My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Teli Community Supports MVA : विदर्भातील 12 तेली समाज संघटनांचा महाविकास आघाडीला पाठिंबा

    Teli Community Supports MVA : विदर्भातील 12 तेली समाज संघटनांचा महाविकास आघाडीला पाठिंबा

    Teli Community Supports MVA गडचिरोली -: केंद्रातील भाजपा सरकार हे ओबीसी विरोधी सरकार असून तेली समाज ओबीसी प्रवर्गात येत असताना आजवर या समाजावर सरकारकडून अन्याय करण्यात आला आहे. तर हुकूमशाही धोरणाने चालणाऱ्या भाजपा सरकारमुळे देशातील संविधान व लोकशाही धोक्यात आली आहे. ती अबाधित राखण्याकरिता आज विदर्भातील 12 तेली समाज संघटनांनी राज्याचे विरोधी पक्षनेते विजय वडेट्टीवार यांची गडचिरोली येथील निवासस्थानी भेट घेऊन इंडिया आघाडी प्रणित महाविकास आघाडीचे गडचिरोली चिमूर लोकसभा क्षेत्राचे उमेदवार डॉ. नामदेव किरसान व चंद्रपूर- वनी – आर्णी लोकसभा उमेदवार आ. प्रतिभा धानोरकर यांना लेखी पत्रातून पाठिंबा जाहीर केला. Teli Community Supports MVA

     

     

    याप्रसंगी प्रामुख्याने विदर्भ तेली महासंघाचे केंद्रीय उपाध्यक्ष धनराज मुंगले, इंडिया आघाडी प्रणित महाविकास आघाडीचे गडचिरोली – चिमूर लोकसभा क्षेत्राचे उमेदवार डॉ. नामदेव किरसान , तसेच काँग्रेस पक्षाचे पदाधिकारी व अन्य मान्यवर तसेच पाठिंबा दर्शविणारे तेली समाजातील विविध संघटनांचे पदाधिकारी यावेळी प्रामुख्याने उपस्थित होते. Teli Community Supports MVA

     

    ओबीसी प्रवर्गात मोडणाऱ्या तेली समाजाला आजवर केंद्र सरकारने कुठल्याही कल्याणकारी योजनांचा लाभ दिलेला नाही. तर केंद्रातील व राज्यातील दोन्ही सरकारकडून तेली समाजाची आजवर अवहेलनाच होत आली आहे. देशात भाजप सरकार सत्तेवर आल्यापासून केवळ हुकूमशाही धोरण राबवून बहुजन समाजाचा आवाज दाबण्याचे कार्य करीत आहे. यामुळे देशातील लोकशाही व संविधान धोक्यात आल्याची परिस्थिती सर्वत्र निर्माण झाली आहे. Teli Community Supports MVA

     

    देशाचे सर्वांना समान हक्क देणारे संविधान कायमस्वरूपी टिकावे व देशातील लोकशाही अबाधित राहावी याकरिता विदर्भातील तेली समाजाच्या 12 संघटनांनी इंडिया आघाडी प्रणित महाविकास आघाडी यांची हात बळकट करण्यासाठी आज राज्याचे विरोधी पक्षनेते विजय वडेट्टीवार यांची गडचिरोली निवासस्थानी भेट घेऊन लेखी पत्रातून आगामी लोकसभा निवडणुकीच्या पार्श्वभूमीवर इंडिया आघाडी प्रणित महाविकास आघाडीच्या उमेदवारांना जाहीर पाठिंबा दिला. Teli Community Supports MVA

     

    सर्व तेली समाज संघटनाचे आभार व्यक्त करतो…

    देशात ओबीसींच्या हक्कासाठी काँग्रेस नेते राहुल गांधी यांनी लढाई सुरू केली आहे. तर आम्ही महाराष्ट्रात लढत आहोत.
    ओबीसी समाजबाबत मोदी सरकारची अनास्था आहे.
    हे ओळखून तेली समाजाने आम्हाला पाठिंबा दिला आहे
    या पाठिंब्याचा इंडिया आघाडीच्या दोन्ही उमेदवार विजयी करण्यासाठी सिंहाचा वाटा असणार.

    विरोधी पक्षनेते विजय वडेट्टीवार

     

    तेली समाजाने पाठिंबा दिल्याने आमचा विजय सुकर…

    विदर्भ तेली समाजाने इंडिया आघाडी उमेदवाराना पाठिंबा दिला, मी त्यांचा आभारी आहे.
    ओबीसी समाजावर अन्याय होतो आहे, त्यांना न्याय मिळवून देण्यासाठी काँग्रेस कटिबध्द आहे.
    जातीनिहाय जनगणना आणि लोकसंख्येनुसार त्यांना त्याचे अधिकार देणार हे काँग्रेसच्या जाहीरनाम्यात आहे.
    डॉ. नामदेव किरसान
    इंडिया आघाडी उमेदवार

  • Poila Baisakh 2024 : बंगाली नववर्ष निमित्त चंद्रपुरात सांस्कृतिक कार्यक्रमाचे आयोजन

    Poila Baisakh 2024 : बंगाली नववर्ष निमित्त चंद्रपुरात सांस्कृतिक कार्यक्रमाचे आयोजन

    Poila baisakh 2024 15 एप्रिलला देशात बंगाली समाजाचे नववर्ष म्हणजे पोहेला बैसाख साजरा करण्यात येत आहे.

