My Blog

Category: ग्रामीण वार्ता

ग्रामीण वार्ता (Gramin Varta) विभागात वाचा news34.in वर चंद्रपूर जिल्ह्यातील ग्रामीण भागातील बातम्या आणि घडामोडी. शेतकरी योजना, ग्रामपंचायत राजकारण, स्थानिक विकास प्रकल्प, कृषी आणि ग्रामीण जीवनाशी संबंधित सर्व महत्त्वाचे अपडेट्स येथे उपलब्ध आहेत. चंद्रपूर ग्रामीण भागातील समस्या, यशोगाथा आणि सकारात्मक बदलांना आम्ही प्राधान्य देतो. ग्रामीण भागातील विश्वासार्ह माहितीसाठी नियमित भेट द्या.

  • Rajendra Donge APMC president BJP । भद्रावती कृषी उत्पन्न बाजार समितीवर भाजपचा झेंडा – राजेंद्र डोंगे सभापती!

    Rajendra Donge APMC president BJP

    Rajendra Donge APMC president BJP : भद्रावती : मागील काही महिन्यांपासून उलथापालथ सुरु असलेल्या भद्रावती कृषी उत्पन्न बाजार समितीची शेवटी आज (दि.३) ला घडी बसली. बाजार समितीच्या शिवसेना (उबाठा) व काँग्रेस पक्षाच्या संचालकांनी काल (दि.२) ला भारतीय जनता पक्षाच्या नेतेमंडळीच्या उपस्थितीत भाजपात प्रवेश घेतला. व भारतीय जनता पक्षाचा झेंडा बाजार समितीवर रोवला. आज (दि.३) ला बाजार समितीच्या सभापतींची निवड पार पडली, यात १३ मतांनी बाजार समितीचे बांधकाम सभापती राजेंद्र डोंगे यांची बाजार समितीच्या सभापती पदी निवड झाली. राजेंद्र डोंगे हे आधी काँग्रेस पक्षात होते. चेकबरांज मानोरा ग्रामपंचायतचे ते उपसरपंच आहेत. कर्नाटक एम्टा कोळसा खाणीत ते कामगार नेते म्हणूनही ओळखल्या जातात. या निवडीने त्यांच्यावर सर्वत्र अभिनंदनाचा वर्षाव होत आहे. BJP local leaders consolidation APMC Bhadrawati

    पायलट बनणे झाले सोपे, राज्य सरकार देणार ९० टक्के अनुदान

    आज (दि.३) ला पार पडलेल्या सभापती निवडणुकीकरिता बांधकाम सभापती राजेंद्र डोंगे व संचालक ज्ञानेश्वर डुकरे यांनी अर्ज दाखल केला. गुप्त मतदान प्रक्रियेद्वारे राजेंद्र डोंगे यांना १३ तर ज्ञानेश्वर डुकरे यांना ५ मते पडली.

    या घडामोडीत भारतीय जनता पक्षाचे विधानसभा प्रमुख रमेश राजूरकर, तालुका अध्यक्ष शामसुंदर उरकुडे, शहर अध्यक्ष सुनील नामोजवार, विनोद पांढरे, रमेश राजूरकर, कृषी उत्पन्न बाजार समितीचे माजी सभापती वासुदेव ठाकरे आदींचा सहभाग होता.

    यावेळी भाजपवासी झालेले कृषी उत्पन्न बाजार समीतीच्या उपसभापती अश्लेषाताई मंगेश भोयर, संचालक गजानन उताणे, ज्ञानेश्वर डुकरे, मनोहर आगलावे, शामदेव कापटे, परमेश्वर ताजणे, शांताताई रासेकर, शरद जांभुळकर, कान्होबा तिखट, मोहन भुक्या, अनिल चौधरी, राजु आसुटकर, विविध कार्यकारी सहकारी संस्था भद्रावती अध्यक्ष रोहण कुटेमाटे, उपाध्यक्ष विश्वास कोंगरे, अरुण घुगुल, सतिश वरखडे, पवन नगराळे, आनंद तागडे, हरी रोडे, संतोष माडेकर, मारोती नागपूरे, आशा ताजणे, शिला आगलावे, वर्षा आत्राम आदी उपस्थित होते. APMC leadership change Bhadrawati BJP 2025

    apmc leadership

    रविंद्र शिंदे यांचा मास्टरस्ट्रोक

    भारतीय जनता पक्षाचे प्रदेशाध्यक्ष रवींद्र चव्हाण, राष्ट्रीय मागासवर्गीय आयोगाचे अध्यक्ष तथा माजी केंद्रीय मंत्री हंसराज अहिर, महाराष्ट्राचे मुख्यमंत्री देवेन्द्र फडणवीस, आमदार कीर्तिकुमार उर्फ बंटी भांगडीया, आमदार किशोर जोरगेवार, आमदार करण देवतळे यांच्या प्रमुख मार्गदर्शनात रवींद्र शिंदे यांनी भाजपात प्रवेश सत्र सुरु केले आहे.

