधन व प्रशिक्षण केंद्राचे संचालक अशोक खडसे, जिल्हा उद्योग केंद्राचे महाव्यवस्थापक ऋतुराज सुर्य, विनोद ठोंबरे आदी उपस्थित होते.

    यावेळी आमदार सुधीर मुनगंटीवार म्हणाले, महाराष्ट्राच्या उद्योग क्रांतीमध्ये चंद्रपूर जिल्हा अग्रेसर असावा. आज सामंजस्य करार झालेल्या 12 उद्योगांपैकी 7 स्टील उद्योग आहेत. राज्यातील एकूण खनीज संपत्तीपैकी नागपूर विभागात 60 टक्के खनीज आहे, तर नागपूर विभागाच्या एकूण खनीजांपैकी 75 टक्के खनीज संपत्ती चंद्रपूर आणि गडचिरोली जिल्ह्यात आहे. विविध क्षेत्रातील उद्योग चंद्रपुरात यावे, यासाठी सर्वांनी एकत्रित प्रयत्न करणे गरजेचे आहे. उद्योगांसाठी जागा, पाणी, व इतर मुलभूत सोयीसुविधा चंद्रपूरमध्ये उपलब्ध असल्याचे त्यांनी सांगितले. Chandrapur investment summit 2025

    आमदार किशोर जोरगेवार म्हणाले, चंद्रपूर जिल्हा देशाच्या मध्यभागी असून उद्योगांसाठी वीज, रस्ते, पाणी आणि जमीन येथे मुबलक प्रमाणात आहे. तसेच दळणवळणाच्या उत्तम सोयीसुविधा असल्यामुळे गुंतवणूकदार येथे येतात. जिल्ह्यातील 35 हजार एकर जागा उद्योगांना द्यावी लागणार आहे. सामंजस्य करार झालेल्या उद्योजकांनी चंद्रपूरची निवड करून एक चांगले पाऊल टाकले आहे. येथील गुंतवणुकीमुळे तुमच्या उद्योगाला भरभराटी मिळेल, असा विश्वास त्यांनी व्यक्त केला.

    chandrapur steel industry growth

    यावेळी जिल्हाधिकारी विनय गौडा म्हणाले, सामंजस्य कराराची केवळ सुरूवात आहे. उद्योजकांना जिल्हा प्रशासन पूर्ण सहकार्य करेल. या उद्योगांमुळे जिल्ह्यात रोजगारनिर्मिती होण्यास मदत मिळेल. जिल्ह्यात गुंतवणूकदारांना प्रोत्साहन देणे, त्यांना मुलभूत सोयीसुविधा उपलब्ध करून देणे, जिल्ह्याचा सर्वांगीण विकास करून विकसीत भारत, विकसीत महाराष्ट्रासाठी एक संधी उपलब्ध करून देण्यासाठी या कार्यक्रमाचे आयेाजन करण्यात आले आहे. जिल्ह्यात इन्व्हेंस्टमेंट प्रमोशन कमिटी स्थापन करण्यात आली असून या माध्यमातून अडीअडचणी सोडविण्यात येत आहे, असे त्यांनी सांगितले. Chandrapur investment summit 2025

    यावेळी जिल्हाधिकारी आणि उद्योजकांचे प्रतिनिधी यांच्यात सामंजस्य करार करण्यात आले. कार्यक्रमाचे प्रास्ताविक सहसंचालक गजेंद्र भारती यांनी केले. संचालक श्याम हेडाऊ यांनी तर आभार महाव्यवस्थापक ऋतुराज सूर्य यांनी मानले.

    सर्वाधिक गुंतवणूक चंद्रपूर जिल्ह्यात : सामंजस्य करार करण्यात आलेल्या 12 कंपन्यांपैकी 7 उद्योग स्टील क्षेत्राशी संबंधित आहे. तर मायनिंग, बायोफ्यूएल, रेल्वे इन्फ्रास्ट्रक्चर, डिफेन्स मॅन्युफॅक्चरींग आणि केमिकल टेस्टींग क्षेत्राशी संबंधित प्रत्येकी एक उद्योग आहे. विशेष म्हणजे शासनाने नागपूर विभागाला 14 हजार कोटींचे लक्ष्य दिलेले असताना एकट्या चंद्रपूर जिल्ह्याने 17431 कोटींची गुंतवणूक आकर्षित केली आहे. ही गुंतवणूक यावर्षी आतापर्यंत राज्यात कोणत्याही एका जिल्ह्याने आकर्षित केलेली सर्वाधिक आहे. Chandrapur industrial projects

     अशी होणार गुंतवणूक आणि रोजगारक्षमता : 1) दिनानाथ अलॉएड स्टील प्रा. लिमिटेड 500 कोटी गुंतवणूक, 700 रोजगार निर्मिती, 2) डब्ल्यूसीएल भटाडी 729 कोटी गुंतवणूक, 425 रोजगार निर्मिती, 3)जी. आर. क्रिष्ण फेरो अलॉय प्रा. लिमि 750 कोटी गुंतवणूक, 1000 रोजगार निर्मिती, 4) भाग्यलक्ष्मी स्पाँज प्रा. लिमि  1053 कोटी गुंतवणूक, 750 रोजगार निर्मिती, 5) चमन मेटॅलिक लिमि 450 कोटी गुंतवणूक, 650 रोजगार निर्मिती, 6) गोवा स्पाँज ॲन्ड पॉवर लिमि 2000 कोटी गुंतवणूक, 1500 रोजगार निर्मिती, 7) कार्निव्हल इंडस्ट्रिज प्रा. लिमि 320 कोटी गुंतवणूक, 550 रोजगार निर्मिती, 8) पाटील रेल इन्फ्रास्ट्रक्चर प्रा. लिमि 100 कोटी गुंतवणूक, 250 रोजगार निर्मिती, 9) ग्रेटा एनर्जी लिमि 10319 कोटी गुंतवणूक, 7000 रोजगार निर्मिती, 10) डीएनडी एन्टरप्रायजेस प्रा. लिमि  100 कोटी गुंतवणूक, 250 रोजगार निर्मिती, 11) कालिका स्टील ॲन्ड पॉवर प्रा. लिमि 1100 कोटी गुंतवणूक, 1000 रोजगार निर्मिती, 12) जेपी असोसिएट्स लेबॉरटरीज 10 कोटींची गुंतवणूक आणि 25 रोजगारनिर्मिती.