    हे वाचा : शिवसेनेचा भाजपला धक्का

    शुभ कार्य करण्यासाठी पोहेला बैसाख ला बंगाली समाज शुभ मानतात, यादिवशी लग्न कार्य, गृहप्रवेश असे विविध कार्यक्रम बंगाली समाजाच्या वतीने करण्यात येते. Poila baisakh 2024

     

    15 एप्रिलला चंद्रपुरात बंगाली समाज नवं वर्षाच्या निमित्ताने सांस्कृतिक कार्यक्रमाचे आयोजन करण्यात आले आहे.

    हे ही वाचा : मी 300 कामे केली तुमची 21 कामे सांगा

    या कार्यक्रमात गीत-गायन, नृत्य स्पर्धा, कविता, समाजासाठी उत्कृष्ट कार्य करणाऱ्या नागरिकांचा सत्कार राज्याचे सांस्कृतिक मंत्री सुधीर मुनगंटीवार यांच्या हस्ते करण्यात येणार आहे. Poila baisakh 2024

     

    शहरातील मयूर हॉटेल समोरील इंडस्ट्रीयल एरिया मैदानात सायंकाळी 6 वाजतापासून सांस्कृतिक कार्यक्रमाची मेजवानी आयोजित केली असून सदर कार्यक्रमात नागरिकांनी मोठ्या संख्येत आपली उपस्थिती दर्शवावी असे आवाहन आयोजक मनोज पाल यांनी केले आहे.

  • Prakash ambedkar on narendra modi : पंतप्रधान मोदी गल्लीतला दादा – प्रकाश आंबेडकर

    Prakash ambedkar on narendra modi : पंतप्रधान मोदी गल्लीतला दादा – प्रकाश आंबेडकर

    Prakash ambedkar on narendra modi लोकसभेच्या रणधुमाळी मध्ये 11 एप्रिलला रात्री 9 वाजता वंचित बहुजन आघाडीची सत्ता परिवर्तन सभा पार पडली, या सभेत वंचित बहुजन आघाडीचे राष्ट्रीय अध्यक्ष प्रकाश आंबेडकर यांची उपस्थिती होती.

    Vanchit bahujan aghadi chandrapur

    चंद्रपूर लोकसभा उमेदवार राजेश बेले यांच्या प्रचारार्थ सदर सभेचे आयोजन करण्यात आले होते.

     

    आयोजित सभेत प्रकाश आंबेडकर यांनी पंतप्रधान मोदी यांच्यावर निशाणा साधत मोदी हे पंतप्रधान पदाच्या खुर्चीसाठी लायक माणूस नाही, कारण मोदी हे गल्लीतल्या दादासारखं वागत आहे, गल्लीतला दादा हा त्या वस्तीत असणाऱ्या दुकानदारांकडून हफ्ता वसूल करतो मात्र नरेंद्र मोदी त्या दादासारखं देशपातळीवर ईडी चा वापर करून हफ्ता वसूल करण्याचे काम करतो, ज्यांच्याकडून मोदी यांना पैसे घ्यायचे असतात त्यावेळी त्या कंपनीला ईडीची नोटीस दिल्या जाते, पैसे दिल्यावर मात्र चौकशी पूर्णतः थांबविण्यात येते, असाच प्रकार गल्लीतला दादा करतो. याला आपण आज इलेक्टरोल बॉण्ड म्हणतो. Prakash ambedkar on narendra modi

     

    मला कांग्रेस पक्षासोबत युती करायची होती मात्र ती काही कारणास्तव झाली नाही, देशात मोदी बॅकफूटवर आहे, त्यांच्याविरोधात अनेक मुद्दे आहे, ते मुद्दे आपण जनतेसमोर घेऊन जाऊ असं मी कांग्रेसला सांगितले मात्र ते काही तयार नव्हते. जेव्हा देशात घटना अस्तित्वात आली त्यावेळी त्या घटनेला सर्वात जास्त विरोध भाजप व आरएसएस ने केला होता, मोदी शाळेत न गेल्याने त्यांना इतिहास माहिती नाही. Prakash ambedkar on narendra modi

     

    आज पंतप्रधान मोदी हे आपली गॅरंटी देत आहे मात्र जो स्वतः आपल्या पत्नीला गॅरंटी देऊ शकत नाही ते देशाला कसली गॅरंटी देणार, लक्षात ठेवा मोदी हा खोटारडा माणूस आहे.