    चंद्रपूर जिल्हा मध्यवर्ती सहकारी बँकेचे अध्यक्ष रविंद्र शिंदे यांचे नेतृत्व असलेल्या कृषी उत्पन्न बाजार समितीत त्यांच्या नेतृत्वावर विश्वास ठेवून या सर्व घडामोडी पार पडल्या. शिवसेना (उबाठा) गटाचे सर्व संचालक भाजपात आले तर बाजार समितीतील काँग्रेसचे राजेंद्र डोंगे, अनिल चौधरी व राजु आसुटकर या तीन संचालकांना भाजपात आणुन त्यांच्यापैकी राजेंद्र डोंगे यांना बाजार समितीचे सभापती पद देऊन शिंदे यांनी मास्टरस्ट्रोक दिला. Rajendra Donge APMC president BJP

    काही महिन्याअगोदर शिवसेना (उध्दव बाळासाहेब ठाकरे) पक्षाचे जिल्हाप्रमुख रवींद्र शिंदे यांनी भारतीय जनता पक्षात प्रवेश घेतला. त्यानंतर ते चंद्रपूर जिल्हा मध्यवर्ती सहकारी बँकेचे अध्यक्ष झाले. आणि अल्पावधीतच त्यांनी शिवसेना (उध्दव बाळासाहेब ठाकरे) व काँग्रेस पक्षाच्या पदाधिकाऱ्यांना व कार्यकर्त्यांना भाजपात आणण्याची खेळी केली.

    निवडून आल्यानंतर पदाधिकारी हा पक्षाचा राहत नसुन जनतेचा होतो, त्यामुळे सर्वांना सोबत घेऊन जनतेची कामे केली पाहिजे, या मताचे रवींद्र शिंदे आहेत. सभापती पदा निवड झालेले राजेंद्र डोंगे हे काँग्रेस मधे असताना शिंदे यांनी त्यांना बांधकाम सभापती पद दिले होते. यावरुन विरोधी पक्षातील पदाधिकारी व कार्यकर्त्यांना सोबत घेऊन काम करण्याची त्यांची सचोटी दिसून येते.

    भाजपात होणार भव्य प्रवेश

    यानंतर येत्या काळात रवींद्र शिंदे यांच्या नेतृत्वात त्यांच्या सोबत काम करीत असणारे इतर राजकीय, सामाजिक व सार्वजनिक क्षेत्रात काम करणारे पदाधिकारी व कार्यकर्त्यांचा भव्य प्रवेश भारतीय जनता पक्षात होणार असल्याचे संकेत शिंदे यांनी दिले आहेत.


  • Shiv Sena protest against mobile tower । अनधिकृत मोबाईल टॉवरविरोधात Shiv Sena protest against mobile tower यशस्वी

    Shiv Sena protest against mobile tower

    Shiv Sena protest against mobile tower : भद्रावती गौतम नगर (स्नेहल नगर) येथे परवानगीशिवाय उभारण्यात येणाऱ्या अनधिकृत मोबाईल टॉवर विरोधातील शिवसेना (शिंदे गट) तर्फे सुरू केलेल्या साखळी उपोषण आंदोलनाला मोठे यश मिळाले आहे. हे आंदोलन शिवसैनिक सुरज भाऊ शाहा यांच्या नेतृत्वाखाली दमदारपणे पार पडले.

    कोरपना हादरलं, विजेच्या धक्क्याने शेतकऱ्याचा मृत्यू तिघे जखमी

    आज आंदोलन स्थळी आमदार करण देवतळे साहेब यांनी भेट देऊन आंदोलकांची भूमिका ऐकली. नागरिकांच्या भावना आणि शिवसेनेची ठाम भूमिका लक्षात घेऊन आमदार साहेबांनी सर्व मुद्दे मान्य करत खालीलप्रमाणे आश्वासन दिले.

    ✅ संबंधित मोबाईल टॉवरचे काम तत्काळ थांबविण्यात येईल.

    ✅ परवानगीशिवाय टॉवर उभारणाऱ्या संबंधित अधिकाऱ्यांवर कठोर कार्यवाही करण्यात येईल.

    ✊ शिवसेनेच्या ठाम लढ्यामुळे प्रशासनाला झुकावे लागले आहे. आमदार साहेबांच्या विनंतीचा मान राखत आंदोलकांनी आंदोलन तात्पुरते मागे घेतले, मात्र गरज पडल्यास पुन्हा उग्र लढा उभारण्याचा इशाराही देण्यात आला.

    हा विजय सर्वसामान्य जनतेच्या हक्काचा

    हे आंदोलन यशस्वी ठरले असून, हा विजय सर्वसामान्य जनतेच्या हक्काचा आहे असे मनोगत शिवसैनिक सुरज भाऊ शाहा यांनी व्यक्त केले. protest against illegal mobile tower

    यावेळी युवा शिवसैनिक सुमित हस्तक, महेश जीवतोडे, सौ. अर्चनाताई खंडाळे, सौ. लक्ष्मीबाई गेडाम, सौ. निर्मला पेटकर, धबुताई असूटकर, माधुरीताई फुकट, प्रियाताई तेलंग, सीमाताई वानखेडे, वैशालीताई चालखुरे, सरस्वती दानव, प्रतिभाताई नागपुरे, नंदाताई कोरडे, वैशालीताई तेलंग, नंदाताई ठमके, सिंधुताई देऊरकर, सुनिता ताई उताने, श्री अरुण मत्ते, श्री यशवंत उताणे, श्री अशोक चिलके, सौ मंगला अशोक चिलके, सौ पुष्पा किशोर सीरसैया आंदोलनात सहभागी होते.


