My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • Top NMMS Scholarship Achievers । चंद्रपूर महानगरपालिका शाळेतील यशस्वी विद्यार्थी

    Top NMMS Scholarship Achievers

    Top NMMS Scholarship Achievers : चंद्रपूर महानगरपालिकेच्या पीएम श्री सावित्रीबाई फुले शाळेतील 20 विद्यार्थी राष्ट्रीय आर्थिक दुर्बल घटक शिष्यवृत्ती ( एनएमएमएस ) परीक्षेत उत्तीर्ण झाले असुन शहरातील एका शाळेतील सर्वात अधिक संख्येने या परीक्षेत उत्तीर्ण होण्याचा मान मनपा शाळेने मिळविला आहे.

    सन्मित्र महिला नागरी सहकारी बँकेचा रौप्य महोत्सवी सोहळा

     
        जातीनिहाय आरक्षण असणाऱ्या विद्यार्थ्यांना शासनाच्या अनेक कल्याणकारी शिष्यवृत्ती योजनांचा दरवर्षी लाभ मिळत असतो. परंतु ग्रामीण भागातील आर्थिक दुर्बल घटकातील प्रतिभावंत विद्यार्थ्यांना प्रोत्साहन देण्यासाठी देशपातळीवर एनएमएमएस शिष्यवृत्ती परीक्षा मिनिस्ट्री ऑफ ह्युमन रिसोर्सेस भारत सरकार नवी दिल्ली यांचे मार्फत घेण्यात येते. आर्थिक मागास विद्यार्थ्यांमधून प्रज्ञावान विद्यार्थ्यांचा शोध घेऊन त्यांच्या प्रक्षेची जोपासना, तसेच त्यांचे 12 वी पर्यंत शिक्षण पूर्ण व्हावे हा या योजनेचा गाभा आहे. (Scholarship Opportunities for Bright Students)

    शिष्यवृत्तीत १२ हजार रुपयांची वाढ


        प्रज्ञावान विद्यार्थ्यांना दरमहा शिष्यवृत्तीच्या स्वरुपात आर्थिक मदत करण्यात येते. सदर शिष्यवृत्ती  सलग चार वर्षे म्हणजे 8 वी ते 12 वी पर्यंत मुलांना देण्यात येते. यापूर्वी शिष्यवृत्तीसाठी पात्र असणाऱ्या प्रतिभावंत विद्यार्थ्यांना प्रति वर्षासाठी बारा हजार याप्रमाणे चार वर्षासाठी 48 हजार रुपये मिळत होते. आता यात एक वर्ष वाढल्याने त्यात 12 हजार रुपयांची वाढ झाली आहे. तसेच याआधी पालकांच्या उत्पन्नाची मर्यादा दीड लाख रुपये होती. आता त्यात दोन लाखांनी वाढ झाल्याने साडेतीन लाख रुपयांपेक्षा कमी उत्पन्न असणाऱ्या पालकांच्या मुलांना देखील ही शिष्यवृत्ती परीक्षा देता येत आहे. (NMMS Scholarship 2025)

    हे आहेत यशस्वी विद्यार्थी


       मनपा शाळेतील गुणवंतांमध्ये अनुष्का भालेराव, गणेश ठाकरे, संस्कृती घोटेकर,वैष्णवी कंदीकुरवार, शौर्य आंबटकर,रिंषा मुजुमदार,प्रशिल रामटेके,भूमिका निखाडे,सोहम सोरते,कैसीकौर भोयर,गौरव नंदनवार,माही निमगडे,श्रेयस दुर्योधन,रचना शंभरकर,समीक्ष गोदरवार,रोजीना सिद्दीकी,लुकेश जेंगठे,आरुषी देवघरे,प्रज्वल वैरागडे,वंश पवार या विद्यार्थ्यांचा समावेश आहे. (Chandrapur’s Best NMMS Performers)    
       आयुक्त विपीन पालीवाल,अतिरीक्त आयुक्त चंदन पाटील, उपायुक्त मंगेश खवले व प्रभारी शिक्षणाधिकारी नागेश नीत यांनी सर्व विद्यार्थ्यांचे अभिनंदन केले आहे.  

  • Modern fish market infrastructure । प्रधानमंत्री मत्स्यसंपदा योजनेतर्गत चंद्रपूरला स्वच्छ आणि सुसज्ज मच्छी बाजार

    Modern fish market infrastructure

    चंद्रपूरच्या मत्स्य व्यावसायिकांना आधुनिक सुविधा मिळणार – आ. किशोर जोरगेवार

    Modern fish market infrastructure : प्रधानमंत्री मत्स्यसंपदा योजनेअंतर्गत चंद्रपूर महानगरपालिकेत अत्याधुनिक मच्छी मार्केट उभारण्याच्या दृष्टीने मनपा प्रशासनाने जलद कार्यवाही करावी हे मार्केट केवळ व्यवसायाच्या दृष्टीनेच नव्हे, तर स्वच्छता, सुविधा आणि शाश्वत विकासाच्या दृष्टीनेही अत्यंत महत्त्वाचे आहे. यातून चंद्रपूरच्या मत्स्यव्यवसायीकांना आधुनिक सुविधा मिळणार असुन या कामात स्वच्छता आणि कचरा व्यवस्थापनासाठी प्रभावी उपाययोजना राबविण्याचे निर्देश आमदार किशोर जोरगेवार यांनी दिले आहे.