    सत्ता परिवर्तन सभेत नागरिकांची हजारोंच्या संख्येत उपस्थिती होती.

  • Heat Wave Alert In Chandrapur : 5 एप्रिल रोजी चंद्रपुरात उष्णतेची तीव्र लाट, हवामान विभागाचा यलो अलर्ट

    Heat Wave Alert In Chandrapur : 5 एप्रिल रोजी चंद्रपुरात उष्णतेची तीव्र लाट, हवामान विभागाचा यलो अलर्ट

    Heat Wave Alert In chandrapur चंद्रपूर – हवामान विभागाच्या अंदाजानुसार, दि.5 एप्रिल रोजी चंद्रपूर शहरात दिवसा तसेच रात्रीही उष्णतेची लाट राहणार असुन याबाबत यलो अलर्ट देण्यात आला आहे.यंदा एप्रिल महिन्याच्या सुरवातीलाच प्रचंड उकाडा जाणवू लागला असुन सर्वांना उष्णतेच्या झळा सोसाव्या लागत आहेत. त्यामुळे उष्णतेच्या लाटेचा सामना करण्यास सतर्क राहण्याचा इशारा चंद्रपूर महानगरपालिकेतर्फे देण्यात येत आहे.

    हे ही वाचा – चंद्रपूर लोकसभा क्षेत्रात शासकीय कर्मचाऱ्याने केले आचारसंहितेचे उल्लंघन, प्रशासनाने केली निलंबनाची कारवाई

    तीव्र उष्णतेच्या पार्श्वभूमीवर आयुक्त विपीन पालीवाल यांच्या मार्गदर्शनात व वैद्यकीय आरोग्य अधिकारी डॉ.वनिता गर्गेलवार यांच्या प्रत्यक्ष नियंत्रणात    मनपा आरोग्य विभागामार्फत उष्माघात कृती आराखडा राबविण्यात येत असुन उष्माघाताचा धोका टाळण्यास विविध उपाययोजना करण्यात येत आहेत. तीव्र उन्हात नागरिकांनी शक्यतो दुपारी 12 ते 4 या वेळेत बाहेर पडणे टाळावे, घर थंड राहण्यास नागरीकांनी कुल रूफ टेक्नोलॉजीचा वापर करावा म्हणजेच उष्णतारोधक रंग जर घराच्या छतावर लावले तर 2 ते 3 डिग्री तापमान कमी होण्यास मदत मिळते. उष्माघातामुळे निर्माण होणाऱ्या आपातकालीन परिस्थितीप्रसंगी रुग्णवाहिकेला बोलाविण्यास 108 क्रमांकही उपलब्ध करून देण्यात आला आहे. Heat wave alert in chandrapur

     

    ट्रॅफीक सिग्नलवर नागरीकांना अधिक काळ उभे राहावे लागु नये याकरीता 12 ते 3 या कालावधीत ट्रॅफीक सिग्नल बंद ठेवण्याच्या सुचना वाहतुक विभागाला देण्यात आल्या आहेत. मनपा क्षेत्रातील उद्याने सकाळी 9 ते रात्री 9 वाजेपर्यंत सुरु ठेवण्यात येऊन नागरिकांना सावलीचा आश्रय मिळेल याची व्यवस्था करण्यात येत आहे.तसेच उष्माघाताचा धोका टाळण्यास नागरीकांसाठी जिल्हा सामान्य रुग्णालय येथील ‘ शीत वार्ड ‘ ची व्यवस्था करण्यात आली आहे. Heat wave alert in chandrapur

    तीव्र उन्हात काय करावे व काय करू नये –

     यलो अलर्टच्या कालावधीमध्ये भर उन्हात म्हणजे साधारणतः दुपारी 12 ते 4 वाजेपर्यंत उन्हात जाणे टाळावे.
     कमी वजनाचे, सौम्य रंगाचे आणि सुटसुटीत कपड्यांचा वापर या दिवसांमध्ये करावा.
     उन्हामुळे फार घाम येत असल्याने शरीरातील पाण्याचं प्रमाण कमी होतं, ते कायम राखण्यासाठी या दिवसांमध्ये अधिक पाणी प्या.
     दारु, चहा, कॉफी, सोडा असणारी शीत पेयांचं सेवन टाळा. या पदार्थांमुळे शरीरातील पाण्याचं प्रमाण कमी होतं.
     घरगुती पेय ज्यामध्ये लस्सी, ताक, लिंबूपाणी, तोरणी (तांदळाचं पाणी),आंब्याचे पन्हे, नारळ पाणी  यासारख्या गोष्टींची सेवन केल्यास डिहायड्रेशन होत नाही.
     डोक्यावर टोपी किंवा स्कार्फ किंवा रुमाल बांधावा. उन्हात डोकं उघडं राहणार नाही याची काळजी घ्यावी.
     लहान मुलं, वयस्कर व्यक्ती तसेच आरोग्य विषयक समस्या असणाऱ्यांची विशेष काळजी या दिवसांमध्ये घ्यावी. Heat wave alert in chandrapur

     थंड जागेत, वातावरणात राहावे तसेच थंड पाण्याने अंघोळ करावी .
     शिळे अन्न व उच्च प्रथिने असलेले पदार्थ खाणे टाळावे
     उन्हात प्रवास करताना डोळ्यांना गॉगल लावा,टोपी,छत्री यांचा वापर करावा.

