महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.
Bamboo goods selling stall : चंद्रपूर, दि. 8 : ग्रामीण भागातील गरजू बांबू कारागीर महिलांना शहरी बाजारपेठेत प्रवेश मिळावा, यासाठी बांबू संशोधन व प्रशिक्षण केंद्र, चिचपल्ली यांच्या वतीने एम. डी. आर. मॉल, चंद्रपूर येथे बांबू वस्तू विक्री स्टॉल उभारण्यात आला आहे.
चंद्रपूर जिल्ह्यातील विविध सामूहिक उपयोगिता केंद्रांमधील कारागीर महिलांनी बांबूपासून तयार केलेल्या पर्यावरणपूरक राख्या, आकर्षक व उपयोगी बांबू हस्तकला वस्तू या स्टॉलवर ठेवण्यात आल्या आहेत. ग्रामीण व आर्थिकदृष्ट्या दुर्बल महिलांना शहरातील प्रतिष्ठित ठिकाणी त्यांच्या हस्तकलेसाठी स्थिर आणि सन्माननीय विक्रीचे व्यासपीठ उपलब्ध व्हावे व त्यातून बांबू कारागीर महिलांचे आर्थिक उत्पन्न वाढावे, हा या उपक्रमाचा मुख्य उद्देश आहे. handmade bamboo gifts for festivals
पर्यावरणपूरक राख्या उपलब्ध
या स्टॉलचे उद्घाटन केंद्राचे संचालक एम. एन. खैरनार यांनी केले. यावेळी केंद्राचे अधिकारी, कर्मचारी, महिला बांबू कारागीर आणि स्थानिक नागरिक मोठ्या संख्येने उपस्थित होते. यावेळी बोलताना संचालक श्री. खैरनार म्हणाले, रक्षाबंधनाच्या पार्श्वभूमीवर चंद्रपूरकरांनी या पर्यावरणपूरक राख्या आणि आकर्षक बांबू भेट वस्तूची मोठ्या प्रमाणात खरेदी करून या ग्रामीण महिलांच्या सक्षमीकरणाला हातभार लावावा.
हा अभिनव उपक्रम अपर प्रधान मुख्य वनसंरक्षक (संशोधन, शिक्षण व प्रशिक्षण) एम. एस. रेड्डी यांच्या मार्गदर्शनात राबविला गेला असून या विक्री केंद्रामुळे बांबू आधारित जीवनशैलीचा प्रसार, महिलांचे आर्थिक सशक्तीकरण, आणि पर्यावरणपूरक उत्पादनांचा प्रचार साध्य होत आहे. भविष्यात अशा स्टॉल्सचे जाळे चंद्रपूरसह विदर्भाच्या इतर शहरी भागातही उभारण्याचा मानस केंद्राचे संचालक श्री. खैरनार यांनी यावेळी व्यक्त केला.
stray cattle control campaign Chandrapur : चंद्रपूर ९ ऑगस्ट – चंद्रपूर शहर महानगरपालिकेतर्फे शहरातील मोकाट जनावरांचा बंदोबस्त करण्याची मोहीम जोमाने सुरु करण्यात आली असुन वाहतुकीस अडथळा निर्माण करणाऱ्या 58 गायी / म्हशी पकडुन त्यांची रवानगी प्यार फाऊंडेशनची गोशाळा येथे करण्यात आली आहे.
मोकाट जनावरे शहरातील मुख्य तसेच इतर मार्गांवर, रस्त्यांवर ठाण मांडून बसून राहात असल्याने वाहनधारकांचा अपघात होण्याची शक्यता अधिक असते. याबाबत मनपातर्फे यापुर्वीही कारवाई करून जनावरांच्या मालकांना समज देण्यात आली आहे.
या कारणामुळे कारवाई
समज दिल्यानंतर काही काळ ते आपल्या जनावरांवर लक्ष देऊन ते रस्त्यावर येणार नाही याची काळजी घेतात,मात्र त्यानंतर पुन्हा जनावरांना मोकाट सोडुन देण्यात येत असल्याचे निदर्शनास आल्याने मनपातर्फे कारवाई करण्याची सुरवात करण्यात आली आहे.
मागील महिन्यापासुन मनपाच्या पथकाने नागपूर रोड, राष्ट्रवादी नगर, तुकूम, बंगाली कॅम्प, बागला चौक, गांधी चौक बाजार,दाताला रोड रामसेतु इत्यादी परिसरात कारवाई करत मोकाट असलेली 58 जनावरे पकडण्यात आली आहे. त्यांची रवानगी प्यार फाऊंडेशन येथे करण्यात आली सर्व मोकाट जनावरांच्या मालकांचा शोध घेऊन त्यांच्यावर गुन्हे दाखल केली जाणार असल्याचे मनपा प्रशासनाने स्पष्ट केले आहे.