    कृषी वीज पंप जोडणीवरून खासदार धानोरकर आक्रमक, आंदोलनाचा इशारा

                प्रधानमंत्री मत्स्यसंपदा योजनेअंतर्गत मच्छी मार्केट उभारणी संदर्भात महानगरपालिका येथे बैठकीचे आयोजन करण्यात होते. या बैठकीत आमदार किशोर जोरगेवार यांनी प्रस्तावीत मच्छी मार्केट च्या कामाचा आढावा घेतला असून आवश्यक सुचना केल्या आहे. या बैठकीला मनपा आयुक्त विपिन पालिवाल, सहाय्यक आयुक्त अक्षय गडलिंग, शहर अभियंता विजय बोरीकर, शाखा अभियंता नरेंद्र पवार, भारतीय जनता पार्टीचे मनोज पाल, विश्वजित शहा, अमोल शेंडे, आदींची उपस्थिती होती. (Fish market development project)

    चांगली बाजारपेठ उपलब्ध होणार

      या प्रकल्पांतर्गत स्वच्छ, आधुनिक आणि सुसज्ज मच्छी मार्केट उभारण्यावर भर दिला गेला आहे. मत्स्यव्यवसायिकांना उत्तम पायाभूत सुविधा मिळाव्यात, तसेच स्वच्छतेसाठी आधुनिक यंत्रणा बसवण्याच्या अनुषंगाने बैठकीत चर्चा करण्यात आली. हा प्रकल्प पूर्ण झाल्यानंतर स्थानिक मत्स्यव्यवसायिकांना अधिक चांगली बाजारपेठ उपलब्ध होईल आणि ग्राहकांनाही स्वच्छ आणि सुरक्षित वातावरणात येथे खरेदी करता येणार आहे. (Sustainable fish market planning)
    fish market development project

                   मत्स्य व्यवसायिकांना शीतगृह, पाणीपुरवठा आणि वीजपुरवठा यांसारख्या सुविधा व्यवस्थित मिळाव्यात. विक्रेत्यांना आधुनिक व्यवस्थापनाचे प्रशिक्षण मिळावे, त्यांचे उत्पन्न वाढावे आणि हा व्यवसाय अधिकाधिक लोकांसाठी रोजगारनिर्मिती करणारा ठरावा, ही आमची भूमिका असून  प्रशासनाने या कामाच्या गतीला प्राधान्य द्यावे आणि अंमलबजावणी वेळेत पूर्ण व्हावी हा प्रकल्प म्हणजे केवळ मच्छी बाजार नव्हे, तर स्थानिक अर्थव्यवस्थेला चालना देणारा आणि चंद्रपूरच्या विकासात महत्त्वाची भूमिका बजावणारा उपक्रम आहे असल्याचे या बैठकीत आमदार किशोर जोरगेवार यांनी म्हटले असून सर्व विभागानी समन्वय ठवेत हे काम वेळेत पूर्ण करत उत्तम दर्जाचे करण्याच्या सुचना या बैठकीत आमदार किशोर जोरगेवार यांनी प्रशासनाला केल्या आहे. या बैठकीत संबधित विभागाच्या अधिका-यांची आणि मच्छी विक्रेत्यांची उपस्थिती होती. 

  • Chandrapur Power Plant Accident | धारीवाल पावर प्लांट दुर्घटना: आम आदमी पक्षाची कंपनी प्रशासनावर कठोर कारवाईची मागणी

    Chandrapur Power Plant Accident

    Chandrapur Power Plant Accident : चंद्रपूर – धारीवाल पावर प्लांटमध्ये घडलेल्या दुर्दैवी घटनेवर आम आदमी पक्ष चंद्रपूरने कठोर भूमिका घेतली असून, कंपनी प्रशासनाविरुद्ध कायदेशीर कारवाईची मागणी केली आहे. LCPL कंपनीतील फील्ड ऑपरेटर कर्णधर अशोक शेरके यांचा कन्व्हेअर बेल्टमध्ये (Conveyor Belt Accident) अडकून मृत्यू झाला, ही घटना कंपनी प्रशासनाच्या हलगर्जीपणाचे गंभीर उदाहरण आहे.

    चंद्रपूर ते मुंबई रेल्वे सुरू होणार, आमदार जोरगेवार यांचा पाठपुरावा

    घटनेचे वर्णन व प्रशासनाचे गैरप्रकार:
    १. सुरक्षा नियमांकडे दुर्लक्ष: कामगारांच्या सुरक्षिततेसाठी आवश्यक ती खबरदारी न घेतल्याने अपघात घडला.
    २. शव बेकायदेशीररीत्या हलवण्याचा प्रयत्न: मृतकाच् शरीरार तातडीने हलवून पुरावे नष्ट करण्याचा प्रयत्न केला गेला. (Dhariwal Company Negligence)


    ३. कामगार व नेत्यांना घटनास्थळी प्रवेश नाकारणे: कामगार संघटनांच्या नेत्यांना व आम आदमी पक्षाच्या प्रतिनिधींना घटनास्थळी जाण्यापासून रोखण्यात आले.
    ४. पुरावे नष्ट करण्याचा प्रयत्न: कंपनीने अपघाताची जबाबदारी झटकण्यासाठी महत्त्वाचे पुरावे नष्ट करण्याचा प्रयत्न केला.


    ५. पोलिस प्रशासनाची भूमिका: संबंधित पोलिस अधिकाऱ्यांनी कामगार व नेत्यांना घटनास्थळी जाण्यापासून रोखून अन्यायकारक भूमिका घेतली.

    आम आदमी पक्षाच्या मागण्या:
    १. कंपनी प्रशासनावर सदोष मनुष्यवधाचा गुन्हा दाखल करावा.
    २. मृतकाचे शव बेकायदेशीररीत्या हलवण्याच्या व पुरावे नष्ट करण्याच्या प्रयत्नांवर कायदेशीर कार्यवाही करावी.
    ३. कामगार व नेत्यांवर झालेल्या धक्का-बुक्कीबद्दल संबंधित पोलिस अधिकाऱ्यांवर कारवाई करावी.
    ४. कामगारांच्या सुरक्षेच्या तपासणीसाठी तात्काळ समिती स्थापन करावी.


    ५. सुरक्षेचे उल्लंघन करणाऱ्या कंपन्यांवर कठोर कारवाई करण्यात यावी.
    ६. जिल्ह्याला कायमस्वरूपी सहाय्यक कामगार आयुक्त द्यावा.

