My Blog

Category: ताज्या बातम्या

महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.

  • Tadoba safari bus service 2025 | पर्यटकांसाठी आनंदाची बातमी – ताडोबा सफारीसाठी बससेवा उपलब्ध!

    Tadoba safari bus service 2025

    Tadoba safari bus service 2025 : चंद्रपूर – ताडोबा-अंधारी व्याघ्र प्रकल्प भारतातील प्रसिद्ध व्याघ्र प्रकल्पापैकी एक असून जगभरातील व देशातील निसर्ग पर्यटक या वनाचा आणि वन्यजीवांचा आनंद उपभोगण्याकरिता या व्याघ्र प्रकल्प क्षेत्रामध्ये येतात.
    याच पार्श्वभूमीवर चंद्रपूर जिल्ह्यातील निसर्ग पर्यटकांना अल्प दरामध्ये या वनाचा आनंद घेण्याकरिता वर्ष २०२३ मध्ये क्रुझर सेवा सुरु करण्यात आली होती. पर्यटकांचा ओघ बघता मोहर्ली गेट मार्फत ४ व कोलारा गेट मार्फत ३ अशा एकूण ७ क्रुझर मार्फत कोर क्षेत्रात पर्यटन सेवेकरिता उपलब्ध करून देण्यात आले होते. Chandrapur to Moharli bus service

    अनोळखी इसमाकडून लिफ्ट घेताय? तर ही बातमी तुमच्यासाठी आहे


    सदर सेवेमार्फत स्थानिक जिल्ह्यातील निसर्ग पर्यटक, सामान्य नागरिक यांना ताडोबा सफारीचा आनंद मनमुराद मिळत आहे. वर्ष २०२३ ते वर्ष २०२५ पर्यत ५८००० निसर्ग पर्यटकांनी या क्रुझरद्वारे ताडोबा सफारीचा अनुभव घेतला आहे. सदर उपक्रमाच्या माध्यमातून वने व वन्यजीवाविषयी जनजागृती सुद्धा सामान्य नागरीकामध्ये होत आहे हे विशेष.

    ताडोबा साठी 40 सीटर बस


    सदर उपक्रमाची यशस्वीता बघता चंद्रपूर जिल्हातील पर्यटकांना चंद्रपूर ते मोहुर्ली येथे सकाळी व दुपार सफारी जाणे-येणे करण्यासाठी अडचण जात होती. ही बाब लक्ष्यात घेऊन ताडोबा-अंधारी व्याघ्र प्रकल्पाच्या वतीने तसेच मा. आमदार श्री. किशोर जोरगेवार, विधानसभा सदस्य, चंद्रपूर यांच्या मार्गदर्शनाखाली क्रुझर पर्यटकांकरिता चंद्रपूर ते मोहर्ली ४० सीटर बस उपलब्ध करण्यात आली असून दिनांक १ जून २०२५ ला मा. आमदार श्री. किशोर जोरगेवार, विधानसभा सदस्य, चंद्रपूर यांच्या शुभहस्ते बससेवेचे उद्घाटन पार पडले. Tadoba safari from Chandrapur

    How to reach Moharli gate Tadoba


    सदर बसमार्फत सकाळच्या सफारीकरिता ४.३० वाजता व सफारी पूर्ण झाल्यानंतर सकाळी १० वाजता चंद्रपूर परत येणार त्याचप्रमाणे दुपारच्या सफारी करिता २ वाजता तर परत ७.३० वाजता चंद्रपूर ला पर्यटकांन सोडणार आहे. सदर बससेवा उपसंचालक (कोर) कार्यालय, ताडोबा-अंधारी व्याघ्र प्रकल्प, रामबाग वनवसाहत, मुल रोड, चंद्रपूर येथून प्रस्थान करणार आहे.


    या महत्वपूर्ण प्रंसगी डॉ. जितेंद्र रामगावकर (भावसे) मुख्य वनसंरक्षक, चंद्रपूर वनवृत्त चंद्रपूर यांची प्रमुख उपस्थिती होती तसेच डॉ. प्रभू नाथ शुक्ल (भावसे) वन संरक्षक तथा क्षेत्र संचालक, ताडोबा-अंधारी व्याघ्र प्रकल्प यांच्या मार्गदर्शनाखाली हा सोहळा संपन्न झाला. या वेळेस श्री. कुशाग्र पाठक, उपसंचालक बफर, श्री. विवेक नातू, सहायक वनसंरक्षक, कोर, श्री. अरुण गोंड, वनपरीक्षेत्र अधिकारी, मोहर्ली, श्री. संतोष थीपे, वन परिक्षेत्र अधिकारी, मोहर्ली बफर, श्रीमती. स्वाती महिसकर, वनपरिक्षेत्र अधिकारी, चंद्रपूर बफर तसेच सर्व वन कमर्चारी तसेच चंद्रपूर शहारातील नागरिक मोठ्या संख्येने उपस्थित होते.

  • Run for safety Mahavitaran event । “महावितरणची ‘रन फॉर सेफ्टी’ – अपघातमुक्त भविष्यासाठी एक पाऊल!”

    Run for safety Mahavitaran event

    Run for safety Mahavitaran event : चंद्रपूर – वीज ग्राहकांच्यात वीज अपघातांबाबत जागरूकता निर्माण व्हावी, वीज अपघातांचे प्रमाण शून्यावर यावे म्हणून महावितरणने मॅरेथॉन – ‘रन फॉर सेफ्टी’चे आयोजन केले होते. प्रथम चंद्रपूरचे मुख्य अभियंता श्री.हरीश गजबे, संध्या चिवंडे, अधिक्षक अभियंता चंद्रपूर मंडळ, श्री.कोलते विद्युत निरीक्षक चंद्रपूर,यांच्या हस्ते या मॅरेथॉन – ‘रन फॉर सेफ्टी’ला झेंडा दाखवून सुरुवात झाली.

