Category: क्रीडा

News34 chandrapur

चंद्रपूर – विदर्भ ही वाघांची भूमी आहे; जैवविविधतेने संपन्न असलेल्या या भूमीत देश विदेशातील पर्यटक दरवर्षी मोठ्या संख्येने येतात; याच पार्श्वभूमीवर चंद्रपूर येथे जागतिक दर्जाची व्याघ्र सफारी प्रकल्प करण्याचा संकल्प असून यासाठी आंतरराष्ट्रीय दर्जाच्या सल्लागारांची मदत देखील घेता येईल; यामुळे पर्यटनाला चालना मिळेल आणि परिसरात रोजगार निर्मिती व अर्थकारण मजबूत होण्यास निश्चित मदत होईल यासाठी वन अधिकाऱ्यांनी सूक्ष्म नियोजन करावे अश्या सूचना राज्याचे वन, सांस्कृतिक कार्य आणि मत्स्यव्यवसाय मंत्री तथा पालकमंत्री ना. सुधीर मुनगंटीवार यांनी दिल्या. नागपूर येथे यासंदर्भात आयोजित आढावा बैठकीत ते बोलत होते.

 

या बैठकीला प्रधान सचिव श्री वेणुगोपाल रेड्डी, वनबलप्रमुख श्री शैलेंद्र  टेंभुर्णीकर, प्रधान मुख्य वनसंरक्षक (वन्यजीव) श्री महिप गुप्ता, वनविकास महामंडळाचे सिजिएम श्री संजीवकुमार, श्री प्रशांत झुरमुरे, श्री कल्याणकुमार यांच्यासह इतर अधिकारी उपस्थित होते. यावेळी एक सादरीकरण ना. सुधीर मुनगंटीवार यांना दाखविण्यात आले.

चंद्रपूर-मूल मार्गावर वनप्रबोधिनी जवळील प्रशस्त वनक्षेत्रात व्याघ्र सफारी प्रकल्प व्हावा असा संकल्प असून केवळ व्याघ्र सफारीपुरता हा मर्यादित न ठेवता इतर वन्यजीवांचाही या सफारीत समावेश व्हावा यासाठी प्रयत्न व्हावा; अश्या प्रकल्पातून संशोधन व्हावे अशीदेखील अपेक्षा यावेळी ना. सुधीर मुनगंटीवार यांनी व्यक्त केली. ना. मुनगंटीवार म्हणाले कि, सर्व वयोगटातील पर्यटकांना आकर्षित करणारे नवीनतम, अत्याधुनिक दर्जाचे विरंगुळा केंद्र या ठिकाणी व्हावे यादृष्टीने नियोजन करणे आवश्यक असून तेथे असलेल्या वन्यजीवांची माहीती, त्यावर एखादा माहितीपूर्ण शो पर्यटकांसाठी करता येईल का, याचाही विचार करावा अशा सूचना यावेळी दिल्या.

News34 chandrapur

चंद्रपूर – 26 ते 31 डिसेंबर 2023 या कालावधीत तालुका क्रीडा संकुल, बल्लारपूर येथे राष्ट्रीय शालेय मैदानी क्रीडा स्पर्धेचे आयोजन करण्यात येत आहे. स्पर्धेचे उत्कृष्ठ आयोजन, व्यवस्थापन व कामकाज उत्तम प्रकारे पार पाडण्यासाठी विविध समित्यांची स्थापना करण्यात आली. सदर समित्यांना दिलेली जबाबदारी ओळखून कामे पार पाडण्याच्या सुचना जिल्हाधिकारी विनय गौडा यांनी दिल्या.

 

जिल्हाधिकारी कार्यालयातील वीस कलमी सभागृहात सदर समित्यांच्या कामकाजाचा आढावा घेतांना ते बोलत होते.

 

बैठकीला मुख्य कार्यकारी अधिकारी विवेक जॉन्सन, सहाय्यक जिल्हाधिकारी मुरुगानंथम एम., मनपा आयुक्त विपिन पालीवाल, उपजिल्हाधिकारी (रोहयो) अजय चरडे, अतिरिक्त आयुक्त चंदन पाटील, बल्लारपूरच्या उपविभागीय अधिकारी स्नेहल रहाटे, उपविभागीय पोलीस अधिकारी सुधीर नंदनवार, बल्लारपूरचे मुख्याधिकारी विशाल वाघ, जिल्हा क्रीडा अधिकारी अविनाश पुंड, जिल्हा खनिकर्म अधिकारी सुरेश नैताम, उपप्रादेशिक परिवहन अधिकारी किरण मोरे, कार्यक्रम व्यवस्थापक सिद्धार्थ मेहता आदी उपस्थित होते.