    इशारा:
    जर वरील मागण्या त्वरित पूर्ण झाल्या नाहीत, तर आम आदमी पक्ष कामगारांच्या हक्कांसाठी तीव्र आंदोलन उभारेल. कोणतीही तडजोड केली जाणार नाही.

    प्रमुख नेत्यांची उपस्थिती:
    यावेळी आपचे जिल्हाध्यक्ष मयूर राईकवार, कामगार नेते व युवा जिल्हाध्यक्ष राजू कुडे, महिला शहर अध्यक्षा तब्बसूम शेख, शहर संघटनमंत्री संतोष बोपचे, युवा जिल्हा संघटनमंत्री मनीष राऊत, युवा सचिव आदित्य नंदनवार, अजय बाथव, अल्पसंख्यांक अध्यक्ष जावेद सय्यद, वाहतूक अध्यक्ष जयदेव देवगडे, अनुप तेलतुबडे यांच्यासह अन्य पदाधिकारी उपस्थित होते.

  • Chandrapur to Mumbai train | चंद्रपूर-मुंबई, चंद्रपूर-पुणे दररोज जलदगती रेल्वेची मागणी; आमदार किशोर जोरगेवार यांचा पाठपुरावा

    Chandrapur to Mumbai train

    Chandrapur to Mumbai train : चंद्रपूरहून मुंबई आणि पुण्याला जाणाऱ्यांची संख्या अधिक असतानाही आठवड्यातून एक सुपरफास्ट रेल्वे या मार्गाने धावत आहे. परिणामी, प्रवाश्यांची मोठी गैरसोय होत आहे. त्यामुळे चंद्रपूर-मुंबई, चंद्रपूर-पुणे दररोज जलदगती रेल्वे सुरू करण्याची मागणी आमदार किशोर जोरगेवार यांनी मध्य रेल्वेचे मुंबई महाव्यवस्थापक धर्मवीर मीणा यांना केली आहे. (Chandrapur to Pune express train)

    चंद्रपुरातील ताज महल

    मध्य रेल्वेचे मुंबई महाव्यवस्थापक धर्मवीर मीणा हे आज चंद्रपुरात असताना, रेल्वे स्थानक येथील मिटिंग हॉल येथे आमदार किशोर जोरगेवार यांनी त्यांची भेट घेऊन सदर मागणी केली आहे. यावेळी रेल्वे विभागाचे वरिष्ठ उपमहाव्यवस्थापक कुशकुमार मिश्रा, मुख्य वाणिज्य व्यवस्थापक  एस. एस. गुप्ता, मुख्य अभियांत्रिकी व्यवस्थापक रजनीश माथुर, मुख्य जनसंपर्क अधिकारी स्वप्निल, नागपूरचे विभागीय रेल्वे व्यवस्थापक विनायक गर्ग, वरिष्ठ विभागीय वाणिज्य व्यवस्थापक अमन मित्तल, वरिष्ठ विभागीय ऑपरेशन्स व्यवस्थापक कृष्णा जी पाटील, वरिष्ठ विभागीय सुरक्षा आयुक्त मनोजकुमार, चंद्रपूर स्थानक व्यवस्थापक आयाज खान, रेल्वे सुरक्षा दल प्रमुख कृष्णानंद राय, वरिष्ठ विभागीय नियंत्रण निरीक्षक केशव जैन चंद्रपूर रेल्वे प्रवासी सेवा संस्थेचे झोनल रेल्वे वापरकर्ता समन्वय समिती सदस्य दामोदर मंत्री, विभागीय रेल्वे वापरकर्ता समन्वय समिती सदस्य मिलिंद दाभेरे यांची उपस्थिती होती.

     चंद्रपूर व गडचिरोली जिल्ह्यातील हजारो विद्यार्थी,  व्यापारी, शासकीय अधिकारी आणि कर्मचारी यांना मुंबई आणि पुणे येथे नियमित प्रवास करावा लागतो. मात्र, सध्या उपलब्ध असलेल्या रेल्वे गाड्यांमुळे १६-१८ तासांचा कालावधी लागत आहे. तसेच प्रवाशांसाठी तिकिटांचीही कमतरता जाणवत आहे. (Superfast train from Chandrapur)

    परिणामी, अनेकांना नागपूरमार्गे प्रवास करावा लागतो, जो वेळखाऊ आणि खर्चिक ठरत आहे. सध्या चंद्रपूरहून मुंबई आणि पुण्यासाठी केवळ साप्ताहिक गाड्या उपलब्ध असल्याने नागरिकांना मोठ्या अडचणींचा सामना करावा लागत आहे.

    या पार्श्वभूमीवर, चंद्रपूर-मुंबई आणि चंद्रपूर-पुणे दररोज धावणारी दूरोंतो किंवा सुपरफास्ट एक्सप्रेस सुरू करावी, अशी मागणी आमदार किशोर जोरगेवार यांनी केली आहे. चंद्रपूर रेल्वे स्थानकावर आलेल्या मध्य रेल्वेचे महाव्यवस्थापक श्री. धर्मवीर मीणा यांच्याकडे आमदार जोरगेवार यांनी मागणी करत या जलदगती रेल्वे सेवेच्या माध्यमातून मागास आणि नक्षलग्रस्त भागाच्या विकासाला चालना मिळेल, तसेच प्रवाशांची गैरसोय दूर होईल, असे सांगितले आहे.

    तसेच दक्षिण पूर्व मध्य रेल्वेच्या (SECR) चांदा पोर्ट रेल्वे स्टेशनला मध्य रेल्वेच्या चंद्रपूर स्टेशनशी जोडण्यासाठी आवश्यक असलेल्या कॉर्ड लाईनच्या कामाला तातडीने मंजुरी द्यावी आणि लवकरात लवकर हे काम पूर्ण करावे, अशी मागणी आमदार किशोर जोरगेवार यांनी केली आहे.

