Category: चंद्रपूर शहर

Animal Ear Tags राज्यातील सर्व पशुंना टॅगिंग करून त्याची नोंद भारत पशुधन प्रणालीवर घेणे बंधनकारक करण्याबाबतचा शासन निर्णय निर्गमित झाला आहे. सदरील शासन निर्णयानुसार जिल्ह्यातील सर्व पशुपालक, शेतक-यांकडे असलेल्या सर्व पशुधनाच्या कानात इअर टॅगिंग करून त्यांची नोंदणी भारत पशुधन प्रणालीवर करणे आवश्यक आहे.

अवश्य वाचा – चंद्रपुरात अतिक्रमण हटाव मोहिमेला सुरुवात

Animal Ear Tags तसेच दिनांक 1 जून 2024 नंतर इअर टॅगिंग शिवाय पशुधनाची खरेदी व विक्री करण्यास प्रतिबंध करण्यात आला असून त्याची नोंद भारत पशुधन प्रणालीवर असल्याशिवाय  खरेदी विक्री करता येणार नाही. तसेच पशुधनास पशुवैद्यकीय दवाखान्यामधून पशुवैद्यकीय सेवा दिली जाणार नाही.

अवश्य वाचा : चंद्रपुरात काळा दिवस

Animal Ear Tags जाणीवपूर्वक नष्ट केलेल्या पशुधनाची इअर टॅगिंग व त्याची नोंद भारत पशुधन प्रणालीवर असल्याशिवाय त्यांना केंद्र व राज्य शासनाकडून देय असलेले अर्थिक सहाय्य मिळणार नाही. नैसर्गिक आपत्ती, विजेचा धक्का तसेच वन्य पशुंच्या हल्यामुळे मृत्युमुखी पडलेल्या पशुधनास इअर टॅगिंग केलेली नसल्यास नुकसान भरपाईची रक्कम मिळणार नाही. पशुधनाची वाहतुक इअर टॅगिंग असल्याशिवाय करता येणार नाही. तसे केल्यास पशुधनाचे मालक व वाहतुकदार यांच्यावर नियमानुसार कार्यवाही करण्यात येईल.

Animal Ear Tags इअर टॅगिंग नसलेल्या पशुधनाची बाजार समित्या, आठवडी बाजार व गावागावातील खरेदी विक्री करण्यास प्रतिबंध करण्यात आला आहे. त्यामुळे इअर टॅगिंग नसलेले  पशुधन बाजार समिती मध्ये आणले जाणार नाहीत व त्यांची खरेदी विक्री होणार  नाही, याची दक्षता संबंधीत बाजार समितीने घ्यावी. पशुधनाच्या मालकी हस्तांतरण बाबतच्या नोंदी संबंधित पशुवैद्यकीय अधिकाऱ्याकडून त्वरीत अद्यावत करुन घेण्याची  जबाबदारी संबंधीत पशुपालकाची राहील.

त्यामुळे जिल्ह्यातील सर्व पशुपालकांनी आपल्याकडे  असलेल्या सर्व पशुधनास संबंधीत पशुवैद्यकीय संस्था प्रमुखांशी संपर्क करुन इअर टॅगिंग करून घ्यावे, असे आवाहन जिल्हा पशुसंवर्धन उपआयुक्त डॉ. मंगेश काळे  व जिल्हा पशुसंवर्धन अधिकारी डॉ. उमेश हिरुडकर यांनी केले आहे. Animal Ear Tags

Amma Ka Tiffin 1  मे कामगार दिनानिमित्त आमदार किशोर जोरगेवार यांनी जिल्हा सामान्य रुग्णालयातील कामगारांची भेट घेत संवाद साधला. यावेळी आमदार किशोर जोरगेवार यांनी कामगारांच्या अडचणी समजून घेत त्या सोडविण्याच्या सुचनाही उपस्थित अधिका-यांना केल्या आहे.

