My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Risk of Heatstroke, Be Careful : चंद्रपुरात वाढतोय उष्माघाताचा धोका

    Risk of Heatstroke, Be Careful : चंद्रपुरात वाढतोय उष्माघाताचा धोका

    Risk of heatstroke, be careful चंद्रपूर जिल्ह्यात उष्णतेचा तडाखा वाढत असून तापमान सातत्याने वाढत आहे. या पार्श्वभूमीवर उष्माघाताची शक्यता असल्याने नागरिकांनी आपल्या आरोग्याची काळजी घेण्याचे आवाहन जिल्हा प्रशासनाकडून करण्यात आले आहे.

    ही बातमी अवश्य वाचा – चंद्रपुरात अनेक मतदान केंद्रावर गोंधळ

    जसजसा उन्हाळा तापत जातो तसतसे, उष्माघाताचा धोका प्रत्येकासाठी चिंतेचा विषय बनतो. विशेषतः जे घराबाहेर बराच वेळ घालवतात. त्यामुळे शरीरातून घामाच्या धारा निघत असतील तर जास्तीत जास्त पाणी पिण्याचा सल्ला देण्यात आला आहे. कारण शरीराला पुरेसे पाणी न मिळाल्यास उष्णता जीवघेणी ठरु शकते. जेव्हा शरीराचे तापमान घोकादायक पातळीपर्यंत वाढते आणि शरीराची शीतकरण यंत्रणा योग्यरित्या कार्य करण्यास अपयशी ठरते तेव्हा ही स्थिती उद्भवू शकते. Risk of heatstroke, be careful

    अवश्य वाचा – चंद्रपूरात निराधारांच्या मदतीला आली अम्मा, सुरू केले अम्मा की दुकान

    उष्माघाताच्या लक्षणांमध्ये शरीराचे उच्च तापमान, अनेकदा १०४°F (४०°C) पेक्षा जास्त असते. यामुळे गोंधळ, चक्कर येणे आणि मळमळ होऊ शकते. नाडीचे ठोके वाढणे आणि डोकेदुखी ही देखील सामान्य लक्षणे आहेत. त्वचा उष्ण आणि कोरडी किंवा ओलसर आणि घाम वाटू शकते. गंभीर प्रकरणांमध्ये बेशुद्ध पडणे किंवा झटके येऊ शकतात. स्वतःला किंवा इतर कोणाला ही लक्षणे दिसल्यास तत्काळ वैद्यकीय मदत घेणे आवश्यक आहे. Risk of heatstroke, be careful

     

    उष्माघातापासून बचाव करण्यासाठी सर्वोत्तम मार्ग म्हणजे सूर्यप्रकाशात दीर्घकाळ राहणे टाळावे. टोपी तसेच हलक्या रंगाचे कपडे वापरावे. भरपूर पाणी प्यावे, सोबतच ओआरएसचा वापर करावा. पाणीयुक्त फळे खावीत. उन्हाळ्यात कॅफिनयुक्त पेये तथा अल्कोहोल पिणे टाळावे. नागरीकांनी सुरक्षित राहण्यासाठी खबरदारी घेणे अत्यंत महत्त्वाचे असून वृद्ध, लहान मुले तसेच पूर्व- अस्तित्वात असलेली वैद्यकीय परिस्थिती ज्यांची चांगली नाही त्यांनी अतिरिक्त काळजी घेणे गरजेचे आहे. Risk of heatstroke, be careful

     

    उष्माघात ही एक गंभीर स्थिती आहे मात्र ती साध्या उपायांनी टाळता येते. लक्षणे आढळल्यास ताबडतोब वैद्यकिय मदत घेणे गरजेचे आहे. याकरिता जिल्हाधिकारी व मुख्य कार्यकारी अधिकारी यांचे विशेष मार्गदर्शनात जिल्ह्यातील सर्व ग्रामीण, उपजिल्हा रुग्णालय, प्राथमीक आरोग्य केंद्र तसेच शासकिय वैद्यकिय महाविद्यालयामध्ये कोल्ड वार्ड कार्यान्वित करण्यात आलेले आहे. तसेच आवश्यकता पडल्यास मोफत संदर्भसेवा सुध्दा उपलब्ध करुन देण्यात येत आहे. नागरीकांच्या सुविधेकरिता, शासकिय वैद्यकीय महाविद्यालय व रुग्णालय चंद्रपुर ०७१७२- २५२१०३ तसेच हेल्पलाईन क्रमांक १०७७, ११२, १०२, १०४, १०८ टोल फ्री क्रमांकांवर संपर्क साधता येऊ शकतो. Risk of heatstroke, be careful

     

    उन्हाळ्यात योग्य ती काळजी घेण्याचे तसेच लक्षणे आढळल्यास ताबडतोब रुग्णालयात जाऊन उपचार घेण्याबाबतचे आवाहन जिल्हा प्रशासनाने केले आहे.

     

    उष्ण लाटेपासून बचाव होण्याच्या दृष्टीने घ्यावयाची दक्षता

    काय करावे ?