  • farmer death due to fallen power line । कोरपना तालुक्यात दुःखद घटना, वीज खांबाचे तार तुटून शेतकऱ्याचा मृत्यू

    farmer death due to fallen power line

    farmer death due to fallen power line : कोरपना ३ सप्टेंबर २०२५ – विद्युत खांबाचे तार तुटून शेताच्या तार कुंपणावर पडल्याने विद्युत करंट लागून एका शेतकऱ्याचा मृत्यू तर तिघे जण जखमी झाल्याची घटना कोरपना तालुक्यातील रायपूर येथील शेत शिवारात मंगळवार दिनांक २ रोजी सकाळी आठ वाजताच्या सुमारास घडली.

    पेंडाल वरून चंद्रपुरात वाद, मुनगंटीवार-जोरगेवार समर्थक आमनेसामने

    तुकाराम रामचंद्र आत्राम (५५) रा. रायपूर असे मृतकाचे तर गीता अनिल आत्राम (४७) , प्रकाश रामचंद्र आत्राम (४५) , अशोक आत्राम (४७) रा. रायपूर अशी जखमींची नावे आहे. सोमवारी सायंकाळी मुसळधार पाऊस झाल्याने विद्युत खांबाच्या विद्युत तारा शेताच्या तार कंपाउंड वर तुटून पडल्या होत्या.

    कामासाठी शेतात गेले आणि..

    सकाळी शेतात शेतकामासाठी गेले असता स्पर्श झाल्याने तुकाराम यांचा जागीच मृत्यू झाला. तर तिघा जखमींना बांबूच्या साह्याने जवळ असलेल्या नागरिकांनी विद्युत ताराच्या अलग केले. त्यामुळे सुदैवाने त्यांचे प्राण वाचवले. याबाबतची माहिती मिळताच कोरपना पोलिसांनी घटनास्थळ गाठून पंचनामा केला. तसेच मृतदेह उर्वरत तपासणीसाठी ग्रामीण रुग्णालय कोरपना येथे पाठवण्यात आला. rural power line accident farmer killed

    जखमीला उपचारासाठी रुग्णालयात दाखल करण्यात आले. सदर घटनेचा पुढील तपास पोलीस निरीक्षक सुनील गाडे यांच्या मार्गदर्शनात पोलीस उपनिरीक्षक देवानंद केकन,नैताम , पोलीस कर्मचारी राठोड , आडे , नामदेव पवार करीत आहे. यावेळी मृतकाच्या परिवारांना खासदार प्रतिभा धानोरकर , माजी आमदार सुभाष धोटे , माजी आमदार वामनराव चटप यांनी भेट कुटुंबीयाचे सात्वन केले.

  • Bhadravati APMC directors join BJP । भद्रावती APMC संचालकांचा भाजपात प्रवेश : रवींद्र शिंदे यांच्या नेतृत्वावर विश्वास!

    Bhadravati APMC directors join BJP

    Bhadravati APMC directors join BJP : भद्रावती – भारतीय जनता पक्षाचे प्रदेशाध्यक्ष रवींद्र चव्हाण, राष्ट्रीय मागासवर्गीय आयोगाचे अध्यक्ष तथा माजी केंद्रीय मंत्री हंसराज अहिर, आमदार कीर्तिकुमार उर्फ बंटी भांगडीया, आमदार किशोर जोरगेवार, आमदार करण देवतळे यांच्या प्रमुख मार्गदर्शनात व चंद्रपूर जिल्हा मध्यवर्ती सहकारी बँकेचे अध्यक्ष रवींद्र शिंदे यांच्या नेतृत्वात भद्रावती कृषी उत्पन्न बाजार समितीच्या सर्व संचालकांनी भारतीय जनता पक्षात आज (दि.२) ला प्रवेश घेतला. Ravindra Shinde BJP Chandrapur

    नागरिकांच्या समस्या तातडीने सोडवा – खासदार प्रतिभा धानोरकर

    भद्रावती कृषी उत्पन्न बाजार समितीच्या सर्व संचालकांनी मिळून काही दिवसांअगोदर तत्कालीन सभापती भास्कर ताजने यांच्यावर अविश्वास प्रस्ताव आणून पदावरून पायउतार केले होते. त्यानंतर कृषी उत्पन्न बाजार समितीत हालचाली सुरु होत्या. रवींद्र शिंदे यांच्या नेतृत्वावर सर्वांचा विश्वास आहे. त्यानुसार सर्वांनी प्रवेश घेण्याचा निर्णय घेतला.