  • Anti corruption raid in Chandrapur । चंद्रपूरमध्ये लाचखोरीचा भंडाफोड; अभियंता, सहाय्यक आणि परिचर रंगेहात अटकेत

    Anti corruption raid in Chandrapur

    ४.२० लाखांची लाच घेताना अधिकारी रंगेहात पकडले

    Anti corruption raid in Chandrapur : १० एप्रिल रोजी चंद्रपूर लाचलुचपत प्रतिबंधक विभागाने मोठी कारवाई करीत जिल्हा परिषद मधील ग्रामीण पाणी पुरवठा विभागात कार्यरत कार्यकारी अभियंता, वरिष्ठ सहायक ग्रामीण पाणी पुरवठा विभाग व कंत्राटी परिचर यांना ४ लाख २० हजार रुपयांची लाच घेताना रंगेहात अटक करण्यात आली आहे, लाचलुचपत विभागाच्या या कारवाईने जिल्हा परिषद वर्तुळात चांगलीच खळबळ उडाली आहे. government officer caught taking bribe

    चंद्रपूर जिल्ह्यातील ४ मनसे पदाधिकाऱ्यांवर गुन्हे दाखल

    शासनाच्या जल जीवन मिशन कार्यक्रमांतर्गत जिवती आणि राजुरा तालुक्यातील २३ गावांमध्ये पाणी पुरवठा संबंधी कामे जिवती येथील कंत्राटदाराने केले होते. १० गावातील कामांचे बिले ग्रामीण पाणी पुरवठा विभाग जिल्हा परिषद चंद्रपूर येथे मंजुरीकरिता सादर केले होते, त्यापैकी ५ गावातील कामांचे ४३ लक्ष रुपयांचे बिले कंत्राटदार यांना मिळाले. उर्वरित बिले मंजूर करण्यासाठी ग्रामीण पाणी पुरवठा विभागाचे कार्यकारी अभियंता हर्ष यशोराम बोहरे यांनी ४ लक्ष रुपयांची लाच संबंधित कंत्राटदाराला मागितली. Jal Jeevan Mission corruption

    लाचेची रक्कम वरिष्ठ सहायक सुशील गुंडावार यांच्याकडे देण्यास सांगितले. वरिष्ठ अधिकाऱ्याला ४ लक्ष रुपये मिळणार हि बाब गुंडावार यांना समजताच त्यांनी सुद्धा स्वतःसाठी २० हजार रुपयांची लाच मागितली. दोन्ही अधिकाऱ्यांचे एकूण ४ लक्ष २० हजार रुपये द्यावे लागणार असे समजताच कंत्राटदार यांनी चंद्रपूर लाचलुचपत विभागाकडे याबाबत तक्रार दिली.

    तक्रार प्राप्त झाल्यावर ७ एप्रिल ते ९ एप्रिल रोजी तक्रारीची पडताळणी करण्यात आली. १० एप्रिल रोजी चंद्रपूर लाचलुचपत विभागाने सापळा रचला असता चंद्रपूर जिल्हा परिषद परिसरात वरिष्ठ सहायक सुशील गुंडावार यांनी ४ लक्ष २० हजार रुपये पंचासमक्ष स्वीकारत, लाचेच्या रकमेतील २० हजार रुपये स्वतःसाठी काढले आणि उर्वरित ४ लक्ष रुपये परिचर मतीन शेख यांच्याकडे देत साहेबांच्या घरी नेऊन द्या असे सांगितले. शेख यांनी सदर रक्कम कार्यकारी अभियंता हर्ष बोहरे यांच्या घरी नेऊन दिली असता त्यावेळी लाचलुचपत विभागाने हर्ष बोहरे, सुशील गुंडावार व मतीन शेख यांना रंगेहात अटक केली.

    ११ एप्रिल रोजी तिन्ही लोकसेवक विरोधात रामनगर पोलीस स्टेशन चंद्रपूर मध्ये तक्रार नोंदविण्यात आला आहे. काही दिवसांपूर्वी लाचलुचपत विभागाने तहसीलदार व तलाठी यांच्यावर कारवाई केली होती, महसूल नंतर मिनी मंत्रालयातील अधिकारी लाचखोरी मध्ये अडकल्याने चंद्रपूर जिल्हा प्रशासनात चांगलीच खळबळ उडाली आहे.

    सदरची यशस्वी कारवाई पोलीस अधीक्षक दिगंबर प्रधान, अप्पर पोलीस अधीक्षक संजय पुरंदरे यांच्या मार्गदर्शनाखाली पोलीस उपअधीक्षक मंजूषा भोसले यांच्या नेतृत्वात पोलीस निरीक्षक जितेंद्र गुरनुले, पोलीस कर्मचारी शिवराज नेवारे, नरेशकुमार नन्नावरे, रोशन चांदेकर, अमोल सिडाम, प्रवीण ताडाम, वैभव गाडगे, पुष्पा काचोळे, सतीश सिडाम व संदीप कौरासे यांनी केली.

