Category: ताज्या बातम्या

international standard museum proposal

international standard museum proposal : चंद्रपूर : चंद्रपूर जिल्ह्याच्या सांस्कृतिक आणि ऐतिहासिक वारसा जतन करण्यासाठी एका भव्य आंतरराष्ट्रीय दर्जाचे संग्रहालयाची उभारणी करावी, अशी मागणी खासदार प्रतिभाताई धानोरकर यांनी केंद्रीय पर्यटन व सांस्कृतिक मंत्री गजेंद्र सिंह शेखावत आणि सांस्कृतिक कार्य मंत्री आशिष शेलार यांच्याकडे पत्राद्वारे केली आहे. आज जिल्हाधिकारी विनय गौंडा यांची भेट घेऊन या  संग्रहालयचा प्रस्ताव तयार करण्याची विनंती केली आहे.  

चिमूर तालुका हादरला

चंद्रपूर हा ऐतिहासिक जिल्हा

खासदार प्रतिभाताई धानोरकर म्हणाल्या, “चंद्रपूर जिल्हा हा ऐतिहासिक, पुरातत्त्वीय आणि सांस्कृतिक दृष्टिकोनातून एक समृद्ध व गौरवशाली परिसर आहे. येथे प्राचीन मंदिरांचे अवशेष, शिलालेख, धातू व दगडी मूर्ती, प्राचीन वास्तू आणि स्थापत्यशैलीचा अनमोल ठेवा आजही अस्तित्वात आहे. जिल्ह्यात अनेक ठिकाणी मोठ्या प्रमाणात ऐतिहासिक मूर्ती व पुरावस्तू सापडल्या आहेत.” tourism potential of Chandrapur

त्या पुढे म्हणाल्या, “जिल्ह्यात एक सुसज्ज संग्रहालय नसल्यामुळे अनेक ऐतिहासिक वस्तू आणि कलाकृती योग्य देखभालीअभावी दुर्लक्षित आहेत. त्यामुळे या सर्वांना एकाच ठिकाणी आणून त्यांचे योग्य प्रदर्शन करणे गरजेचे आहे. या संग्रहालयातून केवळ जिल्ह्याच्या इतिहासाची माहिती मिळेल असे नाही, तर ते शिक्षण आणि संशोधनाचे केंद्र म्हणूनही विकसित होऊ शकेल.”

केंद्र व राज्य सरकार सोबत पाठपुरावा

खासदार प्रतिभाताई धानोरकर यांनी केंद्र सरकार आणि राज्य सरकार आणि संबंधित विभागांना तातडीने या मागणीची दखल घेऊन चंद्रपूर जिल्ह्यात आंतरराष्ट्रीय दर्जाचे संग्रहालय उभारण्यासाठी आवश्यक कार्यवाही करण्याची विनंती केली आहे. त्यांनी यासाठी आवश्यक असणारा निधी उपलब्ध करून देण्याची आणि जागेची निवड प्रक्रिया त्वरित पूर्ण करण्याची गरज व्यक्त केली आहे.

या संग्रहालयाच्या माध्यमातून चंद्रपूर जिल्ह्याची पर्यटन क्षमता वाढण्यास मदत होईल, तसेच स्थानिक कलाकारांना आणि कारागिरांना प्रोत्साहन मिळेल, असा विश्वास खासदार प्रतिभाताई धानोरकर यांनी व्यक्त केला आहे. त्यांनी जिल्ह्यातील नागरिकांना आणि सामाजिक संस्थांना या महत्त्वपूर्ण मागणीत सक्रिय सहभाग घेण्याचे आवाहन केले आहे.

Unidentified Man Found Dead

Unidentified Man Found Dead : चंद्रपूर, दि. 18 मे 2025: महाकाली मंदिर परिसरातील भैरवनाथ मंदिराजवळ दिनांक 18 मे 2025 रोजी दुपारी 2:00 वाजता एक अज्ञात व्यक्ती (वय अंदाजे 40 वर्ष) बेशुद्ध अवस्थेत आढळून आली. पोलिसांनी त्याच्याजवळील सामानाची तपासणी केली असता, कोणतेही ओळखपत्र आढळून आले नाही. त्याला तातडीने चंद्रपूर येथील सामान्य रुग्णालयात दाखल करण्यात आले, परंतु वैद्यकीय अधिकाऱ्यांनी तपासणीनंतर त्याला मृत घोषित केले.