    कोलकाता साठी विशेष ट्रेनची मागणी

    चंद्रपुरात बंगाली समाज बांधव मोठ्या संख्येने वास्तव्यास असून, त्यांना कोलकाता जाण्यासाठी अडचणी येत असतात. अशा परिस्थितीत कोलकाता जाण्यासाठी ट्रेन सुरू करण्याची मागणीही आमदार किशोर जोरगेवार यांनी मध्य रेल्वेचे मुंबई महाव्यवस्थापक धर्मवीर मीणा यांना केली आहे. (Chandrapur to Kolkata train)

    श्री माता महाकाली दर्शन यात्रा स्पेशल ट्रेनची आमदार किशोर जोरगेवार यांची मागणी

    चंद्रपूरच्या प्रसिद्ध श्री माता महाकाली मंदिरात चैत्र नवरात्र आणि महोत्सव काळात लाखो भाविक दर्शनासाठी येतात. या यात्रेकरूंच्या सोयीसाठी आमदार किशोर जोरगेवार यांनी “श्री माता महाकाली दर्शन यात्रा स्पेशल” (30 मार्च ते 13 एप्रिल 2025) आणि “श्री माता महाकाली महोत्सव स्पेशल” (27 सप्टेंबर ते 1 ऑक्टोबर 2025) या विशेष रेल्वे गाड्या जालना-चंद्रपूर मार्गावर चालवण्याची मागणी केली आहे. (Special train for Mahakali Temple)

    या विशेष गाड्यांमध्ये 10 स्लीपर आणि 10-12 जनरल डब्यांची व्यवस्था ठेवावी तसेच तिकीट दर सर्वसामान्यांना परवडणारे असावेत, अशी मागणीही यावेळी त्यांनी केली आहे.

  • Taj Mahal of Chandrapur | सलाम राणी हिराई: चंद्रपुरातील प्रेम आणि इतिहासाचा अनमोल ठेवा

    Taj Mahal of Chandrapur

    Taj Mahal of Chandrapur : चंद्रपूर: शहरातील प्रेमाचे प्रतीक असलेल्या गोंडराजे बिरशहा-राणी हिराई यांच्या समाधीवर इको-प्रो संस्था आणि एफईएस महाविद्यालयाच्या विद्यार्थ्यांनी पुष्प अर्पण करून इतिहासाला उजाळा दिला. ‘सलाम राणी हिराई’ कार्यक्रमांतर्गत शेकडो विद्यार्थ्यांनी राणी हिराई यांच्या अजरामर प्रेमाचे आणि कर्तृत्वाचे स्मरण केले.


    आजच्या तरुणाईला प्रेमदिनाच्या निमित्ताने क्षणभंगुर प्रेमाच्या मागे न लागता, नात्यांमधील प्रेम वृद्धिंगत करण्याची प्रेरणा मिळावी यासाठी हा कार्यक्रम आयोजित करण्यात आला होता. दरवर्षी गोंडराजे बिरशहा व राणी हिराई यांच्या समाधीस्थळावर हा कार्यक्रम आयोजित केला जातो.

    प्रेमाला मर्यादा नाही, स्वीडिश दाम्पत्याने चंद्रपुरातील बाळाला घेतले दत्तक

    राणी हिराईने पतीच्या मृत्यूनंतर या समाधी-वास्तूचे बांधकाम केले. ताजमहलच्या तोडीची सुंदर आणि आकर्षक वास्तू बांधून त्यांनी पतीवरील आपले प्रेम व्यक्त केले. ताजमहल प्रमाणेच राणी हिराई ने सुद्धा एका दगडात आधी या वास्तूची प्रतिकृती तयार करवून घेतली होती, ही प्रतिकृती आजही मध्यवर्ती संग्रहालय, नागपूर येथे सुरक्षित आहे. त्यानंतर त्यांनी राज्याचा कारभार यशस्वीपणे सांभाळत अनेक विकासकामे केली. राणी हिराईचा हा आदर्श आजच्या तरुणाईने घेण्याची गरज आहे. (Rani Hirai love story)


    “चंद्रपूर शहरात असलेली ही प्राचीन वास्तू आपला ऐतिहासिक वारसा आहे. राणी हिराईने आपल्या कार्यांमधून गोंडराजे बिरशहा आणि राणी हिराई यांच्यातील प्रेम अजरामर केले,” असे मत प्राध्यापकांनी व्यक्त केले.
    “राणी हिराई आणि राजा बिरशहा यांचे प्रेम अमर आहे. त्यांच्या कार्यांमधून ते सतत जिवंत राहणार आहेत.

    आजच्या तरुणाईने अशा स्थळांना भेट देऊन आदर्श घेण्याची गरज आहे, क्षणभंगुर प्रेमाच्या मागे न लागता, युवा पिढीने भारतीय संस्कृती मध्ये विविध नात्यातील प्रेम व्यक्त करण्यास विशिष्ट दिवसाची गरज नसून ते आपल्या कार्यातून व कृतीतून व्यक्त केले पाहिजे असा संदेश अनेक घटकांतुन सांगितले आहे.” असे मत इको-प्रोचे बंडू धोतरे यांनी व्यक्त केले. (Eco-Pro Chandrapur event)

    कार्यक्रमाचे प्रास्ताविक आणि सूत्रसंचालन प्रा. डॉ. राजेंद्र बारसागडे यांनी केले, तर आभार प्रा. डॉ. मेघमाला मेश्राम यांनी मानले. सलाम राणी हिराई कार्यक्रमाचे अध्यक्ष बंडू धोतरे होते तर यावेळी मार्गदर्शन करणारे प्रभारी प्राचार्य डॉ राजेश चिमनकर, प्रा. डाॅ करुणा करकाडे, प्रा. सावधान उमक यांनी केले. यावेळी विविध प्राध्यापक, इको-प्रो सदस्य आणि शेकडो विद्यार्थी उपस्थित होते, कार्यक्रमाच्या यशस्वितेकरिता राजू काहिलकर, सुनील पाटील, सचिन धोतरे, सनी दुर्गे, चित्राक्ष धोतरे यांनी सहकार्य केले.

