चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.
CBSE Topper class 12th 13 मे रोजी सीबीएसई बोर्डाचा वर्ग 10 वी व 12 वी चा निकाल जाहीर झाला, यामध्ये वर्ग 12 वी ची नारायणा विद्यालयम मधील कल्याणी गुप्ता ह्या विद्यार्थिनीने 94.80 टक्के गुण पटकावीत जिल्ह्यात प्रथम आली.
CBSE Topper class 12th कल्याणी ही चंद्रपुरातील विनोद गुप्ता यांची कन्या आहे, अभ्यासात आई-वडिलांची साथ हे माझ्या यशाचं महत्वाचं कारण होय, व 12 वी च्या परीक्षेत आई-वडील व शिक्षकांद्वारे अभ्यासाचे उत्तम नियोजनात मोठा वाटा असल्याची प्रतिक्रिया कल्याणी ने दिली आहे, पुढे शिक्षण पूर्ण केल्यावर मला सीए व्हायचं असं माझं स्वप्न आहे अशी इच्छा कल्याणी ने यावेळी व्यक्त केली.
CBSE result class 10th चंद्रपूर १३ मे (News३४) – वर्ष 2024 ला सीबीएसई वर्ग 10 वी चा निकाल 13 मे रोजी दुपारी 1 वाजता जाहीर झाला, या निकालात भद्रावती येथील अयान अब्बास अजानी या विद्यार्थ्याने चंद्रपूरजिल्ह्यातून 98.80 टक्के गुण घेत प्रथम क्रमांक पटकाविला.
अयान हा चंद्रपुरातील नारायणा विद्यालयम येथे शिकत आहे, त्याने आपल्या यशाचे श्रेय आई-वडिलांना दिले आहे, विशेष बाब म्हणजे अयान ने कुठेही कोचिंग लावली नव्हती, अभ्यासात त्याला ज्यावेळी समस्या उदभवायची त्यावेळी आई-वडील त्याचे शिक्षक बनून त्याला अभ्यासात सहकार्य करायचे.
CBSE result class 10th यंदा च्या निकालात नारायणा विद्यालयम मधील 3 मुलांनी चंद्रपूर जिल्ह्यातून टॉप केलं. अयान सोबत अनुष्का सिंह 97.80 टक्के अंक घेत दुसऱ्या स्थानावर तर देवांशी जाजू ने 96.80 टक्के अंक घेत तिसऱ्या स्थानावर मजल मारली आहे.
Local crime branch चंद्रपूर पोलीस अधीक्षक मुमक्का सुदर्शन यांच्या आदेशाने जिल्ह्यात स्थानिक गुन्हे शाखा अवैध धंदे व्यावसायिकांवर धडक कारवाई करीत आहे. 11 मे रोजी चंद्रपूर शहरात स्थानिक गुन्हे शाखेने फिल्मी स्टाईल कारवाई करण्याचा प्रयत्न केला मात्र आरोपी हा स्थानिक गुन्हे शाखेच्या हातावर तुरी देऊन पसार झाला.
Local crime branch 11 मे ला स्थानिक गुन्हे शाखा पथकाला सुगंधित तंबाखू बाबत गोपनीय माहिती मिळाली होती, माहितीच्या आधारे जटपूरा गेट कडून शहरात जाणाऱ्या मार्गावर चारचाकी वाहन क्रमांक mh40 a7877 या वाहनाला स्थानिक गुन्हे शाखा पथकाने थाम्बविण्याचा प्रयत्न केला असता वाहन चालकाने वाहन पुढे नेले आणि रस्त्याच्या कडेला थांबवित तो पळून गेला, त्या वाहनाची झडती घेतली असता वाहनाच्या डिक्कीत ईगल हुक्का सुगंधित तंबाखू आढळून आला, वाहन सहित एकूण 5 लाख 70 हजार 400 रुपयांचा मुद्देमाल जप्त करण्यात आला.
Chandrapur police station चंद्रपुरातील अंचलेश्वर प्रभागात राहणाऱ्या नकवे कुटुंबातील 13 वर्षीय मतिमंद मुलगा रोहन कुमार नकवे हा 9 मे पासून घरून बेपत्ता झाला आहे.