    कृषी पंपांना वीज जोडणी द्या – आमदार सुधीर मुनगंटीवार


    दि. 01 जून 2025या मॅरेथॉन – ‘रन फॉर सेफ्टी’ला चंद्रपूर परिमंडल कार्यालयाचे मुख्य अभियंता श्री.हरीश गजबे, चंद्रपूर मंडल कार्यालयाच्या अधीक्षक अभियंता संध्या चिवंडे,जिल्हा विद्युत निरीक्षक श्री.कोलते,व सहाय्यक महाव्यवस्थापक (मा.सं.) श्री.सुशिल विखार, आणि श्री.विशाल पिपरे उपमुख्य औधोगिक संबंध अधिकारी तसेच कार्यकारी अभियंते सर्वश्री.दारव्हेकर, पेगलपट्टी, वंदिले, शहाडे, निचत(चाचणी विभाग), श्री.गणेश चाचेरकर, जनसंपर्क अधिकारी (प्रभारी) सर्व अधिकारी व कर्मचारी मोठ्या संख्येने उपस्थित होते. Mahavitaran zero accident campaign

    msedcl run for safety 2025

    ६ जून पर्यंत चालणार सुरक्षा सप्ताह

    “आम्ही सुरक्षेचे शिल्पकार शुन्य अपघाताने करू महावितरणचे ध्येय साकार” हे ब्रिद घेऊन चंद्रपूर महावितरणच्या सर्व क्षेत्रिय कार्यालयात दि.१ ते ६ जून २०२५ दरम्यान विद्युत सुरक्षा सप्ताहात विविध कार्यक्रम राबविण्यात येत आहेत. याचाच भाग म्हणून चंद्रपूर महावितरणचे अधिकारी व कर्मचारी चंद्रपूर परिमंडळ मुख्यालय बाबूपेठ ते आझाद गार्डन शहरात व परत मुख्यालय बाबूपेठ पर्यंत धावले.

    mahavitaran zero accident campaign


    यावेळी कर्मचाऱ्यांनी वीज सुरक्षेचे संदेश देणारे फलक हातात पकडले होते तसेच वीज सुरक्षेबाबत विविध घोषणाही देण्यात आल्या. ‘विद्युत भवन’ या परिमंडल कार्यालयात आल्यानंतर मुख्य अभियंता श्री.हरीश गजबे व संध्या चिवंडे, अधिक्षक अभियंता चंद्रपूर मंडळ, श्री.कोलते विद्युत निरीक्षक चंद्रपूर यांनी उपस्थित कर्मचाऱ्यांना वीज सुरक्षेबाबत मार्गदर्शन केले व कार्यक्रमाची सांगता झाली.

  • Chandrapur Forest Academy | चंद्रपूर वन अकादमीच्या सुविधांवर ओडिशा अधिकाऱ्यांचे कौतुक!

    Chandrapur Forest Academy

    Chandrapur Forest Academy : चंद्रपूर – महाराष्ट्र राज्यातील प्रमुख वन प्रशिक्षण संस्था म्हणून ओळखली जाणारी चंद्रपूर वन अकादमी ही संस्था वन व्यवस्थापन, वन्यजीव संरक्षण, जैवविविधता, पर्यावरणीय कायदे, समुदाय प्रतिबद्धता आणि प्रशासन यासह विविध  विषयांवर प्रशिक्षण देण्यासाठी प्रसिद्ध आहे.

    चंद्रपुरात संडे ऑन सायकल रॅली

    या संस्थेची माहिती व प्रशिक्षण पद्धती व सुविधा यांचा अभ्यास करण्यासाठी ओडिशा राज्यातील भारतीय वन सेवेतील चार वरिष्ठ अधिकारी  29 व 30 मे 2025 रोजी चंद्रपूर वन अकादमीच्या भेटीवर आले होते. या अभ्यास दौऱ्यात  मुख्य वनसंरक्षक (वन्यजीव) मनोज व्ही. नायर, मुख्य वनसंरक्षक बिकाश रंजन दाश, वनसंरक्षक स्वयंम मल्लीक आणि  संग्राम केशरी बेहरा यांचा समावेश होता. forest training institute in India

    प्रशिक्षणार्थी सोबत संवाद

    भेटीदरम्यान अपर प्रधान मुख्य वनसंरक्षक  तथा चंद्रपूर वन अकादमीचे संचालक एम. श्रीनिवास रेड्डी यांच्या मार्गदर्शनाखाली  अतिथींना संस्थेतील आधुनिक व सुसज्ज असलेले प्रगत प्रशिक्षण केंद्र, व्याख्यान कक्ष, प्रयोगशाळा, संगणक कक्ष, अद्ययावत ग्रंथालय, निवास व भोजन व्यवस्था तसेच क्रीडांगण यांची पाहणी करून माहिती देण्यात आली. ओडीसा राज्यातील चमुने पाहणी करतांना सत्र संचालक व उपस्थित प्रशिक्षणार्थ्यांसोबत संवाद साधला.   