  • Chandrapur plastic raid news । चंद्रपुरात 10 खोके प्लास्टिक ग्लास जप्त

    Chandrapur plastic raid news

    Chandrapur plastic raid news : चंद्रपूर महानगरपालिकेतर्फे एकदाच वापरल्या जाणाऱ्या प्लास्टिकवर कारवाई सुरू असुन उपद्रव शोध पथकाद्वारे रहमतनगर येथील सलीम यांच्या मालकीच्या गोडाऊन येथे कारवाई करून प्लास्टिकचे ग्लास असणारे 10 खोके जप्त करण्यात आले आहेत तसेच संबंधितांवर 5 हजार रुपयांचा दंड ठोठावण्यात आला आहे.

    प्रेमाला मर्यादा नाही, स्वीडिश दाम्पत्याने व्यंगत्व असलेल्या बाळाला घेतले दत्तक


        बंदी असलेल्या व एकदाच वापर करता येणाऱ्या प्लास्टिकवर कारवाई करण्यासाठी आयुक्त तथा प्रशासक विपीन पालीवाल यांच्या निर्देशानुसार 8 टीम्स बनविण्यात आल्या आहेत. या सर्व चमूंद्वारे शहरात नियमित कारवाई करण्यात येते. यावेळेस सुद्धा या दुकानासंबंधी गुप्त माहिती मनपास प्राप्त झाली होती. प्लास्टीक साठा,पिशव्यांची माहीती देणाऱ्याचे नाव गुप्त ठेवण्यात येत असुन दिलेली माहीती खरी निघाल्यास 5 हजारांचे बक्षिस दिल्या जात असल्याने अनेक सुजाण व्यक्तींकडुन अवैध साठ्यासंबंधी तक्रारी मनपास प्राप्त होत आहेत. (Single-use plastic fine and punishment)


         एकदाच वापरल्या जाणाऱ्या प्लास्टिकच्या वस्तूंचे उत्पादन, आयात, साठवणूक, वाहतूक, वितरण, विक्री व वापरावर राज्यात 1 जुलै 2022 पासून पूर्णपणे बंदी घालण्यात आली असुन महाराष्ट्र प्लास्टिक आणि थर्माकोल अधिसूचना 2018 नुसार पाचशे रुपये जागेवरच दंड, संस्थात्मक पातळीवर 5 हजार रुपयांपर्यंत दंड,दुसऱ्यांदा वापर केल्यास 10 हजार रुपये, तर तिसऱ्यांदा गुन्हा केला तर 25 हजार रुपये दंड आणि 3 महिन्यांच्या कारावासाची शिक्षा आहे. (Chandrapur nuisance search squad action)


         सदर कारवाई आयुक्त विपीन पालीवाल यांच्या मार्गदर्शनात अतिरिक्त आयुक्त चंदन पाटील, उपायुक्त रवींद्र भेलावे व उपायुक्त मंगेश खवले यांच्या प्रत्यक्ष नियंत्रणात प्रभारी सहायक आयुक्त संतोष गर्गेलवार,डॉ. अमोल शेळके,स्वच्छता अधिकारी भूपेश गोठे,स्वच्छता निरीक्षक महेंद्र हजारे ,स्वच्छता निरीक्षक शुभम खोटे,शुभम चिंचेकर,राहुल गगपल्लिवर, प्रफुल पोतराजे यांनी केली. 

  • Underground drainage system | जुन्या भुमिगत गटार योजनेचा अंत्यविधी, चंद्रपुरात अवतरले आका चे आका

    Underground drainage system

    Underground drainage system : पंधरा वर्षांपूर्वी संपूर्ण चंद्रपूर शहरात टाकलेल्या जुन्या भूमिगत गटार योजनेचा आज जनविकास सेनेतर्फे प्रतीकात्मक दफनविधी करण्यात आला. जटपुरा गेट जवळील जनार्दन मेडिकल समोर मनपाने खोदलेल्या खड्ड्यात आज दुपारी 2 वाजे दरम्यान हा दफन विधी चा कार्यक्रम करण्यात आला. यानंतर 2 मिनिटे मौन पाळून जुन्या भूमिगत गटार योजनेला श्रद्धांजली अर्पण करण्यात आली.

    राजकीय नेत्यांच्या वेशभुषेतील ‘आकाचे आका’ कोण ?

    चंद्रपूर महानगरपालिकेला लुटणारे आयुक्त ‘आका’ असल्याचा तसेच त्यांना संरक्षण देणारे ‘आकाचे आका’ असल्याचा आरोप जनविकास सेनेने एका पत्रकार परिषदेतून केला होता.भूमिगत गटार योजनेच्या प्रतीकात्मक अंत्यविधीला ‘आका, मनपा आयुक्त’, आकाचा आका चंद्रपूर, आकाचा आका जिल्हाधिकारी कार्यालय, आकाचा आका मंत्रालय’ असे फलक छातीवर लावलेले जनविकास सेनेचे कार्यकर्ते प्रामुख्याने उपस्थित होते. Urban drainage project

    उन्हाळा आलाय, कुलर लावंताय तर ही बातमी वाचा


    सुटा बुटात असलेले प्रतीकात्मक जिल्हाधिकारी व त्यांच्या शेजारी मंत्रालयातील सचिव हे आकाचे प्रशासकीय आका असल्याची भूमिका जनविकास सेनेने अप्रत्यक्षपणे स्पष्ट केली. परंतु राजकीय नेत्यांच्या वेशभूषेतील दोघांच्या छातीवर ‘आकाचे आका चंद्रपूर‘ असे फलक लावले होते. जनविकासनेकडून मनपा आयुक्तांच्या भ्रष्टाचाराला लोकप्रतिनिधी संरक्षण देत असल्याचा आरोप करण्यात आला होता. परंतु अंत्यविधीला प्रतीकात्मक उपस्थिती असलेले हे दोन लोकप्रतिनिधी कोण आहेत ? हे मात्र अजून स्पष्ट झाले नाही.