    पुरेसे पाणी प्या, शरीरातील पाण्याची पातळी योग्य राखा. घराबाहेर पडतांना डोके झाकण्यासाठी टोपी, रुमाल किंवा छत्रीचा वापर करावा. दुपारी १२ ते ४ वाजेदरम्यान घराबाहेर जाणे टाळावे. थेट येणाऱ्या सुर्यप्रकाशाला/उन्हाला अडविण्याकरिता घरातील पडदे आणि झडपांचा वापर करावा. उष्णतेच्या लाटेच्या माहितीसाठी रेडिओ, टिव्ही, किंवा वर्तमानपत्रातील माहितीचा वापर करण्यात यावा. हलकी, पातळ व सच्छिद्र सुती कपडे वापरावेत.

     

    काय करु नये ?

    उन्हात अतिकष्टाची कामे करु नये. दारु, चहा, कॉफी आणि कार्बोनेटेड थंड पेये घेऊ नये. दुपारी १२ ते ४ च्या दरम्यान घराबाहेर जाणे टाळावे. उच्च प्रथिनयुक्त आणि शिळे अन्न खाऊ नये. लहान मुले किवा पाळीव प्राण्यांना बंद असलेल्या व पार्क केलेल्या वाहनात ठेवू नये. गडद, घट्ट व जाड कपडे घालण्याचे टाळावे. बाहेर तापमान जास्त असल्यास शारीरिक श्रमाची कामे टाळावी. उन्हाच्या कालावधीत स्वयंपाक करण्याचे टाळावे, तसेच मोकळ्या हवेसाठी स्वयंपाक घराची दारे व खिडक्या उघड्या ठेवण्यात याव्या. चप्पल न घालता अनवाणी उन्हात चालू नये. Risk of heatstroke, be careful

     

    उष्णतेचा त्रास झालेल्या व्यक्तीची मदत करीत असतांना या गोष्टीचा अवलंब करावा.

    संबंधित व्यक्तीला ताबडतोब थंड ठिकाणी हलवावे. शरीराच्या जास्तीत जास्त भागावर किंवा कपड्यावर थंड पाण्याचा मारा करावा, शक्य असेल तेवढा वेळ त्या व्यक्तीला वारा घालावा.

  • Chandrapur Loksabha Election Day : चंद्रपूर लोकसभेची निवडणूक, मतदार यादीतून नाव गहाळ आणि गोंधळ

    Chandrapur Loksabha Election Day : चंद्रपूर लोकसभेची निवडणूक, मतदार यादीतून नाव गहाळ आणि गोंधळ

    Chandrapur Loksabha Election Day चंद्रपूर लोकसभा मतदारसंघाच्या निवडणुकीकरीता सकाळी 7 ते दुपारी 5 या वेळेत 55.11 टक्के मतदारांनी आपल्या मतदानाचा हक्क बजावला. यात राजूरा 59.14 टक्के, चंद्रपूर 48.20 टक्के, बल्लारपूर 59.06 टक्के, वरोरा 57.56 टक्के, वणी 58.87 टक्के, आर्णि विधानसभा मतदारसंघात 49.70 टक्के मतदान झाले.

    हे ही वाचा – चंद्रपुरातील सामान्य नेता

    चंद्रपूर लोकसभा मतदारसंघात एकूण 18 लक्ष 37 हजार 906 मतदार आहे. यात 9 लक्ष 45 हजार 736 पुरुष मतदार, 8 लक्ष 92 हजार 122 स्त्री मतदार तर 48 इतर मतदार आहेत. यापैकी संध्याकाळी 5 वाजेपर्यंत 5 लक्ष 26 हजार 229 पुरुष मतदारांनी (55.64 टक्के), 4 लक्ष 86 हजार 708 स्त्री मतदारांनी (54.56 टक्के) तर पाच इतर नागरिकांनी (10.42 टक्के) असे 10 लक्ष 12 हजार 942 (55.11 टक्के) मतदारांनी मतदान केले. Chandrapur Loksabha Election Day

     

    लोकसभा सार्वत्रिक निवडणूक 2024 साठी आज चंद्रपूर लोकसभा मतदारसंघात शांततेत मतदानाला सुरुवात झाली. मतदान केंद्रांवर सकाळी सात वाजतापासूनच मतदारांनी हजेरी लावली होती. ठिक-ठिकाणी मतदारांच्या लांब रांगा दिसल्या. दिव्यांग व वरिष्ठ मतदारांना सुलभपणे मतदान करता यावे यासाठी जिल्हा प्रशासनाच्या वतीने विशेष व्यवस्था करण्यात आली होती. Chandrapur Loksabha Election Day

     

    चंद्रपूर लोकसभा मतदार संघात सायंकाळी 5 वाजेपर्यंत वाजेपर्यंत 55.11 टक्के मतदान झाले. काही मतदान केंद्रांवर महिला व युवा मतदारांची गर्दी दिसून आली. तसेच पहिल्यांदाच मतदान करणा-यांमध्ये उत्साह निदर्शनास आला. जिल्ह्यात प्रत्येक विधानसभा मतदार संघात महिला व्यवस्थापन मतदान केंद्र, दिव्यांग व्यवस्थापन मतदान केंद्र, युवा कर्मचारी व्यवस्थापन मतदान केंद्र आणि आदर्श मतदान केंद्र स्थापन करण्यात आले होते.