    भद्रावती कृषी उत्पन्न बाजार समितीची निवडणूक रवींद्र शिंदे यांच्या नेतृत्वात बहुमतात विजयी झाली होती. या बाजारसमितीवर रवींद्र शिंदे यांचे मार्गदर्शन व नेतृत्व आहे. त्यानुसार रवींद्र शिंदे यांच्या प्रमुख उपस्थितीत बाजार समितीच्या संचालकांनी भारतीय जनता पक्षाचा दुपट्टा घालून पक्ष प्रवेश केला. सोबतच शिवसेना (उध्दव बाळासाहेब ठाकरे) व काँग्रेस पक्षाचे पदाधिकारी तथा कार्यकर्त्यांनी देखील भाजपात प्रवेश घेतला. Political entry Bhadravati

    यावेळी भद्रावती कृषी उत्पन्न बाजार समीतीच्या उपसभापती अश्लेषाताई मंगेश भोयर, संचालक गजानन उताणे, ज्ञानेश्वर डुकरे, मनोहर आगलावे, शामदेव कापटे, परमेश्वर ताजणे, शांताताई रासेकर, शरद जांभुळकर, कान्होबा तिखट, मोहन भुक्या सोबतच काँग्रेस पक्षाचे संचालक राजेन्द्र डोंगे, अनिल चौधरी, राजु आसुटकर यांनी पक्ष प्रवेश केला. सोबतच उबाठा युवासेना जिल्हाप्रमुख तसेच विविध कार्यकारी सहकारी संस्था भद्रावतीचे अध्यक्ष रोहण कुटेमाटे, उपाध्यक्ष विश्वास कोंगरे, अरुण घुगुल, सतिश वरखडे, पवन नगराळे सोबतच भद्रावती रहीवाशी आनंद तागडे, हरी रोडे, संतोष माडेकर, मारोती नागपूरे यांनी पक्षात प्रवेश घेतला.

    उबाठा ला धक्का

    यांच्यासह शिवसेना (उबाठा) महीला आघाडीच्या माजी तालुका प्रमुख आशा ताजणे, शिला आगलावे, वर्षा आत्राम यांनी पक्षात प्रवेश घेतला.

    राष्ट्रीय मागासवर्गीय आयोगाचे अध्यक्ष तथा माजी गृहराज्य मंत्री हंसराज अहीर यांनी सर्वांचे रीतसर भारतीय जनता पक्षात प्रवेश करुन घेतले.

    यावेळी भारतीय जनता पक्षाचे विधानसभा प्रमुख रमेश राजूरकर, तालुका अध्यक्ष शामसुंदर उरकुडे, शहर अध्यक्ष सुनील नामोजवार, विनोद पांढरे, रमेश राजूरकर, कृषी उत्पन्न बाजार समितीचे माजी सभापती वासुदेव ठाकरे आदी उपस्थित होते.

  • Korpana Tehsil Issues Discussed । कोरपना तहसील : अपूर्ण कामे तातडीने पूर्ण करण्याच्या खासदार धानोरकर यांच्या सूचना

    Korpana Tehsil Issues Discussed

    Korpana Tehsil Issues Discussed : चंद्रपूर (२ सप्टेंबर २०२५) : कोरपना येथील तहसील कार्यालयात आज खासदार प्रतिभा धानोरकर यांच्या अध्यक्षतेखाली विविध ज्वलंत प्रश्नांवर एक महत्त्वपूर्ण बैठक पार पडली. माजी आमदार सुभाष धोटे यांच्या प्रमुख उपस्थितीत झालेल्या या बैठकीत स्थानिक नेते आणि प्रशासकीय अधिकारी उपस्थित होते.

    अतिवृष्टीमुळे पडोली मधील २५० घरात पाणी, आमदार जोरगेवार यांची तत्परता

    यावेळी सर्व मुद्द्यांवर सखोल चर्चा करून त्यांच्या निराकरणासाठी तातडीने उपाययोजना करण्याचा सूचना करण्यात आल्या.जिल्ह्यात सध्या खताची तीव्र टंचाई असून, विशेषतः युरिया उपलब्ध नसल्याची गंभीर बाब निदर्शनास आणून देण्यात आली. ऑनलाईन अर्जांमध्ये कागदपत्रांच्या साईजची मर्यादा असल्याने शेतकऱ्यांची मोठी अडचण होत असून, कृषी सहायकांनी यावर तातडीने कार्यवाही करणे आवश्यक असल्याचे बैठकीत सांगण्यात आले.

    विविध समस्यांवर चर्चा

    विकासकामांच्या स्थितीवरही सकारात्मक चर्चा झाली. पॉवर हाऊस ते नंदाफाटा पर्यंतचे काम अद्याप अपूर्ण असून, कोरपना तालुक्यातील रस्त्यांचे बांधकाम अतिशय निकृष्ट दर्जाचे असल्याने नागरिकांनी तीव्र नाराजी व्यक्त केली. घरकुल धारकांना जवळच्या घाटातून रेती उपलब्ध करून देण्याची मागणीही यावेळी करण्यात आली. तसेच, अनेक अपूर्ण बांधकामे तात्काळ पूर्ण करण्याची मागणी करण्यात आली. Pratibha Dhanorkar addresses urea shortage Korpana

    meeting pratibha dhanorkar

    याशिवाय, बँक ऑफ इंडियामध्ये कर्मचाऱ्यांचा अभाव असल्यामुळे कामकाजावर परिणाम होत असल्याचेही निदर्शनास आणून देण्यात आले.या सर्व समस्यांवर बोलताना खासदार प्रतिभा धानोरकर म्हणाल्या की, “नागरिकांच्या समस्या सोडवण्यासाठी प्रशासन आणि लोकप्रतिनिधी यांनी एकत्र येऊन काम करणे आवश्यक आहे. या सर्व समस्यांवर तात्काळ उपाययोजना करून कामे वेळेत पूर्ण करण्याच्या सूचना त्यांनी अधिकाऱ्यांना दिल्या.