खासदार प्रतिभा धानोरकर यांनी केंद्र सरकारसमोर मांडली महिलांसाठी मोठी मागणी!
aadhaar card dual surname for women : चंद्रपूर: शासकीय किंवा निमशासकीय कामकाजात महिलांना लग्नानंतर कागदपत्रामुळे नाहक त्रासाला सामोरे जावे लागते. परिणामी त्यांचा वेळ आणि पैसा वाया जातो. ही समस्या दूर करण्याकरिता महिलांच्या आधार कार्डवर लग्नापूर्वीचे (वडिलांचे ) आणि लग्नानंतरचे (पतीचे ) दोन्ही नावे नोंदवण्याची सुविधा उपलब्ध करून देण्याची लोकहितकारी मागणी खासदार प्रतिभा धानोरकर यांनी इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांना दिल्ली येथे भेट घेऊन केली आहे. add father’s and husband’s name in aadhaar card
अनेक समस्यांचा सामना
सध्याच्या नियमांनुसार, आधार कार्डवर फक्त एकच नाव नोंदवता येते. त्यामुळे, लग्नानंतर महिलांना त्यांच्या माहेरचे आडनाव सोडून पतीचे आडनाव लावावे लागते. या प्रक्रियेमुळे अनेक प्रशासकीय आणि भावनिक समस्या निर्माण होत आहेत. खासदार प्रतिभा धानोरकर यांनी निदर्शनास आणून दिले की, अनेक महिलांचे शैक्षणिक दस्तऐवज, पदवी प्रमाणपत्र, जुने बँक खाते आणि मालमत्तेची कागदपत्रे त्यांच्या लग्नापूर्वीच्या नावावर असतात, ज्यामुळे आधार कार्डवरील नावाशी ते जुळत नाही. या विसंगतीमुळे त्यांना विविध सरकारी आणि खाजगी कामांमध्ये अडचणी येतात.
याव्यतिरिक्त, सांस्कृतिक आणि भावनिक कारणांमुळे अनेक महिलांना त्यांच्या वडिलांचे आडनाव कायम ठेवायचे असते, परंतु आधार कार्डवर ही सुविधा नसल्यामुळे त्यांना आपली एक ओळख सोडावी लागते. या प्रक्रियेमुळे वेळ आणि पैसा वाया जातो, तसेच अनावश्यक कायदेशीर गुंतागुंत निर्माण होते. aadhaar name change after marriage for women
आधार वर सुविधा उपलब्ध करा
खासदार प्रतिभा धानोरकर यांनी पॅन कार्डचे उदाहरण दिले, जिथे वडिलांचे आणि लग्नानंतरचे असे दोन्ही नावे नोंदवण्याची सोय आहे. त्यामुळे महिलांची दोन्ही ओळख सुरक्षित राहते. त्याचप्रमाणे, आधार कार्डवरही ही सुविधा उपलब्ध करून दिल्यास महिलांना त्यांची ओळख जपण्याचा हक्क मिळेल, विविध कागदपत्रांमध्ये एकसारखेपणा येईल आणि प्रशासकीय अडचणी कमी होतील, असे त्यांनी पत्रात नमूद केले आहे.
खासदार प्रतिभा धानोरकर यांनी मंत्र्यांना या महत्त्वाच्या मागणीवर सहानुभूतीपूर्वक विचार करून आवश्यक निर्देश देण्याची विनंती केली आहे. त्यांनी या प्रकरणी तातडीने लक्ष घालून कारवाई करण्याची अपेक्षा व्यक्त केली आहे.
AAP open letter to mla kishor jorgewar : आदरणीय आमदार किशोरजी,
आपण आपल्या पत्रात “अम्मा की पढ़ाई” हे केंद्र बंद करण्याचा निर्णय घेतला आणि तो निर्णय एका आत्मपरीक्षणात्मक, भावनिक शैलीत जनतेसमोर मांडला. आपण लिहिता की, “ही धम्मसेवा आहे” आणि विद्यार्थ्यांच्या डोळ्यांतील अश्रूंना आपण ‘अस्वस्थता’ म्हणून मांडता. पण हा मुद्दा भावनांचा नाही हा इतिहास, समाजप्रबोधन, आणि संविधानाच्या मूल्यांचा विषय आहे. Amma ki padhai controversy
शासकीय रचनेत कोणताही स्पष्ट ठराव न करता, एका विशिष्ट ओळखीचा प्रचार सुरू केला गेला.
स्मारकाच्या किंवा सौंदर्यीकरणाच्या नावाखाली “आयडेंटिटी शिफ्ट” सुरू करण्याचा भाजपाचा देशव्यापी पॅटर्न इथेही दिसून आला. Chandrapur Diksha Bhumi identity politics
आपण काय म्हणता आणि आम्ही का असहमत आहोत?
१. “हा उपक्रम धम्मसेवा आहे” धम्मसेवा व्यक्तिगत भावना नसते — ती सामूहिक असते. डॉ. बाबासाहेब आंबेडकर यांनी जेव्हा दीक्षा दिली, तेव्हा ती वैयक्तिक नव्हती — ती क्रांती होती. आपण जर या कार्याला “धम्मसेवा” म्हणत असाल, तर ती पवित्र सेवा एका विशिष्ट ओळखीच्या किंवा नात्याच्या नावाखाली चालवणे म्हणजे त्या क्रांतीचा अवमूल्यन आहे. मग तो तुमच्या मातोश्रींचा आदर असला तरीही. Amma ki padhai vs Ambedkar values
२. “गैरसमज निर्माण झाले” गैरसमज नव्हते. लोकांनी स्पष्टपणे पाहिले की, बाबासाहेबांचं नाव बाजूला ठेऊन, एका भावनिक नात्याच्या आधारे दीक्षाभूमीच्या परिसरात नवीन ब्रँडिंग सुरू होत होतं. तुम्ही हे केंद्र एखाद्या वस्तीमध्ये सुरू केलं असतं, तर कोणी विरोध केला नसता. पण तुम्ही नेमकं *डॉ. बाबासाहेब आंबेडकर महाविद्यालय आणि दीक्षाभूमी परिसर निवडला — हे निवडणूकपूर्व मनोवैज्ञानिक रणनितीचे पाऊल होते.
