My Blog

Category: ग्रामीण वार्ता

ग्रामीण वार्ता (Gramin Varta) विभागात वाचा news34.in वर चंद्रपूर जिल्ह्यातील ग्रामीण भागातील बातम्या आणि घडामोडी. शेतकरी योजना, ग्रामपंचायत राजकारण, स्थानिक विकास प्रकल्प, कृषी आणि ग्रामीण जीवनाशी संबंधित सर्व महत्त्वाचे अपडेट्स येथे उपलब्ध आहेत. चंद्रपूर ग्रामीण भागातील समस्या, यशोगाथा आणि सकारात्मक बदलांना आम्ही प्राधान्य देतो. ग्रामीण भागातील विश्वासार्ह माहितीसाठी नियमित भेट द्या.

  • Congress vs BJP local body elections । स्थानिक स्वराज्य संस्थांच्या निवडणुकीत काँग्रेसच बाजी मारणार – विधिमंडळ पक्षनेते आ. विजय वडेट्टीवार 

    Congress vs BJP local body elections 

    Congress vs BJP local body elections : चंद्रपूर ८ नोव्हेम्बर (News३४) – भाजप सत्ता काळात अनेक घोटाळे उघडकीस येत आहे.तर दुसरीकडे बेरोजगारी, महागाई व आसमानी संकटांत सापडलेल्या शेतकऱ्यांना कर्जमाफी देण्याऐवजी सरकारने दगा केला.सत्तेच्या मदमस्तीत राज्याच्या तिजोरीवर डल्ला मारणारे व राज्याला कर्जबाजारीच्या खाईत लोटणाऱ्या वोट चोरांना होऊ घातलेल्या स्थानिक स्वराज्य संस्थांच्या निवडणुकांमध्ये  मतदार राजा काँग्रेस पक्षाच्या तसेच सहकारी घटक पक्षांच्या पाठीशी खंबीरपणे उभे राहून भाजपला धडा शिकविणार असून होणाऱ्या निवडणुकांमध्ये  काँग्रेसच बाजी मारणार असे प्रतिपादन राज्याचे माजी विरोधी पक्षनेते, तथा विधिमंडळ पक्षनेते आ. विजय वडेट्टीवार यांनी केले. ते तालुका काँग्रेस कमिटी मुलच्या वतीने आयोजित आढावा बैठकीत अध्यक्ष म्हणून बोलत होते.

    Also Read : हल्लेखोर वाघ अखेर जेरबंद

    आयोजित आढावा बैठकीस काँग्रेसचे प्रदेश महासचिव संतोषसिंह रावत, माजी आमदार देवराव भांडेकर,  भाजपमधून पक्ष प्रवेश करणारे माजी सभापती प्रशांत समर्थ, एकता समर्थ, सभापती राकेश रत्नावर, उपसभापती राजेंद्र कन्नमवार, काँग्रेस महासचिव घनश्याम येनुरकर, माजी नगराध्यक्ष विजय चिंड्यालवार, तालुका  बँकेचे संचालक विलास मोगरकर, जिल्हा काँग्रेस महिला पदाधिकारी चित्राताई डांगे, माजी जी. प .सदस्य मंगला आत्राम,माजी सभापती वैशाली पुलावर, राजू पाटील मारकवार, महिला अध्यक्ष रुपाली संतोषवार, नलिनी आडपवर, पोभूर्ण अध्यक्ष वासुदेव पाल, बल्लारपूर अध्यक्ष पिंपरे पाटील आदी मंचावर उपस्थित होते. Maharashtra BJP corruption allegations local elections

    यावेळी पुढे बोलताना विधिमंडळ पक्षनेते आ. विजय वडेट्टीवार म्हणाले की, विखे घराण्याने अस्तित्वाची ओळख करून देणाऱ्या काँग्रेस पक्षावर टीका करताना काँग्रेस पक्षाचे उपकार विसरू नये. असा टोला त्यांनी विखे परिवाराला लगावला. तर जमीन घोटाळ्यावरून शेतकऱ्यांना वारंवार फुकट मागायची सवय लागली असे बोलणारे उपमुख्यमंत्री अजित पवार यांच्यावरही टीकास्त्र सोडले. महायुती सरकार काळात शेतकरी, शेतमजूर, सर्वसामान्य जनता त्रस्त झाली असून महागाईमुळे सर्वसामान्यांचे जगणे कठीण झाले आहे.अशा लुटारू महायुती सरकारला सत्तेतून खाली खेचण्यासाठी मतदार राजाने कंबर कसली असून हा पक्ष प्रवेश सोहळा म्हणजे जिल्ह्यात काँग्रेस पक्षाला नवी भरारी घेण्याची उमेद जागविणारा सोहळा होय.असेही ते यावेळी म्हणाले. Congress vs BJP local body elections 

    तर आयोजित सोहळ्याप्रसंगी उपस्थित मान्यवरांनीही काँग्रेस पक्षाचे ध्येय धोरण व विचार तळागळा पर्यंत पोहचवा असे आव्हानात्मक मार्गदर्शन केले.

    यानंतर भाजपचे प्रशांत समर्थ यांनी शेकडो कार्यकर्त्यांसह काँग्रेस पक्षात प्रवेश केला. सोबतच पोंभुर्णा तालुक्यातील देवाडा ,डोंगर हळदी व विविध गावातील आम आदमी पक्षाचे व इतर पक्षाच्या शेकडो कार्यकर्त्यांनी काँग्रेस पक्षात प्रवेश केला.