    या बैठकीला माजी आमदार सुभाष धोटे, उपविभागीय अधिकारी रवींद्र माने, तहसीलदार पल्लवी आखरे, विस्तार अधिकारी पाल, चंद्रपूर जिल्हा मध्यवर्ती बँकेचे संचालक विजय बावणे, काँग्रेस तालुका अध्यक्ष उत्तम पेचे, पोलीस निरीक्षक कदम, सार्वजनिक बांधकाम विभागाचे अभियंता अडपेवार, काँग्रेस नेते सुरज ठाकरे, नितीन बावणे, आशिष देरकर, शैलेश लोखंडे, अशोक बावणे, आणि संतोष महाडोळे यांची उपस्थिती होती.

  • protest against illegal mobile tower । मोबाईल टॉवर विरोधात शिवसेना आक्रमक, साखळी उपोषणाला सुरुवात

    protest against illegal mobile tower

    protest against illegal mobile tower : भद्रावती – १ सप्टेंबर २०२५ – भद्रावती तालुक्यातील गौतम नगर (स्नेहल नगर) परिसरात अनधिकृत मोबाईल टॉवरचे बांधकाम सुरू आहे. आधीच केवळ 100 मीटरच्या अंतरावर दोन मोबाईल टॉवर अस्तित्वात असून, आता तिसऱ्या मोबाईल टॉवरचे काम सुरू झाले आहे.

    चंद्रपुरात वाहतुकीच्या मार्गात बदल

    मोबाईल टॉवरमुळे निर्माण होणाऱ्या रेडिएशनचा सामान्य नागरिकांच्या आरोग्यावर गंभीर परिणाम होतो. या धोक्याचा विचार करून नागरिकांनी वारंवार संबंधित शासकीय कार्यालयांकडे निवेदने दिली, परंतु अद्याप कोणतेही ठोस पाऊल उचलण्यात आले नाही.

    शांततापूर्ण साखळी उपोषण

    म्हणूनच आजपासून शिवसेना तर्फे नगर परिषद भद्रावती समोर साखळी उपोषण सुरू करण्यात आले आहे. हे आंदोलन पूर्णपणे शांततामय पद्धतीने राबवले जाणार असून, नागरिकांच्या आरोग्याचे संरक्षण आणि अनधिकृत टॉवरचे काम तात्काळ थांबविणे ही शिवसेनेची व समस्त गौतम नगर (स्नेहल नगर) रहिवासी यांची प्रमुख मागणी आहे.

    👉 प्रशासनाने याची गंभीर दखल घेऊन लवकरात लवकर योग्य तो निर्णय घ्यावा, अन्यथा शिवसेना शिंदे गट उग्र आंदोलनाचा इशारा देत आहे.

  • encroachment of forest land । 📢 सुधीर मुनगंटीवार यांची हमी – पात्रांना पट्टे तातडीने मिळणार, वाद संवादातून सुटणार

    encroachment of forest land

    encroachment of forest land : चंद्रपूर, दि. 30 ऑगस्ट २०२५ : पोंभुर्णा तालुक्यातील मौजा देवई, केमारा आणि भटारी गावांतील वनजमिनीवरील अतिक्रमण पट्टे देण्यासंदर्भात राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार यांच्या अध्यक्षतेखाली महत्त्वपूर्ण बैठक पार पडली. बैठकीत अतिक्रमित जमिनींचे सर्वेक्षण, वैयक्तिक व सामूहिक वनहक्क दावे, तसेच निस्तारहक्कपत्रांसाठी आवश्यक कार्यवाही आणि कायदेशीर प्रक्रिया यावर सविस्तर चर्चा करण्यात आली. लाभार्थ्यांना पट्टे तात्काळ वितरित करण्यासाठी सर्व कागदपत्रे तपासून आवश्यक पावले उचलण्याचे निर्देश आ.मुनगंटीवार यांनी प्रशासनाला दिले.

    कांग्रेसला आमदार जोरगेवार यांचा धक्का, अनेकांनी घेतला भाजपात प्रवेश

    पोंभुर्णा तालुक्यातील मौजा देवई, केमारा आणि भटारी येथील वनजमिनीवरील अतिक्रमण पट्टे देण्यासंदर्भात नियोजन भवनात पार पडलेल्या महत्त्वपूर्ण बैठकीत ते बोलत होते.बैठकीला जिल्हाधिकारी विनय गौडा, जिल्हा पोलीस अधीक्षक मुमक्का सुदर्शन, आदिवासी चळवळीचे जिल्हा संघटक प्रमूख जगनजी येलके, गणेश परचाके सामजिक कार्यकर्ते, अल्का आत्राम, संध्याताई गुरनुले, डॉ. मंगेश गुलवाडे, रामपाल सिंग, अजय दुबे, हरीश ढवस, गोंडपिपरीच्या उपविभागीय अधिकारी लघिमा तिवारी, उपविभागीय अधिकारी अजय चरडे, पोंभुर्णाचे तहसीलदार मोहनिश शेलवटकर, वनपरिक्षेत्र अधिकारी फनींद्र गादेवार तसेच संबंधित महसूल व वनविभागाचे अधिकारी उपस्थित होते. Sudhir Mungantiwar meeting forest patta Pombhurna