रोहन सकाळी 6 वाजता सायकल सोबत घेत खेळायला बाहेर निघून गेला होता, रोहन ची आई कविता अविनाश नकवे ह्या ज्यावेळी घरी आला तेव्हा रोहन हा घरी दिसला नाही, त्यांनी इतरत्र मुलाचा शोध घेतला मात्र रोहन कुठेही आढळून आला नाही.
Chandrapur police station 10 मे रोजी कविता नकवे यांनी शहर पोलीस ठाण्यात मुलाला कुणीतरी अज्ञात इसमाने फुस लावून पळविले अशी शक्यता वर्तवित तक्रार दाखल केली.
रोहन ने घराबाहेर पडताना अंगात लाल रंगाची टी शर्ट, काळ्या रंगाचा नाईट पॅन्ट, पायात स्लीपर चप्पल व सोबत लाल रंगांची सायकल घेऊन तो बाहेर खेळत होता.
Chandrapur police station शहर पोलिसांनी नागरिकांना सदर वर्णनाचा मुलगा कुठेही आढळून आला तर तात्काळ शहर पोलीस स्टेशन चंद्रपूर मधील सहायक पोलिस निरीक्षक राहुल गुहे, पोलीस उपनिरीक्षक विजय मुक्के मोबाईल क्रमांक – 7720036111, 9923401065 वर सम्पर्क साधण्याचे आवाहन केले आहे.
Beer bar license in maharashtra सन २०२१ मध्ये चंद्रपूर जिल्ह्यातील दारूबंदी उठवल्यानंतर उत्पादन शुल्क अधीक्षक संजय पाटील या अधिकाऱ्याने कायद्याची पायमल्ली करत कायद्याच्या चौकटीत न बसणाऱ्यांना मद्य परवाने दिले.
यासंदर्भात अनेकदा तक्रारी करूनही त्याचे पुढे काहीच झाले नाही आणि मद्य परवाना वितरणातील गैरव्यवहार मोठ्या प्रमाणात वाढला. या संपूर्ण गैरव्यवहाराची एसआयटीमार्फत चौकशी करण्यात यावी, अशी मागणी पालकमंत्री ना. श्री. सुधीर मुनगंटीवार यांनी मुख्यमंत्री श्री. एकनाथ शिंदे यांच्याकडे पत्राद्वारे केली आहे.
Beer bar license in maharashtra सुधीर मुनगंटीवार यांनी यासंदर्भात मुख्यमंत्र्यांची प्रत्यक्ष भेट घेऊन चर्चा करणार असल्याचेही सांगितले आहे. दारूबंदी उठविण्यात आल्यानंतर उत्पादन शुल्क अधीक्षक संजय पाटील या अधिकाऱ्यांनी कायद्याची पायमल्ली करत कायद्याच्या चौकटीत न बसणाऱ्यांना मद्य परवाने दिले. येणाऱ्या तक्रारी जिल्हाधिकारी यांच्यापर्यंत पोहोचू दिल्या नाहीत आणि स्वतःकडेच कुलूपबंद केल्या. अनेक ठिकाणी ना हरकत प्रमाणपत्र नसतानाही मद्य परवाने देण्यात आले. गोंडपिंपरी तालुक्यातील धाबा येथे तर रमाई आवास योजनेंतर्गत बांधण्यात आलेल्या घरी बियर बार देण्यात आला, याकडेही ना. श्री. सुधीर मुनगंटीवार यांनी लक्ष वेधले.
Beer bar license in maharashtra त्याचवेळी ना. श्री. मुनगंटीवार यांनी जिल्हाधिकाऱ्यांना या संदर्भात चौकशी करण्याचे आदेश दिले आहेत. अतिरिक्त पोलिस महासंचालक (लाचलुचपत प्रतिबंधक विभाग) श्री. विश्वास नांगरे पाटील यांनाही दूरध्वनीद्वारे संपर्क साधून या प्रकरणात कसून चौकशी करावी, अशी मागणी त्यांनी केली आहे.