    ब्रेकिंग अपडेट – लाचखोर अभियंता हर्ष बोहरे यांच्या निवासस्थानी चंद्रपूर लाचलुचपत विभागाला 7 लाख 99 हजार 510 रुपयांची रोख रक्कम आढळली आहे. तिन्ही आरोपीना 2 दिवसांची पोलीस कोठडी सुनावण्यात आली आहे.

  • MNS leaders Chandrapur । ट्रक चालकाला धमकी प्रकरणाने MNS ला धक्का – Chandrapur मधील 4 पदाधिकारी अडचणीत

    MNS leaders Chandrapur

    मनसे पदाधिकाऱ्यांवर वसुलीचा आरोप नेमका काय?

    MNS leaders Chandrapur : चंद्रपूर – चंद्रपूर जिल्ह्यातील ४ मनसे पदाधिकारी यांच्यावर एकाचवेळी ट्रक चालकाला पैसे व धमकवल्याप्रकरणी गुन्हा दाखल झाल्याने राजकीय वर्तुळात चांगलीच खळबळ उडाली आहे, मात्र यावर मनसे पदाधिकारी यांनी पोलिसांनी चुकीच्या पद्धतीने गुन्हे दाखल करीत आम्हाला फसविण्याचा प्रयत्न केल्याचा आरोप लावला आहे. याबाबत मनसे पदाधिकारी यांनी १० एप्रिल रोजी पत्रकार परिषद घेत पोलिसांवर गंभीर आरोप केले आहे.

    चंद्रपूर जिल्हा परिषद मधील ग्रामीण पाणी पुरवठा विभागातील कार्यकारी अभियंता व वरिष्ठ सहायक सहित परिचराला 4 लाख 20 हजार रुपयांची लाच घेताना अटक

    मनसेचे जिल्हा उपाध्यक्ष राजू कुकडे, कामगार सेना जिल्हाध्यक्ष अमन अन्देवार, वाहतूक सेना जिल्हाध्यक्ष महेश वासलवार व मनसे विधी कक्ष जिल्हाध्यक्ष सुनील गुडे यांच्यावर विविध कलमांतर्गत सावली पोलीस स्टेशनमध्ये गुन्हा दाखल करण्यात आला आहे. extortion case

    आपले सरकार पोर्टल ५ दिवस बंद

    प्रकरण काय?

    ७ एप्रिलला हायवा वाहन चालक ३३ वर्षीय विनोद दिवाकर माधुरें हा वाहनात रेती भरून जात होता, त्यावेळी खेडी फाट्यासमोर एक चारचाकी वाहनातील काही व्यक्तींनी हायवा थांबविण्याचा इशारा केला, त्या वाहनातून ४ व्यक्ती बाहेर आले व अश्लील शब्दात शिवीगाळ करू लागले, त्या व्यक्तीने हायवा ट्रक ची चाबी काढली, त्यानंतर वाहनात काय आहे? त्यामध्ये रेती असल्याचे सांगताच रॉयल्टी आहे काय? वाहन ओव्हरलोड आहे, आम्हांला पैसे द्या नाहीतर प्रादेशिक परिवहन विभागाला तक्रार करण्याची धमकी देऊ लागले, पैसे नसल्याने वाहन चालक माधुरे यांनी असमर्थता दाखवली. काही वेळात त्या ४ व्यक्तींनी सावली पोलिसांना फोन करीत बोलावले. Political updates Maharashtra

    काही वेळात सावली पोलीस त्याठिकाणी आली हायवा ट्र्क चे कागदपत्रे तपासली, त्या ४ व्यक्तींनी अश्लील शब्दात शिवीगाळ करीत पैसे मागितले अशी तक्रार माधुरे यांनी सावली पोलीस स्टेशनमध्ये केली.

    यानंतर सावली पोलिसांनी मनसे कामगार सेना जिल्हाध्यक्ष अमन अन्देवार, वाहतूक सेना जिल्हाध्यक्ष महेश वासलवार, विधी कक्ष जिल्हाध्यक्ष सुनील गुडे आणि मनसे जिल्हा उपाध्यक्ष राजू कुकडे यांच्यावर बीएनएस कलम 115 (2), 126 (2), 296, 3(5), 308 (3), 351 (2) अंतर्गत गुन्हे दाखल केले. Maharashtra Navnirman Sena news

    मनसे पदाधिकारी म्हणतात आमच्यावर चुकीचा गुन्हा?

    १० एप्रिलला मनसे पदाधिकारी यांनी पत्रकार परिषद घेत या प्रकाराबद्दल स्पष्टीकरण दिले, ७ एप्रिलला आम्ही सर्व पदाधिकारी हिरापूर टोल नाक्याजवळ शाखा उदघाटन करण्यासाठी गेलो होतो, परत येत असताना खेडी फाट्याजवळ एक हायवा ट्रक सुसाट व अनियंत्रितपणे जात होता, पुढे काही अपघात होण्यापूर्वी आम्ही त्या हायवा ट्रक ला थांबवित, वाहन चालकाला याबाबत जाब विचारला त्यावेळी वाहन चालक हा दारू पिऊन होता, याबाबत आम्ही आरटीओ व सावली पोलिसांना माहिती दिली, हायवा ट्र्क चालक माधुरे वर आम्ही ड्रंक अँड ड्राइव्ह चा गुन्हा दाखल करू अशी बतावणी पोलिसानी केली, त्यांनतर आम्ही चारही पदाधिकारी तिथून परत चंद्रपूरला आलो.

    फिर्यादी म्हणतो पोलिसांनीच मला मारहाण केली

    मात्र दुसऱ्या दिवशी उलट आमच्यावर विविध कलम अंतर्गत गुन्हे दाखल झाले असल्याचे समजले, वाहन चालक माधुरे यांनी आमच्याशी संपर्क साधत मला पोलिसांनी मारहाण करीत दबाव टाकला व गुन्हा दाखल करण्यासाठी भाग पाडले असे सांगितले. विशेष बाब म्हणजे वाहनचालक विनोद दिवाकर माधुरे हे स्वतः पत्रकार परिषदेत उपस्थित होते, ते म्हणाले कि पोलिसांनी मला मारहाण करीत गुन्हा दाखल करण्यास भाग पाडले.