     

    जिल्हाधिकारीही मतदानासाठी रांगेत : जिल्हा निवडणूक अधिकारी तथा जिल्हाधिकारी विनय गौडा जी.सी. यांनी सहपरिवार येथील शासकीय औद्योगिक प्रशिक्षण केंद्रात सकाळी मतदानाचा हक्क बजावला. सुरवातीला मतदान केंद्राची पाहणी केल्यानंतर मतदान करण्यासाठी ते स्वत: रांगेत उभे राहिले. Chandrapur Loksabha Election Day

     

    18 व्या लोकसभेच्या निवडणुकीत प्रशासनाचे ढिसाळ नियोजन चर्चेत राहिले

    यामध्ये सर्वात मोठी अडचण ही मतदारांची झाली, मतदान केंद्रावर पोहचल्यावर अनेक मतदारांची नाव यादीत नसल्याने संभ्रम वाढला, काही मतदार ह्यात असताना त्या मृत दाखविण्यात आल्या तर काहींच्या नावा समोर डिलीट शब्दाचा उल्लेख होता, शहरातील बगड खिडकी येथील प्रियदर्शिनी शाळेत काहींनी बोगस मतदान केलं असल्याचा आरोप नागरिकांनी लावला, या बुथवर तब्बल 250 नागरिकांची नावे गहाळ झाली होती, नागरिकांनी आक्षेप घेतल्यावर त्या बुथवर काही काळ तणावाची स्थिती निर्माण झाली होती. नागरिकांतर्फ कादर शेख यांनी प्रशासनासमोर आपली बाजू मांडली.

     

    बाबूपेठ, ज्युबिली शाळेतील ईव्हीएम मशीन काही काळ बंद राहिल्याने त्याठिकाणी 1 ते 2 तास मतदान उशिरा सुरू झाले. Chandrapur Loksabha Election Day

     

    लोकसभा क्षेत्रातील अपक्ष उमेदवार मिलिंद दहिवले यांच्या आईचे नाव यादीतून गहाळ झाले त्यावेळी दहिवले यांनी जिल्हा निवडणूक अधिकारी विनय गौडा त्यांच्याकडे दाद मागितली मात्र त्यांनी असमर्थता दर्शविली.

     

    चंद्रपूर मनपा शाळेतील विद्यार्थ्यांना भर उन्हात मतदान केंद्रावर वोलेंटियर म्हणून नियुक्ती करण्यात आली होती, सकाळी 7 वाजेपासून विद्यार्थी दिव्यांग व 80 वय वर्षे नागरिकांना मतदान करण्यासाठी घेऊन जात होते, प्रशासनाकडे पुरेसे मनुष्यबळ असल्याने विद्यार्थ्यांना भर उन्हात प्रशासनाने नाहक त्रास दिला, काही ठिकाणी मनपा शाळेतील विद्यार्थ्यांना जेवण सुद्धा मिळाले नाही.

    मतदानाच्या दिवशी सकाळी वरोरा येथील लोकमान्य टिळक शाळेतील मतदान केंद्रावर महाविकास आघाडी उमेदवार प्रतिभा धानोरकर यांनी सकाळीच मतदान केले, त्यासोबत वंचित बहुजन आघाडीचे उमेदवार राजेश बेले यांनी मतदानाचा हक्क बजावला, दुपारी 12 वाजेनंतर सुधीर मुनगंटीवार यांनी मतदानाचा हक्क बजावला, त्यापाठोपाठ राष्ट्रीय मागासवर्गीय आयोगाचे अध्यक्ष हंसराज अहिर, चंद्रपूर चे अपक्ष आमदार किशोर जोरगेवार, शिक्षक आमदार सुधाकर अडबाले यांनी सुद्धा मतदानाचा हक्क बजावला.

  • Chandrapur Politicians in One Frame : चंद्रपूरच्या राजकारणातील दिग्गज एका फ्रेममध्ये

    Chandrapur Politicians in One Frame : चंद्रपूरच्या राजकारणातील दिग्गज एका फ्रेममध्ये

    Chandrapur Politicians in One Frame चंद्रपूर लोकसभा निवडणूकीचा प्रचार थंडावल्या नंतर सर्व कार्यकर्ते गुप्त प्रचारात व्यस्त झाले आहे.महत्वाचे म्हणजे चंद्रपुरातील ना सुधीर मुनगंटीवार,राष्ट्रीय ओबीसी आयोगाचे अध्यक्ष हंसराज अहिर व आमदार किशोर जोरगेवार एकत्र आल्याने या विषयाची चर्चा राजकीय वर्तुळात आहे.बुधवारी झालेल्या यंग चांदा ब्रिगेडच्या सभेत आ.जोरगेवार यांनी ना.मुनगंटीवार यांना गुरूची उपमा देत,त्यांना विजयी करण्याचा संकल्प केल्याने गुरूला मिळाली शिष्याची साथ अशी चर्चा आहे.यातच रामनवमीच्या शोभायात्रेत हंसराज अहिर यांनी हजेरी लावून तिघांनी रामभक्तांचे अभिनंदन केल्याने नको त्या चर्चांना विराम मिळाला.