    यावेळी भारतीय वन सेवेतील अधिकाऱ्यांपासून वनपरिक्षेत्र अधिकारी आणि इतर कर्मचाऱ्यांपर्यंत राबविण्यात येणाऱ्या दीर्घ व अल्पकालीन प्रशिक्षण कार्यक्रमांची रूपरेषा, त्यातील योग व शारीरिक शिक्षण अभ्यास, तसेच प्रशासकीय व तांत्रिक बाबी यावर सादरीकरण करण्यात आले व सविस्तर चर्चा करण्यात आली. बैठकीला ओडीशा राज्यातील वन अधिकाऱ्यांसह वन अकॅडमीचे संचालक श्रीनिवास रेड्डी,  अपर संचालक (प्रशासन) अविनाश कुमार, अपर संचालक (मुख्यालय) मनिषा भिंगे,  सत्र संचालक संजय दहिवले,  संभा गवळी तसेच इतर अधिकारी व कर्मचारी उपस्थित होते. best forestry training institute in Maharashtra

    forest training institute in india

    अकादमीला NABET (नॅशनल अॅक्रेडिटेशन बोर्ड फॉर एज्युकेशन अँड ट्रेनिंग) कडून उत्कृष्ट प्रशिक्षण संस्था म्हणून मान्यता प्राप्त झाली असून ISO प्रमाणपत्र देखील प्राप्त झाले आहे, याची माहिती यावेळी देण्यात आली. भेटीअंती ओडिशा राज्यातील अधिकाऱ्यांनी चंद्रपूर वन अकादमीच्या प्रशिक्षण पद्धती, गुणवत्तापूर्ण अभ्यासक्रम आणि अद्ययावत प्रशिक्षण सोई सुविधांची प्रशंसा करत चंद्रपूर वन अकादमी व महाराष्ट्र वन विभागाचे आभार मानले.

  • Sunday on cycle rally । क्रीडा विभागाचा अभिनव उपक्रम – सायकलवरून पर्यावरण जागृती!

    Sunday on cycle rally

    Sunday on cycle rally : चंद्रपूर – राज्य शासन व युवक सेवा संचालनालय,  पुणे यांच्या ‘खेलो इंडिया‘ उपक्रमांतर्गत आणि साई, मुंबईच्या निर्देशानुसार ‘संडे ऑन सायकल’ उपक्रमाचे आयोजन चंद्रपूर जिल्हा क्रीडा अधिकारी कार्यालयाच्या वतीने करण्यात आले. या अंतर्गत आज (दि. 1) सकाळी  चंद्रपूर शहरातून भव्य सायकल रॅली काढण्यात आली.

    चंद्रपुरातील मच्छी बाजाराच्या विकासासाठी ५ कोटी रुपयांचा निधी मंजूर

    या रॅलीत जिल्हा क्रीडा अधिकारी अविनाश पुंड, तालुका क्रीडा अधिकारी विनोद ठिकरे, जयश्री देवकर, क्रीडा अधिकारी मनोज पंधराम, नंदू अवारे, मोरेश्वर गायकवाड, क्रीडा मार्गदर्शक विजय डोबाळे, संदीप उईके, वरिष्ठ लिपिक रंजना शेवतकर व सर्व कर्मचारी सहभागी झाले होते. रॅलीला हिरवा झेंडा दाखवून जिल्हा क्रीडा अधिकारी अविनाश पुंड यांनी सुरुवात केली. Khelo India cycling event 2025

    आरोग्यदायी आणि प्रदूषणमुक्तीचा संदेश

    सायकल चालविणे हा एक उत्तम व्यायाम प्रकार असून यामुळे इंधन बचत, प्रदूषण नियंत्रण, आरोग्यवृद्धी आणि साहसवृत्तीचा विकास साधता येतो. ‘फिटनेस का डोज, अर्धा तास रोज’ या घोषवाक्याखाली ही रॅली आयोजित करण्यात आली होती.

    सुमारे 10 किलोमीटर अंतराच्या या रॅलीत जनजागृतीपर घोषणांचा समावेश होता. या यशस्वी उपक्रमासाठी क्रीडा मार्गदर्शक विजय डोबाळे, संदीप उईके, क्रीडा अधिकारी मनोज पंधराम, नंदू अवारे, मोरेश्वर गायकवाड व मानधन कर्मचारी यांनी विशेष मेहनत घेतली. खेलो इंडिया चे प्रशिक्षक रोशन भूजाडे यांचे या उपक्रमात मोलाचे सहकार्य लाभले.

  • electricity connection for agriculture pump । शेतकऱ्यांना झटका! कृषी पंपासाठी भरलेली रक्कम परत देण्याचे आदेश

    electricity connection for agriculture pump

    electricity connection for agriculture pump : चंद्रपूर जिल्ह्यातील शेतकऱ्यांनी कृषी पंपाच्या विद्युत जोडणीसाठी भरलेली डिमांडची रक्कम परत करण्याचे आदेश विद्युत विभागाने दिले आहेत. शेतकऱ्यांना संकटात टाकणारे हे आदेश असून याविषयाकडे विशेष लक्ष देऊन शेतकऱ्यांना डिमांडची रक्कम परत न करता ती कायम ठेवून कृषी पंपाची विद्युत जोडणी द्यावी, अशी मागणी राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार यांनी राज्याचे मुख्यमंत्री श्री. देवेंद्रजी फडणवीस यांना केली आहे. Sudhir Mungantiwar farmer electricity request

    ताडोबा व्याघ्रप्रकल्पात रानटी हत्तीची दहशत

    कृषी पंपाच्या विद्युत जोडणीसाठी भरलेल्या डिमांडबाबत शेतकऱ्यांना भेडसावणाऱ्या समस्यांबाबत अनेक शेतकऱ्यांनी आमदार श्री. सुधीर मुनगंटीवार यांच्याकडे निवेदन देऊन मागणी केली होती. शेतकऱ्यांच्या हितासाठी आमदार श्री. मुनगंटीवार यांनी मुख्यमंत्री श्री. देवेंद्रजी फडणवीस यांना निवेदन देऊन विनंती केली आहे.