    pombhurna forest

    पट्टे देण्यासाठी आवश्यक ती पावले उचला

    आमदार श्री. सुधीर मुनगंटीवार म्हणाले, जमिनीबाबत तहसीलदार आणि वन अधिकाऱ्यांनी लाभार्थ्यांची सर्व कागदपत्रांची पडताळणी करावी, तसेच पट्ट्यांबाबत उद्भवलेले वाद संवादातून सोडवावे. शासनाच्या धोरणानुसार पात्र लाभार्थ्यांना पट्टे देण्यासाठी आवश्यक ती पावले उचलण्याची कार्यवाही करावी. महसूल तसेच वनविभागाच्या जमिनीवर अतिक्रमण असेल तर कायद्यान्वये तपासून कॅम्प घेऊन पट्ट्याचा निर्णय घेता येईल. लाभार्थ्यांनी सर्व कागदपत्रे व पुरावे कॅम्पमध्ये घेऊन यावीत. जे पट्टे देता येईल ते तात्काळ दिले जावे.

    युद्ध पातळीवर कॅम्प घेऊन दाव्याची प्रकरणे निकाली काढावीत. सामुदायिक वनहक्क दाव्यांबाबत निस्तार हक्कपत्र देण्यासाठी शासन निर्णयानुसार त्रुटी पूर्ततेसाठी योग्य कागदपत्रासह तिन्ही गावांचे प्रस्ताव तयार करून आवश्यक कार्यवाही करा. सर्व कागदपत्रांची तपासणी करून अपूर्ण कागदपत्रांची पूर्तता करावी. वनजमिनीवरील अतिक्रमण पट्ट्यांबाबत समितीने दर आठवड्याला बैठक घेऊन महसूली व वनहक्काचे दावे निकाली काढावेत. असे निर्देश देखील त्यांनी बैठकीत दिले. encroachment of forest land

    प्रायोगिक स्तरावर पोंभुर्णा तालुक्यातील वनजमिनीवरील अतिक्रमण पट्ट्यांचा प्रश्न प्रथम मार्गी लावावा. त्यानंतर मूल व बल्लारपूर तालुक्यांतील विषय मार्गी लावण्यात येतील. जेवढे पट्टे वितरित करता येतील ते तातडीने वाटप करण्याचे नियोजन करावे, असेही आमदार  सुधीर मुनगंटीवार यांनी स्पष्ट केले.

  • MNS gaining strength in Chandrapur । भाजप-शिवसेना-काँग्रेसला आव्हान : चंद्रपूरात मनसेचा झपाट्याने विस्तार

    MNS gaining strength in Chandrapur

    MNS gaining strength in Chandrapur : चंद्रपूर ३० ऑगस्ट २०२५| तालुक्यातील चोरगाव येथे २९ ऑगस्ट २५ शिवसेना (उबाठा) पक्षाला मोठा धक्का बसला आहे. गावातील माजी सरपंच सुलोचना कोकाडे आणि प्रतीक चिकाटे यांनी आपल्या सहकाऱ्यांसह मनसे (महाराष्ट्र नवनिर्माण सेना) मध्ये औपचारिक प्रवेश करून स्थानिक राजकीय समीकरणे बदलण्याचे संकेत दिले आहेत. हा पक्षप्रवेश सोहळा प्रतीक चिकाटे यांच्या नेतृत्वाखाली पार पडला असून, कामगार सेनेचे जिल्हाध्यक्ष अमन अंधेवार यांच्या कार्यपद्धतीतून प्रेरणा घेत कोकाडे यांनी राजसाहेब ठाकरे यांच्यावर विश्वास व्यक्त करत मनसेच्या झेंड्याखाली येण्याचा निर्णय घेतला.

    पोंभुर्णा मध्ये रास्त धान्याचा काळाबाजार, युवासेनेने उचलला आवाज

    गावपातळीवर राजकीय सत्ता आणि पक्षीय निष्ठा यांचे बदलते चित्र हा प्रवेश अधोरेखित करतो. सुलोचना कोकाडे आणि प्रतीक चिकाटे यांचा राजकीय प्रवास ग्रामपंचायतीपासून सुरू झाला होता. स्थानिक स्वराज्य संस्थेत काम करताना त्यांनी जनतेशी घट्ट नाळ जोडली होती. त्यामुळे त्यांचा पक्षांतर हा केवळ वैयक्तिक निर्णय नसून, त्यांच्या सोबत असलेल्या सहकाऱ्यांमध्ये आणि गावकऱ्यांमध्येही त्याचे परिणाम उमटणार हे निश्चित आहे. Aman Andhewar MNS leadership