    ही बातमी अवश्य वाचा – सुधीर मुनगंटीवार झाले भावूक

    वेगवेगळ्या क्षेत्रातील सामाजिक संघटना चंद्रपूर-वणी-आर्णी लोकसभा मतदार संघातील भाजपा महायुतीचे उमेदवार ना. सुधीर मुनगंटीवार यांना जाहीर पाठींबा दिला आहे. Chandrapur Politicians in One Frame

    राजकीय बातमी – ठाकरे गटाचे कट्टर झाले मोदी प्रेमी

    यात महिला पतंजलि योग समिती महाराष्ट्र, पालेवार भोई समाज चंद्रपूर, चंद्रपूर जिल्हा साऊन्ड सिस्टम असोशिएशन चंद्रपूर, राष्ट्रीय हिन्दू महासभा (भारत), राष्ट्रीय संघर्ष समिती ईपीएस 95 चंद्रपूर जिल्हा, सोनार समाज चंद्रपूर जिल्हा, विश्वब्राम्हण पांचाळ सेवा समिती जिल्हा चंद्रपूर,तेलगू शिंपी समाज,फार्मर प्रोड्युसर कम्पनी,राजपूत समाज,बीआरएस,जनआक्रोश संघटना, यंग चांदा ब्रिगेड,धनोजे कुणबी समाज संघटना, धनगर समाज,खेडुले कुणबी समाज,भोई समाज,हिंदी भाषिक ब्राह्मण समाज,चंद्रपूर गडचिरोली ब्राह्मण सभा,जिल्हा मच्छिमार संघ,यांच्यासह अनेक सामाजिक संघटनांनी ना. सुधीर मुनगंटीवार यांना निवडून देण्याचा संकल्प हाती घेतला आहे. Chandrapur Politicians in One Frame

     

    सुधीर मुनगंटीवार सारखा आपल्या हक्काचा उमेदवार निवडून यावा यासाठी अनेक संघटना सरसावल्या आहेत.

  • Chandrapur Ram Navami Shobha Yatra : चंद्रपुरात आज रामनवमी निमित्त निघणार भव्य शोभायात्रा

    Chandrapur Ram Navami Shobha Yatra : चंद्रपुरात आज रामनवमी निमित्त निघणार भव्य शोभायात्रा

    Chandrapur Ram Navami Shobha yatra चंद्रपूर शहरात मागील 82 वर्षापासून सुरू असलेल्या श्री रामनवमी शोभयात्रेच्या परंपरेनुसार 17 एप्रिलला शहरात भव्य शोभायात्रा काढण्यात येणार आहे.

    याबाबत श्रीराम जन्मोत्सव शोभायात्रा समितीने 13 एप्रिलला पत्रकार परिषदेत माहिती दिली.

    हे ही वाचा – चंद्रपुरात आता निराधारांच्या मदतीला धावली अम्मा, चंद्रपुरात अम्मा की दुकान

    यंदाच्या शोभायात्रेत शहरातील मुख्य रस्त्यावर 111 प्रवेशद्वार, विविध देखावे व विविध सांस्कृतिक कार्यक्रमाचे आयोजन करण्यात येणार आहे. Chandrapur Ram Navami Shobha yatra

     

    गुढीपाडवा ते श्रीराम नवमी पर्यंत सलग 9 दिवस विविध संस्था व समाजाच्या माध्यमातून सर्व देवस्थान व चौकामध्ये सुंदरकांड पाठ, रामलला जन्मस्थान मंदिर, विभिन्न धार्मिक दृश्याने चंद्रपूर नगरी सजविण्यात येणार आहे. अशी माहिती समितीचे शैलेश बागला यांनी दिली.

  • Indian Olympic Association President : देशाची उडणपरी म्हणते चंद्रपूरमधून लोकसभेत यांना जायला हवं

    Indian Olympic Association President : देशाची उडणपरी म्हणते चंद्रपूरमधून लोकसभेत यांना जायला हवं

    Indian Olympic Association President चंद्रपूर लोकसभा निवडणुकीची रणधुमाळी अंतिम टप्प्यात पोहचली असून 17 एप्रिलला प्रचार तोफा थंडावणार आहे, त्यापूर्वी भाजप पक्ष आपल्या पक्षातील दिग्गजांना निवडणुकीच्या मैदानात उतरवीत आहे.

     

    चंद्रपुरात आज भारतीय ऑलम्पिक संघाच्या अध्यक्षा व राज्यसभा खासदार पिटी उषा यांची पत्रकार परिषद आयोजित करण्यात आली होती. Indian Olympic Association President

     

    ऑलम्पिक स्पर्धेबाबत माहिती देण्यासाठी पिटी उषा यांची पत्रकार परिषदेचे आयोजन करण्यात आले आहे अशी माहिती आधी पत्रकारांना देण्यात आली मात्र पिटी उषा यांनी पत्रकार परिषदेत आल्यावर चंद्रपुरात विकासात्मक कामाचे कौतूक केले, बल्लारपूर तालुक्यातील विसापूर येथे ऑलम्पिक स्पर्धेसाठी असलेली रनिंग ट्रॅक चंद्रपुरात तयार करण्यात आली आहे त्याचे सुद्धा तोंड भरून कौतुक करण्यात आले, चंद्रपुरात होत असलेला विकास याला बघत आपण सर्वांनी सुधीर मुनगंटीवार यांना मतदान करावे असे आवाहन केले.