 

जिल्हाधिकारी विनय गौडा म्हणाले, राष्ट्रीय शालेय मैदानी क्रीडा स्पर्धेमध्ये मोठ्या प्रमाणात खेळाडू, संघ व्यवस्थापक, खेळाडूंचे पालक, कार्यालयीन अधिकारी, कर्मचाऱ्यांची उपस्थिती असणार आहे. सदर स्पर्धा यशस्वीपणे पार पाडण्यासाठी विविध समित्यांची स्थापन करण्यात आली आहे. प्रत्येक समितीने आपल्या कार्याची जबाबदारी ओळखून स्पर्धा कालावधीत अनुषंगिक कामे पार पाडावीत.

 

आयोजन समितीने राष्ट्रीय स्पर्धेचे आयोजन उत्कृष्ट होण्याकरीता संपूर्ण नियोजन करावे. खेळाडूंची नोंदणी करण्यासाठी रजिस्ट्रेशन डेक्सची उपलब्धता ठेवावी. स्पर्धेकरीता येणाऱ्या खेळाडूंसाठी निवास व्यवस्था करणे, आवश्यकतेनुसार मनुष्यबळांची उपलब्धता ठेवावी. मदत कक्षाद्वारे खेळाडूंना सर्व माहिती उपलब्ध होईल याअनुषंगाने माहिती द्यावी तथा कॉलसेंटर उभारावे. स्वच्छता समितीने परिसर स्वच्छता, भोजनाचा परीसर तसेच निवासव्यवस्थेसह, क्रीडांगणाच्या ठिकाणी स्वच्छता ठेवावी. याकरीता बल्लारपूर नगरपालिका व चंद्रपूर महानगरपालिकेने त्यांचे मनुष्यबळ उपलब्ध ठेवावे.

 

जिल्हाधिकारी श्री. गौडा पुढे म्हणाले, आरोग्य सुविधेसाठी डॉक्टरांच्या चमूसह ॲम्बुलन्स उपलब्ध ठेवाव्यात. भोजन समितीने खेळाडूंच्या तसेच मान्यवरांच्या भोजनासाठी कुपनची व्यवस्था ठेवावी. येणाऱ्या खेळाडूंकरीता वाहतूक व्यवस्था तसेच वाहनासाठी पार्किंग व्यवस्था ठेवावी. सुरक्षा समितीने सुरक्षा यंत्रणा अद्यावत ठेवाव्या. वनअकादमी, सैनिक शाळा आणि शासकीय वैद्यकीय महाविद्यालय यासारख्या निवास व्यवस्थेच्या तसेच क्रीडा स्पर्धेच्या ठिकाणी पोलीसांची सुरक्षा व्यवस्था ठेवण्याच्या सुचना दिल्या तसेच प्रत्येक समितीने आपल्या कार्याची जबाबदारी ओळखून स्पर्धा कालावधीत अनुषंगिक कामे पार पाडावीत, असेही ते म्हणाले.

 

या आहेत समित्या:

आयोजन समिती, उद्घाटन समिती, स्वागत समिती, निवास व्यवस्था समिती, मदत कक्ष, भोजन समिती, क्रीडा कार्यक्रम व तक्रार निवारण समिती, स्थानिक पर्यटन समिती, प्रसिद्धी आणि पायाभूत सुविधा समिती, वाहतूक व्यवस्था समिती, सांस्कृतिक कार्य समिती, सुरक्षा समिती स्वच्छता समिती आदी समित्या स्थापन करण्यात आल्या आहेत.

News34 chandrapur

चंद्रपुर: महाराष्ट्र राज्य चे पालकमंत्री सुधीर मुनगंटीवार यांना महावितरणचा कणा म्हटल्या जाणाऱ्या लाईनस्टाफ लाईनमन यांनी दि 1 डिसेंबर ला आपल्या समस्या मांडत संपूर्ण महाराष्ट्रात सुरू असलेल्या आंदोलनाचे निवेदन लाईनस्टाफ बचाव कृती समिती चंद्रपुर तर्फे नियोजन भवन येथे नुकतेच देण्यात आले.
महाराष्ट्र मधील वीज पुरवठा करणारी एशिया खंडांतील सर्वात मोठी कंपनी म्हणजे महावितरण.

महावितरण आपल्या महाराष्ट्र मधील अति दुर्गम भागातील लोकांना वीज पुरवठा देण्याचे कार्य करते आणि हे महत्वाचे कार्य करणाऱ्या लाईनमन लाईनस्टाफ ला महावितरण प्रशासन चपराशी च्या ग्रेड मध्ये ठेवून अन्याय करीत आहे.