३. “विद्यार्थ्यांचा विकास झाला, 27 उत्तीर्ण झाले”
हे खूप चांगले आहे. आम्ही त्याचं स्वागत करतो. पण शिक्षण देताना त्यावर तुमचं “ब्रँडिंग” लावणं — हेच प्रश्न निर्माण करतं. विचार करा — जर दुसऱ्या कुणी ‘हेडगेवार की पढाई’ सुरू केलं असतं, तर ते ही धम्मसेवा मानली गेली असती का?
मुख्य मुद्दा : “ज्योत विझली नाही — पण तुमचा हात जर त्या ज्योतीच्या सावलीतच राजकारण करत असेल, तर ती विझवणंच योग्य!”
तुम्ही लिहिता की, “ज्योत विझलेली नाही – ती पुन्हा पेटणार आहे”* पण प्रश्न ‘ज्योती’चा नाही आहे. प्रश्न त्या ज्योतीच्या नावाखाली कोणते झेंडे फडकवले जातात, हाच आहे! तुम्ही सांगत आहात की केंद्र बंद केलं — परंतु बाबासाहेबाचे नाव ठेऊन हे केंद्र सुरू ठेवता आले असते परंतु तुम्ही तसें केले नाही नावासाठी एवढा अट्टहास का ? हा जनतेला पडलेला प्रश्न आहे. AAP open letter to mla kishor jorgewar
तुमचं पत्र — एक रणनीती, आत्मपरीक्षण नव्हे.
आपण तुमच्या पत्रात विद्यार्थ्यांच्या अश्रूंना, आईच्या आठवणींना, आणि धम्मसेवेच्या शब्दसामर्थ्याला कवटाळून लोकभावना तयार करण्याचा प्रयत्न करता. हे आम आदमी पक्षाचा कार्यकर्ते म्हणून चुकीचे वाटते , बाबासाहेबांच्या विचारांचे कार्यकर्ते म्हणून, आम्ही तुम्हाला सांगू इच्छितो
भावना बाजूला ठेवा, सत्य ऐका — “बाबासाहेबांची जागा कोणत्याही नावाने बदलता येणार नाही.”
म्हणून शेवटी आमचं उत्तर स्पष्ट आहे:
तुमचं हे पत्र स्वतःला क्लीन चिट देण्याचा एक प्रयत्न आहे. पण चंद्रपूरच्या जनतेने डोळे उघडले आहेत. हा लढा “अम्मा की पढ़ाई” विरोधात नाही — तर बाबासाहेबांविरुद्ध सुरू असलेल्या हळूहळू चालणाऱ्या ओळख-हेरफेरी विरोधात आहे.
बाबासाहेबांचे नाव, कार्य आणि जागा कोणत्याही प्रकारे, कोणत्याही भावनिक संज्ञेतून झाकली जाणार नाही हीच आम्ही मागणी पुन्हा मांडतो. आपणाला माहित असेल आम आदमी पार्टी ने दिल्ली पंजाब मध्ये शिक्षा क्रांती सुरू केली ती केवळ नावासाठी नाही तर गरीब, वंचित ,दुर्बल घटकातील मुलगा शिकला पाहिजे कुठलेही जाती पातीचे राजकारण न करता मुलगा सक्षम झाला पाहिजे हीच आम आदमी पार्टीची भूमिका आहे. शिक्षण आणी आरोग्य या विषयावर कुणी राजकारण करत असेल तर आम आदमी पार्टी भविष्यात ही विरोध करणार. हम राजनीती करणे नही इसे बदलणे आये हैं !
आमदार सुधाकर अडबाले यांच्या प्रश्नानंतर शिक्षण विभागाचा शासन निर्णय निर्गमित
Shikshak bharti ghotala latest news : चंद्रपूर : नागपूर विभागातील शिक्षक पदभरती घोटाळा, शालार्थ आयडी घोटाळ्याने राज्यात खळबळ उडाली आहे. या घोटाळ्याची व्याप्ती नागपूर विभागासह संपूर्ण राज्यात आहे. त्यामुळे राज्यातील बोगस शिक्षक पदभरती / शालार्थ आयडी प्रकरणाचा तपास एसआयटीमार्फत करावा. यात गृह, शिक्षण विभागातील निवृत्त अधिकारी व उच्च न्यायालयातील निवृत्त न्यायाधीशांचा समावेश करण्याची मागणी आमदार सुधाकर अडबाले यांनी ४ जुलै २०२५ रोजी विधानपरिषदेत तारांकित प्रश्नाद्वारे केली होती. या प्रकरणाची व्याप्ती बघता राज्यस्तरीय एसआयटी नियुक्त करण्यात येणार असल्याचे शिक्षण राज्यमंत्री पंकज भोयर यांनी उत्तर देतांना सांगितले होते. त्‍यानुसार शालेय शिक्षण व क्रीडा विभागाकडून प्रधान सचिव यांनी ‘एसआयटी’ची घोषणा करण्याबाबत शासन निर्णय निर्गमित केला. यामुळे आमदार सुधाकर अडबाले यांच्या सततच्या पाठपुराव्याला यश आले आहे. bogus Shalarth ID scam Maharashtra
महाराष्ट्रातील शिक्षण क्षेत्रात अराजकता माजली आहे. शिक्षक पदभरती घोटाळा, शालार्थ आयडी घोटाळा नागपूर या उपराजधानीत उघडकीस आला आहे. या घोटाळ्याची पाळेमुळे राज्यभर पसरली आहेत. नागपूर, भंडारा या जिल्ह्यांमध्ये बोगस भरती, शालार्थ आयडी घोटाळा उघडकीस आला. या घोटाळ्याची व्याप्ती मोठी आहे. संपूर्ण महाराष्ट्रामध्ये अशा प्रकारच्या नियुक्तीस मान्यता व शालार्थ आयडी देण्यात आलेल्या आहेत. त्यामुळे राज्यस्तरावर तात्काळ एसआयटी नियुक्त करावी, अशी मागणी आमदार सुधाकर अडबाले यांनी विधानपरिषदेत केली होती.