    ९५ टक्के वीजबिल भरणा चंद्रपूर जिल्ह्यातून

    चंद्रपूर जिल्हा आदिवासी बहुल असून, वीज निर्मितीच्या क्षेत्रात राज्यातील अग्रणी जिल्ह्यांपैकी एक आहे. या जिल्ह्यात चंद्रपूर महाऔष्णिक विद्युत केंद्राच्या माध्यमातून वीज निर्मिती होते. तसेच महाराष्ट्रातील 95 टक्के वीज बिल भरणा सुद्धा या जिल्ह्यातून होतो. शेतकऱ्यांनी कृषी पंपाच्या विद्युत जोडणीसाठी आवश्यक असलेली डिमांड रक्कम महावितरणकडे भरण्यात आलेली आहे. परंतु विविध कारणामुळे या विद्युत जोडण्या अद्याप दिल्या गेल्या नाही.

    डिमांड रक्कम परत न घेता वीज जोडणी द्या

    महावितरणने शेतकऱ्यांनी भरलेली डिमांडची रक्कम शेतकऱ्यांना परत करण्याचे (Mahavitaran refund process for farmers) मौखिक आदेश देण्यात आले. त्यामुळे शेतकऱ्यांमध्ये असंतोष पसरलेला आहे. तरी शेतकऱ्यांनी भरलेली डिमांडची रक्कम परत न करता त्यांना कृषी पंपाचे विद्युत जोडण्या विशेषबाब म्हणून उपलब्ध करून द्याव्यात. त्याअनुषंगाने याबाबत नियमानुसार पुढील कार्यवाहीसाठी संबंधितांना आदेश देण्यात यावे, अशी मागणी आमदार श्री. सुधीर मुनगंटीवार यांनी मुख्यमंत्री श्री. देवेंद्रजी फडणवीस यांच्याकडे केली आहे.

  • elephant movement news update । रानटी हत्तीची भीती, जंगलात एकटे फिरणे टाळा

    elephant movement news update

    elephant movement news update : चंद्रपूर – ओडिसा वरून छत्तीसगड मार्गे गडचिरोलीत दाखल झालेले हत्ती दीड वर्षांनी चंद्रपूर जिल्ह्यात दाखल झाले आहे. पण आता हे हत्ती ताडोबा व्याघ्रप्रकल्पातील बफर क्क्षेत्रात दाखल झाल्याने वनविभागात चिंतेचं वातावरण पसरले आहे. हे हत्ती वैनगंगा नदी ओलांडून सावली वनपरिक्षेत्रात येत असलेल्या गेवरा, डोंगरगाव, निफंद्रा, मेहा या गावातून जंगलाचा मार्गे आले त्यानंतर सिंदेवाही वनपरिक्षेत्र परिसरात ऐन्ट्री करीत गुंजेवाही जंगल मार्गे कळमगाव गन्ना , कुकडहेटी गावपरिसरातून शुक्रवार सकाळच्या सुमारास प्रवेश करीत हत्तीने ऐन्ट्री घेतल्याने दहशत निर्माण झाली आहे. कळमगाव गन्ना कुकडहेटी गावातून रानटी हत्तीने अवागमन केल्याने काही काळ कुतूहल वाटले असले तरी हत्तीने नागरिकांचा पाठलाग केल्याने नागरिकांत भितीचे वातावरण निर्माण झाल्याचे दिसून आले. wild elephant movement

    लिफ्ट मागणे पडले महागात

    ३० मे रोजी गडचिरोली जिल्ह्यातून दोन हत्ती उमा नदी पार करून ताडोबा-अंधारी व्याघ्र प्रकल्पाच्या बफर क्षेत्रातील कुकडहेटी गावात दाखल झाले. त्यानंतर ते कक्ष क्रमांक ८०८, २७०A आणि २७०B मार्गे जंगलाच्या दिशेने रवाना झाले . त्यानंतर काही वेळ त्यांनी नलेश्वर तलावाजवळ खेळण्याचा आनंद घेतला. ३० तारखेच्या रात्रीपर्यंत त्यांच्या पायांचे ठसे कंपार्टमेंट क्रमांक ३१९ मार्गे मुख्य गाभा क्षेत्राच्या दिशेने जात असल्याचे निदर्शनास आले.

    घराबाहेर झोपू नका

    वन विभागाकडून ईडीसी सदस्य व स्थानिक ग्रामस्थांना सतर्कतेबाबत जागरूक केले जात आहे. पीआरटी आणि ईडीसी टीम्स या कामात सहभागी करण्यात आल्या आहेत. गावकऱ्यांना सावधगिरी बाळगण्याचा तसेच जबाबदारीने वागण्याचा सल्ला दिला जात आहे. जंगलात एकटे फिरणे टाळण्याचे तसेच रात्री घराबाहेर झोपू नये, असेही आवाहन करण्यात येत आहे. how to stay safe from wild elephants

    संपर्कातील इतर वनपरिक्षेत्रांतील कर्मचारी, बचाव पथक व एसटीपीएफचे कर्मचारी हत्तींच्या हालचालींचा मागोवा घेत आहेत. या टीम्सना रात्री पाहता येणारी उपकरणे (नाईट व्हिजन), IR ड्रोन आणि हत्ती हुसकावण्यासाठी आवश्यक साहित्य पुरवले आहे. हत्तींच्या हालचालींवर लक्ष ठेवण्यासाठी वन विभागाच्या कर्मचाऱ्यांना उंच ठिकाणी तैनात करण्यात आले आहे.