      कार्यक्रमाचे संचालन सुनील शेरकी, प्रास्ताविक गुरु गुरनुले तर आभार नलिनी आडपवार यांनी मानले. आयोजित आढावा बैठकीस मूल व पूर्ण तालुक्यातील शेकडोंच्या संख्येने काँग्रेस पदाधिकारी व कार्यकर्ते उपस्थित होते.

  • farmers burning soyabean after rain । अवकाळी पावसाने शेतकरी संकटात; ६ एकरवरील सोयाबीन पेटविले

    farmers burning soyabean after rain

    farmers burning soyabean after rain : कोरपना ३ नोव्हेम्बर (News३४): आधीच अतिवृष्टी आणि सततच्या पावसामुळे शेती पिकांचे मोठे नुकसान होत असताना, अवकाळी पावसाने कोरपना तालुक्यातील शेतकऱ्यांसमोर नवे आणि मोठे संकट उभे केले आहे. कढोली येथील प्रशांत मसे या शेतकऱ्याने याच संकटापुढे हतबल होऊन 6 एकर क्षेत्रावरील कापणी केलेल्या सोयाबीनच्या ढिगाऱ्याला अखेर आग लावून जाळून टाकले. या हृदयद्रावक घटनेमुळे मसे यांचे केवळ पीकच नव्हे, तर सुमारे 25 हजार रुपयांचा कापणी खर्च देखील पाण्यात गेला असून, ते आता मोठ्या आर्थिक संकटात सापडले आहेत.

    Also Read : वरोऱ्यात दुर्दैवी घटना, ४ शाळकरी मुले वर्धा नदीत बुडाली, दोघांना वाचविण्यास यश

    घडलेला प्रकार:

    • प्रशांत मसे यांनी आपल्या 6 एकर क्षेत्रावर मोठ्या आशेने सोयाबीनची लागवड केली होती.
    • पीक पूर्ण झाल्यानंतर त्यांनी कापणी केली आणि सोयाबीन काढण्यासाठी तयार ठेवले होते.
    • मात्र, सुरुवातीच्या अतिवृष्टी आणि सततच्या पावसामुळे कापणी केलेले सोयाबीन ओलसर झाले.
    • हे सोयाबीन उन्हात सुकविण्यासाठी शेतात ठेवले असताना, अवकाळी पावसाने पुन्हा तडाखा दिला आणि सोयाबीन पुन्हा पूर्णपणे ओले झाले.
    • ओलसरपणामुळे थ्रेशर मशीनच्या मालकाने सोयाबीन काढण्यास स्पष्ट नकार दिला.
    • परिणामी, ढिगाऱ्यात साचलेल्या ओल्या सोयाबीनला अंकुर फुटण्यास सुरुवात झाली आणि पीक कुजण्याच्या मार्गावर आले.

    अखेर हतबलता

    सततच्या पावसामुळे पीक काढता येत नाही आणि ढिगाऱ्यातच ते कुजत चालले आहे, हे पाहून शेतकरी प्रशांत मसे पूर्णपणे हतबल झाले. लाखोंचे नुकसान डोळ्यांदेखत होताना पाहून त्यांनी जड अंतःकरणाने आपल्या 6 एकर क्षेत्रावरील जमा झालेल्या सोयाबीनच्या संपूर्ण ढिगाऱ्याला आग लावून दिली. soyabean crop loss due to unseasonal rain

    या घटनेमुळे मसे यांचे संपूर्ण 6 एकरावरील उत्पादन नष्ट झाले असून, ते पूर्णपणे आर्थिक संकटात सापडले आहेत. नैसर्गिक संकटांमुळे हतबल झालेल्या या शेतकऱ्याला शासनाकडून त्वरित मदतीची अपेक्षा आहे.

  • Shegav Chandankheda road bhumipujan । ताडोबा पर्यटक व नागरिकांचा प्रवास होणार सुलभ; ८५ कोटीच्या रस्त्याचे भूमिपूजन

    Shegav Chandankheda road bhumipujan

    Shegav Chandankheda road bhumipujan : चंद्रपूर, दि. 30 : भद्रावती तालुक्यातील शेगाव (खु.), चंदनखेडा – मुधोली – मोहर्ली हा रस्ता दळणवळणाच्या दृष्टीने गावक-यांसाठी तर महत्वाचा आहेच, मात्र ताडोबात येणा-या देश- विदेशातील पर्यटकांसाठी सुध्दा अतिशय सोयीचा आहे. राज्याचे मुख्यमंत्री देवेंद्र फडणवीस यांनी सन 2025-26 च्या अर्थसंकल्पात या रस्त्याच्या रुंदीकरणाला आणि सुशोभिकरणाला मंजुरी दिली. त्यामुळे जनतेच्या सोयीसाठी असलेल्या या रस्त्याचे काम प्रामाणिकपणे करून रस्त्याची गुणवत्ता व दर्जा उत्कृष्ट राखा, अशा सुचना राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक वुईके यांनी दिल्या.