    जुन्या भुमिगत गटार योजनेच्या आठवणींना उजाळा

    प्रतिकात्मक अंत्यविधीच्या वेळी माजी नगरसेवक व जनविकास सेनेचे संस्थापक अध्यक्ष पप्पू देशमुख यांनी मनोगत व्यक्त केले. योजनेच्या अनेक चांगल्या वाईट आठवणी असल्याची भावना त्यांनी व्यक्त केली. तेव्हाचे नगरपालिकेचे पदाधिकारी व अधिकारी यांना मोठा लाभ या योजनेतून झाला.त्यांची कुटुंब सक्षम झाली. त्यांच्या कुटुंबाला आधार मिळाला. अंदाजे 100 कोटी रुपये खर्च करून तयार झालेल्या या योजनेसाठी ५ ते ६ वर्षे संपूर्ण शहर खोदण्यात आले होते. Municipal corruption scandal

    लहान मुले,प्रौढ व जेष्ठ नागरिक या सर्वांनाच ५ ते ६ वर्षे मोठा त्रास सहन करावा लागला. श्वसनाचे आजार, मान व मणक्याचे आजार मोठ्या प्रमाणात वाढले. अनेक नागरिकांना कायमचे आजार जडले. चंद्रपूर शहरातील लाखो लोकांनी मोठा त्याग केल्यानंतर या योजनेचे 90 टक्के काम पूर्ण झाले. Symbolic protest in politics

    घर जोडणी केल्यानंतर योजनेतून दरवर्षी २ कोटी रुपये महसूल प्राप्त होईल असे मागील 10 वर्षाच्या मनपाच्या अंदाजपत्रकामध्ये नमूद करण्यात येत आहे.
    मात्र आता नवीन ५०६ कोटी भूमिगत गटार योजनेचे काम सुरू झाल्याने जनविकास सेनेने जुन्या गटार योजनेचा प्रतिकात्मक अंत्यविधी केला.

  • Cooler maintenance tips | तापमानात वाढ, कुलर सुरू करताय तर ही बातमी वाचा

    Cooler maintenance tips

    Cooler maintenance tips : चंद्रपूर:- उन्हाळा लागताच अंगाची लाही लाही होऊन घामाच्या धारा वाहायला सुरू होते. थंड हवा मिळावी, यासाठी कुलर लावले जातात. उन्हाळ्यात केवळ चार महिने वापरला जाणारा कुलर आठ महिने अडगळीत ठेवलेला असतो. फेब्रुवारी महिना उजाडताच तापमान वाढण्यास सुरुवात झाली आहे. त्यातूनच कुलर बाहेर निघताना दिसत आहेत.
    कुलर थंड हवा देणारे यंत्र असले तरी ते इलेक्ट्रिकवर चालणारे आहे. त्याचा वापर करतांना योग्य काळजी घेणे गरजेचे आहे.

    कुलर मध्ये पाण्याचा वापर केला जातो. यामुळे कधी शॉक बसेल, याचा नेम नसतो. हीच बाब लक्षात घेऊन अनेक जण दरवर्षी कुलर लावण्यापूर्वी दुरुस्तीची कामे करून घेतात. तापमानात वाढ होण्यास सुरुवात झाली असली तरी अजूनही पहाटे व रात्री थंडी कायम आहे दिवसभर मात्र उकाळ्यामुळे घामाघुन होत आहे अडगळीत पडलेले घरातील कुलर काढणे सुरू केले.

    स्थानिक गुन्हे शाखेच्या कारवाईने वाळू तस्करांचे धाबे दणाणले


    कुलरला अर्थिंग द्या.

    थंड हवा मिळावी, यासाठी कुलर मध्ये पाण्याचा वापर केला जातो. त्यामुळे शॉक लागण्याची अधिक शक्यता असते. अशावेळी कुलरला अर्थिंग देणे आवश्यक आहे. तसेच कुलरचा शॉक लागून मृत्यू झाल्याच्या घटना दरवर्षीच घडतात त्यामुळे काळजी घेणे आवश्यक आहे.
    मोटार, वायरिंगची तपासणी का करावी? Prevent electric shock from cooler

    थंडी गायब होऊन ऊन तापण्यास सुरुवात झाली आहे. त्यामुळे स्वेटर कपाटात गेले असून कुलर बाहेर काढण्यास सुरुवात झाली आहे.
    कुलर दुरुस्तीची कामे अजून वाढलेली नाही तापमानात वाढ होताच नागरिक नवीन कुलर खरेदीसाठी किंवा गवत, जाडी, मोटार, आदि खरेदीसाठी गर्दी करतात.

    अडगळीत ठेवलेल्या कुलरची उंदरांकडून वायरिंग कुडतडली जाण्याची अधिक शक्यता असते. त्यामुळे कुलर सुरू करण्यापूर्वी मोटार व वायरिंग सुस्थितीत आहे किंवा नाही तपासने गरजेचे आहे. Air cooler wiring check

    उन्हाळा लागताच कुलर दुरुस्तीच्या कामांना वेग येतो. यात मोटार, जाडी, गवत बदलविण्याची कामे होतात या वस्तूंच्या किमती वाढल्या आहेत.