    अफवांपासून दूर रहा

    सर्व नागरिकांना अफवांपासून दूर राहण्याचे आवाहन करण्यात येत आहे. तसेच कुठल्याही प्रकारची माहिती असल्यास तात्काळ नजीकच्या वन विभागाच्या कार्यालयाशी संपर्क साधावा.

    रानटी हत्ती चंद्रपूर जिल्ह्यातील मानवी वस्त्यांमध्ये का येतात?

    जंगल कमी होत असल्यामुळे, अन्नाचा अभाव आणि नैसर्गिक स्थलांतराच्या प्रवृत्तीमुळे हत्ती मानवी वस्त्यांमध्ये येतात.

    चंद्रपूर जिल्ह्यात सध्या कोणत्या भागांमध्ये हत्तींची हालचाल आहे?

    गेवरा, डोंगरगाव, निफंद्रा, मेहा, कळमगाव गन्ना, कुकडहेटी आणि सिंदेवाही या भागांत हत्तींची उपस्थिती नोंदवली गेली आहे.

    हत्तींच्या हालचालीदरम्यान नागरिकांनी कोणती काळजी घ्यावी?

    घरातच राहावे, मोठ्याने आवाज करू नये, हत्तींचा पाठलाग किंवा छेड काढू नये, आणि वनविभागाच्या सूचना पाळाव्यात.

    माझ्या परिसरात हत्ती आढळल्यास मी कशी माहिती द्यावी?

    जवळच्या वनविभाग कार्यालयात किंवा वन्यजीव आपत्कालीन हेल्पलाईनवर त्वरित संपर्क साधावा.

  • how to quit tobacco addiction । जागतिक तंबाखू नकार दिन साजरा

    how to quit tobacco addiction

    तंबाखूचा ‘अंधार’ सोडा, आरोग्याचा ‘प्रकाश’ स्वीकारा!

    how to quit tobacco addiction : चंद्रपूर – राष्ट्रीय तंबाखू नियंत्रण कार्यक्रम, जिल्हा सामान्य रुग्णालय चंद्रपूर व इंडियन डेंटल असोसिएशन चंद्रपूर यांच्या संयुक्त विद्यमाने जागतिक तंबाखू नकार दिन साजरा करण्यात आला. हा कार्यक्रम लोणकर व्यसनमुक्ती, उपचार व पुनर्वसन केंद्र, आरवट येथे जिल्हा शल्य चिकित्सक डॉ. महादेव चिंचोळे यांच्या मार्गदर्शनाखाली संपन्न झाला.

    दिवंगत खासदार बाळू धानोरकर यांना सर्वपक्षीय श्रद्धांजली

    यावर्षीचा संदेश होता – “आकर्षणाचा मुखवटा उतरवूया : तंबाखू आणि निकोटीन उत्पादनांमागील उद्योगांच्या क्लुप्त्या उघड करूया”. कार्यक्रमाचा उद्देश नागरिकांमध्ये तंबाखूजन्य पदार्थांच्या दुष्परिणामांविषयी जागरूकता वाढवणे व COTPA 2003 (सिगारेट व अन्य तंबाखूजन्य पदार्थ नियंत्रण कायदा-२००३) याची प्रभावी अंमलबजावणी यावर भर देणे असा होता.

    तंबाखूच्या सेवनाने आरोग्यावर होणारे दुष्परिणाम

    कार्यक्रमात डॉ. राजेश टोंगे (इंडियन डेंटल असोसिएशन) यांनी व्यसनांमुळे जीवनशैलीवर होणाऱ्या परिणामांवर सखोल मार्गदर्शन केले. डॉ. श्वेता सावलीकर (जिल्हा सल्लागार, तंबाखू नियंत्रण कार्यक्रम) यांनी तंबाखूच्या सेवनाचे आरोग्यावर होणारे परिणाम व तंबाखू उद्योगांच्या फसव्या प्रचाराची माहिती दिली. तसेच मौखिक कॅन्सर तज्ज्ञ डॉ. आकाश कासटवार यांनी मुख कर्करोगाची लक्षणे, सुरुवात व उपचार पद्धती स्पष्ट केली. impact of tobacco on lifestyle and health

    समुपदेशक मित्रांजय निरंजने यांनी व्यसनमुक्तीसाठी उपलब्ध उपचार व पुनर्वसन सेवांविषयी माहिती दिली.  तुषार रायपूरे यांनी उपस्थित नागरिकांना तंबाखूमुक्तीची शपथ दिली. सर्व उपस्थितांची मोफत आरोग्य तपासणी व उपचार करण्यात आले.

    कार्यक्रमाच्या यशस्वी आयोजनात डॉ. राजेश डोंगरे (प्रेसिडेंट, IDA), डॉ. पियुष लोधे (सेक्रेटरी), डॉ. भार्गव भांडे, डॉ. अमर दुर्योधन, डॉ. आकाश कासटवार, डॉ. श्वेता सावलीकर, मित्रांजय निरंजने व तुषार रायपूरे यांचा मोलाचा सहभाग होता. आयोजकांनी तंबाखूमुक्त समाज घडवण्याचा निर्धार व्यक्त केला असून, युवकांनी तंबाखूजन्य पदार्थांपासून दूर राहावे, असे आवाहनही यावेळी करण्यात आले.

    १. तंबाखू नियंत्रण कार्यक्रम म्हणजे काय?

    तंबाखू नियंत्रण कार्यक्रम म्हणजे तंबाखूच्या दुष्परिणामांविरोधात जागरूकता वाढवणे, व्यसनमुक्तीची मदत करणे आणि तंबाखूजन्य पदार्थांच्या वापरावर नियंत्रण ठेवण्यासाठी केलेले उपाययोजना.