चौकशी समितीमध्ये गृह, शिक्षण विभागातील निवृत्त अधिकारी व उच्च न्यायालयातील निवृत्त न्यायाधीश
यावर शिक्षण राज्यमंत्री पंकज भोयर यांनी उत्तरात नागपूर, भंडारा, नाशिक व जळगाव या जिल्ह्यांमध्ये बोगस भरती, शालार्थ आयडी घोटाळा उघडकीस आला आहे. या प्रकरणाची व्याप्ती बघता राज्यस्तरीय एसआयटी नियुक्त करून चौकशी करण्यात येणार असून, यात गृह, शिक्षण विभागातील निवृत्त अधिकारी व उच्च न्यायालयातील निवृत्त न्यायाधीशांचा समावेश करण्यात येणार असल्याचे मंत्री श्री. भोयर सांगितले होते. state level SIT for education scam
त्‍यानुसार ७ ऑगस्ट २०२५ रोजी शालेय शिक्षण व क्रीडा विभागाकडून ‘एसआयटी’ची घोषणा करण्यात आली. पुण्याचे विभागीय आयुक्त चंद्रकांत पुलकुंडवार (पथक प्रमुख), पोलीस महानिरीक्षक (कायदा व सुव्यवस्था) मनोजकुमार शर्मा व शिक्षण आयुक्तालयातील सहसंचालक (प्रशासन, अंदाज व नियोजन) हारून आतार यांचा या ‘एसआयटी’मध्ये समावेश आहे. तीन सदस्यांच्या समितीकडून २०१२ पासून ते आजतागायत प्रकरणांची सखोल चौकशी करण्यात येणार आहे. विशेष चौकशी पथकाने आपला अहवाल चौकशी पथक गठित झाल्‍याच्या दिनांकापासून तीन महिन्‍यांच्या आत शासनास सादर करावा, अशा सूचना देण्यात आल्या आहेत. यामुळे आमदार सुधाकर अडबाले यांच्या सततच्या पाठपुराव्याला मोठे यश आले आहे.
police trace missing girl after six year : चंद्रपूर – आई रागावली आणि अल्पवयीन मुलीने रागाच्या भरात घर सोडले, आई ला वाटलं मुलगी सायंकाळी राग शांत झाल्यावर घरी येणार मात्र ती आलीच नाही, अखेर ६ वर्षांनी पोलिसांनी त्या मुलीला शोधून काढले. हि कुण्या चित्रपटाची कहाणी नसून चंद्रपुरातील सत्य घटना आहे.
२३ ऑगस्ट २०१९ मध्ये रामनगर पोलीस स्टेशनच्या हद्दीत १६ वर्षीय अल्पवयीन मुलगी आईने रागावल्याने घरी कुणालाही न सांगता घरून निघून गेली होती. मुलगी घरी न आल्याने आई-वडिलांनी सर्वत्र शोध घेतला मात्र मुलगी कुठे आढळून आली नाही
अखेर आई-वडिलांनी याबाबत रामनगर पोलिसात तक्रार नोंदविली. पोलिसांनी कलम ३६३ अंतर्गत गुन्हा दाखल करीत मुलीचा शोध सुरु केला. सातत्याने पोलिसांनी प्रयत्न करीत तब्बल ६ वर्षांनी त्या मुलीला शोधून काढले. ती मुलगी आता २२ वर्षाची झाली असून तिने सांगितले कि मी फिरण्याकरिता पुण्यात गेली होती मात्र नंतर लॉकडाऊन लागल्याने मी तिथेच अडकली होती. त्यानंतर ती मुलगी पुण्यात वास्तव्यास राहली. Chandrapur police missing girl 6 years later reunited
विशेष बाब म्हणजे रामनगर पोलिसांनी कसोशीने मुलीचा शोध घेत तिला आई-वडिलांकडे सोपविण्यात आले, मुलगी ६ वर्षांनी भेटल्याचा आनंद पालकांच्या चेहऱ्यावर होता त्यांनी रामनगर पोलिसांचे आभार मानले. सदरची यशस्वी कामगिरी पोलीस निरीक्षक असिफ रजा शेख यांच्या नेतृत्वात सपोनि प्रज्ञा वाडेकर, पोलीस कर्मचारी पवन डाखरे, सीमा पोरेते, सुमेध मानकर व प्राजक्ता रांजणकर यांनी केली.
मिसिंग सेलचे यश
अपहरण झालेले व घरून निघून गेलेल्या व्यक्तीचा शोध घेण्यासाठी राज्यात स्वतंत्रपणे मिसिंग सेल स्थापन करण्यात आला आहे. चंद्रपूर जिल्हा पोलीस अधीक्षक मुमक्का सुदर्शन यांनी उपविभाग व जिल्हा स्तरावर एकूण ८ मिसिंग सेल स्थापन केले, जिल्हा स्तरीय मिसिंग सेलचे नियंत्रण अप्पर पोलीस अधीक्षक ईश्वर कातकडे यांच्याकडे आहे. २७ जुलै ते ६ ऑगस्ट या १० दिवसांच्या कालावधीत चंद्रपूर पोलिसांनी ६० मुले, मुली, महिला व पुरुषांचा शोध लावला. Chandrapur missing person cell success story
यामध्ये जिल्ह्यातील विविध पोलीस स्टेशन हद्दीतील घरून निघून गेलेले, हरवलेले, मिसिंग झालेले २४ पुरुष, २७ महिला तर अपहरण व पळविलेल्या २ अल्पवयीन मुले व ७ अल्पवयीन मुलींचा शोध घेण्यात पोलिसांना यश मिळाले.मिसिंग सेल मार्फत जिल्ह्यात राबविण्यात आलेल्या ऑपरेशन शोध मुळे कुटुंबापासून विभक्त झालेल्याना त्यांच्या प्रियजनांकडे सोपविण्यात आल्याने पालकांच्या चेहऱ्यावर आनंद होता.