     

    प्रचाराबाबत माहिती पुढे आल्यावर पत्रकारांनी प्रश्न विचारले की आम्हाला ऑलम्पिक स्पर्धेबाबत माहिती देणार यासाठी ही परिषद आयोजित करण्यात आली मात्र आपण प्रचारात्मक कसे काय बोलू शकता? कारण आपण संवैधानिक पदावर सध्या विराजमान आहे, ते पद आपल्याकडे असल्याने प्रचार आपण करू शकत नाही. Indian Olympic Association President

     

    त्यांनतर पिटी उषा हडबडल्या आणि त्यांनी आपली ट्रॅक सोडली, व चंद्रपुरात असलेल्या सैनिक स्कुल चा विकास व विसापूर येथील क्रीडा संकुलाचे कौतुक करीत आमच्या वेळेस अशी व्यवस्था नव्हती मात्र आज देश प्रगतीपथावर आहे, त्यामुळे प्रत्येक खेळाडूंना आपले कलागुण बाहेर दाखविण्यास संधी मिळत आहे. Indian Olympic Association President

     

    महिला पैलवान यांच्यावर लैंगिक अत्याचार झाला त्यावर कुस्ती महासंघाचे अध्यक्ष ब्रिजभूषण सिंह यांच्या वर कारवाई करण्यात आली नाही? जे झालं ते योग्य होत का? असा प्रश्न पिटी उषा यांना विचारल्यावर त्या म्हणाल्या आता तशी परिस्थिती देशात नाही, सध्या प्रत्येक खेळातील स्पर्धक आनंदित आहे, ज्या खेळाडूंनी आरोप केला ते आता ऑलम्पिक स्पर्धेत सहभागी होणार आहे.

    एकंदरीत देशात “उडणपरी” म्हणून नावलौकिक असणाऱ्या पिटी उषाने लोकसभा निवडणुकीच्या वातावरणात आपला “ट्रॅक” सोडला.

  • Amma Ki Dukan : चंद्रपुरात अम्मा की दुकानाची सुरुवात

    Amma Ki Dukan : चंद्रपुरात अम्मा की दुकानाची सुरुवात

    Amma Ki Dukan Chandrapur निराधार गरजु महिलांना स्वयंरोजगारातुन आत्मनिर्भर बनविण्यासाठी स्व. प्रभाताई चॅरिटेबल ट्रस्टच्या वतीने आमदार किशोर जोरगेवार यांच्या संकल्पनेतून अम्मा की दुकान हा उपक्रम राबविल्या जात आहे. सदर उपक्रमाअंतर्गत बंगाली कॅम्प येथील मालती देवनाथ या निराधार महिलेला अम्मा का दुकान उपलब्ध करुन देण्यात आले आहे.

     

    सदर दुकानाचे गंगुबाई उर्फ अम्मा जोरगेवार यांच्या हस्ते उद्घाटन करण्यात आले. यावेळी यंग चांदा ब्रिगेडच्या महिला शहर संघटिका वंदना हातगावकर, बंगाली समाज महिला शहर प्रमुख सविता दंढारे, युवती प्रमुख भाग्यश्री हांडे, सायली येरणे, अल्पसंख्याक विभागाच्या महिला शहर प्रमख कौसर खान, आशा देशमूख, विमल कातकर, शमा काजी, निलिमा वनकर, अनिता झाडे आदिंची उपस्थिती होती. Amma Ki Dukan Chandrapur

     

    आमदार किशोर जोरगेवार यांच्या वतीने अनेक समाज उपयोगी उपक्रम राबविले जात आहे. त्यांच्या संकल्पनेतून सुरु असलेल्या अम्मा का टिफिन हा उपक्रम राज्यभर चर्चीला जात आहे. सदर उपक्रमा अंतर्गत गरजवंताच्या घरी दररोज जेवणाचा टिफिन पोहचविला जात आहे. दरम्यान आता त्यांच्या संकल्पनेतून स्व. प्रभाताई चॅरिटेबल ट्रस्टच्या वतीने अम्मा कि दुकान हा उपक्रम सुरु करण्यात आला आहे. Amma Ki Dukan Chandrapur

     

    सदर उपक्रमा अंतर्गत मतदार संघातील दोन दिव्यांग बांधवांना दुकान उपलब्ध करुन देण्यात आली आहे. तर आज शहरातील बंगाली कँम्प येथील मालती देवनाथ या निराधार महिलेला दुकान उपलब्ध करुन देण्यात आली. आमदार किशोर जोरगेवार यांच्या मातोश्री अम्मा यांनी या दुकानाचे उद्घाटन केले. Amma Ki Dukan Chandrapur

     

    अम्मा स्वतः फुटपाथवर बसुन टोपल्या विकते त्यामुळे फूटपाथवर दूकान लावतांना येणा-या अडचणींची तिला जाण आहे. त्यामुळे आपण सदर उपक्रम सुरु केला असल्याचे अम्मा यांनी म्हटले आहे. ग्रामीण भागातील दिव्यांग बांधवांना आणि शहरी भागात निराधार गरजु महिलांना सदर दुकान देणार असल्याचेही अम्मा यांनी म्हटले आहे.