    २. तंबाखू सेवनामुळे काय धोके असतात?

    तंबाखू सेवनामुळे मुखाचा कॅन्सर, फुफ्फुसाचा कॅन्सर, हृदयविकार, श्वसन विकार आणि इतर गंभीर आजार होण्याचा धोका वाढतो.

    ३. तंबाखूमुक्त होण्यासाठी मी काय करू शकतो?

    व्यसन सोडण्याचा निर्धार करणे, व्यसनमुक्ती केंद्राचा संपर्क करणे, आणि डॉक्टरांचा सल्ला घेणे महत्त्वाचे आहे.

    ४. तंबाखूजन्य पदार्थांच्या उद्योगांमागील फसव्या प्रचाराचा धोका काय आहे?

    ते लोकांना चुकीची माहिती देऊन तंबाखू वापरण्यास प्रवृत्त करतात, ज्यामुळे आरोग्यावर मोठा नकारात्मक परिणाम होतो.

  • Sudhir Mungantiwar on tiger attacks । मानव-वन्यजीव संघर्ष गंभीर; मुनगंटीवारांनी वनविभागाला दिले “हे’ निर्देश

    Sudhir Mungantiwar on tiger attacks

    Sudhir Mungantiwar on tiger attacks : चंद्रपूर – जिल्ह्यात वाघांच्या वाढत्या हल्ल्यांमुळे गावकऱ्यांमध्ये भीतीचे वातावरण निर्माण झाले आहे. गेल्या दीड महिन्यात नऊ जणांना आपला जीव गमवावा लागला आहे. त्यामुळे लोकांमध्ये असंतोष पसरत चालला आहे. या वाढत्या हल्ल्यांमुळे नाहक जीवितहानी होत असल्याने ही बैठक आयोजित करण्यात आली. ग्रामस्थ तसेच जनावरांच्या जीवित नुकसानीची गंभीरता लक्षात घेऊन, वनविभागाने वाघांच्या होणाऱ्या हल्ल्यांवर नियंत्रण मिळवण्यासाठी आवश्यक कार्यवाही करावी, असे निर्देश राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी बैठकीत दिले. Sudhir Mungantiwar on tiger attacks

    सुभाष कासनगोट्टूवार चंद्रपूर महानगर भाजपचे नवे अध्यक्ष

    मुल तालुक्यातील वाघांच्या हल्ल्यांत ठार झालेल्या नागरिकांसंदर्भात वनविभागाच्या अधिकाऱ्यांसमवेत रामबाग विश्रामगृह येथे बैठकीचे आयोजन करण्यात आले होते.

    यावेळी मुख्य वनसंरक्षक डॉ. जितेंद्र रामगावकर, वनसंरक्षक तथा ताडोबा अंधारी व्याघ्र प्रकल्पाचे क्षेत्र संचालक प्रभुनाथ शुक्ला, उपसंचालक (बफर) कुशाग्र पाठक, उपवनसंरक्षक श्वेता बोड्डू, मूलचे उपविभागीय अधिकारी अजय चरडे, तहसीलदार मृदुला मोरे, विभागीय वनअधिकारी (प्रोटेक्शन) निकिता चौरे, सहाय्यक वनसंरक्षक (बफर) संकेत वाठोरे, आदेश शेडंगी, सार्वजनिक बांधकाम विभागाचे कार्यकारी अभियंता मुकेश टांगले, वनपरिक्षेत्र अधिकारी राहुल कारेकार, प्रियंका वेलमे आदींची उपस्थिती होती.

    important meeting

    शेतकऱ्यांना बांबू उपलब्ध करून द्या

    आमदार श्री. सुधीर मुनगंटीवार म्हणाले, भगवानपूर गावातील वाढत्या मानव वन्यजीव संघर्षाच्या पार्श्वभूमीवर तातडीने कुंपण मंजूर करून घेणे. मुल तालुक्यातील शेतकऱ्यांना जंगलामध्ये पडून असणारे बांबू कुंपणासाठी उपलब्ध करून द्यावेत.या साठी वनविभागाने गावात जाऊन शेतकऱ्यांची नोंदणी करावी व शेतकऱ्यांना बांबूचा पुरवठा करावा. एफडीसीएमसह वनविभागाने कुंपणासाठी लागणारे अंदाजपत्रक तयार करावे. भगवानपूर रस्त्याच्या दोन्ही बाजूंना 20 मीटर अंतरावरील झुडपे कापण्यात यावीत. bamboo fencing to stop wildlife

    वाघाचे होणारे हल्ले टाळण्यासाठी सरपनासाठी कोणीही जंगलात जाऊ नये. गावकऱ्यांना सरपन आवश्यक असल्यास त्यांनी वनविभागाशी संपर्क साधावा. यासाठी शेतकऱ्यांची नोंदणी करण्यात येऊन त्यांना वनविभागाकडून सरपन उपलब्ध करून देण्यात यावे.

    २२ वाघ जेरबंद

    गत दीड महिन्यात वाघाच्या हल्ल्यांमध्ये नऊ ग्रामस्थांचा मृत्यू झाला असून, याबाबत वनविभागाने वाघांची अचूक माहिती घ्यावी. मागील दोन वर्षांत 22 वाघांना पकडण्यात आले आहे. जिल्ह्यातील वाढत्या मानव-वन्यजीव संघर्षाचा विचार करता, अशा घटना टाळण्यासाठी आणि प्रसंगी तातडीने प्रतिसाद देण्यासाठी प्रत्येक विभागामध्ये प्राथमिक बचाव दल (PRT) तैनात करण्यात आले असून, त्यात एकूण 917 सदस्य कार्यरत आहेत. increasing tiger attacks in villages

    शेतकऱ्यांसाठी ई-पिक पाहणीद्वारे जशी पिकांची माहिती संगणकीकृत प्रणालीतून गोळा केली जाते, तशीच एक सुसंगत प्रणाली वनविभागासाठीही तयार करता येईल. सोलर कुंपणाच्या बाबतीत तांत्रिक माहिती घेऊन स्वतंत्र माहितीपत्रक तयार करावे.