    Also Read – शिवसेना पदाधिकाऱ्यांचा कांग्रेस पक्षात प्रवेश

    बुधवारी शेगाव (खु.) येथे रस्त्याच्या रुंदीकरण कामाचे भुमिपुजन करताना ते बोलत होते. यावेळी खासदार प्रतिभा धानोरकर, आमदार करण देवतळे, प्रभारी जिल्हाधिकारी डॉ. नितीन व्यवहारे, अतिरिक्त पोलिस अधिक्षक ईश्वर कातकडे, उपविभागीय अधिकारी संदीप भस्के, तहसीलदार योगेश कौटकर (वरोरा), बालाजी कदम (भद्रावती), कार्यकारी अभियंता अक्षय पगारे, सहा. कार्यकारी अभियंता जय तिवारी, सरपंच मोहित लभाणे आदी उपस्थित होते. Tadoba tourist road improvement Maharashtra

    अर्थसंकल्पात नागपूर विभागात केवळ या रस्त्याच्या कामाला मंजुरी मिळाली, असे सांगून पालकमंत्री डॉ. वुईके म्हणाले, यासाठी स्थानिक लोकप्रतिनिधी आणि सर्वांच्या पाठपुराव्यामुळे हे शक्य झाले. शेगाव – चंदनखेडा- मुधोली – मोहर्ली या रस्त्याचा प्रश्न 2025 पासून प्रलंबित होता. तसेच याबाबत नागरिकांच्या अनेक तक्रारी येत होत्या. राज्य शासनाने या रस्त्याच्या कामाला मंजुरी दिली आहे. गावक-यांसाठी अतिशय उपयोगी असलेल्या या रस्त्याचे बांधकाम अतिशय गुणवत्तापुर्वक व दर्जेदार व्हायला पाहिजे. रस्त्याबाबत कोणतीही तक्रार येऊ देवू नका. सार्वजनिक बांधकाम विभागाने रस्त्याच्या कामावर नियमितपणे लक्ष ठेवावे, अशाही सूचना पालकमंत्री डॉ. वुईके यांनी दिल्या.

    तत्पुर्वी पालकमंत्र्याच्या हस्ते कुदळ मारून रस्त्याच्या बांधकामाचे भुमिपूजन करण्यात आले. प्रास्ताविकात कार्यकारी अभियंता अक्षय पगारे म्हणाले, या रस्त्यासाठी अर्थसंकल्पात 85 कोटी रुपये मंजूर झाले आहेत. 33 किमी लांबीच्या या रस्त्यामुळे गावखेड्यातील नागरिक आणि ताडोबाला येणा-या पर्यटकांना फायदा होईल. Bhadrawati taluka road infrastructure upgrade

    दळणवळणासाठी अतिशय महत्वाचा रस्ता : खासदार प्रतिभा धानोरकर

    राज्य शासनाने बजेटमधून भद्रावती तालुक्यात हे काम मंजूर केले आहे. अनेक गावे आणि ग्रामपंचायती या रस्त्यावर असून दळणवळणासाठी हा रस्ता अतिशय महत्वाचा आहे, असे खासदार प्रतिभा धानोरकर यांनी सांगितले. शेगाव, चंदनखेडा, मोहर्ली, जुनोना, कोलारा गेटकरीता हा रस्ता सोयीस्कर आहे. त्यामुळे कंत्राटदारांनी अतिशय चांगले काम करावे, असेही त्या म्हणाल्या.

    पालकमंत्र्यांच्या पाठपुराव्याला यश : आमदार करण देवतळे

    या अर्थसंकल्पात संपूर्ण राज्यात 15 रस्त्यांच्या कामांना राज्य शासनाने मंजुरी दिली. यात नागपूर विभागातून केवळ भद्रावती तालुक्यातील शेगाव, चंदनखेडा, मुधोली या रस्त्याचा समावेश करण्यात आला. यासाठी जिल्ह्याचे पालकमंत्री डॉ. अशोक वुईके यांनी सातत्याने पाठपुरावा केला. या रस्त्याने अनेक पर्यटक ताडोबाला येत असतात. त्यामुळे रस्त्याचे रुंदीकरण आणि सुशोभीकरण आवश्यकच होते. अधिका-यांनी रस्त्याच्या कामाची गती ठेवून दर्जेदार काम करावे, असे आमदार करण देवतळे यांनी सांगितले.

  • Harshvardhan Sapkal Rajura visit Congress | काँग्रेसला मिळणार नवचैतन्य? हर्षवर्धन सपकाळ यांच्या भेटीमुळे काँग्रेस कार्यकर्त्यांना मिळाली ऊर्जा

    Harshvardhan Sapkal Rajura visit Congress

    Harshvardhan Sapkal Rajura visit Congress : राजुरा 28 ऑक्टोबर (News वृत्तसेवा.) :– महाराष्ट्र प्रदेश काँग्रेस समितीचे प्रदेशाध्यक्ष मा. हर्षवर्धनजी सपकाळ यांच्या राजुरा आगमनावेळी चंद्रपूर जिल्हा काँग्रेसचे जिल्हाध्यक्ष माजी आमदार सुभाषभाऊ धोटे यांच्या मार्गदर्शनाखाली काँग्रेस पदाधिकारी व कार्यकर्त्यांनी उत्स्फूर्त स्वागत करून परिसर दुमदुमवून टाकला.