  • Sudhir Mungantiwar Manifesto : सुधीर मुनगंटीवार यांचा लोकसभा क्षेत्रासाठी वचननामा जाहीर

    Sudhir Mungantiwar Manifesto : सुधीर मुनगंटीवार यांचा लोकसभा क्षेत्रासाठी वचननामा जाहीर

    Sudhir Mungantiwar Manifesto चंद्रपूर लोकसभा निवडणूक आता अंतिम टप्प्यात आली असून राष्ट्रीय पक्ष आपापल्या परीने प्रचार करीत आहे.

    अश्यातच भाजप पक्ष 16 एप्रिलला लोकसभा क्षेत्रातील बूथ निहाय नागरिकांच्या घरी जाऊन पंतप्रधान नरेंद्र मोदी यांचा नमस्कार मतदार नागरिकांपर्यंत पोहचविणार आहे. याबाबत 15 एप्रिलला सायंकाळी 5 वाजता पत्रकार परिषद घेण्यात आली.

     

    आयोजित पत्रकार परिषदेत भाजप महानगर अध्यक्ष राहुल पावडे, महिला आघाडी अध्यक्ष सविता कांबळे, प्रमोद कडू व प्रज्वलंत कडू उपस्थित होते. Sudhir Mungantiwar Manifesto

     

    8 एप्रिलला चंद्रपुरात झालेल्या जाहीर सभेत पंतप्रधान नरेंद्र मोदी यांनी घरोघरी जाऊन माझा नमस्कार मतदारांपर्यंत पोहचवा असे आवाहन केले होते, त्या अनुषंगाने 16 एप्रिलला भाजप पदाधिकारी चंद्रपुरातील 379 बूथ, राजुरा 329, वरोरा 339, वणी 338, बल्लारपूर 357 व आर्णी विधानसभा क्षेत्रातील 365 बूथ वर भाजप कार्यकर्ते मतदारांपर्यंत पोहचणार आहे अशी माहिती राहुल पावडे यांनी दिली. Sudhir Mungantiwar Manifesto

    पंतप्रधान नरेंद्र मोदी यांच्या नमस्कार सोबत महायुती उमेदवार सुधीर मुनगंटीवार यांच्या चंद्रपूर लोकसभा क्षेत्रासाठी असणारा वचन नामा सुद्धा मतदारांना देण्यात येणार आहे. Sudhir Mungantiwar Manifesto

     

    असा आहे मुनगंटीवार यांचा वचननामा..

    1) वर्धा नदीवर बंधारे बांधून सिंचनाची सोय करणार.

    2)जिवती तालुक्यात सिंचनासाठी व्यवस्था करणार

    3) भातांच्या वानांना भौगोलिक मानांकन मिळवून देणार

    4)पुसा या कृषी क्षेत्रातील मोठ्या संस्थेच्या मदतीने कृषी विज्ञान केंद्रे उभारणार

    5) कोल बेअरिंग ऍक्ट शेतकरी व स्थानिकांच्या हिताचा कसा होईल यासाठी त्यात बदल करण्याचे प्रयत्न करणार

    6) कोणत्याही प्रकल्पात शेती जात असेल तर प्रकल्पग्रस्तना सर्वोच्च भाव मिळेल, यासाठी प्रयत्न करणार

    7) जिवती येथील वनजमिनीचा प्रश्न निकाली काढणार

    8) कृषी आधारित उद्योग आणून शेतकऱ्यांना बळ देणार

    9) पांदण रस्ते व शेत रस्ते बांधणार

    10) मतदारसंघात आवश्यक ठिकाणी रेल्वे ROB आणि अंडरपास करणार

    11) चंद्रपूर ते पुणे व चंद्रपूर ते मुंबई प्रवाश्यांसाठी थेट रेल्वे सुरू करणार

    12)मूर्ती विमानतळ पूर्ण करणार

    13)मोरवा एअरपोर्ट मध्ये फ्लाईंग क्लब करणार

    14)बाबूपेठ रेल्वे पुलावरील निवासी घरांचे पुनर्वसन करून ब्रिज पूर्ण करणार

    15) रेल्वेच्या जागेवरील अतिक्रमणधारकांचे पुनर्वसन करणार

    16)चंद्रपूर शहरातून आऊटर रिंग रोड करणार

    17)राजुरा व मूल येथे रेल्वे उड्डाणपूल बांधणार

    18) नागपूर-चंद्रपूर मेट्रो पुढे राजुऱ्यापर्यंत वाढविणार

    19)मोठया शहरांमध्ये शहर बस वाहतूक सुरू करणार

    20)नागपूर-हैद्राबाद वंदे भारत एक्स्प्रेस सुरू करणार

    21)वणी-आर्णी क्षेत्रातील ग्रामीण भागात दळणवळणासाठीपक्क्या रस्त्यांची निर्मिती, ग्रामपंचायतींना नगरपंचायत क्षेत्राला विकसित करणार

    22)या विरंगुळा केंद्र, उद्याने उच्च दर्जाची करून गावे हरित करणार

    23)गरजूंना घरकुल मिळेल यासाठी प्रयत्न करणार

    24)MSME च्या माध्यमातून कुटीर उद्योग उभारणार

    25)वेकोलीमध्ये ज्यांच्या जमिनी जातील, त्यांना त्याच प्रकल्पांमध्ये शैक्षणिक अहरतेनुसार नोकरी देणार