    उष्माघाताची लक्षणे –
     अस्वस्थपणा, थकवा येणे, शरीर तापणे, अशक्तपणा, अंगदुखी, डोकेदुखी, मळमळणे ही लक्षणे आढळल्यास थंडगार पाण्याने अंघोळ करावी. ( डोक्यावरून गार पाण्याने अंघोळ केल्याने तापलेले शरीर थंड होण्यास मदत होते ) थंड जागेत आराम करावा, परिश्रमाचे काम करू नये, भरपूर थंड पाणी प्यावे, तसेच मनपा आरोग्य केंद्रात किंवा जिल्हा सामान्य रुग्णालयात त्वरित औषधोपचार करवून घ्यावा.

  • Water problem in Chandrapur : चंद्रपूर शहरातील एक दिवसआडचा विकास

    Water problem in Chandrapur : चंद्रपूर शहरातील एक दिवसआडचा विकास

    Water problem in Chandrapur चंद्रपूर मनपा हद्दीत मोठ्या थाटामाटात अमृत योजनेचा शुभारंभ करण्यात आला होता मात्र अमृत आता नागरिकांच्या जिव्हारी लागत आहे, अमृत योजनेचा पहिला टप्पा अपूर्ण सुरू झाला आता दुसरा टप्पा मंजूर करण्यात आला असून मागील अनेक वर्षांपासून 1 दिवस आड नळाला पाणी येत आहे.

     

    घुटकाला प्रभागात मागील 2 ते 3 दिवसापासून नळाला पाणी न आल्याने संतप्त नागरिक पाण्याच्या टाकीजवळ पोहचले, लिकेज प्रॉब्लेम असल्यामुळे नळ येणार नाही असे त्यांना सांगण्यात आले, मात्र हा लिकेज चा त्रास आमच्या प्रभागात वारंवार का होत आहे? असा प्रश्न नागरिकांनी यावेळी उपस्थित केला. Water problem in Chandrapur

    पाणी 6 महिने देता आणि वर्षभराचे बिल वसूल करता हा कुठला न्याय आहे, भर उन्हाळ्यात पालिकेतर्फे पाण्यासाठी नागरिकांना वेठीस धरण्याचे काम मनपा करीत आहे, 42 डिग्री तापमानात नागरिक पाण्यासाठी वणवण फिरताना दिसत आहे, विकासाच्या नावाने शहरात अधोगती आली की काय असे चित्र या माध्यमातून पुढे येत आहे. यामुळे नागरिकांचा संयम आता सुटताना दिसत आहे, मनपाने पाण्याच्या समस्येवर तात्काळ लक्ष द्यावे अन्यथा परिस्थिती हाताबाहेर जाणार असा इशारा नागरिकांनी दिला आहे. Water problem in Chandrapur

  • Modi Guarantee : गरिबांना विकासाच्या मुख्य प्रवाहात आणण्याची ‘मोदी गॅरंटी’ – सुधीर मुनगंटीवार

    Modi Guarantee : गरिबांना विकासाच्या मुख्य प्रवाहात आणण्याची ‘मोदी गॅरंटी’ – सुधीर मुनगंटीवार

    Modi Guarantee गेल्या दहा वर्षांत निराधार, वंचित, शेतकरी, महिलांसाठी विविध योजना केंद्र सरकारने आणल्या. या माध्यमातून उपेक्षित वर्गाला विकासाच्या मुख्य प्रवाहात आणण्याची आणि देशाचा सर्वांगीण विकास साधण्याची ‘मोदी गॅरंटी’ सन्माननीय पंतप्रधानांनी दिली आहे, असे प्रतिपादन चंद्रपूर-वणी-आर्णी लोकसभा मतदारसंघाचे भाजपा-शिवसेना-राष्‍ट्रवादी व म‍ित्र पक्ष महायुतीचे उमेदवार सुधीर मुनगंटीवार यांनी केले.