    या प्रवेश सोहळ्याला मनसेच्या विविध आघाड्यांतील अनेक महत्त्वाचे पदाधिकारी उपस्थित होते. जिल्हा उपाध्यक्ष राजू कुकडे, वाहतूक सेना जिल्हाध्यक्ष महेश वासलवार, जनहित सेना जिल्हाध्यक्ष रमेश काळबांडे, जिल्हाध्यक्ष सुनील गुढे, रोजगार व स्वयम रोजगार जिल्हाध्यक्ष मनोज तांबेकर, जनहित सेना तालुका सचिव राजू लांडगे, शहर अध्यक्षा वर्षा बोंबले यांच्यासह राकेश जवादे, अमन तुळ व विशाल भसारकर या कार्यकर्त्यांनी उपस्थिती दर्शवली. या उपस्थितीने कोकाडे यांच्या प्रवेशाला औपचारिक मान्यता तर मिळालीच, पण मनसेच्या संघटनात्मक ताकदीचेही प्रदर्शन झाले.

    राजकीयदृष्ट्या चंद्रपूर जिल्हा हा नेहमीच वेगवेगळ्या पक्षांसाठी प्रयोगशाळा ठरला आहे. भाजप, काँग्रेस, शिवसेना, राष्ट्रवादी काँग्रेस यांचे संघर्षग्रस्त क्षेत्र म्हणून ओळख असलेल्या या भागात मनसेला स्थिरावणे कठीण ठरत होते. मात्र गेल्या काही महिन्यांत स्थानिक पातळीवरील नेतृत्वाची चढती कामगिरी, राजसाहेब ठाकरे यांचे प्रभावी भाषणशैली आणि मराठी अस्मितेवर आधारित राजकारण यामुळे मनसेला ग्रामीण भागात थोड्याफार प्रमाणात आशेची किनार दिसू लागली आहे. कोकाडे आणि चिकाटे यांचा प्रवेश हा या बदलत्या समीकरणाला आणखी चालना देणारा टप्पा ठरू शकतो. sarpanch switches party Shiv Sena to MNS

    राजसाहेब ठाकरे यांच्या दूरदृष्टीवर आमचा विश्वास

    सुलोचना कोकाडे यांनी या प्रवेशावेळी स्पष्ट शब्दांत सांगितले की, “राजसाहेब ठाकरे यांच्या दूरदृष्टीवर आमचा विश्वास आहे. स्थानिक जनतेच्या प्रश्नांवर नेमकेपणाने आवाज उठवणारा पक्ष म्हणजे मनसे. गावपातळीवरील प्रश्नांना न्याय मिळवून देण्यासाठी आम्ही मनसेच्या बळावर काम करू.” त्यांच्या या भूमिकेतून शिवसेनेबद्दल असलेली नाराजी आणि नवीन राजकीय जागा शोधण्याची गरज प्रकर्षाने दिसून येते.

    राजकारणात सरपंच स्तरावरील बदल अनेकदा मोठे परिणाम घडवतात. कारण अशा नेतृत्वावर स्थानिक पातळीवरील सामान्य नागरिकांचा विश्वास असतो. कोकाडे यांनी मनसेत प्रवेश घेतल्यामुळे चोरगाव परिसरातील पक्षीय स्थितीवर थेट परिणाम होणार असून, आगामी ग्रामपंचायत व विधानसभा निवडणुकांमध्ये हा प्रवेश शिवसेना आणि भाजपसाठी आव्हानात्मक ठरू शकतो.

    मनसे जिल्हा नेतृत्वाने हा प्रवेश स्वागतार्ह ठरवत “ही फक्त सुरुवात आहे” असे संकेत दिले आहेत. कामगार सेना जिल्हाध्यक्ष अमन अंधेवार यांनी यावेळी सांगितले की, “मनसेला ग्रामपातळीवर बळकट करण्याचा आमचा संकल्प आहे. कोकाडे यांसारखे नेतृत्व पक्षात आल्याने चोरगावसह संपूर्ण तालुक्यात मनसेची ताकद वाढेल.” MNS leadership impact Chandrapur politics

    आगामी निवडणुकीत मनसे निर्णायक

    या पार्श्वभूमीवर चंद्रपूर जिल्ह्यातील राजकीय गणिते अधिक गुंतागुंतीची होणार हे निश्चित आहे. एका बाजूला भाजप-काँग्रेसच्या पारंपरिक लढती, दुसऱ्या बाजूला शिवसेनेतील अंतर्गत संघर्ष आणि आता मनसेची झपाट्याने वाढणारी उपस्थिती – या सर्व घडामोडी येणाऱ्या निवडणुकीत निर्णायक ठरण्याची शक्यता आहे. MNS gaining strength in Chandrapur

    सौ. सुलोचना कोकाडे आणि प्रतीक चिकाटे यांचा मनसे प्रवेश हा केवळ वैयक्तिक निर्णय नसून, ग्रामीण राजकारणाच्या बदलत्या स्वरूपाचे प्रतीक मानला जात आहे. गावकुसातील जनतेच्या प्रश्नांना केंद्रस्थानी ठेवून मनसेची संघटनात्मक चळवळ उभी राहिली, तर हा प्रवेश स्थानिक पातळीवर क्रांतिकारी ठरू शकतो.