    पोलीस म्हणतात आम्ही नियमाप्रमाणे काम केले

    याबाबत सावली पोलीस स्टेशनचे पोलीस निरीक्षक प्रदीप पुरुलवार म्हणाले कि आम्ही कायद्याच्या अधीन राहून गुन्हे दाखल केले आहे, ७ एप्रिलला जो प्रकार घडला त्याबाबत वाहनचालक माधुरे यांनी दिलेल्या बयानावरून आम्ही गुन्हे दाखल केले आहे, राहिला प्रश्न वाहन चालकाने आमच्यावर जे मारहाणीचे आरोप केले तर आमच्या पोलीस स्टेशनमध्ये २४ तास सीसीटीव्ही सुरु असतात,वाहन चालक हा मद्यप्राशन करून होता त्याच्यावर ड्रंक अँड ड्राइव्ह चा गुन्हा दाखल करण्यात आला आहे. आज चालक आमच्यावर आरोप करीत असेल तर त्याच्यावर सुद्धा आरोपींनी दबाव आणला असेल. विशेष बाब म्हणजे मनसे पदाधिकाऱ्यांनी किती पैसे मागितले याबाबत काही उत्तर मिळाले नाही. तक्रारीत सुद्धा त्याबाबत उल्लेख नाही, त्यामुळे सदर कारवाई ही सूडबुद्धीने झाली असे म्हटल्यास वावगं ठरणार नाही.

    चंद्रपूर जिल्ह्यात एकीकडे गुन्हेगारीने राक्षसी रूप धारण केले आहे, मागील वर्ष भरात जिल्ह्यात गंभीर गुन्हे घडलेले आहे, त्यावर अजूनही पोलीस दलातर्फे ठोस पाऊले उचलली जात नसून केवळ कारवाईचा फास फेकण्याचे काम सुरु आहे. अश्यात मनसे पदाधिकारी यांच्यावर गुन्हे दाखल झाल्याने त्यांनी पोलिसांच्या कारवाईवर प्रश्नचिन्ह उपस्थित करीत गंभीर आरोप केले आहे. मनसे पदाधिकारी यांनी यावर मुख्यमंत्री देवेंद्र फडणवीस, मनसे अध्यक्ष राज ठाकरे व पोलीस महानिरीक्षक दिलीप भुजबळ यांच्याकडे तक्रार दाखल केली आहे.

  • Wcl Wani Area । नोकरी, पुनर्वसन आणि बेकायदा उत्खनन : अहीर यांनी वेकोलि प्रशासनाला धारेवर धरले!

    Wcl Wani Area

    अहीरांच्या अध्यक्षतेखाली वणीत महत्वपूर्ण बैठक; जमीन, रोजगार आणि कोळसा चोरीच्या प्रश्नांवर मंथन

    Wcl Wani Area चंद्रपूर: दि. ०८ एप्रिल रोजी वणी क्षेत्रीय महाप्रबंधक कार्यालय, उर्जाग्राम, ताडाली येथे राष्ट्रीय  मागासवर्ग आयोगाचे अध्यक्ष तथा पूर्व केंद्रीय गृह राज्यमंत्री हंसराज अहीर(Hansraj Ahir) यांचे द्वारे वणी क्षेत्राशी  संबंधित जमीन अधिग्रहण, रोजगार, ओव्हर बर्डन कंपनीमध्ये स्थानिक युवकांना शासन निर्णयानुसार ८० टक्के रोजगार, एचपीसी वेजेस व कामगारांचे इतर प्रश्न, गाडेगाव ओसीएम परियोजनेतून सेक्शन ७ नंतर सुटलेली जमीन अधिग्रहण, निलजई परियोजनेतून सुटलेली उकणी येथील जमीन अधिग्रहण व पुनर्वसन, खाण परिसरातील कोळसा चोरी व वाढती गुन्हेगारी यावर मर्यादा आणण्यासाठी ड्रोन सेवेचा वापर, नविन प्रस्तावित परियोजनांची विद्यमान स्थिती, गावांचे पुनर्वसन, ५ वर्ष मर्यादेसाठी प्रलंबित नोकरी प्रस्ताव, न्यायालय प्रलंबित नोकरी प्रस्ताव या व अन्य विषयांवर बैठक पार पडली.

    मनसेचे मनोज तांबेकर रुग्णांसाठी ठरले देवदूत

                    मुख्यमहाप्रबंधक वेकोलि, वणी क्षेत्र आभासचंद्र सिंग, क्षेत्रीय कार्मिक प्रबंधक बिनेज कुमार, सुजित कुमार पिशारेड्डी महाप्रबंधक संचालन, संजय जामगडे क्षेत्रीय नियोजन अधिकारी तसेच संजय तिवारी, मनोहर झाडे सरपंच गाडेगाव, शाम कनकम, यांचेसह गाडेगाव, विरूर, बोरगाव तसेच विविध परियोजनेतील प्रकल्पग्रस्तांची बैठकीत उपस्थिती होती.