अल्पवयीन बालकाला दुचाकी चोरी प्रकरणी घेतले ताब्यात

मृतकाचे वर्णन:

• वय: अंदाजे 40 वर्ष
• उंची: 166 सेंटीमीटर
• रंग: काळा सावळा
• वस्त्र परिधान: चौकडीचा फुल शर्ट, गळ्यात पांढरा दुपट्टा, निळ्या रंगाची जीन्स पॅन्ट
• विशेष ओळख: हातात स्टीलचे कडे, उजव्या हातावर कन्नड किंवा ओडिया भाषेत लेखन आणि ओम गोंदलेले, डाव्या हातावर डिझाईन गोंदलेले

सदर मृतकाचे प्रेत सध्या चंद्रपूर येथील सरकारी रुग्णालयात ठेवण्यात आले आहे. पोलिसांनी मृतकाच्या नातेवाइकांचा शोध घेण्यासाठी सर्वसामान्यांना आवाहन केले आहे. यासंदर्भात कोणतीही माहिती असल्यास कृपया खालील पोलीस अधिकाऱ्यांशी संपर्क साधावा:

• पीएसआय विजय मुके: मोबाईल क्र. 9923401065
• पोलीस निरीक्षक प्रभावती एकुरके: मोबाईल क्र. 9767103829

fire accident in Chandrapur today

fire accident in Chandrapur today : चंद्रपूर- शहरातील जनता कॉलेज परिसरात असलेल्या जेबी आर्ट अँड स्टेशनरी या दुकानाला आज पहाटेच्या सुमारास भीषण आग लागून संपूर्ण दुकान जळून खाक झाले. प्राथमिक माहितीनुसार, ही आग शॉर्ट सर्किटमुळे लागल्याची शक्यता वर्तवली जात आहे. या दुर्घटनेत अंदाजे ५० लाख रुपयांचे नुकसान झाल्याचे समजते.

चंद्रपूर जिल्ह्यात आठवडाभरात ८ जणांचा मृत्यू, कारण काय?

पहाटे लागली आग

ही घटना सोमवार, पहाटे ४ वाजता घडली. आग लागल्याचे लक्षात येताच परिसरातील नागरिकांनी तातडीने अग्निशामक दलाला सूचना दिली. चंद्रपूर महानगरपालिकेच्या अग्निशमन पथकाने घटनास्थळी दाखल होत आगीवर नियंत्रण मिळवण्यासाठी शर्थीचे प्रयत्न केले. अनेक तासांच्या प्रयत्नानंतर अखेर आग नियंत्रणात आली.

सदर जेबी आर्ट अँड स्टेशनरी हे दुकान जीवन धकाते यांचे असून, स्टेशनरी साहित्य, आर्ट मटेरियल्स, गिफ्ट आइटम्स यांचा मोठा साठा या दुकानात होता. आग इतकी भीषण होती की संपूर्ण साहित्य जळून खाक झाले. दुकानातील इलेक्ट्रॉनिक उपकरणे, कागदपत्रे आणि महत्त्वाचे साहित्य राखरांगोळी झाले आहे. stationery shop fire accident

स्थानिक पोलीस व अग्निशमन विभागाने संयुक्तपणे तपास सुरू केला आहे. अद्याप कोणतीही जीवितहानी झाली नसली तरी आर्थिकदृष्ट्या मोठे नुकसान झाल्यामुळे धकाते यांना मोठा धक्का बसला आहे.

या प्रकारामुळे स्थानिक व्यापाऱ्यांमध्ये भीतीचे वातावरण आहे. अशा दुर्घटना टाळण्यासाठी विद्युत सुरक्षेची योग्य काळजी घेण्याचे आवाहनही प्रशासनाकडून करण्यात आले आहे.