 

महावितरण मध्ये लाईनमन लाईनस्टाफ हा एक शिकलेला ITI केलेला कुशल कामगार म्हणून घेतल्या जाते परंतु त्याला वर्ग 4 मधील चपराशी च्या ग्रेड मध्ये ठेवण्यात आले आहे.
त्यामुळे महाराष्ट्र मधील सर्व लाईनस्टाफ यांनी धुळे येथे 1 ऑक्टोबर ला महामेळावा घेतला त्यात जवळपास 10 हजार लाईनस्टाफ उपस्थित होते.त्यांच्यावर होत असलेल्या अन्याय वर आक्रोश व्यक्त केला आणि तिथे या मेळाव्याला सर्व महावितरण मध्ये कार्यरत 27 संघटनाना निमंत्रित करण्यात आले होते.

 

पण लाईनस्टाफ च्या हिताचे विचार करणारे फक्त 9 संघटना उपस्थित होत्या. त्यांनी एकमत करून महाराष्ट्र राज्य वीज लाईनस्टाफ बचाव कृती समिती स्थापन करण्यात आली आणि या समितीने आंदोलनाचा इशारा देत लाईनस्टाफ च्या मागण्या पूर्ण करण्यासाठी विनंती केली परंतु प्रशासन ने कोणतीही दखल घेतली नाही म्हणून 16 ऑक्टोबर 2023 ला सविस्तर आंदोलन ची नोटीस देण्यात आली.

 

त्या नोटीस प्रमाणे 20 ऑक्टोबर 2023 ला महावितरण च्या सर्व मंडळ कार्यालय समोर द्वार सभा घेण्यात आली.
यापुढे संपूर्ण महाराष्ट्र मध्ये महावितरण चा कणा खाकी रक्षक लाईनस्टाफ क्रमबद्ध आंदोलन सुरू असून आता शेवटच्या टप्प्यात आले आहे.

 

मागण्या

1 महावितरण लाईनमन लाईनस्टाफ कुशल कामगार असून त्यांना चपराशी च्या वर्ग 4 मधून वर्ग 3 मध्ये टाकण्यात यावे.

2 लाईनमन लाईनस्टाफ चे शहर असो की ग्रामीण कामाचे तास निश्चित करून शिफ्ट ड्युटी चार्ट प्रमाणे ड्युटी देण्यात यावी.

3 लाईनमन लाईनस्टाफ चे कामाचे स्वरूप निश्चित नसून ते निश्चित करण्यात यावे.

4 लाईनमन लाईनस्टाफ याना स्वतंत्र वेतन श्रेणी देण्यात यावी.

5 लाईनमन लाईनस्टाफ यांना वाहन पेट्रोल भत्ता 20 लिटर देण्यात यावा कारण त्यांना आता कंपनी कामासाठी ग्राहकांच्या तक्रार निवारण करण्यासाठी स्वतःच्या वाहन ने जावे लागते त्यामुळे वाहन पेट्रोल भत्ता देण्यात यावा.

 

6 वीज बिल वसुली हे काम सांघिक स्वरुपाचे असल्याने जवाबदारी निश्चित करण्यात यावी.

7 ग्राहकांना वीज पुरवठा सुरळीत करण्यासाठी योग्य सुरक्षित साधने आणि लाईन मेंटेनन्स चे साहित्य पुरविण्यात यावे.

8 कंत्राटी पद्धतीने नोकरभरती ना करता सरळसेवा पद्धतीने नोकर भरती करण्यात यावी.

अशा प्रमुख मागण्या लाईनस्टाफ कडून महाराष्ट्र राज्य वीज लाईनस्टाफ बचाव कृती समिती चंद्रपुर मार्फत करण्यात आलेल्या आहे.

 

या मागण्या मान्य झाल्या नाही तर हे आंदोलन असेच सुरू राहील आणि महाराष्ट्र राज्यात वीज समस्या वाढतील आणि महाराष्ट्र सुद्धा अंधारात जाण्याची भीती आहे असा इशारा निवेदना द्वारे देण्यात आला.

 

निवेदन देताना विलास गजभे, निलेशकुमार जवादे, रुपेश बनकर, आदेश धानोरकर, मर्द रामटेके, पंकज गेडे, गणेश जिवतोडे, पुरोहित भीमटे व लाईनस्टाफ बचाव कृती समिती चंद्रपुर संघटना पदाधिकारी व सभासद बहुसंख्येने उपस्थित होते.