  • corruption in ration shop Pombhurna । गरीबांच्या अन्नावर डाका – पोंभुर्णा धान्य घोटाळा प्रकरणात युवासेनेची कारवाईची मागणी

    corruption in ration shop Pombhurna

    corruption in ration shop Pombhurna : पोंभुर्णा – पोंभुर्णा शहर व तालुक्यातील शासनमान्य धान्य दुकानदारांकडून मोठ्या प्रमाणात धान्याचा काळाबाजार सुरू असून, सार्वजनिक वितरण प्रणालीतील धान्य सर्रासपणे खासगी व्यापाऱ्यांना व ट्रकमधून बाहेर जिल्ह्यात विकले जात असल्याची गंभीर तक्रार युवा सेना शहरप्रमुख महेश प्रकाश श्रीगिरीवार यांनी पोंभूर्णा तहसीलदार यांचेकडे केली आहे.

    मुख्यमंत्री लाडकी बहीण योजनेच्या अर्जाची चंद्रपुरात पडताळणी सुरु

    सरकारी स्वस्त धान्य दुकानातून मिळणारे स्वस्त धान्य गरीब व गरजू जनते च्या घरी न पोहोचता दलाल व व्यापाऱ्यांच्या खिशात जात असल्याने हजारो कुटुंबे स्वस्त धान्यापासून वंचित राहत आहेत. शासनाच्या कोट्यवधी रुपयांच्या योजनेला हा उघडपणे लुटण्याचा प्रकार ठरत असून, प्रशासन याकडे जाणीवपूर्वक दुर्लक्ष करत असल्याचा आरोप पोंभूर्णा युवा सेनेकडून करण्यात आला आहे. black marketing of subsidised food grain

    महत्वाच्या मागण्या :-

    • १) धान्य घोटाळ्यातील सर्व संबंधित दोषी दुकानदार, लाभार्थी व व्यापाऱ्यांवर तात्काळ कठोर कारवाई करावी.
      २) गोडावून व दुकानांची चौकशी करून साठवलेले धान्य तात्काळ जप्त करावे.
      ३) धान्य वाहून नेणारे ट्रक व इतर वाहनांवर कारवाई करून त्यातील माल जप्त करावा.
      ४) हा घोटाळा मोठ्या प्रमाणावर असून, यामध्ये उच्चस्तरीय चौकशी समिती नेमावी.

    युवा सेनेचा इशारा :-

    जर ७ दिवसांच्या आत प्रशासनाने ठोस कारवाई केली नाही, तर युवा सेना पोंभुर्णा तर्फे रस्त्यावर उतरून तीव्र आंदोलन छेडण्यात येईल. याची संपूर्ण जबाबदारी प्रशासनावर राहील. ” गरीब आणि सामान्य जनतेच्या हक्काचे धान्य लुटणाऱ्या भ्रष्ट यंत्रणेचा आम्ही कडाडून विरोध करू. पोटभर अन्न मिळावे हा जनतेचा हक्क असून, त्या हक्कासाठी युवा सेना रस्त्यावर लढा देईल.” yuvasena ubt

    निवेदन देतांना युवासेना शहरप्रमुख महेश श्रीगिरीवार यांचेसोबत कृषभ बुरांडे, सुरज कावळे व युवासेना कार्यकर्ते उपस्थित होते.

  • welding laborers killed in road accident । काम संपवून परतत असताना दुर्दैवी अपघात – दोन तरुणांचा मृत्यू, एक जखमी

    welding laborers killed in road accident

    welding laborers killed in road accident : गडचिरोली/मूल (२६ ऑगस्ट २०२५) – आष्टी-मुलचेरा मार्गावर सोमवारी (२५ ऑगस्ट) सायंकाळी ६ वाजता दुचाकीवरील नियंत्रण सुटल्याने झालेल्या अपघातात लवकुश सदाशिव गोरडवार (२९, रा. घोसरी) आणि शुभम सखाराम वाकुडकर (२५, रा. बोंडाळा) या दोन तरुणांचा दुर्दैवी मृत्यू झाला. या अपघातात अक्षय राजू वाकुडकर हा जखमी झाला आहे.

    मुख्यमंत्री विरुद्ध अपशब्द, चंद्रपुरात निषेध आंदोलन

    दुचाकीचे नियंत्रण सुटले आणि

    हे तिन्ही तरुण वेल्डिंगचे काम करत होते. सोमवारी ते मुलचेरा येथे आयुष वेल्डिंग दुकानाच्या मालकाच्या घरी कामासाठी गेले होते. काम संपवून ते दुचाकीने घोसरीकडे परत येत असताना आष्टीपासून सहा किलोमीटर अंतरावर असलेल्या एका वळणावर त्यांच्या दुचाकीचे नियंत्रण सुटले आणि ती झाडावर आदळली.

    या अपघातात दुचाकीवरील तिघेही जण फेकले गेले. लवकुश गोरडवारचा जागीच मृत्यू झाला, तर शुभम वाकुडकरला तातडीने आष्टी येथील ग्रामीण रुग्णालयात दाखल करण्यात आले. मात्र, उपचारादरम्यान त्याचाही मृत्यू झाला. या अपघातामुळे घोसरी, नांदगाव आणि बोंडाळा परिसरात शोककळा पसरली आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by