  • Corruption in Chandrapur Municipal Corporation । चंद्रपुरातील भ्रष्टाचाराचे आका? माजी नगरसेवक देशमुख स्पष्टच बोलले

    Corruption in Chandrapur Municipal Corporation

    चक्क शंभर कोटी रुपयांची भूमिगत गटार योजना पूर्ण झालेली असताना नवीन भुमिगत गटार योजनेकरिता 450 कोटी रुपयांची निविदा काढण्यात येते, 450 कोटी रुपये अंदाजपत्रक असलेले हे काम मर्जीतल्या कंत्राटदाराला दर वाढवून 506 कोटी रुपयांमध्ये देण्यात येते, अनेक काम अपूर्ण ठेवणाऱ्या व कराराचा भंग करणाऱ्या पहिल्या अमृत योजनेच्या कंत्राटदाराची सर्व देयके मंजूर करून त्याला कारवाईतून अभय देण्यात येते व त्याची शिल्लक कामे मनपा स्वतःच्या पैशातून करते , शंभर कोटी रुपयांच्या कचरा संकलनाचे काम सर्वोच्च न्यायालयातून रद्द होते पण निविदा प्रक्रियेत गैरव्यवहार करणाऱ्या विरुद्ध कारवाई होत नाही. Corruption in Municipal Corporations


    आम्ही तक्रार केल्यानंतर फाउंटेनच्या कामाची, पाणीपुरवठ्याच्या खाजगीकरणाची तसेच लोकसभेच्या आदर्श आचारसंहितेचे उल्लंघन करून काढलेली रामाळा तलावाच्या सौंदर्यीकरणाची 24 कोटी रुपयांची निविदा रद्द होते पण दोषी अधिकाऱ्यांविरुद्ध कारवाई होत नाही. Amrut Scheme Scam


    चंद्रपूर शहर महानगरपालिकेत आम्ही आजपर्यंत उघडकीस आणलेल्या अनेक घोटाळ्यावर शिक्कामोर्तब होऊनही कारवाई का होत नाही ? जिल्हा प्रशासन किंवा शासन झोपले आहे का ? हा आमचा सवाल आहे.
    महानगरपालिकेतील भ्रष्टाचारा विरुद्ध विधानसभेत किंवा लोकसभेत (केंद्र सरकारच्या अमृत योजनेतील घोटाळ्याबाबत) कोणतेही लोकप्रतिनिधी आवाज का उचलत नाही? महानगरपालिकेची तिजोरी लुटणाऱ्या विरुद्ध शासनाला कारवाई करायला भाग का पडत नाही ? हे सुद्धा गंभीर प्रश्न आहेत. Urban Development Corruption

    चंद्रपूर मनसे कामगार सेनेच्या आंदोलनात नाटकीय घडामोड


    चंद्रपूर शहराची दुर्दशा होण्यास मनपा प्रशासनातील ‘आका’ आणि या ‘आकां’ना संरक्षण देणारे सरकारमधील मंत्री, प्रशासनातील वरिष्ठ अधिकारी आणि जिल्ह्यातील लोकप्रतिनिधी जबाबदार आहेत. हेच ‘आकाचे आका’ आहेत.हे केवळ ‘आकां’कडे दुर्लक्षच करत नाही तर त्यांच्याविरुद्ध कोणतीही कारवाई होणार नाही याची काळजी सुद्धा घेतात.
    मनपा प्रशासनातील या ‘आका’ व त्यांना संरक्षण देणाऱ्या ‘आकाच्या आका’ विरुद्ध जनविकास सेनेतर्फे ‘जनसंघर्ष अभियान’ सुरू करण्यात येत आहे.

    बुधवार 12 फेब्रुवारी 2025 पासून या अभियानाला सुरुवात करण्यात येईल अशी माहिती मनपाचे माजी नगरसेवक व जन विकास सेनेचे संस्थापक अध्यक्ष पप्पू देशमुख यांनी आज घेतलेल्या पत्रकार परिषदेमध्ये दिली.पत्रकार परिषदेला जनविकास सेनेचेघनश्याम येरगुडे, इमदाद शेख, नितीन बनसोड, कुशाबराव कायरकर,सुभाष पाचभाई,प्रफुल बैरम, अमोल घोडमारे, आकाश लोडे, गितेश शेंडे, सतिश घोडमारे, मनीषाताई बोबडे, स्नेहल चौथाले, अरुणा महातळे, मेघा मगरे, अरुणा मांदाडे उपस्थित होते. Chandrapur Municipal Corruption

    मनपाच्या मुजोर अधिकाऱ्यांचा माज उतरवणार

    मनपाच्या भ्रष्टाचार व भोंगळ कारभाराविरुद्ध आंदोलन करणाऱ्या जनविकास सेनेला मंडप व होर्डिंग साठी मनपा प्रशासनाने परवानगी नाकारली. मुख्यमंत्र्यांच्या आगमनाच्या वेळेस लावलेल्या अवैध बॅनर बाबत विचारणा केल्यानंतर उपायुक्त खवले यांनी मुजोरीने उत्तर दिले. भाजप कार्यकर्त्याच्या नावाने डमी परवानगी मागितल्यानंतर संबंधित कर्मचारी बोधनकर व नागोसे यांनी एका तासात बॅनर व मंडपाची परवानगी दिली.या बाबतचे पुरावे व ऑडिओ क्लिप देशमुख यांनी पत्रकार परिषदेत सादर केले. Public Fund Misappropriation

    आंदोलन करणाऱ्या विरुद्ध पोलिसात खोट्या तक्रारी करण्यापर्यंत मनपा आयुक्त विपिन पालीवाल यांची मजल गेली आहे. सत्ताधाऱ्यांच्या आशीर्वादाने मनपा प्रशासनातील अधिकारी व कर्मचाऱ्यांना माज आला आहे. जिल्हाधिकारी व पोलीस अधीक्षकांना याची लेखी माहिती दिली असुन त्यांनी कारवाई न केल्यास जनविकास सेना मनपा प्रशासनातील मुजोर अधिकारी व कर्मचाऱ्यांचा माज उतरवण्याचे काम करेल असा इशारा यावेळी देशमुख यांनी दिला.

  • Ghugghus city development Progressive । “घुग्घुसच्या सर्वांगीण विकासासाठी ठोस पावले – नागरी सुविधा, स्वच्छता आणि क्रीडा संकुल उभारणीला गती”

    Ghugghus city development

    Ghugghus city development : विकासाच्या दिशेने ठोस पावले उचलण्याची गरज आहे. घुग्घुस शहराच्या आणि परिसराचा सर्वांगीण विकासासाठी कोणतीही तडजोड स्वीकारली जाणार नाही, नागरी सुविधा, स्वच्छता, पाणीपुरवठा, (Water supply schemes in Ghugghus) क्रीडा संकुल आणि पुनर्वसन योजनांवर ठोस निर्णय घेऊन त्यांची तातडीने अंमलबजावणी होणे गरजेचे आहे. निधीची गरज असल्यास शासनाकडे प्रस्ताव पाठवा, आम्ही पाठपुरावा करू, घुग्घुससारख्या वाढत्या शहरांसाठी नियोजनबद्ध विकास महत्त्वाचा असून, तसे नियोजन करण्याच्या सूचना आमदार किशोर जोरगेवार यांनी केल्या आहे.