    Also Read : वाघाचा हल्ला आणि 9 तास रस्ता रोको आंदोलन

    गडचिरोली जिल्ह्यातील काँग्रेस कार्यकर्त्यांच्या बैठकीसाठी दौर्‍यावर असताना श्री. सपकाळ हे परतीच्या प्रवासात सायंकाळी राजुराला थोडा वेळ थांबले. संविधान चौकात स्थित भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या पुतळ्याला पुष्पहार अर्पण करून त्यांनी अभिवादन केले आणि काँग्रेस कार्यकर्त्यांना भेट दिली. यावेळी राजुरा काँग्रेसच्या नेत्यांनी, पदाधिकारी व कार्यकर्त्यांनी त्यांचे उत्स्फूर्तपणे स्वागत केले.

    आगामी निवडणुकांमध्ये जोमाने काम करा

    या भेटीदरम्यान प्रदेशाध्यक्ष श्री. सपकाळ यांनी कार्यकर्त्यांना संबोधित करताना स्थानिक स्वराज्य संस्थांच्या निवडणुकांकडे गांभीर्याने पाहण्याचे, पक्ष संघटन अधिक मजबूत करण्याचे आणि आगामी निवडणुकांमध्ये जोमाने काम करण्याचे आवाहन केले. जनतेचा विश्वास आणि पक्षाची विचारधारा घराघरात पोहोचवा, असे मार्गदर्शन त्यांनी उपस्थितांना केले.


    यावेळी राजुरा काँग्रेसचे प्रमुख नेते, राजुरा तालुका काँग्रेस, शहर काँग्रेस तसेच युवक काँग्रेस, महिला काँग्रेस, एनएसयूआय, सेवादल, ओबीसी काँग्रेस, अनुसूचित जाती विभाग काँग्रेस, अनुसूचित जमाती विभाग काँग्रेस, अल्पसंख्यांक काँग्रेस, किसान काँग्रेस यासह काँग्रेसच्या सर्व फ्रंटल संघटनांचे पदाधिकारी, कार्यकर्ते आणि नागरिक मोठ्या संख्येने उपस्थित होते.

    घोषणांनी परिसर दुमदुमला आणि वातावरणात उत्साह संचारला. स्थानिक कार्यकर्त्यांनीही प्रदेशाध्यक्षांच्या या भेटीला ऐतिहासिक ठरवत, प्रदेशाध्यक्षांचा ऊर्जावान संदेश म्हणजे काँग्रेसला नवचैतन्य देणारा क्षण अशी भावना व्यक्त केली.

  • Villagers road blockade wildlife conflict | वाघाचा हल्ला; 9 तास चक्काजाम आंदोलन

    Villagers road blockade wildlife conflict

    Villagers road blockade wildlife conflict : गोंडपिपरी (चंद्रपूर): चंद्रपूर जिल्ह्यात वाघाच्या हल्ल्यामुळे (Tiger Attack Chandrapur) निर्माण झालेली दहशत आता लोकआंदोलनात बदलली आहे. गोंडपिपरी तालुक्यातील गणेशपिपरी येथील अलका पेंदोर यांचा वाघाच्या हल्ल्यात बळी गेल्यानंतर आज (सोमवार) गोंडपिपरीमध्ये त्याचे तीव्र पडसाद उमटले. परिसरातील हजारो नागरिक रस्त्यावर उतरले आणि तब्बल नऊ तास अहेरी-चंद्रपूर हा मुख्य रस्ता पूर्णपणे अडवून धरला.

    Also Read : चिमूर तालुक्यात वाघाच्या हल्ल्यात शेतकरी ठार

    सकाळपासूनच गोंडपिपरीमध्ये तणाव

    काल (रविवार) वाघाच्या हल्ल्यात अल्का पेंदोर यांचा मृत्यू झाल्यानंतर रात्री उशिरापर्यंत मृतदेह न उचलण्याच्या भूमिकेवरून गावात तणावाची स्थिती होती. आज सकाळी ८ वाजता हा तणाव अधिकच वाढला. परिसरातील अनेक गावांमधून महिला, पुरुष आणि तरुण हजारोंच्या संख्येने गोंडपिपरीच्या मुख्य चौकात जमा झाले. Tiger attack protest Gondpipri Chandrapur

    आंदोलनकर्त्यांनी रस्त्यावर टायर जाळून तीव्र निषेध केला आणि चक्काजाम आंदोलन सुरू केले. गोंडपिपरीची संपूर्ण बाजारपेठही आंदोलकांनी पूर्णपणे बंद ठेवली. संतप्त जमावामुळे परिस्थिती हाताबाहेर जाण्याची चिन्हे होती. त्यामुळे घटनास्थळी दंगा नियंत्रक पथक आणि अतिरिक्त पोलीस दल (Special Force) बोलवण्यात आले.

    नऊ तासांनंतर प्रशासनाचे यश

    दिवसभर अनेकदा प्रशासनाकडून समन्वय साधण्याचा प्रयत्न झाला, परंतु आंदोलनकर्ते आपल्या मागण्यांवर (वाघाचा तात्काळ बंदोबस्त आणि कुटुंबाला नुकसान भरपाई) ठाम होते. काही वेळा पोलिसांनी सौम्य लाठीमारही केला, पण त्याचा आंदोलकांवर कोणताही परिणाम झाला नाही.