यासंदर्भात ज्यांना तक्रारी करायच्या असतील त्यांनी भाजपा जनसंपर्क कार्यालयातील 95527 99608 या मोबाईल नंबर व्हॉट्सॲप तक्रारी पाठवाव्यात. दूरध्वनीवरून प्रत्यक्ष संपर्क साधण्यासाठी तक्रारकर्त्यांनी भाजपा जिल्हाध्यक्ष हरीश शर्मा (7261967820), भाजपा माजी जिल्हाध्यक्ष देवराव भोंगळे (9822255932) यांच्याशी संपर्क साधावा.
Arvind Kejriwal update आम आदमी पार्टीचे नेते अरविंद केजरीवाल यांची कारागृहातून सुटका झाल्यानंतर आम् आदमी पक्षाच्या स्थानिक नेत्यांच्या उपस्थितीत चंद्रपूर येथील जटपूरा गेट समोर जल्लोष करण्यात आला.
उत्पादन शुल्क धोरण प्रकरणात ईडीने दारू घोटाळ्याच्या खोट्या आरोपात
मुख्यमंत्री अरविंद केजरीवाल यांना अटक केली होती.
Arvind Kejriwal update अटकेनंतर 51 दिवसानंतर त्यांना जामीन देण्यात आला आहे. ते जेल मधून बाहेर पडताच आम् आदमी पक्षाच्या स्थानिक नेत्यांच्या उपस्थितीत चंद्रपूर येथील जटपूरा गेट समोर जल्लोष करण्यात आला.
या वेळी आप चे नेते सुनील देवराव मुसळे, महानगर अध्यक्ष योगेश गोखरे, युवा जिल्हा अध्यक्ष राजू कुडे, जिल्हा संघटणमंत्री योगेश मुरेकर, जिल्हा सहकारी आघाडी अध्यक्ष मधुकर साखरकर, महानगर महिला अध्यक्ष तब्बसूम शेख, महानगर उपाध्यक्ष सुनील सदभैय्या, अप्लासंख्यक आघाडी महानगर अध्यक्ष जावेद सय्यद, महानगर संघटणमंत्री संतोष बोपचे सिकेंदर सागोरे, शशिकांत मेश्राम, शकील पठाण, सुजाता देठे, रमाना ताई, नजमा बेग, मनीष राऊत, दिपक घोडगे, विजुभाऊ चांबारे व इतर अनेक पदाधिकारी कार्यकर्ते उपस्थित होते.
Gopani Aryan Power Company चंद्रपूर ताडाळी एम.आय.डी.सी.स्पंज आर्यण कामगार संघटनेच्या वतीने गोपाणी आर्यण पावर कंपनीचे कामगार वामन सिडाम यांच्या कुटुंबियांना आर्थिक मदत करण्यात आली.
Gopani Aryan Power Company या पार्श्वभूमीवर ताडाळी एम.आय.डी.सी.स्पंज आर्यण कामगार संघटनेने त्यांच्या कुटुंबियांना आर्थिक मदत करण्याचा निर्णय घेतला. संघटनेच्या अध्यक्ष मा. दिनेशभाऊ चोखारे यांच्या मार्गदर्शनाखाली संघटनेच्या सर्व सभासदांनी एकत्रितपणे ७९२०० रुपयांचा धनादेश त्यांच्या पत्नी व मुलीला दिला.
यावेळी संघटनेचे अध्यक्ष. श्री. दिनेशभाऊ चोखारे, उपाध्यक्ष श्री. मोहन वाघमारे, महासचिव श्री. संतोष बांदुरकर, कार्याध्यक्ष श्री. तुळशिराम डेरकर, कोषाध्यक्ष श्री. सदाशीव चतुर, सहकोषाध्यक श्री. दशरथ रोगे, विजय मोरे, रमेश आरपेल्ली, नंदु टोंगे, सागर कन्नीरवार, विकास आवारी, संतोष खोब्रागडे, महेश जुनघरे यांची उपस्थीत होते.