                    निलजई प्रकल्पात उकणी येथील उर्वरित जमीन अधिग्रहणबाबत प्रस्ताव मुख्यालयाला पाठवण्यात आल्याची तसेच गावाच्या पुनर्वसनाच्या संदर्भात बेस लाईन सर्वे झालेला असल्याची माहिती प्रबंधनाद्वारे देण्यात आली. तसेच गाडेगाव एक्सपॉन्शन ओसीएम प्रकल्पात सेक्शन ७ साठी गेलेल्या ६६५ हेक्टर जमिनीपैकी सोनुर्ली १० हेक्टर, विरूर ४० हेक्टर, जमीन सेक्शन ९ च्या वेळेस कमी करण्यात आल्याचा विषय या दरम्यान चर्चेला आला. आणि या उर्वरित जमिनीच्या अधिग्रहणाचा प्रस्ताव सदर बैठकीचा संदर्भ देवून वेकोलि मुख्यालयाला पाठविण्यात यावा असे निर्देश मा. महोदयांनी दिले. hansraj ahir

                    विरूर गावाच्या पुनर्वसन संदर्भात उर्वरित ६५ परिवारांना मुख्यतः प्लॉट देण्यात यावे किंवा याबद्दल्यात मिळणारा मोबदला वाढीव स्वरूपात देण्यात यावा याबाबत प्रस्ताव तयार करून वेकोलि मुख्यालयाला पाठविण्याचे निर्देश अहीरांनी दिले. तसेच वणी क्षेत्रामध्ये प्रस्तावित प्रकल्प ज्यामध्ये, कोलगांव परियोजना सेक्शन ११ साठी, गाडेगाव एक्सपॉन्शन ओसीएम परियोजना सेक्शन ९ साठी, मुंगोली नॉर्थ एक्सटेन्शन सेक्शन ४ साठी प्रस्तावित तर निलजई डिप हा प्रकल्प सुध्दा भविष्यात होणार असल्याची माहिती क्षेत्रीय महाप्रबंधक यांनी दिली. wcl wani area

                    विविध प्रकल्पातील अर्थहिन न्यायीक दाव्यांमुळे प्रलंबित असलेल्या नोकरी प्रस्तावांची छानणी करून सातबारा धारकांच्या बाजुने गुणवत्ता प्राप्त दाव्यातील रोजगार प्रस्ताव क्षतीपुर्ती बंधपत्र दाखल करून मंजूर करण्यासाठी वेकोलि मुख्यालयाला प्रेषित करावे असेही हंसराज अहीर म्हणाले.

                    वेकोलि अधिनस्त कार्यरत असलेल्या ओव्हर बर्डन कंत्राटी कंपन्यांमध्ये रोजगार देतांना राज्यशासनाच्या ८०:२० प्रमाणात स्थानिक युवकांना प्राधान्य देण्याच्या शासन निर्णयाचे काटेकोर पालन करण्याबाबत प्रबंधनाने पावले उचलावित यासाठी ऑपरेटर ट्रेनिंग कार्यक्रम वेकोलि प्रबंधनाच्या माध्यमातून राबवण्यात यावा व स्थानिक युवकांना वॉल्वो/आयशर या कंपनीमध्ये कार्यरत गाड्यांवर ऑपरेटर म्हणून सक्षम करून रोजगाराची संधी द्यावी. तसेच सुपरवायझर, हेल्पर यामध्ये सुध्दा स्थानिक डिप्लोमा, आयटीआय धारक युवकांना प्राधान्य देण्याच्या तसेच कामगारांना एचपीसी वेजेस, नियमित तारखेला वेतन व वैद्यकीय सुविधा देण्याच्या सुचना आयोगाच्या माध्यमातून करण्यात आल्या.

                    बैठकीला मारोती पिंपळकर, रविदास करमनकर, संजय राव, सुनिल पाचभाई, निलेश राव, तासिंग चंदेल, विलास चौधरी, महादेव नभिलकर, प्रणय डंभारे, आशय चंदनखेडे यांचेसह अन्य प्रकल्पग्रस्त शेतकरी बांधव उपस्थित होते.

  • public hospital ambulance shortage । रुग्णाला रात्रभर रुग्णवाहिकेची प्रतीक्षा – मनसेच्या तत्परतेमुळे वाचला जीव!

    public hospital ambulance shortage

    “मनोज तांबेकर यांच्या तात्काळ प्रयत्नामुळे टळली जीवितहानी”

    public hospital ambulance shortage : चंद्रपूर: महाराष्ट्र नवनिर्माण सेनेचे (मनसे) चंद्रपूर रोजगार स्वयंरोजगार विभागाचे जिल्हाध्यक्ष मनोज भाऊ तांबेकर यांनी सार्वजनिक रुग्णालयातील रुग्णवाहिकांच्या अपुऱ्या संख्येवरून आवाज उठवला आहे. त्यांच्या तत्परतेमुळे एका गंभीर रुग्णाला वेळेत मदत मिळाली, तर दुसरीकडे रुग्णालयात अधिक रुग्णवाहिका उपलब्ध करून देण्याची मागणी मनसेने केली आहे.

    घटनेनुसार, दिनांक ५ एप्रिल २०२५ रोजी सार्वजनिक रुग्णालय चंद्रपूर येथील वार्ड क्रमांक ८ मध्ये दाखल असलेले बंडू सती बावणे या रुग्णाची तब्येत अचानक बिघडली. डॉक्टरांनी त्यांना तातडीने नागपूर येथे हलवण्याचा सल्ला दिला. रुग्णाच्या कुटुंबीयांनी रुग्णवाहिकेसाठी १०८ या टोल-फ्री क्रमांकावर संपर्क साधला, परंतु त्यांना रात्री १० वाजेपर्यंत रुग्णवाहिका उपलब्ध झाली नाही. ambulance availability in government hospitals

    चंद्रपूर जिल्ह्यातील दारू दुकान परवाना वाटपात कोट्यवधींचा घोटाळा

    या परिस्थितीत रुग्णाच्या कुटुंबीयांनी मनसेचे चंद्रपूर रोजगार स्वयंरोजगार विभागाचे जिल्हाध्यक्ष मनोज भाऊ तांबेकर यांच्याशी संपर्क साधला. तांबेकर यांनी तात्काळ रुग्णालयात धाव घेतली आणि रुग्णालयाचे डीन डॉ. कांबळे यांच्याशी संपर्क साधून त्वरित रुग्णवाहिकेची व्यवस्था केली. त्यामुळे रात्री १२ वाजता रुग्णाला नागपूर येथे हलवणे शक्य झाले.