    सायंकाळी ५ वाजता परिस्थितीचे गांभीर्य लक्षात घेऊन जिल्हा पोलीस अधीक्षक सुदर्शन मुमक्का आणि उपविभागीय अधिकारी लघीमा तिवारी यांच्यासह वरिष्ठ प्रशासकीय अधिकारी घटनास्थळी दाखल झाले. त्यांनी आंदोलकांशी चर्चा करून, त्यांच्या सर्व मागण्या मान्य करण्याची ग्वाही दिली.

    सर्वात महत्त्वाचे म्हणजे, त्यांनी दोन दिवसांच्या आत वाघाला जेरबंद (Capture) करण्याची हमी दिली. प्रशासनाच्या या ठोस आश्वासनानंतर तब्बल नऊ तास चाललेले हे तीव्र आंदोलन मागे घेण्यात आले.

    शार्प शूटर दाखल, वाहतूक विस्कळीत

    या आंदोलनामुळे अहेरी-चंद्रपूर मार्गावरील वाहतूक पूर्णपणे ठप्प झाली होती. रस्त्यावर वाहनांच्या अनेक किलोमीटरपर्यंत रांगा लागल्या होत्या, ज्यामुळे सर्वसामान्य जनजीवन विस्कळीत झाले.

    दरम्यान, आंदोलनानंतर तातडीने वाघाला बेशुद्ध करून पकडण्यासाठी अविनाश फुलझेले यांच्या नेतृत्वाखाली दोन शार्प शूटर (Sharp Shooters) गोंडपिपरी येथे दाखल झाले आहेत.

  • Soybean crop market price Maharashtra | फक्त १६०० रुपये क्विंटल? सोयाबीन दरामुळे शेतकऱ्यांची दिवाळखोरी!

    Soybean crop market price Maharashtra

    Soybean crop market price Maharashtra : भद्रावती (चंद्रपूर) (News34 वृत्तसेवा) : एका बाजूला राज्यात पूर (Flood) आणि ओला दुष्काळ (Wet Drought) यामुळे शेतकऱ्यांचे मोठे नुकसान झाले आहे, तर दुसऱ्या बाजूला पिकलेल्या मालाला योग्य भाव मिळत नसल्याने शेतकरी आर्थिक दिवाळखोरीत (Financial Crisis) ढकलला गेला आहे. भद्रावती तालुक्यातील कोंढा (Kondha) येथील शेतकरी प्रदीप श्रीराम डोंगे यांच्या उदाहरणावरून ग्रामीण अर्थव्यवस्थेची भयानक स्थिती समोर आली आहे.

    Also Read : गोंडपीपरी मध्ये वाघाने केली महिलेची शिकार

    मिळालेल्या माहितीनुसार, प्रदीप डोंगे यांनी आपल्या ४ एकर शेतात सोयाबीनचे पीक घेतले. यासाठी त्यांना बी-बियाणे, खत, कीटकनाशके, मशागत, पेरणी, हार्वेस्टर आणि वाहतूक (Transportation) मिळून एकूण ६४,८५० रुपये इतका मोठा खर्च आला.

    सोयाबीन विकून पदरी निराशा

    बाजारात सोयाबीन विकायला नेल्यावर व्यापाऱ्यांनी सुरुवातीला केवळ १,३०० रुपये प्रति क्विंटल भाव दिला. भाव कमी असल्याने डोंगे यांनी माल परत आणला. दुसऱ्या वेळी तो माल १,६०० रुपये प्रति क्विंटल दराने विकण्याची मागणी करण्यात आली. आर्थिक संकटात असल्याने, इच्छा नसतानाही डोंगे यांना आपला ९.५० क्विंटल माल याच दराने विकावा लागला.

    एकूण खर्च: ₹ ६४,८५०

    एकूण उत्पन्न: ९.५० क्विंटल @ ₹ १,६०० = ₹ १५,०४०

    झालेला तोटा: ₹ ४९,८१०/-

    शेतकरी प्रदीप डोंगे यांनी आपली व्यथा व्यक्त करताना सांगितले, “मला नफा तर सोडा, जवळपास ५० हजार तोटाच झाला. ना निसर्ग साथ देत आहे ना सरकार. निसर्ग कोपला तर उत्पन्न होत नाही आणि उत्पन्न झालं तर व्यापारी लुटतात. आम्ही जगायचं कसं?”

    नोकरशाहीला वेतनवाढ, शेतकऱ्यांकडे दुर्लक्ष
    शेतकऱ्यांच्या मालाला हमीभाव (MSP) देण्याऐवजी सरकार आणि व्यापारी मिळून शेतकऱ्यांचे आर्थिक शोषण करत असल्याचा गंभीर आरोप अन्नदाता एकता मंचचे संस्थापक अनुप सुधाकर कुटेमाटे यांनी केला आहे.

    कुटेमाटे यांनी म्हटले की, “एकीकडे नोकरशाही वर्गाला महागाई भत्त्यात मोठी वाढ मिळते, पण कृषिप्रधान देशात शेतकऱ्यांच्या मालाला भाववाढ देण्यासाठी सरकार उदासीन आहे. इंग्रजांपेक्षा जास्त लूट सरकार आणि व्यापाऱ्यांनी केली आहे. शेतकऱ्यांचा उद्रेक झाल्यास नेत्यांना देश सोडून पळावे लागेल.”