    26) मतदार संघात नवीन उद्योगांची निर्मिती करणार

    27)वेकोलीच्या डम्पिंगमध्ये जी गावे पूरग्रस्त झाली आहे त्या गावांसाठी विशेष योजना करणार

    28)महिला बचत गटांसाठी तालुकास्तरावर विक्री केंद्र व स्टीचिंग आणि एमपायरीटी क्लस्टर उभे करणार

    29)चंद्रपूर जिल्ह्यातील कामगारांसाठी ESIC हॉस्पिटल बांधणार

    30)लहान उधोगांचे क्लस्टर करणार

    31)प्रकल्पग्रस्तांना विशेष पॅकेज देणारा कायदा करण्यासाठी प्रयत्न करणार

    32)वणी आर्णी क्षेत्रात औद्योगिक क्षेत्र विकसित करून कापूस, सोयाबीन प्रक्रिया उद्योगाला प्राधान्य

    33)संरक्षित स्मारकांबाबत पुरातत्व विभागाच्या परिशिष्ट जे बांधकाम आहे त्यांना संरक्षण देणार

    34)आदिवासींच्या सांस्कृतिक वारसांचे जतन करणार

    35)सेवा केंद्र उघडणार

    36)प्रत्येक गावात विकासदूत येऊन समस्यांचे निराकरण करणार

    37)फिरते जनसंपर्क कार्यालयाच्या माध्यमातून सर्वसामान्यांना देवा देणार

    38)आरोग्य तपासणी शिबिराचे आयोजन करणार

    39)दिव्यांगजन, ज्येष्ठ नागरिक, निराधार महिला, बचत गट यांच्यासाठी विशेष योजनांकडे प्राधान्याने लक्ष देणार.

  • Dr. Ambedkar Jayanti : युवासेना व भीमरत्न संस्थेच्या वतीने भोजनदान

    Dr. Ambedkar Jayanti : युवासेना व भीमरत्न संस्थेच्या वतीने भोजनदान

    Dr. Ambedkar Jayanti 14 एप्रिलला चंद्रपुरात डॉ.बाबासाहेब आंबेडकर जयंती उत्साहात साजरी करण्यात आली, यावेळी शहरातील मुख्य मार्गावर असलेल्या भारतरत्न बाबासाहेबांच्या पुतळ्याला अनुयायांनी अभिवादन केले.

     

    शहरातील इंदिरा नगर येथे युवासेना व भीमरत्न युवा बहुउद्देशीय संस्थेद्वारे डॉ.बाबासाहेब आंबेडकर यांच्या जयंतीनिमित्त भोजनदानाचा कार्यक्रम आयोजित करण्यात आला होता. Dr. Ambedkar Jayanti

    भोजनदान कार्यक्रमाचा इंदिरा नगर परिसरातील नागरिक व भीम अनुयायांनी लाभ घेतला.

    Bhim Jayanti
    भोजनदान कार्यक्रमात उपस्थित आयोजक युवक

    आयोजित भोजनदान कार्यक्रमात युवासेना जिल्हाप्रमुख विक्रांत सहारे, रविकांत टेम्भुरकर, प्रफुल उईके, सुमित दोडके, सुशील उईके, अनिकेत भरणे, आशिष चंदनखेडे, अनुराग गजघाटे, प्रेमकांत चौरे व गजानन राऊत यांची उपस्थिती होती. Dr. Ambedkar Jayanti

  • Chandrapur loksabha Election : नागरिकांनो मतदार चिठ्ठी मिळाली काय?

    Chandrapur loksabha Election : नागरिकांनो मतदार चिठ्ठी मिळाली काय?

    Chandrapur loksabha Election लोकसभा सार्वत्रिक निवडणुकीचा ज्वर चांगलाच चढला आहे. प्रत्यक्ष मतदानासाठी आता केवळ पाच दिवसांचा कालावधी राहिला असून या निवडणुकीमध्ये मतदानाची टक्केवारी वाढविण्यासाठी जिल्हा प्रशासन नागरिकांपर्यंत पोहचत आहे. त्याचाच एक भाग म्हणून जिल्हा निवडणूक अधिकारी तथा जिल्हाधिकारी विनय गौडा जी.सी. यांनी रविवारी नागरिकांच्या घरी जाऊन मतदार चिठ्ठी मिळाली की नाही, याची पडताडणी केली.

     

    हे ही वाचा : चंद्रपुरात मोठी राजकीय घडामोड

     13 – चंद्रपूर लोकसभा मतदारसंघाची निवडणूक पहिल्या टप्प्यात म्हणजे 19 एप्रिल 2024 रोजी सकाळी 7 ते सायंकाळी 6 या वेळेत होणार आहे. या निवडणुकीत मतदानाची टक्केवारी वाढविण्याचे उद्दिष्ट जिल्हा प्रशासनाने ठेवले आहे. त्याचाच एक भाग म्हणून नागरिकांच्या घरापर्यंत पोहचून ‘मतदार चिठ्ठी’ चे वाटप प्रशासनाच्यावतीने करण्यात येत आहे. जिल्हाधिकारी विनय गौडा यांनी चंद्रपूर विधानसभा मतदारसंघातील मतदारांच्या घरी जाऊन मतदार चिठ्ठी मिळाली की नाही, याबाबत नागरिकांना विचारून खात्री केली. यावेळी त्यांनी देवई गोविंदपूर येथील मतदान केंद्र क्रमांक 74, 75 आणि 42 या मतदान यादीतील समाविष्ट भागाला भेट दिली. तसेच शहरातील शास्त्रीनगर, बागला चौक या भागाला सुध्दा भेटी दिल्या. Chandrapur loksabha Election