या आर्थिक मदतीमुळे वामन सिडाम यांच्या कुटुंबियांना काही प्रमाणात दिलासा मिळेल, अशी अपेक्षा संघटनेने व्यक्त केली आहे.
corruption complaint number 7 मे रोजी चंद्रपूर लाचलुचपत प्रतिबंधक विभागाने जिल्ह्यात सर्वात मोठी कारवाई केली, उत्पादन शुल्क विभागाचे अधीक्षक संजय पाटील, दुय्यम निरीक्षक चेतन खारोडे व कार्यालय अधीक्षक अभय खताळ यांच्यावर बिअर बार चालकाला नव्या परवान्यासाठी तब्बल 1 लाख रुपयांच्या लाचेची मागणी प्रकरणात गुन्हा दाखल करण्यात आला.
corruption complaint number चेतन खारोडे व अभय खताळ यांना 10 मे पर्यंत न्यायालयाने पोलीस कोठडी सुनावली आहे, मात्र संजय पाटील हे अद्यापही लाचलुचपत प्रतिबंधक विभागाच्या हाती लागले नाही, त्यांच्या मागावर सध्या पोलीस पथक लागले आहे.
corruption complaint number लाचलुचपत प्रतिबंधक विभाग चंद्रपूरच्या पोलीस उपअधीक्षक मंजुषा भोसले यांनी जर शासकीय कार्यालयातील अधिकारी किंवा कर्मचाऱ्याने आपल्याला लाच मागत असेल तर आम्हाला सम्पर्क करा, 1064 या टोल फ्री क्रमांकावर आपण कॉल करू शकता. असे आवाहन भोसले यांनी यावेळी केले.
Chandrapur news today चंद्रपूर: चंद्रपूरच्या राज्य उत्पादन शुल्क विभागाचे अधीक्षक संजय पाटील,दुय्यम निरीक्षक चेतन खारोडे व कार्यालयीन अधीक्षक अभय खताळ यांचे विरुद्ध लाचलुचपत प्रतिबंधक विभागाने गुन्हे दाखल केले.
Chandrapur news today या तीन आरोपी पैकी दोन आरोपींना अटक झाली असून अधीक्षक संजय पाटील फरार आहेत. अधीक्षक संजय पाटील यांना तातडीने अटक करून त्यांच्याविरुद्ध कठोर कारवाई करण्यात यावी अशी मागणी आज जनविकास सेनेचे संस्थापक अध्यक्ष पप्पू देशमुख यांच्या नेतृत्वात एका शिष्टमंडळाने लाच लुचपत प्रतिबंधक विभागाच्या पोलीस उपाधीक्षक मंजुषा भोसले यांच्याकडे केली. चंद्रपूरच्या मद्य घोटाळ्यातील आरोपींची चौकशी करून कारवाई करण्याच्या बाबत यावेळी उपाधीक्षक भोसले यांना स्मरणपत्र दिले.यावेळी जनविकास सेनेचे घनश्याम येरगुडे, इमदाद शेख, अक्षय येरगुडे, प्रफुल बैरम, गितेश शेंडे, अमोल घोडमारे उपस्थित होते.
Chandrapur news today चंद्रपूर जिल्ह्यात देशी विदेशी दारूचे दुकान,बियर बार,वाईन शॉप, बियर शॉपी यांना मंजूरी देतांना झालेल्या गैरव्यहाराविरुद्ध कारवाई करण्याकरिता स्मरण पत्र दिले.यापूर्वी जिल्ह्यातील अनेक दारू दुकानांच्या वाटपामध्ये झालेल्या गैरव्यवहाराची पुराव्यानिशी तक्रार जनविकास सेने तर्फे लाच लुचपत प्रतिबंधक विभागाकडे करण्यात आली होती.
आज पुन्हा एकदा जनविकास सेनेच्या शिष्टमंडळाने पुराव्यांचा गठ्ठा घेऊन लाच लुचपत प्रतिबंधक विभागाच्या कार्यालयात धडक दिली.या विभागाचे पोलीस उपअधीक्षक मंजुषा भोसले यांची भेट घेऊन जुन्या तक्रारीबाबत स्मरणपत्र दिले.