    हमीभाव जाहीर करूनही व्यापाऱ्यांनी सर्व कायदे धुडकावून शेतकऱ्यांची लूट करणे आणि यावर कोणतीही कारवाई न होणे, यावरून सरकारचे धोरण स्पष्ट होत आहे. देशाची अर्थव्यवस्था शेतीवर अवलंबून असताना ‘इंडिया’ (शहरी) आणि ‘भारत’ (ग्रामीण) यांच्यातील ही वाढती दरी ग्रामीण भागात मोठ्या असंतोषाला जन्म देत आहे.

  • Forest department action mode Maharashtra | वनविभागाने सुरू केला त्या हल्लेखोर वाघाचा शोध

    Forest department action mode Maharashtra

    Forest department action mode Maharashtra : चंद्रपूर | (२६ ऑक्टोबर २०२५) : नागभीड (Nagbhid) तालुक्यात आकापूर (Akapur) शेतशिवारात शुक्रवारी (२५ ऑक्टोबर) दबा धरून बसलेल्या वाघाने ५५ वर्षीय शेतकरी वासुदेव लक्ष्मण वेठे यांचा बळी घेतल्यानंतर वन विभाग (Forest Department) खडबडून जागा झाला आहे. या नरभक्षक वाघाचा तातडीने बंदोबस्त करण्यासाठी वनविभागाने आता ‘ॲक्शन मोड’ (Action Mode) मध्ये काम सुरू केले आहे.

    Read Also : तिखट संपल्याने अडीच महिन्याच्या बाळासह महिलेचा आत्महत्येचा प्रयत्न, माणुसकीने वाचविले

    घडले काय?

    शुक्रवारी सायंकाळी वेठे हे आपल्या शेतातील धान पिकाची पाहणी करण्यासाठी गेले होते. ते रात्री उशिरापर्यंत घरी न परतल्याने शनिवारी सकाळी त्यांचा मृतदेह शेतशिवारात आढळला. प्राथमिक तपासात वाघाच्या हल्ल्यात त्यांचा मृत्यू झाल्याचे स्पष्ट झाले. या भागात वाघाचे वास्तव्य असल्याची माहिती गावकऱ्यांनी आठवडाभरापूर्वीच तळोधी वनपरिक्षेत्र कार्यालयाला दिली होती, मात्र ठोस उपाययोजना न झाल्याने संतप्त नागरिकांनी वनअधिकाऱ्यांना घेराव घातला. तळोधी (बाळापूर) वनपरिक्षेत्र अधिकारी शहा मॅडम यांनी तत्काळ कुटुंबाला मदत व संरक्षणाची लेखी हमी दिल्यानंतर परिस्थिती नियंत्रणात येऊन अंत्यसंस्कार पार पडले. Tiger attack Akapur Chandrapur

    वाघाच्या शोधासाठी वनविभागाची पाऊले

    घटनेची गांभीर्य लक्षात घेत वनविभागाने युद्धपातळीवर वाघाच्या हालचाली टिपण्यासाठी मोहीम सुरू केली आहे:

    कॅमेरे आणि कर्मचारी: आकापूर शेतशिवारात वाघाच्या हालचालींवर लक्ष ठेवण्यासाठी सात ट्रॅप कॅमेरे आणि एक लाईव्ह कॅमेरा बसवण्यात आला आहे.

    गस्त: दहा कर्मचाऱ्यांची चमू दिवसरात्र शेतशिवार आणि आसपासच्या परिसरात गस्त घालत आहे.

    वाघाचे पुन्हा आगमन: विशेष म्हणजे, शनिवारच्या रात्री लावलेल्या कॅमेऱ्यांमध्ये त्याच घटनास्थळी वाघ पुन्हा परत (Tiger Revisit) आल्याचे स्पष्ट झाले आहे. लाईव्ह कॅमेरा निरीक्षणाद्वारे हाच नरभक्षक वाघ आहे का, याची खात्री केली जात आहे.

    शेतकऱ्यांना ‘झेड प्लस’ सुरक्षा

    सध्या धान कापणीचा (Paddy Harvesting Season) हंगाम सुरू असल्याने शेतकरी आणि शेतमजूर वाघाच्या दहशतीमुळे शेतात जाण्यास घाबरत आहेत. ही गरज लक्षात घेऊन वनविभागाच्या तैनात चमूने शेतकऱ्यांच्या संरक्षणाची जबाबदारी घेतली आहे.

    वन विभागाचा पहारा: रविवारी अनेक शेतकऱ्यांनी शेतात जाणे टाळले. परंतु ज्यांना जाणे अत्यावश्यक होते, अशा सहा ते सात शेतकऱ्यांना वन विभागाच्या कर्मचाऱ्यांनी संरक्षण देत त्यांच्या सोबत शेतात नेले आणि सुरक्षा (Security) प्रदान केली.

    परिसर स्वच्छता: वन्य प्राण्यांना लपायला जागा मिळू नये म्हणून परिसरातील वाढलेला कचरा आणि झुडपी झाडे कापण्याचा निर्णय घेण्यात आला आहे.