Politics on Amma Ki Padhai : चंद्रपूर – आज अनेक युवा डोळ्यात अधिकारी बनण्याचं स्वप्न बाळगून असतात , मात्र आर्थिक परिस्थिती, योग्य मार्गदर्शनाचा अभाव यामुळे अनेक युवा वर्गाचे स्वप्न भंग होतात, मात्र हि अडचण युवा वर्गापुढे येऊ नये यासाठी आमदार किशोर जोरगेवार यांनी आपल्या आईच्या नावाने अम्मा कि पढाई हा उपक्रम सुरु केला मात्र गोरगरीब युवकांच्या अधिकारी बनण्याच्या मार्गावर काही राजकीय पक्षांनी अडथळा आणला. आणि आज हा उपक्रम काही काळासाठी स्थगित करण्यात आला. Politics on Amma Ki Padhai
महामानव डॉ बाबासाहेब आंबेडकर यांनी युवा वर्गाला शिका व संघटित व्हा, असा मोलाचा संदेश दिला होता, त्यांच्या या संदेशावर आमदार जोरगेवार यांनी एक पाऊल पुढे टाकत अम्मा कि पढाई उपक्रमाचा शुभारंभ केला, या माध्यमातून पूर्व तयारी परीक्षा घेण्यात आली ज्यामध्ये तब्बल ३ हजार युवक वर्गाने परीक्षा दिली व त्यामधून एकूण २८४ विद्यार्थ्यांची निवड झाली. जून महिन्यात शहरातील डॉ. बाबासाहेब आंबेडकर महाविद्यालयात अम्मा कि पढाई केंद्र सुरु करण्यात आले. सर्व सुरळीत सुरु होते मात्र जोरगेवार हे दीक्षाभूमी परिसरात अतिक्रमण करीत आहे असा आरोप करीत काही राजकीय पक्षांनी अम्मा कि पढाई केंद्र बंद करा अशी मागणी केली. Amma Ki Padhai free coaching
यावर आमदार किशोर जोरगेवार यांनी या उपक्रमाच्या माध्यमातून नवा वाद निर्माण न व्हावा यासाठी सदर केंद्र आंबेडकर महाविद्यालयातून बंद करण्यात आला. याबाबत त्यांनी संदेश प्रसारित केला आहे.
काय आहे आमदार जोरगेवार यांचा भावनिक संदेश?
महामानव डॉ. बाबासाहेब आंबेडकर यांनी चंद्रपूरच्या पवित्र भूमीत आपल्या करुणामयी स्पर्शाने धम्मदीक्षेचा दीप प्रज्वलित केला. ही दीक्षा केवळ धर्मग्रहण नव्हे, तर आत्मोद्धार, समता, आणि शिक्षणाच्या क्रांतीची ग्वाही होती. त्याच प्रेरणेतून शिक्षणाची नवी ज्योत प्रज्वलित करण्यासाठी. ‘अम्मा की पढाई’ हा उपक्रम आपण डॉ. बाबासाहेब आंबेडकर महाविद्यालयात सुरू केला. MPSC exam coaching for poor youth
या उपक्रमात 284 गरीव व गरजू विद्यार्थ्यांना स्पर्धा परीक्षेसाठी मोफत मार्गदर्शन दिले जात होते. महाराष्ट्र गट क सेवा पूर्व परीक्षा 2024 चा निकाल महाराष्ट्र लोकसेवा आयोगाने (MPSC) नुकताच दिनांक ६ ऑगस्ट रोजी जाहीर केला. यामध्ये अम्मा की पढाई शिक्षा केंद्रातील 27 विद्यार्थी उत्तीर्ण झाले. याचे समाधान आहे. ही केवळ शैक्षणिक यशाची गोष्ट नव्हे, तर त्या मुलांच्या स्वप्नांना हात देणाऱ्या धम्मकार्याची साक्ष आहे. मात्र, या कार्याला काही राजकीय पक्षांचा विरोध उभा राहिला. त्यांच्या भावना आम्ही समजून घेतो, त्यांचाही आम्ही मन:पूर्वक आदर करतो.
परंतु हे केंद्र नेमकं काय आहे, त्याचा उद्देश काय आहे, हे समजवण्यात कदाचित आम्ही कमी पडलो असू शकतो. किंवा, हा एक विधायक सामाजिक उपक्रम राजकारणाच्या आणि त्यातून निर्माण झालेल्या गैरसमजाच्या भोवऱ्यात सापडून बळी गेला असेल — हे सुद्धा चिंतन करण्यासारखे आहे. उद्घाटनाच्या दिवशी विद्यार्थ्यांच्या डोळ्यांत जे तेज होतं, त्याच डोळ्यांत आज अश्रू आहेत – ही बाब अस्वस्थ करणारी आहे. Chandrapur youth free exam preparation centre
स्वतःच्या जिद्दीवर आणि शिक्षणावर विश्वास ठेवणाऱ्या या विद्यार्थ्यांनी प्रामाणिकपणे शिक्षण घेतलं… आज त्यांच्या अपेक्षांना तात्पुरता विराम मिळतो आहे, ही गोष्ट मनाला चटका लावून जाते. हा उपक्रम काही काळासाठी स्थगित करत आहोत. नवीन जागेची शोधाशोध व पुनर्रचना करण्यासाठी आम्हाला थोडा कालावधी लागणार आहे.