नियम धाब्यावर बसवून दारू दुकानांना मंजूरी
राज्य उत्पादन शुल्क विभाग, महसूल विभाग तसेच पोलीस विभाग या सर्व विभागातील मंत्रालयापासून जिल्हास्तरापर्यंत कार्यरत अधिकाऱ्यांनी संगनमत करून नियम धाब्यावर बसवून चंद्रपूर जिल्ह्यात विविध प्रकारच्या दारू दुकानांना परवाने दिले. अवैध व बेकायदा बांधकाम असलेल्या अनेक इमारतींमध्ये सरसकट दारू दुकानांना मंजुरी देण्यात आली. अंतराचे नियम पायदळी तुडविण्यात आले. याचा मोबदला म्हणून या विभागाच्या अधिकाऱ्यांनी करोडो रुपयांची लाच दारू दुकानदारांकडून स्वीकारली.
Chandrapur news today चंद्रपूरचे तात्कालीन जिल्हाधिकारी, पोलीस अधीक्षक यांचे सह विविध पोलीस ठाण्याचे पोलीस निरीक्षक व राज्य उत्पादन शुल्क विभागाचे अधिकारी यांची नावासह व पुरावे देऊन जनविकास सेनेने सुमारे दोन वर्षांपूर्वी तक्रार केली होती. लाच लुचपत प्रतिबंधक विभागाचे राज्याचे महासंचालक तसेच नागपूरचे पोलीस अधीक्षक यांच्याकडे सुद्धा तक्रार करण्यात आली होती. मात्र आजपर्यंत कोणतीही चौकशी अथवा ठोस कारवाई चंद्रपूरच्या मद्य घोटाळ्यातील आरोपीं विरुद्ध करण्यात आली नाही. नुकतीच राज्य उत्पादन शुल्क विभागाच्या अधिकाऱ्यांना लाच घेताना अटक झाल्यामुळे पुन्हा एकदा जनविकास सेनेने आक्रमक भूमिका घेतली.
Chandrapur news today चंद्रपूर महानगरपालिका क्षेत्रात रस्त्याच्या बाजूला अस्थाई स्वरूपात दुकाने चालवणाऱ्या पथविक्रेत्यांवर सुरू असलेली अतिक्रमण हटाव मोहीम तात्काळ थांबवावी अशी मागणी आम् आदमी पक्षाचे युवा जिल्हाध्यक्ष राजू कुडे यांनी केली आहे.
Chandrapur news today कुडे यांनी महानगरपालिकेच्या कारवाईला विरोध दर्शवत म्हटले आहे की, शहरात वाढीव लोकसंख्येसाठी पुरेसे बाजारपेठा उपलब्ध नाहीत.
त्यामुळे अनेक गरीब व्यापारी रस्त्यावरच दुकाने लावून आपले जीवन जगण्यास भाग पाडले जातात. महानगरपालिकेने या व्यापाऱ्यांसाठी हक्काची जागा उपलब्ध करून दिली नाही तर अतिक्रमण हटाव मोहीम थांबविली पाहिजे.
Chandrapur news today नगररचना अधिनियम आणि टाऊन प्लॅनिंग Act नुसार शहराच्या वाढीव लोकसंख्येनुसार जागेची नियोजन करणे हे महानगरपालिकेचे कर्तव्य आहे. महानगरपालिकेने किरकोळ व्यापाऱ्यांसाठी जागा राखीव केली असल्यास त्यांना व्यवसाय करण्यासाठी उपलब्ध करून द्यावेत, अशी मागणी त्यांनी केली. गेल्या अनेक वर्षांपासून नवीन बाजारपेठा तयार न केल्यामुळेच आज रस्त्यावर दुकाने लावण्याची वेळ आली आहे.
Chandrapur news today कुडे यांनी पथविक्रेत्यांसाठी हक्काची बाजारपेठ उपलब्ध करून देण्याची मागणी केली आहे. तोपर्यंत पोटाची भूक भागवण्यासाठी झटत असणाऱ्या पथविक्रेत्यांवर अतिक्रमण हटाव मोहीम थांबवण्यात यावी असे आवाहन त्यांनी केले आहे.
महानगरपालिकेने पथविक्रेत्यांच्या मागण्यांकडे लक्ष देऊन त्यांना त्वरित न्याय द्यावा अशी अपेक्षा कुडे यांनी व्यक्त केली आहे.