    वाघाच्या हालचालींवर सतत लक्ष ठेवून त्याला बेशुद्ध (Tranquilize) करून पकडण्याची प्रक्रिया सुरू असल्याचे अधिकाऱ्यांनी सांगितले आहे. चंद्रपूर (Chandrapur) जिल्ह्यात वन्यजीव हल्ल्यांचे प्रमाण वाढत असताना, वनविभागाच्या या तत्पर कारवाईमुळे नागरिकांना काहीसा दिलासा मिळाला आहे. नागरिकांनी जागरूक राहावे आणि शेतात एकटे न जाण्याचे आवाहन वनविभागाने केले आहे.

  • Social worker intervention saves lives | केवळ तिखट संपल्याने सुरु झाला जीवघेणा खेळ; माय-लेकीला मृत्यूच्या दारातून वाचविले

    Social worker intervention saves lives

    Social worker intervention saves lives : वरोरा (चंद्रपूर) 26 ऑक्टोबर (News34 वृत्तसेवा) : नात्यांमधील ताणतणाव कधी कधी किती गंभीर रूप घेऊ शकतात, याचे उदाहरण खडसंगी गावाच्या (Khadsangi Village) परिसरात नुकतेच पाहायला मिळाले. घरी तिखट संपल्याच्या शुल्लक कारणावरून नवऱ्यासोबत झालेल्या वादातून सुनीता (नाव बदलले आहे) नावाच्या एका महिलेने आपल्या अडीच महिन्याच्या नवजात बाळासह आत्महत्या करण्याचा निर्णय घेतला होता. मात्र, वरोरा येथील सामाजिक कार्यकर्त्यांनी वेळेवर केलेल्या हस्तक्षेपाने एक मोठा अनर्थ टळला आणि माय-लेकींचे प्राण वाचले.

    Also Read : वाघाच्या हल्ल्यात शेतकऱ्यांचा मृत्यू

    संशयास्पद हालचालींमुळे जीव वाचला

    शुल्लक कारणावरून नवऱ्यासोबत जोरदार भांडण (खडाजंगी) झाल्याने सुनिताचा राग अनावर झाला आणि संध्‍याकाळच्या सुमारास ती आपल्या बाळाला घेऊन थेट वरोरा (Warora) शहरात पोहोचली. रत्नमाला चौकातील राहुल शेंडे यांच्या उपहारगृहात बसून ती जीवन संपवण्याचा विचार करू लागली. तिच्या चेहऱ्यावरील चिंता आणि संशयास्पद हालचाली उपहारगृहात उपस्थित असलेले रमेश सनस आणि अमोल सेलकर यांच्या लक्षात आल्या.
    त्यांनी तिला समजावण्याचा प्रयत्न केला, पण तिने काहीही न सांगता तिथून चौकालगतच्या रेल्वे रुळाकडे (Railway Track) जाण्यास सुरुवात केली. माणुसकीचे दर्शन घडवत रमेश, अमोल आणि राहुल यांनी तात्काळ तिच्या मागोमाग धाव घेतली आणि तिला समजावून परत उपहारगृहात आणले. Family dispute suicide risk

    सामाजिक कार्यकर्त्यांचे मोलाचे सहकार्य

    उपहारगृहाचे मालक राहुल शेंडे यांच्या आईने सुनीताचे सांत्वन केले आणि तिचे कारण विचारून तिला रात्रभर आपल्या घरी मुक्काम करण्याची विनंती केली. दरम्यान, या घटनेची माहिती सामाजिक कार्यकर्ते छोटू शेख यांच्या कानावर गेली. घटनेचे गांभीर्य ओळखत त्यांनी तातडीने सहाय्यक पोलीस निरीक्षक शरद भस्मे यांना संपर्क साधला.
    पोलिसांच्या मदतीने सुनीताचे माहेरचे लोक आणि तिच्या नवऱ्याला बोलावण्यात आले. नवऱ्याने आपल्या चुकीबद्दल माफी (Apology) मागितली. शेवटी, तडजोड म्हणून सुनीताने काही दिवस आपल्या वडिलांच्या घरी जाऊन राहावे, असे निश्चित झाले.


    सामाजिक कार्यकर्ते गोपाळ गुडधे आणि प्रवीण गंधारे यांच्यासह अन्य नागरिकांच्या माणुसकीमुळे सुनीता आणि तिचे नवजात बाळ सुखरूप त्यांच्या वडिलांच्या घरी पोहोचले. या माणुसकीच्या कृत्याबद्दल वरोरा (Warora News) परिसरातील या सामाजिक कार्यकर्त्यांचे सर्वत्र कौतुक होत आहे.

  • Man-animal conflict Chandrapur news | चंद्रपूरमध्ये पुन्हा वाघाचा कहर! शेतकऱ्याला केले ठार

    Man-animal conflict Chandrapur news

    Man-animal conflict Chandrapur news : चंद्रपूर/नागभीड – 25 ऑक्टोबर (News34 वृत्तसेवा) : तालुक्यातील तळोधी (बाळापूर) जवळील आकापूर (Akapur) शेतशिवारात आज, शनिवार (२५ ऑक्टोबर), सकाळी एका धक्कादायक घटनेत वाघाने ५५ वर्षीय शेतकऱ्याचा बळी घेतला. वाघाच्या हल्ल्यातील ही घटना उघडकीस आल्यानंतर परिसरात मोठी खळबळ माजली आहे. Tiger attack Chandrapur

    Also Read : झोपडपट्टी मधील मुलांसोबत आमदार मुनगंटीवार यांनी साजरी केली दिवाळी


    वासुदेव लक्ष्मण वेठे (वय ५५) असे मृत शेतकऱ्याचे नाव आहे. ते शुक्रवार (दि. २४) सायंकाळी आपल्या धान पिकाची पाहणी करण्यासाठी शेतात गेले होते, मात्र रात्री उशिरापर्यंत घरी परतले नाहीत. कुटुंबीयांनी व गावकऱ्यांनी रात्रभर शोध घेतला, परंतु ते सापडले नाहीत. अखेर, आज शनिवारी सकाळी शेताच्या एका बाजूला त्यांचा मृतदेह आढळून आला. घटनास्थळावरील वाघाच्या स्पष्ट खुणांवरून हा हल्ला वाघानेच केल्याचे वनविभागाने प्राथमिकदृष्ट्या निश्चित केले आहे.