या निर्णयामुळे काही विद्यार्थ्यांच्या स्वप्नांना तात्पुरता थांबा लागेल, याचे दुःख आहे. आम्ही त्यांची आशा पूर्ण करू शकलो नाही, याचे मनस्वी वाईटही वाटते. पण हे कार्य इथे थांबणार नाही. कारण शिक्षण ही बाबासाहेबांची खरी दीक्षा आहे, आणि ही आमची धम्मसेवा आहे. या प्रवासात आमच्यासोबत उभं राहिलेल्या प्रत्येकाचा आम्ही ऋणी आहोत
ज्योत विझलेली नाही — ती पुन्हा पेटणार आहे. अधिक तेजस्वीपणे.
– तुमचा किशोर जोरगेवार
राजकारणाचा बळी अम्मा कि पढाई
ज्या राजकीय पक्षांनी अम्मा कि पढाई या केंद्राला विरोध केला त्यांनी कदाचित आयुष्यात एकही गोरगरीब मुलांच्या शिक्षणाची जबाबदारी घेतली नसेल, शिक्षणाचं महत्व काय हे बाबासाहेब आंबेडकर यांनी उपेक्षित वर्गाला पटवून दिले होते मात्र आज राजकीय पक्ष बाबासाहेबांच्या धोरणावर टीका करताना दिसत आहे. राजकीय पक्षांनी या विरोधाच्या माध्यमातून गोरगरीब मुलांचे भविष्य उध्वस्त केले आहे.
NAKSHA project Ghugus Chandrapur district : चंद्रपूर, दि. 6 : केंद्रीय ग्रामीण विकास मंत्रालयाच्या भूमी संसाधन विभागाच्या मार्गदर्शनाखाली देशातील 150 शहरी भागात “National Geospatial Knowledge Based Land Survey of Urban Habitations (नक्षा)” हा कार्यक्रम प्रायोगिक तत्वावर राबविण्यात येत आहे. महाराष्ट्रातील 10 स्थानिक स्वराज्य संस्थांपैकी चंद्रपूर जिल्ह्यातील घुग्घुस नगर परिषदेचा समावेश असून याठिकाणी प्रकल्पाचे काम अंतिम टप्प्यात आहे.
सदर प्रकल्पाची यशस्वी अंमलबजावणी सुनिश्चित करण्यासाठी प्रभारी जिल्हाधिकारी डॉ. नितीन व्यवहारे यांच्या अध्यक्षतेखाली जिल्हास्तरीय समितीची बैठक वीस कलमी सभागृहात पार पडली. या बैठकीस जिल्हा अधीक्षक भूमि अभिलेख भुषण मोहिते, नगर रचना अधिकारी गणेश चिल्लाळ, घुग्घुस न.प. चे मुख्याधिकारी निलेश रांजणकर मनपाचे उपायुक्त संदीप चिदंबर पोलिस निरीक्षक दिनेश लबडे, उपअधिक्षक भुमी अभिलेख भूमरेड्डी गिज्जेवार आदी उपस्थित होते.
घुग्घुस नगर परिषदेचा भूमापन प्रकल्प यशस्वीरित्या पार पडण्यासाठी सर्वे ऑफ इंडिया व त्यांचे खाजगी भागीदार आर. व्ही. असोसिएट्स यांच्या माध्यमातून हेलिकॉप्टर आणि ड्रोनद्वारे मोजणी पूर्ण करण्यात आली आहे. तसेच नगर परिषदेमार्फत कर आकारणी नमुना 8 अ (पीटीआर डेटा) भूमि अभिलेख विभागास सादर करण्यात आला आहे. या अंतर्गत ग्राऊंड कंट्रोल पॉईंट्स, बेंचमार्क स्थापन करणे आणि सीमांकनासह ड्रोन इमेजवर आधारित प्रारूप नकाशे व जिओ टीआयएफएफ फायली प्राप्त होण्याची प्रक्रिया सुरू असून, त्यानंतर स्थानिक चौकशी केली जाईल. नागरीकांना यासंदर्भात पूर्वसूचना दिली जाणार असून चौकशीदरम्यान संबंधितांनी मालकी हक्काचे कागदपत्र सादर करण्याचे आवाहन करण्यात आले आहे. NAKSHA pilot project
प्रकल्पाचे फायदे काय?
प्रत्येक मालमत्तेचे जीआयएस प्रणालीवर आधारित रेखांकन आणि मूल्यांकन, शहरी नियोजनासाठी आवश्यक बेस मॅप उपलब्धता, प्रत्येक मिळकतीचा स्वतंत्र नकाशा आणि मालकी सनद, बहुमजली इमारतींतील प्रत्येक युनिटसाठी अधिकार अभिलेख, रस्ते, गल्ल्या, जलस्त्रोत, सरकारी मिळकतीचे जीआयएस आधारित नकाशे, मालमत्ता कर नोंदवही (PTR) अद्ययावत करणे, शासन व स्थानिक संस्थांच्या मिळकतींचे रजिस्टर अद्ययावत करणे, नागरिकांना धारक हक्काचा अधिकृत अभिलेख देऊन आर्थिक सक्षमीकरण.