    दुर्गापूर परिसरात बिबट्याचा वावर अधिक असल्याने दुर्गापुर, वनअकॅडमी पासून ते सिनाळा गावापर्यंत ॲडव्हान्स सोलर फेंसिंग करण्यासाठी कॅम्पाकडे प्रस्ताव पाठविण्यात आला आहे. निधीस मंजूरी मिळालेली असली तरी अद्याप निधी प्राप्त झालेला नाही. याबाबत पाठपुरावा करावा. ख्रिश्चन समाजाला दफनभूमीसाठी प्रधान मुख्य वनसंरक्षक कार्यालयाकडून वाईल्डलाईफ क्लिअरन्स घेण्याची आवश्यकता असल्याचेही आमदार श्री. मुनगंटीवार म्हणाले.

    पिपरी दीक्षित येथील स्मशानभूमीची जागा महसूल विभागाच्या अखत्यारीतील असून त्याला लागूनच वनविभागाची जागा आहे; मात्र, वनविभागाकडून चुकीची मोजणी करण्यात आली असून चुकीचा नकाशा तयार करण्यात आला आहे. याबाबत मुल तहसीलदारांनी  विशेष लक्ष देवून पाठपुरावा करावा.

    वनविभाग व सार्वजनिक बांधकाम विभाग यांनी समन्वय साधून मूल बायपासचा प्रश्न महिनाभरात मार्गी लावावा.

    नागरिक वनविभागाच्या नियमांचे पालन करीत नाही

    तेंदूपत्ता हंगामात 50 ते 60 हजार लोक जंगलात जातात, मात्र ते वनविभागाच्या नियमांचे पालन करत नाहीत तसेच ठरावीक समूहांमध्ये राहत नाहीत, त्यामुळे वनविभागाला जंगलावर नियंत्रण ठेवणे कठीण जाते. परिणामी, वाघांचे हल्ले वाढून मनुष्यहानी होते. अशी माहिती मुख्य वनसंरक्षक डाॅ.जितेंद्र रामगावकर यांनी दिली.

    ❓ प्रश्न 1: चंद्रपूर जिल्ह्यात वाघांच्या हल्ल्यांमध्ये वाढ का झाली आहे?

    शेतीसाठी जंगलालगत जाणाऱ्या नागरिकांची वाढती वर्दळ, सरपणासाठी जंगलात जाणे, तसेच तेंदूपत्ता हंगामात हजारो लोकांचा जंगलात वावर वाढल्याने वाघ व माणसांमध्ये थेट संपर्क होतो. परिणामी वाघांच्या हल्ल्यांत वाढ झाली आहे.

    ❓ प्रश्न 2: वाघांच्या हल्ल्यांपासून गावकऱ्यांचे संरक्षण करण्यासाठी काय उपाययोजना करण्यात आल्या आहेत?

    राज्याचे माजी वनमंत्री सुधीर मुनगंटीवार यांच्या अध्यक्षतेखाली झालेल्या बैठकीत कुंपण (बांबू व सोलर) उभारणे, सरपणासाठी स्वतंत्र यंत्रणा, आणि प्राथमिक बचाव पथक (PRT) तैनात करण्याचे निर्देश देण्यात आले आहेत.

    ❓ प्रश्न 4: वाघ किंवा इतर वन्य प्राणी गावाजवळ दिसल्यास काय करावे?

    गावकऱ्यांनी वनविभागाशी तात्काळ संपर्क साधावा. वन्य प्राण्यांपासून दूर राहावे, आवाज करून त्यांना चिडवू नये. अशा प्राण्यांच्या हालचालीबाबत वनविभागाला त्वरित माहिती द्यावी.

  • BJP Chandrapur new city president । चंद्रपुरातील कार्यकर्त्यांचा लाडका नेताच भाजप अध्यक्ष! कासनगोट्टूवार यांची वर्णी

    BJP Chandrapur new city president

    BJP Chandrapur new city president : चंद्रपूर – चंद्रपूर महानगर भाजपला नवा अध्यक्ष मिळाला असून माजी नगरसेवक सुभाष कासनगोट्टूवार यांची अध्यक्षपदी वर्णी लागली आहे, काही दिवसांपूर्वी राज्यातील भात अध्यक्षांच्या निवडीची यादी जाहीर झाली होती मात्र काही ठिकाणी स्थानिक वाद असल्याने अध्यक्षपद जाहीर करण्यात आले नव्हते.

    चंद्रपूर भाजपमध्ये दोन आमदारांमध्ये चढाओढ सुरु असल्याने अध्यक्षपद जाहीर करण्यासाठी महाराष्ट्र भाजपने वेळ लावला, आमदार सुधीर मुनगंटीवार व आमदार किशोर जोरगेवार यांच्यामध्ये आपल्या समर्थकांची वर्णी लागावी यासाठी प्रयत्नशील होते, त्यामुळे अध्यक्षपद निवड प्रक्रिया लांबली.