    वनविभागाच्या हलगर्जीपणावर नागरिकांचा संताप

    या घटनेनंतर नागरिकांमध्ये प्रचंड भीती आणि संतापाचे वातावरण पसरले आहे. मिळालेल्या माहितीनुसार, मागील आठवड्याभरापासून या आकापूर शेतशिवारात वाघाचे प्रस्थ होते. नागरिकांनी वारंवार तळोधी वनपरिक्षेत्र कार्यालयाला लेखी निवेदन देऊन या पट्टेदार वाघाचा बंदोबस्त करण्याची मागणी केली होती.
    मात्र, वन विभागाने या गंभीर बाबीकडे दुर्लक्ष केले. फक्त पाहणी करण्याशिवाय कॅमेरे बसविणे किंवा पिंजरे लावणे यासारख्या प्रभावी उपाययोजना वन विभागाने केल्या नाहीत, असा संतप्त आरोप नागरिकांनी केला आहे.

    वनअधिकाऱ्यांना घेराव, मृतदेह उचलण्यास नकार

    घटनेची माहिती मिळताच तळोधी वनपरिक्षेत्र अधिकारी शहा मॅडम आणि पोलीस पथक घटनास्थळी दाखल झाले. पंचनामा सुरू असतानाच संतप्त गावकऱ्यांनी वनअधिकाऱ्यांच्या निष्क्रियतेवर तीव्र संताप व्यक्त करत शहा मॅडम यांना घेराव घातला.


    जोपर्यंत नागरिकांना सुरक्षिततेची ठोस हमी दिली जात नाही, तोपर्यंत मृतदेह घटनास्थळावरून उचलण्यास नागरिकांनी स्पष्ट नकार दिला आहे. त्यामुळे वृत्त लिहीपर्यंत (सकाळी/दुपारी) मृतदेह घटनास्थळीच पडून होता, अशी माहिती आहे. वाघाच्या सततच्या हल्ल्यांमुळे नागभीड आणि चंद्रपूर (Chandrapur) परिसरातील शेतकरी आणि ग्रामस्थांच्या सुरक्षिततेचा प्रश्न पुन्हा एकदा ऐरणीवर आला आहे.

    यावर्षीचा 35 वा मृत्यू

    चंद्रपूर जिल्ह्यात आतापर्यंत वन्यप्राण्यांच्या हल्ल्यात 35 नागरिकांचा मृत्यू झाला असून यामध्ये 31 वाघाच्या हल्ल्यात, 2 बिबट तर अस्वल व हत्तीच्या हल्ल्यात प्रत्येकी एका नागरिकांचा मृत्यू झाला.

  • Maharashtra farmers black Diwali protest | कर्जमाफीचे आश्वासन फोल! बल्लारपूरात शेतकऱ्यांनी साजरी केली ‘काळी दिवाळी’

    Maharashtra farmers black Diwali protest

    Maharashtra farmers black Diwali protest : बल्लारपूर 22 ऑक्टोबर (News34 वृत्तसेवा) :
    महाराष्ट्र प्रदेश काँग्रेस कमिटीचे अध्यक्ष मा. हर्षवर्धन सपकाळ यांच्या आदेशानुसार आज बल्लारपूर शहर व तालुक्यात शेतकऱ्यांनी “काळी दिवाळी” साजरी करत अनोखा निषेध नोंदवला.

    Farmers Black Diwali Protest

    Also Read : चंद्रपुरात मोठा घातपात टळला, नेमका गेम कुणाचा?

    अनोखा निषेध

    शेतकऱ्यांच्या बँक खात्यात अद्यापही मदत रक्कम न आल्याने संतप्त शेतकऱ्यांनी आपल्या बांधावर भाकर, पिठलं आणि ठेचा खाऊन सरकारविरोधात नाराजी व्यक्त केली.

    या आंदोलनात प्रदेश पदाधिकारी सचिव घनश्याम मुलचांदनी, शहर अध्यक्ष देवेन आर्य, तालुका अध्यक्ष गोविंदा उपरे, महिला तालुका अध्यक्ष अपसाना सय्यद, भास्कर माकोडे, प्रणेश अम्राज, रवी देरकर, सुरेश बाप्पांवर, तुळशीराम पिपरे, सुरेश वासाडे, नरेश बुरांडे, वासुदेव येरगुडे, शेखर आलम, जिवंकला आलम, भास्कर कावळे, सूर्यकांत दयालवर, नाजुका आलम, सुनील कोहरे, कैलाश धानोरकर यांच्यासह अनेक शेतकरी सहभागी झाले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by