प्रकल्पामुळे मालकीचे वाद कमी होणार असून नियोजनबद्ध शहरी विकासासाठी आधारभूत माहिती मिळणार आहे. प्रकल्पाच्या यशस्वीतेसाठी स्थानिक नागरिकांनी सहकार्य करावे, असे आवाहन प्रभारी जिल्हाधिकारी व इतर अधिकाऱ्यांनी केले आहे.
Vrikshmitra competition Chandrapur : चंद्रपूर 6 ऑगस्ट – वाढत्या उष्णतेचे संकट, हवामानातील असमतोल, वायुप्रदूषण आणि हिरवळीचे घटते प्रमाण या गंभीर समस्यांचा सामना करण्यासाठी चंद्रपूर शहर महानगरपालिका स्वच्छ भारत अभियान व माझी वसुंधरा अभियान अंतर्गत 10 ऑगस्ट 2025 ते 30 ऑगस्ट 2025 या कालावधीत “वृक्षमित्र स्पर्धा 2025” आयोजित करत असल्याची माहिती सहायक आयुक्त शुभांगी सुर्यवंशी यांनी दिली. Chandrapur tree plantation competition
5 ऑगस्ट रोजी मनपा सभागृहात आयोजीत करण्यात आलेल्या बैठकीत सहभागी सामाजिक संस्थांना स्पर्धेचे निकष व इतर माहिती देण्यात आली. स्पर्धेत आतापर्यंत 25 संघांनी सहभाग दर्शविला आहे. यंदाच्या स्पर्धेचा उद्देश “हरित चंद्रपूर” ही संकल्पना प्रत्यक्षात उतरवणे, तसेच नागरिक व सामाजिक संस्थांचा सक्रिय सहभाग घेऊन शहरात मोठ्या प्रमाणावर वृक्षारोपण व संगोपन करणे हा आहे.स्पर्धेत शहरातील सर्व स्थानिक अशासकीय सामाजिक संस्था,एनजीओ,ओपन स्पेस विकास समिती,क्लब्स,जेष्ठ नागरिक मंडळे,युवक युवती मंडळे तसेच महिला मंडळे सहभागी होऊ शकतात. या प्रसंगी सहायक आयुक्त शुभांगी सुर्यवंशी,उपअभियंता रवींद्र कळंबे,गोपाल मुंदडा,साक्षी कार्लेकर तसेच इतर सामाजिक संस्थांचे प्रतिनिधी उपस्थीत होते. Vrikshmitra green city initiative Chandrapur
स्पर्धेचा उद्देश –
वाढते तापमान आणि हवामानातील बदल यांना तोंड देण्यासाठी हिरवळ वाढवणे. प्रत्येक नागरिक व सामाजिक संस्थेमध्ये पर्यावरण संवर्धनाची भावना रुजवणे. सार्वजनिक ठिकाणी, रस्त्यांच्या कडेला, मोकळ्या जागेत व सरकारी जमिनीवर वृक्षारोपण करून सौंदर्यवृद्धी व प्रदूषण नियंत्रण साध्य करणे.
सहभागी कोण होऊ शकतात?
नोंदणीकृत व अनोंदणीकृत सामाजिक संस्था (NGO) विविध क्लब, महिला मंडळे, गणेश मंडळे, क्रीडा संघटना, ज्येष्ठ नागरिक मंडळे योग व नृत्य गट, सायकल क्लब, बचत गट इ. (स्पर्धा फक्त गटांसाठी असून वैयक्तिक सहभाग मान्य नाही)
स्थळ निवड अटी – शासकीय जागा, सार्वजनिक मोकळी जागा, रस्त्यालगतची मोकळी पट्टी. किमान क्षेत्रफळ – 1000 चौ. फूट किंवा रस्त्यालगत 500 मीटर अंतर. स्थळाची पूर्वतपासणी महानगरपालिकेमार्फत होईल.
मनपाकडून मिळणारी मदत – वृक्षांची मोफत उपलब्धता. तांत्रिक मार्गदर्शन व देखभाल पद्धतीबाबत सल्ला. गटाची जबाबदारी – वृक्ष लावणे व त्यांचे संगोपन किमान एक वर्ष करणे. वृक्षांना ट्री गार्ड (टाकाऊ साहित्यापासून तयार केल्यास अधिक गुण). वृक्ष संगोपनासोबतच पर्यावरण जनजागृतीसाठी उपक्रम, रॅली, कार्यशाळा आयोजित करणे.
पारितोषिके – NGO/क्लब श्रेणी: प्रथम – ₹21,000/- द्वितीय – ₹15,000/- तृतीय – ₹11,000/- प्रोत्साहनपर (3 गट) – प्रत्येकी ₹5,000/- नागरिक गट श्रेणी – प्रथम – ₹21,000/- द्वितीय – ₹15,000/- तृतीय – ₹11,000/- प्रोत्साहनपर (3 गट) – प्रत्येकी ₹5,000/-
नोंदणी प्रक्रिया – इच्छुक गटांनी मनपाने उपलब्ध करून दिलेल्या Google Form द्वारे अथवा उद्यान विभाग, चंद्रपूर महानगरपालिकेमध्ये प्रत्यक्ष नोंदणी करावी. नोंदणीवेळी गटाचे नाव, सदस्यांची यादी, निवडलेले स्थळ व उपक्रमाची संक्षिप्त योजना सादर करावी. संपर्क – उद्यान विभाग, चंद्रपूर महानगरपालिका मो.: 74989 54976, 83291 69743
Kishor Jorgewar on Amma Chowk controversy : चंद्रपूर – शहरात सध्या सुरु असलेला अम्मा चौक प्रकरणाचा वाद आता दीक्षाभूमी पर्यंत पोहोचला आहे, कांग्रेस व आम आदमी पक्षाने या वादात आमदार किशोर जोरगेवार यांना चांगलेच धारेवर धरले अश्यातच पीरिपा ने आंबेडकर महाविद्यालयात सुरु असलेल्या अम्मा कि पढाई उपक्रम तात्काळ बंद करावा अन्यथा आम्ही बंद पाडू असा इशारा दिला. अश्यातच या वादावर आमदार जोरगेवार यांनी मौन सोडलं. Amma Chowk naming dispute
ज्यांच्या नावाने वाद त्या अम्मा आहे तरी कोण?