Tiranga Yatra in Ballarpur

Tiranga Yatra in Ballarpur : बल्लारपूर – देशाच्या सुरक्षेसाठी प्राण पणाला लावून भूदल, नौदल आणि वायुसेनेतील जवान सेवा करतात. देशावर कुठल्याही आतंकवादी दृष्ट प्रवृत्तींना चोख प्रत्त्युत्तर देण्यासाठी आपले जवान सदैव सज्ज असतात. या जवानांच्या समर्पित सेवेमुळेच देश सुरक्षित आहे, असे गौरवोद्गार राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार यांनी काढले.

खासदार धानोरकर यांच्या पाठपुराव्याने बससेवा पूर्ववत

‘मिशन सिंदूर’च्या यशानंतर भारतीय सैन्याच्या सन्मानार्थ बल्लारपूर शहरात सात किलोमिटर लांब तिरंगा यात्रा काढण्यात आली. या यात्रेच्या शुभारंभाप्रसंगी आ.श्री. सुधीर मुनगंटीवार बोलत होते. Sudhir Mungantiwar speech today

देशभक्तीने दुमदुमले बल्लारपूर

बल्लारपूर येथील काटा गेट डब्लूसीएल येथून तिरंगा यात्रेला सुरुवात झाली. तिरंगा यात्रेदरम्यान बल्लारपूर शहर ‘भारत माता की जय’ आणि ‘वंदे मातरम्’ च्या जयघोषाने दुमदुमले. सामाजिक संघटनांचे प्रतिनिधी,सर्वधर्मीय समाज बांधव आणि आबालवृद्ध नागरिकांची मोठ्या संख्येने उपस्थिती होती.

बल्लारपूरच्या रस्त्यांवर आज राष्ट्रध्वज तिरंगा हातात घेऊन देशभक्तीचा जनसागर उसळला. काटा गेटपासून सुरू झालेल्या भव्य तिरंगा रॅलीत सर्व सामाजिक संघटनांचे प्रतिनिधी, सर्वधर्मीय बांधव आणि मोठ्या संख्येने आबालवृद्ध नागरिक ‘वंदे मातरम्’ आणि ‘भारत माता की जय’च्या घोषात उत्स्फूर्तपणे सहभागी झाले. काटा गेट डब्लू.सी.एल येथून सुरुवात झालेली तिरंगा यात्रा महात्मा गांधी चौक-गोल पुलिया- डॉ आंबेडकर चौक मार्गे नवीन मुख्य बसस्थानक येथे पोहोचली व येथे यात्रेचे समापन झाले. Indian Army appreciation rally

रॅलीत लहान ते वृद्धांचा सहभाग

प्रारंभी आमदार श्री. सुधीर मुनगंटीवार यांनी महामानव डॉ. बाबासाहेब आंबेडकर, राष्ट्रपिता महात्मा गांधी व छत्रपती शिवाजी महाराज यांच्या पुतळ्याला माल्यार्पण करून अभिवादन केले. हातात राष्ट्रध्वज, घोषणांनी आसमंत दुमदुमवणारे तरुण, महिलांची सक्रिय उपस्थिती, विद्यार्थ्यांचा उत्साही सहभाग हे या यात्रेचे विशेष आकर्षण ठरले. ‘भारत माता की जय’, ‘वंदे मातरम्’, ‘जय जवान’ अशा घोषणांनी वातावरण भारावून गेले. तिरंगा यात्रेच्या माध्यमातून नागरिकांनी देशभक्तीचे दर्शन घडवले. लहानग्यांपासून तर वृद्धांपर्यंत प्रत्येकाने या यात्रेत सहभाग घेतला.

ही फक्त यात्रा नव्हे, तर आपल्या शुरवीर भारतीय सैनिकांप्रती कृतज्ञता आहे . देशासाठी आयुष्य अर्पण करणाऱ्या प्रत्येक सैनिकांच्या पाठिशी संपूर्ण देश खंबीरपणे उभा आहे, याची प्रचिती तिरंगा यात्रा देते, असेही यावेळी आमदार श्री. सुधीर मुनगंटीवार म्हणाले.