चंद्रपुरातील कॅन्सर माफिया : कॅन्सर माफिया ‘हनुमान” अडकला LCB च्या जाळ्यात

यावेळी शासकीय वैद्यकीय महाविद्यालयाचे अधिष्ठाता डॉ. मिलिंद कांबळे, जिल्हा शल्य चिकित्सक डॉ. महादेव चिंचोळे, अतिरिक्त जिल्हा शल्य चिकित्सक डॉ. भास्कर सोनारकर, माया आत्राम, राष्ट्रीय फ्लोरेंस नाइटिंगेल अवार्ड प्राप्त नर्सिंग अध्यापिका पुष्पा पोडे यांची प्रामुख्याने उपस्थिती होती. Amma Ka Tiffin

आज महाराष्ट्र दिन आणि कामगार दिना सर्वत्र मोठ्या उत्साहात साजरा करण्यात आला. दरम्यान आमदार किशोर जोरगेवार यांनी जिल्हा सामान्य रुग्णालयात जात येथे रुग्ण सेवा देत असलेल्या कंत्राटी कामगारांची भेट घेतली. यावेळी आमदार किशोर जोरगेवार यांनी कामगारांच्या समस्या समजून घेतल्या. Amma Ka Tiffin

कामगारांशी शिवाय कोणताही विकास शक्य नाही. यातही रुग्णालयात रुग्ण सेवा देत असलेले कामगार हे ईश्वरीय कार्य करत आहे. रुग्णालयात येणा-या व्यक्ती हा दुखात असतो. त्यामुळे आपण अशांसोबत सौजन्यपूर्ण वागुन त्यांच्या चेह-यावर हसु फुलविण्याचे काम आपल्या माध्यमातून अपेक्षित असल्याचे ते यावेळी म्हणाले. येथील सुरक्षा रक्षकांची गार्ड बोर्ड मध्ये नोंद करण्यात यावी, कर्मचा-यांसाठी येथे पाळणाघर तयार करण्यात यावे, कामगारांना नियमित वेतन देण्यात यावे अशा सुचना त्यांनी यावेळी केल्या आहे. Amma Ka Tiffin

रुग्णालय प्रशासनानेही येथील कामगारांशी आदराने वागावे असेही ते यावेळी म्हणाले. यावेळी आमदार किशोर जोरगेवार यांनी कामगारांना अम्मा का टिफिन भेट स्वरुप दिला. यावेळी कामगार वर्गाची मोठ्या संख्येने उपस्थिती होती.

Chandrapur tobacco smuggler चंद्रपूर पोलीस अधीक्षक मुमक्का सुदर्शन यांनी स्थानिक गुन्हे शाखेला अवैध धंद्यावर अंकुश आणावे यासाठी आदेश दिले आहे.

पोलीस अधीक्षकांच्या आदेशाची अंमलबजावणी करताना पोलीस निरीक्षक महेश कोंडावार यांनी विविध पथके नेमत जिल्ह्यातील अवैध धंद्यावर संक्रात आणण्याचे काम सुरू केले आहे. Chandrapur tobacco smuggler

30 एप्रिलला रात्री च्या सुमारास स्थानिक गुन्हे शाखेच्या पथकाला गोपनीय माहिती मिळाली की बाबूपेठ येथे तंबाखू तस्कर हनुमान आंबटकर यांनी आपल्या घरी सुगंधित तंबाखूचा साठा विक्री साठी आणला आहे. Chandrapur tobacco smuggler

माहितीच्या आधारे स्थानिक गुन्हे शाखेने हनुमान च्या घरी धाड मारीत त्याच्या घरून ईगल हुक्का, होला हुक्का, मजा सुगंधित तंबाखूचा साठा एकूण किंमत 3 लाख 89 हजार 870 रुपये जप्त केला.