सात मजली इमारतीजवळ आमदार जोरगेवार यांच्या आई दिवंगत गंगुबाई उर्फ अम्मा ह्या टोपल्या विकायच्या, अम्मा यांनी टोपल्या विकून आपल्या परिवाराचा गाडा पुढे नेला होतो, विशेष बाब म्हणजे किशोर जोरगेवार हे आमदार झाल्यावर सुद्धा त्या टोपल्या विकत होत्या. मोठे झाले तर माजू नका आणि आपल्या कामावर कधी लाजू नका असा संदेश त्यांनी अनेकांच्या मनात रुजविला. गोर गरीब व निराधार नागरिकांसाठी त्यांनी अम्मा का टिफिन हा उपक्रम सुरु केला. या उपक्रमातून दररोज ३०० च्या नागरिकांना जेवणाचा डब्बा घरपोच पोचविल्या जातो. त्यानंतर अम्मा कि दुकान निराधार महिलांसाठी सुरु केलेला उपक्रम. Amma Ki Dukan scheme
अम्मा स्वतः अशिक्षित राहिल्या मात्र त्यांनी आपल्या मुलांना शिक्षण व सामाजिक क्षेत्रात आपल्या मुलांना कसे वावरायचे याचे धडे दिले. आता आमदार जोरगेवार यांनी नुकतेच अम्मा कि पढाई हा स्पर्धात्मक परीक्षा केंद्र सुरु करीत बेरोजगार युवकांना स्पर्धात्मक शिक्षणाचे मोफत प्रशिक्षण देणे सुरु केले. त्यांच्या सामाजिक कार्याची दखल फुटपाथ असोसिएशन ने घेत त्या जिथे टोपल्या विकायच्या तिथेच अम्मा चौक स्मारक व्हावा यासाठी मनपाकडे प्रस्ताव दिला, मनपाने सर्व संमतीने प्रस्ताव पारित केला व अम्मा चौक स्मारकाचे बांधकाम सुरु केले.
या अम्मा चौक ला शहर कांग्रेस अध्यक्ष रामू तिवारी यांनी विरोध करीत गांधी चौकाला नामशेष करण्याचा हा आमदाराचा प्रयत्न आहे, सदर काम पुरातन विभागाची परवानगी न घेता सुरु असल्याने तिवारी यांनी मनपा व पुरातन विभागाकडे याबाबत लेखी तक्रार देत अम्मा चौक स्मारकाचे काम थांबविले. तसेच अम्मा चौक बाबत आंबेडकर महाविद्यालयाच्या मागील बाजूस काम सुरु असल्याबाबत आम आदमी पक्षाने यावर आक्षेप घेतला. त्यावर मनपा आयुक्त विपीन पालीवाल यांनी ते सौंदर्यीकरनाचे काम सुरु असल्याबाबत सांगितले. असा व्हिडीओ समाजमाध्यमात मनपाद्वारे न देता भाजप पदाधिकाऱ्यांनी व्हायरल केला. Amma Chowk memorial protest by Congress
ज्यांना काम नाही ते आरोप करतात
आमदार किशोर जोरगेवार यांच्यावर सुरु असलेल्या आरोपांच्या फैरी वर त्यांनी अखेर मौन सोडलं, भाजपची नवी कार्यकारणी जाहीर होताच आज याबाबत पत्रकार परिषद घेण्यात आली. पत्रकारांनी अम्मा चौक बाबत सुरु असलेल्या वादावर प्रश्न केला असता आमदार जोरगेवार म्हणाले कि, कष्टकरी दलित महिलेच्या सामाजिक कार्यावर फुटपाथ असोसिएशनने मनपाला अम्मा चौक निर्माण व्हावा याबाबत मागणी केली, मनपा ने दखल घेत सदर मागणी मंजूर केली त्या मागणीला तथाकथित कांग्रेसचे पदाधिकारी ज्यांना कसलेही काम नाही त्यांनी विरोध दर्शविला. अम्मा चौक न व्हावा असे कांग्रेसला वाटत असेल तर माझा काही आग्रह नाही कारण चौकाला अम्मा चं नाव दिल तर त्या मोठ्या होणार नाही आणि नाव दिल नाही तर त्या छोट्या होणार नाही, याबाबत मनपाने निर्णय घ्यावा. Kishor Jorgewar on Amma Chowk controversy
अम्मा कि पढाई केंद्राला काहींनी विरोध करणे सुरु केले आहे त्यावर आमदार जोरगेवार यांनी स्पष्टीकरण दिले कि डॉ. बाबासाहेब आंबेडकर यांच्या शिक्षणाच्या विचाराला केंद्रस्थानी घेत आंबेडकर महाविद्यालयाच्या मागील बाजूस च्या रूम खाली आहे त्याठिकाणी हा सामाजिक उपक्रम सुरु केला. त्यावर आक्षेप घेणारे हे तथाकथित सोडलेले लोक आहे.