माजी सैनिकांचा सत्कार

श्री.पांडुरंग हेमके, वीर पत्नी संगीताताई इंगळे, श्री सहदेव रामटेके, माजी सैनिक विजय शेंडे, मनोज ठेंगणे, हवालदार वीर बहादुर सिंग, जगदीश सिंग,मनोज यादव, श्री विश्वेश्वर सरोज, जन बहादुर सिंग सरोज आदी माजी सैनिकांचा सत्कार आमदार श्री. सुधीर मुनगंटीवार यांच्या हस्ते करण्यात आला.

सर्वधर्मीय गुरूंचा सत्कार

भंतेजी भागीरथ, अल्ताफ भाई, मनीषजी महाराज, सादिक जवेरी, सुनील पास्टर, दलजीत सिंह कलसी आदी सर्व धर्मीय गुरुंचा सत्कार आमदार श्री. सुधीर मुनगंटीवार यांच्या हस्ते करण्यात आला.

Chandrapur Gadchiroli Highway accident

Chandrapur Gadchiroli Highway accident : सावली (चंद्रपूर): चंद्रपूर–गडचिरोली महामार्गावरील व्याहाड बुज येथील नंदिनी बॉर जवळ आज (१७ मे) सायंकाळी सहा वाजताच्या सुमारास एक भीषण अपघात घडला. गडचिरोलीवरून सावलीकडे येणाऱ्या एमएच ३३ एसी ३९३५ क्रमांकाच्या चारचाकी वाहनाचा मागील चाक अचानक फुटल्यामुळे गाडी अनियंत्रित झाली आणि समोर असलेल्या सायकलस्वारास जोरदार धडक दिली. त्यानंतर वाहन दोन वेळा उलटून शेवटी सरळ उभी राहिली. Chandrapur road accident news today

चंद्रपुरात ५ किलोमीटर लांब तिरंगा यात्रा

या अपघातात चारचाकीतील वैभव सोमनाकार (वय २७, नवेगाव) आणि चालक अनिरुद्ध कोवे हे गंभीर जखमी झाले. तसेच सायकलस्वार युवराज रोहनकार (वय ५५) आणि त्यांची पत्नी वनिता रोहनकार (वय ५०) हेही गंभीर जखमी झाले.

घटनेनंतर तातडीने सर्व जखमींना खाजगी वाहनाद्वारे गडचिरोली जिल्हा सामान्य रुग्णालयात हलवण्यात आले. मात्र, उपचारादरम्यान चालक अनिरुद्ध कोवे याचा दुर्दैवी मृत्यू झाला आहे. उर्वरित तिघांवर रुग्णालयात उपचार सुरू आहेत.

या दुर्घटनेची नोंद सावली पोलीस ठाण्यात करण्यात आली असून अधिक तपास पोलीस करीत आहेत.

FTK Water testing awareness in villages

FTK Water testing awareness in villages : चंद्रपुर – राज्य शासनाच्या निर्देशानुसार ग्रामिण भागातील पिण्याच्या पाण्याच्या स्त्रोतांची रासायनिक व जैविक पाणी गुणवत्ता तपासणी करण्यासाठी दिनांक १२ मे ते ७ जून २०२५ या कालावधीत “क्षेत्रीय तपासणी संच (FTK)” संचा द्वारे पाणी गुणवत्ता तपासणी जनजागृती मोहीम जिल्ह्यात राबविण्यात येत आहे. नागरिकांना सुरक्षित व स्वच्छ पिण्याचे पाणी मिळावे यासाठी जिल्ह्यातील 1400 गावांमध्ये ही मोहीम प्रभावीपणे राबविण्याचे आवाहन जिल्हा परिषदेचे मुख्य कार्यकारी अधिकारी पुलकीत सिंग यांनी केले आहे. Jal Jeevan Mission water quality monitoring