     

    राष्ट्रगौरव पंतप्रधान श्री. नरेंद्र मोदी यांच्या नेतृत्वातच देश विश्वगुरू होण्याच्या दिशेने वाटचाल करणार आहे, असा विश्वासही त्यांनी व्यक्त केला. Modi Guarantee

    चंद्रपूर येथील शकुंतला लॉनमध्‍ये मंगळवार, 2 एप्रिल रोजी राष्‍ट्रीय ओबीसी, एससी, एसटी, क्रांती दल महाराष्‍ट्र राज्‍य कार्यकर्ता मेळावा व सत्‍कार सोहळ्याचे आयोजन करण्‍यात आले होते. त्‍यावेळी सुधीर मुनगंटीवार यांनी पत्रकारांशी संवाद साधला. या कार्यक्रमाला ओबीसी, एससी, एसटी, क्रांती दलाचे अॅड. राजेंद्र महाडोळे, माधव कोहळे, रंजना पारशिवे, राजू बल्‍लूरवार, धर्माजी मेश्राम, गणेश आत्राम, सुहास काळे, लक्ष्‍मीकांत लोळगे यांची प्रमुख उपस्‍थ‍िती होती. Modi Guarantee

    अॅड. राजेंद्र महाडोळे हे सर्वजातीसमुहाचे सक्षम नेतृत्‍व असून त्‍यांनी वंचित, दीनदुर्बलांना एकत्रि‍त करण्‍याचे काम केले आहे. त्‍यांनी जनतेचा विकास आणि मोदी गॅरंटीच्‍या आधारावर मनापासून दिलेला हा पाठिंबा नक्‍कीच ही लोकसभा निवडणूक ज‍िंकून देईल, असा विश्‍वास मुनगंटीवार यांनी व्‍यक्‍त केला.

  • Systematic Voters Education and Electoral Participation : आई-बाबा मतदान करा

    Systematic Voters Education and Electoral Participation : आई-बाबा मतदान करा

    Systematic Voters Education and Electoral Participation प्रत्येक बालक हा त्यांच्या पालकाचा लाडका असतो, त्यामुळे त्याच्या आग्रहाला किंवा आवाहनाला पालक संमती देतातच,हे लक्षात घेऊन येत्या लोकसभा सार्वत्रीक निवडणुक 2024 अंतर्गत मतदानाची टक्केवारी वाढविण्यासाठी चंद्रपूर महानगरपालिका शाळांतील विद्यार्थ्यांद्वारे संकल्पपत्र भरून घेतले जात आहे. यातील संदेशानुसार विद्यार्थ्यांनी आपल्या आई वडिलांना पत्र लिहुन निवडणुकीमध्ये मतदान करण्याचे आवाहन केले आहे.

     

    निवडणुकीत प्रत्येक मतदाराने मतदान करून आपला हक्क बजावणे आवश्‍यक आहे. लोकशाहीच्या मजबुतीकरणासोबतच मतदानाची टक्केवारी वाढावी यासाठी निवडणूक आयोगाकडून “सिस्टमॅटिक व्होटर्स एज्युकेशन ऍण्ड इलेक्‍ट्रोरल पारर्टीसिपेशन’ (स्वीप) हा कार्यक्रम राबविण्यात येत आहे. याअंतर्गत मनपा शालेय विद्यार्थ्यांकडून संकल्पपत्र भरून घेत, त्यांना त्यांच्या पालकांना मतदानासाठी प्रेरित करण्याचा प्रयत्न चंद्रपूर महानगरपालिकेतर्फे करण्यात येत आहे. Systematic Voters Education and Electoral Participation

     

    चंद्रपूर लोकसभा मतदारसंघात मतदान जाणीव जागृती करण्याकरिता विविध उपक्रमांचे आयोजन करण्यात येत आहे. मतदारांना संवैधानिक कायदेशीर तरतुदीबाबत माहिती देणे, निवडणूक आयोग, न्यायव्यवस्था, प्रसारमाध्यमे यांचा निवडणूक प्रक्रियेतील सहभाग याबाबत माहिती देणे, निवडणूक प्रक्रियेबाबत अवगत करणे तसेच महिला, वृद्ध, महाविद्यालयीन विद्यार्थी आदी घटकांमध्ये मतदानाबाबत जागृती निर्माण करण्याचे काम स्वीपच्या माध्यमातून केले जात आहे. Systematic Voters Education and Electoral Participation

     

    त्याचाच एक भाग म्हणून मतदार संघांतर्गत समाविष्ट असलेल्या सर्व विद्यार्थ्यांच्या पालकांचा मतदान प्रक्रियेत शंभर टक्के सहभाग असावा, मतदान प्रक्रियेची माहिती व्हावी, सक्षम लोकशाहीसाठी सर्वांनी मतदानाचा हक्क निर्भीड आणि निरपेक्षपणे बजवावा यासाठी मतदारांमध्ये जाणीव, जागृती निर्माण व्हावी म्हणून स्वीप अंतर्गत सर्व विद्यार्थी व पालक यांच्याकडून संकल्प पत्र भरून घेण्यात येत आहेत. यामध्ये तयार केलेल्या संकल्प पत्राची प्रत शालेय विद्यार्थ्यांमार्फत त्यांच्या पालकांना देण्यात येत आहे. यासाठी मनपा शाळांमधील मुख्याध्यापक, शिक्षक, विद्यार्थी सहकार्याने हा उपक्रम राबविला जात आहे.

