News34 chandrapur

चंद्रपूर – एकीकडे गेल्या काही दिवसांत मराठ्यांनी आरक्षणाच्या मागणीसाठी आंदोलन केले. दुसरीकडे या समाजाला आरक्षण देण्याच्या मागणीवरून ओबीसी नेते आक्रमक झाले आहेत. मराठा समाजाला ओबीसीतून आरक्षण देण्यास त्यांनी कडाडून विरोध केला आहे. चंद्रपूर जिल्ह्यात राष्ट्रीय ओबीसी विद्यार्थी महासंघाचे अध्यक्ष रवींद्र टोंगे यांच्या अन्नत्याग उपोषणाला प्रशासनाने तिसऱ्या दिवशी दडपण्याचा प्रयत्न केल्यानंतर आज पाचव्या दिवशी पर्यंत प्रशासनाने रीतसर कानडोळा करत आहे. Maratha vs obc

राष्ट्रीय ओबीसी विद्यार्थी महासंघाचे महासचिव सचिन राजूरकर यांनी मराठ्यांच्या या मागणीला विरोध करत मराठ्यांना ओबीसी कोट्यातून आरक्षण मिळू नये कारण ते सामाजिक ,शैक्षणिक व आर्थिकदृष्ट्या कमकुवत नाहीत, तसेच सुप्रिम कोर्टाने 5 मे 2021 मराठा समाजाचे आरक्षण नाकारलेले आहे असे म्हटले आहे.

शिवाय वास्तविक, मराठा आरक्षणाबाबत महाराष्ट्रात गेल्या अनेक वर्षांपासून आंदोलन सुरू आहे. मात्र अलीकडेच दोन आठवड्यांपूर्वी मराठा समाजाला आरक्षण मिळावे या मागणीसाठी कार्यकर्ते मनोज जरंगे उपोषणाला बसले तेव्हा हा मुद्दा पुन्हा एकदा तापला.परंतु जरांगे यांची मागणी संविधानाच्या कक्षेत बसणारी नसून आम्ही संविधानिक मागणी करीत आहोत असे ओबीसी महासंघाने स्पष्ट केले.

दुसरीकडे मराठ्यांना ओबीसी कोट्यातून आरक्षण देण्याची मागणी पाहता चंद्रपूरातील ओबीसी समाजातील लोकही मराठ्यांना आरक्षण देण्याच्या विरोधात रस्त्यावर उतरले आहेत.येत्या 17 सप्टेंबर ला ओबीसी समाज बांधव मोठया प्रमाणात महामोर्चा काढणार आहे.

या आंदोलनात मराठ्यांचे ओबीसीकरण करू नये ही मुख्य मागणी असून राज्याचे इतर मागास बहुजन कल्याण मंत्री अतुल सावे यांनी मराठा समाजाच्या उपोषण मंडपास भेट दिली व खुद्द ओबीसींचे मंत्री असताना ओबीसी समाजाच्या अन्नत्याग आंदोलनाकडे पाठ फिरवल्याने राष्ट्रीय ओबीसी महासंघाचे महासचिव सचिन राजूरकर यांनी इतर मागास बहुजन कल्याण मंत्री यांनी राजीनामा द्यावा अशी मागणी केली आहे.

News34 chandrapur

चंद्रपूर – 24 तासामधून दररोज तब्बल 18 तास बंद राहणाऱ्या बाबूपेठ रेल्वे फाटकाचा त्रास आता संपणार आहे, कारण रेल्वे उड्डाणपूलाचे काम आता निम्मे राहिले असून येत्या काही महिन्यात बाबूपेठ मधील नागरिक उड्डाणपूलावरून जाणार आहे. Babu peth railway flyover

अनेक वर्षांपासून प्रलंबित असलेल्या बाबूपेठ उड्डाणपुलाचे भूमिपूजन तब्बल 7 वेळा करण्यात आले होते, मात्र अधिकृत उदघाटन व्हायला बराच कालावधी लोटून गेला.