    या घटनेच्या पार्श्वभूमीवर, आज दिनांक ९ एप्रिल २०२५ रोजी मनसे रोजगार स्वयंरोजगार जिल्हाध्यक्ष मनोज भाऊ तांबेकर यांच्या नेतृत्वात मनसे कार्यकर्त्यांनी सार्वजनिक रुग्णालयात जाऊन तेथील सी.एस. डॉ. महादेव चिंचोडे यांना भेटून रुग्णालयातील समस्या निदर्शनास आणून दिल्या. तसेच, रुग्णालयाला अधिक रुग्णवाहिका उपलब्ध करून देण्याची मागणी निवेदनाद्वारे करण्यात आली. emergency medical services shortage India

    यावेळी मनसेचे जिल्हा उपाध्यक्ष रोजगार स्वयंरोजगार विभाग राज वर्मा, शहर संघटक रोजगार स्वयंरोजगार विभाग संदीप पटेल, शहर अध्यक्षा महिला सेना वर्षाताई भोमले, शहर उपाध्यक्षा महिला सेना मंदाताई कऱ्हाडे यांच्यासह अनेक मनसैनिक उपस्थित होते. मनसेने रुग्णवाहिकांची संख्या वाढवण्याची मागणी करत प्रशासनाचे लक्ष वेधले आहे.

  • liquor license scam Chandrapur । “दारू दुकान वाटपात कोटींचा घोटाळा? चंद्रपूरमध्ये SIT चौकशीला वेग!”

    liquor license scam Chandrapur

    पप्पू देशमुख यांनी 177 पानांचे पुरावे देत SIT कडे केली तक्रार; धार्मिक स्थळे, शाळा जवळ अनधिकृत दुकानांना परवाने – नागरिकांना तक्रारीसाठी पुन्हा एक संधी

    liquor license scam Chandrapur चंद्रपूर : जिल्ह्यातील दारूबंदी हटवल्यानंतर नवीन दारू दुकान वाटप व जुन्या दारू दुकानांचे स्थलांतरण करताना अनेक प्रकरणात अनियमितता आढळल्याने शासनाने चौकशीसाठी एसआयटी ची स्थापना केली. जनविकास सेनेचे संस्थापक अध्यक्ष पप्पू देशमुख यांनी दिनांक 8 एप्रिल रोजी एसआयटी ला 177 पानांची पुराव्यासह तक्रार केली. SIT investigation liquor license Maharashtra

    आपले सरकार पोर्टल ५ दिवस बंद राहणार


    जुन्या दारू दुकानाचे स्थलांतरण करताना किंवा नवीन दुकानाला मंजुरी देताना सदर इमारत किंवा गाळ्याचे बांधकाम अधिकृत असणे गरजेचे आहे. मंजुरी देण्यापूर्वी स्थानिक स्वराज्य संस्थेच्या सक्षम अधिकाऱ्याने मौका चौकशी करून तसा अहवाल उत्पादन शुल्क विभागाला देणे गरजेचे असताना चंद्रपूर महानगरपालिका हद्दीतील एकाही दुकानासाठी अशा प्रकारचा अहवाल घेण्यात आला नाही. माजी नगरसेवक देशमुख यांच्या तक्रारीनंतर महानगरपालिकेचे तत्कालीन आयुक्त यांनी उत्पादन शुल्क विभागाला पत्र सुद्धा दिले होते. Chandrapur liquor permit irregularities

    याच्या पुराव्याखातर नागपूर रोडवरील देशी दारू दुकान, दाताळा रोडवरील देशी दारू दुकान अशा काही दुकानांच्या मंजुरीच्या सर्व कागदपत्रांची प्रत जन विकास सेनेने एसआटी ला दिली.


    जैन मंदिराच्या मागे असलेल्या केबी बियर शॉपी चे अंतर मंदिराच्या प्रवेशद्वारापासून केवळ 30 मीटरवर आहे. परंतु तालुका भूमी अभिलेख कार्यालयाने हे अंतर 50 मीटर असल्याचा अहवाल राज्य उत्पादन शुल्क विभागाला दिला. रघुवंशी कॉम्प्लेक्सच्या दोन्ही बाजूला लागून शाळा असताना या ठिकाणी पोलीस विभागाने चुकीचे अहवाल दिले.


    दारू दुकानांचे वाटप व स्थलांतरण करताना 18 ते 20 कोटी रुपयांचे देवाण-घेवाण झाल्याचा व यामध्ये महसूल विभाग, पोलीस विभाग तसेच राज्य उत्पादन शुल्क विभागाचे अधिकारी-कर्मचारी सामील असल्याचा लेखी आरोप देशमुख यांनी दिनांक 5 जुलै 2022 रोजी लाच लुचपत प्रतिबंधक विभागाचे राज्याचे महासंचालक व चंद्रपूर जिल्ह्याचे उपअधीक्षक यांना दिलेल्या तक्रारीत केला होता. या तक्रारीच्या अनुषंगाने 10 नोव्हेंबर 2022 रोजी लाच लुचपत प्रतिबंधक विभागाने देशमुख यांचे बयान नोंदवून पुराव्यासह संपूर्ण अहवाल वरिष्ठ अधिकाऱ्यांना पाठवला होता. Maharashtra ACB liquor license scam

    sit investigation liquor license maharashtra


    याबाबत जनविकासनेने उत्पादन शुल्क विभागाचे तत्कालीन मंत्री शंभूराजे देसाई, प्रधान सचिव मिलिंद म्हैसकर व आयुक्त विजय सूर्यवंशी यांना सुद्धा मार्च 2023 मध्ये लेखी तक्रार केली होती. तक्रारीमध्ये नागपूर रोडवरील महालक्ष्मी टावर,दाताळा रोडवरील प्रवीण जुमडे यांच्या इमारतीमधील ,श्रीकृष्ण टॉकीज जवळील कॉम्प्लेक्स मध्ये तसेच नागवी येथील वैभव पिसे यांच्या घरी असलेले देशी दारू दुकान, जैन मंदिर ला लागून असलेली केबी बियर शॉपी, रघुवंशी कॉम्प्लेक्समधील परमिट रूम इत्यादी दारू दुकानांचा समावेश आहे.