  • Violation of the ideal code of conduct : मनपा आयुक्तांना जिल्हाधिकारी यांचे अभय? माजी नगरसेवकाची संतप्त प्रतिक्रिया

    Violation of the ideal code of conduct : मनपा आयुक्तांना जिल्हाधिकारी यांचे अभय? माजी नगरसेवकाची संतप्त प्रतिक्रिया

    Violation of the ideal code of conduct चंद्रपूरातील आचारसंहितेमधील 24 कोटी रुपयांच्या निविदा प्रकरण चांगलेच गाजत आहे, माजी नगरसेवकाने थेट जिल्हाधिकारी गौडा यांना आव्हान देत प्रकरणाला आता नवी कलाटणी मिळाली आहे.

    हे ही वाचा – चंद्रपूर जिल्ह्यातील मतदारांना धमकी?

    आदर्श आचारसंहिता भंग केल्याच्या प्रकरणात मनपा आयुक्त विपिन पालीवाल यांचा बचाव करणारी प्रतिक्रिया जिल्हाधिकारी विनय गौडा यांनी एका वाहिनीला दिली. आयुक्त पालीवाल यांनी आदर्श आचार संहिता लागू होण्याच्या पूर्वी प्रसिद्धीस पाठवलेली 24 कोटी रुपयांची ई-निविदा दोन दिवसांच्या सलग सुट्ट्यांमुळे शासनाच्या वेबसाईटवर उशिरा प्रकाशित झाली. यापुढे असे होणार नाही याची दक्षता घेण्याची समज आयुक्त पालीवाल यांना दिली असुन सदर प्रकरण आता बंद केल्याची प्रतिक्रिया जिल्हाधिकाऱ्यांनी एका वाहिनीला दिली.
    यावर आता जनविकास सेनेचे संस्थापक अध्यक्ष मनपाचे माजी नगरसेवक पप्पू देशमुख यांनी संतप्त प्रतिक्रिया दिली आहे. Violation of the ideal code of conduct

    हे तर वाचा – चंद्रपूर जिल्ह्यात रेशन कार्ड वर मिळणार ब्रँडेड दारू

    जिल्हाधिकारी विनय गौडा चंद्रपूरचे जिल्हा निवडणूक अधिकारी आहेत.या संवेदनशील पदावर काम करताना जिल्हाधिकाऱ्यांनी दिशाभूल करणारे वक्तव्य करून भ्रष्ट अधिकाऱ्याचा असा बचाव करणे योग्य नाही. तसेच या प्रकरणात आयुक्त पालीवाल यांना कारणे दाखवा नोटीस बजावली असल्यास त्याची प्रत व आयुक्तांकडून मिळालेले लेखी स्पष्टीकरण सार्वजनिक करावे असे खुले आव्हान देशमुख यांनी जिल्हाधिकाऱ्यांना दिले. निवडणूक विभागाने आयुक्तांविरुद्ध कोणतीही रितसर कारवाई केली नाही, एवढेच नव्हे तर या प्रकरणातील मूळ तक्रारच आवक-जावृक विभागातून गहाळ झाली. नियम धाब्यावर बसवून निवडणूक विभागाची संपूर्ण यंत्रणा आयुक्त पालीवाल यांचा बचाव करीत असल्याचा आरोप देशमुख यांनी केला. Violation of the ideal code of conduct

    मनपा आयुक्तांनी हेतुपुरस्पर आचारसंहितेचा भंग केल्याचा आरोप

    16 मार्चला दुपारी 3 वाजता लोकसभा निवडणुकी बाबत पत्रकार परिषद घेणार अशी घोषणा निवडणूक विभागाने एक दिवसापूर्वी केल्याने 16 मार्चला दुपारी 3 वाजेपासून लोकसभा निवडणुकीची आचारसंहिता लागू होणार अशी पूर्वकल्पना सर्व देशावासियांना 15 मार्चला मिळाली होती. निवडणूक आयोगाने पत्रकार परिषदेच्या तारखेची घोषणा केली त्याच दिवशी 15 मार्च रोजी दुपारी मनपा आयुक्त विपिन पालीवाल यांनी तडकाफडकी 3 वर्तमान पत्रांमध्ये 24 कोटीच्या वादग्रस्त कामाची जाहिरात दिली. ही जाहिरात 16 मार्चला सकाळी प्रकाशित झाली.जाहिरातीमध्ये सदर कामाची ई-निविदा 18 मार्चपासून शासनाच्या वेबसाईटवर प्रकाशित होणार असल्याचा स्पष्ट उल्लेख केला.16 मार्चपासून आचारसंहिता लागू होणार याची पूर्वकल्पना असताना आयुक्त पालीवाल यांनी 18 मार्चपासून ई-निविदा प्रक्रिया सुरू करणे नियमानुसार योग्य आहे का ? हा हेतूपुरस्पर केलेला आचारसंहिता भंग नव्हे का ? याचे उत्तर जिल्हाधिकाऱ्यांनी द्यावे अशी मागणी माजी नगरसेवक पप्पू देशमुख यांनी केली आहे. Violation of the ideal code of conduct