भूमीपूजन झाल्यावर सुद्धा संथगतीने या उड्डाणपुलाचे बांधकाम सुरू होते, कासवगतीने आपला प्रवास पूर्ण करीत हा रेल्वे उड्डाणपूल आता अंतिम टप्प्यात आहे.

13 सप्टेंबर ला रेल्वे विभागाने चांदा फोर्ट व मुख्य रेल्वे लाईन वरून उड्डाणपूल यशस्वीरीत्या क्रॉस केले.

येत्या 2 ते 3 महिन्याच्या आत उड्डाणपूल वरील रस्त्याचे काम पूर्णत्वास येणार आहे, मागील अनेक वर्षपासून बाबूपेठ रेल्वे उड्डाणपूलाची मागणी नागरिकांनी केली होती मात्र राजकीय वरदहस्त आलेल्या विशेष व्यक्तीचे दुकान वाचविण्यासाठी अनेकदा उड्डाणपुलाचा प्रस्ताव नाकारल्या गेल्या होत्या.

मात्र काही वर्षांपूर्वी विशिष्ट व्यक्तीचे दुकान प्रशासनाने वाचविले मात्र दुकान वाचले म्हणून शासनाने गरिबांचे कंबरडे मोडून टाकत त्यांच्या घरावर बुलडोजर चालविला, उड्डाणपुलाचे काम सुरू झाले, मागील 4 वर्षांपासून ते काम सतत सुरू आहे, कधी निधीची अडचण तर कधी रेल्वेची या गुंतागुंतीत काम संथगतीने सुरू होते.

या कालावधीत दाताला ब्रिज तयार होऊन सुरू सुद्धा झाला मात्र नेहमीप्रमाणे बाबूपेठ वर संथगतीच्या कामामुळे अन्याय झाला.

4 वर्षांनी काम अखेर पूर्णत्वास येत आहे, आता बाबूपेठ वासी रेल्वे फाटकाला लवकरच राम राम करतील यावर शंका नाही.

News34 chandrapur

चंद्रपूर :- महाराष्ट्र राज्य वीज नियामक आयोगाने १ एप्रिल २०२३ पासून वीज दरात वाढ केली आहे. याविरोधात भारतीय आझाद काँग्रेस पक्षाने आघाडी उघडली आहे. या संदर्भात उपमुख्यमंत्री तथा ऊर्जामंत्री देवेंद्र फडणवीस यांना जिल्हाधिकारी चंद्रपूर यांच्यामार्फत निवेदन देण्यात आले. वाढलेले दर रद्द करण्याची मागणी निवेदनात करण्यात आली होती, अन्यथा आंदोलनाचा इशाराही निवेदनात राज्य सरकारला देण्यात आला होता.

दिलेल्या निवेदनाला प्रतिसाद न मिळाल्याने भारतीय आझाद काँग्रेस पक्ष रस्त्यावर उतरला.  13 सप्टेंबर रोजी गांधी चौक, चंद्रपूर येथे भारतीय आझाद काँग्रेस पक्षातर्फे आंदोलन करण्यात आले. यावेळी जिल्ह्यातील लोकप्रतिनिधी आणि राज्य सरकारच्या विरोधात घोषणाबाजी करण्यात आली. त्यानंतर जिल्हाधिकारी चंद्रपूर यांच्यामार्फत उपमुख्यमंत्री तथा ऊर्जामंत्री देवेंद्र फडणवीस यांनाही निवेदन देण्यात आले. आणि वाढीव दराबाबत लोकप्रतिनिधी गप्प का आहेत, असा सवाल आंदोलनात चंद्रपूर जिल्ह्यातील सर्व लोकप्रतिनिधींना विचारण्यात आला. आणि येत्या काळात हे लोकप्रतिनिधी सरकारला वाढलेले वीजदर मागे घेण्यास भाग पाडतील का? असा प्रश्नही पक्षाचे संस्थापक अध्यक्ष आयुबभाई कच्छी यांनी उपस्थित केला.