चंद्रपुरात भव्य तिरंगा रॅली

                       एफ.टी.के. संचाद्वारे पाणी गुणवत्ता तपासणी जनजागृती मोहीम ही ग्रामपंचायत विभाग, महिला व बालकल्याण विभाग, आरोग्य विभाग, शिक्षण विभाग व पाणी पुरवठा विभागाच्या सहभागातून यशस्वी केली जाणार आहे. या मोहीमेच्या जिल्हास्तरीय शुभारंभ कार्यक्रमात मुख्य कार्यकारी अधिकारी पुलकीत सिंग यांचे हस्ते शुभारंभ करण्यात आला. यावेळी  जल जीवन मिशनचे प्रकल्प प्रमुख नुतन सावंत ,जिल्हा आरोग्य अधिकारी अशोक कटारे, प्रकल्प संचालक जिल्हा ग्रामीण विकास यंत्रणा गीरीश धायगुडे , वरीष्ट भुवैज्ञानीक लीना बाराहाते, जिल्हा कार्यक्रम व्यवस्थापक संजय धोटे, पाणी गुणवत्ता तज्ञ अंजली डाहुले तसेच जिल्हा पाणी व स्वच्छता विभागातील सल्लागार व कर्मचारी  जिल्हास्तरीय शुभारंभाला उपस्थीत होते.

पाण्याचे नमुने तपासणी होणार

जैविक क्षेत्रीय तपासणी (एफ.टी.के.) संचाद्वारे गावांमध्ये जनजागृती अभियान राबविण्यासाठी सुरु झालेल्या मोहिमेतंतर्गत गावात पाणी तपासणी करण्यासाठी निवड केलेल्या व संकेतस्थळावर नोंदविलेल्या पाच महिलांची पडताळणी करणे, महिलांच्या पाणी गुणवता विषयक एफ.टी.के. किट  प्रशिक्षणाच्या नोंदी घेणे घरगुती नळ, अंगणवाडी, शाळा यांची पाणी नमुणे तपासणी केली जाणार आहे. या मुळे पाणी  तपासणीत महिलांची भूमिका महत्वाची व निर्णयक ठरणार असुन ही मोहीम गट विकास अधिकारी, आरोग्य विभागातील कर्मचारी, ग्रामसेवक यांनी   गावा गावात चांगली राबवावी असे  प्रतीपादन मुख्य कार्यकारी अधिकारी पुलकीत सिंग यांनी केले. Field Test Kit training for women in Maharashtra

गावात आठवी ते दहावीमधील विद्यार्थ्यांना एफ. टी. के. किटव्दारे पाणी तपासणीचे प्रात्यक्षिक देणे, वर्ग ८ ते १० मधील विद्यार्थ्यांमार्फत शाळा, अंगणवाड्या, घरगुती नळ जोडण्यामधील पाणी नमुने तपासणी करणे, डब्यूक्यूएमआयएस (WQMIS) पोर्टलवर नोंदी घेणे, नळ पाणी पुरवठा योजना स्त्रोत, घरगुती नळ जोडण्या, शाळा, अंगणवाड्यांची पाणी गुणवता तपासणी करण्यासाठी रासायनिक व जैविक एफ.टी.के.किट  वाटप करणे, तसेच स्थानिकांना पाणी गुणवत्ता तपासणी व त्यापासून होणारे फायदे सांगितले जाणार असल्याचे प्रकल्प संचालक नुतन सावंत यांनी सांगीतले. Jal Jeevan Mission water quality monitoring

                      दिनांक १९ ते २३ मे २०२५ या कालावधीत जनजागृती मोहिमेचा तालुकास्तरीय शुभारंभ गट विकास अधिकारी यांचे हस्ते करण्यात येणार आहे तर दि. २ जून ते ७ जून २०२५ कालावधीत मोहिमेची ग्रामपंचायत स्तरावर प्रत्यक्ष अंमलबजावणी होईल. या मोहिमेदरम्यान जिल्हयात क्षेत्रीय तपासणी संच (एफ.टी.के.) द्वारे पाणी पाणी गुणवत्ता तपासणी आणि व्यापक जनजागृती करण्यात येणार असल्याचे  जल जीवन मिशन चे प्रकल्प संचालक नुतन सावंत  यानी सांगीतले .