    आमचा आक्षेप हा 16 मार्च रोजी वर्तमानपत्रात प्रकाशित झालेल्या कामाच्या जाहिरातीबाबत नसून आयुक्तांनी 18 मार्चपासून सुरू केलेल्या ई-निविदा प्रक्रिये बाबत आहे.आचारसंहितेचा भंग झाल्याने जिल्हाधिकाऱ्यांनी ई-निविदा प्रक्रिया तातडीने रद्द करण्याचे तोंडी निर्देश दिले. मात्र राजकीय दबावाखाली जिल्हाधिकारी मनपा आयुक्तांचा बचाव करीत असल्याचा आरोप देशमुख यांनी केला.

  • Chandrapur Loksabha Election : चंद्रपूर शिवसेना ठाकरे गटाच्या महिला संघटिका उज्वला नलगे भाजपात

    Chandrapur Loksabha Election : चंद्रपूर शिवसेना ठाकरे गटाच्या महिला संघटिका उज्वला नलगे भाजपात

    Chandrapur Loksabha Election महायुतीचे उमेदवार सुधीर मुनगंटीवार यांच्या उपस्थितीत 31 मार्चला शिवसेना ठाकरे गटाच्या जिल्हा महिला संघटिका उज्वला नलगे यांनी शिवसेनेला जय महाराष्ट्र करीत भाजपात प्रवेश केला.

    हे अवश्य वाचा : चंद्रपूर लोकसभा उमेदवार म्हणतात आनंदाच्या शिधासोबत व्हिस्की व बिअर देणार, खासदार तर बनवा

    देशविकासाच्‍या लाटेत सहभागी होण्‍यासाठी रविवारी शेकडो उत्‍तर भारतीय नेते व पदाधिका-यांनी ‘सोमवार से रविवार जनता की सेवा करेंगे सुधीर मुनगंटीवार’ असा नारा देत भारतीय जनता पार्टीमध्‍ये प्रवेश केला. Chandrapur Loksabha Election

    चंद्रपूर-वणी-आर्णी लोकसभा मतदार संघाचे भाजपाचे उमेदवार सुधीर मुनगंटीवार यांनी उत्‍तर भारतीय समाजाचे नेते दीपक सिंग यांचेसह शेकडो नेते व पदाधिकारी तसेच, उबाठा महिला प्रमुख उज्‍ज्‍वला नलगे यांचे भाजपात स्‍वागत केले. कार्यक्रमाला भाजपाचे ज्‍येष्‍ठ नेते चंदनसिंग चंदेल, महानगर अध्‍यक्ष राहूल पावडे यांच्‍यासह सुनिल सिंग, वंदना सिन्‍हा, रामपाल सिंग, अजय दुबे, विरेंद्र सिंग, मथुराप्रसाद पांडे, रुद्रनारायण तिवारी, शिवचंद द्विवेदी, डी. के. स‍िंग, मुन्‍ना ठाकूर, प्रकाश देवतळे यांच्‍यासह उत्‍तर भारतीय समाजातील समाजबांधव मोठ्या संख्‍येने उपस्‍थ‍ित होते. Chandrapur Loksabha Election

    हे ही वाचा – चंद्रपूर जिल्ह्यातील 6 अट्टल गुन्हेगार तडीपार

    उत्‍तर भारतीय समाजबांधवांना संबोधित करताना सुधीर मुनगंटीवार म्‍हणाले, भाजपा माझ्यासाठी राजकीय पक्ष नसून परिवार आहे. या परिवारात तसेच, देशाच्‍या विकासाच्‍या ‘जंग’ मध्‍ये उत्‍तर भारतीय नेत्‍यांचे जंगी स्‍वागत आहे. आपल्‍या मतदारसंघातील ज्‍या काष्‍ठाने संसद भवनाचे दरवाजे तयार झाले, ते दरवाजे सोमवार ते रव‍िवार आपल्‍यासाठी खुले राहणार आहेत. आपल्‍या मतदारसंघाचा विकास करण्‍यासाठी मी तिथे चोविस तास काम करील आणि मतदारसंघाची उंची वाढवेल, असा विश्‍वास त्‍यांनी यावेळी दिला. Chandrapur Loksabha Election

    चंद्रपूर-वणी-आर्णी मतदारसंघात केवळ उत्‍तर भारतीयच नाही 16 राज्‍यातील लोक वास्‍तव्‍यास आहेत. भाजपाचा सैनिक या नात्‍याने जात-पात-रंग-राज्‍य यांचा विचार न करता सर्वांच्‍या विकासासाठी आतापर्यंत काम केले. त्‍यांचे प्रेम मतदानाच्‍या रुपात आतापर्यंत मिळाले असून यापुढेही मिळेल असा विश्‍वास ना.मुनगंटीवार यांनी व्यक्त केला. Chandrapur Loksabha Election