    तक्रार करण्यासाठी तारखेची मर्यादा नाही

    नागरिकांनी चंद्रपूरच्या लाच लुचपत प्रतिबंधक विभागामध्ये तक्रार करावी

    नागरिकांच्या प्रत्यक्ष तक्रारी स्वीकारण्यासाठी एसआयटी पथक 7 व 8 एप्रिल रोजी चंद्रपूरला आले होते. यावरून केवळ 7 व 8 एप्रिल ला तक्रारी स्वीकारण्यात येतील असा संभ्रम निर्माण झाला. पप्पू देशमुख यांनी याबाबत एसआयटी पथकाचे प्रमुख संदीप दिवाण यांच्याशी फोनवरून चर्चा केली. तेव्हा एसआयटी पथक गेल्यानंतरही चंद्रपूरच्या कार्यालयामार्फत नागरिकांच्या तक्रारी स्वीकारण्यात येतील अशी माहिती एसआयटी प्रमुख दिवाण यांनी दिली. चुकीच्या ठिकाणी दारू दुकानांना मंजूरी दिली असल्यास नागरिकांनी जास्तीत जास्त संख्येने चंद्रपूरच्या कार्यालयामार्फत एसआयटी ला पुराव्यासह तक्रारी कराव्या असे आवाहन देशमुख यांनी पत्रकार परिषदेमध्ये केले. पत्रकार परिषदेला जनविकास सेनेचे इमदाद शेख, अक्षय येरगुडे, मनीषा बोबडे, प्रफुल बैरम सुभाष पाचभाई, अमुल रामटेके,देवराव हटवार, सतीश घोडमारे इत्यादी कार्यकर्ते उपस्थित होते.

    liquor license scam Chandrapur

  • Aaple Sarkar portal downtime । आपले सरकार’ पोर्टल 5 दिवस बंद! 10 ते 14 एप्रिल दरम्यान ऑनलाईन सेवा होणार unavailable

    Aaple Sarkar portal downtime

    महाआयटीच्या देखभाल आणि अद्ययावत कामासाठी राज्यातील नागरिकांना मिळणाऱ्या शासकीय सेवा तात्पुरत्या बंद; ग्रामपंचायत, सेतू केंद्र, आणि पोर्टलवर अवलंबून नागरिकांनी ही महत्त्वाची पूर्वसूचना लक्षात घ्यावी.

    Aaple Sarkar portal downtime : चंद्रपूर, दि. 9 एप्रिल : राज्य शासनाच्या विविध विभागांच्या सेवा ‘आपले सरकार’ पोर्टलवरून प्रदान केल्या जातात. महाराष्ट्र माहिती तंत्रज्ञान महामंडळ मर्यादित (महाआयटी) यांनी हे पोर्टल विकसित केले आहे.

    असंख्य युवकांचा कांग्रेसमध्ये प्रवेश

    या पोर्टलची नियमित देखभाल आणि तांत्रिक अद्यतनासाठी दिनांक 10 एप्रिल  ते 14 एप्रिल 2025 असे पाच दिवस या पोर्टलची सेवा बंद राहील. या काळात  कार्यालयीन कामकाजाचा फक्त एक दिवस वगळता उर्वरित सर्व दिवस सार्वजनिक सुट्टीचे आहेत. Aaple Sarkar services unavailable

    राज्यातील सर्वसामान्य नागरिक, ग्रामीण आणि शहरी भागातील ‘आपले सरकार’ केंद्र चालक, ‘सेतू’ केंद्र चालक, संबंधित ग्रामपंचायती आणि शासकीय कर्मचारी यांनी या पूर्वसूचनेची नोंद घ्यावी. या कालावधीत ‘आपले सरकार’ सेवा पोर्टलमार्फत दिली जाणारी कोणतीही सेवा उपलब्ध असणार नाही, असे जिल्हा प्रशासनाने कळविले आहे.

    “Aaple Sarkar Portal to Remain Closed from April 10 to 14, 2025”

  • Atal economic support scheme । “अटल योजनेचा निधी अडकलाय, शेतकऱ्यांची कामं खोळंबलीत – आमदारांचा आवाज बुलंद!”