    चंद्रपुरात मनसेचे आंदोलन

    चंद्रपूर शहर आणि घुग्घुस परिसरातील विविध विकासकामांचा आढावा घेण्यासाठी जिल्हाधिकारी कार्यालयात बैठक पार पडली. या बैठकीत अमृत 2.0 (Amrut 2.0 development projects) अंतर्गत सुरू असलेल्या विकास प्रकल्पांबाबत सविस्तर चर्चा करण्यात आली. तसेच, शहरातील स्वच्छता, घुग्घुस नगर परिषदेच्या प्रलंबित प्रकल्पांबाबत आणि क्रीडा संकुल उभारणीसाठी आवश्यक जागेच्या उपलब्धतेसंदर्भात महत्त्वपूर्ण निर्णय घेण्यात आले. Urban planning in Chandrapur

    या बैठकीला जिल्हाधिकारी विनय गौडा, उपविभागीय अधिकारी संजय पवार, तहसीलदार विजय पवार,  घुग्घुस नगर परिषद मुख्य अधिकारी राजनकर, नायब तहसीलदार राजू धांडे, क्रीडा अधिकारी  तसेच इतर संबंधित अधिकारी आणि भाजप नेते मनोज पाल, दशरथ सिंग ठाकूर, संतोष नुने, संजय तिवारी, राजकुमार गोडछेडवार, श्याम आगदरी, निरीक्षण ताद्रा, साजन गोहणे, सोनल भरटकर, स्वप्नील वाढई, विजय सिंग, मयूर कलवल, राजेश मोरपाका, विशाल दामीर उपस्थित होते.

    बैठकीत घुग्घुस नगर परिषदेच्या विकासकामांचा सविस्तर आढावा घेण्यात आला. तालुका क्रीडा संकुलाच्या उभारणीसाठी २५ एकर जागा उपलब्ध करण्यासंदर्भात चर्चा झाली. तसेच, नगर परिषदेच्या हद्दीत असलेल्या शासकीय जागांचा वापर पाणीपुरवठा प्रकल्प आणि घनकचरा व्यवस्थापन यासाठी करण्यात यावा, यावरही भर देण्यात आला. भूस्खलन आपत्तीग्रस्त भागातील नागरिकांसाठी पुनर्वसन उपाययोजनांवर चर्चा करत, त्यासाठी आवश्यक निधी मिळवण्यासाठी पाठपुरावा करणार असल्याचे यावेळी आमदार किशोर जोरगेवार म्हणाले.

    नगर परिषदेच्या इमारतीसाठी निधी उपलब्ध करून देण्याच्या मुद्द्यावरही चर्चा झाली. घुग्घुसमधील एसडब्ल्यूएम क्षेत्राची स्वच्छता करण्यासाठी आवश्यक निधी मिळावा, यासाठी शासनाकडे प्रस्ताव पाठवण्यात यावा, असे निर्देश आमदार किशोर जोरगेवार यांनी दिले. याशिवाय, सर्वे क्रमांक ३१८ वरील निस्तार हक्क काढण्याच्या प्रक्रियेवर या बैठकीत विचारविनिमय करण्यात आला. बैठकीदरम्यान, सामाजिक दायित्व निधी अंतर्गत डस्ट सक्शन मशीन उपलब्ध करण्यासाठी प्रयत्न करण्याचा निर्णय घेण्यात आला. १५ व्या वित्त आयोगाच्या अंतर्गत जिल्हा परिषदेकडे असलेल्या १.१५ कोटी निधीच्या विनियोगावर चर्चा झाली. त्याचा उपयोग विकासकामांसाठी करण्याच्या दृष्टीने उपाययोजना करण्याचे निर्देश आमदार किशोर जोरगेवार यांनी दिले. मायनॉरिटी विभागाकडून मंजूर झालेल्या २५ लाख निधीच्या वापराबाबतही सविस्तर माहिती घेण्यात आली असून, आवश्यक तेथे हा निधी वापरण्याच्या सूचना आमदार किशोर जोरगेवार यांनी केल्या. (Ghugghus Municipal Council)

    या वेळी बोलताना आमदार जोरगेवार म्हणाले, “विकासकामे वेळेत पूर्ण होण्यासाठी स्थानिक प्रशासनाने अधिक जबाबदारीने काम करणे गरजेचे आहे. प्रलंबित प्रकल्प वेळेत पूर्ण करण्यासाठी शासनाकडून आवश्यक निधी मिळवण्यासाठी आम्ही प्रयत्नशील आहोत. नागरिकांच्या सोयीसाठी, शहर स्वच्छता आणि सार्वजनिक आरोग्याच्या दृष्टीने महत्त्वाचे प्रकल्प वेगाने राबवले जातील. या बैठकीच्या माध्यमातून शहराच्या सर्वांगीण विकासाला गती मिळेल. घुग्घुससारख्या वाढत्या शहरांसाठी नियोजनबद्ध विकास महत्त्वाचा आहे. क्रीडा संकुलासाठी जागा उपलब्ध करून देणे, स्वच्छतेसाठी आवश्यक यंत्रणा उभारणे आणि नगर परिषदेच्या इमारतीसाठी निधी मिळवणे या प्राधान्याच्या बाबी आहेत. नागरिकांच्या मूलभूत गरजा पूर्ण होण्यासाठी प्रशासनाने अधिक जबाबदारीने कार्य करावे, अशा सूचना आमदार किशोर जोरगेवार यांनी केल्या.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by