    दीपक सिंग यांच्‍या नेतृत्‍वात उत्‍तर भारतीय समाजात विकासाचा दीपक चेतवण्‍यासाठी उत्‍तर भारतीय आघाडी चंद्रपूर जिल्‍हा ग्रामीणचे अध्यक्षपदी त्यांची नियुक्‍ती करण्‍यात येईल, असे आश्‍वासनही त्‍यांनी यावेळी दिले.

  • Chandrapur Loksabha Election Symbol : चंद्रपूर लोकसभा निवडणुकीतील उमेदवारांना चिन्हाचे वाटप

    Chandrapur Loksabha Election Symbol : चंद्रपूर लोकसभा निवडणुकीतील उमेदवारांना चिन्हाचे वाटप

    Chandrapur Loksabha Election Symbol चंद्रपूर लोकसभा निवडणुकीच्या रिंगणात आता 15 उमेदवार एकमेकांविरुद्ध लढाई लढणार आहे, 20 ते 27 मार्च या कालावधीत इच्छुक उमेदवाराकडून अर्ज मागविण्यात आले होते, यावेळी एकूण 36 उमेदवारांनी 48 नामनिर्देशन अर्ज दाखल केले, 28 मार्चला झालेल्या छाननीत तब्बल 21 उमेदवारांचे 33 नामनिर्देशन अर्ज बाद झाले, व 15 उमेदवारांचे अर्ज वैद्य ठरविण्यात आले. Chandrapur Loksabha Election Symbol

     

    30 मार्च अर्ज मागे घेण्याची तारीख होती पण कुणीही अर्ज मागे न घेतल्याने आता एकूण 15 उमेदवार लोकसभा निवडणुकीत उभे आहे.

    याबाबत जिल्हाधिकारी विनय गौडा यांनी नियोजन सभागृहात आयोजित पत्रकार परिषदेच्या माध्यमातून माहिती दिली. Chandrapur Loksabha Election Symbol

    हे ही अवश्य वाचा – वंचित बहुजन आघाडीच्या उमेदवाराने भाजपवर केला हल्ला

    गौडा म्हणाले की अर्ज छाननीनंतर निवडणुकीच्या रिंगणात कांग्रेसच्या प्रतिभा धानोरकर, भाजपचे सुधीर मुनगंटीवार, बसपा चे राजेंद्र रामटेके, जनसेवा गोंडवाना पार्टी अवचित सयाम, जय विदर्भ पार्टी अशोक राठोड, गोंडवाना गणतंत्र पार्टी नामदेव शेडमाके, बहुजन रिपब्लिकन सोशालिस्ट पार्टी पूर्णिमा घोनमोडे, वंचित बहुजन आघाडी राजेश बेले, अखिल भारतीय मानवता पक्ष वनिता राऊत, सन्मान राजकीय पक्ष विकास लसंते, भीम सेना विद्यासागर कासरलावार, पीपल्स पार्टी ऑफ इंडिया डेमोक्रॅटिक सेवकदास बरके, अपक्ष दिवाकर उराडे, मिलिंद दहिवले, संजय गावंडे यांचा समावेश आहे. Chandrapur Loksabha Election Symbol

     

    सर्व उमेदवारांना चिन्हाचे वाटप करण्यात आले आहे. लोकसभा क्षेत्रातील एकूण 18 लाख 37 हजार 906 मतदार 19 एप्रिल रोजी मतदानाचा हक्क बजावतील. Chandrapur Loksabha Election Symbol

    कुणाला मिळाले कोणते निवडणूक चिन्ह?

    प्रतिभा धानोरकर – पंजा, सुधीर मुनगंटीवार – कमळ, राजेंद्र रामटेके – हत्ती, अवचित सयाम – टीव्ही, अशोक राठोड – गॅस सिलेंडर, नामदेव शेडमाके – Saw(आरी), पूर्णिमा घोनमोडे – सिटी, राजेश बेले – रोड रोलर, वनिता राऊत – पेन निब (with seven rays), विकास लसंते – रिंग, विद्यासागर कासरलावर – ऑटो रिक्षा, सेवकदास बरके – बास्केट (containing fruits), दिवाकर उराडे – कोट, मिलिंद दहिवले – बॅट, संजय गावंडे – टायर

    आयोजित पत्रकार परिषदेत जिल्हा परिषदेचे मुख्य कार्यपालन अधिकारी विवेक जॉन्सन, पोलीस अधीक्षक मुमक्का सुदर्शन, जिल्हा माहिती अधिकारी राजेश येसनकर यांची उपस्थिती होती.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by