हनुमान ची चौकशी केली असता त्याने सांगितले की हा माल रयतवारी कॉलरी येथील अमरदीप गुप्ता यांच्याकडून आणला आहे. Chandrapur tobacco smuggler

स्थानिक गुन्हे शाखेने हनुमान आंबटकर व अमर दीप गुप्ता यांच्यावर रामनगर पोलीस ठाण्यात अन्न सुरक्षा मानके कायद्यानुसार गुन्हा दाखल केला आहे.
सदरची कारवाई पोलीस निरीक्षक महेश कोंडावार यांच्या मार्गदर्शनाखाली सहायक पोलीस निरीक्षक हर्षल एकरे, पोलीस उपनिरीक्षक विनोद भुरले, किशोर वैरागडे, रजनीकांत पुठ्ठावार, सतीश अवथरे यांनी केली.

कोण आहे हनुमान?

चंद्रपूर शहरातील बाबूपेठ परिसरात मराठा चौकात राहणारा हनुमान आंबटकर हा अनेक वर्षांपासून सुगंधित तंबाखू चा व्यवसाय करीत आहे, काही वर्षांपूर्वी शहर पोलिसांनी कारवाई केली होती, आता तंबाखू विकणे सहज व्हावे यासाठी हनुमान होलसेल किराणा दुकान टाकत त्याने पुन्हा व्यवसायाला भरारी देण्याचे काम केले, मराठा चौक व आता गन्नूरवार चौकात त्याने होलसेल चे दुकान थाटले आहे.

बाबूपेठ परिसरातील अनेक पान ठेला व्यवसायिकांना हनुमान सुगंधित तंबाखू पुरवतो, या तंबाखूचे खर्रा मार्फत अनेक युवकांना व्यसन जडले आहे, त्या व्यसनाचे रूपांतर आता कॅन्सर आजारात होत आहे, जिल्ह्यातील जयसुख, वसीम, गुप्ता आणि हनुमान हे सर्व व्यावसायिक काही पैश्यासाठी प्रतिबंधित तंबाखूचा व्यापार करीत भविष्यातील तरुण पिढीला कॅन्सर च्या खाईत ढकलण्याचे काम करीत आहे.

मात्र शहर पोलिसांच्या हद्दीत असलेल्या या माफियावर कठोर कारवाई का होत नाही? तंबाखू तस्करी करताना इतका साठा हनुमान आणत असतो तर त्याला आशीर्वाद कुणाचा आहे? हे सुद्धा वरिष्ठ पोलीस अधिकाऱ्यांनी शोधायला हवं.

Demand for independent Vidarbha state 1 मे महाराष्ट्र दिन राज्यात उत्साहाने साजरा करण्यात येत आहे तर दुसरीकडे चंद्रपुरात 1 मे च्या दिवशी काळा दिवस पाळला गेला.

अवश्य वाचा : RTE नियमाबाबत आप चा राज्य सरकारला सवाल

विदर्भ राज्य आंदोलन समितीचे संयोजक व माजी आमदार वामनराव चटप यांच्या नेतृत्वात जटपूरा गेट येथे हाताला काळी फित लावून काळा दिवस पाळला गेला. Demand for independent Vidarbha state

या निदर्शने आंदोलनात माजी आमदार चटप यांनी प्रतिक्रिया देत म्हटले की महाराष्ट्र राज्यात सुख शांती आहे मात्र विदर्भाच्या वाट्याला सिंचनाचा अनुशेष, शेतकऱ्याच्या आत्महत्या, प्रदूषणाची मार आली आहे, सध्या लोकसभा निवडणूक सुरू आहे. Demand for independent Vidarbha state

4 जून नंतर केंद्रात नवं सरकार स्थापन होईल आमची त्यांना एकच मागणी राहणार शपथ घेतल्यावर प्रथम काम स्वतंत्र विदर्भ राज्य निर्मितीची घोषणा करावी, आजचे आमचे आंदोलन हे स्थापन होणाऱ्या नव्या सरकार ला इशारा आहे.