    Atal economic support scheme

    Atal economic support scheme : चंद्रपूर ८ एप्रिल – चंद्रपूर जिल्ह्यातील सहकारी संस्थांनी शासनाच्या अटल अर्थसहाय्य योजने अंतर्गत प्रकल्प उभारणीसाठी सादर केलेल्या मंजूर प्रस्तावांना चालू आर्थिक वर्षात तातडीने निधी वितरित करण्यात यावा, अशी मागणी आमदार किशोर जोरगेवार यांनी राज्याचे मुख्यमंत्री देवेंद्र फडणवीस यांची मुंबई मंत्रालयात भेट घेऊन केली. यावेळी त्यांनी संबंधित मागणीचे निवेदनही मुख्यमंत्री फडणवीस यांना सादर केले.या भेटीप्रसंगी भारतीय जनता पक्षाचे ग्रामीण तालुकाध्यक्ष नामदेव डाहुले, मनोज पाल आदीची उपस्थिती होती. MLA demand for farmers scheme

    स्थानिक गुन्हे शाखेने पकडला ५ लाखांचा सुगंधित तंबाखू

    चंद्रपूर जिल्ह्यातील एकूण १५ सहकारी संस्थांनी प्रत्येकी ५ लाख रुपये गुंतवणूक करून अटल अर्थसहाय्य योजनेअंतर्गत शेती उपयोगी प्रकल्पांसाठी सहकार विभागाकडे प्रस्ताव सादर केले आहेत. सर्व संस्थांनी आवश्यक कागदपत्रांसह त्रुटींची पूर्तता पूर्ण केली असूनही अद्याप निधी मिळालेला नाही.

    विशेष म्हणजे, स्कॉर्पिओ, ट्रक यांसारख्या वाहनांसाठी निधी वितरित करण्यात आला आहे. मात्र अर्थमूव्हर्स सारख्या शेतीसाठी उपयुक्त वाहनांना या योजनेच्या लाभातून वगळण्यात आले आहे. अर्थमूव्हर्स वाहनांचा शेतीतील पाट काढणे, तळी साफ करणे, समांतर करणे, गाळ काढणे यांसारख्या अवजड कामांमध्ये उपयोग होतो. तरीही संबंधित अधिकाऱ्यांकडून या प्रस्तावांना अंतिम मंजुरी दिली गेलेली नाही. Atal Yojana Maharashtra

    mla demand for farmers scheme

    या अन्यायामुळे सहकारी संस्थांवर ताण आला असून शेतकऱ्यांचे मोठे नुकसान होत आहे. त्यामुळे मुख्यमंत्री देवेंद्र फडणवीस यांनी त्वरित हस्तक्षेप करून मंजूर प्रस्तावांवरील निधी वितरित करण्याच्या सूचना संबंधित अधिकाऱ्यांना द्याव्यात, अशी मागणी आमदार किशोर जोरगेवार यांनी यावेळी केली. यावेळी मतदार संघातील विविध विकासकामांवर सुद्धा चर्चा करण्यात आली असून प्रलंबित असलेले विकास कार्यांना मंजुरी देण्याची मागणी यावेळी आमदार किशोर जोरगेवार यांनी केली आहे. 

  • police action on tobacco । चंद्रपुरात “सुगंधित तंबाखूचा साठा उध्वस्त, जयसुख-गुप्ता-वसीम अजूनही मोकाट!”

    Chandrapur police action on tobacco

    चंद्रपूरमध्ये पोलिसांच्या डोळ्यादेखत सुरू तंबाखूचा ‘मौत का व्यापार’!

    police action on tobacco : चंद्रपूर ८ एप्रिल – विदर्भात मोठ्या प्रमाणावर सेवन केला जाणारा खर्रा हा सुगंधित तंबाखू मिसळून तयार केला जातो. या तंबाखूचा अवैध व्यापार चंद्रपूर जिल्ह्यात जयसुख, वसीम आणि गुप्ता या तिघांनी पोलिसांच्या नाकावर टिच्चून सुरु ठेवला आहे. कोरोना काळानंतर या तिघांनी जिल्ह्यात आपल्या अवैध धंद्याचं वर्चस्व निर्माण केलं असून, पोलिसांच्या कारवाईलाही हे तिघे भीक घालत नाहीत. विशेष म्हणजे, अजूनही यांच्यावर कोणतीही ठोस कारवाई करण्यात आलेली नसल्याने यांची हिंमत दिवसेंदिवस वाढत चालली आहे. illegal tobacco warehouse raid

    महावितरणच्या विजेत्यांची नावे जाहीर

    या पार्श्वभूमीवर चंद्रपूर पोलिसांकडून सुगंधित तंबाखूच्या तस्करीवर नियंत्रण ठेवण्यासाठी विशेष मोहिम राबवली जात आहे. ८ एप्रिल रोजी बल्लारपूर तालुक्यातील मानोरा येथे स्थानिक गुन्हे शाखेने किरायाच्या गोडावूनवर छापा टाकून ईगल हुक्का, होला हुक्का आणि मजा १०८ ब्रँडच्या तंबाखूचा ५ लाख ६ हजार ९१० रुपयांचा साठा जप्त केला.

    सदर तंबाखूचा साठा हरीश अंबाराम ठक्कर याचा असल्याचे तपासात निष्पन्न झाले असून, त्याच्याविरुद्ध अन्न सुरक्षा आणि मानके अधिनियमांतर्गत गुन्हा दाखल करण्यात आला आहे. tobacco smuggling network busted in Chandrapur

    ही कारवाई पोलीस अधीक्षक मुमक्का सुदर्शन व अप्पर पोलीस अधीक्षक रीना जनबंधू यांच्या मार्गदर्शनाखाली पोलीस निरीक्षक अमोल काचोरे यांच्या नेतृत्वात पोउपनि विनोद भुरले, मधुकर सामलवार, तसेच पो. का. धनराज करकाडे, सुरेंद्र महतो, चेतन गज्जलवार, प्रफुल गारघाटे व मिलिंद टेकाम यांनी केली.

    सद्यस्थितीत चंद्रपूर जिल्ह्यात सुगंधित तंबाखूचा अवैध व्यापार जयसुख, वसीम व गुप्ता यांच्या माध्यमातून बेधडक सुरू आहे. पोलिसांनी जर या मुख्य सूत्रधारांवर निर्णायक कारवाई केली, तर युवकांना कॅन्सरसारख्या जीवघेण्या आजाराकडे नेणारा सुगंधित तंबाखू जिल्ह्यातून नामशेष होऊ शकतो.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by