    चंद्रपुरात तोतया पोलीस

    मात्र आज महाराष्ट्र भाजपने यादी जाहीर केली असून त्यामध्ये चंद्रपूर जिल्हा ग्रामीण भाजपच्या अध्यक्षपदावर हरीश शर्मा यांची पुनर्नियुक्ती तर चंद्रपूर महानगर अध्यक्ष राहुल पावडे यांच्या जागी माजी नगरसेवक सुभाष कासनगोट्टूवार यांनी निवड केली. सुभाष कासनगोट्टूवार हे आमदार किशोर जोरगेवार यांचे समर्थक आहे. तर माजी अध्यक्ष हे सुधीर मुनगंटीवार यांचे कट्टर समर्थक आहे. Subhash Kasangottuwar BJP leader

    subhash kasangottuwar bjp leader

    भाजपचे प्रदर्शन निराशाजनक

    लोकसभा निवडणुकीत चंद्रपूर शहरातील भाजपचे प्रदर्शन निराशाजनक राहिले, विधानसभा निवडणुकीत सुद्धा तीच अवस्था होती, मात्र आमदार जोरगेवार यांच्या लोकप्रियतेमुळे ते भाजपमधून निवडून आले. २०१९ च्या लोकसभा निवडणुकीत सुद्धा भाजपचे प्रदर्शन अत्यन्त निराशाजनक राहिले होते. येणाऱ्या काही महिन्यात स्थानिक स्वराज्य संस्थेच्या निवडणूका लागणार असल्याने त्यापूर्वी भाजपने नवी राजकीय खेळी करीत अध्यक्षपदांमध्ये मोठे फेरबदल केले आहे. Subhash Kasangottuwar public support

    ख़ुशी आणि गम

    सुभाष कासनगोट्टूवार हे भाजप पक्षात मागील अनेक वर्षांपासून सक्रिय आहे, त्यांचं जनसंपर्क कार्यालय बघून आमदार यांच्या कार्यालयात जितकी गर्दी नसते त्यापेक्षा जास्त गर्दी कासनगोट्टूवार यांच्या जनसंरक कार्यालयात असते, त्यांच्याजवळ कार्यकर्ता व सामान्य जनतेची मोठी फळी आहे. भाजप पक्षाला कासनगोट्टूवार यांचा मोठा फायदा होणार हे नक्कीचं. विशेष बाब म्हणजे चंद्रपूर महानगरातील प्रत्येक सामान्य कार्यकर्ता कासनगोट्टूवार यांच्याशी जुडलेला आहे. त्यांचा राजकीय अनुभव दांडगा आहे. विशेष बाब म्हणजे चंद्रपूर महानगर अध्यक्ष पदावर बदल झाल्याने एका गटात ख़ुशी तर एका गटात गम पसरले आहे.

  • SNDT Ballarpur Campus Progress । बल्लारपूरमध्ये महिलांसाठी शिक्षणाचा नवा अध्याय – SNDT विद्यापीठाची वाटचाल वेगात!

    SNDT Ballarpur Campus Progress

    SNDT Ballarpur Campus Progress : मुंबई – चंद्रपूर जिल्ह्यातील विसापूर येथे उभारण्यात येत असलेल्या एसएनडीटी महिला विद्यापीठाच्या बांधकाम प्रगतीचा आढावा राज्याचे माजी वने व सांस्कृतिक कार्य मंत्री आमदार सुधीर मुनगंटीवार यांनी घेतला. यासाठी मुंबईतील एसएनडीटी महिला विद्यापीठाच्या मुख्य परिसरात कुलगुरू मा. डॉ. उज्ज्वला चक्रदेव यांच्या उपस्थितीत आढावा बैठक आयोजित करण्यात आली होती.

    १ जून रोजी चिचडोह बॅरेजचे ३८ दरवाजे उघडणार

    या बैठकीत विद्यापीठासाठी आवश्यक निधी, मूलभूत सुविधा, अध्यापन व शिक्षकेतर कर्मचाऱ्यांची आवश्यकता तसेच शैक्षणिक विस्ताराच्या दृष्टीने सविस्तर चर्चा झाली. यावेळी विद्यार्थिनींनी स्वहस्ते तयार केलेल्या कलात्मक चित्रफ्रेमद्वारे आमदार सुधीर मुनगंटीवार (sudhir mungantiwar) यांचे स्वागत केले.

    एसएनडीटी विद्यापीठाला ११० वर्षे पूर्ण

    भारतरत्न धोंडो केशव कर्वे यांनी 1905 साली महिला आश्रमाच्या स्वरूपात लावलेल्या महिला सक्षमीकरणाच्या रोपटे 1916 साली एसएनडीटी नावाने उदयास आले आणि आज एसएनडीटी विद्यापीठाच्या रूपात एक मोठे वटवृक्ष तयार झाले आहे. येत्या 5 जुलै 2025 रोजी एसएनडीटी विद्यापीठाला 110 वर्ष पूर्ण होत असल्याने त्या संदर्भात आयोजित कार्यक्रमाच्या नियोजनाबद्दल देखील यावेळी चर्चा झाली.

    sndt university

    बैठकीत आमदार मुनगंटीवार म्हणाले,महिला शिक्षण, आत्मनिर्भरता आणि रोजगारनिर्मितीच्या दृष्टीने बल्लारपूर येथे उभारण्यात आलेले ‘महर्षी कर्वे महिला सक्षमीकरण ज्ञानसंकुल’ हे महिलांना केवळ नोकरी शोधणाऱ्या नव्हे, तर नोकरी निर्माण करणाऱ्या म्हणून घडवण्याचे कार्य करत आहे. या ज्ञानसंकुलाच्या माध्यमातून महिलांचे सक्षमीकरण घडवून आणले जात असून, एसएनडीटी विद्यापीठ या प्रक्रियेला अधिक व्यापक व प्रेरणादायी दिशा देईल.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by