Deaf-mute school torture चंद्रपूर : दिनांक 23 ऑक्टोंबर 2023 ला बाबुपेठ मधिल मूकबधिर शाळेत एका मूक बधिर विद्यार्थीची शारीरिक उत्पीडन करून सदर प्रकरण दडपण्याचा प्रयत्न संस्था चालकांकडून करण्यात आला होता. परंतु शाळेला सुट्ट्या लागताच पीडित मुलींने आपल्या पालकांना सदर प्रकरणाची आपबीती सांगितली ज्या मुळे सहा महिन्यानंतर हे प्रकरण उघडकीस आले. पीडित पाल्याचा पालकांनी हिम्मत दाखवून केलेल्या तक्रारीमुळे आज आरोपी गजाआड आहे.

ही घटना जिल्ह्याला शर्मसार करणारी असून या प्रकरणाची सखोल चौकशी करून असे कित्येक मुलींवर ही घटना घडली आहे याची सखोल चौकशी करावी. सदर प्रकरण फास्ट ट्रॅक कोर्टात चालविण्यात यावे. रक्षकच भक्षक बनणाऱ्या या शाळेची संस्थेची मान्यता तात्काळ रद्द करावी. Deaf-mute school torture

भविष्यात अशी घटना आणखी कुठे घडू नये म्हणून जिल्ह्यातील आदिवासी मुलींचे वस्तीगृह आश्रम शाळा इत्यादी ठिकाणी पथक नेमून चौकशी करण्यात यावी.
इत्यादी मागण्याना घेऊन आज आम आदमी पार्टी तर्फे जिल्हाधिकारी, जिल्हा पोलिस अधीक्षक, महिला व बाल विकास मंडळ विभाग यांना निवेदनातून मागणी करण्यात आली आहे. Deaf-mute school torture

जर येत्या १० दिवसात यावर कार्यवाही न झाल्यास पिढीत परिवाराला घेऊन आंदोलन करण्याचा इशारा राजू कुडे यांनी दिला आहे. Deaf-mute school torture

यावेळेस राजू कुडे युवा जिल्हाध्यक्ष, अनुप तेलतूमडे युवा संघटनमंत्री, तब्बसूम शेख महानगर महिला अध्यक्षा, मनीष राऊत युवा सह संघटनमंत्री, सागर बोबडे झोन सचिव, जावेद सय्यद महानगर अल्पसंख्यांक अध्यक्ष, जयदेव देवगडे वाहतूक अध्यक्ष इत्यादी उपस्थित होते.

Appropriate use of social media जग आता आभासी दुनियेत जगत आहे, मात्र या दुनियेचा योग्य वापर केल्यास आपण चांगलं काही घडवू शकतो, असा प्रत्यय चंद्रपुरात प्रत्यक्षात घडला असून पोलिसांनी समाज माध्यमाचा योग्य वापर करीत हरवलेल्या मुलाला अवघ्या 3 तासात शोधून काढले.

ही बातमी अवश्य वाचा : Right To Education अर्ज करण्याची ही शेवटची तारीख

28 एप्रिलला माता नगर चौक भिवापूर येथे राहणारा 12 वर्षीय जैश जितेंद्र डोनेवार हा मुलगा घरून सायकल घेऊन निघाला होता, काही वेळ गेल्यावर जैश हा घरी न आल्याने कुटुंबीयांनी त्याचा सर्वत्र शोध घेतला मात्र तो कुठेही आढळून आला नाही.
अंगात पांढरा व निळ्या रंगाची टी शर्ट व ग्रे रंगाचा हाफ पॅन्ट घालून जैश गुलाबी रंगाची सायकल सोबत घेत बाहेर निघाला होता, जैश ला बरोबर बोलता येत नव्हते. Appropriate use of social media