     

    यावेळी त्यांनी मतदार चिठ्ठ्या वाटपाची प्रगती, तसेच शिल्लक असलेल्या मतदार चिठ्ठ्या याबाबत संबंधित केंद्रस्तरीय अधिका-यांकडून सविस्तर आढावा घेतला. मतदार चिठ्ठ्या वाटपाचे काम वेळेत 100 टक्के पूर्ण होईल, याबाबत दक्षता घेण्याच्या सुचना जिल्हाधिका-यांनी दिल्या.  ज्या क्षेत्रात मतदार चिठ्ठ्यांचे वाटप होते, त्या क्षेत्रात मतदानाची टक्केवारी वाढण्याची शक्यता असते. कारण आपले नाव मतदार यादीत आहे, याबाबत नागरिकांना खात्री होते. Chandrapur loksabha Election

     

    याप्रसंगी मनपा आयुक्त विपीन पालीवाल, चंद्रपूर मतदारसंघाचे सहायक निवडणूक अधिकारी तथा उपविभागीय अधिकारी संजय पवार, तहसीलदार विजय पवार, मनपाचे अतिरिक्त आयुक्त मंगेश खवले यांच्यासह पर्यवेक्षक व मतदान केंद्रस्तरीय अधिकारी उपस्थित होते.

  • Chaitra Navratri Festival Chandrapur : आजपासून लाखो भाविक करणार माता महाकालीची वारी

    Chaitra Navratri Festival Chandrapur : आजपासून लाखो भाविक करणार माता महाकालीची वारी

    Chaitra Navratri Festival Chandrapur चंद्रपूरच्या देवी महाकालीच्या चैत्र नवरात्रोत्सवाचा 14 एप्रिल सकाळी घटस्थापना करीत प्रारंभ झाला. घटस्थापना आणि महाआरतीत हजारो देवीभक्त सहभागी झाले. मराठवाडा आणि तेलंगणा राज्यातील लाखो भाविक महिनाभर चालणाऱ्या यात्रेत सहभागी होतात.

    चंद्रपुरातील महत्वाच्या बातम्या : तेली समाज म्हणतो आम्हाला बदनाम करू नका

    पहिल्या टप्प्यात होणाऱ्या चंद्रपूर लोकसभा निवडणुकीच्या सावटात महाकाली यात्रा सुरू झाली आहे, निवडणूक संपेपर्यंत ही यात्रा सुरू असणार आहे, यात्रा परिसरात असणाऱ्या मतदान केंद्रावर 19 एप्रिलला परिसरात मतदार शिवाय कुणाला प्रवेश नसणार, याबाबत प्रशासनाने नियोजन केले आहे. Chaitra Navratri Festival Chandrapur

     

    आंध्र-छत्तीसगड- मध्यप्रदेश-महाराष्ट्राच्या या भागात हजारो वर्षा पूर्वी गोंड राजांची सत्ता होती. या साम्राज्याची राजधानी चंद्रपूर होती. या शासकांची मार्गदर्शक देवी म्हणून माता महाकाली ओळखली जाते.एक छोटे मंदिर असलेले हे क्षेत्र गोंड साम्राज्याची शूरवीर “राणी हिराई” ने आपल्या संपन्न कार्यकाळात आजच्या भव्य रूपात बांधले.आणि सुरु केली देवी महाकालीची यात्रा. पूर्वी पेक्षा दळण -वळण सुलभ झाल्याने ही यात्रा अधिक यात्रेकरूना आकर्षित करीत आहे. Chaitra Navratri Festival Chandrapur

    चंद्रपुरातील महत्वाची घडामोड – सुधीर मुनगंटीवार म्हणतात, धृतराष्ट्र सांगेल इतकी विकासकामे

    विविध अनुष्ठान व धार्मिक कार्यक्रमांनी हि वार्षिक यात्रा लाखो भाविकांचा केंद्रबिंदू ठरली आहे. देवी महाकालीच्या चैत्र नवरात्रोत्सवाचा आजपासून प्रारंभ झाला. घटस्थापना आणि महाआरतीत हजारो देवीभक्त सहभागी झाले. मराठवाडा आणि तेलंगणा राज्यातील लाखो भाविक महिनाभर चालणाऱ्या यात्रेत सहभागी होतात.

     

    चंद्रपूरच्या महाकाली मातेच्या दर्शनासाठी जीव आसुसतो अशी भावना भाविक व्यक्त करतात.
    प्रशासन व मंदिर व्यवस्थापनाच्या वतीने भाविकांची गैरसोय होऊ नये यासाठी परिसरात पुरेशी व्यवस्था केली आहे, बुद्ध पौर्णिमा पर्यंत चालणाऱ्या या महाकाली यात्रेत आंध्रप्रदेश व मराठवाडा येथील लाखो भाविक दर्शनाला येतात, अशी माहिती पुजारी सुनील महाकाले यांनी दिली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by