कच्छी पुढे म्हणाले की, वाढीव वीज दरामुळे सर्व सामान्य नागरिकांची आर्थिक पिळवणूक होत आहे. सर्वसामान्य नागरिकांना वाढलेले विजेचे दर मोजावे लागत आहेत. लोकप्रतिनिधींना या सर्व सुविधा मोफत मिळतात. 200 युनिट मोफत वीज देण्याच्या आश्वासनावर चंद्रपूर शहराचे आमदार निवडून आले आणि आश्वासनाचा विसर पडला. वाढलेल्या वीजदरांवरही आमदार किशोर जोरगेवार बोलायला तयार नाहीत, अशी अवस्था झाली आहे. तसेच महाराष्ट्र राज्य विधानसभेतील विरोधी पक्षनेते विजय वडेट्टीवार हेही सरकारने वाढवलेल्या वीज दरांवर मौन बाळगून आहेत.

कदाचित विजय वडेट्टीवार यांना विरोधी पक्षनेतेपदाची भूमिका माहीत नसेल. तसेच चंद्रपूर जिल्ह्याचा विकासपुरुष म्हणवणारे महाराष्ट्र राज्याचे वनमंत्री व चंद्रपूर जिल्ह्याचे पालकमंत्री सुधीर मुनगंटीवार हेही सरकारच्या विरोधात बोलण्याचे टाळत आहेत. तसेच चंद्रपूर जिल्ह्यातील विधानसभा मतदारसंघातील सर्व आमदारही वाढीव वीज दरांवर गप्प बसले आहेत. वाढीव वीज दरांबाबत जनहिताच्या मागणीसाठी आवाज उठवणारा पहिला पक्ष भारतीय आझाद काँग्रेस पक्ष आहे.

आम्ही निवडून दिलेले सर्व लोकप्रतिनिधी आता फक्त स्वतःचे हित पाहत आहेत हे चंद्रपूर जिल्ह्यातील जनतेने आता समजून घेतले पाहिजे असे सांगितले. या लोकप्रतिनिधींना सर्वसामान्यांच्या प्रश्नांशी काही देणेघेणे नाही. भारतीय आझाद काँग्रेस पक्ष हा एकमेव पक्ष आहे जो जनहिताच्या मागणीसाठी आवाज उठवतो. आणि यापुढेही सरकारने वाढलेले वीजदर रद्द न केल्यास भारतीय आझाद काँग्रेस पक्षातर्फे हे आंदोलन आणखी तीव्र केले जाईल.

भारतीय आझाद काँग्रेस पक्षातर्फे वाढीव वीज दराबाबत संपूर्ण चंद्रपूर जिल्ह्यात जनजागृती करण्यात येणार आहे. त्यामुळे भारतीय आझाद काँग्रेस पक्षात मोठ्या संख्येने लोक सामील झाले असून भारतीय आझाद काँग्रेस पक्षाचे संस्थापक अध्यक्ष आयुब भाई कच्छी यांनी जनहिताच्या मागणीसाठी सरकारला एकदिवस बाध्य करू तोपर्यंत आम्हाला साथ द्यावी, असे आवाहन केले.

यावेळी पक्षाचे संस्थापक अध्यक्ष अय्युब भाई कच्छी, भारतीय आझाद युवक काँग्रेसचे अध्यक्ष अर्शद कच्छी, राजा भाई, साबीर हुसेन, गुफरान शेख, अरबाज कच्छी, नदीम कुरेशी, नईम कुरेशी, इर्शाद शेख, सुहास रामटेके, यादव मॅडम, आसिफ रजा, सैफ शेख, आ. फैजल पाशा, रशीक शेख, फैजान शेख, आदी कार्यकर्ते उपस्थित होते.