याबाबत कुटुंबीयांनी महाकाली पोलीस चौकीचे पोलीस उपनिरीक्षक विजय मुक्के यांची भेट घेत त्यांना संपूर्ण घटनाक्रम सांगितला, घटनेचे गांभीर्य लक्षात घेत पोलिसांनी पुढचा तपास सुरु केला.
परिसरात जैश चा शोध घेण्यात आला मात्र पोलिसांच्या हाती काही लागले नाही.
आता समोर काय करायचं असा प्रश्न पोलिसांसमोर उपस्थित झाला होता मात्र विजय मुक्के यांनी हिंमत न हारता आपल्या अनुभवाचा वापर समाजमाध्यमांद्वारे करीत जैश बाबत एक संदेश शेअर केला. Appropriate use of social media

जैश घराबाहेर निघाला मात्र तो परतला नाही, जैश कुणाला आढळला तर त्याला पोलीस स्टेशनमध्ये आणावे असा संदेश अवघ्या काही वेळात चंद्रपुरातील अनेक व्हाट्सएप ग्रुप वर व्हायरल झाला.
अवघ्या 3 तासात पोलीस उपनिरीक्षक विजय मुक्के यांच्या प्रयत्नाला यश आले, एका सुजाण नागरिकांने आपल्या व्हाट्सएप वर तो संदेश बघितला होता, सदर वर्णनाचा मुलगा त्या नागरिकाला चोराला रोड रहमतनगर येथे आढळून आला. Appropriate use of social media

त्या मुलासोबत त्या सुजाण नागरिकाने बोलण्याचा प्रयत्न केला मात्र त्याला काही बोलता येत नव्हते त्यांनी याबाबत तात्काळ पोलिसांशी संपर्क साधला पोलीस डोनेवार कुटुंबाला सोबत घेत पोहचले आणि पुढे जैश त्या नागरिकांसोबत उभा होता.
आई वडिलांनी सुटकेचा निःश्वास घेत त्या नागरिकाचे व विजय मुक्के यांचे आभार मानले.

Chandrapur city accident चंद्रपूर शहरात रविवारी चंद्रपूर मूल मार्गावर दुचाकींचा भीषण अपघात घडला यामध्ये 18 वर्षीय मुलाचा मृत्यू झाला.

रविवारी दुपारी 3 वाजताच्या सुमारास शांतीनगर निवासी 18 वर्षीय सुमित नरेपन हलदार हा मुलगा चंद्रपूर-मूल मार्गावर विरुद्ध दिशेने दुचाकी चालवीत होता, त्यावेळी समोरून येणाऱ्या टँकर ला सुमित ने कट मारली मात्र अचानक समोरून येणाऱ्या दुचाकी वाहनासोबत सुमित ने जोरदार धडक दिली. Chandrapur city accident

यामध्ये सुमितच्या डोक्याला जबर मार लागला नागरिकांनी त्याला तात्काळ रुग्णालयात नेले मात्र डॉक्टरांनी सुमित ला मृत घोषित केले. Chandrapur city accident

पोलिसांनी दिलेल्या माहितीनुसार शांती नगर निवासी 18 वर्षीय सुमित हलदार हा विरुद्ध दिशेने आपली दुचाकी क्रमांक MH30 BK7558 ने अतिवेगात येत होता. Chandrapur city accident

सुमित ने टँकर ला कट मारल्यावर अचानक समोरून आलेल्या दुचाकी सोबत सुमितच्या दुचाकी वाहनाची जोरदार धडक झाली.
या धडकेत सुमित रस्त्यावर आपटला, त्यामुळे त्याच्या डोक्याला गंभीर दुखापत झाली.

सदर अपघात हा नेहरूनगर फाट्याजवळ घडला, घटनेची माहिती मिळताच रामनगर पोलीस त्याठिकाणी दाखल झाले होते.
पुढील तपास रामनगर पोलीस करीत आहे.